سم القا صدفه , واسميه ميعاد ..............أنا انتظرتك , وانت مريت صدفه
سم القا صدفه , واسميه ميعاد ..............أنا انتظرتك , وانت مريت صدفه
بسم الله الرحمن الرحيم
السلام عليكم ورحمة الله وبركاته
الشوق ماله عمر , يفنى وينعاد
.......له في الضلوع أن عاد وأن غاب رجفه
مع كل فرقا , له ورى الجفن ميلاد
.......وأن مات الفرقا لقى الشوق حتفه
جيت أقتل الفرقا من بلاد ل بلاد
........ملّ الطريق يشيلني فوق كتفه
وأنا بعد مليت من كثر ما أرتاد
........هالشارع الي كان لك فيه شرفه
تظمأ عيوني شوفك , وتشبع سهاد
........عيّا الزمن يقطع ظماها ب رشفه
لاوجهك أسقاها , ولا ذاقت رقاد
......ماغير طيفك , طيفك الي أعرفه
كنّه ظبي , وعيوني ظلال صياد
........يجفل قبل يرتد للجفن طرفه
مشكلته أنه كل ما أشتقت يزداد
.......حتى ملا جدران وقتي وسقفه
وأصبحت أشوفه ف أول الغيم لاجاد
....وف أقصى الشفق لاطاحت الشمس خلفه
وفي الأرض لانامت عقب صوت رعاد
.........وفي كل شباك ٍ صحت منه درفه
أتعبت طيفك لوم , والوم مافاد
........ويوم الأمل في شوفتك مات نصفه
نويت أسافر عنك بجروح ٍ جداد
........وعمر ٍ من أوراق الزمن حان قطفه
نويت , لكن جابني الشوق منقاد
......وجابك حنينك , والزمن سال عطفه
شفتك تبسّم لي خجل مدري عناد
.......وفي نظرتك شوق ٍ من الظلم وصفه
حسيت كني طفل , وعيونك أعياد
........ياعيدي الي له ورى الصدر رجفه
((سمّ القا صدفة , وأسمّيه ميعاد
.........أنا أنتظرتك , وأنت مريت صدفه))
فهد المساعد ,!
•• مع فائق تقديري وإحترامي ••
|