 |
  |
|
|
|
|
#1 |
|
:: كاتبة فضيّـة :: |
مسك كتفي وهو يهمس .. تراني في غيابك صمت
(مسك كتفي وهو يهمس .. {تراني في غيابك صمت } . كيفكم حبيايبي عسى الله يسعد أيامكم كلها ,’.., .,’,’’,’ من هنا وبها المنتدى الغالي علي .. والقريب لقلبي حيل .,’ هذا أنا قدامكم .. وبعرض لكم بدايه قلم أنولد معي من طفولتي ونما مع الأيام مع تجارب بسيطه .,’ ومتواضعه وأولها القصه الي قدامكم ..,’ القصه الي قدامكم هي عباره عن واقع ملموس مدموج بخيال ., قصتي حقيقيه .. وأبطالها رموز من شخصيات الواقع ., قصتي عنوانها واحد ,’, ومعانيها كثير ,’ بقد ماهي قصه للأستماع .. هي قصه برضو لأخذ الدروس الي تنعرض لنا بها الحياه ,’وفرصها .,’ تحت ظل قصتي ,’ راح يجتمع الحب الراقي والكره البغيض ,’ والقسوه الطاغيه والين المطلوب ,’ ومفردات الرومنسيه الي صنعها احساس قلمي ! قصتي مثل ماراح تشوفون فيها من الكوميديا الكثير ,’ أيضا راح تشوفون وتذوق فيها من الحزن اكثر ...... وأرجع وأقول لاتغركم بدايتها الكوميديه .,وأنتظروا البيقه مابي اطول عليكم اكثر ., اترك لكم القصه تتكلم عن نفسها .. .,’ بطلتها بنت يتيمه الأب (ريم ) رغم مرار اليتم وطعمه الا انها ماقد شكت منه رمت الدنيا وراها وقرت تبتسم رغم المستحيل والظروف الصعبه وتضحك بوقت ماكل الناس يبكون ,’ أرادتها قويه وعواطفها ملك بنت شجاعه ماتهديها لأرخص الناس ,’ عمرها 18 سنه بآخر مرحله من الثانويه فاشله دراسيا مع( مرتبه الشرف )^_^ صغيره العمر أي نعم الأ انها كبيره بأخلاقها ومبادئها ..قلبها قلب طفله وأحلامها أحلام بنت مليانه براآءه .,’ عايشه مع امها واخوانها الثلاثه .. وليد الكبير بالثلاثين من عمره .. شال اهله من صغر سنه وأشتغل وتعب وعانا وحاول قد مايقدر يرفع بيت ابوه بعد مامات هو الكبير ., وكلمته هي المسموعه بالبيت .. شخصيه حاده وجديه لأبعد درجه ممكنه ,’ ياسر بالكليه وبدر بأول ثانوي أي انه أصغر من ريم هالأثنين هماألأقرب دايما لها والأقرب لشخصيتها المرحه أو بالأصح الهبلا ,,’ عندها أخت متزوجه أسمها مها ,’ عندها ولدين ريماس وفيصل .,’ / \ / \ / \/ بدايه ,’ بها الوقت قدها مدارس الرياض للبنات فتحت بيبانها والكل تسهل على بيته بوسيله النقل الي تتوفر له .. ريم بالباص أفتل راسها من السوالف والضحك وخلاص ماعادت تشوف شيئ غير فراشها من التعب تبي تآصل للبيت بسرعه لاكن مو بيدها بما انها باص فمن الطبيعي تلف لف على بيبان خلق الله قبل ماتآصل بيتهم .,’ هنا وصلها سواق الباص عند بيتهم البسيط الخالي من الفخامه والترف أي انه منزل كأي منزل لطبقه الناس متوسطين الدخل وصلت رجلينها عتبت الباب .. وقامت تضرب الباب بأقوى ماعطاها الله من حيل حتى يتفتحون لها شوي الا جت شغالتهم المقروده مليكه تفتح لها .. ريم بعد مادخلت رفست الباب برجلها بتسكره وأول ماشافت وجه شغالتهم بوجههم قرت انا تحط حيرتها فيها .. ريم بعصبيه وجهها احمر من الحر .. هي انتي ساعه على ماتفتحين الباب ياملا الصمخ الي يصمخك ويفكنا منك .. مليكه تنافض ..مدام ريم انا ايش سوي ريم واصلها معها عضت على أسنانها لاتستفرد فيها وتقطعها على دلاختها ريم بوجه معصب تحاول تمسك أعصابها .., أقول تعرفين تطسين عن وجهي ولا أعلمك مليكه اول ماشافت وجه ريم كذا شوي وتذبحها على طول حطت رجلها وماردها الامطبخها دخلت ريم واخلاقها قافله ويالله بالله تشوفمن تأثير الشمس على رأسها شافت قدامها امها .. حست انها للحين ماشبعت من تفريغ العصبيه الي داخلها ودهل تكمل .. وقفت قدام امها ورمت الشنطه من ظهرها الي مافيها الا كتابين ودفتر وتعبانه فيهم بعد على الأرض بفوضويه وقالت .. ريم ,:بالله موحرام عليكم كل يوم تلطعوني مع ملعون الخير شفاقه سواق الباص ياناس انا انسانه عندي قدره تحمل ماصارت كل يوم على هالحال أقعد الف لف بيبان بنات خلق الله كل يوم لما يطق طبلون راسي ثلاثه عندك لاينفعون ولايشفعون ..كل واحد كنه لوح مايقدر يتكرم ويجي يآخذني بسيارته أمها وهي ماسكه راسها وآذانها من صوت ريم الي قاعد يلعلع واصلها وهي بآخر الصاله .. أمها . قصري حسك نعنبوكي من بنت مستلجه ريم وهي مازالت على عصبيتها .,:أسمعوا عاد كلامن ياصلكم ويتعداكم ماني مداومه لين تلقون لي حل ويانا ياأنتم .. وخذت روحها وقامت تصعد بالدرج وتحلطم وتسب وتشتم بالي حولها حتى الدرج ماسلم من شرها وقامت تسبه وصلت لغرفتهالمركونه بزاويه المر والي مغطيها درجات الون الأزرق وتمويجاته رفست الباب برجلها ودخلت ورجعت سكرته وبدون ماتشغل النور غيرت مريولها وكالعاده رمته على الأرض وجابت بنطلونها الجنز ولبسته وسحبت أول بلوزه قدامها تبي تلبسها بعدها على طول رمت نفسها على سريرها بأرهاق خلاص ماتبي شيئ غير تنام جسمها مهدود من يوم دراسي شاق بكل معنى الكلمه.. تبي ترتاح وتنسى كل شيئ وتركز بشيئ واحد الا وهو النوم .. تنظمت دقات قلبها بشويش وحست النوم بدى يتسل لأجفانها .. ونامت . فجأه الأأخوها بدر يفتح الباب بعربجيته المعتاده ويطير النوم من عقل ريم .. ريم فزت من الخرعه وقامت على حيلها ماتدري وش الي صار ولا من الي دخل عليها بها الشكل بدر بصوت عالي .. ريم امي تقول أنزلي تغدى .. ريم ماردت غير أن الدم وصل لراسها وحمر وجهها من العصبيه ماكان ناقصها الا بدر عشان يكمل معها هاليوم .. ناظرت لبدر بعين حاره تنقط شرار وكلمته وهي شاده على أسنادنها . بدر بدر بلاهه ..هاه ريم أشرت على نعله (ونتم بكرامه ) بجنب سريرها وقالت تشوفها .. بدر يستلكع ..وينهي ريم ..شف والي خلقني أن ماذلفت عن وجهي يمين لأجربها على ظهرك بدر يستقوي وريني أشوف ريم كانت بتقوم .. وهو مسك بلوزته وهج ماشافت الاغباره برا الغرفه هنا ريم خلاص حست فيها عرق بيطق النوم وطار وجسمها متكسر وتحس أن حيلها منهد .. حاولت ترجع تنام ماقدرت قامت تتنقل بسريرها مني مناك ماقدرت .. جن جنونها زود وقامت تحسب على اخوانها وأهلها وعشيرتها والناس اجمعين النوم وطار .. عجزت .. مالقت نفسها الاتشيل شلايلها وتنزل تحت تبي تبل ريقها وتشرب لها شيئ على الأقل خذت نفسها ونزلت شافتهم متجمعين حولين السفره بأستثناء اخوها المرعب وليد نادت مليكه .. مليكه تشوس أورنج بليز ياسر كالعاده بيحارشها .: أخس يالعنقليزي أرحمينا ريم .. وهي نازله .. لاحول جانا الثاني ..كني مو ناقصني الا انت ياسر :ليش منهو الاول ؟ ريم :أخوك الجاثوم بدروه فيه غيره يعني أمها :الحين بدال ماتناقرين مع آخوانك ليش ماتجين تاكلين ريم :مابي منسده نفسي أمها نعنبوكي شوفي روحك بطنك لازق بظهرك من النحف بدر هنا عجز يسكت وقام يضحك حتى شرق بأكله .. ياسر قام يضربه بقوه على ظهره .. وشفيك ؟ بدر :وهو مازال يضحك ومحد يدري وش فيه .. لالابس تخيلتها سحليه لازق بطنها على ظهرها آآخ يابطني آآخ .. ريم .. ههههههه يعني المطلوب مني أضحك مثلا لاكن قل آمين ضحكت بدون ضروس ياحي ياقيوم قامت طنشتهم وكلمت امها .. الاصحيح يمه شريخان وينه (تقصد اخوها وليد ) ياسر .. ماتشوفيننا ماخذين راحتنا وفالينها .. مو عشان مهو فيه سعاده المدير أمها معصبه منهم ..لاتقولون كذا عنه .. عساي ماأدور شبهاه للحين ماجاء من دوامه قرى عيني .. ياعلني ماأذوق يومه ولاأذوق غيابه الله يحفظه ويجيب له بنت الحلال الي تسعد قلبه يارب ريم : الله الله . كل هالدعاوي له وشمعنى .. وبعدين حنى وين رحنا ولايعني حنى عيال البطه السوداء وحنى ماندري أمها من حنيتها دمعت عينها ..كلكم ياعلني ماأذوق بس وليد غير بدرمعترض مايصير هاذي تفرقه ريم صرخت ياشيخ ينصر دينك أول مره تقول كلمه صح بدر قام يغمز لها .. احم احم اعجبك ياسر قام من الغداء الله يخلف عليكم بس .. صدق سبك ريم سبك بعينك انت الثاني طايحين من عيونك حنى لاحشى سلامتكم ياشنقل ومنقل .. يالله الحمد لله .. لحضات ودق الجرس قامت نطت ريم تبي تفتحه الا ياسر خرشها خرشه من الي يحبها قلوبكم وقعدها .:ياسر :وش قالولك مافي رجال يفتح . ريم قامت تلقط وجهها سمناه طيب خلاص فتح ياسر الباب الا واخته مها جايه وجايبه معها عيالها فيصل وريماس على طول ريم راحت لهم وضمتهم بأقوى ماعطاها الله من حيل تموت فيهم وتعشقهم .. حتى انها أقصى سعادتها لما تشوفهم قدامها .. قامت تبوسهم من روسهم وخدودهم وتضمهم لقلبها ياناس وه ياحبي لكم بس على طول مسكت يدينهم ودخلتهم وطنشت اختها .. مها: ريموه ياملا العمى ونا رجل حيط ماتشوفيني ريم :يآخي انتي شبعانه منك مقابلتك طول مسيره حياتي لاكن هذولي ماأشوفهم الا بالأسبوع مره ورجعت طنشت اختها وقامت تبوسهم من هنا وتلاعبهم من هنا .. يالله يالله .. قولوا النشيد الوطني تبعي وقفوا تحيه لي زي مادربتكم ريماس وفيصل بقلة حيله وكالعاده بتجنيد أجباري وقفوا قدامها وقاموا ينشدون النشيده الي محفظتهم أياها ياريمونا ياحبيباتنا ياخالتنا الحلوه الحلوه الحلوه مرا أنتي المثال ومكفخه البزران ومكسره راس الي يعادون دوم ريم :هي عفيه عفيه عالشطار ورجعت بوستهم وقالت لهم .. يالله عاد روحوا فوق وأفتحوا شنطتي المدرسه تلقون فيها كاكاو وحلاو وبطاطس كل أبوها وامها خذوا .. يالله بسرعه مها : حسبي الله على عدوينك من بنت جننتي عيالي ريم : وش مدريكي انتي قاعده أأدبهم على أصول التربيه الحديثه دخل ياسر بها الحضه لهم / من الي يبي يأديهم لاتقولين انتي تكفين ريم : مستقل فيني هاه .. بكرا أوريكم لاجو عيالي والله لخليهم مضرب مثل للأخلاق . بدر : مبتسم .. ونتي الصادقه لردى الآخلاق .. والله دامك مهم لايطلعون لك جنن هجن تلقطينهم من السكيك .. واحد سراق سيارات والثاني قتال قتلا .. ريم ونت الصاقد هذولا عيالك .. اص بس اص .. وقامت طنشت بدر وألتفت لياسر . ونت ياسر وشرايك بعيالي ياسر ومره ماكان معهم قاعد يدخن بيد وبيده الثانيه الريموت قاعد يغير ومو مع العالم .. ريم : الي مآخذ عقلك يتهنا به ياسر :وتوه ينتبه لها .. هم .. وش كنتي تقولين ريم :وكأن نطت براسها فكره .. ياسر بطلبك طلبه قل تم ياسر : اخلصي وش عندك يالنشبه ريم :ومغطيه عيونها وجهها لايجيها كف حامي من ياسر ياسر ياحي ياحي .. ابي ابي أجرب أدخن .. قسم بالله ماطول بس تجربه ياسر طير عيونه .. انقلعي لعن الله هالفره .. مابقى الاهي ريم : تحاول تستدرجه والله والله ان وافقت لأخلي منال بنت خالتي تجي اليوم لنا واخليك تروح بنا للسوق مع بعض ياسر وكأنه طخ يوم سمه طاري منال .. وخصوصا انه يعشقها من طفولتها ويموت على الأرض الي تمشي عليها .. أم . لالا لاتحاولين ريم ..ترف رف بعيونها تبي يرحمها .. ياحي بليز ياسر .. أف طيب .. خوذي طيب ورجعيها على طول .. وأنتبهي لاأمي ومها يشوفونك قسم مايرحمونك أبد ريم :والله ماهيب لمي قاعده تسولف مع مها وخاشات بجو ثاني ياسر ولعها لها : وأعطاها .. وريم خذت نفس تبي تجربها وسوت زي حركات الشباب بيدينها ودخلت الزقاره بفمها تبي تسحب نفس فجأه الا وأخوها وليد قدامها وطاحت عينها بعينه على طول طاحت من أيدها الزقاره وشهقت شهقه حست الروح تبي تطلع معها هي من الخرعه طارت عيونها وقامت تشهد على روحها لأنها تدري مذبوحه مذبوحه الله لايعوقها بشر .. وليد هنا لاتعليق .. جن الانس والأرض تجمعت فوق راسه يوم شاف الي شافه أحتار بأيش يذبحها هل هو على طول يزنطها ويرتاح منها ولايلعن خيرها ويلولح هالعقال على ظهرها ...!!!!!! / // / // / // / هاذي مقدمه بسيطه ولمحه لها الشخصيه .. ومحور حياتها .,’ أنتظروني بالاجزاء الجايه .. وقولوا لي أرائكم لأنها بكل تأكيد تهمني ..,’ منقول |
|
|
#2 |
|
|
رد: مسك كتفي وهو يهمس .. تراني في غيابك صمت
تهبل مره كمليها باقرب وقت حلوه الله والله دخلتني جو ثاني يازينها تسلمين
|
|
|
#3 |
|
|
رد: مسك كتفي وهو يهمس .. تراني في غيابك صمت
تسلم الانامل البراقه ابدعت ودي لك وتحياتي |
|
|
#4 | |
|
|
رد: مسك كتفي وهو يهمس .. تراني في غيابك صمت
اقتباس:
[CENTER][SIZE="5"][COLOR="DeepSkyBlue"]كلك ذوق ياقلبي عيونك الحلوين الله يسلم قلبك راح اقول للي كتبهامل[/COLR]SIZENT |
|
|
|
#5 | |
|
|
رد: مسك كتفي وهو يهمس .. تراني في غيابك صمت
اقتباس:
الله يسلم قلبك الابداع منك وفيك لكي مني أرق وأجمل التحايا |
|
