 |
  |
|
|
|
|
#1 |
|
:: كاتبة نشيطة :: |
على مدى سنوات الطفولة والمراهقة يقطع الابن منزل أسرته وهو يستمع للنصائح والجمل نفسها ، بأساليب وجمل ثابته لا تتغير …
فأصبحنا بمرور الوقت نحفظها جيداونتوقعها … ” واهالينا يقولوها واحنا نكمل لهم “ . . هذه المقولات التى أصبحت سمة مميزة للبيت المصري , تعمق المحبة فى قلوبنا تجاه أهالينا ، وتجعلنا نكتشف كم القلق والمسئولية التى عاناها أهالينا… فى سبيل ان تقف وأنت كبير وسط الناس فخورا برأيهم فيك … وهم يقولون ” شكله ابن ناس ومتربى “ . كفاية مقدمات بقى وأخليكم مع الموضوع . . - مش عاوزه أسمع صوت . - ماتردش عليا . - تقعد فى أول صف قدام السبورة . - لو مش فاهم حاجة .. ارفع إيدك وقول للأستاذ مش فاهم … - اللى بيشيل قربة مخرومة بتخر عليه لوحده . - ومالها الكتب بتاعت الوزارة . - بص كويس وإنت بتعدى الشارع . - ماتتأخرش بعد المدرسة وتقعد تلعب مع أصحابك . - افرد ظهرك وأنت ماشي . - مافيش مذاكرة على المزيكا … أو .. بتذاكر إزاى والبتاع ده شغال جنبك . - ما تمشيش حافى فى السقعة دى . - صليت العصر ..؟! ( إشمعنى العصر بالذات ….!) ربنا يهديك … ربــنــا يــهــديــك … أو … إنك لا تهدى من أحببت . - إطفى التليفزيون وقوم ذاكر … أو … إطفى التليفزيون وقوم خش أوضتك . - إوعى تقول لحد هات لى حاجة . - إقفل صدرك هتاخد برد . - بلاش وقفة فى الشبابيك والبلكونات . - كل على مهلك .. وأمضغ كويس .. وماتاكلش وإنت واقف وكل من قدامك مش من نص الطبق . - المسلسل مش هاينفعك … قوم . - كفاية رغى فى التليفون . - ماتقعدش قدام المروحة وإنت مستحمى . - وإنت فاكر إحنا مستنيين منك حاجة ؟! - ماتعليش صوتك . - بلاش لعب فى الشارع . - ( في ليلة الامتحان ) يا ابنى اللى ذاكر ذاكر خلاص .. قوم نام . - بلاش لعب بالمقص .. بيجيب النكد . - يا ابنى كلم خالتك العيانة .. اسأل عليها . - إوعى حد غريب يديلك حاجة تاكلها او تشربها وتاخدها منه . - بلاش النوم لحد الضهر . - لازم تاكل سلطة . - لازم تحترم الأكبر منك . - كلمنا لما توصل . - بلاش أكل بره . - إنت فاكرنا نايمين على ودانا . - وطى المدعوق ده شوية ( المدعوق عادة ٍ بيكون الراديو او التليفزيون ) . - قوم إقرالك كلمتين ينفعوك . - إيه اللامبالاة والاستهتار اللى إنت عايش فيهم دول . - إنت فاكرنا لاقيين الفلوس دى فى الشارع . - ما تتكلمش بصوت عالى فى الحمام . - ماتنامش غير لما تغسل سنانك . - ماتلزقش فى التليفزيون كده …. نظرك هايضيع . - ضرب أمثلة تشجع على الكفاح .. أشهرها : المثال بتاع أحد الاقارب اللى كان بيذاكر على لمبة جاز أو على نور العامود فى الشارع ونجح وأخد الدكتوراة وسافر وأشتهر في أوربا ) - سلم على عمك كويس يا ولد . - ماتطلعش إيدك من شباك العربية . - ربنا يرزقك بعيل يوريك اللى وريتهولى . - ماتقعدش صدرك عريان كده قدام إخواتك البنات . - حول القناة دى … مليانة مسخرة وقلة أدب . - طلع إيدك من جيبك وإنت بتكلمنى . - قصة الغريق اللى كذب اللى كل مرة يقول إلحقونى .. لحد ما غرق بجد ( قصة التخويف من الكدب ) . - التهديدات المخيفة شكلا .. والكارتونية موضوعا .. مثل :هاقطم رقبتك … هاقطع لسانك … هادبحك دبح. يارب يعجبكم الموضوع مستنيا اشوف ردودكم مواضيع ذات صلة |
|
|
#2 |
|
|
رد: أشهر الجمل التي تقال في البيت المصري
ههههههههههه واللهى كله صح بس انا كان بيتقال لى اكتر من كده بكتير
|
|
|
#3 |
|
|
رد: أشهر الجمل التي تقال في البيت المصري
هههههههههههههههههههههههههههههه ههههههههههههههه
لا تعليق |
|
|
#4 |
|
|
رد: أشهر الجمل التي تقال في البيت المصري
هههههههههههههههههههههههههههههه
روعه هالنصائح |
|
|
#5 |
|
|
رد: أشهر الجمل التي تقال في البيت المصري
هههههههههههههههههههههههههه
والله كلامك صح كل هالكلام بيتقال عنـــــــدنــــــــا  |
أشهر الجمل التي تقال في البيت المصري