ازياء, فساتين سهرة

العودة   ازياء - فساتين سهرة و مكياج و طبخ > أقسام عامة > قصص و روايات > روايات مكتملة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات مكتملة جايب هالقساوة منين ؟ منين يا طيب كاملة يوجد هنا جايب هالقساوة منين ؟ منين يا طيب كاملة هنا تنقل الروايات المكتملة فقط


 
قديم 01-14-2011, 07:20 PM   #1

خآطري أإآشوفگ

:: كاتبة قديرة ::

الملف الشخصي
رقم العضوية: 105276
تاريخ التسجيـل: Mar 2010
مجموع المشاركات: 2,232 
رصيد النقاط : 0

قلم جايب هالقساوة منين ؟ منين يا طيب كاملة


جايب هالقساوة منين ؟ منين يا طيب كاملة



(((((جايب هالقساوه منين!!!!منين!!ياطيب)))))

بقلم :- أمونة 53


علي انسان عصبي لكن حبوب ومدلع اخته ويخاف عليها لكن احيانا يصير العكس ويصير قاسي لاخر حد معها
لانه هو المسؤل عنها بما ان ابوه وامه ماتوا قبل مده طويله وعمره 26 سنه

خلود بنت رقيقه جميله هادئه بكل معنى الهداوه وخوافه تخاف حتى من ظلها واكثر شئ تخاف منه هو الوحده والفراق
لانها هي دايم تجلس بروحها في البيت واكثر شئ مقابله النت عاطفيه لابعد الحدود وعمرها19 سنه



علي بعصبيه:والله ماتروحين معي الشرهه مو عليك على الي بيطلعك

خلود برائه:طيب ليه وش سويت لك

علي عصب بزياده:غيري لبس هالعباءه المخصره واللثام الي مابقى شئ ماخليتيه اكشفي احسن

خلود:ماعرف البس غير هالعباه والله ماعرف

علي:اجل موتي مافيه طلعه

خلود تحرك شفيفها استعداد للبكاء وتنفجر بالبكاء وهي تناظر له وتركض لغرفتها بالدور الثاني وترمي روحها على سريرها الكبير المزدوج

علي شافها انكسر خاطره عليها يكلم روحه:لكن احسن بنات اليوم ماينفع فيهم الا العين الحاره اجل تروح للسوق وبهالبس والله لو ماتلبس
عباءه ماتطلع جذابه مثل هالطريقه


خلود تبكي بقوه تكلم بقلبها:حرام عليه انا لي شهر ماطلعت ولا شفت احد استكثر على هالطلعه والله لو اني مو لابسه شئ
يدور الحبوب على الدروب هو يتسلى وكل يوم يطلع وانا من زمان عن العالم اخ اخ متى تجي ياعبدالله وتخطفني من انامل
علي القاسيه اهئ اهئ تبكي بزياده

علي ماهانت عليه:لا انا لازم اروح لها يطلع ويطلع للدرج وهو متردد مايبي يعودها على التمرد

وصل للبا مسك قابض الباب ونزل يده:لا انا ماعلى منها بالطقاق خلني اروح احسن لي راح وبعدها رجع

مسك القابض مره ثانيه بعدها هز القابض:لاوالله ماعلى منها ليش انا الي لازم اراضيها حتى لو اخطئت!!! والروحه اعوضها

الايام جايه بس اليوم بطنشها نزل وطلع اغلق الباب الحديدي وصوته مزعج

ناظرت خلود من الدريشه شافت اخوها طالع زاد بكاءها:يباه يماه تعالوا خوذوني معكم انا اكرهه مايخذني
ولا يطلعني ليه ماجبتوا بدال الولد بنت تسليني وتسد الفراغ الي انا عايشه فيه

لكن خلود ماستسلمت مسحت دموعها وراحت للنت تتسلى مع صديقاتها الي بالثانويه بالماسنجر

خلود/ تصدقين ماطلعت

ريم/احسن مسكينه ههههههههه

خلود/ يازينك ساكته

ريم/اخبار عبود

خلود/اسكتي ترا مافيه احد يعرف اني احبه الا انتي

ريم/هو وش يقرب لك ولا تعرفتي عليه عن طريق النت

خلود/هههههههههههههههههه بجد مجنونه انتي كيف عن طريق النت

ريم/لا فيه كثير يحبون بالشات

خلود/وانتي مصدقه اغلبهم اولاد باسم بنات والبنات باسماء اولاد

ريم/امم طيب انا تعرفت لي على واحد بالشات

خلود/تدخلين الشات؟؟؟؟

ريم/ايه!!

خلود/لاتكلميني ولا اكلمك

تغلق الماسنجر وتطلع :احسن لي اكل خلني اتعشاء جوعانه اوف علي مايبيني وريم انا مابيها عليها حركات

ترن رن

خلود تكشر وتحرك يديها وراسها يمين ويسار:هذي اكيد ياريموه ولا عليوه مالت عليكم ثنيناتكم وتفصل التلفون

جوالها يدق اوف تشوف مالت عليك ايه خليني اشوف اخرتها مع هالماصخه اجل متعرفه على واحد
بالشات

خلود من غير نفس:الو

ريم:شدعوه خلوده شفيك زعلتي

خلود:لا وليه ازعل صديقتي الروح بالروح تتعرف على رجال نصابين بالشات وش تعتبرينها هاه مو تقاطيعنها

ريم :هههههههههههههه ليه وانا دينماركيه تقاطعينها

خلود تقلد ضحكتها بمصخره: ه ههه هه هه

ريم:بصراحه ماتوقعتك معقده انتي قلتي انك تحبين واحد اسمه عبدالله وبعد ماخطبتك لاخوي محمد وانا مازعلت وانتي تزعلين علشاني
متعرفه على واحد خلاص ياستي اقاطعه اذا تبين

خلود:انا مابيك تصيرين مضحكه بيد الشباب

ريم تبي تغيضها:واسمه عبدالله بعد لايكون عبدالله الي انتي حاجزته وتبينه

خلود تقطع الخط


علي مع صديقه الروح بالروح اسمه ماجد

ماجد اسمرحلو طويل وشعره بعد طويل يحب الاعمال الاجراميه مثل الذبح ويتلذ بالقتل ابوه وامه ماتوا وهو صغير عمره 6 سنين
وعاش مع عمه الي انجبر على تربيته وعامله بكل قسوه يقوم وينام على ضرب المسكين إلى صار عنده
انفصام بالشخصيه مات عمه وعمر ماجد 24 سنه طبعا بيده بعد ماذبحه تعزيرا لانه تعب من كثر التعذيب والوان التعذيب الي شافه
واخفى جريمته في اقذر مكان على وجه الارض في البيارات وانتم بكرامه وهو غني لان ابوه وامه كانوا اغنياء وبعد مامات
وعمه بعد غني الي تزوج سوريه وحبها وحبته لكن بعد ماراح للسوريا هددوه في السلاح وهو بعدها ماتزوج لانه كان يبيها
وبعدها مافضى ويبي يعيش بحريه وماجد ورث ابوه وعمه الي اغنياء لاخر حد
ماجد انسان امي لايعرف القراءه والكتابه في وسط عالم مايعترفون الا بالماجستير والدكتوراه
عمه ماخلاه يتعلم زي باقي العالم وهو متسرع في قراره وعصبي لابعد حد الابتسامه نادره عنده

في المقهى كل واحد معه زجائره
علي:اخبارك وينك امس ماكلمتني ولا شئ

ماجد:والله عاد امس كله نايم ماشفت احد ابدا تعرفني اواصل يومين وانام تعويض اسبوع

علي:ياخي غير منهجك والله ماتحس بالحياه كذا

ماجد يقلده:ياخي غير منهجك والله ماتحس بالحياه كذا!!وش دخل فيني احد شاكيك على

علي:هد اعصابك شفيك انت

ماجد:اقولك ابيك بكره تبيع الشركه كلها زين

علي قام مفزوع:كيف وليه

ماجد عصب:احسن قم اصفقني اضربني تعال

علي تحكم باعصابه لانه هو يشتغل مدير في هالشركه:لاوش دعوه بس فاجئتني

ماجد:اجل زي ماقلت لك ابيك تبيع الشركه بكره لان وراي سفره

علي ابتسم:ولا تقولي ولاتبيني اخاويك(يعني اروح معك)

ماجد:لا انا ابي اروح لحالي بروحي مامعي احد زين

علي تغيرت ملامحه:طيب وين بتسافر



ماجد رفع حاجبه:الدعوه تحقيق

علي:لاوش دعوه من باب الصداقه

ماجد تنهد:ابسافر لجزر المالديف

علي يضحك:ههههههههههههه هاذي كيف قدرت عليها

ماجد ناظر له بنظرات واحد حاقد:شقصدك جاهل

علي انتبه وبلع ريقه:لا قصدي قويه جزر المالديف انا مو خابرك راعي سفرات

ماجد بنظرات تهديد وهو قايم:على كلآ ابي الي قلته لك يتنفذ زين

علي:خلاص زين

ماجد راح

علي بقلبه والله لو تطير ماتنفذ الي براسك يامهزوز الشخصيه
ههههههههههههه الظاهر هاذي حوبت خلود لاني ماطلعتها ههههههههههههه اقول خلني اخذ العشاء واتعشاء انا وياها



خلود يارب مابيك تحقق لي الا الامنيه هاذي الوحيده ابي



امم وش امنية خلود الي تتمناه؟
كيف خلود بتستقبل اخوها علي؟؟؟ بطيب ولا ماتعطيه وجه؟؟

بيبيع علي الشركه ولا لأ ؟؟ وش عذره لماجد؟؟؟

هل يتقبل العذر ولا يستخدم هواية المحبه اليه الي هي الذبح ويذبحه ولا يتفاهم هالمره؟؟؟

مين عبدالله الي تحلم خلود فيه وهل بيكون نفسه هو الي تعرفت عليه ريم كل شئ يجوز؟؟

 
قديم 01-14-2011, 07:22 PM   #2

خآطري أإآشوفگ


رد: جايب هالقساوة منين ؟ منين يا طيب كاملة


جايب هالقساوة منين ؟ منين يا طيب كاملة


التكمله//
خلود بالمطبخ تاكل اندومي وهي جالسه على الطاوله(تفكر بعمق

خلود يارب مابيك تحقق لي الا الامنيه هاذي الوحيده ابيك يارب تعمي عيون عبدالله عن كل البنات
وماتخليه يفكر الى فيني انا يارب !!يارب حقق لي هالامنيه الوحيده يارب انت باسط الارض ومثبت السموات بلاعمد
وخالق الناس وكل يوم يزيد العدد يارب قل كن قل كن وريح قلبي انت يارب بليتني في حبي له يارب خله لي بالحلال يارب
اوف انا الي متى وانا على هالحال بجد مليت حالتي تكسر الخاطر بجد طفشانه وعاشقه بعد اوف
يارب اذا انت مو كاتبه لي كرهني فيه مو كل يوم يزيد حبي له
!!!!!!!!!! الحمدلله لقيت فكره ابقول لعلي اني ابي اغير جو في الشرقيه لاني مشتاقه للبحر وخالي امم واكيد بنسكن عندهم
يمكن يخف الشوق الي بقلبي ابقنعه واقنعه واقنعه ذا الدجاجه المليانه فلونزا بعد ههههههههههههههههههههههههههه


علي فتح الباب بهدؤ وشاف خلود قاعده تضحك في المطبخ انهبل:خلود

خلود تفز وتقوم:مين

علي:خلود انتي جنيتي

خلود لقتها فرصه علشان تسافر(بحزن:ايه انا طفشانه

علي:تضحكين مع مين

خلود دموعها نزلت حست انها مجنونه وتصرفاتها مو تصرفات عاقله:ساكته

علي يناظر بتعجب:خلود وش فيك

خلود:ايه فيني انا مليت

علي:طيب اطلبي وانا انفذ لك

خلود: انت نصاب ماتضحي علشاني

علي:نصاب طيب اطلبي وشوفي انا نصاب ولا لأ

خلود:ابي اسافر للشرقيه
عل مستغرب!!!!!!!:الشرقيه

خلود بيأس:ماقلت لك انك نصاب بس كلام ولا الفعل مو يم سالفه (يعني خرطي

علي:لا خلاص انشالله نسافر حتى انا مشتاق لولد خالي وكل مره داق على يعزمني

خلود طارت فرح:مين الي يعزمنا؟؟؟

علي:عبدالله ولد خالي خالد

خلود استانست حيل لان عبدالله على الاقل يفكر ان فيه احد بالرياض:طيب متى بنسافر

علي:اليوم الاثنين انشالله بكره

خلود فرحانه:واو مشكور (وتبوس راس اخوها
تطلع فوق مسرعه علشان ترتب اغراضها

علي:انتظري لحظه

خلود:وش فيه

علي:بتروحين للمدرسه بكره

خلود:اكيد انشالله واستاذن ليوم الاربعاء علشان اغيب

علي:خلاص رتبي اغراضك واغراضي زين

خلود تأشر على عيونها وهي مبتسمه:من عيوني الثنتين ((تروح فوق

علي:غريبه للدرجه مستانسه بس المسكينه كسرت خاطري وهي تسولف لحالها ايه انشالله اعوضها
ويلفت انتباهه رائحة الاكل المشهيه يوه العشاء ياخلود تعالي العشاء

خلود وهي تفتح دولاب الملابس:يوه لا يكون غير رايه يانعم




ماجد في بيته الغريب مع ان له فل فخمه الا انه عايش في بيت غريب اغلب اغراضه حديديه سرير حديدي
مو خشب ومافيه تحف للزينه ابدآ الكنب غريب جدا لايصدقه من على وجه الارض لانها مصنوع من سعف النخل
المطبخ يوجد فيه اواني فخاري قديمه وموقد النار جدا غريب لانه يستخدم(الدافور) او (القاز) ويوجد
ابريق نحاسي تحول للون الاسود من كثر استعماله وضعه على الحطب للمده طويله

ماجد جالس في الصاله الكبيره الموحشه الي ملئ في زواياه كتل من العناكب العجيبه وبيوتها المررعبه
اضاءته ثريا صغيره كانها شمع ثريا اوسراج غريب لونه اصفر وخفيفه الاضاءه
ماجد يتابع فيلم امريكي اجرامي بعد ماخلص من فلم روسيدينت افيل وخلص من فلم الجماجم المخيفه ومصاصين الدماء
يتابع بشغف وبيده سكينه كبيره وهو يبرد السكينه علشان تصير حاده وهو يبرد ويناظر متحمس تجرح السكين يده لانها جدا حاده

وياخذ الكاس الي على الطاوله ويضربه بالارض من العصبيه ويرمي السكين وياخذ الجوال

ماجد بعصبيه:الو احسن لاترد

علي:هلا كنت اتعشى ماعليش

ماجد:المهم بكره ابي المستندات الي تبع الشركه تنهيها زين

علي:بس اقولك انا بكره مسافر

ماجد:وين وليه

علي:طال عمرك ابسافر للشرقيه لان اهلي يبون يغيرون جو

ماجد:انا قلت بكره تكون الشركه مخلصه

علي:انشالله طيب

ماجد:اجل كمل عشاءك (ويغلق الخط

علي وهو يتعشى:اوف من هالبلشه

خلود:مين

علي:هذا ماجد صديقي مالت عليه يبيني ابيع الشركه

خلود:مين صاحبها هو ولا انت

علي:هو بس الغبي مسوي لي وكاله شفتي شلون

خلود:يوه طيب ليش مو هو الي يدير الشركه بنفسه

علي:المسكين مايعرف يقرا ولا يكتب

خلود تضرب راسها:مش معقول هذا بأي عصر كم عمره

علي:عمره الظاهر 24 سنه

خلود:لا ماصدق طيب كيف

علي:والله مادري ليه كل ما سألته يقولي مالك دخل وهو عصبي فوق اللزوم تصدقين مره وحده في السوق تغازله

خلود تفاجئت:تغازل بنت تغازل

علي:ايه بس مو بالسعوديه مع ان الفاسدات بكل مكان بس كنا في الخارج

خلود:ايه كمل

علي:تحاول تاخذ رقمه عاجبها الولد وتجي اي خدمات تبون وهو مو معطيها وجه المشكله اني متمشخص ذاك اليوم وماحد عبرني

خلود:ههههههههههههههههه تستاهل

علي:شافها زودتها اخذ الصحن الي بيده وضربها براسها غير جو الاسعاف وشالوها

خلود تضرب خدها:اوف ماعنده تفاهم صديقك ذا الي من العصر الحجري يوه يوه يوه بس تستاهل ذي البنت قلة ادب
وبعدين دخل السجن صح

علي:لا سكتهم بكم الف والبنت ماكانت تبي فلوس لكن اهلها الي بغوا على بالهم ديه

خلود:الحمدلله اكرمك الله انا شبعت ابروح اجهز اغراضي بس عندي طلب واخر طلب بعد

علي رفع حاجب:وشو؟؟؟؟

خلود تلمس شعرها:ابي اروح للكوفيرا اضبط حالي علشانا اكيد بنروح لخالي خالد

علي ويمد اصبعه: بتروحين روحي لكن شعرك ماتصبغينه ولا تقصينه

خلود:يوه وش بقيت مابي اصبغ ابقص شعري

علي:عاد ذا والله لو تموتين انتي احلى مافيك شعرك ابك لو تدري عنك زينب العسكري كان حلقت شعرها صفر

خلود:ههههههههههههههههههههه بس حلو التغير

علي:اجل مافيه سفر موتي

خلود صارخت:لا كلش ولا السفر

علي:خلاص اجل بلا كلام فاضي

خلود تحرك راسها بالايجاب:حاضر (تروح فوق

علي يكلم
عبدالله شاب حلو كل البنات يتمنونه من جماله واخلاقه الزينه والراقيه ذكي عمره 24 سنه
عبدالله يحضر للجامعه ويكتب الاشياء المهمه لان بكره عنده اصعب امتحان واخر امتحان بعد

ترن

عبدالله يناظر للرقم ومبتسم:ياهلا ومية مرحبا يالغلا كله

علي:يامرحبيتين فيك يالغالي اخبارك

عبدالله:الحمد لله ثم للك عبدالعزيز

علي:ههههههههههههههههههه

عبدالله:وانت شلونك

علي:والله لوني يسرك لون قمحي فاتح واسود العينين وطولي 166 سم وزني 64 عندك لي عروسه هاهاهاها

عبدالله فكر انه عينه على اخته ساره:والله انت اطلب واختار ومايصير خاطرك الا طيب

علي حس انه غلطان بكلامه لانه مايفكر بأخته ابدا لان ماضيهم شين كله هواش وطراخ:لالالالا امزح معك بس عندي مفاجئه

عبدالله:وشي؟؟؟

علي:احجز لي غرفه بكره

عبدالله خاف:بس انت

علي:اعصابك شفيك كانه ملاحقك احد ايه بس انا لحالي ولا ماتبيني

عبدالله من غير نفس:لا وش دعوه اكيد ابيك

علي:اجل خلاص بكره انا جايكم وقل لخالي اني جايب له اختي لانه مشتاقه له وتبي تشوفه

عبدالله من غير مايحس بروحه:خلود بتجي

علي:ايه بتجي

عبدالله:بوشو بتجون

علي:بالقطار انشالله بحجز ونسافرا بكره العصر

عبدالله بفرحه:توصلون بالسلامه

عبدالله اغلق الخط وهو مستانس يالله خلوده بتجي يالله بجد مشتاق لها يازينه اموت فيها احلى مافيها طبعها واخلاقها الزينه
وخجلها الزايد انا لازم اخطبها لازم يماه يماه يماه

ام عبدالله وهي فوق الكنبه نايمه وراميه الجريده تحتها على الارض:وش فيك كل هالصراخ هزيت البيت من ذا الازعاج

عبدالله يبوس راس امه:انا اسف يمه بس ابقولك قرار قررته وقرار مهم في حياتي

ام عبدالله تقلده:قرار قررته يقر قروا اقولك بلا قره فاضيه انت وش عندك مقعدني من النوم

عبدالله:يمه انا ابي اتزوج

ام عبدالله تغمض عيونها:ومين المقروده الي انت تبيها

عبدالله استحى مايبي يقول لها:ابي ابي مادري انتي الي تختارين شوفي البنات وقوليلي

ام عبدالله:بنت خالتك نوف

عبدالله:مين؟؟؟؟لاتقولين مها!!!!!!!!1

ام عبدالله تجلس مفزوعه:وش فيها شناقصها كامله والكامل الله

عبدالله:يمه تعرفيني انا احب وحده خجوله نعومه مو زي مها وحده مسترجله ودلوعه وجها مغسول بمرقه

ام عبدالله تذكرت ان مها دلوعه كثير:خلاص ادور لك غير مها

عبدالله:تسلمين ياحلى ام في الدنيا (يمشي وهو يرقص مثل المجنون ويغني والله وتحقق منايا شوفو حبيبي معايا

ساره تناظر باستغراب:هاي انت شفيك انجنيت اصحى ترا عمرك وصل للخمس وعشرين وانت مثل البزران ترقص

عبدالله انتبه لها وانحرج:يوه الواحد مايستانس في هالبيت

ساره:الا استانس بس مو ترقص لو انك بنت قلنا ماشي بس انت رجال

عبدالله خجل من روحه:تصبحين على خير

ساره:وانت من اهله ياعبود

عبدالله رفع حاجب وساره انحاشت لان عبدالله مايحب احد يدلعه ولا يحب الدلع كله

معاك ولا بدونك يسعدك ربي
أمثله سودآنيه + العاب سودآنيه لا يفوتكم
مطعم وايت white
صور من روائع التايتنك الجديده
عروس لابسه ..... الحمدلله وشكر ... تفضلو
المعنىًّ اآلحقيقي ل النذاأأأأله
ولد يبكي توقعوا ليش..؟!
أشكال الأولاد والبنات يوم الاحد في المدارس
إذا .. حصلت أحد غيري .. تعال أرجوك .. بشرني
جايب هالقساوة منين ؟ منين يا طيب كاملة
عودتني على حسك
البرآزيل . . .
عزيزتي حليمه’ عزيزتي شوجي!ه
ما الفرق بين عشاق الساعة الخامسة وعشاق الساعة السابعة صباحا !!
أجمل الفنآدق ف تآيلند


 
قديم 01-14-2011, 07:26 PM   #3

خآطري أإآشوفگ


رد: جايب هالقساوة منين ؟ منين يا طيب كاملة


جايب هالقساوة منين ؟ منين يا طيب كاملة

مها تنزل من الدرج لابسه بنطلون جينز وشعرها بوي قصير بالمره حركاته صبيانيه ومشيتها مافيها رقه
ولا كانها مشية بنات؟؟؟؟لان اهلها من صغرها عودوها على ذا اللبس وهي عيونها كبار كحيله وبشرتها فاتحه كثير
مالها اخوان ولا خوات مدلعه كثير وهي تموت على عبدالله الي ماحبت لا بعده ولاقبله احد
تجلس على الكنبه وتهز رجلها

ام مها:مهاوي وش الي مصحيك ذا الوقت ليه مانمتي

مها ودها تصيح:يماه اوف هذا الى متى مايحس فيني

ام مها:مها عبدالله انسيه مايحبك ولا يواطنك لاتفكرين فيه ابدا

مها بملل:طيب وش اسوي علشان مايفكر الا فيني

ام مها:عاد استحي يامها انا اول مره اشوف بنت بتلصق روحها برجال

مها:بس انا احبه اقنعي امه تكفين ولا والله اني لأكلمه واتحدى احد يردني

ام مها تتنهد:خلاص احاول بس روحي نامي


في الصباح
بيب بيب

خلود:يوه الباص جاء بدري وانا مالبست عباتي يوه اوف
لبست عباتها راحت لغرفة علي

خلود شغلت الليت:علي قوم احجز تذاكر وعسى نلقى رحله بعد

علي يغطي عيونه من شدة الضوء:طفي الليت يوه من باصك ازعجني هو وزموره روحي له ترا والله لو يروح

خلود تكمل:انك ماتوصلني (تروح تركض وتطلع من بيتهم المتواضع

سائق الباص بصوت عالي:سنه

خلود:ساكته وهي خايفه منه


عبدالله راح للجامعه لانه في قسم الهندسه اختبر واستانس لانه حل زين وهو ماقدر يذاكر من كثر التفكير بالزوار

عبدالله في الكوفي شوب يفكر حلو اليوم بتجي حبيتي والله لاشوفها يعني اشوفها ايه هو حلال بكره بتصير زوجتي
ياهوه وناسه ويبتسم

عبدالعزيز:اشوفك مبتسم شكلك حليت زين

عبدالله:ايو والله الحمدلله لا والي انت خابر بيجون اليوم

عبدالعزيز:مين اهل الرياض ههههههههههههههههههههههههههه

عبدالله يضحك:ايو والله الحمدلله

عبدالعزيز:عاد لاوصيك تكشخ وتضبط

عبدالله:ههههههه حلوه وانا بنيه علشان اتكشخ

عبدالعزيز:لاوصيك بالقز من ورا الباب ولا افتح الباب كانك ماتدر انهم فيه

عبدالله يرفع حاجب:اشوفك فاهم بهالسوالف

عبدالعزيز:اكيد انا مب سهل

في وقت الخروج من المدرسه الساعه1 مساء
خلود:هلا شتبين

ريم:خلاص عبدالله وطلقته بالثلاث علشانك (لعيون تكرم مدينه)

خلود:ايه زين ترا اليوم بسافر

ريم:بجد والله؟؟

خلود:ايو والله بسافر للشرقيه للدما
ري تغمز لها:لحبيب القلب

خلود مدت بوزها وتبتسم:انا اصلا غلطانه اني قلت لك

ريم:ههههههههههههههههه ومن الحب ماقتل


ماجد يكلم علي ومايرد يدق مايرد لان علي حاطه على الصامت

ماجد:هين ياعلي والله لاعلمك منهو انا اجل انا مايرد على اوريك بس

علي حجز الرحله بعد نص ساعه على القطار

ترن
علي: الو هلا خلود خليك عند الباب وجهزي الاغراض بعد لان ماباقي شئ على الرحله

خلود:خلاص انا جاهزه

خلود تجهزت من بدري وتمكيجت مكايج حلو نعوم ولابسه العباءه الي علي منعها لاتلبسها واللثام

ركبت السياره

خلود:السلام

علي:هلا اوف من هالعباة ماغيرتيها

خلود:يوه ماعندي غيرها

علي:خلاص خلاص شغل اغاني

ماجد منجن لان علي ماعبره ومقهور لانه ماعطاه اي اهتمام

عبدالله مانام في العصر لانه ينتظر حبيبة القلب

ساره:غريبه مانمت

عبدالله:تدرين ان علي وخلود بيجون بعد شوي

ساره:والله!!!!!!1وناسه ليه ماقلتي قبل علشان اتجهز

عبدالله:اللحين الي بيمشون من الرياض بقطار

ساره:حلو خلني اتكشخ والله من زمان عن خلوده

عبدالله يتنهد:وحتى انا من زمان عنها

ساره ناظرت (وهي عند الباب:مين تقصد

عبدالله انتبه:اقصد علي علي ياحليله والله اني مشتاق له

يدق الجرس

عبدالله يفتح

مها:السلام عليكم

عبدالله من غير نفس:هلا هلا

مها:اخبارك عبدالله من زمان ماشفتك

عبدالله يناظر للشارع:جيه مع مين

مها:بالتاكسي

عبدالله تفاجئ:لحالك!!!!!!

مها:ايه الحالي؟ليه؟؟

عبدالله بيروح

مها:ليه انت ماتبيني اروح بتاكسي عادي ماروح

عبدالله:ايه نصيحتي لك لاتروحين اذا بغيتي شئ تعالي مع ابوك

مها:ابوي دايم مشغول وانت خابر ماعندي اخوان يوصلوني

عبدالله:اذا بغيتي شئ انا بالخدمه

مها بشغف:ايه ابي شئ

عبدالله:وشو!!

مها انتبهت:لا خلاص

عبدالله:قولي وانا في الخدمه

مها:ابي ساره لاني مشتاقه لها

عبدالله:تفضلي هي بغرفتها


في القطار علي يدور الرقم الي له ورقم اخته وبما انه تاخر ماحجز صار لهم مكانين مفترقات عن بعض

خلود تشوف وين رقم 27 تشوف ذاك هو وألي بجنبه فاضي بعد حلو

علي ارتسمت على شفاهه ابتسامه:ايه ذاك هو تعالي

خلود:الحمدلله
يجلسون

يجون اثنين شباب وهم اخر ناس ومعهم خواتهم جلسوا بجنب بعض خواتهم والشاب رقمه 28

راكان:حلو شف ذاك مكانك وهاذا مكاني الي بجنب البنت الفاتنه واو على عيونها اخ بس اسمع اقولك ياسعد ياويلك توافق
له يجلس اخته مكانك

سعد:ولا يهمك رح خذ مكانك بس هههههههههههههههههههه


راكان:لو سمحت هذا مكاني
علي:بس ياخوي مايصلح تجلس بجنب اختي

راكان:شف الكرت رقمي والحق حق

خلود تناظرهم خايفه

علي عصب:اي حق وخرابيط خذ رقمي ورح

راكان يكلم روحه الدعوه تحدي:اقولك ابعد عن مكاني

علي:واختي

راكان:خذها معك مو مسؤليتي

المسؤل في القطار:لو سمحمت التزموا الهدوؤ وكل واحد على مكانه

علي:بس كيف اختي بجنب رجال

المسؤل:ماراح ياكلها

علي جن من اسلوبه:طيب عادي اخليها تجلس بجنب المقعد الي هناك

المسؤل:اذا وافق الي بجنبها مع انه ممنوع بس بسمح لك بما انك معقد

علي تركه ومارد عليه راح للسعد:لو سمحت اختي هناك

سعد يسوي نفسه نايم:اوف شتقول انت

علي شاف حركاته واسلوبه البايخ وجلس وكلم خلود

ترن


علي:اذا كلمك لاتعطينه وجه زين

خلود:طيب

يجلس راكان بجنب خلود ويوزع ابتسامات وعلي مع انه بعيد الا انه يشوف زين ومقهور

راكان يناظر ويقول بقلبه الحمدلله ان خواتي بجنب بعض ويقعد يضحك على حركات علي

خلود خايفه

راكان:لو سمحتي ممكن كلينيكس

علي يناظر ومنجن

خلود تطلع من شنطتها وتعطيه

علي جن كان بيقوم لكنه ضغط على روحه حتى مايتفشل

علي:الو وجع خلودوه

راكان يضحك عرف انه علي

خلود:وش فيك

علي:وش كان يقولك

خلود:كان يبي كلينيكس

علي:خلاص روحي لدورات المياه ولا تطلعين

خلود:ويع كيف بدورات المياه

علي:الي قلتلك سويه وانتي ساكته

 
قديم 01-14-2011, 08:37 PM   #4

خآطري أإآشوفگ


رد: جايب هالقساوة منين ؟ منين يا طيب كاملة


جايب هالقساوة منين ؟ منين يا طيب كاملة

راحت خلود في قسم دورات المياه وكانت واقفه وطفشت يوه انا بأي مكان لازم تصير لي مشكله
اوف (تبتسم)بس لعيونك ياعبود تكرم مدينه

ترن
خلود بملل:الو

ريم:ههههههههههه هذا وانتي رايحه للحبي صوتك كذا كيف اذا بتجين

خلود:اوف ريم تراي مو رايقه لك

ريم:وش فيك خلوده

خلود:اسمي خلود

ريم:والله مبروك تو مادرينا (بجديه) اقولك بجد شفيك طفشانه اكيد عطاك علي كم تهزيئه هههههه صح

خلود:ياليت

ريم:اجل ضربك قدام العالم

خلود تتنهد:يالت
رمج وش بجد حيرتيني

خلود:حشرني بدورات المياه وقالي ياويلك تطلعين

ريم تنفجر بالضحك:ههههههههههههههههههههههه ههههههههههههههه هههه عاش الانتقام بس ليه
خلود:انا اقولك ليه



ماجد:هلا جيت

سعود ضابط كبير ويحب ماجد كثير ويعتبره مثل اخوه ويدافع عنه دايم اذا عمل جرائم عمره35 سنه:ياهلا ماعليش طولت عليك صح

ماجد:لا عادي اجلس ابجيب لك قهوه

سعود:غريب ماعندك خادمه ولا طباخ

ماجد:الحمدلله انا اسوي كل شئ بروحي ومو محتاج لأحد

سعود:دام كذا زين

ماجد:قهوه عربيه ولا تركيه

سعود:مابي عربيه ابي سعوديه وبمسمار بعد

ماجد:ولا يهمك احط لك الي تبيه بس مسمار غريب على بس نجربه ليه لا

سعود وهو يشوف اشرطة الفيديو:رعب صح ولا اجرام كالعاده

ماجد:كلهم الاثنين اجرام ورعب وناسه

سعود:غير طبعك شوي مايصلح الي تشوفه

ماجد بملل:عن اذنك ابسوي لك قهوه
سعود:مأقول الا الله يهديه

يركب المويا على النار وبعده يحط قهوه ويحط الهيل ومعه مجموعة مسامير حديد (بجد خبال


ماجد:وهاذي احلى قهوه لاحلى سعود (يصب في الفناجيل الكبار الي متكسره طوارفها يصب وينزل مسمار مسمارين ثلاث

سعود يناظر فاتح فمه:انت مجنون وش حاط فيه

ماجد:اشرب وانت ساكت

سعود ياخذ الفنجال ويمسك بيده قطعة الحديد ويناظر:انت حاط لي مسامير

ماجد:ايه انت قلت لي

سعود انفجر ضحك على غباءه:ههههههههههههههههههه وش صار لك انت دايم ذكي وهالمره سبهه اقولك مسمار نوع من انواع بهارات
القهوه وانت تجيب مسامير حديد

سعود:اوف وانا شدراني تبي اي شئ ذاك المطبخ



راكان يروح للعلي
راكن:تب اجلس مكانك

علي وهو يشرب زجائره وينفخ الدخان عليه:وش الي غير رأيك خابرك معاند

راكان:اسمع تراي متعاطف مع اختك لان لها ساعتين في دورات المياه

علي يقاطعه:وبصفتك وش علشان تتعاطف
ركن:و الشرهه مو عليك الشرهه علي الي متنازل عن

علي يقاطعه:على الي متنازل عن العرش ياهوه اقولك انقلع لمكانك واجلس الحالك مثل الكلب



راكان ابتسم بمصخره:معليش عادي عادي (ويروح لنفس الطريق الي راحت له خلود


علي يشوف وهو خايف على اخته ترن

علي:هلا خلود فيه شئ
خلود:اوف اختنقت حرام عليك بجد بنجن
علي:معليش كلها نص ساعه
خلود:ابموت لي 3 ساعات بالحمام والله بنجن هاذي اول مره تصير
علي:عاد شسويلك
خلود:والله ماعلى منك ابطلع والله مليت
علي استسلم:خلاص يالله اطلعي

خلود طلعت وراحت مقعدها
راكان جاء ناظر شاف خلود استغرب وحاب يقهر علي:السلام عليكم
خلود ساكته
راكان:السلام سنه ورده واجب
خلود ساكته
علي يناظر ويقوم يروح له بسرعه وهو معصب:انت ماتستحي على وجهك
راكان خاف من علي:ماقلت شئ بس سلمت
علي:الله لايسلمك
المسؤل:لو سمحتوا هدؤ وانت تراك سببت لنا ازعاج
علي:انا هو السبب لايكلم اختي ولا والله لأذبحك
راكان سكت راح المسؤل وعلي
خلود جنت انرعبت من الخوف وتبكي بهدؤ وبصوت هادئ بس مسموع
راكان حزن عليها وقر انه يسكت


وصلوا للشرقيه طوط ويطلق القطار الزامور المررعب عالي الصوت الي كانه صفارة إنذار

علي على طول يروح لاخته المسكينه الخوافه اخذها وراحوا

راكان:انا اسف

علي ناظره باستحقار وراح

سعد:او ماي قود انت تعتذر لامستحيل

راكان:مسكينه هالبنت لها نص ساعه تبكي والله قطعت قلبي وبيني وبينك الاعتذار مو له لاخته

سعد يغمز له:ليه ناوي عليها

راكان:والله ياعليها عيون بجد عيون مسكته بنت اللذين هههههههههههههههههههه

سعد:ايه قل كذا من البدايه انا مو خابرك صاحب مشاعر واحساس


خلود تناظر الا هو لايارب مابي اشوفه هو ياه كيف مستحيه مابي اشوفه
علي:شوفي عبدالله
خلود:مابي اروح معكم مستحيه ابموت
علي:لو ان فيك ذرة خجل كان مالبستي هاللثام
خلود:يوه بدينا بالمحاظرات فشيله والله ماروح(توقف
عبدالله قرب لهم علي راح سلم
عبدالله:ياهلا والله نورتوا الشرقيه
علي:منوره بأهلها
عبدالله:وين الاهل
علي:ورا تشوفها بعيده ماتبي تروح معك
عبدالله:افا ليه!!!!!!
علي:مستحيه تعرف بنات يخجلون بسرعه
عبدالله استانس ايه ذي البنت مو راعية التكاسي ذيك مالت عليها:اقولك خذ اختك وجيبها انا بالسياره
علي:خلاص

عبدالله يركب السياره
علي:تعالي يالخبله عبدالله هو الي بيرجعنا مو تاكسي
خلود:لا استحي
علي:ولله لاكسر راسك امشي بس
خلود تمشي واعضامها ماتشيلها من الخجل يارب عطني قوه من عندك يارب انا طول عمري انتظر اليوم الي اشوف فيه
عبدالله واللحين انا خايفه:علي قربت للسياره
عل: اقولك اركبي وانتي ساكته
خلود بتفتح الباب
علي:ولا مايحتاج وانتي ساكته لانك بتكونين طرمه في السياره هههههه
خلود تركب
عبدالله:اخبارك ياخلود شلونك
خلود:ساكته
عبدالله:سلامتك فيك شئ
علي:خلود ردي عليه وجع بلا سخافه
خلود بصوتها الناعم الهادئ:انا طيبه
عبدالله:الحمدلله على السلامه(قصده لانها اللحين الي ردت
علي فهم قصده
خلود صارت غبيه بعد ماشافته:الله يسلمك
عبدالله وعلي هههههههههههههههههههههههههههههه ههههههههههههه
خلود ساكته ومستغربه منهم
عبدالله مستانس لان خلود عنده وبنفس المكان الي هو فيه
علي:اخبار اختبارك اليوم
عبدالله:الحمدلله فكه خلصت اخر اختبار وزين
علي:الحمدلله
عبدالله:واخبار الشركه
علي:يوه نسيت لاكلم صاحب الشركه يوه بيذبحني
عبدالله:ليه
علي:لاني بالقطار شفت مكالماته ولاكنت فاضي لاني منجن الله يجننهم يارب
عبدالله:مين؟؟؟

ام مها:مها قومي كافي نوم
مها:نعم يماه فيه شئ
ام مها:ايه عند خالتك عزيمه
مها قامت بسرعه:لمين
ام مها:لان ولد عمة ساره وبنت عمتها جاين
مها:يوه اجل ماراح اروح
ام مها:يقولون ان هالبنت ذي حاط عبدالله عينه عليها وبيخطبها(الكلام هذا من راس ام مها علشان تروح مها
مها:فال الله ولا فالك والله لاشوفها في موية نار لو يفكر فيها بس تفكير لذبحها
ام مها:قومي يالمجرمه بس وتكشخي ابيك تطلعين احلى منها
مها بيأس:لو بصير احلى منها ماراح يفكر فيني ذالمغرور عبدالله
ام مها:طيب دامه مغرور طنشيه
مها:ياليت بس مو بيدي والله لو بيدي لأحول حبي له كره وحقد بس والله مو بيدي

عبدالله:بأي صف ياخلود
خلود:ثاني ثانوي
عبدالله:ادبي ولا علمي
خلود:علمي
عبدالله:كم نسبتك النصف الاول
خلود ساكته
عبدالله:معليش مو قصدي احرجك خلاص سحبت كلمتي
علي:عندك شاحن
عبدالله:ايه
علي:اجل ابشحنها لانه قضى شاحنها
عبدالله:مين؟؟
علي:خلود الي تقول كلمه وتستحي لاتكمل
عبدالله:عاد اسكت بس ترا مارضى على بنت عمتي
علي:نسبتها ياطويل العمر98% لا وزياده بعد لكن هي مشكلتها خجوله يعني اعذرها
عبدالله:ماشالله انا لي بنت عمه متفوقه
خلود ساكته
علي:خلود تكلمي عادي شفيك انتي بجد ممله البنات يكلمون ناس مايعرفونهم وانتي ماتردين على الي يكلمك
تصدق ياعبدالله مره في السوق عطت واحد الحساب من غير ماتساله عن قيمة الفستان
عبدالله:ههههههههههههههه احسن كذا البنات
علي:المشكله انه اخذ زياده ميه وخمسين ريال
عبدالله:ههههههههههههههه والله صفه حلوه ومميزه
خلود وجهها طماط من خليط الخجل والحياء والاحراج

 
قديم 01-14-2011, 08:40 PM   #5

خآطري أإآشوفگ


رد: جايب هالقساوة منين ؟ منين يا طيب كاملة


جايب هالقساوة منين ؟ منين يا طيب كاملة


عبدالله:وهذا بيتنا
علي:انزلي ياخلود هههههههههههههههههههههه
خلود تنزل ورجولها ترتجف
عبدالله:روحي من ذا الباب لانه قسم الحريم
خلود منزله عيونها وتمشي وتمشي درجه 2 3 تطيح واو يالفشيله خلني اقوم مو احد يشوفني تناظر ورا تشوف عبدالله يناظرلها
عبدالله ماقدر يمسك الضحك ودخل قسم الرجال علشان مايحرجها بزياده
خلود تبكي من الفشيلله تمسح دموعها بسرعه ايه الحمدلله ان الكحل ضد الماء والدموع ولا كان رحت في ستين داهيه
ساره:ياهلا في خلود تفضلي حياك
خلود بصوت مرتبك:هلا شلونك حبيتي
ساره:الحمدلله انتي شلونك
خلود:الحمدلله انا زينه
ام عبدالله:ياهلا اسفرت وانورت
خلود تسلم:شلونك خالتي
ام عبدالله:الحمدلله بخير وانتي شلونك مابغينا نشوفك
خلود تكتفي بابتسامه
ساره:هاتي عباتك
خلود:لا عادي انا اطرقها بس ممكن اعدل مكياجي
ساره:ممكن ونص قومي
تروح للغرفة ساره الغرفة الواسعه الفاخره المزينه بأفخم الاثاث تروح للمراي الي في كل ركن تشوف روحها تزيد الكحل
والشدو وتضع القلاس وتمشط خصلات شعرها الطويل والكثيف
ساره تصفر:ايه الحلاوه دي
خلود تبتسم وتنزل راسها:تسلمين يالغاليه
ساره:واو بجد انا عمري ماشفت وحده خجوله مثلك وش فيه وجهك يطلع ضوء مثل الاشاره ههههههههههههههه
خلود تضحك مجامله:هههههه وانتي ماخليتي طوالة اللسان ياساره خلاص انتي كبرتي
ساره:ايوه ايوه ياجدتي هههههههههههه
خلود ترفع حواجبها وتبستم:اقولك اعقلي
ساره تناظر لخلود:وش ذا المكياج
خلود بكل ثقه:ثقيل صح
ساره:هههههههههههههههههه بجد مجنونه اليوم فيه حفله كبيره وانتي ماحطيتي شئ هذا تسمينه مكياج
خلود:حرام عليك واثقل من كذا بعد
ساره وهي تاخذ كريم الاساس:اقولك اجلسي انتي ماحطيتي مكياج من الاصل اصحي وتعلمي المكياج الصح
خلود:ماحبي اكثر المكياج
ساره:بس هاذي الموضه
خلود:وانتي تتبعين الفوضى
ساره:هههههههههههه حلوه الفوضى اقولك بعد شوي بوريك بنت خالتي شوفي مكياجها يجنن راعية مكياج ولبس صح
خلود:ماشالله عليها وش اسمها
ساره وهي تشوف شعر خلود الجذاب:اسمها مها بس قصير شعرها بالمره ماشالله عليك شعرك يهبل ولا شعر
زينب العسكري
خلود:ههههههههههههههههههههههههه ه علي امس قالي ان شعري زيها
ساره:لا وانتي احلى بعد واخبار علي معك
خلود تغمز لها:ليه حاطه عينك عليه
ساره:اما عاد خلصوا الرجاجيل ماحط عيني الا على المقرود اخوك
خلود:هههههههههههههههههههههههه انا بصراحه اموت واعرف ليه انتم آخذين مواقف من بعض
ساره تمد لسانها:مالك دخل
خلود:اجل امري لله
ساره:غمضي عيونك ابسوي لك ظل(شدو) اخلي عيونك جذابه
خلود:خفيه
ساره:لا واسكتي بعد

ام ساره تفتح الباب:وش يسون الامورات
خلود:تعالي اجلسي خالتي معنا انا مشتاقه لك
ام ساره:تشتاق لك العافيه
خلود:خالي ماشفته وينه
ام ساره:شوي ويجي
يفتح الباب خالها:وين خلوده
خلود:هلا خالي (تسلم) اخبارك شلونك


مها تكشخت لاخر كشخه لبست بنطول جينز وعليه تطريز بالوردي والبدي (بلوزه قصدي ربع بلوزه)ومكياجها صارخ
شعرها نفس الستايل لانه مايسوى فيه تسريحه وبجد روعه

خلود كان لبسها كشخه ساره عطتها اياه لانه مو مقاسها
خلود:لا فشيله عاري
ساره:هاذي الموضه يانانسي عجرم
خلود:انا ماشبه نانسي
ساره:ايه انتي احلى بس هاذا الفستان نفس لبسها بأغنية(انت إيه) ذكرتيه
خلود:ماسمع اغاني كثير ولا احب نانسي
ساره:تعالي بسوي لك تسريحه مثل نانسي
خلود:مابي
ساره تروح لها:وغصبن تعالي
خلود بجد طالعه قمه روعه

ام عبدالله:بنات تعالوا انزلو بسرعه
ساره تنزل ومعها خلود بس خلود حريصه اخذه طرحتها معها علشان اذا طلع عبدالله مايشوفها
(بجد الحياء شعبه من الايمان بس مين يسمع)

سلمت خلود عليهم جلست بجنب ساره
ساره تعرفها عليهم بصوت واطي تشوفين ذيك هي خالتي ام مها ماعندها الا هالبنت تشوفين مها
خلود وهي تشرب قهوه:ايه اشوفها الي قصير شعرها
ساره:ايه ذيك تموت في عبدالله
خلود غصت كح كح كح
ام ساره:بسم الله عليك شفيك ياخلوده و(وتعطيها مويا
مها وهي حاطه رجل على رجل تبتسم تتكلم بقلبها (عساها للموت اللعينه اجل عبود حاط عينه عليها هي صحيح حلوه لكن انا احلى منها
الف مره
ساره:وش فيك
خلود:لا ولا شئ بس وش كنا نتكلم فيه(تبي تعرف اكثر
ساره:كنا نتكلم والله نسيت
خلود تحاول تذكرها:ايه عن مها
ساره:ايه ملصقه روحها بعبدالله
خلود تسوي نفها لامباله وبرود:وعبدالله وش شعوره لها
ساره تبتسم:مايواطنها بعيشة الله
خلود ارتاحت:بس ليه
ساره:لانه يحس انها مسترجله بس والله انها طيبه وكاسره خاطري
خلود انقهرت
ام مها:اخبارك ياخلود
خلود:الحمدلله انا زينه
عبدالله بيجي يجيب صحن العشاء:ياولد احم احم
خلود قاممت بسرعه مرتبكه وهي معها طرحتها:وين اروح
ساره:تعالي لغرفتي بسرعه انتظر ياعبدالله
يروحون بسرعه
عبدالله وهو بيروح للمطبخ
ا مها:ياحليلها خجوله هذا ومعها غطوه ههههههههههههههههه
مها مغطيه روحها في مخدة صغيره الي للكنب ولبسها طالع كله
عبدالله وهو في المطبخ:ياحليلك ياخلود ويلموني اذا حبيتك
مها تبعد المخده الصغيره ايه فرصه اطلع يمكن اصادفه واعجبه شوي:عن اذنكم ابروح للبنات فوق
ام عبدالله:بس عبدالله في المطبخ احتمال يطلع بوجهك
مها:لا انا بطلع بسرعه مايمديه
تروح وهي تمشي شوي شوي ويطلع لها عبدالله ويشوفها ينقهر:خلاص امشي
مها تسوي نفسها خجوله:يالله وين غطوتي يوه نسيتها
وتطلع لفوق عبدالله يكلم روحه بجد ماتستحي هي حلوه لكن الي خربها وسع وجهها(يعني عدم خجلها


مها تروح لهم:السلام
خلود وساره"وعليكم السلام
مها تبي تقهر خلود:يالله وش ذي الصدف نفس فستانك ياساره الي خرب وماطلع مقاسك لانك اضعف الا هو شوفي يوم ينكب عليه البسي
خلود:الاهو نفسه
مها:اها
خلود تناظر لها بحقد ايه هي حلوه لكن مو معناته ان عبدالله لازم يتزوجها
ساره تبي تبر موقف خلود:انا اهديته لها

في الخميس
ام عبدالله:وش رايك يابوعبدالله في خلود
ابو عبدالله:قصدك لعبدالله بصراحه هي عاجبتني ومافيه احسن منها
ام عبدالله:اجل بنادي عبدالله واسأله تكلم عبدالله تعال لغرفتي اللحين

عبدالله فتح الغرفه:السلام
ام وابو عبدالله:وعليكم السلام
ام عبدالله:اقولك لقيت لك عروس وانت شاور اخوها
عبدالله بشغف:مين؟؟
ابوعبدالله:خلود


عبدالله ابتسم:خلاص عاجبني اختياركم وبطلبها من علي ويسلم على امه وابوه وهو طاير من الفرح


بعد يومين صباح الجمعه
في الصباح
علي:ياخي ماله داعي نروح للبحر بجد مليته مو قبل شوي انا وياك جاين منه
عبدالله:الا بس البنات يبون يروحون له
علي:دام كذا عادي

بنات منو مثلي؟؟ مليت من رومانسية زوجي زوجي رومانسي حيل أبي حل تكفون
تبليغ عن مشاركة بواسطة خآطري أإآشوفگ
مثلث الجمال, أجمل مناطق النمسا
السكون ّّّ و العاصفة
عروس لابسه ..... الحمدلله وشكر ... تفضلو
وش يحس فيه ..؟؟ !!
[..الصداقه كالمظله كلما اشتد المطر كلمآ أزدادت الحاجه لهآ‎ ..]
أشكال الأولاد والبنات يوم الاحد في المدارس
إبليس بيسافر ولكن بيوصي ..
أمثله سودآنيه + العاب سودآنيه لا يفوتكم
الله يرده حق اهله وتقرعينهم فيه
عذاب بنات اليابان لما يسون الكيرلي
واحد من الشباب راح يخطب
أجمل الفنآدق ف تآيلند
جايب هالقساوة منين ؟ منين يا طيب كاملة


 

أدوات الموضوع



الساعة الآن توقيت السعودية الرياض و الدمام و القصيم و جدة 10:36 PM.

 

Powered by vBulletin® Copyright ©2000 - 2017,
vBulletin Optimisation provided by vB Optimise (Pro) - vBulletin Mods & Addons Copyright © 2017 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0