#1
الملف الشخصي
رقم العضوية:
92966
تاريخ التسجيـل:
Dec 2009
مجموع المشاركات:
6,956
رصيد النقاط :
0
تكفين يمّه .. خلّي البآب مصكوك ..ْ
تكفين يمّه .. خلّي البآب مصكوك ..ْ
قالت لي امي ياولدي شف [شبابك ]
وارفق على نفسك ترا الناس شافوك
شافوك متغير وحاضر غيابك
ومتشت فكرك وللهم [مملوك ]
وقالت لي اسمع كنت احس بصوابك
ابكي دموعي هم واشكي على [ابوك ]
كنت ارتجي ظلك وماطر سحابك
ونسمة هواك اتشيل عن دربي [الشوك ]
ارضى عذابي لجل اشت عذابك
مابي تحس انك اذا طحت[ متروك ]
عهد الطفولة كنت احضن ثيابك
لارحت تدرس وانتظرهم يردوك
واشرب بقايا مابقا من شرابك
لارحت مستعجل وخايف يخلوك
اساعدك تحفظ.. اجلد كتابك
[اضمك ] ان رديت متعب ومنهوك
اليوم ليش اليوم زاد اكتئابك
والي يبونك.. من سواياك [عافوك ]
لاياولدي ارحم[ فؤاد ] حيابك
لاتقطعه احزان. وجروح. وشكوك
قل لي علامك [قافل ] اليوم بابك
عن ربعك وناسك كفا باب مصكوك
والناس الي [تحرق لهم مابقابك ]
ماظنهم كثر الذي فيك حبوك
ابسألك وانطر حبيبي جوابك
تدري بأن الناس [مافيوم حسوك ]؟
امسح دموعك لايخيب الرجابك
منت الذي يضعف [وينهار ارجوك ]
واقفت... وانا ساكت وفكري متشابك
وجسمي كأنه بالسياجات [مشبوك ]
ناديتها [ يمه ].. ذبحني عتابك
تكفين يمه.. [خلي الباب مصكوك ]