ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > المواضيع المتشابهة للاقسام العامة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
المواضيع المتشابهة للاقسام العامة كافيه صارلك غايب شهرين قصيده للصديق يوجد هنا كافيه صارلك غايب شهرين قصيده للصديق هنا توضع المواضيع المتشابهة


 
قديم   #1

رهينةالدموع

:: كاتبة محترفة ::

الملف الشخصي
رقم العضوية: 107065
تاريخ التسجيـل: Mar 2010
مجموع المشاركات: 1,578 
رصيد النقاط : 0

19751925771893157491 كافيه صارلك غايب شهرين قصيده للصديق


كافيه صارلك غايب شهرين قصيده للصديق

السلام عليكم
اليوم جابتلكم قصيده للصديق
حلوه يارب تعجبكم




كفاية صار لك شهرين غايب عني يالغالي
كفاية يا أعز الناس ترى والله ما أقدر
دخيلك لا تخيب فيك هقواتي وآمالي
واذا انها عالصبر والله وغلاتك عندي راح أصبر
أبتحمل عنا فرقاك وحالي يرثي لحالي
معني والله لين اليوم مدري ليش بس تهجر
أبعرف شالسب أرجوك وشالي بس يجرالي
أنا شسويت ياربي عشان اتثور وتفجر
أنا والله ما أستاهل أبد كل الي يجرالي
أقل مافيها بس قلي سب خلاك تتغير
أبعرف بس شالموضوع علامك صرت ماتبالي
بذمت كل أهلك فيوم شفتني بشي أنا مقصر
عطيتك قلبي وروحي وهبتك حالي ومالي
حملت احساس هالدنيا وعطيته لك وأنا افخر
عشقتك عشق لا قبله ولا بعده انعشق تالي
هويتك موت واتخيل الين الموت واتصور
واذا جاني مسج منك مخزن رقمك الغالي
ولا أمسح رسالاتك أتم أقراها وأفكر
وأحل كل كلمة بالمسج الله ياغربالي
وأقول بخاطري معقولة حاس فيني ويشعر
وأرد أقول لا يمكن تذكرني واهو سالي
لأني توني مطرش مسج ..طرش مسج يشكر
وأرد أقول لا أدري يبيني وحاس بحالي
وأرد أقول لا ماظن على باله أنا أخطر
الين اني أنا اتأكدت قلبه بالفعل خالي
ولا غيري أنا فقلبه يحبني موت ويقدر
لأني مرة من المرات طرت فكرة على بالي
نويت أزعل بدون اسباب وأشوفه لو بيتأثر
أبعرف قدري بقلبه بيهمه وضعي الحالي
أو انه راح يطنشني ولا يسأل ويستفسر
وفعلا دق ماجاوبت حرقلي والله جوالي
3 آلاف مرة دق وأنا مطنش ولا معبر
كتب لي بالمسج اطلع آنا عند بابك الحالي
قسم بالله ما تطلع لأخربها أنا واحدر
ومشكلتي أحرفه زين يسويها ولا يبالي
نزلت وخاطره مكسور يقول شفيك متغير
وقلت له بس أبتأكد اذا قدر معك عالي
ضحك لي وقال لي اتأكدت ودمعه بل المحجر
وطارت فيني الدنيا لمكاني صاحبي جالي
تعذر لي وأنا الغلطان وأنا الي لازم أتعذر
وبعدها عشت أحلى أيام في قربه هنيالي
وصلنا لمرحلة مانفترق عن بعضنا وأكثر
بعدها فجأة خلاني ولايسأل عن أحوالي
وأنا في خاطري أدري مو حالف يوم يتغير
أدقله مايجاوبني بديت أشك في حالي
أخاف انه حصل له شي أخافه بس متكدر
لعب في قلبي الوسواس خياله ماتهيالي
حوالي 1000 مسج طرشت حبيبي ياعسى ماشر
ولا جاوب وأنا قاعد على أعصابي وغربالي
حبيبي صارله اسبوع وفيني حتى مافكر
الين اني عرفت شلون أخلي خلي الغالي يكلمني
وجت فكرة بعد مامت وأنا أفكر
وفعلا اتصل فيني وبدت أحزاني وأهوالي
وكانت صدمتي كبيرة علي الغالي يتكدر
وكانت صدمتي كبيرة علي الغالي يتغير
سألته قلت له وشفيك مامن شر يالغالي
وشالي صار بالدنيا علامك ليش متبعثر
أو انك يعني ماتدري بدونك صرت أنا لحالي
ولا لي خلق أي انسان كثر مافيك أنا أفكر
وجاوبني وقال أرجوك أبي هالدنيا تصفالي
أنا مليت من وضعي وأشوف الكل متغير
أنا ضاقت بي الدنيا وأبي أبقى أنا لحالي
خلاص اتركني لا تسأل وأنا برجع عقب أشهر
وقلت له مو علي تكذب أعرفك تضعف قبالي
تكلم قول شالموضوع بدا قلبي يدق أكثر
سكت لحظة وقال أرجوك ابعد عني يالغالي
وخلني أذكرك بالخير وانت مثلي اتذكر
ولا اتطرش مسج واحد ولا اتدق لي أبد تالي
واذا لي خاطرٍ عندك لا تتكلم أبد سكر
وقلت له والله ماسكر الين اتقول وتصفالي
وقال لي والله ماتكلم ولو تبكي دمع أحمر
ولكن شوف ربعك وانت تعرف وش جالي
خلاص افهمها عالطاير لاتحرجني بعد أكثر
وسكر والدمع فيني على الخدين همالي
قسم بالله ماأدري علامه قلبه اتحجر
فؤادي انهار وأنا حملي يهد جبال واجبالي
في لحظة صارت الدنيا في عيني هالكبر وأصغر
حسافة ماتوقعته يصدق فيني عذالي
حسافة ماهقيته يوم يصد عني ويتغير
بعدها صار لي ماصار وربي يعلم بحالي
فؤادي باقي بس شوي وأحسه من الجسم يظهر
بديت أعرق مدري ليش و خابت كل آمالي
أنا توقعت كل الناس ولا توقعت اهو ينكر
وقلت بخاطري خله مصيره يرجع الغالي
أكيد انه سمع أي شي وجوه صار متعكر
ولكن طول غيابه وزادت فيني اعلالي
مرض قلبي تعب فكري وأحسه جسمي متخدر
وقلت خلني أطرش له مسج وأشكيله أحوالي
وطرشت المسج وشوي دق لي ودون مافكر
هلا والله يا أغلى الناس هلا والله بالغالي
ألو طارق ماقلت لك لا تذكرني أو أذكر
أبي بس أذكرك بالخير ياخي خلني في حالي
وقلت وخاطري مكسور أنا آسف وماكرر
قسم بالله لين اليوم وحالي يرثي لحالي
قسم بالله لين اليوم ولا أدري ليش اهو تغير
قسم بالله ماغضت عيوني ولا هدا بالي
قسم بالله مامر يوم الا وفيه أنا أفكر
قسم بالله قلت بنساه بس طيفه يتهيالي
قسم بالله لو حاولت أنا أنساه أتذكر
الين اليوم أنا عندي أمل يرجع ويصفالي
أقول الشوق بيرده على فرقاي مايقدر
الين اليوم وضحكاته وبسماته على بالي
الين اليوم ما أرقد كثر مافيك أنا أفكر
أبعرف شالسب أرجوك وشالي بس يجرالي
أنا شسويت ياربي عشان تثور وتفجر
أنا والله ما استاهل أبد كل الي يجرالي
أقل مافيها بس قلي سب خلاك تتغير
أبعرف بس شالموضوع علامك صرت ماتبالي
بذمت كل أهلك بيوم شفتني بشي أنا مقصر
أنا راح أنتظر ردك ولو حتى بمسج خالي
واذا ماجاني منك الرد وغلاتك عندي راح اصبر
سنة سنتين الي هم أشوف ثاني قبالي
ثلاث سنين أو أربع أبصبر يعني راح أصبر
ولكن حكم احساسك وجاوب يا أغلى كل غالي
بذمة كل أهلك بيوم تنساني ولا تذكر
يهون انك تخليني ولا تسأل ولا تبالي
يهون انك تنام اليل وتركني أنا أسهر
كفاية صار لك شهرين غايب عني يالغالي
كفاية يا أعز الناس ترى والله ما أقدر
دخيلك لا تخيب فيك هقواتي وآمالي
واذا انها عالصبر والله وغلاتك عندي راح أصبر

لكوم ودي


اذا عجبتكم لالالالا تنسوي التقيم

 
قديم   #2

انســـآنة غيـــر


رد: كافيه صارلك غايب شهرين قصيده للصديق


كافيه صارلك غايب شهرين قصيده للصديق

سلمت أناملك...

على هذا الابداع الرائع وعذوبة الكلمات,,,

 
قديم   #3

انســـآنة غيـــر


رد: كافيه صارلك غايب شهرين قصيده للصديق


كافيه صارلك غايب شهرين قصيده للصديق

تستاهلين أحلى تقييم يالغلا

 
قديم   #4

رهينةالدموع


رد: كافيه صارلك غايب شهرين قصيده للصديق


كافيه صارلك غايب شهرين قصيده للصديق

نورتو الصفحه
ياحبي لكم

 
قديم   #5

رهينةالدموع


رد: كافيه صارلك غايب شهرين قصيده للصديق


كافيه صارلك غايب شهرين قصيده للصديق

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟
!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!! !!

 

أدوات الموضوع



الساعة الآن توقيت السعودية الرياض و الدمام و القصيم و جدة 09:01 AM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0