صلوا على النبى




كان ياما كان
أيام زمااااااااااااااااان
أيام سيدنا إبراهيم عليه السلام


كان فيه راجل مسلم
سريع البديهة
مرن
هادئ الطباع


و طبعاُ من أتباع سيدنا إبراهيم عليه السلام


فى يوم سيدنا إبراهيم قلق على ابن أخوه سيدنا لوط عليهما السلام
فكلف سيدنا إبراهيم الرجل دة إنه يسافر لسيدنا لوط و يعرف أخباره علشان يطمئنه عليه


و سافر المسلم


و أول ما دخل المدينة لقا طوبة جامدة بتدحدف على دماغه
فمسك راسه و هو يتألم و بص للراجل اللى حدفه بيها و قال له :
ليه بتحدفنى بالطوب ؟ .. أنا غلطت فيك فى حاجة و أنا مش واخد بالى ؟
فقال له الراجل بعدم اكتراث :
دة أسلوبنا هنا بالترحيب .. و لو مش عاجبك نروح تشتكينى للقاضى


و فعلا راحوا للقاضى
و حكى الرجل القصة بكل بجاحة :
الراجل الغريب دة أنا حدفته بطوبة فى راسه و هو اللى زعلان و مش عاجبه !!!


فراح القاضى حاكم على المسلم بغرامة
فتعجب المسلم و سأل القاضى :
هو المجنى عليه عندكم هو اللى بيدفع تعويض للجانى ؟
فرد القاضى بشدة و بكل ثقة :
آى نعم .. هو دة القانون بتاعنا .. و عليك إنك تحترمه مادمت عندنا


فانحنى المسلم و التقط طوبة كبيرة من على الأرض و ضرب بيها القاضى و قال له :
حقى اللى لىّ عندك إعطيه للى ضربنى



:icon_idea:

أشكركم اخوتى على مروركم الكريم
و مجاملاتكم الرقيقة