سؤال محرج للبنوتا
بس حبيت اخذ رايكم في شغلة بسيطة و ياريت لو تجاوبون عليها
لو مثلا انتي كنتي طفشانة ونايمه الظهر و صحيتي لقيتي اهلك صاحين وجالسين يتغدون قمتي جلستي معهم و امك عماله تبصلك وتضحك وانتي كل شوي تعدلين بشكلك تحسين فيكي شي غلط
خلص ابوك من الغداء وقام هو واخوانك
التفت عليكي امك وقالت لك :مبروك يابنيتي
انتي : مبروك على ايش (طفشانه ومالك خلق )
امك : اليوم كلمتني حرمه تبيك
طبعا راح تتغير ملامح وجهك ويروح الطفش ويصير وجهك مايحتاج بشوش بس بتستحين من امك وبتخلين وجهك خجول وبتقولين
انتي : وش تبي الحرمة (انواع الاستهبال)
امك : تبيك تكنسين حوشهم وش تبي يعني تصور مع خشتك
انتي : يعني تبي تخطبني (بريئة مرة )
انتي : مابغى اعرس (مسوية قوية وماهمك)
امك : طيب برسله لبنت خالك ( حشا صار ايميل مو ولد )
المهم بعد يومين دقت ام العريس
ام العريس : الو (متحمسة) ولدها جنبها
امك : الو
ام العريس : وشلونكم
امك : طيبين
ام العريس : وش قلتوا
امك : موافقين
ام العريس : اجل ترى يوم الخميس بيجي ولدنا يشوف بنتكم
امك : اوكي ( عادي امك متطورة )
المهم خلصو وانتي بدا قلبك يقول طربق طربق طربق اليوم الاثنين ويوم الخميس قريب
سؤالي هنا ابغى اعرف وش بتسوين من يوم الاثنين للخميس ويوم الخميس بالذات وش بتسوين ؟؟؟؟؟؟؟:11_3_2[1]:
|