 |
  |
|
|
|
|
#1 |
|
:: كاتبة مقتدره :: |
:11_1_209[1]:اخباركم صبايا..؟؟
اليوم جبت لكم روايتي الثانيه..وطبعا تختلف عن الاول بشكل كبير واتوقع انو البدايه ماراح تكون مفهومه.. بس بعد جزئين تتضح شخصياتها ومضمونها الرواية بقلم{ T3o0oah} نبذه: تحمل روايتي بين طياتها..معاناة فتاه قبل ولادتها.......حب ينمو داخل قلبه المتحجر......فتاه تعيش الحياه من اوسع ابوابها..........شلة بنات فله هبال صرقعه.....تأنيب الضمير يقتل صاحبه..........الخ اخليكم مع الرواية البارت الاول بسم الله الرحمن الرحيم البارت الاول في مدينة الرياض وفي احد الاحياءالشبه متوسطه.. في بيت شعبي... ألين: هههههههههههههه ان شاء الله.. من شان اختبها لأبني مها: هههههههههههههه ايه ان شاء الله.. والله خلاص احس اني بتوحم على بنت سكت ألين فتره: مها.. ادعيلي ماجيب صبيه.. استغربت مها من كلامها: ألين ليش تقولي.. كذا ماكنت ادري انك من النوع الانحيازي الين: لا والله مو من شان هيك.. وحطت يدها على بطنها.. انتي بتعرف وداح(وضاح)..والله ليأتلني انا وهي مها: يه.. نسيته... حسبي الله ونعم الوكيل.. احد يكره البنات والله انهم زينة الحياه.. ألين حطت عينها بعين مها..: مها مها: امري ألين: تؤبري البي انتي... من شاني بدي اطلبك طلب.. وازا مابتريدي .. من شان الله ماتخجلي.. مها: اطلبي ياقلبي.. ترا احنا اخوات قبل لانكون جارات وصديقات ألين والدمعه في عيونها: ازا اجتني..بنت...نزلت عيونها تحت.. من شان الله خليها عندك والله خدمه مابنساها.. غضب نزلت دموعها.. انا مابتعترض.. على حكمه الله.. بس.... بس ابواها ماراح يخليا مرتاحه.. انتي بتعرفي انو بناتو مابيعرفو اشي اسمو الشارع.. او الناس.. ضمت مها..من شان الله سكت مها. .ماهي عارفه ايش تقول... صح انها ودها في بنت.. واصلا لحد الحين مايدرون ايش فيه في بطن ألين مها: .............>>اكتفت بأنها تطبطب على صديقة عمرها الي من يوم كانو في المتوسط سوا.. كبرو وتزوجو. مها متزوجت خالد.. والحين عندها ثلاث اولاد.. احمد... والتوأم حمد وفهد واحد فالطريق.. وهي الحين في بداية الشهر التاسع ألين متزوجه وضاح.. وهي لبنانيه وضاح متزوج ثنتين.. الاولى حبه وقلبه على قولته.. وماجابت له شي والثانيه كلهم سبع بنات.. وتزوج ألين عشان الولد.. وتوعدها لو جابت بنت هي وياها >_< وهي بعد حامل وفي الشهر الثامن...وهي الحين اغلب وقت تقعد عند مها لان وضاح مسافر عند زوجتو الاولى في الكويت... في نفس اليوم وفي اليل.. في بيت خالد.. في غرفة العيال بعد مانيمتهم.. وحطت كل واحد على سريره قاعده تطالع فيهم وتفكر..انا صح اني ابغى بنت.. بس حرام تتيتم البنت وامها موجوده..بس ابوها راح يعذبها يعني عندي ارحم... طيب بعدين ايش اقولها اذا سألتني ليش امي خلتني..؟؟ وين ابوي..؟؟ وين اهلي..؟؟ يوه انا الحين افكر في موضوع.. ولحد الحين ماندري ايش الي بطن ألين.. قامت وقفلت النور وراحت نامت.... والي كاتبه ربي هوا الي بيسير... مر اسبوع.. وفي يوم يوم كانت مها في المطبخ.. جتها الام المخاض.. قامت تصرخ.. جا احمد وشاف امو قاعده على الارض على الارض وباين على وجهها.. الالم... راح يجري بنادي ابوه جا ابو احمد... واخذها ودها المستشفى... وارسل احمد ينادي األين عشان تقعد معاهم.. ولدت مها.. وجابت ولد وخرجت من المستشفى لمن انتهت مدة ترقيدها... ورجعت البيت..و ألين بحكم ان ابو احمد طول وقته يشتغل وماسار يجي البيت الا وقت النوم .. سار اغلب وقتها عند مها عشان الضيوف.. صح ماكانو كثير.. بس اسمو ان ناس يجون ويبغالهم من يقوم بضيافتهم.. مر الاسبوع الاول.. والاسبوع الثاني..وبقي اسبوع وتدخل ألين الشهر التاسع... كانت حاطه يدها على قلبها.. لانها مره لم راحت تزور مها في المستشفى كشفت.. وقالتلها الدكتوره انهم توأم... بس ماهي قادره تحدد جنسهم.. مع انها في الشهر الثامن... طبعا من يوم ماتقرب الولاده راح يجي وضاح وهي كل ماقرب موعد الولاده يدق قلبها... .. بعد ماراحو الناس.. قعدت ألين جنب مها.. وسرحت.. مها ضاق صدرها على رفيقتها... حالها يكسر الخاطر.. فكرت شوي .. وتوكلت على الله والي فيها فيها. مها: ألين... ألين: مسرحه.. مها تهزها: ألين.. انتبهت ألين: شو يألبي بدك اشي.. ولا الصعنون عملها.. مها: هههههههههههههههههه لا ياقلبي..تسلمين والله قمتي بالي عليكي وانتي حامل بعد... ان شاء الله اردها لك .. ألين: مابينا شي يألبي... .. طيب انا بدري نام.. ضهري كتير بيوجعني.. مها: ياعمري انتي... اقول خلاص ارتاحي والناس عاد يطقون روسهم.. ألين: ههههههههههه.. اصلا خلاص بأيان اسبوع.. وتخلصي.. ويجي دوري.. مها: ههههههههههههه الله يسهلك..عاد انتي توم.. والله انا ذقت المر في فهد وحمد...ولا بعد عمنا حمد كان ناوي يتكي زياده ألين: ههههههههههههههههههههههههههه ... لك يحألو شو بدو اكتر أعد ورتاح وكل أشي بيجي لعندو مها: هههههه على قولتك.. الله يسهل الامور بس.. ألين: اللهم امين...... طيب يألبي انا بدي روح.. بدك شي.. مها: ابد سلامتك وسلامة قلبك....وجت تبغى تكلمها في الموضوع بس قالت تكلم احمد اول على الساعه وحده دخل احمد..: السلام عليكم... وجا جلس جنبها مها: وعليكم السلام... وجات تبغى تقوم: احط لك اكل.. مسكها احمد: ابد سلامتك.. انتي ارتاحي.. واصلا انا اكلت في الشغل.. اخذ الصعنون وقاعد يبوسو: اغي... اغي... حبيب بابا انتا... رفع راسو: الا صح وين العيال..؟؟ مها: الله يجزاها خير ألين نيمتهم قبل ماتروح... والله ياعمري عليها تعبتها معايا هذي الفتره..مع انها حامل احمد: الا هي في اي شهر..؟؟ مها: مالها فتره من دخلت التاسع... احمد: الله يكون بعونها.. مها: امين...سكت فتره بعدين تكلم: امم اقول .. احمد: وهو ماد جسمو بالعرض على السرير: همم مها متردده مرره بس توكلت على الله: ماودك في.... في بنت..؟؟ سكت احمد: كل شي من ربي راضي فيه.. الحمدالله واشكره.. يكفي معطيني زوجه وعيال.. الحمدالله والشكر مها: احمد.. انا ابغى بنت.. رفع احمد راسو :ياقلبي الله كاتبه ربي بيسير... لو كاتب تجينا بنت بتجينا بنت.. لو بعد خمسين سنه.. ولو ماكتب راضين الحمدالله... مها: احمد... ابغى اطلب منك طلب... وجات جلست عندو.. الله يخليك لاتردني.. احمد : امري.. مها: مايأمر عليك عدو..... امم اذا اذا.... ركز على اذا جابت ألين بنت باخذها.. احمد فتح عيونو على اخرها: مها انتي انجنيتي... تبغين تاخذين طفله من امها.. مها: لا اسمعني... انت تعرف وضاح صح..؟؟ احمد: ايه شفتو كم مره مها: عندو سبع بنات.... احمد: ماشاء الله مها: وتزوج ألين عشان الولد.. ولو جابنت بنت بيعذبها زي اخواتها.. يعني اذا قعدت عندنا ارحم احمد: ماهو عذر... اخذ بنت من امها عشان ابوها مايعذبها..مها..بالله هذا كلام وحده عاقله مها والعبره خانقتها: هيا قالتلي... وانا ..رفعت عيونها... وانا ابغى البنت.. الله يخليك احمد: الحين ماراح اقول شي... وانتو ايش دراكم امكن ابوها يحن اذا شافها..الحين تعالي نامي وريحي.. مرت الاسبوع بسرعه.. وجا اليوم الي تطيح فيه ألين وتصرخ من الالم: اه يارب... مها... مها اه يابطني... ماعم أودر اتحمل... اه.. مها... دخلت مها تجري.. ورها احمد وفهد وحمد... وخالد عند الباب ومعاه سعد... .. لبستها مها عبايتها وساعدتها لين وصلو لسياره.. وراحو المستشفى.. وهم حاطينها.. في السرير ويجرون فيها بيدخلونها غرفة العمليات... مسكت يد مها..: اذا سار في اشي.. ولادي في امانتك.. في امانتك يامها.. دخلوها.. وقلب مها معاها لانها توأم والاول حمل لها.. وسار لها نزيف مها سارت تدور وهي كل شويه تطالع في باب الغرفه... ومرت ساعه بالتمام والكمال واخيرا.. طلع الدكتور...قام احمد..ومها وراه احمد: بشر يادكتور الدكتور: مبروك قالك توم.. بنت ولد.. والمداد الحمدالله كويسه.. بس عايزه راحه مها: الحمدالله يارب.. الحمدالله... طيب نقدر نشوفها يادكتور الدكتور: اوك بس لم ينألوها للغرفه....نقلها للغرفه..ودلخت عندها مها.. واحمد قعد برا عشان الاولاد معاه ألين وهيا باين عليها التعب: شو جبت..؟؟ شو جبت مها : جبتي توم... توم ياقلبي ألين: شو جبت..؟؟ فهمتها مها: كلهم بخير... والحين هم بيروشونهم ويبحونهم.. ألين حست انهم بنات.. وغصب عنها صاحت... توم وبنات... حمدت ربها.. وهي راضيه بقضائه وقدره وضاح يسوي الي يسويه.. هذا الي كاتبه ربي ماراح أأدر اعمل اشي..روشوهم وجابهم واول شي... دخلت النيسر الاولى.. ومعاها طفل رضيع وملفوف.. النيرس: ماشاء الله بسم الله.. عليه بيجنن.. ألين استغربت ليه تتكلم عنو بصيغة الولد..شالتو مها وناولتو ألين.. مها: سمي بالله وأذني في اذنو.. ألين لحد الحين ماهي مستوعبه.... اخذتو بيدات مرتجفه.. وطالعت فيه .. سومت بالله واذنت في اذنو.. وعرفت انو الي في يدها ولد... وقلبها لحد الحين مع الثاني.. تأخرو شوي لين دخلوه.. وبرضو كان ملفوف.. واخذت مها الولد من ألين.. ومسكت الثاني وسمت وأذنت في اذنها..وغرفت ان الي معاها بنت.. رفعت عينها.. وحمدت ربها انها شافتهم طالعت في مها: دأيتي على وداح..؟؟ مها.. وهي لحد الحين شايله الولد: لا.. مع الربشه نسيت ألين: احسن.. وضمت البنت لحضنها.. وسن.. بدي سميا وسن وطالعت في مها وهي مبتسمه: شو رايك... بدي سميا وسن على اسم امي الله يرحمها مها: الله يرحمها... الي يعجبك ياقلبي هذي بنتك.. بس.... بس ماراح تشاورين وضاح..؟؟ نزلت راسها وقاعده تصيح.. قربت منها مهاوضمتها هيا وبنتها.. ألين: مها شو ألتي... من شاني.. خديا..والله بخاف يعملى شي.. وهي عندك راح كون مرتاحه.. مها غصب عنها : خلاص ياقلبي مايسير الا الي يرضيك.. واخذت منها وسن واعطتها النيرس.. مها: انتي الحين ارتاحي.. وانا بروح اتصل على وضاح... وقبل ماتروح مسكتها وألين ألين: م...مه...مها.. نهاية البارت.. البارت الثاني مسكت ألين يد مها: مها.. بليز لا تؤليلو شو جبت.. خليه يجي بالاول.. مها: عيوني الثنتين....طلعت برا وكلمت خالد ودق على وضاح..وقال انو بيجي اليوم اليل استأذنت مها من ألين بترجع تنوم العيال وبتجي سريع... رجعت البيت واول مادخلو مسكت يد خالد مها: حبيبي... الله يخليك... طلبتك..ابغاها خالدوهو ماهو مقتنع بكلام زوجتو: يعني الحين بالله لو قلت لك اعطي سعد ألين بتعطيها هزت راسها بلا خالد: خلاص اجل...خليها تتعذب بس بتلاقي صدر حنون يضمها.. مها: طيب انا ماراح اعذبها وبعطيها كل الحنان الي عندي.. سكت خالد حس ان الجدال معاها عقيم : الحين خلي ابوها يجي ويسير خير سكت وراحت نيمت العيال.. ورجعها خالد عند ألين.. طبعا ألين قاعده على جمر خايفه من وضاح وخايفه على بنتها خصوصا لمن قالتلها مها عن رد خالد.. ومها قلبها على صديقتها..وعلى وسن الي بدت تحس بالانتماء لها.. من التعب حطت مها راسها على السرير وغفت..اما ألين ماعرفت طعم النوم.. سرحت وقاعده تفكر..ياربي شوبدو يعمل في لو عرف اني جبت بنت..بس كمان انا جبت صبي يالله.. يارحيم يارب حفضلي ولادي.. يارب دلني على الطريئ الصواب..يارب ازا كان فيه خير لوسن انها تعود معي يارب احفضها.. وحن الب بيا عليا..وازا ماكان فيه خير... يارب خالد يرضى ياخدوا..يارب ودمعت عينها غصب... يعني الحين بدال مافرح انو اجتني بنت... هالوضاح عاملي قلق..مر الوقت وعدت الساعه وحده.. وسار ممنوع احد يدخل القسم.. قطعت الامل انو وضاح يجي بالهوقت.. على الساعه 11 الصباح قامت مها... ورفعت راسها ولقت ألين صاحيه: ماشاء الله صاحيه من بدري ألين: هههه شو شايفتيني كيس نوم متلك..؟؟... مفروض انا الي بنام هالمده منو انتي.. مها : ههههههههههههههههههه.. سكت شوي.. وضاح جا..؟؟ هزت ألين راسها بلا.. قامت مها وراحت الله يكرمكم دورة المياه.. وهي راجعه.. راحت عند الحضانه وقاعده تطالع من برا على الاطفال.. وتعلق نضرها على البنت الي ممكن تكون ملك لها.. حست مها انو ودها تاخذها وتهرب فيها.. بس تسير لها بنتها هي وبس... استغفرت مها على افكارها ورجعت عند ألين.. وقاعدو يتكلمون شوي لين ماجات الدكتوره وكشفت عليها وطمنتها عن حالة الاطفال ألين: دكتوره.. الدكتوره: نعم ألين: معليه بس بدي أسأل متى بتبدا الزياراه.. الدكتوره: شو اشتأتي لابو الاولاد ههههههههه.. ضحكت ألين ضحكه باهته: ههههه ... الدكتوره: الساعه 4 العصر الا الساعه 8 ألين: اها متشكرا كتير.. تسلمي.. الدكتوره: العفو.. وطلعت,,, قعدت ألين على اعصابها.. وفي الاخير ألين: مها مها: هلا.. ألين: ممكن كلم خالد..؟؟ استغربت مها طلب ألين بس مامانعت.. واعطتها الجوال ودقت على خالد اخذت ألين الجوال وحطت على الاسبيكر.. خالد: هلاوالله وغلا حياتي ابتسمت الين وضحكت مها.. ألين: انا ألين خليك هالا منا وركز معي. خالد بجديه: تفضلي اختي.. ألين: انا بعرف انو الكلام الي بدي أولو منو منطأي بس من شان الله تسمعني..مابتحسب اني مابدي بنتي بس انا خايفي عليا..ولو انتى مكاني كان عملت الي عملتو خالد: اني ابعد بنتي عني.. اكيد لا ألين بدت الدموع تتجمع في عينها: بس ازا كان راحتها بعيد عنك شو كنت راح تعمل..؟؟ خالد:.................>>سكوت ألين: انا بعرف وضاح... والله راح يبهدلها.. انا شفت شو عمل في بناتو..بتعرف انون مابيدرسو.. وانون طول حياتون في البيت..؟؟وبيعدبون..؟؟منو مريحون ابدا..وبدك ياني خلي بنتي عندي..؟؟ خالد سكت شويه بعدين تكلم: طيب شوفي.. انتي جسي نبضو.. واذا شفتي لحد الحين قايم عى البنات باخذها ألين: وكيف بجس نبضو...؟؟ خالد: لاجابو الولد..أسألي ماتبغى اخت لو.. ولا قلو بقي لنا بنت ونسير عائلة كامله.. اي شي بس دخلي البنت في السالفه.. ألين: بس انا بخاف يعصب .. والله بيأوم الدنيا وما بيأعدها.. خالد: معليه... واذا حسيتي انو نافر... ابشري بحط بنتك امانه في عيوني فرحت ألين وضمتها مها.. وقعدو يستنون وضاح.. بعد اذان العصر..وقفت سياره سوده عند الباب ونزل منها شخص.. مشى بخطوات واثقه ودخل المستشفى توجه عند الرسبشن..وسأل عن الغرفه ودخل.. الغرفه وضاح: احم احم.. ألين من يوم سمعت صوتو مسكت يد مها.. تغطت مها.. ودخل وضاح.. وضاح: السلام عليكم الكل: وعليكم السلام. وضاح راح عندألين وقعد على السرير.. واما مها خرجت عشان ماتضايقهم وضاح : شخبارتج.. ألين والدموع متحجره في عينها: منيحه.. انتى كيفك..؟ وضاح: دامتج بخير انا بخير.. وطالع في عيونها.وابتسم. وين ولدي..؟؟ ألين استغربت لانها طلبت من مها ماتقلو شي..: ومين ألك انو صبي.. اختفت الابتسامه من فمو.. وثبت عيونو في عينها.. وقرب حواجبو من بعضها: ليه عساتج يبتي بنيه..؟ خافت ألين هذا وهي لسى ماقالت شي ضحكت : ههههههه لا منو أل هيك.. ألين: مبروك يابو أياس.. وضاح طالع بعيونها: انتي من صدقتج ولا تتمصخرين.؟ ألين: لا يألبي عن جد عم احكي.. وضاح: وعشان هالبشاره الحلوه انتي راح تسميه.. ألين: ههههههههه لا انا وياك.. ولا انتى منك ابو.. ضاحك وضاح.. .. ..مها دقت على خالد عشان يجي ياخذها وراحت تبغى تقول لألين انها بتروح وبصدفه سمعت كلامهم.. وماتنكر انها فرحت انو وضاح مو متقبل البنت..رجعت البيت.. ومر اسبوع وطلعت ألين.. بس الاولاد يبغالهم اسبوع زياده.. مر الاسبوع.. وجا اليوم الي ياخذون فيه الاولاد راحو كلهم.. وضاح وألين ومها وخالد.. بحكم كل واحد بيأخذ ولدو.. دخلو المستشفى ورحو ألين ومهاعند الحضانه.. وضاح وخالد راحو يكملون الاجرأت.. اخالدخايف البنت مو بنتو وبسميها بأسم ثاني.. وابوها موجود.. ترخص خالد وقال انو بيروح الحمامات لين مايخلص وضاح.. ويروح خالد يسجل البنت... خالد ماهو مرتاح من الفكره.. بس هو استخار وتوكل على الله راح وضاح عند الحضانه.. ومسك ولدو وقاعد يبوسو.. والنيسر تكمل اجرأت الخروج ولم جو بيطلعون: استاز وضاح.. وين الاوراء البائيه.. وضاح: اوراق شنو..؟؟ النيرس: اوراء البنت... شبك.. ولا مابدك تطلعها.. نهاية البارت واعتذر عن الاخطاء الاملائيه... وان شاء الله تعجبكم.. البارت الجاي بيبدأ الحمماس مقتطفات.. ...:: هههههههههه حرام عليك.. بدري عليها راسها لين.. ...: داريه بس استهبل...وباستها في رقبتها واستنشقت ريحتها الي حستها شي ثاني ....: وخرو لاقسم بالله اصرخ ..: جربي تصرخين ماتشوفين الا الزنوبه في فمك طالعت فيهم: يعني هذا اخر شي..؟؟ فهد يطالع في حمد: مشكله لاسرنا شي مهمش في الحياه حمد: تكلم عن نفسك الله لايهينك سعد: هههههههههههههههههههه لقط وجهك ابو فهيدان. |
|
|
#2 |
|
|
رد: بنام بحضنك
تابعي يا اختي.القصة مشوقة لكن من فضلك تجنبي المخالفات الشرعية
|
|
|
#3 |
|
|
رد: بنام بحضنك
دئمن مبدعه يلغلا
|
|
|
#4 |
|
|
رد: بنام بحضنك
مشكورة ع مروركم
|
|
|
#5 |
|
|
رد: بنام بحضنك
مشكوره
|
بنام بحضنك