رد: جايب هالقساوة منين ؟ منين يا طيب كاملة
جايب هالقساوة منين ؟ منين يا طيب كاملة
مها تنزل من الدرج لابسه بنطلون جينز وشعرها بوي قصير بالمره حركاته صبيانيه ومشيتها مافيها رقه
ولا كانها مشية بنات؟؟؟؟لان اهلها من صغرها عودوها على ذا اللبس وهي عيونها كبار كحيله وبشرتها فاتحه كثير
مالها اخوان ولا خوات مدلعه كثير وهي تموت على عبدالله الي ماحبت لا بعده ولاقبله احد
تجلس على الكنبه وتهز رجلها
ام مها:مهاوي وش الي مصحيك ذا الوقت ليه مانمتي
مها ودها تصيح:يماه اوف هذا الى متى مايحس فيني
ام مها:مها عبدالله انسيه مايحبك ولا يواطنك لاتفكرين فيه ابدا
مها بملل:طيب وش اسوي علشان مايفكر الا فيني
ام مها:عاد استحي يامها انا اول مره اشوف بنت بتلصق روحها برجال
مها:بس انا احبه اقنعي امه تكفين ولا والله اني لأكلمه واتحدى احد يردني
ام مها تتنهد:خلاص احاول بس روحي نامي
في الصباح
بيب بيب
خلود:يوه الباص جاء بدري وانا مالبست عباتي يوه اوف
لبست عباتها راحت لغرفة علي
خلود شغلت الليت:علي قوم احجز تذاكر وعسى نلقى رحله بعد
علي يغطي عيونه من شدة الضوء:طفي الليت يوه من باصك ازعجني هو وزموره روحي له ترا والله لو يروح
خلود تكمل:انك ماتوصلني (تروح تركض وتطلع من بيتهم المتواضع
سائق الباص بصوت عالي:سنه
خلود:ساكته وهي خايفه منه
عبدالله راح للجامعه لانه في قسم الهندسه اختبر واستانس لانه حل زين وهو ماقدر يذاكر من كثر التفكير بالزوار
عبدالله في الكوفي شوب يفكر حلو اليوم بتجي حبيتي والله لاشوفها يعني اشوفها ايه هو حلال بكره بتصير زوجتي
ياهوه وناسه ويبتسم
عبدالعزيز:اشوفك مبتسم شكلك حليت زين
عبدالله:ايو والله الحمدلله لا والي انت خابر بيجون اليوم
عبدالعزيز:مين اهل الرياض ههههههههههههههههههههههههههه
عبدالله يضحك:ايو والله الحمدلله
عبدالعزيز:عاد لاوصيك تكشخ وتضبط
عبدالله:ههههههه حلوه وانا بنيه علشان اتكشخ
عبدالعزيز:لاوصيك بالقز من ورا الباب ولا افتح الباب كانك ماتدر انهم فيه
عبدالله يرفع حاجب:اشوفك فاهم بهالسوالف
عبدالعزيز:اكيد انا مب سهل
في وقت الخروج من المدرسه الساعه1 مساء
خلود:هلا شتبين
ريم:خلاص عبدالله وطلقته بالثلاث علشانك (لعيون تكرم مدينه)
خلود:ايه زين ترا اليوم بسافر
ريم:بجد والله؟؟
خلود:ايو والله بسافر للشرقيه للدما
ري تغمز لها:لحبيب القلب
خلود مدت بوزها وتبتسم:انا اصلا غلطانه اني قلت لك
ريم:ههههههههههههههههه ومن الحب ماقتل
ماجد يكلم علي ومايرد يدق مايرد لان علي حاطه على الصامت
ماجد:هين ياعلي والله لاعلمك منهو انا اجل انا مايرد على اوريك بس
علي حجز الرحله بعد نص ساعه على القطار
ترن
علي: الو هلا خلود خليك عند الباب وجهزي الاغراض بعد لان ماباقي شئ على الرحله
خلود:خلاص انا جاهزه
خلود تجهزت من بدري وتمكيجت مكايج حلو نعوم ولابسه العباءه الي علي منعها لاتلبسها واللثام
ركبت السياره
خلود:السلام
علي:هلا اوف من هالعباة ماغيرتيها
خلود:يوه ماعندي غيرها
علي:خلاص خلاص شغل اغاني
ماجد منجن لان علي ماعبره ومقهور لانه ماعطاه اي اهتمام
عبدالله مانام في العصر لانه ينتظر حبيبة القلب
ساره:غريبه مانمت
عبدالله:تدرين ان علي وخلود بيجون بعد شوي
ساره:والله!!!!!!1وناسه ليه ماقلتي قبل علشان اتجهز
عبدالله:اللحين الي بيمشون من الرياض بقطار
ساره:حلو خلني اتكشخ والله من زمان عن خلوده
عبدالله يتنهد:وحتى انا من زمان عنها
ساره ناظرت (وهي عند الباب:مين تقصد
عبدالله انتبه:اقصد علي علي ياحليله والله اني مشتاق له
يدق الجرس
عبدالله يفتح
مها:السلام عليكم
عبدالله من غير نفس:هلا هلا
مها:اخبارك عبدالله من زمان ماشفتك
عبدالله يناظر للشارع:جيه مع مين
مها:بالتاكسي
عبدالله تفاجئ:لحالك!!!!!!
مها:ايه الحالي؟ليه؟؟
عبدالله بيروح
مها:ليه انت ماتبيني اروح بتاكسي عادي ماروح
عبدالله:ايه نصيحتي لك لاتروحين اذا بغيتي شئ تعالي مع ابوك
مها:ابوي دايم مشغول وانت خابر ماعندي اخوان يوصلوني
عبدالله:اذا بغيتي شئ انا بالخدمه
مها بشغف:ايه ابي شئ
عبدالله:وشو!!
مها انتبهت:لا خلاص
عبدالله:قولي وانا في الخدمه
مها:ابي ساره لاني مشتاقه لها
عبدالله:تفضلي هي بغرفتها
في القطار علي يدور الرقم الي له ورقم اخته وبما انه تاخر ماحجز صار لهم مكانين مفترقات عن بعض
خلود تشوف وين رقم 27 تشوف ذاك هو وألي بجنبه فاضي بعد حلو
علي ارتسمت على شفاهه ابتسامه:ايه ذاك هو تعالي
خلود:الحمدلله
يجلسون
يجون اثنين شباب وهم اخر ناس ومعهم خواتهم جلسوا بجنب بعض خواتهم والشاب رقمه 28
راكان:حلو شف ذاك مكانك وهاذا مكاني الي بجنب البنت الفاتنه واو على عيونها اخ بس اسمع اقولك ياسعد ياويلك توافق
له يجلس اخته مكانك
سعد:ولا يهمك رح خذ مكانك بس هههههههههههههههههههه
راكان:لو سمحت هذا مكاني
علي:بس ياخوي مايصلح تجلس بجنب اختي
راكان:شف الكرت رقمي والحق حق
خلود تناظرهم خايفه
علي عصب:اي حق وخرابيط خذ رقمي ورح
راكان يكلم روحه الدعوه تحدي:اقولك ابعد عن مكاني
علي:واختي
راكان:خذها معك مو مسؤليتي
المسؤل في القطار:لو سمحمت التزموا الهدوؤ وكل واحد على مكانه
علي:بس كيف اختي بجنب رجال
المسؤل:ماراح ياكلها
علي جن من اسلوبه:طيب عادي اخليها تجلس بجنب المقعد الي هناك
المسؤل:اذا وافق الي بجنبها مع انه ممنوع بس بسمح لك بما انك معقد
علي تركه ومارد عليه راح للسعد:لو سمحت اختي هناك
سعد يسوي نفسه نايم:اوف شتقول انت
علي شاف حركاته واسلوبه البايخ وجلس وكلم خلود
ترن
علي:اذا كلمك لاتعطينه وجه زين
خلود:طيب
يجلس راكان بجنب خلود ويوزع ابتسامات وعلي مع انه بعيد الا انه يشوف زين ومقهور
راكان يناظر ويقول بقلبه الحمدلله ان خواتي بجنب بعض ويقعد يضحك على حركات علي
خلود خايفه
راكان:لو سمحتي ممكن كلينيكس
علي يناظر ومنجن
خلود تطلع من شنطتها وتعطيه
علي جن كان بيقوم لكنه ضغط على روحه حتى مايتفشل
علي:الو وجع خلودوه
راكان يضحك عرف انه علي
خلود:وش فيك
علي:وش كان يقولك
خلود:كان يبي كلينيكس
علي:خلاص روحي لدورات المياه ولا تطلعين
خلود:ويع كيف بدورات المياه
علي:الي قلتلك سويه وانتي ساكته
|