عمري بقايا جرح وأهآآآآت وأحزان!!!
عمري بقايا جرح وأهآآآآت وأحزان!!!
عمري ألم غربه مع جور الأزمان
عمري سراب والصحاري خذتني
عمري بقايا جرح وآهات واحزان
عمري سنين بائسه ماأرحمتني
عمري قضيته بين خاين وخوان
أخلصت حبي والقلوب أخدعتني
عشت بزمن كله خيانه وحقران
وحتى القلوب الطيبه ماأنصفتني
وفيت انا للكل واصبحت غلطان
أعطي وهالدنيا أبد ماعطتني
كلي جروح وداخلي قلب ضميان
أشرب همومي والألم فوق متني
ماني على شي أبد صرت ندمان
غير اني أوفي ودنيتي اتعبتني
ليه السؤال؟؟ وعمري اليوم عنوان
عنوان لجروحي ودنيا شقتني
عمري فراق وهم وجروح انسان
عمري سنين بالأسى عذبتني
عمري ظلام وحزن وجروح خلان
خلي ظلمني ودمعتي احرقتني
عمري سجين وضحكتي خلف قضبان
مظلوم في دنيا رديه أظلمتني
عمري زهر بس للأسف صار ذبلان
وكل البحور بكبرها ماسقتني
عمري عريس وبين هالناس خجلان
وعروستي دنياي بس ماأعشقتني
عمري بحر وقلبي معه دوم عطشان
أشرب بس أكفوف الزمن ماروتني
عمري تجارب وداخلي قلب ربحان
ونفس القلوب السود هي اخسرتني
يكفي شموخي وهيبتي قوة ايمان
وأموت عالي ..ودنيتي ماوطتني
هامة مشعل لا حشا كيف تنهان؟
أوضع بقبري وهامتي ماأخذلتني
عمري مع جرحي سوى مثل الأخوان
أعشق جروحي دامها مانستني
يالي بتسألني ترى الجرح ماصان
الا جروحآ وسط قلبي غزتني
وعيوني الي دمعها فوق الاوجان
دموع من ظلم الحبايب كوتني
وماصرت اميز .. بين علان وأفلان
لكن جروحي بالبشر علمتني
هذا العمر عمري ومافيه نقصان
أصبحت شايب ودنيتي دمرتني
خلاص برحل.. والسبب كثر الأحزان
وقلوب ناسآ ظالمه ماأرحمتني
|