 |
  |
|
|
|
|
#1 |
|
:: كاتبة نشيطة :: |
وإذا يعنى تضايقنا..!
بنغيّر شيء؟ وإذا مات الزهر فـ أجمل حدايقنا بنغيّر شى؟ وإذا بـ هدومنا ضقنا بنغيّر شى؟ كثير نمر بعض أحيان بـ ضيقة بال زعل صاحب وحاجة مال شتيمة شخص مايعرفك!! عتب قارئ ونزعل حيل نتضايق وإذا يعنى تضايقنا..! وإذا يعنى تضايقنا..! هى الضيقة بتكون الحل!! إذا كانت شموس الوقت تحرقنا هى الضيقة بتكون الظل!! إذا غابوا جميع الناس وتفارقنا هى الضيقة بتكون الخِل!! وإذا يعنى تضايقنا..!! وكثير من التعب ذقنا وسهرنا الليل بيجى صبح ويفرقنا ونبكى سيل لين الدمع يغرقنا ولابه شخص فـ الدنيا بليا هم أحد ضايق سبب فاتورة الجوال أحد ضايق عشر سنين متزوج وربك مارزقه عيال أحد ضايق لأن البيت به صجه وزحام أطفال أحد ضايق من السكّر أحد ضايق لأنه نايم مبكّر أحد ضايق لأنه حبها بـ خبال أحد ضايق لأنه مامعاه ريال هموم أكثر من اللازم وتخنقنا سؤال الحال!! وإذا يعنى تضايقنا..؟ وإذا يعنى تضايقنا..! من اللاشى الى اللاشى على اللاشى تخانقنا وندخل فى نوايا الناس أظن فلان يقصدنى أظن السيدة فلانه تسب الأنسة فلانة عشان العانسة فلانة أظن الناس هنا بالحيل تكرهنى أظن السيدة فلانة تعالج من مرض نفسى أظن فلان غبى ويشابه الكرسى أظن فلان لها يكتب شعر حتى تغنى به أظن البنت بنت شيوخ أظن البنت لعّابه أظن البنت كذابه أظن البنت حطت (ورد) وسط(الرد) سبب من شان نتعرّف وأتقرف ترانا ناس فينا كذب وغبى منهو يصدقنا وإذا يعنى تضايقنا..!! وإذا يعنى تضايقنا..! إذا راحوا وخلّونا نسوا كل الكلام العذب بكّونا وعرفنا بـ يوم بأن كل الحكاية كذب ملّونا وإذا خيّم علينا الليل ماأشرقنا وإذا ضقنا وصار الحرف حبال فى مشانقنا بعد هذا وإذا يعنى تضايقنا..! وإذا يعنى تضايقنا..!! إذا هذا الزمن لبّسك ثياب فـ يوم مو قدّك بتحط ايدك على خدّك وتبكى حيل إذا هذا البحر ضيّق ولايقدر على مدّك بتحط ايدك على خدّك وتبكى حيل إذا كل الجمر هذا عجز يصنع عطر ندّك بتحط إيدك على خدك وتبكى حيل إذا خدك طبع حزنه على يدك وعرّقنا أقول لك شى وإذا يعنى تضايقنا..!! وإذا يعنى تضايقنا..! وطفينا دروب النور وعتّمنا المدن والدور ويتّمنا شجر وزهور وكتّمنا رقيق شعور وشتّمنا علو السور عشان اشياء هى الاتفه من الأتفه من الاشياء رجل خاين " ماهى دوم الرجال تخون..!" وماهو باين وجود عيون خيانة بنت " ماهى كل البنات تخون..!" لكن انت ترفرف من تنادى لك" حبيبى العاشق المجنون" وبعد هذا وإذا يعنى تضايقنا..!! وإذا يعنى تضايقنا..! ومشوا عنّا كثير أصحاب وتفارقنا وشققنا الورق للريح بعض فرقا تكون الحل قبل نطيح بعض فرقا مثل جمرة وحنّا الشيح بعض فرقا كثير أكرم من التجريح بعض فرقا تجى جيّة دعا وتسبيح كثير أصحاب فارقنا ونسيناهم كأن كانت علاقتنا علاقة وقت مصالح وانتهت يمكن قرابة دم أو جيران يمكن تشابه هم يمكن واللى يهم ماضقنا وإذا يعنى تضايقنا..!! وإذا يعنى تضايقنا..! وطيّرنا فراش النوم ومسحنا كل الوانه وإذا سيطر على جوّك حزن ووجوم وبديت تفسر الاشياء على كيفك زعلك لـ غيبة فلانه وبنت كنت تعرفها قبل مدة وتفارقتوا وجتك تقول: ولهانة وبنت كل ماتحاول تصارحها بـ أحبك حيل تستأذن: بروح آنام نعسانه وبنت تعشق الدافى من الهرج وتمرّك حيل بردانه كثير أشياء غلط حولك وجوه الناس تعبانه قلق مدرى طفش مدرى تعب مدرى قرف مدرى ترف مدرى الناس زهقانه كثير اشياء تزهقنا وإذا يعنى تضايقنا..! وإذا يعني تضايقنا..!! بيهمّ الناس بيخلّي أحد بارد يفيض إحساس بتصنع هذي الضيقه علاقة حب مابين الحطب والفاس وإذا يعني زعلنا بيوم لإمر ما وطار نعاس وإذا فينا خنقنا أنفاس وحلّقنا يتغيّر شي إذا يعني تضايقنا؟؟ وإذا يعني تضايقنا..!! ماهو حتى المطر يهجر حديقتنا وتنبت فينا ضيقتنا وتغرقنا سيول الملح والدمعة صديقتنا ولابه شخص فـ الدنيا تهمه ضحكتك غيرك لذا إضحك ولاترمي بذور الشر في خيرك لذا إضحك كثير أشياء من الأجمل تحاول دوم تسرقنا لذا أضحك وقول بحب: وإذا يعني تضايقنا!! وإذا يعني تضايقنا..! بهدوء أكثر...!! وإذا يعني تضايقتي وجمعتي كل هـ العتمة ولا أشرقتي وقلتي في قرف مزمن : أحس الوقت مو وقتي!! وإحس اني تعبت أكثر من الأكثر من همومي وقولي لطيحتك: قومي!! وقولي لكل هذي الأرض: بآعلّي.. وإنطري غيومي!! تعبتي كثير تلومي النفس ويخنقك البكا ساعات!!! ولا واحد بحزنك حس بدفا العبرات!! وإذا يلمح أحد تقصير كذا من غير مانقصد هنا تنصب مشانقنا بعد هذا وإذا يعني.. تضايقنا..؟؟ رآقت لي واتمنى ان تروق لكـم :0154: |
|
|
#2 |
|
|
رد: وإذا يعني ...........تضايقنا..!
مشكوووره على الطرررح
وتنبت فينا ضيقتنا وتغرقنا سيول الملح والدمعة صديقتنا ولابه شخص فـ الدنيا تهمه ضحكتك غيرك |
|
|
#3 |
|
|
رد: وإذا يعني ...........تضايقنا..!
مـــــــــــــــشــكوررره
يـاعـيون ســــعــــود ع الـــــــــــــرد |
|
|
#4 |
|
|
رد: وإذا يعني ...........تضايقنا..!
مشكورة
|
|
|
#5 |
|
|
رد: وإذا يعني ...........تضايقنا..!
يعطيك العافيه حبيبتي ..
دام لنا رقي ذوقك .. تقبلي زحلطتي "" |
وإذا يعني ...........تضايقنا..!