ازياء, فساتين سهرة
ازياء مول

العودة   ازياء - فساتين سهرة و مكياج و طبخ > أقسام الأزياء العامة > الازياء العامة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup

 
قديم 09-27-2008, 02:34 PM   #1

shosho.ahmed

:: كاتبة قديرة ::

الملف الشخصي
رقم العضوية: 8489
تاريخ التسجيـل: Jan 2008
مجموع المشاركات: 4,080 

فراشة تطير موضة لبس العيد على طريقة شوشو الشقية


موضة لبس العيد على طريقة شوشو الشقية

السلام عليكم


دلوقتي بقيت باسمع جملة باستغرب ليها قوي وهي "إن خلاص مابقاش فيه حاجة اسمها لبس للعيد وإن دي حاجة بقت موضة قديمة وإن أي لبس عندنا ممكن إننا نلبسه في العيد"...

بصراحة أنا مش مع الناس اللي بتقول كده؛ لأن أنا عن نفسي لغاية دلوقتي بافرح قوي لما أنزل أشتري لبس للعيد لأن اللبس ده بالذات بيكون ليه فرحة تانية وبيختلف عن أي لبس تاني باشتريه طول السنة...

علشان كده كلامنا المرة دي هيكون عن موضة لبس العيد وعلى فكرة كلامي هيكون لكل الأعمار وهابتدي بالأطفال..

الأطفال الصغيرين لبسهم حلو قوي

أنا بصراحة باحب لبس الأطفال قوي بس باستغرب من أنه بيكون غالي جدا مش عارفه ليه؟!

عشان كده بانصح أي حد بيشتري لبس للأطفال أنه يختار لهم مقاس أكبر بدرجة أو درجتين عن المقاس الأصلي لأن زي ما إنتم عارفين إن الأطفال في الفترة دي بتكبر بسرعة ومش معقول نجيب لبس غالي قوي وبعد شهر نلاقيه ما ينفعش يتلبس تاني مش كده ولاّ إنتم ليكم رأي تاني؟!

ويا ريت دايما نختار للأطفال الأقمشة القطنية ونبعد عن الأقمشة المصنوعة من البوليستر لأن جلد الأطفال في الفترة دي بيكون حساس جدا.

وبالنسبة لموضة البنات



بما إن العيد السنة دي جاي في الصيف فهنلاقي إن الفساتين القصيرة اللي من غير كم وبتكون نازلة على كلوش زي فساتين السندريلا هي الموضة اللي نازلة العيد ده.

وبخصوص الألوان اللي نازلة ففيه ألوان كتير قوي نازلة موضة زي "التركواز" و"الروز" و"الأصفر الكناري"...



ده بالإضافة للفساتين الملونة بأكتر من لون وعليها رسومات توحي بالحيوية والانطلاق زي اللي مرسوم عليها فراشات صفراء وحمراء..

بالنسبة لموضة الأولاد



دول بقى واخدين حقهم قوي العيد ده؛ لأن عندهم أكتر من اختيار فهنلاقي مثلا سالوبيت على شكل حيوانات زي الأرانب ممكن إنهم يلبسوها..

كمان ممكن يلبسوا قميص وبنطلون جينز أو تي شيرت وبنطلون جينز، أو تي شيرت وشورت.

وبخصوص الألوان فبرضه عندهم ألوان كتيرة قوي ممكن يختاروا منها زي "التركواز" و"البيج" و"الزيتوني" و"النبيتي" و"البني".



ويا ريت دايما ناخد بالنا وإحنا بنختار ألوان ملابس الأطفال إننا نختار لهم الألوان فاتحة ونبعد في اختيارنا عن الألوان الغامقة.


بالنسبة للشباب والشابات
(من 12 سنة لغاية 20 سنة)



زمان ماكانش فيه اهتمام بالملابس اللي تناسب السن ده لكن في الفترة الأخيرة بدأ مصممي الأزياء يهتموا بالموديلات الخاصة بالسن ده..

فالبنات هتلاقي

ملابس مريحة وعملية بتكون عبارة عن بنطلون قماش واسع أو بنطلون جينز ضيق بالإضافة إلى إن البرمودا الجينز رجعت تاني موضة ونازلة بشكل كبير الأيام دي..



بالإضافة إلى وجود تي شيرتات مصنوعة من الأقمشة القطنية، كمان فيه الفساتين القصيرة اللي ممكن يتلبس معاها بنطلون وبادي.

وبالنسبة للألوان هنلاقي ألوان زاهية زي "الأصفر" و"التركواز" و"الأخضر الزراعي" و"الموف الفاتح"... وعلى فكرة الأقمشة المنقوشة موضة برضه في العيد ده.

والأولاد هيلاقوا



إن البنطلون الباجي وعليه تي شيرت هو الموضة في العيد، وعلى فكرة البنطلون الجينز اللو ويست والمقطع اختفوا مابقوش موضة.

وبالنسبة للألوان فهي "البني بدرجاته المختلفة" و"البيج بدرجاته المختلفة" و"الأزرق بدرجاته المختلفة" والرمادي..


بالنسبة للشباب والشابات
(من سن 20 لغاية 40 سنة)


بالنسبة للبنات



هتلاقي إن البنطلونات القماش الواسعة قوي هي موضة العيد ده وطبعا البنطلونات الجينز متربعة على عرش الموضة في كل الأوقات..

وبالنسبة للجوبات القماش هيلاقوا تصميمات مختلفة من الجوبات منها الجوب "الكلوش" وبالإضافة إلى الجوبات الضيقة من فوق ونازلة على واسع من تحت... كمان الجوب الجينز موضة في العيد.

وبالنسبة للبلوزات فيه أشكال كتير للبلوزات سواء كانت واسعة أو ضيقة وإنت اختاري اللي يعجبك ويناسبك..

وبخصوص الألوان مابقاش فيه حاجة اسمها إن اللون ده مش موضة وإن اللون ده هو اللي موضة؛ لأن كل الألوان بقت موضة وبكده بقى فيه فرصة كبيرة جدّاً للاختيار.

بالنسبة للأولاد



هيلاقوا إن البنطلون الجينز الغامق هو الموضة بالإضافة إلى البنطلونات القماش..

أما القمصان فالموضة هي القمصان اللي بكم واللي فيها خطوط رفيعة..

وبالنسبة للألوان فهي الألوان الهادية زي "البيج" و"الكحلي" و"الرمادي".

كيف تنزعين ملابسك أمام زوجك.......... ادخلي وتعلمي
موضة لبس العيد على طريقة شوشو الشقية
العنايه والطهاره والتفتيح للمنطقه الحساسه
جايبة معاية مخدات تنيمممممم
عمل علاقة الملابس المحشية بالصور
كملي جمالك بربطة حجابك هام جدا
بعد تفتيش بنات الكلية انظرو ماذا راوا
تشكيله جنان اوعا وشك
احذيه وشباشب اشكال والوان وكمان للدلع ....تعالواااااا
أزياء مع الشقيه
ازياء فرنسيه جديدة
تحذير-- مهم لكل البنات والسيدات
نصائح مطبخية خطيره
مخاطر السمنه اسرعي بالحميه
نصائح منزليه لاستقبال العيد حصري


 
قديم 09-27-2008, 08:22 PM   #4

نورعيني


رد: موضة لبس العيد على طريقة شوشو الشقية


موضة لبس العيد على طريقة شوشو الشقية

ميرسي يا قمر

 

أدوات الموضوع



الساعة الآن توقيت السعودية الرياض و الدمام و القصيم و جدة 04:46 PM.

 

Powered by vBulletin® Copyright ©2000 - 2017,
vBulletin Optimisation provided by vB Optimise (Pro) - vBulletin Mods & Addons Copyright © 2017 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0