اكلات رمضانية اطباق رمضانمشروبات رمضانية
يوجد هنا مشروبات رمضانية اكلات رمضانية و اطباق رمضانية افضل أكلات رمضانية مميزة اكلات شهر رمضان و اطباق أكلات رمضانيه Ramadan Foods
في البداية أحب أقدم التهنئة لكل المسلمين في مشارق الأرض ومغاربها بمناسبة حلول شهر رمضان الكريم.. أعاده الله علينا جميعا باليمن والخير والبركات...
وعلى فكرة أنا سعيده جدا بإني هاكون معاكم بالوصفات في أيام الشهر الكريم، وهاتكلم المرة دي عن أشهر المشروبات الرمضانية اللي ممكن إننا نعملها في البيت بنفسنا...
وعلى فكرة المفروض نشرب كمية كبيرة من السوائل في الفترة من بعد الفطار لغاية السحور علشان نعوّض جسمنا عن كمية السوائل اللي بيفقدها طول النهار أثناء الصيام خاصة وإن رمضان السنة دي جاي في عز الحر...
اللبن بالتمر مليان فيتامينات
فيه طرق كتير لعمل مشروب اللبن بالتمر هنعرف منهم طريقتين النهارده...
هننقع البلح لمدة خمس ساعات في مية بعد كده هنقشره ونحطه في الخلاط ونضيف إليه اللين والسكر ونضربهم مع بعض.. وبعد كده نحطه في كاسات العصير ونضيف إليه الفانيليا ولو كنا بنحب القرفة ممكن نحطها على الوش.
وبالهنا والشفا
الطريقة التانية:-
هننقع اللبن لمدة خمس ساعات في مية وبعد كده هنقشره ونحطه في كوب كبير ونضيف ليه باقي المقادير ونقلبهم مع بعض كويس وبعد كده نصبه في كاسات العصير..
وبالهنا والشفا
عصير قمر الدين أشهر ما يقدم في رمضان
من أشهر المشروبات التي تقدم في رمضان هو مشروب "قمر الدين" وأنا شخصيا بحبه قوي..
هنجيب نص لفة قمر الدين ونقطعها إلى قطع صغيرة بعد كده نحطها في كوباية ونضيف إليها المية وحبات المشمش المجفف ونسيبيهم لمدة 3 ساعات بعد كده نحطهم في الخلاط ونضيف إليهم السكر ونضربهم مع بعض كويس في الخلاط...
بعد كده نحط العصير ده في التلاجة لمدة ساعة وبعد كده نخرجه ونحطه في كاسات العصير.
هنغلي 4 أكواب مية وهنضيف ليهم حبات التمر هندي المجفف ونسبهم على نار هادية لمدة عشر دقائق مع التقليب المستمر...
بعد كده هنشيل التمر هندي من على النار وهنضيف ليه السكر ونقلبه كويس ونصبه في كوب العصير وندخله التلاجة لمدة 4 ساعات...
بعد كده نطلعه من التلاجة ونصفيه بمصفاة ونضيف ليه كوبين من المية الباردة ونقلبه كويس، ونصبه في كاسات العصير ونحط معاه قطع تلج.
وبالهنا والشفا
العرقسوس أحلى ما يقدم في رمضان
أحلى مشروب ممكن أننا نعمله في رمضان هو العرقسوس وعلى فكرة العرقسوس من أشهر المشروبات الرمضانية على مر العصور.
المقادير:-
• 1/2 كوب مسحوق العرقسوس.
• 1/2 ملعقة صغيرة من بيكربونات الصوديوم..." من عند العطار".
• 10 أكواب مية.
الطريقة:-
نحطّ مسحوق العرقسوس في طبق ونضيف ليه بيكربونات الصوديوم ونقلبهم مع بعض كويس ونضيف ليهم كوب من المية ونقلبهم مع بعض بحيث إن الخليط يبقى متجانس..
نجيب قطعة من القماش الشاش نحط فيها العرقسوس ونربطها ونحطها في كوباية فيها باقي المية ونحطها في التلاجة لمدة 5 ساعات وبعد كده نطلعها ونصب العرقسوس في الكوبايات.
حطي كوب من المية مع أوراق الكركديه على النار وسيبيهم علشان يغلوا كويس لمدة خمس دقائق..
بعد كده شيليه من على النار وسيبيه لغاية ما يبرد. بعد ما يبرد هاتي مصفاة وصفي الكركديه وضيفي للكركدية المتصفي السكر في الكمية المتبقية من المية وقلبيهم مع بعض...
هاتي كاسات العصير وصبي فيها المشروب وضيفي ليه مكعبات الثلج.
وبالهنا والشفا
خشاف رمضان أحلى حاجة ممكن نشربها
كوباية الخشاف من أشهر المشروبات الرمضانية وأنا شخصيا باحبها جدا لأنها مفيدة جدا للجسم.