يازين يوم انا وانتي صغار

يازين يوم اني انا وانتي صغار
توما لبست شماغ وانتي عبايه..

بالطول ماناصل ولا خمسة اشبار
دايم نقيس اطوالنا بالمرايه..

مابينا شين نخبيه واسرار
ماغير لعب اطفال كل الحكايه..

ماهمنا موجز ولا نشرة اخبار
التسليه صارت وسيله وغايه..

وان جا فلم كرتون للقطو والفار
نجلس نتابع قصته للنهاي.

بالمدرسه نزعل على شان الاصفار
انتي سبب لعبك وانا من غبايه..

ياما تهاوشنا على كيس فيشار
انحاش به وافرح بطردك ورايه..

وان قلتي ياراشد ياويلك من النار
اخاف واستسلم وابين خطايه..

والى ضربتيني تقل بينا ثار
وان قلت كافي قلتي ماهو كفايه..

والى خلصتي ضرب بيمين ويسار
اخذتي الفيشار والي معايه.

.والى زعلت وقلت ابا اروح للدار
صحتي وقلتي اسفه يا غلايه..

واصدقك وافرح بعد ذيك الاعذار
واجيك لا حاقد والا احمل وشايه..

بس لو اشوفك مع بشر غيري اغار
لو كان اخوي أو من أعز اصدقايه..

واركض لخوك اقول شفها مع اكبار
عشان يفرض لي عليك الوصايه..

هذي طفولتنا براءه وتذكار
دايم نحن اليا ذكرنا البدايه..

واليوم ابا اكتبها سواليف واشعار
وافكر انتجها بفلم وروايه..

ملطوش لطشاً توماتيكيا هع >>توماتيكيا<<<متعوب عليها

ههههههههههههه احلى شي توماتيكيا ,, بالتوفيق ياعسل وإلى الأمام

تسلمي حبيبتي

يسلمو ومشكوره على التلطيش يا توماتيكيا خخخخخخخخ
يعطيك العافيه تقبلي مروري

	#2
محد قدي	رد: يازين يوم انا وانتي صغار يازين يوم انا وانتي صغار ههههههههههههه احلى شي توماتيكيا ,, بالتوفيق ياعسل وإلى الأمام

	#3
أنا يعني أنا	رد: يازين يوم انا وانتي صغار يازين يوم انا وانتي صغار تسلمي حبيبتي

	#4
مجروحه وأكآبر	رد: يازين يوم انا وانتي صغار يازين يوم انا وانتي صغار يسلمو ومشكوره على التلطيش يا توماتيكيا خخخخخخخخ يعطيك العافيه تقبلي مروري