 |
  |
|
|
|
|
|||||||
| التعامل مع الزوج و العلاقة الزوجية الى جوزها مش بيقولها كلمه حلوه ولا رومانسى تعالى وشوفى يوجد هنا الى جوزها مش بيقولها كلمه حلوه ولا رومانسى تعالى وشوفى العلاقة الزوجية Marital relationship و حياة زوجية سعيدة Married life مشاكل الحياة الزوجية و الحلول الثقافة الزوجية السعادة الزوجية حقوق الزوجين |
|
|
06-08-2010, 11:48 PM
|
#1 |
|
:: كاتبة نشيطة :: |
الى جوزها مش بيقولها كلمه حلوه ولا رومانسى تعالى وشوفى
بصم بقا روح قلبى وحبايبى انا من غير مقدمات هدخل فى موضوعى او قصتى علطول اولا انا عندى 30 سنه ومتجوزه من 4 سنين جواز عادى وتقليدى وكانت فترة الخطوبه شهر بالظبط الى هو بنجرى بقا وبنجهز فيه يعنى ما فيش وقت ان اقعد بقا انا وخطيبى ونحكى ونتحاكى ونسبل لبعض زى ما بيحصل فى الخطوبه ههههههههههههه المهم ياختى حصل الجواز علطول والبت بنتى خديجه جت بعد تسع شهور حتى ما ادتناش فرصه اخد على الراجل شويه وبعدنا عن بعض بعد الولاده كل واحد فى اوضه علشان هو مش بيحب الدوشه وزن البيبى وطبعا انتم عرفين انهم بيظبطو نفسهم على باليل ياختى يسهرو لحد الصبح والمصيبه بقا انى قاعده فى بيت عيله وما ادراكم على بيت العيله يعنى الساعه سبعه او تمانيه لازم اتنيل اكون تحت عند حماتى لان العماره بتاعتهم وانا فى الخامس وحماتى تحت فى التالت يعنى مش قربنا انا وجوزى لا ده الموضوع زاد بعد وانا من النوع الى هو بيشوف الرومنسيات وبحبها اوى يعنى اقوله لما تيجى من بره تطبطب عليا وتقولى انتى عامله ايه ولا ادينى بوسه فى خدى يا سيدى بلاش البوسه التانيه هههههههههههههه يرد ويقولى انا مش بحب الكلام ده نعم يا خويا دا ايه الجوازه دى ( على فكره هو انسان محترم جدا جدا وطيب اوى اوى ) بس مالوش فى انه يطبطب ولا يسأل عليا وهو بره ولا لما يجى يقولى انتى عامله ايه ولا البنت عامله ايه ولا ليه فى اى حاجه خالص وانتم عرفين ان الواحده بتبقا محتاجه اوى للكلمه الحلوه من جوزها المسه الرقيقه سيبك من الموضوع الى هو ******ده سورى يعنى بس والله والله وانتم كلكم هتأيدونى ان الواحده بتحتاج لكلمه حلوه للمسة حنيه لسؤال اكتر من الموضوع التانى . المهم مع بقا مشاكل العيله اقسم بالله انى شوفت ايام صعبة مع عيلته وصعب ان كانت واحده تتخطاه وانا كمان من بلد وهما من من بلد يعنى لوحدى ومافيش حد جنبى اشكيله او احكيله منه ومن اهله اخواته البنات وامه ومابشوف حاجه تصبرنى طب كلمه حلوه منه تهدينى وتصبرنى عليهم طبعا بيكبسنى كل ما اكلمه ويقولى انا ما ليش فى الكلام الفاضى ده اقوله طب اضحك عليا وقولى بحبك وانا هصدقك يقولى مش بالكلام ياخواتى ايه الراجل ده جابلى المرض ههههههههههههه المهم كان عادى انى اقعد على النت واتعرف على ناس وكانت متاحه ليا انى اتعرف على شباب وبنات وكنت بشترك فى منتديات كتير مختلطه وهو عادى طبعا كان ممكن انجذب فى تيار الحب على النت و الكلمه الحلوه بقا المعسوله ما انا مش لقياها عندى المهم قولت اعيش قصت حب من طرف واحد مع جوزى ههههههه هبله صح وفضلت ادور على مميزاته واحبه عشانها وانسى عيوبه وما كانش ادامى غير حبيبى اروح اشتكيله همى هو ربى ورب العباد خالق الخلق واسهر طول اليل احكيله على الى حصل طول اليوم واقول يا رب انت شايف وعالم بحالى اهديلى جوزى واهديلى عيلته انا بتقيك فى كل شئ واعيط واكلم ربنا كأنى بكلم حد وبشكيله كل الى مضايقنى وانهار فى العياط وانا بشكيله وعلطول اصلى ركعتين حاجه واتوسل لربى ورب الخلق واقوله نفسى بس فى كلمه حلوه منه او معامله كويسه من اهله تقدر الى بعمله معاهم المهم تخيلو بعد اربع سنين وهو مالوش فى الكلام الحلو الرومانسى واهله اجارك الله بعد اربع سنين شكوى لخالق الخلق وتوسل اليه وفضفضه ليه ربى حبيبى .حبيبى يا الله حبيبى يا الله هدالى عيلته الحمد لله وبقيت انا سر كل واحده فيهم المفاجأه الكبرى بقا طن طن طن هههههههههه جوزى..... بنوتى كانت بتفسح مع عمتها وانا قاعده بنتكلم انا وجوزى لقيته بيقولى على فكره انا بحبك اتلفت حواليا ياختى يمين وشمال هو مين الى بيتكلم مافيش غيره قولتله ايه بتقول ايه قالى والله بحبك وبموت فيكى كمان وايه كمان كنا كل واحد فى اوضه من يوم ما بنوتى جت ما جاش معانا فى الاوضه وبعدين بقوله لا روح اوضتك انا الى بتظلم السرير مش هيسعنا كلنا تخيلو جاب مرتبه وحطها على الارض ويقولى هنام معاكى فى نفس الاوضه ايه ده دا مين ده ده جوزى مش مصدقه نفسى ولما يرجع من الشغل اروح احضنه وابوسه وهو يطبطب عليا ويقولى عامله ايه ويبوس بنوتنا ويحضنها اوى ويجبلها حجات حلوه معاه وهو جاى مش هو جوزى خالص دا اتغير ........ يارب اللهم لك الحمد والشكر انك غيرتلى جوزى .... اللهم لك الحمد والشكر كما ينبغى لجلال وجهك وعظيم سلطانك يارب العالمين **** المهم ليه بقا انا بحكى قصتى لانى فى قسم شكاوى المحتاره لقيت كتير من الى متجوزين يعته مشكلتها وتقولى جوزى كان بيعملنى وحش و مافيش كلمه حلوه وضرب وكل الحجات الى انتم عارفنها وحبيت على النت والى بتها اتخرب والى لسه على علاقه فى النت ..... انتى ماشى محتاجه الكلمه الحلوه والمعامله الطيبه بس لو ما فيش تعملى كده انتى نسيتى ان فيه رب مش هقولك هيعقبك ولا الكلام ده بس انتى نسيتى ان فيه (رب قال ادعونى استجب لكم) ليه مادعتيش ربنا انه يهيئلك جوزك حلالك جربى ومتستعجليش اجابت الدعوه بس يكون عندك يقين بإجابت الدعوه واصبرى الصبر اخرته جميل واتقى الله فى نفسك وفى بيتك (من يتق الله يجعل له مخرجا) ومعلش انى طولت عليكم بس كنت حزينه جدا من الى شوفته فى قسم المحتاره الى سابت جوزها علشان واحد وفى الاخر سابها والى لسه على علاقه بيه وتقول انا مش قادره استغنى عن حبه ادانى الحب والحنان لالالالا والله الحلال ما فى احلى منه وخصوصا بعد كثرة الدعاء جربى وربنا عمره ما هيرد دعوتك ابدا واتقى الله اتقى الله اتقى الله
التعديل الأخير تم بواسطة عاشقة سنة رسول الله ; 06-09-2010 الساعة 03:12 PM. |
|
06-08-2010, 11:57 PM
|
#2 |
|
|
رد: الى جوزها مش بيقولها كلمه حلوه ولا رومانسى تعالى وشوفى
ربنا دايما واقف جمب عباده و الي بيلجأ ليه اكيد عمر ظنه ما يخيب يعني انا هعمل مثلك لاني انا كمان هرتبط بواحد مش من بلدي ههههههههه استر يارب محدش عارف الى هشوفو ههههههههههه تسلمي اختي ربنا يسعدك |
|
06-09-2010, 03:06 PM
|
#3 |
|
|
رد: الى جوزها مش بيقولها كلمه حلوه ولا رومانسى تعالى وشوفى
في صراحة الي يقرا موضوعك راح يتأتر و يجيه خشوع من الي قلتيه كل كلامك عسل و ربي و اشكرك كتير لانو في بنات متزوجيه عاوزين زي دي المواضيع عشان يستوعبو حالاتهم
|
|
06-09-2010, 03:13 PM
|
#4 |
|
|
رد: الى جوزها مش بيقولها كلمه حلوه ولا رومانسى تعالى وشوفى
موضوع كتير حلو فعلا ربنا يهدى عباده
شكرا اسراء على النقل الرائع ومنتظرين مزيد من المشاركات منك |
|
06-10-2010, 08:29 AM
|
#5 |
|
|
رد: الى جوزها مش بيقولها كلمه حلوه ولا رومانسى تعالى وشوفى
جزاك الله خير عالموضوع الحلو وبذات انه من قصتك ..
|
