size="4"]مّأُوِدِيِ أًلًنًأٌسَ تَدُرِيً وًشَ يٌبّگيْنِيً ~[/size]





من عز نومي صحيت وشفت في عيني
دمع تهآدى على جفني وأنا غافي

سترت دمعي بگمي قبل يغريني
وأخذت هذا الجسد من باقي لحافي

وسريت تايه ورى خطوات رجليني
لا الوجه وجهي ولا أوصافي هي أوصافي

أمشي وأقول لطريقي لاتوديني
لعيون ناس تبي تدري عن الخافي

أمانتگ .. خلها مابينگ وبيني
خابرگ يالدرب خوة عمر وسنافي

ماودي الناس تدري وش يبگيني
گرامة النفس ورث أبوي وأسلافي

أمشي وأحس الخناجر في شراييني
والبرد يمشي وراي وينهش أطرافي

وحيد والليل بردونه يغطيني
تقول گن البلد روح بها السافي

إلين ماأوحيت لي صوت يناديني
صوت أعرفه مثل ما أجهل وش خلافي

قمت أتلفت وأنادي ... لاتخليني
ماغيره الصوت .. هذا صوته الدافي

ولمحت زوله من أقصى الدرب لافيني
مدري وش أقول لگن حي ها اللافي

تعال .. شف غيبتگ گيف أثرت فيني
تعال .. شفني وأنا أغرق عقب مجدافي

تعال.. خذني ورحبي من عناويني
تعبت أعدي على جمرگ وأنا حافي

تعال وإقطف بصوتگ زهرة سنيني
گل المواعيد عقبگ شمعها طافي

تعال وإزرع خصل شعرگ بگفيني
بضمها لين أحس بليلگ الظافي

تعال وش فيگ خايف ؟ أنت ناسيني ؟
قطعت صوتي عليگ وطال ميقافي

حتى بديت أشعر إن الحب معميني
وإن أنت حلم عثى فيني وأنا غافي

لگن أمانه ترى اللي فيني گافيني
إن رحت منگ كذا مارحت متعافي

بصّدق الحلم وأحذر لا تصحيني
في خاطري گلمتين وإن قلتها گافي

أمانة الله عليگ إن غبت عن عيني
لا يگون قلبگ مثل قلب الزمن جافي

مع گل دمعه تذگر رعشة يديني
ومع گل ضحگه تذگر قلبي الوافي



راقت لي
دمتم بخير