 |
  |
|
|
|
|
#1 |
|
:: كاتبة ألماسيّـة :: |
شاب طلع عينه علشان يطلب من جدته 50 جنيه :والله جنان ف جنان
طبعا كلنا عارفين الشباب اليومين دول زي مهو مش بيفضل
في جيبهم مليم احمر اخر اليوم كمان مش بيفضل في رصيدهم قرش واحد حتي يدي بيه ميسد كول فزميلنا ده كرر انه يطلب من مامته فلوس علشان يشحن ولكن للاسف باباه حالف علي مامته لا تعطي له فلوس او حتي تحوله رصيد فقر انه يتصل بتيته علشان يطلب منها فلوس وكان الحوار كالتالي هى : بنتى .. إيه بنتى دى يا قليل الأدب . هو : يا ستى بقولك إزيك يا ستى . هى : أنت بتزعق ليه يا واد أنت أنا بافتكر بتقول بنتى . هو : بتفتكرى إيه !! هو أنتى يا ستي حتى بتفتكرى إسمك . هى : جسمك .. ماله جسمى يا قليل الأدب . هو : يا ستى إرحمينا شويه بقي وشيلى الزلط الى فى ودانك . هى : قدامك !؟ هو إيه الى قدامى يا واد أنت . هو : يوه يادى النيله . هى : البليله .. أه البليله حلوه والله.. دا حتى أنا نفسي في طبق بليله بالبن كده يا واد وعليها شوية مكسرات وكده يعنى . هو : يا حول الله يا رب هو حد جاب سيرة البليله يا ناس . هى : القلقاس !؟ أه بأحب القلقاس أهو كله نعمة ربنا . هو : يا ستى ابوس ايديكي أرحميني أنا لا جيبت سيرة قلقاس ولا أناناس . هى : لأ لأ لأ عيب يا بنى ..عيب لما تجيب فى سيرة الناس . هو : يا ستى هو أنا جيبت في سيرة حد . هى : أه يوم الحد كان إمبارح بس والنبى يا بنى ما أنا فاكره النهارده إيه!!؟ يكونش النهاردة الجمعه يا واد . هو : لا يا ستى النهارده الخميس . هى : البوليس!! وعايز منك أيه البوليس إنت عملت إيه يا منيل على عينك؟ هو : يه بقولك إيه يا ستى نفضى ودانك وطرطقيهم كده وإسمعينى . هى : رضعينى !! أرضعك إيه ياواد أما إنك قليل الأدب صحيح . هو : يا ستى أنا إتفطمت من زمان الحمد لله بس عايز منك قرشين كده سلف . هى : علف !! إنت بتربى بهايم يا واد ؟؟ هو : يا ستى بقولك سلف !! سلفينى خمسين جنيه عايز أشحن التليفون . هى : كومبيليزون !! كومبيليزون إيه يا للى مش متربى . هو : يا ستى حرام عليكى الرحمة حلوة برضه أبوس ايدك عايز خمسين جنيه سلف علشان أشحن . هى : أشتم !! وكمان عايز تشتم يا قليل الأدب . هو : بقى كده يا ستى طب ماشى خدي عندك بقا !! بقولك إيه يا ستى . هى : وظيفتى .. وظيفة إيه يا بنى أنا طالعه علي المعاش من زمان . هو : رمان إنتى عايزه يا ستى تاكلى رمان . هى : أه نفسي في السمان .. هو فيه سمان دلوقتى يا بنى من بعد أنفلونزا الطيور . هو : أه العبور !! أه ده كان سنة تلاته وسبعين . هى : سامعين ؟؟ سامعين إيه خير الله إما إجعله خير هو فيه حاجه . هو : بتقولي ايه يا ستى ..عايزة قهوة سادة . هى : عياده ..عايز تودينى العيادة ليه يا بنى هو أنا عيانه . هو : صقعانه .. صقعانه ليه بس يا ستى دا حتى الجو النهاردة حر . هى : كفالله الشر !! شر إيه يا بنى الى بتقول عليه ده . هو : بقولك إحنا على البر . هى : أه يابنى منا عارفه الخروف ليه فرو .. وبيبقي كمان تخين . هو : أه إبنك حسين !!..ماله إبنك حسين . هى : العجل سمين !! أه هانجيب إن شاء الله في العيد عجل ندبحه ولازم يكون سمين . هو : إيه يا ستي بتقولي ايه .. أسفين .. طب أسفين ليه !! هى : عايز خمسين جنيه !! طب مش تقول كده من الأول هو أنت مكسوف منى يا واد هههههه . هو : ياه أخيرآ يا ستى الحمد لله .. هاتى بقى . هى : أجيب إيه ؟ هو : هاتى الخمسين جنيه !! هى : تحسين بيه .. تحسين بيه مين يا واد . هو : يالاهو وى |
|
|
#2 |
|
|
ههههههههههههههههههه حلوة كتير يا عسل ضحكتيني مواه
:rmadeat-a52ff53d67: |
|
|
#3 |
|
|
رد: شاب طلع عينه علشان يطلب من جدته 50 جنيه :والله جنان ف جنان
هههههههههههههه
مشكورة ي ا قمر |
|
|
#4 |
|
|
رد: شاب طلع عينه علشان يطلب من جدته 50 جنيه :والله جنان ف جنان
مشكورين على المرور
|
|
|
#5 |
|
|
رد: شاب طلع عينه علشان يطلب من جدته 50 جنيه :والله جنان ف جنان
يسلمو يالغلا ........مشكورة
|
رد: شاب طلع عينه علشان يطلب من جدته 50 جنيه :والله جنان ف جنان