حب في الجمس !!!

بسم الله الرحمن الرحيم

صباح / مساء الخيرات
v
v
v
v

الجزء الاول
ادري البعد اثر فيك وتدري البعد ذابحني
حبيبي الله يخليك ابي ترجع تريحني
عشان الحب واللي بيني وبينك
>>>>
اغنيه اهدتها ساره لنواف
وخلونا مع بدايتهم عشان نفهم قصد ساره
ساره ونواف عيال عم وكانو بصغرهم يختلفون..يضحكون ويلعبون وافكارهم بريئه دارت عليهم اقدار الدنيا وفرقتهم 15سنه وكان سبب هالفراق خلاف عائلي على الميراث عقب وفاة الجد
وبهال15 سنه
صارت احداث كثيره ومنها وفاة الاخوان ابوساره وابونواف
..
بيوم من الايام وفي احد المجمعات نواف ينادي وحده بصوت عالي : يا أم ساره
ام ساره خافت امسكت بساره وشهد بس ساره التفت على نواف وطالعته بنظره ((مشبهه عليه وين شايفته)) تذكرت وقالت لأمها وهي مصدومه : ماما هذا نواف ولد عمي

التفت ام ساره ودمعتها بعينها : نواف بسم الله عليك كبرت ماعرفتك ماشاءالله صرت رجال
نواف: اشلونك ياخالتي حتى البنات تغيرو ماشاء الله وكبرو وكان يناظر بساره وساره من الخجل نزلت عينها ...
ام ساره:
بشرني عن خواتك وامك اشلونهم واخذو ارقام بعض ومشى كل واحد بطريقه
...
بدت اول زياره من ام ساره لأم نواف وام ساره جايه لحالها لأن ساره وشهد كان عندهم اختبارات
خوات نواف غلا وفرح وجود يقولون لمرت عمهم : ليش ماجبتي البنات خاطرنا نشوفهم والله وحشونا وبالصدفه كانت حاطه صور لساره وشهد في بوكها
قامو خوات نواف يطالعونهم ويصارخون واللي تبكي واللي تذكر ربها على جمال ساره وشهد المهم ان فرح قالت : خالتي عادي اخليهم عندي
ام ساره: خذيهم لك
حطتهم فرح براويز وخلتهم بغرفتها ..
من بكره جاي نواف تعبان مرره من العمل لأن دوامه بالجبيل بشركة الوليد وهوساكن بالخبر..
دخل البيت معصب يصرخ :مليت من الطريق يعور الراس من الحفريات..ضحكت فرح عليه ودخلت غرفتها
جلس نواف مع امه: يمه حبيبتي متى اخلص من بلوتي مليت امه تقوله مابقى شي >> ياترى شنو هالبلوه اللي يتكلم عنها نواف !!!
..ام نواف تسولف: امس مرت عمك جابت صور بناتها ولاله الا الله اقمار آيات بسم الله عليهم حسافة ساره ماخذناها لك ..

نواف انصدم ان امه فكرت بساره زوجه له بس ليش ام نواف قالت حسافة ساره ماخذناها لك ليش ماقالت اشرايك بساره عشان اخطبها لك؟
نواف قام من عند امه متضايق ولحق فرح دخل عندها لقاها جالسه على اللاب توب ومشغله اغنية اميرة الورد حق محمد عبده ..
كانت فرح مجنونته وتسمع اغانيه كثير سألها نواف عن صورة ساره وشهد
قامت فرح وهي تغني وعطت نواف صور بنات عمه وصرخت وهي تغني : اميرة الورد ليه الورد مفتونك
طالعها نواف وضحك ههههههه والله انك مجنونه
جلس يطالع بصورة ساره وسرح بعيونها وانسحر وانبهر بجمالها الاسيوي اسحبت فرح الصوره لما شافته متنح وعطته صورة شهد وابتسم وطلع وجهه كان مصفوق انسدح على سريره وصورة ساره وجمالها وصوفها بدت تنرسم له قدام عيونه لونها البرونزي وشعرها الاسود طويل وناعم وشفايفها المليانه وعيونها السود اللي سرح فيهم وحس بشي غريب مو بس سرح تذكر صورتها يوم شافها وكأن عيونها تنطق وتناديه نواف تعوذ من ابليس وقلب على جنبه الثاني ونام
بس ليش سوى كيذا ؟؟؟
ومن بكره وهو طالع من غرفته بيروح الدوام لقى غرفة فرح مفتوحه وكأن ساره صحيح تناديه ومن غير مايحس لقا نفسه اخذ الصوره وراح الدوام
وبطريقه للدوام اللي كان دايم يشتكي منه ومن الحفريات كان يمشي بطيء وحاط صورة ساره قدامه ويمشي ..
وصل الدوام متأخر واخذله هوشه عالصبح من المسؤل بس كانت حلوه على قلبه اول مره كان ماهو مع احد باله مشغول باللي بجيبه ..!!
دخل المكتب والفراش متعود من نواف اول مايوصل مايصحصحه غير القهوه بس هالمره نواف داخل من غير سلام ويه من غير لون
الشباب اللي معاه : اشفيك يانواف يالله صباح خير.. قالهم : خير خير وطلع صورة ساره وفتح الجريده وحط الصوره عشان تصير له عذر بأنشغاله عنهم ..
قام واحد من الشباب يعلق: لالا الشمس من وين طالعه اشفيهم الناس من عرفتهم ماقرو جريده شكلهم خسرانين بالاسهم والا ينطرون اعلان خبر زفافهم
لما سمع نواف زميله يقول عن الزواج طلع وجلس بسيارته ودموعه نزلت من غير مايحس
صار يقول لنفسه لو اني صابر شهر شهر بس
( شسالفه ليش نواف يصيح وعلى شنو يصبر !! )
مسح دموعه ورجع المكتب وخلى كل شغله لبكره وجلس يقلب بجواله وشاف رقم ساره قلبه نطق وقال لالا مو معقوله ان هذي البنت صارت شغله الشاغل مسح اسمها وكتب اميرة الورد واول ماضغط موافق دق جواله والاسم زوجة المستقبل رد نواف : هلا دانه
خطيبته: نواف حبيبي وينك مادقيت علي الصبح ماتعودت اصحى من غيرك
نواف بداخله: انا ويني وشنو اللي قاعد يصير انا نسيت ان ملكتي عقب اسبوعين
دانه: نواف نواف!!!
نواف: أأا مشغول انا بالدوام اكلمك بعدين
نواف ملكته بعد فتره بسيطه هذي البلوه اللي كان يحاتيهاواللي خلى يتعوذ من ابليس وهونفس السبب اللي خلى امه تتحسف على ساره

~~~~~~~~~~~~~~~~~~~~~~~~~~~~~~ ~~~~~~~~~~~~
الجزء الثاني

رجع نواف البيت ودخل من غير سلام البيت مليان اليوم الاربعاء الداريه فبيتهم خواته جود وغلا وعيالهم عندهم اول مادخل : راحت عليك ساره هههههههه خواته يقولون له بمزحه بس اهو خذاها بقلبه من جد لأن حبها وزوجته مابيتزوجها عن حب بس لانه اشتغل وكون نفسه

نواف (عمره 25) شخصيته قويه وهو رجال البيت من عقب وفاة ابوه وامه تعتمد عليه بكل شي.. وسيم يملك ملامح رجوليه حاده ابيض شعره اسود ناعم يملك عيون عسليه وساع وغمازه بحنكه كانو البنات يضايقونه وفكر بالاستقرار بس كأنه بدا يتراجع عن هالشي لأن شاف بساره نصه الثاني ..

راح غرفته وجلس يعيد حساباته ويفكر اشلون يتخلص من المصيبه اللي صارت بحياته فجأه دخلت عليه فرح المرجوجه : حبيبي نواف اختك فروحه ماعندها رصيد عطني جوالك ابغى ارسل لساره بنت عمي رساله
نواف عطاها الجوال : كتبي وعن الرجه اثقلي اشوي
فرح: بنت عمي موغريبه وكتبت ((سارونه حبيبتي انا فرح لازم تجون عندنا اليوم كلنا متجمعين ونبي نشوفكم وبكره اجازه لاتعذرين )) انتظرت فرح رد ساره وماردت
قالت فرح: نواف بليز بليز اول ماترد ساره عالمسج قولي طيب
نواف: اوكي خلاص اطلعي ازعجتيني
ساره كانت تتغدا لما خلصت دخلت غرفتها وشافت المسج فرحت كثير وردت عالمسج
((من عيوني حبيبتي بعطي امي خبر بس قوليلي هذا رقمك ؟؟))
نواف كان ينتظر رد ساره على احر من الجمر واخذها فرصه عشان يكون رابط صله مع ساره فأضطر انه يكذب ورد على مسج ساره ((ايوه حبيبتي هذا رقمي وانتظر ردك لازم تجون وحشتيني موت))
ساره لما خبرت امها ..
ام ساره: طيب بنروح بس اكشخو لبنات عمكم من زمان مو شايفينكم
احتارت ساره شنو تلبس واخذت راي اختها شهد
ساره: شهود ايش رايك البس تنورتي الجينز ؟
شهد: ساره انتي صاحيه تلبسي تنوره جينز وقصيره بعد لالا انتي تعرفين ان نواف يمكن يقعد معانا البسي فستانك البنفسجي الجبنيز اللي معاه حزام ابيض تحت الصدر استر لك اشوي من التنوره القصيره
لبست ساره وسوت شعرها كيرلي وغطت عالقمر بجمالها
ولبست شهد جينز وبلوزه ..

في بيت ام نواف...
استقبلوهم بدموع وشوق وكانت لحظة اللقا تصيح وتعور القلب
شهد اخت ساره عمرها (18سنه)وفرح بقد شهد انبسطو على بعض
غلا اخت نواف الكبيره(28سنه) تقول: كم عمرك الحين سارونه
ساره: عمري(21سنه)
غلا : بسم الله عليك على هالجمال مانخطبتي
حست غلا من تقلب وجه ساره انها غلطت
تدخلت ام ساره : ماعليك منها جوها خطاطيب الدنيا كثير وترفض تقول انها صغيره تبغى تعيش حياتها

دخل نواف من برا وكان جايب معاه ورد عشان هالمناسبه الحلوه زيارة بنات عمه لهم وجلس معاهم
وسلم عليهم وانبهر بجمال ساره وصارت عيونه تلاحقها وتلقط كل تصرفاتها انجن على شي لاحظه وصار مطلبه عيون ساره لما تضحك وتبسم تصير مثل الهلالات وتزيد من جمالها
صار نواف يتعمد يقول اشياء وسوالف عشان تضحك
صار يتحرش بفرح : انتي متى آخر مره شفتي وجهك بالمرايه
فرح: قبل لايجون بنات عمي كشخت لهم
نواف: مصدقه نفسك كاشخه خرعتيهم بكشتك..
تدخلت ساره وقالت لفرح : ماعليك شعرك يهبل غيران منك
والتفت لنواف: نواف حرام عليك احرجتها
ردت عليه فرح: هذول اللي يعرفون الذوق مو انت اصلا حاصلك شعري بس ارفع جينزك اللويست مطلع سروالك كله لا وكاشخ يعني
...ضحك بخجل وساره بضحكتها علقت قلب نواف غصب صار يضحكها ولو مالقى له سالفه رجع لأمه: الله يايمه شهالفستان يوه تصدقين ابياضك وشعرك القصير وفستانك ذكرتيني بشخص عزيز علي
امه: ومنهو ياوليدي..

نواف: هايدي
فرح وشهد كانو يشربون عصير انثروه من الضحك على تشبيه نواف
وساره بجمال عيونها نست نواف احترام امه قدامهم ..

وحطو العشا والكل جلس عالطاوله ونواف بالصدفه صار مقابل ساره الرجال ماقدر يتحمل جمالها تدبست عيونه عليها ساره وقتها حست بنظراته وبدت تتضايق من خجلها وماقدرت تاكل براحه اما نواف انبهاره بجمالها كان اكبر من انه ينزل راسه ولما تحط عيونها بعيونه تشوف اللهفه تاكلها
فرح لاحظت هالشي قامت : الحمد الله شبعت نظرات
كح كح>>> نواف شرق من كلمة فرح وطالعها
فرح: اشوي اشوي عيونك لاتطلع
استحى نواف وسلم عليهم وقال لهم تصبحون على خير واستأذنهم عشان ينام ...

~~~~~~~~~~~~~~~~~~~~~~~~~~~~~~ ~~~~~~~~~~~~
الجزء الثالث

رجعت ساره واهلها البيت
شهد قامت تمدح بخفة دم نواف
وساره اسرحت ومر عليها شريط بحركات نواف كلها من اول ماشافها
رن جوال ساره
((بعيونها شفت العنا قامت تناديني انا لبيت .. فجأه التقى شوق بشوق احساس يسري في العروق حسيت قلبي ذا يتوه حبيت .. فيها لقيت أحلى الوصوف
والحب أعمى مايشوف))
الرقم رقم فرح بس المسج غريب وذكرها بنواف !!!
اتصلت ساره على فرح بس لقت انتظار وارسلت (( اذا خلصتي ياحلوه كلميني ))

نواف لما شاف ان ساره اتصلت وارسلت مسج توهق وماعرف شيسوي حاول يرقع الموقف اللي يمر فيه قام ارسل مسج يضيعها (( ساره اسفه هذا آخر رصيدي وبنام الحين واذا شحنت بكره راح اكلمك تصبحين على خير ياعسل ))
وصل المسج لساره وضحكت بسخريه
وراحت عند شهد: شهوده خذيتي رقم فروحه
شهد: ايوه
ساره: عطيني اياه
شهد تقول الرقم وساره تكتبه وهي تضحك..
ردت ساره على مسج نواف
(( اوكي حياتي نوم العوافي لاتنسين تتحلمين فيني : ) ))

وصل المسج لنواف وداخ حس الارض مو شايلته من السعاده
نام وماحس بنفسه ونسى ان بكره خميس ولازم يطلع مع دانه

صحى من النوم بصوت امه : يانواف قوم تأخرت عالبنت خليها تخلص شغلها ماباقي شي
صحى المسكين معكر مزاجه وتسبح ولبس ثوبه وطلع ومر على دانه
وهو معاها طول الوقت سرحان وباله مع ساره
دانه: نواف اشفيك حبيبي مانت رايق
نواف: لاعادي بس توني صاحي وماشربت قهوتي
دانه: خلينا نزل ستار بكس واشرب قهوتك ومنها نسولف مع بعض

في ستار بوكس
طلب قهوته وجلست دانه قباله مسك جواله ونزل عينه : اشلونك يادانه
وهو فاتح رسالة ساره ويعيد ويزيد فيها قراها اكثر من مره

بهالوقت ساره كانت طالعه مع صديقاتها وتذكرت نواف ونظراته
قررت انها ترسل
(( مساءالخير فروحه كيفك اليوم شكلك نسيتيني وماتبين تدقين ))

وصل المسج لنواف
وتغيرت ملامح وجهه قدام دانه وشرب القهوه وهي حاره وحرقته
دانه: اشفيك اختبصت ..
نواف: لالامافي شي بس مسحت شي مهم
ارسل لها (( وحشتيني موت مارحتي من بالي لحظه )) لماقرت ساره المسج ابتسمت

نواف يبي الوقت يمر بسرعه عشان يبي يتفرغ لساره خلاص مو قادر يتحمل لحظه من غيرها ويبي يعترف لها بحبه بأي طريقه
خلص من مشواره مع دانه ورجع البيت ومسك جواله ومن حبه اللي بدا يزيد بكل لحظه
قر يرسل لها لين تحس وتعرف انه هو
****************************** ******
رسل لها مسج
((لعبة الصراحه
1-شنو شعورك اذا فقدتني
2-اغنيه تهدينها لي
3-اسمي بجوالك
4-صفه ماتعجبك فيني
5-صفه تعجبك فيني
6-اكثر شي يعجبك بشكلي
7-شي ودك تقوله
8-شي يربطني فيك))
فتحت ساره المسج وردت على كل سؤال بصراحه عن احساسها بنواف وبنفس الوقت كان نواف يجاوب الاسئله عشان يرسلها لساره وبنفس الوقت ارسلو الرد
****************************** *****
وارسلت ساره لنواف
((1- ماصدقت القاك عشان افقدك
2- هلي -راشدالماجد
3- نواف
4- موصريح
5- خفة دمك
6- نظرات عيونك- وغمازتك اللي بحنك
7- ليش اوهمتني انك فرح
8- الدم))
****************************** *******
وارسل نواف لها
((1- ماعتقد بيكون عندي احساس
2- مشكلتي-زايدالزيد
3- اميرة الورد
4- كلك تعجبيني
5- جاذبيتك
6- جمالك ورسمت شفايفك وانتي تضحكين وعيونك

7- احبك
8- الدم واللحم))
انصدم نواف من رد ساره وخصوصا لأنها عرفت انه اهو مش فرح وحس بماي حار ينكب عليه وانه تمادى واكيد انه طاح من عينها
****************************** ******
تفاجأت ساره من جرأة نواف بالرد عالاسئله وقالت بقلبها هذا الرجال بوعيه والا مجنون وقفلت جوالها
وحب نواف يتصل ويعتذر لها بس خطها مقفل
تحسف عاللي سواه وجلس يقول انا غبي اني اسوي هالشي ليش ماصارحتها من البدايه وليه اساسا اسوي كيذا وانا باقي اسبوعين على زواجي البنت مو من نصيبي انا صحيح مصختهاكثير ونسيت نفسي
...................
ساره راحت جلست مع امها وشهد عند التلفزيون

شهد شافت فستان عجبها: ماما متى نسوي فساتين عشان ملكت نواف
ام ساره: خلاص جهزو نفسكم نروح السوق تختارون اللي تبون

عصبت ساره من تصرف نواف وقالت بقلبها لازم اعرف اشلون حبني ومابقى على زواجه شي
راحت ساره غرفتها وفتحت جوالها وكتبت مسج ((نواف بسألك سؤال اتمنى انك تجاوبني بصراحه.. ليش قاعد تراسلني وعلى قولتك حبيتني وانت على وجه زواج ممكن اعرف كل شي وبالتفصيل))

وصل المسج لنواف قال لازم ابر لها واعترف وافتح قلبي وكتب مسج
(( سامحيني اعترف بغلطي وادري تماديت معاك اسف بس بقولك شي انا مابتزوج دانه عن حب او معرفه سابقه خذيتها مثل اي واحد يبي يستقر ويكون عايله بس ياريتني ماستعجلت عقب ماشفتك حسيتك نصي الثاني شفت فيك كل المواصفات اللي اتمناها .. اشوفك بكل لحظه قدامي .. ساره ياريت تحسين بموقفي انا حبيتك من اول ماشفتك حسيتك تناديني ولاتحرميني منك ))

واول ماقرت ساره المسج حست فيه وبضيقته
وقالت بنفسها: آه ياقلبي لو بيدي راحتك ريحتك
تسكرالموضوع لين قبل الزواج بيومين اليوم الثلاثه والزواج يوم الخميس
ساره وبنات عمها تجمعو مره ثاينه وفي بيت ام ساره ودارت بينهم سوالف عن زواج نواف
ام نواف: تدرين يام ساره ان نواف يقولي انه مايبي زواج والملكه اهي حفلته حق الزواج مره وحده
مايبي عرس الله يهديه مادري ليه مو مبسوط بهالزيجه مع اني وربي ماغصبته كان اختياره واستخار
ام ساره: بسم الله عليه وشفيه مو مرتاح لالا تقولين عنه كيذا تلقينه يحاتيكم بس انتي وفرح والزواج جديد عليه وكل شاب بمكانه يفكر ويخاف
ساره تسمع وقلبها على نواف لأنها تدري انه يحبها ومابيدها تسوي شي غير انها تعلقت فيه وحبته وماتقدر تقوله لأنه بيتزوج عقب يومين

~~~~~~~~~~~~~~~~~~~~~~~~~~~~~~ ~~~~~~~~~~~~