كيفكم يا غاليات انا متل ما بتعرفو بدي اتزوج وفي شغلة كتير قالقتني
انو كل البنات بزيلو الشعر عن المنطقة الحساسة سامحوني على صراحتي
بس انا مستحيل اخلي حد يشوفني يعني في بنات بخلوه حد من ئريباتهم يشيلولهم اياه
وانا هاد الشي مستحيل اعملو
انا مرتين طول حياتي بس عملت واستعملت الشمع بس كنت كتير خايفة وما عملت الا من فوء وما عملت من تحت كتير لانو كنت خايفة عالغشاء وخايفة انو يوجعني اكتر
هلا مش عارفة ايش اعمل لانو ما يكون ولا شعرة انتو كيف عملتو ساعدوني وبدي اسالك بالنسبة لاستعمل شفرة او معجون انا بعرف انو بعمل سواد ومش كويس
شو رايكم انتو ارشدوني بهالموضوع لانو والله انا متاكدة انو مش بس انا قالقني هاد الشي واكيد في بنات متلي والله بيوم خطبتي ئعدت جمبي عروس انها بتحكلي ما ئامت الشعر من المنطقة الحساسة من كتر ما هي خايفة يعني اكيد في حل لهالمشكلة الي بنواجهها خاصة البنات يعني ولسة في شغلات كتير رح اسالكم عليها وبدي تساعدوني ارجوكم حبيباتي انتو
