نصائح مهمة للبنت المخنوقة من أخوها ادخلوا مش هتخسروا حاجة
نصائح مهمة للبنت المخنوقة من أخوها ادخلوا مش هتخسروا حاجة
طبعا كل بنت فى الدنيا الى عندها اخ ولد وطبعا اكيد اخوكى بيغيظك ونفسك تنتقمى منه.
لانه كمان بيغلس وبيحب يمارس سلطه الراجل عليك ىجربى الحيله دى معاه بس انا مش مسئوله عن النتيجه لأى بنت مقهوره
وعايزة تنتقم من أخوها وترفع ضغطه لو فى مبارة فى التلفزيون
لو فى مباراة والأخ متحمس أقطعى الحماس ده ازاى
أنا اقلك
استنى لحد ما يندمج اوى مع المباراة
وهتعرفى أنه اندمج لما تلاقى عنيه مفتوحين على الاخر ومش همه حد يعنى ممكن تجيبى صاروخ تفجريه
جنبه ولا يلتفت
هنا بقى قومى بشغلك
روحى جيبى قطعه قماش وبخاخ التنظيف واقفى عند التلفزيون وامسحى الشاشه
واذا قال ابعدى
قوليله أنا مش فاضيالك أنا بنضف وبمسح
وبعدين روحى جيبى المكنسة واكنسى المكان الى هو فيه وحاولى كل شوية تكنسى قدام التلفزيون
يعنى لا صوت ولا صوره و غطى عليه ولا يهمك
ولوقال ابعدى وحسيتى أنه هايحدفك بحاجة
قولى يعنى اسيب البيت كده والضيوف جاين في ال***
وبعدكده اعملى أنك نسيتى الكيك فى الفرن
ودوسى على رجليه واجرى وماتبصيش وراكى
*عند النوم*
لما تحسى أنه دخل فى النوم وسمعتيه بيشخر
هاتى اى طفل يقابلك ابن اختك او اخوكى الصغيرين
ابن الجيران ان شالله ابن البواب
ودخليه يلعب فى اوضته فوق راسه
وقوليله الأطفال احباب الله
اوتعالى وهو فى سابع نومه وارجفيه
الرجفة الى يصحى مايحسش
بنفسه الا وهو قاعد
وبكل برود قولى (عايزين نخرج)
ولوشفتيه مش رايق ومالوش خلق
اوعى تخافى هى دى فرصتك
بس خلى بالك من حركات اديه
وحضرى مفتاح اوضتك علشان هاتحتاجيه
واضحكى على شكله وعلى شعره وقعدته
وعلى هدومه
واذا قال ابعدى علشان أنا مش رايق
زودى العيار حبتين ولو حسيتى باى غدر
استعملى مفتاح اوضتك واقفلى على نفسك
*وقت المعركة*
ولو طقت فى دماغك وحبيتى انك تقومى
بمعركة انتى وهو
لازم تجهزى نفسك من كل ناحية
1/البس:لازم تلبسى ترينج علشان يسهل الجرى
2/القصه لازم تلميها
واليوم ده ياريت تكونى حاطة حنة على راسك
علشان مايتجرئش يلمس شعرك
3/مفتاح الاوضة لأن الإحتياط واجب
1اذا بدأت المعركة اوعى تبينى انك خايفة
وأول ما ايده تطول
اوعى تستسلمى واديله
طراخ
بالبوكس فى عينه علشان مايشفش ادامة
وحطى رجلك ادامة
وعلى طول
على اوضتك الى مجهزة مفتاحها قبل كده
بس نصيحة اقعدى يومين لايشوفك ولا تشوفيه
لأنه عاوز ينتقم لكرامته
وممكن يوريكى النجوم فى عز الظهر
وبالمناسبة ابقى اعرفى تليفون اقرب مستشفى ليكوا
بفكركم انا مش مسؤله عن النتيجه
حبايبى ده كله طبعا هزار يعنى للضحك فقط لا تعملى ده مع اخوكى
ولكن طبعا تحابوا فى الله:sgsgf::sgsgf::sgsgf:
منقول لعيونكم
|