ازياء, فساتين سهرة

العودة   ازياء - فساتين سهرة و مكياج و طبخ > أقسام عامة > المواضيع المتشابهة للاقسام العامة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
المواضيع المتشابهة للاقسام العامة حال البنات لمايبون يروحون لأي عرس؟.؟.؟.؟ يوجد هنا حال البنات لمايبون يروحون لأي عرس؟.؟.؟.؟ هنا توضع المواضيع المتشابهة


 
قديم 05-27-2010, 11:23 AM   #1

نور من الكويت

:: كاتبة مميزة ::

الملف الشخصي
رقم العضوية: 109906
تاريخ التسجيـل: Apr 2010
مجموع المشاركات: 861 
رصيد النقاط : 0

فراشة متحركة حال البنات لمايبون يروحون لأي عرس؟.؟.؟.؟


حال البنات لمايبون يروحون لأي عرس؟.؟.؟.؟

شوفو حال البنات إذا بتروح حفل زفاف


لما تجيك دعوة الى حضور حفل زفاف لاحد الاشخاص

فإن الحريم في المنزل يعلنون حالة الطوارئ في اليوم الموعود


فتلقاهم صافين طابور عند باب الحمام .. من أجل أخذ دش بارد

<<< لانهم مؤمنات بالقاعدة الفيزيائية

التي تقول : ان الاجسام تتقلص بفعل البرودة

************ *******


ثم يهبون الى غرفة العمليات

فتحصلهم مايخلون مراية في حالها ..

** فتلقى منيرة عند مراية التسريحة تتمكيج


** وخلود عند مراية الدولاب تركب عدساتها


** ورقية عند مراية المدخل حق البيت تستشور شعرها


** وفاطمة محتارة أي فستان تلبس

وكلما اختاروا لها فستان .. قالت : لا .. قد شافوه عليّ


** ورغد تترجى اخوها : تكفى ود فستاني للمغسلة

وقول لهم يخلونه مستعجل


** وابتسام متوهقة مالقت الحلق اللي يناسب لون فستانها


** وشوق تقول لاخوها : تكفى مر على جارتنا

وخذ من عندها الاكسسوار التفاحي



** ورحاب .. انفرط سحاب فستانها .. وتبي الخياط يصلحه


<<< والله من السمنة الزايدة

************ *****


وصجة .. ولجة .. وحوسة ...

وكلهم في سباق مع الزمن ..


( طبعا ياعيني عالرجال .. ثوب وشماغ .. وانتهت السالفة )


************ ********* ********* ******

بعد ذلك .. يركبون السيارة بعد ما بح صوت ابوهم

وهو يناديهم ..





** والمصيبة اذا اخذوا مسافة بالسيارة وجتك فاطمة

تشهق شهقة قوية .. ويقولون : اشفيييييك

وترد عليهم : نسيت شنطتي تكفى يبه رجعنا للبيت


************ ********


وبعد عناء طويل يصلون الى القصر ويدخلون


************ ******


ومن يوم تبدأ الطقاقة بقرع الطبول

تلقى الوحدة تهزّ .. وتهتز وهي لسّا باقي على الكرسي


************ ********* *

ثم يتوافدون إلى المسرح وشف الرقص كيف


** اللي تحط رجلها من شرق المسرح الى غربه

ولا احد يدري وش بلاها

**********

** واللي تهز وهي واقفة مكانها بركادة .. وعلى بالها أنوثة ..


************ ******


وتعال شفهم اذا غنت الطقاقة .. ( يالتكسي )

وقالت : وخذ يمين وبعد يمين ..

تلقا الحريم فعلا ماخذين اللفة يمين في يمين


<<< طبعا من غشامتهم .. يتصاقعون في بعض

************


والوحدة فيهم بتتشقق من الفرحه اذا جت الطقاقة بجنبها

وقالت : ( يا احمر يا احمر .. عاشو .. على قلبي )

<< طبعا الافندية فستانها احمر ..

************ *****


** وتلقا ثنتين هناك يرقصون نفس رقص العراقيات في ( عرب شمّر )

وطبعا العجايز منصدمات .. ومافيه الا قوة دعاوي على هالبنات


************ **


** واذا جت اغنية مصرية ..

تلقا الاغنية والايقاع في وادي .. والرقص في واد آخر

الا من رحم الله ..

<< واللي تعرف ترقص مصري .. تلقى البنات يتشحثونها تقوم

وهي ترفض ..

طبعا من حقها .. تخاف يصكونها بعين على كيفك




***********


والوناسة اذا قالت الطقاقة : ( رقصة خاصة لاهل العروس )

تلقاهم يستلجون اذا قالت : ( كل آل ' فلان ' خيّالة )
:5_1_123v[1]:

 
قديم 05-27-2010, 02:51 PM   #3

عسوله بمعنى الكلمة


رد: حال البنات لمايبون يروحون لأي عرس؟.؟.؟.؟


حال البنات لمايبون يروحون لأي عرس؟.؟.؟.؟

هههههههههههههههههههههههه يسلمووووووووووو والله هذا واقعنا ولا وش رايكم يا بنات يعطيكي العافيه على مواضيعك الحلوة مثلك يالغلا تقبلي مروري وخالص تحياتي
*استغفر الله واتوب اليه*

 

أدوات الموضوع



الساعة الآن توقيت السعودية الرياض و الدمام و القصيم و جدة 04:02 PM.

 

Powered by vBulletin® Copyright ©2000 - 2018,
vBulletin Optimisation provided by vB Optimise (Pro) - vBulletin Mods & Addons Copyright © 2018 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0