ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
قصص و روايات قصة شاب منسم مع شغالتهم الخبله..... يوجد هنا قصة شاب منسم مع شغالتهم الخبله..... روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية

فساتين العيد


 
قديم   #1

بنت اأاألنور

:: كاتبة نشيطة ::

الملف الشخصي
رقم العضوية: 121348
تاريخ التسجيـل: Jun 2010
مجموع المشاركات: 71 
رصيد النقاط : 0

قصة شاب منسم مع شغالتهم الخبله.....


قصة شاب منسم مع شغالتهم الخبله.....

السلام عليكم

هذي قصه مكتوبه على لسان صاحبها

اول شي احب اعطيكم فكرة عن شغالتنا

شغالتنا يا كرام مخروشة الى ابعد حد يعني لما نشوفها جايبه الشاهي نعلن حالة الطوارئ ونزل البزران للملاجئ

لانه عادي عندها تشيل 13 بريق شاهي بيد و10 دلال قهوة بيدها الثانيه وتمشي صافطه الطبلون يعني كنها تصاقط ظلالها

انا اقول لامي احس انها مسكونه بجني كان يشارك في اختراق الضاحية
تصدقون شرينا جهاز تعلقه معها علشان امي لما تبيها تناديها بالجهاز بس للأسف علشان سرعتها صار الجهاز ما يلقط الارسال

يعني لو تبي تعذبها خلها لا تتحرك بس ثواني
وبعدين عادي تناديها وتسالها عن شي ما تدري الا هي رايحه ومخليتك.... مو تطنيش لا بس دباشه


انا احس انها ما قد شافت بشر ولا تدري وشلون يتعاملون مع بعض

تقدرون تقولون انها مخروشه وفي روايه اخرى سبيكه


المهم انا صار لي معها موقف قوي

مرة وانا راقي لغرفتي مروق وادخل غرفتي وانا من عادتي اني ادخل غرفتي وبعدين اعطي الباب كعب قوي واصكه واقفل غرفتي

واطلع جوالي وانطله على المخده مع انه دايم يطيح ورى السرير وابلش ادوره

وافسخ ثوبي واحطه في مكانه المعتاد الي هو اجدعه على الارض
بعدين اشيل فنيلتي واصفطها لين تصير مثل الكوره واشوتها على المعلاق قصدي الشماعه <<<< خلونا نتميلح عند البنات
بعدين سروال السنه<<<< اموت واعرف ليه سموه كذا ... بعدين الشيعه وش يسمونه سروال الشيعه خخخخخخ

عني ما يبقى على الا سروال النص
المهم حمامي الله يعزكم جوا غرفتي

المهم يوم فسخت ثوبي قعدت قدام المرايه اتميلح نفسي واكلم روحي وانكت شوي وامسك المشط واتخيله مكروفون واغني الاما اكن يعني قمة الطرب


واستعرض عضلاتي والعب كراتيه مع صورتي بالمرايه .. واكلم نفسي بالمرايه واقول بتعقل انت والا يع كع
وارفسه برجلي خخخخخخخخ


وبقية الحركات الي انا دايم اسويها بشرط ما يكون عندي احد
عاد انا دايم انهي حركاتي هذي بقفزه على السرير وكنت دايم وانا انط اقول دوق فليب<<< هذ اسم الي كان يسوق كريندايزر <<< ايقالك شرح الحين

عاد وانا ناط وبين السماء والارض حانة مني التفاته<<< الله اخيراً قلت حانه من زمان وانا ودي اقول هالكلمه
المهم يوم حانة مني التفاته للحما وش شفت
صليحه<<< اسم شغالتنا .... واقفه بوسط الحمام وماسكه مكنسة وسطل وهي منصدمه

قلت لها صليحة خير وش عندك .. زي العاده ما ردت رجعت مرة ثانيه بالاشاره اسالها وش عندك كل هذا وانا بين السماء والارض ما بعد وصلت السرير<<<< ما يكذب اب د


وجلسنا اناظر بعض الي يشوفنا يقول والتقى الحبيبان وانا ودي اخذ المكنسة الي معها واكنس البهاق الي بوجهها

ثم امسك راسها وادخله بوسط السطل الي فيه مويه علشان اشوف من وين ينسم راسها

واصرخ عليها يا دبشه ورى ما تكلمتي وعلمتيني انك هنا
وكالعاده كنك تكلم جدار
المهم لاني عارفها دريت انها يوم سمعت صوتي انخرشت ولا درت وش تسوي
وبذهانتها الخارقه قالت بقعد هنا ومهب شايفني ... لعنبو دارك ودار مخك

عاد انا قعدت اتذكر وش كنت اسوي يلعن ابو الفشيله بس الي مهونها علي قلت اشوى اني ما فسخت كل شي
كان انا الي بطلب من اهلي يسفروني انا مو هي

المهم اني قلت لها خلاص امشي اطلعي وانا ابي افتح باب غرفتي اسمع امي جايه لغرفتي وتناديني

يا سلام على الحظ

انا والشغاله بغرفة نومي والغرفة مقفله وانا كاسي عاري ما علي الا سروال نص
يعني امي لو هي عمياء بيروح علطول بالها لذاك الشي

يعني التهمة لبساني لبساني

علشان تعيشون معي الموقف
انا ما علي الا سروال نص والشغاله جنبي واقفه ,,,والباب مقفل ورى الباب امي
وانا اعرف امي ماراح تروح الا اذا فتحت الباب
في هالحظه .... خطرت في بالي فكرة انما ايه ما تخرش الميه
لي اخو يدرس برى وامي تموت فيه واذا دق تركض امي ركض كأنها بنت جايتها رسالة جوال خخخخخخخخخخ


فقفزت على السرير واخذت الجوال ودقيت على بيتنا ورد على ولد اختي من تحت قلتله انا خالك بدر وين جدتك بسرعه انا اكلم من برا
فقام البزر يصوت لامي خالي بدر بالتلفون

امي اول ما سمعته يصوت تدروشت وتلخبطت وقامت تقول يوه قله انها فوق وصارت تمشي وتدور التلفون الي فوق وهي تقول اف وين ودت التلفون هالشغاله
وانا في نشوة الفرح لنجاح خطتي الجهنميه اذا بصليحه <<<< مرة ثانيه اسم شغالتنا

اذ بها يوم سمعت امي تقول (وين ودت التلفون هالشغاله) اذ بها بأعلى صوتها تقول... فوق مكتبه يا ماما

انا من قوة غبائها والحركة الي سوتها ما استوعبت الموقف قعدت لحظات علشان مخي يتعرف على هالموقف بس ما لقى اي موقف مشابه قد مر عليه يعني سبق مو صحفي سبق غبائي لهالشغاله
الادميه ذي ذكائها خارج التغطيه الا مخها منتهي الصلاحيه هذي طفرة في الدباشه

المهم انا صرت ما اسمع لامي صوت مدري هي سمعت الشغاله والا لا
يوم جت المصيبه

وانا واقف عند الباب اتسمع والشغاله جنبي
اذ بصليحه تمسك عروة الباب وتبي تفتحه فرمقتها <<<< حلوه رمقتها ذي صح خخخخخخخخخخ

المهم رمقتها بعيني يعني وش تبين قالت لا بابا افتح الباب لا بابا حرا ام لا باب ايش يبغى انت لا بابا انا حرمه كبير انا حرمه فيه بيبي حرام بابا
ياسلا ام الاخت فاهمه غلط تحسبني اسوي كل ذا علشاني ابيها ا

مدري اضحك والا اصيح والا وش اسوي فيها

من زينك انتي وجهك الي كأنه رسمة ولد بالروضه عيون يبيلها كروكي علشان تلقاها وخشم افنس كأنه محول غاز

لعنبو شكلك لو تطب علينا الهيئه اخذو علي تعهد وانتي سجنوك مؤبد وراح يسولي انا كشف حمل مو انتي <<<<< قويه شوي خخخخخخخخخخخخخخخخخخخخخخخخخ


المهم الآدميه مصره تفتح الباب وما دريت الا هي فاتحه القفل وامي جنب الباب تقول ,,,, صليحه!!!! صليحه انتي هنا

وقبل ما تفتح امي الباب دورت بسرعه سروال السنه ولقيته على الارض وامد ايدي باخذه.<<<يعني اذا لبست بتنحل القضيه
... في هالحظه فتحت امي الباب

ولا لقيت تصريفه لوضعي وانا ماد ايدي للارض باخذ سروالي الا اني لا ارادياً قلت
الله اكبر<< <<< ايه سويت نفسي اصلي واسجد خخخخخخخخخخخخخخخخخخخخخخخخخ خخخخخخخ

وش اسوي ما لقيت اي تصريفه وبعدين ما ابي امي تسالني عن شي فاحسن شي اسوي نفسي اصلي

المهم اني في نفسي اقول يارب انها ما تلاخظ اني اصلي وانا شبه عاري
امي دخلت وتنحت شوي بعدين قالت للشغاله وش قاعده تسوين لكن كالعاده الشغاله اكلت تبن وسكت وطلعت

وقفت امي شوي وانا قاعد اصلي واقول في نفسي اشوى انها ما انتبهت اني متفسخ

المهم شوي الا و يوم قالت لي اجل تصلي هاه !!!!!!!!!! وانا الي ابلع ريقي مو بس ريقي الا حتى الوز بلعتها


قالت اجل تصلي,,,, زين بس ترى القبله غرب وانت تصلي شرق

وطلعت وصبخت بالباب بقوه
يو وه انواع الصدمات ياربيه وش اسوي
واقعد افكر يارب وش اسوي والله اني مظلوم <<<<<<رحمتوني صح

واقعد افكر وافكر ,,,,, قلت احسن حل الصراحة والي يصدق يصدق والي مو مصدق لا يصدق

ولا انتبهت لنفسي الا بعدين طول فترة تفكيري وانا قاعد اكمل صلاتي خخخخخخخخخخخخخخ

المهم لبست ملابسي ونزلت ورحت لامي وهي من هول الموقف قاعده تتنافض وتحتري ابوي
يوم جيت صرخت بوجهي لا تكلمني ولا تلمسني ابعد
قلت اسمعي
الصدق مجراه والكذب مفراه
قالت وشو
قلت الصدق منجراه والكذب مفتراه
قالت وش تقول انت
قلت اف الصدق زين والكذب شين وشوله الفلسفه

وقعدت اقولها كل الي صار واحلف ايمان واقسم بالله
والحمد لله لان امي واثقه فيني صدقتني

بس مدري ليه سفرو الشغاله بعد يومين<<< الى الحين ما فهم انهم سفروها لانهم ما صدقوه خخخخخخخخخخخخخخخخ


بالنهايه احب انصح اخواني الشباب انتبهو تتفسخون بغرفكم وعندكم شغاله اسمها صليحه<<<< متعوب عليها النصيحه خخخخخخخخخخ

 
قديم   #2

بيتــي


رد: قصة شاب منسم مع شغالتهم الخبله.....


قصة شاب منسم مع شغالتهم الخبله.....

هههههههههههههههههههههههههههههه هههههههههههههههههههههههههههههه هههههه


هههههههههههههههههههههههههههههه هههههههههههههههههههههههههههههه ههههههههههههههه
هههههههههههههههههههههههههههههه ههههههههههههههههههه


اوما صليحة خلها تجينا شكلها فله..
عاد خادمتنا بتروح بعد كم يوم......

 
قديم   #3

ام حمزة الاسد


رد: قصة شاب منسم مع شغالتهم الخبله.....


قصة شاب منسم مع شغالتهم الخبله.....

هم يضحك وهم يبكى بصراحة الشاب وقع فى موقف لايحسد عليه

 
قديم   #4

ضحكه


رد: قصة شاب منسم مع شغالتهم الخبله.....


قصة شاب منسم مع شغالتهم الخبله.....

هههههههههههههههههه
يستاهل على شأن الواحد ثاني مره ينتبه
ههههههههههههههههههه

 

أدوات الموضوع



الساعة الآن توقيت السعودية الرياض و الدمام و القصيم و جدة 02:25 AM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0