شخصيات البنات للضحك فقط

كيفكم حبايبي هاذي شخصيلت بعض البنات
1- الكشيخه::010:
هذي من تشم ريحة طلعة
تروح تطق لك الميك آب وذاك البس الزين وتقعد تزين في هالشعر
يعني مايهمها رايحه للسوق ..لجامعة..زيارة عائلية ...كاشخه كاشخه لو انشاء الله تاخذ لفة حول البيت ____________________________
2- الدلوعه : :070::070:
الدلع غريزة في البنت .. يعني البنت اذا محد دلعها .. تدلع نفسها عادي ماتعوق معها
لكن فيه دلع عن دلع
الدلع الي يجي على طبيعته..ياحلوه ((انا منهم طبعا))
لكن الدلع المصطنع ..واع ع ع ع يحوم الكبد ..ودك تشوتها إذا جت تتكلم
______________________________

3- البنات النصابات :
(عاد هالفئه ياهم قاهريني ودي أفحط في بطونهم )
هذي الكذب عندها ماشي سوقه .. تجيب لكم ذيك النصبه الي مهيب صاحية وتدري انكم ماتصدقونها بس ماعليها من أحد
( فلانه ليش ماشريتي جوال كاميرا تقولك والله انا شايفه جوال عاجبني توه مانزل هنا ...تمر السنين .. وتسألها تقولك إلا الآن مانزل ..)
مدري متى بينزل الأخ ..بس تدرون إذا نزل علمتكم <<<معجزه ذا ماصار جوال_________________________
4- العصبيه : :sdfsg:
فيه نوعية من البنات تعصب بسرعة .. وما تخلي أحد ماتهاوش معه... ولو تقولها خير رمتك بأكبر ما عندها
هذي لو تمر الذبانه عند خشمها ياويلها<<<راحت وطي الذبانه
____________________________

5-الملسونه :
هذي لسانها دايم ناشب في حلقها وعسى ما تقولها كلمه إلا ردت عليك بعشر
يعني يجيك شاب في حالة موب يم أحد .. وتجي البنت تقول : شوفي هذا قليل الأدب من الصبح يلاحقنا ..
مالت عليه .. ودك من يسنعه .. لازم أهزئه عشان يحرم يلحق أحد ..وهو مهوب يمها الضعيف هو في وادي وهم في وادي ثاني

_____________________________
6-راعية سوالف:
يوه هذي النوعية متعبة مرة
يعني تجيك الوحدة تسولف تسولف تسولف... ويالله سكتها إن كانك شاطر
من وين تجيب هالسوالف ماأدري.. وأتحدى إن خلتك تسولف
_____________________________

7- الضعيفة (دابتن سليمة)
فيه بنات ضعيفات لكن موكثير .. هذولي البنات يرضون بأي شيء ..
كل شي عندها ايه الي تبونه .. ماتعرف كلمة لا .

..
______________________________ _

8-فرفوشة و فروحة : :icon_eek:
يعني تحب الضحك والفرفشة والتعليق .. النكد والطفش ماتعرفة .. وتعب نفسياً اذا قعدت مع ناس ثقيلين دم
وحتى لو كان مامعها احد يضحك ويسولف .. تروح تشوف وجهها بالمراية وتقعد تعلق على نفسها وتضحك <<<من ذا الي يتكلم عني

______________________________ _

9-شايفة نفسها:
ياكثر البنات الي شايفات انفسهم .. البعض من البنات يحق لها تشوف نفسها..
لكن بلاك الي مايحق لها .. على ايش شايفة نفسها ... مادري
ماتكلم الناس إلا من طرف خشمها ... واذا ردت ترد عقب الشين
______________________________

10-راعية الطرب والشكشكة :
هذي النوعية من البنات ماتمشي إلا بمسجلها .. وأشرطتها في شنطتها .. هذي إن جلست معها جتك الزيران غصب
_________________________

11-العناد :
بعض البنات عنيدات
يعني إذابغوا شي سوه ولا عليهم من أحد
تنجلد.. تنطق.. تنحبس.. تتصفق. تتلسب بالعقال ..ماعليها أهم شي الي في بالها سوته

______________________________ _

الحنانه :
هذي الفئة ماشيه على هالمثل..( كثر الدق يفك الحام )
هذي ياويلك منها إذا بغت شي خذته بس موبالعناد لا بالدندره
يعني إذا بغت شي تقعد تحن على راسك لما تعطيها الي تبيه

___________________________
13-الكريمات:
هذي رهيبه عسى ماتقول أبي كذا إلا وهي جايبته لك ..
وإذا راحت مكان كبت الي في البوك كله <<<هالنوعية لازم أصادقهم عشان أضمن الفطور
______________________________

14- غيورة :
كل البنات غيورات لكن نسبتها تختلف من وحدة للثانية ..
بعض البنات يغارون .. لكن يحاولون يطورون انفسهم للوصل لنفس مستوى الي يغارون منهم .. وهذي الغيرة زينة
لكن البعض الآخر يغارون ويحشون ويحقدون وبس وهذي الغيرة شينة مرة <<< عاد ياكثر الي يغارون مني ليش ماأدري
______________________________ _
15-راعية السوق: :7_18_2[1]::3_4_8[1]:
هذي لو تجيب طاري السوق وهي نايمه فزت
ودايم دوم بالسوق ..لو ماتشتري بس تروح للسوق هذي هي هوايتها
______________________________ ___

16-الطبيخة : :0145:
تلقاها دايم في المطبخ تحوس
ماتسولف إلا عن الطبخ والمطبخ
وماتروح عند احد إلا وصنف من أصناف الطبخ سابقها

______________________________ ______

17-تمسكن لين تمكن :
يعني بالعربي ملكعه <<< طبعا فاهمينها
________________________

18- أم دميعة : :074::074:
هذي لو تقولها .. بخ .. صاحت (تبكي)
دمعتها قريبة وعلى طول تصيح وياشينها
بس القهر اذا الوحدة ماتبي تنزل دمعتها عشان موقف وتنزل ذا الدموع غصب

للعلم منقول