ساعة لقاناآ ِِ
.
.
ما هقيت إن الزمن يجحد هوانا .. وما هقيت حبيّبي طبعه أناني
يوم جيته بالوفا صد وجفانا .. وقبل لا يجفا على قلبي كواني
لعنبو حيّه نسى قصة غلانا ...ما درى إن الحب إخلاص وتفاني
وين عهده ما نتهاون في وفانا .. وين عهده منزلي بين المحاني
وين عهده ما نقصر في عطانا .. وين عهده لو على عمره فداني
يعني معقوله نسى الحب ونسانا .. ما تذكر ويش سوابي زماني
أعتقد ما صار فعلا قد كفانا .. وأشهد إني خص جاني ما كفاني
أظلم الكون وطفت نجمة سمانا .. وانتهى حب احتوى كل المعاني
من سوالف حب وأشواق وحنانا .. ومن سوالف ضحك ومزوح وأماني
كنت أظن مابه على الدنيا سوانا .. وكنت أحسب غيبته بأجزاء الثواني
الله أكبر يا غرام في حشانا .. كيف دحدر من رفاع اليا طماني
وكان سبة صدتّه ساعة لقآانا .. وآحسايف من لقاه ومن لقاني