سر المحشي الخطير
سر المحشي الخطير تعالوا واعرفوه بلاش
ازيكم يا قمرات
انا من غير ما اطول عليكم هقول لكم علي سر المحشي بتاعي زي بعضو واهو كله بثوابه
ههههههههههه انا بهزر طبعا عارفة انكم كلكم ما شاء الله ستات بيوت زي الفل
المهم يا عسليات بجد والله الكل دايما بيسأل علي سر المحشي بتاعي وبيتخطف والله من غير مبالغة
السر يا قمرات هو ((((((((( القرنفل ))))))))))
بجد جربوه والله وهتدعولي
المهم انا بجيبه عادي من عند العطار وبطحنه في البيت بس طحن مش ناعم اوي يعني وسط كده
وبعد ما بعمل التسبيكة عادي الي هي بصل وطماطم وبحد ثوم كمان بيكون حكاية المهم بعد ما تتسبك
وتنزل من علي النار بحط التوابل بتاعتي عادي + معلقة قرنفل صغيرة متكتروش لانه طعمه قوي وبقطع الخضرة
فريش طازة عشان متكونش اتهرت ده غير انه بيكون طعمها احلي لما تنحط بعد ما تنزل التسبيكة من علي النار
وطبعا بغسل الرز وبصفيه وبقلب كله واستني شوية تكون طعم التوابل اتركزت في الخلطة وبعد كده
انتم عارفين الباقي ....
يا رب تعجبكم وبألف هنا علي قلوبكم يا قمرات :sdgsdg:
التعديل الأخير تم بواسطة دمعه على خد الزمن ; 08-17-2010 الساعة 08:58 AM.
سبب آخر: نسيت حرف
|