 |
  |
|
|
|
|
#1 |
|
:: كاتبة قديرة :: |
 انا النهارده اختارتلكم جزء من اشعار الشاعر المصرى العظيم صلاح جاهين يارب تعجبكم بحر الحياه مليان بغرقي الحياه صرخت خش الموج في حلقي ملاه قارب نجاه .. صرخت .. قارب نجاة قالوا مفيش غير بس هو الحب قارب نجاه عجبي !!! *** فارس وحيد جوه الدروع الحديد رفرف عليه عصفور وقال له نشيد منين .. منين.. و لفين لفين .. يا جدع قال من بعيد و لسه رايح بعيد عجبي !!! مرات أفوق و يحل عني غبايا و أفتكر إني فهمت كل الخبايا و افتح شفايفي عشان أقول الدر ما قولش غير حبة غزل في الصبايا و عجبي. .. يا باب يا مقفول ... إمتي الدخول صبرت ياما و الي يصبر ينول دقيت سنين ... و الرد يرجع لي : مين ؟ لو كنت عارف مين أنا كنت أقول عجبي !!! أنا قلبي كان شخشيخة أصبح جرس جلجلت بيه صحيوا الخدم والحرس انا المهرج , خفتوا ليه, قمتوا ليه لا في ايدي سيف ولا تحت مني فرس وعجبي ولدي نصحتك لما صوتي اتنبح .. ما تخافش من جني ولا من شبح .. وان هب فيك عفريت قتيل اسأله .. ما دافعش ليه عن نفسه يوم ما اندبح .. وعجبي يأسك وصبرك بين ايديك وانت حر تيأس ما تيأس الحياة راح تمر أنا دقت من دة ومن دة وعجبي لقيت الصبر مر وبرضه اليأس مر عجبي علي بعد مليون ميل من أرضنا من الفراغ الكوني بصيت أنا لا شفت فرق ما بين جبال و بحور ولا شفت فرق ما بين عذاب أو هنا عجبي أنا كل يوم أسمع .. فلان عذبوه أسرح ف بغداد والجزاير واتوه ما أعجبش م الي يطيق بجسمه العذاب وأعجب من الي يطيق يعذب أخوه عجبي!! أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!! يا طير يا عالي في السما طظ فيك ما تفتكرشي ربنا مصطفيك برضك بتاكل دود و للطين تعًودً تمص فيه يا حلو .. و يمص فيك عجبي !!! يا عندليب ماتخافش من غنوتك قول شكوتك و احكي عن بلوتك الغنوة مش هتموتك إنما كتم الغنا هو الي هيموتك !عجبي ****************************** ******** يا للي بتحث عن إله تعبده بحث الغريق عن أي شيء ينجده الله جميل و عليم و رحمن رحيم إحمل صفاته ... و انت راح توجده !عجبي ياريت لو اعجبكم ماتنسوا التقييم  |
|
|
#2 |
|
|
رد: شعر لصلاح جاهين
****************************** ********
يا للي بتحث عن إله تعبده بحث الغريق عن أي شيء ينجده الله جميل و عليم و رحمن رحيم إحمل صفاته ... و انت راح توجده |
|
|
#3 |
|
|
رد: شعر لصلاح جاهين
 |
|
|
#4 |
|
|
رد: شعر لصلاح جاهين
يا عندليب ماتخافش من غنوتك
قول شكوتك و احكي عن بلوتك الغنوة مش هتموتك إنما كتم الغنا هو الي هيموتك عجبنى اوى البيت دة والشعر كله جميل عشان من احلى مونى |
|
|
#5 |
|
|
رد: شعر لصلاح جاهين
شكرا ده من زوقك الحلو ام اياد نورتى يا قمر  |
شعر لصلاح جاهين