|
10-18-2008, 10:20 AM | #1 |
عضوة شرفية |
كفتة الارز بالصور
السلام عليكم ورحمه الله و بركاته
حبيت اشاركم بصنف ممكن ميكنش جديد عليكم لكن طريقتى فيه أقتصاديه جداً و بيعطى كميات كبيرة ممكن يقسم الى أكلات حسب عدد افراد الاسره و ايضا يمكن وضعه فى الفريزر مجهز للاستخدام فى اى وقت و للضيوف المفاجئه (مهتمه انا بالضيوف ) وهو كفته الارز او داود باشا (الباشا حيزعل علشان بنقول اقتصاديه ) اولاً كفته الارز المقادير نصف كيلو لحمه مفرومه بدون دهون(لحمه حمرررررررررررررررا) 3 بصلات متوسطين مفرومين او مبشورين 5 او 6 فصوص ثوم مهروس حوالى 1 كوب او اكتر دقيق الارز (ارز مغسول و مصفى حتى ينشف ويطحن حتى يكون ناعم جداً جداً) باقه بقدونس و شبت و نعناع اخضر مفرى (ممكن نعناع ناشف) ملعقه صغيره كمون ناعم ملح وفلفل و جنزبيل بودر زيت للقلى الطريقه نضع جميع المقادير مع بعضها ونقلبهم ثم نضعهم فى الكبه او الفود بروسيسور او المفرمه و نفرمهم مره اخرى ستصبح عندنا عجينه طريه نضعها فى التلاجه حوالى ساعة نحضر صنيه كبيرة و ندهنها بالزيت الخفيف و نبدأ فى تشكيل الكفته كور صغيره جدا فى حجم البندقه و اذا وجدناها تلزق فى اليد ممكن ندهن يدنا بالزيت و نشكلها سنجد عندنا الكميه اصبحت كبــيـــــــــــره نقلى الكفته فى زيت عميق حتى يكون لونها ذهبى غامق و ننشلها فى مصفاه حتى تتخلص من الزيت (ممكن بعد ما تبرد نضعها فى الفريزر فى اكياس او اطباق فوم مقسمه حسب الرغبه) مقادير الصلصه كميه من التوم المفروم عصيرطماطم و معاه ملعقه صلصه الطريقه نضع الزيت و معه التوم على النار حتى يشقر التوم و يصبح ذهبى نضيف الطماطم و الصلصه و الفلفل و الملح الخفيف و تترك حتى تتسبك ثم نضيف لها حوالى كوب من الماء وعندما تغلى نضع الكفته و نتركها تغلى غلوتين وبس مش كثير وتغرف فى طبق عميق او اطباق صغيره و احنا نقدمها مع الارز وأيضــا مع المكرونـــة وبــالهنــــــا صحتيـــن تحيــاتــى *لي لي* مواضيع ذات صلة |