 |
  |
|
|
|
|
|||||||
| قصص و روايات ادخلو مسلسل من تأليفي يوجد هنا ادخلو مسلسل من تأليفي روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية |
|
|
|
#1 |
|
:: كاتبة نشيطة :: |
ادخلو مسلسل من تأليفي
السلام ............
طبعا جتني فكره وفكرتي هي عباره عن اني اسوي مسلسل بس طبعا من تأليفي وهذا المسلسل له اجزاء بس اول شي بشوف رأيكم في الجزء الاول اذا اعجبتكم المسلسل بسوي اجزاء .. بس ع فكره المسلسل من تأليفي يعني لا تحسبونه حقيقي خخخخخخخخخخخخ نبدأ احم احم ... كنت في البيت انا وابوي لحالنا اخواني كانو طاسين للشرقيه ياخذون عمره قصدي مكه هع والمهم كنت طفشانه لحالي ومير انسدح في الصاله وامد رجيلاتي واخذ الريموت واحط ع سبستون واتابع كونان واله اني تحمست مع كونان حتى حاولت احل بعض القضايا بس للاسف الشديد ماقدرت وطبعا الوالد دخل ... ابو شوق :السلام شوق : وعليكم السلام ابو شوق :وش عندك منبطحه كأنك مضيعه ركلة جزاء شوق :لا واله بس ابي احل قضايا المحقق كونان ابو شوق :انتي من طالعه عليه تسذوبه شوق : عليك اكيد ابو شوق :قومي صدز ماتستحين على وجهك شوق :على وجهي ولا على بطني المهم انا جوعانه ابو شوق : وش اسوي لتس طسي للمطبخ ودوري شي تأكلينه شوق :وانت ماكلت شي ابو شوق :متعشي شوق : افا يالخاين تتعشى لحالك وماكأن عندك بنت ابو شوق :حطي بس على الاخبار ابرك من ذي قناة البزارين شوق :بزارين ولا اطفال المهم عطني مفتاح سيارتك ابي اسوق ابو شوق : معصي واله ماتسوقين شوق : صدقني هذه المره غير ماراح ادعس احد ابو شوق : واله ماعطيك المفتاح لو تموتين نسيتي الشايب الي دعستيه شوق : يبه هذا كان طيش بنات ابو شوق : طيش بنات ولا شباب مانتي بماخذه المفتاح شوق : احلى الوالد يعرف ينكت .. ابو شوق وهو ماسك المخده عطيني الريموت لا اصك بالمخده .. وانا استسلمت وعطيته الريموت يتابع الاخبار وانا اتابع معه جتني فكره جهنميه ليش ماخذ المفتاح وهو نايم من دون مايدري واناظر الوالد بمكر >متعوب عليها وابو شوق : وش فيك تناظريني شوق : ابد سلامتك بس ماودك تروح تنام وترتاح ابو شوق : وانتي وش دخلك فيني ؟؟ شوق :هذا جزاي ابيك ترتاح عشان بكره عندك دوام الساعه 7 الصباح ابو شوق :اقول ورا ماتطسين عن وجهي لا اوريتس شوق : ارحمنا ياشديد ابو شوق : تصدقين الشرهه موب عليك الشرهه على الي يقعد معتس شوق : اشوا يعني بتروح تنام هيه هيه وابو شوق يعطيني ذيك النظره المرعبه الي خلاني مجبوره ابتسم هع وطبعا الوالد دخل غرفته عشان ينام وانا دخلت وراه على طول واندسيت بالدولاب عشان اخذ مفتاحه من ثوبه الي بالدولاب واخذت المفتاح بس ماقدرت اطلع من الدولاب وطبعا الوالد راح الحمام وانا على طول اطلع من الدولاب بس للأسف شافني بس ماشاف المفتاح الي معي ابو شوق : يالبزر وش تسوين بغرفتي شوق : انا خايفه ابو شوق : وش خايفه منه انتي تخوفين ماتخافين شوق : خايفه عشاني اسمع صوت بغرفتي ابو شوق : طيب وش اسوي لك شوق : وحده خايفه وداخله غرفتك يعني وش تبي بتسرق المفتاح مثلا اكيد ابي انام عندك ابو شوق : انثبري هنا واخمدي وشوق تفرح هيه هيه وطبعا نمت وبعد ساعه افز واناظر ابوي وهو بسابع نومه وانا فرحت هيه هيه وسمعت صوته يقول وين رايحه (( خلاص بتعرفون وش صار في الجزء الثاني ..اخ تعبت وانا اكتب عطوني رايكم فيني اصلح كاتبه ههههههه يلا عاد ابي ردود ترفع الراس |
|
|
#2 |
|
|
رد: ادخلو مسلسل من تأليفي
تسلمين
كلك ذوق |
|
|
#3 |
|
|
رد: ادخلو مسلسل من تأليفي
عن جد رائع
حمستيني يلا كملي |
|
|
#4 |
|
|
رد: ادخلو مسلسل من تأليفي
عن جد رائع
رائعه جدا بس كملي ياقلبو |
|
|
#5 |
|
|
رد: ادخلو مسلسل من تأليفي
ياله ابي اكمل مسلسلي الجزء الثاني والاخير هع لاني راح اغيب عن المنتدى لفتره وتراها اوب حقيقه لاحد يقلقني
وصلنا عند ابوي يوم يقول وين رايحه احم احم نكمل ابو شوق : وين رايحه ؟؟ شوق : من انا ابو شوق : لا انا شوق : اوخس يابو الشباب تعرف تنكت ابو شوق :قولي وين طاسه شوق : هاه لا بس بروح الحمام بطني يوجعني ابو شوق :روحي لا بارك اله فيك من بنت ان شاء اله تطيحين في البياره شوق : ياحقود تحسبني مثلك العالم تسرق سيارتك وانت ماتدري ابو شوق : وش تقصدين ؟؟ شوق : خلاص ولا شي اخ يابطني بروح الحمام ابو شوق : انزلعي لا بارك اله فيك من بنيه واطلع من غرفة ابوي وانا مستانسه حيل وانط على غرفتي والبس واكشخ من قدي معي سياره المهم اناظر بنفسي بالمرايه واغمز لنفسي واقول واله مانتي بهينه ياشوق واعطي نفسي بوسه >>وقحه والمهم انطلق للسياره واشغلها بهدوء وبعدها رحت لخوياتي واخذتهم معي عشان تكمل الفله .. وطبعا رافعه صوت الاغاني عالاخر واحسن شي اني لقيت عيال الجيران وبدأ الاستعراض والتفحيط والهجوله والمهم مريت من عندهم شوق : شخباركم ياشباب سعود : اوخس يابنيه وش ذي الحركات شوق وهي تغمز : افا عليك بس محمد : يابنت ورينا كم تخميسه خلينا نوسع صدورنا شوق :تم ماطلبت شي على هالخشم الشباب كلهم عاشت شوق عاشت شوق عاشت شوق وانا تحمست هع والمهم اشخط ذيك الشخطه واقعد افرفر بالسياره واخمس واستعرض لين ماقلت بس بس ياويلي شفت ولد الجيران واي يخق وهينا قلت ياشوق جاء وقتك تظهرين مهاراتك امام ولد الجيران وطبعا فحطت قدامه وبغيت ادعسه بس الحمدله وجت اخته الصغيره تقولي انتي شوق>> كانت تمد اسمي هع شوق : ايوه انا شوق >>اقلدها امد اسمي واناظر اخوان البنت قزيتهم قز..وه بس ...حتى يوم شفتهم تذكرت قصيدة خالد الفيصل من يقول الزين مايكمل حلاه ...كل شي في حبيبي اكتمل اله الي كمله واله عطاه ...مابقي للزين في خلي محل نرجع لموضوعنا هع وبعدها قلت للبنت : شرايك اوديك للبقاله ...طبعا تتميلح قدام الشباب البنت : دقيقه بروح اسأل اخواني شوق :ابد خذي راحتك واذا يبون شي من عيوني اجيب لهم >> خبيثه هع البنت :اخواني يقولون نبي من كودو شوق :هاه >>تورطت ...طيب ياحلوه ماعطوكي شي البنت : اعطوني فلوس شوق : الحمد لله هع واقول ياربي من وين طلعت لي ذي الطعسه واخوانها اوف ورحت اجيب لهم طلبهم وانا رايحه دخلت كودو شوق : الصلام ئليكم>>اقلد الفلبيني الفلبيني : وئليكم الصلام شوق :كيف هال انتا >>حشى هنديه مو فلبينيه هع الفلبيني :الهمد لله شوق : اقول يالحبيب الفلبيني : سم طال ائمرك شوق :اكشخ وصارو يتكلمون مثلنا الفلبيني:وت شوق : وت بعينك تكلم زين وبعدها طلبت للشبا ...وانا مسرعه بالسياره والا وراي الدوريات وانا ادعس واطنشهم وادخل من حاره واطلع من حاره وهم وراي وادعس بقوه ومادريت الا انا صادمه في عمود الكهرباء وطبعا جاء الشرطي الشرطي : هيه انتي بنت وتسوقين سياره .. شوق : بنت ولا ولد موب شغلك الشرطي : اقول عطيني يدك شوق : يدي ولا بطني وش تبي الشرطي : عطيني يدك وانتي ساكته شوق : اسفه ماسلف يدي لأحد خخخخخخخ الشرطي : شكلك سكرانه مانتي بصاحيه شوق :صاحيه ولا نايمه خخخخخ الشرطي : لا الظاهر انها موب صاحيه شوق : لا صاحيه وبكامل قواي العقليه والنفسيه والبدنيه والمهم الشرطي ساكت واخذوني بالدوريه .. شوق : هيه انت وياه وين بتاخذوني هيه يابو طاقيه الشرطي : هلا بالقمر امري شوق : ماتبي توديني للبقاله او شي من هالقبيل لاني حدي جوعانه الشرطي : ماتبين عصير توت معهم شوق : لو يحصل مو مشكله الشرطي : وش مخليك تسوقين سياره شوق :ابد بس حبيت اطلع اشوف شباب الحاره الشرطي : وتقولينها بكل وقاحه شوق : اسكت لأقول لأبوي عليك ابوي مدير الشرطه الشرطي : هاه ..احلفي .. شوق :عساك ماتصدق والمهم وصلت لمكتب المدير المدير : وش اسمك شوق : من انا .. المدير : في احد غيرك شوق : يمكن تقصد نفسك المدير : ليش مجنون شوق : بكل تأكيد المدير : ياكلبه وش اسمك ؟؟ شوق : تعرف اسمي توك قلته كلبه خخخخخ المدير : ياله موب فاضي لك وش اسمك شوق : فاضي ولا مليان خخخخخ المدير : ياشرطي خذ هذه وحطها بالتوقيف لين ماتصحى شوق : مع السلامه ياكلب يابن الكلب خخخخخ يتبع ......... ودخلت للسجن ولقيت عربجي يناظرني العربجي :هلا واله بالزين شوق : وش تبي انت والعربجي يشمر ويجي عندي العربجي :هيه انتي ليش تكلميني كذا شوق بخوف : ههههه ياحليلك ..تعال نسولف شكلي انا وياك نفس الفصيله العربجي :الي يبيني يجيني شوق :زين هاه جيتك العربجي : ماقلتي لي ليش داخله التوقيف شوق :واله لو تشوفني تهاوشت مع 10 من رجال الامن العربجي وهو مفتح عيونه : احلفي !! شوق :بحريقه عساك ماصدقت العربجي : لا صدقتك خلاص بس انا دايم اتهاوش مع 3 مو 10 مثلك واله شكلك مهستره شوق :زين انت وشعندك فيذا ؟؟ العربجي :لا السالفه ماتسوى بس ذبحت 4 شباب فالحاره شوق :فديت الشديد لا تصدق هع انت مهايطي كبير وخلصنا من العربجي وجينا عند الخكري الي جالس بالزاويه يبكي تهئ تهئ شوق :اله يكون بعونك حزنتني وش عندك يالخكري الخكري :انا واله مظلوم مظلوم شوق : ياحرام ليش مظلوم يادلوع ماما هع ؟؟ الخكري : كونت امزح مع صاحبي ودفيتوه بالبحر بنعومه وهوا زيي خكري ماتحمل ومات شوق : اوخس حتى الخكري يعرف يدف خخخخخ الخكري : ايش قولتي شوق : اقول انك رجال خخخ الخكري : مين قالك شوق : ليش انت مو رجال الخكري : لا شوق : شلون لا مافهمت الخكري : انا ولد مو رجال شوق : واله انك ترفع الضغط ياشيخ اطلع من مخي ورحت من عنده وهو مازال يبكي خخخخخخخ والمهم بعد نص ساعه قال لي الظابط تعالي ورحت ولقيت ابوي وضربني وفشلني قدام الخلق ورجعنا للبيت و ابوي صار مثلي فاسد خخخخخخخ عطاني سيارته وصار يسمع كلامي في كل شي ...حتى قلت له ابيك تسوي شعرك كدش وصدقني الخبل خخخخخخخخ واستمريت في الهجوله لين مالقيت فارس احلامي الي كنت ادوره من زمان وتزوجنا خخخخخخخ وطبعا الي تزوجته العربجي الي كان معي بالسجن خخخخخخ بس اله يهديه شريط الزفه حقنا اغاني كسرات هههههههههههاي وخلص المسلسل .. نهايه سعيده . واتمنى يكون عجبكم المسلسل الي تعبت كثير عليه ....لا تنسون التقييم ..وه تعبت |
