ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > المواضيع المتشابهة للاقسام العامة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
المواضيع المتشابهة للاقسام العامة صدفه جابتني لدربه من بعد خمسة سنين ! يوجد هنا صدفه جابتني لدربه من بعد خمسة سنين ! هنا توضع المواضيع المتشابهة


 
قديم   #1

الزعيمه

عضوة شرفية

الملف الشخصي
رقم العضوية: 52436
تاريخ التسجيـل: Mar 2009
مجموع المشاركات: 11,347 
رصيد النقاط : 0

19751925771893157491 صدفه جابتني لدربه من بعد خمسة سنين !


صدفه جابتني لدربه من بعد خمسة سنين !

صدفه جابتني لدربه من بعد خمسة سنين !

والله إني من سمعته كلم البايع عرفته ..

إلتفت بلهفة اللي حيل مضنيها الحنين ..

لكن الصدمه عظيمه شايل(ن) بيديه بنته ..

ومعه أم البنت تمشي شابكه فيه اليدين !

وقتها دارت بي الدنيا وحزني ما احتملته ..

حارت دموعي وأواسي نفسي: يا ريم اليقين ..

وصرت أفكر يعني يعرفني مثل ما أنا عرفته ..

وإلا ناسي قلبي اللي مارضى بغيره ضنين ..

دق جواله ونزّل من على الأحضان بنته ..

وخثعت بنته ونادى: ريم لا لا توقعين !

قمت أناظرها ودمع احتار بعيوني ذرفته ..

استوت هالدنيا عندي عادي لو موتي يحين ..

انحنيت أبوس ريم وخدها الايمن لمسته ..

التفت لي وقال لي: ياهيه فيها وش تبين ؟

قمت أتجاهل واسوي نفسي كني ماسمعته ..

قال: ياختي ابعدي عنها ولاتستهبلين !

ويوم قرب لي, بعيني من ورا البرقع خزرته ..

وإنكسر صمتي وقلت: الله على الدنيا يعين

طاح جواله, تلعثم قال: أنا بحلم(ن) حلمته ..

وإلا واقع فهميني ليه عني تبعدين ..؟

ليه عني ماسألتي وأنا هذا الكون بعته ..؟

لجل عينك يا عيوني ماأظنك تجهلين ..؟

أنا من بعدك يا ريمي حتى طاري العرس عفته ..

ناظري فيني وشوفي كيف من بعدك حزين ..

والله إني ما أنام إلا وماضينا ذكرته !

أنتي وحدك من جعلتي قلبي القاسي يلين ..

أقسم بربي غلاك بيوم ماعمري جحدته ..

ماإلتفت لبنت غيرك ما سمعت العاذلين ..

ماسهجت دروب غيرك دربك اللي بس سهجته ..

وش أسوي لجل ياروحي كلامي تصدقين ؟

حتى شوفي هذي أختي تشهد بصدق اللي قلته ..

وهذي طفلتها على اسمك اسمها وتستاهلين ..

صدقيني مانسيتك حبك الصادق حشمته ..

حتى حرف الراء منك باقي له بإذني رنين ..

قلت: عامر- قال: سمي - قلت: أنا والله صنته ..

حبك اللي كان أصفى من ورود الياسمين ..

كم طلبني واحد(ن) غيرك وأنا لجلك رفضته !

وكم تحملت الغثاء واسمع شماتة شامتين ..

وكم لجل عينك بكيت وحتى ليلي لك سهرته ..

حيل ذابحني غيابك وفرحوا بي الحاسدين !

وأنت تدري بأن حبي ماأبالغ لو وصفته !

بأنه أصدق حب يحصل في حياة الصادقين !

قال لي: يا ريم ربي يشهد بدمع(ن) نثرته ..

ويشهد إني وافي لحبك ول أسرارك أمين ..

إرحعي لأبوك قولي: نصفي الثاني وجدته ..

واحتريني جايب(ن) مهرك ودبله باليمين ..

إبتسمت وقلت في نفسي حرام إني ظلمته

ثم طلعت من المحل والفرحه بعيوني تبين ..

وقمت أتمتم في طريقي :

هذي أخته ‘ هذي أخته !



اعجبتني مرره......واكيد بتعجبكم ;)

 
قديم   #2

فدو أزياء


رد: صدفه جابتني لدربه من بعد خمسة سنين !


صدفه جابتني لدربه من بعد خمسة سنين !

و ا ا ا ا و

صح لسان قايلها وناقلها

ر و و و و عه قليل عليها والله من جد روعه

يسلم لي الذوق وراعيه

الله لايخلينا

حياتي مره اعجبتني >>> لاتحرمينا من عجايبك
اقصد قصايدك

خخخخخ

تعرفين ما اصبر لازم استهبل

من القصه الله لايبلنا


 
قديم   #3

فدو أزياء


رد: صدفه جابتني لدربه من بعد خمسة سنين !


صدفه جابتني لدربه من بعد خمسة سنين !

ولعيون

ريم وعامر

أحلئ تقييم

 
قديم   #4

ماراميكا


رد: صدفه جابتني لدربه من بعد خمسة سنين !


صدفه جابتني لدربه من بعد خمسة سنين !

خطيرة فيها مفاجآت كثيرة

 
قديم   #5

الزعيمه


رد: صدفه جابتني لدربه من بعد خمسة سنين !


صدفه جابتني لدربه من بعد خمسة سنين !

فدو>>ههههههه يسلمو ع المرور

منوره ماري

 

أدوات الموضوع



الساعة الآن توقيت السعودية الرياض و الدمام و القصيم و جدة 07:15 AM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0