 |
  |
|
|
|
|
|||||||
| قصص و روايات قصة عضوة مات زوجها: يوجد هنا قصة عضوة مات زوجها: روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية |
|
|
|
#1 |
|
:: كاتبة مقتدره :: |
طبعا أنا وعدتكم أحكي لكم قصة وفاة زوجي والأحداث الي قبلها أسويها وأنا مدري زوجي الله يرحمه كان مجنون بنتي جنايشتري لها ألعاب وينشدلها من راسه وكنت أنا على طول أصوره مع جنا فيديو ومرة قال لي يوه انت كل مامسكت جنا جبتي جوالك وتصوير كنت أقوله إيه خلي جنا تعرف أبوها وش سوى لها يوم كانت صغيرة عشان تبرك لاكبرت وكنت أسجل أي أنشودة ينشدها لجنا المهم زارتنا أخته وكان مع ولدها عربيه وكان حبيبي يركب جنا وينزل ولدها واحنا نضحك المهم ماتحمل وعلى طول رحنا السوق وشرينا لجنا عربيه وملابس وأشياء كثيرة واحنا طالعين يضحك ويقول هالنتفه الصغيرة تكلفنا الف وهي توها أجل لاكبرت وش بتسوي ونضحك انا وياه عليها لأنها عصبيه وماتعطي وجه الا بالموت واحنا بالطريق كان ينشد ويقول على لسان جنا ياحظي ياحظي بابا شرالي عربيه ياحظي ياحظي حلوة والله ورديه ألعب فيها زي ما بي وأنط على كيفي العب فيها لحالي محدينزلني منها وانا ميتة من الضحك طبعا أخته ياقلبي كانت معنا ومقاطع غيرها كثيرة وصورته مع جنا وهو يأكلها سيرلاك وهي تدفه ماتعرف تاكل وهويغصبها وسخت ملابسه وصورت الأغراض الي شراها لها أول مرة جاب لها سيرلاك وعضاضه ومصاصه وصحن بس همه يجيب لها وبس سبحان الله وكنت إذا ابيه يصحى للصلاة بس أجيب لهاطبعا أبي أقولكم على شغلات كنت جنا ويقوم ومرة صورته وهو نايم وحاطة جنا جنبه وهي تجر شعره تلعب هو مات فجر الثلاثاء الخميس الي قبله رحنا البحر وصورتهم مع بعض يوه الصور وش أقول وش أخلي كل موقف صورته وماكان واحد في الميه بالي اني اجمع هالصور والمقاطع عشان تتذكره جنا وهوميت موحي سبحا ان الله كيف الإنسان مايجي على باله الموت خصوصا ان زوجي في الثلاثينات يعني في عز شبابه المهم قبل مايتوفى بإسبوع كان يشتكي من ألم في بطنه يجي ويروح وكان اذا جاه الوجع بس يتشهد وانا استغرب هالشي المهم اخر ثلاث ايام مررة صار يتعب من بطنه وكنت أنا أجيب له مويه زمزم وأقرأفيها قران وأعطيه وكان يقول أنا أرتاح اذا شربت المويه المهم راح المستشفى قالوا له قولون وعطوه حبوب ومر اليوم الأول اليوم الثاني غاب عن المدرسه وماقدر يروح وصحي من النوم واستغربت انه غايب لأنه ماشاء الله عليه مايغيب أبدا ألا لضرورة وهالضرورة ماجات بسم الله عليه وجا اليل اليوم الثاني وكان بيروح ينام بس ماقدر وكان يرجع لي انا وجنا ويقول ماقدرت أنام وقعدمعنا للساعة الفجر 3 أقنعته ياخذ دش وفعلا تسبح وطلع بخرت له الغرفه وعطرتها وشغلت له القران في الغرفه وطلعت إلا شوي ورجع سألته وش تحس ياقلبي قال أحس بألم في بطني يطلع لصدري ويرجع طبعا انسدح في الغرفة الي قاعدين فيها ونام غطيته وطلعت عنه اليوم الثالث : صحا من النوم الساعة 10الصبح وقال لي سوي لي فطور وفعلا سويت له فطور وكنت انا صايمة وقعديمد فطوري طبعا سويت له فول وقبل فترة سويت له فول ومدحه قلت بذمتك موأحسن من فول مطاعم أبو زيد (طبعا من أشهر المطاعم بجدة )شوفوا الثقة قال لي لاعاد موأحسن عاد انت لاتقارنين نفسك في مطعم متخصص بالفول وانا زعلت من زين العقل المهم هاليوم مدح الفول وقال والله العظيم ان هذا أحسن من أبو زيد وضحكت أنا وانبسطت المهم مراليوم عادي وجا وقت الغدا سويت الغدا وتغدا طبعا جنا كانت ميتة من الصياح تخيلوا هالموقف كل ما أذكره أتعب شال السفرة وحط لي الأكل في حافظه قال عشان في المغرب تفطرين عليه ياقلبي ياحبيبي الله يرحمك تخيلوا لقيت الأكل بعديده ياعمري عليه المهم في العصر سبحان الله طلع برا وقال لي سوي لنا شاهي بتقهوى مع الجيران وفعلا جلس مع الجيران في الديوانيه بعدالعشا دق الباب طلع جارنا طبعا دخل وسويت قهوة المهم الي بوصله سبحان الله اخريوم له وصل كل جيرانه كأنه حاس دخل وكان في برنامج اسمه 99كان بعنوان أخطاء طبية وكان يحزن وكنت أنا أبكي بحررقة وهو ساكت بس متأثر مررة خلص البرنامج قال تبين شي من برا وعاد انا هليت الطلبات وراح جابها طبعا قال لي انا مقدر خلاص اكل شي في طماط وموالح حطي بس نواشف وبكرا سوي الغدا رز ابيض بس قلت له طيب وانا اضحك راح جاب خبز وتعشينا طبعا في شي كنت ملاحظته بس سكت اخر ثلاث ايام مايمسك جنا نهائيا بس يناظرها من بعيد ويكلمها وانا اتكلم بلسان جنا واقول تيب يابابا والله لوريك والله ماعاد اعطيك وجه وانا ظرفيه وهويبتسم بس موكعادته المهم واحنا نتعشا قعديأكل جنا قشطة ولاأكلت قام حط لقمتها واخذتها على طول واكلتها قام ناظرني كني بزر ويقول من سمحلك تاكلينها وضحكت انا طبعا شلت العشاورحت المطبخ نظفته ورجعت لقيته قاعديستغفرعلى اصابعه طول وانا جالسه على عالم حوا كالعادة بعدين قال يوه الساعة 11بروح أنام قلت له نوم العوافي يارب وراح الا وأسمع صرخته وجيت أركض الا وأشوفه قاعدبالصاله على الأرض ويتألم ويقول جيبي مويه واجيب يمكن طلبها 4مرات بعدين طلب مني سلة مهملات وجبتها وانا ابكي وهو طول ماهو يتألم يقول أشهدأن لاإله إلا الله وأن محمدا رسول الله 1. بعدشوي قال لي جيبي جوالي بدق على اخوي وانا قلت له ندق على الجيران رفض وقال نايمين ودق على اخوه وانا دقيت على ولد اختي وترجيته اروح معه بس رفض وطلب ثوبه وفسخت له ثوبه ولبسته ثوبه الثاني ومشى على رجوله طلع من عندي وهو يمشي طلب مفاتيحه قلت ماراح تحتاجها انا مستحيل انام الا إذا جيت وكنت ابكي اذاسمعته يتشهدواقول انا وجنا بدونك مانسوى شي لاتخلينا أقسم بالله العظيم اني مدري وش خلاني اقولههابعدهادخلت المنتدى اسولف مع وحدة من صديقاتي وعلى بالي انه بيرجع وكنت اقول لها اني متضايقه من زوجي وهي كانت تقول انا طفشت من حياتي ابي انتحر ومدري ايش طبعا كنت كل شوي ادق على ولدأختي اتطمن وكان يقول كل شي تمام خلاص عطوه مغذي وبيرتاح شوي انا هنا ارتحت ودخلت المنتدى عادي الافجأة دق وقال ياخاله ادعي لفواز انا استغربت وقلت ليش اش فيه قال لابس تعبان شوي هنا جن جنوني وبديت اشك بس ماجا على بالي الموت ابدابدابدعلى بالي تنويم وبس شوي دق وقال ياخاله ادعي له قاعدين يسون انعاش لقلبه هنا ماحسيت بنفسي طبعا جنا وقتها كانت ميتة من البكا الله يهديها وتخيلوا شعوري وقتها اخذتها وركض على جارتي ادق عليها وفتح لي زوجها قلت وين فلانة طبعا كانت مسويه عمليه في ظهرها ماتقدر تقوم دخلت عندها وانا ابكي وبدون شعور كنت اقول لها فواز مابيموت صح فواز بيرجع صح وهي مستغربه وتقول ادعي له طيب طبعا انا رايحة جايه والارض موشايلتني وبردانة وخايفة وجنا تبكي وموقادرة امسكها وجارتي بعد ماتقدر تمسكها يالله موقف رهيب وكنت اقول لجارتي بروح بيتي اخاف فواز يهاوشني اني جيت عندك اخراليل وهي تقول لاخليك عادي انا بكلمه لاجا طبعا دق ولد اختي قال لي وينك ياخاله ادق البيت ماتفتحين يوه طاح قلبي الحين فواز بيعرف اني رحت لجارتي على بالي انه معه وطلعت شفته لحاله وشايله جنا قلت وين فواز متنوم قال طيب فكي الباب واخذ جنا وفتحت وسألته وين فواز طبعا ولد اختي عمره عشرين يعني هو يبي له من يصبره انهارمن البكا قلت شفيك وين فواز قال ياخاله وظمني سألته وين فواز قال انت مؤمنة بالله ياخاله قلت له مات انهار من البكا موقفي بلاشعور يمكن حاسين فيه على طول بدون شعور سجدت وقلت اللهم لك الحمدكما ينبغي لجلال وجهك وعظيم سلطانك وبعدها الصراحه بديت الخبط كنت امشي في البيت واقول فواز مات لالامامات وامسك الجدران ودخلت غرفة النوم اشوف مكانه مسكت ثوبه الي كان لابسه وظميته وبكيت واشم ريحته ودخلت المطبخ وشفت الأغراض الي جابها مومصدقه قاعدة أقول يمكن أنا بحلم يمكن أنا أتخيل يمكن ولدأختي غلطان وطول ما أنا أفكر كان ولد أختي يقول تبين أوديك تشوفينه تبين أوديك تشوفينه فجأة انتبهت لكلامه وقلت يالله وديني وغيرت ملابسي بسرعه والله والله والله مدري وش لبست كان لبسي ملخبط مومرتب قال لي ولد اختي ياخاله وش هذا قلت يالله بس امش ورحت معه وطول الطريق اقول معقولةانا عمري ماطلعت مع أحد غير زوجي والله ماكان يرضى ابد اروح مع احد بس الحين لا انا رحت مع ولداختي هو وينه هو مات خلاص المهم وصلت مستشفى الملك فهد ودخلت أما إحساسي هذا موضوع ثاني رجلي موشايلتني وجنا ولله الحمد كانت ساكتة تتفرج ياقلبي مودارية ولاعن شي وقتها كنت اشوف البنات وهم يمشون في المستشفى سبحان الله مريضات والعباية مزخرفة ولثام والي حاطه خواتم وكلن في فلك يسبحون وانا قاعدة امشي بطئ وأقول لوهالبنات يدرون اني رايحة اشوف حبيبي ميت حبيبي الي قبل شوي متعشي معي بروح اشوفه كيف بيكون موقفي مدري مدري وكنت اشوف الشباب يمشون وأقول يوه هذول مايدرون عن قلبي وش يحس وجنا تناظر ماتدري شسالفة المهم مشيت بسيب طويل وانا افكر وكنت متخيلة فواز منسدح على السرير عادي كأنه في قسم الطوارئ بس لا فواز مومع الأحياء لافواز بمكان ثاني غير المكان الي فيه المرضى سأل ولد أختي الاستقبال وين المريض الي اسمه فواز وكان الرد الصاعقة فواز دخلوه الثلاجة أيش ثلاجة يعني فواز فعلا مات المهم مشيت معه قال ولد أختي نبي نشوفه قال طيب روح لذاك الرجال رحنا له قال بأي صفة قال هذي زوجته ناظر العسكري مومصدق قال تبي تشوفه قال ايه قال طيب روحو من هذاك السيب الثلاجة واخرشي انقطعوا الناس وصار المكان فاضي كنت بإتجاه قسم الوفيات شفت الوحة ماصدقت وامشي وكنت خايفة على جنا واشوف الأرض اقول معقوله فواز مر من هنا بس وهوميت المهم وصلت اشوف لوحة زرقا الظاهر ومكتوب ثلاجة الموتى وشفت سيارة نقل الجثث هنا كني بديت أصدق طبعا مافي ولا مخلوق فتح ولد أختي الباب مقفل يوه معقوله بيني وبين حبيبي باب وهو متعشي معي لا مومصدقة المهم قال ولد أختي خاله فيك حيل ترجعين معي ولا تنتظرين خفت وقلت له لا بروح معك ورجعت من نفس الطريق الطويل ولقينا الشرطي كلمه ولد أختي وقال ضروري زوجته تبي ترتاح المهم دق على مدير الوفيات وجا ومعه عسكري واحد دكتور واقفين قال انت بعقلك ولا لا قلت ايه بعقلي الحمدلله هذي امانة وربي اخذها وانا ابي اشوفه عشان ارتاح المهم قال ممنووع خطرعليك هوالحين في ثلاجة والثلاجة البرودة الي فيها تضرك قلت خلها بكيفها والله والله والله والله والله العظيم وقتها جتني غصة يالله ثلاجة ايش الي ماكانت على بالي وعلى عمري فكرت فيها واي برودة الي فواز بيحس فيها وانا ما أحس لاخليني ابي احس بالي يحسه وهيهات المهم العسكري جر المدير ومدري وش قاله وبعدين قال لي سألتك بالله ماتهورين قلت اعوذ بالله كلنا لها كنت أحاول ابين اني قوية قدامه عشان يوافق ورجعت مع نفس الطريق المتعب وصلت قام دق على باب قدام الثلاجة طلع فيه البواب المسؤول عن الثلاجة وكان شكله طويل وعريض قلت في نفسي يالله كيف يهنا له ينام هنا قبال الثلاجة المهم فتح الباب ودخل وقال تفضلي انا صراحة جاني خوف قلت لولد أختي تكفا شوفه انت اول لأني كنت خايفة اول مرة اشوف ميت ومين حبيبي كنت دايم اسمع اشرطة دينية وعن شكل الانسان اذا مات اما يرى ملائكة العذاب اوالرحمة ياربي طيب حبيبي اكيد شاف بس شاف مين قلت ادخل انت وتشوف دخل ثواني وجرني بيدي قال ادخلي ادخلي وقفني العسكري قال لحظة هاتي البنت انا خفت جنا تبكي من أي وجه غريب مستحيل بتسكت معه وبنفس الوقت مابيها تدخل وتشوف ابوها عطيت العسكري جنا ودخلت لقيت جدار كبير كلله ادراج ودرج واحد مفتوح فيه حبيبي جيت اركض لقيته مكفن زوجي حبيبي مكفن المنظر غريب زوجي الي يلبس أكشخ شي زوجي الي مو أي شي يعجبه زوجي الي مايرضى يجلس بمكان بدون فرشة جيت ولمست وجهه ثلج بارد مسحت على راسه وسلمت عليه وكلمته شفته والله يابنات هوماغيره حبيبي الي اجي اصحيه من النوم ماشاء الله عليه كأنه نايم وجهه عادي وجه واحد نايم بس الفرق انه بارد دعيت له واستودعته الله الذي لاتضيع ودائعه وطلعت وعطيته اخر نظرة واول ماطلعت شفت جنا مسكتها وظميتها ومشيت وانا مصدومة بس الله وقتها نزل علي الصبر الدنيا بوسعها كللها ضيقه علي قلت يالله ياهمومنا ركبت السيارة وانا اتخيل صورة حبيبي تعبت والله من الكتابه لكن راح اكمل لكم لا تزعلون راح اكمل اليلة بس والله تعبت لأن الباقي اعظم الي بقوله ان زوجي مات وهو رافع اصبع السبابه قال للمرضة العلاج موعندك عندالله زوجي مدخن يوم ركب السيارة قال لأخوه انا اشهدالله اني تبت من الدخان توبة نصوح سبحان الله المهم جات الحظة الصعبة (إني أفارق البيت الي صرت ما أشوف فيه إلا ذكرىزوجي ) طبعا دعيت الله إنه يهون علي هذي الحظة وطلعت وأخذت بعض أغراض جنا المهمة وانا رميت كل ملابسي لأنها تذكرني فيه وطلعت لقيت أخواني حاطين سياراتهم مغطين فيها سيارة حبيبي بس مستحيل إني كنت ماراح أودع سيارته ولفيت من عندسياراتهم ورحت لسيارة حبيبي اه ياقلبي قمت أشوف مكانه ومقعده ومقعدي الي كانت اخر مرة ركبته يوم الخميس يوم رحنا تمشينا وما أكذب عليكم بكيت ومسحت مكان المفتاح وركبت سيارة أخوي ومشيت الله يافواز يجمعني فيك بيت في الجنة وأملي عيوني بشوفتك يالغالي وأحكي لك وأسولف لك وأتخيل كيف بيكون شكلك يارب اطوي عني طول السنين يارب أخواتي الله يجزاكم كل خير يارب أدعولي إن الله ينبت جنا نباتا حسنا ويجعلها داعيه إلى الله وأن يطوي السنين بسرعه على قلبي أخواتي والله العظيم إني كنت إنسانة عادية مثلي مثلكم أدخل قسم الطبخ وقسم الجمال والأناقة وأستثقل الدخول إلى قسم الفتاة المسلمة مولإني عاصية ولا كارهة للذكر ولكن والله انه ضيق ما أدري ليش يجيني علما بإني ألوم نفسي وأتضايق ليش أنا كذا موقته إني أتكلم عن نفسي لكن انا كنت مقصرة في العبادة والله يرحمنا وقتي كان أغلبه سوالف ولعب لكن الحدث الي صار لي خلاني أغير نظرتي 180 درجة يالله كثر ماكان قلبي معلق بالميك أب والملابس كثر ما الان نفسي عافت كل شي موبس كذا لا أنا وقتها حسيت بخوف حسيت انه فعلا فيهجنة ونار (لاتفهموني غلط أنا مؤمنة بهالشي )بس انا عمري مابحثت ودورت عن الميت وايش يحس وهل يدري عن اهله لقيت نفسي ماأعرف ولاشي وكنت لما أفتح عالم حواء أدور شي يبردعلى قلبي الاقي كلن بهمه وانا بهمي الي محد بيعيشه وقتها إلا أنا والله يابنات والله كنت أدخل تجمع الأرامل بين فترة وفترة عشان أواسي خواتي وكنت أقول يالله ما أتخيل ياحياتي كيف صابرات هالأخوات وأقعدأهنيهم بالأجر وأنا مابيني وبينهم الافترة بسيطة وصرت وحدة منهم الحمدلله أنا راضية بس ماكان على بالي تعرفون يعني ايش ماكان على بالي طيب باقي زوجي الغالي وش كان عليه قبل مايموت ؟؟؟؟؟؟؟؟ زوجي كان حريص على صلاة الفجرفي المسجد زوجي كان فيه ميزة انه لايمكن يسمع بعزا الايروح حتى لو اخرالدنيا (وربي أكرمه ) زوجي كان إنسان عادي لكن كان يحترم اني ماأسمع أغاني ومايسمع زوجي كان حريص وبقوة على أذكار النوم بالذات بالذات أكثر من أي شي زوجي كان أول مايصحى من النوم يقول أشهدأن لاإله إلا الله محمد رسول الله والله لو بس يقوم كذا يتقلب يقولها زوجي كان بار بأمه زوجي كان يحب عمله ويخلص فيه لأبعدالحدود زوجي كان له كتابات رائعة للشبا وللبنات وراح أحطها بإذن الله هذي أبرزالأشياء الي كانت في زوجي الله يرحمه الي أبي أقوله ترى الله رحيم بعباده فوق ماتخيلون ترى ربي غني عن عبادتنا ربي يبي منا إخلاص 00تأنيب ضمير في حاله ارتكاب ذنب 00ربي يبي نية صادقه الأخوات الي أرسلوا يستفسرون عن إسم زوجي ايه هو الي الإسم الي أرسلتوه وأرجوا الدعاء له بالرحمة فديت كل من واستني ودعت لي أولجنا أو لحبيبي والله يجعل ذلك في ميزان حسناتك يالغلا وأنصح كل متزوجة إنها تعامل زوجها بالحسني لأن مثل ماقلت لك كل هذا من الشيطان والشيطان الخبيث راح يورثك الحسرة لوفقدتي زوجك ويعددلك محاسنه ومحي عيوبه بعكس لوكان حي يالغالية واصبري واصبري واصبري وابشري بالجنة اخرشي بقوله وأعتذرعلى عدم التفصيل في الموضوع ياليت تحصنون بيوتكم بالذكر والقرآن واحفظوا أسرار أزواجكم وخلوها شي خاص وجميل بينك انت وزوجك وبس خليك غامضة وراح تزيد هيبتك لأنك لو تكلمتي عن حياتك الشخصية ماراح تسلمين من العين هذا أولا وثانيا لايجوز لإمرأة أن تفشي مايدوربينها وبين زوجها والمرأة طبعها الحياء لكن الي يصير هالأيام إنك ماتجلسين بمكان إلا محور الحديث عن الرجل والأشياء الي تجذب الرجل وكل وحدة تقعد تحكي كل موقف بالتفصيل وللأسف الوازع الديني أصبح ضعيف في أغلب البيوت وعشان كذا الإنسان عرضة للحسد0العين 00السحر والعياذ بالله وكثرة المشاكل كل هذا والله من المعاصي ولوكنت على غير معصيه إعلمي أخية إن هذا إبتلاء من الله العلي القدير أخواتي أنا كتبت لكم غيض من فيض والله ما أبي زيادة صفحات كثر ما أبي كل وحدة تراجع علاقتها مع زوجها وتشوف هي صح ولاغلط م ن ق و و و ل |
|
|
#2 |
|
|
رد: قصة عضوة مات زوجها:
الله يرحمه ويرحم موتى المسلمين
صدقيني أنا أرد عالموضوع ودموعي على خدي فعلا تذكرت موقفي لما أخوي توفى قبل 9 شهور ورحت للثلاجه وشفته كنت أحس رجولي أثقل من الجبل ماكنت عارفه ايش أشوف او على اي شكل راح يكون بس وربي كان مثل النايم والحمد لله كانت معاه رائحه دامت معي أكثر من ثلاث ايام وحتى أخواتي وأمي وعمتي قالوا نفس الكلام طولت عليكم بس أعذروني أكتب مافي قلبي يسلمو |
|
|
#3 |
|
|
رد: قصة عضوة مات زوجها:
الله يرحم زوجك وربي بكيت قصه تحزن الله يعوضك الجنه |
|
|
#4 |
|
|
رد: قصة عضوة مات زوجها:
قمر أهلها الله يرحمه |
|
|
#5 |
|
|
رد: قصة عضوة مات زوجها:
تسلمو يا غوالي لمروركم العطر
فمراهلها...... الله يرحم اخوكي يا رب وانشالله يكون من اهل الجنة وتقابلو بالجنة دمتي بود غاليتي |
قصة عضوة مات زوجها: