 |
  |
|
|
|
|
#56 |
|
|
رد: جايب هالقساوة منين ؟ منين يا طيب كاملة
خلود تتنفس بسرعه والصفاره تزيد وتركض الستر والدكتور
الستر:ايه مالها خلود تتنفس وشفايفها تتلون ازرق وتغمض عيونها الدكتور يمسك يدها ويشوف السترمنهبله ومرتبكه الدكتور:دي بتسقط الجنين بسرعه حولوها على قسم التسقيط بسرعه الستر:بس ماحدش وافق الدكتور:دي حاتموت بسرعه الستر انجنت وتركض تنادي اطباء والممرضين مها:ايه انا متنازله عن القضيه لان ماله ذنب بالي صار المحقق:براحتك مها:طيب اقدر اشوفه المحقق:مو انتي طلعتيه شوفيه بيتكم مها:لا الله يخليك هو ماراح يرضي ابيه يسامحني المحقق:طيب ماجد:غريبه اليوم ماعذبوني وش القصه اكيد انشغلوا بالكلب سعود آآآآآآآآه ياخلود وش صار لك المحقق موسى يمشئ لانه طالع من عند سعود ماجد:لو سمحت يالمحقق اللمحقق:نعم وش تبي ماجد:الله يخليك ابي اعرف وش صار لزوجتي المحقق:ترا ماعذبناك اليوم ماجد:عادي عذبوني بس قولولي وش صار بخلود تكفىى قول المحقق:خلاص نعذبك ونقولك ماجد بكل همه ونشاط:يالله انا مستعد المحقق يضحك:هههههههه خلاص هذا اكبر عذاب ماراح نقولك وش صار عليها ههههههه عبدالله يوصل عند المحقق المحقق وهو يأشر على مها:هاذي المجني عليها والي ضربتها قدام العالم اليوم وجت علشان تسامحك عبدالله معبس وجهه ويناظر لها باستحقار: بس انا ماراح اسامحها ابد مها:انا اسفه كلنا نغلط مافيه احد معصوم عن الغلط عبدالله بعصبيه:لابسم الله عليك انتي طول عمرك تغلطين ولاتحسبين لاحد حساب المحقق بيطلع:خمس دقايق وجاي تقدر تطلع ياعبدالله بعد ماتوقع على الاوراق ذي عبدالله ياخذ الملف الي لازم يوقع فيه وقع والمحقق طلع مها بتوسل:الله يخليك ياعبدالله سامحني انا خلاص بتغير عبدالله يناظر لها بحقد:الله لايسامحني كان سامحتك يالفاجره(ويطلع بس طلع عقب وش بعد ايش بعد ماطعن مها باقوى واقسى كلمه ذاقتها بحياتها بعد ماشافت الدنيا كلها سوداء مظلمه وابوابها مسكره بوجهها مو كافي انها يتيمه مو كافي ان مالها اقارب بالشرقيه مو كافي ان الوحيد الي تحبه تركها: بس انا استاهل استاهل استاهل ليه اتعرف على شباب وش الفايده بجد اني مغفله غبيه انا اكره روحي اكره نفسي ياليتني اموت باقرب وقت علشان ماتعذب بزياده آآآآآآآآآآه يالدنيا انتي قاسيه ليه ضيعت انا روحي ؟؟؟بس مافيه احد نصحني ولافيه احد منعني كل ماطلبت من بابا وماما اروح لاصدقائي وصديقاتي بالخارج يوافقون ولا عمرهم ردوني ولا قالوا حتى لا او ليه يمكن لاني كنت طفله بس انا طول عمري طفله ومغفله بعد آآآآآآآآآآه اللحين انا فرقت بين ساره وخطيبها وبيني وبين عبدالله الي كان بيصير زوجي واكيد خالتي تكرهني ايه اصلا مين يحبني مين اذا انا كرهت روحي مين وين اروح اللحين وين (تطلع برا مركز الشرطه وتناظر العالم والناس حولها زحمه وكثار الكل مع اطفاله مع امه واخته رجال هو وزوجته الكل اثنين الا انا واحد ليه ايه انا استاهل (توقف تاكسي بس تتذكر ان شنطتها بالمستشفى وماعندها فلوس علشان تحاسب التاكسي) خلاص روح حكمت المحكمه حضوريا بالاعدام للمته ماجد لكثرة جرائمه وحتى يكون عظه وعبره لكل مخطئ وحتى يسود الامن في هذه الدوله الامنه التي لطخ سمعتها مجموعه من الايدي الفاسده امثال المتهم ماجد ماجد يناظر من بعيد وهو خايف ومرعبوب ويهز المكان صراخ خلود:لا ماجد الستر:ايه مالك ياستي دا كابوس ماتخافيش الحمدلله رجع لك الصوت خلود وهي تتنفس بسرعه:ماجد ابي ماجد الستر:ماتخافيش ماجد مش حيحصل لوه حاجه بس الحمدلله على سلامتك خلود بارهاق وتعب وبصوت متقطع يقطعه انفاسها السريعه:انا وش صار لي وش فيني الستر:لاحول ولا قوه الابالله ماتذكريش حاجه خلود:الا اذكر سعود كان بيذبحني صح الستر:آه كان فيه راجل عاوز يقتلك بس الحمدلله الحكومه مسكتوه وحتذبحوه خلود:ايه الستر:الحمدلله على السلامه احمدي ربك كونتي حامل والجنين مشوه والحمدلله خلاص ارتحتي منه خلود بتعب:ايه ادري وش دعوه ماكنت صاحيه بس ماجد وش صار عليه الستر:والله ماعرفش خلود تتسند على السرير وحاطه يدها ورا راسها وتفكر:يالله وش صار عليك ياماجد وش حكموا عليك بالاعدام ولا بالسجن المؤبد اوف بموت (تدمع عيونها مها تمشئ وتناظر يمين يسار ماتدري وين تروح:ايه ابروح لخالتي يمكن يرضون على ابحاول وش بخسر(مها رغم الامبالة الي عندها بس طبيعتها ماتحب تزعل احد منها واذا احد زعل تحب تراضيهم |
|
|
#57 |
|
|
رد: جايب هالقساوة منين ؟ منين يا طيب كاملة
التكمله//
سحب متراكمه سوداء ملبده بالغيوم ويتكون الرعد المرعب ويصدر صوت مذهل والبرق الخاطف للأبصار وتنزل الامطار بسرعه وبقوه من غير مقدمات نعم انه في الدمام بمنطقة الشرقيه مها تمشئ وهي محتاره وخايفه ماتدري وش تقول لساره وخالتها وعبدالله ماتدري كيف تعتذر (وصلت بيتهم لان بيتهم قريب من مركز الشرطه) مها ترفع يدها فوق راسها كأنها تبي تحتمي من المطر الي مو متعوده عليه والي تخاف منه<<كل البنات يخافون من الامطار واولهم انا مها تمد يدها للجرس وهي محتاره وتنزل يدها:لا صعبه بيكسرون راسي لا لازم انا اصير قويه(تدق الجرس بكل حزم وارداه وكل مافيها يرتجف من الخوف من الرعب ومن الصدمه عبدالله يفتح الباب ويناظر وفتح عيونه بقوه كانها بتطلع من العصبه وعروقه تنشد بزياده من القهر والضيم والغبن عبدالله بعصبيه وبصوت عالي يهز شوارع الشرقيه كلها:هاه وش تبيين مها وهي منزله راسها ومفتشله من روحها:بغيت اتأسف بس اقول انا اسفه سامحني سامحني ياعبدالله عبدالله بصوت عالي:لاتجيب طارئ اسمي على لسانك وانسي اني اتزوجك انسي يا ولا اسكت احسن مها وصوتها متقطع من الحزن:مابيك تتزوجني اصلا ماراح ارضالك على وحده مثلي بس ابيك تسامحني وبس عبدالله وكأن عصبيته خفت:خلاص سامحتك بس اللحين وش تبين تسكنين عندنا مها:لا ماراح اسكن عندكم انا عار عليكم انا خلاص ندمت وتبت وراح اتغير اكيد انا لازم اتغير بس ماراح اعيش عندكم عبدالله كتف يديه:والمطلوب مها:ابي اشوف ساره بس ابيها تسامحني وبس عبدالله:ساره بتسافر بكره هي وامي اذا تبين تروحين لهم ادخلي مها:طيب (تدخل الطوارئ/// خلود ترجع لها الحاله تغمض عيونها من شدة الالام ويختفي صوتها ويتحرك جسمها بقوه وتمسك رقبتها بقوه كأنها تبي تنتحر مجموعه كبيره من الدكاتره حولها والسترات الدكتورفتحي:ياستر سوسن امسكي يديها دي عاوزه تموت ستر سوسن:طيب اعطيها ابر مهدئه الدكتور رمزي يعطيها ابر مهدئه وهو ماسك يديها علشان ماتخنق روحها:يالله دي اصعب حاله مرة بتاريخي بالمستشفى ستر سوسن:ودالواقتي حتعمل ايه يعني مافيش امل تتكلم الدكتور رمزي:انتي بتقولي ايه دي مافيش امل تعيش بتقولي تتكلم ستر سوسن:انتا بتقول ايه لايارب ان شاء الله بتعيش يارب انا حبيت البنت دي دي زي الفل الدكتور فتحي:لا ان شاء الله بتعيش يارب بس فين اهلها ان ماشفتش اي حد منهم ستر سوسن:ودا الي اقربني منها الله يكون في عونها يارب ساره بصوت عالي ممزوج بصياح وهي فوق بالدرج :وش تبين انتي ياخطافه الرجاجيل مابقيتي احد الا رحتي له يالفاجره مها تقرب منها وبكل خضوع:سامحيني ياساره سامحيني انا اسفه كل شئ بيتصلح صدقيني ساره تضربها وتدفها وتطيح مها على الارض ساره:الي انكسر ماراح يتصلح وحتى لوتصلح بيكون متشوه انا اكرهك اكرهك يا مها وهي طايحه بالارض وتبكي من قلب:مابي منك شئ الا تسامحيني وترجعين لخطيبك بس هذا الي ابيه ساره بحقد:خليه لك انا مأبيه مها وهي تبكي:صدقيني ذي اول مره اشوفه والله العظيم ساره بصوت عالي:لاتبرين وبعدين دموع التماسيح ذي انا مابيها ام عبدالله مترقبه كل شئ وكل الاحداث من ورا باب غرفة العائله تكلم روحها:مسكينه مها وسكينه بنفس الوقت يالله يانوف لوتشوفين بنتك مها وش صار عليها الله يرحمك! بس اللحين وش اسوي اتخلى عن بنت اختي لو انها ولد ممكن لكنها بنت حرام اوف وش اسوي يعني اسافر واخليها هنا اوف ومستحيل تسافر معي الي سوته مو قليل تطلع ام عبدالله وبصوت عالي:يامها يومين تجلسين بذا البيت وبعدها تدورين على مكان تروحين له زين مها وهي طايحه على الارض ماقامت تدرون ليه علشان تكسر خاطر الي قدامها وعلشان تبين انها قد ايش متندمه وقد وش هي ذليله مها تقوم وهي رافعه لبسها الطويل بيدها على قدام بطريقه جدا مذله ومحزنه وتكسر الخاطر:خالتي مو كافي اهلي تخلوا عني حتى انتم بتركوني ام عبدالله نزلت دموعها من اسلوب وشكل مها المحزن والمهين: ساكته عبدالله واقف عند الباب يشوف كل شئ وحتى دمعته نزلت مسحها بسرعه علشان ماحد يلاحظه تنزل صاعقه قويه تهز وتفجر الاذان مها على طول رمت نفسها على الارض لانها تخاف من صوت الصواعق ساره بصوت عالي ممزوج بالصياح:تبين تعيشين عندنا ولاتسافرين معنا مها وبنظرات خائفه:ابي رضاكم وتسامحوني وبس وماراح تشوفوني ابدآ ساره وهي رافعه حاجبها:خلاص سامحناك ممكن مانشوفك مها نزلت راسها وتمشئ بخطوات متثاقله والي يشوفها بيعرف انها مهمومه وصلت عند الباب وهي متغطيه عن عبدالله اول مره تسويها الكل استغرب منها لانها ماتغطت الا بعد ماشافته وهو كان موجود من قبل بس هي مانتبهت له عبدالله مد يده عند الباب:لاتطلعين تعيشين عندنا ( ساره وام عبدالله يناظرون متفاجئات)الظاهر يايمه وساره انا المسؤل عنها مها تناظر له وهي مستغربه ويزيد بكائها وكل كلمات الشكر ماتعبرله عن مدى امتنانها وبصوت متقطع بشهقات وشهيم متكرر مها:انا ممتنه لك ياعبدالله مدى الحياه(وتنفجر بالصياح بشكل مأساوي يحزن لها قلب المتحجر القاسي كيف اهلها واقاربها ساره بصوت عالي خالي من الرحمه:كيف تسكن عندنا عبدالله بعصبيه وانفعال:مالك شغل انتي ساره:انت تدري انا بنسافر لروسيا سنتين كيف تجلس معك لاتقول انك بتزوجها عبدالله:لا ماراح نتزوج نكون عايشين بذا البيت وكأنا مو مع بعض مها تناظر وهي متحطمه وكل جزء فيها ينزف الام وجروح وحزن وندم ايه الندم ندمت بروحها كرهت نفسها كرهت اليوم الي طلعت فيه على الدنيا يمشي بسرعه وهو يناقز ويصارخ ويبكي بقوه مثل الطفل عرفتوه هذا سعود يمشى فوق حديد محروقه من النار لونها اسود من شدة وقوة لهيب الجمر المتلاهب تحتها يصارخ:لا تكفون خلاص موتوني ابي اموت ولا اتعذب لا (يزيد صياحه الرئيس يناظر من بعيد باخر غرفة التعذيب المرعبه:قليل بحقك ياسعود والله انه قليل انت عذبت الكثير من البنات والحريم كم وحده اغتصبتها وكم وحده قتلتها وكم وحده بالمستشفى مصدومه من الي سويته لها والله قليل عذبوه اكثر واكثر حتى يصير عظه وعبره لكل واحد يفكر نفس تفكيره القذر ماجد ماسك راسه وانجن من كثر التفكير:يالله وش صار عليك ياخلود الحقير وش سوى لك آآذاك كثير صح انتي بالمستشفى وقالوا لي انك حامل يالله ياخلود لو ربي يعافيك وتجيبين لي ولد او بنت واصير ابو واعيش انا وانتي بعيد ايه بعيد عن السجن وعن القتل الى كنت انا مبلي فيه بس زي ماقلت لك كنت مبلي فيه ولا اللحين انا تبت خلاص وعلى يدك ياخلود آآآآآآآه بس يارب اشفى خلود وبس عادي اموت او اسجن مؤبد عادي العسكري:ماجد ماجد فز (يعني يقوم بسرعه):نعم خلود صار فيها شئ السجان او الحارس:ياذي الخلود الي غثيتنا فيها خلود وخلود اشك انك سعودي هاي انت ترا عيب الرجال يقول اسم زوجته ماجد يتمهزئ فيه:وياذا المعقد الي مثلك هاه شتبي السجان او الحارس:يبي لك تربيه صح ماجد بعصبيه:لاوالله انت الي يبي لك تربيه يجي المحقق موسى:وش فيكم الحارس:شوف هذا وش يقول ماتاب المحقق:ايه خلاص ترا فيه ناس يبون يشوفونك ماجد ابتسم وبشغف:مين خلود المحقق سكت لانه يدري خلود وش فيها وهو حاس بتأيب ضمير وعلشان كذا ماعذب ماجد ولا طلب له تعذيب لانهم عذبوا وحده مالها ذنب كل ذنبها انها ماتبيه يعذب واستجابوا لطلبها بس ماكانوا مقتنعين لكن بعد ماشافوها بالمستشفى وعرفوا اخبارها الاخيره تندموا واستجابوا لطلبها ماجد:مين مين الي يبون يشوفوني المحقق شارد ذهنه:هاه وش قلت ايه محقق صحفي ماجد:اجل ماراح اقابله المحقق بعصبيه وحزم:وهو على كيفك تقابله غصبن عليك ماجد بتوسل:طيب زوجتي خلود وش صار عليها الله يخليك قول لي المحقق وهو حزين:مادري يقولون حالتها صعبه وصعب تعيش ولعلمك تراها اجهضت وصوتها راح يعني صعب تتكلم اجد طاح من الفاجعه وهو طايح بصراخ:لا الا خلود والله لو يصير لها شئ لاذبحك ياسعود ماجد يقوم ويقرب للحدي الباب الي بالسجن وضربه بقوه وهو يصارخ:والله لاذبحك ياسعود والله ماخليك والله ماتموت الا بيدي انهبل المحقق من ماجد ولا توقع ولا بالحلم ان فيه رجال زيه مايتحمل الاخبار ولا الصدمات :طيب هد اعصابك وسعود لقى عقابه وحالته اللحين يرثى لها ماجد تمالك اعصابه وبتوسل:طيب خلود سفروها للخارج على حسابي الله يخليك اعتبره عمل انساني المحقق:خلاص بس على شرط تقابل الصحافي الي جاي علشانك ماجد:خلاص بس زي ماقلت خلود تسفرها للخارج لمnoSymbl%CDE:ص( هت للصحافي علشان ينشر خبر اعتقال ماجد لان الي له عداوه مع ماجد او احد من طرفهم مقتول اكيد راح يقولون ويبلغون لان ماجد الى الان مايقدرون يحكمون ضده لان مافيه شهود والمحقق يتمنى يشوف خيوط الجريمه ويايفرجون عنه او يعتقلونه |
|
|
#58 |
|
|
رد: جايب هالقساوة منين ؟ منين يا طيب كاملة
خلف السجن بين ماجد والصحافي باب لان المجرمين الخطيرين ممنوع الاختلاط بهم
الصحافي:الاسم كامل ماجد:اسمي ماجد كامل الصحافي رفع حاجبه:كيف ماجد كامل ماجد:مابي احد يعرف اسمي حط زي ماقلت ماجد او ماجد كامل الصحافي هز راسه بالايجاب:طيب العمر ماجد:25 سنه الصحافي:لو اللحين حكموا عليك بالافراج راح تقتل اوتذبح احد ماجد بحقد:ايه راح اقتل واشرب دم واحد الصحافي خاف:طيب تقدر تقولنا مين ماجد:سعود الخائن سعود الصحافي:وش قصدك بكلمة خائن يعني خان بلده او خان عمله او ايش خان بالضبط ماجد:خان صديقه ورفيق عمره الصحافي:ممكن تحدثنا عن جرائمك يعني مين قتلت وكيف وابشع جريمه واحد مقتول حزنت عليه واحد فرحت انك قتلته ماجد:علي فرحت بقتل الصحافي:تقدر تقولنا ليه ماجد:لاني تعرفت على اجمل انسانه بالوجود تعرفت على خلود الصحافي بخاطره يقول مجرم ورومانسي كيف تجي ذي الساعه 3 الفجر الكل جاهز علشان مابقى على السفره الا ساعه مها مانامت ابدآ قرت قرآن وتصلي صلاة الليل وتدعي ان ربي يثبتها ويغفر لها مها:ابشوف ساره قبل ماتسافر لازم اودعها لازم ساره تفكر بجد نذل بجد وقح حتى ماجاء يعتذر الحمدلله الي عرفته على حقيقته قبل ماتورط معه يارب انتقم لي منه يارب انتقم لي منه هو مها ولا مها لا انتقمي الله وخلاص مابي اكثر لها ((مها توصل لغرفة ساره تطق الباب ساره:مين مها تفتح الباب:السلام عليكم ساره بعصبيه:وش تبين مها:السلام سنه ورده واجب ساره:سكنهم في مساكنهم مها:بتسافرين صح ساره:سؤال ذكي ماشاء الله عليك مها:طيب بتغيبين بجد سنتين ساره:ايه ابفتك منك ومن وجهك وابسافر روسيا وفرنسا وكل اوروبا وابشوف اصدقائك كلهم قصدي صديقاتك انا مو مثلك داشره مها:صدقيني انا تغيرت اول مره احس براحه ساره مبتسمه:اها اكيد بتحسين براحه دام عبدالله موجود عندك بيفضالكم الجو مها بصوت عالي:ساره انا قلت لك انا تبت والله خلاص انا تغيرت والدليل اني ماراح اجلس بهذا البيت الا اليوم ومن بكره بطلع ساره:ايه اكيد بتروح لامثال خالدوه مها:لاله الا الله محمدا رسول الله انا حبيت اودعك واقولك توصلين بالسلامه ساره بعصبيه:مو محتاجه لك ولا لأدعيتك برا اطلعي برا ام عبدالله تفتح الباب:وش فيكم وش فيه صوتكم واصل آخر الدنيا ساره:شوفيها غثتني بلشتني طفشتني كرهتني بعيشتي فهميها قولي لها اني مابيها خليها تبعد عني ذي اليتيمه مها تفاجئت انصدمت ماتوقعت ذي الكلمه طلعت من الغرفه بسرعه وراح تبكي بغرفتها غرفة الضيوف ام عبدالله زعلت:انتي وش قلتي بجد عقلك صغير ماتدرين ان ذي الكلمه حرام بجد سخيفه ساره وهي تناظر فوق وتحت نظرات ان الوضع مو عاجبها:مو كافي انها فرقت بيني وبين خالد ام عبدالله:احسن بالي مايرده انتي مفروض تروحين تشكرينها ساره تقاطع:اشكرها!!!!اشكرها على ايش؟؟ ام عبدالله:انها خلتك تكشفين الرجال على حقيقته ساره تحاول تغير الموضوع:طيب متى بنمشئ ام عبدالله:يوه نسيت ان عبدالله بالسياره ويقول اطلعوا ساره:يالله خالد ورا البيت ينتظر سفرتهم لانه يدري عن الموعد ويبي يتكلم مع عبدالله بهدؤ علشان يعتذر منه لانه مهما كان صديقه وجاره بنفس الوقت وهو منحررج فوق اللزوم من الي صار بس الي محيره وش قصة مها لدرجة انه جلس على النت طول الفتره طول الساعات الماضيه ينتظر مها علشان يعرف السالفه:ايه انا مالي الا ارسل لعبدالله رساله مو مكالمه احسن علشان مايعصب على ((بعد يومين)) في شمال روسيا وتحديدا في اقليم كاريليا حيث الطبيعه الخلابه والمذهله في مكان الشلالات منتشره فيها والبحيرات والارض الخضراء الرائعه وان اردت الثلوج فهي غنيه بوجودها لكن المناخ شديد البروده يغلبها ويغطيها ساره وهي جالسه وفوقها 5 من مفارش والبطانيات الثقيله:يماه غريبه ليه ماخليتيني البس عباءه وغصبتيني انزلها في الطياره ام عبدالله:لاتنسين انا في روسيا مو بالسعوديه ساره مستغربه:اوه يماه وش فيك قلبتي هذا وماجلسنا الا يومين ام عبدالله:لا قصدي يعني ان لو راح نلبس العباءه هنا راح يستغربون ونصير شئ جذاب لهم فهمتي ساره:ايه فاهمه وفاهمه بعد ان ابوي هو الي غاصبك انا مانلبسها ام عبدالله:ليه وش دراك ساره:سمعت كل شئ ابو عبدالله داخل وهو لابس بدله رسميه وجاكيت ثقيل وقبعه روسيه من الفرو<<مادري وش يسمونها القبعه الروسيه ابوعبدالله:وش الي سمعتي ساره قامت مفزوعه:هاه ولا شئ بس يباه ابي اروح للسوق انا من جيت هناء ماطلعت ابوعبدالله:هههههههههههههه لو بتطلعين بتموتين علينا شوفي حالك اللحين وكيف لابسه هههههههههههه ساره:يباه بجد مليت ابي اروح وبعدين انا خابره انك تشتغل بفرنسا مو بروسيا ابوعبدالله:لا وعندي اشغال هنا بس في موسكو مو بذا الاقليم ساره:طيب وش سبب وجودنا بكاريليا ابوعبدالله:كاريليا مثل الجنوب بالسعوديه مثل صلاله لعمان فهمتي يعني احسن مكان بروسيا شمالها ام عبدالله:ياحليلهم احنا الجنوب وهم الشمال ههههههههههه ساره:طيب ليه برد والله ماقدر اطلع بجد بموت ابو عبدالله:بجد ان ماعندي سالفه يوم قلت لكم تجون بجد وجيه فقر ام عبدالله:افا عليك يابوعبدالله لاتخاف نتأقلم مع الجو(يعني المناخ ابوعبدالله:اسمعوا زي ماقلت لكم العباءه ماشوفها وحركات الي هناك مابي تصير هنا سمعتي ياساره ساره:مافهمت عليك وش قصدك ابوعبدالله:اليوم فيه حفله عند واحد من اصدقائي العزيزين على قلبي وفيه مجموعه من البنات والشباب ساره قامت واقفه:يعني شسوي معهم ابوعبدالله برود:اذا احد قالك نرقص سواء وافقي ولا تجلسين معه مافيها شئ لان افكارهم هنا نظيفه ام عبدالله واقفت مفزوعه:تدل بنت على طريق الفساد ابوعبدالله:لا زي ماقلت حتى الرجال الي معي مو ياخذون فكره غلط عن السعوديه ساره بصوت خفيف:احلا ياسفير ابوعبدالله:قلتي شئ ساره بتمهزئ:لابد سلامتك خلاص زي ماقلت ارقص معهم واتعرف واكون صداقه ابوعبدالله قام:يالله البسوا لان الحفله بتبدأ بعد شوي ساره تفاجئت:اي حفله اللحين الساعه 1 الليل ام عبدالله:كيف انت من جدك ابوعبدالله:ابيكم تكونون كشخه مو يضحكون على سمعتوا ساره راح وهي تحرطم:ماشره على مها دام هذا ابوي ام عبدالله غسلت يدها كليا من زوجها ابوعبدالله |
|
|
#59 |
|
|
رد: جايب هالقساوة منين ؟ منين يا طيب كاملة
مها لابسه جلباب (عباءه ساتره)وبيدها صحن مكرونيا وصحن رز باللحم وكاس مويا (تطق الباب على عبدالله
عبدالله:مين مها:العشاء عند الباب (تروح وتخليه عبدالله فتح الباب يناظر يمين يسار مايشوف احد اخذ صينية الاكل ودخل الغرفه عبدالله وهو يشم ريحة الاكل:واو جاء بوقته غريبه مها تعرف تطبخ بس باين ان طباخه قمه مها تروح لغرفه:يارب اسعد عبدالله يارب وفقه بحياته ياكريم تاخذ كتاب لبيار روفايل تقرأ (جوالها يدق)تشوف الرقم رقم خالد:اوف هذا ليه مايتوب اوف تقفل الجوال بوجهه خلود بعنايه الفائقه ماصحت وكل مره الدكاتره يجتمعون عندها لكن لايوجد لها علاج لان حالتها غريبه المحقق:ايه وبعدين محمد:هذا قتل اخوي مهند وهو راجع من المدرسه وانا لغت عنه بتاريخ ----- المحقق:انتظر اشوف((يفتح ملفات قديمه ومغبره محمد:هاه بشر لقيته المحقق:انتظر لحظه ايه لقيته هذا مهند طالب في اول ثانوي مقتول في حي ---- محمد:ايه عليك نور هذا اخوي الله يرحمه مات والسبب هو هو الي قتله انتقام مني المحقق:وليه ينتقم منك محمد منزل راسه:علشاني كسرت سيارته المحقق رافع حاجبه:اها محمد بانفعال:بس مو من حقه يذبح اخوي لازم تقتلونه وبعد تعزير المحقق عصب:لاحسن خذ مكانا وقول قراراتك محمد خجل من روحه:العفو بس انا منفعل ومقهور ساره لبست لبس عادي لانها مقهوره ان المكان مختلط وبذات لانها طالعه من تجربه قاسيه ومره بالنسبه لها وام عبدالله بعد نفس الشئ تكشخت واخذت ساعه وهي تتمكيج وتستشور شعرها<<<امهات اليوم ينخاف عليهن ابوعبدالله بابتسامه:ايه الحلاوه ديه ام عبدالله:هههههههههه من تكلم لايكون انا ههههههههه ابوعبدالله:ومين غيرك بس احلى من الحلى نفسه ساره:وهي تلبس الجاكيت:طيب انتظروا الى اطلع ابو عبدالله:انتي ياسوسه هنا اجل يالله امشوا انا انتظركم ساره:ابوي وش فيه عليه اوف بس ام عبدالله:الله يعين بس خالد:الو عبدالله بعصبيه:انت وش تبي مره رسايل ومره مكالمات تراك ابلشتني خالد:لا بس ابي اكلمك بموضوع عبدالله:مابينا مواضيع خالد:اقولك كلمتين بس عبدالله:قولها واخلص خالد:تعال نتقابل بالمقهى بقولك وخلاص عبدالله:طيب اشوف خالد:اللحين الله يخليك عبدالله:اوف طيب(يغلق الخط بوجهه |
|
|
#60 |
|
|
رد: جايب هالقساوة منين ؟ منين يا طيب كاملة
التكمله///
في الحفله الماجنه الراقصه الي كأنك بكازينو مو بيت بيت كبير من بيوت روسيا ومعروفه بيوت روسيا انها كبيره وفخمه تحتوي على صاله كبيره جدا وفيها عدد كبير من الطاولات والكراسي الملبسه بالون الاحمر وفي الطاوله مجموعه كبيره من الخمر المذهب للعقول ام عبدالله تصادقت مع وحده خليجيه ومستانسه معها ساره راحت لدورات المياه ورجعت ساره تناظر مستغربه من الناس الموجودين عددهم تقريبا 30 من البشر وأغلبهم من الجنسيات العربيه وبالاصح الخليجيه البنات للابسين وكأنهم مو لابسين شئ الظهر كله طالع ولا الفساتين الامو مكلفين المصممين بخياطتها لانها قصيره بالمره والصدر مفتوح ومابقى شئ وحدث ولاحرج وفيه عدد كبير بعد من الروس ساره ماستغربت من لبسهم لان ذا اللبس طبعي بذي الايام بس قدام بنات مو رجال>>بتكحلها اعمتها خخخخخخ استغربت ساره انهم مو مايحسون بالبرد القارس المرعب واستغربت من ابوها وامها الي جالسين مع ناس و وبيدهم كؤس زجاجيه من الويسكي ساره:ابوي ممكن يشرب بس امي ليه (بصوت خفيف)يماه لاتشربين هذا ويسكي بعدين تدمنينه يماه لاتشربين ام عبدالله وهي تتكلم بطريقه هيستيريه:والله ياساره طعمه ويع بس تراه يجنن ساره عرفت ان التاثير وصل راس امها من الخمر ومن زوجها الي هو ابوها بعد ساعه كامله من الإقناع خالد:صدقني والله العظيم اني ماعرفت ان مها بنت خالتك الا الحين سامحني تكفىىىىىى عبدالله:ياعيني عليكم كل واحد مسوي حاله طيب وسامحني وسامحني خالد:ليه مين غيري عبدالله:مالك شغل خالد:انا اسف والله انت تدري عني راعي بنات كل يوم متعرف لي على وحده وخلاص اللحين حرمت عبدالله:ايه احسن خالد:وصدقني بنت خالتك اني اكلمها ليل نهار ماترد على واللخين باحذف رقمها قدامك(يطلع جواله ويمسح رقمها عبدالله:لاخاف تكلمها اصلا لعلمك تراي عفتها خالد بحزن:ماعليش والله فرقت بينك وبين خطيبتك عبدالله:خلاص لاتجدد الجروح ولاتكلمني بذا الموضوع مره ثانيه خالد:وانا عبدالله:انت وش خالد:انا مابي اخسر صداقتك عبدالله مبتسم:وخلاص ماراح نخسر بعض علشان حريم خالد مبتسم ومبسوط:كذا الرجال والله انا اموت فيك عبدالله:بس هاه لاتعيدها ترا اذبحك خالد:يعني صافيه لبن عبدالله مبتسم:حليب ياقشطه خلود فتحت عيونها بتثاقل تناظر لكل شئ حولها السرير الابيض الي عايشه هي فيه من مده طويله وشافت الساعه الحائط التي تأشر للساعه 1 بقلبها تقول ليل ولا نهار))تناظر الستائر وتشوف الدنيا ليل من بعيد وهي بسريرها تلمس حلقها ورقبتها تحس بالام بس مو عنيف مو شديد وتشوف الي عند سريرها ممرضه لاهيه تقرا كتاب معها تحاول خلود تتكلم ماتقدر تأشر بيدها للمرضه علشان تنتبه لها رفعت بصرها الممرضه:يألف الحمدلله عسلامتك ياجميل خلود فتحت فمها تبي تتكلم ماتقدر الممرضه حست فيها وبذات انها تعرف حالتها:ماتحاوليش تتكلمي كلها كم يوم وتكوني زي الفل خلود تنزل دمعتها وتناظر لها بنظرة حزن كأنها تبي الممرضه تفهم كلام العيون علشان تسألها عن ماجد وش صار عليه الممرضه كأنها عرفت لان خلود المره الماضيه اول ماتكلمت سالت عن ماجد:ماجد صح خلود ابتسمت بلهفه وتناظر بحماس وتأشر براسها للايجاب الممرضه ابتسمت:ان شاء الله هو بخير((تروح تجيب الصحيفه الي انتشرت فيه مقابلة ماجد خلود تاخذها وتناظر صورة ماجد فتحت عيونها بقوه وتقرا بلهفه تقرا مقابلة ماجد الصحافي:لو اللحين حكموا عليك بالافراج راح تقتل اوتذبح احد ماجد:ايه راح اقتل واشرب دم واحد الصحافي خاف:طيب تقدر تقولنا مين ماجد:سعود الخائن سعود الصحافي:وش قصدك بكلمة خائن يعني خان بلده او خان عمله او ايش خان بالضبط ماجد:خان صديقه ورفيق عمره خلود نزلت دموعها حزن عليه وعرفت انه يدري انها بالمستشفى الصحافي:ممكن تحدثنا عن جرائمك يعني مين قتلت وكيف وابشع جريمه واحد مقتول حزنت عليه واحد فرحت انك قتلته ماجد:علي فرحت بقتله كثير الصحافي:تقدر تقولنا ليه ماجد:لاني تعرفت على اجمل انسانه بالوجود تعرفت على خلود خلود تنفجر بالصياح بطريقه مأساويه تخلي كل الي قدامها يحزن ويتقطع قلبه عليها الممرضه ماحاولت تهدئها لانها هي بعد بحاجه لاحد يهديها بعد بكاء خلود المجروحه |
