ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > السيدات و سوالف حريم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
السيدات و سوالف حريم قصة منكير ابو ريالين قصة قصيرة تموت من الضحك يوجد هنا قصة منكير ابو ريالين قصة قصيرة تموت من الضحك سوالف حريم و نقاشات مواضيع تخص المرأة و المواضيع التي ليس لها قسم خاص بها

فساتين العيد


 
قديم   #1

ماعاد لي خاطر لهم

:: كاتبة نشيطة ::

الملف الشخصي
رقم العضوية: 127654
تاريخ التسجيـل: Jul 2010
مجموع المشاركات: 135 
رصيد النقاط : 0

Wink قصة منكير ابو ريالين قصة قصيرة تموت من الضحك


قصة منكير ابو ريالين قصة قصيرة تموت من الضحك

قصة منكير ابو ريالين (( قصة قصيرة تموت من الضحك))

يا مرحبا .. .. حياكم الله ...


***بخليكم مع احداث القصه بس ابي تعليقاتكم الحلوه .. ***


امس بعد صلاة العشاء تقريبآ عطتني أختي 25 ريال وقالت جب مناكير

لونه موفي ...

ومن سوء حظ أختي العزيزة إني اليوم مطفر وقلت بلا ماركات بلا هم

أروح لمحل أبو ريالين واشتريلها من هناك وتحمد الله وتشكره << الولد

مخط على 23 ريال الي بتبقى. .خخخخخخخخخخ


وصلت للمحل ولأسف مالقيت ملبق لسيارتي الا بحدود مشي عشر

دقايق رجلية وتفاجئت يوم وصلت للمحل أبو يمن((أحلى تحيه لأخوانا

اليمنين ..لايزعلون ولايكملون الموضوع...))

المهم لقيته واقف بالبوابه ومنعني من الدخول يقول الدخول للعوائل فقط

لاحول حتى محل أبو ريالين صار للعوائل بعد ؟! يابن الحلال كلها

دقيقتين بشتري مناكير وابطلع وأبو يمن مافيه امل يوافق وناظرته بعين

حارة وقلت والله ماينفع لك الا حركة من حركات الفيصلية وقفت عند

الباب لين ماوقف جمس ونزل عشر حريم معهم شنطه بها ترامس

شاهي وقهوة ومعهم فراش وعربيه يدفون بها بزر تحلفون بالله إنهم

رايحين لستار ستي مهوب محل ابو ريالين ..

مشيت جنب البزر وامه تدفه بالعربية ويوم وصلنا للبا نزلت راسي

وبديت ألعب مع البزر إغاء وأناظر أمه وأقوله أنتي جايبتن رضاعته؟

وأبو يمن يقول أيوه ياخي من الأول جيب أهلك طبعآ مع الربشه وشدة

الزحمة ماقدرت الأم تسوي شي وأنا الي اشوف الأم تناظر شنطتها

وتناظر راسي تناظر شنطتها وتناظر راسي عاد طلعت ريال وحطيته

بعربية البزر عن قولة شكرآ اخاف اقول لها شكرا وتشكرن هي

بالشنطة . .>>ابشركم انطبقت الحيله ودخلنا محل ابو ريالين...


أول مادخلت المحل فقدت الاتصال بالعالم الخارجي لأني اول مره اشوف

زحمة زي كذه هذي تسحب شماغي؟ وهذي تدف؟ وهذي تقول وخخخر

لو سمحت ثم مادري الا وهي شايتني بوز آخر شي قامو

يوطوني ؟ توي ادري ان السعوديات جلوف << وين البنانيات عنكم

وين <<< مهوب منجلد ابد ...

مشيت بالمحل بعد معاناة وكل من شفته سألته وين احصل قسم

المناكير ومشيت لين شفت لي وحده فاتشة ومبوبزة لفت انتباهي

المنظر وتعلثمت بهالسؤال بعد ماتنحنحت طبعا لو سمحتي وين القى

المناكير فيه؟ وعينك ماتسمع الا يامناحي يامحماس تناديهم ؟!

وماتشوفون الا غباري والى ساعة اعداد وكتابه هذا الموضوع وانا ضايقن

صدري ودي ادري وش جالسه تسوي ؟

المهم مشيت لين وصلت لمكان مزحوم بالمره حتى شكيت من صراخهم

اني بالجمرات مهوب بمحل ابو ريالين هذي تصارخ على ابو يمن وتقوله

قايلتلك أبي عشر درازن من دفتر ابو ستين وينها؟ وحده ثانيه تقول

بصوت عالي الله أكبر الله أكبر استغربت انا وقلت اكيد فيها بلى ذي ويوم

قربت لها سمعتها تقول توني حاطة بجنبي درزن دفاتر أبو وجه وجه من

الي أخذه << ماطيحت قلبه ابد


طبعا طلع المكان هذا مخصص للادوت المدرسيه وقتها حمدت ربي

وقلت اشوى ان اختي تبي مناكير ماتبي دفاتر


مشيت أدور عن المناكير وفجاة مسكت ايدي عجوز وقالت الله يوفقك

ويخليك لميمتك ساعدني باغراضي وصلها للمحاسب قلت لها تامرين امر

وحبيت راسها تقدير واحترام ويوم شفت العفش الي هي مجمعته

بزاويه قلت لها والله لو تعطين افغاني 500 ريال ماشالها لك ماخلت شي

ماشرته ؟ قالت تعال واعطيك الي تبي قلت والله لو تقولين لي وين

مكان المناكير ماشلتها لك..>>بلاكم ماشفتو حوستها ...

المهم مشيت وخليتها لين وصلت لآخر المحل وحصلت قسم مافيه ناس

كثير وحصلت لي شاب مرسم يناظر مجموعة ورود اعجبتني رومانسيته

وسألته عن المناكير قال انا مشغول استغربت مشغول وحسيت انه

مرتبك وبوقتها دق جواله واثرها خويته متواعدين المهم مشى لمها

ومشيت وراه لين تقابلوا ويسلم عليها كيفك حياتي؟ وهي بخير

ياعومري وقبل لا يعطيها الورده دخلت بينهم وقلت له لو سمحت

ماتدري وين احصل المناكير فيه ؟..>>هههههههههههههههه قوة

وجهه ابو الاحراج..

قال تراك اشغلتنا قلت له بس انا مظطر ارجوك ساعدني قال اوكي بس

انتظرني بعد شوي لين اجيك رفضت وقلت له انا مستعجل قال خذ 20

ريال اطلع من محل ابو ريالين واشتر من محل غير هذا على باله يبي

الفكه قلت له انا أبي عشر علب مناكير مهوب وحده قال مهيب مشكلة

خذ 200 بس فكنا خخخخخخخخخخخخخخخ

اخذت الفلوس واول رجل هئيه شفته عند الباب خليته يمسكهم متلبسين >>نذاله..ماشفتو شيء ..

هههههه .....خخخخخخخ



منقول

عاد الله الله بالردود لا وصيكم.........

 
قديم   #2

><همسات><


رد: قصة منكير ابو ريالين قصة قصيرة تموت من الضحك


قصة منكير ابو ريالين قصة قصيرة تموت من الضحك

لا تعليق

 
قديم   #3

المتمسكة بعقيدتها


رد: قصة منكير ابو ريالين قصة قصيرة تموت من الضحك


قصة منكير ابو ريالين قصة قصيرة تموت من الضحك

مشكورة

 

أدوات الموضوع



الساعة الآن توقيت السعودية الرياض و الدمام و القصيم و جدة 08:36 PM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0