ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > المواضيع المتشابهة للاقسام العامة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
المواضيع المتشابهة للاقسام العامة تعالى نضحك ونستمتع وسيبك من الى يغمك وانسى همك... يوجد هنا تعالى نضحك ونستمتع وسيبك من الى يغمك وانسى همك... هنا توضع المواضيع المتشابهة


 
قديم   #1

ام اياد2

مشرفة فى فترة اجازة

الملف الشخصي
رقم العضوية: 77419
تاريخ التسجيـل: Aug 2009
مجموع المشاركات: 8,282 
رصيد النقاط : 0

تعالى نضحك ونستمتع وسيبك من الى يغمك وانسى همك...


تعالى نضحك ونستمتع وسيبك من الى يغمك وانسى همك...

 اسمعو ا بقى مرة واحد مسطول قابل واحد قاله




اسمعو ا بقى


مرة واحد مسطول قابل واحد قاله الساعة كام قاله خمسة وخمسة فرد عليه المسطول وقاله ما تعرفشى تقول عشرة وخلاص



في واحد راح يغير أنبوبة بوتاجاز قال لامه ادعيلي قالته انشاله تنفتح فى وشك.



قزم راح للترزى علشان يفصل جلابية وبعد ما أخذ الترزى مقاساته قاله القزم إمتى تخلص قاله الترزى خدلك لفه وتعال


في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا استاذ ، الاستاذ: يابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت الي متعرفش ابويا يا استاذ





في واحد كريم انحرق بيته لما جت المطافي حلف عليهم ما يعملوا حاجه لحد ما يشربوا القهوة



واحد مسطول ماشى فى الشارع لقى عمود نور مكتوب عليه شقة للايجار راح قعد يخبط على العمود لغاية لما جاله مسطول تانى قال له انت بتعمل ايه هنا قال له اصلى لقيت مكتوب شقة للايجار قمت قعدت اخبط بس محدش رد علىّ قام التانى قال له غريبة مع ان الجماعة منورين النور فوق



مصرقع سألوه: تعرف بيتهوفن؟قال: ليه هو أنا أعرف هوفن مشان أعرف بيتهم



بلدياتنا و مراته نزلوا القاهره لواحد صاحبهم ... عزمهم على عرض باليه... و هما بيتفرجوا مرات بلدياتنا نامت .... بعد ما رجعوه البلد قعد ماأهله و بيحكيلهم على الباليه .... قالهم و الله ناس زوق خالص ... اول ماشافوا المدام نايمه مشوا على طراطيف صوابعهم



شويةرجالة
واقفين ... واحد قالهم إلى بيخاف من مراته يروح على اليمين ... كلهم راحو
ما عدا واحد قاله يعنى أنت إلى مابتخفش ... قالهم أنا مراتى قالتلى
متتحركش من هنا



مرة واحد وصاحبه قاعدين فالتانى قال لصاحبه الحق فى تعبان داخل على حماتك الاوضة قاله احسن يستاهل


مرة واحد غبى كانو رايحين يشنقوه وهو بيتشنق قالولو مش عايز تقول حاجة قبل ماتشنق قالهم اة فنزلو قالهم مش تحسبو كنت هتخنق ياجزم


احد بلدياتنا خلصت مدة رخصة عربيته قال لأبوه : رخصتى خلصت... قاله: من كتر لفك فى الشوارع


واحد مصرقع قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى... رد عليه واحد من الى قاعدين قاله صح انا لما قابلت نفس الاسد ضربته بالقلم ايدى اتبلت



مرة ولد سأل ابوه هل الحب اعمي يا بابا قاله بص في وش امك و انت تعرف



واحد راح جنينة الحيوانات حط دماغه جوة قفص الأسد..
الحارس قاله ايه ده يا مجنون
قاله خلاص ياعم احنا حناكله



مصرقع سأل واحدة اسمك ايه؟ ردت: أسماء؛ فقال: يعني ما فيش اسم محدد؟!



واحد بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها



مره واحد غبي راح السنيما هو ومراته اول ما النور طفا قال لها جومى يا واليه شكلهم هيناموا



اتنين واقفين على المحطة مستنين القطر والدنيا زحمة اول ما القطر وصل كل الناس جرت عليه واحد ركب والتانى معرفش يركب فوقف وهو عمال يضحك فواحد سأله انت بتضحك على ايه قاله اصل الى ركب ده كان جى يوصلنى



مرة اتنين ستات عواجيز نفسهم يتجوزوا فراحوا النادي وقالوا اول ولد حيعدي حنقوله، و لما عدى واحد، واحدة منهم قالتله: تتجوزني يا امور؟ قالها: ده انا اتجوز كلبة ومتجوزكيش! التانية راحت قايلة: هوهو




واحد غبي طلع برج القاهرة في اخر دور وبص على الناس تحت لقاهم صغيرين جدا وركز على واحد منهم وكلما كان ينزل دور كان يلاقي حجمه يكبر حتى وصل للدور الارضي راح للراجل وحضنه وسلم عليه فساله الراجل انت تعرفني قال له طبعا يا راجل ده انا اعرفك من وانت صغير قوي



عريس وعروسته في يوم الفرح وهم داخلين القاعه وماسكين ايد بعض العروسه فجأه سابت ايده وطلعت تجري قال لها "على فين؟" قالت له "بسرعه بسرعه عشان نلحق مكان."


مرة واحد نازل من بيتة عمال بيصرخ ويزعق وبيقول ألحقوني يا عالم ألحقوني يا ناس حماتي هترمي نفسها من الشباك ألحقوني بالأسعاف ألحقوني يا عالم في واحد صحبة سمعة وهو جاي من على أول الشارع فقلة أية في ايه أنتا بتزعق ليه قام صحبنا قاله حماتي هترمي نفسها من الشباك قام راد عليه صاحبه


مرة اتنين أغبية طالعين رحلة فالسواق نزل استراحة ورجع لقى الفتيس مش موجود قالهم الفتيس راح فين...قالوله لقينك يا عم طول الطريق عمال تشد فيه مش عارف تخلعه قولنا نشلهولك


مرة تلميذ بيسأل الأستاذ بيقول له:هو ممكن يعاقب الإنسان على حاجة معملهاش؟قال له:لا طبعا . فرح التلميذ اوى و قال له خلاص انا معملتش الواجب

مره واحده حامل ابنها الصغير بيسألها:ايه الي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.

 
قديم   #2

ام الكتكوت


رد: تعالى نضحك ونستمتع وسيبك من الى يغمك وانسى همك...


تعالى نضحك ونستمتع وسيبك من الى يغمك وانسى همك...

هههههههههههههه

 
قديم   #3

الفراشة الحرة


رد: تعالى نضحك ونستمتع وسيبك من الى يغمك وانسى همك...


تعالى نضحك ونستمتع وسيبك من الى يغمك وانسى همك...

هههههههههههههههههههههههههههههه .....حلوة خالص

 
قديم   #4

منة القلب


رد: تعالى نضحك ونستمتع وسيبك من الى يغمك وانسى همك...


تعالى نضحك ونستمتع وسيبك من الى يغمك وانسى همك...

ههههههههههههههههههههههه
حلوين اوى ام اياد
شكرا ليكى كنت محتاجه اضحك فعلا

 
قديم   #5

><همسات><


رد: تعالى نضحك ونستمتع وسيبك من الى يغمك وانسى همك...


تعالى نضحك ونستمتع وسيبك من الى يغمك وانسى همك...

هههههههههههههههههه
يسلمو

 

أدوات الموضوع



الساعة الآن توقيت السعودية الرياض و الدمام و القصيم و جدة 10:34 AM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0