تجيني طيف يا عمري على جنحان شوقي لك
أخاف ارمش من عيوني وأبعثر جيت وصالك
حبيبي لا تجيني قول وين أنت وأنا أجيلك
أبيك تكون وين أنت وعلى عيوني أنا أسعى لك
وربي فوق روس الشوك لخلي القلب يمشي لك
وأخلي ظلالي يسبقني قبل يحضني من نزالك
ثواني بس ابتهندم من عيونك وابهديلك
في عيني ضحكة حتى تكحل عين عذالك
يقول الناس في غيابي تشب القلب ويضوي لك
حنيني وانوهد شوقه يميل القلب لا مالك
قضى دمعي من عيوني أبي من عينك أبكي لك
أبي انثر من ورا عيوني دموع عيون ترحالك
وحتى الشوق من صبح الدرايش قام يهديلك
عصافير انربت ترفرف على بيبان مدخالك
هنا ترمي صباح الخير قبل لا تروح وادعي لك
وهنا تضوي مساء الخير في عيني من أهزالك
أنا من اليل يقطفي شعوري لك وأغني لك
أنا من الصبح يليلني الحزن من لون موالك
حرام اليل ما هو ليل إذا ما كنت ليلك
وحرام الصبح ما هو صبح إذا ما كنت في ضلالك
تروح وقلت أحط عمري على كفي وأنادي لك
نزعت العمر من شفت الغلا بالروح نادالك
بربك قول وش سوى الفراق بوجه منديلك
تسيل ألوان طيفي فيه إذا منه البكا سالك
حبيبي لا يبكيك الفراق ولا يهد حيلك
أخاف الدمع من عينك يجفف صورتي فبالك
تعال أحتاج أسولف لك عن الأيام أشكي لك
وأفض غيم الحزن وأنثر حنين الشوق بقبالك
تعال وحط في قلبي هموم الفرقا وأشيلك
لأن القلب ما هو قلب إذا في نبضه ما شالك
راقت لي
قول وينك يا عمري
