 |
  |
|
|
|
|
#1 |
|
:: كاتبة جديدة :: |
واشوقاه رمضان
وا شوقاه رمضان ياه بالله عليك مش نفسك في يوم واحد من رمضان؟؟؟؟؟؟؟؟ (يا نفسي ويحك توبي واعملى حسنا ....... عسى تجازين بعد الموت بالحسن) فاكر صيامك.....فاكر جوعك وعطشك؟؟ طب فاكر لما كنت بتروح الشغل وتيجي تعبان وتستنى المغرب؟؟؟ فاكرة حجابك في رمضان فاكرة الطاعة وحلاوتها في رمضان؟؟ فاكر؟؟؟؟؟ فاكر دموعك في ظلمة اليل ؟؟؟ فاكر صلاة التروايح في المسجد في وسط جموع المسلمين؟؟ فاكر ألم أقدامك من صلاة التهجد وبكاءك باليل ودموع قلبك وهمسات رجاءك؟ واشتياقك للقاء المولى ورجاء جنته ....والأستعاذه والخوف من ناره فاكر سؤالك لربنا ... والحاحك....فاكر بكاء الإمام!! تذكر يوم الختم ة؟؟ في التراويح؟ وبكاء الإمام والمصلين والدعاء والالحاح على رب العباد جل وعلا والدعاء المؤثر جدا ((اللهم اجعلنا من عتقاءك من النار ومن المقبولين)) ما أعظمه من يوم تذكر مجاهدتك للمعاصى ياه هتموت وتبصلها اصل شكلها ملفت اوى بس لا يا عم أنا صايم...عيب عليك واحد استفزك فعلا جبت اخرك خلاص هتومت وتشتمه خلاص الشتيمة على لسانك .لالالا بقولك أنا صايم مهما عملت ومهما قلت فقولك واحد وهو (إنى صائم .. إنى صائم) ها... الصيام مواحاشكش؟؟؟!! فاكر لما كنت بتقابل احبابك في الله في الصلاة وتفقوا مع بعض هنتقابل فين الفجر؟؟ ياه ......ما أجمل هذه الحظات تذكر قراءة القراءن....والتنافس في عدد الختمات مع احبابك في الله فاكر آخر يوم في رمضان وبكاءك على انتهاءه فاكر الإلحاح في الدعاء يا رب اعتقتنى ولا لا؟؟ يا رب هل انا من العتقاء من النار؟؟ يا رب بلغنا ليلة القدر .... يا رب اجعلنا فيها من الفائزين!! يا رب لا تجعلنا من المحرومين!! فاكر الدعاء : اللهم انك عفو تحب العفو فاعف عنى يا رب اعف عنى يا رب اعف عنى!!!! بكاء من خشية الله ....... أحاسيس ومشاعر راقية جدا وفياضة للغاية....ياه!! مش نفسك تعيشها تانى؟؟ ودلوقتى كمان .... مش بعد شوية؟؟ حاس انك بعيد عن ربنا ونفسك ومناك انك توصله؟؟؟ حاس ان رمضان بيقربك اوى فأشتقت لقربه جل وعلا؟؟؟ عاوز الجنة بجد!! عاوز تشوف الرسول وتحضنه؟؟... نفسك في شربة من يده الشريفة على الحوض شربة لا تظمأ بعدها أبدأ والناس في قمة العطش؟؟؟؟؟؟ نفسك تعرف إن ربنا أعتقك من النار؟؟؟ وانك من أهل الجنة؟؟؟ طب عملت إيه لكل ده؟؟؟ نفسك لما يجي رمضان تكون جاهز ....جاهز أوى؟؟؟ نفسك تموت وإنت ساجد لله جل وعلا؟؟؟ نفسك يقال لك أدخل الجنة من أى الأبواب تشاء؟؟ إعلم - رحمك الله - ان سلعة الله غالية وان سلعته هي الجنة واعلم - غفر لك الله- ان لبلوغ مرادك لا بد من اجتهاد واعلم - حفظك الله - ان مش أى حد بيحس بأقوى معانى رمضان الا من جعل من نفسه فارسا في ارض رمضان صح هو انت بتكلم عن رمضان دلوقتى ليه يا عم لسة بدري يا مين يعيش؟!! لالالا ...استنى هنا احنا في شهر ايه؟؟ ربيع الآخر طيب يعني فاضل كام شهر؟ اربع شهور بس؟؟؟؟ ايوة هم اربعة انا عادهم طيب لسة ما فكرتش هل انت من سيبلغون رمضان أم لا؟؟ هل انت من الفائزين أم من المحرومين؟؟ صح اتصدق مفكرتش؟!! طب انت تعرف ان الصحابة رضوان الله عليهم كانوا يدعون الله ستة أشهر ان يبلغهم رمضان وبعد رمضان يدعون ستة أشهر ان يتقبل الله منهم أعمالهم في رمضان ياه يعني انا متأخر شهرين؟؟؟؟ بس ادامك الفرصة كبيرة انك لما يجي رمضان تكون جاهز وانك تكون من اقوى فرسان رمضان وإنك كمان تكون على استعداد لقوة الصمود واقوى المعانى ياه ... انا بجد اشتقت اوى لرمضان!! اخى الفاضل : رجلين مات احدهما شهيدا والآخر مات بعده بسنة فدخل الذى مات بعده بسنة الجنة اى انه سبق اخيه ....فقالوا كيف ذلك؟؟ قال صلى الله عليه وسلم : ألم يدرك رمضان!! فسبحان ربك رب العزة والكرم والمن والجود تسبق الشهيد على أبواب الجنان بإدراك رمضان كم من أناس كانوا يتمنون لقاء رمضان ولكن حالت الآجال دون الآمال ومات؟!! كم من أناس حرمو رمضان ويالهم من محرومين؟؟ كم من أناس كانوا يصلون معنا رمضان الماضي ولكن اين هم الآن ؟؟ .. تحت التراب؟؟ أخى الكريم ..... اختى الفاضلة ادعي من الآن ..أن يبلغنا الله واياك رمضان فعسانا لا ندركه!!! إبدأ من الآن بالتحضير لرمضان حتى يعينك الله على الاجتهاد الامثل في رمضان وتكون اول الفرسان وتوزع الجوائز في آخر أيام رمضان وتكون انت من أهلها بل من أولهم ((نسأل الله ذلك ..فقول آمين)) احبتى في الله ... ارى الله من نفسك خيرا ليعينك.. عارف ايه الفرق ما بين واحد بيبكى في دعاء الإمام في صلاة التهجد واحد ملتصق معه في الكتف لا يبكى أصيب قلبه بالجمود؟؟؟ عارف ايه الفرق؟؟ ده حضر لرمضان وقال :ليرين الله منى ما أصنع وده محضرش لرمضان...وسرعان ما يقع امثاله بعد اول كام يوم من رمضان وده سبب ان الناس بتقل في أواخر رمضان .... فاللهم ارزقنا الثبات قل معى : ليرين الله منى ما أصنع ردد معى اللهم بلغنا رمضان اللهم بلغنا رمضان اللهم بلغنا رمضان آمين |
|
|
#2 |
|
|
رد: واشوقاه رمضان
اللهم بلغنا رمضان اللهم بلغنا ليلة القدر اللهم واجعلنا فيهم من عتقائك من النار واجعل اللهم يا رحمن يا رحيم لنا فيه كل الدعوات مجابه
|
|
|
#3 |
|
|
رد: واشوقاه رمضان
بارك الله فيك
|
|
|
#4 |
|
|
رد: واشوقاه رمضان
 |
