لتطويل الشعر عن تجربة
لتطويل الشعر عن تجربة
بسم الله الرحمن الرحيم
السلام عليكن ورحمة الله وبركاته
بصراحة انا فردت شعري بالكيراتين وياليتني مافرد ته كان لنص ظهري وبغمضة عين بعد الفرد صار بوي بصراحة تجربة مريرة المهم قلت يابنت لاحياة مع اليأس ولا يأس مع الحياة وبديت مشوار البحث عن شي يستر علباي وماخليت شي الا وحطيتة ولكن لا حياة لمن تنادي
وبصراحة بديت احس بالفشل لاني الان صار لي ثلاثة اشهر وشعري مكانك سر وفي احد مشاوير البحث المستمرة طاحت عيني على خلطة وقلنا نجربها ويش ورانا الزواجات وشطبنا عليها ماعندي شعر وشلون اروح ههههههههههههههههه ماأطولها عليكن بصراحة من استخدمتها وشعري بدا يكثر وينعم ويطول خلا شهر والله ماني مصدقة ان شعري بدا يتحرك من مكانه حتى خواتي مو مصدقين
اكيد تبون تعرفون مقادير الخلطة يالله بس ادعولي
الخلطة مكونة من :
ملعقة كبيرة مطحونة من بذور البصل
ملعقة كبيرة مطحونة من الزعتر البري قلنا البري
ملعقة كبيرة من حب الرشاد المطحون
علبة زيت النارجيل الاخضر ابو خمسة
حطي المقادير مع بعض وخليهم عشرة ايام على مكان ساخن مثلا فرن كهربائي عشان كل مرة تشغلينة يسخن الزيت او بالشمس المهم في مكان دافي واستخدمي الخلطة اول اسبوع يوم ورا يوم وبعدها ثلاثة ايام بالأسبوع ولاتنسوني من دعائكن
|