|
#1
|
|
جاري انتظار الخط.....!
جاري انتظار الخط.....!
جاري انتظار الخط والدمع جاري
ليتك ولو مره على رقمي ترد
مليت من صبري وطول انتظاري
وزود على صبري تماديت فالصد
والمشكله خابرك بالوضع داري
بس الدلع والغطرسه مالها حد
ماكنت اظنك تبتعد عن مساري
تقول:ابي ارحل, قلت:بالله من جد
قبل لاتروح ارجوك رد اعتباري
كلمه حنان ولحظة احساس مع ود
أوأعتذار وينطفي حر ناري
ولاأظن جرح القلب يبرى وينسد
دامك جرحته عقب ماكان باري
والله ليبطي جرح والحيل منهد
دخلت انا في عالمك باختياري
عالمك عالم غير والقلب يشهد
يأقرب وصفك من سراب الصحاري
ومشاعرك مثل البحر جزر ومد
فاليوم يطري لك ثمانين طاري
تزعل وترضى وترخي الحبل وتشد
حبك ترى ماهوب حتما اجباري
ولاني على وصلك شفوقاً ومنحد
ان كان تبغى اليوم تسمع قراري
قرت أعز النفس وأنساك وأسعد
وارتاح من همي ونار انتظاري
واحيا وأموت ولا أخضع راسي لحد
من اختيار مشاعري
|
|
|