من صغري وانا اسمع يقولون الزمان يدور .
.. يعني اذا بيوم يضحك لي بيجي باكر ويبكيني.
.
وكلن شايل همه احد ضايق واحد مقهور ..
..وانا بس اواسيهم ومابه من يواسيني
.
.
وانا ماودي اتكلم وابوح واكشف المستور
..ولكن يالغلا صدك على هالبوح يجبرني
.
.
انا للحزن قصه وله في داخلي دستور
.. اجامل وابتسم للناس ودمعي ساكن بعيني
.
.
وانا الي حيل يتعبني لاضقت دمعي المغرور
.. تخيل مايبي يسكب يخاف انه يريحني
.
.
اموت بضيقتي فيني واعاني من زمان الجور ..
.. وتخنق عبرتي صدري وتجرح دمعتي عيني
.
.
انا ماودي ازيدك هم انا ودي تعيش سرور..
..ولكني ابي تعرف ترا حزني يبعثرني
.
.
انا قلبي من عنا وقتي حزين وخاطري مكسور
.. وانا الي زايد بهمي صمتي الي متعبني
.
.
وترا مهما يضيق الكون ترا عقب الظلام النور
.. يعني مثل ماضاقت بتفرج باقي سنيني