 |
  |
|
|
|
|
#1 |
|
:: كاتبة نشيطة :: |
بسم الله الرحمن الرحيم
يلا بنا نبدا اجزاء القصة الجزء الاول// وفاء تبكي من قلب وهي جالسه على الارض بساحة الحديقه احمد بحزن وخوف:وش فيك وفاء لاتصيحين ترا اصيح وفاء ودموعها بعينها:ماما وبابا يقولون تغطي عن احمد يعني بتغطى عنك احمد عبست ملامحه:بس انا وانتي صغار ماوصلنا 15 سامي يضحك:عادي تغطي قدامهم واكشفي إذا راحو هههههه احمد ابتسم على هالفكره الخطيره وقلبه مطعون على حال وفاء:والله حلو بس الله يخليك لاتصيحين وفاء تمسح دموعها وتبي تقنعه بكلامها:بس انا مابي اتغطى عنك انت ولد خالتي عادي صح؟ ريم بابتسامة خبث:خلاص عادي إذا كبرتو تزوجو هههههههه احمد انحرج رغم صغر سنه وفاء وجهها يضوي الوان من الحرج ودموعها غارقه بعينها سامي مستانس:فكرره حلوه وفاء تقوم وزعلت من كلامهم:خلاص بتغطى عنك ياويلي من بابا لو بيشوفني ريم:حتى انا بروح احمد كأنه بيفقد شئ:لا لاتروحين ياوفاء وفاء تناظر نظره مودعه لصديق عمرها احمد واغلى انسان بحياتها واحمد داخله خناجر لان اعز بنت بحياته راح تفارقه (((مشت الايام والسنين///// وفي زمن قاسي ممل محرق احكي معاناتي نعم انها معاناتي!!! انا في زمن يردد ويكرر كلمة هاذا رجال ومايعيبه شئ وانتي بنت نعم بنت ليه ليه ؟؟؟؟؟؟؟اصرخ باعلى صوتي ليه الغلط من البنت والرجال لأ أها ليه يقولون لنا بنت إلى الوحده تتزوج لكن الولد يقولون انه رجال من عمر 13 ليه نخليهم ونضحك لهم ونقول ان الغلط مو منك واذا غلط نقول عادي انت رجال لايهمك شئ آآآآآآآآآآه وفي زمن انا محرومه من حضن الام الدافئ واحساس الاخت وطيبة الاب وتفاهم الاخ آآآآآآآآآآآآآه في زمن قساوة الاب وفي زمن التفريق بين الاخوه في زمن الخيانه والتلذ بعذاب الصغير والحقد على الكبير!!! هاذي مايدور براس وفاء البنت الجميله بجمال هادئ عمرها19 سنه وتشعر دائما بالحرمان طبعها هادئة احيانا تتميز بروح النكته لكن قلبها دوما يحترق من سوء معاملة من حولها وخاصتآ ريم وامها وابوها تحترم اختها رغم طول لسانها وقساوتها معها لكن احيانا تنفجر وتعبر عما يجول بخاطرها واهم شئ ماتسكت عن حقها ...وصفاتها الباقيه نتعرف عليها مع الاحداث لانها هي تقريبا بطلة القصه في غرفة نوم البنات تتقلب ريم(22 سنه) يمين ويسار وتمد يديها وتثأب تاخذ المخده الصغيره وتضمها الى صدرها بعنف وغيظ وتفكر بكل شئ يقهرها وتغطي وجهها فيه وتمتم بملل:اوف الى متى؟؟؟؟؟ وفاء برقه وبصوت حاني كالعاده:سلامات شفيك طفشانه صح؟؟ ريم بصوت عالي يهز ارجاء الحي:وانتي وش دخلك بجد حماره وفاء وبداخلها مجروحه أسأل عن حالها ترد بعصبيه ومو هذا طبعها إلا معي!!! بصوت خفيف:حماره!!ليه؟؟ ريم:إيه حماره ويكرم الحمار عنك بعد وفاء سكت وغطت روحها بالبطانيه وبعد دقايق:ريماني ريم بزعل:وش تبين واسمي ريم مو ريماني وفاء تبي تلطف الجو وترفع الغطاء عن راسها وتبين عيونها وبتدريج الى تفتح الغطاء عنها بأبتسامه باهته:ادلعك مو اختي ولامايصير ريم:لامايصير وش تبين اخلصي تراي مو فاضية لك وفاء حست نفسها غير مرغوبه والعبره خانقتها:ليه تكرهيني ريم بصوت متعجرف وعالي:اكرهك كذا مزاج وفاء نزلت دمعتها وقامت من سريرها تركض برا الغرفه ليه دايما كذا تسوي لي ليه تكرهني انا وش سويت لها طول عمري اعاملها باحترام ولا ابين اني متضايقه منها ليه ماعاملها مثل ماتعاملني تنزل دموعها بكثافه وكأن احد ذابحها وتفتح باب غرفة اخوها بقوه للدرجة ان صوت الباب هز ارجاء البيت اخوها إلي مافيه أي اخ بالدنيا حنون مثله تؤامها وفاهمها ويمكن لان حالتهم وحده الكل مايحس بوجودهم بس هو اخف من حالها على الاقل يطلع يشم هواء إذا زعله احد او إذا أبوه رفض له طلب او.... وفاء فتحت غرفة اخوها وهي تبكي وكأنها تتوسل له سامي وهو بسريره وبيده كتاب يقرأ:ريم صح؟؟ وفاء تهز راسها بأيجاب سامي اخذها ويهديها وفاء تزيد بالبكاء اخوها ضمها يهديها سامي:وش فيك حياتي خلاص اهدي مو هذا طبعها ماعليك منها وفاء وهي تصيح من قلب:لامو طبعها انا اشوفها بالجامعه مع صديقاتها تسولف وتضحك واذا شافتني(تسكت وتبكي بقوه سامي:ماعليك منها هاذي مجنونه والا مافيه أخت تعامل اختها كذا وبذات إذا طلعت مثل الوفاء كله والحلا بعد يالغاليه وفاء هدئت شوي بعباراته إلي رجعت لها بقايا كرامتها سامي قام واخذ علبة المويا إلي عنده وعطاها اياه وفاء وهي تمسح دموعها:تسلم لي سامي بابتسامه تبعث الطمأنينه:عاد الدموع ذي مابيها سمعتي وفاء بتردد:والله مو بيدي سامي وهو يبتسم:عاد مفروض يصير عندك مناعه من كثر الهواش إلي يجيلك منها وفاء تهز كتفها:بالعكس ماصار عندي مناعه صرت حساسه بزياده ومو واثقه بحالي بعد سامي عصب:انتي وش قاعده تقولين إلا واثقه ونص ريم هي الي مو واثقه بحالها الخبله وحماره بعد وفاء وهي مقهوره:ويكرم الحمار عنها بعد سامي انفجر بالضحك:ههههههههههههههههههههههه هه من وين جبتي ذا الكلام ههههههههههه وفاء ابتسمت:منها هذا كلامها لي صارت تعطيني دروس بلاش سامي:اقولك ابعدي عنها بس ولاتهتمين لكلامها وبعدين هذا طبعها موب غريب عليها وفاء:بس ماقدر احس اني انهرت بموت من طبعها ذا البايخ..... سامي:الله يعينك بس ويعيني حتى انا عليكم من بنات شكلكم بتعقدوني وتكرهوني بالبنات كلهم والسبب انتم وفاء ابتسمت وفاء برود:افا كل البنات ذا خابره البنات يتعقدون ويكرهون الرجال موب الرجال إلي يكرهون البنات سامي ابتسم:يعني لازم احرجات وفاء هزت كتفها وابتسمت:والله مادري عنك علينا سامي:إيه ماعليك منهم بس وطنشيها إلا ماقلتي لي بكره بتروحين للجامعه وفاء تهز راسها بحزن:إيه سامي ضرب راسه:اوه نسيت اسألك عن أول يوم بالجامعه وش صار عليك سوري سوري سوري وفاء:اليوم سامي:إيه وش صار تعرفتي على بنات(غمز لها وفاء نزلت راسها بحزن سامي:لاوصيك عاد لاتنسيني ابيك تنقين لي ذيك الطرقاء وفاء بغباء:وش طرقاء؟؟؟ سامي:الله يخلف على بس أطرق ماتعرفين معناه وفاء تحرك راسها بالنفي سامي:يعني قمر يعني حلوه يعني جنان هذا وانتي ساكنه بالرياض ماتدرين شمعناها وفاء ابتسمت:انا مادري من وين تجيب ذي المصطلحات سامي:ماقلتي لي وش صار عليك اعترفي وفاء تبي تضيع السالفه:اقولك تأخر الوقت بنام!!!!! سامي حس بملامحها شئ غريب:والله ماتروحين إلا تقولين لي وش صار؟؟؟؟ وفاء:ابد ماصار شئ بس مثل مانت عارف ماعرف إلا العنود وماحضرت ومالي الا ريم هي الوحيده إلي اعرفها ومحتاجه لها وجحدتني وتناظر لي باستحقار سامي انقهر:ذي شكلي بصفقها ماكنك اختها مجنونه وفاء تبي تفضفض:تصدق جالسه بروحي وماكان معي احد وحتى نسيت لاخذ شنطتي ومت عطش وطلبت منها فلوس قالت ماعندي بجد اليوم اصعب يوم بحياتي سامي:يجي لها يوم وفاء:كل البنات يتمنون لهن خوات الاهي تتمنى اموت اليوم قبل بكره سامي مقهور:ان شاء الله يومها قبل يومك وفاء ضحكت من قلب على تفاعل اخوها:هههههههههههههههههههههههه ههههههههههههههههه سامي ضحك يجاريها وهو قلبه محترق على اخته:هههههههه وفاء:الله لايحرمني منك انا مادري كيف بتصير حياتي لو انك مو تؤامي سامي:بصير اخوك هههههههههه وفاءابتسمت ابتسامه باهته:لو انك اخوي كان سويت مثل ريم بس لانا تؤام نحس بعض سامي:افا عليك بس وفاء:خلاص تصبح على خير يالغالي سامي ابتسم:وانتي من اهله يالغلا صباح يوم جديد ملئ بالمفاجئات وفاء نايمه ماقامت ريم بصراخ:يماه شوفي العله ماقامت بتأخرني ام ريم عصبت وطلعت فوق لغرفة البنات وشرارة الغضب بعيونها وعروقها منشده من الحمقيه تفتح الباب بقوه للدرجه ان صوته هز ارجاء البيت بصراخ:قومي قام ابليس فوق راسك وفاء قامت مفزوعه من فتحتة الباب وتشوف كل شئ احمر وتحس بدوخه تمسك راسها:طيب يماه اللحين بنزل ام ريم بصراخ:مافيه قومي قدامي وفاء قامت وهي تدعك شعرها تحس دمها جامد من الهبله ام ريم كأنها تذكرت شئ وطلعت من الغرفه بسرعه كأنها مقروصه وتروح لغرفة سامي وتفتح الباب بنفس طريقتها لوفاء سامي قام مفزوع:لاحول ام ريم:قوم وصممخ روح وصل خواتك للجامعته سامي جلس وبملل:ومن متى ان شاء الله ام ريم:تطنز انت وجهك قوم وجع سامي:اعوذبالله ام ريم:من وجهك قوم يالحيوان سامي نزل رأسه:يالله صباح خير ام ريم تاخذ كاس المويا وتكبه بوجهه سامي قام مفزوع:انتي شفيك ام ريم: وترادني بعد الله ياخذ عمرك قول امين!!! سامي:امين ((قام وهو معصب وراح للدورة المياه.. بعد ربع ساعه نزلو يفطرون نزل الاب وهو معبس وجهه وكأن هموم واثقال الدنيا فوق رأسه نزل ساكت ولانبس ولابكلمه الابنظرات حاده لكل واحد فيهم ريم بدلع:صباحو بًابًا ام سامي:هلا هلا وفاء وسامي بابتسامه:صباح الخير يبه ام سامي برود:هلا ام ريم بغطرسه:وعليكم السلام ابو سامي ناظرها باستحقار:بتفشليني يقالك صبي لي حليب وانتي ساكته الكل سكت ام ريم عصبت:سامي وجع خذ خواتك للجامعه تأخرت عليهم سامي قام بعصبيه: اللحين وش فيك معصبه على ام ريم بصوت عالي:لاترادني ابو سامي:الظاهر سمعت إلي قالته امك ام ريم بتنتقم:وش قلت وش قلت يأبو سامي ابوسامي حس بخوف:اوف اسكتي بس ام ريم بنظرات تهديد ابوسامي عصب:والله لو تتكلمين كلمه لاذبحك سمعتي ام ريم قامت بعصبيه واخذت الصحن إلي على الطاوله وضربته بالارض وطلعت عن الصاله لغرفتها ابو سامي انقهر وقام وفاء حطت يدها على اذانها ماتبي تسمع سامي خاف ان أبوه يضرب امه ومسك أبوه الثائر:خلك يبه عنها تعرفهم حريم ناقصات عقل وفاء عصبت بس سكت خافت تسوي مصيبه سامي:كل الحريم يتنرفزون بس يرجعون مثل قبل طنشها بس وفاء عصبت من كلام سامي لامه:هاي انت تراها امك حرام تقول ذا الكلام عنها سامي يبي يسكتها علشان ماتزيد الطين بله:انتي انكتمي ريم تبتسم وتبي تلطف الجو بطريقتها الغربيه والغبيه:انكتمي يعني انطمي وانطمي يعني اسكتي ههههههههه ابو سامي واعصابه واصله حدها:انتي اسكت يابنت امك ريم وقفت منهبله:هاه بنت امي ابوسامي طلع وهو معصب ريم واقفه جامده وهي تفكر كيف بنت امي شلون يعني؟؟؟؟؟ سامي قطع حبل افكارها:يالله بنات بسرعه ترانا تأخرنا وفاء طلعت وريم طلعت وبراسه الف سؤال بس مالقت جواب إلا جواب واحد بس إلى هو ان ابوها معصب ومايدري وش يقول!!! ام ريم وهي معصبه وتفكر..والله لافضحك ياسالم وشوف يأنا يأنت؟؟؟((سالم ابو سامي)) في الجامعه بالكفتيريا// العنود صديقة وفاء الروح بالروح:تحبينه وفاء بنظرات حزينه بعيده:اموت فيه العنود:طيب سمعت انه مايدخل مزاجك وفاء:الا اكرهه مو مايدخل مزاجي وبس العنود !!!!:انا غبيه ممكن تفهميني تموتين فيه بس تكرهينه وفاء تنزل راسها وتاخذ المويا وتشرب العنود؟؟ وفاء:ممكن كلينكس العنود تمده لها وفاء نبي تضيع السالفه:إلا ماقلتي لي اخبار اهلك العنود عصبت:وفاء لاتهربين .... تتوقعن وش الى ام ريم تهدد فيه سالم؟؟؟ ليه سالم(ابو سامي)قال لريم بنت امك تتوقعن عصبيه ولا شئ ثاني؟؟ وفاء تحب وتكره شخص واحد كيف وتوقعون مين؟؟ ريم ليه تعامل وفاء بذي المعامله؟؟ شخصيات كثيره ماظهرت بالروايه سوف نراها في الاجزاء التالية |
|
|
#2 |
|
|
هاي صبايا يلا نكمل الرواية
الجزء الثاني// العنود عصبت:وفاء لاتهربين .... وفاء بنظرات آسى:العنود آآآآآآآآآه مليت مليت احس بجنون بعذاب العنود حزنت لحال صديقتها:قولي لي فضفضي شفيك؟؟ وفاء بضيق :الحب ومادراك مالحب عذاب موت جحيم!! العنود وهي تناظر لوفاء كأنها محققه:اقولك شئ وماتزعلين؟؟ وفاء بحماس:قولي؟ العنود بطريقه مضحكه:تدرين انتي ليش متيمه بأحمد وفاء باستهبال:ليه ياسيدة العارفين العنود:لان فيك فراغ عاطفي وفاء تحرك راسها بسرعه:افا وشو ذا بعد العنود تنفجر بالضحك:ههههههههههههههههههههههه ههه والله انك تحفه يالوفاء تغطي عيون وفاء:انا مين؟؟؟ العنود تبتسم:اقولها.. وفاء وهي تمسك اليد المغطيه عيونها:مين مين ؟؟ ....:ماعرفتيني الا يالخاينه يالدبه يا وفاء ضحكت وبعدت يدها وتقوم:هههههههههههههههههه خلاص ستوب عرفتك عرفتك وهل يخفى القمر ايمان تعدل ياقتها:احم مين القمر ذا ماعرفه(يسلمون على بعض وفاء:اخبارك يالمغروره ايمان:من حقي اغتر انا ايمان مو أي وحده العنود تبي تحرج وفاء:اخبار امك واحممد وابوك ايمان:احممد اعصابك ياختي للدرجه ميته عليه وبعدين وش عرفك فيه؟؟؟؟ وفاء صارت حمراء من الخجل ومن نظرات العنود وايمان لها وكان ودها تذبحها العنود من الفشيله ((ايمان هي اخت احمد عمرها 19من ناحية الجمال ماعليها زود وشعرها قصير عيونها عسليه غامقه عندها روح النكته وماتحلى الجلسات الا معها ولها نصيب كبير من القصه لانها هي.. البطله)) العنود:احبه عندك مشكله!! ايمان تتظاهر بالبكاء بصوت عالي:اهئ بهئ اهئ العنود تشوف ايمان:لاتصدقين من زينه ماحبه ولاعرفه ايمان بملل:انا ليش مو بنت؟؟ وفاء:ههههههههههههههههههههههههه ههههههه مجنونه العنود:يماه مسترجله ايمان وكأنها بتكلم بموضوع خطير:بنات انا عمري 20 سنه العنود:هههههههههههههههه طيب وين المش كله ادور لك على عريس ايمان وهي ماده بوزها:انا ماعندي مشاعر ماعندي احاسيس العنود:اوف بدينا بالالغاز ايمان بحماس:لا انا الي الان ماحبيت كل البنات يحبون الا انا ليه؟؟ وفاء تتنهد من قلب:آآآآآآآآآآآه ياحضك ايمان تغمز لها:هههههههههههههههه ياعاشقه بس مين تحبين وفاء قامت مفزوعه وكلها خجل:يوه بدأت المحاضره يالله باي ايمان:مم اذا تبين يالعنود تنحشين وفاء اسأليها مين تحب.. العنود:ههههههههههههههههههههههه ههههه يالله اوصلك عند صديقاتك وبروح للمحاضره ايمان باستهبال:لا اجلسي بنسولف العنود:فاضية لك وراي محضره ايمان باستعباط:اجل والله ماروح العنود:هههههههههههههههههه اجل طقاق باي ايمان:وجع العنود انتظريني ابوسامي يكلم زوجته: الوهلا ام الريم ام ريم تتكلم من غير نفس:هلا هلا ابوسامي:وش فيك الله يهديك تكلميني من غير نفس!!! ام ريم:اسأل نفسك تعاملني هالمعامله قدام العيال ابوسامي:انتي الي قاعده تهددين.. ام ريم:ايه ماعلينا المهم بنطلع لروضة خريم بكره الخميس انا واختي والعايله بصراحه ملينا من الرياض وزحمتها ابوسامي:من عيني ذي قبل ذي خلاص بكره بس جهزو لها يالله مع السلامه مشغول اللحين.. ام ريم:مع السلامه. ابوسامي يكلم روحه: مالت عليك انا مادري القراده ليه تلاحقني بكل مكان ياحلالاه على من طلقها وافتك منها ايمان ترجع للبيت وترمي العباه وتصارخ بقوه:يماه مليت مليت مليت ام احمد:لاحول طيب سلمي وقولي وش مليتي منه ايمان:سلام انا مليت من الجامعه ومليت من البيت ومليت من روحي ومليت من ام احمد وهي تمسك راسها من ازعاج بنتها:خلاص خلاص خلاص يالثرثاره اسكتي وجع انا الي مليت منك انتي ولسانك الطويل الي يبي له قص ايمان بابتسامه:والله يماه انا لساني طويل ياحظي تدرين يايمه ذي صفه مميزه ومو كل بنت تطلع ثرثاره و. ام احمد تقاطعها:اص راسي منك يالمزعجه انا بغرف الغداء وانزلي تحت تغدي ايمان وهي طالعه فوق وبكتفها العباه والشنطه بيدها الثانيه مخليتها على ورا ظهرها:يماه بليز لاحد يزعجني ابي انام تصبحين على ايمان ام احمد:والكوبه في الصباح اذا بصبح على خشتك ايمان تضحك على تفاعل امها:ههههههههههههههههههههههه ترمي روحها بسرير وهي مهدوده وماخلت احد مافكرت فيه عمها خالها عيالهم بناتهم حتى الجيران هي اجتماعيه درجه اولى وتحب الناس ومافيه احد يكرهها الكل يحبها... ترن ترن .....:الو ام احمد:ياهلا وغلا بأم الريم ام الريم:يامرحبتين اخبارك شلونك ام احمد:الحمدلله وانتي شخبارك لي يومين عنك اشتقت لك ام الريم:تشتاق لك العافيه والله انا كلمت ابي تتجهزون بكره نبي نطلع طلعه محترمه لروضة خريم ام احمد:بكره؟؟ ليه ماقلتو لنا من بدري حتى نتجهز ام الريم:ماتفقنا الا قبل شوي ماعليكم الا تجون وبس والباقي علينا ام احمد:خلاص بكره من الفجر وانا وعيالي جاهزين ام الريم:خلاص اتفقنا يالله مع السلامه جو العيال وابوهم بغرف الغداء مع السلامه ام احمد:خلاص بس خلي الرجال يتفقون يالله مع السلامه تقوم من النوم مفزوعه وتدعك عيونها تشغل الابجوره وفجاءه تطيح على الارض الرخاميه وتكسر وقلبها يخفق بسرعه وتناظر الساعه مانامت الا نص ساعه وتنفجر من الضحك ام احمد تفتح الباب بقوه:وش فيك ايمان؟؟ ايمان تضحك:لا بس حلمت حلم مضحك.... ام احمد:وش كسر الابجوره؟؟ ايمان وهي راسمه الابتسامه وتهز كتفها:مادري يمكن من حلمي انفزعت ام احمد عصبت:هاي انتي عن الاستعباط مره حلم مضحك مره مرعب!!! ايمان:يماه بسألك سؤال؟؟ ام احمد بتشويق:اسألي ايمان ابتسمت:يماه تعرفين واحد اسمه السلطان؟؟؟ ام احمد ضحكت على سؤال بنتها:لاماعرف الا الامير سلطان الخير... ايمان بحماس:لايمه احد يصير لنا اسمه السلطان ام احمد:لا ليه؟؟ ايمان:لا حلمت في واحد اسمه السلطان ام احمد تناظر بنتها بخبث:تدرين شلون بعلم ابوك واحمد..... ايمان وهي تضحك:لو تقولين لهم كان والله مايخلوني انام علشان ماتحلم ههههههههههههههههههه سامي يطق الباب على غرفة البنات:ممكن ادخل ريم:خلاص دخلت يعني لازم تسوي نفسك مؤدب سامي عبس وجه وهو يناظر لريم:اصلن ماكلمتك ولاشاورتك اكلم وفاء انتي مالك شغل ريم تنرفزت:وانا مو اختك يا سامي قاطعها:لاتغلطين لاعاملك معامله ثانيه يالعوبا وفاء:هدو اعصابكم شفيكم اللحين ريم بعصبيه:انتي اسكتي مالك شغل... سامي:انتي الي تسكتين مو تسكتًين انتي وجهك يالمغروره تطلع ريم متنرفزه وفاء:ماعليك منها اجلس بس!! سامي ابتسم:اخبارك اليوم هاه شسويتي وفاء:مم جت العنود وجلست معها واستانست وتوقع مين شفت؟؟ سامي وهو يناظر فوق يفكر:مم اعرفها؟؟ وفاء وهي تبتسم:ايه تعرفها توقع مين؟ سامي يفكر ومالقى احد في باله:مادري مين وفاء وهي تبتسم بخبث:وحده انت تموت فيها سامي حس بحرج:ايمان صح! وفاء وهي تغمز له:ليه في ثانيه تحبها غيرها سامي:لاوالله بس شكلها مستحيل تفكر فيني وفاء:ماعليك بكره اعترف لها سامي:كيف؟؟ وين حنا عايشين وفاء:عادي قول شعر بصوت عالي لها وقل اهداء مني لها هي ترا تحب الشعر وتحب هالحركات التعجيزيه سامي بتردد:كيف اقول انه مني لها وفاء:مم قول بصوت عالي لاحد يهمك سامي:انتي متأثره بالهنود إستحي شوي وفاء:والله البنات يحبون هالحركات ماعليك سوها سامي وكأنه اقتنع:تهقين!! وفاء:الا اهقى ونص ريم:اوف يماه مليت شوفي سامي ومعاملته لي ام ريم معصبه:طيب اسكتي لك ساعه تحنين على اذا نزل كلمته ريم:يماه ماكأني اخته الي اكبر منه تصدقين جاء بيضربني ام ريم تنرفزت:اوف قلتيها الف مره خلاص اطلعي غرفتك ريم تسوي حالها تكسر الخاطر:هو بغرفتي لو اروح بيضرني ام ريم:يخسىىى يلمسك ليش مالك ام تدافع عنك سامي دخل عندهم:سلام ام ريم بعصبيه:الله لايسلم هالوجه انت وش فيك على الريم خير شايف نفسك عنتره عليها سامي تضايق:لاحول وش مسوي لها اسأليها هي شسوت وفاء دخلت عندهم وباندافاع:يماه هي الي تكلمت على سامي وهو ريم بتصارخ وامها سبقتها:لاتكملين مين طلب رايك انتي اخر وحده تتكلمين وفاء حز بخاطرها حست بطعنه من اسلوب امها لكن مافيه احد حس فيها الا سامي سامي:يماه ترا مثل ماريم بنتك وفاء بعد ام ريم:تخسىىىى مو بنتي.. ابو سامي دخل وشرارة الغضب بعيونه:اجل بنت مين؟؟ ام ريم ناظرت فوق وتحت:معصبه ولامايصير نغلط ابوسامي:كل شئ له حدود سامي وفاء وريم مو مستوعبين الكلام معقوله لحظة غضب وخاصةً الي راحت فيها من التفكير ريم لان ابوها قال لها يابنت امك وامها تقول لوفاء انتي مو بنتي ياترا وش السر؟؟ الايام وش مخبيه لنا؟؟ كل واحد يهدد الثاني كأنه في حرب مو ازواج؟؟ ليه الى متى ذي المشاكل والي متى كل واحد يتكلم بغموض؟؟ احمد قاعد يكتب وهي غارق في بحر الغرام ويسمع اغنيه لمحمد عبده احبه حيل احمد ياترى هي بتصير لي هي نستني نست احلى ايامنا ايام الطفوله قلبي يحترق اذا جابو طاريها اشتاق لها بجنون كيف اعرف انها تحبني او لأ اكيد بكره بقابلها بس كيف اوف انا ليه طالع روميو زماني مسوي نفسي عاشق اقول خلني اقوم احسن من التفكيربشئ ماله داعي ايمان تفتح الباب برجلها بقوه:هلوه احمد ضحك على حركتها وعصب بنفس الوقت:وش ذي الحركات وين الانوثه ايمان تتكلم مثل العجايز:آآآآآآآآآخ اختفت مع مرور الزمن احمد:ههههههههههههههههههههه الله يعين الي بياخذك ايمان بطفاقه:مين الي بياخذني؟؟ احمد وهو ميت ضحك على حركاتها:هذا واحد مقرود امه داعي عليه وهذا اذا جالك بعد ايمان وهي تلمس شعرها القصير الاشقر:الا قول ياحظه انا ايمان مو أي وحده... احمد:ياشين الثقه الزايده بس!! ايمان وهي تغمز له:مم بكره بتقابل وفاء مين قدك احمد حمر وجه ذي وش عرفها الجنيه كيف عرفت اني احب ايمان:وحتى هي مين قدها ياحظ من جمع وفق مادري يابخت احمد:كيف عرفتي اني احبها؟؟؟ ايمان تغني:كيف نخفي حبنا والشوق فاضح وفي ملامحنا من اللهفه ملامح عاشقين ونبضنا طفل حنون لو تزاعلنا يسامح ... احمد:اص ياشين صوتك كيف عرفتي بالله عليك كيف؟؟ ايمان:مم باين كل شئ باين مايبي لها ذكاء احمد وهي منحرج بس الفضول بيذبحه:وهي تحبني؟؟ ايمان بنظرات خبث:وكم لي اذا قلت لك!!! احمد:اعطيك روحي بس قولي؟؟ ايمان:لا روحك خلها لك ولها ابي فلوس احمد:الا يالطماعه الي تبين اعطيك بس قولي ايمان:تموت على ترابك احمد:وش عرفك؟؟ ايمان وهي تحرك يديها بطرق اقناع وحماس وتفاعل:مثل ماعرفت الي بقلبك عرفت الي بقلبها وسمعته باذني احمد يتظاهر بالخوف وقلبه متطمن:يماه ساحره عرافه ايمان:اجل عن اذنك بروح انام مابقى على الطلعه شئ تراها الفجر تصبح على خشتي احمد:ههههههههههههه وانتي من تراب ايمان تطلع وبصوت عالي:انت التراب يالدب احمد صكر الباب:انا كنت حاس انها تحبني لكني اللحين تأكدت شكرآ يارب انك رزقتني بأخت ملقوفه اسمها ايمان هههههههه العنود تكلم وفاء العنود:والله عمتي تحزن وفاء:ليه؟؟ وش فيها العنود:زوجها تخلى عنها واخذ عيالها وصارت مجنونه وفاء:ياحرام انتي عوضيها.. العنود:كيف بعوضها خلاص انجنت مافيه امل وفاء:طيب ليه ماتطالبون زوجها من المحكمه يرجع عيالها العنود تفكر:مم والله مادري اصلن مادري عن عيالها شئ ياليتني اعرف لها بنت او لأ اتمنى لي بنت عمه وفاء:ههههههههه عندك اخوك مو مالي عينك العنود:تكفين اسكتي بالله عليك ذا اخ ذا مجرم ذا سفاح مايحس كله عنف وفاء ملت من كلامه:العنود اص باي بروح انام الساعه 2 باقي 3ساعات ونطلع للروضه العنود:ياحضكم! وفاء:وجع عن الحسد يالله باي العنود:افا وفاء:سامحيني عنوده (تغلق الخط بوجهها وتطفي جوالها مم الى الان تقريبا الروايه غامضه بس تتوقعن مين السلطان الي طلع بحلم ايمان هل هو حقيقه او شئ غير ملموس او شئ ثاني له تفسير؟؟؟؟ وش الاحداث الي بتصير في الروضه مع الكل؟؟ وش السر الخطير الي بين ابوريم وامها؟؟ ايمان تتوقعن تقع في غرام سامي ولاكالعاده المشاعر خاليه من عندها؟؟ |
|
|
#3 |
|
|
--------------------------------------------------------------------------------
الجزء الثالث// الكل تجهز للطلعه ومستانس الا وفاء مانامت من شوقها العظيم المرعب ومن خوفها خايفه يصير حبها من طرف واحد ونفس الاحساس والشعور عند احمد احمد جهز لها مفاجئه ومتردد فيها مايدري هو صح الي يسويه او!!! سامي ومادراك ماسامي الشاب النكتي الي يحب يرسم الابتسامه على شفاة الكل وامنيته في الحياه سعادة اخته وانه يتزوج حبيته الي ماحب لاقبلها ومستحيل يحب بعدها سامي المسكين مانام يبي يعترف يبي يقول يخف عن الي بقلبه يخف النيران الملتهبه بجوفه يبي يصارخ ينطق يقول انا احبها وموت بعد لكن ايمان الي ماتدري ان فيه واحد متيم عاشق لها يفكر فيها ليل نهار ايمان الي تنكر وجود كائن معذب اسمه الحب كائن نسمع عنه ولانراه ريم تتوقعن تحب ولامتبلدة المشاعر مثل ايمان واذا تحب مين يكون؟؟ في مكان مخضر ملئ بالاشجار المثمره والطبيعيه الساحره وسط تشكيله من الغيوم المذهله والنسيم العليل والاجواء الممتعه والجو شتوي روعه طبعا في روضة خريم في السياره ايمان بصرخه وهي مستانسه:ياهوه وصلنا ياحضى ياسعدي يافرحتي ياهناي ابو احمد:اعصابك اعصابك وش فيك كذا طايره بالعجه ايمان:افا يابابا وش سويت انا مستانسه ياناس احبه ام احمد: تحبين مين؟؟ ايمان:احب الدنيا احب الناس احب العالم احب الكل الكل يالله انا طايره فرح من زمان ماجينا هنا ابواحمد:خلاص جينا اسكتي ايمان تحرك راسها يمين ويسار:يباه شفيك كأنك مو فرحان اني مستانسه احمد مل من كثر التفكير بوفاء وهل وهل والتساؤلات الي قتلته بعصبيه:انطمي ايمان مزعجه ثرثاره ايمان مدت بوزها شبرين وبأسلوب تهديد:طيب طيب احمد كح من غير شعور وتنحنح:ايمان وش ناويه عليه ايمان بنفس اسلوبها ماتغير:ناويه انطم مو ذي اوامرك احمد ابتسم على حركات اخته الساحره الي بتخلي الواحد يفرض احترامه عليها لو بأسلوب التهديد:امزح معك يالله سولفي غردي يأحلى ايمان ايمان مو مستوعبه:مين ذا لايكون انا؟؟ ابو احمد:وصلنا يالله انزلو وعن الهذره الزايده ايمان تصارخ بعد ماشافت خالتها ام ريم:هلا ومسهلا بأحلى خاله بالرياض لا وبالدنيا كلها ام ريم:يامرحبتين فيك يالغلا كله اخبارك ايمان تركض بسرعه لوفاء وسامي يكلم اخته ايمان ماحد همها تمسك وفاء بقوه:ازنطك ولا ازنطك يابنت اللذين ولاتجين تسلمين سامي ابتسم على جنون البنت الي ماتخليه وجرائتها وفاء:ياهلا فيك اشتقتلك ايمان باستهبال:ايه هين!! سامي هنا اخبارك صديقي سامي وين ايامنا سامي تجرأ من كلامها واسلوبها:والله مشتاق لذيك الايام بس ان شاء الله نعيدها ايمان:هههههههههههه طيب اخبارك وش مسوي سامي متردد اقولها ماقول اقولها ماقول:لازين الحمدلله ايمان:ايه الحمدلله تعالي يالوفاء مشتاقه لقعدتنا والروضه والهيصه وفاء تضرب سامي وبهمس:قولها سامي انحرج:عن اذنكم ايمان رغم انها ذكيه بس مافهمت شئ مجرد تعتبره اخ غيره ماتفكر لان طفولتها كلها معه احمد:صباح الخير خالتي ام ريم تقوم:هلا صباح النور اخبارك احمد:الحمدلله اخبارك الريم ريم:الحمدلله انت شلونك احمد وهو يتلفت يدور وفاء:ايه الحمدلله بخير عن اذنكم ام ريم وام احمد:اجلس معنا جلستنا وحده وناد ابوك وابو سامي احمد مبسوط بداخله لان جلستهم وحده:ان شاء الله وفاء تبي تريح اخوها تبي تنهي المسأله وتفرحه:وش رايك يايمان باخوي سامي؟؟ ايمان بتلاقائيتها المعتاده:يجنن روعه مافيه مثله يالله تذكرين الايام الماضيه وناسه ضرب هوشات ضحك دلع وفاء:واللحين.... ايمان:اللحين تغطينا ههههههههههههه عليك سوأل وفاء:بالعربي الفصيح اخوي يحبك وانتي شرايك ايمان بتلاقيئه:وانا اموت فيه بس مثل احمد وفاء:اوف أي اخو واي خرابيط لاغير ذا الكلام؟؟ ايمان بجديه:غيره مافيه.. وفاء حز بخاطرها على اخوها الغالي الي ذايب بحبها ايمان:مم اقولك بنسوي استراحه بناتيه مافيه الا انا وانتي وريم وصديقاتنا وش رايك؟ وفاء تجاريها:والله فكره بس مادري اهلي يوافقون او لأ ايمان باستهبال:حبيب قلبك وصل ماتبين تسلمين عليه!! وفاء انرعبت:مين؟؟ ايمان:مين غير احمد على بالك مادري وفاء بحزم وعدم تردد وبدون خوف:مين قالك اني احبه او حتى افكر فيه ايمان انهبلت ارتاعت معقول ظنها خاب معقول؟؟؟ ايمان:من جدك؟؟ وفاء وهي تتهرب بس تبي تنتقم لاخوها يمكن تحس البنت:ايه ولاحتى افكر فيه ايمان ولاهتمت بالموضوع:ماشي يالله نروح عندهم مجتمعين وهيصه وناسه وفاء تمشى بتردد ومستحيه واصله حدها وقلبها نبضاته تسبقها وتحس بحراره والجو بارد وتحت زخات من المطر والجو الشاعري الممتع.. وايمان بتلقايئتها المعتاده:هاي مافيه احد استغرب لان الكل يعرف حركاتها الجنونيه واستهبالها الزايد سامي بأسلوبه المعتاد:هايات لايمان الغاليه احمد:اسكت لاتكلم ترا البنت بتثرثر ساعه علينا اذا عطتيها وجه.. ايمان باستهبال لاحمد:لاتعرف تنكت ياخفيف الكل:ههههههههههههههههههههه وفاء بهدؤ:سلام احمد قام:وعليكم اسلام اخبارك وفاء وفاء بخجل:الحمدلله انت شلونك اخبارك يابو احمد ابواحمد:الحمدلله زين ارتاحي احمد وهو يشوف يد وفاء المرتجفه خوف مو برد بس اعتقد احمد انها بردت:يالله سامي نجيب الحطب ونشب النار سامي:أي حطب والي يرحم والديك بعز الحر ايمان:لاوالله الجو روعه واو وناسه انظروا الى السماء انها ملبدة بالغيوم سامي باستهبال:احلىىىى كيف قدرتي عليها ام ريم:اشوفكم معطينا اشكل ابو سامي وابو احمد يتكلمون ومتفاعلين بعالم الفوق والتحت والاخضر والاحمر عالمهم الغريب الاسهم ابو احمد:انا اقولك حايل الزراعيه احسن ابو سامي:هي زينه بس مافكر فيها اللحين يقولون بتنزل بعد اسبوع ايمان بصوت عالي الكل سمعوه بما ان الانظار كلها على الرجال الاثنين الي يتكلمون لكنها انعكست عليها:اوف ملل ام احمد تقبصها:انتي اص يالعوبا ايمان تتظاهر انها اذتها:يماه والله مايسوى ابو احمد:شفيك ايمان تململين وتأفين؟؟ ايمان:اللحين طالعين علشان تتكلمون بالخياس الاسهم وشغلكم ولانتسلى ابو سامي:مانتي ملزومه تجلسين معنا روحي مع ريم وفاء سامي وفاء واحمد وريم ميتين ضحك عليها وايمان تتظاهر بالزعل:ليه مافيه احد يحبني سامي من غير شعور:وانا وين رحت!! الكل استغرب وانتبه لسامي واعترافه ايمان وقفت وتناظر له وفجائه تنفجر بالضحك عليه وتقلد العجايز:وش بلا وجهك صار احمر ياحافظ كل ذا خجل اندهشو الجالسالين من كلامهم واحد رومانسي والثانيه خاليه من المشاعر معقول بأي زمن نحن هل المشاعر والاحاسيس تحولت للرجل والفتيات اصبحوا متبلدات المشاعر... لاستطيع ان اقول الا نحن في زمن العجائب!!! نترك هاذه العائله بحيرتهم واستعجابهم ونترك طعنات سامي من تجاهل ايمان؟؟ تغني العنود بصوتها الشجى:حبيبي نظره منك تساوي العمر كولو .. سعود:اص يالمزعجه انتي اخذه مقلب بروحك ان صوتك زين العنود بغرور:تمنى انت سعود غير طريقه لهجته:عنوده تعالي بكلمك العنود مستغربه:معقول تدلعني انا!!!عجب عجاب سعود زعل:تعالي ولايكثر اجلسي هنا ابيك بموضوع خاص العنود راحت بطفاقه بجنبه:هاه شعندك تراك شوقتني سعود:اوف اركدي شوي اثقلي يابنت العنود تعدل جلستها وتناظر الساعه:بسرعه ترا ماعندي وقت سعود ضحك عليها:يالله بقولك مم انتي تدرين عمري 24 والي بعمري عندهم اربع اطفال العنود:افا مين ذولي الي عندهم اربع وبذا العمر سعود ابتسم وعدل ياقته:لاي من صيغة المبالغه بس العنود:اللحين وش المطلوب مني مطلوب اضحك؟؟ سعود انقهر من اسلوبها:اللحين تبيني اكمل ولا ا العنود مقاطعه:افا عليك كمل سعود:من غير لف ودوران ابي اخت صديقتك وفاء العنود:يع مالقيت الا هي المتكبره سعود:مابي الا هي العنود:تراها مغروره سعود:انا الي بتزوجها ولا انتي ؟؟ العنود:طيب قلت لابوي سعود وبنظرات خوف وياكل اضافره:وفيه احد يقدر يكلمه العنود راعت نفسيته:مم خلاص بس بسألك ممكن؟ سعود ومازال بنظرات الخوف:اسألي؟؟ العنود:مم وش معني اخترتها.. سعود:احبها تذكرين الحفله الي سويتيها!! العنود:ليه وفيه احد يقدر ينساها..عقب الفشايل انت وابوي قدام صديقاتي سعود:بس انا شفت بعيونها الخوف على بوقتها العنود ماتبي تجرحه:خلاص اكلمها.. ومايصير خاطرك الاطيب سعود:اوف اليوم بيجي تركي من السفر العنود:الله يعينا عليه ويعين الي بتزوجه ذا الكريه سعود بنظرات اسف:السبب ابوي والله ابوي اكرهه العنود:توقع لو امي عايشه بغير ابوي طريقته سعود:اقولك شئ وماتفاجئين!! العنود:وشو؟؟ سعود:ابوي هو الي قتل امي..ههههههههههههههههههههههه العنود عرفت ان الحاله رجعت لاخوها سعود:خلاص قوم سعود سعود تتعالى ضحكاته ونظرات الخوف بعيونه:ابوي هو الي قتل امي ههههههههههههههههههه العنود تحاول تقومه:قوم تراي مو ناقصه قوم وقصر صوتك لايسمع سعود:شوفي ماراح اقوم الا تتصلين على الشرطه وتقولين ابوي ذبح امي يفتح الباب بقوه وسلسله متينه حديده بيده وشرارة الغضب بعينيه وبصوت عالي يحطم الجميع:يالفاجر والله لاقتلك وارتاح منك سعود ينزل من الكنبه على الارض وهو متقوقع وحاط يده على فمه ونظراته الحزينه والبؤس والاسى بملامحه العنود تبي تحمي اخوها مو عارفه هي تحمي اخوها او تلقى نفسها الى الجحيم الى يد ابيها القاسيه التي لاتعرف الحنان ولا المحبه العنود في دوامه دوامه دوامه لاتعرف من تنقذ اخوها المريض التي حالته يرثى عليها الشيطان نفسه او ماذا تفعل سعود يمد يده بتجاه ابيه:انت الي ذبحت امي انا شفتك ليه انا ابيها ابو تركي وعيونه بتطلع من الغضب الجامح من العصبيه يقرب لولده المتقوقع بأحدى الزوايا ويضربه بالسلاسل بقوه وبشكل موحش وتعالى صرخات سعود من الالم من العذاب العنود مابيدها حيله لكنها تركض باتجاه ابوها واخوها المسكين الاب الظالم والاخو المظلوم:يباه ارحمه خلاص بيموت تكفىىىىى يبه خله لكن الاب يزيد من الضرب وبشده وكلام العنود ليس الا تشجيع له ابو تركي بصوت العالي:مين الي قتل امك؟؟ سعود وهو يبكي:انت انا شفتك ابو تركي يضرب ويزيد من الضرب:مين الي قتلها؟؟ سعود بصوت خفيف يتلاشى تتدريجا: ا ن ت ابو تركي يضرب بقساوه وبلا رحمه الى ان سقط سعود وسط بركه من الدماء العنود تدرون كيف حالها تدرون وش صار عليها من غير شعور طلعت فوق وقفلت على غرفتها وهي حاطه يدها على اذانها ماتبي تسمع صوت الضرب وصرخات اخوها المظلوم وغضب ابيها آآآآآآآآآآه يالدنيا العنود الي تتظاهر بالضحك والابتسامه والدلع داخلها ذا الرعب كله في الليل الجو قارس من البروده وجالسين العايلتين يتدفئون حول النار الملتهبه الي معطيه للجو طعم ثاني والجلسه غير شكل ايمان:اوف وراكم ساكتين سامي حالته تغيرت من جواب ايمان عرف انها مستحيل تفكر فيه حس بأهانه بمذله يتمنى يقوم ويضربها ويقول للمزح حدود يتمنى يذبحها ويقول حسي بقلبي:آآآآآآه من قلبي الى ماعرف مين يختار ام ريم:ههههههههه طيب تكلمي انتي ياصاحبة اللسان الطويل والعوابه الزايده ايمان:ابي مزيكا مافيه احد معه الة موسيقي احمد:خير انتي وش شايفتنا وفاء متقطع قلبها على اخوها وتمنى تردها بس مو قدام احمد لانه مايهون عليها ابوسامي:والله خابر ان عندنا شاعر يالله يأحمد سمعنا شئ احمد بنظره سريعه لوفاء ونزل راسه يقول: وفاء فهمته مو هي وبس الكل فهم نظرته احمد: جيتك انا للحب بايع وشراي ابغي محبة من هوتهم عيوني جيتك وقلبي حاملنَه ف يمناي عربون,,واتمنى عسى تقبلوني جيتك بشوقي وكل لهفه من ا قصاي ومن الشوق عندي كل شكل(ن) ولوني جيتك وانته ياشفى الروح منواي وغير المحبه ما أطلبك ياشجوني " جيتك ولهفة خاطري تسبق خطاي جيتك أنا عاشق, متيم, حنوني ماغير قربك يا دوا العوق رجواي وان جيت احس الكون يازين كوني كل ما سمعتك,,عني تزول بلواي وكل ما ابتعدت احس زادت احزوني " لك قلب اصفى يالغلا من صفا الماي وأجود ف عيني من هميل المزوني منك جروحي وانت يالغالي ادواي وغيرك ترى مايقدروا يعالجوني " انته فحياتي نور غطا (ع) ظلماي وانته معي غالي أبد ماتهوني لفتَني من دون ماتاخذ الراي وغيرك تمنوا بحسنهم يلفتوني آيه خلقك الرب سبحان مولاي عسا يصونك من الذي يحسدوني بضاعة العشاق انا جبتها وياي عساك تقبل ماتخيب ضنوني.... القى احمد نظره الى وفاء الى منزله راسها من الخجل الكل:صح لسانك ايمان انقهرت وهي من النوع الي ماتحب تكتم الي بقلبها:احمد تراها ماتفكر فيك ابو احمد وابوسامي يناظرون مستغربين مين تقصد احمد ناظر على طول لوفاء ايمان:صح ياوفاء انحرجت وفاء وماتقدر تقول احبه او افكر فيه ماتقدر تعترف موقفها محرج قدام العايله بس الكل يناظر لها وينتظر جواب وفاء:صح احمد من غير شعور وبأندفاع رد عليها: لا تكذبين!!! الحب بعيونك يبين... في نظرتك .. في ضحكتك .. ودمعة تداريها حزين... أرجوك صارحني ..ماضمن انا غدر السنين... أخاف انا أرحل ... وتندم على حب دفين... لا يخدعك مني جفا !!! شعور يصعب اوصفه... لمني وبعثرني ... بردان ابي منك الدفا... مابي كثير..! قولي احبك وش يصير.. عاشق ومجهول المصير.. ولا تكذبين!!! ولأصدق شعورك تكتمين.. آه بس لو تعرفين..! وش كثر انا أحبك.. من بعد ما شفتك .. كل شي حولي تغير!!! صرت انا بحبي مسيّر.. مجبر وماني مخيّر.. غصب عني اعشقك!!! وأرضي غرورك واستسمحك.. ولا تكذبين !!! الحب بعيونك يبين.. في نظرتك .. في ضحكتك .. ودمعة تداريها حزين... ابنتظر يوم وتجين ... اضناك هم السفر... وأتعبك طول الهجر... وبنظرتين وزفرة حوت كل الحنين.. بشيل همّك !! وبعانقك وأفرح بضمك... وقتها بتهمسين ... انا أحبك..! الحين بس اللي عرفت انك ابد ما تكذبين!!! مم تتوقعن وش ردة فعل وفاء هالمره واهلها وش بيقولون؟؟ سعود حالته لاترضى لاحبيب ولاعدو هل ممكن تضحك له الدنيا ويتزوج الي هواها قلبه ولابيكون مرضه عائق بينهم هل ريم تفكر بسعود؟؟وش مرضه؟؟وكيف ماضيه؟؟ ايمان تتوقعن تغير مزحها لو مره وتتحول لجد ومين بيصير حبيبها سامي او مين؟؟ |
|
|
#4 |
|
|
--------------------------------------------------------------------------------
الجزء الرابع// احمد قال القصيده والخاطره بلحظة تهور عدم تفكير ماعرف انه يمكن يخسر العايله بسبب الغزل العلني آآآآآه مايدرون عن الي بقلبه ولامستحيل احد يلومه بداخله بركان ناره ملتهبه مشتعله وانفجرت بهاذه اللحظه... وفاء تدرون وش صار عليها بداخله الهوايل اول مره تفرح بذي الطريقه تتمنى تقوم وترقص تصارخ وتقول حتى انا احبك لكن الحياء يمنعها وفاء تمنت الارض تبلعها مع الفرحه ليه قالت ماحبه كيف تقولها وهي تموت على الارض الي يمشى عليها الحب اقدس شئ بالدنيا فكيف تنكره لكن مالحل العدو امامكم والبحر خلفكم..؟؟ ابو احمد نزل راسه من الحرج تفشل حسبي الله على بليسك اجل .. يقطع حبل افكاره الصوت الرجولي المزعج صوت ابو سامي ابوسامي:وين حنا عايشين فيه ياقليل الادب ماتستحي على وجهك هذا وقدامي كيف من وراي ياقليل الاصل احمد قام بسرعه منحرج وسامي قدر بس ولو الغيره بقلب سامي بعد كيف وين عايشين مو عادتنا الحب بذي الطريقه احمد نزل راسه ومانبس ولابكلمه معترف بخطاه ابو احمد:العذر والسموحه ابو سامي ابو سامي:عاجبك عاجبك الي يصير وفاء قامت كأنها مقروصه ماتتحمل احد يزعل احمد من صغرها كيف وهي كبيره وتحبه اللقت نظره لاحمد الي منزل راسه اسف وحزن وباين عليه انه مصدوم من كلمتها طلعت وفاء وهي تبكي راحت ورا السياره والجو بارد والقمر الي يطل على وفاء كأنه يعاتبها معقول وفاء الحساسه الي ماتحب تجرح احد تجرح اغلى انسان لها... ايمان تضربها مع ورا خفيف:حرام عليك انتي وش سويتي وفاء ودموعها على خدها:ولاكلمه انتي السبب ايمان تبتسم بهدؤ:ادري بس ابيكم ترتاحون انا ادري انك تحبينه وتموتين فيه ابيك تصارحين مو تكذبين وفاء:ايمانوه وجع حنا وين بأوروبا يصارح واصارح انا بالسعوديه يعني حبي بقلبي غير ماقدر ايمان تمد يدها بأشمئزاز:طيب واذا مالنا قلوب ليه مانعترف انتي ماذبحك الا هالعادات والتقاليد.. وفاء تبكي من جديد:جرحته جرحته وش اسوي اموت ولا انتحر؟؟؟ ايمان تضحك:كل الطرق تؤدي الى احمد هههههههههه وفاء:والله انك رايقه!! ايمان:طيب عن الدلع اسكتي اقوله انك تكذبين اصلن هو يدري انك تحبينه سمعتي وش قال وفاء:ياليتني مت قبل ماجرحه ....:ايوالله ياليتك متي وفكيتينا من العار!!! وفاء مفزوعه:يماه أي عار!!! ام ريم:والحركات الي قبل شوي وش تسمى اكيد متفقين حسبي الله عليك يالخسيسه.. الكل يسمع صوت ام ريم العالي والتهزئات لوفاء وفاء:يماه انا وش سويت؟؟؟ ام احمد:استهدي بالله يأم ريم وفاء:انا وش سويت؟؟ احمد بصوت عالي:ابشركم ذي اخر مره تشوفوني فيها خلاص وفاء مالها ذنب انا اساس البلا... وفاء انهبلت جنت انهارت من كلامه تتمنى عندها جرائه وتقول احبه ياناس ريم:سودتي وجيهنا سود الله وجهك ايمان:انتي مالك شغل انطمي.... ريم بعصبيه:يماه تشوفينها سامي ماتحمل يسمع صوت ايمان الي تتدافع عن اخته الي يحبها من اسلوبها من تلقائيتها من ... قام سامي:يمه يبه خلونا نرجع احسن وش ذي الطلعه والله ماصارت هي كلها قصيده وش يعني!!وماقال اخصها لاحد ابو سامي:اقول يازينك ساكت يالله نرجع الكل ركب سيارته ورجع للبيت الا احمد راح قبلهم ومشى بسرعه جنونيه كأنه يبي يذبح روحه يبي يفتك من الكل ماعرف ان وفاء معاه روحها وياه العنود جالسه في سريرها بغرفتها الكبيره وهي تشعر بالخوف بالالم على حالة اخوها تتمنى تنزل ماتقدر من الرعب لكن مالها الا تنزل تحت وتشوف كيف حال اخوها أي مصيبه حلت به نزلت بخطوات متثاقله وبخوف وتناظر يمين يسار كأنها خايفه من شئ لا مو كأنها الا خايفه من كل شئ من الماضي الغريب ومن الحاضر المرير ومن المستقبل المرعب تشوف واحد وسط بركه من الدماء راسه مصاب يده وجهه في قطع متجمده من الدم ودموعه الي تنزل يناظر الحيط وهو مايقدر يقوم من التعب قاعد يفكر بصوت مسموع: بتصير عمليه ارهابيه الساعه 3 الفجر في بيتنا بيجي ابوي يفجر الرياض لاوبيفجر الدنيا اصلن هو مو ابوي هو ابو تركي وبس انا مالي اب انا اكرهه انا لي ام وهو الي ذبحها بس يايمه انا بكره اصير قوي واخذ السكين واقتله زي الي سواه فيك .... العنود تناظر بحزن قلبها متقطع ستين الف مره على اخوها الي حالته لاتفرح لاصديق ولاعدو وش الحل يارب وش اسوي مالي احد الا انت يارب ساعدني ابي حل يارب!!! سعود يناظر العنود يشوف عيونها الحزينه ويتمنى يقولها ساعديني اقوم لكن مايبي يكدرها بزياده ياترى وش الحاله الي في اخوها معقول جنون او مرض غريب ماصار لاي انسان الا سعود؟؟؟؟؟؟؟؟؟؟؟ العنود تقرب لاخوها وتبكي بقوه من قلب عنده وكأنها تتوسله انه ماتشوف عيونه الحزينه عيونه الكيئبه الي تدعي للحزن والشفقه استجمع قواه سعود وحاول يجلس مبساعده الكنبه القريبه منه قام بس علشان مايخلي العنود تصيح بزياده قرب لها:عنوده حبيتي لاتصيحين عادي مو اول مره خلاص ماصرت حساس صارت عندي مناعه خلاص عاد لاتصيحين قلبي العنود تبي تساعده تمد يدها له علشان يقوم وهي ساكته ماتبي تتكلم علشان ماتنفجر بالزياده من الصياح لحال اخوها سعود بنظرات حزن:عنوده طلبتك؟ العنود بنحيب:عطيتك!! سعود:تشوفين حالتي أبي افتك من ذا الجحيم ابيك تساعديني اني اخذ ريم العنود تبتسم ودموعها غارقه بعيونها:تامر امر اعتبرها لك من اللحين... سعود:ماتقصرين ياحلى اخت العنود:بس بشرط تتعشى معي سعود ابتسم وهو يمسح يده بجبينه وحس بألم ويناظر يده بأستغراب لان الدم مخفي راحة يده ويشوف نظرات اخته الحزينه:عنود يالله ابي عشى ميت جوع العنود:طيب بس روح للمستشفى قبل سعود:ليه العنود خافت ترجع له الحاله:لا بس تداوي روحك علشان .. سعود قاطعها:مو ذا الي بالك صح؟؟ العنود:ابجيب العشاء اكيد خلص سعود سكت ويناظر يمين يسار الى الان الرعب مسيطر عليه الخوف والله يلوم الي يلومه طول عمره ذي حالته بس معقول يفتح القدر باب سعادته ويتزوج محبوبته ولا ابوه يكون عائق بينه وبينها او المرض؟؟؟او يفتح له الفرح بابه0000000 في مكان فاضي والاناره ملئيه بالمكان يمشى بضيق بأحباط احمد ضايق خلقه واصل حده حس انه ولاشئ حس انه **************************** انه ذل روحه علشان وحده ؟؟؟ بس وش ذا؟؟؟؟ معقول!!! رقم وفاء !!!وفاء تدق !!على جواله مو مصدق حاس انه في دوامه وفاء تكلمني ارد عليها ولا لأ الا برد بشوف وش تبي لازم احمد بصوت جاد ورجولي:الو وفاء مخنوقه ساكته احمد حس فيها لازم يحس فيها مو حبيته:وفاء تكلمي لاتخافين قولي الى بخاطرك وانا اسمع.. وفاء بتردد ودموعها تسبق كلامها:اسفه انا كنت بموقف محرج صعبه اقول ايه قدام الكل وكذابه لاني قلت لا!! احمد ابتسم:خلاص انا مصدقك وانا اسف اني احرجتك.. وفاء بتكلم ماتقدر من الخجل ومن الحزن:مو زعلان؟ احمد:ياليت اقدر ازعل منك انا بتظاهر لكن قلبي مايقدر!! وفاء ساكته احمد:قريب ان شاء الله بجي اخطبك ابيك تصيرين لي وفاء ذابت من الخجل:مع السلامه احمد:مع السلامه قلبي وفاء ترمي الجوال بسريرها وتحس برعب عمرها ماحست فيه قلبها صار فيه خفقان سريع احمد انا ليه اذا كلمتها انسى انها مو محرم لي واتمادى ليه ماعقل شوي ليه ماصير ثقيل ياناس احبها احبها موت يارب ابيها حقق امنيتي يارب ايمان بغرفتها تبكي من قلب انا ليه سويت كذا ليه جرحت سامي حرام مايستاهل ليه انا ماحب ليه مو زي البنات عندي قلب ليه؟؟؟اكيد لاني مابي احط عنده امل لاني اعزه واحترمه ومابيه يتعلق بخيال انا خيال انا انسانه مجرده من المشاعر والاحاسيس ليه يارب ابي اصير مثل البنات.. ام احمد تفتح الباب:ايمان؟؟ ايمان قامت مفزوعه وكلها دموع من الصياح:نعم يمه.. ام احمد:وش فيك تبكين؟؟؟ صار شئ بأحمد ايمان تمسح دموعها وتبتسم:انا اصيح من متى لا مادري وش دخل بعيني ودعكتها وصار كذا.. ام احمد:متأكده!! ايمان:يماه بالله عليك عمرك شفتيني اصيح؟؟؟ ام احمد:ايه ايام وفات عمك!!! ايمان آآآآآآآآآه ياعمي ياليتني اقدر انساه:ايه ماضي يمه ام احمد:لا بس اسأل عن احمد وسواد وجهه الي فشلنا ايمان:مادري والله عنه... تطلع ام احمد وتقول وهي تطل براسها عند الباب:عجبتني حركتك بسامي اليوم وكسحتك له الفاشل ايمان انجرحت لكن امها جددت لها ذكرى ذكرى مو بسيطه مو هينه ذكرها عمها الغالي الي تحبه وتموت فيه!! ايمان تقفل الباب وتروح لسريرها وتطلع الي بقلبها كله:عمي آآآآآآه ياعمي انت حبي الوحيد انت الي ماحبيت لاقبله ولابعد اشتقت لك عمي ياليت اقدر انساك ياليت اموت واشوفك يارب اموت خذني لك يارب تعذبت كثير الدنيا وش!!من غيرك وانت ياسامي اعذرني انا ماقدر احب روحي متعلقه بواحد ميت من اربع سنين وياليت تلقى وحده تستحقك يا سامي انت اخوي وتاج راسي بس سامحني تبتسم ايمان برود ومن غير نفس:انا اعتذر لمين مين يسمعني لاسامي ولاعمي لا عمي بيسمعني صح ياعم المهم ابري ذمتي لك ياسامي واحبك ياعم حس فيني وتعال خذني.. صوت اغنيه تركني وانا محتاجه وعمري ... ايمان وهي تمسح دموعها:ياهلا وغلا بأحلى وفاء وفاء بخجل:اهلين اخبارك؟؟ ايمان:وش فيه صوتك يالدبه..كل ذا علشان حمودي ههههههه وفاء وجهها صار احمر:اص تكفين اص ايمان:هههههههههههههههههه شفيك يالمقروده اص واص تكلمي شفيك وفاء:يؤيؤيؤيؤيؤ سويت مصيبه يايمان انا خايفه!! ايمان تقلد العجايز:يادافع البلا وش بلاك ياوخيتي؟؟ وفاء:خليك جاده لو مره بقولك ولا خلاص اروح احسن لي.. ايمان:لحظه لحظه لحظه تراك اشغلتيني شفيك؟؟ وفاء:ياحليلك صرتي جاده ايمان:ايه قولي لي شفيك؟؟ وفاء بخجل:كلمت احمد اخوك؟؟ ايمان:احلىىىى اكشخ كيف وليه ولماذا ولعل واين ولكن وهل يعني شلون كلمتيه؟؟ وفاء:مانتي صاحيه والله اقول خلاص ماتستاهلين الي يقولك ويبيك تشاركينه كل شئ ايمان:وش فيك؟؟ وفاء:تستهبلين وانا ابيك جاده ايمان:خلاص قولي ليه وفاء:آآآآآآخ ياقلبي ايمان:هههههههههههه ياعاشقه وفاء:اص لاتكلمين ايمان:خلاص تكلمي وفاء:اقولك قلت له اسفه وقلت اني كنت اكذب ايمان:هههههههههههههههههههه يعني على بالك مايدري وفاء:اقولك ادخلي النت اللحين ابيك بشئ ايمان:لاقوليه اللحين وفاء:لابوريك شئ ايمان:اوكي يالله باي سامي:آآآآآآآه يإيمان للدرجه هنت عليك للدرجه ماتفكرين فيني انتي ماتستاهلين لحظه تفكيري فيك انا اكبر من اني احب وحده تستحقرني لازم انساك لازم آآآآآآآآه بس... احمد:واو يالوناسه معقول هي كانت بس مستحيه من عذري لو حبيتك خجوله وحبوبه ومافيه مثلك لازم اخطبها لازم ابيها يعني ابيها لو اسوي المستحيل لو اضيع عمري ابيها ايمان في النت رساله على الايميل:حبيتي ايمان تكفين خلي عندك احساس وحسي فيني انا احبك موت بذمتك ردي على بحياة ابوك وامك لازم تردين مو تخليني زي دايما معلق وشوفي ان ماخليتك تتعلقين بحبي ترا كل البنات يعشقوني صديقك في المنتدى والي يموت فيك عبدالله ايمان:اوف بردعليه وبخليه يكرهه روحه بعد ويتوب ذا ال**************************** اجل يدخل ايميلي من غير اذني هين بس ايمان ترسل له:يع ماحبيت القريب حتى احبك يالغبي انا انا ايمان مو سهل حبي لاحد واهدي لك ذي الابيات (((((((تخسىىىىىىىى)))))))) تخسى انت ويخسى قلبي كانه بيعشني ذليله موب انت الي اسهر ليالي الغربه لأجله وحيده قالي احبك واعشقك وكل يوم له حيله وألف حيله الله يحرمه شبابه ويفقد عيونه وصوته والله لايعيده غبيه يالي صدقتيه وعشتي باحلام الف ليله وليله تدرين هذا طبعهم ويجي غيرك وانتي عن افكارهم بعيده الساعه ثلاث الفجر ياخذ سماعة التلفون ويدق999 :الو معك ..السلام عليك سعود بصوت خفيف:الو اللحين بتنفجر الرياض بسرعه الحقو عليها انهبل وقف:وين وبأي حي ومين يتكلم سعود:انا سعود وبسرعه تعالو لان بيصير انفجار بعد نص ساعه ..لو سمحت خزن رقم التلفون وموقعه:طيب مين قالك ومين الي يفجر سعود:انا اقول ابوي بيفجر الرياض كلها تعالو بسرعه يالله مع السلامه ياترى وش بيصير لسعود يمكن اتصاله هاذا يوديه بستين داهيه<<حولت من اللغه الفصحى للمصري شعندها وش بيصير لاحمد مع وفاء والعوائق الي بتصير لهم ويمكن كل شئ هين لهم؟؟ سامي والحب المستحيل ؟؟؟مع ايمان كيف بيصير ينساها ولا .. ايمان ليه متعلقه بواحد ميت من اربع سنين معقول فيه احد ماينسى وش ميزات عمها الى مستحيل تنساه والي خلاها ماتحب في الدنيا الاهو !!! ايمان خارجها ضحك ومزح وداخلها بركانين من الاحزان كيف تتخلص منها |
|
|
#5 |
|
|
رد: رواية قلوب متكسره
تابع
يا بنات |
رواية قلوب متكسره