مقلب حلو

يقول بطل القصة

رحت لمحل بيع الكتب المستعمله المكتبة ذي تبيع الكتب الرخيصه

رحت لها وشريت لي كتاب وكان عندي اختبار

له في اليوم الثاني.. (هذي طريقتي في الاختبارات).. المهم فتحت الكتاب

فتحت الصفحة البيضاء الي بعد الغلاف لقيتها

مكتوبة بقلم حبر ناشف، واضح إنه مكروف لين قال آمين، المهم ..

الكتاب طلع لبنت قبل ما تبيعه (يا عمري توها زانت المذاكرة )

والغريب إنها كاتبة الكلام هذا:

( أنا أدري إنك أول ما تقرا الورقة ذي بتنهبل، بس

خلّني أقول لك شي.. أنا صراحة مثلك في الكلية ومقهورة..

ما كتبت هالكلام إلاّ من القهر.. وعندي إحساس إنك

بتقدّر ظروفي كونك مثلي عايش نفس الأجواء الحين )!!

وقامت تسب في دكتورة اسمها .... !! وبعد ما شبعت

من سبّها.. قالت: (وعموماً فرصة سعيدة جداً إني تعرفت

عليك، وأشكرك على قراءة كلماتي بس والله ما كتبت

إلاّ من الطفش -عموماً- أنا فضولية شوي.. ممكن بعد ما

تخلّص من الكتاب.. تكتب لي على الوجه الثاني ردّك لي..

ورجعه وأنا بقرا ردّك.. وإن شاء الله إني أبي أجي

أشتريه في تاريخ كذا كذا

ناظرت في التاريخ.. لقيته بكره !!!!!؟

ياساتر وش أسوّي؟ طيب أنا ما ذاكرت.. وش ذا الحظ؟

المهم إني خقيت (يعني رحت وطي)..

وقررت إني أكتب لها الرد وبرجّعه.. بس قبل كل هذا

رحت وصورت الفصول الي داخله بالاختبار عشان اذاكر

ضبطت لها رد محترم وقلت لها: ترى أبي أشتريه عقب أسبوع .. ورحت أرجعه ..

وفعلا رجعته وشراه الزول مني بنص السعر

اليوم الثاني باليل رحت للمحل لقيته الكتاب مباع

سألت الزول : الكتاب الي شريته منك أمس وينه؟ قال: امبارح اجت

بنت وشالته !!

وانا الي تنفتح كشرتي لين وصلت اذاني

المهم أخذت أنا ويّاها الله لا يقردنا ثلاثة أشهر

وحنّا شارين الكتاب بايعين الكتاب.. والمستفيد المحل حق الكتاب المستعمل..

لا وبعد صار ما يحطّه في الدرج.. خلاص فهم علينا

وصار يخليه عنده على الطاولة ويسلمه لي أو لها أول ما نجي ..

مررت الأيام وجيت مرة قلت للزول وين الكتاب؟ قال: ما أدري امبارح

جاء راجل أخذ الكتاب.. قلت: يا ابن الحلال قل غير

هالكلام الكتاب قديم ومعفّن وأوراقه نصها كتابات.. قال: آآآآآي

عليك الله أخدوه الزول الكتاب الأصفر ..

المهم طلعت وركبت السيارة.. ويوم وصلت الإشارة قلت :

لحظة يا رجال، ال..... الحين يقول الكتاب الأصفر.. يا خي هو

أحمر أصلا مهوب أصفر ..

المهم ديورت بسرعة ودخلت المحل بسرعة.. تتوقعن وش شفت

لقيت الاخ ابن الذين ماسك كتابي الأحمر

وقاعد يكتب الرسالة الي أنتظرها في
صفحة من الصفحات
طلع الئيم هو الي انا خاق معه من مده

وربي لما قريتها كنت متحمس
وربي هذا الزول حقير بس يبغى يملي جيبه
انتظر تعليقاتكم..

اوما عاد
اوم المقلب يا شيخ

يا زيني اول وحدة رديت يشرفني هذا

مشكوووووووره

بصراحه مقلب قوي مره
يعيش وياكل غيرها

هههههه

منورين

يستاهل لأنه ماشي في سكة غلط

	#2
العسولة أسولة	رد: مقلب حلو مقلب حلو اوما عاد اوم المقلب يا شيخ يا زيني اول وحدة رديت يشرفني هذا مشكوووووووره

	#3
محبه الخير	رد: مقلب حلو مقلب حلو بصراحه مقلب قوي مره يعيش وياكل غيرها

	#4
قصة قلب	رد: مقلب حلو مقلب حلو هههههه منورين

	#5
مصممة أزياء إسلامية	رد: مقلب حلو مقلب حلو يستاهل لأنه ماشي في سكة غلط