رواية نصف عذراء في أحضان المجهول كاملة

انا موجودة عندي كاملة وعلى الورود كمان بس ابي ردود علشان ارفع الموضوع

انا موجودة عندي كاملة وعلى الورود كمان بس ابي ردود علشان ارفع الموضوع

في أحضان المجهول من جديد....
الجزء الرابع ....

أمل......
قمت على صوت خافت عند إذني.....كان زي الحلم...لكن إلحاح الصوت زاد...وحسيت بأحد يهزني..فتحت عيوني...وشفت خيال أمي...
قلت بفزع: خير يم....!!
بسرعة حطت يدها على فمي وقالت بصوت واطي: بتول لا تصحى من النوم!!...وتعالي نتكلم برا!!...
قلبي دق بسرعة!!...خير اللهم اجعله خير!!...صوت امي ما يطمن ابدا...
طلعت وراها وقفلت الباب بهدوء...
التفت لها وسألتها بقلق: خير يما إيش حصل!!
كان القلق باين على وجهها...قالت لي :عامر!!
سترك يارب سألتها: إيش فيه!!
جاوبتني بصوت واطي مرة: سوا حادث!!
قلت بفزع: يالله!!
كملت: وحالته خطيرة مرة!!
شهقت وحطيت يدي بسرعة على فمي والتفت للبا.يول!ت بتموت لو عرفت!!
قربت من امي وقلت بخوف: ياويلي على بتول لو عرفت!!...والله بتروح فيها!!...يما انا مقدر ابلغها!!
سألتني بحيرة: والعمل!!...!!
قلت لها بحيرة اكبر: مدري يما مدري!!...فينه أبوي!!
جاوبتني: أبوكي وعمك...وأخوانك في المستشفى!!
سألتها: أحد عرف غيرك!!
جاوبتني: لا ...ابوكي الحين كلمني!!
قتلها: اجل يما راح نسكت الحين!!...لغاية مايجي ابوي وعمي...وهم إلي يقولولهم!!...
جاوبت امي بخوف: الله يستر ...يارب عافيه!!...والله أمه بتروح فيها!!...مالها في الدنيا ذي غيره!!
مسكينة يا عمتي!!...الله لايوريكي فيه غير كل خير...آمين يارب!!..
ونزلنا أنا وامي تحت في الصالة...ماراح نقدر ننام غير لما يطمنونا عليه!!
: يا ويلي !!!....
سألتني امي بفزع: ايش فيكي!!
فزيت من مكاني وقتلها بخوف: جوالي فوق !!...بروح اجيبه!!
وطلعت بسرعة لغرفتي...أخذت الجوال وحمدت ربي ...ان ابوي ما اتصل!!.....
ودقيت على ابوي ...صوته كان تعبان مرة
سالته بخوف: كيفه عامر الحين يبا!!
جاوبني : والله لسى حالته خطيرة يا أمل !!...
قلت بخوف: يا الله !!...إيش قلك الطبيب!!
جاوبني:الطبيب يقول ادعوله!!...وان شاء الله تمر الاربعة وعشرين ساعة ذي على خير !!
قلت بسرعة: يارب يبا يارب!!
ورجعت قلت له : يبا ترى ماحد يدري في البيت غيري انا وامي!!...وما راح نخبرهم غير لما ترجعو!! ...أخاف نخبر عمتي غالية تطيح علينا!!
قال : خير ما سويتو !!...ويارب يلطف فينا وفيه!!
جاوبته: آآآمين يارب ....
قفلت من أبويا...ورحت جلست مع أمي...جلسنا ندعي..إن ربنا يكشف عنه البلا ويقومه بالسلامة!!
بدؤو أهل البيت يصحو... وأول من صحي عمتي غالية وجدتي ..
حاولنا أنا وأمي إنا نكون طبيعين ..لكن التوتر كان باين علينا!!
طبعا عمتي غالية سألت عن ولدها!!...
ردت عليها أمي: طلعو هو والشباب...من بدري يقولو عندهم مشوار راح يسوه ويرجعو إن شاء الله!!
حسيت إن الجواب ما أقنعها...لكنها سكت...
بعد شوية حطينا الفطور وجلسنا نفطر أنا وجدتي وأمي وعمتي غالية ...
والبقية لسى ما صحيو...
انتبهت عمتي غالية لملامح أمي ...وسألتها : إيش فيك يا ام هارون!!...تعبانة!!
جاوبتها أمي بسرعة: إيه... الله يبعد عنك الشر إن شاء الله....من أمس ماسكني صداع مو راضي يفارقني!!..لكن أمل اعطتني حبتين..شوية و ارتاح
انا طول الفطور كنت ساكتة وأحاول إن عيوني ما تجي على عمتي غالية..
ومر علينا الوقت ..ولا حس ولا خبر!!...تأخيرهم ما ريحني ...
رحت بعيد شوية ودقيت على أبوي..
جاني صوته: أيوا يا أمل!!
سألته بسرعة: إيش فيكم يبا!!...ماحد دق يطمنا!!
قلي بتعب: خلاص إحنا وصلنا ..
سألته بفرحة: عامر معاكم!!
جاني صوته : عامر!!...إدعي له الله يلطف فيه...قفلي الحين..
وقفلت وانا حاطة يدي على قلبي...الله يستر من التالي!!
.............................. .

بتول...........
وأنا أنزل آخر درجة وقفني صوت أحد يشهق وخبطة قوية على الصدر..!!
بعدين جاني صوت عمتي غالية وهي تقول بصوت عالي : يا قلبي على ولدي!!...إيش حصله !!
تجمدت مكاني...سودت الدنيا في عيوني!!...عامر ايش حصله !!...عمتي غالية ليه تبكي!!...يا الله !!...يا الله !! ...ارحمني ...
حسيت إن رجولي مو شايلاني!!...والارض قريبة مني حيل وتدور فيا..وانقطع إحساسي بالي حولي...

فتحت عيوني وانا في حظن عمتي غالية ...وهي تبكي وتمسح على وجهي
أنا إيش حصلي!!...راسي ثقل فجأة وماعد حسيت بولا شي!!...وتذكرت ...صراخ عمتي غالية...وبكاها!!..عامر !!..عامر!!..
جلست بسرعة ومسكت يد عمتي غالية وقتلها وانا ابكي: عامر!!..إيش حصل لعامر!!
ما جاني منها رد !!...كانت تبكي!!..
قربت منها اكثر وشديت على يدها بالقوة : يما ليه تبكين!!..عامر إيش حصل فيه!!ردي عليا يما والي يسلمك!!...عامر إيش حصله!!
جاني صوت ابوي : عامر في المستشفى ...!!
رحت لابوي زي المسروعة ومسكت يده وقتله وانا اشهق وابكي: ليه عامر في المستشفى يبا !!..ودني له يبا..الله يخليك ودني له!!
قلي بحزن: الله يهديكي يا بتول!!..كيف اوديكي له!!
قتله: عامر زوجي يبا !!...انا رضيت ارجع له!!..عمتي غالية فاتحتني وانا رضيت ارجع له!!..إسألها يبا ..
وتركت ابوي ورجعت مسكت يد عمتي غالية وقتلها بترجي: قوليله يما إني وافقت!!..وديني له يما !!..الله يخليك ابغى اشوفه!!..الله يخليكم !!..
حظنتني عمتي غالية بقوة وقالتلي وهي تبكي: عامر محتاجك الحين يا بتول...محتاج دعاك..!!..كلنا بنروح له..ادعيله يا بتول إن ربنا يرجعه لنا بالسلامة!!
دفنت نفسي في حظنها وانا ابكي بقهر: آآآمين يارب...آآآآمين !!...

كلنا واقفين وقلوبنا بين أيادينا...الكل ساكت والكل عيونه تحكي على الخوف إلي داخله...وانا ما كنت شايفة شي قدامي غير عامر....أنا السبب !!...انا السبب في كل إلي حصله !!...يارب يا حبيبي ..خذ بيده ...قومه ليا بالسلامة ...قومه لامه بالسلامة ...يارب مالها احد غيره ..يارب
: يارب...يارب ...
قلتها بصوت عالي شوية وانا ابكي ...
حسيت بيد ماسكة يدي...التفت كانت يد امل....
قتلها وانا ابكي: انا السبب يا امل!!...انا السبب !!...ما راح اسامح نفسي لو عامر حصل له شي!!...
شدت على يدي وقالت بصوت واطي: هذا مكتوب يا بتول!!...ربك قدر عليه...بدل ما تلومي نفسك ادعي له!!...هذا هو إلي محتاج له الحين!!
غمضت عيوني وجلست ادعي له وانا ابكي على حالي وحاله.....
مرت علينا ساعات كأنها الدهر...وأخيرا طلع من غرفة العمليات..وحطوه تحت العناية المركزة...فرحنا فرحة ما تتوصف.لما طمنا الطبيب إن حالته مستقرة..وانه تجاوز مرحلة الخطر....
الكل دخل عليه إلا أنا..ما راح اقدر اشوفه من دون ما ارتمي في حظنه!! واطلب منه إنه يسامحني..ولاني ما املك هذا الحق !!...فضلت إني ما ادخل ...وقفت في مكاني و أنا في بالي شي وراح أنفذه إن شاء الله...
...................

غادة.........
بعد ما طلقها عمي ...إنقلبت علي....كل شوية تهزيء...كل شوية قلة قيمة...وفي كل لحظة تتهمني إني أنا السبب في إلي حصل لها!!....
كرهت البيت وكرهت أجلس فيه...بسبايبها....كنت قبل ما يسافر هارون أروح بيت عمي ...مع إن ما كان فيهم أحد يعبرني...إلا إني كنت أمتع عيوني بشوفته....آآآآآآه يا هارون....ثلاث سنوات وانت مسافر....ولا فكرت في مرة إنك حتى على الأقل ...ترسلي حتى سلام!!....ليه هذا التجاهل!!...إيش سويت فيك!!...أنا حبيتك!!....الكل أرتمى تحت رجلي...وانا مستعدة أرتمي تحت رجولك...انت...انت وحدك....مستعدة اوهبك نفسي....بس ريحني....آآآه لو تعرف النار إلي بقلبي ...
ما صار لي غير إعتماد وكم وحدة من صديقاتي أيام الثانوي...والفلة والمطاعم والملاهي..كل يوم لنا طلعة...وكل يوم...لنا جمعة في بيت وحدة
واليوم دوري إنهم يجتمعو عندي...
كنت في غرفتي...جالسة استشور شعري..دخلت عليا أمي زي الصاروخ...ومن دون إي مقدمات:لساكي مصممة ماتروحي تزوري عمتك وتطمني على ولدها!!
قتلها برود: لا اليوم مشغولة ..بجتمع أنا وصديقاتي..
قالتلي بصوت عالي:انتي وبعدين معاكي!!...صايعة من مكان لمكان؟....ما كأن لك بيت يلمك!!
طفيت السشوار والتفت عليها برود وقتلها: والحين إنتي داخلة كذا....عشان تسمعيني هذه الكلمتين؟؟....لا ريحي نفسك...اليوم ما بالي طلعة...البنات بيجو عندي...
قالت لي بحدة وبصوت عالي: وانتي هذه شغلتك...يا مطاعم يا جمعات بنات!!...وانا إلي مرمية هنا لوحدي طول اليوم...مافكرتي حتى تسألي عني!!
اديتها ظهري ورجعت فتحت السشوار وقلت برود: ليه يوم كنتي تطلعين وتجتمعين عند صاحباتك...ماكان عندك بنت تسألين عنها !!
قربت مني وقالت بعصبية: غادة!!...لا تكلميني بالاسلوب ذا...تجننتي إنتي!!
رديت عليها بنفس البرود: آسفة...
قربت مني أكثر وقالت: طفي هذا الزفت ...
وسحبت السشوار من يدي وطفته ورمته على الكرسي وقالت: بنت عمك وما حضرتي ملكتها..مع ان عمك رغم كل إلي سويناه فيه وفي اولاده جا وعزمك...وقلت ماعليه تعدي..خليها على راحتها!!...والحين ولد عمتك المسكين مرمي في المستشفى ..ماتروحي وتطمني عليه!!...انت إيش قلبك هذا حجر!!
طليت عليها برود وقتلها: تقدري تقولي شي زي كذا...
قتلها بحدة :صديقاتك ذولا لو جو بطردهم...فاهمة!!
هبيت من مكاني وقلت لها بصوت عالي: وبإنكار: إيش؟؟
ربعت يدينها الثنتين على صدرها وقالت: زي ما سمعتي!!
رحت وأخذت السشوار وقتلها بتهديد: قسم بالله العظيم لو سويتيها...إنك ما بتشوفي وجهي بعد اليوم ...وسويها وشوفي!!
صرخت في وجهي بعصبية وقالت: إنتي إيش!!..ماتحسي!!...ما لك كبير يكسر راسك!!..ما تخافي ربنا!!...حسبي الله ونعم الوكيل فيكي يا غادة...حسبي الله ونعم الوكيل...
وطلعت من الغرفة وهي تسب وتدعي على بكل الأدعية إلي تعرفها...

ما اهتميت للي قالته.و!م تبغاني اجلس مع صاحباتي كمان ؟؟ هذا إلي ناقصني!!...انحبس في البيت!!...يا شيخة روحي!!...وشغلت السشوار وكملت سشوار شعري....
........................

عامر....
فتحت عيوني...وانا اتمنى اشوف وجهها قدامي...قد إيش حسيت بخيبة الأمل لما ما شفتها !!
ليه مو موجودة!!..ماجات معاهم!!...معقولة إن قلبك طاوعك يا بتول!!...حياتي ما صارت تهمك!!...لهذه الدرجة زعلانة مني!!...
فعلا قدرتي تطلعيني من حياتك؟!...آآآآآآآه
جاني صوت أمي بكل حنية الدنيا : سلامتك من الآآآه ...ليتها فيا ولا فيك!!
التفت لها بتعب وقتلها بلوم: بعيد الشر عن قلبك يالغالية..لا تقولي كذا يما!!
جاني صوت خالي حسن : طهور إن شاء الله ...والحمد لله على سلامتك
جاوبته بتعب: الله يسلم عمرك يالغالي ...
رجع جاني صوت خالي خالد: الحمد لله على قومتك لنا بالسلامة يا ولدي!!
رديت عليه: الله يسلم من كل شر...
وغمضت عيوني ...آلام جسمي تهون ..قدام الم روحي...
خالي حسن وخالي خالد وبقية الشباب تركوني معا أمي واخاتي عشان ياخذو راحتهم...ويطمنو عليا !!...
بعد شوية جانا صوت خبط على الباب...
قالت أمي: ادخل
ودخلت...مع إنها كانت لابسة اسود...لكن حسيت كأن ملاك داخل علينا...يا الله!!...بتول هنا!!..
وقفت ورا الباب وهي حاطة عيونها على الارض...وبعدين رفعتهم وركزتهم عليا...كانت زي الدم...تمنيت اقوم لها واحظنها واقلها ...إني مستعد اتخلى عن عمري...عن حياتي ولا اشوف دمعة وحدة في عيونها....لكن ما بيدي شي...كل إلي سويته إني غمضت عيوني بهدوء وانا اتخيلها بين أحظاني واطبطب عليها...
جاني صوتها مرتجف : الحمد لله على سلامتك !!
حسيت قلبي طار من ظلوعي وراح لها ..فتحت عيوني وركزتها على عيونها : الله يسلمك ...ويبعد عنك الشر...
قربت أكثر ..لغاية ما صارت عند طرف السرير وقالتلي بنفس النبرة لكن بصوت أوطى: عامر!!...لسى تبغاني!!
سؤالها حيرني!!...
قتلها : بتول إنتي....
قالت بسرعة: إذا لسى تبغاني زوجة لك..إطلب من أبويا الحين إنه يعقد لك الحين!!....
وسابتني وطلعت من الغرفة بسرعة!!....
ناديتها: بتول بتول!!...يما شوفيها..خليها ترجع!!
طلعت أمي من الغرفة...ورجعت بعد شوية ..
اول ما شفتها: ها يما!!...
جات امي وجلست على السرير بجنبي وقالت: تقلك إنها حطت الموضوع كله بين يدك!!...واذا كنت لسى تبغاها ..وراغب فيها...اطلبها الحين من خالك..واعقد عليها الحين!!
فرحت طرت من الفرح....بتول لسى تحبني!!....لكن ليه تبغاني ارجعها الحين!!...آآآآه يا بتول ....يا اكبر حيرة في حياتي وأحلى شي في حياتي...

كلمت خالي ...وأصريت على اني ارجع بتول الحين...صح هوا في البداية استغرب!!...وتربس شوية!!..لكن مع محاولة امي وخالي ..وقدام موافقة بتول أقتنع ...وعقدنا العقد...وصارت بتول زوجتي....سبحان الله...طلقتها في ضروف غريبة ورجعتها في ضروف غريبة !!...لكن اهم من ذا كله...انها الحين زوجتي...زوجتي...ياه أخيرا يا بتول اخيرا!!
..........................

بتول.......
مدري هم طلعو من الغرفة...ولا أنا انعزلت عن العالم ..والإحساس بالي حولي أول ما حطيت عيني على عيونه !!
كانت عيونه تناديني!!..قربت منه وأنا خفوقي يسبق خطايا..جلست على ركبي قدامه ..وشلت يده وظميتهم بحب لصدري...كانت باردة...وأنفاسي كانت ملتهبة...ودموعي كانت حارة ...قربتها ومررتها على وجهي..وانا أبوسها بين اللحظة والثانية ...تمنيت الزمن يوقف وانا أفضل كذا عند رجوله....
بيده الثانية مسك دقني ورفع وجهي..لغاية ماتلاقت عيوني بعيونه...
أبتسم لي بتعب وقلي : هذا حلم ولا حقيقة !!
جلست بجنبه على الكرسي وحطيت يدي على جبينه ومسحت عليها بشويش ...وانا لسى ماسكة يده بيدي الثانية ...وامررها على وجهي: حقيقة...حقيقة يا روح بتول...ياعمر بتول...يا ناري وجنتي..
مسك يدي إلي على جبينه وباسها برقة....مدري كم مر علينا وإحنا ساكتين...وفي نفس الوقت كل شي فينا يفصح للثاني عن مكنون قلبه...
قلي بصوت واطي : وحشتيني!!
بست يده بحنية وقتله: وانت رعبتني عليك!!
اعتدل وجلس على السرير و قرب مني مرة...وماصارت تفصلنا عن بعض غير كم سانتي مترات...وركز عيونه في عيوني وقلي بتعب : بتول !!...ليه سويتي كذا!!....!!هو كأنك إست
رفعت يدي لفمه بسرعة وقتلهبصوت واطي: إش...ولا كلمة ...واسمعني!!..
ومسكت وجهه بيديني الإثنين وقتله بصوت واطي:لما كنت في العناية المركزة(نزلت دموعي ...لما تذكرت الأحداث إلي مرينا فيها... عشنا ساعات كأنها دهر) لمت نفسي الف مرة... ...غروري صورلي إني اقدر استحمل بعدك عني !!...كنت كل ما اشوف عمتي جالسة بجنبك وماسكة يدك أفكر إني اجي واسحب يدك واضمها لصدري انا!!...لكن!!...
بأي حق!!....او بأي صفة!!..كرهت نفسي ...لاني سمحت لغروري إنه يحرمني من حقي فيك...من الحق في إني اطبطب عليك...وأظمك لحظني ..لكني الحين أقدر!!...ومافي شي في الدنيا هذه كلها يقدر يفرقني عنك..
وحظنته ...وغمضت عيوني ...راحة غمرت قلبي وهو قريب مني ...مدري كم مر علينا من الوقت...كنت طايرة من الفرحة...عامر في حظني!!...يكلمني واكلمه!!...قد إيش انا غبية...كنت راح أحرم نفسي من السعادة...عامر هو سعادتي ...هو دنيتي..ما ابغى غيره في هذه الدنيا كلها..
بعدت عنه شوية ..ورجعت مسكت وجهه بيديني وقتله وانا اطل في عيونه بحب: عرفت الحين ليه؟؟
مسح دموعي بيده ...ومسك يدي الثنتين بيدينه وباسهم ...وقلي بصوت تعبان: ربي لا يحرمني من هذا القلب الطيب!!....أحبك يا بتول...اعشقك....آآآآآآه يا بتول لو تدري ...أنا كيف عشت وانا بعيد عنك....
ما خليته يكمل...قربت منه اكثر وبسته بسرعة ..وبعدت عنه بسرعة
ضحك وقلي : آآآه منك بس....جننتيني...أحبك يا بتول...احبك....والله العظيم أحبك!! ...
رجعته ينسدح مرة ثانية على السرير وقتله: طيب حبني على راحتك...وانت مرتاح على السرير ...
وقبل ما ابعد يدي من على أكتافه..مسكها وباسها وظمها لصدره ورجع أنسدح على السرير وقلي وهو لسى مبتسم: أعتقد إني أول واحد يفرح لانه سوى حادث!!
قتله بحزن: الله يسامحك!!....لو تدري كيف كانت حالتنا ما قلت كذا!!
باس يدي ...وقلي برقة: آسف يا بعد روح وقلب عامر

قتله بعتب: أي آسف!!!...قلبي على زوجي انفطر وقلب زوجي عليا حجر!!
ضحك بصوت عالي: هههههههههههههههههههههههههههههه هههههههه
ملت عليه وبسته على راسه : جعني ما أخلى من هالضحكة وصاحبها يارب......
..........................

ومرت السنوات....
سافر على أساس إنه راح يدرس في كندا خمس سنوات ويرجع ..الخمس سنوات صارت 7 سنوات....ورجع هارون...إلى أهله وطنه...وحبه إلي ما قدرت لا المسافات ولا السنين إنه يمحيه....طبعا حاولو اهله كثير إنهم يخطبوله...وغادة ..حاولت معاه أكثر...لكن فين هارون ينسى ملاكه الحارس!!...
..........................
بعد ما اقتنع أخيرا بمسألة الزواج...وخوصا إن صبا حالتها الصحية تحسنت كثير ...خطب أمل ... إلا إن أمل طلبت تأجيل ا لزواج لما أخوها الكبير يتم دراسته ويرجع...الموضوع جا مع مزاج صالح...وافق ...وفي هذه الفترة أمل خلصت دراستها وتخصصت ..نساء ولادة...
............................
وقفت حياتها كلها ...ورفضت أي ارتباط ...من أي نوع...وكيف تقدر..وبنتها وصديقتها وحبيبتها ...في هذه الحالة!!...طبعا أهلها مو قادرين يفهمو سبب رفضها لمسألة الزواج...لكن كفاية عليها هي وصبا إنهم عارفين السبب!!....وفي هذه الفترة خلصت البكالريوس وتخصصت طب أطفال....
............................
بعد الهجران والألم...والفراق..اجتمع شملهم وأزدانت حياتهم بأحلى ضحكة في الدنيا ..."عزام " عمره4 سنوات و"حنين" ....يادوب عمرها شهور...
............

بتول..........
قمت من نومي على صوت بكاها ....
يوه هذه ما تبغى تنام !!....قمت بكسل ورحت لعندها ..يا حياتي أول ما شافتني أبتسمت...ماقدرت غير أبتسم...
وطيت عليها وحطيت يدي عل دقنها :وبعدين معاكي.!!...ليه ما تنامي ..ها!!
يا حبيبي البنت شافتني قامت تحركلي رجولها ويدها...وهي تبتسم ...وتناغيني ...ماقدرت أقاوم شكلها إلي يجنن...
شلتها من سريرها وحطيتها على سرير النوم...وجلست ألعب معاها....
: يوه وبعدين معاكم!!....بتول...شيلي بنتك وأطلعو برى!!!...ابغى أنام!!
قتله بدلع: ومين إلي ماسك !!...نام....
كان معطيني ظهره...قلب على الجهه الثانية وصار وجهه من جهتي وقلدني :مين ماسك نام ....شيلي بنتك الدلوعة...وأطلعو عشان أنام!!
قتله بدلع: عمورة: يرضيك ...تطردني ...أنا وبنتك!!
قرب مني أكثر وحط راسه على فخذي وقلي بصوت نعسان: إيه يرضيني...لاني مصدع...وبكرة ورايا قومة من الصبح!!
حطيت يدي على راسه وقمت أضغط عليها بشويش وقتله بحب: ما عاش الصداع..اوكي حبيبي طالعة...(وملت عليه وبسته على جبينه)..
وجيت بقوم من على السرير لكنه مسكني من خصري... وقلي بعتب: الحين أقلك مصدع!!...تركيني وتطلعي!!
طليت عليه بحيرة: عامر!!...مو توك تبغاني أطلع ؟
قرب مني أكثر وقلي: خلاص أمري لله أنطقي ..إنتي والقردة ذي هنا ...
خبطته على كتفه بشويش وقتله: لا تقول على بنتي قردة!!
ضحك: هههههههههههههههه من عيوني ...
رجعت حنين تبكي...ضغط بيدي على راسه بقوة وقلي بصوته النعسان: وبعدين؟!....سكتي بنتك؟؟
قلتله بملل: سبحان الله...مو توي قتلك بطلع معاها إنت إلي ما رضيت!!
شال يدي من على راسه وباسها ودفني بشويش ...وقلي : ضفي وجهك إنتي وبنتك؟!
قتله بدلع : متأكد!!
طل عليا وقلي بغرور: أكيد...يلا ..يلا ...ابغى انام!!
وجيت بقوم..لكن هو رجع مسكني من خصري ..ضحكت على حركته: هههههههههههههههههه...شفت إنك ما تقدر تستغنى عني!!
جلس وصار وجهه مقابل وجهي وقلي بكل رقة وحب: استغنى عن روحي...يا أغلى من روحي ولا أستغنى عنك....
قربت منه أكثر وقتله : أحبك
رفع الساعة إلي في يده وقلي بنبرة جدية: تهقين أمي الحين صاحية؟؟
ضحكت وقتله بدلع : لا ما اظن...أكيد نايمة!!
شال حنين وقام من على السرير وقلي: لا لا أكيد صاحية ...بروح أودي حنين عندها...هنا برد عليها...وغمز لي وطلع من الغرفة.....
.............................
الصدفة البحتة جمعتهم...عشان يكونو الرابط إلي يربط العيلتين بعض!!
حبها وذاب فيها برغم العارض الصحي إلي تمر فيه ...سمع نبض قلبها العذب...وماهمو أي شي بعد كذا!!...وعاشو في سعادة...وجا هشام وزادت سعادتهم....
.............................. .
غابت عن حياته....لكن ذكراها ما فارقته لحظة...وكيف ينساها وهو يشوفها في كل لفته من نغم...وكل ضحكة من أكرم!!...كيف ينساها !!..
حاولت امه معاه...حتى هارون حاول معاه...لكن تماضر ساكنة عقله قبل قلبه...دايما يقول...انا اخذت نصيبي الحلو من الدنيا....والسعادة إلي عشتها مع تماضر في سنة...تكفيني طول العمر....
…………………
قلب معذب...هام عشق...وشبع عذاب...هي كل يوم تزيد عنه بعد...وهو كل يوم يذوب في حبها أكثر وأكثر...ومعتبرها في حياته لعنة...او عذاب سلطه الله عليه!!...ومافي سبيل إلا إنه يدعي الله إنه يكشف عنه هذا العذاب...
وهي مو شايفة في الدنيا غير هارون...ومستعده تبيع الدنيا كلها عشانة وترتمي تحت رجليه...بس هوا يأشر لها ...في يوم من الأيام ظلمت...وتجبرت...ومافكرت في عذاب الله ومكره ....ورجعت ذاقت من الكاس نفسه ....ولقيت نفسها من دون شعور..منغمسة في عالم المخدرات..
لكن لغاية متى راح تستمر تسقط في الهاوية؟!...
الأيام كفيلة بالرد.....
.............................. ..

وداد.....
اليوم الفرحة مو سايعانا...اليوم ملكة امل وصالح....واهم شي ان صبا معانا!!...الحمد لله رب العالمين ....مرت علينا ايام صعبة…وخصوصا على صبا…لكن الحمد لله قدرت إنها تتجاوزه…تخطى الإعاقة..لكن الشي إلي لايمكن تتخطاه هو ثارها…ورغبتها من الإنتقام من هارون مرت سنوات وطوتها سنوات وحقدها كل يوم يتجدد..وغضبها كل يوم يزيد عليه...الله ينتقم منه …
جاني صوت سراب: وداد !!...تعالو فوق عند امل...
جاوبتها: يالله الحين جاين...
وحطيت يدي صبا...كانت يدها باردة مرة...حتى لونها متغير..قربت منها وسألتها : صبا..حاسة بشي!!..آلام الكلى قامت عليك!!
هزت راسها ...يعني لا..
وقالتلي بصوت مضطرب: بس أحس قلبي يدق بسرعة...وإني مخنوقة!!
قتلها بخوف: بسم الله عليك!!...إيش فيك !!...
قالت بصوت واطي: مدري يا وداد مدري !!
حطيت يدي على ظهرها وقتلها بحنية عشان تتطمن: إتعوذي من الشيطان...وهدي بالك...شيطان ويروح...استعيذي منه!!
هزت راسها بهدوء...
وطلعنا عند أمل...الثانية كانت يدها باردة ومرتبكة ...لكن هذي عرفنا سبب إرتباكها...اليوم بتقابل حبيب القلب..
ملت عليها وقتلها بلؤم: تصدقي صالح متحاف فيكي!!
هههههههههههه البنت عيونها كانت راح تطلع من مكانها ....قالتلي بصوت واطي: امل والي يخليك أسكتي..مو ناقصة!!
قتلها بضحكة:وانا صادقة !!...عذبتيه سنوات وشهور!!...قال إيش ماتزوجي غير لما يخلص هارون دراسة!!
جاوبتني بخجل: يعني انا كنت بطير!!
غمزتلها بعيني وقتلها وانا اضحك: لا انتي سلامة قلبك!!...عقل اخويا هو إلي طار..والله يعينك على إلي راح يجيك منه !!
ههههههههههههه المسكينة وجهها صار زي الطماطم...
حضنتها وتمنيتلها حياة سعيدة مع صالح...

في الغرفة مع صبا كنت جالسة انا وياها نتكلم عن الملكة...وكانت هالة جالسة معانا ..لكنها راحت في النوم ونامت على سرير صبا...
: زي ما قتلك البنات مرة حبوبين ..وتاخذي عليهم بسرعة...لكن غادة ذي ما ارتحت لها!!
جاوبتي: حتى انا ما ارتحت لها..
قتلها: سبحان الله مع إني اول مرة أشوفها!!
رجعت سكت شوية وقتلها بصوت واطي: بس إنتي تعالي هنا!!...إيش إلي حصلك هناك؟!..
جاوبتني بإستغراب: تصدقي مدري!!بس...لما سمعت إسمه!!...
سألتها: هارون!!
هزت براسها يعني أيوا
رجعت قتلها: بس غريبة من جد !!...إسم هارون إسم نادر...ومو كثير ينسمع!!...
قالت بالم: ومع إنه غريب بس يوم مايظهر في حياتي يظهر مرتين!!...عشان افضل طول حياتي اذكره..
وحتى لو ما ظهر في حياتي مرة ثانية...إسمه يضل موجود فيها...عشان ينغص عليا حياتي كلها!!...حكمتك يارب!!
سألتها بحنية:سنين مرت عليك يا صبا!!...8 سنوات وما نسيته!!
إنسيه يا صبا!!...إنسيه!!
قالت بحسرة: كيف!!...كيف انساه!...وانا محرومة من إني اعيش حياتي الطبيعية!!...كيف انساه ....وإلي سواه دمرني!!...ما اقدر انساه....ما اقدر!!....
قربت منها وبستها على جبينها: الله ينتقم منه....هو إلي ما يغفل ولا ينام!!
جاوبت بحرقة:أمين...آآآمين يارب العالمين...
ونمنا انا وهيا...بدري...مع إنا متعودين كل ليلة نطيحها سهرة الصبح....لكن بكرة معزومين في مزرعة أهل أمل...ورانا قومة من بدري...
……………
توقعاتكم...
وأنتظروني...

وأستنو العيدية

الفرار من أحظان المجهول.........

الجزء الأول...

صبا......
وصلنا على مزرعة أهل أمل حوالي الساعة 11 الظهر...كان في استقبالنا رجال كبير في السن...ومعاه اثنين شباب ...عرفت واحد فيهم...حاتم أخو ثريا ...لاني شفته يوم زواجها ...يوم دخل...وكمان شفته كذا مرة في الصور مع حاتم...واحد ثاني ما عرفته ...
وصلنا قبل محمد وثريا...
أول من استقبلتنا سراب أخت أمل...ما شاء الله صارو صحبة هيا وهالة...
سلمت علينا كلنا بحرارة...لكن حسيت إن سلامها معي كان ابرد من البقية...مدري ليه حسيت كذا!!...هل انا صرت حساسة زيادة عن اللزوم!!..
او إمكن لانها ما تعرفني كثير ولسى ما اخذت عليا!!...
على العموم لها حق...يادوب هذه ثالث مرة اشوفها فيها!!...مع إنها على قولة وداد وأختها امل..لاصقة لثريا اربعة وشرين ساعة!!
وبعد شوية جات أمل....أمل إستقبالها ليا كان غير عن إستقبال سراب...حسيت إنها رحبت فيا زيادة عن اللزوم..ههههههههههههه ...غريبين...يا طخه يا اكسر مخه...امكن امل كانت متعاطفة معي شوية لانها عارفة حالتي الصحية!!...
ماعلينا الحق ينقال..امل بنت حبوبة مرة...من جد الله يهني صالح فيها...قمة الذوق والأدب...
وبعد شوية جات ثريا....وجات بتول بنت عم أمل وبقية العيلة....
الجلسة كانت مرة حلوة ..حتى أنا فكيت معاهم...وطلعت من مود الكآبة إلي كنت فيه...
سراب: يا شيخة ارحميني وشيلي ابنك القرد هذا من عليا !!
ضربتها بتول على كتفها بزعل وقالت لها: وجع في شكلك!!...لا تقولي على ولدي قرد يالبقرة!!
ضحكت سراب: والله مدري مين البقرة انا ولا انتي!! بالله عامر ما لاحظ الفرق!!...يا ختي أخذتي الرجال من هنا وانبعجتي مرة وحدة!!
كلنا ضحكنا: ههههههههههههههههههههههه
ردت عليها بتول بتريقة: راح اشوف فيك يوم...لاتفكري انك طول عمرك راح تضلي رشيقة كذا !!
قالت امل : وي وي ..إنتي جالسة تخوفيها ولا تخوفيني !!...حرام عليك انا الحين تحت دائرة الخطر!!
وداد: هههههههههههههه هين الحين صالح صار خطر ها!!
احمر وجه امل وقالت : الحين انا جبت سيرة صالح !!
حطت وداد رجل على رجل وقالت: ايوا...اهربي اهربي !!...
خبطت سراب بيدها على صدرها وقالت باسلوب يموت من الضحك: يا قلبي على اختي ...البنت انفقعت من الخجل!!...لا يكون صدقتي يا هبلة!!
كلنا ضحكنا: ههههههههههههههههههههه
خبطتها امل على كتفها وقالت: ما هبلة غيرك!!
ضحكت على شكلهم وقلت: مدري ليه لغاية الحين عندي احساس ان سراب اكبر من امل !!
قالت لي سراب بسرعة: مالت عليك !!...من فين خليتيني اكبر منها!!
ضحكت عليها: هههههههههههههههههه
جاوبتني امل: ايوا ذي لسانها اطول منها....انا إلي اسمي اختها ...احسها احيانا جدتي !!
ضحكنا كلنا: ههههههههههههههههههههههههه
الجلسة كانت عال العال...لغاية ما جات غادة...حسيت الجو تكهرب نوعا ما!!....لكن ما اسرع ما رجعنا لجلستنا ...وللوناسة...
بعد شوية دق جوال امل: هلا هارون!!
اول ما انقال الإسم انقبض قلبي!!...حسبي الله ونعم الوكيل...
كملت امل: من عيوني ....الحين جاية !!
جانا صوت غادة بدلع: هذا هارون ولد عمي!!
جاوبتها سراب بنفس اسلوبها: لا هارون الرشيد!!
ما قدرت امسك نفسي من الضحك: ههههههههه
حاولت اكتم الضحكة..لكن غصب عني انسمعت....يا لطيف..غادة كانت راح تاكلني بنظراتها!!..
طنشت تعليق سراب وكملت: طيب ليه ما خليتيني اسلم عليه!!
جاوبتها امل وهيا تقوم: والله لو تبغي تسلمي عليه دقي عليه وسلمي!!..
كانت سراب جالسة بجني وقالت بصوت واطي: وهيا عاتقاه!!
التفت لها بإستغراب..ابتسمت لي وقالت بصوت واطي : لا تنفجعي !!
إحنا كذا مفاضيح...
ضحكت عليها : هههههههههههههههههههه
سراب دمها خفيف مرة...ولا يمكن تخلي شي في قلبها وماتقوله...
غادة المرة ذي ما اكتفت بالنظرات.. التفت عليا وقالت : اف وبعدين معاكي انتي !!
انا استغربت...هذه ايش فيها هبت فيا فجأة....
ردت عليها وداد برود: خير احد كلمك!!
ما ردت عليها....لكن قامت من مكانها بسرعة..كأن عقرب لسعها!!...استغربنا منها...لا البنت ذي مو طبيعية!!
مالت عليا سراب وقالت: سيبيكي منها !!
سويت زي ما قالتلي سراب....نسيت امرها...لكن هيا ما نسيت امري..!!

بعد ما تغدينا رحت عند المغاسل عشان اغسل يدي...وكانت امل واقفة بجنبي ...
جاني صوت من ورا...طبعا عرفته انه صوت غادة..
قالت: اف ناقصين إحنا معوقين!!
التفت لها بسرعة ...مو مستوعبة!!...ذي تكلمني أنا!!..
كانت تطل عليا وعلى فمها نص بسمة وحاجبها مرفوع بكبر..قتلها: نعم !!...تكلميني!!
قالت بتريقة: ما اظن ان في معوقة غيرك قدامي الحين!!...
طليت عليها برود وقلت: الحمد لله الذي عافانا...وماصرت معوقة عقليا زيك!!
وسبتها واقفة مبلمة ومشيت!!
ردي عليها ما شفى غليلي....تمنيت امسكها وافرشها في الارض!!...حسبي الله عليها وعلى إلي كان السبب!!
كنت تعبانة...وكان لازم آخذ دوايا!!...سبتهم وطلعت للجناح إلي مخصص لنا ...اخذت دوايا وباقي المرهم تبع ظهري ...خليته لما تجي وداد راح تحطلي....وانسدحت على بطني...
بعد شوية جا دق على الباب اعتدلت وقلت : تفضل!!
كانت امل ...دخلت وقالت بإبتسامة: ازعجتك!!
ابتسمت لها وقتلها: بالعكس !!
قفلت الباب ودخلت وجلست على السرير وصارت مقابلة ليا وقالت: ما ابغاكي تزعلي من غادة!!..ترى هذا هو طبعها!!
قلت بسرعة : طبعها على نفسها !!...المشكلة اني ما سويت لها شي !!
قالت: لكنك ما قصرتي فيها...تستاهل...والله لو ما رديتي انا كنت شرشحتها لك..
سألتها بإستغراب: كيف تتعاملو معاها!!
هزت راسها بهدوء وقالت: راح تتعودي عليها !!...
هزيت راسي يعني لا وقتلها: ما اظن راح اتعود...ويكون احسن إني ما اتعامل معاها من اصله!!... تركب الهوى....
ضحكت أمل : هههههههههههههه إيش قلتي!!
خجلت من اسلوبي وقلت: ماعليه!!...بس عصبت شوي!!
رجعت ضحكت وقالت: بس إيش معنى تركب الهوى!!...
هزيت راسي وقتلها: تصدقي ما لها معنى!!...بس هذه كلمة اقولها لما اعصب!!
قالت أمل: على العموم هيا راكبة الهوى من زمان!!
سألتها بإستغراب : إيش قصدك!!
جاوبتني: بما انك صرتي من العائلة !!...راح احكيلك ...يا ستي غادة عقلها وجنانها أخويا هارون..ومو شايفة في الدنيا غيره...وياما جوها خطاب ...لكن ما في في القلب غير هارون!!
سألتها بإستغراب: لهذه الدرجة !!
قالت: يوه وأكثر!!
سألتها: طيب وهو ما يبغاها؟!
هزت راسها : هارون رافض فكرة الزواج من اصله...إلي شافه من نادية مو قليل!!
سألتها بفضول: مين نادية ذي!!
ابتسمت ...
قتلها بإحراج: ملقوفة صح!!...إنسي السؤال..
ابتسمت اكثر وقالت: لا عادي..راح احكيلك الموضوع من اوله...يا ستي
نادية ذي تصير طليقة هارون أخويا..طلقها وكان باقي على زواجهم أسبوع...
وحكتلي قصة هارون ...يا الله من جد مسكين!!...تعاطفت معاه مرة...لكن لو بس اسمه مو هارون..!!.سبحان الله...شتان بين هارون وهارون!!...
وطالت السوالف بيني وبين أمل وبعد شوية
دق الباب ..جاوبت امل: ادخل!!
كانت سراب...قالت بضحكة: يا عيني يا عيني!!...ها امل!!...بدينا!!
سألتها امل بتريقة: بديتو إيش!!...
قالت: لاصقة في صبا...وراسك براسها...مدري ليه عبسي( حدسي ) يقلي انك جالسين تحشو في صالح!!
ضحكت عليها: هههههههههههههه ما شاء الله كيف عرفتيها لوحدك!!
ابتسمت وغمزت لأختها امل وعضت على شفايفها وقالت : يا لئيمة تتعرفي على حبيب القلب ..قبل....
مخدة امل سكتها..وقالت: انتي وجهك بإيش غسلوه!!...ما تستحي !!
قالت بدلع: ماعلينا مو موضوعنا....بتنزلو تحت ولا كيف!!

..........................
أتفقو البنات إنهم يلعبو..وخصوصا ان مو موجود غير البنات..اما الحريم الكبار فطلعو عشان يرتاحو غادة جلست معاهم شويا وطلعت غرفتها ولاعد خرجت منها....
قالت سراب بطفاقتها: وش رايكم نلعب الغميضة !!
ضحكت عليها بتول وقالت : ههههههههههههه يا فشيلتنا!! حريم اشطولنا اش عرضنا نلعب الغميضة!!
جاوبتها أمل: والله ..إذا انتي شايفة نفسك حرمة ..إحنا لسى بنات وبنلعب!!
بتول: لا لا ..ما عليه بلعب ...
قالت سراب: حلو !! وصبا هيا إلي بتدور علينا!!
قالت صبا بإحتجاج: لا ليه أنا!!
دفتها وداد بشويش وقالت بفرحة..لان صبا اندمجت في الجو:من اولها!! يلا ..اعطينا ظهرك ولما نقلك تبدئي تبدئي....
كل وحدة من البنات راحت تدور لها على مكان تتخبى فيه ... سراب وهالة دخلو للمطبخ ...
و وداد مع امل راحو يتخبو تحت الدرج...وثريا ورى الكنبة ومعاها عبير ونجوى والهام أخوات عامر
ماعدى بتول وقفت حايرة ومو عارفة في تدج بعمرها راحت مع امل وداد ...
قالتلها امل بصوت واطي: بتول ضايقتينا!!..يعني خلصت الاماكن مالقيتي غير هنا!!
جاوبتها بتول بعناد: ايوا عشان ما انكشف لحالي!!
امل: يختي حشرتينا!!
بتول: والله انا عاجبني هذا المكان !!...اذا تبغي انتي غيري..على الاقل تخف الزحمة !!
أمل: إحلفي بس!!...اقول انتي وذا الكرش إلي بيفضحنا شوفيلك مكان غير هنا!!..
ضحكت وداد : ههههههههههههههههه
طلت عليهم بتول وقالت : مالت عليكم!!...انا بتخبا هنا اذا مو عاجبك غيري مكانك!!...
وحشرت نفسها بين الثنتين..صرخت امل بصوت واطي : بتول وجع خصري!!
بتول: وجع يوجعك..هذه مي يدي يالحولا..هذه وداد!!
أمل: مو حظرتك السبب..حاشرة نفسك حشر!!
وداد: هش بتفضحونا...

في المطبخ سراب كانت متخبية ورى الباب ( اما عليهم اماكن!!) بعد ماخبت هالة في دولاب الخضار ...مدري كيف حشرتها!!..المهم إنها تتخبا ههههههههههههههههه....
في ذي اللحظة دخل هارون من باب المطبخ الخارجي
...وكان يتكلم في الجوال:انا نصحته !!...لكن ايش اسوي ...الله يهديه !!
.....................
هارون: ايه يما جبتهم !!...
سراب كانت ورى الباب منحشرة : الحين هذا ايش جابه!!
راح هارون وفتح التلاجة وحط الأغراض إلي جابها معاه في التلاجة:إيه خلاص حطيتهم
إن شاء الله...
وطلع له ابريق موية وحط جواله على جنب وشرب...وطلع من المطبخ...
لكن بعد ثواني تذكر انه نسي جواله: يوه على ذي النسوة نسيت الجوال جوا!!...
في هذه اللحظة دخلت صبا عشان تدور على البنات..
....................

هارون............
رجعت عشان آخذ جوالي ...وفجأة ظهرت قدامي!!...وقبل ما انزل نظري .. .او أسوي أي حركة شهقت شهقة فضيعة ...وطاحت على الأرض!!
سمعت صراخ من برا ومن جوا!!...بسم الله الرحمن الرحيم إيش حصل في الدنيا!!...
مشيت بسرعة لجهة البنت عشان اشوف إيش جرالها!!..في هذه اللحظة سمعت أكثر من صوت يقول: صبا إيش حصلها !!
وصوت ثاني ميزته إنه صوت سراب: هالة خليكي مكانك!!
وقبل ما اقرب منها دخلت أمل ودخلت معاها بنت ثانية...البنت أول ما شافتني ارتدت لبرى ..
قربت منها امل بسرعة وسألت بفزع: إيش فيها البنت!!
جاوبتها بإستغراب: والله مدري...فجأة شهقت وطاحت!!
وقبل ما اخطو أي خطوة ثانية ...جلست جنب البنت عشان تشوفها!!...
انا لما شفت امل عندها درت وجهي للجة الثانية ..دام امل موجودة ...فمافي داعي إني أكشف عليها...
بعد لحظات سالت أمل : أمل إيش في!!
جاوبتني: البنت مغمى عليها!!
سألتها: تتنفس!
جاوبتني: تتنفس بطء!!
قتلها: طيب اضغطي على صدرها براحة يدك أكثر من مرة ...وخلي وحدة من البنات ترفع رجولها لفوق...
مع إني متأكد إن أمل سوت الشي هذا من دون ما اطلبه منها...لكني قلته بغريزة الطبيب ..
وبعد شوية رجعت سألتها: ها فاقت!!
جاوبتني أمل بسرعة: لسى ما فاقت !!
قتلها : امل ابعدو عنها راح اشيل البنت ..بوديها الصالة...
سالتني بإنكار: راح تشيلها؟!!
جاوبتها:لا نخليها طايحة كذا !!
وقربت من البنت وملت عليها وشلتها ...وانا رافع نظري لفوق...وابدا ما حاولت إني اطل عليها...
وجيت بوديها للصالة ..جاني صوت وحدة تقول بسرعة: خليه يوديها فوق..
سألتها أمل: مو الصالة أحسن!!
البنت قالت بإصرار : لا فوق أحسن..
قالت أمل بإستغراب: طيب ودها فوق!!...
طلعت الدرج وانا اتحاشا قد ما اقدر اني ما اطل على البنت...وانا مستغرب من قريبتها!!...
في هذه اللحظة ظهرت آخر وحدة تمنيتها تظهر!!...غادة...الحين ايش يفكنا من لسانها !!...اف !!!..
طنشت نظراتها المشكة والغاضبة والمستغربة ..وكملت طريقي
اشرتلي امل على غرفة من الغرف ..مشيت لمكان ما اشرت لكني وقفت لما قالت بسرعة وخوف: لحظة لحظة !!عمتها في الغرفة !!تعال الغرفة الثانية!!
ورجعت اشرت على غرفة ثانية..رحت لها..وانا العن حظي إلي خلاني اترك المجلس واروح المطبخ...الله يسامحك يما..
واخيرا وصلنا للسري.حت البنت بدأت تتحرك في يدي...حطيتها بسرعة وطلعت من الغرفة ...وانا ازفر من الطفش ..والموقف الصعب إلي انحطيت فيه !!...
وزي ما توقعت لقيت الغثة غادة واقفة في الصالة وتطل عليا بنظرات حسيتها زي طلق الرصاص..كملت طريقي وانا مسوي نفسي إني مو شايفها..لكن صوتها الساخر استوقفني: كذا على عينك يا تاجر!!
قتلها بطفش من دون ما التفت عليها: غادة تراني مو فاضي لغبائك!!
قالت بصوت عالي خلاني التفت لها بقوة: لا والله!!...اجل فاضي تشيل حبيبة القل....
قاطعتها بحدة: غادة احترمي نفسك!!...إنتي انخبلتي!!
قالت بحدة:وكيف ما تبغاني انخبل!!...وانت تصرفاتك ما حد يرضاها!!
اشرت لها بيدي بطفش وقلت : يا شيخة روحي!!
وسبتها وطلعت من الفيلا كلها...
ما رجعت للمجلس.رحت جلست عند المسبح...كل افكاري كانت منحصرة في الموقف إلي مريت فيه اليوم ...
..........................

وداد...............
هذا الوجه انا اعرفه!!...مو غريب عليا ...فين شفته !!رجعت طليت من باب المطبخ لقيته داير وجهه للجهة الثانية !!...
يا الله !!!! مستحيل مو مصدقة عيوني!! هو نفسه..والله هو !!...نفس الندبة إلي وصفتلي اياها صبا...
طليت على صبا المرمية على الارض :يا الله ياحسرة قلبي عليك يا صبا !!...ما استحملت المفاجأة!!...اي مفاجأة !!...هذه مصيبة !!....هارون ما يطلع غير هارون!!...وطول الوقت هذا إحنا فاكرينه تشابه أسماء!!
بهت مكاني لما قال إنه راح يشيلها!!...بس رجعت فكرت فيها بسرعة!!..صبا راح تفضحنا لو فاقت وهم كلهم حولها....مو بعيدة تجلس تصارخ لغاية ما تلم علينا كل البيت ...عشان كذا لما قال إنه بيحطها في الصالة قلت أنا بسرعة: لا خليه يوديها فوق !!
وطبعا ما كان في مجال إني أخلي أي احد من البنات يجلس في الغرفة
صبا بعد شوية راح تصحا وتقلب الدنيا....فطلبت منهم إنهم يسيبونا لحالنا..حتى هالة طلعتها من الغرفة ...كانت صبا أبتدت تفوق
جلست عند راسها امسد على شعرها....عدي الليلة هذه على خير يارب!!
بدأت صبا تصحى ...كانت تقول بصوت واطي: هو !!...هو!!...
قربت منها حيل وانا متوقعة الخطوة الجاية إلي راح تسويها...
جات بتصرخ لكن انا حطيت يدي على فمها بسرعة وقتلها بسرعة بصوت واطي وبخوف: صبا!!...لا تفضحينا!!...إحنا في بيت ناس غرب!!...الله يخليكي لا تفضحينا!!...وحاولي تتحكمي بأعصابك!!...الله يخليك!!...
كانت فاتحة عيونها على وسعها من الخوف....ويدينها كانت باردة زي التلج...وترتجف بقوة...
قتلها بتحذير: الصراخ ما راح يفيد يا صبا!!....حاولي تهدي!!...الله يخليكي!!...عشان خاطر نعرف نفكر!!
تجمعت الدموع في عيونها وصارت تنزل زي المطر...قربت منها أكثر وحظنتها بقوة....وقتلها وانا امسد على راسها: إهدي خلينا نفكر بهدوء!!...لاتخلي تخطيط هذه السنين كلها يروح على الفاضي!!...
إهدي وخليكي قوية زي ماعرفتك طول حياتك!!...
بعد ماهديت تماما وارتاحت سألتها: والحين على إيش ناوية!!
جاوبتني بقهر: لو بيدي اروح له الحين واطلع قلبه من مكانه وافعصه برجلي !!...
مسكت يدها وقتلها : صبا!!...خلينا نتكلم بهدوء....
هزت يدها بقوة وقالت: من فين أجيب الهدوء!!...وهو معي في نفس المكان!!....سبحانك يارب!!...8 سنوات وانا دعيك إنه تجمعني فيه...ويوم تجمعني فيه...تجمعني فيه في بيته!!...
رجعت سألتها: على إيش نويتي!!
جاوبتني بتعب: الحين عقلي متجمد!!...الي حصل اليوم كثير عليا!!...كثير عليا يا وداد!!
وبدأت تبكي من جديد...حظنتها وسألتها: صبا !!...تبغينا نرجع!!..أروح اكلم صالح وعمي!!
هزت راسها بقوة وقالت: لا!!...اخواته راح يشكو!!...وهو كمان راح يشك!!...
سألتها: طيب إيش تبغينا نسوي!!
جاوبتني: اول شي نقل للبنات إني تفاجأت بس من طلوعه قدامي فجأة ...خلي اليومين ذولا يمرو وبعدين لكل حادث حديث...

بعد شوية دخلو علينا البنات..عشان يطمنو على صبا...وكانت غادة معاهم
وكان باين في عيونها الشر...
بعد ما البنات تحمدو لصبا بالسلامة ..رمت غادة القنبلة ...قالت بسخرية: يعني انا ما اشوف إن حالتك مستدعية إن هارون يشيلك لغاية الغرفة !!...على العموم سلامات..
صبا ما استحملت ..حطت يدها على فمها بقوة...عرفت انها على وشك إنها تستفرغ !!...
جريت لها ومسكتها من اكتافها وقلت لامل بسرعة: فين الحمام!!
جريت امل ناحية الحمام وفتحته ...على طول دخلتها الحمام..الله يشيلك يا غادة ....
كانت صبا تستفرغ بقوة...حتى حسيت إن روحها راح تطلع ...وانا كنت ماسكة على ظهرها ..
لما رجعت كل إلي بطنها غسلت وجهها بالموية ومسكتها من خصرها وحيت يدها على كتفي لغاية ما وصلتها للسري وسدحتها عليه ...وغطيتها ...
كلهم طلعو ما بقي في في الغرفة أحد غير امل وهالة ....
قربت من أمل وقتلها بخجل: سامحينا يا امل ...م
قالت بسرعة: لا تقولي كذا!!...إحنا اهل ...وبعدين قبل ذا كله انا طبيبة...ومقدرة وضع صبا!!...ما عليكي انتي ...خليها ترتاح الحين..
وطلعت من الغرفة..وشالت هالة معاها...
انا رحت لصبا...وكانت مغمضة عيونها والألم باين على ملامحها والدموع مغطية وجهها وحضنتها وجلست اهزها بهدوء...وانا ادعي بقلب محروق على هارون الكلب.....

طبعا بعد إلي حصل صبا موازينها انقلبت 180 درجة .....حسبي الله عليك يا هارون !!
ماصدقت كيف اندمجت مع البنات وبدأت تضحك ...يرجع الماضي يتجسد لها في صورة هارون !!...حسبي الله ونعم الوكيل !!...لمتى راح يستمر هارون في تنغيص حياتها وتحطيمها!!...
مر يوم كامل عليها وهي في الغرفة الكل لاحظ انعزالها المفاجئ !!...لكن انا تحجت لهم انها تعبانة وان الكلى قايمة عليها شوية !!....
الله العالم إنها ما كانت حجة ....صبا كانت تتلوى من آلام الكلى وكانت تحاول تخبي عليا !! ...
دخلت عليها الغرفة عشان اشوفها واقلها تنزل تجلس معانا ويوم دخلت عليها كانت ممدة على الفراش وماسكة على خصرها بقوة ....وهي تإن بصوت واطي ...
جريت لعندها وسألتها بسرعة وفزع: صبا !!...إيش فيكي !!
كانت شادة على لحاف السرير بقوة...وجبينها يتفصد عرق !!
قربت منها أكثروقتلها بخوف: الكلى قامت عليكي!!
ماردت عليا...لكن أنينها زاد!!...
قتلها بسرعة: الحين بروح اكلم عمي لازم نرجع جدة الحين !!
وجيت بقوم من مكاني لكن صوتها المتألم وقفني: وداد!!...الحين راح اصير كويسة !!...
قتلها بخوف ممزوج بغضب: إيش الي تصيري كويسة !!....راح اكلم عمي الحين !!
وكلمت عمي.....
على طول رجعنا جدة ونقلناها للمستشفى في لمح البصر...وهناك سولها غسيل كلى ...
كنا جالسين برة في الإنتظار...طبعا عملية غسيل الكلى يبغالها ساعات..
عمي كانت حالته كرب مرة...جلس صالح بجنبه وقله :هدي نفسك يبا!!...وادعي ان ربي ياخذ بيدها!!...
جاوبه عمي بحزن: كيف أهدا!!...وهذي هي حالت أختك!! ...حسبي الله ونعم الوكيل على إلي كانو السبب!!...الله لا يغفر لهم ولا يرحمهم ولا يوجه لهم الخير !!...

متى راح تنزل علينا رحمتك يارب!!....حرام حال صبا!!...والله إلي فيها ما يرضي أحد!!...لمتى راح تستمر في هذا العذاب!!...استغفر الله العظيم..استغفر الله العظيم...سامحني يارب!!...لكن انت الوحيد العالم بالحرقة إلي في قلبي عليها!!....خذ بيدها يارب وخف عنها...وفك كربها يا ارحم الراحمين.....
......................

غادة.......
ما كان ناقصني غير صبا!!...يعني مو كفاية إنه مو معطيني وجه...عشان تجي صبا الزفت ذي وتطلعلي في النص!!...
قال عندها كلى قال!!...ليتها في ذا الحال واردى...
يوه وليه الزفتة الثانية تأخرت !!...يا الله ماني قادرة استحمل !!
خلاص ماني قادرة أستحمل حاسة بسكاكين جالسة تقطع في لحمي ...ليه تأخرت الله يشيلها هيا واخوها !!
دقيت عليها : فينك انتي ليه تأخرتي!!
ردت عليا برود: يلا جاية إيش يعني اطير !!
قتلها بحدة: ايوا طيري !!...مو كفاية اني سبت المزرعة ورجعت جدة عشان الزفت ذا!!
جاوبتني بتريقة: والله مو كاسر خاطري غير ذي الشغالة والسواق إلي مشحتطاهم معاك من مكان للثاني!.
رديت عليها بعصبية: وانا إلي جسمي راح يولع الحين مو كاسر خاطرك!!
جاوبتني بنفس البرود: والله!!...انا قتلك خذي معاك كمية كافية!!..
قتلها بنفس العصبية: إعتماد!!!...إخلصي ولا تطولي ...بسرعة استناك !!
وقفلت عنها ..
الله ياخذها هيا واخوها الكلب....الله لا يبارك فيهم وفي الساعة إلي عرفتهم فيها...
دخلت عليا امي الغرفة : غادة يلا انزلي الغدا جاهز ...
جاوبتها بتعب: لا يما انا ما ابغى اتغدى ...مالي نفس !!
جلست فترة تطل عليا وبعدين دخلت الغرفة وقربت مني وقالت بحنية: يما غادة انتي الايام ذي حالك مو عاجبني !!..تعبانة يما !!..تشتكي من شي!!
سؤالها وترني..قلت بسرعة: أنا !!...لا يما ماني تعبانة ولا شي!!...
قربت مني أكثر وسكت وجهي بيدها وقالت: لا يما حاسة إنك متغيرة!!..حتى التعب باين في وجهك!!..اخلي هارون ولد عمك...
ماخليتها تكمل ...قمت من مكاني وانا انفخ بطفش: يوه ..قتلك مو تعبانة!!...إيش يعني تتعبين بالغصب!!..مو تعبانة !!..ما تفهمين!!
قامت من مكانها وقالت بقلة حيلة: على راحتك يما....الله يهديك !!...
وسابتني وطلعت من الغرفة...
: اف مو ناقصني غير حنت أمي الحين!!
مسكت الجوال ورجعت دقيت على الزفت إعتماد...
اول ما ردت قتلها بصراخ: انتي فينك!!...هذا كله في الطريق!!
.............................. .......
مر على هذه الحادثة اسبوع....و هارون مو قادر يطرد وجه صبا من باله طبعا عرف كل شي عنها من أخواته...وعرف إنها أخت صالح...وانها عندها فشل كلوي ....
: يا الله كيف الجسم الصغير هذاك يقدر يقاوم آلام الكلى!!.....الله يكون في عونها!!
: ليه انا مهتم بالبنت ذي!!...ليه اسأل عنها!!مدري لكن نظراتها ليا كانت غريبة
ليه هذيك النظرات إلي شفتها في عيونها!!...
ورجع مر في باله وجهها ...صحيح انه حاول انه ما يطل عليها لكن غصب عنه نظره جا عليها!!...
:ليه حسيت بشي غريب وهي بين يديني!!...اف ...وانا ليه شاغل بالي!!...موقف حصل وراح لحاله ...
وفعلا اسبوع طوى اسبوع...وصورة صبا في ذاكرة هارون بدأت تصبح شفافة ...اصلا عقل هارون مرصود....ومافي أي أحد في الدنيا يقدر يفك الرصد عنه غيرها ...لكن هيا فين !!....
هذا السؤال إلي محير هارون وتاعبه في حياته...
سنوات يدور عليها ...وهيا اقرب مما يتصور...حتى إنها كانت بين يده ..
..............................
اما صبا..فمرت عليها الاسبوعين وهيا في عالم ثاني....عالم الماضي المؤلم...الماضي إلي آن الآوان إنه يتصلح...الشي إلي مو قادرة تستوعبه أبدا إنه كل هذه الفترة قريب منها ...اقرب مما تتصور.هيا سلمت بإنها عمرها ما راح تشوفه مرة ثانية ...سبحان الله له في تدابيره شؤن!!
ورجعت للموقف الأخير إلي حصل بينهم...وجا بالها سؤال: معقولة ما عرفني!!...معقولة نسيني!!...أكيد راح ينسى...الحقير أخذ مني إلي بغاه ورماني ورى ظهره...يعني هوا راح يتذكر وجه كل بنت نام معاها!!...وما اكثر إلي نام معاهم...والشرايط تشهد...
حست بقرف لما تخيلت نفسها مكان وحدة من إلي في الأشرطة...ما قدرت نفسها قامت عليها
جرت بالسرعة إلي تقدر عليها على الحمام وهي حاطة يدها على فمها ...كل ما تذكره يجيها القرف...مجرد اسمه مو قادرة تنطقه! ...
: هين يا هارون!!...إن ماخليتك تجي عند رجلي وتعتذر على كل شي سويته فيا من غير ما اقلك ما اكون انا صبا!!...راح اكرهك في عمرك زي ما كرهتني في نفسي...راح اشوهلك حياتك زي ما شوهت حياتي!!
ثمن كل شي حصل لي راح اطلعه منك ثالث ومثلث...
………………
وداد........
قفلت الجوال وسألتها : خلاص ارتحتي!!...كلمتها وقتلها إنا جاين ...ممكن أعرف الحين انتي ناوية على إيش !!
قامت من على السرير وراحت فتحة الدولاب وقالت: اوكي يا ستي !!...الحين راح احكيلك !!
كانت عيوني توسع مع كل كلمة تقولها !!لا ذي مو صاحية!!...
قتلها بإنكار :انتي مجنونة تروحي لعيادته وتهدديه بحياة أخته !!
طلت عليا بملل: بالله هذا هو إلي فهمتيه من كلامي كله!!
قتلها بعصبية: وانتي إلي قلتيه ينفهم!!...ليه مصعباها على نفسك!!...احكيله كل الحكاية ..واطلبي منه انه يصلح غلطه...
صفقت باب الدولاب بقوة وقالت بعصبية: هبلة إنتي!!...يعني بالعقل كذا!!...اروح اقله بالله يا زفت... إنت إغتصبتني ..تعال صح غلطك وتزوجني!!...لنفرض إني عبيطة ورحت قلت له الكلام ذا!!...وهوا على هذا القدر من الخسة والنذالة...( واشرت على الفديو.. تقصد الأشرطة)هل راح يوافق على طول ويتزوجني!!...اقلك ما عرفني!!...ما عرفني!!..
قتلها بخوف: طيب وطي صوتك !!....
ورحت جلست على السرير وانا افكر في الخطة إلي قالتها ليا ...وسألتها بإستغراب : انا ما فهمت ليه راح تدخلي عليه بإسم غير إسمك!!
جاوبتني: انا هارون ما اظمنه...لو دخلت عليه على أساس إني صبا...إمكن يأذيني بأي طريقة..وخصوصا إنه يعرف أهلي..وهذا واحد لئيم إمكن يقلب الدنيا كلها على راسي !!..فخليني أول اتمكن منه..واسيطر عليه ...وبعدين لو ما نفعت معه الأشرطة ..ساعتها اقله بأسمي ...وادخل في الحل الثاني!!
قتلها بغباء: تصدقي عندك حق..انا ليه ما فكرت فيها !!
طلت عليا وابتسمت...
رجعت سألتها بتشكيك: يعني إنتي الحين أول شي راح تضغطين عليه بحكاية الأشرطة..صح!!
جاوبتني بملل: صح
رجعت سألتها: ولو ما فرقت معاه !!
جاوبتني : مع إني استبعد فكرة إنها ما راح تفرق معاه ...لكن اكيد ابوه راح تفرق معاه !!
سألتها بفزع: ايش قصدك ...بتقولي لأبوه!!
قامت من مكانها وراحة جلست جنبي وحطت يدها على كتفي وقالت بتريقة: ابغى افهم انتي كيف تخرجتي من الطب !!...ليني التنك ذا شويا !!
ضحكت على اسلوبها في الكلام من زمان ما تكلمت معي بالطريقة ذي: هههههههههههه...الإعتراف بالحق فضيلة...على قد منتي طيبة على قد ما تكون لك احيانا نزعات شريرة تخوفني !!
ضحكت بس حسيت ضحكتها فيها غصة الم وقالت: انا اتعامل مع شيطان يا وداد!!...
حطيت يدي عليها بحنية وقتلها: وراح تقدري عليه بإذن الله ...
ورجعت سألتها: ها راح تقولي لأبوه!!
جاوبتني بحيرة: مع اني ما كنت ابغى ادخل أي طرف ثالث في الموضوع واتمنى اني ما ادخل ابوه في الموضوع لكني راح ألجئ له كحل أخير ...وربنا يستر !!
قلت بصدق وبخوف: آآآآمين ...آآآآمين يارب ...
وتجهزنا وصلنا بيت أهل أمل في الموعد....حمدت ربي إن الزفت غادة مو موجودة ...
وجلسنا انا وصبا وأمل من موضوع للثاني ...لغاية ماجات الفرصة سألتها بإندهاش مفتعل: عندك كل أغاني كاظم في الجوال!!
قالت : أي أغنية تجي على بالك ..
قتلها : تمام ارسليها ليا الحين !!
مسكت جوالها وقالت: ابشري ..إفتحي بلتوثك...
قتلها: اجل على بال ما تتحمل بقية الأغاني قومي جيبي بقية الذاكرات!!
قامت من مكانها وقالت: يلا ثواني....
اول ماطلعت من الغرفة قربت مني صبا وأخذت جوال أمل وبدأت تدور فيه ..
بعد شوية قالت بسرعة: اكتبي اكتبي ....******* 055
هذا جواله .....كتبت الرقم وسيفته ...
رجعت قالت : اكتبي...****** 026 هذه عيادته ....
كتبت الرقم الثاني ..وسيفته ...ورجعنا نحكل تحميل الأغاني ...
وعدت الليلة على خير ....
لما وصلنا البيت رجعت فاتحت صبا في موضوع أمل...وياليتني ما سويت كذا!!...

صبا.............
سألتها بقهر: الحين يا وداد تجي وتخلي عني!!
قالت بحرقة: الله يسامحك يا صبا!!...انا اتخلى عنك!!...
سالتها بعصبية: اجل إيش تفسري كلامك!!
جات لعندي وقالت بترجي: يا صبا ...انا بس ...
ما خليتها تكمل...ضربت بيدي على الطاولة بقوة وقتلها بشبة صراخ: وبعدين معاك!!..قتلك..رايحة يعني رايحة!!..وبكرة ..فهمتي!!
جلست قدامي على الطاولة وقالت لي بهدوء: وانا ماقتلك لا تروحي!!..وانتي عارفة إن رجلي قبل رجلك في المشوار ذا!!
قلت لها بعصبية: أجل...لاتناقشيني في موضوع أمل!!..إلي في راسي راح أسويه!!
ردت عليا بقلة حيلة: لو ما مشيتي إلي في راسك ما تكوني صبا.....بس أنا كل إلي ابغاه إنا نتأنا!!إمكن نتطلع بحل احسن!!
قتلها بألم وقهر:نتأنا!! ليه 8 سنوات مو كفاية؟! ...وبعدين لا تقوليلي حل أحسن .... لو في حل كنت فكرت فيه!!....كان جا بالي!!...
وقمت من مكاني ورحت وقفت عند الشباك...أتأمل الفراغ إلي على إمتداد نظري وقلت بحسرة ما قدرت اخبيها:الموضوع ماهو وليد أمس او اليوم...!!...ثمان سنوات وانا افكر!!..وكل الحلول مطروحة قدامي...ومافي حلول غيرها!!...انتي على بالك إني راح أدخل عليه كذا من الباب للطاقة وأقله ترى لو ما تزوجتني راح ادمر حيات أختك؟؟
أنا أتمنى إنه ما يضطرني هو إني استخدم أمل في ضعطي عليه..
انا أدور على ستري صح!!...لكن كمان...ما راح استر نفسي على حساب كشف ستر إنسانة مالها ذنب!!....كل إلي راح اسوية هو إني أخوفه بمستقبل أخته مجرد تخويف...وانتي عارفة إني ما اقدر اسويها!!... وبعدين أنا راح ألجأ لهذا الحل في حالة لو ما فادت الأشرطة!!
قالتلي بحزن: تعتقدي راح يسلم وينفذ إلي نبغاه؟!
طليت عليها بسرعة وقتلها بخوف: هذا أكثر شي راعبني!!...هارون وناصر من نفس الجنس...وخوفي زي ما ناصر باعني ....الحقير الثاني يبيع أخته!!
قالت بخوف: تعتقدي يسويها؟
قلت بحزن: يفضل قدامي الحل الأخير!!...وربك يستر!!
قالت بخوف: طيب ولو كمان ما فاد!!
رديت عليها بحقد: ساعتها راح اشفي غليلي منه بيدي وابرد ناري..وارتاح
شفتها جمدت في مكانها ...تطل عليا بإنكار ...
وبعدين قالتلي بخوف: إتجننتي!!
جاوبتها:8 سنوات وانا في الذل والقهر ....
في الصمت والعذاب...
8 سنوات استحملت فيها إلي ما يستحمله انسان
في وسط أهلي وناسي ....وحاسة بالخوف
خوف من الناس...خوف من الأهل
من الأخ من الصديق من القريب قبل الغريب
كرهت الجلسة مع أهلي...وكيف ما اكرها!!....وهم في كل لحظة ينذكر فيها ناصر الكلب...يترحمو عليه....ويطلبوله المغفرة....
نار تولع في قلبي لما يتكلمو عن شهامته وبطولته ...
والمضحك المبكي....إن ناصر ما صار بطل في نظرهم غير لما حطم حياتي....لما هتك عرضي....وما تبغيني أتجنن!!
8 سنوات و هارون الكلب هو هاجسي...
وانا ادعي عليه في كل لحظة وكل ساعة
8 سنوات وانا العنه في اليوم الف مرة
8 سنوات وانا اجدد في كل ليلة حقدي وبغضي له... 8 سنوات وانا ادعي ربي إني اجتمع فيه عشان أكسره وأذله وأسترد كرامتي ...
ومن رحمة ربنا إنه أستجاب لدعايا وحطته الأقدار من جديد في طريقي...لا وأخو أمل!! عشان أحطمه زي ماحطمني...عشان أواجهه وانا الأقوى وآخذ حقي منه ...وفي لحظة إحتمال يفلت من يدي ومن عقابي!!...وما تبغيني أتجنن ؟؟
قامت من مكانها وضمتني و قالت لي بحنان: الله كريم...وإن شاء الله كل شي يتم زي ما خطنا ...بس كمان أمل...
قطعتها بعصبية وبعدت عنها وقتلها بصوت عالي: يوه يا وداد!!...تبغيني كم مرة أقلك..إني عارفة ان أمل مالها ذنب!!...واني انا كمان زي زيها مالي ذنب!!...لكن ما بيدي حيلة...امل هيا الوسيلة إلي راح اضغط فيها على أخوها الكلب !!وبعدين أنا ما راح اذيها ولا أقدر أأذيها!!.......فهمتي ولا ارجع اعدلك!!
قالت لي بعتب: طيب هدي!!...ليه معصبة كذا...وصوتك عالي!!
قتلها بقهر وبألم: لاني تعبت!!...خلاص!!...مافيا اتحمل اكثر من كذا!!...لازم نتحاسب....وكل مخطي يا خذ جزاه...لازم يشرب المر إلي شربته...لازم يدفع ثمن حياتي إلي انهارت!!
ماتمالكت أعصابي....بكيت...حطيت يدي على وجهي وبكيت بقهر..وأنهرت على الأرض
وماحسيت غير وانا في حظن وداد...وهي تمسد على شعري بيدها...وجاني صوتها الحنون
: إهدي حبيبتي..ربك كريم...وعالم بالي إحنا فيه...وما راح يخذلنا...هو قادر على كل شيء
قتلها بحرقة من وسط بكايا: أنا يا امل ما ابغى غير ارد كرامتي...ما ابغى غير إن الكلب يدفع ثمن كل إلي سواه فيني!!....
قالت لي وهي لسى تمسد على شعري: كل شي راح يتعدل...وهارون راح يدفع الثمن ...وراح يتم كل شي ..وانا بجنبك ويدي على يدك!!..
خجلت من صراخي على وداد....مهما كان هذه وداد...استحملت معي إلي ماحد إستحمله...لوجلست طول عمري اسد لها بعض من إلي عليا لهما ما راح اقدر....وأجي الحين واصرخ في وجهها!!....كله من هارون الكلب...ظهوره في حياتي مره ثانية وترني....
بعدت نفسي عنها شوية وقتلها من وسط خجلي ودموعي: سامحيني يا وداد...الله يخليك لا تزعلي مني...والله ما قصدي اصرخ في وجهك أو أزعلك!! ...
حطت يدها على وجهي ومسحت دموعي وقالت لي : على إيش أسامحك....هو أنا اقدر ازعل منك يا مجنونة!!
زاد بكايا ...سحبت يدها من على خدي وبستها وقتلها: ما ادري لولاك بعد الله إيش كانت حالتي!!...أنا لو أعيش على عمري عمر ثاني...ما وفيت لك ولو ج.....
قاطعتني بسرعة: صبا لا تكملي!!....إنتي إختي...وبنتي وصديقتي...فاهمة !!...ولا تكرري الكلام هذا مرة ثانية!!
ارتميت في حظنها مرة ثانية....هذا هو الحظن إلي تحملني ...وتحمل كل همومي....مدري من دون وداد كيف كانت حالتي!!
………………..

ثاني يوم.........

هارون...
أول ما طلع المريض من عندي دخل عليا الممرض أحمد
:دكتور هارون !!....في حرمتين برى...يقولو يبغو يدخلو عليك الحين !!
قتله بتعب : أحمد...إلي عليه الدور يدخل!!
رد عليا: يقولو إنهم ما يقدرو يتأخروا أكثر من كذا...وأساميهم آخر شي!!
رديت بزهق : وليه ما يقدرو يستنو!!
جاوبني: البنتين لوحدهم...ويبغو يخلصو بيدري لانهم جو بتكسي وراح.....
قاطعته : خلاص...راح تحكيلي قصة حياتهم!! دخلهم..
وبعد شوية دخلو البنتين...كان باين عليهم إنهم في العشرينات...
وكان وحدة فيهم تعرج بشكل ملحوظ ...
أشرت على الكرسين : تفضلو ...
وجلسو ..
سألت:من فيكم هدى أحمد !!
جاوبتني البنت إلي تعرج: انا هدى
نبرة صوتها!!...ما أدري إيش إلي حسيته...شي غريب...إحساس ما تحسه مع أي أحد!!...إحساس مو عادي...ليه حسيت إني أعرفها!!
غلطت نفسي ...إيش هذه التخيلات!!...من فين اعرفها يعني!!
التفت لها وسألتها :إيوا أخت هدى...من إيش تشكي!!
استمرت البنت ساكتة حوالي دقيقة...وكانت تطل على البنت الثانية إلي قدامها ....وبعد شوية إلتفت عليا بطأ ورفعت راسها...قدرت ألمح عيونها...نفس الشي رجعلي نفس الإحساس الغريب...ما قدرت أغض البصر...تمنيت تفضل ساكتة ...وانا أفضل ساكت...واطل في عيونها وبس!!عشان احل كمية الأسرار إلي شفتها فيها!!...نظراتها كانت غريبة مالها تفسير..مدري ليه حسيت إن العيون ذي انا شفتها قبل كذا!! ...
ومع إني أول مرة اشوفها في حياتي...لكن من نظراتها ليا ونبرة صوتها ...شعوري بإني اعرفها زاد!!...حتى إني فكرت أسألها إذا كنا تقابلنا قبل كذا!!...
لكن بدل كذا قتلها: تفضلي أسمعك !!
رجعت ركزت نظرها على البنت إلي معاها....لا كذا ما راح نخلص...
قتلها بهدوء: يا أختي في ناس برى ومستنية دورها عشان تكشف!!
رجعت ألتفت لي مرة ثانية....يوه!..بتقضيها لفتات!!...إذا عني أنا مافي مشاكل على العكس...بس الخلق إلي مستنيا برى...!!
التفت للبنت إلي معاها وسألتها بطولة بال: من إيش تشكي!!
وقبل ما ترد قريبتها جاني صوتها : أنا......
وسكت !!
قتلها عشان احثها على الكلام: تقدري تتكلمي.اف حرج من أي نوع!!
فجأة قامت من مكانها كأن لدغها عقرب ...وقالت بسرعة: أنا ابغى امشي!!
حسيت إن البنت خايفة او مرتبكة...فوقفت مع وقفتها وقتلها بهدوء عشان اطمنها : اخت هدى!!...مافي داعي لكل هذا التوتر والخوف!!...ممكن تهدي عشان اعرف...إيش المشكلة!!
ألتفت ليا لكن ما ردت....كل إلي سوته..إنها طلعت من الغرفة بسرعة...ومن دون أي مقدمات!!..
تبعت حركتها بعيوني...وحتى لما طلعت من الغرفة وقفت في مكاني أتأمل الفراغ!!
غريبة البنت ذي!! إيش حكايتها!!...إيش مشكلتها!!... إيش سر شعوري الغريب نحوها!! ...حسيت بفضول فضيع ..وبرغبة غريبة في إني اعرف سرها!!
إلي طلعني من إلي كنت فيه دخول المريضة إلي كسرت عليا الفراغ إلي كنت أتأمله....رجعت لشغلي...لكن صورة البنت كانت تنط في بالي بين اللحظة والثانية وانا في وسط إنشغالي!! ....
................

وداد....
طول الطريق كانت ساكتة....ومتصلبة في مكانها...لا التفت لا يمين ولا يسار...حتى شكيت إذا كانت عيونها طرفت !!....حطيت يدي على يدها لقيت يدها باردة...متلجة!!...حسبي الله عليك يا هارون....الله لا يسامحك في إلي سويته في البنت......الحالة إلي تحصلها كل ما تشوف هارون تقطع قلبي عليها....لسى أتذكرها...يوم شافت هارون اول مره بعد الحادث...كان في الأشرطة إلي كانت معها...وثاني مرة ...يوم شافته وجها لوجه في مزرعة أهل امل...يا الله!!...لهذه الدرجة تكرهيه يا صبا!!...وكيف ما تكرهه وهو سبب كل العذاب إلي عاشته كل هذه الفترة !!
إنتبهت على صوت رزعة الباب...كانت هذه صبا إلي نزلت من السيارة...نزلت وراها بسرعة ودخلنا البيت....
كانت عمتي مريم وهالة موجودين في الصالة...
صبا طلعت غرفتها اول مادخلت ...عمتي مريم ما أستغربت تصرف صبا...لانها تعودت عليها من يوم الحادث إنها تجلس لوحدها طول الوقت...
لكنها مسكتني وطيحت معي تحقيق ماله أول من آخر...
سألتني عمتي : كيفها نجلاء!!
رديت عليها بتوتر...حاولت ما ابينه: الحمد لله...بخير!!
رجعت سألتني: وصبا!!...إيش طلع عندها؟!
جاوبتها:تقول مجرد إضطرابات عادية...
يوه بالعافية خلصت من عمتي مريم وعلى طول طلعت لصبا..
يا قلبي عليها....كانت رامية نفسها على السرير وتبكي...وأنينها يقطع القلب
قربت منها وحطيت يدي على ظهرها وقتلها بعتب حنون:وبعدين يا صبا!!لمتى هذه الحالة؟
ما جاني منها رد...رجعت قتلها : كذا ما راح نقدر نسوي شي!!...لازم تتماسكي نفسك أكثر!!...
رفعت راسها وقالت بقهر بصوت عالي: أكرهه أكرهو...ما أقدر أستحمل إني أجلس معاه في مكان واحد ...أختنق...أموت...الله ياخذك يا هارون الكلب!!!
حطيت يدي على فهمها بسرعة وقتلها: ش بتفضحينا؟!...كلهم في البيت!!!
عدلت جلستها وصارت مواجها وقالت: الحقير ...النذل!!...مسوي فيها إنسان محترم....وهو أحقر ما خلق ربي!!...
قتلها بلوم: وبعدين يا صبا!!...بكذا ما راح نوصل لشي!!
قالت بألم:ما أقدر أستحمل ما أقدر!!... ممكن إنتي تشوفيه قدامك إنسان...أي أحد راح يشوفه إنه إنسان...لكن انا...لما دخلت عليه اليوم...ماشفت غير شيطان ... عذابي...كل مر السنين إلي شربتها من تحت راسه ....كل لحظة إحتقار وتقز من نفسي مرت عليا...كل نظرة شفقة ألمحها في عيون إلي حولي... شفت نفسي وأنا بين يده..وانا لا حول لي ولا قوة...تخيلت كيف .....
شهقت بقوة....ما كملت ....قربت منها بسرعة وحظنتها بقوة
بعدت عني شوية ورجعت كملت من بين دموعها:هذا إلي شفته...تمنيت اذبحه بيديني واشفي غليلي..واخلص من عذابي....آآآآآه يا وداد...صعبة إنك تشوفي الشخص إلي ظلمك عايش حياته ...وناجح فيها...وإنتي حياتك ضاعت من بين يدك بسببه!!...
ماقدرت اقلها شي....انا صح محروق قلبي عليها...لكن حرقة قلبها على نفسها أكبر...الله لا يوفقك يا هارون....الله ينتقم منك...يارب العالمين..
كانت تطل عليا وعيونها مليانة دموع...وإنكسار...كل إلي سويته إني حظنتها مرة ثانية ....حظنتها بقوة...
...................
أمل........
: أحبك
اختبص حالي ....والعلة سراب ذي ما تترك أحد في حاله
أول ما شافت حالتي كذا قالت بالعنية عشان تزيد إحراجي: يا قليلة الحيا!!...إيش قلك خلاك تختبصي كذا؟!
سمعت ضحكته : هههههههههههههههههههه
من إرتباكي قفلت الجوال في وجهه....
جاني صوت سراب : هههههههههه يخرب بيتك!!...يا هبلة ليه قفلتي الخط؟؟
صرخت في وجهها بعصبية: سراب!!...إنقلعي برىىىى!!!
حركت حواجبها عشان تقهرني: ايوا تبغي تصفي الجو...اتاريكي منتي هينة!!...ياما تحت الساهي دواهي!!
رن الجوال ...(يامسهر عيني)....
قالت بتريقة: ردي على إلي مسهر عينك...الله لا يبلينا هههههههههه!!
رميتها بالمخدة إلي كانت على حجري وقتلها بزعل:اطلعي أحسلك!!
ضحكت بصوت عالي: ههههههههههه طيب ساندريلا هانم طالعة....
وسابتني وطلعت من الغرفة ...على طول انا رحت وراها وقفلت الباب بالمفتاح...عارفتها الملقوفة راح ترجع تغث أهلي...
جاني صوتها من ورى الباب:هههههههه قفلي قفلي...يابختك...عقبالي يارب !!...
ضحكت على هبلها...
رجع الجوال يرن مرة ثانية...رديت بسرعة: ماكان قصدي أقفل في وجهك!!
بعصبية: لا والله ؟!وليه حظرتك ما تردي ؟!...كمان ماكان قصدك؟!
صوته كان عالي..إرتبكت وما عرفت إيش ارد عليه...تميت ساكته
جاني صوته: أمل؟!
جاوبته بزعل...من طريقة كلامه معايا: نعم
قلي بضحكة :نعامة ترفسك!!
ضحكت على كلمته....وقتله بعفوية: هذا وإحنا لسى في اولها ...الله يستر من تاليها!!
ضحك بصوت عالي: هههههههههههههههههههههههههههههه ه
وقلي والضحكة لسى في صوته: تاليها !!....راح أخليكي تشوفي النجوم في عز الظهر!!
قتله بتريقة : بالله!!...ممكن تشرحلي كيف؟؟
قلي : راح اطلع عينك!!
ضحكت وقتله: هههههههههههههههههههه إذا بطلع عيني كيف بشوف بعدين النجوم!!...ويك ويك ويك ...
قلي : ويك ويك ويك ها!!....هين يا أمل...الوعد بعد ثلاث أسابيع وبيجيكي العلم...
فهمت قصده...وحسيت إني ذبت من الخجل...حسيت جسمي مولع...صالح جريء مرة...ومع إني كمان جريئة...بس لما يكلمني اتلعثم ويضيع مني كل الكلام....
جلسنا ساكتين فترة
وبعدين قلي: أمل!!
جاوبته :هلا
قلي: تصدقي أسمعها!!
قتله بإستغراب : إيش ذي إلي تسمعها!!
جاوبني: دقات قلبك!!...
من جد أنا كان قلبي يدق بسرعة وقوة....فما استبعدت إنه يكون سمعها
أبتسمت ....وتميت ساكته...
جاني صوته : حلوة إبتسامتك
بحركة لا إرادية تلفت حولي...حسيته إنه معي في نفس الغرفة!!...بسم الله هذا جني ولا آدمي!!
رجع قلي: أمل!!
في هذه اللحظة سمعت خبط على الباب وصوت أكرم: عمة أمل!!..إفتحي لي الباب قلت بعفوية: هلا حبيبي!!
وقمت من على السرير والجوال لسى على اذني...
جاني صوته: عيون حبيبك...حياته...عمره....دنيته. ..وكيانه..والله...
انصدمت ...ياويلي فهم إن "هلا حبيبي" قلتها له!!
فتحت الباب لأكرم ..وانا مو في عقلي....
دخل أكرم و مدري إيش قلي...وطلع زي الصاروخ ورزع الباب وراه...وانا زي ما أنا ...مصنمة في مكاني...
جاني صوته: طالعة من فمك زي العسل....بس خسارة ...العسل مو من نصيبي!!
إرتد نفسي...بعد ماحسيت إن روحي راح تطلع...يعني فاهم الموضوع صح...
رجع قلي:مع إن الكلمة ما كانت من نصيبي...بس ما تدري إيش سوت في حالي!!...خبلتيني يابنت!!...
حسيت بشي قوي يشدني ناحيته...مشاعري فاضت...غصب عني...قدام فيض مشاعره...قلتله بكل راحة وحب: وإنت إيش!!
قال : امم زوجك!!
رديت عليه بدلع:انت حبيبي
تم ساكت ماجاني منه جواب...ضحكت على حاله...من الصبح وهو نازل فيا مغازل وانا ماغير أسكت...الحين أنقلبت الأية...هههههههههههههه
بعد شوية جاني صوته: إنتي جالسة تكلميني!!
قتله بدلع: أجل أكلم أكرم!!
جاني صوته: والله يمكن!!
قتله بعفوية: لا حبيبي أنا جالسة أكلمك إنت ...
في آخر الجملة عضيت على لساني...
:ههههههههههههههههههههههههه
جاتني صوت ضحكته...وزادت خجلي خجل..
جاني صوته: أمل...بعد ثلاث أسابيع...راح تكوني في بيتي....حياتي وروحي وزوجتي...ودنيتي كلها.....أحبك ...ربي لا يحرمني منك يارب...
قتله بفرح وحب: ولا يحرمني منك ...ولا من فرحتي فيك يارب...
.....................

هارون.............
أسبوع مر...وانا في كل يوم أنتظر دخلت هذيك البنت عليا....مدري سر إهتمامي المفاجئ فيها...من 8 سنوات ومافي أي وحدة قدرت تشغل بالي وتسرق تفكيري غيرها ملاكي الطاهر...ليه الحين هذه أهتميت فيها؟؟
إمكن لان نظراتها أستفزتني!!...مدري ليه حسيت إنها تكرهني !!
غريبة البنت ذي...وإهتمامي فيها أغرب....
كان المرضى يدخلو عليا واحد بعد الثاني ....وفي كل مرة تمنيت إنها تكون وحدة منهم....
لغاية ما دخلت عليا....أول ما شفتها غصب عني وقفت....أخيرا !!
كنت خلاص راح أقطع الأمل في إنها ترجع مرة ثانية....
أشرت لهم على الكرسي....وقتلهم بحماسة ماقدرت أخفيها: تفضلو...
وجلست بعد ما جلسو...
وبكل جسمي توجهتلها وسألتها: كيفك اليوم!!...إن شاء الله بخير!!
ما جاني منها رد!....
لمت نفسي على إنفعالي وحماستي الزايدة....إيش يا هارون؟؟....وش فيه حالك انقلب؟؟....
عدلت جلستي وحاولت أرجع لهدوئي....وسألتها:الحين أقدر اعرف من إيش تشكي؟؟
شفتها ساكتة وتطلع على حجرها ...وبعدين قالت لي: لا ...أنا جيت عشان اعرفك إنت من إيش تشكي!!...
تفاجأت في صلافة ردها معي....وتفاجأت أكثر من عبارتها
سألتها وانا مو مستوعب : عفوا!!...مافهمت ؟؟
لفت راسها لجهتي وركزت عيونها في عيوني وقالت بجفاء: جيت اليوم عشان أقلك إنت من إيش تشكي!!...ولا تقلق ....لاني جبت كمان الدوا معايا!!
عصبت وفي نفس الوقت إستغربت من هذه البنت الي تتكلم بهذه الطريقة!!
لكني حاولت أتمالك أعصابي وقتلها: خلينا في مشكلتك!!...وتفضلي قوليلي من إيش تشكي!!
غصب عني نبرة حواري تحولت في آخر الحوار وصارت جافة...
ريحت ظهرها على الكرسي وحطت يدها اليمين على مكتبي وحطت رجل على رجل...وقالت بغرور: ما ينفع تعالج الناس من مشاكلهم وعللهم وإنت أكبر علة!!
أستفزتني طريقة كلامها معي...وقفت وقتلها بحدة: إطلعي برة...إنتي وحدة...
قبل ما انطق كلمتي ضربت بيدها على الطاولة بعصبية وقفت وقالت بحدة: قبل لا تغلط....وتندم ..( وشدت على كلمة تندم)...شوف هذا الكيس...( وحطت كيس صغير على مكتبي)وبعدها لكل حادث حديث ..واعتبر إن إلي في الكيس هدية مني ...عربون محبة (وطلت عليا ا بنظره باردة) لاننا راح نتعامل مع بعض كثير وحبيت ان بداية تعاملنا محبه...
قتلها بحدة: إنتي وحدة فلتانة...إنقلعي برا!!
قالت بتريقة : انا ماشية بس اعرف ان حياتك تحت يدي ....ولنا القاء قريب....
وتركتني وطلعت هيا وقريبتها...
فكرت إني أروح اخنقها بيدي...إني اشرشحها قدام خلق ربي...بس تماسكت اعصابي ...وجلست على المكتب وانا اتنفس بعصبية...وعلى طول رفعت السماعة...وطلبت من أحمد إنه ما يدخل عليا أحد الحين....
تركتني في حيرة....مين البنت ذي؟!
وليه تكلمني بهذه الطريقة!!
الحين تاكدت إن إحساسي كان في محله...طيب ليه؟!...ليه هذا الكره؟؟...وحدة عمري ماشفتها...إيش السبب إلي يخليها تكرهني!!
جا نظري على الكيس إلي تركته...فتحت الكيس وتفاجأت انه شريط : شريط !!!
وكان معاه كرت مكتوب فيه :

ان شاء الله يعجبك شريط المنوعات
واذا حبيت راح نرسلك كل الاجزاء كاملة
واذا تبغى كمان بنرسل للحباي
عشان تعرف انه بالفعل رقبتك في ايدي
ملاحظة:
مشاهدة ممتعة... ******056

زلزلتني العبارة....إيش هذا الشريط!!...وإيش فيه عشان تستغله في الضغط عليا؟؟...وهيا أصلا إيش تبغى مني!!
أسئلة راح أعرف جوابها لما اشوف الشريط....
خذت الشريط وحطيته في الشنطة وخلصت كشف بسرعة وطلعت من العيادة...
كنت في السيارة ...وبين فترة والثانية أمسك الشريط وأتأمله....وأرجع أمسك الكرت وأتأمله...حسيت إن الشريط هذا راح يفتح عليا أبواب أنا قفلتها من سنين....
أخيرا ...وصلت البيت وعلى طول طلعت غرفتي وشغلت الشريط شفت نفسي في اوضاع لا يرضيها لا شرع ولا عرف
وقف الزمن في نظري تصلبت شرايني اه الماضي مو راضي يتركني في حالي اه.....
جلست في الغرفة....حتى عشى ما تعشيت معاهم....تذكرت كل شي...كل الجرائم إلي ارتكبتها في حق نفسي قبل أي أحد مرت قدام عيني زي الفيلم ..
ليه الحين...وبعد كل هذا الوقت يرجع الماضي !!...
وإيش علاقة البنت ذي بالماضي هذا!!....
مسكت الكرت إلي كان مع الشريط ورجعت أقراه....
مرة وإثنين وثلاثة...عقلي تعب من التفكير...في النهاية سيفت الرقم الموجود على الكرت واعدمته مع الشريط....ورميت نفسي على السرير رمي...

هل هارون راح يدق على صبا!!
وامل هل حياتها مهددة من قبل صبا!!...ولا هذا مجرد تهديد زي ما قالت !!

طبعا غيرت في لون وستايل الخط عشان ما تملو
ولا تستعجلو على النهاية
****************************** **************
الفرار من أحظان المجهول ...

الجزء الثاني...

صبا......
ثلاث أيام ولا جاني منه خبر ...معقول طنش!!...معقول ما همه!!
إيش على باله ما راح اسوي شي!!...والله لاقلبها على راسه وراسي ولا يهمني!!...
أكلمه انا!!...لا كذا راح يستقوى أكثر!!....طيب وبعدين إيش اسوي!!..
كنت ماسكة الجوال في يدي...رميته على السرير بقهر وقمت أحوس في الغرفة ..حاسة إني راح انهار...وبعدين خلاص مافيا أعصاب!!
في اللحظة ذي رن جوالي...رحت وأخذته من على السرير زي المصروعة ...رقم غريب!!..أكيد هو ...تنفست ثلاث مرات بعمق..عشان انظم نفسي ....ورديت
: الو
جاني صوته جاف: طلباتك !!
أسلوبه وترني ...كذا على طول طلباتي!!
سكت لحظات ورجعت قتله: إن شاء الله اعجبك الشريط !!
رد بصوت عالي: اخلصي معي !!....إيش تبغي !!
جاوبته بحقد: ابغاك تسد الدين إلي عليك ليا!!
جاوبني برود: ماعندي ديون لأحد !! .....
قتله: راجع حساباتك كويس ...وراح تعرف إن عليك دين !!
جاوبني : اقول وش رايك تتركين عنك الفلسفة والف والدوران ..وتقولين إيش عندك !!
جاوبته برود: تجي تخطبني من أهلي ...وتصلح غلطك معي ...
فاجأني فضحكته: هههههههههههههههه انتي شاربة شي !!
جاوبته : لا شكلك إنت إلي شارب عشان كذا مو قادر تستوعب كلامي كويس!!
قال وهو لسى يضحك: هههههه يعني انتي الحين تبغيني اتزوجك!!
قتله عشان أستفزه: وراح تتزوجني غصبا عليك !!
قال برود: العبي على قدك!!...وضفي وجهك..
سألته : يعني مو خايف !!
قال بحدة : اذا انتي مستقويه بالأشرطة الي تحت يدك فأنتي غلطانة مو هارون الي يحني راسه ابد امكن زمان تقدري تستغلي الوساخة الي عندك وتلعبي ضدي لكن الحين انا تبت ومن زمان وتوبتي هذي بيني وبين ربي واذا تبغي تنشوريها انشروريها عل ربي يطهرني من ذنوبي الي اقترفتها بالي انتي راح تسيه بس اذكري ان فيه اعراض بنات راح تنتهك وراح تنفضح عوائل ربي ساتر عليها لكن بالنسبة لي سوي الي تبغيه ماراح تتحرك فيا شعره
اما بالنسبة لك دوري زين بتحصلي الغبي إلي راح يلم الموضوع لكن انا للاسف انتي غلطانة في العنوان..
قتله بسرعة عشان لا يسكر: وأمل!!..أختك!!...مو خايف عليها!!
قال بعصبية: إيش علاقتك بأختي !!
جاوبته برود: حياتها تحت يدي!!...إذا ما تبغاني أخرب عليها نفذ إلي أمرتك فيه!!
قال بإحتقار: ما تقدري تسويلها شي!!...وقسم بالله العظيم لو مسيتي فيها شعرة ..لأخفيك من على وجه الأرض ...وإسألي عن هارون الجهري إذا ما تعرفيني !!
قتله : لا مسألة إني ما أقدر أسويلها شي فأنا أقدر ونص !!...واذا عليك .....طز فيك ...
قال بحدة: انا الغلطان إني اتكلم مع وحدة زيك ...ولاتفتكري إن كلامك حرك فيا شي !! روحي العبي بعيد !!
قتله بسرعة: وصالح !!
سكت ما جاني منه رد...
كلت : انا مو هدى أحمد...انا صبا منصور العثماني..تعرف هذا الإسم!!
جاوبني بإندهاش: أخت صالح!!
جاوبتي بتريقة: شاطر !!...شوف إنت انا إيش أقدر اسوي !!...وتخيل لما اروح أحكي لصالح عن حقيقة أخو زوجته...وعن إلي سواه في إخته الوحيده!!
قال برود قتلني: لو فيكي خير روحي إحكي لأخوكي !!...وقوليله إنك كنتي عشيقة أخ زوجته في يوم من الأيام ...وانا أبغى اتفرج وأشوف!!...وإلي ما تقدري تطوليه بيدك وصليه برجولك !!
قتله بكل حقد ممكن يكون في الدنيا: يا حقير يا نذل يا واطي!!...هين..بتشوف انا اقدر اسوي إيش !!...ومصيرك ترجع عند رجولي...بيوصلك الرد يا هارون. الكلب!!...
وقفلت الجوال..ورميته في الجدار...وارتميت على الارض ابكي...
ابكي قلة الحيلة إلي انا فيها !!...ابكي كسرتي...
لكن هين يا هارون...ما بتبات الليلة وانت منتصر عليا...وبكرة راح تجي تخطبني...ورجلك فوق رقبتك ...
وقمت من مكاني زي المصروعة...دقيت على وداد...ما صدقت وداد ردت عليا ...قلت بكل حقد وكره في الدنيا: بذبحه يا وداد بذبحه !!!
جاني صوتها بخوف: صبا إهدي إهدي الله يخليكي!!..هو كلمك!!
جاوبتها بقهر: الكلب يقول ما يهمه!!..
رجعت سألتني : وموضوع أمل !!
قتلها بصراخ: يقول ولا شي يهمه!!...راح احطمه !! ..خلاص بكلم أبوه!!...ماباقيلي غير هذا الحل !!
قالتلي بترجي: طيب يا صبا إهدي الحين انا جاياكي..اليوم ما عندي مناوبه ليليه ..بجيكي الحين !!
قتلها بإصرار: لا... لا تجي خليكي انا بجيلك !!
قالتلي بإندهاش: كيف يعني تيجيلي !!
جاوبتها بتحدي : والله ما ابيتها له... اليوم..بكلم أبوه !!
قالت بكل قوتها: إيش!!..انتي مجنونة !!
قلتلها بعناد: لو ماجيتي معي ...راح اصير مجنونة !!
قالت بخوف: صبا إستهدي بالله!!...لا تخلي زعلك يسيطر عليكي!!..تحكمي في اعصابك ..والي يسلمك!!
قلتلها بحسم: انا جاياك المستشفى ...لو ما حصلتك انا بروح لوحدي ...إن شاء الله تنطبق السما على الارض!!
وقفلت معاها من دون ما اسمع ردها.... ورحت اخذت شيلتي وطرحتي ...وشريط هارون ...وطلعت من البيت ...
إلي انا فيه ما حد يحسه!!...ما انكر إن أسلوب هارون الكلب أستفزني ...وعصبني!!..لكن مو هذا هو سبب إنفعالي واستعجالي!!... السبب الحقيقي هو إن زواج صالح ما باقيله كثير!! ...فلو ابو هارون ما قدر يسويلي شي في موضوع ابنه...ساعتها انا راح اقول لأبويا وصالح على كل شي....والتهديد راح يصير فعل...وساعتها عليا وعليك يا هارون الكلب راح تنقلب الدنيا....

وصلت للمستشفى وكانت وداد مستنياني ...كان باين عليها ؟إنها معصبة ..اول ما ركبت السيارة قالت لي بعصبية: لمتى راسك هذا راح يفضل حجر!!...ليه ما تسمعي غير نفسك وبس !!
ماعلقت عليها ولا بشي ..عارفة إنها زعلانة ومعصبة ..راح تقول الكلمتين إلي عندها..وفي النهاية إلي ابغاه أنا راح يصير ..
قالتلي بشبه صراخ: هي انا اكلمك!!
داخلي كان يغلي لكني حاولت اتماسك اعصابي
قتلها بطولة بال: وداد ما في داعي للصراخ.ونتي عارفة إني راح اسوي إلي ابغاه !!
قالت بعصبية: إلي تبغيه!!...طيب كنت سويتي إلي تبغيه من دون ما تكلميني...وتعبي نفسك وتجي لغاية هنا!!
التفت لها بكل جسمي خلاص ما قدرت اتحكم في اعصابي عشان كذا دموعي سالت ...وقتلها بصوت واطي عشان السواق ما يسمع: انا مو قادرة اتحمل هذا الوضع أكثر من كذا!!...ما اقدر اتحمل وانا شايفاه قدام عيوني!!...إلي انا فيه لازم ينتهي اليوم قبل بكرة ..مهما وصفتلك ما راح تحسي بإلي أنا فيه!!..عشان كذا يا امل لا تجادليني كثير...وعلى العموم إذا تبغي ترجعي ..ارجعي !!...مافي داعي تحسسيني إني متفضلة عليا!!
حطت يدها على يدي وشدت عليها بقوة: آسفة يا صبا!!...الله يخليكي لا تزعلي مني!!...ولا تفهميني غلط!!... انا خوفي عليكي خلاني اقول إلي قلته!!
هزيت راسي وسكت ...

أخيرا وصلنا!!...المؤسسة كانت كبيرة مرة ما شاء الله...حسيت إني لو دخلتها بضيع!!
اول ما دخلنا رحنا على الأستقبال ..
سألت الموظف: لو سمحت كيف اقدر اقابل الشيخ حسن!!
الموظف: تبغي تقابلي الشيخ حسن !!
حسيت بنبرة تريقة في اسلوبه..التفت على وداد ...
إلي قالت: لو سمحت ممكن تبلغه إن بنات اخوانه يبغوه!!
الموظف في البداية كان يكلمنا من دون ما يطل علينا..ولما قالت له وداد كذا طل علينا بسرعة وأشر على كرسي وقال : طيب تفضلو هنا وانا الحين اديه خبر!!
رحنا انا و وداد جلسنا وملت عليها وقتلها: بنات اخوانه مرة وحدة!!...
قالت : يعني ما شفتيه كيف يكلمنا!!...وبعدين ما فيا خلق للتطويل والتقصير كفايا انك جاراني من المستشفى لغاية هنا !!
حطيت يدي على يدها وقتلها بصدق: من دونك والله اضيع!!..الله لا يحرمني منك ...
جانا صوت الموظف: لو سمحتو تفضلو...
وأشر على موظف ثاني: معاهم يا توفيق لمكتب الشيخ حسن ...
توفيق: على راسي...شرفو!!
وصلنا الموظف لغرفة واشر على الباب: تفضلو...
وتركنا وراح ....دخلنا..وأنا حاسة إن قلبي راح يطلع من مكانه من كثر الإنفعال ..
مسكت يد وداد وقتلها بتوتر: خايفة يا وداد !!
شدت على يدي وقالت: لا إن شاء الله فالنا طيب!!...وبعدين على حسب كلام صالح وعمي منصور العم حسن إنسان محترم مرة!!...وأكيد ما راح يرضيه إلي سواه إبنه !!
قلت : إمكن ما يصدقني!!
قالت: إهدي !! وإن شاء الله ما يصير غير الخير !!
قلت بخوف: الله يسمع منك !!
فجاة أنفتح الباب وظهر لنا رجال كبير في السن ...كان على وجهه معالم الإنزعاج والخوف ...كان ناوي يقول شي!!...لكنه سكت لما عرف إنا مو بنات أخوه...وقف يطل علينا بإستغراب !!...
قلت بصوت حاولت إني اخليه طبيعي : العم حسن!!
جاوبنا الرجال بهدوء: وصلتو!!
كملت: آسفين على القلق إلي سببناه لك!!...وعلى الطريقة إلي ...
تلعثمت وماعرفت اكمل!! ...
جاني صوته بنفس الهدوء: خير يا بنتي !!
قالت له وداد: يا عمي إحنا بنات منصور العثماني!!..
قال بإستغراب: اخوات صالح!!
جاوبته: إيه!!
رد: والنعم والله ...تفضلو !!
وداد: ماعليك قصور يا عمي !!...
وجلسنا ...
قال: خير يا بناتي!!...بإيش أقدر اخدمكم!!
الطريقة الحلوة إلي استقبلنا فيها ...خلتني أتوتر و أخجل من الكلام إلي راح أقوله!!..لكن ما باليد حيلة ..
قتله بتوسل: تكفى انا داخلة على الله ثم عليك يا عمي !!
قال بقوة:وصلتي ومالك غير إلي يرضيك وانا أبوهارون
قتله بخجل: ما عليك زود ...
وسكت شوية ..وشابكت يديني الثنتين في بعض..من كثر التوتر وكملت: ابغى منك عهد قدام الله إن إلي راح اقوله الحين مايطلع غير للإنسا إلي محقوق لي!!
جاوبني: لك ما طلبتي ..وعليا عهد قدام الله وقدامك!!
ثبت نظري على يديني وكملت: إنت تعرف إهلي يا عمي...وتعرف بعد إنا عيال أصول...واهل شرف....وأنتو يا عمي ما رضيتو بصالح زوج لأمل غير لما أطمنتو لأصله ومنبته الطيب وسمعته وسمعة أهله إلي عمره ما شابها شائبة!!
قال تأكيدا على كلامي: هذا كلام ما يختلف عليه إثنين...إنتو اهل شرف وبيت كريم!!
كملت: لكن يا عمي..من ثمان سنوات شرفنا تدنس ...وعرضي انتهكه واحد مجهول عني!!...سوا إلي سواه ..واختفى ولا عد عرفت له طريق ..
سكت وزفرت زفرة عميقة...بين لحظة والثانية راح ابكي وانهار
قال بحزن: لا حول ولا قوة إلا بالله !!
رجعت كملت :ثمان سنوات...وانا كل يوم اموت الف مرة ...من الخوف على سمعة أهلي ...أهلي إلي طول عمر أسمهم وهو عالي في السما !!..
ثمان سنوات وماحد يعلم بحالي غير الله سبحانه وتعالى وبنت عمي ..واشرت على وداد...وطبيبة سترتني الله يسترها ويستر عرضها دنيا وآخرة ....
رفعت راسي له كانت ملامحه مشدودة وباين عليه التأثر كملت وانا على وشك أبكي: وربنا أراد وألتقيت بغريمي ...من قبل ثلاث أسابيع ..
نزلت دموعي وتحجرش صوتي وكملت : أنا انظلمت يا عمي وإلي ظلمني ولدك .....ولدك هارون !!
هب من مكانه وقال بحدة: إنتي إيش جالسة تقولي !!
وقفت وقتله وانا احاول ابلع شهقاتي: قسم بالله العلي العظيم يا عمي ..ما قلت لك غير الحق !!...
قال بإنكار: الحين تبغيني أصدق إن هارون أعتدى عليكي!!..
ملت وأخذت الشنطة إلي كانت على الطاولة وطلعت منها الشريط ..ومديته لعمي وقتله: ولدك عندك...تقدر تسأله!!...وصدقني ما راح ينكر !!...
أخذ الشريط وسألني بإستغراب: إيش ذا!!
قتله: هذا إلي راح يثبتلك إني ما كذبت في ولا كلمة قلتها !!...
مسكت يد وداد وكملت: كل إلي أبغاه منك يا عمي..إنك تنظرلي كما لو كنت أمل بنتك او سراب!!...والله يستر على كل بنات المسلمين ...لكن هل راح ترضى الذل لهم !!...وانا راضية حكمك وعدل ربنا ....ولو إنت ما نصفتني في الدنيا ...ربنا موجود وأكبر من الكل..وهو قادر يقتصلي من إبنك في الدنيا والآخرة ....
..............................

هارون......
ماني قادر استوعب إلي حصل...ولا الكلام إلي أنقال....معقولة!!...صبا أخت صالح!!
ياربي إيش أسوي!!...هل البنت فعلاراح تحكي لأهلها!!...تقدر تسويها!!...ولو سوتها...إيش راح يكون تصرف صالح!!...أكيد ما بيرحمنا!!....وما استبعد إنه يطلق أمل!!...ليه يارب !!...ليه الشي هذا يحصل معايا !!...استغفر الله العظيم ..استغفر الله العظيم ..
طلعني من الحيرة إلي أنا فيها إتصال من أبوي إنه يبغاني في شي ضروري حيل...
صوته كان مو مريحني ابد!!...عشان كذا وقفت كل شي في يدي وطلعت من المستشفى ورحت له !!
دخلت المكتب وقلت : سم يبا!!
قال لي بجفاء : قفل الباب وراك وتعال...
سويت زي ما قال ..ملامح أبوي وصوته أكدو ظنوني المسألة شكلها كبيرة مرة !!
قربت منه وقتله : خير يبا إيش في!!
طل عليا بنظرة حارقة وبعدين نزل نظره وقال بحدة: إجلس!!
جلست وصرت مقابل له وقتله بتوتر: خير يبا !! ...شكلك يقول إن في شي كبير حاصل !!
رجع طل عليا بنفس النظرة وقال بنفس الأسلوب: إلي حاصل إني طول هذه السنين ذي كلها أكتشف إني فشلت في تربية أولادي !!
زاد خوفي وتوتري ورجعت سألته: يبا!!...إيش حصل !!...وإيش الكلام إلي تقوله!!
ميل على ورى شوية وفتح الدرج وطلع منه شريط ورماه بعصبية على المكتب وقف وقال بغضب: اظنك تقدر تخمن بإلي موجود داخل هذا الشريط !! ..
ما عرفت إيش أجاوب..الكلبة!!... آخر شي توقعته إنها راح توصل الشريط لابوي!!...متى لحقت!!...
نزلت راسي وقلت بإرتباك: يبا هذا....
ضرب بيده على المكتب بحدة وقال: بتنكر!!...نشغل الشريط عشان تشوف سواد وجهك يالكلب !!
رفعت عيوني في ابوي بإستغراب وحزن وقتله بأسف: تسبني يبا!!
قال بحدة: واكسر راسك كمان!!!
قتله بإحتجاج: يبا أنا تبت !!..والله العظيم تبت !!
قال بغضب: تعرف صبا !!
سكت ورجعت نزلت راسي ... وقتله بخجل: يبا هذا شي حصل من زمان ...و....
قاطعني صوته إلي زي الطلق: هارون!!
رفعت راسي فيه وقبل حتى ما تجي عيوني عليه ..ما حسيت غير والكف على خدي !!...
بعدت عنه وقلت بغضب: تضربني يبا!!..تضربني عشان وحدة كلبة!!...
قال بغضب هايل...حتى إني خفت عليه لا يحصله شي: وادفنك حي يا كلب !!...وإسمعني يا هارون!!...هي كلمة وما راح اثنيها ...لك من اليوم لبكرة وبعدها تجي معي عشان نخطب البنت من أهلها...فاهم!!
قتله بإنكار وبحدة : مستحيل!!...يبا إنت إيش جالس تقول !!
رمى نفسه على الكرسي وقال بغضب...وصوته بدى يصير مو طبيعي: والله ثم والله ثم والله ...إن عصيتني وكسرت كلامي ...لنت ولدي ولا اعرفك ...وعليك غضبي من اليوم ليوم يبعثون !!
انا مع الحالة إلي وصلها هديت صوتي ورحت له بسرعة وقتله برجاء: الحين انت تعبان يبا!!...نتكلم بعدين !!
ومديت يدي عشان افتح له ازرار القميص ..دف يدي بقوة وقال بحدة: إنقلع من وجهي!!...لا توريني وجهك ..إنقلع !!...لا بارك الله فيك ...تبغى توطي راسي ...!!..لا اشوف وجهك !!
بعدت عنه وطلعت من المكتب عشان حالته ما تسوء اكثر !!...
وعلى طول دقيت على رحيم ..وما صدقت رد ..قتله بترجي: رحيم ..الحين تروح تشوف أبوي في المكتب !!
رحيم بخوف:إيش فيه أبوي!!
جاوبته:انت روح الحين..وبعدين احكيلك كل شي !!
جاوبني بسرعة: الحين بروح!!
قلت بأسف:والي يسلمك يا رحيم شوفه وطمني عليه!!
جاني صوته بحيرة: هارون إيش في !!...خوفتني!!
قتله بتعب: الحين انت روح له وبعدين اقلك!!...
وقفلت عنه ...

طلعت من المؤسسة وركبت سيارتي..
طلعت على شقتي...محتاج إني أختلي بنفسي وأرتب أفكاري ...
دخلت الشقة...رميت نفسي على أول كرسي قابلني ....
آآآآآآآآآه ليه يحصل معي كذا ياربي !!....ليه الماضي يرجع لي مرة ثانية !!....يارب إنت شاهد على توبتي!!...إنت عالم قد إيش أنا استغفرت وما زلت أستغفر عن كل الذنوب إلي ارتكبتها!!...هل آن الآوان إني ابدأ في دفع ثمن أخطائي!!..
هل صبا هيا العقاب إلي راح تنزله عليا نتيجة أفعالي!!....
ملت على قدام بحركة سريعة وضربت قبضة يدي اليمين في راحة يدي الشمال ...بنت ال....إستغفر الله العظيم ...كومة النجاسة ردة فعلها كانت سريعة مرة !!...تصورت إنها بعد الكلام إلي قلته لها راح تقطع الأمل مني!!...لكنها ردت برد أبدا ما توقعته !!...من فين طلعت لي المصيبة ذي!!....الحين كيف التصرف!!...
.............................. .....
رحيم.........
: قلت مين!!!!
جاوبني بإستسلام: صبا اخت صالح...
قلت بفزع: مستحيل!!
جاوبني: هذا إلي حصل!!
وقفت بعصبية وقلت بحدة: إنت مقدر خطورة الكلام إلي جالس تقوله!!..أخت زوج أختك!!...فاهم يعني إيش !!...
قال لي : رحيم!!...الناس محترمين!!....ويوم سألنا عن صالح الكل وبلا إستثناء شهد لهم بطيب الأخلاق!!...وبعدين ولد عمك حاتم صاحب محمد من اكثر من20 سنة !!..وطول عمره وهو يشكر فيهم !!...الناس ما عليهم غبار !!....
صدقت على كلامه: انا معك في كل ذا !!...لكن إلي إنت جالس تقوله شي يحط العقل في الكف!!
التفت له لقيته مرفع راسه ومركز على بقة في الجدار...شكله سرح!!
قلت بصوت عالي: هي !! إنت معي!!
قام من على الكرسي وقال بحيرة : في شي غلط في الموضوع !!
سألته بإستغراب: إيش هو!!
جاوبني وكانه يفكر بصوت عالي: البنت هذه كيف عرفت شكلي!!
رديت عليه بتريقة: لا من جد!!...وهذا هو السؤال إلي محيرك!!
قال : يا بني آدم افهمني!!..انا كنت انام معاهم في الظلام وعمر ما وحدة فيهم شافتني !! ..هذه كيف عرفتني!!
ما رديت عليه...سبته يوصل هو حبل أفكاره بنفسه...
رجع جلس على الكرسي وهو يسأل نفسه نفس السؤال: كيف عرفتني!!
ومن فين جابت هذه الأشرطة!!...
سكت شوي وبعدين ضرب يدينه في بعض بقوة وقال بغضب: الحقير كان يبغى يضغط عليا!!
سألته : مين!!
وقف وقال: ناصر!!...قبل ما يموت شكله كان ناوي يستغلني بالأشرطة وهذه البنت!!...اكيد متفق معاها قبل ما يموت!!..ليتها مات معاه في ذيك الليلة!!...
سألته: وانت الحين على ايش ناوي!!
قال بطفش: مدري !!..مو ابوك عقدها اكثر واكثر بحلفانه!!
قتله بلوم: أي عقدها أكثر !!...الحكاية معقدة خلقة!!
رمى نفسه على الكرسي بقوة وقال بقهر: ليه ياربي!!...ليه ياربي يحصل معي كذا!!...
جلست على الكرسي إلي بجنبه وقتله بتردد: هارون راح اقلك شي !!... وحاول تفهمني!!
رجع ظهره على مسند الكرسي وقال : قول !!
كملت: على الرغم من إن البنت ...يعني !!..استغفر الله العظيم ...لكنها كاسرة خاطري !!
حرك نفسه على قدام بقوة وقال بإستغراب حاد: إيش!!
قتله بإستدراك: انا اقصد حالتها الصحية !!...يعني مسألة الفشل الكلوي !!
قالي بتشفي: هذا آخر البغي إلي كانت فيه!!
قتله بعتاب ممزوج بغضب : لا تتشفى يا هارون !!...استغفر ربك!!...وبعدين لو ربك يحكم بهذه الطريقة ..فأنا ما أظن إن البغى إلي هيا كانت فيه أكثر من البغى إلي انت كنت فيه!!
قال بتريقة: اشوفك متعاطف معاها!!....إذا كان الموضوع كذا ..إيش رايك تتزوجها أنت !!...
وقفت بعصبية وقتله بغضب: انا الغلطان إلي تكلمت معاك...كثر خيرك!!
وقف بسرعة ومسكني من جنبي وقال بتأسف: لا تزعل مني يا رحيم !!...انا والله رميت هذه الكلمة من طفشي!!...سامحني يا بو أكرم...وإلي يرحم تماضر تسامحني!!
جابها في الصميم..التفت له وقتله بزعل: مع إنها كبيرة !!...لكن الله يسامحك يا هارون !!
قرب مني أكثر وحط يدينه كل يد على كتف وقال بحزن: لسى ما لها غير ساعات من ظهرت في حياتنا وشوف إيش حصل!!...البنت ذي وجودها خطر في حياتي!!...وأبوك محكم راسه !!....بالله قلي أنا كيف اتصرف !!
قتله : هارون مو امكن البنت تابت !!...
ساب كتفي وقال بعصبية: واذا تابت!!...أنا ما ارضى أتزوج من وحدة كان لها ماضي!!...وإن كنت أنا جزء من هذا الماضي !!..وبعدين انت عارف يا رحيم إن قلبي عاف كل بنات حوا ...وطابت النفس إلا عن وحدة!!...
قتله بتنبيه: أبوك مصمم على إلي باله!!...وإنت تعرف شيابنا إذا لزمو على شي!!..لا تخسر أبوك يا هارون!!...وحاول ترضيه ...
قال بغضب: الله يشيلها ....ما توقعت إنها راح تتصرف بهذه السرعة!!
سألته :هي قالت إنها راح تبلغ أهلها لو ماجيتو وخطبتوها صح!!
جاوبني بقهر: ايوا هددت بهذا الشي...
قتله بسرعة: ياخوفي لو سوتها!!...البنت هذه شكلها ما تخاف من شي !!... والله لو سوتها ..راح تدمر مستقبل إختك من جد!!.
رجع رمى نفسه على الكرسي وقال بزهق: أنا متخربط الحين يا رحيم!!...ماني قادر استوعب ولا شي!!...
قتله:أنا حاس بإلي انت فيه!!...لكن البنت ذي حطت رضى أبوك عليك ومستقبل أختك في كفة..وزواجك منها في كفة....وكل شي الحين مرهون بيدك...وبقرارك !!
قال بقهر: هين يا صبا !!...هين يا كومة النجاسة!!...
قتله : سيبك منها الحين وقلي !!....إيش راح تسوي!!
قال بقلة حيلة: كلم أبوي وقله ...إني بروح أخطبها !!....
.........................

صبا...............
مر يوم ولا حس ولا خبر !!.....والوقت يجري ..!!...لا يمكن أسكت أكثر من كذا !!....
ياربي إيش التصرف الصح!!...
يارب أنا عارفة إن أمل مظلومة ..وما لها ذنب في إلي سواه أخوها...لكني يارب مظلومة زيها!!...أنا كان المفروض أفرح زي زيها...كان المفروض من زمان يكون لي بيت وأسرة !!...هو إلي وقف حياتي!!...هو إلي دمر مستقبلي!!...يارب ما يرضي أحد إنه هو يفرح وأخته تفرح..وانا اعيش في هذا الهم لوحدي!!
وفرحة صالح يا صبا!!...كيف راح تقدري تدمري مستقبله!!...هذا كله عشان تنتقمي من هارون وبس!!
أنا ما انكر إني أبغى أنتقم منه ...واطلع منه القديم والجديد!!...لكني في نفس الوقت أبغى أستر نفسي!!...لازم إلي غلط يصلح غلطه!!...
طيب يا صبا!!...لو حكيتي لصالح وابوكي الحقيقة هل راح يصدقوها!!
أنا عارفة إن إلي حصلي ما يتصدق!!...ومو لازم يصدقو!!...بس لازم يوقفو جنبي!!...او يقتلوني ويخلصوني من العذاب إلي أنا فيه!!...
راح أحكي لصالح كل شي !!...وأخلي الموضوع بين يده...وهو يحكم بالطريقة إلي يشوفها مناسبة!!...
خلاص مافي داعي أأجل الموضوع أكثر من كذا!!...راح أكلمه الحين...واسترها معي يارب!!
قبل ما اتحرك من مكاني..جاني صوت دق على الباب...هذه أكيد وداد ..
قلت :أدخلي!!
لكن ما كانت وداد كان أبويا...
وقفت ..وقلت له: هلا يبا !!
دخل الغرفة وقفل الباب وراه ...
جلس على كنبه قريبه من الباب وقلي بصوته الحنون :فينها بنت عمك عنك اليوم!!
رحت لعنده وجلست على كنبه بجنبه وقتله: دقت قبل شوي وتقول بتمر عليا عشان نزل للسوق !!
هز راسه بهدوء ...
بعد شوية قلي: صبا!!...في ناس كلموني اليوم وخطبوك مني!!
تجمد الدم في عروقي...معقوله هو!!....
ما رديت عليه ...كل إلي سويته إني نزلت راسي ..وشابكت يديني في بعضهم ...وانا احركم بهدوء..
رجع جاني صوت أبوي : عمك حسن ..أبو أمل جا وخطبك لولده هارون!!..
مستحيل!!!...مو مستوعبة إلي قاله أبوي!!..هارون!!...معقوله !!...
جمدت في مكاني..حتى يدي بطلت أحركها....
تمنيت اصرخ !!... ابكي!!...احظن ابوي !!..ارتمي عند رجوله!!..
تمنيت وداد تكون معي في هذه اللحظة !!...هي الوحيدة إلي اقدر اعبر لها عن كل هذه المشاعر إلي تدور داخلي!!
رجعني صوت أبوي : ما جاوبتيني يا صبا!!
حاولت استجمع كل قوتي..وبطء رفعت راسي لأبوي وقتله بتوتر: يبا أنا...
حط يده على يدي بحنان وقلي: قبل لا تجاوبي يا صبا ...في كلمتين راح اقولهم لك...وبعدين انتي لك حرية الإختيار!!
وبعد يده عن يدي وقال بهدوء: أنا كبرت يا صبا!!...والسنين تعدي !!... وانا ماني بدايم لك !!...من قبل كم سنة لما كنتي تنخطبي وترفضي ...كنت اقول ..البنت لساتها صغيرة..ومع الأيام راح يجي ولد الحلال إلي توافق عليه...واطمن عليها معاه!!...لكن الحين يا صبا إنتي داخلة في السبعة و عشرين سنة!!...والبنت كل ما كبرت قلو خطابينها!!...يا صبا ...ابغى أطمن عليك قبل ما أموت !!
عند كلمته ذي قمت من مكاني بسرعة وجلست على ركبتي عند رجوله ومسكت يدينه وبستهم وقلت وانا ابكي: بعيد الشر عنك يبا!!...خلاص يبا إلي تشوفه!!...
مسك أكتافي وقومني من على الأرض ورجع جلسني وقلي وهو ماسك يدي ويطبطب عليها بحنيه: يا صبا!!...انا ماقلتلك الكلام ذا عشان تسوي شي إنتي ما تبغيه!!...ولا راح آخذ منك الموافقة الحين!!...لكن إلي أبغاك تعرفيه إن هارون ..والنعم فيه!!...إنسان طيب وملتزم....
آآآآه يبا لو تعرف مدى خسة هذا الإنسان... مدى وضاعته !!...ماقلت كذا!!
كمل ابوي:وبعدين هو عارف وضعك الصحي بالكامل...وكونه طبيب الشي ذا يخليني أطمن عليكي معاه أكثر !!
وضعي الصحي!!....مو هوا السبب في إلي انا فيه!!...حسبي الله ونعم الوكيل عليه !!
رجع كمل: وما راح أخفيك يا صبا...إني تمنيته لك!!...هارون ..هو الإنسان الي راح اطمن عليكي معاه ...إذا ما ...
قاطعته بسرعة وانا ابكي: الله يخليك يبا لا تكمل !!
هز راسه بهدوء وقال : ابغاكي تفكر زين يا صبا!!...وتستخيري ربنا....خذي وقتك في التفكير...خلاص وانا ابوك!!
هزيت راسي بهدوء ...
قام وانا قمت معاه ...باسني على راسي وقال :الله يبارك فيكي ...ويسعدك يارب..
ملت عليه وبست يده وقتله :الله يخليك لي ..ولا يحرمني منك...
طلع أبوي من الغرفة ...
وأنا تميت مكاني واقفة.....أخيرا !!....أخيرا يا هارون الكلب!!...
خالجتني رغبة قوية في إني ادق عليه واتشمت فيه !!..وأقله إنه رجع لي زي الكلب!!....أخ ...يامن يوريني وجهك الحين يا هارون!!
ماحسيت غير وأحد يهزني بالقوة...
انتبهت.... كانت وداد ....بدون أي مقدمات إرتميت في حظنها ...وانا اضحك .... بعد لحظات ضحكي تحول لبكا!!...
بعدتني عنها وقالتلي وهي مصدومة: صبا!!...بسم الله عليك !!
كنت أطل عليها وأنا مستمرة في نوبة الضحك والبكاء ...
ضربتني على خدي ضربات سريعة وخفيفة...وهيا تقول بخوف: صبا الله يخليكي لا تخوفيني عليكي!!...صبا !!..صبا!!
مسكت يدينها وقتلها وانا احاول اسيطر على نفسي: خطبني!!...ارسل أبوه عشان يخطبني من بابا!!...
قالت بدهشة ممزوجة بفرحة: هارون!!!
فتحت ذراعاتي الثنتين وحظنتها بالقوة وقتلها وانا شوية وأصرخ: أخيرا...
دارت بيا وهي تقول بفرح: الحمد لله يا صبا الحمد لله!!..ربنا أستجاب لدعانا...ياه....يا صبا...حاسة إني لأول مرة من سنين قادرة اتنفس بحرية...أخيرا ...الحمد لله لك يارب...الحمد لله....
كنت مستسلمة لها وهي تدورني وانا مغمضة عيوني ودموعي تنزل زي المطر....هذه أول معركة أكسبها ضد هارون!!...ولسى في جعبتي له إلي يخلي ليله نهار....ويقلب موازين حياته ....مشوارك معي يا هارون إمكن ما يكون طويل !!...لكن إلي أكيد إنه راح يكون متعب...متعب حيل....

بعدها رحنا للسوق.لأ مرة من سنين حاسة إني جالسة أشوف الدنيا بألوانها الطبيعية!!...حاسة إني استرديت جزء من روحي ...الي حصل اليوم ..مع إنه خطوة مبدئية...لكنه اعطاني دفعة من القوة والإصرار على تحقيق إلي جلست أيام وسنين وانا أحلم فيه ..وأخط له...

.............................
وداد......
خبر خطبت هارون من صبا .....انتشر في العيلتين ...وبعد ثلاث أيام من مشاورة عمي لصبا...رد لهم عمي الجواب بالموافقة ...وأخذت الخطبة شكل رسمي....
واليوم أهل هارون جاين لعندنا...
مع إن صبا تمنت هذه اللحظة ...لكني لما دخلت عليها الغرفة كانت حالتها حالة!!..ولا جهزت نفسها ولا شي !!
سألتها بإستغراب: صبا !!... الناس جاين بعد شوية!!...وانتي لسى جالسة بخشتك !!
طلت عليا برود وقالت: والي يعافيك يا وداد سيبيني في إلي أنا فيه !!
رحت جلست بجنبها على السرير وسألتها: وإيش إلي إنتي فيه!!
طلت عليا بنظرة لوم وقالت: جالسة تستعبطي!!...مو كأنك عارفة!!
مديت جسمي على سريرها بالعرض وتكيت بكوعي عليه وسندت راسي بيدي وقلت
: عارفة إيش!!..
قالت بعصبية: وداد!!...تراها واصلة معي لخشمي !!...اتركيني لحالي!!
قلت بتريقة:لا وصلت خشمك !!...الحمد لله على السلامة !!
قامت من على السرير بسرعة : وداد أطلعي برى!!
طيحت راسي على السرير وانا اضحك عليها : هههههههههههههه طيب خلاص ما بمزح معك!!...يا ساتر!!...بس قوليلي إيش فيكي!!
رجعت جلست على السرير وربعت رجلينها ويدينها وقالت بغضب : هارون الزفت جاي مع أهله اليوم!!... ويا خوفي لو يطلب يشوفني!!
قتلها بعد تفكير :مم لا ما اظن!!... الغرض من الجية اليوم إن أم هارون تسمع الموافقة منك.....والرجاجيل يتفقو مع بعض!!...يعني لا تخافي !!...وبعدين هو واصلة معاه منك ...فما اعتقد انه يبغى يشوفك!!
قالت بحيرة: تعتقدي كذا!!
قمت من على السرير وسحبتها من ذراعها وقتلها: وابو كذا وامها بعد.. .ويلا انفضي نفسك!!...الحين الناس بيجو!! ...
قامت وراحت للدولاب ..وفتحته وبعدين التفت عليا بسرعة وقالت: كلمتي خالة نجلا!!
جاوبتها: اكيد!!...اول وحدة!!...وعمة مريم كلمتها كمان!!
قالت بتأثر: ما ادري كيف أكافئ الإنسانة ذي على إلي سوته معي!!...
جاوبتها: عندك حق... ماتخيلي كيف فرحت لما قتلها الخبر!!...وجلست تدعيلك إن ربي يوفقك ويكملها معاكي على خير ... الله يستر عليها زي ما سترت علينا !!
قلت: آآآمين يارب..ويارب يقدرني على إني ارد جمايلها عليا!!...
وسكت ورجعت قالت: ونوال بتجي!!
قلت بثقة: غصب عنها بتجي...يعني اليوم خطبة صبانا ...وماتجي!!
ضحكت ضحكة صغيرة: ههههههه وإلي يسلمك...لا تخليني أصدق عمري!!وتعالي شوفيلي إيش البس!!

بعد شوية وصلو أهل هارون ...ام هارون...وسراب...
سراب كانت جالسة بجنبي ...قربت مني مرة وقالت بضحكة:مو يقولو نظرة فإبتسامة فموعد فلقاء ..فزواج!!...اختك واخويا أختصروها شهقةٌ فشيلةٌ فزواج ٌ!!...ههههههههه ماعندهم وقت !!
ضحكت بصوت عالي على تعليقها: هههههههههههههههههه..صبا لا تسمعك !!...ترى الخجل مسوي معاها عمايله!!
ضحكت: ههههههههههه الخجل ولا العشق!!
ضحكت...و الله انها مفهية ومو عارفة شي!!...

بعد لحظات جات خالة نجلاء ونوال....وبعد شوية نزلت صبا!!...
استقبال ام هارون لصبا ...وسلامها عليها ما ريحني!!..
لا يكون عمي أبو هارون قالها شي!!....ما اظن!!... الرجال وعدنا!!
سراب كانت فرحانة ومبسوطة بصبا عكس ام هارون....

جلست أتأمل صبا...هذه هيا صبا إلي أنا اعرفها!!...صبا إلي كانت مختفية من 8 سنوات...رجعت اليوم...نفس لمعان العيون إلي يدل على الشقاوة والذكاء !!...نفس الثقة بالنفس!!...إلي حصل رجع ثقتها بنفسة...لكن ياخوفي من إلي ناوية عليه يا صبا!!....يا خوفي !!...
اتفقو على إن الملكة تكون بعد 9 أيام....يعني قبل زواج صالح وأمل بستة أيام أيام ...

بعد ما راحو الضيوف طلعت أشوف صبا ....
دخلت عليها الغرفة...كانت واقفة عند التسرير وتضحك ...ولما شافتني راحت للسري و ارتمت عليه وهي لساتها تضحك ....
ابتسمت ورحت جلست عندها وقتلها: خير !!..ضحكيني معاكي!!
قالت والضحكة لسى في صوتها: ياريتني اشوف وجهه في هذه اللحظة !!
سألتها : هارون !!...
جاوبتني وهي تقلد صوته : إلي ما تطوليه بيدينك وصليه برجولك!!...ههههههههههههههههه
إلي تفكر فيه صبا أبدا مو عاجبني...ولا مطمني!!...
عشان كذا قتلها بتحذير: صبا !!...إنتي فعلا ناوية تنتقمي من هارون!!
اعتدلت على بطنها وقالت بحقد: لو أطول إني اذبحه الف مرة ما اقصر!!
قتلها: صبا!! لازم تنسي إلي حصل من 8 سنوات !! عشان تقدري تكملي حياتك مع هارون !!
قامت من مكانها وقالت بغضب: ومين قال إني ابغى أكمل حياتي معاه!! وبعدين كيف تبغيني انسى إلي سواه فيا !!...أنسى!! كلمة بسيطة وسهلة تنقال...لكن صعبة إنسان انهان وانذل...واندعس على كرامته إنه يعمل بها!!....إلي حصل من هارون مستحيل أنساه!!...فاهمة !!...مستحيل انساه !!!
قتلها بترجي: صبا إنتي....
قاطعتني بعصبية: إنتهى يا وداد إنتهى ...وما راح نتناقش في الموضوع هذا مرة ثانية...
قدام عصبيتها...وعنادها ...ما طلع بيدي غير إني اسكت ...
.............................. ...

غادة..............
: آآآآآآآآآآآآآآآآآآآآآآآآه يما !!....بموت !!....بموت !!...ليه يسوي كذا!!
كنت مرتمية في حضن امي وابكي واصارخ من قهري !!..
قالتلي أمي بحزن: مالك نصيب فيه يا غادة!!...مالك نصيب فيه!!
بعدت عنها وصرخت بحدة: لا...لا تقولي كذا!!....هارون ليا ...مهما طال الزمن أو قصر ما بسيبه !!.. انا وقفت حياتي كلها عشانه!!..انا....انا كنت كل يوم ...وكل ساعة أمني نفسي إنه راح يجي يوم ..ويحس بإلي بقلبي !!
في النهاية يسوي كذا!!...ما فكر فيا!!...في مشاعر بنت عمه!!...ما فكر في الجرح إلي راح يحفره في قلبي!!...
وصلت معايا...اعصابي فلت مني..قمت وقلبت كل شي موجود في الغرفة وانا اصرخ: الله يشيلك يا صبا !!...الله يشلها !!.... العرجا عرفت تاخذه مني!!...
وارتميت على الارض أبكي...ما حسيت غير وأنا في حظن أمي وهي تمسد على ظهري ...
كنت أسمع صوت شهقاتها..قتلها بصوت متحجرش من كثر الصراخ والبكا: كيف قدرت تملك قلبه في هذه المدة البسيطة!!...وانا إلي طول عمري كنت قدامه ...ولا عمره فكر فيا!!...ليه دايما يطل على برى!!...صبا إيش فيها زود عني!!...هذيك العرجة بإيش أحسن مني!!
.....آآآآآآآه يما نار !!..نار تلهب في قلبي .!!...
جاني صوت أمي: إنسيه يا غادة!!...مالك نصيب فيه!!...انسيه وشوفي مستقبلك!!...انسيه وراح يجيكي أحسن منه!!
قلت بحرقة: مافي يما أحسن منه !!..هارون احسن واحد...مافي احسن منه يما.....آآآآآآآآآآآه الله يشيلك يا صبا...الله يشيلك ويريحني منك ....
ودفنت راسي في صدر أمي وانا انوح وأبكي على حظي وعلى هارون إلي ضاع من يدي للمرة الثانية!! ....
………....

وداد........
اليوم ملكة هارون على صبا....وبعد العصر بيجي العقاد والرجال وبيملك هارون...
دخلت عليها الغرفة .... وشفتها طالعة من الحمام وهي حاطة يدها على فمها ويدها الثانية ماسكة فيها بطنها على جنب شكلها كانت تستفرغ
على طول رحت لعندها...وحطيت يدي على جبينها اشوف حرارتها وسألتها بخوف: صبا !!....تعبانة!!...أكلم عمي!!
قالتلي بتعب: لا ...كالعادة حسيت بغثيان...الحين راح أهدا بعد شوية..
جلست بجنبها..وانا اطبطب على ظهرها بحنية ....
قلبي تقطع عليها لما قالت " كالعادة غثيان"...يا الله !!...شي صعب ...وفوق الإحتمال إن الإنسان يتعود على المرض...الله ياخذ بيدك ويلطف فيكي يا صبا...ويهدي بالك...يا ارحم الراحمين
قتلها برقة: صبا!!...خليني أكلم عمي!!..يمك....
مسكت يدي وشدت عليها بشويش وقالت بصوت واطي: والله ياوداد الحين راح اصير احسن!!...وبعدين هذه اول مرة!!...المفروض تكوني تعودتي!!
مع تكرارها للكلمة ماقدرت أمسك نفسي ...ملت عليها وسبت نفسي لدموعي...
قالتلي بعتاب : وداد...ماينفع كذا!!...الحين بتجي عمتي مريم وهالة!!...وماينفع يشوفونا وإحنا في الحالة ذي!!..الله يهديكي يا وداد!!قتلك الحين راح ارتاح...الله يخليكي روحي اغسلي وجهك..لا حد يلاحظ!!...
هزيت راسي يعني طيب..وقربت منها وبستها من خدها..ورحت اغسل وجهي...
طلعت من الحمام(وانتو بكرامة) شفتها واقفة عند التسريحة وفكرها في عالم ثاني ...
قربت منها وقتلها بقلق: صبا إيش فيكي!!
جلست على الكرسي وقالت :مافيني شي!!..افكر!!
قربت منها وحطيت يديني الثنتين على أكتافها وقتلها:تفكري فيه!!
قالت بحقد: أفكر فيه.
سألتها: على إيش ناوية!!صبا !! لا تخلي الغضب يعمي بصيرتك!!
ضحكت : هههههههههه يعني شايفاني راح اقتله!!
قتلها: مدري عنك!! انتي الواحد لو عاش معاكي 100 سنة يبغالو كمان 100 سنة زيادة عشان يفهم في إيش تفكري!!
ضحكت :ههههههههههههههههههههه لا تخافي ما راح اقتله خليني اعذبه في الدنيا وربنا يعذبه في الآخرة.
بالله هذه الواحد بإيش يرد عليها!! سكت ما قتلها شي
قامت وراحت لدولابها وانا جلست على الكرسي ..
انتبهت على هدية متوسطة ملفوفة بورق اسود فيه قلوب حمرا لماعة وملفوفة بشريط ستان احمر .... مسكتها وقتلها : واو إيش الحركات ذي!!
التفت عليا ولما شافت الهدية في يدي قالت: ههههههههههه عجبك شكلها!!
قلت : مررة
قالت: هذه هدية!!
قتلها : هدية من مين!!
قالتلي: قصدك لمين!!..
قتلها: مافهمت!!
طلعت بنطلون جنز وتي شرت ابيض ...ورمتهم على السرير وجات واخذت العلبة مني : مو انا شاكة انك طول حياتك تنجحي بالبراشم!!
ضحكت : هههههههههههههه مالت على وجهك ..
قالتلي: هذه هدية مني لعريس الغفلة!!
جلست مكاني مبلمة ...لخبطتني البنت ذي !!
رجعت الهدية مكانها وقالت بلؤم : بس يارب تجي على مزاجه...
قتلها بتشكيك: صبا !!...الهدية هذه إيش فيها!!
قالت بلؤم: شريط!! لازم مابين فترة والثانية اذكره بحقيقته!!
انصعقت هذه تجننت!!
قتلها بقلق: صبا اعقلي!! بلاش تصرفات غير مسؤولة!!
طنشت كلمتي وراحت وقفت عند المراية وجلست تلعب بشعرها وقالت : مو كأن العقاد تأخر!!
في هذه اللحظة اندق الباب...جاوبت: ادخل!!
كان مؤيد...قال بمرح: ها يا عروس!!...كيف المعنويات!!...صاحبنا معنوياته عال العال!!
شفت ملامح صبا انقلبت ...
قلت لمؤيد بسرعة: يلا عاد!!...لا تخجلها!!
ضحك : ههههههههههههه طيب طيب ...المهم ..صبا!!...العقاد وصل...البسي عباتك وتغطي زين....والحقيني!!
وقفل الباب وطلع...
التفت لي : تعالي معي!!
وقامت لبست عباتها وشيلتها ..وانا كمان لبس عباتي وشيلتي...ونزلت معاها....
مع إنها تقهرني بتصرفاتها لكني ما اقدر اسيبها ...
كان مؤيد واقف قريب من المجلس ...رحنا وقفنا بجنبه...
سألني : الحين انا قلت لصبا بس تنزل...انتي جاية معاها ليه!!
قتله : إيش فيك انت!!...خربت الدنيا يعني!!
قال : لا ما خربت ..بس خليكي هنا...وانتي يا صبا تغطي ...وخليكي واقفة هنا!!
ودخل المجلس وبعد شوية طلع صالح وقدم صبا لغاية باب المجلس
سمعت الشيخ يقول لها:يا بنتي !! موافقة على هارون حسن زوج لك!!
بعد لحظات من السكوت جا صوت صبا الواطي: موافقة
قال الشيخ: بارك الله لكم طيب يا بنتي خذي وقعي!!
دخل صالح ..ورجع وهو ماسك دفتر وقعت صبا ورجع صالح دخل وقفل الباب وراه
انا على طول رحت لصبا وحضنتها بالقوة وقتلها بفرح: الف الف الف مبروك!!
قالت برود: الله يبارك فيكي
جات عمتي مريم وحظنت صبا بالقوة وقالت بتأثر: الف مبروك يا صبا...الله يجمعكم على خير ...ويسعدكم يارب ..
ردت عليها صبا بنفس البرود: الله يبارك فيكي
ونفس الشي سوت هالة ...
رجعنا انا وصبا وهالة لغرفة صبا ...
ما عجبتني حالة السكوت إلي دخلت فيها صبا ...
سألت هالة: عمتي أكدت على الكوافيرا تجي!!
هالة: ايوا ..الحين بتوصل!!
هزيت راسي ....
انتبهنا على نغمة الرسايل جات من جوال صبا!!...التفت لصبا...ما كانت معانا ابدا...
قتلها : صبا !! شوفي جوالك
انتبهت: ها!! إيش فيه جوالي؟!
ضحكت هالة: ههههههههههههه الله يرجعه بالسلامة!!
سألتها بإستغراب: إيش هوا ذا!!
جاوبتني وهي تضحك: عقل صبا !!... شكله عدى بحور وجبال !!
فجأة صبا ضحكت: هههههههههههههه ولا في الأحلام !!
قتلها بإستغرتب: إيش فيكي إنتي الثانية !!
غمزتلي : هدى أحمد...ارسلتلي رسالة بايخة زي وجهها تعالي شوفيها!!
لما سمعت اسم "هدى احمد" فهمت انها من هارون
نطت هالة: وانا كمان ابغى اشوفها!!
قتلها:اقلبي وجهك!! ما تسمعيها تقلك بايخة!!
قالت بعناد: إيش فيها يعني!!
اللهم طولك ياروح قتلها : هالة اسمع صوت عمتي مريم تناديك!! روحي شوفي ايش تبغى منك!!
رفعت يدينها الثنتين وقالت بزعل: مالت عليكم !!
وطلعت من الغرفة...
أخذت الجوال من صبا وقريت الرسالة!!
التفت على صبا إيش أقول..إثنينهم مو صاحين!! وكل واحد ناوي للثاني على شر!!
.............................

هارون...........
بعد ما عقدنا....طلعت مع ابوي وعمي وبقية العيلة ...
طبعا ابويا اختلفت نظرته عليا من بعد الاشرطة 180 درجة وانا خلقة مخنوق ومو ناقص نظراته !!
ركبت سيارتي وماني عارف فين اروح !!
كنت حاقد عليها !! ودي اذبحها !!
مسكت جوالي وكتبت كل الكلام الي جا بالي
:خلاص يا كومة النجاسة!!...سويتي إلي بغيته !!...لكن هين ....مو هارون إلي ينجبر على شي ما يبغاه...وراح ترجعي تحبي على رجلي عشان اطلقك... وماراح تطوليه إلا لما اطلع عينك!!....
ورميت الجوال على الكرسي بعد ما سويت للرسالة send..
جوازي منها تخليص حق!! ربنا امهلني والحين جالس ينزل عليا عقابه!!
ما تعدى ظهورها في حياتي اسبوعين وقلبت كياني وكيان الي حولي !!
كرهت ابويا فيا!! ماني قادر احط عيني في عينه!! خسرت احترامه ليا!!
يا ترى إيش باقي اخسره بسبب وجودك في حياتي!!
ليه يارب!! انا تبت!! واستغفرتك كثير!! وانت العالم إني ندمان على كل شي غلط سويته في الماضي!!ليه يكون مصيري إني اتزوج بوحدة ساقطة زيها!! وانت يا هارون!! وش كنت ؟! مو كنت زيها !!
لكن أنا تبت!!
وهيا كمان إمكن تابت!!
تتوب او تروح في داهية!! ما علي منها!!
انا ما ابغى غير ملاكي الطاهر !!
محد ملكني من بناة حوا غيرها
ومن هي حتى اسمها ما تعرفه!!
هذه حياتي!! في دمي!! ماراح انساها ما راح انسى ريحتها ولا نعومتها اه ياملاكي العذري
انت فينك دعيت ربي ليل ونهار اني التقي فيك دعيت ربي اني يجمعني فيك!!!
شغلت أغنية عبادي الجوهر...وانا حاس بكل كلمة يقولها..لانه هذا بالضبط حالي مع ملاكي العذري!!

لا انتي وردة ولا قلبي مزهرية من خزف
صدفة وحدة جمعتنا شوفي وشلون الصدف!!
التقينا في مدينة وفرقتنا الف مينا
إغفري للريح والموج والسفينة
كانت الرحلة حزينة
كانت الرحلة حزينة ......لأسف!!
كنت أحلم لما ناديتك بسافر
مع عيونك في شعاع الفجر باكر
والله اعلم إني صادق
كنت أحلم إني عاشق
لا أخاف ولا أضيع ولا أفارق
ويش أقول غير اني آسف ويش اقول!!
انا خانتني العواصف والفصول
التقينا في مدينة وفرقتنا الف مينا
اغفري للريح والموج والسفينة ..
آآه يا تعب المسافر
آآه يا تعب المسافر
في أراضي الجرح آآآه في دمع المحاجر
ما لهذا الحزن آخر أو لهذا الجرح آخر
يا شمسي الأخيرة في اللحظة الأخيرة
انا لي كلمة أخيرة
اغفريلي ابتسامي قبل جرحي
حاولي تنسي كلامي قبل صمتي
ولو رضيتي يا اعز الناس انتي
لا انتي وردة ولا قلبي مزهرية من خزف !!

شكلي راح اعيش عمري وانتي خيال في عالم خيالي والحقيقة هي كومة النجاسة الي تزوجتها اف ليتها تموت وتختفي من حياتي ...ياليت!!
رجعت البيت كانو كلهم مستنيني في الصالة اول مادخلت جات سراب وامل وهجمو عليا وباركولي...حتى نغم مسكت في ساقي
قالتلي امل : الف الف مبروك حبيبي يارب يسعدكم ويهنيكم!!
حضنتها وبستها على راسها:الله يبارك فيك ويباركلك مع صالح ويسعدكم !!
وأنا في قلبي أقول: والله مارضيت فيها غير عشان مستقبلك ..وعشان ما أخسركم !!
وحضنت سراب باليد الثانية وكملت: ويرزق اختك المهبولة بواحد يعقلها ويسعدها يارب !
قالت بخجل وبصوت واطي: آآآمين
جاني صوت نغم: عمو هارون!! وانا وانا!!
ملت عليها وشلتها وسألتها: وإنتي إيش !! تبغي عريس!!
هزت راسها وهي تضحك : ايه ابى عريث!!
قالتلها سراب: عريث في عينك!! اسمه عريس مو عريث!!
نغم: عريث !!
سراب: عريس يا دبه!!
نغم : عريث يا دبه !!
ضحكنا: ههههههههههههههههههههههههه
سألت أمل: امي فوق!!
قالتلي: ايه فوق الله يخليك اطلعلها وهديها !!
سبتهم ورحت لامي ...دقيت عليها الغرفة
جاني صوتها: ادخل !!
اول مادخلت قتلها: كيفك يالغالية !!
طلت عليا بزعل وقالت: خلاص نفذ ابوك إلي يبغاه !! ارتاح !!
رحت وجلست بجنبها ولفيت ذراعي حولها وقتلها بحب:لسى زعلانة!!
قالت بزعل: ماني زعلانة !! الله يسعدك ويهنيك!!
ضميتها اكثر: من قلبك !!
التفت عليا وكانت عيونها حمرا : الله يعلم اني ما اتمنالك إنت وأخوانك غير السعادة والتوفيق يما!!
قتلها بلوم: يما والي يعافيك!! على إيش هذا كله!! خلاص يما البنت صارت زوجتي!!
قالت بعصبية:الله يسامحه ابوك !! انا ادري انه مالك خاطر فيها !! لكن إيش اقول !! ياريتني زوجتك غادة!!...
قتلها بإستغراب: إيش دخل غادة في النص!!
قالت : على الأقل بنت عمك...وسليمة وبعافيتها ...لا فيها لا أمراض ولا علل!!
لا حول ولا قوة إلأ بالله ...قلتلها:يعني يرضيكي اكسر كلام ابوي يما واغضبه!!
قامت من كانها وقالت بغضب: أكيد ما يرضيني!! وكمان ما يرضيني إنك تتزوج بوحدة كل ثلاث ايام وهي في المستشفى !! انا ما ابغالك العذاب يما!!
قمت لعندها وحطيت يدي على كتوفها وقتلها بلوم: استغفري الله يما!!
قالت : استغفر الله العظيم !! انا يا هارون ما اعايرها الله يعلم ان قلبي يتقطع عليها واني حبيتها زي وحدة من بناتي !! لكن مافي ام تتمنى الشقى لولدها!! افهموني يا ناس !!
قربت منها وبست راسها وقتلها بحزن ماقدرت أخفيه: هذا إلي كاتبه لي الله!! وماحد يعلم الخير فين !!
باستني على كتفي وقالت بتأثر: الله يوجه لك الخير فين مارحت يما ..
تركتها وطلعت من عندها وانا حاس إني راح اختنق !! جالس اراضيها واهديها واقنعها بشي انا اصلا مو مقتنع فيه الله يشيلك يا صبا !! ..الله يشيلك ويريحني منك !!
.............................. ......

صبا.............
صرخت بفرحة: عمي سعود!!!
ورحت ارتميت في حظنه : مستحيل مو مصدقة!! متى وصلتو !!!
ضحك : ههههههههههههه وصلنا أمس الفجر ...
قلت بزعل: من امس هنا وما تجو غير الحين!!
قال : وش نسوي راحة علينا نومة !!
قلت بفرح:الحمد لله على سلامتكم !! ياه مو مصدقة إنك هنا !! والله كنت راح ازعل لو ما جيتو !!
ضمني وقال: في أحد ما يحظر ملكة بنته!! الف مبروك يا حبيبتي
قتله بحب: الله يبارك فيك و يخليك ليا يارب ...
وبعدين سألته: فينها عمتي سلمى ...وخلود !! واحشني كثير!!
جا صوت من ورى عمي سعود: آخيرا عبرتينا!!
صرخت بفرحة: خلود !!
وحظنتها وبستها : واحشاني ..والله واحشاني كثير !!
قالت : الف الف الف مبروك يا احلى عروسة !! ما شاء الله...اللهم صلي على النبي !!
قتلها : الله يبارك فيكي !!عقبالك يارب !!
جاوبتني: تسلمي الله يخليكي!!
سالتها: فينها عمتي سلمى !! وكيفه خالد!!!
جلست على السرير وقالت: كلنا بخير الحمد لله .....وامي الحين وبتجي تسلم عليكي !!
بعد شوية البيت عج بالضيوف ....طلعت عمتي ام هارون عشان تسلم عليا
كان باين إنها مو راضية عن زواجي بهارون حتى سلامها كان بارد ومن طرف خشمها ...أحترت!! ...هل رفضها ليا عشان وضعي الصحي!! او لان عمي حسن حكالها الموضوع !! عموما ما يهمني هيا تنظرلي بأي نظرة!! المهم احقق إلي ابغاه ....

قربت ساعة الصفر جا الوقت إلي راح اقابل فيه زوجي اللدود!! ما ادري كيف المفروض يكون شعور عروسة تنتظر طلة عريسها عليها ما بين لحظة والثانية !! أكيد ما راح احس هذا الشعور!! لان إلي راح يدخل الحين عدوي ... غريمي !!
في اللحظة ذي حسيت بغمامة سوداء غطت على عيوني ....حسيت بدوخة.... يا الله مو وقته أبدا!! ساعدني يارب !! دورت بعيوني ابغى وداد ما لقيتها ...كانت عمة مريم واقفة بجنبي
قتلها بسرعة: عمة أسنديني!! دايخة!!
جات بسرعة ومسكتني من اكتافي وسندتني بجسمها ...
سمعت عمتي ام هارون تسأل: إيش فيها!!
جاوبتها عمتي مريم بخوف: البنت دايخة !! خلينا نجلسها وهو يدخل عليها !!
انا كنت اسمع كلامهم وعارفة إنهم جالسين يتكلمو عني !! لكن مو مستوعبة إيش جالسين يقولو بالزبط !! اصلا مو شايفة قدامي !!
حسيت بيد ماسكاني من اكتافي وتمشيني لقدام بشويش..تحركت رجولي آليا معاهم ... بعد شوية انتبهت إني جالسة على كنب ...
شوية شوية بدأت أرجع للجو ..كانت عمتي مريم ماسكة يدي وحاطة يدها الثانية على جبيني وتناديني بخوف: صبا !! .. صبا يما تسمعيني!!
قتلها بطء: اسمعك !!
قالت بقلق: صبا بإيش حاسة !!
قتلها: حسيت بدوخة !! لكن الحين راحت ...
قالت عشان تتأكد: طيب الحين احنا فين!!
التفت عليها بلوم : الله يهديك يا عمتي !! هذه دوخة وراحت لحالها مو غيبوبة !!
قالت بقلق: ولو!! .. عشان اطمن !!
قتلها : في المجلس وانتي عمتي مريم !! ( والتفت على عمتي ام هارون ) وانتي عمتي ام هارون !! ها يا عمتي اطمنتي!!
هزت راسها ....يعني ايوا
جانا صوت عمتي ام هارون: طيب يا مريم تغطي الحين بندخل هارون !!
قربت مني عمتي وسألتني بخوف: صبا تقدري توقفي !!
قتلها بعتب: الله يهديكي يا عمتي!! يعني هذه اول مرة تجيني فيها الدوخة !!ايه اقدر اوقف !!
وتمسك في يدها وقفت...حسيت بثقل في راسي لكني تحاملت على نفسي
بعد شوية سمعت صوت زغاريد جاية من كل مكان ....بعد لحظات ظهر عند الباب .....
جسمي بدأ يتوتر ...الشي الأكيد إن هذا التوتر مو خوف او خجل!!...
بدأ يقرب لغاية ما صار موازي ليا تماما وما يفصلنا عن بعض غير كم خطوة ...طول الوقت كنت مركزة على عيونه وهو نفس الشي !!
كانت نظراته ليا حارقة ...على عكس نظراتي له تعمدت اخليها قمت البرود
طالت النظرات بينا ....لغاية ما جانا صوت عمتي ام هارون : هارون!! سلم على زوجتك!! ...
قال بجفاء: كيفك !!
قلت بنفس نبرة صوته: الحمد لله
رجع قال: مبروك عليكي !!
ما رديت عليه ...
جانا صوت عمتي ام هارون : هارون لبس زوجتك الشبكة !!
اخذ العقد وقرب مني مرة ومال عليا وحط العقد حول رقبتي ....جاني صوته واطي مرة : خسارة العقد صار نجس!!
طبعا عمتي وامه ما كانو معانا لانهم جالسين يزغردو من اول ما دخل هارون
ما صدر مني أي ردت فعل لاني كنت متوقعة منه هذه الخسة ...عشان كذا قربت منه اكثر وقتله بنفس مستوى الصوت: النجاسة وصلته من يدك !!
الحقير قرصني في رقبتي !!
بلعت القرصة ...هين الحين بردها لك!!
مسك الإسوارة ولبسني هيا ... والحلقان ...
وجا الدور على الدبل...مديت له يدي عشان يلبسني الدبلة ...طبعا بمجرد ما لامس الخاتم طرف إصبعي على طول انا سحبت يدي منه ولبستها لوحدي...
وجا دور إني البسه الدبلة ...مسكتها وسويت إني بلبسها له..لكنها طاحت من يدي...وتدحرجت لقدام !!
عمتي مريم و عمتي أم هارون راحو عشان يجيبوها..انا في حركة سريعة قربت منه وركلته في ساقه ...ورجعت لمكاني بسرعة...شفت وجهه أحمر...والشر إلي في عيونه زاد .. والآه بدل ما يطلعها بلعها بغصة ...وقبل لا يصدر أي ردة فعل ..جانا صوت عمتي: هذه هي !! ...واعطتني اياها ...لبسته هيا وانا مبتسمة إبتسامة نصر....
وطلعو وسابونا لوحدنا....بمجرد ما اتقفل الباب علينا انا بعدت عنه بسرعة
لكن هو مسكني من خصري وشدني له بقوة وقال بصوت واطي: يا حقيرة يا كلبة !!
قتله بإستحقار: لازم أكون كلبة ..عشان أليق بكلب زيك!!
وجيت بعد عنه لك هو مسكني من خصري وضغط عليه بالقوة...مع شدة الألم رفعت راسي لفوق بالقوة وغمضت عيوني بالم ...حسيت إن كليتي اتهرست تحت يده ...
ترك خصري فجأة وباعد عني !!
من شدة الألم لفيت على ورى وانا ماسكة على خصري !!...
وقلت بصوت متألم:الله يشيلك !!
وجلست على الكرسي وانأ لسى ماسكة على خصري ...
حسيت فيه جلس جنبي ...وبعد شوية جاني صوتة ...وكان فيه رجفة: صبا !!...ما كا.....
قاطعته بحقد والم : معدوم الأخلاق ..والقلب!!.. انت حقير !!..تفو عليك يا كلب!!
قام من مكانه بسرعة وقف قدامي ومسكني من اكتافي بقوة وقفني في حركة سريعة ..
مسكني من دقني وظم خدودي بقوة وقال بتهديد: لسانك هذا يبغاله قص...وان شاء الله انا إلي بقصه ...
قتله بتحدي: تخسي يا ....
قبل لا اكمل حط يده على فمي بسرعة ...وضغط عليه بالقوة .. ولما حسيت إن نفسي راح يتوقف شال يده ...ورماني على الكرسي بقوة...وراح اخذ منديل ...وجا وجلس جنبي
انا درت وجهي للجهة الثانية وانا مغمضة عيوني لكن هو مسك وجهي بالقوة وسحبه لغاية ماصرت مواجهه له ...
لما حسيته يمسح وجهي..فتحت عيوني بإنكار ...جيت بسحب وجهي لكن هو ماسكه بالقوة ...وخفت لا اتهور ...وفي النهاية اطلع لهم من دون راس!!
كانت ملامحه جامدة وعيونه فيها نفس النظرات إلي دخل فيها أول مرة !!
اول شي مسح جبيني .. وتحت عيوني وبعدين نزل على فمي ومسح حولة بشويش ...
ولما خلص ... ترك وجهي بالقوة ...و جمع المنديل بيده لغاية ما خلاه كتله وحدة ورماه في وجهي بالقوة وقال بإحتقار وبتريقة: الف مبروك عليك الستر يا!!
وضحك: هههههههههه يا مدام !!
وسابني وطلع من الغرفة بسرعة....
تبعته بعيوني ...وانا لسى جالسة في مكاني زي الصنم ....
.............................

غازي........
: الحين بجيبهم لك !!
.....................
: فهمنا عند باب المطبخ ما بدخل!!
..........................
: ههههههههههههههه وداد !!.... اقلبي وجهك
......................
: طيب بسرعة!!
وقفلت منها ...ورحت حطيت دلال القهوة عند باب المطبخ.... وقبل ما اطلع... سمعت صوتها !!...رفعت راسي لجهة الصوت وشفتها!!..كانت واقفة عند باب المطبخ الداخلي ...وتكلم في الجوال...
ياه ...قد إيش عذبني ذا الوجه !! ....
خجلت من نفسي...إني جالس اطل عليها في غفلة منها ...
ارتديت على ورى وسندت ظهري على جدار المطبخ الخارجي..وانا احاول انظم نفسي
ما قدرت أترك المكان!!...قدرت أغض الطرف !!...لكن صعبة أحرم نفسي من إني اسمع صوتها!!...
نوال: طيب يبا!!
.....................
:الحين بكلمها...
..........................
:لا أنا بطلع من هنا على المستشفى....
.......................
:ايوا الحين بدق عليهم...
.......................
:اوكي حبيبي ...في امان الله ....
زلزلتني كلمة "حبيبي" .....سهرت ليالي وانا اتخيلها تقلي أنا ذي الكلمة
آآآآه يا قلبي ...
رجع جاني صوتها ...
: الو يسلم !!...تعال بيت بابا منصور
.........................
: ايوا عشان توديني مستشفى....وجيب معاك "ماريا" ...
...........................
: نايمة!! ...لا والله!!...صحيها ....يلا تعال بسرعة!!
وسمعت قفلة الجوال.....ورجعة قالت
: سواقين آخر زمن!!...قال نايمة قال !!....يعني إحنا جايبين سواق مزوج عشان حظرتها تنام!!استغفر الله العظيم !!...متى يسمحولنا نسوق ونرتاح من وجع الراس ذا!!
هههههههههههه صوتها كان معصب مرة...تمنيت اشوف ملامح وجهها في اللحظة ذي ...
: ها !!إنتي هنا !!
هذا كان صوت وداد...
جاوبتها نوال: ايوا جيت اكلم أبويا ...جوا زحمة مرة !!
وداد: كويس غازي جاب الدلال !!
نوال: غازي!!
وداد: يا حسرت قلبي عليك وعليه!!
نوال: وانتي الصادقة !! يا حسرت قلبك عليا أنا بس!!...أما أخوكي فبكيفه!!
انصدمت من الحوار إلي بينهم !!...ليه جالسين يتكلمو عني كذا!!
جاني صوت وداد: حرام عليكي يا نوال!!...والله انه يحبك !!
حسيت في نبرة حزن في صوت نوال لما قالت:يحبني مع نفسه!!...مسألة انه مأجل فكرة زواجه لغاية ما تتزوجي انتي وهالة ...مو راكبة في مخي ابد !!..
وداد: والله يا نوال هذا هو السبب !!..
نوال: على العموم....هذا هو السبب او مو هو ...انا خلاص قلبي قال حكمة وربطني بأخوكي !!...استناه سنة !! او عشر ما تفرق !!
وداد: آآآآآآآآه يا غازي فينك تسمع هذا الكلام !!
تمنيت اقولها انا هنا وسمعت كل شي...والله يا نوال اني احبك ...ومجنون فيكي ...
لكني فضلت إني اسكت ...الله يعلم اني احبها ورايدها...لكن وداد وهالة !!...مستحيل اتزوج من غير ما أطمن عليهم !!هذولا آمانة في رقبتي...
وبعدين جملة نوال الأخيرة طمنتني...آآآآه يا نوال ..الله وحده يعلم انك في قلبي من سنين...ولا عمري فكرت بزوجة تحمل اسمي...وأأمنها على قلبي غيرك...وعمري ما راح يكون لي زوجة غيرك....

هارون...............
للحظة أنكرت إن هذيك البراءة والجمال يكون صاحبته وحدة ساقطة!!...وبعدين عيونها...مازلت أحس بفس هذاك الإحساس الغريب كل ما شفتها!!...
إيش فيك يا هارون!!....جمالها ما راح يغير حقيقتها!!...إنها ساقطة !
ومن بنات الليل إلي ياما ارتمو تحت رجلك وتحت رجل الف غيرك ...
في اللحظة ذي اندق الباب :أدخل!!
كانت سراب...دخل وقالت بإبتسامة: ازعجتك!!
جلست على السرير وقتلها: عادي متعودين عليك !!
ضحكت: هههههههههههه على العموم ..انا ما كنت ابغى اقطع عليك حبل افكارك ...الله يهنيك ... لكن معاية أمانة ولازم توصلك !!
سألتها بإستغراب: أمانة إيش!!....ومن مين !!
مدت يدها بعلبة متوسطة ملفوفة بورق أسود وفيه قلوب لماعة وقالت وهي مبتسمة: من صباك!! ..
كنت اطل على العلبة وعلى سراب وانا مبلم !!...كومة النجاسة في إيش تفكر!!..
اخذت الهدية منها وحطيتها على جنب وسألتها: متى اعطتك هيا!!
جاوبتني: بعد ما طلعت إنت من عندها نادتني وقالتلي أوصلها لك ...
قتلها: اها طيب...
لسى واقفة مكانها...سألتها بإستغراب: في شي كمان!!
قالت بضحكة: ايوا !! ...مستنية الهدية تبعك!!
سألتها : أي هدية !!
رجعت لورى وقالت: إلي راح ترسلها لصبا ...مو شغلتوني عندكم مرسول الحب!! ...
قالت كذا واختفت من قدامي
قمت من مكاني و...ناديتها بصوت عالي: سراب!!
دخلت أمي في اللحظة ذي وقالت بإستغراب: وش فيك إنت واختك !
جاوبتها: عارفة سراب وطفاقتها !!
قالت أمي بأسف: الله يهديها !!...مابراسها شي البنت ذي!!
وكملت: المهم قفل الباب وتعال ابيك بكلمتين !!
قفلت الباب ورحت جلست بجنبها: هلا يما !!
قالتلي: زوجتك يما!!
سألتها: إيش فيها!!
جاوبتني: أبغاك تخاف الله فيها!!...زوجتك طيبة وبنت أصول وتستاهل كل خير
سألتها : ليه تقولي كذا يما!!
جاوبتني: اليوم حسيتك جاف معاها!!...حتى عمتها لاحظت!!.
قتلها بقهر: إنتي عارفة إني ما ابغاها!!...وإن ابوي غصبني عليها!!
قالت: خلاص صارت زوجتك !!
سألتها: غريبة يما!!
قالتلي: ليه مستغرب!!
جاوبتها: اليوم العصر كلامك ما كان كذا!!..وكنتي معترضة عليه إيش إلي حصل خلاكي تغيري كلامك!!
قالت بجزن: قبل ما تدخل ...زوجتك داخت!!...وكانت بتطيح علينا!!...قلبي تقطع عليها لما شفتها في هذيك الحالة....بنت زيها...وتنحرم من إنها ما تمارس حياتها بشكل طبيعي!!...وعرفت إن ربنا له حكمة لما خلاها من نصيبك.....انت تطيب تقدر تتفهم حالتها وترعاها !!...تراها آمانة بين يدك يا هارون !!...راعي الله فيها !!...
وتركتني وطلعت!!
يا الله !!...انا كنت معاها اليوم زي الوحش!!...حتى إني تعمدت أضغط عليها من جهة كليتها...يا الله!!...كيف تناسيت إنسانيتي في لحظة!!....
لكن هذه لسانها طويل!!...وماتخاف من أحد!!
تقوم تأذيها بالشكل ذا يا هارون!!...ما تخاف الله!!
استغفر الله العظيم ..أستغفر الله العظيم!!....خلاص راح أحاول أتجنب النقاش معاها !!...والله يصبرني على ما بتلاني!!
تذكرت الهدية!!...أخذتها وأنا متأكد إنها مو هدية لله في لله!!....
فتحتها وكان فيها شريط...يشبه الشريط الأولاني...ومكتوب عليه بنفس اللون .."هارون"
وكان فيه كمان كرت ومكتوب عليه....

" حبيت أذكرك بحقيقتك الواطية
....ولا تتصور إنك تفضلت عليا!!...
أنا أخذت حقي منك بالغصب..
الف مبروك يا....شوف الشريط وبتعرف!!

فتحت الشريط وسحبت الفلم وقطعته ...وقطعت الكرت...وانا أنعتها بكل الألفاظ السيئة إلي أعرفها!!
ليه يا صبا مصممة على إني أتصرف معاكي بعكس ما أنا عليه!!....
لازم تعرف إنها مو قدي!!.....ولازم تغير هذا الأسلوب معي!!...لازم...

وانتظروني

الفرار من أحضان المجهول....

الجزء الثالث.......

ليلة الحنا...........

صبا.......
دخلت عليا الغرفة ....اول ما شافتني
: واو.....اللهم صلي على النبي!!...إيش الحلاوة ذي كلها!!
ضحكت على أسلوبها: هههههههههههههه وداد لا تخليني أصدق عمري!!...
قربت مني ونثرت شعري حول أكتافي وكان واصل لنص ظهري
وقالت: لا والله صدقي.....شكلك روعة !!....طالعة كيوت مررة!!
أنا كنت لابسة فستان أحمر ماسك في بعضه بشرايط نحيفة من نفس قماش الفستان على الكتف وفتحة الصدر كبيرة على شكل بيضاوي لغاية تحت الصدر ...وفضفاض ... من تحت ..طوله لغاية تحت الركبة بشوية...ولابسة تحته كت أبيض مرسوم على صدره قلوب حمرا ودباديب بيضا لماعة....
وشعري كنت فاتحاه ورافعة نصه بفيونكا بيضاء ولأن جبيبني مرتفع فأنا مسوية قصى لغاية فوق حواجبي بشوية ...وحاطة مكياج خفيف ...
سألتها : البس الفلات الأبيض ولا الأحمر!!
قالت: امم لا البسي كعب عالي ابيض!!
ولاني حاسة بآلام خفيفة في ظهري قتلها : لا...بلبس الفلات الأبيض...
سألتني بقلق: ظهرك يوجعك!!
قتلها: لا!!
قالت بتشكيك!!: صبا!!.!!
اعطيتها ظهري ورحت أطلع الصندل(الله يكرمكم ) من الدولاب وقتلها
:لا يا بنت الحلال !!...بس أحس إن الفلات مناسب مع هذا اللبس !!
قالت: على راحتك !!
جلست على الكنبة وسألتها وأنا اربط شريطة الفلات على ساقي: وداد!!...توقعي راح اشوفه هناك!!
قالت: امم لو أحد غيرك إنتي وهارون ...كنت راح أقلك أكيد!!...لكن في حالتكم ...أكيد لا!!
قتلها بقرف: ياريت !!... حاسة لو شفته راح يجيني غثيان !!...
قالت بحزن: الله يهديك يا صبا ....!!
تحركت من مكاني بسرعة قبل لا تنزل فيا نصائح وقتلها: يوه تأخرنا عليهم!!...يلا بسرعة!!

وصلنا بيت عمي حسن....الكل كان هناك ...الكل فرحان وأنا أولهم فرحانة فرحة مالها وصف ...بعد ثلاث أيام زواج صالح!!...صالح حبيب قلبي... صاحب أصعب مزاج...لكنه صاحب أطيب قلب في الدنيا !!....يا الله كان عندي إحساس فضيع بالذنب إتجاهه !!...عارفة إني أنا السبب في تأخير زواجه ...كان رافض فكرة الزواج وأنا بهذيك الحالة!! ..
الحمد لله فترة وعدت ...لكن آلامها لسى محفورة في قلبي...ما راح أرتاح غير لما أحفر زيها في قلب إلي كان السبب...
كالعادة أول من أستقبلنا كانت سراب.....
المرة ذي كان ترحيبها ليا ترحيب خاص عن الكل .....كانت فرحانة فيا مرة....
جيت بدخل مع البقية لكن سراب مسكتني من كتفي وقالت بسرعة: فين فين !!
قلتلها بإستغراب : بدخل !!
سراب : لا يماما وريني أول ايش لابسة !!...لازم اطمن على شياكتك بنفسي !!
قتلها: لا والله !!...
سراب: أجل!!...يلا يلا وريني!!!
قتلها وأنا أخلع العبايا والشيلة : الله يعيني على شغل الحموات !!
سراب: ههههههههههههههههههههه
اول ما شافت لبسي صفرت بصوت عالي وقالت: إش إش إش!!... إيش الحركات ذي!!...حوطتك من عين الحسود بالله !!...إيش الحلاوة ذي كلها!!
قتلها: تسلمي عيونك الحلوة !!
قربت مني وغمزتني: شكلك ناوية اليوم على أخويا المسكين!!
وجهي انصبغ بألف لون لما جابت ذكره ....
طبعا هيا فهمت إنه خجل ...عشان كذا قالت: ههههههههههه يا قلبي على الخدود المولعة نار...قدامي لا تسيحي علينا من كثر الخجل!!...
ودخلنا وانا امشي بجنبها...
أستقبلوني بالزغاريد من كل مكان ....حسيت بإحراج مو طبيعي وأنا شايفة كل العيون مركزة عليا !!
جات عمتي أم هارون وحظنتني ...حسيت بدفء مو طبيبعي ...وانا في حظنها ....
قالت بفرحة وحنان: : ما شاء الله تبارك الرحمان ربي يحرصك يا بنتي ويحفظك!!...
المرة ذي خجلت من جد...وقتلها بصوت واطي: تسلمي ويخليك لنا يارب...
قالت : يابخت ولدي فيك والله!!
الله يهديك يا عمتي يعني لازم تجيبي سيرة عزرائيل....استغفر الله العظيم!!
وسلمت على الكل ....لغاية ما وصلت لغادة!!...
سلامها معي ...ابدا ما أقدر اوصفه بإنه سلام!!. حسيت إنها تتمنى تخلع إلي في رجلها ( الله يكرمكم ) وتفلعني فيه !!...هههههههههههه والله كاسرة خاطري!!...على العموم ... لوما الي بالي كان خليته لك تشبعي فيه!!.. لكن اصبري عليا بس اخلص من الي في بالي واقدمه لك على طبق من فضة وفوقه بوسة كمان!!....
بعد ما سلمت جلستني جدة هارون بجنبها...
وبعدين انفصلنا عن الحريم الكبار وصارت الجلسة كلها بنات..
بتول : إيش الحلاوة ذي!!...عيني عليكي باردة اللهم صل على النبي!!
قتلها : تسلمي!!..عيونك الحلوة !!
قالت سراب بسرعة: الله يستر لا يشوفها هارون!!...والله ليجي يتربع في وسطنا ويبخت فيها أو يحجزها عنده ...ولا يهمه أحد !!
الكل عدا أنا...وغادة طبعا : ههههههههههههههههه
قالت أمل: وانتي الصادقة !!...راح يلزم يقدم الزواج ويسويه معانا!!
الكل غيرنا إحنا الثنتين : هههههههههههههههه

بعد شوية جو المحنيات...طبعا كل البنات اتصربعو....كل وحدة تبغى هيا تتحنا قبل الثانية ...قبل ما تتعب المحنية..وتسويلهم أي كلام!!...
عدى أنا !!...استغفر الله العظيم..لا أطيق الحنا ولا أطيق ريحته !!...
شوية وجات عمتي إم هارون وقالت: صبا يما قومي تحني !!
قتلها بسرعة: لا يا عمتي!!...ما احب الحنا!!
قالت بإستغراب: أحد ما يحب الحنا!!
جاني صوت عمتي مريم: هي كذا!!...من صغرها!!...كل البنات يتحنو وهي ما ترضى!!...
التفت وقالت : هذاك زمان!!...لكن الحين شي ثاني!!
قالت سراب بسرعة : إيه الحين عندك عريس لازم تكشخيله وتزيني!!وبعدين هارون يموت في الحنا!!...نصيحة حطي حطي!!
عمتي : سراب!!...ترى بقص لسانك !!وبسويه قمع للحنا !!
سراب بفزع : وي!!...بسم الله على لساني!!...خلاص إنتي حرة !! تحنيتي ولا عساكي لا تحنيتي!!
الكل: ههههههههههههههههههههههه..
بغض النظر عن سيرة هارون إلي كانت تنط وسط الكلام من فترة للثانية وتقزني إلا ان الوقت مر بين ضحك وسوالف و كنا مستانسين مرة ...
تقريبا الكل صار متحني ...وما بقي غير عمتي أم هارون لانها صممت تتحنى أخر وحدة والبنات الصغار والمحنيات جالسين يحنوهم
بعد شوية جا صوت خلا كل شعرة في جسمي توقف: يما!!
جاوبت عمتي أم هارون: هلا يما!!
هارون:لا هنتي !! خلي وحدة من البنات تجي!!
التفت عمتي للبنات ..الثنتين الحنة على أياديهم ورجلينهم ( الله يكرمكم)....
طلت عليا ...وبعدين رجعت سألت ولدها: يما معاك أحد!!
جاوبها: لا يما لوحدي!! ...بسرعة !!
جاوبته : طيب الحين جاينك!!
والتفت عليا : صبا !!...حبيبتي روحي شوفي زوجك إيش يبغا !!
طليت عليها بفزع!!..كأن أحد صفقني كف!!....إيش إلي أروح أشوفه إيش يبغى؟!...أموت ولا أطلع له!!...
كنت جالسة بجنب وداد لصقت في مكاني أكثر وحشرت نفسي بجنبها أكثر !!..
قالتلي وداد بصوت واطي: قومي !!...الكل يطل عليكي !!
هزيت راسي بسرعة ...يعني لا !!
الكل: ههههههههههههههههههه
لهم حق مو عارفين بالي في قلبي !!
رجعت عمتي ام هارون تقلي: قومي يما !!...قومي!!..مافيها شي !!..هذا زوجك !!
رجع صوت الزفت مرة ثانية: يما !!..وبعدين !!
قالت جدة هارون: قومي يما!!...شوفي رجلك!!
وداد بصوت واطي : لا تفضحينا !!...قومي !!
طليت عليها بزعل وانا حاسة نفسي راح احترق من كثر القهر !!...هذه جالسة تستعبط؟ ..كيف اطلعله وانا كذا !!..حتى يوم الملكة ما شافني غير وانا في فستان نص كم !!...الحين اطلعله وانا مملطة كذا !!... مستحيل !!...إنتي الغبية يا صبا!!...كن عملتيحساب موقف زيكذا!!...وأنا إيش دراني!! وبعدين بغض النظر !!...ما ابغى أشوف وجهه أبدا...يعني أنا من سيرته يجيني غثيان...كيف لو شفته الحين!!
جانا صوتة المرة ذي بعصبية: وبعدين!!
قالتلي ام هارون بعتب : الله يهديكي يما روحي شوفيه!!...انتي شايفة حالتي!!...ولا كنت قمت له أنا!!
رفعت نظري في عمتي مريم شفتها تهز راسها يعني روحي...
قدام إصرارهم قمت وأنا خلاص الدم راح يطلع من كل مكان فيا!!...الله يشيلك يا هارون يعني لازم تظهر و تنكد عليا!!.. الله يغمك يا شيخ!!
صنمت في مكاني لما سمعت سراب تقول: قسم بالله لو راحت كذا ما بيرجعها لنا!!
الكل ضحك: ههههههههههههههه
سمعت عمتي ام هارون تقول لها بغضب: إستحي على وجهك!!..هين يا سراب... شغلك عندي!!...
ورجعت قالت بحنية: روحي لزوجك يما ..ماعليك منها!!
رحت له وأنا أدعي عليه بكل المصايب إلي في الدنيا والآخرة!!...
.........................

هارون ..................
وبعدين معاهم هذولا!!...هذا كله عشان وحدة فيهم تجي!!...مسخوها والله!!
كنت معطي ظهري لباب المطبخ الداخلي ...واكلم أبوي في الجوال : الحين الحين يبا!!
..........................
: من الصبح جالس ازهم ...ولا وحدة فيهم جات !!
.....................
طيب الح.....
في اللحظة ذي جاني صوت ماتوقعته ابدا : نعم !!
أنكرت هذا الصوت....هذه إيش جابها الحين !!
والتفت عشان أتأكد!! سبحان الله!!...هذه إنس ولا ملاك!!.. كانت منزلة عينها على الارض
نسيت صوت ابوي الي كان ينادي!!... نسيت حتى نفسي!!....مدري إيش إلي أسرني أكثر ...لون الفستان!!...ولا لون خدودها !!..ولا منظرها البريء!!...لحظة نسيت أو تناسيت أي شي عرفته عنها!!...
قلت بعبط: ها!!
.......................
انتبهت على صوت أبوي إلي يصارخ في السماعة!! ...
وبحركة لا إرادية قربت منها ومسكت يدها لكنها سحبتها بعنف !!
طليت عليها وقلت لأبوي : خلاص جو ...طيب...
وقفلت من أبوي...
ماقدرت اشيل نظري من عليها جلست أتأملها من فوق لتحت ....كل شي فيها مولع زي النار ...فستانها خدودها!!...إلا عيونها!!...نظراتها باردة زي التلج!!...
رجعت قالتلي برود: عمتي تقلك إيش تبغى!!
نسيت إيش أبغى !!...قلت : أأ.....إيه!!
وحطيت يديني على جيوبي ...وأنا لسى ما تذكرت أنا ليش ناديت عليهم!!.
ليش هذا الإرتباك يا هارون!!...ليه اختبص حالك!!...
وكيف ما يختبص...وانا اشوف كل النعومة والبرآءة ذي!!....أي برآءة!!...إنت جالس تضحك على نفسك!!...هذه صبا!!...فوق!!!
قتلها عشان أحاول أغطي إرتباكي: ليه ما جات أمي أو حدة من البنات!!
قالت بنفس البرود: جالسين يتحنو!!
قتلها بإستغراب: وانتي!!...ليه ما تحنيتي !!
ولا كأنها سمعت سؤالي!!..
سألتني بنفس النبرة: عمتي تقلك إيش تبغى!!
أسلوبها عصبني!!...هذه الحقيرة تطنشني أنا!!...مو أنت تستاهل!!...أكيد لاحظت إنك أنبهرت فيها!!...قالت خليني أكمل عليه!!...
تخسى !!...ما باقي إلا هي!!...
قلت بعصبية: وحظرتك جالسة تسمعيني أصرخ عليهم من أول وشايفاهم بالحنة ليه ما جيتي!!
حسيت البرود إلي في عيونها داخله توتر خفيف ...قالت: ما جيت غير لما قالتلي عمتي أجي أشوف إيش تبغي!!
قتلها : أصلا لو عندك شوية إحساس كنتي حسيتي على دمك وجيتي من غير محد يطلب منك!!
قالت بتحقير: وإلي يسلمك!!...إنت آخر واحد تتكلم عن الإحساس!!
قربت منها ...لكن هي بعدت عني بسرعة ...
قتلها بعصبية: إيش قلتي!!
بعدت أكثر وقالت بتهديد : إذا ماقتلي إيش تبغى بطلع الحين!!
طلعت ظرف من جيبي بعصبية ومديته لها وأنا شوية وأضاربها وقتلها بتحذير: الظرف هذا توصليه لأمي!!...وتخليها تحطه في درج مكتب أبويا..وتقفله بالمفتاح( وأشرت على واحد من المفاتيح) وتقفل المكتب(وأشرت على مفتاح ثاني)...ورجعيلي المفاتيح!...
ومديت لها الظرف وميدالية المفاتيح....
قربت مني بحذر...ومدت يدها وأخذت الظرف والمفاتيح بسرعة..وطلعت من المطبخ بنفس السرعة....
جلست أتأملها وهي تجري لبرى المطبخ!!...ليه أنبهرت فيها!!...ياما شفت بنات أحسن منها!!...وأكبر مثال غادة!!...تقريبا نفس مستوى الجمال!!...عمرها في حياتها ما حركت فيك شعرة!!...لكن ذي غير!!...عيونها!!...فيها شي غريب !! وبعدين هالبرآءة إلي فيها ما عمري شفتها على أحد!!...
رجع يقلي برآءة!!...إيش!!!!... بتنسى كل شي سببته لك من يوم ظهرت في حياتك!!...
راح تنسى الإهانة إلي حصلتها من أبوك والكف إلي جاك منه من تحت راسها!!..إصحى لنفسك يا هارون!!...هذه البرآءة إلي انت منبهر فيها مجرد قشرة تخفي حقيقتها!!..تماما زي الحية !!...ملمسها ناعم لكن سمها قاتل!!
بعد شوية رجعت... وحطت المفاتيح على الطاولة ...
قبل ما تطلع سألتها: إنتي إلي وديتيهم!!
جاني صوتها البارد: ايوا...
قتلها بتأكيد: زي ما طلبت منك !!
قالت بتريقة: تعال شوف!!..
سألتها وأنا أقلد نبرة صوتها: كيف يعني أشوف!!...والحريم إلي مليانين البيت !!
وقفت عند باب المطبخ و وقالت بإحتقار: ما أظن ان هذه مشكلة بالنسبة لك لان إلي زي أجناسك ما عندهم حشيمة لأحد !!
تحركت من مكاني بسرعة لكنها أختفت من قدامي!!...
هذه تجاوزت كل الحدود المسموحة!!...لازم اعرفها الحين مقامها!!..واعلمها أنا أقدر أسوي إيش!!
والله ما اعديها لك يازفت!!...هين يا صبا!!
بعد شوية ناديت بصوت عالي: يما!!...سولي قهوة!!
ردت أمي: القهوة عند الرجال...
قلت: طيب سولي شاهي!!
جاوبت: والشاهي عند الرجال ...!!
قلت بإصرار: جيبولي موية!!
صاحت بملل : هارون!!...إيش فيك!!...الموية عندك في المطبخ!!
قلت بسرعة: جيبولي صبا!!
سمعت كل إلي في الصالة ضحكو: هههههههههههههههههه
والله حالة !!...الحين بالهم شطح في مكان ثاني...
قالت أمي بضحكة: هههههههه قول كذا من الصبح!!...
بعد شوية جات وقفت عند باب المطبخ تماما.....
قربت منها وانا الشر راح يتطاير من عيوني.....
وهيا لسى على عيونها نفس النظرات الباردة...!!
قالت بتحذير وبصوت واطي: قسما بالله لو سويت شي لأصرخ ...وأخلي حتى الرجال إلي برى يجو!!
من دونأي مقدمات سحبتها من يدها لجهتي بقوة ...
وقتلها بتهديد:الحين إصرخي لو في أهلك خير!!
أكثر شي معصبني إني مهما سويت لها النظرات الباردة إلي في عيونها أبدا ما تغير!!
ركزت عيونها في عيوني وقالت بتحدي: وانت لو فيك خير!!...سولي شي وشوف !!
قربتها مني حيل وحطيت يدي حول خصرها بشويش(وحرصت على الشي ذا...مهما كان هذه إنسانة مريضة!!) ومسكت وجهها بيدي الثانية وضميت خدودها بقوة وقتلها برود وتحقير: لغاية الحين إنتي ما قتيلي!!...أنا كم مرة نمت معاك!!
هذا هو إلي أبغاه...أختفت النظرة الباردة من عيونها وتحولت نظراتها لنيران وقالت: ياحقير!!
الحيوانة خبشت يدي إلي كانت ماسكة وجهها وركلتني في ساقي بالقوة !!
من آلام الخبش والركلة...دفيتها لقدام بقوة...من دون قصد!!..وقلت بتألم: يا كلبة!!...
سمعت صوت إصتدام جسمها بالجدار ..وطلعت منها آآآآآه...حسيتها زي النار إلي طلعت من صدرها ودخلت صدري!!
رحت لعندها بسرعة وناديتها بخوف: صبا صبا!!
ما جاني منها رد ...بس التفت ليا بعيون نص مفتوحة...كانت تطل عليا كأنها مو شايفاني!!....وجات بتطيح على الأرض!!
مسكتها من أكتافها بسرعة عشان ماتطيح...وانا اقلها بخوف وخجل من إلي سويته: ما كان قصدي أأذيكي يا صبا!!...والله ما قصدت!!
رفعت راسها ليا ...ونظراتها كانت زايغة وقالت بصوت واطي مرة: اتركني ياحقير!!...وداد !!..
الحمدة لله مو إغماء مجرد دوخة !!...
شلتها على يديني وديتها على الغرفة إلي بجنب المطبخ..
وسدحتها على الكنبة....و جلست على ركبي عند راسها....
ناديتها : صبا!!...تسمعيني!!...صبا!!
رفعت عيونها فيا بطء وكانت لسى زايغة!!
نطيت على المطبخ وفي لمح البصر رجعت وأنا ماسك كاسة موية..
رجعت جلست على ركبي عند راسها وأخذت شوية من المويا ومسحت فيه وجهها ..
وأنا أناديها: صبا!!...ردي عليا!!
جاني صوتها بطء: وداد!!..
قربت منها أكثر ورفعت راسها بيدي ...عشان تشرب موية..
شربت شوية ورجعت رمت راسها على الكنبة...ولفت راسها بعيد عني
وقالت : باعد عني!!...ما ابغى اشوف وجهك!!
طنشتها....ومست بيدي على وجهها وجبينها ..سحبت يدي من عليها ودفتهم بضعف...
وقالت بإشمئزاز:شيل يدك النجسة عني!!
الله يعلم إني في اللحظة ذي تمنيت اشيلها بيد وحدة وادجها في الجدار دج!!...أو ادفنها في أرضها!!..
لكن بدل كذا بعدت يدي عنها وسألتها : كيف حاسة الحين !!
قامت من على الكنبة بتعب وقالت : زفت !!...دامني شايفة وجهك !!
داخت مرة ثانية وطاحت على الكنبة ...مسكتها من أكتافها ورجعت سدحتها على الكنبة ...
نفضت نفسها من بين يدي وقالت بصوت عالي مضطرب: ماتفهم!!...غبي!!..لا تلمسني!!
لا حول ولا قوة إلا بالله!!...انا أحاول اقصر الشر وذي تقول يا شر أشتدت !!..خلني أطلع من عندها أحسن لها ولي!!....
أعطيتها ظهري وقتلها:بكلمهم يجو يطمنو عليكي...وانا طالع الحين..
وقفت برى عند الباب وانا مديها ظهري...أحسن ترتاح من وجهي وأرتاح من خلقتها!!....لكن ما قدرت أطلع من الغرفة كلها وأسيبها لوحدها وهي في ذي الحالة!!
دقيت على أمي..
:الو يما...صبا داخت عليا وجبتها الغرفة إلي جنب المطبخ!!
........................
قلت: الله يهديكي يما!!...لا تصرعي الناس!!
.......................
: إيه دوخة بس!!.....والحين هيا أحسن!!
.......................
: طيب...
وقفلت من أمي..وقفت في مكاني مستنيهم لما يجو!!...
تمنيت ألتفت لها عشان أطمن عليها وأشوف إيش حالتها!!...
لكن خفت لا ترميني بكلمة من كلامها...وأقلب عليها!!...لا خليني كذا أحسن!!
ثواني وشفت الحريم جاين...اعطيتهم مجال عشان يدخلو...وانا طلعت من الفيلا.....
مو متضايق من شي قد ماني متضايق من نفسي!!...هذا ثاني لقا ليا مع البنت ذي ...وفي المرتين ...ما رحمتها!!...وبعدين يا هارون!!...إيش راح تسوي فيها لما ينقفل عليكم باب واحد!!...بتذبحها!!...أعوذ بالله!!...إيش إلي أذبحها!!...يا الله!!...ليت هذا الزواج مايتم!!...يارب عطله واصرفنا عن بعض!!...ما أبغى آذي بنت الناس!!...
النبهت على الدم إلي في يدي من خبشتها....يعني أنا ما أثور عليها من شوية!!... هيا لو تضف لسانها وتقصر الشر ...راح تمر الفترة الجاية على خير...وبعدين أطلقها وأفتك...منها ومن إحساسي بالذنب إتجاهها..
………………

وداد.................
تجننت...لما صرخت أم هارون في التلفون!!...".صبا إيش حصلها!!"...
لا يكون سوا فيها شي!!...قمت من مكاني زي المسروعة!!...نسيت الحنا إلي كان في يدي !!...ماهمني شي واحد عير صحة صبا !!
قلت بفزع: صبا إيش حصل لها؟!
جاوبتني أمه: يقول داخت!!
قتلها بإنكار وخوف: أكيد دوخة!!
جاوبتني: أيه دوخة بس!!
قلت : أبغى أشوفها!!
قفلت أم هارون من ولدها وقالتلي : صلي على النبي يما!!...زوجها عندها...وهو كمان دكتور!!....أكيد راح يعرف كيف يتصرف معاها!!والحين بنروح لها!!
في قلبي....ما خوفي غير من زوجها!!...النذل الحقير!!...ما يكفيه إيش سوا فيها زمان...عشان يجي يكمل عليها الحين!!

دخلنا عليها الغرفة وكانت نايمة على الكنبة...
جريت عليها وأرتميت عند راسها وسألتها : صبا!!...إيش فيكي بإيش تحسي!!
جاوبتني بصوت واطي: دوخة !!....وراحت!!
لكني شفت في عيونها كلام كثير تبغى تقوله ليا!!...
بعد شوية أرتاحة صبا...ورجعنا زي ما كنا أول...المرة ذي لا جا هارون ولا شي!!...وكملت الليلة على خير...لكن التشفي إلي في عيون غادة ضايقني مرة!!....هذه ما تخاف الله!!...تشفى في مرض!!....ما تخاف ربنا يصلت عليها إلي أشد منه!!...

في الغرفة مع صبا ...
قتلها بفزع: خبشتيه!!!!
قالت بحقد وتشفي:وركلته في ساقه!!
صرخت فيها: تجننتي!!...ليه كل ذا!!
قالت بقهر: الحقير!!..يقلي"لغاية الحين ما قلتيلي كم مرة نمت معاكي!!" قتلها بعتب:يقول إلي يبغاه!!...إنتي عارفة خسته ونذالته!!..
قالت : ما تتخيل بإيش حسيت لما قلي كذا!!نيران تلهب في قلبي!!...ياريتني تفيت عليه!!
جاوبتها: صبا!!....ما ينفع أبدا إنك تمدي يدك عليه!!...لا وتبغي تتفي عليه كمان!!
قالتلي برود: عادي وجهه أخذ على الشي ذا مني!!
سألتها بإنكار : إيش قصدك!!..متى!!
قالت : يوم الملكة!!
صرخت في وجهها: صبا!!!!...راح يتقفل عليكم باب واحد!!...عارفة إيش يعني!!...لا تزيدي فيها معاه!!...تراك منتي قده!!
وقفت وقالت: إيش يعني بيموتني!!...أحسن أنا ارتاح وهوا يروح في ستين داهية...وأكون أنتقمت منه من جد ساعتها!!
جات بتطلع من الغرفة ...سألتها: فين!!
قالت بمكر: بروح أطلب من مؤيد إنه يعلمني على التحميض!!
سألتها : ليه !!...
قالت: يعني لازم الواحد لما يتعلم شي جديد ...يكون فيه سبب!!
قتلها : صبا !!...إيش بالك!!
ضحكت وقالت: زواجي قرب حيل!!....وماينفع تعدي ليلة الزواج من غير ما اهديه هدية !!
سألتها بإستغراب: وإيش دخل التحميض في النص!!....وبعدين إيش الهدية إلي تبغي تهديها له !!...صبا إيش المصيبة إلي ناوية تسويها!!...وجهك يقول إنك ناوية على مصيبة قد راسك لهارون!!...قولي إيش عندك!!
ضحكت: ههههههههههههه هدية من نوع خاص!!...
وتركتني وطلعت من الغرفة..
كيف أتفاهم معاها!!...يارب أنا خايفة عليها من نفسها !!...يارب إصرف عنها شره وعنه شرها!!...وتمم لهم هذا الزواج إذا كان فيه لهم خير
وألف مابين قلوبهم يارب..إذا انكتب لهم النصيب ...
..........................

سراب و هالة...........
سراب: بنت عمك ذي بتذبحني!!
هالة: تصدقي حتى أنا عصبت!!...اقلها صبا!!..يعني ما تغاري!!...
ردت عليا برود.."من إيش أغار!!...بنت عمه وشي طبيعي إنه يوصلها "..شايفة كيف تقهر!!
سراب بعصبية: صبا ما تعرف غادة!!...والله إذا ماحذرت منها والله تلف عليه وهي إلي بتندم!!
هالة: بس تصدقي عندها حق!!...يعني إيش تقول لهارون "إرمي بنت عمك في الشارع ولا توديها"!!
سراب: لا طبعا!!...ما اقصد كذا!!...بس على الأقل تجي معانا!!...بكذا غادة راح تستحي على دمها ...وماتسوي حركات نص الكم إلي تسويها مع هارون دايم!!
هالة: يلا إنتي موجودة ...راح تسدي وانتي قدها وقدود!!
سراب بحماس: هذا إلي راح يصير أصلا !!...تدري!!...انا حبيت صبا كثير!!...وأهم من ذا كله أحترمها ...تعرفي!!
هالة: إيش!!
سراب: ثريا وصبا ..من الناس إلي المفروض الواحد يفتخر فيهم !!...يعني ثريا...على الرغم من إعاقتها لكن الشي هذا ابدا ما منعها إنها تكمل دراستها !!...والحين ما شاء الله شوفيها زوجة وأم ...ومرتاحة في حياتها !!...وصبا نفس الشي!!...على الرغم من إنها جلست زي ما قتيلي 4 سنوات معاقة ...على كرسي متحرك...لكنهت بالرغم من ذا كملت دراستها وتخطت إعاقتها !!..وما شاء الله تبارك الله...روسوماتها خيال...انا لمى دخلت جناح صالح اللهم صلي على النبي...جاتني حالة صدمة فنية!!...الغرفة خيال عالم ثاني!!...صراحة ما صدقت إن صبا عاملاها!!
هالة: الله يعطيها العافية ...بس مسكينة تعبت فيها مرة !!...3 سنوات وهي تشتغل فيها!!
سراب: أف ليه!!
هالة بحزن: عشان الفشل الكلوي إلي عندها صبا ما تقدر تبذل مجهود جسماني!!...فعشان كذا كانت كل يوم تشتغل فيها حاجة بسيطة!!...
سراب بحزن: الله يشفيها ويعافيها يارب ...والله إنها تستاهل كل خير !!
هالة: آآآآمين يارب ....والله ما تتصوري الآلام إلي تحسها !!...ولا احد يقدر يتصور...انا قلبي يتقطع عليها ...ما اقدر اشوفها وهي في ذي الحالة!!
سراب بتأثر: طيب وزراعة الكلى!!
هالة: مافي متبرع!!...كل أخواني سو الفحوصات لكن للأسف الأنسجة مو متطابقة !!....وعمي الله يشفيه عنده السكر!!...ومارضيت لا عليا ولا على وداد إننا نسوي الفحوصات!!...ولحد الآن ماحصلو متبرع
سراب بحزن: ياحبيبتي!! ....الله يشفيها يارب!!....والله إني أدعيلها من كل قلبي!!
هالة: الله يجزيك خير !!
سراب: هي كيف جاتها الإعاقة!!
هالةبحزن : كانت مع أخوها من أمها الله يرحه وسو حادث سيارة!!....هو مات ..وهي دخلت في غيبوبة ..لأكثر من شهر!!..
( طبعا العم منصور بعد الشهامة إلي سواها ناصر مع صبا ...فضل إني حقيقة الحادث تفضل سر بين الأسرة ...ومافي داعي إن الناس تعرف حقيقة موت ناصر...البشعة!!...لان إلي سواه لصبا وكيف دافع عنها !!...من وجهة نظر العم منصور كافي لانه يتغاضى عن كل ذنب ارتكبه ناصر وما ينظر له غير منظر البطل!!...الله يعينك يا صبا على هذا العذاب المعنوي!!)
سراب وشوية وبتبكي: الله يرحمه !!...اول مرة اعرف إن صبا عندها أخ ميت!!
هالة: سراب !!..وش فيكي راح تبكي!!..الله يرحمه
سراب: حزنتيني ...ما احب سيرة الموت!!...ابكي كل ما جات سيرته!!
هالة: تصدقي اول ما شفتك كان فكرتي عنك إنك وحدة مطفوقة ومطيورة!!...ما همك إلا إنك تضحكي وتمزحي!!....
سراب: ايه أنا أحب أضحك كثير...وفي نفس الوقت أبكي كثير !!
هالة: ههههههههههههههه مخبولة!!
سراب: وحصلتلي إلي تنافسني في الخبال!!
هالة: وجع في شكلك!!
سراب: والقايل!!
هالة: ههههههه شكلنا بنقلبها آخر المكالمة !!...يلا بكرة نكمل في الزواج!!
سراب: لا يا مطفوقة!!...بكرة خلينا بنات ناعمين...وبرستيج...ومن هذا الشلخ!!...عشان نخطب ونتزوج بسرعة!!
هالة: هههههههههههههههه الله يسمع منك !
سراب: آآآآآآآآآآآآمين ..
هالة: يلا سلام اشوفك بكرة
سراب: إن شاء الله ...سلام
.............................. ...............

سراب...............
:اف !!...الله يالبلشة !!.....
سألتني أمل: إيش فيكي!!
طليت على غادة وقلت بطفش: ولا شي!!...بس الجو كئيب شوية!!
أمل بغضب: يخرب بيتك!!..هذه كلمة تقوليها في يوم زواجي!!...لا وفي وجهي كمان!!...حسبي الله عليك من بنت!!...انا ناقصة!!
رحت بسرعة وجلست بجنبها وقتلها بخجل وأسف: والله مو قصدي!!...التعبير خاني!!...أمولة حبيبتي لا تزعلي مني!!....انتي عارفاني!!
قالت: حمارة!!
ضحكت : هههههههههههههه تموني يا أحلى عروس...بس لا تعيديها!!
غادة: مو كأن هارون تأخر!!!...
قتلها بنفس طريقتها: مين قال إن هارون بيجنا!!
كأني صبيت عليها موية باردة: أجل مين!!
جاوبتها: رحيم!!
قالت بإستنكار: وهارون!!
قتلها بطريقة رومانسية عشان أقهرها حيل: آآه ..هارون قلبه ما طاوعه يترك عروسة!!...أكيد يبغى عيونه تكون أول عين تستمتع بجمال صباه ..
وغمزت لأمل...إلي ضحكت على ملامح غادة إلي ضربت على 50 الف لون هههههههههههههه أحسن !!...لازم تقطع الأمل بهارون!!..
قامت غادة من مكانها زي المسروعة...وطلعت من الغرفة
ضحكت : هههههههههههه تراهنيني إنها طلعت تكلم هارون!!
سألتني أمل بصوت واطي: قوليلي إيش سويتي يا ام التكاتيك!!
قتلها :بعد العسل إن شاء الله اقلك!!
قالت بزعل: وجع !!...بعد لعسل في عينك !!...ما تبغيني أتهنى!!
ضحكت: ههههههههههههههه أختي خربت...الله يسعدك يارب ...وعشان تتهني راح اقلك!!
قالت : قولي!!
جاوبتها: دقيت على رحيم وقتله هارون مشغول...والله يخليك تعال ...ومن ذا الكذب إلي يعجبك !!....طبعا هو في النهاية طفش من حنتي وافق ..
أمل: ههههههههههههههه تقوليلي عنك!!...طيب ؟!
كملت: ودقيت على هارون وقتله: رحيم بيجينا ..لا تتعب نفسك!!
سألتني بإستغراب: يعني ما راح لصبا!!
جاوبتها: هههههههههههههههه لا ...هذه صقعتها من راسي !!
أمل: هههههههههههههه الله يعين إلي تحطيه في بالك !!
قتلها: انتي عارفة إن ما بيني وبين غادة شي !!...لكن لازم كل واحد يوقف عند حده!!...وهارون إنسان متزوج الحين !!...وما ابغاه ينضر أو ينخرب بيته والسبب غادة!!...كفاية اول مرة !! ...وشفتي إيش حصله!!
أمل: أي والله !!..الله لا يعيدها أيام
قلت بصدق: آآآآآمين يارب ...
بعد شوية غادة دخلت ..هههههههههههههه وجها لو كسرتي عليه بيضة تستوي من كثر ماهو أحمر ومولع من كثر القهر ...
........................

في صالة الفرح .........

صبا.....................
على الرغم من إني طايرة من الفرح إلا إن آلام ظهري منغصة عليا فرحتي...تحاملت على نفسي قد ما أقدر...عشان ماحد يلاحظ شي!!...إلا وداد...كانت طول الوقت تطل عليا بخوف...
في النهاية جات وقربت مني ...
مالت عليا وسألتني بخوف: صبا !!...إيش فيكي شكلك مو مطمني!!
قتلها بألم: ظهري يألمي !!..
مسكتني من يدي وقومتني وقالت: طبيعي يألمك ..اليوم بذلتي مجهود !!...وبعدين جلست الكرسي ذي زادتك!!..
قتلها: أي مجهود إلي بذلته !!...وبعدين مودياني على فين!!
جاوبتني: بطلعك فوق ترتاحي!!
سحبت يدي منها وقتلها إنكار: زواج أخويا !!...وتبغيني أنعزل فوق!!..لا ماني رايحة!!...
وداد بصوت واطي: صبا!!...لسى بدري على الزفة!!...انتي إطلعي فوق ارتاحي وعلى موعد الزفة انزلي!!...مابطير الدنيا!!
قتلها بإستسلام ...لاني من جد أحتاج لراحة: طيب انا بروح لوحدي ...إنتي ارجعي!!
قالت : لا بوديكي !!
قتلها : وداد انا بروح!!...مافي داعي!!
قالت: إيش أقول!!...طيب روحي
طلعت غرفة أمل وكانت جالسة هيا وبتول وهالة ....
طبعا كلهم لاحظو التعب عليا!!...
سألتني هالة بخوف: صبا شكلك تعبانة !!
رميت نفسي على كنبة طويلة في الغرفة وقتلها وأنا أحاول أخفي آلامي: شوية إرهاق...يبغالي بس أرتاح!!
قامت أمل من مكانها وقربت مني ومالت عليا وقالت بجدية: صبا أعدلي نفسك بكشف عليك!!
غصب عني أبتسمت من كلمتها وقتلها: الله يعين أخويا عليكي!!...إذا كل شوية راح تسويله فيها دكتورة !!...
قالت بجد: صبا لا تكابري!!...شكلك تعبان !!
قتلها : يا بنت الحال!!...والله شوية إرهاق والحين يروح!!...لا تشغلي نفسك فيا !!....
قالت: طيب إرتاحي إنتي هنا!!...وانا والبنات بنروح الغرفة الثانية !!
قمت من على الكنبة وقتلها بإحراج: وي!!...والله ما تطلعي من الغرفة عشاني!!....خلاص انا صرت كويسة!!
قربت مني ورجعتني على الكنبة وقالت: أنا كنت الحين بروح الغرفة الثانية عشان راح نتصور هناك !!...ارتاحي هنا الله يخليكي!!
وتركوني وطلعو....
اعتدلت ونمت على بطني...لاني حاسة إن ظهري راح ينكسر من كثر الآم
مرت حوالي 10 دقايق وانا نايمة على بطني...لكن قلبي ما طاوعني إني في فرح أخويا وما أفرح!!...ولا أشارك أهلي فرحتهم!!
تحاملت على نفسي وقمت ...فجأة حسيت الدنيا جالسة تلف فيا!!...رجعت جلست على الكنبة مرة ثانية !!...
...........................

هارون..................
جاني إتصال من أمل: الو هارون!!
جاوبتها: هلا حبيبتي ...إيش ناقص عليكم شي!!
قالتلي بقلق: لا...زوجتك شكلها تعبانة!!...روح شوفها وإلي يسلمك!!
سألتها : فين أشوفها الله يهديك!!
قالت: اطلع فوق عندي في الغرفة !!
جاوبتها: اها طيب ...يلا جاي!!
قالت: بسرعة وإلي يسلمك!!
جاوبتها: طيب يا بنت الحلال!! ...
وقفلت منها ورحت اشوف العلة إلي كرهتني في عيشتي!!....

رحت للغرفة إلي كانت أمل جالسة فيها وشفتها!! كانت ساندة ظهرها على الكنبة وحاطة يدها على راسها ...
ماقدرت اسوي ولا حركة !!...وقفت في مكاني أتأملها....آخر مرة شفتها فيها كانت في قمة البرآءة ...واليوم!!...في قمة الأنوثة...جمال طاغي.....
شدني اللون الأخضر على بياضها الشاحب...
ابتسمت وانا مركز نظري على فستانها الأخضر ... لاني متأكد إنها لو عرفت إن الأخضر هوا لوني المفضل ما كانت لبست هذا الفستان!!...ولا أي شي أخضر أبدا...
دخلت وقفلت الباب ورايا بهدوء وقفت مقابل لها...عيوني مارضيت تنزل من على صفحة وجهها الصافي المسالم...على الرغم من التشنجات إلي تختلج وجهها بين لحظة والثانية من الألم....
سبحانك يارب!!...لك في خلقك شؤون!!...أي أحد يشوف هذه الملامح البريئة ..يظن إنها ملاك طاهر!!...من يخطر باله إن إنسانة بذي القسمات الطفولية لها ماضي من الدناسة والفجور!!...
لكن أنا خلاص تجاوزت مرحلة الإنبهار بهذه القشرة!!...خلاص وصلت للسم.وصلت لحقيقتها..
على هذه الأفكار تقلصت ملامح وجهي...وانسدت نفسي من إني أطل فيها!!...أو حتى أطمن على حالتها!!..
وتحركت من مكاني عشان أطلع من الغرفة ...
في اللحظة ذي جاني صوتها بإستغراب حاد: إيش ذا!!...إيش تبغى!!
التفت لها ..كانت واقفة وتطل عليا بنظرات حارة ...قتلها برود:إيش فيك زي إلي شاف شيطان قدامه!!
ربعت ذراعينها فوق بعض وقالت بإحتقار: رحم الله أمرٍ عرف قدر نفسه!!...مع إني ما اظن إن الرحمة تجوز على اشكالك!!
قربت منها .....وهي تراجعت بسرعة لورا ...لغاية ما طاحت على الكنبة...
وقالت بتهديد: إياك تقرب مني!!...فاهم!!
سحبتها لجهتي بقوة ولفيت ذراعها ورى ظهرها في حركة سريعة ...على رغم من الآه الحارة إلي طلعت منها إلا إني ماتركتها..بالعكس زدت في ضغطي على يدها ...
قتلها وانا مثبت نظري على ملامحها المتألمة :تبغيني الحق يدك برجلك وأسببلك في عاهة مستديمة !!....ما يكفيكي هالتشوه إلي انت فيه!!
آآآخر شي توقعته إني أعاير إنسان بمرضة أو بخلقته!!...إيش الحالة إلي وصلتني لها ذي البنت!!
قالت بألم: سيب يدي يا حق.....آآآآآه
لفيت يدها لورا أكثر ....وضغطت عليها....
وقتلها بتهديد: خافي على نفسك مني...فاهمة!!...وما راح امسك نفسي عنك في كل مرة !!..اشتري عمرك وامشي معي بالحسنى !!
ودفيتها بعنف على الكنبة وطلعت من الغرفة و انا حالف إني ما عاد أشوفها غير يوم الزواج...إلي ليته ما يتم إن شاء الله ....
ليه في كل مرة أفقد أعصابي وامد يدي عليها!!...كل مرة أقول إني راح اتمالك أعصابي لكني أطلع من طوري !!....هيا إلي تستفزني!!...ما اقدر أتحكم في غضبي!!...الزفتة ذي مصممة تطلعني قدام نفسي مجرم وما عندي رحمة!!....ساعدني يا رب!!....واصرف شرها وبلاها عني!!...

رجعت عند الرجال وانا كاره نفسي!!...
اصلا كاره المكان كله ...ما دام هيا فيه!!...إيش أسوي!!...اهج..اترك زواج أختي واهج!!
انتبهت على صوت رحيم: إيش فيك!!...حالك مقلوب ...ونفسك عالي!!
قتله بقهر وبصوت: البنت ذي ما راح ترتاح غير لما اذبحها!!...
رحيم برعب: تذبحها!!...ليه الدنيا سايبة!!....
قتله : تستفزني يا رحيم!!....تسمعني كلام عمر ما أحد في الدنيا تجرأ يقوله ليا!!....ثلاث مرات إلي قابلتها فيها من يوم تزوجنا!!...وفي كل مرة ما اطلع من عندها غير وأنا مأذيها فيها!!...خايف عليها من نفسي!!....وخايف على نفسي لا أتهور وانبلي فيها وأخسر حياتي!!...وهذا وإحنا لسى ما انقفل علينا باب واحد ويحصل بينا كل هذا!!...شور عليا يا رحيم!!...
قلي: ما ادري إيش أقلك!!...طيب يا هارون حاول تتجنبها!.ت الكلام معاها!!...اول ما تحس إنه راح يحصل إحتكاك بينك وبينها ...اترك لها الغرفة واطلع منها!!
قلت بطفش: الله يسامحك يا أبويا!!...هو إلي عقدها!!...فكني يارب من العذاب إلي أنا فيه...
..............................

سراب.......................
ما قدرت أحبس دموعي أكثر من كذا!!....خلاص أمل راح تتركني !!...أنا من الحين مو متخيلة البيت من غيرها !!.....
حسيت بيد ثقيلة حول كتفي ...وجاني صوت رحيم: سراب !!...خلاص خليتي أمل تبكي!!
قتله وانا أشهق: مو بيدي!!...مو متخيلة شكل البيت من دونها!!
حظنتني وقالت من بين دموعها: سراب!!....لا تسوي كذا ترى أهون !!
قلها هارون بلوم: إيش إلي تهوني !!...ليش إحنا جالسين نلاعبك شرعت!!...هذا زواج!!...وبس عاد عن الدلع !!
بعدتها عني وقلت بزعل: الحين لو كنت أنا الكبيرة مو كنت تزوجت قبلك...وبدل ما ابكي أنا انتي إلي تبكي!!...او كنا تزوجنا في يوم واحد ولا وحدة فينا تبكي على الثانية!!
الكل: ههههههههههههههههههههه
ضربني هارون بشويش على راسي: اقول عن الكلام الكثير!!...ويلا الرجال طفش وهو مستنيها وانتي شابكة فيها كذا كأنك سرطان البحر!!...
الكل: ههههههههههههههههههههه
بستها بقوة وبعدتها عني وقتلها: الله يسعدك يارب!!....في أمان الله
سلمو عليها الباقين وطلعت مع زوجها ....وانا رجعت مع أهلي ...ودخلت غرفتها...وانا هلكانة من البكى!!...كيف راح اقدر اتأقلم على الوضع!!...عمر أمل ما بعدت عني!!.....يارب وفقها..واسعدها!!....
.............................. .......

توقعاتكم

السلام عليكم مرة أخرى
معليش على التأخير
ونبدأ بالجزء الجديد

الفرار من أحضان المجهول....
الجزء الرابع
صبا
يس يس يس.....يا عيني عليا!!....والله اني فلته....طلعت من غرفة التحميض ورحت على مؤيد زي السهم... طبعا على قد ما اقدر من سرعة ما ركزت كثير في الصور بمجرد ما تحمضت معايا طرت من الفرحة ويادوب بس طليت في أول صورتين وكانت صورة وداد وهالة اخذتها لهم في البلكونة أمس...
دقيت على غرفته : مؤيد مؤيد!!
جاني صوته النعسان: صبا إيش ذا!!....ابغى انام
قتله بفرحة: شوف شوف عرفت احمض الصور !!
قال بملل: ياربي!!..الله يساعد هذاك الغلبان عليكي!!..والله إنه طيب وما يستاهل إلي راح يجراله !!... خشي خلصيني!!
حسبي الله ونعم الوكيل هارون هذا صاير زي الملح ناط في كل شي بمناسبة
وبغير مناسبة قال.. طيب قال!!... والله انه حيوان الله يشيله وارتاح منه
يارب!!...
تنفست بقوة قبل ما أدخل على مؤيد وفتحت الباب وقتله بفرحة : وش رايك!!...
ومديت له الصور بكل دلاخة من غير حتى ما اطل فيهم!!....
مسك الصور بملل وقال : وريني يا رجة!!...
وجلس شوية ساكت مبحلق في الصور وبعدن : هههههههههههههههه...إيش ذا!!
وسكت ورجع يبحلق ...... وبعد شوية رجع ضحك: هههههههههههههههههههههههههه
مع ضحكته الثانية ...سألته بعصبية: خير ليه فاشخ بالضحك!!!
مارد عليا!!...كان مبلم في الصور....
قربت منه وطليت على الصور وشهقت بصوت عالي أول ما حطت عيوني على الصورة وسحبتها منه وقتله بعصبية: وجع!!....الله يسود جهك وجهي!!.....ويلي من ربي!!
قال بتريقة: إذا انتي مطفوقة أنا إيش ذنبي!!
قتله بغضب: ليه ما تغض البصر!!....ما تعرف إن هذه بنت ناس!!...
قال لي: أي بنت!!....إلي أنا شفتها بزر مو بنت!!.... بس إيش !!...بزر مافي في جمالها!!
ورجع ضحك...
قلت له بعصبية:والله إنك خيبت ظني فيك!!...ياخي عيب عليك!!....ما تستحي!!...تخيل يحصلي نفس الموقف!!...وصورتي تطيح في يد واحد من أخوان صاحباتي بالغلط!!..ترضى هذا الكلام ينقال عني!!
سألني بغضب: ليه انتي تتصوري مع صاحباتك!!....وبعدين مين صاحباتك هذولا إلي تتصوري معاهم!!...ما اعرف إن لك صاحبات علاقتك فيهم قوية لهذه الدرجة !!
قتله بتريقة: مين قال!!....وبعدين صاحبة الصورة ذي (ماحبيت اقله إسمها....عشان لا افضحها... كفاية إلي حصل) انا تصورت معاها...ومأمناها على صوري واثقة فيها!!....
سألني قال يبغى يتذاكا عليا: شكلك تعرفيها مرة !!...عشان كذا واثقة فيها!!....مين هيا!!
قتل بإستخفاف: لا والله!!.....كمان تبغاني اقلك مين هيا!!.. ضحكتني يا شيخ!!..
قالي بعدم إهتمام: عساك لا قلتي !!....ويلا الحين طيري من غرفتي ابغى انام!!...يلا قشعي!!....
ورجع رمى نفسه على السرير وقال: وقفلي الباب وراكي!!....

طلعت من الغرفة وأنا زعلانة من نفسي أكثر من زعلي من مؤيد....ليه أنا متهورة كذا!!....يعني إيش إلي منعني ما اطل في الصور قبل ما اعطيه إيها!!..
ورميت الصور على السرير وانسدحت بجنبها...سامحني يا رب ...ومسكت صورة من الصور وطليت عليها....
ما قدرت أتمالك نفسي وضحكت .... ليه مسوية بعمرها كذا!!....هههههههههههه
وانقلبت على بطني وأنا أقلب في بقية الصور...كانت كلها صور إستهبال تفطس من الضحك!!...بإستثناء صورتين كان مرة حلوة ...وصلت للصورة إلي كان مؤيد ماسكها قبل ما أسحبها منه!!....كانت مرة تاخذ العقل...صورتها لها في البلكونة وهي متكية على حاجز البلكونة ومرجعة راسها لورا ومميلاه بشكل خفيف!!..طالعة روعة...وإلي زاد جمالها شعرها الطاير في الهوا!!...وكانت لابسة بدي عشبي ...وجاكت وردي مايل عن كتفها اليمين!!
حسبي الله ونعم الوكيل...مؤيد شافها كذا!!..استغفر الله العظيم يارب!!...سامحني يارب!!
في هذه اللحظة دق جوالي ....قمت أخذته وانا لسى ماسكة الصور...
لصقت عيوني في الشاشة!!..بنت حلال ...على طول رديت عليها: يا سبحان الله!!...دوبك في بالي!!
سراب: من جد!!....يا بختي!!...خير إيش الطاري!!
جاويتها: دوبني حمضت صورنا...وجلست أتفرج على صورك التحفة...
سراب: هههههههههههههه يا فشيلتي!!...يا انا استهبلت إستهبال في ذي الصور.... بس عادي زوجة أخويا وبتستري عليا..
حسيت بذنب لما قالت هذه الجملة....يا الله!!...والله اني ما استحي!!...سامحني يا رب!!
قتلها عشان اغير الموضوع: إنتي كيفك !!...إيش عاملة!!
ردت بطفش: الحمد لله ...جالسة من غير شغل ولا مشغلة ....وانتي!!
جاوبتها: الحال من بعضه!!...ماسكة هالصور واقلب فيها!!..او ارسم!!
سألتني: حلوة الصور!!
ابتسمت وجاوبتها: بعض النظر عن الإستهبال الي عملتيه!! في لك صورتين مرة دمار!!
سراب: هههههههههههه ....يا ساتر!!.... دمار مرة وحدة!!
قلتلها: شكلك طالع مرة حلو!!
سراب: احم احم...عيونك الحلوة يختي!!
سالتها بضحكة: انتفختي ولا لسى!!
سراب: هههههههههه انتفخت والحين جالسة اسرب..
ضحكت: هههههههههه حشى كفر
سراب: هههههههههههه كفر في عينك ....قوليلي ما لا حظتي شي في الصور!!
سالتها: شي زي إيش!!
سراب: ما لاحظتي إني اشبه احد!!....المفروض أصلا تلاحظي من دون صور!!
جا بالي إنها تقصد امل...فقتلها بسرعة: لا ما تشبهي امل بالمرة!!...أصلا ما كأنكم اخوات ابدا!!
جاني صوتها: مين جاب سيرة امل الحين...يالبقرة ...ما انتبهتي إني اشبه هارون!!
حسبي الله ونعم الوكيل...متفقين عليا هي ومؤيد!!..
سكت ومارديت عليها طليت على الصور إلي كانت في يدي...جاتني رغبة إني اقطعها...رميتها على الطاولة بعصبية...
جاني صوتها: ههههههههههههه ذبتي ولا لسى!!..
هذه ايش اقول لها الحين....
رجعت قالت: يا هوه خلاص...ما صارت كلمة!!...
قتلها على قد ما اقدر من هدوء: والله انك منسمة وفاضية!!....اقول انقلعي الحين !!
سراب: ههههههههههههه هين هين تسربيني عشان تكلمي حبيب القلب!!.."هيجت ذكراك قلبي".... ها!! هههههههههههههه
في قلبي: حبه برص إن شاء الله...
وقتلها: سراب ما عندك غيري تستهبلي عليه!!..
سراب: ههههههههه طيب طيب !!...على العموم لا تنسي بكرة عندنا بروفة على الفستان والمكياج...راح نمر عليكي اوكي!!
إيش إلي يمرو عليا!!...أبدا ما أبغى أشوف وجهه !!...قتلها بسرعة: لا لا بروح مع ثريا ومحمد ونلتقي هناك !!
قالت بتريقة: وليه إن شاء الله!!...ما عندك زوج يوديكي ويجيبك!!
ارتبكت مع إني عارفة إنها تستهبل بس حسستني إنه صار أو راح يصير متحكم في شؤوني !!....
قتلها: لا ..بس هيا جات كذا ...وخلاص هو راح يوديني!!
سراب: سهلة!! قوليله حبيبي هارون بيوديني!!...
بطني انقلبت...حسيت بإشمئزاز!!...
قتلها بعصبية : سراب اقلبي وجهك ...بقفل!!
سراب: هههههههههه اوكي حياتي ...سلميلي على هالة وداد وخالة مريم...سلام يا حلوة..
جاوبتها بطولة بال: يوصل ...وانتي سلمي....يلا سلام...
وقفلت منها...
اف لازم تعكر مزاجي آخر المكالمة!!....حسبي الله فيك يا هارون الزفت!!..
طليت في الصور المرمية على الطاولة....أخذتها ورحت رميت نفسي مرة ثانية على السرير...
لقيت نفسي من دون أشعر أطلع اوجه الشبه بينها وبينه ...
صورتها الثانية كانت فيها ساكتة وتطل على الكاميرا بسمة خفيفة...جلست أتأملها ...فيها شبه من هارون فعلا ....نفس لون هارون إلا إن سراب افتح منه....نفس رسمة العيون والحواجب....لكن سراب لون عيونها عسلي فاتح مرة هارون عيونه أعتقد إنها أغمق منها بكثير......نفس الشعر البني الفاتح... لا سراب شعرها افتح من شعره بشوية...حتى نفس البسمة و الجبين سبحان الله...سراب جبينها جاي على شكل سبعة...وجع...وأنا إيش حصلي جالسة أشبه!!...
أستغربت من نفسي...وي عليا متى لحقت حفظت ملامحه؟!...ما شفته غير كام مرة!!...رميت الصور على السرير وطليت على السقف بطفش ....حاسة بضيقة!!....مخنوقة!!...حاسة إن هارون محاصرني من كل مكان!!... ليه ناطلي في كل صغيرة وكبيرة!!....
الحين حاسة إني غلطت في حق نفسي!!...انا حتى سيرته مو قادرة استحملها!!...كيف راح اعيش معاه!!...اف .....ساعدني يارب!!...
..............................

هارون...........
رحت فتحت الباب بسرعة وقتله: هلا يبا!!
دخل وقفل الباب وراه وقلي بجفاء تعودت عليه من يوم ظهرت الزفت: أبغى أتكلم معاك
قتله وانا أأشر على الكنبة: تفضل يبا...آمرني!!
قلي بنفس الأسلوب الجاف: زوجتك!!...
جلست مقابل له وسألته بإرتباك: إيش فيها!!...
قال بحدة: لك كم ما تزورها وتسأل عنها!!..
نزلت راسي ومارديت عليه...
قال بنفس الحدة: من يوم زواج أختك أمل ...يعني حوالي ثلاث اسابيع!!...إنت ما تستحي على وجهك؟!
رفعت راسي وقتله بإعتراض: إنت عارف إني ما....
قاطعني : شكلك مو مهتم لغضبي عليك!!... تبغاني أغضب عليك يا هارون!!..
قتله: بأسف: يبا أنا سويت هذا كله عشان خوفي من غضبك عليا!!...لكن هذا أقصى شي أقدر أعطيها إياه...لا تطالبني بشي فوق حدي!!
جاوبني : يعني بتظلمها!!....إنت ما تخاف ربنا؟!....راعي الله في زوجتك!!...
قتله بقهر: يبا لا تكبر من شأنها !!...هذه وحدة..... وحدة...!!
سكت!!... خجلت أوصفها الوصف المناسب قدام ابويا...
قلي: وحدة إيش!!
جاوبته : وحدة مو نظيفة!!
قلي بحدة: ما اعتقد إنك انظف منها!!....بالعكس إمكن هيا ربي طهرها بهذا المرض !!..وقبل ما تحاسبها حاسب نفسك!!...
قتله بحزن: ليه يبا تسوي فيا كذا!!...أنا غلطت...لكني تبت!!....والله يبا تبت!!
ما رد عليا ....قام من مكانه وأعطني ظهره وقال لي بحسم: لا تضيع الموضوع إلي جيتك عشانه !!....اليوم تروح بيت صبا وتزورها وتطمن عليها فاهم!!...وإياني وإياك أعرف إنك قصرت معاها في يوم من الأيام!!....
قتله بسرعة: أنا اليوم ما اقدر !!...يومي مضغوط مرة!!
قال بتريقة: ساعة او نص ساعة تروح تزور فيها زوجتك ما بتأثر عليك!!
وطلع من الغرفة ....
ضربت بقبضتي على الباب بغضب: ليه يبا!!..ليه ما تبغى تفهمني!!... يا الله!!... انا ما أبغى اتصادم معاها!!...خايف لا نفسي ما أتهور!!...مو كل مرة راح امسك أعصابي عنها!!...
وبعدين يا هارون!!...هل تهربك من ملاقاتها هو إلي راح يحل المشكلة!!..
حل المشكلة في يدك...إستوعبها...حاول تتجنب إستفزازها ...وتجاهل كلامها....كيف أتجاهل كلامها يعني!!...كيف وهيا تسمعني كلام ما ينقال!!...اف رحمتك يا رب!!....والله ما ني عارف إيش أسوي في حالي!!....
وبعد تردد وتفكير قررت إني أكلمها.....
أخذت الجوال بتثاقل ودقيت عليها....
أول مرة ...الثانية ....كمان ما ردت...قلت هذه آخر مرة لو ماردت عساها!!...والله تريحني....
لكن من سوء حظي ...جاني صوتها: الو ... نعم!!
غمضت عيوني بقوة...صوتها رجعني لكل المواقف إلي حصلت بينا في المرات القليلة تقابلنا فيها...أنتابتني كل المشاعر المتناقضة...توتر وكره وعطف ...
أخذت نفس عميق وقتلها :السلام عليكم ورحمة الله وبركاته
جاني صوتها برود: وعليكم السلام ....نعم
قتلها:كيفك!!...عساكي بخير!!
صبا: نعم ليه داق!!
حسيت حرارة أنفاسي راح تذوب الجوال إلي في يدي...
الحين لو طولت معاها وقصرت راح تكبر بينا!!....أحسن شي إني اجاريها
عشان كذا قتلها بهدوء مدري من فين جبته: اليوم بمر عليكي إن شاء الله!!
صبا: خير!!...ربنا لا يجيب الشر!!
لا هنا ما أقدر أسكت...قتلها بعصبية مبطنة: صبا!!... كلميني بإحترام زي ما أكلمك!!
صبا: إذا ما يعجبك إسلوبي ...مو مجبور تدق عليا!!...
قتلها بقهر: واثقة ومتأكدة إني مجبور عليكي!!..ولا ماكنت لطخت أسمي بوحدة زيك!!
صبا: هههههههههههههههه لطخت إسمك؟!....لا شريف مرة!!...ياخي أستغرب للوقاحة إلي عندك!!....
قتلها بصوت زي الرعد:مصيري اخليكي تندم على الكلام إلي تقوليه وابكيكي عليه بدل الدموع دم!!...والوعد قريب!!...أقرب من ما تتصوري!.إنت إلي بغيتي الشي ذا!!
سكت ولا قالت شي ...
مع إني ماقصدت ولا كلمة من إلي قلته...إلا إني لقيت إن التهديد إحتمال يجيب نتيجة معاها!!...وخصوصا إني في آخر لقاء معاها لمحت بوادر خوف مني!!....يعني لو أستغليت هذه النقطة راح أقدر أتحكم فيها وأجبرها إنها تحترمني!!
بعد لحظات ناديتها: صبا!!
جاني صوتها: نعم!!
إبتسمت غصب عني!!....لان صوتها كان متوتر....
جاوبتها: اليوم أنا جايكم!!...
وحبيت ألعب على أعصابها شوية ...فكملت: وإعملي حسابك راح نطلع نتعشى برى...
قالت بعصبية: لا نجوم السما أقربلك!!...
قتلها بهدوء: بنشوف!!...وترى أنا رميتها أول مرة كذا!!...لكن عشان خاطر عيونك وطولت لسانك راح نطلع نتعشى وإنتي تاكلي هوا!!
بعد لحظات صمت قالت:اليوم بروح المستشفى...
حسيت قلبي دق بقوة وسألتها: خير!!...
ما جاني رد!!
قلت بعصبية: صبا جاوبي !!.... مو وقتك ترى!!
صبا: عندي جلسة!!
قلت بإنكار: موعد غسيل الكلى!!
ماجاني منها رد!!....
قمت من مكاني وقلت بصوت عالي: ومتى كنتو ناوين تقولولي!!
صبا وكان باين على صوتها الإرتباك والغضب: لا تعلي صوتك عليا!!...أنا بقفل معاك الحين!!
قتلها: طيب ...انا دقايق وأجيكم !!....في حفظ الله
وقفلت منها بسرعة....وغيرت ثيابي ....وفي دقايق كنت عندهم

.......
دقينا الباب ....جاني الصوت: تفضل!!
أول ما فتحت الباب ...وشفته قدامي ما صدقت!!..
قلت بإنكار: حسان!!....متى جيت يا جاحد!!
طلع من ورى مكتبه وجا لعندي بسرعة وأخذنا بعض بالأحضان : هارون!!...حياك الله!!...لك وحشة والله!!....
جاوبته:يالكذاب!!... من متى وانت في جدة
حسان: ما رجعت غير من ثلاث أسابيع بس!!...والله كنت ناوي أكلمك!!...لكني أنشغلت أول ما رجعت جدة!!...وشوف الصدف يا شيخ !!
والتفت لعمي منصور ومد يده: حياك الله عمي بو صالح!!...
عمي منصور: حياك الله يا ولدي!!...وآسفين إذا أزعجناك..لكن هارون أصر إنه يطلع على حالة زوجته!!
قدرت المح نظرا الإستغراب في عيونه ..لكنه ما علق على الموضوع
د.حسان:بالعكس ....أصلا أنا كنت جايكم الحين...عشان نبدأ الجلسة... تفضلو!!
وجلسنا أنا وياه وعمي منصور نتكلم عن وضع صبا!!
وبعدها رحت عشان أشوفها!!....
ماكانت هيا!!...ماهي نفس الإنسانة المتسلطة ... القوية!!... هذه وحدة ثانية شبح المرض رابض على ملامحها!!....
حسيت وقتها بشي ينسحب من قلبي!!... كل الكره والحقد إلي كنت أحمله لها أختفى!!....يا الله!!... كيف تقدري تستحملي كل هذه الألام !!...
ما في أصعب من إن دمك كله يتصفى وينسحب من جسمك كله وبعدين يرجع بالتدريج!!... عملية مرهقة ومتعبة!!
آآآآآه يا صبا ما رحمت ضعفك!!..سامحني يارب!!... سامحيني يا صبا!!...
طلعت من عندها ونا خجلان من نفسي!!... مرت في بالي كل اللحظات إلي استقويت فيها وما راعيت الله فيها!!...
طلعت من عندها وانا مصمم إني أغير معاملتي معاها!!... ما عمري كنت قاسي ليه قسيت معاها!!...
من يوم ورايح راح أتغير عشانك يا صبا!!... عشان اراعي الله فيكي
………………

غادة..............
: إعتماد!!....اخوك وبعدين معاه!!....ما يبغى يجيبها لبر يعني!!
جاني صوتها برود:انا مالي دخل!!...ليه تعصبي عليا الحين!!
قتلها بحدة: إيش إلي مالك دخل!!...انا كم مرة قتلك لما تجو تسلموني تجي معاه!!...
إعتماد: عبدالله يخاف عليا من هذه المشاوير!!
قتلها بتريقة: لا والله!!...من متى هذا الحب!!....أقول من غير لعب على راسي إنتي ويا أخوكي!!....
إعتماد: والله!!...إلا يبغى الحلاوة يستحمل نارها!!
قتلها بعصبية: أعتماد!!...عن الكلام إلي ما يجيب همه!!...أخوكي لاعد يجيني لوحده!!
قالت : أبشري!!....بس السعر راح يزيد!!
صرخت : إيش!!....
إعتماد: وجع !!....ليه تصرخي!!....يا كذا يا إستحملي إلي يجيك من عبدالله!!
قتلها بإشمئزاز: أخوك هذا مين يستحمله!!....قسم بالله لو المرة الجاية سوى حركته الخسيسة معي لأوديه في ستين داهية !!...فاهمة!!
اعتماد: لا تسوي فيها شريفة الحين!!....هوا إيش سوى يعني!!...مجرد إنه مسك يدك!!...ماخربت الدنيا!!
قتلها بعصبية: أنا شريفة غصب عنك وعن أخوك الخايس إلي مثلك!!...وبعدين هوا قالك إنه مسك يدي!!...والله إنه حقير من جد!!
أعتماد برود: أنا مقدرة حالتك!!...وإن نفسيتك زفت !!...عشان زواج حبيب القلب قرب!!...ولا كنت خليت عبد الله يتصرف معاكي تصرف ثاني!!
قتلها بإنكار: تهديديني بأخوكي يا كلبة!!
إعتماد : إحفظي لسانك تراكي بين يدينا والله نفعصك ولا نسأل فاهمة!!.... والسعر زاد... وفي التسليم ما بيجيكي غير عبدالله لوحده..وإستحملي إلي يجيكي منه.... ويلا الحين انقلعي!!
رميت الجوال وأنا أصرخ من القهر!!...الحقيرة طلعت على حقيقتها!!...
تبغى تضيعني زي ماهيا ضاعت!!....لكن مستحيل !!...لايمكن أوطي راسي لأي إنسان في الدنيا!!...إلا كرامتي وشموخي مايقدر أحد يصلهم!!...وإذا على الفلوس بعطيهم على الجزمة...
ورحت درج مكتبي وطلعت منه صورة هارون ... رميت نفسي على السرير وأنا اتأملها...ياما أيام عدت عليا وأنا أناجيه!!...آآآآه ليتك تسمعلي!!...ليتك تحس فيا!!...ليه يا هارون عايفني!!... ليه ما أعطيتني فرصة!!...العرجا هذيك أحسن مني في إيش!!....
إيش إلي يمنع من إني أنا أكون زوجتك!!....وجلست اتلمس الصورة... تمنيت يطلع منها وأحكيله عن كل إلي في قلبي!!...ارتمي في أحضانه!! اقله إنه هو حبيبي!....إني ما اشوف أي مخلوق على وجه الأرض غيره يعني هوا مو عارف!!....الدنيا كلها عارفة إني أعشقه!!...
.ياريتني اليوم زوجتك...ياريتك تنتشلني من هذا الضياع إلي أنا فيه!!...
أحسدها من كل قلبي على السعادة إلي راح تلقاها معاك!!..عساها ما تتهنى ولا لحظة ولا يوم يارب!!....
.............................. ...

رحيم..............
معتكف في غرفتي كالعادة....وسط ذكرياتي...معتزل الدنيا كلها ..في أحظان ذكراها....في كل لحظة اناجيها ويناجيني طيفها...
حاضن آخر ما شافته عيوني عليها ....
قميص نومها الأبيض...
من ثمان سنوات كل صباح لازم أسترجع هذاك المشهد!!..لانه جمعني بها لآخر مرة في حياتي!!...
غمضت عيوني بقوة...وحظنت القميص أكثروأنا أعيش ذكراها...
صوتها عند إذني زي الحلم: رحيم!!...يا قلبي!!...حبيبي !!
التفت لها وقتلها: تماضر!!...خليني دقايق بس!!
باستني على جبيبني بكل حب: حبيبي قوم...يلا !!
لميتها لحضني : يوه يا تماضر ليه إنتي مزعجة!!...
تماضر: ههههههههههههههههه ...طيب مزعجة مزعجة!!.... لكنك ما تشوف في الدنيا غيري!!...ويهذا يكفي!!
ضحكت وطليت عليها ولسى النوم في عيوني: ههههههههههههههه يعجبني الواثق !!
تماضر: طيب قوم !!... عمي حرق التلفون عليك!!...
بعدتها عني بشويش وقمت من مكاني بسرعة وقتلها وأنا أطلع لي غيار: إيش !!... ليه ما صحيتيني!!
قالتلي وهي ترتب السرير: وأنا من أول إش جالسة أسوي!!
قتلها: طيب لو دق مرة ثانية قوليلو الحين بنزل!!
جاوبتني: أوكي حبيبي!!
وقبل ما أدخل الحمام( اكرمكم الله) رحت عندها وبستها على كتفها بحنية وقتلها برقة:اليوم راح أتأخر في الدوام راح توحشيني حيل !!...وراح أزهقك تلفونات!!
تماضر: ههههههههههههه على قلبي زي العسل...
وبستها على جبينها ....وكملت طريقي...
لما طلعت كانت مجهزة ليا الفطور ....ومبتسمة.....
رحت عندها وبستها على راسها: عساني ما نحرم منك يا نور عيني!!...
أبتسمت وقالت: ولا منك يارب!!.... يلا حبيبي افطر.... عشان ما نتأخر على عمي!!
وجلست أفطر.... ما فطرت معي!!...كانت بس تطل عليا وهي مبتسمة
سألتها: ليه ما تفطري!!...وليه تطلي عليا كذأ!!
حطت يدها على وجهي ومسحت عليه برقة وقالت: مدري!!...بس أبغى أملي عيوني منك!!
قمت وضميتها لحضني وقتلها: تماضر!!....ترى راح تخليني أدق على أبويا واعتذر له!!
دفتني بشويش وقالت: بلا دلع!!....يلا عمي ينتظرك!!
رحت غيرت وتجهزت وقبل ما أطلع حضنتها وهمست في إذنها: مهما تأخرت اليوم إستنيني!!...(ومسكت إنفها بشويش) .. فاهمة!!
تماضر: هههههههههههههههههه من عيوني إن شاء الله أستناك الليل كله!!...يلا تأخرت!!
ودفتني...
جاوبتها: ول تبغي الفكة مني!!...
وارسلت لها بوسة طايرة وطلعت!!....
هذا آخر ما كان بينا!!.... آآآه يا تماضر!!... تركتيني في حيرتي وحدتي!!... أنا ضايع من بعدك!!
.............................. ......

صبا............
قلت بعصبية: مستحيل!!....إيش إلي يجي هنا!!....مستحيل!!....
وداد: صبا!!...ترى عادي لو طلع هارون هنا!!...إنتي زوجته!!....
قلت بعصبية: إيش إلي عادي!!...قولي لأبويا إني نايمة!!...مستحيل يطلع هنا!!
في اللحظة ذي دخلت عمتي مريم وقالت: عادي يماما لو جا وسلم عليكي!!...ليه معصبة!!
كان الإرتباك باين على صبا...عشان كذا رديت: خجلانة منه يا عمتي يشوفها وهي متبهذلة!!
قربت عمتي مريم من صبا...ومسحت على جبينها وقالت: لا هذا زوجك...وهو مقدر وعارف حالتك!!...وبعدين الصلاة على النبي!!...زي القمر!!
غصب عني أبتسمت وقلت بحزن: أي قمر!!....
حظنتي وداد وقالت:قمر وشمس ونجوم كمان!!....
طليت عليها بتريقة وقلتلها : اسكتي والي يعافيك!!...
قالت عمتي مريم بحسم: وداد تعالي معي...الحين زوجها بيدخل عليها...
ومسكتها من يدها وقومتها .... ومافادت نظراتي المتوسلة معاهم....وداد ذي عليها أحيانا حركات تعصبني مررة!!...يعني هيا عارفة كل الموضوع ومع هذا تسوي إنها مو عارفة شي!!...وتطلب مني زي الباقين إني أعامله بشكل طبيعي!!...الله يشيله وأرتاح منه....
تحاملت على نفسي بالقوة وجلست على السرير وسندت ظهري على المخدة
بعد دقايق أندق الباب...
حاولت أضبط أعصابي وأنظم نفسي ...وبعدين جاوبت: تفضل!!
دخل أبويا...وبعده الأفندي!!...
قالو: السلام عليكم!!
رديت بصوت مسموع: وعليكم السلام ورحمه الله وبركاته ...
ركزت عيوني عليه...دايما كل ما أشوفه يمر بذهني سوال ما القى له جواب!!...ليه سوا فيا كذا!!...ليه آذاني!!...بإيش كان يفكر ساعتها؟!...
هل كان صاحي أو سكران!!...مستحيل يكون صاحي!!...كان عرفني الحين!!... طيب إمكن عرفني ويبغى يتخابث!!...هارون هذاشيطان ماحد يعرفبإيش يفكر ...لكن ما بتركه غير لما آخذ حقي وحق كل الضحايا إلي مثلي!!
حسيت بنفسي ضاق وما قدرت آخذ هوا!!..وجوده يأذيني!!...كل العلل إلي في الدنيا تقوم عليا أول ما أشوفه!!.... أنا ما أنكرإنه وسيم لأبعد درجة!! وإن له هيبة وهيئته تفرض حظوره....لكن غصب عني يتعكر مزاجي أول ما تجي عيوني عليه!!..
في اللحظة ذي رفع نظره فيا...انا ارتبكت !!...حسيت زي إلي ضبطوه وهو جالس يسوي شي غلط!!...أرتسمت على وجهه إبتسامة غرور وأنا على طول نزلت نظري بسرعة...مالت عليه !!...على باله إني جالسة أتأمل في جمالها!! لعنته ولعنت نفسي !!.... يعني كان لازم أبحلق فيه!!
جاني صوت أبويا: صبا!!...زوجك جا عشان يطمن عليكي!!....أدخل يا هارون!!...سلم على زوجتك !!
قلت في بالي : لا يعرف الواجب والأصل!!....
جاني صوته بعد لحظات : كيفك الحين!!....
رفعت نظري فيه بسرعة ... ما شفت ابوي...
المرة ذي حسيت بخوف....كل المرات إلي اختلى بيا فيها كان يطول يده لكني رجعت استرديت قوتي !!...أول شي هو في بيتنا....وثاني شي بابا وأخواني أكيد قريبين مني !!...وما يستجري يسويلي ولا شي !!.....يا ويلي!!...قمت أخاف منه للدرجة ذي!!....هذا وانا لسى ما صرت في بيته !!.... لا مو خوف!!...لكن هارون حقير !!...ويعرف كيف يخليني أتألم!!....وآلامي ما يستحملها أحد!!...حسبي الله عليه !!....
قرب مني...وجلس مقابل لي على السرير أنتفضت من مكاني وقتله بتقز: قوم قوم !!...كيف تت.
قالي بصوت واطي: أش ...ما اظن إنك تبغي أبوكي يسمعك وانتي تصرخي على زوجك!!
قلت بعصبية: قتلك لا تف.....
حط يده بسرعة على فمي وقال بنفس النبرة: أنا عارف إنك متضايقة لوجودي لكن انا جيت عشان أطمن عليكي!!....وكمان لان أبوك واخوانك بدأو يشكون!!...ليه كل هذه الفترة ما أزورك!!... وانا ما بجلس غير دقايق...أستحمليني فيها!!
دفيت يده عني قتله: خلاص زرتني في المستشفى يكفي!!...هوا حلى!!
قال:والواجب يقول إني أجي اطمن عليكي في البيت كمان!!
قلت بطفش: أف ...طيب تطمنت!!...مع السلامة!!
قلي: لكن أنا لسى ما تطمنت عليكي!!...
قلت بعصبية: انا بخير ومافيني شي!!...كثر خيرك !!... والحين تقدر تروح...
ما رد عليا لكنه جلس فترة يطل فيا ويتأمل عيوني!!....
بعدين جاني صوته بإستغراب: أول مرة أنتبه إن لون عيونك أزرق داكن...عيونك لونها غريب!!...الواحد ما يقدر يحدد لونها
هذا بيجنني!!....انا فين وهو فين !!....والله انه تافه!!..
قتله بإستحقار: اذا بتغير الموضوع غيره!!...لكن حاول ما تتفه نفسك زيادة !!
ما بقيت عضلة في وجهه ما تقلصت !!....انا انكمشت في مكاني ...في لحظة من اللحظات خفت لا يلطشني كف!!....
لكنه ما تحرك من مكانه ...كل إلي سواه إنه غمض عيونه بقوة...وفتحها بعد فترة....وفضل يطل عليا وهو ساكت....
وبعدين رجع لورى وقال بهدوء: ما عمر أحد تكلم معي بالأسلوب ذا في حياتي!!....وإلي تجرء وطول لسانه ما طلع من تحت يدي سليم!!..والله يا صبا لو ما كنتي مريضة كان لي تصرف ثاني معاكي!!
قتله بتريقة: لا خوفتني..انت ماعندك غير النفخ!!...اطلع برة بنام!!...
قلت في بالي الحين راح يقلب الدنيا أو على الأقل بيحرق دمي بكلمتين زي ما حرقت دمه !! لكنه بدل ذا قام من مكانه وقال بهدوء
: الحمد لله على السلامة!!...تصبحين على خير...
وطلع من الغرفة بهدوء!!....لا في شي غريب حصل!!....من فين جاب كل هذه الأخلاق ؟!...طول الوقت وأنا أحاول أستفزه لكنه هادي هدوء غريب !!...فإيش يفكر!!....إلي جالس يحصل مو مطمني!!... الله يستر !!.... حسيت بخطر!!...سكوته خوفني!!....إلا رعبني!!....
على طول أخذت جوالي ودقيت على وداد: الو فينك!!
وداد بإستغراب:جاياك !!...إيش فيكي!!
قتلها بعصبية: تاركاني وجالسة تحت....تعالي أبغاكي!!...
قالت بخوف: قتلك جاياك!!...ثواني !!
وفي ثواني كانت عندي وتطل عليا بقلق ....
قتلها : ما عاد أبغاه!!...
وداد بإنكار: ما عاد إيش!!....انهبلتي!!
قتلها بترجي: إيه خليه يفسخ العقد ويريحني ما عاد أبغاه!!....
قربت مني مرة وقالت بخوف : صبا إيش حصل!!... سوالك شي!!
مسكت يدها وقتلها: إنتي عندك حق!!...أنا مو قد هارون!!...إمكن يأذيني!!....
سألتني بحيرة: صبا!!....إيش إلي حصل!!...إحكي!!
قتلها وانا لسى ماسكة يدها: ما سوا شي!!....هزأته وقلت من شأنه ...لكنه سكت !!....وانا أعرفه!!...موته إلي يتطاول عليه!!...ليه الحين سكت!!...خوفي لو ناوي يأذيني لما أصير في بيته!!
وداد:الله يهديكي يا صبا!!...وتقوليها كمان!!.هزأته وقلت من شأنه!!...
قتلها بعصبية : وداد مو وقتك الحين!!!!....انا ما عاد أبغاه!!...إيش أسوي!!
وداد بعصبية: ليه هيا لعبة!!...ماباقي على زواجك غير شهر وتقوليلي ما ابغاه!!
قتلها بزعل: إيش فيكي !!...انتي معايا ولا معاه!!....خلاص روحي ...اسفة لاني ازعجتك!!
قربت مني اكثر وقالتلي برقة: صبا!!...ما راح افكرك قد إيش عانينا وانتي بالذات !!عشان نوصل للمرحلة ذي!!...تجي الحين وتنازلي عن حقك!!بعد هذا كله!!
تجمعت الدموع في عيوني وقتلها: بس أنا خايفة منه!!...وكل ما قرب الموعد أخاف أكثر وأكثر!!...وأحس إن في شي يشد على رقبي يبغى يخنقني!!....أنا الغلطانة إيش سويت بنفسي!!..وبعدين البرود إلي هوا فيه اليوم رعبني!!
وداد: انا تعب لساني وأنا أقلك لا تستفزيه يا صبا!!...بالصراحة!!...إنتي إلي تسويه ما حد يستحمله!!...
قتلها: ممكن هارون يأذيني!!
قالت: امس لما كنتي في المستشفى ...كان ملهوف وخايف عليكي مرة !!....الخوف كان باين في عيونه !!....ولما دخل عليكي جلست مركزة عليه!!...ابغى أشوف هو بإيش يفكر!!...أنا كنت متصورة إنه راح يشمت فيكي وأنتي في ذي الحالة...( وهزت راسها بالنفي)... بالعكس...كان خايف عليكي... والله يا صبا كان يطل عليكي بنظرات كلها حنان...من نظراته لك أقلك مستحيل يسويلك شي!!...
الحين هيا تقلي الكلام ذا عشان اغير سلوكي معاه ولا عشان أحقد عليه زيادة!!..
سحبت يدي منها وقلت بعصبية وأنا أحاول اغلب دموعي: نظراته كلها حنان!!...
ما كنت أبغى حنانه!!...لو خاف الله فيا هوا والكلب الي زيه ما كنت اترميت في المستشفى الرمية ذي!! ... ولا كان وزع عليا عطفه وحنانه!!.... مهما سوا ومهما حصل لا يمكن أسامحه على إلي سواه فيا!!....صعب!! إلي حصل لي راح يفضل يشعل النار بيني وبينه!!...يا تحرقني يا تحرقه!!....
ومسحت دموعي بعصبية وكملت: عندك حق!!...أنا مالازم أتنازل عن حقي!!...حقي في إني أنتقم منه!!
وداد: مو هذا الحق إلي انا قصدته!!...إلي اقصده حقك فإنك تعيشي مرتاحة من دون خوف من المجهول!!..إنك تكوني زوجته تحمل إسمه هذا أكبر رد إعتبار لكرامتك...حقك فإنك تتمتعي بحياة سعيدة....
قتلها بإنكار: مع هارون!!
وداد: صدقيني يا صبا هارون كويس!!...كل تصرفاته مع أخواته ...وكلام أخوانك عنه ... وإحترام كل الناس له يثبت إنه كويس!!...لا تضيعيه بتصرفاتك!!
قتلها : اف اف اف!!...ما تلاحظي إنك جالسة تدافعي عنه كثير الأيام ذي!!...إيش الحين هارون صار هو الحمل الوديع إلي ما يقدر يدافع عن نفسه وأنتي ملاك الرحمة إلي تدافعي عنه..وصرت أنا الساحرة الشريرة!!
قالت : هههههههه حلوة هذه التشابيه...هارون صار حمل!! !!...هههههههههه وأنا ملاك ...حبيبتي والله...
قتلها بقهر: عرفتي تلفي الموضوع!!...
وداد: هههههههههههه لا والله بس عجبتني التشبيهات...بس بصراحة أكثر شي لايق إنك إنتي الساحرة الشريرة!!
قتلها بإنكار: شايفاني شريرة!!...والله يا وداد!!
وداد: هههههههههه بس شرك مرصود على المسكين هارون وبس!!...
قلت بحقد: لا تقولي مسكين!!...هذا ثعبان مو مسكين!!
قالت بطفش: يوه يا صبا!!... الله يهديكي!!....ويشيل هذه الأفكار السودة من راسك!!
قتلها بعناد: مو طالعة هذه الأفكار غير لما تطلع روح هارون !!قولي آآآمين!!
وداد بإستنكار: لا حول ولا قوة إلا بالله !!...الكلام معاكي ضايع!!
وقامت من على السرير...
سألتها بسرعة: فين !!
وداد: بكرة عندي قومة من بدري!!...بروح أنام!!
هزيت راسي بهدوء...
مالت عليا وطبعت على خدي بوسة: تصبحي على خير !!
جاوبتها: وانتي من أهله!!....سلمي على غازي وهالة...
وداد: وصل....يالله قلبي في حفظ الله...
وطلعت وقفلت الباب وراها ....
ما جاني نوم....جلست أفكر في الكلام إلي قالته وداد عن هارون!!...ليه تقول عنه إنه كويس!!...وليه الكل شايفه كويس!!...لانهم ما يعرفوه زي ما أعرفه أنا!!....لانهم ما ذاقو الويلين من دنائته وحقارته زي ما ذقت أنا!!...ماحد يعرفه زي!!...وماحد راح يخلص حقي وحق كل إلي لعب فيهم غيري!!...هين يا هارون الكلب!!
..................

السلام عليكم ورحمة الله وبركاته.....

كيفكم حبيباتي!!

وحشتوني.....
وشكرا لكل إلي أنتظرني.....
و آسفة إذا كنت عصبتكم.

...بس أنا قتلكم ظروفي

وهذه أنا على الموعد.....

وطبعا راح أرد عليكم بالتفصيل...لكن قلت أنزلكم القصة أول...عشان لا اتأخر عليكم
............................

والحين بدأ القصة.....

عقل الطبيب أم قلب الحبيب!!!...

الفصل الأول............
مر شهر العسل على صالح وأمل أحلى من العسل!!...
ورجعو جدة.... عشان يكملو العسل بس بين أهلهم وناسهم...وعشان يحضرو زواج هارون وصبا....

صالح.........
حظنتني والدموع مغرقة وجهها : كذا يا صالح!!...طولتو!!
ضحكت: ههههههههههههههه أي طولت!!...كلهم شهر وياريت كملناهم
صبا: ولو!!إنت عمرك ما غبت عني ولا يوم!!....
قالتلها هالة بعتاب: والله إنك عبيطة وما عندك سالفة!!...الرجال في شهر عسله وتقوليله ولو طولتو!!
صبا ألتفت لأمل بسرعة وقالت : أمانة يا أمل لا تزعلي مني!!...بس صالح أبويا الثاني!!... هو إلي رباني!! وعمرة ما غاب عني ولا يوم!!
هالة: ههههههههههههههه عشان كذا!!.. المساكين محمد ومؤيد يوم يسافرو ولا تنزل عليهم ولا دمعة وحدة حتى ولو بالكذب...لانها متعودة على دجهم!!
الكل: هههههههههههههههههههههه
أمل توجه كلامها لصبا: افا عليكي بس!!...انا ازعل منك!!...وبعدين بالعافية عليك صالح!!..اصلا تريحيني منه شوية !!
الكل: هههههههههههههههه
دفيت صبا عني بشويش ولصقت في أمل وقتلها: كذابة!!...عيني في عينك!!
أمل وجهها أنصبغ أحمر ...وماعاد رفعت عينها فيا!!
رجعت سحبت صبا وحضنتها وقتلها وأنا اطلع على أمل: والله يا صبا لك وحشة!!...تصدقي!!...حتى وحنا في النمسا... وانا ماني جايب خبر بعض الناس وأفكر فيكي!!....
رفعت عيونها فيا بسرعة وكلها مزيج من والغيرة والدلع والضحك...
مسكت يد صبا وسحبتها من حضني وقالت لها: صبا أبغى أطلع غرفتي ارتاح!!... تعالي وريني الطريق!!
وطلت عليا بغرور....
رميت صبا من حضني بسرعة وقمت ومسكت يدها وقتلها: تعالي أنا أوريكي الطريق..ترى صبا دلخة ودايما تضيع الطريق لغرفتي!!
الكل: هههههههههههههههههه
صبا: يعني حجة مررة روعة!!... زي وجهك!!
الكل: ههههههههههههههههه
التفت لأمل وقتلها: ماعليك منهم!!... تعالي اوريكي على الطريق... وسحبتها وطلعنا من عندهم.....
.............................. .....

صبا...........
قتلها: ورضوان كيفه!!
منال: الحمد لله تمام..
قتلها: يايقلبي عليه ربي يحفظه لك يارب!!
منال: آمين يارب!!....تسلمي حبيبتي!!
قتلها: خلاص بكرة بعد صلاة العصر بمركم!!..سلميلي على خالتي أم سعد!!
منال: يوصل إن شاء الله....
قتلها: يلا حبيبتي توصيني بشي!!
منال:سلامتك يالغالية...في أمان الله...
وقفلت منها....
جاني صوت وداد من ورايا: هذه منال!!
التفت لها: إيوا منال.... كلمتها عشان بكرة بروح عندهم...
وداد: وسعد وأخوانه كيفهم!!
قتلها بحزن:الحكم بالإعدام صدر....لكن لسى أهل الخير داخلين في الموضوع...ويحاولو يصلحو ذات البين!!...لكن شكله مافي فايده!!
قربت مني وحطت يدها على كتفي وقالتلي بحنان: لا إن شاء الله يعفو عنهم!!....
قتلها بغصة والدموع متجمعة في عيني: ماشكله في عفو!!....لا أخوان ناصر الزفت من أبوه راضين يتنازلو ولا أخوانك راضين كمان يتنازلو!!
حرام!!...والله حرام!!...
وداد وهيا تحضني: هذا قدرهم يا صبا!!....ما بيدنا ندعيلهم غير بالرحمة!!
وإن ربي يفرج عنهم!!
قتلها بصوت مخنوق: حرام!!...وأهلهم إيش ذنبهم!!....كيف راح يكون حال أمهم!!....هما إلي كانو شايلين البيت!!... حالها يقطع القلب يا وداد !!....ما أشوفها غير وهيا تبكي حال عيالها..وتدعي إن ربي يرحمهم برحمته!!
وداد بحزن:الله يفرج همهم يارب!!
وكملت: وماباقيلها من الدنيا غير منال وعيسى !!...والثاني مسكين الله يعينه!!....تحمل الهم من وهوا عمره 10 سنوات!!....لولا إن الله سخر لهم ولد الحلال الله يجزيه خير كان ترك دراسته عشان يصرف على أهله!!
وداد بحزن: لا حول ولا قوة إلا بالله!!...لسى ما يدرو إنك أخت ناصر!!
قتلها بفزع: لا ما يدرو!!.....ولا ناويه أقلهم!!...لو عرفو ما راح يتقبلوني ولا راح يتقبلو أي شي مني!!
سألتني: وناوية تعزميهم !!
جاوبتها: مع إني ما أظن إن زوج منال راح يسمحلها تجي....لانه متشد مرة ...إلا إني راح أعزمها أكيد!!
وداد: يصير خير إن شاء الله...وأمانة إذا رحتي تسلميلي عليهم!!
جاوبتها: يوصل إن شاء الله....
.............................. ......

بعد يومين في مزرعة أبو صالح.............
هارون.....
ماقدرت اشيل نظري من عليها....جمالها آخاذ...ونعومتها مالها مثيل....كل مرة اشوفها بشكل ....احس اني شفتها لاول مرة....مو مجنني غير هذا الأحضر على لونها العاجي!!...مدري ليه حسيت بغيرة خفية ... مو متصور إن عيون أي رجل غيري ممكن تشوف هذا الإغراء والجمال...حتى لو كان أخوها!!...
قربو منا ....وقالت أمل بدلع: ناديتونا!!....
رديت عليها بتريقة: ما ناديتك ولاأبغى وجهك الخفس ذا!!
صالح: هي ماخفس غير وجه زوجتك!!...
أمل: ههههههههههههههه يابعد قلبي الحمش والله!!
كانت واقفة بجنب أمل وعيونها في الأرض...تجرأت وسحبتها من جنب أمل وقفتها بجنبي!!....ما أقدر أتجرأ معاها أكثر من كذا!!...
وقلت : والله انك أعمى القلب والنظر!!..بالله هالقمر كله ينقال عنه خفس!!...
صالح: ماحد غيرك يشوفها قمر!!...وش نقول مقيوله!!...
رديت عليه: اقول خذ هالعنز إلي معاك وضف وجهك...أنا بروح أغطس شوية!!
أمل: هين يا هارون...أنا عنز ها!!
جاوبتها:الله!!... الحين صرتي تزعلي من لقب العنز!!...ليه أول كنتي تشقي وجهك بالضحك من الإذن للإذن!.يش إلي غير النفوس!!
صالح: لا الحين الوضع أختلف...يعني إذا أختك عنز فأنا تيس!!
جاوبته: هههههههههه صح يالتيس!!
صالح : لاتسب!!
جاوبته: أنا إيش قلت!!...إنت إلي قلت!!
أمل: ههههههههههههههه....أي أي أي
هههههههههههه صالح قرصها في خدها ...
صالح: على إيش تضحكي مالت عليك إنتي وأخوكي!!...
أمل :هههههههههه وجعتني!!...وبعدين انا لوحدي إلي ضحكت!!... ماتشوف إختك !! ..
طليت بسرعة عشان أشوفها....ولا مرة شفتها تضحك!!....
ما أقدر اوصف إيش حصلي!!...أخذتني ضحكتها ودتني عوالم وعوالم!!....بإبتسامتها حسيت إن الدنيا كلها حلوة...حلوة بقدر عيونها...وغمازاتها!!...اول مرة ادري إن صبا عندها غمازتين!!...زايداها إغراء وجمال....
كانت رافعة راسها وتطل على صالح وهي على فمها أحلى إبتسامة شفتها في حياتي...أول مانتبهت لإلتفاتي لها نزلت راسها وأختفت الإبتسامة !!
رجعت للأرض على صوت صالح: يالخو!!...يالحبيب!!...هارون!!
التفت له بسرعة :إيش فيك ياخي!!...
قالت أمل وهي تغمز : فين وصلت!!
صالح بتريقة: مطار صبا الدولي!!
أمل: هههههههههههههه الحمد لله على السلامة!!
صالح يوجه كلامه لصبا: وإنتي كمان نازلة للآدمي تسبيل!!...حرام الرجال ضاع عقله!!
أمل: هههههههههههه صالح حرام البنت ولعت...شوي شوي عليها!!
صالح: أنا إلي شوي شوي!!...قولي لأخوكي...إلي ولا معتبر وجودي بينهم!!تراها لسى عندنا!!
أنا عجبني الكلام كثير...ومتأكد إن كتلة الجليد إلي بجنبي ذي تحولت لبركة موية !!...قلت خلني ازود عليها ...
مسكت يدها وكانت زي التلج...عشان كذا حطيت يدي الثانية عليها وقتله: الحين إنت وزوجتك شايفين دمكم خفيف!!...ليش ما تسحب زوجتك وراك وتفارقنا!!
أمل: إيه الحين تبي الفكة!!...
صالح وهو يوجه كلامه لصبا: وانتي عاجبك الكلام ها!!...تبي الفكة إنتي الثانية!!
صبا هنا سحبت يدها مني بالقوة....ورجعت للفيلا !!...
أمل بلوم: حسبي الله علينا...خجلنا البنت!!...عجبك الحين!!...
صالح بصوت عالي: صبا !!...ترانا نمزح معك!!...تعالي!!
ولا كأنها تسمع...كملت طريقها راجعة..
أمل بسرعة: بروح أشوفها!!....
وسابتنا وراحت وراها...حاولت تكلمها ...لكن صبا ولا هي هنا ...ودخلو الثنتين ...
صالح: هههههههه زوجتك دلوعة!!
جاوبته: والله إنتو إلي زودتوها إنت وزوجتك!!
صالح: واحنا ايش سوينا!!...كنا نسولف!!...وبعدين من دون أي شي زوجتك دلوعة !!...وبكرة راح تشوف!!
قتله: ومن فين جابته!!...مو إنتو إلي دلعتوها!!
بانت في عيونه نظرة حنان وهو يقول: لسى تقول فيها!!..ولغاية الحين ندلعها!!...هذه صبا ...أغلى شي عندنا في الدنيا!!
حسيته قال الكلمة ذي بغصة....
قتله: الله يخليكم لبعض ....
صالح: هارون!!...لا أوصيك على صبا!!... راعيها بعيونك!!...ولا تزعلها بيوم!!...ترى ما أأتمناها عليك إلا لثقتنا بطيب أصلك!!
قتله بتأثر: صبا في عيوني!!...لاتوصيني عليها!!...
صالح: إلا أوصيك!!....إنت عارف إن صبا وضعها خاص ....يبغالها طولة بال واحد يقدر يتحملها ويساعدها ...واليوم إلي تحس فيه إنك تعبت وماتقدر تكمل لاتهي...
قتله بسرعة: لا تكمل!!....صبا زوجتي يعني كرامتها من كرامتي وعزتها من عزتي!!....وبعدين يا صالح ليه تعيد عليا الكلام ذا!!...انا عارف وضع صبا من يوم ما خطبتها وراضي فيها!!... بنتكم بتطلع من بيتكم وراح تنزل في عيوني معززة مكرمة!!
صالح: وهذا العشم فيك !!...
جاوبته :وانتو عاد خلوها تخف من دلعها شوي!!...
صالح: ههههههههههه أحلى شي في صبا دلعها...ماتدري دلعها إيش يسوي في أبوي!!
ماقدرت أمنع الفضول إلي داخلي في إني أعرف أي شي عن صبا!!...ليه هذا الإهتمام مدري!!...إمكن لان صبا من النوع إلي يقدر بكل سهولة إنه يلفت إنتباه الأخرين ويحصل على إهتمامهم!!...أو إمكن لاني أبغى اعرف أكثر عن الإنسانة إلي عيشتني شعورين متناقضين!!...شعور بالعطف والشفقة عليها كل ما شفت مدى تألمها والمعاناه إلي تعانيها!!...
وشعور مناقض تماما للشعور الأول كل ما شفت قوتها وقدرتها العجيبة على تخطي آلامها إلي مايقدر مدى شدتها إلا طبيب مثلي!!...
كل ما أشوفها في لحظات قوتها أنكر إنها هي هذيك الإنسانة إلي مالها لا حول ولا قوة قدام وحش المرض!!... ولما شفتها في لحظة ضعفها ومرضها أنكرت إنها هيا صبا بشموخها وصلابتها وغضبها الثاير إلي مايقدر يجمحه أي أحد!!
ودار الكلام بينا حول صبا....كنت أسمع وأنا مو مستوعب إن إلي جالس يحكي عنها هيا صبا!!....معقولة هالإنسانة البريئة إلي جالس يحكي عنها هيا صبا!!.... لايمكن تكون وحدة بهذه البراءة بنت ليل!!...
وهل صبا بنت ليل!!...إذا ما كانت بنت ليل إيش إلي جابها عندي!!...
إمكن أحد أحد أغواها!!...إمكن البنت تابت!!...
تابت لنفسها!!....مهما كان أنا ما أبغاها!!.... لكني كمان ماراح أظلمها!!...
مستحيل أرجع أعيش الإحساس بالذنب إلي عشته هذيك الفترة!!...
صبا زوجتي ..راح أهتم فيها وأراعيها بعيوني!!...وما راح أقصر معاها بشي!!...إلا قلبي!!...لايمكن يكون غير لوحدة بس!!...لوحدة مالها لا مثيل ولا بديل!!..تقبلي لصبا ومراعاة الله فيها مو معناته إني رضيت فيها!!... أنا جالس أتأقلم مع الوضع...وأسوي الواجب إلي عليا ليس أكثر ولا اقل...
صليت معاهم العصر ورجعت للمستشفى.
حتى مع إنشغالي بالمرضى والمراجعين كانت تنط في بالي بين لحظة والثانية....مدري إيش إلي يخليني أفكر فيها!!....
: يابختها!!
التفت لمصدر الصوت بسرعة...طليت عليها بإستغراب وسألتها: نعم يا دكتورة!!
جات وجلست قبالي وسندت ذراعا على المكتب وسندت راسها عليه...وميلت لقدام وقالت:يا بختها إلي تخلي الدكتور هارون يسرح فيها!!...أحسدها من كل قلبي!!
أسلوبها المايع دايما ينفرني منها...عشان كذا قتلها: خير يا دكتورة غزل في شي!!
د.غزل: سلامتك!!... بس قلت أسلم عليك ... وأسأل عنك!!...لاني اليوم الصبح ما شفتك!!
جاوبتها: شكرا!!... في شي ثاني!!
د.غزل:سلامتك!!....بس دكتور عمر خبرني إن زواجك بعد تلات أسابيع....وإنت لغاية دحين ما عزمتني!!....شكلك نسيت...فقلت أزكرك!!
بغيت أفرقع من ثقل دمها....قتلها برود: تفضلي حياك الله!!
د.غزل:بس من جد يا بختها!!....حزها من السما إلي يتزوجها دكتور هارون!!
أف ذي وبعدين معاها....
شكلها أنتبهت إني متضايق عشان كذا قالت : إزا متضايق من وجودي راح أقوم!!
أخذت السماعة من على المكتب وقتلها وأنا أوقف:أنا إلي بقوم عندي مرور الحين....عن إذنك!!
وتركتها لوحدها وسط حيرتها وغضبها ...
في اللحظة ذي دق جوالي وكانت هيا صبا!!
انكرت إتصالها ولا مرة سوتها!!...لكني خمنت سبب الإتصال...إكيد راح تتفجر فيا بسبب إلي حصل في المزرعة!!...وأنا وش دخلني!!....أخوها وأختي إلي جلسو يعلقو!!
مسكت جوالي عشان ارد عليها لكن في اللحظة ذي ...
جا نداء بإسمي: الدكتور هارون مطلوب في غرفة العمليات !!...
ولاني عارف إنها راح تقصر وتطول معي في الكلام... وراح تستفزني بأسلوبها الوقح فضلت إني أأجل كلامي معاها لبعد العملية وبدل ما أرد عليها إديتها مشغول وقفلت الجوال بالمرة!!... وتوجهت لغرفة العمايات فورا!!...
ونسيت خبر صبا...بمجرد ما دخلت الغرفة...
................

صبا.............
: الحقير الكلب!!...
ورميت الجوال على السرير بقهر...
وداد: إيش ما رد عليكي!!
جاوبتها بغضب: الحقير قفل الخط في وجهي!!
وداد: ههههههههههههههههههه
التفت لها بزعل وسألتها: تضحكي!!...أقلك قفل في وجهي!!
وداد: تستاهلي!!...إلي تسويه إنتي فيه كمان مو شوية!!...
مسكت الجوال ورجعت دقيت عليه...المرة ذي الجوال مغلق...
قلتلها بغضب: جواله مغلق!!... شايفة الحيوان!!
وداد: صبا!!...عيب عليكي!!... هذا زوجك!!
قتلها بعصبية: لا تقولي زوجي!!... مو زوجي!!
وداد: أجل إيش!!
جاوبتها: أي شي!!... عدوي واحد غريب عني ما يهمني أمره!!...إلا إنه يكون زوجي!!
وداد: إذا مايهمك أمره ليه معصبة بالشكل ذا طيب!!
التفت لها وقتلها: لا والله جالسة تتذاكي عليا!!...أيوا مايهمني أمره!!... أنا بس مقهورة من الوقاحة إلي سواها اليوم قدام صالح!!...
ضربت يد في الثانية وقالت: والله إنك غريبة!!... الرجال ما سوا شي!!... مو إنتي قلتي بلسانك إن صالح وأمل هما إلي نزلو تعليق عليكم!!
قتلها : بسببه!!...لو كان محترم نفسه ما كان أحد علق!!
وداد : أقلك!!...إنتي حرة!!...سوي إلي تسويه وقولي إلي تقوليه!!...
بس عندي إحساس قوي إن كرهك هذا كله لهارون راح ينقلب حب لكن يا خوفي يحصل الشي ذا بعد فوات الأوان!!...بعد ما تكوني كرهتيه فيكي بأفعالك ذي!!...وفي النهاية راح تندمي وتلومي نفسك على كل تصرف غير مسؤل صدر منك إتجاهه...
قلت بإنكار: أنا!!....أنا أتنازل له الحقير!!!!... إيش جالسة تخربطي إنتي!!
وداد:أنا أقلك الكلام ذا عشان مصلحتك!!...إحفظي خط الرجعة يا صبا!!...لا تسدي كل الطرق على نفسك!!.... فكري بكلامي كويس!!...حياتك تستاهل إنك تضحي بجزء من غرورك!!
قمت من مكاني بعصبية وقتلها: لا هذا كثير!!... تدافعي عنه بطريقة لا تطاق!!... إذا عاجبك خذيه!!... عليكي بالعافية!!
مدري كيف تجرأت وقلت هذا الكلام!!... بس من جد كنت معصبة منها!!... دايما تدافع عنه!!...بالرغم من كل إلي عارفاه عنه جالسة تدافع!!...
ما قالت ولا شي!!...بس أكتفت بنظرات اللوم والعتاب ...وبعدين أخذت نفسها وطلعت من الغرفة حتى من غير ما تقلي ولا كلمة!!...
فكرت أناديها وأتأسف منها...لكني تراجعت!!...أنا عارفة إني غلطانة!!...وإني تطاوت عليها.... وإن وداد ما تستاهل الشي هذا مني!!....لكني مليت دفاعها عنه!!... هارون أغتصبني!!... أغتصبني!!...لا يمكن أقتنع ولا اصدق ولا كلمة طيبة تنقال في حقه!!... وبدل ما توقف معايا ...صارت في صفه
هذه أعتبرتها خيانة!!...تبغاني أسامحه؟!...بعد كل إلي مريت فيه وإلي شافته على عينها!!...مستحيل!!...
بعد شوية جاتني سراب ... جلست تتكلم معي!!... لكن أنا ماكنت معاها...كنت في عالم ثاني!!...كنت أفكر في وداد!!... مهما حصل هذه وداد !!...حبيبة قلبي!!...أستحملت مني إلي ما أستحمله أحد!!...ما أقدر على زعلها!!... ماحد سوا معي إلي سوته!!....وداد عيوني إلي أشوف فيها!!... هيا المصدر إلي يمدني دايما بالطاقة!!.. لولاها بعد الله أنا كنت في عداد الأموات!!....ليه زعلتها!!...أنا ما قصدت أزعلها!!...
كنت أبغى أوصلها إني مو راضية عن دفاعها الدايم عن هارون!!... إمكن غلطت في الإسلوب!!.. إمكن كنت وقحة!!... لكن راح تسامحني!!..انا عارفة وداد مستحيل تزعل عليا!!... مستحيل!!..
: هههههههههههههههه
التفت لها بإستغراب : بسم الله الرحمن الرحيم!!...إيش فيكي!!..تضحكي مع نفسك!!
سراب: لا .... بس جالسة تطلي عليا وعيونك في عيوني ... وعقلك في مكان ثاني!!
سألتها بتريقة: من جد!!
سراب: من أول جالسة أحكيلك ولا ظهر على وجهك ولا أي إنطباع!!... كأني أحكي للجدار!. مافي غير عيونك تضيق وتوسع ... تقولي كأنك بومة!!
قتلها بزعل: وجع!!...بومة في عينك!!....
سراب: هههههههههه وأنا الصادقة!!...
وغمزتلي: هذا إيش أسميه!!.. حب ولا وله ولا هيام!!
قتلها بعصبية: لا عبط لاني جالسة معاكي!!...
وقمت من مكاني....
سراب: فين رايحة!!
جاوبتها: مالك دخل!!...أمل فينها!!
سراب: هههههههههههههه غطسانة في العسل!!...عقبالي يارب!!...
مدري ليه قلت : قريب إن شاء الله!!... وسبحان الله لايقين على بعض!!
الجملة الأخيرة قلتها بصوت واطي لكنها سمعتني....
فزت من مكانها وجات عندي ولصقت عينها في عيوني وقالت : سمعتك!!..عندك ليا عريس!!
أبتسمت وبعدت عنها وقتلها: أي عريس!!... بسم الله جالسة تتخيل!
قالت بإصرار: إلا سمعتك!!... قوليلي الله يخليكي!!.. عندك ليا عريس!!
ضحكت عليها: ههههههههههههه إنتي من جدك!!...
سراب: ليه شايفاني بزر ألعب معاكي !!... إيه من جدي!!... إيش أسمه وكيف شكله!!
جاوبتها: هههههههههههههه الله يخلف على عقلك من جد!!... يابنتي لا تخليكي مطيورة كذا!!... وبعدين إلي يشوفك وإنتي مسروعة كذا يقول ما تنخطبي!!.. وإنتي ما شاء الله تبارك الله ما في أكثر من عرسانك!!
رجعت رمت نفسها على السرير وقالت: أي عرسان!!.. كلهم من العيلة!!.. وأنا بصراحة ناوية أسوي تحسين للنسل!. عشان كذا أبغى أشطح شوية... وآآآآآه لسى ما ظهرلي فارس الأحلام إلي في لكزس أبيض!!
ضحكت: هههههههههههه صارت لكزس !!
سراب: أكيد!!... لكل عصر إحياجاته ومتطلباته!!...ولا زم أكون واقعية شوية...لاني لو أستنيت المبخت يجيني على حصان ابيض عز الله بعنس!!
: هههههههههههههه سراب هههههههههه حرام عليكي خلاص بفطس ضحك... الله يقطع بليسك يا شيخة!!... ههههههههههههههههه
سراب:لا وإلي يسلمك!!... لا تفطسي قبل ما اعرف مين سعيد الحظ!!... قولي أسمه وتوكلي على الله!!
حسبي الله على أبليس!!... البنت ذي مو طبيعية!!...
خلاص ما بستحمل قتلها وأنا ميتة ضحك: هههههههههه أسكتي!!...إسكتي!!ههههههههههه
سراب: ههههههههههههه بسم الله عليكي!!.... خلاص ياماما ما صار ضحك!!
بعد ما هديت شوية قتلها وأنا أمسح الدموع من عيوني: تصدقي يا سراب!!... من سنين ما ضحت هذا الضحك!!... ومع إني متضايقة لكني من جد نفستي عني!! الله يسعدك يا شيخة!!...
سراب:ولو إحنا بالخدمة!!...بس رفعتي من روحي المعنوية!!... دايما أمل تقول إني غثيثة ودمي ثقيل!!... بروح ادخل في نص عينها وأقلها إنها كذابة!!
وقامت من مكانها....
سألتها: على فين!!...
جاوبتني بسرعة: بروح أدخل بنص عينها!!....
ضحكت: هههههههههههههه أقول تعالي انثبري ..قوليلي فين البنات!!
جاوبتني وهيا تربع نفسها على السرير مقابلي: وداد رجعت على جدة تقول عندها شغل ضروري...أكيد عارفة.... وبقية الأخوات المتزوجات كل وحدة ماسكة نصها الثاني ومزهقة أم أمه!!... ومافي غيري وغيرك!!
جاوبتها: هالة فينها!!
سراب: مكبرة مخدتها ونايمة... البنت ذي ما تعرف تسوي غير ثلاث أشياء... يا تنام يا تلط يا تقز في ذي الأسواق!!
قتلها: ههههههههههه ول ول على لسانك ما كف عن أحد... وبعدين مو كأنك دوبك أغتبتي بنت عمي!!
سراب: أنا!!!... حشا...
ودق جوالها ...قامت من مكانها وقالت: صبا أمي تبغاني...يلا حبيبتي أروح اشوفها وراجعالك...موه....
وسابتني وطلعت!!
رجعت اخذت الجوال ودقيت أول شي على الزفت... عشان افرغ فيه كل عصبيتي وغلي!!... لانه هو أس البلاوي إلي أنا فيها كلها....
لكن للأسف لسى مغلق... هين يا هارون الزفت!!... مصيرك راح تفتحه!!...
رجعت دقيت على وداد...مستحيل أستحمل تكون زعلانة مني!!....أبدا ما أقدر!!...
بعد كم رنة ردت عليا ...مع إنها في العادة ترد عليا مع ثاني مرة إلا فيما ندر لما تكون مشغولة!!...
جاني صوتها بنبرة عمري ما سمعتها منها: الو نعم!!
حسيت بإرتباك من برودها الظاهر معي قتلها: وداد أنا ... والله يا وداد ما كان قصدي!!... والله يا وداد آسفة!!
بعد لحظات صمت جاني ردها: صبا نتفاهم بعدين!!... الحين مشغولة!!
غرقت دموعي خدودي وانا اقلها: أمانة يا وداد ما تقفلي وإنتي زعلانة مني!!... والله أموت !!...
قالت بسرعة : بعد الشر عنك!!...
وبعد لحظات صمت كملت: خلاص يا صبا بعدين!!
زادت دموعي لما قالت بعد الشر عنك!!...
هذه هيا وداد مهما سويت لايمكن تقسى عليا!!... أصلا لايمكن تكون قاسية على أحد!!
قتلها بترجي: وداد !!... لو قفلتي من دون ماتقولي إنك رضيتي عني إمكن أموت أو يجرالي شي !!... ما أقدر أستحمل فكرة إنك زعلانة مني!!
قالت بحنية وتأثر : بعيد الشر عن قلبك!!... خلاص حبيبي والله ماني زعلانة منك!!... لكن مايمنع إني راح أقطع لك لسانك ذا!!
ضحكت من بين دموعي: هههههههههههه لساني وكلي تحت شورك!!... حياتي كلها ما تغلى عليكي!!... لكن لا تزعلي مني!!... ما اقدر اعيش وقلبك شايل مني!!... أنا ما اتنفس غير بحبك!
وداد: صبا!!... إنتي بنتي!!... صح إنك بقرة !!... وأني صغيرة على إني تكوني بنتي!!....لكن إيش أسوي أحبك!!
ضحكت: هههههههههههههه حبيبي أحلى ماما في الدنيا!!...
وداد: ههههههههههههه لا مو لهذا الحد عاد!!...
جاوبتها: طيب حبيبي ما راح اأخرك عن شغلك... سلام حبيبي
وداد: في حفظ الله ...
وقفلت معاها وأنا حاسة إني انولدت من جديد....ورميت جسمي على السرير وانا اتنفس براحة.... وصرفت نظر عن إني أدق على الزفت هارون لاني ما ابغى أعكر مزاجي بصوته العكر!!...
…………………..

هارون............
بعد ما خلصت شغلي.....فتحت الجوال لقيت خمس مكالمات من غزل!!....يوه وذي الثانية إيش تبغى!!...طليت على موعد المكالمة كانت من قبل ربع ساعة...والله إنها فاضية!!.....
وكان في مكالمتين من صبا
فكرت أدق عليها ...بس رجعت غيرت رأي...الساعة الحين 12 الليل أكيد بتكون نايمة!!....
ولاني مو شايف قدامي ماقدرت أمسك الطريق لغاية المزرعة...عشان كذا رجعت الفيلا..... وصعدت على جناحي....
وبدلت ورميت نفسي على السرير....حاولت أنام لكن مافي النوم ماجاني... مع إني هلكان من التعب إلا إن عقلي شغال....يفكر في الف شي وشي....وعلى رأس هذه الأشاء صبا!!....مدري ليه بدأ شي في الصورة إلي مطبوعة لها في فكري يتغير!!....بعد الكلام إلي سمعته من أخوها وحتى تصرفاتها ما توحي بإنها وحدة فلتانة!!....وإنت ياهارون كم مرة جلست معاها عشان تحكم الحكم ذا!!.... عارف إني ماجلست معاها غير أربع مرات...لكن في خطوط عريضة الإنسان يقدر يقرأها من أول مرة!!... وإلي قرأته في صبا من خلال هذه المرات القليلة إن فعلا فيها نوع من البراءة!!... مو مجرد كلام سمعته من أخوها وبس!!...البراءة!!... تروح وترد على نفس الموضوع!!....مو بس كذا!!... في شي غامض ينتابني كل ما جلست معاها!!... او التقيت فيها!!... ما قدرت أحدد إيش هوا الشي ذا!!...
كفاية تفكير فيها!!...مو كفاية طول اليوم وهيا بالي!!...ليه يا صبا!!...ليه أحتليتي كل هذا الحيز من تفكيري!!... مع إنك ما سويتي ولا أي سلوك يخليني أنشغل فيكي كذا!!... بالعكس كل تصرفاتك وكلامك معي منفر....ويخلي الواحد يهج ويطلع من هدومه!!....
هل السبب الرئيسي هوا عطفي عليها!!....عطفي عليها هوا إلي يخليني دايما أراجع أدق التفاصيل...وأحاسب نفسي على كل تصرف صغير وكبير تصرفته معاها...وبالتالي تواجدها في أفكاري يكون بصورة شبه دائمة!!
صبا صبا صبا!!....خلاص خلاص تفكير فيها!!... البنت ذي جننتني!!...جننتني وهيا قريبة...وحتى وهيا بعيدة جننتني!!...خلاص خلاص!!...وحطيت يدي على راسي بالقوة!!...
ومن دون وعي مني رجعت أفكاري عن صبا!!....
جلست على السرير متضايق: أحسن شي إني أكلمها!!... أكيد راح تسمعني كلمتين من كلامها إلي يغث... تخليني أعوف التفكير فيها!!... على الأقل الليلة!!... وإمكن أقدر أنام!!
رجعت ضحكت على نفسي!!... أنا جالس أكذب على نفسي!!.... ليه ما تقول إنك تبغى تكلمها والسلام!!...
وأي كان العذر...مسكت جوالي ودقيت عليها.....وأنا متأكد إنها راح تتجاهل إتصالي حتى لو كانت صاحية!!...لكني مع هذا دقيت!!
لكنها خيبت ظني!!.... بعد كم ردة جاني صوتها: امم أيوا حبيبي!!
أنا صعقت!!.... معقولة !!... حبيبي مرة وحدة!!...هذه إسمي تتقرف تنطقه!!...كيف تقلي حبيبي ؟!...مستحيل!!...أكيد في شي غلط!!...بعدت الجوال عن إذني عشان أتأكد من الرقم...كان هوا إسمها (صبا).....طيب إيش هذا إلي أنا سمعته!!
رجعت التلفون على إذني وأنا مبلم !!
رجع جاني صوتها: خلاص يا وداد والله تعبتيني!!...بكرة إن شاء الله!!... يلا حبيبي تصبحي على خير!!
وأنتهت المكالمة!!....
مع إني أستوعبت الموقف إلا إن الصدمة كانت أقوى من الموقف!!....لقيت نفسي بدل ما اوقف تفكير فيها...أغوص فيها أكثر وأكثر!!....كلمتها!!....صوتها.. ..آآآه من صوتها!!...رددت الكلمة أكثر من مرة...مدري إيش إلي حصل لي!!... شعور غريب!!.... صوتها شدني اكثر من الكلمة نفسها...صوتها وهي نايمة .... مدري!!... هذيك النبرة إلي سمعتها في صوتها شدتني كثير...في كل مرة كانت تتكلم معي يكون صوتها في قمة البرود أوفي قمة التعصيب!!....أما هذه النبرة فهيا جديدة عليا!!
تردد صوتها في راسي ... غمضت عيوني براحة وأنا مبتسم بهدوء.... صوتها وهي نعسانة حكاية ثانية!!.... كأن صوتها زي المسكن .... مالقيت نفسي غير رايح في النوم .... إمكن أول ليلة من يوم ما دخلت حياتي أنام فيها براحة!!... سبحان الله... وداوها بالتي كانت هيا الداء!!....

قمت الصبح وأنا مزاجي رايق على الآخر....أبدا ما تخيلت إني راح احس بكل هذه الراحة لمجرد سماعي صوتها!!.... ليه أنا كذا سعيد!!...مدري!! إلي أعرفه إن مرتاح مرتاح كثير!!... وأتمنى إني في هذه اللحظة أدق عليها!!....
كل هذه الأفكار كانت تدور في راسي وأنا نايم على السرير!!...حتى عيوني مافتحتها!!....
وفعلا مديت يدي عشان آخذ الجوال...لكني تراجعت في النهاية ....
لاني متأكد إني لو كلمتها الحين راح تعكرلي مزاجي....وأنا كذا مبسوط
طليت على الساعة لقيتها 8:30 ....قمت وأخذت لي دش ساخن...وتجهزت ونزلت تحت.....طبعا مافي أحد في البيت حتى الخدم....
دخلت المطبخ سويتلي كوب شاهي...ولاني متدرب على حياة العزابية فأنا أعرف للمطبخ كويس!!....
كان صوتها لسى يتردد في عقلي....وكل ما تكرر زادت إبتسامتي!!....
بالرغم من إنبساطي إلا إني كنت مستغرب من نفسي!!...معقولة مجرد سماع صوتها يسوي فيا كذا!!...لا مو لاني سمعت صوتها!!... مو أنا كل يوم أسمع صوتها!!...بالعكس كان يغثني وينكد عليا!!... لكن أمس كان شي ثاني!!...إمكن سمعت صوت صبا الحقيقية!!...صبا إلي ملكت قلب أهلي وعقولهم!!....
في وسط زحمة افكاري دق الجوال...كان رحيم....
: هلا أبو أكرم!!
رحيم: ياخي حرام عليك بتجنن أمك...وأمك بتجنني!!..
ضحكت: هههههههههه ليه من دون شر!!
رحيم: تخيل تبغاني أمسك طريق جدة عشان أطمن عليك فطرت ولا لا!!...إيش مسويلها إنت!!
ضحكت: هههههههههههه بعد قلبي الغالية والله!!...هي بجنبك!!...
جاني صوتها: هلا بنور عيوني!!
جاوبتها: هلا والله بجنتي وناري!!...كيفك يما!!
امي: أنا بخير دامني أسمع هالصوت!!...هارون حبيبي فطرت يما!!
ضحكت: هههههههههههه الله يهديك يما!!... إلي يسمعك يقول إني بلد وأنتو بلد!!....
أمي: مادامك بعيد عن عيني بظل أخاف عليك وغصب عني قلبي ياكلني!!
جاوبتها برقة: والله إننا من دونك نضيع ....ربي لا يحرمنا من هذا القلب الأبيض!!
أمي: ولا منكم ولا من أبوكم ولا يوريني فيكم غير كل خي....ويسعدكم يارب....
قتلها: آآآآمين ....يما اليوم بخلص شغلي....وبجي المزرعة!!
أمي: تجي بالسلامة حبيبي....ربي يحفظك ويسعدك يما!!
جاوبتها: الله يخليك يالغالية...يلا حبيبتي مع السلامة...
وقفلت منها...وتميت اطل على الجوال في يدي...تمنيت أسأل رحيم عنها!!....من أمس لغاية اليوم وهيا معايا!!....أول مرة من ثمان سنوات أنام من دون ما أناجي ملاكي الطاهر...أول ليلة مايزورني فيها طيفها!!...المرة ذي كانت صبا هي إلي معايا طول الليل...وحتى في نومي كانت هي المسيطرة على أحلامي!!....وقمت وهيا لسى معايا... وهذا أنا الحين جالس أفكر فيها!!....إيش هذا إلي جالس يحصلي!!....
خلصت من شرب الشاهي...وطلعت على المستشفى....

في المستشفى....
كان أول من شافني هوا الدكتور عمر....
قلي وهوا مبتسم: صباح الخير!!...
جاوبته : صباح النور...كيفك...دكتور عمر!!
د. عمر: الحمد لله تمام....بس مومروق مثلك!!
ابتسمت أكثر وسألته: باين إني مروق!!
د.عمر: إيش إلي باين!!... عيونك جالسة تنط من مكانها...ما شاء الله
جاوبته وأنا لسى مبتسم: عادي ...هذا انا كل يوم!!
د.عمر:أبدا!!...اليوم غير!!...
ضربته على كتفه بخفة وأنا امشي: غير غير!!... يلا أشوفك خلال اليوم إن شاء الله...
ودخلت مكتبي....وانخرطت في جو الشغل....ومازال مزاجي رايق...
.............................. ............

هالة..........
: خلاص وأنا كمان بجي معاكم!!...
أشرتلي ثريا: لا تتعبي نفسك!!...إحنا بنروح البيت عشان نظفه!!...إيش لك في التعب!!
قتلها: قولي إنك ماتبغيني أجي معاكم وريحي عمرك!!
سراب: أنا ما ابغكي تجي!!...إيش عندك!!
جاوبتها:الحين إنتي إيش دخلك!!...
سراب: الباب!!
ضحكت بتريقة: ويك ويك ويك!!...بايخة زيك!!
سراب: مو أبيخ من وجهك!!
سويت نفسي ما اسمعلها والتفت على ثريا: تونة حبيبتي!!...متى بتروحي بيتكم!!
أشرتلي ثريا: بكرة إن شاء الله حاتم حيوديني!!
كل شعرة في جسمي وقفت لما قالت اسمه!!....واستدركت نفسي بسرعة لا أنكشف قدامهم...وقلت لثريا: أجل خلاص !!...بكرة بروح معاكم....وخلي إلي مو عاجبه يموت قهر!!....
سراب: ياربي لصقة أصلي!!
طلعت لها لساني وقمت أكلم عمي وغازي عشان أستأذن منهم...
وأنا حاسة نفسي جالسة أطير !!...مدري من سرعتي ولا من فرحتي!!
حاتم هوا إلي راح يودينا !!...يا الله فرحتي ما تتوصف!.سبحان الله...مدري كيف حبه سكن قلبي من دون أي مقدمات!!.... لقيت مشاعر العطف والإحترام إلي كنت أحس فيها كل ما حكتلي سراب عن مواقفه مع ثريا....وعن كل إلي عاناه من غادة تتحول لحب!!.... حبيته من دون حتى ما أعرف ملامحه كويس!!... ما شفته غير ثلاث أو أربع مرات وكلها ما تتعدى دقايق...كنت اعتقد إنه حب عابر!!... أو وهم !!....
لكن في يوم سراب دقت عليا ونقلتلي خبر زلزلني!!...يومها عرفت إن المشاعر إلي أحس فيها تجاه حاتم مشاعر حقيقية....حقيقية مية في المية...
كان صوتها حزين وباين عليها إنها كانت تبكي....
سألتها بقلق: سراب !!... إيش فيك!!
سراب: إلحقيني يا هالة!!....مصيبة!!... ماتصدقي إيش إلي حصل لي!!
سالتها بخوف: إيش في!!
سراب وهي تبكي: عمي خطبني لحاتم ولده!!...
حسيت الأرض دارت فيا... المصيبة إلي تقول عليها سراب جات على راسي أنا!!...حاتم خطبها!!... ماني مصدقة!!....
رجولي ما قدرت تحملني والأرض قامت تلف فيا!!...عرفت في لحظتها إني أعشقه!!... أحبه!!...وإن إلي أنا فيه مو وهم...
جلست على الكنب مصدومة ومجروحة!!...نزلت دموعي بسكون هادر!!...عصف بكياني!!....
جاني صوتها وكان مخنوق من كثر البكا: إنصدمت لما أبويا نقلي الخبر!!
جيت برد عليها لكن الكلام مارضي يطلع!!... طلعت بدل كذا شهقة لكني قدرت أكتمها قبل ما تفضحني...شديت على شفايفي بقوة ...وبشق الأنفس طلعت الكلمة مني: ليه!!
سراب: لاني عمري ما فكرت بحاتم غير أخ!!... عمري ما شفته غير زي هارون ورحيم ويحيى!! ...
حسيت إني أنجرحت أكثر!!....إنتي ما تحبيه وهوا يبغاكي!!... وإلي تبغاه ما يدري عنها!!... حتى أصلا ما يعرف بوجود وحدة على هذه الدنيا إسمها هالة!!....
رجعت كملت: حتى هوا!!... عمره ما فرق في المعاملة بيني وبين ثريا!!... حتى لما تغطيت عنه ما أختلفت المعاملة... ما زال يعاملني زي ثريا!!...
يعني حاتم ما يحبها!!....طيب وليه خطبها!!....أمكن هو يحبها لكن هيا مو عارفة حقيقة مشاعره!!
قتلها: سراب فهميني زي الناس!!... إذا يشوفك زي أخته ليه خطبك!!
سراب بعصبية: مو هو إلي خطبني!!... عمي هوا إلي خطبني!!....
حسيت بروحي أرتدت!!...سألتها: طيب فين المشكلة!!...إرفضيه!!...
حسيت إني أنانية لما قتلها أرفضيه!!...المفروض أقلها تتأنا وتفكر وتستخير...وتشوف إذا كان مناسب أو لا!!...مو كذا مرة وحده ترفضه!!ا
جاني ردها: وهذا هو إلي حصل...وبابا بلغ عمي!!
ابتسمت بفرحة...لكني رجعت خجلت من نفسي!!...حسيت نفسي لئيمة!!
سراب: هالة إنتي معي!!
جاوبتها بسرعة:معاكي معاكي!!...طيب ليه الحين جالسة تبكي!!
سراب: هالة أنا خايفة إن علاقة عمي وأبويا تخرب من تحت راسي!!... إنتي ما تعرفي عمي!!....
تنفست براحة وقتلها:الله يهديكي!!...الكلام إلي جالسة تقوليه ذا مايجي غير في عقل البزران إلي زيك!!....يا بنتي أبوكي وعمك ناس فاهمين وعاقلين بما فيه الكفاية!!....وعمك عارف إن هذا قسمة ونصيب !!... والله مو كاتب تصيري من نصيبه!!....ولنفرض إن عمك زعل!!... بيزعل كم!!... يوم !!...أسبوع!!... وإنكثرت حدها شهر!!....مستحيل الأخوان يقدرو يقاطعو بعض !!...مستحيل!!
سراب بقلق: يعني تتوقعي إنه ما بيزعل!!
قلت بإنكار: لسى تسألي!!... أشهد أن لا إله إلا الله!!
سراب: بالراحة عليا!!... أنا أسأل لاني خايفة!!... ما تحسي بالي بقلبي!!
جاوبتها: هدي بالك!!... ما حصل غير الخير!!....بعدين ولا تخلي نفسك مهمة ..عشان عمك يخسر أخوه عشانك!!
سراب: ههههههههههههههههه حسبي الله على أبليس!!
قتلها: أيوا كذا!!.. مو اول إنتي وهذاك الصوت!!... كأنك بقرة!!
سراب: ههههههههههههههههه بقرة إنتي!!... ههههههههههه....
سألتها: طيب وش رايك تجي عندي!!
سراب: امم طيب أشوف أمي واردلك خبر ...يلا بروح أسالها!!
جاوبتها : طيب وأنا بستناك!!... يلا الحين سلام!!
وقفلت منها يومها وأنا طايرة من الفرح زي حالتي الحين!!....يارب!!....لو حاتم فيه خير ليا أجعله من نصيبي وحبه فيا!!... ولو فيه شر أصرفه عني وأصرفه من قلبي من دون ما أتوجع أو أتآذا!!... يارب....
...........................

وداد...................
بتول: من جد الفستان من تصميمك!!
صبا بإبتسامة: إيه من تصميمي!!....وتقريبا أغلب لبسي من تصميمي!!...
بتول: من جد روعة.....ما شاء الله عليكي!!
وداد: صبا من صغرها وهيا تلبس من تصميمها!!
سراب: لا عاد ذي قوية!!
وداد: ههههههههههههههه لا والله أتكلم جد!!...كانت خالتي حلا الله يرحمها لما تشتريلها فساتين...صبا لازم تحط عليه بصمتها!!...يا تقطع كمه...يا تقصر طوله!!...كذا يعني.....وإذا خربت فساتينها تميل على فساتيني أنا وهالة!!
الكل: ههههههههههههههههه
سراب: هههههههههههه لا إذا كذا...يا ويلك لو أشوف رجلك تدب في غرفتي!!...وإياني وإياك تطبي قشي!!
الكل: ههههههههههههههههه
صبا: لا تخافي...أصلا ذوقك ما يعجبني!!
سراب: وع صدقتي عمرك!!...
هنا غادة قالت بدلعها إلي يلوع الكبد:إيه صح فستانك حلو يا صبا!!...حتى إنه مطلع جسمك حلو!!
هنا أنا رديت عليها : غادة انتي عيونك فيها شي !
غادة برود: شي مثل ايش يعني!!
وداد : يعني عيونك فيها عيب خلقي!! ( شفتها مصدومة قلت اكمل عليها ) مدري انا اشوفها طبيعية لكن شكلك كنتي تعاني من عيب خلقي وسكت شوية ... حول مثلا ونصيحة لك وياريت تاخذيها على محمل الجد لاني طبيبة انك تشوفي طبيب حول ...ههههه قصدي عيون عشان يوصفلك
نظا رة بيكون نظر احسن وتقدري تشوفي احسن بدل مانتي كذا !!...ماتشوفين أبعد من أنفك!!
غادة بقهر : وش تقولين انتي وش قصدك ؟؟
قتلها وانا امسك صبا من خصرها: لان تشوفي الفستان مطلع صبا حلوة وهو العكس صحيح فقلت امكن عيونك فيها حول وتشوفي الاشياء بالعكس..
سمعت البنات وهم يضحكو على غادة والمسكينة ما صار لها وجه طاح كله في الارض فبتسمتلها بتحدي واستصغار وشفت صبا مبتسمة
بعد شوية مالت عليا أمل وقالتلي بصوت واطي : عجبتيني والله ماحد يقدر يسكت غادة كيف قدرتي عليها !!
قتلها : ههههههههههه ترى انا مسالمة بس لما المسألة تجي عند صبا ماحد يعرفني انقلب
امل : ههههههههههه اللهم اجعل كلامي خفيف عليك
جاوبتها:ههههههههههه لا إطمني ...إنتي بالذات مقدر أقلك شي!!
أمل: ليه يعني!!
جاوبتها: أولا لأنك تحبي صبا!!...يعني عمرك ما راح تزعليها!!...وثاني شي...قيصر!!...قصدي صالح لو سويتلك شي بيقص رقبتي!!
أمل: هههههههههههههه بعد قلبي حبيبي والله!!
قاطعتنا المغضوب عليها غادة : وش عندكم هذا كله حش في خلق الله ؟!
طليت عليها من فوق لتحت هذه وبعدين معاها ...مصممة إني أفرشها اليوم قتلها: والله ما اظن الشي هذا يخصك وبعدين كل يشوف الناس بعين طبعه
قالتلي بعصبية: وش قلتي؟؟
بتريقة: يوه الله يعينك على مابلاك يا غادة فيكي كل العبر حسبتك حولة بس لا طلعتي حولة وطرشى كمان!!
وحطيت رجل على رجل وكملت: قوليلي هذا الشي فيك من يوم انولدتي ولا احد دعى عليك ؟؟
غادة بعصبية: انتي وحدة قليلة ادب وما لقيتي الي يربيك ؟
سويت نفسي مصدومة وحطت يدي على صدري وشهقت: لا تقولي انك..(ورفعت يدي واشرت عليها بالستخفاف) ...بتربيني !! يا ماما اول اعرفي ربي نفسك وبعدين تعالي تكلمي مع الناس المحترمة
غادة : اه يالي...
أمل بحدة: وبعدين يا غادة!!...ترانا جالسين مروقين!!...
كانت تطل عليا انا وصبا بحقد قلت لأمل لما جلست جنبي: يوه شوفي وربي نظرتها تخوف قالت وهي تضحك : هههههههههههههه مسكينة الحين جالسة ترغي وتزبد استني بخليها تولع الحين قتلها وانا اضحك: هههههههه وش بتسوي ؟
قالت وهي تغمز لي : بتشوفي
وراحت واخذت صينية العصير وممرتها علينا ولما وصلت عند غادة قالت: يوه كنت بنسى!! صبا!!..... هارون بعد طوايفي حرق تليفوناتنا أنا وأمل!!...يقول ليه حاطة جوالك على السايلنت!!.. يا قاسية عذبتي قلب اخوي ....
شفت وجه صبا أنصبغ بألف لون!!...وطلت طلة سريعة على غادة وكملت: يا ويلي!!...20 مكالمة...وخمس رسايل!!...أكيد الحين بيزعل مني!!...الحين حدق عليه أراضيه!!
ملت عليها: ههههههههه انا اشهد انك احسن ممثلة
قالتلي وهيا تضحك : ههههههههههههههههه لسى ما شفتي شي
وجات امل وجلست جنبنا : شوفو شوفو الوان قوس قزح
قلتلهم :خلاص البنت فطست احد يلحقها بكاسة موية
انا وامل :هههههههههههههههههههه.....
خلاص راح تنفجر الحين!!...على طول تركتلنا الغرفة وطلعت!!....حسيت بزعل وبحزن عليها!!...ما كنت أبغى الشي ذا يحصل!!...لكن إيش أسوي هيا حاطة دوبها دوب صبا!!....وأنا ما أقبل على صبا أي شي!!....
أف يا غادة والله إنك مشكله!!...الله يهديكي بس!!
............................

هارون.....
وصلت باب الفيلا الخلفي....دخلت وناديت: يما!!...يم هارون!!
وبدل ماتجيني أمي جاتني إلي ماتمنيت أشوفها أبدا...غادة وكانت ماسكة كاست عصير في يدها!!
وقالت بدلع: هلا والله!!...عاش من شافك!!
درت ظهري لها وقتلها بعصبية: وإنتي وبعدين معاكي!!...كم مرة أقلك إستري نفسك!!....إنتي ماتخافي ربنا!!
غادة: هذا هو إلي طلع معك!!....كل هالغيبة عنا ولا حتى كيفك يابنت العم!!
جاوبتها بعصبية: عدلي من نفسك أول!!....أعوذ بالله!!...مصممة على الإثم ومصممة تركبيني ذنب!!
غادة:ليش الحين هذه المحاضرة الطويلة العريضة!!..
جاوبتها : وياريتك تستفيدي!!
غادة: مو مهم!!...وبعدين ليه مديني ظهرك...لهذه الدرجة وجهي صار ينعاف!!...ولا بعض الناس أخذو عقلك!!
المرة ذي جا صوت تمنيته : وعساهم يتهنو فيه!!
وبعدين بدل ما إنتي واقفة تشرقي وتغربي إحشمي نفسك وإطلعي!!... الرجال أعطاكي ظهره..إيش تبغي أكثر!!
التفت لمصدر الصوت بسرعة وكانت هيا!!...صبا!!...مدري إيش إلي حصلي لما شفتها!!....
كانت واقفة تطل على غادة بنظرات مستفزة...وعاد أنا اعرف غادة الواحد يقدر يستفزها بأتفه شي!!...
قالتلها غادة بإحتقار: لو سمحتي!!...لاتدخلي بيني وبين ولد عمي!!
صبا بغرورها إلي يسحرني: والله إذا راعيتي هذه الصفة وماتعديتيها ما راح أدخل!!...بس الكلام إلي إنقال ماينقال بين عيال العم ...يا...حرة!!
إبتسامتي شقت عرض وجهي!!....نسيت خبر غادة!!...جلست أطل عليها بإعجاب!!...عجبتني طريقتها في الكلام!!...وإلي عجبني أكثر دلعها الباين في ردها على غادة....
هنا غادة التفت لي بعصبية وقالت: عاجبك كلامها !!....ماتوقفها عند حدها!!
قتلها وأنا مركز عيوني على صبا ومازالت الإبتسامة على وجهي: معاها حق في ألي قالته!!...
غادة : والله هذا إلي طلع معاك!!....
هنا صبا تقدمت وكانت مركزة عيونها على غادة... لغاية ما صارت بيني وبينها وصارت مواجهه لها وظهرها شبه لاصق فيا !!....حسيت برعشة تجري في كل جسمي....راسها كان لاصق في دقني تمنيت في هذه اللحظة أتهور واحط يدي على أكتافها مثلا أو أحظنها...أي حركة متهورة تحسسني إنها زوجتي!!....وخصوصا إن غادة واقفة فمستحيل إنها تتصرف أي تصرف يبين لها حقيقة إلي بينها!!...لكني تراجعت!!...ماحبيت أحرجها أو أقهرها!!...
صبا برود:لو سمحتي ممكن تهوينا!!...ابغى أقله شي خاص...وما أبغى غرب بينا!!...فلو سمحتي !!
وأشرت على باب المطخ الداخلي!!
شفت الشرار طلع من عيون غادة...وقالت بحدة: لا والله!!...غرب!!... ياحبيبتي ماغريب غيرك!!...أنا بنت عمه و رغم عن أنفك أقرب له منك!!
لصقت فيا أكثر وسوت حركة أبدا ما تجرأت حتى أتخيلها!!...مسكت ذراعي ولفتهم حولها!!...وقالت بدلع: أقرب من كذا!!
هنا غادة أنهارت!!...وانا كمان أنهرت!!....ما أقدر أستحمل قربها مني لهذه الدرجة!!
قالتلها غادة بإحتقار: ماعمري شفت أحد في تفاهتك!!...
صبا:لكن أنا شفت في وقاحتك كثير!!...في الافلام الهابطة إلي زي وجهك!!
مدري إيش جا في عقل غادة!!...قربت منا برود....ومسكتني من يدي!!...
وقبل ما أستوعب الموقف...وقبل حتى غادة ما تسوي خطوتها الثانية كان كف صبا أسرع!!...
تصنمت غادة في مكانها!!....شفت الدهشة والإنكار في عيون غادة!!...أنا كمان كنت مندهش!!...معقولة!!... كف!!...بس الحق ينقال!!...غادة تستاهله!!...من جد وقحه!!
وجانا صوت صبا برود: عشان تعرفي تلزمي حدو....
غادة ماخلتها تكمل!!...رشت عليها العصير إلي كان في يدها!!...طبعا مو صبا لوحدها إلي انغسلت بالعصير!!....
وقالت بحدة: ياحقيرة!!....لكن هين!!
شفت إن الموضوع راح يكبر..فعشان كذا طوقت صبا بذراعيني الإثنين وسحبتها...وصرت بينها وبين غادة!!...
طبعا صبا كانت متعفرتة في يدي!!...تبغاني أفكها عشان تهجم على غادة!!....والله لو مسكتها هالمتوحشة غادة ما بسيبها غير لما تكسر عظمها!!...صبا حجمها صغير ونمرضهها مخليها نحيفة!!...أما غادة فهيا بصحتها!!....
وجهت كلامي لغادة: غادة!!...إنقلعي أحسن لا أجي اوريك شغلك!!....
غادة بقهر: هذا بدل ما تدافع عني!!...هالحيوا....
صرخت فيها بحدة: غادة!!...كلي تبن!!...احسلك ترى!!
صرخت صبا: أتركني!!....إتركني!!....
ماسمعت كلامها...شلتها وطلعتها من المطبخ وناديت على أمل: أمل!!....أمل!!
جات أمل بسرعة: إيش في!!....(وشهقت لما شافتني شايل صبا وهي غرقانة بالعصير) إيش حصل!!...
قتلها: في غيرها !!...
جاني صوت صبا: نزلني!!...قتلك نزلني!!
أمل: نزلها!!...ليه شايلها كذا!!....
نزلتها : ليه شايلها كذا!!...أسأليها!!
شفت صبا طلت عليا بنظرات من نار!!...حسيتها تمنت الكف إلي أدته لغادة تعطيه ليا!!....
أمل: إيش فيكم!!...وإيش إلي بهذلك كذا يا صبا!!....هارون تكلم!!
إلي حصل منها جوا في المطبخ جرأني شوية...عشان كذا بحركة سريعة قربت منها وبستها على راسها خطف...وقلت لأمل وانا طالع : هيا راح تحكيلك!!...وسلميلي على أمي وقوليلها إني جيت!!....وبرجع الساعة 12...سلام....
أمل: مع السلامة حبيبي!!
وطلعت من الفيلا من دون ما أطل عليها!!...لاني عارف نوع النظرات إلي راح أشوفها في عيونها....
..............................

صبا...............
كل البنات كانو مجتمعين حولي!!.....وداد كانت جالسة بجنبي على السرير وكان باين عليها إنها تغلي غليان!!....
قالت بحدة: التافهه!!...وسكتيلها!!
قتلها: إيش سكتلها!!...لطشتها كف!!
سراب بإنكار: إيش!!....ضربتي غادة كف!!...
هزيت راسي وجاوبتها: عشان كذا رشتني بالعصير!!
سراب: لا ....لازم تحكيلنا بالتفصيل الممل.....
وحكيتلهم كل إلي حصل بيني وبينها....
سراب: ههههههههههههه لا لا لا أتاريكي مني هينه....من فين جبتي المواهب ذي!!.....
صبا: البركة في بنت عمك!!....أستغفر الله العظيم....هذه البنت مو صاحية فيها شي!!
قربت مني وداد وجات بتفتح أزار البلوزة...
مسكت يدها بسرعة: هي إيش في!!
وداد: غيري البلوزة ...أخاف عليكي تتعبي!
كانو كل البنات مركزين عيونهم عليا وعلى وداد....حسيت بخجل!!حسيت بإني طفل مدلع وأمي إلي هيا وداد خايفة عليا ...أنا عادة أنبسط بهذا الشعور!!...بس حسيت بالخجل من البنات...
قتلها: أوكي أنا بدخل الحمام ( الله يكرمكم أغير)....وقمت من مكاني...وأخذت لي بلوزة نظيفة ...ودخلت غيرت....
طلعت ما لقيت أحد من البنات ما كان في غير وداد....كالعادة...مستنية أقلها إلي ما قدرت أقوله قدام البنات....
رحت وجلست قدامها....وأنا ساكته....
قالتلي : ها إيش عندك!!
جاوبتها بقهر: مقهورة!!
وداد: ليه!!...ما قصرتي في غادة!!...
هزيت راسي : مقهورة من إلي سويته مع هارون عشان أقهر غادة!!...مدري من فين جتني القوة ...وقدرت أمسك يده وألفها عليا بهذيك الطريقة!!....
وداد: بالعكس....كذا غادة راح تلزم حدها...وراح عرف إنه مالها أمل مع هارون!!
قتلها بقرف: والله العظيم يا وداد تمنيت أكثر من مرة أقلها...شيليه...تراني ما أكره في الدنيا غير وجهه....
وداد: تكوني غبية لو سويتي كذا!!
جاوبتها بقهر: الزفت الحين فرحان وهوا يشوف بنتين جالسين يتحاربو عليه!!....الله يشيلك يا غادة!!...ويشيلك يا هارون!!
قامت وداد من مكانها بملل وقالت لي: صبا!!....وبعدين!!...
قتلها بحزن: وداد...ممكن ما تحسسيني إنك متحيزة لهارون بهذه الدرجة!!...
شفت غضب خفيف في عيونها ...فكملت بسرعة: لا تفهميني غلط!!...إنتي سندي!!...ما أبغى أحس إني أواجه هارون لوحدي!!....ما أبغى أحس إني وحيده في حربي مع هارون!!....إنتي الوحيدة إلي المفروض تخف عني إلي أنا فيه!!...لانك الوحيدة إلي عارفة الحقيقة!!
مسكت يدي وشدت عليها بقوة وقالت: صبا حبيبيتي!!...أنا معاكي!!...وعمري ما أسيبك!!...بس أنا ما أبغاكي تندمي بعدين!!
سحبت يدي منها بعصبية وقتلها بقهر: خلاص خلاص!!...فكينا!!..خلينا نغير الموضوع!!
قالت بإستسلام: على كيفك!!..نغير الموضوع...
...........................

هارون...........
دخلت المزرعة الساعة 12 الليل وكانت هدوء....رحت على خيمة الرجال....وش فيهم ذولا دجاج!!...نايمين الحين!!
ولفيت بنظري لقيت صالح جالس في سيارته ومشغل المسجل وفاتح باب السيارة ورايح في الكلام.....
صالح: ليتني فدا هاصوت !!
..............................
صالح: هههههههههههههههه الله يقطع أبليسك يا أمل!!
.............................. .
: من ساعة قتلك!!...لاتخليكي طماعة!!
.............................. .
: ههههههههههه إلا تستاهلي ونص!!
صرخت في وجهه: ول عليك!!...وانت ماتمر عليك ربع ساعة من دون ما تكلم هالعنز!!
التفت لي بعصبية وقال:أقول أملولتي !!...قفلي الحين جا واحد غثيث بصرفه وأرجع أكلمك!!...سلام حياتي!!
قتله بعصبية مصطنعة: هي إستحي على وجهك!!... تراني أخوها...لا تغازلها قدامي!!
قفل الجوال وقلي برود: يا شيخ!!....خير إيش تبغى!!
جاوبته: إنت إيش جالس تسوي في السيارة!!.. واغاني وحركات!!....
صالح بعصبية: يا خي قرفتوني!!...أبغى أكلم زوجتي !!....كل شوية وجاني واحد ولصق في حلقي!!.....وبعدين!!
ضحكت: هههههههههههه والله حالك يكسر الخاطر!!...أختي أكلت عقلك!!
صالح بتريقة: هارون وش رايك تنقلع!!....
وسحب نفسه لداخل السيارة وقفلها...ومسك الجوال...
لكن أنا ما خليته ....رجعت دقيت على شباك السيارة....
مارد عليا بس أشر لي بيده يعني انقلع..
رجعت دقيت عليه مرة ثانية....
نزل القزاز وقال بعصبية: ياخي إنت ممل!!....خير!!
قتله بتريقة:سلملي على أمل!!
صالح وهو يكلم في التلفون: أخوك هذا غثيث طالع على مين!!
........................
صالح: هههههههههههههه الله يقطع بليسك....إذا كذا معذور!!
عصبت من جد!!...جالسين يحشو فيا وأنا واقف!!...
قلت بعصبية: وجع أنت وياها!!...ولا كأني واقف!!...
صالح: طفشني والله يا أمل!!.......
……………….
صالح:تعتقدي!!
..........................
صالح: خلاص يلا الحين!!
وقفل منها وقفل السيارة ....وانا كنت واقف أطل عليه بإستغراب: على فين إن شاء الله!!
صالح : هاج بترك لك المكان كله!!
قتله: أه يالخاين!!....بتركني لوحدي وتروح لزوجتك!!...مو كفاية هالغنمان نايمة!!
صالح: وش رايك تنثبر وتنام بجنبهم!!
قتله بتريقة: يعني ما تقدر تصبر عن زوجتك شوي!!....مو كذا !!...ثقل نفسك وإجلس معي!!
صالح بتريقة:أجلس معاك إيش أسوي بوجهك!!...أقول ضف خشتك تصبح على خير!!
وتركني وراح!!....
دخلت لجهة المزرعة....الجو كان هادي ساكن....بعكس العاصفة إلي في داخلي!!....كل شي فيا مو بمكانه!!...عقلي بمكان وقلبي في مكان....وأنا في مكان!!....وبعدين لمتى ذي الحالة!!....كل ما جاني أغوص فيها أكثر!!....ما أبغى أفكر فيها...وألقى كل شي رايح لها!!....ليه!!...صبا مو اول إمرأة تدخل حياتي!!....ولا وحده عصفت بكياني زيها!!....إيش سرها البنت ذي!!...إيش سرها!!.....وإلي حصل اليوم!!...قربها مني بهذاك الشكل في المطبخ ....شتني أكثر...وغمضت عيوني وأسترجعت شكلها!!...ورجعت عشت نفس الإحساس إلي عشته فوقتها!!....تمنيت كون قدامي في ذي اللحظة!!....أنا إيش أبغى منك يا صبا !!...إنتي إيش تبغي مني!!.....ليتك ما طلعتي في حياتي!!...
كنت ماسك الجوال اقلبه في يدي!!...عقلي مقسوم نصين....نص يبغاني أكلمها.... والنص الثاني ما نعني!!....
أما قلبي فكله يبغاني أكلمها!!...
في النهاية رجحت صوت عقلي وصرفت نظر عن إني اكلمها....
وفضلت امشي وأنا افكر فيها...لغاية ما صرت قريب بعض الشي للإسطبل
ولفيت عشان ارجع ....إلا واشوف غادة قدامي!!...بسم الله هذه كيف ما حسيت فيها!!
وقفت مبلم فيها!!....هذه كيف تجرأت ودخلت المزرعة في ذا الوقت!!...
قتلها بحدة: إيش جابك هنا في الوقت ذا!!....تجننتي!!...ما تدري إن المنطقة ذي كلها عمال !!....
غادة: أنا ما دخلت إلا لما شفتك!!...وبعدين العمال كلهم نايمين!!...وثاني شي أنا ابغى أتفاهم معاك!!
قتلها بنفس النبرة: ما بينا تفاهم!!...وأعتقد إلي حصلك اليوم المفروض يكون لك درس!!...
غادة: سيبك من إلي حصل اليوم!!...أبغى أقلك إني....
قاطعتها : لا ما راح أسيبني!!...أنا عارفك كويس يا غادة!!...حقدك على صبا راح يخليكي ما تتي إنك تأذيها!!..لكن قسما بالله العظيم لو مسيتي في صبا شعرة...راح يكون بالمقابل لها عمرك كله!!
مدري ليه تكلمت معاها بكل هذا العنف!!....لكني عارف غادة كويس!!...
ما راح ترتاح إلا لمى تاخذ حقها....

غادة.............
جابها على الجرح...قتله بحزن: آآآآه يا هارون!!...والله عارفة إن مافي أحد في الدنيا ذي عارف غادة غيرك!!...وهذا الشي إلي مصبرني!!
شكل الكلام أخذ مسار ماعجبه عشان كذا قلي: قفلي فمك ويلا أمشي معي!!
وقبل يمشي أنا مسكت يده وقتله: خليك شوية أبغى آخذ رأيك في موضوع
قتله: خايف عليا!!
هارون: غادة!!..أحترمي نفسك!!...ويلا قدامي!!
قتله بترجي: قولها يا هارون!!..قول إنك تحبيني وخايف عليا
جاوبني برود كان بيذبحني: غادة!!...عن الكلام الفاضي وأمشي ...ترى وقفتنا هنا مع بعض غلط!!
قتله بغيض: خايف على مشاعرها!!
هارون: أكيد أخاف على مشاعرها...هذه زوجتي وقبل كل هذا حبيبتي!!
قتله بصوت عالي: تكذب يا هارون!!...إنت ما تحبها!!...أنا عارفاك كويس!!...ومتأكدة إنك ما تبغى هذيك العرجا وإنك تبغى الفكة منها اليوم قبل بكرة!!...لكنك مجبور عليها...صح!!...قول صح
ورجعت مسكت يده مرة ثانية!!
سحب يده مني وقلي بحدة: غادة وبعدين معاكي!!...ترى بيجيك إلي ما يسرك!!...ويلا الحين قدامي!!...وإياني وياك تجيبي سيرة زوجتي على لسانك فاهمة!!
غادة: طلقها يا هارون!!....طلقها وراح تلقاني خادمة تحت رجلك!!....مستعدة أعطيك إلي تبغاه!!...مستعدة أوهبك نفسي!!...لكن طلقها!!
صحت فيها: غادة!!....إنتي منتي صاحية!!...شاربة شي!!...إيش جالسة تخربطي!!
قتله وأنا أبكي: إيه ماني صاحية!!....جننتني يا هارون!!...ارحمني!!...أنا محتاجة لك!!...والله محتاجة لك!!....مستعده أوهبك نفسي من غير ما أطالبك بأي شي!!...مستعده أكون لك خليلة ...أو عشيقة!!...لكن لا تتركني!
كنت أنتفض بقوة...محتاجة الجرعة...كل ذرة في جسمي ترتجف....حتى إني ما ركزت في الكلام إلي قتله لهارون!!...
ما حسيت غير بالكف على خدي...خلاني أطيح من طولي على الأرض....
وجاني صوت هارون زي الرعد:
وجاني صوته زي الرعد: لهذه الدرجة شايفة نفسك رخيصة!!....إنتي إيش!!...إيش ملتك!!...ما تخافي ربنا!!....ما تستحي منه!!
قتله وأنا منهارة على الأرض: أنا يا هارون تضربني!!
جاوبني بحدة: وأكسر راسك وأدفنك بالحيا بعد!! قتله بصوت عالي: انقلع!!...إنقلع!!...لا توريني وجهك!!...أكرهك!!...أكرهك!!...إ نقلع أتركني!!....
جاني صوته: غادة قومي معي!!...ما ينفع أسيبك هنا!!
صرخت بصوت اعلى: قتلك إنقلع!!...مالك دخل فيا!!...مالك دخل فيا....
مرت لحظات سادها الهدوء...ماعاد سمعت صوته!!....
رفعت راسي وماشفته قدامي!!...هذا من جد راح؟!...ناديته بصوت مخنوق:هارون!!... حبيبي!!...سامحني!!..ماكان قصدي!!...هارون ارجع لي!!...والله أحبك!!...أحبك!!
مرت عليا لحظات وأنا لسى بمكاني!!...جلست أتلفت حولي المكان من جد يخوف!!....وقبل ما أتحرك من مكاني في يد جثمت على فمي تسحبني لورى!!...
تجننت...حاولت أصرخ...لكن مافي اليد كاتمة عليا بقوة...حاولت أخلص نفسي ...كمان مافي فايدة!!....
كان مثبتني بالقوة...حتى غني ماعرفت احرك راسي عشان اشوف مين هذا!!
جلست أهمهم بصوت عالي....يا الله....ارحمني!!...سامحني يارب على الكلام إلي قلته لهارون....والله ماني في وعي!!....أرحمني يارب....
وأستمرت اليد تسحبني وتسحبني ....لغاية ما وصلت أسطبل الخيول...لا يا الله...أرحمني!!...يارب....سامح ني يارب...سبحانك اللهم لا إله إلا أنت إني كنت من الظالمين!!....سبحانك لا إله إلا أنت إني كنت من الظالمين...أرحمني يارب!!....أرحمني يارب!!
دخلني الإسطبل...وكان ظلام صهيل الخيول الهايجة...غطى على صوت همهماتي!!...شكلها حاسة بالمصيبة إلي راح تحصلي هنا!!...
دموعي غرقت وجهي ويده....حاولت ألمس وجهه لكنه مسك يدي بقوة وحطاها ورى ظهري...آلامي زادت وخوفي زاد !!...
بعدين دفني بقوة على القش ...أول ما شال يده عني....أنا صرخت ....لكن مالحقت...مسكني من ثيابي وفضل يديني كفوف....ويضربني...
:حرام عليك!!....الله يخليك لا تسويلي شي!!...سيبني وأنا ماراح أقول لأحد!!...راح أعطيك فلوس كثير!!...لكن لا تسويلي شي!!...الله يخليك لا تسويلي شي!!...والله ما....
ما قدرت أستحمل أكثر من كذا!!... راسي كان يتحرك شمال ويمين مع كل كف يعطيني هوا!!...وغبت عن الوعي!!.... وما ادري إيش حصلي بعدها....
…………………..

…………………..
عقل الطبيب أم قلب الحبيب.....
الجزء الثاني.....
يحيى...............
رميتها على الأرض ....وجلست بجنبها ...طلعت سيقارة وجلست أدخنها بعصبية وأطرد دخانها بقوة...وأنا مركز عيوني على جسمها المرمي قدامي....كانت عيوني تعودت على الظلام...فركزت بصري على جسمها إلي كان يرتفع وينزل بإنتظام!!....
من جد خفت عليها كنت عنيف معاها!!....ضربتها من دون رحمة!!....حتى إني حسيت بالدم طلع من فمها!!....عمري مامديت يدي على إنسان!!....لكن غادة مو إنسان هذه شيطان!!.....لسى الكلمات إلي قالتها لهارون تضرب في راسي!!...
( مستعدة أكون لك خليلة !!...مستعدة أكون لك عشيقة ).....ليه يا غادة!!....ليه ترخصي نفسك!!...هارون بايعك ما يبغاكي!!....حتى إنتي ما تبغيه!!....إنتي ما تبغي غير شي واحد!!..... ترضي غرورك وبس !!....إن شاء الله تدوسي على أي شي وأول شي كرامتك!!...ليه تبغيني أكرهك!!...ليه مصممة تدمي قلبي!!....
رحمتك يارب!!....ليه ما حبيت من بنات حوا غيرك!!....ليه سلمتلك قلبي!!...وإنتي ما تستاهلي!!....
ورجعت طليت على جسمها بجنبي...بس كمان إلي سويته ما يرضي ربنا!!....فين كان عقلي!!...
عقلي؟!...طار لما سمعتها تعرض نفسها بكل حقارة عل هارون!!كان لازم يطير وأنا أشوف الإنسانة إلي حبيتها بعدد سنين عمري تهدر كرامتها بهذا الشكل!!....
أنتبهت على حركتها بجنبي....طفيت السيقارة واعتدلت في جلستي.....
جاني صوتها بتعب: آآآآآآه.....آآآآه
قتلها برود: نوم العوافي!!...يا .....يا عروسة!!
بفزع: مين!!...أنت مين!!
جاوبتها بتريقة: ماعرفتيني!!
غادة بشبه صراخ: يحيى!!.....يحيىىىىى!!
جاوبتها: شاطرة!!...تصدقي كان راح يحز في قلبي إنه بعد إلي حصل بينا ماتعرفي صوتي!!
صرخت: حصل إيش!!...إيش سويت يا حقير!!....إيش سويت يا واطي!!
قتلها : إش ما أظن إنك تبغي أحد يعرف بإلي حصل!!
رجع جاني صوتها بإستنكار: إيش حصل!!....فين عبايتي!!...إيش إلي سوا فيا كذا!!
جاوبتها: مرمية بجنبك....
شفتها تلمس الأرض بيدينها وهيا تدور على عبايتها...عيونها لسى ما تعودت على الظلام...ولما لقيتها لمت عبايتهاوتغطت فيها.....
وجلست تلطم على وجهها وجسمها بحسرة : ليه!!....ليه سويت كذا!!...أنا بنت عمك!!....الله ينتقم منك!!....آآآآآآآآآآآآه ياربي ليه!!...ليه!!
قتلها بحدة: إبلعي لسانك وخلينا نتفاهم!!
ماحسيت غير بمادة لزجة على وجهي وهي تقول: تفو عليك يا حقير!! مابينا تفاهم!!....والله لأفضحك!!...يا كلب يا كلب!!...يا....آآآآآآآه
مسحت وجهي وقمت من مكاني ومسكت ذراعها وثنيته بعنف وقتلها بالحرف: إكتمي صوتك لا اكتمه لك أنا للأبد!.
غادة بصوتها المكتوم: إنا إيش سويت لك!!.... حرام عليك!!
رديت عليها : قولي إيش ما سويتي!!...إنتي تعرفي الحرام إنتي!!تبغي تكوني لهارون عشيقة ها!!....
غادة : أتركني أتركني!!....إيش تبغى مني!!
قتلها بتريقة: ما أبغى شي!!...إلي أبغاه أخذته!!....
ودفيتها على الأرض!!....
غادة بصوت منهار: والله لأفضحك!!... يا حيوان!!
قتلها: بطلع روحك قبل ما تطلع منك ولا كلمة!!...فاهمة!!
غادة: ماتقدر تسويلي شي!!...ما تقدر!!
سحبتها من على الأرض بعنف...وحشرتها في زاوية من زوايا الإسطبل من بين صراخها وأنينها ....
ملت عليها وقتلها بتوعد: عمر إلي أقدر أسويه ما راح يخطر بالك!!...و( مسكت بلوزتها بيدي وشديتها لجهتي لفوق)....وإلي حصل لك هذا أكبر دليل!!...
ماجاني رد منها!!...لكني كنت حاس بالعاصفة إلي داخلها...جسمها كان يهتز بين يدي بقوة....
تركتها من يدي وأديتها ظهري وقتلها: ولاني مو حقير زي ما قلتي ...أنا راح أجي بكرة وأخطبك من عمتي نورة....وخلال أسبوع راح تكوني زوجتي!!...
كمان ما جاني منها رد...التفت لها شفتها جالسة تزحف بهدوء...أول ما أنتبهت لي..قامت من مكانها بسرعة...وقبل ما توصل للبا كانت معلقة بيدي من شعرها ....
قتلها بتريقة : على فين!!....لسى ما خلصنا إلي بديناه!!
مسكت يدي بترجي: الله يخليك!!...الله يستر عرضك!!...الله يستر عرضك!!...سيبني ...سيبني حرام عليك!!
كانت يدها باردة زي التلج...ودموعها غرقت يدي...ماقدرت استحمل أشوفها منكسرة بهذه الطريقة!!....بعدت عنها
قتلها بصوت واطي: روحي من وجهي!!...ولا توريني وجهك !!
ماصدقت ...طلعت تجري من الإسطبل
ارتميت على الأرض....مو مستوعب كل إلي حصل!!...ليه سويت كذا!!...طيب ليه ما قتلها إني ما لمستها!!...في إيش فكرت لما طلبت إني أتزوجها!!....هل أنا لسى راغب فيها كزوجه بعد كل الكلام إلي سمعته؟!....إرحمني من العذاب يا ارحم الراحمين!!
طلعت وراها وأنا أجر نفسي جر....
رجعت الخيمة كلهم نايمين وهارون مو موجود....أرتحت لاني ما شفته!!...ياريته ما جا ولا كان أي شي حصل !!....
رميت نفسي على الأرض...وأنا حاس بالندم ياكل قلبي أكل... ليه ماقتلها الحقيقة!!....ليه ماقتلها إني مالمستها!!....ليه!!
بعد حوالي نص ساعة سمت صوت سيارة طالعة من المزرعة....فزيت من مكاني زي المحموم .....وطلعت برى الخيمة
وقدرت المحها....كانت سيارتها....
من دون تفكير نطيت على سيارتي وشخطت وراها .....
هذه تجننت...تطلع في هذا الوقت.... إكيد مو صاحية!!
دقيت عليها.....أعطتني مشغول!!....
رجعت دقيت عليها مرة ثانية....كمان اعطتني مشغول....
قدمت بالسيارة وقطعت عليهم....
ورجعت دقيت عليها....
بعد كذا رنة جاني صوتها: إنت حقير!!...إيش تبغى مني!!...
غمضت عيوني بقوة وجاوبتها: غادة!!...أنزلي أركبي معي!!
غادة بصوت عالي : نجوم السما أقربلك!!....
جاوبتها: خايفة مني!!...على إيش!!...خلاص إلي بغيته اخذته!!
سمعت شهقاتها .....
صوتها كوا قلبي...لكني مصمم اكسر خشمها ...قتلها بحده: غادة!!...إنزلي أركبي معي بالحسنة لا أنزل أسحبك من شعرك قدام سواقك وخادمتك!!
غادة وبصوت يقطع القلب: حرام عليك!!...أتركني!!اتركني!! ...
الله ينتقم منك يا شيخ!!
قتلها: أنزلي خلصيني!!.....
شفتها نزلت من السيارة.....وجات ركبت بجنبي....
قالت لي: فين كانت هذه الخسة متخبية!!....
جاوبتها : أيش شعورك!!....وإنتي ذليلة!!....
غادة:تخسى يا حقير!! أنا مو ذليلة!!...ولا عمر أحد يقدر يذلني!!....
جاوبتها بتريقة: لساتك رافعة خشمك حتى وحياتك بين يدي!!
قالت بغرور: خشمي راح يظل مرفوع....غصب عنك !!
جاوبتها: خلاص خشمك أندعس عليه!!...إحنا جالسين تكلم في شي ماضي!!...
صرخت: نزلني!!...نزلني يا كلب!!...
وجات بتفتح الباب لكن انا أمنته من عندي...
وصرخت فيها: غادة!!...سيبيكي من الهبل!!...وبعدين فين أنزلك!!...سيارتك تعدتنا من زمان!!....
غادة: إنت إيش تبغى مني!!...ليه سويت فيا كذا !!....ليه!!
جاوبتها برود: تسلية!!...لقيت لعبة قدامي قلت أتسلى فيها!!....
بحركة متهورة منها كانت بتضيعنا فيها.... مسكت مقود السيارة وحركته!!
دفيتها بقوة ...والحمد لله قدرت أتحكم بالسيارة....
وقفت السيارة والتفت لها بحدة: تجننتي!!...كنتي بتروحينا!!....
التفت لي وكانت عيونها زي الدم: الله يشيلك!!...الله يشيلك وينتقم منك!!...
فضلت أطل عليها فترة طويلة وكانت هيا ترتجف بقوة...تمنيت أحضنها...اضمها لصدري وأقولها إني ما سيويت لها شي ....
لكن نظرات التوحش إلي شفتها في عيونها منعتني....
رجعت حركت السارة وأنا ساكت....
وبعد دقايق طويلة من الصمت قتلها: غادة!!... زي ما قتلك بكرة بجي أخطبك من عمتي نورة!!....وفي خلال أسبوع راح تصيري زوجتي!!
حسيت بإلتفاتها السريعة ليا ...وأستمرت تطل عليا...قدرت أقرأ نظرات الإستحقار في عيونها حتى من دون ما أشوفها...
وبعدين جاني صوتها : تحلم!!....لو أموت ماصرت لك زوجة...
وقفت السيارة فجأة ..حتى إنها خبطت لقدام ...والتفت لها بسرعة: المفروض إنتي تتوسلي إني أتزوجك!!
غادة وهي تشد على كل حرف: قتلك لو أموت ما تزوجتك!!...
سألتها بإنكار: هذا إيش أسميه...غرور ولا غباء!!
غادة: راح تندم يا يحيى!!....صدقني راح تندم!!...
سألتها بتريقة: تهدديني!!...
بدأت ترتجف بطريقة غريبة...وقالتلي وصوتها يهتز بقوة: وديني البيت!!....وديني البيت!!
خفت عليها...سألتها بخوف: غادة!! .....إيش فيكي!!....
ماردت عليا...كل إلي سوته إنها ضمت نفسها بذراعينها الثنتين وقالت بشبه صراخ: وديني البيت!!....ما تسمع وديني!!....
حركت السيارة...كنت ناوي أستمر في لعبتي عليها لكن ماقدرت استحمل حالتها!!.. قتلها: غادة!!...إنتي زي ما إنتي!!...ما لمستك!!
ماجاني منها رد...رجعت قتلها: سمعتيني!!...قتلك إنك زي منتي!!...ماسويت لك شي!!....أنا مستحيل أأذي بنت عمي!!...إنتي عرضي مستحيل أدنس شرفي!!
قالت لي بنبرة شك وإرتباك: كذاب!!...إنت تبغى تتهرب من مسؤليتك!!....لكني ما راح اترك !!
قتلها: قتلك ما لمستك!!....والله العظيم ما لمستك!!....وإذا تبغي اوديكي الحين على المستشفى!!
......................
غادة..........
تفكيري في هذه اللحظة عاطل عن العمل!!....كل إلي أبغاه الحين الجرعة!!...راح اموت لو ما أخذتها!!....
عشان كذا قتله بعصبية: وديني البيت!!...قتلك وديني البيت!!
حرك السيارة بهدوء ومسكنا طريق البيت....
طول الطريق...ما حاول يتكلم معي ...وأنا تجاهلت وجوده....أو نسيت وجوده....كل تفكيري منحصر في الآلام الرهيبة إلي أحسها في جسمي....آلام ماخلتني حتى أفكر في إلي حصلي في هذه الليلة السودا!!...
إلي طلعني من إلي أنا فيه...رنة جوالي...أخذته ..وشفقت المتصل...كان هارون!!....ما عرفت إيش أسوي!!...ارد عليه وأخسف فيه الأرض...عشان ابرد حرتي فيه !! ولا أقفل الخط في وجهه... ...في النهاية رديت عليه برود: نعم!!
جاني صوته: غادة!!...فينك!!
قتله : كيف يعني فيني!!...وداق إيش تبغى!!
هارون: دقيت عليكي.... لاني تركتك في المزرعة لوحدك...وخفت عليكي!!
جاوبته بغصة: لا كثر خيرك!!... ما قصرت!!...
هارون: إنتي الحين فينك!!
جاوبته: في السيارة برجع البيت!!....
بعد لحظات صمت قال: غادة!!...لازم تعرفي إني ما انظرلك غير زي أختي!!....ولازم تفهمي إني واحد متزوج وماينفع......
قاطعته بسرعة: لو سمحت يا هارون!!... راح أقفل الحين....
وقفلت من غير ما استنى رده.....
لا فيه الخير داق يطمن عليا!!....حسبي الله فيه وفي أخوه!!....
انتبهت لصوت يحيى: إيش يبغى منك!!
التفت عليه بحدة وقتله: وإنت إيش لك!!...إلزم حدو....
مسكني من ذراعي وشدني له وقال وهوا يضغط عليه بقوة من دون ما يطل عليا:جاوبيني أحسلك!!
قتله بألم: آآآه ...يقلي ....إني زي أخته....ويبغى يطمن عليا!!
دفني وقال بتريقة: وإن شاء الله فهمتي الحين!!
حطيت يدي على ذراعي بالم وجاوبته بإنكسار: كثر خيرك!!....فهمتني الدرس مزبوط!!....
ماعلق على كلامي...ورجع الصمت بينا مرة ثانية.....
وأخيرا وصلنا...وقفني عند باب البيت...وكانت سيارتي وصلت....على طول نزلت من غير حتى ما التفت له!!....رزعت الباب بكل قوتي.....ودخلت البيت أجري....من المدخل الخارجي لغاية غرفتي ....آلام مو قادرة استحملها!!...كأن في مسامير جالسة توخزني في جسمي كله....وأخذتها!!.....
أرتميت على السريروأنا حاسة بروحي إرتدت ليا!!...أختفت الآلام بسرعة غريبة....كنت أطل على السقف وروحي غايبة عني!!.....هذه حالتي كل ما آخذها...أحس إني جالسة أسبح في فراغ!!....
وراحت السكرة وجات الفكرة...إيش حصل في الأسطبل!!....هل فعلا يحيى ما قربني!!....أو إنه قال كذا عشان بس يتهرب من مسؤوليته !!....
بدأت دموعي تنزل من جديد...ليه حطيت نفسي في هذا الموقف!!....ليه رضيت أكون رخيصة!!....لكن أنا ماكنت واعية للكلام إلي قلته لهارون!!...وهذه مصيبة أكبر!!...بسبب السم هذا كنت بضيع!!...هذا إذا ما ضعت أصلا!!
وقمت من مكاني زي المسروعة....دخلت الحمام (الله يكرمكم)....أخذت لي دش ساخن فوقني....
طلعت وأنا متأكدة 60 % إن يحيى ما لمسني....لكن باقي أتأكد أكثر!!
طليت على الساعة كانت 3 إلا ربع....خفت أنزل الحين!!...لكن إيش أسوي!!...راح اتجنن!!...لازم أعرف الحقيقة...لانه لو حصلي شي مستحيل أترك حقي...راح أفضحه قدام الدنيا كلها....والله يا يحيى ما راح أرحمك!!....وهوا الغبي تركني أطلع ....والله تدفع الثمن مضاعف يا حقير..
دقيت على السواق إلي كان لسى صاحي...لانه وهوا إلي فتحلي الباب الخارجي ...طلبت منه يصحي زوجته ويجهز السيارة....
ونزلت...
وقبل ماتعتب رجلي باب البيت لقيته في وجهي ساد الباب عليا!!...
قتله بإستغراب وغضب: إنت!!...إيش جابك!!
قلي برود: فين رايحة!!
قتله بعصبية: يحيى إبعد عن طريقى أحسن لك!!....تراها واصلة معايا !!
يحيى: ماجاوبتيني فين رايحة!!
قتله : وإنت مين تكون عشان تسألني أو تدخل في شؤوني!!
جاوبني: ولد عمك!!....
قتله بإحتقار: ولد العم يسوي سواد الوجه إلي إنت سويته!!
قلي: قتلك إني مالمست منك شعرة!!....
قتله بحده: وأنا إيش عرفني!!....
قالي بإنكار: عشان كذا طالعة من البيت في هذا الوقت!!...بتروحي المستشفى!!
قتله: اوه من دون كلام كثير وإبعد من طريقي!!
قلي بحدة: قسما بالله العظيم...لو ما رجعتي البيت الحين يا غادة ما راح يحصلك طيب!!...إنتي تجننتي!!...طالعة من البيت الساعة 3 الفجر ...ولوحدك!!...إيش تبغيه يحصل فيكي!!
قتله بإنكسار: وأنا إيش باقي ماحصل لي!!
رحيم: كم مرة تبغيني احلفلك!!...وبعدين الصباح يصير خير!!....لكن الحين مستحيل تطلعي من البيت في هذا الوقت!!....
سكت ما رديت عليه!!...عنده حق في إلي يقوله!!...طلوعي في هذا الوقت فيه خطر عليا!!....
ولفيت عشان أرجع لكن صوته وقفني: غادة!!
مارديت عليه ولا ألتفت له!!...كل إلي سويته إني وقفت ...
بعد لحظات جاني صوته: للمرة الثالثة أقلك إني مستعد إجي أخطبك !!...إي
ماخليته يكمل...التفت عليه وقتله بحدة: وأنا للمرة الثالثة اقلك إني أفضل الموت على إني أكون زوجه لك!!...
ورجعت على بيتنا أجري!!....
طول الوقت كان يحيى شبه مهمش بالنسبة ليا!!....تجي عليا لحظات أنسى حتى إنه يصير ولد عمي!!...هارون حبيبي!!...ورحيم حاضر في الصورة بحكم أولاده إلي دايما أشوفهم...أما يحيى فما كان له ذكر قدامي تقريبا!!.. واليوم برز بشكل مخيف...برز وأعطاني كف قاسي على قد ما صحاني على قد ما كسرني!!
…………………

صبا..................ليه تهورت!!....ما كان في طريقة ثانية اقهر فيها غادة غير هذه الطريقة!!....مدري!!...هذا هو إلي طلع معي!!....(وانقلبت على الجهه الثانية).... الحين هوا إيش يقول!!...مرتمية عليه!!...طز فيه...ما يهمني!!.... أهم شي إن غادة التافهة ذي تعرف إنها ما تقدر عليا!!....
وإن هارون إلي هيا متجننة عليه أقدر أنا بس بطرفة عيني أخليه يترمي عند رجولي!!....وليه أنا مهتمة فيها أو مهتمة بنظرتها لهارون!!..... عساني يارب أخلص منهم في يوم واحد....
وفجأة جلست على السرير....الحقير !! كيف يتجرأ ويبوسني على راسي!!...صدق عمره!!....لا لازم يفهم إن كل إلي حصل كان بس عشان الزفت غادة توقف عند حدها!!
أكلمه الحين!!....لا الوقت متأخر!!....
وطليت على ساعة الجوال كانت 3 الفجر ....أكيد نايم!!....أحسن خليني أزعجه عساه بكرة يقوم مايشوف قدامه وافتك منه!!....استغفر الله العظيم!!...إيش جالسة أقول أنا!!....استغفر الله العظيم ...سامحني يارب!!
رميت الجوال بجنبي ونمت على بطني وسندت دقني بيدي....وأسترجعت الكلام إلي دار بين غادة وهارون....كانت طريقة كلامه معاها تدل على إنه إنسان.......محترم....ويخاف الله!!.....طيب وليه معايا ما خاف الله!!....
أيوا هذيك بنت عمه ....تمسه في شرفه!!...أما أنا....وحدة !!...اللهم وحدة والسلام!!....حقير يا هارون!!...حقير حتى في رجولتك!!.....
قمت من على السرير عشان ادخل الحمام (الله يكرمكم)....وطبعا الغرفة كانت ظلام...ويادوب اشوف قدامي....وقبل ما اوصل ....رن الجوال...
أول واحد جا بالي انه هو....فرجعت بسرعة عشان ارد عليه....وما كنت منتبهه...فخبطت في شي قدامي وطحت على الأرض....آآآآآآه لا بارك الله في الشيطان....حسبي الله ونعم الوكيل....جلست بسرعة....الحمد لله الطيحة ما كانت مرة موجعة.....لكن في آلام خفيفة....قمت بسرعة عشان ألحق الجوال...وصلت قبل مايقفل إلي جالس يدق عليا...وكان هو زي ما توقعت....
رديت عليه بسرعة وأنا لسى أتألم: نعم!!
جاني صوته بخوف: إيش فيكي !!...تعبانة!!...
أف وبعدين معاه ذا!!....مسويلي فيها إنه إنسان عطوف!!....
قتلله بملل:نعم!!... إيش تبغى!!
هارون: وإنتي ما تعرفي تردي رد بالحسنة أبدا!!
جاوبته: الحسنى للي ستاهلون الحسنى!!
هارون: أنا الغلطان إلي دقيت عليكي!!....
جاوبته : دقيت إيش تبغى!!
هارون: أبغى اطمن عليكي!!....حسيت إنه من بعد إلي ...
قاطعته بسرعة: لا ما شاء الله عليك!!...عندك قلب وتحس!!
جاني صوته بعتب: صبا ليه تسوي كذا!!....
قتله بحده : أنا الي اسوي !!....ما تشوف فعايلك إنت !!....وبعدين كيف تجرأت و.....!!
ما عرفت إيش أقله!!
بعد لحظات سكوت جاني صوته بتريقة: وإيش !!.....
قتله بقهر: إنت عارف إيش سويت ....لا تستهبل !!
هارون: إمكن نسيت....وأنا معذور غرقان في زحمة الشغل لغاية راسي!!
قتله بعصبية: هي!!....بتحكيلي قصة حياتك!!....وأنا إيش دخلني!!
هارون: كيف ما دخلك مو إنتي زوجتي!!...ولازم تعرفي طبيعة عمل زوجك!!
جاوبته : لا تقول زوجتك!!....تراك تقرفني !!
صفر بصوت عالي وبعدين قال: الله واكبر!!....تقرفتي لاني قتلك زوجتي وما تقرفتي وانتي لاصقة فيا ولافة ذراعي حولك؟!
فتحت عيوني بقوة.....الحقير إيش جالس يقول....لا يكون فهم إني سويت الشي ذا عشان سواد عيونه!!.....وإيش كنتي مستنية منه يفهم!!....
قتله بقهر: هي لا تشطح بأفكارك بعيد!!....لولا بنت عمك التافهه كانت واقفة بينا ولا كنت حتى افكر اطل في وجهك!!....لا تفرح بعمرك!!
هارون: وليه ما افرح بعمري!!.....افرح ونص!!...وانا اشوف بنتين زي القمر يتحاربو عليا !!....
قتله بحده: هي أحترم نفسك!!
هارون: ههههههههههههههههه إيش غرتي لان قلت عن غادة قمر!!... خلاص إنتي القمر وبس!!....ولا تزعلي!!
لا هذا زودها كثير....وجع في شكله مستفز!!...قتله : وبعدين معاك!!...
هارون: ممكن أعرف هذه العصبية كلها عشان إيش!!....إذا كنتي مو حابه تسمعي صوتي...وعلى قولتك تتقرفي.كنت لا رديتي علي من اصله!!...
قتله بعصبية: صح أنا الغلطانة...المفروض ما أرد عليك!!...
هارون: أجل قفلي!!...إيش مستنية!!
جاوبته بقهر: أكيد بقفل!!....ومن غير مع السلامة!!
هارون: ههههههههههه والقايل حبيبتي!!
لا هذا ناوي يجبلي القلب!!...قتله : حبك برص!!
وقفلت في وجهه....
ورميت الجوال على طول يدي..وأنا أسب والعن فيه....
بعد لحظات جاتني رسالة....فتحتها وأنا متأكدة إنها منه....
كان كاتب في الرسالة...."عارف يا أحلى برص في الدنيا إنك تحبيني!!...ما يحتاج تقولي.... مبين عليكي .....نامي زين يا برصتي!!"......
قريت الرسالة وبعدين صرخت بقهر...الله يشيلك....يا حيوان!!....
………………….

هارون..................
مسكينة يا صبا انفقعت مرارتها!!....أحسن خليها تذوق من حر قلبي شوية !!
وأنسدحت على السرير.....لسى صورتها وهيا في حظني قدام عيني!!....ما قدرت أمسحها من خيالي!!.....
ليه جالس يحصل معي كذا!!....طيب إذا تكرهني تتركني في حالي!!...
ليه تعلقني فيها!!..... أنا أدري أنها ما قصدت كل إلي سوته قدام غادة!!...
لكنها لو تعرف إن إلي حصل ضرني راح تتعمد تسويه!!....
حسيت إني طفشان وابغى اكلم احد ....ومستحيل أرجع أدق على صبا!!...وأصلا لو سويتها ما أعتقد إنها راح ترد عليا!!...
ما في غيره...لكن إن شاء الله أحصله صاحي!!....
مسكت الجوال ودقيت عليه...بعد كم رنه جاني صوته: هلا ...
جاوبته: هلا ها!!....صح النوم!!
رحيم: هههههههههههههه صح بدنك!!.....إنت فينك!!
جاوبته: أنا في البيت!!...جيتكم المزرعة كنتو كلهم نايمين!!
رحيم: أي والله ودوبني قمت من شوية وشفت الكل نايم!!....ول يا خي وش ذولا إلي عندي غنم !!
:ههههههههههههههههه إسمع بس مين إلي يتكلم !!مالت عليكم...قلت بجي اسمر معاكم شفتكم منخمدين .....رجعت مسكت طريق جدة ورجعت البيت!!...
رحيم: أنا دقيت عليك من دقيقتين لقيت جوالك مشغول!!.... جا بالي انك لسى في المستشفى!!
جاوبته: لا كنت اتكلم مع صبا .....
رحيم: اوه اشوف فيه تطور....مكالمات نص الليل وحركات !!
قتله بملل: اسكت والي يسلمك.....منت عارف شي!!....
رحيم: لساتها زي ما هي!!...
جاوبته بملل: زي ما هي وأكثر!!....والمشكلة......
ما عرفت إيش أقله!!
رحيم: والمشكلة إيش!!....
جاوبته:أحيانا أحسن نفسي ...
وكمان رجعت سكت!!
رحيم: انت تحبها يا هارون!!
جاوبته بيسرعة: لا ما أحبها!!.....لكن أحيانا أشعر بي شي غريب!!...
رحيم: زي إيش!!
قتله: مدري!!...أحب أشوفها!!....أحب أسمع صوتها!!...لكنها ماهي الزوجة إلي أتمنى أعيش معاها إلي باقي من حياتي!!...
رحيم بتريقة: لا يا شيخ!!...وهذه كيف تجي!!
قتله : هذه البنت غريبة.... كل شي حولها غريب!!....تصدق يا رحيم!!...أحيانا في نص الليل أقوم من نومي عشان أبغى أكلمها وأسمع صوتها...لكني طبعا ما أسويها!!...لاني عارف رد فعلها!!...وبالمقابل أحيانا كثيرة أكره حتى سيرتها!!...والعن اللحظة إلي دخلت حياتي فيها!!
رحيم بإستغراب: وليه هذا كله!!....ليه تعقدها على نفسك وعلى بنت الناس
سألته: أعقدها!!
رحيم: إيه .....حاول تعيش معاها حياة طبيعية ....تجاهل الماضي!!... واليوم إلي تشوف فيه إنك ما بتحمل أكثر...سرحها بالحسنى!!..
قتله بتعب:والله يارحيم هذا إلي أنا أحاول أسويه!!...لكن حتى وهي في ذي الحالة وهيا مو كافياني شرها!!...
قلي:حاول تستوعبها!!...حسسها بحبك لها!!...وحبها يا أخي....ساعتها راح تحس بالأمان وصدقني راح تتغير!
هزيت راسي بهدوء: مو بيدي !!...أنا راح أعطيها إلي أقدر عليه...لكن إلي ما أقدر عليه ربي يسامحني فيه!!..وأنا ما اقدر على قلبي!!...خلاص قلبي وهبته للي تسحقه من سنين!!
قلي: مع إني خايف عليك من إلي إنت فيه !!...لكني متفهمك....وعاذرك!!
قلت بتعب: ياريت !!...ياريت تفهمني صح يا رحيم!!...أنا مالي غيرك أشكيله من إلي بقلبي!!...
قلي بصدق حسيته في نبرة صوته: الله يسعدك ويريح بالك ويجمعك فيها عن قريب يا رب العالمين....
أمنت بإخلاص : آآآآآآآآآآمين يارب العالمين ....
رحيم: أسمع بترك تنام ما دامك ما نمت....يالا تصبح على خير...
جاوبته: وانت من اهله ....
قفلت منه وحاولت أنام ...لكن ما في جافاني النوم.....
قمت وتوضيت وصليت لي ركعتين....وجلست أقرأ في القرآن شويا ....
حسيت نفسي أرتحت شوي....
قمت من مكاني...وفتحت الدولاب وطلعت منه صندوق حطيت فيه كل افكاري وذكرياتي...عن ملاكي الطاهر.....
فتحته ونثرت كل شي على السرير....
وجلست أستعرضهم قدامي غرض غرض....
رسالتة أمها لها..... أشرطة لعبادي الجوهر وعبد الرحمن بن مساعد....وطلال الرشيد......
كنت كل ما سمعت قصيده أو أغنية وأعجبتني اشريها وحطيتها مع أفكاري
مسكت رسالة أمها إلي كنت كاتبها وحاطها في برواز .....يا الله كم أتمنى أحط صورتها في هذا البرواز.....وبدأت أقر بتمعن

بسم الله الرحمان الرحيم
بسم الله الحامي ،
بسم الله الحارس ..
بسم الله الذي لا يضر مع اسمه شيء
وهو السميع العليم...
إليك أكتب هذه الكلمات
وأنتي في عمر الطهر والبرأة ..
وإهديها لكي في الساعات الأولى من عمرك ..
وانتي على ما انت عليه من طهر ..
فليس هناك أطهر من قلب الوليد ..
أهديها لكي الان
لتكبري على هذا الطهر ..
لتكبري ملاكي الطاهر ..
لتكبري روحي الطيبة
......................
اللهم هذه وديعتي إبنتي ..
إستودعتك إياها إحفظها وصنها
واقر بها عيني يا ارحم الراحمين
أمك

غمضت عيوني بالقوة.....كل ما أسترجعت ذي الكلمات أسترجع ذكرياتي معاها.. ظلها الصغير... ريحتها ..صوتها ..صراخها....آآآآآآآه يا حبيبة العمر فينك....فين ألقاكي!!....كيف ألقاقي!!...ومتى بلقاك!!
8 سنوات وإنتي معي في حلي وترحالي......محتاجك!!...محتاجك كثير...محتاجك أكثر من أي وقت !!.....ليتك الحين معي!!.....هل راح يجي يوم وأقابلك!!....ولا بتفضلي فكرة وذكرى داخل هذا الصندوق!!....
مسكت شريط شعر لعبدالرحمن بن مساعد وشغلته....
وجاني صوته .....
غمضت عيوني...وأنا حاس بكل كلمه وكل حرف ينطقه...وكأنه كتب هذه القصيدة لي انا!!....

أجهلك!!
ولي سنين أتخيلك
أتمثلك في كل طيف
وألقاك في قسمات ضيف
كل المشاعر له تقول حنا هلك
أجهلك!!
ولي سنين أتخيلك
ألقاك في بعض الوجيه
ويمرني طيفك وأجيه
يابكر إلي أجهله
أرقتني الأسئله
وأبطى العمر يستعجلك
أجهلك ولي سنين أتخيلك
بالعيوب وبالمزايا
بالألم لا من هجرتي
يجتاح بي ظلوع وحنايا
أتخيل شكوك وظنك
أتخيل التقصير منك
حتى الجفا أتخيله
وكيف بتحمله وأتحملك
أجهلك ولي سنين أتخيلك
وجهك إلي قد حبسته
داخلي في غمضة عيوني
وإلي ياما قد رسمته
من عبث طيشي وجنوني
وجهك إلي دوم يظهر
لما ألقى نشوة الفكرة الجديدة داهمتني
لما ألقى إنكساراتي قصيدة وكتبتني
وجهك إلي دوم يظهر في اعاصيري وسكوني
في الجبال الشاهقة في أجمل خيالي
في السفوح الخافقة بين نبظي وأنفعالي
وجهك إلي قد نحته
في عظامي والجوارح
وجهك إلي قد حفظته
وبتفاصيل الملامح
بالنهار في بسمته
بالضيا إلي في وروده
بالعبوس في غضبته
بالتضاريس وحدوده
من جنوحه في البهاء
لين أقصى نقطه في كاسر جماله
للعذوبه
من شروق النور في ضيه
للشعر في غروبه
من شطوط الكحل في عيونك لنحرك
من بياض الثلج في خدك
لجمر قاد في ثغرك
وجهك إلي ما أبد يوم لمحته أو عرفته
لي سنين أتخيه وأتخيلك
يالي كل بي معرفه وأجهلك
ما أصعبك كيف ألاقيك
ما اسهلك لو ألاقيك
يالي دوم أتخيلك
مملكة حسن الزمن
وأنا ملك ....

وغفت عيوني....مدري كيف غفت ..لكنها غفت وملاكي الطاهر معي بجني وحولي...

.............................. ....
هالة...........
أول ما حطت عيني عليه كل شعرة في جسمي وقفت....وحسيت دمي هرب من عروقي!!....
كنت راكبه ورا ثريا وسراب وراه ....
رفعت عيوني وركزتهم عليه...طبعا ماحد منتبه لاني مغطيه عيوني....
حسيت بنار في قلبي وغصة في حلقي...
كان بين لحظة وثانية يطل على سراب من المرايا....
في حركة لا إرادية مني ألتفت لها ... كانت هيا ماسكه جوالها في يدها وتلعب فيه...وكانت متلثمة ....له حق يبحلق فيها...عيونها سحر....
حسيت في لحظة من اللحظات إني أكره سراب!!....ليش تسوي كذ!!ا...طيب إذا كانت ماتحبه ليه تسوي كذا!!...تمنيت الطشها بالكف...وأميل عليه وأفقع عيونه!!....
بعد لحظات جا صوت حاتم بهدوء لكن بقوة: سراب!!
انتبهت له سراب : هلا حاتم!!
حاتم: نزلي الغطا على عيونك!!...
سراب بملل: يوه يا حاتم!!لا تبتدي!!
حاتم: إيش إلي لا أبتدي!!...غطي عيونك يابنت!!
سراب:بالله ذحين مين يشوفني!!...وبعدين السيارة مظللة!!
حاتم: حتى ولو!!....أنا مايجوز لي أشوفك!!
سراب:عادي أخويا!!
حاتم: من فين أخوكي!!...
سراب بملل: زي أخويا!!...وبعدين تراك طفشتني ياخي!!
حاتم:هههههههههههه تستاهلي !!
سراب: لا والله!!
حاتم: إيه....الحين لو وافقتي علي مو كنتي إرتحتي من حنتي عليكي!!
سراب: هههههههههههههههه بسم الله عليا!!...ليه شايفني ما ابغى عمري!!
حاتم: إحلفي بس!!....اصلا أنا قلت أخطبك أسوي خير بنت عمي بدل ما تعنس!!
سراب:أعنس ها!!...هين يا حاتم أفندي!!...إذا ماتزوجت قبلك ...ونشوف مين إلي بيعنس!!
حاتم: هههههههههههههه تحدي يعني!!....
سراب:والله!!... إنت إلي بديت!!
حاتم: وانا عليها!!....من بكرة بخطب!!...وبتروحي إنتي وثريا تخطبولي!!
سراب: ههههههههههههههه ول ول ما صدق الولد!!
حاتم: أبغا أشوف مين إلي بيعنس!!
حسيت بقلبي أنفجر!!....إيش إلي جالسة أسمعه!!....
تجمعت الدموع في عيوني ونزلت في صمت!!....ياريتني ماجيت معاهم ولا شفت هذا القهر قدام عيوني!!
انتبهت على صوت سراب: هههههههههههههه الحين هالة عيونها صارت زي الفناجين!!....هذولا كيف يتكلمو مع بعض كذا!!
أنصدمت والتفت لها بسرعة....
شفتها تضحك وتغمز ليا بعيونها!!....إيش فيها ذي!!
والتفت له ...شفت عينه على الطريق وفي بسمة على وجهه لكن ما علق!!....
هذي إيش أسوي فيها!!...هين يا سراب خلينا نوصل بس!!
أنا انكمشت في مكاني....مخنوقة....يوه ليه الطريق طول كذا!!...
بعد شوية جاني صوت سراب بهمس: هالة!!...إيش فيكي!!
جاوبتها برود: إيش فيا يعني!!...ولا شي!!
سراب: متضايقة مني!!
جاوبتها: سراب نتكلم بعدين!!...مو وقته!!
سراب: طيب على راحتك!!
وأخيرا وصلنا!!....وطلعنا غرفة ثريا.....
جلسنا في الغرفة أنا وسراب....
في البداية حاولت سراب تتكلم معايا..لكن انا ما أعطيتها مجال...كنت أرد عليها كلمة ورد غطاها!!....وبعدين وعلى غير عادتنا أنا وسراب كل ما نجتمع...جلسنا ساكتين!!
تحاشيت إني أطل فيها...كنت انقل بصري في أجزاء الغرفة....
وبعدين شفت مجلات وكتب على مكتب ثريا...رحت وأخذت لي مجلة وجلست أقرا فيها...وأنا أحاول أتناسا سراب... حسيت إني مقهورة منها!!....
بعد شوية جاني صوتها: هالة إيش فيكي!!....
جاوبتها من غير ما ارفع عيوني من على المجلة: مافيني شي!!
سراب: كذابة!!....هذا كله ومافي شي!!...إنتي حتى ما تبغي تطلي عليا!!
جاوبتها: ليه تقولي كذا!!....عادي!!...
سراب:لا مو عادي!!....قبل ما نجي كنا كويسين !!...إيش إلي حصل فجأة!!
قفلت المجلة بعصبية وقتلها: إيش الي حصل!!...إسألي نفسك!!...
سراب بإستغراب: عن إيش!!
جاوبتها بقهر: طيب إذا إنتو كذا سمن على العسل مع بعض ليه قلتيلي إنك ما تبغيه؟!....
سراب: ما أبغى مين!!
جاوبتها : ولد عمك!!...مين يعني!!
سراب إلي مو مستوعبة كلامي: ولد عمي!!...!!
وفضلت مبلمة فيا لحظات وبعدين : هههههههههههههههههههههههههههههه هههههههه
ههههههههههههههههههههههههههههه حاتم!!
والله إنك تحفة!!.....ههههههههههههههههههه ه أتاريكي!!...كرهتي حتى تطلي على وجهي!! هههههههههههههههههههههه
وبعدين غمزت لي : هههههههههههه كنتي قلتي كذا من أول
حسيت بإرتباك...قتلها بصوت واطي: أقلك إيش!!
رمت نفسها بجنبي وقالت:من متى كل هذا الحب!!
قمت من عندها بعصبية وقتلها: سراب بلا قلة أدب!!....إنتي تفكيرك فين راح!!
سراب: ما راح مكان !!.... إنتي إلي تفكيرك فين راح!!
قتلها بزعل: سراب خلاص قفلي على الموضوع!!...إنتهينا!!...
جات بجنبي وحطت ذراعينها حولي وقالت: إذا ما تبغي نتكلم في الموضوع على كيفك!!....بس أبغاكي تتذكري شي!!....
سالتها : إيش!!
سراب: يوم كلمتك إني ما ابغى اتزوج حاتم!!...إنا قتلك إني أشوفه زي أخويا!!....وهوا نفس الشي!!
ما رديت عليها...
كملت: إمكن انا اتربيت وسط حاتم وثريا أكثر ما اتربيت وصت بقية أخواني!!....عشان كذا تلقي الكلام بيني وبين حاتم بهذه البساطة!!....أكلمه زي ما أكلم يحيى زي ما أكلم بقية أخواني!!....وهوا نفس الشي!!....يا عبيطة!!
من جد حسيت نفسي عبيطة...كشفت نفسي لها بغيرتي الغبية!!....الحين إيش راح تقول عني!!
حسيت الدم راح يطلع من وجهي....والدنيا حر مرة.....
جاني صوتها: يا خاينة!!...هذا وأنا أحكيلك كل شي!!.....صرتي عارفة كل أسراري!!....والله زعلت من جد!!
غصب لقيت صوتي ...قتلها: ما كنت عارفة إيش أقلك ....وبعدين ...مافي شي!!...هذه أشياء في خيالي أنا بس!!
في اللحظة ذي ...سمعنا صوت الباب....
لصقت فيا سراب ...وقالت بمكر: راح اترك الحين ....لكن راح تحكيلي كل شي في التلفون سامعاني!!.....ما راح أعتقك اليوم!!.....يا خطيبة ولد عمي!!...خخخخخخخخخخخخ
وجهي أنصبغ بالأأحمر أكثر ....حسبي الله عليك يا سراب...ما ترحمين الواحد من تعليقاتك !!
بس من جد حسيت إني رجعت للحياة من جديد!!....
الحمد لله.....بس الله يستر لا يكون فيه براسه وحدة غيري!!
يا الله وربي...يجيني شي!!...
..........................

غادة............
طلعت من عندها وأنا مو عارفة افرح ولا أبكي!!....أفرح عشان طهارتي ولا أبكي الحال إلي وصلت نفسي فيها!!....لفين وصلت نفسي!!...ولفين كنت راح أوصلها!!....كنت راح أضيع!!....لولا لطف ربنا كنت أنفضحت!!....لو إلي طلعلي أمس مو يحيى!!...لو كان واحد من العمال
كان راح يرحمني؟!....كيف يرحمني وأنا مارحمت نفسي!!....
طلعت من المستشفى ....ومسكنا طريق البيت.....
دق جوالي وكان المتصل هوا يحيى....حطيت جوالي على الصامت ولارديت عليه....ورميته بجنبي....
لكني ما قدرت أتجاهل الجوال ...فأخذته وشفته لسى يدق من جديد
اوه وبعين معاه هذا!!....أحسن شي إني أقفل الجوال!!...وقفلته ورميته في الشنطة...أحسن كذا أرتاح ...قربي من بيت عمي آذاني آذاني مرة !!...
لا يا غادة لا تظلمي أحد!!....إنتي إلي أذيتي نفسك!!....إنتي إلي جنيتي عليها!!....إنتي إلي أنجريتي لطريق المخدرات ....ومين السبب!!...مين إلي خلاني أدمنها!!...محاولتي في إني أنسى هارون!!.....
لا يا غادة ما حد السبب غيرك!!.....إستهتارك وعدم الا مبالاة إلي كنتي عايشتها هيا إلي ضيعتك....لكن خلاص لازم كل شي ينتهي!!....لازم ألحق نفسي!!....وإلا راح أضيع للأبد!
في للحظة ذي شفت سيارة قربت منا مرة ....لدرجة إنها كانت راح تضرب فينا!!
سمعت السواق يبرطم بصوت عالي....التفت أشوف مين المتخلف إلي يسوي كذا....وفتحت عيوني فيه بإنكار!!....هذا إيش جابه؟! وبعدين معاه!!....كان هوا يحيى!!....
يوه!!...هذا إيش يبغى مني!!.....مرة زودها!!...
قلي بالإشارة : كلميني....
لا والله!!....أشوف الموضوع عجبه!!....
تجاهلت والتفت للسواق :حاول تسرع وتجاوزه!!
السواق: ماما قادة هذا بابا يهيى إيش يبقى!!
ياحبيبي !!...ما ناقصني غير لقافة السواقين!!....
قتله بحده: إمسك طريقك وإنت ساكت!!....
وتجاوزناه ....كنت أطل من مراية السيارة ...شفته وارانا بمسافة مو طويلة...بس ما قرب أكثر من كذا....
وصلنا البيت ...وهوا لسى ورانا ....دخلت من غير ما أطل عليه....وصعدت غرفتي...
رحت طليت عليه من شباك الغرفه ...لسى واقف!!....هذا إيش يبغى!!...
اف شي لا يطاق!!....
فسخت العباية والشيلة ورميتهم على طول يدي ....وجلست على الكرسي أفكر في الي جالس يحصل معايا!!....كل شي جالس يحصل غلط!!....
لازم أغير نفسي!!....لازم !!...أبغى ألحق نفسي قبل لا أنتهي!!...
قمت للدولاب وفتحته وطلعت منه كل كمية المخدرات إلي أشتريتها آخر مرة...الكمية كانت كبيرة مرة !!...تكفيني شهرين ونص قدام....يعني لو ولد حرام بلغ عني....بروح ورا الشمس!!....
في العادة انا اشتري بين كل فترة وفترة وبكميات أقل...لكن بعد الحركة الوقحة إلي سواها معايا أخو اعتماد الزفت أخذت هذه الكمية الكبيرة عشان أرتاح من شكله لأطول فترة!!
ورحت على الحمام (الله يكرمكم).....وفرغت المخدرات في الحوض....كيس ورا الثاني....كنت أطل على الحبوب كيف تذوب وتروح مع الموية!!....ما انكر إني تردت ...لكني أستمريت أفرغها...وجيت عند آخر كيس ....وغلبتني نفسي!!....تراجعت عن إني اتخلص منه!!...يعني لو ماقدرت أستحمل ....إيش راح أسوي!!....
طليت على نفسي في المراية..... هذه إنتي ضعيفة!!...ما عندك إرادة!!....
لا مو كذا...لكن الآلام إلي أحسها تقتلني....آلام فضيعة !!....
طيب عالجي نفسك يا غادة...عشان تقدري تتخلصي من هذه الآلام!!
أنا أبغى آعالج نفسي!!...ابغى أطهر من هذه الزبالة(الله يكرمكم) إلي أنا عايشة فيها!!....لكني خايفة ما أتحمل الألم!!
أخذت الكيس وطلعت من الحمام(الله يكرمكم)...وأنا أفكر في حالي!! ...
إيش أسوي!!.... كيف أتصرف!!....
أنا تعبانة!!...تعبانة...وأبغى ارتاح
هذا جريرة إلي سويته في ثريا وحاتم!!...هذا إنتقام ربنا مني!!....سامحني يارب!!....سامحني يا أرحم الراحمين!!.....
وأرتميت على السرير وأنا أبكي منهارة!!....حاسة نفسي ضعيفة وحيدة ولا حول لي ولا قوة!!.....
.............................. ................

بيت أبو حاتم.........
أشرت ثريا بملل: سراب دقي عليه ...خليه يطلع!!
وراحت جلسة على الكنبة ....
سراب: طيب ...أف منك ومن أخوكي!!
وناولت هشام إلي كان نايم لهالة: أمسكيه ....بشوف الأخ هذا إيش حكايته!!
أخذته وهيا بتفرقع...خلاص هيا أقتنعت إن العلاقة بين سراب وحاتم علاقة أخوية بحته...لكن إلي قاهرها إن سراب تقدر تكلمة بمنتهى البساطة وهيا لا....ودها يكون لها هذا الحق!!
قربت منها سراب وقالتله بصوت واطي: ولا إيش رايك تكلميه إنتي!!
هالة بعصبية: يا حمارة!!...والله لولا إن هشام في حظني ولا كنت فلعتك بإلي في رجلي!!
سراب: هههههههههههههههه وجع نمزح !!
ودقت على حاتم: اف يا خي وبعدين معاك ترانا تصلبنا أنزل!!
حاتم: اقول لا تنافخي!!...يلا نازل ..علل يا ربي علل!!
سراب: ههههههههههههه احمد ربك انا رضينا انك توصلنا!!
خلاص هالة فاض فيها لكزت سراب في خصرها من القهر
والثانية تألمت لكن بصمت..
واول ما قفلت من حاتم..خبطتها على كتفها: وجع في شكلك....عورتيني
هالة برود: تستاهلي!!
سراب وهيا تحرك لها حواجبها: عذراكي ...خخخخخخخخ
طنشتها هالة وراحة جلست بجنب ثريا على الكنبة .....
سراب: أنا بروح أشرب موية وراجعة...
وشوية إلا وحاتم نازل من على الدرج....
وبصوت عالي : يلا أنا سابقكم على السيارة...
قامت ثريا وهالة....
في اللحظة ذي هشام إلي كان في حظن هالة أنقلب للجهة الثانية وطاحت مع حركته الشيلة من على وجه هالة ...
إلا مع إلتفاتة حاتم لثريا: ثريا إسمعي ابويا يق.....
وبتر كلامه لما جات عيونه على هالة....ورجع التفت لقدام وفي نفس الوقت هالة لفت نفسها لورا....
وهيا في عقلها: يا فشيلتي!!....حسبي الله على ابليس!!
وحاتم في نفسه:إيش هالة النور ذي!!...سبحان الله ....إيش هذا الجمال!!
هالة في بالها: الحمد لله سراب مو هنا ولا كان ذلتني !!
في اللحظة ذي جات سراب : يا قلبي عليكم مستيني!!...يلا مشينا!!
...................

رحيم.............
كنت في غرفتي كالعادة ماسك قميصها الأبيض وحاظنه وأنا مغمض عيوني وأستنشق إلي باقي من آثار شذاها!!
كانت واقفة عند التسريحة تمشط شعرها.....
سالتها: في سوال محيرني!!
تماضر وهي تكلمني من مراية التسريحة: سؤال إيش!!
قتلها: الحين من يوم ماعرفتي إنك حامل ما قمتي تلبسي غير قميص النوم هذا !!....ليه!!
تماضر وهيا تحط في يدها من الكريمات إلي على التسريحة: : ههههههههههههه لايكون بس مو عاجبك!!
جاوبتها وأنا مبتسم: عاجبني لانه عليكي!!.... ومهما لبستي يكون عليكي حلو!!
تماضر: يسلملي حبيبي الذوق!!....
وجات وأنسدحت جنبي على السرير....
أنا أخذتها في حضني وقتلها:ما جاوبتيني!!
ابتسمت : سمعت إن الطفل طيلة ما يكون في بطن أمه يتأثر بنفسيتها!!...يعني الأم لو كانت نفسيتها ماهي حلوة الطفل يطلع منكد ونفسيته تعبانة!!
غمضت عيوني وقتلها: أموت في الفيلسوفة أنا!!
تماضر: هههههههههههههه ...بعدها قررت إن أبعد عن كل الأشياء الكئيبة وإلي ممكن تأثر على نفسيتي...حتى في اللبس....قمت أتجنب ألبس الألوان الغامقة..وأهم شي الأسود!!....
قتلها وأنا أمسد على شعرها: لسى ما جاوبتيني ليه الأبيض هذا بالذات!!
رفعت وجهها وصار مقابل لوجهي وقالت بهمس: عشان كل ما طليت فيه تتذكرني!
جاوبتها: ما أحتاج لشي يذكرني فيكي!!... وبعدين فين ناوية تروحي!!...إنتي دخلتي بين ضلوعي وأحتليتي قلبي!!...يعني مالك مخرج منه!!
وحضنتها أكثر....
تماضر: هههههههههههههه طيب بالراحة أولادك أنحشرو جوا!!
ضحكت: هههههههههههه وحشوني أولادي متى بيجو!!...
حطت يدها على عيوني وقالت: غمض عين وفتح الثانية ...وما تلقاهم غير جو!!
غمضت عين وفتحتها وقتلها: ها.... فينهم!!
تماضر: هههههههههههههههههههه
في لحظة تخيل إني لو فتحت عيوني راح أشوفها!!....
وفتحتهم على هذا الأمل...لكني ما شفتها....شفت نسختها المصغرة....نغم!!....
ابتسمت لها بكل حب...وجلست على السرير وحظنتها: هلا بحبيبة قلب بابا!!
نغم بصوتها الطفولي: بابا!!..اذعجتك!!
بعدتها عني وقتلها: لا حبيبتي ما ازعجتيني!!....
نغم: حثبت إنك ثاحي!!...
ضحكت على طريقتها في الكلام: ههههههههههههه أيوا حبيبتي أنا صاحي..
نغم وهي تفتح الكتاب: أبلة عذة أعطتنا واجب وما عرفت أحله!!
قتلها: خلينا نشوف واجب أبلة عزة!!....
وحليت معاها الواجب....
وبعد ما خلصنا سألتها: حليتي كل الواجبات!!
نغم: ايوا!!...ما كان باقيلي غير واجب أبله عذه!!...
ضحكت: ههههههههههههه طيب فين أكرم!!
نغم: تحت ...جالس مع ماما وعمة أمل....
قمت وشلتها بسرعة من على السرير ودورتها في الغرفة....
وهي تضحك.....ضحكتها وضحكت أخوها هيا إلي مصبراني على فراقها!!....رحمتك يارب....قضائك كله رحمة....أنحرمت من تماضر ورزقتني بأحلى ذكرى منها...تخليني أتذكرها ليل ونهار لغاية ما أموت!!
ونزلت أنا ونغم....
كانت أمل جالسة لوحدها ....
أول ما شفت أمل: إنتي لساتك هنا!!
أمل: هههههههههههه ول عليكم خلاص ما عاد تبغو وجهي!!
: هههههههههههههههه أفا ...على قلوبنا زي العسليا أحلى عروس!!
أمل: ههههههههههههههه خلاص راحة عليا ...بتجي بدالي عروس ثانية!!
جلست وجلست نغم علي: ولو هيا عروس وإنتي عروس!!
لفت جسمها كله ليا وقالتلي: وأنا يا بابا!!
ضحكت: هههههههههه وإنتي إيش !!
نغم: وانا عروث !!
إلا على دخلت سراب: هههههههههههه امحق عروس
مسكت خدودها بيديني الثنتين: أحلى عروسة في الدنيا ...
نغم: ههههههههههههههه أحلى من عمه ثراب!!
أمل قامت من مكانها وشالتها عني وحضنتها : عمة ثراب عندك ولا شي!!...يا قلبي على التختوخة أنا !!
نغم: هههههههههههههههه
سراب وهيا تخلع العباية والشيلة : وع لا تضحكي إنتي وذي الضروس إلي كأن فار أكلها!!
نغم: عمة ثراب!!...أنا شفت ثورتك إلي عند ماما!!...ما كان عندك ولا ثن!!...ما عندك غير ثن واحد أثود
أنا وأمل: هههههههههههههههههههههههه
سراب بزعل: بنتك ذي طالعة لسانها طويل على مين!!
جاوبتها:طالعة لك!!....بس كويس إنها ما أخذت منك غير لسانك!!
سراب بغرور: مسكينة لانها ما أخذت مني كل شي!!
أمل: أقول يا ام ثن أثود!!.....لا يطق لك عرق !!
نغم : ههههههههههههههههههههههه
سراب: الله يسامحك يما!!....ماتورين صورتي غير للأعداء!
قتلها بعتب: ول عليكي يا سراب!!...الحين بنتي صارت من الأعداء!!
سراب:ماتشوفها كيف حاطة دوبها بدوبي!!...(وقامت وقرصت نغم على خدها بشويش طبعا)....بس إيش أسوي احبها وأموت فيها!!
نغم : ههههههههههههههههه...عمة ثراب وانا أحبك!!
شالتها سراب من على أمل وحظنتها: يا قلبي والله!!....وأنا أحبك وأموت عليكي كمان!!....
كنت أطل عليهم بحنية بناتي حاضنين بنتي!!....الله يخليهم ليا يارب.....
وركزت نظري على نغم إلي جالسة تضحك في حضن عمتها....كل هذا الحب والدلع من عماتها وأعمامها و مني إلا إنها مفتقدة وجود الأم.....دايما تسألني ليه كل البنات عندهم أم و أنا لا!!
ما أعرف إيش أجاوب عليها!!...أحاول ألف وأدور عليها في الإجابة...
وتنسى الموضوع...وأقول إنها خلاص نسيته للأبد.ترجع تفتحلي السيرة بعد فترة!!....
أكرم مو زيها!!.... ما يركز على الشي هذا كثير!!...صح أحس بنظرة حزن في عيونه لما تسألني نغم هذا السؤال إلا إن هذه النظرة بسرعة تختفي لما يندمج مع أصحابه.....مشكلتي الكبيرة نغم....آآآآه فينك يا تماضر!!...ليتك كنتي بجنبي تفرحي بأولادك زي ما أنا فرحان فيهم الحين!!...الله يرحمك يارب!!...الله يرحمك....
....................
ثريا................
طليت على الساعة كانت 2:30 وهوا لسى ما جا!!....يا الله فينه!!...هوا قال راح يتأخر لكن مو لهذه الدرجة!!
أخذت الجوال وأرسلت له رسالة
"محمد فينك!!...تأخرت!!...كلمني أنا قلقانة عليك!!"
بعد ما ارسلتها ...رجعت دقيت عليه...تلفونه مازال مغلق!!....لا أنا كذا راح أتجنن!!....من يوم ماطلع الصبح لا كلم وما أرسلي غير رسالة وحدة !!...وجواله طول اليوم مغلق!!....
خلاص وصلت حدي من الخوف!!...لازم أروح أكلم عمي!!...أنا كذا راح أتجنن!!
قمت وطلعت لي قميص فضفاض ولبسته على قميص النوم وحطيت الشيلة على راسي وجيت بطلع من الغرفة إلا وهوا في وجهي!!
ارتديت لورى وهو دخل وصفق الباب وراه وسألني : خير فين رايحة!!...
أشرت له بخوف: ليه تأخرت!!...حرام عليك جننتني!!...
رمى الشماغ على طول يده وجلس وقالي وهو يفتح أزرار القميص بطفش: وليه شايفاني بزر!!...وبعدين لا تتجني ولا شي!!...أيش راح يصرلي يعني!!
رميت الشيلة على السرير وأشرت له بعصبية: هذا هو إلي ربنا قدرك عليه!!
محمد برود: والمرة الجاية لما أتأخر نامي!!...لا تشغلي نفسك فيا!!
أشرت له: محمد!!...ليه تغيرت!!...إيش إلي حصل!!...ليه هذا البرود معي!!...أقلك خايفة عليك !!...تقلي نامي!!...ماعمرك كنت كذا!!
محمد: ماتغيرت ولا شي!!...إنتي إلي صايرة حساسة زيادة على اللزوم!!...
وراح للدولاب وطلع له بجامة ...ولبسها
جابالي إنه لسى ماتعشى...ومع إني راح أفرقع من زعلي منه إلا إنه ماهان عليا ينام من دون عشى عشان كذا أشرت له: طيب الحين بحطلك عشى ثواني!!
محمد: ثريا !!..أنا تعشيت برى!!...أبغى بس أنام بكرة ورايا قومة من الصبح!!
وارتمى على السرير ودخل في النوم...ولا سوى أي إعتبار لخوفي وقلقي عليه!!...
حتى كلمة تصبحي على خير ياحبيبتي بطل يقولها ليا من كذا يوم!!...أصلا بطل يصير بينا كلام!!
خلعت القميص وعلقته في الدولاب وطفيت النور وانسدحت بجنبه على السرير...
كان معطيني ظهره ....جلست أتأمله بحزن إيش إلي حصل!!..محمد ماعمره نام غير وهوا مقابلي!!....الأيام هذه شكله حتى ما يبغى يطل في وجهي!!
غمضت عيوني وأنا اتذكر كلمته: ابغى آخر ماتشوفه عيوني هوا إنتي..عشان أحلم فيكي وماتفارقيني حتى في حلمي!!...
غصب عني نزلت دمعة حرة حايرة!!...إيش إلي غيره!!...
ليه ذا البرود إلي أحسه هذه الأيام في معاملته ليا!!
صار حتى ما يجلس معي زي زمان!!... حسيت بالخطر يهدد حياتي معاه!!... شعور غامض خوفني!!....إيش هوا مدري!! لكني حاسة إنه غامض ومخبي عني شي!!....إيش هوا !!...إيش إلي شاغله عني!!....
سلمت عيوني للنوم لكن عقلي لساته شغال ...وقلبي مو مطمن..
.......................

غادة...................
:يما قتلك ما أبغى أروح يعني ما أبغى!!
أمي بزعل: كيف يعني!!...أقولك جدتك هنا وتسأل عنك!!...وبعدين سبحان مبدل الأحوال !!...اول كنتي مزروعة هناك بسبب ومن دون سبب!!...ذحين أقلك جدتك تبغى تسلم عليكي ما تبغي !!
قتلها بتعب: هوا كذا!!...قتلك ما أبغى يعني ما ابغى!!
قامت من مكانها بعصبية: أنا بقلهم إنك بتروحي!!...وإذا ما تبغي تروحي قوليلهم إنتي الشي ذا!!
وسابتني وطلعت!!
ارتميت على السرير منهارة!!....ما ابغى أروح!!....ما راح أستحمل مسخرتهم عليا زي زمان!!...أول كان في شي أستحمل عشانه!!...الحين لا!!...خلاص هارون قالها ليا ما يبغاني!!....وأنا فهمت الشي ذا وأقتنعت!!....وبعدين إلي حصلي عوفني في هارون وفي كل الرجال وما ابغى أشوفه ولا أشوف أخوه ولا أشوف أي واحد فيهم!!....ياريت نسافر!!...أي مكان بعيد عنهم!!.....
جاني صوت امي: وبعدين !!...أم هارون ذحين أتصلت!!...تقول جدتك تبغى تشوفك!!
قتلها بتعب: طيب طيب !!...بجهز!!
وقمت من مكاني بكسل....ساعدني يارب!!.....ودخلت الحمام(الله يكرمكم) رشيت يدوب وجهي بالموية...وطلعت...أخذت لي بلوزة وتنورة على طول يدي....ولبستمهم...مافكرت حتى أطل على نفسي في المراية!!....ورحت عشان أطلع لي عباية...وقفت عند الدولاب حوالي 5 دقايق أتأمل العبايات إلي عندي!!...أكثر من 10 عبايات...ولا عباية وحدة فيهم تنفع تتسمى عباية!!...كلها فساتين!!...سحبتها كلها ونزلتها على الأرض بعصبية....
من اليوم ورايح مستحيل ألبس منهم ولا فستان!!....وبعدين!!...الحين من فين لي عباية!!....
فكرت في أمي....ورحت لها عشان أطلب منها عباية...
دقيت عليها الباب...
جاني صوتها: خشي يا غادة!!
دخلت ورجع جاني صوتها: ها خلصتي!!
قتلها بعد تردد: يما !!..أبغى من عندك عباية!!
سألتني من المراية بإستغراب: وعباياتك!!
نزلت راسي وقتلها بصوت واطي :ما ابغى البس ولا وحدة فيهم!!...كلهم.....
سألتني: كلهم مالهم!!
قتلها: كلهم ما يسترو وأنا أبغى شي يسترني!!
رفعت راسي وشفت على وجهها تعبير غريب...وقامت من مكانها وطلعت لي عباية وجات وأعطتني ياها....وجهها كان أحمر وعيونها فيها دموع!!
سأتها بإستغراب: إيش فيكي يما!!....
هزت راسها بهدوء : ولا شي!
اخذت منها العباية وحطيتها على الطاولة ورجعت سألتها بإصرار: يما إنتي تبكين!!....إيش في!!
جاني صوتها : فرحانة يما!!....أمس شفتك تصلي واليوم تبغي تلبسي عباية مستورة!!...حسيت بشي في قلبي برد!!....هذه دموع الفرحة يما!!
مشاعرها غلبتني!!...نزلت دموعي...قربت منها وأرتميت في حضنها!!...آآآآآآآآآآآآآآآه قد أيش أنا محتاجة لهذا الحضن الدافي!!...تمنيت أفضفض لها عن كل إلي في قلبي!!...أبغى أتخلص من الهم إلي رابض على صدري!!....لا مو وقته الحين.....
قتلها وانا لسى دافنة راسي في صدرها: سامحيني يما!!...أنا طول عمري كنت عاقة!!...ما راعيت الله فيكي!!...سامحيني يما عشان ربنا يرضى عني!!
قالتلي وهيا تمسد على شعري: الله يسامحك ويرضى عنك!!...ربي يسعدك في الدنيا والآخرة
في السيارة كنت مرتبكة!!...إيش راح يكون تعليقهم عليا!!....تمنيت أرجع...لكن لا!!...أنا مصممة على إني أغير نفسي من برا ومن جوا!!....وأول شي لا زم أتعلمه كيف أتقبل الناس وكيف أقنعهم إنهم يتقبلوني....
وصلنا بيت عمي حسن ....
وفتحت لنا الخدامة ودتنا على المجلس الداخلي....دخلت وأنا لسى حاطة الغطا على وجههي....
طبعا الكل كان يطل عليا بإستغراب مين هذه إلي مع نورة!!
ولما كشفت شفت الإندهاش في نظراتهم....طنشت هذه النظرات ...وسلمت عليهم وجلست بهدوء جنب أمي....
بعد شوية جاني صوت جدتي: كيفك يا غادة!!...ليه يما ما كنتي تبغي تجي!!...
جاوبتها: أبد يما كنت مصدعة شوية...لكن لما عرفت إنك هنا قلت أجي أسلم عليك!!
جدتي: الله يرضى عليك يما!!
والتفت لأمي وقالتلها بعتاب: إيش فيها غادة وجهها أصفر!!...شكلها ماهي طيبة!!
أمي بإستسلام: والله يا عمتي عجز لساني وأنا أقلها أوديكي المستشفى!!
التفت لي جدتي: ليه يما ما تبغي تروحي!!...روحي طمني على نفسك!!
جاوبتها : لا تشغلي نفسك يما!!...بس مجرد إرهاق...وإن شاء الله راح أصير أحسن!!
جدتي بقلة حيلة: الله يصلحك يا بنتي!!
في اللحظة ذي جا صوت ما تمنيت أسمه أبدا: يما !!
أم هارون: تعال يا هارون مافي أحد!!
أنا أول ما سمعت صوته رميت الطرحة على وجهي....إنقهرت من كلمة خالتي أم هارون " مافي أحد" ....حسيت إني!!...إني بلا قيمة!!
لكن معذورة....طول عمري أطلع لولدها بطولي!!....إستغفر الله العظيم سامحني يارب!!
ودخل هارون تذكرت كل المرار إلي عشت فيه الأسبوع إلي فات....تمنيت أهج من مكاني...تضايقت بجد لما دخل ....
قدم من جدتي وسلم عليها....
وبعد شوية شفته أنتبه لي ...طل على أمه بإستغراب...الثانية هزت راسها بهدوء
ألتفت لأامي: حيا الله عمتي نورة...عاش من شافك!!
أمي: عشت وعاشت أيامك...كيفك يا هارون!!
هارون: الحمد لله إنتي كيفك وكيفها غادة!!...
أمي: الحمد لله بخير...وهذه هي غادة بجنبي!!
رفع عيونه فيا بإستغراب...شكله ما صدق!!...تجاهلت نظراته ونظرات كل الحاضرين....وركزت عيوني على يديني...
جاني صوته بهدوء: كيفك يا غادة!!
هزيت راسي بهدوء...ماقدرت أرد عليه....لو فتحت فمي راح أنفجر أبكي !!...
وجات سراب كملت الناقص قالت بكل وقاحة: غريبة ما كشفتي!!.....هارون جا!!
سمعت صوته زي الرعد: سراب!!...إنطمي!!
طليت عليها من ورا حجابي بغيت أقوم أدعس بطنها....مدري كيف مسكت نفسي بالقوة.....
لكن أمي قالت: إتركها يا هارون!!....مو سراب إلي غلطانة!!...أنا إلي غلطانة لاني غصبت عليها تجي عشان تسلم على جدتها....
أنا كنت على وشك إن دموعي تنزل!!...لكن كلام أمي جمدني شوي!!
مسكتني من يدي ورحنا حبينا راس جدتي ....طبعا إلي أعترضت من الطريقة إلي طلعنا فيها من البيت وجلست تخاصم على سراب...وإنها بزرة ما تفهم.....لكن أمي أصرت على إنا نمشي!!....
طول الوقت كنت ساكتة وأطل على أمي بإمتنان....أول مرة أمي تدافع عني قدام الناس!!...دايما كانت تسكت...لاني أكون أنا الغلطانة!!....
أما المرة ذي فقدرت تدافع عني لاني صح....كنت فرحانة بأمي بشكل ما يتوصف...حسيت إنها تقدر تحميني....
وصلنا البيت....وقبل ما تدخل غرفتها ناديتها: يما!!
جاوبتني: أمي!!
قتلها:أنا عمري ما قتلك إني أحبك !!...لكنك عارفة إني أحبك!!
فتحت لي ذراعها....جريت عليها...وارتميت في حضنها....كنت بعيدة عن الدنيا كلها...وبعيدة عن أمي!!...والحين مايهمني الدنيا هذه كلها مدام أنا في حضن أمي!!...
مسدت على شعري وقالتلي بكل حب: وأنا أحبك وأشوفك عيوني ونظري وأحلى سنيني!!...الله يسعدك يا غادة ولا يوريني فيك غير كل خير!!
قتلها بكل راحة: أحبك يما!!...ربي لا يحرمني مكن!!
............................

يحيى ..............
دخلت البيت.....وكان مقلوب بصوت أمي!!....
شفت هارون جالس بجنبها وجدتي على الكنبة الثانية...وسراب جالسة مقابلة لهم ومنزله راسها....
وأمي تصرخ بصوت عالي: إنتي ما تستحي على وجهك!!....متى بتكبري!!...متى هذا الراس بيكون فيه عقل!!
سراب : يما أنا ما كان قصدي!!
المرة ذي رد عليها هارون بحدة: إذا منتي عارفة تثمني الكلام إلي تبغي تقوليه...إبلعي لسانك أحسن!!
سراب وهيا على وشك تبكي: إيش فيكم عليا!!....هذا كله عشان كلمة قلتها لست الحسن والجمال!!
جدتي : يما الله يهديكي!!....أمك وأخوكي ماهم حارقين دمهم إلا عليكي!!...يبغولك الخير!!...الله يهديكي بس!!
قربت منهم وقلت بإستغراب: السلام عليكم!!
الكل: وعليكم السلام ورحمة الله وبركاته!!
جدتي: هلا يما يحيى!!....
رحت وبوستها على راسها وجلست بجنبها....
وسألتهم وأنا مستغرب: إيش فيكم !!....إيش سوت سراب!!
قامت أمي من مكانها وقالت بعصبية: خليها هيا تحكيلك عن قلت أدبها إذا تقدر!!....يلا يما ...أوديكي غرفتك ترتاحي!!
وقامت وقامت معاها جدتي....
التفت عليها ..كانت تطل على هارون بخجل...والثاني محمر عيونه فيها
سألت بعصبية: وبعدين معاكم!!...قلت لكم إيش في!!
جلس هارون وقال: قوليله إيش قلتي لغادة!!
حسيت بقلبي تحرك من مكانه بس على ذكر اسمها .....سالت بلهفة حاولت على قد ما اقدر أخفيها: إيش قالت!!
سراب: يوه ...خلاص قلت آسفة كم مرة يعني تبغوني اتأسف!!...والله شي يقهر!!...
هارون بحده:لا والله!!...لك عين تتكلمي كمان!!....
قامت من مكانها متعفرته وطلعت فوق...
قلت : وبعدين معاكم!!.....ماحد يبغى يحكي يعني!!
أمل : انا راح حكيلك....
:اليوم غادة ...جات هيا وعمتي نورة ....عشان يسلمو على جدتي!!
قتلها بطفش: طيب وإيش الجديد!!...مو كل يوم وغادة ناطة عندنا!!..
قلتها بقهر !!
أمل: الجديد إنها تغطت من هارون لما دخل يسلم على جدتي!!...
قتلتها بإنكار: ها!!
أمل: والله هذا إلي صار!!.....وكمان كانت لابسة عبايا مو متبهرجة....حتى إنا ما عرفناها لما دخلت مع عمتي نورة!!
جلست أنقل نظري بين هارون وأمل وأنا مو مستوعب الكلام إلي أسمعه!!...معقوله جالسة تتكلم عن غادة!!....معقولة تغيرت في أسبوع!!
أمل: هي فين رحت!!
قتلها بإستغراب: كلامك هذا ما يتصدق!!
هنا هارون تدخل: وليه!!.....سبحان الله يغير ولا يتغير!!
جاوبته: سبحان الله
أمل: لكن من جد الواحد له حق يستغرب!!.....لما كانت جالسة بينا حسيت إنها وحدة ثانية!!...ماهي غادة إلي أنا أعرفها ابدا !!...
غصب عني أبتسمت .....ما قدرت أغلب فرحتي!!....معقولة غادة تكون تغيرت من جد!!....ياريت !!...ياريت تتغير!
رجع جاني صوت أمل: بس كان باين عليها إنها تعبانة مرة!!
التفت عليها بسرعة وبإهتمام...لكني ما علقت
سألها هارون: تعبانة مرة كيف يعني!!
أمل: مدري وجهها كان شاحب مرة...وفي هالات سودة حول عيونها !!...
هارون: طيب ما سألتوها إيش فيها!!
أمل: إلا سألتها جدتي!!...وجاوبتها إنه مجرد إرهاق...
ركزت نظري على هارون.....شفته سرح.....وبعدين قال: أجل زي ما قالت إرهاق...
أمل : إمكن!!...وإمكن لأننا أول مرة نشوفها من دون مكياج وبهرجة زايده!!
حسيت إني أبغى أجلس لوحدي....
عشان كذا أستأذنت منهم وطلعت.....
تمنيت في هذه اللحظة ادق عليها اسمع صوتها....
بدل كذا مسكت جوالي كتبت فيه كل الي احسه .....كل مشاعري كل حبي وذكرياتي....لكن في النهاية ما قدرت أرسله!!....مسحتها من الجوال ورميته على طول يدي.....
وسهرت طول الليل افكر فيها وهيا الله واعلم تفكر في مين!!
هل هارون هو محور تفكيرها ولا تكون فعلا نسيته!!
............................

هارون...............
سألت بإستنكار: تبغوها تمشي كل ذا !!...
أمل: أجل!!...أهم شي إن الزفة تطلع منظمة وحلوة!!
قتلها بعصبية: أنا أحيانا أشك إنك طبيبة!!....
أمل : إيش فيك ياخي!!...إيش دخل الطب الحين!!
صحت فيها وشويا وراح أطلع من هدومي: اللهم طولك يا روح!!...تبغو تقضو عليها إنتو!!....ماتقدر تمشي كل هذه المسافة لغاية الكوشة!!إرهاق عليها!!...مو كفاية هذا الدرج كله إلي بتنزله!!....أصلا حتى الدرج ما بخليها تنزله!!...
أمل بإنكار: لا والله !!....ومن فين تبغاها تنزل!!
قتلها بعناد: دبرو نفسكم...صبا ما بتمشي ذا كله
أمل بملل: هارون لا تكبرها وهي صغيرة !!
قتلها: ماحد قلكم تختارو وتفقو من دون ما تستنو رأي!!...
أمل بنفاذ صبر:شوفو إيش يقول!!... مو إنت يا ولد الحلال قلت أختارو القاعة إلي تبغوها وأنا ماعليا غير إني أدفع!!...مين إلي قال كذا!!..إنت ولا خيالك!!
قتلها بعصبية: صبرا جميل والله المستعان!!...انا قلتلكم قاعة مو ملعب!!...وبعدين قلت طبيبة ومقدرة حالة صبا!!...نسيت إنك في النهاية مرأة...تحب الفشخرة والكلام الفاضي!!...ولولا إني كنت مضغوط هذيك الفترة كان ما اعتمدت عليكم !!....
سراب وهي تحط كف على كف بملل : طيب والحين إيش ناوي!!
قتلها: هيا كلمة أخيرة.... زوجتي ما بتنزل كل هذا الدرج...وما بتمشي كل هذه المسافة لغاية الكوشة...وهذا آخر ما عندي!!....يا كذا يا أغير القاعة!!
صرخو سراب وأمل في وقت واحد: إيش!!
قلت بغضب: الله لا يبارك فيكم من بنات!!...ليه تصارخو كذا!!
أمل: شوف نفسك إيش تقول!!
قتلها: هذا كلامي وصلكم !!
سراب بإعتراض: يعني كيف!!...نزرعها لك على الكوشة مثلا!!
قتلتلها: أجل بغير القاعة!!
هنا أمل نادت أمي بصوت عالي: يما تعالي شوفي ولدك!!....شوفيه إيش يبغى يسوي!!
قتلها بغضب: لا والله تشتكيني على أمي!!...ليه شايفاني بزر عندك؟!
أمل بإستعطاف: ياحبيبي مو كذا!!...بس إلي إنت جالس تقوله ما يدخل العقل!!...
قتلها : قتلكم إلي عندي....أنا ماشي
في اللحظة ذي جات أمي ومعاها رحيم ...: خير يما إيش فيه!!
قتلها بغضب: شوفي بناتك هالفاضيات!!...يبغو صبا تمشي هذا كله!!
أمي بإستغراب:أكيد بتمشيه ....أجل!!...
قلت: لا حول ولا قوة إلا بالله!!....حتى إنتي يما!!...تعب عليها تمشي ذا كله!!....افهموني يا ناس!!
قالتلي أمل بترجي: هارون وإلي يسلمك لا تخرب علينا!!
صحت في وجهها : يعني أضحي بزوجتي عشان كلام فاضي ومظاهر كذابة!!...إنتو ما تفهمو!!...
رحيم إلي كان ساكت طول الوقت: هارون لا تعطي الموضوع أكبر من حجمه!!....زوجتك ما عليها شر إن شاء الله!!
قتله بعصبية:بدل ما توقف معي!!
رحيم:كيف أوقف معك وإنت غلطان؟!...سايبنا نسوي كل شي ونجهز كل شي !!...وجاي قبل الزواج بأسبوع وتقول غيرو القاعة!!...معقولة يا هارون!!
قتله بعصبية: ياخي كنت مشغول!!...حتى الجلسة معاكم ماكنت أجلسها يادوب من البيت للمستشفى!.قل اعتمدت عليكم!!....
رحيم:إحنا والله مقدرين مشاغلك!!...لكن إرضى بالي إحنا سويناه!!
جابته بصوت عالي:رحيم ما دامك ما تعرف شي ....فكني واسكت!!
قلي بهدوء: طيب لا تعصب علينا!!...
قالتلي أمي: هارون وش فيك!!....أخوك ما قال شي!!
قلت : ما كان قصدي أعصب عليك يارحيم!!...لكن والله أنا خايف على البنت!!...إفهموني !!...
أمل : حتى إحنا تهمنا صحة صبا!!...صح ما راح نحبها زيك!!
وغمضت لسراب ...إلي ابتسمت من الأذن للأذن ...
قتلها بحدة: أمل!!...بلا تطويل وتقصير ....
كملت سراب: هارون!!...لا تصير بايخ!!
طليت على ساعتي وقلت: أنا تأخرت على المستشفى سلام...
وقبل ما أمشي سألت أمل: بتسيبنا حايسين وتروح!!...
قتلها وانا أمشي بسرعة: يصير خير ...بعدين !!
وطلعت من القاعة....وقبل ما أوصل لسيارتي ...
جاني صوت رحيم:هارون إستنى!!..
وقلي لما قرب مني: إيش قصتك!!
سألته بإستغراب: إيش قصتي!!
رحيم:مدري عنك!!....كيف يعني نغير القاعة!!
قتله بملل: الحين تبغاني اعيد كل الكلام إلي أنقال جوا!!
رحيم: أبغاك تفهمني!!
جاوبته: أفهمك إيش!!....صبا ما تقدر تتحمل تمشي كل هالمسافة!!
رحيم: من متى هذا الإهتمام!!
جاوبته بأسف: من لما شفتها أمس في المستشفى...خلال جلسة غسيل الكلى!!...صبا عايشة بقوة الروح!!...بقوة الإرادة!!...العذاب إلي تتعذبه مع كل غسيل كلى ما يستحمله أحد!!...تخيل دمك ينسحب من جسمك كله مرة وحدة ويرجع لجسمك مرة ثانية بطء!!....تخيل إنها في كل جلسة مهددة بإنها تنصاب بتسمم في الدم أو إتهاب الكبد!!...ما يكفيها هذا الخطر إلي هي عايشة فيه!!...كمان أجي أنا وأزيد على ألمها ألم!!...وبعدين بغض النظر !!...أنا طبيب...يعني لو كانت عدوتي ...ما راح أتصرف معاها غير كذا!!
كان ساكت ويطل عليا بهدوء...وبعد لحظات صمت سألني : طيب إيش راح نسوي الحين!!....
قلت بقهر:أخواتك هذولا مجانين!!...
قلي : لكني لسى شايف إنك تبالغ
قتله بغضب:بعد كل الكلام إلي قلته!!... لا ما أبالغ !!...صبا أصلا راح تكون مرهقة !! راح يكون قدامها قومة من الصبح!!... وراح تجلس على الكرسي ساعات طويلة...والجلسة في حد ذاتها تتعبها !!...ولا تنسى إن أخواتك ما راح يعتقوها..بروفات وجلسات!!...وتجي في النهاية تمشي كل هذه المسافة!!...حرام...تعب عليها!!
قالي:طيب وبعدين!!
جابته بحسم: ولا قبلين!!...مافي غير أغير القاعة!!...
قال بإنكار: من جدك إنت !!..مافي وقت يا هارون!!
قلت بطفش: اف كان المفروض أشوف القاعة بنفسي قبل لا أحجزها!!...من جد مشكلة!!
رحيم : ماهي مشكلة ولا شي!!
قتله بعناد: صبا مستحيل تنزل كل ذا الدرج!!.....وترجع تمشي كل هذيك المسافة!!
رحيم: هارون ...أخواتك وأمك وكلنا...عشنا مستنين هذه اللحظة....خلينا نفرح!!
قتله بحيرة: وصبا!!...أنا خايف عليها!!
رحيم: قتلك إن شاء الله ما بيصير لها غير الخير...وبعدين زي ما قالولك البنات...كلكم بتكونو حولها!!...وإنت بتكون بجنبها!!...وبعدين لو سمح لله تعبت...وقف الزفة وشيلها إنت لغاية الكوشة !!
ضحكت بصوت عالي : ههههههههههههههه قسم بالله بتنقلب الدنيا حريقة!!... هيا إسمي تتقرف تنطقه!!...
رحيم: يا ساتر!!...من جد كارهاك !!
قتله : فوق ما تتصور!.تسمعني كلام عمري ما سمعته!!...والله إني امسك نفسي عنها بشق الأنفس!!
رحيم: ومع هذا كله خايف عليها!!....ياريتها كانت هنا تشوف كيف مشغول بالك عليها!!
قتله بتريقة: كأنه يجيب نتيجة معاها!!... ماعلينا....أنا تأخرت من جد!!....يلا سلام...
قلي بسرعة: طيب إيش قررت!!
رفعت له يدي وقتله: يصير خير!!...في البيت نتفاهم...
........................

أمل.............
: وربي شي يقهر من جد!!.....
سراب: يعني بالله إيش راح يحصل لها !!
جاوبتها بطفش: مدري أحس هارون مزودها !!
جانا صوت أمي: خلاص إنتي وإياها!!....أخوكم خايف على زوجته وهذا من حقه!!
جاوبتها: من حقه ما قلنا شي!!...لكن من حقنا إحنا كمان نفرح فيه!!....
بالله كم سنة إنتي مستنية هذه اللحظة يما!!
هزت راسها بأسف وسكت...
هنا جانا صوته: السلام عليكم...جمعة الخير إن شاء الله!!
الكل: مساء النور
أنا مارديت عليه...راح اطلع من ثيابي من القهر!!
طبعا لاحظ سكوتي وسألني بإستغراب بإستغراب: وليه مادة البوز شبرين!!
جاوبته: إسأل نفسك!!....في أحد يسوي إلي انت تبغى تسويه!!
ابتسمت لي وقال: هذا إلي مزعلك!!
جاوبته: وما تعتقد إن هذا سبب كافي!!
هارون: طيب على أمرك عمتي !!...مابغير القاعة..
قلت له بفرح:صدق!!
هز راسه ...يعني أيوا...
رجعت قتله بشك: وصبا تبغاها تطلع من فين!!
هارون: هذه عاد مهمتكم!!...إذا ما أرهقتوها ...وما تعبتوها بتم الزفة على أحسن ما يا كون!!...لكن إذا شفتها مرهقة...والله ما غير أشيلها وأحطها انا على الكوشة بنفسي!!
سراب بصدمة: إيش!!
هارون: إلي سمعتوه!!
سألته: من جدك إنت!!بتسويها!!
هارون: وأسويها وأسوي أبوها كمان!!
سراب: هههههههههههه كأن صبا راح ترضالك تشيلها!!...
رجعت قلت: هههههههههههه مدري عنه!!..
هارون:عن الكلام الفاضي وأسمعوني!!...صبا إهتمو فيها كويس!!...لا ترهقوها!!...أمل...إنتي بالذات مسؤلة قدام الله ثم قدامي عنها!!...فاهمة!!
سراب بتريقة: بالراحة بالراحة!!....إلي يسمعك يقول بنعذبها!!...ياخي دلوعتك في عيونا!!...خلاص !!...اشهد أن لا إله إلا الله!!
ضحكت: ههههههههههههههه أنا عني أقلمت نفسي إنا بنسوي الزواج في البيت!!....ياخي طيحت قلوبنا!!
سراب: هههههههههههه.... مدري إيش هيا الكلمة السحرية إلي قالها لك رحيم!!...
والتفت على رحيم: رحيم علمني إيش قتله!!
رحيم: أحلفي بس!!....
يحيى: أصلا إنتي بالذات ما تنعطي وجه!!...
غمزتلي وقالت: الله يخليلك حبايب القلب إلي ينعطو وجه !!..
: هههههههههههههههه....اوه هذولاك غير!!
هارون: أمل زوجك ينادي عليكي...وشرايك تروحين له وتريحينا من خشتك!!
سراب: يعني ما بتقولي!!
هارون: إذا حجت البقر!!
سراب: ول عليك!!...مو مشكلة رحيم حبيبي بيقولي..
والتفت على رحيم: ميمي بليز!!
رحيم بزعل مصطنع: ميمي في عينك!!.....
نغم بزعل: عمتي ثراب!!....لا تقولي لبابا ميمو...عيب!!
سراب بتريقة: شوفو البنت!!...ماتبغاني أدلع أبوها!!
نغم: بابا !!...لاتخلي عمتي ثراب تقلك ميمو ...ميمو هذا كلب يجي مع أمجد!!
سراب لصقت عيونها في نغم من كثر الخوف...
ورحيم قال بحدة:كلب!!
سراب: قسما بالله يارحيم ما قصدت إلي بنتك قالت عليه!!...وأنا قلت ميمي مو ميمو!!وبعدين... قسما بالله ما اعرف أحد إسمه أمجد!!...حسبي الله عليكي يا نغم....بنذبح من تحت راسك....
أنا كنت أتفرج وأنا بموت ضحك...لاني عارفة مين ميمو ومين امجد إلي تقصدهم نغم....لاني شفتها كذامرة تتفرج عليه...
نغم: بابا!!...أمجد وميمو إلي يجي من ثبيث تون!!
سراب بغضب: ثبيث تون!!
الكل سكت فجأة وبعدين أنفجر في وقت واحد: هههههههههههههه
سراب : أشهد أن لا إله إلا الله!!.كنت بروح ضحية والسبب بنتك هالبقرة ذي!!
نغم: شكرا عمة ثراب!!
الكل: ههههههههههههههههههه
يحيى: جنبتك!!...عاشو نغم!!
نغم:ههههههههههههههه....
سراب:هههههههههههههههه عقلة الأصبع ذي لسانها يا طوله!!..
رحيم وهو يشد خدود نغم بخفة: يسلملي المأدب أنا!!
نغم بضحكة طفولية بريئة: هههههههههههههههههه..
جلسنا نسولف عن النمسا وجمالها وبعدين قلت : هارون وش رايك تقضي شهر العسل فيها!!...والله تجنن يا هارون!!....تجنن من جد!!
التفت على سراب وقلها بتريقة: وإنتي إيش رأيك!!
سراب بنفس الحماس: أكيد مع أمل!!...على حسب وصفها راح تنبسطو هناك!!
هارون: إنت معذورة!!.. مفهية ومن يوم يومك مطفوقة ...لكن ذي!!..(وأشر على علي)...قال طبيبة وعارفة وفاهمة وعاقلة !!...ولا الزواج طفقك إنتي الثانية ؟!...
سراب: ههههههههههههههههه
قتله بخجل: ليه تقول كذا!!.... هذا جزاتي!!
هارون وهو يقوم: لا!!...لكن المفروض تعرفي إن صبا ماتقدر تركب الطيارة...لانها ما تتحمل الضغط العالي!!...
خبطت على جبيني بخفة وقلت: ياويلي!!...كيف نسيت؟!
قال بتريقة: مو منك!!...
سراب: هههههههههههههه من إلي واخذ علقك ..
ضرب سراب بخفة على جبينها وقال بتريقة: وإحنا نقول متى المطفوقة ذي بتزوج عشان تعقل!!...لا خليكي كذا!!... بنص عقل لا يطير النص الثاني بعد...ونبلي ولد الناس !!
: ههههههههههههههههههه
سراب بخجل: تمون والله لو ماكان عرسك قريب كنت!!
قاطعها هارون بتهديد: كنتي إيش!!
سراب وهي تضحك: كنت قلت تمون كمان هههههههههههههه
هارون: إيه احسب !!... وشيلو زوجتي من مخطاتكم... .أنا مسويلها مخطات ثانية !!...
وبعد شوية أستأذن هارون....والبقية وراه...وما فضل غير أنا وسراب... قتلها بخجل: كيف فاتني هذه النقطة!!
سراب بتريقة: قلك مو منك!!
قتلها : انطمي بس!!...انا كنت ابغاهم ينبسطو !!...قسما بالله شي يرد الروح..
سراب بأسف: معليش خيرها بغيرها!!...إن شاء الله صبا تتعالج ويسافرو كل مكان في الدنيا!!...
جاوبتها: آآآآمين يارب الله يسمع منك!!
سراب: بس تدري!!...ما كنت أعرف إن هارون حنون لهذه الدرجة!!...
قتلها بتريقة: لانك معمي على قلبك!!....هارون طول عمره حنون !!...
سراب: أدري!!...انا قصدي إنه يوم كان متزوج إلي ما تنذكر ...صح كان باين إنه يحبها ..لكن ما كان مظهر كل هذه الحنية إلي ظاهرها الحين لصبا!!..
جاوبتها: لا تنسي إن صبا وضعها الصحي حساس!!...ولازم لها عناية وإهتمام!!
سراب: إيه أدري!!...وكمان لانه يحبها ومجنون فيها بعد!!....إسأليني أنا ..
سألتها : و إنتي إيش عرفك!!....
سراب بضحكة: ههههه مو أنا مرسال الحب ...من يوم تزوج صبا إنقلبت للحما الزاجل!!
: ههههههههههههه...ول عليكي يا سراب!!...هيا مرة وحدة !!...لا يكون حصل شي وما حكيتيلي!!
سراب: لو حصل كنت قلتلك ...تعرفيني ما أخبي شي !!
:ههههههههه تقوليلي!!...لكن من جد !! هارون طلع عليه حركات رومانسية !!
سراب: من جد....ولا يبان عليه..
جاوبتها: الله يهنيهم يارب !!...بس كله كوم وإلي سواه أمس لما كنا في السوق كوم ثاني!!...كل ما أتذكر أفطس من الظحك !!..
سراب: هههههههههههههه حرق الجوال من كثر ما هو يتصل عشان يطمن عليها!!....
سألتها: بس ما شفتي إنها غريبة إنه ولا مرة طلب يكلمها!!
سراب: لا مو غريبة !!...بس هو ما يبغى يحرجها!!...
قتلها وأنا أقوم : إمكن....يلا أنا بمشي تصبحي على خير...
سراب:وإنتي من أهله حبيبتي ...وسلمي على الكل!!....وعلى صلوح!!
قتلها بزعل مسطنع: وجع براطمك!!...لا تدلعي زوجي!!...أنا بس إلي أدلعه!!
سراب: ههههههههههههه قلت زوج أختي ما فيها شي لو دلعته!!..
جاوبتها : إلافيها ونص!!...كله إلا حبيب قلبي!!
سراب: ههههههههههه كليه ...إشربيه...إشبعي فيه...مالت عليكم!!...يلا ضفي خشتك ..
:ههههههههههه بشويش عليا تراني عروس....
سراب: خلاص صارت قديمة!!...بتكملي سنة وإنتي لسى تقولي صرت عروس!!
قتلها بدلع: يحقلي يا ماما!!...يلا سلام...
قبل الأزواج بثلاث أسابيع
هارون..........
حطيت راسي على السرير لكن ما جاني نوم....مدري ليه مسيطرة على أفكاري...كل ما أحاول انشغل عنها بشي ألقى تفكيري غصب عني رايح لها!!...
تقلبت على السرير أكثر من مرة لكن لسى تفكيري منصب عليها...
مديت يدي وأخذت الجوال ودقيت رقمها.....
بعد شوية جاني صوتها وكان باين إنها كانت نايمة: الو
طليت على الساعة بإستغراب كانت 8 العشا...معقولة نايمة من الحين!!...لا يكون بس تعبانة!!... قتلها: السلام عليكم...كيف......
قاطعتني: وعليكم..خير!!!
رديت عليها بهدوء:ردو بأحسن منها او ردوها!!
قالت برود :إلي بعده
مع اني تمنيت تكون الحين قدامي واديها كف على وجها عشان تنعدل...لكني مصمم على إن صبا لازم تغير وجهة نظرها فيني...وتفهم إني ما ابغى لها غير الخير!! عشان كذا قتلها بنفس الهدوء: كيفك!!...عساك طيبة!!
قالت بطفش:إيش تبغى !!
اللهم طولك ياروح : ابغى اطمن عليكي!!
قالت بإستخفاف: والله انك فاضي!!....
قتلها بعصبية حاولت على قد ما أقدر أخفيها: صبا!!....انا ابغى امشي معاكي بالحسنة لا تخليني اطلع من طوري!!
ردت بتريقة: لا والي يعافيك اطلع!!....ابغى اشوف إيش راح يطلع بإيدك!!
تنفست بعصبية:أستغفر الله العظيم!!...صبرا جميل والله المستعان....اسمعي يا بنت الناس!!...إلي جالس يحصل هذا ما ينفع!!....إحنا داخلين على حياة جديدة!!...بعد كم يوم راح ينقفل علينا باب واحد أنا وانتي وبس!!....لازم نبدأ صح!!.....لازم نغير من أسوبنا في التعامل مع بعض !!....انا ما اطلب إنك تحبيني...ولا أنا أبغى أحبك!!!!...لكن ما ينفع نكون زوجين قدام الناس...وإحنا بين بعض أعداء!!...هذا الشي حتى الله ما يرضاه!!...الزواج مودة ورحمة!!....فاهمة إيش جالس أقول!!
قالت:تصدق!!....كل يوم اكتشف قد إيش انت تافه!!....الله يكسر راسك يا شيخ!!
وقفلت الخط في وجهي!!....
ضرب العرق في راسي.....هذي أنا كيف أتعامل معاها!!...بذبحها!!...
مسكت الجوال ورجعت دقيت عليها.....
مرة مرتين ثلاث....مافي رد....
وصلت معايا...أخذت الجوال وأرسلت لها " إذا مادقيتي وأعتذرتي الحين...بيجيكي إلي ما يسرك ولا تختبريني أحسلك!!"
أستنيت شوية ما جاني منها رد.....قمت من مكاني بعصبية...ولبست وطلعت على بيتهم....هين يا صبا!!...انا أعلمك كيف تعرفي تتكلمي معايا!!
في الطريق دقيت على صالح
بعد شوية جاني صوته: هلا أبو نسب!!....
جاوبته: هلا صالح!!...عاش من سمع صوتك!!
صالح: عشت وعشت أيامك!!....ياخي فينك كل ماجيت ما حصلتك!!...
جاوبته: إنت عارف الحال!!...والله مضغوط .....
صالح: عارف والله....الله يقويك!!
جاوبته: تسلم...وكيفه عمي منصور والأهل كيفهم!!
صالح: هههههههههههههههه الأهل ها!!...طيبين ومشتاقين!!
ابتسمت بحزن وقلت في نفسي: والله منت داري بشي!!
وجاوبته: فينك الحين!!....انا جايكم!!
صالح: هههههههههه جايكم!!...صدقتك أنا!!....أقول زوجتك عندك كلمها!!
جاوبته: إيش ذي طرده !!....
صالح: محشوم والله!!....بس قلت أكيد مشتاق لصبا ودك تجلس معاها....وماودكم عذول بينكم!!....فقلت أضف وجهي مني لنفسي!!....وبعدين انا مع أمولتي حبيبتي نتعشى برا
جاوبته: ههههههههههههه..... الله يهنيكم .....طيب أنا قربت ...ياريت تدي صبا خبر!!...أنا كلمتها بس شكل جوالها بعيد!!
صالح: أبشر.....أكلمها لك الحين حياك الله
وقفلت منه ...وأنا متحلف فيها....وأرسلتلها "إن ما طلعته عليك يا صبا!!....بيجيكي العلم الحين!!"....
غضبي منها خلاني انسى أو أتناسى كل الوعود إلي قطعتها على نفسي في إني ما راح أمد يدي عليها...
هذه ثاني مرة تنعتني بهذا النعت!!...مستحيل أخليها تعدي من دون حساب!!
………………….

صبا........
حطيت الجوال على الصامت ورميته على طول يدي!!...الله يشيلك يا هارون!!...ما صدقت إني غفيت من آلام ظهري !!
ويادوب رجعت غفيت مرة ثانية ...سمعت أحد يدق على الباب...
يا الله!!...شكلي ما برتاح!!...جاوبت بتعب: مين!!
جاني صوت مؤيد: أنا
أنعدلت في سدحتي وجاوبته: أدخل!!
دخل ...وكنت مظلمة الغرفة ...فتح الأنوار وقرب مني وقال بقل: صبا إيش فيكي!!...تعبانة!!
حطيت يدي على عيوني وجاوبته: لا بس عندي صداع خفيف قلت أريح شوية....
مع إن آلام ظهري راح تموتني!!...
مؤيد بشك: متأكده!!
وقرب مني وحط يده على جبيني!!
جاوبته: أيوا متأكدة!!....
جاوبني: طيب زوجك تحت!!
جلست بسرعة وقتله بفزع: إيش!!
مؤيد" إيش إلي إيش!!....وإش فيك كذا أنفجعتي!!...
قتله بإرتباك: لا ....ما انفجعت!!...بس هوا ما أداني خبر!!....وبعدين الوقت متأخر!!
مؤيد:لا مو متأخر!!...يادوبك الساعة 8 ونص!!
سألته: هوا تحت ذحين!!....
مؤيد :إيوا تحت...!!
قتله بزعل: وليه ما قتلي من أول!!
مؤيد: صالح حرق جوالك وإنتي ما رديتي!!...ودوبه كلمني إلا وهارون جاي!!...فتحت له وطلعت عشان أناديكي!!
التفت عشان أشوف فين جوالي وأنا أقله: أيوا جوالي حاطاه على الصامت....خلاص شوية وأنزل!!
مؤيد: طيب لا تتأخري!
وطلع من عندي....
أخذت الجوال من على الكمدينو: يا الله كانت 15 مكالمة...ست من هارون والبقية من صالح ...وفي رسالتين من هارون!!...
فتحتها وبهت لماشفت إلي مكتوب فيها...
دقيت عليه وأنا بطق من قهري!!.....هذا إيش يبغى مني!!...لا ويهدد كمان!!.... الله يشيلك يا هارون!!
أول ما جاني صوته قتله بحدة: إنت إيش جابك!!....
جاني صوته برود: إنتي إلي بغيتي كذا!!
قتله بعصبية: أف إنت ما تحس في أحد يجي بيوت الناس في وقت زي كذا!!
هارون: عادي!!....بيت أهل زوجتي ويستقبلوني في أي وقت!!
صرخت فيه: قتلك لا تقول زوجتي!!
هارون: طيب.... برصتي!!....
قفلت في وجهه ورميت الجوال على السرير وقمت...
ولأني مافيا حيل إني أغير البجامة إلي عليا ...ولا فيا مزاج أصلا!!...يادوب رفعت شعري بالشباصة...ونزلت له!!
في الصالة شفت مؤيد ماسك تبسي فيه عصير....وبيوديه للمجلس.أو ما شافني قال: إنهبلتي إنتي!!....بتدخليله كذا!!
جاوبته بملل: كذا كيف يعني!!...
مؤيد: بالبجامة!!....وشوفي كيف وجهك مورم !!...شكلك حتى ما غسلتيه!!
جاوبته : قتلك يا مؤيد مصدعة وما فيا حيل أغير ولا أسوي شي!!...وبعدين عادي...إيش فيها يعني!!
مؤيد: مافيها شي!!...بس شكلك معفن ويسد النفس!!
قتله بكسل : خلاص برجع ...وماراح انزل مرة ثانية...
وأنا أقول في عقلي: فكة من أشكاله...
ولفيت عشان أرجع...جاني صوته: تعالي تعالي!!.....إنتي حرة تطلعيله زي ما تبغي!!...خذي!!.....أنا رايح !!
جاوبته بسرعة: فين بتروح ما بتدخل !!
مؤيد: لا أخوياني مستنيني!!...يلا سلام...
وأعطاني تبسي العصير!!....
ناديته بسرعة: طيب في أحد جوا غيره!!
مؤيد: لا!!...يعني خذو راحتكم!!...
وأختفى من قدامي!!...
قال خذو راحتكم قال..الله ياخذه يا شيخ....
وقفت عند الباب وتنفست ثلاث مرات....وحاولت البس كل ألأقنعة إلي تطلعني باردة ومو خايفة منو....ودخلت....
كان ماسك جواله....مدري إيش يخبص فيه....أول ما حس إن في أحد دخل ....طل بكل برود ورجع كمل لعب في جواله ولا كأنه شاف أحد !!....
مالت عليه!!....ويقطع الساعة إلي عرفتها فيه....دخلت وأنا أتأف
قربت منه وحطيت التبسي قدامة على الطاولة بطفش ....وجلست بعيد عنه ...
طال الصمت بينا ......وبعدين!!....إيش بيبات يعني!!
قتله بهدوء: أذا ما عندك شي تقوله إشرب عصيرك وتوكل على الله!!
قلي برود: أي عصير!!...إنتي قدمتيلي شي!!
أشرت على العصير إلي قدامه بتريقة: وهذا!!.....ولا إنت معدوم من كله!!
طل عليا بنظرات زي الطلق ....وقال بصوت بارد عكس نظراته: الحين العصير هذا لي!!....تصدقي مدري!!...
جاوبته: الحين دريت...إتفضل إشربه وخلصنا....
قلي بلهجة آمرة: قومي أعطيني إياه!!
قتله بحدة: نعم
هارون: نعامة ترفسك!!...قتلك قومي أعطيني العصير لا قوم أكسره على راسك!!
قتله : هي فين تحسب نفسك!!....مين تكون إنت عشان تطول لسانك عليا !!
نط من مكانه وراح صفق الباب...ورجعلي زي الثور الهايج!!....
أنا لما شفته كذا....فزيت من الخوف!!...
قتله بإرتباك : ليش قفلت الباب!!....إيش تب.....!!
طبق على وجهي بيده بقوة....حتى آلمني وقال بالحرف: إنتي إيش تبغي بالزبط!!....
كنت أطل بخوف وقهر وحقد وماني عارفة إيش أقله !!....
رجع كمل: أحاول أصرف الشيطان عني إلا بالغصب تنصبيه قدام وجهي!!...
تبغيني أذبحك!!...قوليلي!!...مافي أسهل من كذا!!
خلاص حسيت بوجهي تخدر....
مسكت يده عشان اسحبها لكن مافي محكم قبضته!!....
رجع كمل: أعتذري عن الكلام إلي قلتيه فوق!!...
يحلم!!....ماباقي غير إني أعتذر منه!!...طليت عليه بتحدي يعني لا
هارون : ما تبغي تعتذري يعني!!....هين أنا أعرف كيف اسحبها منك بالقوة!!
وقرب وجهي منه مرة....انا كنت أحرك راسي يمين ويسار بقوة ....
حطيت يدي على صدرة عشان أحاول ابعد نفسي عنه....لكن هوا أقوا مني!!...مسك يدي وثناها ورا ظهري ...أنا هنا صرخت : آآآآآآآآآآآه
هوا ترك يدي وجهي بسرعة وبعد عني....
أنا ارتميت على الكنب أتألم....وأتنفس بسرعة....
جاني صوته: ليه يا صبا!!...ليه مصممه إنك تطلعيني قدام نفسي وحش...كل مرة أحاول أمسك نفس عنك!!...,اصرف الشيطان عن وجهي!!...لكن مصممة تنصبيه قدامي!!.....
قتله بحده من بين ألمي: الحين أنا إلي قتلك طول يدك!!...حسبي الله وتعم الوكيل فيك!!
هارون: إنتي إلي تخليني اتعامل معاكي بهذه الطريقة ....إنتي إلي تجبريني إني أفرض عليك إحترامي بتطويل اليد !!....
طليت عليه بإستصغار: وفرضته!!...
جاني صوته: صبا!!....إلي جالس يحصل هذا غلط!!...لازم نتفاهل...
ماخليته يكمل ...وقفت وقتله بحده:ما بينا تفاهم!!...تعبت نفسك على الفاضي
وتركته وطلعت...الحق إني كنت خايفة اجلس معاه ....
دخلت غرفتي وأنا حاسة نفسي منهارة!!...قفلت الباب على نفسي وطفيت الأنوار وأرتميت على سريري أبكي!!.....كل يوم أتأكد إني مو قد هارون!!...أنا أضعف منه بكثير!!...أصلا اضعف من أي أحد!!....كيف راح أقدر أواجهه كيف راح أقدر اتحداه!!....يارب ساعدني!!....أنا من جد خايفة!!...والله خايفة ومافيا أتحمل آلام أكثر!!...الآلام إلي فيا تكفيني!!
……………………

قبل الزواج بأسبوعين..........
غادة.............
صفقت يدي بقوة.....وطار كيس الحبوب...وتناثر في كل مكان.....
وقالت بصوت عالي : مخدرات!!!....مدمنة مخدرات!!
قتلها بإنكسار: أنا أبغى اتوب يما!!...أبغى أطهر من هذا إلي انا فيه!!
أمي إلي ماهي قدارة تستوعب الموضوع: مدمنة ياغادة!!
قتلها بتوسل: ساعديني يما!!...ماليا في الدنيا هذه غيرك!!....لو ما وقفت جنبي راح اموت!!....الله يخليكي يما انا أبغى اتعالج!!...ابغى أتخلص من هذا السم إلي في جسمي!!....
أمي: ليه يا غادة!!...أنا عمري ما منعت عنك شي!!...كل شي لك!!...اقدمك على نفسي في كل شي!!...عمرك جيتي طلبتي مني شي ومنعتك عنه!!
انهرت على الأرض وانا أبكي: والله أدؤي يما!!...وأنا ما راح الومك !!.....ماراح ألوم غير نفسي أنا إلي ضيعت نفسي!!...أنا السبب!!.....لكني تعبت!!...وأبغى أتعالج!!...والي يسلمك عالجيني يما!!...ارحميني يما!!....لا تتركين لوحدي!!...!!...احب على يدك!!...أحب على رجلك...
وملت على رجولها عشان أحب عليها...
لكن هيا مسكتني بسرعة وقومتني...
قتلها : أنا تعبانة يما!!...في نار في جسمي!!...نار تحرقني!!...نار ماأقدر أستحملها!!...ساعديني الله يخليك ....ساعديني!!
ظمتني أمي بقوة وهيا تبكي وتدعي ربنا بحرقة : عفوك ربي سبحانك إني كنت من الظالمين!!...عفوك ربي سبحانك إني كنت من الظالمين
ومر علينا أسبوع ...أطول ما يمكن!!....ولسى أنا زي ما انا!!....ما تقدمت ولا خطوة قدام!!...
أمي تقفل عليا الباب .....ولما تشوف حالتي وسمع صريخي وبكايا تنهار وتضعف وتفتحلي الباب ...وتعطيني الجرعة.....
وفي يوم جلست أنا وياها نتكلم عن حالتي وأنا في بالي شي وراح انفذه!!....
قالتلي بحزن: قلبي ما يطاوعني يا غادة!!....ما أقدر اسمع صريخك ...وأشوف حالتك كذا...وراحتك بيدي واحنها عليكي!!
قتلها بقر: راحتي!!...هذا دمار يما!!...السم هذا يحطمني ما يريحني!!
أمي: ما اقدر يا غادة!!...والله ما أقدر!!....
قتلها: أجل مافي غير حل واحد!!
امي بسرعة: إيش هوا!!
قتلها: أنا جلست طول الليل افكر في حالتي!!....أعرف إن إلي راح اقوله صعب عليا وعليكي!!...لكن ما بيدي حيلة!!....مافي غير هذا الحل!!
أمي: قولي يا غادة نشفتي دمي!!
قتلها بهدوء: راح اكلم يحيى!!
أمي : إيش!!....
قتلها: لازم أحد قوي يوقف معانا في هذه المحنة!!...أنا مجبورة....يما إنتي جالسة تضرني من دون ماتحس!!....وأنا عاذراك!!....صعبة إنك تشوفي بنتك جالسة تتقطع من الألم من دون ما تساعديها!!......
فضلت ساكتة وتطل عليا فترة طويلة وبعدين سألتني: وإشمعنى يحيى!!
ليه مو هارون!!...او رحيم...أو أي احد من اولاد عمك!!
جاوبتها بإرتباك: رحيم مستحيل أقله إني مدمنه!!.... وبعدين هذا إنسان مزوج!!...وراح يكون مشغول بزوجته !!....ورحيم هم عياله يكفيه!!....ليه اجي احمله همي!!....وبقية عيال أعمالي إلي متزوج و ألي بديرة ثانية!!
كملت أمي: وحاتم مستحيل طبعا!!.....
هزيت راسي بهدوء يعني أيوا!!
وبعد ما طال السكوت وطال جاني صوت أمي: دقي!!..لا حول ولا قوة إلا بالله !!
طليت عليها وبعدين أخذت الجوال ودقيت عليه....
بعد كم رنة جاني صوته: الو نعم!!
بعد تردد قتله: السلام عليكم ....
يحيى: وعليكم السلام ....غادة!!
جاوبته: أيوا ...أنا أكلمك من جوال أمي....
طال الصمت...
شكله مل عشان كذا قلي: خير آمري!!
جاوبته: مايامر عليك ظالم....يحيى بغيت أتكلم معاك بخصوص شي!!
يحيى: تفضلي أسمعك!!
جاوبته: ما ينفع في التلفون....ياريت......لو تجي....البيت!!
قلي بإستغراب:سمي!!
قتله : أمي تبغى تتكلم معاك في شي مهم ....
وعلى طول أعطيت السماعة لأمي...ماقدرت أتكلم أكثر ..خلاص حاسة إني على وشك أنهار!!....
أمي: السلام عليكم...
........................
لأمي: الله يسلمك يما...إنت كيفك...وكيف أهلك!!
……………..
أمي: ما يامر عليك ظالم..بس بغيتك في موضوع...
.......................
أمي: إيه يما يكون أحسن !!.....
.......................
أمي: جزاك الله خير ما قصرت!!....
وقفلت منه وطلت عليا : خلاص بيجي بعد العصر إن شاء الله...
كنت أطل على أمي وأنا ساكتة....حاسة بغصة في حلقي.....حاسة نفسي ذليلة...ذليلة لأبعد حد.....
كنت أطل على أمي وأنا ساكتة وبعدين نزلت دموعي .....
أمي فزت من مكانها وجات وحظنتني:لا يا غادة!!...لا تسوي في نفسك كذا!!....
إن شاء الله ربنا راح يوقف معانا وراح تتعالجي وترجعي أحسن من أول يما!!
لسى متصلبة في مكاني وكل شي مجمد فيا إلا دموعي...كانت تنزل زي المطر
رجعت أمي تقلي: غادة يما ردي عليا!!...لا تسوي فيا كذا...الله يخليكي يا غادة!!
قتلها وبصوت واطي مخنوق: ليتني أموت ولا أحطك في هذا الموقف!!...
امي وهيا حاظناني: أنا أموت لو حصلك شي يا غادة!!...أنتي كل شي ليا في هذه الدنيا!!...ارحميني يا غادة لا تسوي في نفسك كذا!!
قتلها: سامحيني يما!!...الله يخليكي سامحيني!!
أمي وهي تطبطب على ظهري:ربي العالم يا غادة إني مسامحاك..وإني أدعي ربي ليل ونهار إنه يفرج عنا هذا الكرب....خلاص يا ماما...أهدي...
قرب موعد وصول يحيى ...وطلبت من أمي أني أكلمه أنا أول شي طبعا أميمو عارفة غلي حصل بيني وبينه في الإسطبل....ولابد إني أفتح هذه السيرة!!
عشان كذا طلبت منها تدخل علينا بعدين وافقت....
وجا يحيى...ودخل المجلس.....
لبست عبايتي وشيلتي ونقابي ....ودخلت له....وأنا اقدم خطوة وأأخر عشر....
…………………

يحيى...............
أستغربت سبب إتصالهم !!...غادة وأمها إيش يبغو مني!!....لا يكون بخصوص هذيك الليلة!!
لا ما أظن أصلا إن غادة تتجرأ تكلم أمها في إلي حصل .....وبعدين هوا إيش حصل!!....الحمد لله ما حصل شي!!
وأنا ليه داوش نفسي ...كلها كم ساعة وأعرف منهم....
بعد العصر مباشرة طلعت من المسجد على بيت غادة.....
فتحتلي الخدامة ....ودخلتني المجلس وراحت....
بعد شوية حسيت أحد داخل عليا المجلس....كانت هيا....غادة بطلتها وقامتها الطويلة...أنا قمت أول ما شفتها
ما أقدر اوصف حالتي أول ما طاحت عيوني على عيونها!!.....آآآآه من هذه العيون ....إلي فيها تعبي وشفاي...
دخلت وقالت بصوت أبدا مو صوت غادة إلي كان كله دلع :السلام عليكم ورحمة الله...
جاوبتها: وعليكم السلام ورحمة وبركاته...
دخلت وجلست على أقرب كنبة للبا.
أنا تميت واقف مستني دخلت عمتي نورة....لكني ما شفتها دخلت وراها...
فسألت غادة: وفينها عمتي نورة!!
غادة: جاية!!...بس في البداية ابغى اقلك شي!!
جلست وقتلها بهدوء : تفضلي!!
كانت تحرك يدينها بإرتباك واضح وهيا منزلة راسها وبعد طول صمت جاني صوتها: بالنسبة إلي حصل .......والكلام إلي سمعته ....انا!!...
شفتها مرتبكة مرة فقتلها عشان أعفيها من الإحراج: أنا نسيت كل شي حصل!!....وإنتي لازم تنسيه!!
غادة: ممكن أكمل كلامي وما تقاطعني!!
جاوبتها : تفضلي....قولي إلي تبغيه!!
غادة: أول شي!!...كل الكلام إلي قلته لهارون أبغاك تعرف إني قلته وأنا ماكنت في وعي!!....أنا كنت!!
ما قدرت اسكت....رجعت جملتها على هارون تضرب في راسي ...عشان كذا قاطعتها بحدة: الحين إنتي جايباني عشان تبري سؤاد وجهك!!
وقفت بسرعة وقالت بحدة: ما أظن وجهك أبيض من وجهي!!...ولا نسيت سواء وجهك إنت الثاني!!
قتلها بحدة: غادة!!
غادة بعصبية: أنا الغلطانة ...ظنيت إني ممكن ألقى عندك المساعدة!!..بس للأسف.(وشرت على الباب)....آسفة على تضيع وقتك وقتي....في حفظ الله!!
خجلت من نفسي...وخصوصا إن صوتها كان يرتجف كأنها على وشك تبكي!!
فقتلها بسرعة: آسف يا غادة تقدري تكملي...وأنا راح أسمعك!!
رجعت جلست...وتنفست بقوة وبعدين كملت: يومها انا ما كنت في وعي....
أنا ما أنكر إني كنت مجنونة بهارون...ومستعدة إني أسوي أي شي عشان أرضيه....إلا كرامتي!!....مستحيل ارضى اذل جسمي ونفسي عشان أي إنسان!!.....لكن أنا فعلا يومها ماكنت في عقلي!!....
ورجعت سكت وبعدين كملت: أنا اليوم كلمتك عشان اطلب منك طلب!!....إذا قبلت تكون سويت فيا خير وجميلك مستحيل أنساه لغاية ما أموت....أما إذا رفضت فأنا استحلفك بالذي خلقك إنك تنسى كل الكلام إلي راح تسمعو مني الحين...أول ما تطلع من هنا!!...ولا تجيب سيته لأي مخلوق ....وهذه أمانة في رقبتك!!
قتلها بقلق: غادة إيش الحكاية!!...قلقتيني!!
.............................. ..

منال.......................
دخلت عليها الغرفة وكانت تصلي.......
حطيت رضوان على السرير وجلست بجنبه أستناها لغاية ما تخلص صلاة.....
حاسة بجسمي جالس يصرخ عليا من كثر الألم....ما أعتقد إن في منطقة في جسمي سليمة.....
خلصت أمي وقربت منها حبيتها على راسها: تقبل الله....كيفك يما!!
أمي : منا ومنك صالح الأعمال يارب!!....الحمد لله ...كيفك إنتي يما وكيفه رضوان وزوجك!!
قتلها بحزن: الحمد لله ....
سندتها عليا وجلستها على السرير وأنا أحاول إني ما أوريها وجهي.....
وبعدين وطيت أخذت السجادة من الأرض جاني صوتها: وكيفه سلطان معاكي!!
هزيت راسي وقتلها بصوت واطي: الحمد لله ...كويس!!
جاني صوت أمي: الله يهديه يارب!!
رجعت جلست بجنبها بس حرصت إنها ما تشوف وجهي وسيألتها: فينه عيسى!!...
أمي وهيا تهمز ركبها بيدينها : في غرفته يذاكر !!....الله يقويه ويوفقه يارب!!...
جاوبتها : آآآآآمين يارب!!.....
سألتها:هو تغدى يما!!
أمي: قتله بحطلك غدا ما رضي...الله يرضى عليه مايبغى يتعبني!!...
قمت وقتلها: أجل أنا بروح اسويله شي ياكله!!....
وطلعت من الغرفة ودخلت المطبخ......فتحت التلاجة وكان لسى فيها أكل من إلي طبخته لهم أمس....طلعته وسخنته وحطيته في تبسي....وحطيتله عصير ...وشلت التبسي وطلعت من المطبخ....
قبل ما أدخل عليه حاولت أغطي وجهي بشعري عشان لا يشوف وجهي...ودقيت عليه ....
جاني صوته: أدخلي يا منال!!
دخلت وقتله: ما شاء الله صاير سيد تعرف إلي ورا الأبواب قبل ما تفتح!!
عيسى: ههههههههههههه ما يغالها ساده!!...ماحد يدق باب غرفتي زيك!!"دج دج دج"....زلزال يا ساتر!!
وأنا احط التبسي على الأرض ههههههههههههه هذا جزات إلي تسأل عنك يالدب!!
عيسى: فديتك قلبك والله!!....
وقرب عشان يجلس ...أنا على طول أعطيته ظهري ....عشان لا يشوف وجهي...
لكن هوا مسك يدي : أجلسي كل....
أنا قلت بتألم: آآآآآه....
مع إن مسكته كانت مرة خفيفة على يدي إلا إن جسمي كان كله مكدم من الرفس إلي رفسني إياه سلطان حسبي الله عليه....
جاني صوت عيسى: منال !!....إيش فيكي!!
قتله بإرتباك: ولا شي ...بس....
قاطعني بحده: وريني وجهك!!
قتله : رضوان يبكي ....والحين بيزعج.....
قاطعني: الحيوان رجع ضربك!!....والله لأو
التفت له بسرعة: عيسى وإلي يسلمك ما نبغى مشاكل!!...
قلي بإنكار: إيش هذا!!....إيش إلي سوا بوجهك كذا!!...إيش فيها عيونك؟!
قتله بسرعة : المرة ذي انا الغلطانة!!....
قال بصوت عالي: والله لأكسر راسه!!....على باله ماعندك أحد يدافع عنك!!...ما عندك رجال!!
قتله بترجي:الله يخليك وطي صوتك!!...أمك مو ناقصة !!....لا تسمعك!!
عيسى: فينه الحيوان!!...
قتله بخوف: عيس إيش تبغى!!...الله يخليك ما نبغى مشاكل!!...الله يخليك!!
طنشني وراح سحب قميصة من على العلاقية ...وقبل ما يطلع مسكته من يده...
وقتله وأنا ابكي: أسألك بالله تتركه!.عشان خاطري!!...والله أنا الغلطانة المرة ذي!!
قلي بحده: إنتي إيش حمارة ما تحسي!!...يضربك هذا الضرب كله وتقولي أنا الغلطانة!!...شوفي عيونك كيف بطيح من مكانها!!.....مهما سويتي ماتصل إنه يشوهك بالشكل ذا!!....
قتله وأنا أحب على يده: راح أستحمل....سلطان طيب!!...لكنه هذه الأيام مدري ليه عصبي!!....راح أستحمله هذا زوجي!!...لا ترحله الله يخليك!!...عشان أمي!!..يكفيها الهم إلي هي فيه!!
قلي بنبرة أقل حدة شوية:طيب!!....طيب ويضربك بهذه الوحشية!!...والله لو كافر ما ظبك كذا!!
ارتميت على الأرض وانا أبكي وأقله: عشان خاطري عشان خاطر رضوان!!...سيبه في حاله!!...لا تسويله شي!!...الله يخليك!!..الله يخليك!!
..............................

: مدمنة!!.....مدمنة!!
ما رديت عليه!!....إذا أبغاه يساعدني لازم أتحمله!!....
يحيى:من متى!!...من متى وإنتي في هذه الزبالة ؟! (الله يكرمكم)
جاوبته بصوت واطي: من ثمان أشهر!!
صرخ بحدة: وعمتي فينها عنك!!...ما حست إنك متغيرة!!
قتله: كنت أتجنب أجلس معاها أو أكلمها!!...
يحيى: 8 أشهر يا غادة!!...8 أشهر وإنتي تتعاطي السم هذا!!...إنتي إيش ما تخافي الله في نفسك!!....أمك المسكينة ذي لو جرالك شي مافكرتي إيش راح يحصل فيها!!.....إنتي ما تفكري أبدا!!...
جاوبته بإنكسار: لك حق تقول أكثر من هذا الكلام!!...لكن أنا ما لجأت لك إلا لأاني خلاص ما ني قادرة أستحمل هذه الزبالة !!...ماني قادرة استحمل إحساسي بالذنب إتجاه أمي!!....تعبت من إلي انا فيه!!...تعبت!!.....
ميل جسمه لقدام وشبك يدينه بعض وقال: وعمتي من متى تدري!!
جاوبته: من أسبوع!!
يحيى : إيش تتعاطي بالزبط!!
جاوبته بطء: حبوب بس!!
فك يدينه وتنفس بقوة وقال: طيب ناديلي عمتي نورة !!
وقفت عشان أناديله أمي ...جاني صوته: وتعالي معاها......
هزيت راسي بهدوء....ورحت ناديتله أمي!!....
ورجعنا أنا وياها ودخلنا عليه....
جلست أمي مقابل له وأنا جلست في مكاني الأول....وأنا منزلة راسي في الأرض...أصلا مالي وجه أرفعه فيهم...
جاني صوته: اليوم يا عمتي لازم أعقد على غادة!!...مستحيل نستنى أكثر!!
غمضت عيوني بقوة.....الحمد لله إنها جات منه وطلب إنا نعقد اليوم....
جاني صوت أمي: سوي إلي تشوفه مناسب يما!!
يحيى: توكلت على الله....الحين بروح اكلم أبوي وبعد....
رفعت عيوني فيه وقاطعته بسرعة: عمي بيدري!!
جاوبني من دون ما يطل عليا: الكلام إلي انقال في هذه الغرفه ما راح يطلع منها!!
سألته أمي: طيب إيش راح تقول لأبوك!!....إيش راح تقول لأمك وأخوانك!!
يحي: أبوي ما راح يقول شي!!...بالعكس غادة بنت أخوه وراح يفرح !!....أما أمي وأخواني فأنا اتفاهم معاهم!!....
أمي: أجل توكل على الله ....وربي يجزيك خير ...ويستر عرضك زي ما سترت عرض بنتي!!....
وارتف صوتها بالبكا...
قلها يحيى: الحين ليه تبكي كذا يا عمتي!!.....بدل ما تفرحيلنا!!
أمي بحزن: الله يعلم غني فرحانة...لكن حال بنتي !!...حالها كاسر ظهري!!
قمت من مكاني وطلعت من الغرفة بسرعة....ما راح اقدر اشوف امي مكسورة ومغلوبة على حالها أكثر من كذا....آآآآآه يارب!!!....سامحني يارب على كل إلي سويته في حياتي !!....سامحني على كل الآثام إلي أرتكبتها في حق حاتم وثريا!!....سامحني يارب!!....سامحني!!
وارتميت أبكي على سريري ............

عودى إلى الماضي......

بعد ما هربت صبا مع اخوها ناصر .... راحو على بيت ناصر.... وهناك حاول ناصر إنه يعتدي عليها يعد ما شربها عصير فيه منوم... لكن شاء الله إن هارون يدخل في الوقت المناسب...
ودخل هارون على صبا إلي كانت متخدرة ومو دارية عن شي في الدنيا... وكالعادة الغرفة كانت ظلام... جلس بجنبها وهو مستعد للإنقاض عليها...مفتكرها جات له بكيفها مو عارف الخطة الحقيرة إلي رسمها ناصر... ولما كان يتحسس جسم صبا ..لفت نظره عقد صبا إلي حافظة فيه وصية أمها...أخذه ولبسه...
كان الله بصبا رؤوف رحيم... شاء أن تكون يد هارون إلي أمتدت لها بغرض السوء أن تكون هيا نفس اليد التي سوف تدرأ عنها هذا السوء...
ودخل هارون الحمام ( الله يكرمكم) وهناك أطلع على وصية أم صبا... يا لها من صدمة.. بل يا لها من مصيبة؟!... مين هذي البنت إلي نايمة برا!!...مستحيل تكون وحدة من بنات الليل وجاية تبيع نفسها وشرفها ولابسة شي زي كذا!!.... وعدت الصور من قدامه...نوم البنت ...تنفسها العميق...بجامتها إلي كانت لابساها... وأنجلت له الحقيقة.... البنت مخطوفة!!... وفي هذه اللحظة قر إنه لازم يتحرك ويطلع البنت من هذا المكان....
وطلع ... حط عقد صبا على الطاولة وشال ثيابه ولبسها وطلع...
وفي الصالة دارة بينه وبين ناصر معركة رهيبة..
وفي هذه الأثناء صحيت صبا... وكانت الفاجعة... كل شي سيء ممكن يحصر لأي بنت في الدنيا مر بالها ... وأنتبهت على الصوت إلي برا ... قامت من مكانها لترى على الفراش ما اكد ظنونها فما كان منها إلا أن تبدأ بالصراخ والبكاء والعويل... وبعدين أنتبهت لنفسها ولبست ثيابها وجلست تسمع الحوار إلي يدور بين أخوها وبين الرجل الغريب.. وما سمعته أكد ما راته...
جريت على عبايتها وأخذت العقد وحطته في الشنطة... وجلست تتحين الوقت المناسب... ولما حان ...اسرعت بالهرب ....
ما ساعدها على الهرب... إقتحام ثلاثة شباب للبيت. وتشتيتهم لتفكير هارون وناصر...
الثلاثة الشباب هو أخوان بنت لعب عليها ناصر وسلبها اغلى ما تملك أي بنت... فما كان من أخوانها إلا ان قتلوها وجاؤ ليلحقو ناصر بها... وكان سعد هو الأخو الأكبر وهو من أطلق النار على ناصر... ولحسن الحظ انهم لم يرو هارون.. ولا الله العام كان خلوه بجنب ناصر...
صبا تمكنت من الهرب... ولكن لم تهرب من قدرها ...فهاهيا تضرب في شاحنة لترقد في المشفى شهر في غيبوبة ولتستيقض بعدها على الواقع المر... فتاة سلبت كرامتها وصحتها في يوم واحد... وما عاد يسيطر عليها غير المرض وعار أستطاعت أن تخفيه عن كل الناس إلا عن أمها الروحانية وداد... فوداد هيا الملجأ الوحيد الذي طالما تلجأ له صبا... وبالفعل كانت لصبا الحظن الدافئ وكاتمة أسرارها واستطاعت بالتعاون مع الدكتورة نجلا أن يقنعو أهل صبا أنها ما زالت كما هيا... مع العلم أنها مازالت عذراء... ولكن الخوف يفعل بالمرء ما يفعل!!
ومرت السنين تجر السنين وصبا كل يم تجدد حقدها وكرهها لهارون بعد أن تعرفت عليه من الأشرطة الي لقيتها في الكيس الي اعاطها هو ناصر...
أما هارون فكان كل يوم يجدد حبه وتعلقة بملاكه الطاهر...ملاكه المجهول الذي لا يعرف عنها شي..
ولا يملك من اثرها سوا بضع كلمات أنحفرت في رأسه يسترجعها كل يوم مع ذكرياتها ..خيال جسدها الصغير ورائحتها الطاهرة التي لم تفارقه طيلة هذه السنوات...
وشاءت إرادة الله أن تجتمع العائلتين..وأن تلتقي بغريمها وهاتك عرضها...
وأرغمته على الزواج منها وتزوجها وهو كارها وهي كارهه أكثر من كره لها بأشواط عديدة...
مع السنين تحسن علاقة هارون بسعد... وصار كل أسبوع يزوره هو واخوانه في السجن ويطمن عليهم... وتوطدت علاقته بأهل سعد ... وأحب عيسى أخو سعد وارتبط به كثيرا.. وعيسى بالمقابل وجد فيه روح الأخ والأب الذي حرم منهم وصار لا يراه إلا أبا له يحبه ويحترمه ويكن له كل تقدير وإحترام.. وكيف لا يفعل وهارون بعد مشيئة الله كان هو السبب في إن عيسى يكمل دراسته لولا دعمه له ولعائلته كان عيسى ضاع...
وصبا بالمقابل لم تستطع ان تنسى الشبان الثلاثة الذين حضرو في الوقت المناسب وأنقذوها من غريمها وأخوها !!... فأتصلت بهم وأصبحت علاقتها مع منال أخت عيسى وام عيسى جيدة جدا..
طبعا من غير ما تقلهم إنها أخت ناصر...
هاهما يسيران في نفس المسار لكن في خطان متوازيان... يا ترى هل سيلتقيان هاذان الخطان... أم أن هذه المعادلة سيكون حلها في المستحيل!!
الأحداث القادمة كفيلة بالرد ....
.............................. ......

ها !!.....إن شاء الله قدرت أسويلكم ري فرش!!

والحين مع الجزء الجديد....

عقل الطبيب أم قلب الحبيب....

الجزء الثالث....

يحيى.........
طلعت من عندهم وانا مو مصدق الكلام إلي انقال !!.....معقول غادة مدمنة!!
ليه!!....إيش وصلها لهذه المواصيل!!....ليه سوت في نفسها كذا؟؟
وليه لجأت لي أنا !!.....
انا غبي!!....ما يحتجلها جواب....مالقت غيري قدامها ....يعني بتروح لهارون مثلا!!....بتقول لحبيبها انا مدمنة بالله عالجني!!....اخر شي تفكر فيه انها تهز صورتها قدام هارون !!.....مع اننا كلنا عارفين ان صورتها مهزوزة قدامه ..ومو قدامه وبس!!....صورتها مهزوزة عند الكل.....لكن غادة ايش يهمها !!...
وحركت السيارة من قدام بيتهم ....لكن ما قدرت اسوق...الدنيا سودا قدام عيني
وقفت السيارة على جنب....الي حصل اليوم ضيعني.... توهني!!....ليه دايما ما تجي المصايب غير من تحت راس غادة!!....ليه ما حد يحرق قلبي ويدمر أعصابي غير غادة!!....ليه ماحبيت وحدة تستاهل حبي!!....ليه!!....
كم هذا القلب راح يعاني منك يا غادة!!....وكم راح أستحمل!!....آآآه ساعدني يا أرحم الراحمين....
وبعدين يا يحيى!!...راح تساعدها!!....راح تقدر تتزوجها وانت عارف إنها ما تفكر فيك...راح تقدر تتزوجها وانت عارف أنها مجنونة وهيمانة بهارون!!...كيف تتزوج وحدة قلبها معلق بأخوك!!
لكن أنا ما راح اتزوجها غير عشان اساعدها!!....البنت استنجدت فيا!!...
ما يهم إيش الأسباب الي خلتها تلجأ لي.... المهم أنها لجأت لي!!....
ومر قدامي منظرها ...مع انها كانت لابسة النقاب إلا ان الإنكسار والتعب باينين في عينها...حتى صوتها كان مكسور....أنا عارف غادة!!...وعارف قد إيش كابرت وتنازلت عن جزء من كبريائها وشموخها عشان تطلب مساعدتي...وهذا لوحدة الي خلاني ما أتردد ولا دقيقة وأساعدها....وراح اساندها بكل قوتي ....
عند هذا الحد من التفكير حركت السيارة على البيت وانا احضر نفسي للعاصفة الي راح تحصل في بيتنا ....

في الصالة ما كان في احد من اهل البيت....
دقيت على ابوي ...
جاني صوته : هلا يحيى !!...
جاوبته: السلام عليكم ورحمة الله ...كيفك يبا !!
ابوي: الحمد لله ....انت فينك بعد العصر !!...ما حصلتك!!
جاوبته: أي والله يالغالي انشغلت ....السموحة يبا!!
ابوي: ما عليك وانا ابوك....الحين فينك انت!!
جاوبته : انا بالبيت يبا وابغاك ضروري...
ابوي: تعال انا في المكتب ...
قفلت منه ورحت له على المكتب وانا ادعي ربي انه يثبت اقدامي ويقوي حجتي قدام ابوي ويقتنع ....لانه لو كسبت موافقته راح تهون عليا المسألة كثير...
وقفت عند الباب وانا احاول اضبط نفسي...اللهم اشرح صدري ويسر أمري وأحلل عقدة من لساني ليفقهو قولي ....ودخلت عليه.....
...........................

غادة.....
ليه انا غبية؟!....ليه اتهورت !!...كيف قدرت الغي كرامتي واطلب منه طلب زي كذا....مو كفاية اني طايحة من عينه واني من وجهة نظره وحدة ساقطة!!
حطيت يدي على راسي وحركتها على شعري بتوتر ...اوه وبعدين ...ايش المفروض اسوي!!....ادق عليه اخليه يلغي كل شي!!...
وبعدين؟؟...أنا ايش راح أسوي!!...كيف أقدر أتخطى هذه المحنة لوحدي!!
اقدر... اقدر اروح المستشفى واتعالج هناك!!....طيب وامي ايش الي راح يقنعها اني علاجي من الادمان راح يكون سري ...كيف راح تقتنع اني راح اتعالج زي زي أي مريض ثاني!!...
وتذكرت الي حصل بيني وبينها امس لما انهرت وتعبت من كثر الفشل ...
دخلت عليها الغرفة وكانت جالسة على المصلى تدعي وتسبح...
قربت منها وقتلها بهدوء اقرب للإنهيار: يما انا لازم اتعالج!!....لازم اتخلص من هذي الزبالة ( اكرمكم الله) الي انا فيها !!
حطت يدها على راسي ومسحت عليه بحنيه وقالت ودموعها تسبق كلامها: والله عارفة يا غادة إلي تحسي فيه ....والله العالم إني اتقطع على حالتك...أدري أني المفروض أكون اقوى من كذا!!....وخلاص من اليوم ورايح راح اكون معاك...وماراح أضعف زي كل مرة!!
هزيت راسي يعني لا....وقتلها: انا بروح الأمل!!...هناك راح ...
قاطعتني بصوت حاد بعد ما شالت يدها عني بقوة: إيش!!...إنتي تبغي تفضحيني!!....تبغي الناس بعد هذا العمر كله يقولو نورة ما عرفت تربي بنتها!!..
قتلها بترجي: طز في الناس...أصلا من متى الناس رضيو عن أحد أو سابو احد في حاله!!...يما انا أبغى اطهر!!...والله تعبت يما!!...تعبت وما عاد أقدر استحمل!! ....وبعدين يما علاجي هناك راح يكون سري!!....يعني ماحد بيعرف شي!!
قامت من على السجادة بسرعة وقالت بعصبية: تكذبين على نفسك!!...الناس الي ما يخافون الله كثير...وراح تلقي نفسك بعد اقل من شهر على كل لسان!!...ما ترضيلي الذل على آخر عمري!!
وقفت وقتلها بترجي: يما ارحميني!!...انا كل يوم أموت بشكل بطيء... دفاعاتي كلها بدت تنهار!!...
امي بحدة وبصوت عالي: قتلك انا راح اعالجك!!...والي راح يسوه هناك راح نسويه هنا!!...إنتي بس قوي نفسك واستحملي!!
قلت بعناد: اذا ما تبغي تروحي معي حروح انا...حروح قبل ما اتجنن!!
امي فزع: والله يا غادة لو سويتيها لأغضب عليكي!!!!
بعدت عنها وقتلها وانا منهارة: ليه يما!!...انتي كذا تضريني!!...حرام عليكي!!...عاجبك الي انا فيه!!....الناس ولا بنتك!!
أمي: غادة قتلك راح أساعدك!!...
قتلها: لا نكذب على أنفسنا...أنا يوم بعد يوم حالتي جالسة تدهور !!.... وانتي يما ما تقدري !!..
امي بحنية: نحاول يا غادة!!...خلينا نحاول!!
قتلها وانا ابعد أكثر: خلاص!!....ما ابغى اسمع اكثر!!...خلاص!!
وطلعت من عندها وانا اجري ....
ودخلت غرفتي وارتميت على سريري أبكي...وانا ادعي ربنا أنه يلاقيلي حل من الي أنا فيه....!!....
وجلست أفكر وأفكر...لغاية ما ساقتني أفكاري ليحيى....مدري ليه هو اول واحد نط بالي !!.... أمكن لانه كان في بالي اصلا بعد الموقف الأخير الي حصل بينا!!.... طيب مو هارون يالي طول الوقت !!.... ليه ما لجأت له!!
مصيبة لو لسى أفكر فيه؟! ولسى صورتي قدام هارون تهمني!!....
لساتك تحبيه يا غادة!!....بعد كل الي جاكي من تحت راسه!!....وإيش الي جاني من تحت راسه!!... الي حصلي انا رحت له برجليني!!....
أنتبهت على يد أمي وهيا تهزني بشويش: غادة!!....غادة!!
انتبهت لها واعتدلت في جلستي...وانا اقلها: هلا يما...
جلست وصارت مقابلة لي وسألتني بحنية: في إيش كنتي تفكري!!
ضميت نفسي ولفيت ذراعي حول سيقاني وسألتها: يما تعتقدي إن الي حصل صح!!....
امي بسرعة: أكيد صح!!....هذا ولد عمك ما راح تلقي أحد يحفظ سرك زيه!!
قتلها: طيب ليه حاسة إني تهورت لما طلبت مساعدته!!
قامت ومسحت على راسي بحنية وقالت : اطردي هذه الأفكار من راسك....احنا ما تصرفنا غير التصرف الصح...
وتركتني وطلعت
جلست اطل على الفراغ الي تركته وراها ....الله يسامحك يما!!....لو تفهمتيني...ما كان انذليت لأحد في الدنيا...ماكنت احتجت ليحيى او لغيره...الله يسامحك....
.............................. ..

يحيى..................
:إيش قلت يبا!!....
جاوبني: إيش تبغاني اقول يا يحيى!!
قتله: قول مبروك يبا!!
أبوي:الله يهديك!!... طيب ليه مستعجل!!....
جاوبته:وليه التأخير!!.....قول مبروك يبا !!
أبوي: وأمك وأخوانك بيرضو!!.....إيش بتقلهم!!
جاوبته: أنا إذا كسبت رضاك راح أقدر على الباقين!!....ها إيش قلت!
سكت وفضل لحظات يطالع فيا وبعدين قال : يحيى صارحني!!...لايكون غلطت مع....!!
قاطعته بسرعة وبعتب:أستغفر الله العظيم!!...كيف تقول كذا يبا!!.....إنت مربينا إنا ما نقرب الحرام يبا!!...كيف الحين تقول كذا!!...وبعدين غادة هذه عرضي....كيف بقدر ألعب في شرفي.... وبعدين انت شايف غادة وحدة من الشارع عشان تقول كذا!!....الله يسامحك يبا
أبوي: يا يحيى انا عارف والله...لكن ...استغفر الله العظيم... إيش اقول ...مع إني ماني فاهم ليه هذه العجلة لكن الله يتمم لك بخير يا يحيى...مبروك يا ولدي!!
أبتسمت براحة وقمت من مكاني ورحت حبيته على راسه: مبروك لك يالغالي...الله يطول لنا في عمرك!!
أبوي بحنان: الله يجعل قدومها قدوم خير عليك...والله يعينك على امك!!....
جاوبته: عاد إنت حاول تقنعها معي يالغالي بطريقتك!!....
أبوي: خير إن شاء الله....

وجا الوقت الحاسم...المواجهة الصعبة ....
كانت جالسة في الصالة مع سراب
قربت منهم: السلام عليكم ...
أمي وسراب: وعليكم السلام ورحمة الله...
ورحت حبيت على راسها....وجلست مقابل لها : يما !!
أمي: هلا حبيبي!!
سألتها: إيش اكثر شي يسعدك في ذي الدنيا!!
أمي: هذا سؤال يا يحيى!!....أكيد يما إني أشوفكم مبسوطين ومرتاحين!!
سألتها بحذر: ودك تفرحي فينا وفي عيالنا يما!!
أمي: الله يهديك !!...إيش فيك اليوم..إلا هذه الساعة إلي اتمناها طول عمري!!
قتلها: يعني بتفرحين إذا قتلك إني نويت اتزوج!!
امي بفرحة: والله يا يحيى!!...أخيرا بتفرح قلبي!!
سراب: وليه هذه اللفة كلها كنت قلت إنك تبغى تتزوج وإن عينك على وحدة!!
قتلها : إيه عيني على وحدة!!....
أمي بحماس: من ذي!!...تصير لنا!!...من بيت مين!!
جاوبتها: إيه تصرلنا .....وهيا وحدة من عيال عمي!!
أمي: مين !!
قتلها بطء: غادة
سراب بشبه صراخ: إيش!!....مين !!
تجاهلت صريخ سراب وركزت نظري على أمي...
إلي كانت جامدة وما أعطتني أي تعبير....!!
سالتها: إيش قلتي يما!!....
سراب بزعل: إيش تبغاها تقول!!...يعني خلت الدنيا من البنات وما عاد في غير غادة!!
قتلها بحدة: سراب!!...نقطينا بسكوتك!!....ورأيك إحتفضي فيه لنفسك!!
سكت وهي تتأف وتزفر....ما ناقصني غير شعنة سراب!!
رجعت ألتفت لأمي وسالتها: إيش قلتي يما!!
أمي : إشمعنى غادة بالذات وإنت عارف .....
قاطعتها بسرعة: كانت يما!!.....لكن الحين هيا تبغاني أنا!!
قالت بعصبية: إيش!!...إيش عرفك إنها تبغاك إنت!!
قتلها بإرتباك : أنا يما ....كنت!!
قالت بحدة: إنت إيش!!...رحت خطبتها!!....رحت خطبتها ولا مشيت معاها!!
بهت من كلمة امي....كلمتها آذتني في الصميم...
قلت بحزن وعتب : الله يسامحك يما !! ....هذا تفكيري فيني!!
ما ردت علي ... بعدت وجهها عني للجهة الثانية
رحت وجلست بجنبها وقتلها بلوم: تمونين على الروح يالغالية لكن أسمعيني يما الله يخليكي!!
أمي بصرامة: جاوبني!!....خطبتها!!....
مارديت عليها ....
رجعت قالت بنفس النبرة: ليه ساكت جاوبني!!...ولا مالك وجه!!
قتلها بترجي: يما ما راح يتم شي من دون شورك ورضاك!!
أمي بغضب: رحت خطبتها وجاي تلف راسي بكلمتين!!.....هذه آخرتها يا يحيى!!...تكسر فرحة قلبي !!.... الله يسامحك يا ولدي!!....
وبدأت تبكي!!...يا الله الحين كيف راح أفاتحها بالخبر الأصعب!!....
وقفت مرتبك ماني عارف إيش أقولها ولا إيش أسوي!!
في اللحظة هذه جانا صوت أبوي: أم هارون!!.....يحيى جا كلمني!!....واليوم بيروح يملك على بنت عمه!!
أميوقفت وقالت بصراخ : إيش!!...اليوم بيملك عليها!!.....وإنت عارف وما قتلي!!...طابخينا سوا من ورى ظهري!!....هذه آخرتها !!...ولدي يتزوج وأنا آخر من يعلم!!.....
أبوي بصرامة: شايفاه تزوجها!!...جالس اقلك بيروح يملك عليها !!...
أمي: وإنت اكيد عارف من قبل وساكت!!...وعاجبك الموضوع!!....أكيد عاجبك!!....مهي بنت أخوك!!
أبوي : وإيش فيها غادة ماهي عاجبك!!....
سراب : إيه يبا مو عاجبانا كلنا!!....
أبوي يصوت زي الرعد: سراب قصري لسانك ويلا على غرفتك!!...
طلعت وهيا تبرطم بكلام مو مفهوم....
رجع أبوي وجه كلامه لأمي: إيش فيها غادة!!...ليه مو عاجباكي!!
أمي : مافيها ولا شي!!...بس كل العيلة عارفة إنها تحب أخوه ....وكم قد جريت وراه!!.....إيش بيقولون الناس!!....وبعدين زواجهم بهذه السرعة بفتح علينا الألسن!!
حسيت أمي ماسكة سكينة وجالسة تطعني فيها من غير رحمة وهيا تقول جملتها ذي!!
جاوبها أبوي: ماعلينا من أحد!!....الناس تتكلم في كل الأحوال!!....وإذا تبغي سعادة ولدك وافقي!!...لانه مقتنع فيها ويبغاها!!...
أمي بغضب: لا ماني موافقة!!!....وإذا يبغى رضاي لا يتزوجها!!....
وتركتنا وطلعت!!....وقفت في مكاني متصنم!!.....يديني متربطة ولساني متربط!!....لاني عارف أسوي أو أقول أي شي!!.....
جاني صوت ابوي:ماعليك يبا!!.... قتلك إن موافقة أمك بتكون صعبة!!...لكني متأكد إنها في الآخر بتوافق!!
قتله بحيرة: طيب والحل!!....الناس مستنين نجيهم بعد المغرب!!...وماباقي على المغرب شي!!
أبوي بهدوء: ولا يهمك بنعقد اليوم إن شاء الله
قلت بحزن:قلبي ما يطاوعني اعقد وأمي غضبانة علي!!....
أبوي بطولة بال: أنا بطلع أتفاهم معاها ....وإن شاء الله ربنا يسر إلي فيه الخير!!
قتله بسرعة : إيه كلمها يبا !!...الله يسلمك!!
طلع عشان يكلمها وأنا جلست في الصالة .....
كل شوية وأطل في الساعة....خلاص ما باقي شي!!....وبعدين اكيد الناس راح يقلقو الحين....
مسكت الجوال ودقيت على رقم أمها!!....غادة حاليا ما ابغى اسمع صوتها !!
وبعد كام رنة جاني صوت عمتي نور: هلا يحيى!!
قتلها : هلا عمتي ...بس بغيت أقلك إني إمكن اتأخر شوي!!....لكن إن شاء....
جاني صوتها بحزن: أهلك ما وافقو!!
قتلها بسرعة: إلا موافقين وأبوي بيجي معي!!...لكن....!!....
عمتي نورة: خلاص يما إحنا مستنينك....في أمان الله
وقفلت منها إلا على دخلت هارون!!.....
آآآآخر إنسان أتمنى أشوفه في هذه اللحظة!!....
هارون: السلام عليكم....
جاوبته بهدوء من دون ما اطل في وجهه: وعليكم السلام ورحمة الله....
هارون: أوه...أشوفك جالس في البيت على غير العادة!!...وفي الصالة كمان!!
قال كذا وجلس ...
قتله : إيه مستني ابوي ....
هارون: بترجعو المؤسسة!!
حبيت أكون معاه مباشر عشان أسد أي طريق للجدال ...فقتله: لا بنروح...اليوم راح أعقد على غادة!!
التفت لي بسرعة وقال:إيش!!
قتله بجفاء: ما يحتاج أعيد الكلام مرتين!!....سمعت!!
هارون بإستغراب: طيب وليه كذا معصب !!...
جاوبته: لانك بتقول نفس الكلام إلي كلهم قالوه!!....إنها تجري وراك وتبغاك إنت!!....وانا عارف ومع هذا أبغاها !!....عندك مانع!!
وقف وقال برود: لا ما عندي مانع!!.....لكنك كذاب ما تبغاها ...ولا ما كنت معصب بهذا الشكل!!
وقفت وقتله بحده: ما راح أتجادل معاك!!
سالني بهدوء: يحيى ممكن تهدأ !!...ياخي أنا ما قلت ولا شي!!....ماني فاهم ليه ثاير كذا!!
جاوبته: قتلك مو ثاير ولا عصبي!!.....
وتركته واقف.....
جاني صوته: يحيى!!....إيش فيك!!....خلينا نتكلم يا اخي!!....يحيى.....يحيى!!!
طنشته وما رديت عليه ....
رحت استنى ابوي في السيارة
بعد طول إنتظار جا.....وكان وجهه ما يبشر بالخير أبدا...
أستنيت حتى ركب السيارة وسألته بخيبة امل: لسى زعلانة!!
أبوي: ماهي راضية تقتنع.....أنا أقول لا نتأخر على الجماعة الحين...!!
سألته بأسف: وأمي!!...اعقد وهيا مو راضية عليا!!.....ليه تسوي كذا!!
أبوي : ما بتفضل زعلانة عليك طول عمرها!!...بعد شوية راح تروق وتهدأ.... لكن خلينا نتركها الحين .....
قتله بحزن: كان ودي تجي معي وتفرح لي !!
أبوي: الله يهديها .....
وطلعنا على بيت عمي....

في السيارة تفاجأت بسؤال أبوي: يحيى في شي أنا ماني عارفه!!
قتله بإرتباك على قد ما اقدر حاولت أخفيه: شي زي إيش يعني!!...
أبوي: زواجك من غادة بهذه الطريقة!!....قلبي يقلي إنك منت فرحان!!...
قتله بسرعة: ليه تقول كذا يبا!!..إذا ما ابغاها ما راح أتزوجها!!
أبوي:حاس إن الموضوع فيه سر بينكم إنتو الثلاثة!!
قتله عشان انهي الحوار: سر لاني ابغى بنت عمي!!....وبعدين هدي بالك يبا لا سر ولا شي!!....كل ما في الموضوع إني لو أجلت ما راح أتزوج غير بعد شهرين أو ثلاثة !!....وانا مستعجل!!....وعمتي نورة مستعجلة وتبغى تطمن على غادة اليوم قبل بكرة!!
وشكله لسى ما أقتنع: الله يوفقكم .....ويكتب لكم الخير !!....
.............................. .................... ....................

أمل..................
:إيش!!....مستحيل!!
سراب: هذا إلي حصل!!....
قلت بإنكار: أخوكي انهبل!!...يبغى يتزوج غادة!!.....ما لقي غير غادة!!...
سراب: مدري إيش سوت له!!...حتى أمي تركها زعلانة وراح يعقد عليها مع ابوي!!
قتلها : لا مستحيل الزواج ذا يتم!!...غادة ذي إيش تبغى!!....لما ما حصلت أمل مع هارون قالت اميل على اخوه!!....إيش تبغى !!...تبغى تولعها بين هارون و يحيى؟!
سراب بقهر: أنا قلت إن تحت راسها شي!!....سوت نفسها عقلت وهديت عشان تلعب على عقل المسكين يحيى!!....
قتلها بقهر: وهم الحين بيت الزفت غادة!!
سراب: إيه طلعو عشان يعقدو!!
قتلها بسرعة: أجل قفلي ...بدق على المبخت أخوكي أشوف إيش الي في راسه!!
سراب: أخوكي ما يبغى حتى يتناقش في هذا الموضوع...سكتني وقلي مالي دخل!!...أقص ذراعي إذا ما كانت غادة ساحرة له!!
قتلها بخوف: معقول!!...ما تسويها؟!
سراب: أجل إيش تفسري إن أخوكي في يوم وليلة يقر إنه يبغى يتزوجها!! عمرة ما لمح إنه يبغاها!!...حتى سيرتها كان ما يطيق يسمعها ويقوم أول ما نتكلم عنها!!
قتلها بقهر: أنا ما راح أسكت!!...كلنا المفروض ما نسكت!!....أنا الحين راح أكلمه وأعرف حكايته!!
وقفلت منها وأنا حدي واصلة من القهر...
وعلى طول دقيت عليه....
جاني صوته: أمل إذا تبغي تتكلمي في نفس الموضوع فلا تتعبي نفسك!!...
قتله : كيف يعني لا أتعب نفسي!!....طيب تناقش معنا يا اخي!!...علمنا بإلي في راسك!!...
يحيى: إيش في راسي!!....واحد ويبغى يتزوج بنت عمه ليه مكبرينها!!
قتله : لانها كبيرة ....إنت عارف كويس إنها جري!!
قاطعني بعصبية: ومع هذا أبغاها وأبغى اتزوجها!!.....
قتله: وأمي مو مهتم لزعلها!!....مين أهم غادة ولا أمك!!
قلي بحدة: سؤالك ماله معنى من أساسه!!...وأمي راح ترضى ...ما في أم ما تتمنى السعادة لولدها!!
قتله بعصبية: وغادة الحين هيا سعادتك!!...ياخي قول كلام يتصدق!!
قلي بطفش: أقول بقفل الحين لانا وصلنا ....سلام...
وقفل في وجهي....
رميت الجوال بعصبية : حسبي الله عليكي يا غادة!!...الله يشيلك ونفتك منك!!...
كنت معصبية ومقهورة حيل...وباين عليا...
دخل عليا صالح وأنا في هذه الحالة...
سألني بإستغراب: أمل!!....ليش معصبه!!
قتله : من هذه الأخبار إلي تسم البدن!!
جلس بجنبي وسأل: أي أخبار!!
قتله: يحيى اليوم راح يعقد على غادة!!...تخيل!!
سألني بإستغراب: يحيى بيعقد اليوم!!.....دوبني ادري!!
قتله: كلنا اليوم عرفنا!!...أصلا هوا اليوم فاتح أبوي وراحو عشان يعقدو عليها اليوم!!...تخيل!!
صالح: طيب ..... وليه معصبة كذا!!...المفروض بدل ما تعصبي تقومي تلبسي وتشيكي وتروحيلهم ...وتفرحيله!!
قتله بإنكار: أفرحله لانه بيتزوج غادة!!....
صالح: مين غادة!!
قتله بقهر: بنت عمي!!
صالح: هههههههههه يا شيخة!!...أنا قلت مع هذه العصبية كلها غادة ذي تطلع شغالتكم!!...
قتله بقهر: صالح!!...إيش شغالتنا إنت الثاني!!...وبعدين أخوي بيتزوج شغالة!!...و في شغالة أصلا إسمها غادة!!
صالح: ههههههههههههههه عادي شغالتنا إسمها زهراء!!
قتله بزعل: أنا في إيش وإنت في أيش!!
مسك خدي بإصبعينه الإثنين وضمهم لبعض وقال: أموت في شكلك وإنتي معصبه!!
قمت من عنده بعصبية وقلت: يوه يا صالح وربي إنك مروق!!
وقف معايا وقال: والحين إنتي ليه معصبة بالشكل ذا!!....ليش غادة ذي فيها شي!!...يعني!!
قتله بسرعة وبتوتر خفيف: لا يعني ولا ما يعني!!...بس كل إلي في الموضوع إنها ماخلصت تعليمها!!....يادوب عندها الثانوي
مع إني عارفة إن هذا ماهو عذر أصلا إلا إنه هذا العذر الوحيد إلي جا بالي...أجل إيش أقله!!....غادة تحب زوج أختك وياما جريت وراه!!
صالح: لا والله مصيبة كبيرة!!...لالا لازم تمنعوه إنه يتزوجها!!....
التفت له وطليت عليه بقهر: تتريق!.طب !!...أنا اصلا غلطانة لاني جالسة احكيلك!!
وتحركت من مكاني ...لكن هو لف عليا ذراعاته :ههههههههههه يا قلبي على الزعلان انا!!...أقول إيش رايك نترك أخوكي في حاله...ونشوف إحنا حالنا!!
………………………..

غادة...................
دخلت أمي عليا الغرفة : غادة عمك يبغى يتكلم معاكي!!....
سألته: ويحيى معاه!!
أمي: أيوا ....والشيخ جا ....
هزيت راسي بتعب وتحاملت على نفسي وقمت : طيب يا أمي جاية!!
لبست العباية و الشيلة والنقاب ونزلت لهم....
كانو جالسين في الصالة....قلت بهدوء: السلام عليكم....
يحيى وعمي: وعليكم السلام ورحمة الله ....
عمي:تعالي يا غادة اجلسي جنبي
وجلست بجنبه ....وأنا منزلة راسي في الأرض!!
جاني صوت عمي: الف مبروك يا غادة!!.....الله يسعدك يارب ويكتبلك الخير مع يحيى!!
قتله بصوت واطي: تسلم يا عمي الله يبارك فيك!!
عمي: انا حبيت اتكلم معاكي قبل ما نعقد....
قتله: تفضل يا عمي اسمعك!!
عمي: وهذا الكلام موجه لك إنت كمان يا يحيى!!
يحيى: تفضل يبا !!
عمي: أبغاكي تعرفي يا غادة إنك ما راح تنضامي أبد على عيني!!...وإن شاء الله من بعد عيني!!
أنا ويحيى في نفس الوقت: عسى عمرك طويل يا عمي!!
:ربي يطول لنا في عمرك يبا!!
رجع كمل: ما ابغاكي تحسي في يوم من الأيام إنك أقل من غيرك وإنك ما فرحتي زي بقية البنات....ومالك غير إلي يرضيك وراح أسويلك زواج لا صار ولا بيصير!!.....ومايهمك وأنا ابوك من أي أحد!!....ما دام انا وزوجك وراك بعد الله ما راح تنضامي ولا ينداس لك على طرف!!......
والتفت على يحيى وكمل:والله يا يحيى لو في يوم غادة جات وأشتكت منك أو عرفت إنك ظلمتها ...والله ما راح احد يوقفلك غيري!!....
سامعني وأنا أبوك!!
يحيى: أبشر يبا!!...وغادة قبل ما تصير زوجتي بنت عمي!!...وعزها من عزي
وإن شاء الله ما بتعيش معي غير معززة مكرمة
كلام عمي قواني حتى رد يحيى عليه ريحني....خف من إحساسي بالمذلة والإنكسار حسيت إن أبوي عايش وإني ماني يتيمة...وإن لي سند أسند ظهري عليه !!
قمت وحبيته على راسه وقتله وأنا ابكي: الله يخليك لي يا عمي ويديمك على راسي ولا يحرمني منك أبدا !!
قام وحظني ....
كنت منزلة عيوني وما حاولت أطل على يحيى ابدا.....مع انه كان مقابل ليا....
عمي: خليكي هنا يا غادة بعد شوية راح نناديكي...
هزيت راسي بهدوء يعني طيب.....
ودخلو المجلس وأنا رجعت جلست في مكاني....شوية وجات أمي جلست بجنبي...
بعد شوية جاني عمي: تعالي يا غادة!!...
رحت له وقفت بجنبه ...
جاني صوت الشيخ: يا بنتي تقبلين بيحيى بن حسن الهجري زوج لك!!
كنت حاطة راسي في الأرض ولا حاولت أرفع راسي وجاوبت بصوت بالكاد انسمع: أقبل ...
الشيخ: على بركة الله...بارك الله لكم!!...
وأخذ منه عمي الدفتر وقعت عليه.....
وعلى طول صعدت على غرفتي.... وأرتميت على السرير
رغم إن كل إلي حصل كان ثقيل على قلبي إلا إنه ما راح بيكون بثقل الإثم إلي انا عايشة فيه....الإثم إلي سويت كل هذا عشان اتخلص منه!!....
تذكرت شي...على طول فزيت من مكاني واخذت الجوال ودقيت عليه
بعد كام رنة جاني صوته: هلا غادة!!
قتله بسرعة: يحيى لا تمشي أبغى أتكلم معاك!!
يحيى: إنزلي ما عاد في احد كلهم مشيو....
جاوبته : الحين بنزل!!
وقفلت منه وكانت امي في وجهي.....
أنا أول ما شفتها رحت ارتميت في حظنها وأنا أبكي ....
هيا كمان كانت تبكي...
قالتلي وهيا تمرر يدها على شعري: الف الف مبروك يا غادة!!....الحمد لله يارب
قتلها: سامحيني يما!!...سامحيني على كل إلي تسببت فيه!!
أمي: قلبي راضي عنك يما...وإن شاء الله ربنا يرضى عنك....الله يسعدك !!
يلا يما انزلي لزوجك.....
نزلت له وانا اراجع الكلام إلي بقوله في راسي.....
وقفت عند باب المجلس وتنفست أكثر من مرة وتوكلت على الله ودخلت....
كان جالس وهو ضام يدينه الثنتين لبعض وميل جسمه لقدام....
شكله سرحان و مانتبهلي أول ما دخلت.....وقفت في مكاني وأنا اتأمل فيه....
عمري ما خطر بالي إن يحيى راح يكون زوجي في يوم من الأيام!!...
أصلا ما عمري تخيلت إني راح أكون زوجه غير لهارون.....
هارون مرة ثانية!!...خلاص يا غادة ...لا هارون من نصيبك ولا إنتي من نصيبه....الله يسعده ويبعده ....
انتبهت لصوت يحيى بصلافة: مطولة في ذي الوقفة!!
ارتعشت كل ذرة في جسمي.....
دخلت وجلست مقابلة له ......وهو فضل على جلسته ولا رفع عينه فيا....
له حق !!....أنا نفسي صرت أتهرب من إني ما أشوف نفسي في المراية!!
جاني صوته: قلتي إنك تبغي تتكلمي معي !!...قولي أسمعك!!
ضميت يديني لبعض وجلست نفس جلسته وقلت : أول شي ما أعرف كيف أشكرك على وقفتك معي!!...وجميلك ذا راح أتذكره طول عمري!!.....الله يجزيك خير...
جاني صوته بنبرة إتهام: ليه أنا يا غادة!!....ليه اخترتيني انا بالذات!!
سكت شوية أستجمع نفسي وجاوبته: لانه ما كان في أحد غيرك!!.... رحيم مشغول بعياله وما اعتقد إنه يبغى هم جديد فوق همه!!...وبعدين رحيم مستحيل يتزوج بعد تماض...
قاطعني بحدة : وهارون!!
جاوبته بإرتباك: هارون....مشغول .....بزواجه و...ال
عدل جلسته وطل عليا بنظرات زي النار وقال: وصورتك قدامه يهمك إنها ما تتشوه!.صح
أستفزني اسلوبه .... قتله بغضب: لا مو صح!!....وبعدين أنا الحين يهمني أصلح صورتي قدام نفسي الأول!!.....فما راح يهمني حاليا هارون كيف راح ينظر لي ولا حتى إنت!!...لاني أنا أصلا طايحة من نظركم!!
ما عجبه جوابي عشان كذا قال بعصبية: كملي إيش تبغي تقولي!!
كملت: أنا طلبت منك إنك تتزوجني.عشا أقدر أتعالج من الإدمان!!.... يعني ما في داعي إنا نسوي فرح وكذا يعني...لان كل واحد راح يروح في طريقه بعد ما أكمل علاجي إن شاء الله....وإنت تقدر تعيش حياتك بالطريقة إلي تعجبك!!.... يعني إذا تبغى تتزوج ...الله يوفقك يارب!!....الوضع إن شاء الله ما راح يستمر غير هالكم شهر إلي المفروض اتعالج فيهم.....وتقدر تعيش حياتك وكاني مادخلت اصلا فيها!!....
قام من مكانه بعصبية وقال : تعبتي نفسك بالكلام الي قلتيه!!.....لاني ما راح اوقف حياتي عشانك!!.....وما ني مستني إنك تصرحي لي!!
كان يتكلم بعصبية ما فهمت سببها !!...وقمت معاه لما قام .....
وقفنا لحظات نطل على بعض......ماني عارفة في إيش يفكر....وجهه كان جامد!!....مافيه ولا تعبير ....
نزلت راسي ...وقفت منتظرة إيش راح يقول...
أخيرا جاني صوته: أنا طالع الحين!!.....راجع البيت لانه مقلوب هناك!!...
الشعور بالإنكسار والمذلة رجعلي مرة ثانية مع كلمته .....هزيت راسي بهدوء يعني طيب!!.....
ومشيت معاه لغاية الباب ....
سألني قبل ما يطلع : توصين على شي!!...
قتله بعد تردد: لا تتأخر!
شفت ملامحه لانت بعض الشي وقال بهدوء: ولا يهمك....ساعة وراجع ....في حفظ الله....
:مع السلامة...
قفلت الباب وراه وانا حاسة بالمذلة....لكني استاهل كل شي جالس يحصل لي انا سببه... خليني اذوق من الي ذوقته للناس شوي...عفوك يارب ...يارب سامحني على كل الي سويته في الناس...
.............................. .

هارون.................
كلنا جالسين ومستنين يحيى......وامي كانت واصلة حدها من القهر والإنفعال....
وبين كل كلمة والثانية ترمي كلمة على غادة او عمتي نورة.....
كلهم كانو تفكيرهم في وادي وتفكيري انا كان في وادي ثاني!!
الفكرة إلي بالي مخيفة!!....اصلا الفكرة هذه كانت في بالي من قبل .....ياخوفي لو تطلع شكوكي صح...الله يستر!!....
وأخيرا جا : السلام عليكم......
ردينا : وعليكم السلام .....
أمي بزعل ما يتوصف: خلاص !!...كسرت كلامي وما همك غضبي !!......
يحيى بترجي: ما عشت يوم اكسر كلامك!!.....
أمي : كيف وإنت رحت عقدت عليها.....
قرب منها وحب يدينا وقال: والله يما إن الدنيا مسودة في وجهي وإنتي غضبانة علي!!....لكن يما انا ارتبطت مع الناس بموعد وما يرضيك أطلع قدامهم صغير...ومايرضيكي كمان إني أكسر قلب بنت عمي!!...إحنا عندنا بنات!!
أمي بتريقة: تكسر قلبها!!...انت مصدق إن غادة تبغاك!!...
شفت ملامحه انقلبت وتلونت ألف لون..
جا صوت أبوي بحدة: أم هارون!!...وبعدين!!
أمي وهيا توجه كلامها ليحيى : إيش إلي جاب غادة على بالك فجأة !!....عمرك ما جبت سيرتها ....ولا طقت سيرتها اصلا!!...ليه الحين!!....
يحيى: يما غادة بنت عمي وعادي إذا فكرت فيها!!....سواء اليوم أو من قبل!!....
سألته سؤال مباغت : ليه غادة بالذات يا يحيى!!
التفت علي بهدوء : وليه غير غادة!!.....
قتله: لا تجاوب على سؤالي بسؤال!!
يحيى: إسمع يا هارون!!....وكلكم إسمعوني!!.....غادة كانت تبغاك الشي هذا انا عارفه!!....وما يحتاج إنه في كل كلمة والثانية تذكروني بالشي ذا!!.....إلي كانت تسويه قبل ما تصير زوجتي هذا شي يخصها هي!!.....وما راح أحاسبها عليه!!
وإلي لازم تعرفوه إنها ما عاد تفكر في هارون ....شالته من راسها...ولولا كذا ما كان وافقت علي !!
وسكت شوي وطل علينا ورجع كمل: غادة تغيرت!! وأنا ما تزوجتها غير لما عرفت وتأكدت إنها تغيرت!!.....وإنت اول واحد تفاجأت بهذا التغير!!......(قال كذا وهو يطل عليا ) إمكن ما اقتنعتو لكن انا أقتنعت وعلى هذا الأساس خطبتها من عمتي وتزوجتها!!...وما أبغى أي احد يفتح معي هذا الموضوع ...
أمي بعصبية: ليه ما نفتحه!!....تبغى تمشي إلي براسك وبس!!....خلاص سوي إلي تبغاه!!...لكن لا تجي تطلب رضاي عنك لاني ما برضى عنك....ما برضى طول ما هي بذمتك!!
يحيى بحزن:ولو قتلك يما إن غادة في بالي من زمان !!....وإني لو ما تزوجتها ما كنت راح أتزوج غيرها... ومع هذا تبغيني اطلقها !!...بطلقها!!....مافي أي شي يهمني اكثر منك ومن رضاك علي !!...لكن إعرفي إنك راح تكوني سبب تعاستي....لانه عمره ما بتكون لي زوجها غيرها!!
أمل بصدمة: إيش تبغانها نفهم من كلامك ذا!!.... إنك تحبها !!...مستحيل نصدق!!....
شفت ملامح أمي الصارمة أرتخت!!...وجلست تطل على يحيى بتأمل....
الكل كان مصدوم من كلامه...وأنا أولهم!!.... يحيى كان يحب غادة ويفكر فيها من زمان!!....معقول!!...رغم كل إلي كانت غادة تسويه!!...رغم كل الكلام إلي كان ينقال عنها!!....هذا شي ما يتصدق!!...
كسر لحظة الصموت إلي عم علينا صوت سراب العالي: أنا قلت!!...قلت إنها سحرت له!!....من مت.....
صوت ابوي بحدة:سراب!!...كلمة زيادة على زوجة أخوك و راح أكسر راسك فاهمة!!...ويلا على فوق!!
سراب بملل: يوه ليه دايما تطلعني فوق!!...يعني مالي حق أقول رأ....
أبوي وهو يقوم من مكانة: إنقلعي فوق !!....قبل ما يجيك إلي ما يرضيك!!
أبوي كان باين عليه إنه معصب مرة!!...عشان كذا سراب قامت وطلعت فوق من غير ما تفتح فمها بولا كلمة زيادة.....
ورجع وجه كلامه لامي: وإنت يا ام هارون!!... قلك الولد إنه يبغاها ...
خلاص يا حرمة بردي قلبه !!....
أمي بتأثر:إذا يبغاها هو حر!!...الله يسعده ويهنيه يارب!!....
وبدأت تبكي!!.....قام لها يحيى وضمها وقلها : الله يخليك لنا يما!!...ولا يحرمني من قلبك الطيب!!
قمنا أنا ورحيم وأمل باركنا له وسلمنا عليه.....وكان سلامه معي بارد نوعا ما...مازعلت منه...بالعكس عذرته...لو فعلا زي ما يقول إنه يبغاها من زمان...له حق !!
لكني حسيت بشي!!....حسيت إنه مو فرحان!!....ماحسيت إنه سعيد....
بعد ما هدي الجو قال يحيى بحذر : في شي ثاني!!
أمي : خير !!....
يحيى: أنا وغادة أتفقنا ....ما راح نسوي عرس!!....راح نكتفي بالعقد ....لانه....
أمي قامت من مكانها وقالت بحدة: إيش!!....
قلها بترجي: إسمعيني يما الله يهديك!!
أمي بحدة: إنت جنيت!!...تبغى الناس إيش يقولو علينا!!....
يحيى: يما!!...العرس ماله لزوم!!.....وبعدين أنا وهيا مستعجلين!!....ولا تنسو إنكم داخلين على زواج هارون!!....يعني بنستنى على الأقل شهر!!
أمي بعصبية: إستنى!!....ليه مستعجلين؟!...غادة ما بطير ولا إنت!!
يحيى: يبا الله يهديك قول شي!!
أمي : إيش تبغى ابوك يقول!!.....كيف ما تبغاني افرح فيك!!....هذا يرضي مين!!....إنت إيش حصل لك!!....
يحيى بترجي: يما الله يخليكي .....إفهميني!!
أمي بلهجة حاسمة: خلاص سوا إلي تبغاه!!...لكني ما ابغى أشوف وجهك بعد اليوم...روح هناك عيش عند زوجتك وأمها...خلي نورة تفرح فيك!!
أبوي: فاطمة (قصده أمي) الله يهديك إيش هذا الكلام!!
خطرت بالي فكرة قلتها على طول: خلاص نسوي عرسه معي!!
ألتفت لي بسرعة :مستحيل أرضى طبعا!!
قتله: وليه ما ترضى!!.....كل شي جاهز ...وكويس إنا ما طبعنا الكروت!!
قال بعناد: قلت لا يعني لا!!....
جاوبته بحدة: ما تلاحظ إنك صاير متنح!!.....يا خي انا ابغاك معايا!!...وبتوافق غصب عنك!!....إذا كان زعل امك يهمك!!
قلي بصوت واطي: وزوجتك وأهلها!!...ما اظن راح يوافقو!!
جاوبته: ما عليك إنت .....وبعدين ليه ما يوافقو!!.......ما راح يتغير شي !
ما أعطيته فرصة يقول أي شي ...
التفت لأمي وقتلها: ها يام هارون!!...إيش قلتي!!
أمي: في أحسن من إني افرح بزواج إثنين من عيالي في ليلة وحدة!!
وقفت وقلت: أجل مبروك لنا كلنا....
جا يحيى بيعترض سحبته من يده وقتله: خلاص ياخي لا تصير ممل!!...وتعال أبغى أتكلم معاك!!
.............................. ........

يحيى..................
كنا واقفين عند سيارتي ....
هارون: إيش الحكاية يا يحيى!!
جاوبته : لا حكاية ولا رواية!!...وماعندي شي أقوله أكثر من إلي قلته داخل!!
هارون: ليه أحسك تكذب!!...ياخي عيونك ما تقول أبدا إنك سعيد!!....على حسب كلامك المفروض تكون فرحان وإنت راح تتزوج البنت إلي إستنيتها طول عمرك!!
نزلت راسي أتأمل في المفتاح إلي في يدي وبعدين قتله: لان الكلام إلي قلته جوا مو صحيح!!....لا عمري حبيت غادة ولا حتى كنت جايب خبرها من أساسه!!
كل إلي في الموضوع إني عشان اقنع أمي بزواجي من غادة لازم أحسسها إن سعادتي راح تكون في الشي ذا ....وطبعا هيا بقلب الأم ما راح توقف ضد سعادته ولدها!!
مدري ليه كذبت على هارون!!....كرامتي ما سمحت لي اني اعترفله بحبي للبنت إلي رفضها هو...لبنت الي ياما ارتمت تحت رجليه .....حسيت إني راح أكون صغير لو صارحته بحبي لغادة...عشان كذا انكرت حبي !!....
هارون: طيب ليه هذا القرار المفاجئ!!.....ليه قررت إنك تتزوج بغادة!!....إيش إلي حصل وإحنا ما نعرفه!!
ما رديت عليه تميت اتأمل في المفاتيح إلي بيدي!!...
هارون: راح أقدر صمتك!!...وما راح أسألك مرة ثانية......وربي يسعدك ويتمم عليكم بالخير!!
قبل ما يروح ناديته: هارون!!
هارون: سم!!
قتله: آسف عن الطريقة إلي كلمتك فيها اليوم المغرب!!...بس كنت مضغوط وعقلي يفكر في الف شي وشي!!
هارون: مازعلت منك يا يحيى!!....وبعدين أنا عارف إنك دب !!
تحركت من مكاني وحطيت يدي على كتفه وقتله: يلا أناماشي الحين....مع السلامة...

أول ما ركبت سيارتي دقيت عليها... محتاج إني أطمن عليها... وحتاج قبل هذا كله إني أسمع صوتها !!
على طول جاني صوتها وكان باين عليها إنها مرتبكة: يحيى فينك!!
قتلها بسرعة: دوبني طلعت من البيت!!....يلا أنا الحين جايك....!!
غادة بترجي: الله يخليك لا تتأخر!.
قتلها: ما راح أتأخر!!....إنتي بس قوي نفسك!!
غادة: طيب...
ناديتها: غادة!!....روحي أجلسي مع عمتي!!...لغاية ما أجيكي!!...وأنا ما راح أتأخر!!
غادة: طيب!!
وقفلت منها بسرعة ودقيت على عمتي نورة....
أول ماجاني صوتها قتلها:عمتي!!....خليكي بجنب غادة!!....ولا تبعدي عنها ولا لحظة!!...لا تغيب عن بالك !!
عمتي: طيب يما!!....
قتلها: وإذا شفتيها بدأت تهيج أحبسيها في غرفتك مو في غرفتها!!
جاني صوتها وهي تبكي: طيب يما!!...الله يعدي الحالة ذي على خير ويشافيها لي يارب!!
قتلها: إن شاء الله يا عمتي!!.....لكن إحنا لازم ما نغفل عنها ولا لحظة!!
وقفلت منها....
مشواري مع غادة أبتدأ أسرع من ما تصورت.....
صوتها حزني عليها!!....كانت زي إلي تتوسل إني ما اتركها لوحدها!!...وأنا ما راح اتركها لوحدها مهما حصل!!....لازم ترجع غادة أحسن من اول !!....
مستحيل اتخلى عنها!!
أخيرا وصلت!!....والبيت كان مقلوب بصريخ غادة......
أول شي سويته إني قفلت جوالي وطلعت الدرج أجري وكانت عمتي نورة واقفة عند باب الغرفة وغادة محبوسة جوا وهي تبكي وتقلها بصوت عالي: قتلك ما راح أفتح!!...ما راح افتح!!.... والحين زوجك بيجي !!
غادة بترجي: الله يخليكي يما بموت!!....بموت والي يسلمك...ارحميني ارحميني يما !!
وقفت مكاني....ماحاولت أدخل لغاية ما أشوف تصرف عمتي نورة كيف بيكون....
عمتي نورة وهي تبكي بصوت عالي: لا يا غادة ما بفتحلك!!.....هذا لصالحك يما!!...ما بفتحلك !!...فينك يا يحيى !!....
بدأت غادة تصرخ بصوت اعلى وأعلى وتضرب في الباب بقوة وهيا تقول: بموت !!......بموت!!....الله يخليكي ...الله يخليكي !!...
خلاص عمتي نورة انهارت: يارب الطف بنتي!!....يارب اوقف معاها !!....ساعدها يا ارحم الراحمين !!
غادة بأعلى صوتها: والله لأموت عمري!!...افتحيلي!!....راح اذبح نفسي!!
شفت دفاعات عمتي نورة بدأت تنهار...وشكلها راح تفتح الباب لغادة !!...
لما شفت ضعف عمتي نورة تأكدت مسؤليتي إتجاه غادة...وزاد حماسي في إني أطلع من غادة القديمة غادة جديدة وبروح جديدة
على طول قلت بصوت عالي: عمة نورة!!
التفت لي بسرعة وهي منهارة تبكي: إلحقني يا يحيى!!...إلحق غادة!!
قتلها : أفتحياها الباب!!
عمتي: أفتح لها !!
قتلها بحسم : مثل ما اقلك !!....وأنا بروح استناها في غرفتها!!...لانها أكيد بتجري عليها !!....وأول ما اقلك افتحيلها أفتحي لها !!
عمتي بتردد : إن شاء الله
أنا توجهت لغرفتها بسرعة وأول شي سويته إني سحبت كل المفاتيح تبع الأادراج والدواليب بعد ما قفلتها ....
وبعدين قلت لعمتي تفتح لها...وإتخبيت انا ورا الباب ....
أول ما دخلت صفقت الباب بسرعة وفي لمح البصر كان الباب مقفول والمفتاح في جيبي!!
شفتها أنصدمت أول ما شافتني!!....لكنها تجاهلتني وراحت تجري على دولابها....
طبعا ما كان في مفتاح ...وكان مقفول!!....
خبطت على الباب بقوة وهيا تصرخ من شدة الألم....أنا رحت لها ومسكت يدينها الثنتيت!!....
غادة: فين المفاتيح!!....هات المفاتيح!!.....هات المفاتيح!!.....
قتلها بحدة: ليه!!....عشان تاخذي السم إلي انتي تاخذيه!!
غادة بترجي: حبة وحدة بس!!...والله راسي راح ينفجر!!...وحدة بس!!...الله يخليك!!
قتلها بحدة: مافي!!....جسمك لازم ينظف من السم إلي هو فيه!!....
دفتني بقوة وقالت بصوت عالي: إنت مالك دخل!!....مالك دخل!!....هات المفتاح!!
ربعت ذراعيني فوق بعض وقتلها : ما راح اعطيكي المفتاح!!....وإنتي إلي طلبتي مني أساعدك...وراح أساعدك يا غادة!!
غادة بشبه صراخ: أنا حيوانة...غبية...خلاص روح ما أبغى منك شي...هات المفتاح!!...مالك دخل..ما تفهم ؟!...
قتلها برود: مفتاح ما راح أعطيكي!!....وما راح اروح يا غادة....
لفت وبدأت تضرب في كل شي قدامها.... وهي تصرخ بصوت عالي...
ورجعت لي وقالت بعصبية وتوحش: هات المفتاح أحسلك!!...هات المفتاح!!
مسكتها من يدينها بقوة وقتلها : ماراح أعطيكي شي ولازم تتعالجي!.إنت تبغي الشي ذا!!...
بدأت تضربني في كل مكان في جسمي...وتخمشني بأضافرها...ودخلنا انا وهيا معركة رهيبة....وتقطع قميصي !!....سال فيها الدم من كل مكان فيا
……………………

غادة......................
جسمي كله مكسر....وراسي راح ينفجر....كنت مرمية على الأرض....وفي ثقل فوقي...
تحركت من مكاني....وحاولت أسحب نفسي لقدام....بس ماقدرت..
قلت بصوت واطي: آآآآآآآه
انشال الثقل من عليا بطء وانا عدلت نفسي ....كان يحيى وكان ثيابه مقطعة وحالته حاله !!....
نقلت عيوني في الغرفة ....كانت حالتها هي الثانية حالة!!.....
مافي فيها شي في مكانه....
التفت على يحيها وشفته يطل عليا بتأمل....
سألت بخجل وبحزن بصوت واطي: أنا سويت كذا!!
قام من مكانه ومسكني عشان أقوم وقال بهدوء: الحين كل شي بيترتب...ماعليك!!...بس إنتي قوم أغسلي وجهك... عشان تصلي الفجر إلي فاتك...!!....وبعدين نزل نفطر....
حسيت الارض تلف فيا بقوة ونفسي مقلوبة...
تهالكت على السرير وقتله بتعب: ما راح أقدر آكل!!...نفسي قايمة علي!!
جلس بجنبي وحط يده على كتفي وقال بحنية: شي طبيعي!!....لكن إن شاء الله نقدر نتخطى المحنة ذي مع بعض!!
قتله بتهالك وانا أرتجف: بس أنا تعبانة!!...تعبانة حيل وخايفة إني ما أقدر اتحمل!!
يحيى: لا تقولي كذا!!.....نص العلاج إنك عندك رغبة قوية في إنك تتخلصي من هذا السم!!....لكن يبغالنا شوية صبر وقوة تحمل !!
قتله : خايفة يا يحيى خايفة!!.....لا تتركني!.خل جنبي!!
يحيى: وأنا بجنبك وما راح اترك..... وراح ترجعين غادة الأولية وأحسن إن شاء الله!!
قتله بحزن وخجل: لا !!...ما ابغى اكون غادة الأولية!!....غادة الأولية هيا إلي وصلتني لهذه الحالة!!....أنا أبغى أتغير من جوا!!...أبغى اكون إنسانة ثانية!!...
حط يده الثانية على يدي وقال: إن شاء الله....والحين قومي توضي وصلي...
دخلت الحمام (الله يكرمكم ) ....
طبعا الحمام ما كان فيه مفتاح.....
حسيت بالدوخة تزيد عليا وجسمي كله ينتفض بقوة....تكيت على الحوض....لان الدنيا قامت تلف وتدور فيا....
في اللحظة ذي ما قدرت ....استفرغت بقوة....
حسيت بالباب ينفتح علي وحسيت بجسم يحيى وهو ضامني له بقوة ....
بعد ما خلصت مسح وجي وصلني لسريري ونيمني عليه.....
وجلس بجنبي ....
قتله وأنا أرتجف: يحيى أنا تعبانة!!...تعبانة!!....
حط يده على جبيبني ومسح عليه برقة وقال: إصبري يا غادة!!....وأسألي ربنا إنه يشفيك !!...أدعيه إنه يوقف معاك !!...
قتله: خايفة لو افشل!!....انا حاولت مرة وإثنين وثلا......
حط يده على فمي وقال: هذا كان اول!!...الحين انا بجنبك ...وبعون الله راح نتخطى كلنا هذه المحنى سوا...
هزيت راسي بتعب ...
قلي: غادة راح أعلمك دعاء ...مافي إنسان دعا فيه بنية صافية وخالصة لوجه الله تعالى إلا وستجاب الله منه .... أدعي ربك يا غادة ....وأعتصمي فيه....مالك ملجأ غيره!!
وقرب مني وما صار يفصلني عنه غير سانتي مترات قلة وحط فمه عند اذني وبدا يقول الدعاء :بسم الله الرحمن الرحيم لا إله إلا الله الملك الحق المبين، لا إله إلالله العدل اليقين،
لا إله إلا الله ربنا ورب آبائنا الأولين، سبحانك إني كنت من الظالمين،
رددت وراه وانا ابكي بصوت واطي مكتوم: بسم الله الرحمن الرحيم لا إله إلا الله الملك الحق المبين، لا إله إلالله العدل اليقين،
لا إله إلا الله ربنا ورب آبائنا الأولين، سبحانك إني كنت من الظالمين،
يحيى:لا إله إلا الله وحده لا شريك له، له الملك وله الحمد يُحي ويُميت وهو حي لا يموت،
بيده الخير وإليه المصير، وهو على كل شيء قدير. لا إله إلا الله إقراراً
بربوبيته، سبحان الله خضوعاً لعظمته،
مسكت يده بقوة وغمضت عيوني وقلت بتوسل: لا إله إلا الله وحده لا شريك له، له الملك وله الحمد يُحي ويُميت وهو حي لا يموت،
بيده الخير وإليه المصير، وهو على كل شيء قدير. لا إله إلا الله إقراراً
بربوبيته، سبحان الله خضوعاً لعظمته
حسيت روحي سكنت ...و غمضت عيوني بقوة وانا ادعي ربنا مدري وراه غفيت أو أغمى علي من كثر الآلام!!
.............................

يحيى ............
ما كان ممكن إني اطلع من البيت !!.....اولا لان ثوبي مقطوع وحالته حالة وثاني شي غادة!!.....مستحيل أتركها ....لانها راح تهيج في أي لحظة!!...وعمتي نورة ما بتقدر عليها!!.....
كانت ترتعش بقوة...وكانت معرقة بشكل مو طبيعي....
مسحت وجهها وجبينها بهدوء.....وبعدين فضلت اطل على وجهها بتأمل!!....
كان وجهها أصفر زي الليمونة وهالات سوداء حول عيونها .....
مستحيل هذه غادة!!....القسوة والشموخ إلي كنت دايما المحها في وجهها مختفيه!!...وحل محلها التعب والضعف!!
قمت من عندها بهدوء......وماقدرت اقاوم رغبتي.....
ملت عليها بهدوء وطبعت على جبينها البارد قبلة أودعتها كل حبي إلي مهما حصل غصب عني يزيد!!
وقبل ما اطلع شلت كل المفاتيح ...وطلعت بهدوء وقفلت عليها!!....
كانت عمتي جالسة على الأرض عند باب غرفة غادة!!....
شوفتها كذا كسرت قلبي!!
ملت عليها وحطيت يدي على كتفها بهدوء وناديتها: عمتي!!....عمتي نورة!!
انفجعت وقالت :ها إيش في!!.....غادة مالها!!
قتلها بهدوء: عمتي قومي إرتاحي في غرفتك!!....كذا راح تتعبي!
وساعدتها عشان تقوم....
شهقت بإنكار لما عيونها جات على وجهي المجرح وملابسي المتبهذلة: ياقلبي!!....وش ذا!!
قتلها: لاتشيلي في بالك !!...الحين اطهره!!...المهم انتي ادخلي ارتاحي الحين!!
قالت وهي تبكي: ياقلبي عليك يا يحيى!!...والله مايرضي ربنا هذا إلي جالس يحصل معاك!!...سامحنا يما!!
قتلها بعتب: الله يهديكي يا عمتي!!...لا عاد اسمع منك الكلام هذا مرة ثانية!!
عمتي نورة: شوف وجهك كيف مجرح وكله دم!!....(وحطت يدها على فهمها عشان تمنع نفسها من البكاء) الله يسامحك يا غادة!!.....الله يسامحك ويشفيك يارب !!
قتلها : ايه يا عمى ادعيلها هيا محتاجة لدعوتك !!
عمتي نورة: الله يعلم إني ادعيلها وادعيلك إن ربي يجزيك كل خيرعلى إلي جالس تسويه معنا!!
ورجعت تبكي...
حظنتها وحبيتها على راسها وقتلها: الله يخليك لنا يارب ....ادخلي يا عمتي ارتاحي!!
عمتي: لا ما راح أرتاح!!...بشوف وجهك إلي انعدم ذا!!...وبعدين إنت ما اكلت شي من أمس!!....يلا معي تحت!!
ونزلت تحت جلست في المطبخ...وبدأت تطهر الجروح إلي في وجهي....وهيا تدعي بقلب محروق ومتضرع لغادة...
وحطتلي فطور عشان افطر.....
وجلست معي..... لكنها ما أكلت لقمة!!...كان عقلها في ملكوت ثاني....مسكينة عمتي نورة الله يعينها على الي هي فيه!!
حاولت أكمل فطوري بسرعة!!...عشان ارجع الحق على غادة ....ما ابغاها تصحى وما تحصلني بجنبها!!....
جاني صوت عمتي مريم: استغفر الله العظيم على ذي النسوة!!....
سألتها: خير يا عمتي!!
عمتي نورة: أمس أمك دقت تسأل عليك وكانت قلقانة عليك بالمرة لانك ما رجعت البيت وجوالك مقفل!!....فقتلها إنك جالس مع غادة لانها تعبانة شوي !!.....ما عرفت إيش اقلها!!.....
وتذكرت جوالي إلي قفلته أمس .....قمت من مكاني وقتلها: ماعليك أنا الحين بكلمهم!!....
وقبل ما اتحرك من مكاني سمعنا صراخ واصوات شي تتكسر!.طلعنا من المطبخ نجري!!....
شفت في وجهي إلي ما أتمنى اشوفه أبد في اللحظة ذي!!....هارون!!
عمتي طلعت تجري وما اهتمت له!!...أنا وقفت حاير!!....إيش بيقول وهو شايفني في ذي الحالة!!.....وإيش بيقول على صريخ غادة!!....
وقفت مواجه له وأنا عيوني مركزة على الدرج...أبغى أطلعلها!!.... وجود هارون مانعني!!
ما اعطاني وقت سالني بنبرة إتهام: إيش فيه وجهك!!
لحقني بالسؤال الثاني: عشان كذا كنت مستعجل!!
سحبته من يده بسرعة ودخلته المجلس....
قتله بعصبية: إيش جابك الحين!!
هارون: أنا كنت شاك في الموضوع!!....كنت حاس إنها مدمنة!!..لكني كنت أغالط نفسي!!
قتله بحده: مدمنة وراح تتعالج!.أتي لانها عندها رغبة في إنها تتنظف من إلي هي فيه!!
ما كان ينفع اكذب على هارون!!...هذا طبيب وعارف ومتأكد من إلي يقوله!!...
هارون بزعل: وليه ماقتلي!!.....إنت عارف كويس إني أكثر واحد يقدر يفيدها!!...ولا نسيت إني إستشاري مخ واعصاب!!....
قتله بقهر: ما كان ينفع أقلك!!...إنت بالذات ما كان ينفع أقلك!!
هارون: ليه!!...غادة ماهي بنت عمي!!....
جاوبته بصوت عالي وبمرارة وقهر: هيا ما تبغاك تعرف!!...إنت بالذات ما تبغاك تعرف!!...تدري ليه!!...لان صورتها قدامك تهمها أكثر شي في الدنيا!!.....
سكت وما قال ولا كلمة ....
كان صوت صراخها واصل لعندي...وقفت وقتله بجفاء: أنا طالع لها الحين!!...
ولو سمحت لحد من العيلة يعرف...قلهم إنك رحت وشفتها كويسة ...فاهم!!
أستوقفني بكلمته: إنت تحبها!!...ليه كذبت وقلت إنك ما تحبها!!
التفت له بحده وقتله: قتلك ما أحبها!!....ماتفهم!!
قرب مني وهو يقول بهدوء: تحبها ...ومستحمل كل هذا عشانها!!.....ليه انكرت!!....ليه!!
التفت له وقلت بعصبية : إيه أحبها!!...ماعرفت نفسي غير وأنا عاشقها!!....أحبها وعمري ما فكرت في أحد غيرها!!....وليه ما قتلك!!....لاني خجلت من نفسي!!....
خجلت اصارحكم بحبي للإنساة إلي رافضاني!!...مو أنا بس غادة رافضة كل الرجال عشان واحد رافضها ومو معتبر لها أي وجود!!.....خجلت من كلام الناس لما يعرفو إني حبيت عاشقة أخوي!!....عرفت ليه!!
قرب مني حيل وجا بيحط يده على كتفي بعدت عنه وقتله: لا تقول أي شي!!...الحين ما يهمني غير إن غادة تتشافى وترجع أحسن من أول....وفر على نفسك أي كلام!!....
وطلعت لها أجري .....طلعت البي نداء الواجب قدام بنت عمي .....قبل الحب!!
...........................

وداد...................
طلعت وهيا قالبة وجها ...ومقطبة حواجبها
جاني صوت الخياطة: إسم الله بتاخدي العقل!!...ولا شو يا ست وداد!!
قلت بحب وفرحة: اللهم صلي على النبي... الله يحميكي من العين يا صبا !!
قربت مني وقالت بملل: مو كأنه عاري مرة!!...شوفي ظهري كله برا!!
ولفت عشان توريني ظهرها
الخياطة: ولو ماهوي جوزك!!....(وهي مبتسمة من الإذن للإذن) ... يعني راح يشوف كل شي!!...
التفت لها صبا بسرعة وكان وجها ضارب مية لون وقالت بجفاء: خلاص ... باقي شي!!
حسيت الخياطة أنحرجت وقالت بخجل: لا خلصنا كل شي.... والفسات أصملى مزبوط عليكي ومو ناقصة شي!!...إزا بتريدو تقدرو تاخدوه !!
هزت راسها بهدوء...
دخلت وغيرت الفستان...وجات جلست بجنبي... مستنين الفاتورة والفستان....
قتلها بلوم: ليه أكلتي الآدمية كذا!! ...خجلتيها الله يهديكي!!
صبا بقهر: ناقصني لقافتها أنا!!....تركب الهوا
قلت بقلة حيلة: الله يهديكي يا صبا!!
وأخيرا خلصنا من بروفة الفستان والمكياج ....
لكن صبا طلبت منا إنا نعدي على السوق!!...ما كنت عارفة إيش تبغى!!
ودخلنا محل تبع هدايا....
صبا اشترت مجلد ألبوم كبير ورق تغليف هدايا وشرايط ...
أنا كنت مستغربة من هذه الأشياء إلي أشترتها!!
سألتها : صبا ليه هذه الأغراض!!
صبا: بعدين راح أقلك !!
ولاني عارفه إنها مابتقلي حرف غير بمزاجها سكت!!
وخلصنا ورجعنا على البيت .....
أنشغانا أنا وأياها في تجميع معدات الرسم تبعها عشان نرسلها على بيت هارون...
كانت عصبية مرة وترمي الأشياء على طول يدها....
سألتها بإستغراب: إيش فيكي!!....ليه معصبة كذا!!
رمت نفسها على السرير وقالت بعصبية: المفروض أكون مبسوطة !!....زواجي بعد كم يوم .....المفروض أكون طايرة من الفرح ....صح!!
قتلها بحنية: صبا ...لا...
قاطعتني بحسرة وقهر: لا انا اتكلم جد!!.....المفروض أي وحدة في مكاني تكون فرحانة ومبسوطة!!....أي وحدة طبيعية!!...إلا أنا!!....أتمنى أي مصيبة تحصل لهارون ويوقف كل شي !!.....وفي نفس الوقت أتمنى كل شي يعدي بهدوء عشان ارتاح من هذا الهم إلي حملته طول هذه السنوات!!.....
قتلها بحنان: راح ترتاحين إن شاء الله!!....ربي يسعدك ويهدي بالك يارب ....
ورجعنا نكمل ترتيب الأغراض...
جاني صوت صبا : واه على ذي النسوة!!
قتلها : إيش!!
صبا: نسيت ما ارسل كرت الدعوة لمنال!!
جاوبتها: طيب الحين ارسليه مع السواق
قامت من مكانها وقالت: الحين...بس بدق أديها خبر
ودقت عيها
بعد كم رنة صبا : الو ...السلام عليكم !!
........................
صبا: أنا الحمد لله حبيبتي!!....إنتي كيفك وكيفه رضوان و خالتي أم سعد!!
.......................
صبا: دوم يارب....إسمعي منال الحين برسلك بطاقة الدعوة مع السواق ..طيب!!
........................
صبا بحزن: ليه!!....امانة ترى أزعل!!
........................
صبا: زي ما تبغي حبيبتي....مع إني تمنيت اشوفك !!
.........................
صبا: الله يبارك فيكي حبيبتي.......سلميلي على خالتي ام سعد وبوسيلي رضوان ....في حفظ الله
وقفلت منها وهيا زعلانة ....
سألتها: ماهي جاية!!
رمت الجوال على السرير بعصبية وقال: المتخلف زوجها مارضي !!
قتلها بعتب: صبا عيب عليكي!!...ليه تسبي الرجال!!...الله اعلم بضروفهم!!
صبا : إيه متخلف!!....معذبها يا وداد!!...يضربها ويهينها وهيا ساكته!!....كم مرة شفت وجهها معدوم من الضرب!!...متخلف ولا مو متخلف!!
قتلها بحزن: طيب وهي ليه تسكت!!...وأهلها ليه يسكتو!
صبا: مين قلك إن أهلها ساكتين!!...عيسى دايما يتعارك معاه...وياما قد ضربه عشانها...لكنها هيا إلي تمنع عنه!!
قتلها بإستغراب: ليه تسوي كذا!!
صبا بحزن: خايفة لا تطلق ...تقول هيا ما صدقت أحد يعرف وضعها وإلي حصل لأاختها وأخوانها ويرضى فيها....مسكينة حاسة بالمذلة!!...الله لا يسامح إلي كان السبب
جاوبتها: مسكينة!!...الله يعينها!!
قالت لي : تصدقي يا وداد إيش تقلي!!
سألتها:إيش؟؟
صبا: تقول بالرغم كل الضرب إلي يضربه لها إلا إنها تحس معاه بالأمان!!
قلت بشهقة وبصوت عالي: كيف!!
صبا وهيا تحط بقية الأغراض بطأ وعيونها كلها حزن: تقول ماحد التفت لها ولا حد رضي يرتبط فيها غيره ...خصوصا بعد ....(وشدت على أسنانها بقوة) بعد الي انتشر بين الناس عن اختها وأخويا ..الله لا يسامحه ولا يغفر له !!
قلت بحزن وتأثر: مسكينة!!...لا حول ولا قوة إلا بالله !!
صبا بألم: والمشكلة إنها تحبه!!...تحبيه بالرغم من الي تشوفه منه!!.... تقول مالها بعد الله غير هذا الزوج... لا أب تنسند عليه... وعيسى والمسكين من حقه يشوف حياته ويتهنى... وأخوانها .... (وغمضت بقوة وضمت شفايفها إلي بدأت تهتز دليل إنها راح تبكي ) آآآآآه أخوانها على كف عفريت... الله يلطف فيهم وبحال أمهم ...
ورمت علبة الألوان بقوة في الكرتون وكملت بحده : وزوجها الحيوان يستنذل معاها!!....كل شوية يعيرها بأخوانها وأختها!!....مسكينة والله منال!!....أحزن على حالها !!
ورجعت كملت إلي كانت تسوية وهيا زعلانة وحزينة.....
آآآه يا صبا!!....أنا عارفة إلي يدور في راسك!!...عارفة إن إلي مريتي فيه مو سهل!!...لكن إن شاء الله راح يتغير كل شي وتسعدي في حياتك...يارب يا كريم أسعدها وأكتبلها الخير مع هارون....
رجع جاني صوت صبا وهيا معطياني ظهرها: وداد!!
قتلها بسرعة: عيوني!!
صبا: الله لا يهينك!!..الورقة ...إلي ...(وبعد فترة صمت طويلة كملت) الي اعطتك هيا د.نجلاء..اتلفيها ماعاد لها لزوم ...
كان صوتها يرتجف بقوة... وباين إنها على وشك إنها تبكي !!..
رحت لعندها وحطيت يدي بهدوء على أكتافها...
ما استنت على طول ارتمت في حظني وبدأت تبكي في حظني وهيا ترتجف بقوة
في اللحظة ذي دخلت علينا هالة : يا غج.....
أول ما شافت صبا وقفت في مكانها مصنمة..
قالت بتأثر: صبا إيش فيها!!...ليه تبكي!!
قتلها وأنا امسح على شعر صبا بحنان: ولا شي...تقول ما تقدر تبعد عني!!... ولا عنكم!! ...
هالة وبدأت هيا الثانية تبكي: ولا انا اقدر أسيبها ...والله راح توحشيني يا صبا !!..الله يخليكي لا تبكي!!
وجات وحظنتنا وهيا تبكي ....
ما قدرت غير إني أضحك على ردت فعلها... حتى صبا..ضحكت بصوت عالي
ابتعدت عنا متفاجاة وقالت بإندهاش وهيا تمسح دموعها: مالكم !!
أنا وصبا : هههههههههههههههه
خبطتنا بخفه على اكتافنا وقامت وهيا تقول بقهر: والله انكم معفنين...سرو ..
وطلعت وصفقت الباب وراها بقوة .....
انا وصبا تمنينا نضحك على منظر هالة ....هههههههههههه يا حليلها الله يسعدها عرفت كيف تضحك صبا وطلعها من الي هي فيه من دون قصد ....

………………….

هارون فضل ورى يحيى لغاية ما أقنعه بضرورة تدخله في علاج غادة حتى لو بطريقة غير مباشرة ومن دون ما تعرف.....طبعا يحيى ماقدر يرفض لان الشي هذا من مصلحة غادة.....
وفي يوم جالسو يتجادلو هو ويحيى..
هارون: يا أخي إنت كيف تفهم!!..
يحيى بعناد: خلاص ما راح أتجادل معاك!!...قتلك هيا رافضة الفكرة من أساسها...
هارون بثقة: انت قلت إن عمتي الي رافضة الفكرة مو غادة!!... لا تجي ذحين تغير الكلام!!
يحيى بطفش: اللهم طول يا روح!!... وهيا عشان رفض عمتي نورة شالت الفكرة من راسها!!
هارون بإلحاح: طيب ...لكن على الأقل لازم ندخل طبيب نفساني في علاجها!!....مستحيل يتم شفائها بشكل كامل من غير تدخل طبيب نفسي!!...ياخي العلاج النفسي في هذه الحالات نص العلاج!!
يحيى : إيش أقول لغادة!!....ما راح ترضى!!....
هارون: إلا بترضى!!...إنت أقنعها!!...فهمها إن الشي هذا فيه مصلحتها!!...وهي ما سوت الشي ذا إلا عشان تتعالج!
بعد ما قال الكلمة ذي لام نفسه ...وبانت أثر كلمته على ملامح يحيى إلي انقلبت
هارون بإعتذار: والله يا يحيى..
وقف بسرعة وقال: ما عليك...إنت ما قلت شي غلط!!...يلا أنا أشغلتك!!...في امان الله...
وقف هارون معاه وقال: لا تنسى الي اتفقنا عليه!!...ترى الشي هذا فيه مصلحة غادة!!
هز راسه بهدوء...
هارون: في حفظ الله...
وطلع ورجع هارون يكمل شغله....

صبا وأهلها ماكان عندهم مانع من إن عرس غادة ويحيى يكون مع صبا وهارون.
أصلا صبا ما كانت تفرق معاها من الأساس !!.... أهم شي انها تكون في بيت هارون!!...تكيل له العذاب أشكال والألوان...مع إنها بدات تراجع نفسها كثير في سلوكها وتصرفاتها الهوجاء مع هارون.....وهذا الشي هو الي مطير النوم من عيونها!!...كيف تقدر تعذبه من دون ما تتآذا هيا منه!!...

وقربت الليلة الموعودة!!.....الليلة إلي عاش هارون ثمان سنوات من عمره وهو يتمناها ويستناها....وأخيرا أستجاب ربنا لدعواته وتضرعاته من إنه يجتمع بملاكه الطاهر....وتحقق المراد لكن ما زال هارون جاهل بأن الله لبى ندائه!!....

إنتظروني

عقل الطبيب أم قلب الحبيب
الجزء الرابع

قبل الزواج بيوم.......

هارون............
جاني صوته بجفاء: قفل الباب وتعال أجلس!!
بعد ما دخلت صبا حياتي تغيرت نظرة أبوي لي!!... قلب علي مرة وحده... صار ما يعاملني غير بجفاء وبرود... حاولت ادعي عليها لكن قلبي ما سمحلي ولا لساني ولا حتى عقلي...
حتى جوارحي وأفكاري ...بدأت تخوني وتمرد عليا...من يوم ما ظهرت بحياتي
إيش أسوي معاك يا صبا!!...إيش؟! ...
سويت زي ما قال ورحت جلست قدامه على المكتب وقتله: سم يبا!!
أبوي من دون ما يطل عليا: أسمع يا هارون....من اليوم ورايح دخلنا في الجد يعني كل إلي كان تنساه وتشيله من راسك... البنت بتصير في بيتك ومسؤلة منك...
قتله بهدوء: أبشر يبا....
أبوي: والله ثم والله ثم والله... إذا يوم أشتكت منك صبا ...او دست لها على طرف راح أكون أول من يوقف في وجهك ...فاهم!!....بنت الناس مريضة وفيها إلي يكفيها... فراعي الله فيها ...
قتله بحزن: إنت تامر يبا...وما بيصير مني غير إلي يرضيك ويسرك ...
قلي بجفاء: خلاص تقدر تروح....
جلست في مكاني أطل عليه بحزن... أبغى اقله كل إلي بقلبي!!... لكن ابوي انا اعرفه كويس... ما راح يسمع مني ولا كلمة...
جاني صوته: وش عندك جالس!!... عندك شي!!
قتله بإرتباك: لمتى يبا !!... أنا أرتميت تحت رجل....
قاطعني بحدة: هارون!!... فارقني الحين!!
قتله بترجي: يبا والي يسلمك أسمعني... أنا والله العظيم!!
ضرب على المكتب بقوة وقام وهو يقول بصوت عالي: فارقني ما دام النفس طيبة عليك!!! ....
وقفت وطليت عليه بحزن... وطلعت من عنده وانا مكتوم ومتضايق ... ولحسن الحظ لقيت رحيم في وجهي...
لاحظ كدري وحزني سألني بإستغراب: هارون...وش فيك!!...
طليت عليه بتعب وإنكسار!!
قلي بقلق: هارون وش فيك...!! ...رد ياخي!!
قلت بألم: تعبان يا رحيم!!...مخنوق !!
حسيت إني راح أنهار ...ماني قادر أستحمل هل هذا الغضب إلي في قلب أبوي علي!!... لمتى راح يفضل غضبان علي... هذه صبا وتزوجتها!!... متى راح يسامحني!!
سحبني رحيم ودخلني مكتبه ... وجلست وجلس مقابل لي ..
رجع سألني: هارون!!...قلي إيش الي صاير!!...وليه حالتك كذا!!
طليت عليه بقلة حيله وقتله : أبوي يا رحيم!!...أبوي غضبان علي!!... الدنيا مسودة في وجهي وهو زعلان مني!!...حتى الكلام ما يبغى يتكلم معي... أمي مستغربة وأخوانك مستغربين... ليه ما يسامحني!!...غلطت وتبت!! مين في الدنيا ذي معصوم عن الغلط!!... مين فينا ما غلط!!... مين!!
حط يده على كتفي وشد عليه وقال: أبوك مو غضبان عليك ولا شي!!... لكنه مصدوم!!... صعب يا هارون إن أب يشوف ولده في ... هذيك الأوضاع ولا ينصدم!!
قتله بحرقه: تبت يا ناس!!... وأستغفرت ربي وما زلت أستغفره وراح أستغفره!!...ليه مو راضي يفهم إن الشي هذا كان من الماضي!!.... ليه يعاملني بالقسوة ذي!!.... كيف أعيش حياتي وأنا أشوف أبوي زعلان مني وغضبان علي!!.... يا رحيم أبوي حتى كلمة مبروك.. او الله يجمع بينكم على خير ما قالها!!... ليه !!... مانا ولده!!...
رحيم: إستهدي بالله يا هارون وصلي على النبي!!... وإذا على أبوي أنا حتكلم معاه مرة ومرتين وعشرين... وإلا حيرضى... أنتي ما تعرف إن أبوك ما يشوف في الدنيا هذه غيرنا!!...
قتله بتعب: تعبت يا رحيم... تعبت من كل شي يحصل لي!!... ليه من يوم دخلت حياتي قلبتها!!... ليه!!... وليه مع هذا كله ماني قادر أكرها!!... كل مرة القى نفسى أتعلق فيها اكثر واكثر!!... صارت مسيطرة على تفكيري!!... ماني قادر أكرها... والمشكلة إني شايف كرهها وحقدها علي في عيونها!!... كاني أنا الي سحبتها للي كانت هيا فيه!!... كأنها ما نامت مع أحد غيري!!... وهي الله العال
قاطعني بحدة: هارون!!....فوق!!...إصحى للي جالس تقوله!!... هذي زوجتك!!...تجننت!!
قتله بعصبية: إيه تجننت!!... تجننت!!...ولو استمر الحال زي ما هو أمكن أموت!!... هذا التشت إلي انا فيه قاهرني.. قاهرني يا رحيم !!...إيش اسوي !!...إيش أسوي يا ربي!!... والله أنا بشر!!...والله لي طاقة تحمل!!... ليه الدنيا ضاقت فيا!!... ليه يارب!!...ليه!!
رحيم بهدوء : أستغفر ربك يا مؤمن!!
سندت ظهري على الكنبة براحة ومسحت وجهي باطن كفي وقلت بصوت واطي: أستغفر الله العظيم...سبحانك لا إله إلا انت إني كنت من الظالمين!!...
وتنفست بقوة ...سبحانك لا إله إلا انت ...إني كنت من الظالمين...
وغمضت عيوني ... حسيت إني أغرغت كل الهم الي كان بقلبي... أرتحت... دايما ألقى عند رحيم راحتي!!...
فتحت عيوني وطليت عليه ...وكان مركز نظره عليا...
قلي بهدوء: كيفك الحين!!
جاوبته: كالعادة!!...أدخل عندك بركان ثاير...واطلع من عندك بردا وسلاما!!
رحيم: ههههههههههههه تعال الإثنين والخميس وأنا أسويلك ديسكاونت
ما قدرت غير أبتسم....
رحيم: ها!!...أيوا كذا.... هونها وتهون!!
وقفت وقف معي وسألني بإستغراب: فين رايح!!
جاوبته: بزور سعد ...ومنها بطلع على المستشفى....
رحيم: وكيفه وكيف اخوانه!!
جاوبته بأسى: صابرين .... لكن سعد عليه هدوء غريب!!....سبحان الله...مدري من فين جايب السكينة والطمأنينة إلي هو فيها!!
رحيم: الله يرفع عنهم... ويقدرو أهل الخير إنهم يقنعو أهل ناصر بإنه يتنازل!!
جاوبته بألم: والله يارحيم ما شكله في تنازل!!... وأهله مصممين على القصاص!!
رحيم: لا حول ولا قوة إلا بالله!!
كملت: فكرت أروح أكلمهم لن سعد منعني...
رحيم: ما بيدنا غير الدعاء !!
: الله كريم... يلا الحين في امان الله...
رحيم: الله معاك!!
وقبل ما اطلع من الغرفة قتله: رحيم!!
رحيم بإبتسامة: سم !!
قتله بإمتنان:الله يغسل قلبك بالثلج والبرد... ويجعك منزلك في اعلى درجات الجنة!!
رحيم وإلي زادت إبتسامته: وياك يا هارون ... وجمع المسلمين يارب!!
وطلعت من عنده بحال غير الحال إلي دخلت فيها...
……......

منتديات العطى
www.3ta1.com/vb

حاتم....
من يوم ما شفتها وهي مسيطرة على كل أفكاري.... ماقدرت انسى ملامحها...
كنت لاغي فكرة الزواج من بالي لغاية ما شفتها...حسيت إني وحيد... مالي أنيس في الدنيا... وأبغها تكون أنسي ...خلاص نويت وتوكلت على الله... واليوم بكلم أبوي...
بعد ما تغدينا... طلع أبوي عشان يرتاح...وأنا طلعت غرفتي... وأنسدحت على سريري زي إلي أنسدح على شوك... فزيت من مكاني وتوجهت لأبوي مباشرة..
دقيت عليه بصوت واطي فلو نايم ما أزعجه ولو صاحي بيسمع صوت الخبطه...
جاني صوته: أدخل يا حاتم..
دخلت وشفته منسدح على السرير قتله بإعتذار: آسف إذا ازعجتك يبا!!...بس ودي أتكلم معاك في شي مهم!!
أبوي: أدخل يا حاتم...وأنا كمان ودي أتكلم معاك!!...
وأعتدل على السرير...وأنا رحت وجلست بجنبه على طرف السرير وقتله: سم يبا!!...أسمعك...
أبوي: قول إيش عندك في البداية!!
هزيت راسي بهدوء وقتله: يبا!!... بعد موافقتك طبعا!!...أنا افكر أتزوج!!
شفته ابتسم براحة وقال : سراب بنت عمك!!
قتله بهدوء: الله يسلمك يبا!!...سراب أختي!!...وعمري ما راح افكر فيها إلا زي ثريا!!... يبا انا أمزح معاها أكثر من ما امزح مع ثريا!!...
شفت معالم وجهه أنقلبت وحسيت إن خاطره تكدر...
قتله بسرعة: لكن ما سالتني مين هي البنت إلي ابغى اتزوجها!!
أبوي : ومين هي!!
قتله بحماس بنت عم صالح زوج امل بنت عمي... وتصير اخته من الرضاعة!!
أبوي بعد تفكير قال : الدكتورة!!
جاوبته بسرعة : لا أختها!!...
شفت ملامحه أرتاحت أكثر وقال بهدوء : على بركت الله !!...ناس طيبين وأصل وماعليهم غبار!!... وإذا تبغى بأخطبها لك اليوم !!
قتله بفرحة: لا خلينا نأجلها بعد زواج هارون ... وبعدين بشوف ثريا تجس نبظها وتشوف!!...إمكن البنت متكلم عليها أحد من أهلها!!
أبوي: خير إن شاء الله ...
وجيت بقوم من عنده لكني تذكرت إنه يبغى يقلي شي وسألته: والحين آمرني يبا!!...إيش كنت تبغى تقولي!!
أبوي: هههههههههههه والله بغيت أفاتحك في موضوع سراب... بس خلاص مادامك حطيت بالك وحدة...الله يسعدك ويتمم لك بخير...
قمت وحبيته على راسه انا أقله : الله يخليك لنا يبا!...
طبطب على ظهري بهدوء وقال بحب: الله يبارك فيك يسعدك ويرضى عليك يا ولدي إنت وأختك!!
طلعت من عند أبوي وأنا فرحان... وأول وحدة جات بالي أدق عليها هي سراب...أبغى احرق دمها وأقول لها إني بتزوج قبلها...
ودخلت غرفتي ودقيت على رقمها" المربوشة"
وبعد كام رنة جاني صوتها: لالالالالا...في شي حاصل في الدنيا!!...حاتم أفندي بعرضه وكرشه داق علي!!..لا لا ما أصدق!!
:أنتي يوم بتطيري ورا الشمس والسبب لسانك ذا!!
سراب: ياي وناسة أروح أصيف خخخخخخخخخخ وكمان اظمن إني ما بشوفك!!
قتلها: إلا وش أخبارك يالعانس!!.... أحد دق بابكم ولى لسى!!
سراب: ليه أنت مرسل حد!!...تبغى شي!!...واه لا تقول مكسوف!!....أعرفك وجهك مغسول بمرقة!!
جاوبتها: إيه بمرقة لسانك الخايس!!
سراب: هههههههههههههههههه طاه حعديها المرة ذي!!.... وقلي من جد...ليه داق!!
جاوبتها: بغيت أقلك إني بكسب التحدي... وحخطب يالعانس!!
سكت وما جاي منها رد....
ناديتها: سراب!!.... فين رحتي!!
سراب وزي الي مو مصدقة: إنت تتكلم جد!!...
جاوبتها بتريقة: إيش فيكي يا بنت!!.... لا يكون أنصدمتي!!...لاتخليني أحس بتأنيب الضمير!!
سراب: هيه يالمملوح!!...لا تصدق عمرك!!....وقلي مين بتخطب!!
جاوبتها عشان اغثها: ليه عشان تروحي لبيت الغالية وتخربي علي!!....ويفضالك الطريق!!
سراب بشهقة: الغالية !!... واه أتاريك لك ذيل وتعرف تلعب من تحت لتحت يا كهين!!
:هههههههههههههههههههه بس ذيلي مو أطول من لسانك إلي يبغاله قص!!
سراب بعصبية: حاتم!!....إيش يعني!!...قول مين!!...
قتلها: إذا حجت البقر!!
سراب: والله انك غثيث...اوف اقلب وجهك....
:ههههههههههههههه هين ...يا سراب
رجع جاني صوتها بترجي: حاتم!!...لا تصير ثقيل!!...قول مين!!
قتلها برود عشان أقهرها: اقلبي وجهك!!
سراب: واه انا استاهل...يلا يلا بقفل الحين!!
قتلها: سلام
سراب: إستنى أستنى!!
جاوبتها: قتلك ما بقلك مين...عند شي جديد!!
سراب بجدية: أنا اول وحدة ادري صح!! .....بعد عمي وثريا طبعا!!
أبتسمت وقلت: لا إنتي اول وحدة تدري بعد ابوي لاني لسى ما قلت لثريا!!
سراب: واو مسويلي إكسليوسف!!....نونونو ذيس إز فيري فيري ماتش!!
قتلها: أقول كلي هوا...يلا سلام...
سراب: هههههههههه إستنى !!...مبروك ياولد...والله وبصير عمة!!
قتلها: عمة في عينك!!....ماباقي إلا ذي!!
سراب: وجع!!...إحمد ربك!!... غيرك ترجوها رجوا!!
جاوبتها: إحلفي بس!!...يلا سلمي على إلي عندك... ولا أوصيك...أبغي أصحى ألقا جدة كلها عرفت الخبر!!
سراب: آخر مرة!!..ما بتقلي مين!!
جاوبتها: اقبلي وجهك!!....
سراب: هين يالدب...يلا سلام وسلم على عمي...
جاوبتها: يبلغ....
وقفلت منها وانا طاير من الفرحة.... أكيد حتروح تكلم كل إلي في البيت ...بس مدري حتكلم هالة!!....ياريت والله...خليني العب بأعصابها هذيك الثانية شوي..

هالة...........
كنت في غرفتي جالسة أقلب في مجلة من مجلات الأزياء والموضة...أشوف إيش ممكن يناسبني... إلا وجوالي يدق" سروبة " يتصل بك!!
أخذت الجوال على طول ورديت: هلا والله...
جاني صوتها وكانت تتكلم بسرعة: حاتم دوبه كلمني!!
حسيت بقلبي تحرك من مكانه...وقتلها بزعل حاولت أخفيه:وإيش يعني!!
سراب: كلي هوا إنتي الثانية وأتركي غيرتك على جنب!!... وبعدين كم مرة حقلك إن حاتم أخويا!!
جاوبتها بنفس البرود: الله يهنيكم!!
سراب: ما علي منك... المهم !!... يقول إنه بيخطب!!
حطيت يدي على قلبي بسرعة... وقفت من هول الصدمة ولا رديت عليها..
جاني صوتها: هالة هالة!!... جاوبيني!!....
مدري كيف طلعت صوتي ورديت عليها:الله يوفقه!!....
سراب إلي شوي وتنط من السماعة: أقلك حطب يالوح التلج!!
طلعت مني دمعة حارة وسألتها بصوت مرتبك: خطب ولا حا يخطب!!
سراب: وهذا بإيش يفرق يا هبلة!!
قتلها : لانه لو خطب يعني أنسى الموضوع ولا أدي نفسي امل!!... ولو ما خطب..إمكن... أمكن أكون أنا!!...
سراب: إنتي عبيطة!!... الدب يقول عن إلي حيخطبها الغالية!!...أكيد يعرفها !!
أما إنتي فمن فين يعرفك عشان يخطب!!....
حسيت بالغيرة تنهش قلبي...
قتلها عشان أواسي نفسي: إيه يعرفني!!
سراب بصوتها إلي فقع طبلة إذني: إيش!!.... عندك أسرار يالبقرة ومخبياها علي!!
قتلها بصوت واطي: لا أسرار ولا شي... وأهجدي وأناراح أحكيلك الحكاية!!
سراب بقلة صبر: قولي !!...تكلمي!!
وحكيتلها عن الموقف إلي صار بيني وبينه يوم رجعنا من المزرعة لبيتهم... لما كانت هيا في المطبخ!!... وكيف إنه ثاني يوم راح وسأل ثريا عني !!...
سراب: ههههههههههههه يا عيال اللذين!!.... هذا كله وأنا آخر من يعلم!!
قتلها بحزن: بس بعدها ما عاد جاب لها سيرة عني!!...
سراب: ههههههههههههه بقرة إنتي!!... يا ماما مو كذا اركزي!!... بالله من يوم المزرعة لليوم كم مر!!... أقل من شهر !!
قلت بقهر: وأقل من شهر شايفاها مدة قصيرة!!
سراب: إيه عاذراكي تتمني يجلس ليل ونهار وهو يهذي بإسمك وحسنك ورسمك!!
قتلها بقهر: أنطمي!!... ما اقصد كذا!!... بس إنه ما فاتح أخته في الموضوع...
يعني إمكن صرف نظر!!
سراب: يوه يا هالة تراكي تفقعين المرارة!!... يفكر يا بنت!!... أكيد يشاور عقله!!... ويستخير ... هذا حاتم إنتي ما تعرفينه!!
تمنيت تكون قدامي في اللحظة ذي عشان ادعسها على كلمتها ذي ...
رجع جاني صوتها: قصدي لسى ما عرفتيه لا تحقدي علي خخخخخ... لكن قلبي يقلي إنه إنتي الغالية إلي قال عنها!!
حسيت الدم طلع من خدودي ... وغمضت عيوني بقوة وأنا ادعي ربي إنه يستجيب كلامها...
سراب: هالة!!....هالة!!... يما ساحت البنت!!
: هههههههههههه ما تبطلين إنتي!!
سراب: والله يا هالة قلبي حاسني إنه بعد شوية حتجيكي ثريا ... وتجس نبضك لأخوها!!.... لكن يمين بالله لو حصل الشي ذا وما قتيلي إني لأزفك له وإنتي قرعا وصلعتك تلق لق ...
: هههههههههههههههههههه حسبي الله ههههههههههههههههههههههههههه
خلاص ههههههههههههههه لا بارك الله بليس ههههههههههههههه
سراب: خلاص إنطمي عشان لا جات الآدمية تعرفي تتكلمي معاها!!
: ههههههههههههه أقفلي أقفلي... هههههههههههه
وقفت منها وأنا عندي أمل إني فعلا انا حبيبة حاتم إلي حكى لسراب عنها...

هارون..........
بعد ما طلعت من عند رحيم ...رحت في موعد زيارتي الأسبوعي لسعد وأخوانه
وهذي الزيارة ما قطعتها من 6 سنين من بعد ما تصالحنا انا وسعد....لازم كل أسبوع أزورهم ...
قلي : مبروك يا هارون ....تستاهل كل خير!!
جاوبته: آآآآه يا سعد كم دعيت ربنا إنها تكون هي زوجتي !!
سعد : إرضى بالمقسوم يا هارون!!.....وقول الحمد لله!!
قلت : الحمد لله .....لكني احبها يا سعد!!.....تخيل تحب وحدة عمرك ما شفتها ولا تعرف اسمها ولا طباعها ولا شي عنها!!....انا اجلس بالليالي والايام وانا احاول اشكل تفاصيلها وأتخيل طباعها!!.....
سعد: لو لك فيها نصيب بتجتمع فيها !!.....وحاول تنساها شوي!!....وأهتم بزوجتك!!
هزيت راسي بهدوء وقتله: مافي اخبار جديدة!!
سعد بهدوء:الحال زي ما هو!!....أهل الخير حاولو مع أهله لكن لسى الحال زي ما هو.....مصممين على القصاص!!.....
حزنت بقوة .....وبان على معالم وجهي!!....
سعد لاحظ فطبطب على يدي وقلي بقناعة: هذا قضاء الله وقدره.....ما راح نقول غير الحمد لله....وعسى الله يغفر لنا ويسامحنا هو الغفور الرحيم !!.....
عم السكوت بينا ....بعد شوية ناداني : هارون!!
جاوبته: آمرني يالغالي!!
سعد: ما راح اوصيك على أهلي!!...أمي وعيسى ومنال أمانة عندك!!....أنا عارف انك ما قصرت معاهم وإنك لهم أكثر من أخ!!....لكن غصب عني لساني يقول هالكلام!!
شديت على يده وقتله : أهلك اهلي يا سعد!!....فلاتوصيني على أهلي!!....
سعد: الله يجزيك خير ويريح بالك دنيا وآخره.....

أنتهى موعد الزيارة ....طلعت من عنده على المستشفى....وزي كل أسبوع أزورهم فيه!!....اطلع زعلان ومهموم جبال الدنيا على صدري من كثر الحزن!!
لكن وش العمل!!....الحمد لله يارب!!...قضائك كله عدل....
...................

صبا............
دخلت علي وأنا مساكة عقد أمي ...وأبكي في حرقة وصمت... أول ما شفتها مسحت وجهي بسرعة...
جلست بجنبي وشافت العقد في يدي ما قالت شي فظلت تطل عليا وهي ساكته...
وبعد طول صمت قالت لي: ليه الحين كل هذي الدموع يا صبا!!... إرحمي نفسك!!... أرحمي عيونك!!...
قتلها بحرقة وبصوت متقطع من أثر البكا: مو بيدي!!... مو أنا إلي أبكي يا وداد!!
هذي جراحي إلي تنزف!!... كل ما أشوف كلماتها ..أحس بنار تكويني في كل منطقة في جسمي...أتقرف من نفسي...أحس...أحس ....إني نجسة...إني زبالة (الله يكرمكم)
قربت مني بسرعة وحظنتني وقالت بتأثر: لا تقولي عن نفسك كذا...أنتي اطهر وحدة في الدنيا!! ... انتي مالك ذنب في إلي حصل!!
سحبت نفسي منها وقمت وأنا أقلها : كل إلي جاني من تحت راسي...لو ماكسرت كلام أبوي...لو ما عصيته ما كان إلي جرى كان!!...ولا كان هارون الكلب...
قاطعتني بسرعة: إذكري الله يا صبا!!... وإنسي إلي حصل...
أشرت لها بالعقد إلي في يدي وقتلها بألم: كيف!!...كيف وانا اقرى كلمات امي!!... كل ما قريت كلماتها احس بالعار!!...أخجل من نفسي!!...
تركتها حايرة في مكانها ورحت عشان أحط العقد في المكان إلي محطوط فيه من ثمان سنوات... بعد إلي حصلي كرهت إني ألبسه!!...حسيت إني حدنسه...
وحطيته وقفلت عليه...ورجعت جلست على السرير
جات وجلست جنبي وفضلت تطل عليا....
بعد طول صمت حطت يدها علي وقالت لي بترجي: إلبسيه يا صبا!!.. إلبسي هدية الغالية!!... لا تهمليها كذا!!
قاطعتها بسرعة: لا تقولي كذا!!... أنا جالسة أصون هدية امي من النجاسة إلي خالطت جسدي... وبعدين مستحيل اسمع لنفسي وأدخل فيها بيت هارون!!....هذي أهر منه ومني!!
صبا منهو يقدر يتفاهم معاها!!.... مينه يقدر يغير رأيها!!
مافي غير إني اتركها على راحتها ....زي العادة...
.....................

هارون................
خلصت شغلي بالمستشفى والعيادة ورجعت البيت في وقت متأخر
كانت أمي طالعة من المطبخ وفي يدها براد موية.....
مسيت عليها وجيت بطلع غرفتي ...
جاني صوت أمي: نسيت ما اقلك إن العمال اليوم جابو اغراض صبا !!
قتلها بإستغراب: أغراض صبا!!....مو المفروض انك بتروحي انتي والبنات بكرة تجيبيها!!
أمي: أقصد أغراض الرسم تبعها!!....فرش الرسم والألوان والواحها وخرابيط مدري عنها!!
جاوبتها: اها...قرنبعها يعني !!
امي بزعل: قرنبعها في عينك!!...أحد يقول عن زوجته كذا!!....
: ههههههههههههههه ...آآآآه الغلا كله راضي عن زوجتي!!
أمي بحنية: زوجتك مافي منها إثنين يا هارون!!... ربنا يحبك لانه جعلها من نصيبك ...ربي يسعدكم ويهنيكم يارب !!
ماعرفت إيش اقلها... أحساسي وجداني يأكدلي كلام أمي... والواقع إلي أرتبط فيه مع هذه البنت مأكدلي شي ثاني... وأنا حاير في النص!! ...
أمي: وانت من اهله يما!! ....يوه نسيت ما أقلك!!...حاتم بتزوج!!
التفت عليها بإنكار وقتلها : خطب!!
أمي: لا هو كلم سراب اليوم العصر وقال راح يخطب.... المهم إنه ناوي يتزوج!!
قلت بإبتسامة: أخيرا!!....ما بغى!!....الله يسعده يارب
أمي: إيه والله.. لكن الله يهنيها إلي بتكون من نصيبه... والله يسوق نصيبك يا سراب يا بنتي!!
طليت على أمي بحنان.... أنا عارف في إيش تفكر!!...طول عمرها تتمنى حاتم لسراب....
قتلها بحب: يلا يما مالهم نصيب مع بعض ...
أمي بحزن: الله يهديها سراب... والله إني تمنيت لها حاتم راكز ويعرف كيف يركزها معاه!!
:هههههههههههههههه إيه ماتشوفيه كيف يستهبل معاها...والله إني أنكره لما أشوف طفاقته معاها...وتقوليلي راكز!!
أمي: يلا ألله يسعده.... أطلع يما أرتاح تصبح على خير!!
جاوبتها: وإنتي من اهله يالغلا !!

دخلت الغرفة ....يا ساتر....ماشفت قدامي غير كراتين!!....إيش ذا!!!كلها أغراض رسمها!!.....
أكثر من ستاند لوحات وكراتين وأدوات بعضها عرفتها وبعضها اول مرة أشوفه أدوات حرق وحفر وغيره....أغراض رسمها يبغالها غرفة لوحدها!!...
وقفت أتأمل اغراضها.....وانا متخيلها جالسة معي في الغرفة.....شعور خفي بالفرح مداخلني لانها بعد يوم واحد بتصير في بيتي!!.....إيش سبب هذا الشعور ما قدرت احدده .....
دخلت ومسكت بعض أغراضها ....وطليت فيها......كان في خمس لوحات
شلت وحدة من اللوحات وحطيتها على الحامل وقفت أتأملها!!.....كانت اللوحة بمنتهى الجمال.....شمعة ذايبة ...وفي بقايا الشمع الذائب وجه بنت حزينة
وشعلة الشمعة كانت عبارة عن وجه رجل بملامح قاسية.....كانت قمة في الإبداع والجمال...
مسكت اللوحة الثانية وحطيتها على الستاند .....كانت اروع من الأولى .....لكن أكثر سوداوية ......كانت عبارة عن بنت في الجزء اليسار من اللوحة شعرها ممتد عشان يشكل أغصان في غابة خضراء قمة في الجمال والنظارة وكل مامشينا تظلم الغابة وتشيخ الأشجار لغاية ما تنتهي بوجه رجل بغيض في الجزء اليمين من اللوحة!!....
في كل لوحاتها كانت دامجة بين الرجل والأنثى بطريقة غريبة وظالمة للرجل !!
مافهمت سبب هذه النظرة الحاقدة على الرجل!!....صبا هذه أكبر مشكلة في حياتي!!...حتى رسوماتها غريبة زيها!!....
تركت اللوحات وأستمريت أتأمل بقية أغراضها....
لغاية ما طاحت يدي على كيس قماش فيه بالطو....أكيد البالطو إلي تلبسه لما ترسم!!...
فردته وفضلت أتأمل فيه.....كان حجمه صغير...بصغر حجم صبا...ومليان الوان....لقيت نفسي ماسكه ومقربه من خشمي.....ريحته كانت حلوة...عجبتني مرة....وكملت أتأمل أشياءها وأنا ماسك البالطو وأستنشقه بهدوء وراحة!!....
وعدا الليل عليا وأنا غارق في العالم الجديد إلي دخل غرفتي...عالم صبا!!...
………………………..

اليوم المنتظر...............
يحيى............
فتحت عيوني بتعب ...لما حسيت بجنبها يهوي على صدري....أنتبهت لنفسي...كنا نايمين أنا وإيها على الأرض... زي كل يوم طبعا... بعد ما ندخل أنا وغادة في حرب طويلة ...لما تهيج وتحتاج لجرعت المخدر...
سحبت يدها من علي بهدوء وجلست بجنبها اتأمل وجهها .... رغم كل هذا الإرهاق وهالات السواد إلي على وجهها إلي إني أعشق هذا الوجه... أحبه... ما أقدر غير إني احبها... هذه غادة... حبيبة كل سنين عمري... ماعرفت نفسي غير وأنا عاشقها... وما عرفت نفسي غير وأنا مقهور منها...
وتذكرت ردت فعها لما فاتحتها في زواجنا مع هارون...
وقطبت حواجبي للذكرى!.
كان هذا بعد ما جاني هارون ...وأكتشف الحقيقة...
يومها كنا أنا وهي وعمتي نورة جالسين نتغدى طبعا غادة كانت تقلب في الأكل شمال يمين... ولا ذاقت منه شي...
قتلهم بلا مقدمات: أمي مصممة إنا نسوي زواجي انا وهارون في يوم واحد!!
التفت علي بسرعة وأنا كنت مستني منها هذه النظرة ... لاني قلت كلامي وأنا مركز عيوني عليها!!
لما شافت نظراتي أرتبكت ورجعت كسرت عيونها في الصحن!!
رجعت سالت عمتي نورة وأنا لسى مركز نظري على صبا: ها يا عمتي !!...إيش قلتي!!
جاني صوتها بحيرة: والله مدري يا ولدي إذا يمدينا نجهز البنت في ذا الأسبوع!!
جاوبتها: أعتقد يمدي...وإذا تبغو نزل السوق من الحين!!
عند هذه اللحظة قامت غادة من على السفرة... وجريت على غرفتها بسرعة...
أنا على طول سبت إلي في يدي وطلعت وراها... لحقتها قبل ما تقفل الباب...
أول ما شافتني قالت بعصبية: إيش تبغى!!
وتركت الباب وراحت جلست على طرف سريرها....
دخلت وقفلت الباب ورحت قدامها قدامها وفضلت أطل عليها وهي منزلة راسها في الأرض...
وبعدين رفعت راسها فيا وقالت بشبه صراخ: ليه تطل عليا كذا!!...
قتلها برود: ليه حالك أنقلب لما عرفتي إن زواجنا حيكون مع هارون!!
وقفت بسرعة وقالت بحدة: في كلامك تلميح أنا ما أرضاه!!.... قتلك أنا ما عاد أفكر في هارون!!... ولا افكر في أي أحد اصلا!!
جاوبتها:ردت فعلك تقول عكس كلامك!!
غادة بتوتر: إنت من تكون عشان تسمح لنفسك تستجوبني هذا الإستجواب!!
قتلها بحدة: زوجك!!
غادة بصوت عالي : زوجي بكيفي!!..لفترة محدودة يع
وماحسيت غير وكفي على وجها... وصوت الكف يضرب في راسي وفي الغرفة... !!
أرتمت على السرير من قوة الصفعة!!
قتلها بغضب وأنا أتنفس بسرعة: إنتي وحدة ..... لكن ما ينلام غيري أنا...أنا إلي قبلت بوضع زي ذا!!
وتركتها ودخلت الحمام( الله يكرمكم) ... آلمتني كلمتها !!... لفترة محدودة... حسيت إني لعبة في يدها راح تلعب فيها فترة وبعدين حترمي!!... لا يا غادة!!...
أدوس على قلبي ...أدوس عليكي إنتي بكبرك ولا إن أحد يمس كرامتي بشعرة!!...
بعد ما خلصت طلعت وأنا مصمم إني أرمي عليها اليمين وأخلص من إلي أنا فيه... وما علي منها!!.... هي ما تبغاني اساعدها....لو تبغاني أساعدها ما كان هانتني!!...لكن يا يحيى غادة مو في وعيها....كيف تزعل منها وانت عارف حالتها....ولو!!... هذا ما يشفعها
وأول ما طلعت ما ادتني فرصة ...جات وأرتمت في حظني!!...أنا في البداية أنشليت من تصرفها... غادة في حظني!!...في موقف غير ذا كنت ضميتها وطرت فيها من الفرحة لكن الحين!!.... وغمضت عيوني بقهر!!... والكلمة لسى تضرب في راسي... دفيتها عني بقرف... وقلت لها بصوت عالي : غادة إنتي...
حطت يدها على فمي وقالت بترجي وصوتها مكتوم: والله يا يحيى ما قصدت إلي قلته... والله العظيم ما قصدت إلي وصلك.... ولا زعلت على هارون... والله العظيم ما زعلت عليه....
أ،ا زعلت منك!!....إنت وعدتني أنا ما بنسوي زواج ولا شي!!....لانا متفقين إن زواجنا ما بيستمر!!... حسيت غني جالسة أنفرض عليك وعلى اهلك بالغصب!!... وأنا ما ابغى!!... كفاية مهانة وذل!!... كفاية إلي شفته في عيونهم!!.... ما راح اقدر أواجهه!!... ما راح أستحمل نظراتهم!!.. ما عاد أبغى أشوف نظرات البغض في عيون الناس!!... هذه النظرات تذبحني!!... تعذبني!!
وأرتمت على الأرض.... وهي تبكي: والله ما قصدت أهينك!!... ولا قصدت أجرحك!!....
الله يخليك لا تتركني!. أنا ما صدقت أحد يساعدني عشان اطلع من إلي انا فيه!!... لا ترميني فيه مرة ثانية!!.... إقطع لساني... سو أي شي إلا إنك تتخلى عني!!... أنا ...انا ...
وبدأت تشهق بصوت عالي....
جلست بجنبها وحظنتها بقوة وقتلها بصدق: ما بترك يا غادة!!... مستحيل اترك!!
رفعت عيونها وكانت زي الدم: كنت راح تتطلني يا يحيى... .. في لحظة كنت راح تدوس عليا بكل قوتك!!...
قتلها بأسف: أنا آسف يا غادة!!.... سامحيني.. ما راح يتكرر الشي هذا مرة ثانية !! ...
غادة بصوتها المرتجف:أنا... أنا...
حطيت راسي على راسها ولميتها ليا أكثر وأنا اقلها بصوت واطي: اش أنا بجنبك... وما راح أبعد عنك... أنا بجنبك على طول... ما بسيبك أبدا... ابدا
مدري إيش قصدت بأبدا وعلى طول في هذه اللحظة... حسيت بالكلمة ذي إني جالس أمنح الآمان لنفسي مو لغادة...
غمضت عيوني في سلام ... وانا أحس بانفاسها الحارة تضرب في صدري... شعور ما عمري حسيته ولا راح أحسه ولا ابغى احسه إلا مع غادة وبس... هذه كل الافكار إلي دارت في راسة هذه اللحظة... إيش مغزاها ... على إيش تدل... ما همني...
وأنتبهت على صوت غادة المرهق: أذن الفجر!!
التفت لها وقتلها بحنية: أيوا أذن.. يلا قومي نصلي!! ...
.......................

سراب............
: عشان تعرفي إن كلمتي ما تنزل الأرض ابدا!!
هالة: والله يا سراب ثريا كانت تتكلم معي وأنا أحس بقلبي جالس يرقص من الفرحة...
جاوبته: ههههههههههههههه حلو عشان تسخنين لليوم!
: ههههههههههههه يلا نطلع فوق ...صبا شوي وتوصل ...
جاوبتها بقهر: إيه والثانية الي ما تنذكر ... الحين بتوصل!!
هالة بعتب: خلاص يا صبا!!... على حد قولك أخوكي يبغاها!!
جاوبتها بقهر: أكيد بيحبها... أقلك ساحراله يا هالة... والله غادة لئيمة... !!
هالة بعتاب: لا تتهمي الناس بالباطل!!... هذا قذف يا سراب!!
قتلها بإصرار: طيب إيش تفسري إن يحيى كان حتى سيرتها ما يحب يسمعها!!... وفجأة ومن دون مقدمات يبغاها ولا !!... يتزوجها في نفس الليلة كمان!!
هالة: سبحان الله... مغير القلوب!!...
دفيتها بملل: أقول تحركي... الواحد ما ياخذ منك لا حق ولا باطل!!
هالة: شوي شوي علي!!... ترى عرسي بيصير قريب!! ... إن شاء الله طبعا!!
وقبل ما نطلع وقفتنا مرة كبيرة في السن... وكانت معاها بنت مملوحة
قربت منا وسلمت علينا: السلام عليكم..
أنا وهالة: هلا وعليكم السلام...
المرة: كيفكم يا بناتي عساكم بخير!!
جاوبناها انا وهالة بستغراب: الحمد لله طيبين...
: آآآمري يا خالة
المرة: بغيت اسالك !!.... إنتي من أهل المعاريس !!
هزيت راسي : إيه نعم.. آآآمري يا خالة !!
المرة: أنتي مخطوبة!!...أحد متكلم عليك!!
يوه
وقبل ما أرد عليها هالة الملقوفة ردت: لا يا خالة ماهي مخطوبة ولا حد متكلم عليها!!
طليت عليها بحدة ومسكتها من يدها...
وأنا مستعدة لجواب السؤال الثاني المعهود: وكم عمرك !!
بسرعة قبل هالة الملقوفة لا ترد 32: ...
طلت علي هالة بإستغراب ذي وش جالسة تقول..
المرة وشكلها خاب ظنها: ما يبان عليكي!!...
قتلها وأنا أسحب هالة: إيه دوبني جاية من لبنان وسويت شد وجه وتنفيخ شفايف وكسرت خشمي ورفعت حواجبي ... عن إذنك يا خالة.. والله يحيكم!!
سحبت هالة وهي فاطسة على نفسها من الضحك: هههههههههههههههههههههههههه
لا لا ... والله إنك مخبولة هههههههههههههههههههه
جاوبتها بملل: ما كرهي غير خطوبة الزواجات... ما أحبها!!!
هالة: لا ومسروعة على الزواج!!....
جاوبتها: إيه بس مو بهذي الطريقة!!....وبعدين ليه اللقافة ... (وقلدت صوتها) لا يا خالة لا مخطوبة ولا أحد متكلم عليها!!
هالة: هههههههههههههه قلت بالي المرة جاية تخطب!!... وإنتي مستعجل على الزواج !!... بغيت أخدم!!
قتلها بتريقة: كويس إنك قلتيلي!!
هالة: قتلك على إيش!!..
جاوبتها وأنا أحرك حواجبي: إنك شغالة خطابة عشان أنبه ولد عمي!!
هالة بتهديد: سويها وبتشوفين النجوم في عز الظهر!!
: ههههههههههههههه أقول أمشي أمشي!!... ما وراك غير الشلخ!!
..............................

يحيى.......................
: يرضيكي هذا يما!!!..... كلكم مع زوجه هارون وأنا زوجتي مد معاها!!
أمي بحنية: زوجتك أمها عندها الله يخليها لها!!...
أما صبا المسكينة ... ما عندها أحد... وبعدين البنات حجزو كلهم في مشغل واحد قبل ما نعرف بزواجك من غادة!!
جاوبتها بحزن: خلاص يما أنا الغلطان... يلا في أمان الله!!
أمي: يحيى يمى لا تزعل!! .... بس إن عارف وضع صبا... والبنات ما يبغو يتركونها لوحدها... لا سمح الله يصير فيها شي!!...
جاوبتها : خلاص يما... ماني زعلان... يلا ... مع السلامة...
وقفلت منها...
وعلى طول دقيت على جوال غادة... وبعد كم رنة جاني صوتها وكان فيه نوع من التوتر: هلا يحيى... جيت!!
جاوبتها: خلاص خمس دقايق وأنا عندكم!!
ما جاني منها رد...
ناديتها بحنية: غادة!!...
غادة: هلا!!
سألتها : كيف حاسة!!... الحمد لله...
صوتها ما عجبني ...
رجعت سألتها بإلحاح: صوتك مو مريحني!!... غادة بإيش حاسة!!
جاني صوتها بإنكسار: أبغى أرجع البيت...أنا ...أنا تعبانة!!
وقفت عند المشغل وقتلها: يلا يا غادة أنزلي أنا مستنيك تحت!!... بعد شوي جاتني هي وعمتي نورة...
طلعت ركبت غادة بجنبي .. وركبت عمتي نورة ورا...
سألتها: بإيش حاسة يا غادة!!...
غادة بتوتر: جسمي بدأ يرتعش... وأعصابي متوترة!!
جاوبتها: خلاص ما باقي غير هالساعتين أو الساعة والنص... أستحمليهم.. وأنا بكون معاكي!!
على قد ما أقدر....
هزت راسها يعني طيب...
حطيت يدي على يدها وطبطبت عليها بحنية... كانت يدها باردة زي التلج...
مسكت يدي بيدها وشدت عليها... أنا طليت عليها بسرعة... عرفت إنها تطلب الآمان...ضميت يدها الصغير بيدي... وأتمنيت غني مو على مقعد السايق... عشان اضمها وأحسسها بد أحضاني.. وإني أنا موجود ... وما راح اتركها أبدا....
............................

هارون..............
: أمل!!....خلي بالك من صبا!!
جاوبتني أمل: ياخي عرفنا إنك تحبها!!...لكن مو لدرجة ذي!!
مادققت في جملتها كثير...طبيعي يجي بالهم إن إهتمامي الزايد بصبا حب...
قتلها: أكلت شي!!
أمل بملل:كلنا ما أكلنا!!....جات على زوجتك بس!!
جاوبتها: وأنا إشلي فيكم كلكم!!....المهم هيا!!
أمل: هذا جزاتنا إلي مقابلين زوجتك الخفسة ونعدل فيها عشان تقدر تطل عليها!!
قتلها بصدق: والله لو نزلت على الناس بالهدوم إلي عليها لتبهرهم بنعومتها ودلالها....أنا خايف اصلا لا تشوهو جمالها بالخرابيط إلي راح تحطوها على وجهها!!.....
أمل : ههههههههههههه لا .....هذه
قتلها بملل: أمل بلا طولة كلام!!...خلوها تاكل!!....
أمل : طيب!!...فهمنا...المهم إستعد يا بطل ما بقي على الزفة شي!!
قتلها بتريقة: لا من جد!!.....بشري سانيتا!!(إسم شغالتنا)
أمل: هههههههههههههههه أبشرها على هالخشم....
قفلت منها ..

وجلست بجنب يحيى.... ملت عليه وقتله: امل تقول استعد يا بطل!!
ولا جاب خبري!!...أصلا ما سمعني ...
حطيت يدي على كتفه وقتله : عسى بس ما طلعت من جدة!!
يحيى الي أنتبه: سم!!
:هههههههههههه سم الله عدوك!!.... على قولة أمل
يحيى بقهر:تقلب وجهها وانت كمان اقلب وجهك.... ناقصك انا الحين!!
:ههههههههههه هذي جزاة الي يسأل عنك !!
طنشني وما رد علي....
ماحبيت ازعجه اكثر .... فتركته على راحته....
بعد شوي دق جوالي " الغالي أخو الغالي يتصل بك" ...
رديت عليه بسرعة ..وجاني صوته: السلام عليكم ورحمة الله...
:وعليكم السلام والرحمة....هلا والله هلا بسيد الشباب!!
عيسى: هلا أبو سعد.. سامحني والله ما أقدر أجي!!
سألته بقلق: ليه!!...عسى ما شر!!
عيسى: الحمد لله... لكن أمي طاحت علينا...وديناها المستشفى!!
قلت بخوف: خير إيش عندها!!....
عيسى: السكر وطي عليها مرة... والدكاترة يقولو عظلة القلب تعبانة!!
قلت بحزن: لا حل ولا قوة إلا بالله!!... طهور إن شاء الله!!... بعيد الشر عن قلبها!!
عيسى: تسلم يا بو سعد والله ...الشر ما يجيك!!
: وكيفها الحين!!
عيسى: لا الحمد لله حالتها مستقرة.. لكن ما اقدر اتركها لوحدها في المستشفى!!
أعذرني يا بو سعد!!
جاوبته: أكيد... و وصحة الوالدة فوق كل شي ... سلملي عليها... والله يطمنا عليها يارب!! ....ويقومها بالسلامة...
عيسى: يبلغ... والف الف مبروك مرة ثانية...
: الله يبارك فيك.. طيب حبيبي أنتبه على نفسك!!
عيسى: هههههههههههههه
سألته بإستغراب: جنيت يا ولد؟!...ليه تضحك!!
عيسى: أبدا...بس قلت الرجال تزوج ونسي خبري... بس ربنا خيب ظني!!
قتله بزعل وعتب: أفا عليك... قسم بالله زعلتني!!...هذا إلي طلع معك!!
عيسى: أمزح معك يا بو سعد... ويلا الحين في أمان الله
جاوبته: الله يحفظك يا رب...
وقفلت منه وأنا حاس بالكدر لانه ما جا...
…………….

وداد.......
:الله يهديكي يا صبا!!.....شي طبيعي إنه يتصور معاكي!!
صبا بقرف: الله يشيله الحيوان!!....هو قاصد يتلصق فيا!!
قتلها بعتب: عيب عليك!!....ولا تظهري الشي هذا لأهله!!....لا تكسري فرحتهم!!.... ترى أم هارون تحبك وما ترضى فيك!!...لا تقلبيها عليكي !!...
صبا: والله إلي مسكتني عنه أمه!!....ولا كان هديت الدنيا على راسه!!
قتلها بقلة حيلة: الله يهديكي يا صبا ويعين هالمسكين عليكي!!
صبا بغيض مكتوم: لا تقولي مسكين!!....هذا لئيم واطي نذل!!...
قتلها: طيب قفلي الحين ...أسمعهم يناوكي!!
صبا بملل: طيب !!...

جانا صوت المطربة: السلام عليكم ورحمة الله!!.....نورتونا وأسعدتونا ....بس نبغى نطلب منكم إنكم تتغطو.العرسن ذحين بيدخلو!!.....وياريت تولعو الشموع إلي على الطاولات...
رحت أخذت عباتي وأنا راجعة شفت نغم جالسة على الطاولة لوحدها...
قربت منها وسألتها: نغم حبيبتي ليه جالسة هنا لوحدك!!
نغم: عمة ثراب ...قالت أجلث هنا!!
رجعت سألتها: وليه ما تروحي تلعبي مع البنات!!
هزت راسها ليا يعني لا.....
إنكسر خاطري عليها.....
مسكتها من يدها وقتلها برقة: طيب تجي تجلسي معايا...!!
هزت راسها يعني طيب وقامت معي....
وصلنا للطاولة.جسته بجنبي ...
جاني صوت خالة نجلا: مين الأمورة ذي!!
جاوبتها: هذه نغم بنت أخو هارون....
خالة نجلا: ما شاء الله تبارك الله....اللهم صلي على النبي...
وبعد شوية غرقت القاعة بالظلام ومع إضاءة الشموع كان الجو سحر....وخصوصا مع ريحة الشمع المعطر
وأشتغلت شاشة العرض والكل ركز عيونه عليها....
في اللحظة ذي أنتبهت على صوت سراب: نغم إنتي هنا!!....حرام عليكي يا شيخة طيحتي قلبي!!
نغم: أبلة وداد قالتلي أجي أجلث معاها!!
حطت يدها على قلبها وقالت بعتب: طيب كلمي بابا!!
وأعطتها الجوال...وقبل ما تروح قالت لي: كويس إنك جلستيها معاكي ...بالله إنتبهي لها!!....
جاوبتها: إن شاء الله...
سراب: وراح أخلي عندك الجوال ...لاني أبوها كل شوية راح يدق عشان يطمن عليها!!
أبتسمت لها وقتلها: إن شاء الله....
وجلست أتأملها وهيا تتكلم مع أبوها: أيوا يا بابا.....
.............................
نغم: لا أنا جالثة مع أبله وداد!!
...........................
نغم: أبله وداد...أخت عمة ثبا!!
...........................
نغم: طيب!!.....
وقفلت من أبوها وحطت الجوال بجنبها.....
والتفت لي وأبتسمت...انا بدوري أبتسمتلها...وملت عليها وعدلتلها شعرها....
ما شاء الله عليها هيا وأخوها...مأدبين...وعسولين...وي دخلو القلب بسرعة....

وبدأت الزفة .......
أول من أنزف غادة ويحيى......مستحيل إلي يشوف طلة غادة يقول إنها يادوب أتحظرت لزواجها من اسبوع..... بالرغم كل عيوبها إلا إني ما أقدر اوصف مدى جمالها....
إنزفت وكانت أمها وراها ......وأم هارون ورى يحيى
ويحيى كان كل شوية ويطل عليها!!...حسيت إنه فعلا يحبها!!...بعكس الكلام إلي قالته سراب!!....وهيا كان باين عليها إنها مرتبكة ومتوترة مرة !!
كانت زفتها حلوة ومرتبه......
جلست شوية وبعدين رجعو أخذوها مرة ثانية عشان هارون بيدخل

وجا الوقت الحاسم....حسيت قلبي بيطير من مكانه....

شق الصمت ...صوت كاظم....

أبحث عنكِ بكل شجون ٍ
يا سيدتي كا لمجنون ِ

أبحث عنكي
يا سيدتي

أرجوكي بعنف سيدتي
أن تقتحمي الآن حصوني
أن تحتلي كامل بيتي
أن ترعي عمري وشؤني!!..

في هذه اللحظة إضاءة على يمين المنصة
وظهر هارون....والكاميرا زوم عليه....
ونفس التعليقات إلي سمعتها عن يحيى وغادة سمعتها على هارون وصبا من إلي بجنبي وأنا ابتسم.....
: ما شاء الله......رهيب
:سمعت إن عروسة كمان تجنن!!
: بهذا الجمال كله...أكيد ما بيتزوج غير قمر زيه!!...بس ما اظن في مستوى جماله
: ما شاء الله..... مالهم أخوان ثانين يشبهولهم!!....

وكمل صوت هارون

أنا مذ جئت هذه لهذه الدنيا
وأنا منتظرا ً لتكوني
لتلمي عمرا ً بعثره
من في حرماني تركوني
وبلا ملل ٍ وبلا كل ٍ
وبلا أمل ٍ سار جنوني

أبحث عنكي بكل شجون ِ
يا سيدتي كالمجنون ِِ

(الكاميرا زوم على هارون)

( في ذي اللحظة إضاءة على يسار المنصة

وصارت شاشة العرض الكبيرة إلي فوق الكوشة مقسومة نصين....نص زوم على هارون...ونص زوم على المكان إلي راح تطلع منه صبا)

أسمع صوتك أشهد وجهك
أشعر أنك بين جفوني
وأذوب حنان وحنينا
للقائك يا ضوء عيوني

أنا مذ جئت هذه لهذه الدنيا
وأنا منتظرا ً لتكوني
لتلمي عمرا ً بعثره
من في حرماني تركوني
بلا ملل ٍ وبلا كل ٍ
وبلا أمل ٍ سار جنوني

أبحث عنك ِ بكل شجوني
يا سيدتي كالمجنوني
يا سيدتي كالمجنوني
أبحث عنك...

في هذه اللحظة ظهرت صبا...
بطلتها الملائكية...مثل السحر..... تمنيت اروح لها وأحظنها.... لا إله إلا الله الله وأكبر.....أول ما شفتها جلست اقرا عليها....من العيون.... كانت زي الملاك.....

تلف الناس لا مريت
إتكسر رقاب خلق الله
الزين خذته ولا خليت
حرام لا تاخذه كله !!

لباقي الناس وش بقيت!!
إلي بك الأوصاف مكتملة

وتمر عادي ولا حسيت
حسنك به الناس منذهله
طلتك حلوة إذا طليت
ياحلوها جد من طله

الكل يصرخ إذا من جيت
هذا القمر وأنقلب ضله !!

تلفت الناس لا مريت
أتكسر رقاب خلق الله
الزين خذته ولا خليت
حرام لا تاخذه كله !!

ماقدرت أقاوم دموعي....كنت فرحانة....فرحتي قد الدنيا...الحمد لله ربي كملها معانا بالستر....
انتبهت على ذراع خالة نجلا حولي...وهيا تطبطب عليا بحنية....ملت عليها وحظنتها....
لولا الله ثم إلي سوته معانا كان الله واعلم صبا راح تعيش لهذه اللحظة!!...
قتلها بصوت واطي : الله يجزيك خير يا خالة!!.....ويفرحك في نوال يارب العالمين!!
خالة نجلا: ويسعدك ويفرحني فيكي إنتي كمان...آمين يارب العالمين!!

وينزل هارون...وصبا في نفس الوقت

رجع جا صوت البنات الي كانو يعلقون: لا اله الا الله.....ما شاء الله....آية جمال !!
وحدة منهم: اللهم صلي على النبي!!
ودة نهم:الله يحرسها....بس ما تلاحضون انها نحيفة مرة ...
وحدة منهم: الله يعينها سمعت انها بعيد عن السامعين مريضة !! ....

هنا غطا عليهم صوت الشاعر طلال الرشيد... وكويس إني ما سمعت اكثر... حسب الله عمر الناس ما تسيب احد في حاله!!

جتني....
وشافتها عيون ٍ حايرات

(الكاميرا زوم على عيون هارون...كنت مركزة في عيونه....كانت عيونه تلمع وهو مركز نظره على صبا!!....تمنيت أدخل جواة قلبه عشان اعرف هو الحين بإيش يفكر!!...هل يحب صبا مثل ما أنا حاسه أو هذا بس مجرد تمني ...عشان اطمن نفسي على صبا!!....)

ذا شعاع الشمس !!
أو هذا سناها!!

ضاعو إلي جو معاها مسيرات
أقبلت تمشي تقل محد ٍ معاها!!

يا سنا الفضة وياجيد المهاة
يا شذا نبت الخزامى في وضاها
قلت كن بوجنتك زهر النبات
قالت إن الرمش يجرح لي صفاها

تجرح الظلمة عيون ٍ ناعسات
سلهمت وأغضت تغطرس في في بهاها

حققو بالشوف في لون الشفاة
هو خذا منها الشفق ولاى عطاها!!

ولو ظلام الليل يعطينا الثبات
فيه من لون الشعر ولا كساها!!

كيف أباصف زين كاملة الصفات!!
كيف أباصل في حروفي منتهاها..

ويلتقو في نص المنصة....
(وتصير الشاشة شاشة كاملة)
قرب هارون منها حيل ....ومال عليها وطبع على جبينها بوسة ناعمة....
طبعا أنا عارفة إلي في نفس صبا!!...ودها الحين لو تهد القاعة بالي فيها على راسه!!....
من جد حسيت بالشفقة على هارون!!...كان باين من عيونه وحركاته إنه قلقان مرة على صبا!!....

القلب سلملك أمره
في حالتي إنت أدرى
ياللي حنانك وطيبك
ينحط على الجرح يبرى

شفاف يا نور عيني
حبوب قلبك يبيني
زهرة شبابي وسنيني
تفداك ألفين مرة

الله لما تتكلم
كنك تغني ترنم
والورد منك تعلم
والشاعر يضيع شعره

حنون ربي يصونك
في طيبتك في عيونك
دنياك حبي وكونك
يا طيب عمري ويا عطره

فديت صوتك فديتك
شفتك عشقتك هويتك
ياليت تدري ياليتك
غلاك يا كبر قدره

القلب سلملك أمره
في حالتي إنت أدرى
ياللي حنانك وطيبك
ينحط على الجرح يبرى

شفاف يا نور عيني
حبوب قلبك يبيني
زهرة شبابي وسنيني
تفداك ألفين مرة

ونزلو الدرج ....والمرة ذي أم هارون كانت وراهم لوحدها....
إنتبهت على نغم لما حطت يدها على ذراعي: أبلة وداد!!
ملت عليها وقتلها بحب: عيون ابلى وداد!!
نغم: ليه مامة عمة ثبا ماهي معاها ذي مامة عمة غادة!!....
حسيت بغصة وما عرفت أقولها إيش!!
حطيت ذراعي حولها بحنية وقتلها : حبيبي.... مامة صبا تطل عليها من مكان ثاني وهيا معاها بس إحنا ما نشوفها!!
نغم بصوت واطي وفيه رنة حزن: يعني هيا مع ماما صح!!....
يا الله قطعت قلبي قربت منها اكثر وقتلها: أيوا حبيبتي مع ماما وهما مرتاحين كثير كثير!!
نغم: يعني انا يوم اتذوج ماما ما راح أشوفها!!....
شفت لمعة في عيونها وكأنها على وشك تبكي!!..
قتلها بسرعة: طيب حتى أنا يوم اتزوج ماما ما راح اشوفها!!....بس انا ما راح ازعل !!...تدري ليه!!
نغم : ليه!!
جاوبتها: لانك إن شاء الله راح تكوني واقفة معايا!!...وماما يوم تشوفك واقفة بجنبي راح تطمن عليا وتفرح وعشان كذا انا ما راح أزعل!!.....ها موافقة تكوني معايا!!
عجبتها الفكرة عشان كذا هزت راسها بحماس:ايه .... وأنا يوم اتذوج ماما راح تشوفك بجنبي وما راح تخاف عليا !!
مسكت خدودها وقتلها : صح!!.... احلى نغم !!....
نغم: ههههههههههههه
شفت نظرات حزن في عيون إلي جالسين بجنبنا على حالة نغم.....
ما قدرت غير إني احظنها وأظمها ليا بحب.....
نزلو هارون وصبا وعدو السير .....وكان هارون ماسك يدها بإحكام ....ويطل عليها بين لحظة والثانية.....
لما قربو منا رفعت يدي لها عشان تشوفني ....ولاني كنت متلثمة عرفتني وأبتسمت بفرح....ورفعتلي يدها ....ارسلت لها بوسة طايرة في الهوا....
وزادت إبتسامتها.....
بدلو الخواتم لبعض ....وكنت مركزة على صبا...حسيت غصب عنها باين عليها إنها متضايقة إنه لمس يدها....
وجا وقت ان أعمامي وأخواني ديخلو ...
أول ما دخل عمي منصور وبعده عمي سعود....
عمي منصور كان باين عليه إنه متأثر مرة....
أول ما شافته صبا وقفت وحظنته ....وطولت في حظنه...وهو كان يطل على هارون بحنان... والثاني كان مركز عيونه على جسم صبا الصغير المدفون في حظن عمي....
بعدين بعدها عنه وراح يسلم على هارون... وجا دور عمي سعود إنه يسلم عليها... وبعدين صالح... وفي كل مرة كانت ترتمي في أحظانهم وهي تبكي... وبعديد غازي ومحمد.... وآخر شي مأيد إلي مدري إيش قلها خلها تضحك من وسط بكاها... طليت عليها بحنية وأبتسمت بحب... صبا كل حركاتها وسكناتها ودلعها وعنادها يذكرني بالأطفال... حتى طريقتها أول ما تجي تبكي... تزم شفايفها وتمدهم لقدام ... وتبدأ ترتجف شفايفها وتزل دموعها...دموعها إلي أبدا ما احب أشوفها... وأتعب لما أشوفها!!
وخلصت الزفة على أحسن ما يمكن......

مؤيد............
بعد ماسلمنا على صبا وقفو ابوي وعمي سعود وصالح... في البداية وقفت معاهم ... لكن بعدين حسيت اشكالنا غلط..... فقلت لصالح الي كان واقف بجنبي: انا بطلع...حاس ان شكلي غلط!!..
صالح: يلا الحين بنلحقك...
وقبل ما اتحرك من مكاني سمعت صوت وحدة تقول وكان خافت بعض الشي إلا أني قدرت اسمعه : واه متنا جوع... لا وأخويا المبخت مو مهتم غير بدلوعته... صبا اكلت!!... صبا شربت!!... وأنا ...آآآه لنا الله!!
جاني صوت عرفت إنه صوت هالة وقفت وجلست أسمع: هههههههههههه ول ول!!... الرجال خايف على زوجته... إنتي إيش حرق رزك!!
البنت: أسكتي حسبي الله عليكي!!... أقلك جيعانة تقوليلي رزك... قاصداها يعني!!
هالة: ههههههههه وش أسويلك يعني... أقطع لك لحمي!!
البنت: وي على جفاصة أهلك!!.... آآآآه فينه أبوعمر يجي ويشوف حالتي!!
هالة بإنكار : مين ابو عمر يا ضايعة!!
البنت: المبخت إلي أمه داعياله!!
هالة: هههههههههه حسبي الله عليكي ... صاعت البنت!!...مين عمر ها!!
البنت وهي تقلد صوت هالة: مين عمر ها!!... يالبقرة!!...هذا وإنتي صاحبتي!!... ما أقول غير مالت على ذي الخشة !!
هالة: وي وي ...يما !!...أكلتيني!!... ترا الأكل هناك في البوفية ....
البنت: تدرين أنا الغلطانة اني جالسة مقابلة وجهك... أروح اقابل الكبسة والبرياني ابرك ...
هالة:هههههههههه سراب!!... تعالي بقلك شي!!... سراب
وأختفت اصواتهم هههههههههههههههههه أما الي سمعته!!... شي!!...الحين هارون عنده اخت مهبولة كذا!! شكلها منسمة ...ههههههههههههههههه ...بس دمها خفيف....
أنتبهت على صوت صالح: فين الي شايف شكله غلط!!....أشوف عجبتك الوقفة هنا!!
طليت عليه بإبتسامة وقتله : انا الغلطان إلي جالس مقابل وجهك!!
وبعدين ضحكت على نفسي...لاني اكتشفت اني جالس اعيد نفس كلام البنت!!...
صالح بإستغراب: مؤيد!!.... انهبلت انت!!..
قتله : يلا امش امش!!... ولا عجبك الوقوف هنا!!
صالح بلهجة الي مغسل يده: الحمد لله والشكر!!... يلا قدامي...
مشيت معاهم وانا أعيد السيناريو الي صار بين هالة وبين البنت وانا شاق وجهي بالضحك... طفاقتها مرة عاجباني... هههههههههه الحين ذي تصير أخت زوجة صالح!!... يا سبحان الله... هذيك هادية وراكزة... لكن ذي ... ابد ما فيها من الركازة شي!!....
……………………………………

هارون..............
الجو هادي....سكوت ....ما عجبني الهدوء هذا....
سألتها وأنا عيني على الطريق: كيفك!!....
حسيت إني غبي بعد ما سألت السؤال !!.....وزاد إحساسي لما جاني ردها
صبا: بالله ما تستحي على وجهك!!....ماعندك شي تقوله لقط وجهك وأسكت!!
كبستني بردها الجاف....وأنا الغبي!!...إيش هذا السؤال انا الثاني!!
قتلها بعصبية: أحسلك أحفظي أدبك معي!!....لا تخليني اوريكي الي ما يعجبك!!
ورجع الصمت مرة ثانية.....
بعد شوية رجعت سألتها بهدوء: أكيد مرهقة بعد هذا اليوم الطويل!!...حاسة بتعب بشي!!
صبا : ولو كنت حتى حموت ما اشتكيت لك!!...فأسكت أحسن!!
شديت على الطارة بقوة من قهري منها!!....كيف أتعامل معاها!!....
قدرت إنها أكيد الحين مرهقة وتعبانة ...فضلت إني اسكت ....
ومسكت الطريق على بيت ابوها لانها صممت انها تعدي على بيت ابوها ومنه نطلع على الفندق...
ماعجبني الصمت إلي رجع بينا.... وبعدين كيف تكون صبا بجنبي وما أحاول اسمع صوتها!!....
رجعت قلتلها لكن المرة ذي انتبهت للكلام الي راح اقوله: صبا بالنسبة لموضوع السفر.... إن شاء الله ما زعلتي لاني ما رضيت انا نسافر !!
صبا بجفاء: ما يهم!!
اوف وبعدين معاها؟!...
رجعت كملت: لكن إن شاء الله راح اعوضك بالي احسن منها ... لما تتشافي قريب ان شاء الله !!
قالت من دون ما تطل علي: سوق ..سوق بس!!
قسم بالله لو احد ثاني غيرها قال لي كذا وبالطريقة الي قالتها كان اقل شي اني رميته من شباك السيارة...بس المشكلة انها صبا... فتحاملت على نفسي وبلعت كلمتها وسويت زي ما قالت ولقطت وجهي وسكت ...
بعد شوية جاني صوتها بجفاء: ممكن تقفل المكيف!!...بفتح الشباك!!...
طليت عليها بإستغراب...لكني ما علقت...
صبا : أفتحه ماني قادرة آخذ نفسي!!....
أنفجعت عليها ... وبسرعة قفلت المكيف وفتحت الشباك....
زي إلي كاتم نفسه تحت الموية وماصدق متى يوصل للسطح عشان يتنفس...
معقولة كاتمة نفسها!!...لهذه الدرجة متقرفة مني!!... ليه كل ذا!!... ليه!!
من قرفها مني حتى انا تقرفت من نفسي!!...
.........................

صبا.......
نزلت من السيارة وأنا حاسة إني مخنوقة... وجوده معي في مكان واحد يخنقني ... يتعبني... الله ياخذه وارتاح منه...
قرب مني ومسك يدي... لكني سحبتها منه بسرعة... وطليت عليه بحقد...
طلي علي وقلي بدفاع: بغيت اساعدك !! ... وبعدين بلا هذه التصرفات الغبية... اهلي وأهلك واقفين!!
قتله بإحتقار: وفر خدماتك!!... مالها داعي..إذا ما تبغى تصرفات غبية لا تحاول تلمسني لاني ...أقرف..
هارون حدة: صبا !!... أنطمي أحسلك... وخلي ليلتك تعدي على خير
قبل ما ارد عليه جانا صوت عمتي أم هارون: ليه يما واقفين... ساعد زوجتك يا هارون!!
قرب مني حيل وقال بصوت واطي وبتحدي : ها أساعدك ولا لسى متقرفة ... يا برصتي !!
طليت عليه وانا اتمنى اذبحه في اللحظة ذي وأنا أقول في قلبي: الله يشيلك ويفكني منك...
المرة ذي رفع ذيل فستاني ومن غير ما يحاول لا يمسك يدي ولا أي شي... مشيت
قدامه وأنا متضايقة.... وساعدته عمتي أم هارون.. لغاية ما دخلنا الصالة... وأستقبلتني عمتي مريم و وداد في الصالة... وساعادوني ...لغاية ما طلعت غرفتي...طبعا ما عاد ركزت هارون ورايا أو أنقلع!!...
دخلت مع عمتي مريم وداد الغرفة.....اول ما شفت الكنبة ارتميت عليها بسرعة...شوية وأصيح من الألم..
جات عمتي مريم وداد وجلسو بجنبي وكان باين عليهم القلق ....
جاني صوت عمتي مريم: صبا حبيبتي....بإيش تحسي!!
هزيت راسي بهدوء وقلت بصوت واطي: دوخة خفيفة والحين راح أهدء...
جاني صوت وداد: صبا قومي على السرير بشوفك!!
غصب عني ماقدرت غير ابتسم....
وداد بإستغراب: ليه تضحي الحين!!
رفعت راسي لها وقتلها: من اول مافتحت عيوني اليوم لغاية هذه الساعة امكن سمعت الكلمة ذي اكثر من 100 مرة!!
وداد بجدية: صبا لا تضيعي الموضوع .. بإيش حاسة!!...ولا تقوليلي دوخة....ظهرك يألمك صح!!....
تحاملت على نفسي وتسندت على يد عمتي مريم وقفت وقتلها: طول عمره يالمني!!....وبعدين شي طبيعي تحت الإجهاد هذا انه يألمني!!
في اللحظة ذي دخلت علينا عمتي ام هارون....
ولمى شافتني لسى بالفستان سألت بإستغراب: ماغيرتي!!...
قتلها: يلا الحين بغير...
وقبل ما تحرك حسيت الدنا سودت في وجي...ورجعت ارتميت على الكنبة..
جاني صوت عمتي مريم: بسم الله على بنتي!!...
كنت اسمع اصواتهم بس ما اشوفهم.... سندت راسي بيدي لاني حسيته حيطيح من مكانه....
وداد بخوف: شفتي!!....
تمالكت نفسي وقلتلها: لا شفت ولا ماشفت...مجرد دوخة خفيفة... ياحبكم لتكبير الأمور...
وداد : صبا شوفي حالتك!!....صبا ظهرك يوجعك!!...لا تكابري!!....
قلتلها بملل: يوه يا وداد....قتلك دوخة ...وخلاص راحت...
جات عمتي ام هارون ومسكت يدي بهدوء وقالت بحنية: صبا حبيبتي قومي أرتاحي ... وأنا بروح أقلهم يستنو
حطيت يدي على يدها وقتلها بخجل: مجرد دوخة يا عمة وحتروح
وداد بقلق: يا صبا لا تكابري ... قومي غيري حنوديكي المستشفى!!
مع إني كنت تعبانة حيل إلا إني قلت: لا مستشفى ولا هم يحزنون... الحين حاخذ مسكن وحرتاح
وداد بسرعة: أي مسكن يا صبا!!...كليتك ما تستحمل.. لازم نروح المستشفى
جانا صوت عمتي مريم: فاطمة(قصدها عمتي أم هارون) روحي قوليلهم إن صبا بتبات هنا اليوم... ولا حنوديها المستشفى !!
عمتي ام هارون بإنكار: بالله هذا كلام!!.... كيف يعني وزوجها إلي مستنيها تحت!!
عمتي مريم: والله قلبي قالقني عليها...خليها اليوم ... على الأقل تكون تحت عيونا...
شفت عمتي ام هارون وجهها ضرب على ألف لون ... باين عليها إنها زعلت...مالومها..مو عارفة إن كل إلي أنا أعانيه من تحت راس ولدها...
لكنها قالت بإغتضاب : حروح اكلمهم..
وقبل ما تتحرك شديت على يدها وقمت معاها وقلت بحسم: لا يا عمتي... قوليلهم الحين نازلة
طلت عليا بحنية وقالت: لا يما إنتي تعبانة.. بروح أكلمهم إنتي أرتاحي ...
أبتسمت لها وقتلها: خلاص راحت الدوخة... ... بس أعوطي دقايق أغير!!...
حطت يدها على كتفي وطبطبت عليا بحنية وباستني على راسي وطلعت
وأنا رحت آخذ لي بجامة عشان أغير..
وداد : صبا إنتي تعبانة...ماني فاهمة ليه هذا العناد!!...
طليت عليها وعلى عمتي مريم ... كان القلق باين في عيونهم...
أبتسمت لهم بحنية وقلتلها: ماهو عناد يا وداد... الله يهديكم ليه مصممين!!
جات عمتي مريم حتعترض: بس يا صبا...
مسكت يدها وقتلها بحنان: لا تخافي عليا... انا بخير يا عمة
طلت على وداد بقلة حيلة... وساعدوني في تغير الفستان ...
بعد شوية رجعت عمتي إم هارون... وأبتسمت بفرحة لما شافتني لابسة عباتي
وقالت بحب: يلا يما... مشينا...
عمتي مريم: أم هارون تعالي ...أبغاك بكلمة...
وقفو هيا وعمتي أم هارون يتكلمو بصوت واطي ..
جلست على الكرسي ... وجلست وداد جنبي ... وفظلت تطل عليا.. انا تجاهلت نظراتها ...
جاني صوتها وكان واطي: ماني فاهماكي يا صبا!!
قتلها وانا لسى مبعده نظراتي عنها: ليه!!.. إيش حصل!!
وداد: يعني طول اليوم كنتي خايفة من هذه اللحظة... وكنتي تتمني إنك ما تروحي معاه... ولما جاتك الفرصة... أصريتي إنك ترحي!!
التفت لها وقتلها: شوفي يا وداد وجه عمتي أم هارون!!... شوفي الفرحة في عيونها... حرام اكسر فرحتها بولدها... مالها دخل في إلي بيني وبين ولدها..
وداد بعدم أقتناع: هذا هو السبب!!
قتلها بزعل: وليه تقوليها كذا؟!... لا يكون شايفاني من جد ساحرة شريرة !!
وداد: ههههههه الله يقطع شيطانك ... لا يا صبا ..بس..
جاوبتها: أسمي يا وداد... بالرغم من كرهي له... إلا اني أحب اهله... وما ارضى على زعلهم!!... وخصوصا عمتي ام هارون... ما ارضى أزعلها!!
هزت راسها بهدوء وحضنتني وقالت بهمس: وقريب ان شاء الله حتحبي ولدها..
قلت بحقد:حبته جهنم الحمرا يارب
بعدتني عنها وقالت بإنكار: يا ساتر يا رب... حرام عليكي!!
قلت بقهر: طيب قفلي على السيرة....
بعد شوية جات عمتي مريم وعمتي أم هارون...
عمتي أم هارون بحنية: يلا يما...
قمت معاها ... وطلعنا من الغرفة...
تحاملت على نفسي بالقوة ونزلنا الدرج...
وكانت هالة وثريا وأمل وسراب و عمتي سلمى زوجة عمي سعود وبنتهم خلود في الصالة.. سلمت عليهم... وسلمت على عمتي مريم... إلي حظنتني وقالت وهي تبكي: صبا يما إنتبهي على نفسك... الله يسعدك يما!!...
بستها على راسها وقتلها : ابشري يا عمتي... ولا اوصيكم على ابوي... وأنتبو على أنفسكم مع السلامة ..
عمتي مريم والكل: في حفظ الله ربي يرعاكي...
وقبل ما أطلع رجعت أرتميت في حظن و وداد وما قدرت أغالب دموعي اكثر... نزلت غصب عني...
بعدتني عنها شوي ومسحت دموعي بيدها وقالت : يلا يا صبا زوجك يستنى... إنتبهي على نفسك حبيبتي... وراح أدق عليكي في مواعيد الدوا!!.. فاهمة؟!
هزيت راسي بهدوء.. وقتلهم قبلما أطلع: مع السلامة
وعند باب الفيلا كان أبوي وعمي سعود وعمي أبو هارون وأخواني وغازي واقفين وهارون الزفت واقف معاهم...
اول من جاني وحظني أبوي.. غمضت عيوني براحة... تمنيت الدنيا توقف عند هذه اللحظة... تمنيت كل هذا الي مريت فيه يكون كابوس مزعج وينتهي... وإني لو فتحت عيوني ما راح أشوف الزفت هارون قدامي...
بعدني عنه بهدوء وقالي بتأثر: أنتبهي على نفسك يا صبا
رجعت ارتميت في حظنه وأنا ابكي..
سحبني عمي سعود من حظن أبوي بهدوء وقال بعتب: وبعدين يلا يا صبا زوجك منتظر!!
طليت على أبوي وقتله وأنا احاول امس نفسي: أنتبه على نفسك يبا ...!!
أبوي بتأثر: أنتي إلي انتهي على نفسك... وأنا قتل لهارون ... وصيته عليكي... وأنتي بعد وأنا أبوك ... أهتمي بزوجك!!...
ملت وبست يده وقتله: أرضى عني يبا!!
رفعني بهدوء وباسني بحنيه وقال بتأثر:راضي عنك و الله يرضى عنك يا صبا... ويسعدك يا حبيبتي!!
سلمت على عمي سعود وأخواني وغازي... ولما جيت عند صالح... كمان ما قدرت أمسك نفسي... بكيت في حظنه...
طبطب علي بحنيه ورفع وجهي له وقال بمزح: ويع الحين إيش بيقول زوجك!!... وانتي وجهك معفوس كذا !!
قتله بقهر : ماعلي منه...
الكل: ههههههههههههه
صالح بحنيه: ماأوصيكي على نفسك وعلى زوجك يا صبا!!
بسته على كتفه وقتله بحب : أحبك يا صالح...
صالح: ههههههههههههه الحين زوجك راح يحقد علي!!...
مؤيد بإعتراض: خير خير!!..إيش معني صالح!!
التفت له وقتله حب: أحبكم كلكم ... بس صالح .. أبوي الثاني!!...
والتفت له وقتله بحب: الله لا يحرمني منكم كلكم!!
باسني صالح بحب وقال بتأثر: ولا منك يا شمعة حياتنا...
وطلنا أنا وهارون الزفت....
...............

هارون.....
وصلنا على الفندق....
طبعا كان كل شي محجوز ومترتب....وعلى طول طلعنا الجناح المخصص لنا...
وصلنا الجناح....
كان قمة في الفخامة والجمال....وكان رومنسي حيل .....ينفع لإثنين يحبو بعض مو إثنين اعداء زينا!!...على الأقل من وجهة نظر صبا !!...
التفت لها وكانت واقفة بجنبي وهيا تطل على الارض ...لسى حتى العباية ما خلعتها !!....
قتلها بهدوء: انا بطلع وراجع بعد شوي.....
وطلعت من الغرفة ...وقفت عند الباب....ماني عارف إيش أسوي
تمنيت أطلع من الفندق كله!!.....يارب!!...شي لايمكن يتحمله إنسان!!....اليوم المفروض أكون أسعد واحد....لكن الحقيقة إني أتعس إنسان!!....!!....فين حتكون السعادة بين أثنين ما اجتمعو غير على الغلط!!....وزواجهم كان مجرد تصحيح لهذا الغلط!!....لكن ليه أحس مع هذا كله إني فرحان!!....إيش هذا التناقض إلي انا فيه!!....تعيس وفرحان في نفس الوقت!!....آخرتي أنا حتجنن!!....أيش سوت فيا هذه البنت!!
مرت ربع ساعة ...وأنا واقف في مكاني.....
دخلت بعدها الجناح.....
ما شفتها ....دخلت الغرفة وأكيد قفلت على نفسها....أحسن....أصلا ما ابغى أشوف وجهها!!.....
فسخت الدقلة والثوب ورميتهم على طول يدي ورحت أخذت لي بجامة ...ولبستها وجلست على طرف كنبه عريضة بعض الشي ...كانت موجودة في الصالة.....
ومالقيت غير وأفكاري كلها متجهه لها!!...بحركة لا إرادية التفت على باب الغرفة وثبت نظري عليه....كنت زي الي يشوفها من ورا الباب!!
كنت في كل مرة اشوفها فيا احسها تاخذ جزء من تفكيري!!....لكن المرة ذي....لما شفتها بالفستان الأبيض صرت بلا عقل!!....أخذته كله!!....سحرتني
كأنها جاية من عالم ثاني!!.....او من زمن ثاني!!.....أول ما طاحت عيوني عليها
ماعاد قدرت أشوف شي أو أسمع أحد!!....ما كان في غيرها!!....صبا وبس!!
رميت نفسي على الكنبة وأنا أسترجع كل الي مر اليوم.....
ولما وصلت لقبلتي لها على جبينها ....لاشعوريا حطيت يدي على فمي وأبتسمت!!.....
كان جبينها ناعم...لكن بارد....واستمر المشهد ينعاد في راسي أكثر من مرة!!....ومازالت الأابتسامة على وجهي!!....
ليه انا أفكر فيها كذا!!.....إيش الي أنا فيه!!....ليش هذي السعادة!!....
ليه ودي الحين اروح لها!!....ما ابغى منها شي!!....
بس ابغى أتأمل وجهها!!.....مدري ليه أحس براحة غريبة كل ما شفتها!!....
كيف قدرت تملكني!!...تعلقني فيها!!....ملكتني مع إني مع تصرفاتها المفروض انفر منها!!.....لكن الي حصل العكس!!.....كل ما جا أغوص فيها أكثر وأتعلق فيها اكثر!!.....ليه!!....ماني قادر أحدد سرها!!....ليه أنا ابغاها!!....تعبتيني يا صبا !!
شهرين من ظهورك في حياتي وقلبتي كياني فوق تحت!!....
حاولت أنام لكن ماجاني نوم.....كنت أفكر فيها
بعد شوية النتبهت لباب غرفتها ينفتح....وأنتبهت لصوت خطواتها وكان باين عليها إنها تمشي بسرعة... ودخلت الحمام الله يكرمكم!!...
طولت!!....خوفتني عليها!!....رحت وقفت قدام الباب وأنا مستني طلوعها... وما تأخرت...جيت بدق الباب... وقبل ما ادق فتحت في وجهي!!
أنفجعت أول ما شافتني وارتدت لورا....و من حركتها أنا الثاني أرتديت لورا
ولما أنتبهت إنه انا أرسلت علي نظرات أحتقار وطلعت ... أنا تجاهلت نظراتها... كنت مركز على وجهها المعرق ونفسها المتسارع!!.. شكلها كانت تستفرغ!!
عدتني عشان تدخل الغرفة...لكن أنا مسكت يدها بسرعة.. وهيا سحبت نفسها مني بعصبية... وقالت: ونهايتها معاك!!...بأي لغة أفهمها لك!!... مليت من كثر ما قلتها...وانت حجر ما تفهم!!...
طنشت كلامها وسألتها بهدوء: بإيش تحسي يا صبا!!....
جاوبتني بنفور: بقرف!!...بإشمئزاز كل ما طاحت عيوني ....آآآآآآآآه
وارتدت لورا وهي ماسكة خصرها بالقوة ....لغاية ما لصقت في الجدار....
بسرعة قربت منها قلبي أنخلع من مكانها ...لا يكون نوبة الكلى!! ملت وشلتها وهيا ما قاومت...أصلا أشك إذا حست فيا !!...لانها كانت تتلوى بين يدي من كثر الألم....
حطيتها على السرير بشويش... وعلى طول رحت فتحت الشنطة إلي كان فيها أدويتها... وقربت منها.. كانت تتلوى على السرير بألم...وهي تئن بصوت يقطع قلبي :: آآآآه ...آآآآم ... يارب!!....يارب!!
أعطيتها الدوا وأخذته مني ...من دون أي تردد...
وقفت واقف في مكاني أراقف تحركاتها وتقلصات وجهها...
وماحسيت إن التوتر إلي كان ظاهر في وجهها خف وإن حركتها سكنت أطمنت... وقربت منها عشان أشوف نبضها وحرارتها... لكن هي ما خلتني ألمسها!!...مع العلم إنها كانت في حظني قبل شوي!!.. ومن يدي ذي إلي دفتها أخذت الحبوب وشربتها من دون أي أعتراض...
إيش أسويلها!!...كيف أريحها!!... كيف أفهمها إني مهتم بصحتها... كيف أوصلها إن قلبي كان حينخلع من محله لما شفت حالتها !!... ليه كل هذا النفور والبغض !!
ليه يا بنت الناس!!... ليه يا عذابي !!...
وقفت في مكاني أطل على وملامحها المنهكة... كانت تفتح عينها وتقفلها أكثر من مرة...دليل على إنها راح تدخل في النوم... ما حبيت أزعجها... قربت منها وغطيتها باللاحاف... وقفت أتأملها!!... وكل الكلام إلي قالته أمي يدور في راسي... وما لقيت نفسي غير أضحك... ههههههههههههه مسكينة يما ما تدرين بالي بيني وبينها تنهدت بقوة وغمضت عيوني وفتحتها عليها... الفراغ إلي بجنبها أغراني بإني انسدح بجنبها... ههههههههههههه والله لو سويتها بيكون هذا آخر عهدي بالحياة.. أو هههههههههههههههه ... وصرفت الفكرة عن راسي ولفيت عشان أطلع ... وقبل ما أطلع من الغرفة لفت نظري علبة حمرا كبيرة عريضة إرتفاعها حوالي 4 سانتي ملفوفة بشريطة حمراء لماعة... محطوطه على الطاولة وانتبهت لحرف الH إلي كان مرسوم بالخط الأسود الكبير.. قربت أكثر ورفعت العلبه في يدي وأنا اتأملها...
والتفت بسرعة على صبا... وتذكرت حركة الشريط إلي ارسلته مع سراب... المرة هذيك كان شريط يا صبا!!... المرة ذي إيش!!
أخذت العلبة وطفيت النور وطلعت من الغرفة.... ورميت العلبة على طول يدي
لانه ما راح يكون فيها غير شي يهز بدني ...
وأرتميت على الكنبة ... زي القتيل...وصبا هيا سيدة أحلامي ... وكوابيسي في نفس الوقت ..

ما بغى يخلص

تعليقاتكم وتوقعاتكم

باك
.............................. .......
عقل الطبيب ام قلب الحبيب
الجزء الخامس..
..............

مشكوره يالغلا

اعجبتني الروايه مرره واتمنى اعرف ايش صار فيها ؟
تسلمين ياعسل على هذا المجهود الروايه مره طويله اكيد تعبتي و انتي تكتبي

	#12
الا ليت الزمن يرجع	رد: رواية نصف عذراء في أحضان المجهول كاملة رواية نصف عذراء في أحضان المجهول كاملة انا موجودة عندي كاملة وعلى الورود كمان بس ابي ردود علشان ارفع الموضوع

	#14
كوكب الشرق2	رد: رواية نصف عذراء في أحضان المجهول كاملة رواية نصف عذراء في أحضان المجهول كاملة مشكوره يالغلا

	#15
ضحكه	رد: رواية نصف عذراء في أحضان المجهول كاملة رواية نصف عذراء في أحضان المجهول كاملة اعجبتني الروايه مرره واتمنى اعرف ايش صار فيها ؟ تسلمين ياعسل على هذا المجهود الروايه مره طويله اكيد تعبتي و انتي تكتبي

أدوات الموضوع
مشاهدة صفحة طباعة الموضوع أرسل هذا الموضوع إلى صديق