 |
  |
|
|
|
02-01-2011, 03:24 AM
|
#1 |
|
:: كاتبة مقتدره :: |
يابكريه لاتخافي من الولاده تعالي احكي لك
السلام عليكم ورحمة الله وبركاته
ومساكم وصبحكم الله بالخير جميعاً .. أخواتي الحوامل (واخص بالذكر كل بكريه حامل) أول شي أفرحي لأنك حامل وغيرك الكثير الكثير يتمنى يموت بس انه يحمل ويشيل ضناه بين يده والحمدلله ياربي لا انتي أول ولا أخر وحده بتحمل وتولد .. والله يابنات انها تساهيل من رب العباد وربي عمره ماخلى عباده ونساهم .. وربي ارحم الراحمين بخلقه .. يمكن اللي يوتر الا الاكيد ان اللي يوتر اي حامل وخاصه البكريات هو كلام الناس حبيباتي .. ونصيحه من أخت بكريه ولدت قبل30 يوم بس والله اني متكله على ربي100% وكنت في كل صلاه ادعي ربي (يارب سهل عليّ الحمل والولاده وعلى كل مسلمه) ومن دخلت الشهر التاسع كل يوم7حبات تمر اول ماأقوم الصباح وكانت هذي نصيحة دكتوره قالتها لي بس عاد انتبهوا اذا كان عندكم سكر استشيروا الدكتوره طبعاً هالشي مذكور بالقرآن لما مريم جاها المخاض(اعراض الولاده) انها تهز جزع النخله وتاكل ثاني شي المشي حبيبتي لأنها يساعدك بس لا ترهقين نفسك أبد أول ماتعبين ارتاحي على طول.. طبعا أنا وعشان اني بكريه أخذت يومين من العاشر وفي بكريات اسبوع وهذا شي طبيعي جداً جداً جداً .. وللحديث بقيه .. انتبهي تاخذين قرفه واعشاب ومدري ايش مع الولاده.. لأن مو الكل يناسبهم .. ترى في ناس يقفل الرحم عندها وهالشي صار مع وحده من قريباتي لكن انتي من تدخلين التاسع خذي لك مويه واقري فيها .. واشربي وامسحي على بطنك سوي بحث بقوقل واكتبي ادعيه لتسهي الولاده كمان سورة الزلزله <=وربي يابنات قالتها لنا استاذه واحنا ثالث ثانوي يعني قبل5 سنين وبالفعل حتى وانا اولد كنت اقراها بيني وبين نفسي وبعدين يالبكريه ماعليك من الناس اللي تصيح وقت الولاده ترى البكا ياخذ جهد منك زياده تدرين ليه الوحده تصيح وتصارخ بصوت عالي؟؟؟؟ لأنها تقوم بجهدين (الولاده+الصياح) فيزيد التعب لكن لو كان جهد واحد( الولاده) تعب أقل بكثير<=وعن تجربه شخصيه وأهم شي بعد حبيبتي طريقة التنفس أثناء الولاده تسهل عليك مره طبعاً ماأعرف أصيغ كتابة الطريق صح لكن ابحثي بقوقل عن طريقة التنفس اثناء الولاده وعلى فكره حبيباتي الحمدلله تراني ماأخذت ابرة الظهر مع اني من دخلت وانا بس اقول عطوني اياها عطوني اياها قبل يجي الألم اللي مره من كثر ماسمع كلام الناس والقيل والقال بس وربي يابنات رحمه لي من رب العباد ان ربي ماأردا اني أخذها ابد صح انها راحه وقت الولاده لكن تعبها بعدين انا شفت أختي اللي اكبر مني وقعدنا نقارن بين ولادتي ولادتها وكلنا بكريات هي أخذتها وأنا لا ف هي حست بأثارها بعد الولاده يعني ظهرها عورها راسها<=وهالشي طبيعي للي تاخذ الابره انا لا ماأخذتها والسبب طبعاً جيت المتشفى بعد مانزل علي مويه وماكنت حاسه بأي ألم بس مويه طعاً يعني بحكم اني بكريه حسيت بإرتباك يوم شفت المويه بس أول شي سويته سميت على نفسي والحمدلله كان شي عادي ماأنفجعت ولاشي جداً عادي رحت أخذت لي حمام دافي ودقيت على زوجي ( لأني ذاك اليوم سهرانه عند اهلي) وجا وأخذت أمي ورحت للمستشفى دخلت غرفة الكشف شفت عالم تصيح توترت شوي بعدين قلت وش عليّ في صياحهم وطنشت وقعدت أدعي ربي يسهل علي وعلى كل حامل .. اي وحده تدخل يعطونها لبس تلبسه لبست اللبس عادي وانسدحت على سرير .. قاسوا الضغط وشافوا نبض الجنين الحمدلله تمام و بعدها جت ممرضه بتشوف كم فتح الرحم؟ طبعاً ماكنت أعرف كيف يكشفون؟ الطريقه / تلبس قلافز(جونتي) وتحط فيه ماده لزجه تساعدها تدخل يدها من تحت طبعاً مو شي جديد يدخل شي من تحت هي بتدخل اصبعين بس عاد ماشاء الله يالحامل دخل اللي أكبر من الاصبعين ف عادي مو شي جديد عليك^_^ المهم أنا كان فاتح تقريباً 2ونص وانا من عرفت انه فتح وانا اطلب الابره قالت مو هنا تاخذينها فوق غرفة الولاده المهم قالوا انتظري لين يفتح الرحم اكثر انتظرت بعدها كشفت وصلت لين 5 سم طلعت غرفة الولاده وبدى مغص عندي اسفل البطن صح يعور بس مو مره زي مغص البرد على فكره بغرفة الكشف بيعطونك مغذي طلعت الغرفه فوق عادي سرير لك واشياء لأستقبال النونو سرير ومدري ايش قعدت فوق بغرفة الولاده(ومعاي الوالده الله لايحرمني منها امين يارب العالمين) و جات تكشف كم فتح الرحم قالت صار 9ونص ومابقى شي على 10سم لأن اذا وصل10سم خلاص ولاده قلت والابره حقة الظهر قالت الممرضه خلاص فتح الرحم9ونص احمدي ربك ماتحتاجينها وما انصحك فيها طبعاً يوم يوم طلعت فوق غرفة الولاده عطتني اكسجين تقول هذا عشان البيبي واكسجين ثاني قالت اذا شد المغص معك مره وماتحملتي الألم خذي من الاكجسن الثاني بيخدرك شوي طبعاً بتحسين زي الدايخه عادي حطوا لي جهاز يقيس الضغط جهاز نبض الجنين بعدها قلت يادكتوره ابغى الحما ام مرره تحسين انك ودك بالحمام قالت الدكتوره هذي الولاده تحسين انك غصب ودك تتبولين (الله يكرمكم) شي يدفع مو بكيفك قالت يالله ادفعي الحين هذا الطفل يدفع وادفع بكل قوتي قالت كل ماحسيت بهالشي(انك تبغين الحمام يعني الله يكرمكم)ادفعي بس انتبهي خلي رجلك مفتوحه عشان راس البيبي طبعاً قبل كل مره بتحسين فيها انك تبغين الحمام(يعني قصدي البيبي يدفع) بيجيك مغص وكل ماحسيتي بدفع البيبي ادفعي بعدين بيجيك وقت راحه لامغص ولادفع طفل هنا فرصه لك تخذين نفس عشان ترتاحين يعي بتصير .. مغص(الطلق)=> =>دفع البيبي (كأنك تبغين الحمام) مع دفعك معاه=>خذي لك نفس طبعاً هاللحظه حاولي ماتصرخين عشان جهدك مايضيع خليه للدفع مع البيبي عشان تولدين بسرعه وحاولي تدعين ربي باللي نفسك فيه وانه يسهل عليك ولاتنسين سورة الزلزله على فكره نسيت اقول لك حبيبتي البكريه) ترى فيه تخدير موضعي بيعطونه لك من تحت وبيسون توسعه يساعدونك عشان راس البيبي طبعاً وهم يفتحون عشان يوسعون ماتحسين بشي أبد أبد لأنك مخدره موضعي المهم بعد كذا بتشوفين الدكتوره تقول لك ( مبروك طلع البيبي) ^_^ وللحديث بقيه مواضيع ذات صلة |
|
02-01-2011, 03:25 AM
|
#2 |
|
|
رد: يابكريه لاتخافي من الولاده تعالي احكي لك
بخصوص المشي مالي وقت محدد أحيان في بيتي أمشي
بس قالت الدكتوره لاتمشين اكثر من ساعه متواصله احيان امشي10دقايق وارتاح احيان ربع ساعه يعني باللي أقدر عليه وقالت لي بعد امشي من تدخلين السابع .. بس استشيري دكتورتك قبل لأن هي أدرى بوضعك وحالة الجنين وبخصوص ان المشي مايسرع الولاده مو صحيح نكمل سوآآلف ياحبيباتي الحوامل البكريات والحوامل للمرات الثانيه والثالثه والعاشره^_^ ولدتي والحمدلله شفتي النونو بخير وعافيه الحين الدكتوره بتسوي مساج لبطنك عشان تطلع المشيميه وال و و و .. يعني البواقي الله يعزكم ويكرمكم وترتاحين شوي.. بعدين دور الخياطه عشان التوسعه وانتي طبعاً مخدره من قبل وهنا في شي بيرفعون رجلك عليه تصير زي شكل ثمانيه عشان يخيطون صح بس وقت الولاده انتي ترفعينها شكل ثمانيه راح يعطونك قبل الخياطه تخدير مره ثانيه ويخيطون .. طبعاً بتقول لك الدكتوره لازم تتشطفين بمويه دافيه وملح الايام القادمه الحين أحلى وأجمل اللحظآآت .. تنزلين من على السرير وتقعدين على كرسي متحرك ويحطون طفلك عليك وينزلونك على غرفتك وترتاحين تحسين قسمن بالله انك اكشخ وحده وانتي تمشين طالعه من قسم الولاده وطفلك بين يدك احساس غير ورب البيت تحسين انك شايله ألماس وذهب بين يدك ودك تقولين لكل اللي تشوفينهم ياناس ترى هذا طفلي يعني احساس مستحيل اووصفه للحديث بقية نرجع ونكمل حبيباتي.. ولدتي ونزلتي تحت .. بياخذون طفلك يروشونه ويجيبونه لك .. بتقول لك الدكتوره بعد ماتروحين غرفتك بعد الولاده ادخلي الحمام عشان تفرغين المثانه طبعاً لاتخافين بينزل عليك دم كثير أثناء دخولك الحمام شي طبيعي لأن هذي بقايا طبعاً هم بيشيكون عليك هل كمية الدم زايده عن المعقول عشان يتأكدون انه مو نزيف طبعاً الايام الأول الدم بيكون كثير شي طبيعي وعادي جداً .. وبعد اسبوع والا اسبوعين تبدى تقل كمية الدم وشي ثاني كمان ياحبيباتي مهم مرره مرره جهزي شنطتك قبل توليدين بفتره كافيه حطي فيها ملابس لك(داخليه وخارجيه ،فوط مابعد الولاده ،حفاظات للصدر عشان اذا نزل حليب ماتنحاس ملابسك،أدوات النظافه شامبو وصابون فرشه معجون مشط ..الخ) ومرهم اسمه (ريالوكين) ركزي على كلمة مرهم لأن فيه من جل وبخاخ خذي الكريم أنتي وأدهني الفوطه قبل تلبسينها تخدرك عشان ألم الخياطه بعد مايروح تأثير البنج.. خذي لك 3 والا 4 علب مرهم عشان مايخلص عليك كل ماغيرتي الفوطه حطي فيه من المرهم عشان يخدرك ويخف الألم عليك وكمان لاتجلسين أبد خليك منسدحه والا منسدحه ورافعه ظهرك شوي وامشي امشي امشي .. بس مو بعد الولاده على طول بعدها بساعات امشي بغرفتك و بشويش مرره لاتسرعين بس عشان يتحرك الدم بجسمك وهالشي زين للخياطه يكفي تمشين 5دقايق والا اقل باللي تقدرين عليه وللحديث بقيه |
|
02-01-2011, 03:36 AM
|
#3 |
|
|
رد: يابكريه لاتخافي من الولاده تعالي احكي لك
ونكمل سوآلفنا ..
طبعاً بين فتره وفتره بيقيسون حرارتك وضغطتك عشان يتطمنون عليك وبيسألونك الطفل تبرز وإلا لا<=يتأكدون إن اعضاءه شغاله .. وبيسألونك نفس السؤال عشان يتأكدون ان وضعك تمام بيجي دكتور والا دكتوره بيشيكون على سلامة طفلك .. كل شي تمام يومين تقريباً تنزلين على البيت ^_^ ولدتي بالسلامه .. صار عندك نونو زي العسل ربي يخليه لك يارب .. في بنات ماشاء الله على طول ينزل حليب منها وبنات لا .. طيب كيف ..؟ وليه مانزل حليب؟؟؟ أول شي لازم تحاولين ترضعين طفلك حتى لو مافي حليب وانت ساعديه يرضع في البدايه مابينزل حليب معاه .. لكن مع التكرار سبحان الله ينزل وياهلا وغلا فيكم حبايبي الحوآمل . همسه أحب أهمس فيها بإذن كل حامل وخصوصاً البكريات .. خلال فترات حملك راح تسمعين الكثير من القيل والقال واللي بعضها ممكن يوتر لك اعصابك .. ومنها على سبيل المثال @ يالله .. وش ذا؟ بطنك صغير؟؟ @ ما انصحك بإبرة الظهر ترى تجيب الشل .. <= والحقيقه انه ليس لها علاقه بالشل لأني قبل ماأولد بحثت بالموضوع كثير ومالقيت اللي يثبت ذلك غير بربرة وهذرة الحريم @ الله يعينك لو انا مكانك أولد قيصري @اشربي قرفه كثير @فلانه ولدت وانتي لسى؟ @ كل شوي يسألونك أنتي في اي شهر ومتى بتولدين؟ وغيره هالأمور والبربره كثير اللي توتر الحامل وهي خلقه مو ناقصه توتر شوفي حبيبتي .. بقول لك شي .. حطي اذن من طين واذن من عجين ودخلي من هالاذن وطلعي من الثانيه ترى الحريم مو سوى وفيه ناس تبالغ بالحكي خصوصاً بسالفة الولاده يعني بالله عليكم لو هم صادقين ليه الوحده تحمل مره واثنين وثلاثه؟؟؟؟؟؟ انا ماأقول بتولدين وانتي تضحكين . بس ترى في ناس تبالغ مرره اتكلي على ربك ..واستانسي تراك بتصرين ام ونكمل سوآلفنآآ .. ويالله جيبوا القهوه يابنات قصدي حليب أحسن لكم يالحوامل هههههههههه المهم ياحواملنا عموماً والبكريات خصوصاً .. حبيت أقول لك ان الحريم مو سوى .. وأعراض الولاده مو شرط تجيك بنفس الترتيب اللي جا غيرك .. ممكن الطلق (المغص) أول الاعراض .. ممكن المويه قبل .. عاد الناس تختلف .. لكن بقول لك 3 أشياء اذا شفتيها اتكلي على الله و روحي المستشفى .. 1/إفرازات مهبلية مخاطية ممزوجة بخيوط دم رفيعة تخرج من عنق الرحم(المقصود السداده يعني) طبعاً ممكن تشوفينها قبل الولاده بأيام أو ساعات و دقائق على ماقريت وبحثت بس أنا شفتها العصر اليوم الثاني الصبح ولدت 2/يبدى الطلق(يعني المغص) المتواصل يعني يجيك ويروح والفاصل بين كل طلق وطلق متقارب بالدقايق يعني .. بس انتي بمجرد ماتحسين المغص غير عن المعتاد يعني شاد عليك روحي 3/ مويه تنزل عليك .. وهذا اهم شي انك تنطلقين للمستشفى عشان ماتنقص المويه على الجنين .. ومعلومه سبحان الله يابنات المويه تساعد على دفع الجنين للخارج ~ ونكمل سوالفنآآ .. حبيبتي .. اذا صرتي بتروحين تولدين مايحتاج كل خلق الله يدرون .. يكفي زوجك وامك اذا حبيتها تجي معك لأن سبحان الله كثير لاحظت هالشي .. اللي تتكلم يبرد الطلق عندها فيه وحده من قريباتي خلاص دخلت غرفة الولاده على اساس بتولد والرحم فاتح .. بس سبحان الله قفل وماولدت إلا قيصري .. طبعاً الخبر وصل للشرقيه وهي بالرياض .. غير انها كانت تشرب قرفه .. وطبعاً الاتصالات ماوقفت عليها هي وزوجها ويمكن كل السببين مالها علاقه بهالشي .. وبغض النظر عنها .. الاتصالات توتر الوحده وهي مو ناقصه أنا يابنات تخيلوا طلعت من البيت وأخواتي مادروا اني محركه على المستشفى قلت بروح بيتي ماعدا اختي الكبيره المتزوجه وامي وابوي عشان اختي الكبيره نامت عند اخواني الصغار وامي جت معي .. وزوجي طبعاً والحمدلله ربي يسر لي ياربي لك الحمد .. ف أنتي وصي على زوجك لاصرتي رايحه مايحتاج يعلم احد لأنكم مو ناقصين قلق وتوتر .. لأن مكالمات العالم وكلامهم يوتر خصوصا اذا قعدوا يدقون كل شوي عليكم هاه ولدت ..؟ تقولون لاباقي وعلى هالموال .. ف ريحي بالك وعمرك .. واذا ولدتي ترى النونو مابيطير .. علميهم اذا ربي يسر لك ولدتي بالسلامه حبيبآآآآتي الحوآمل .. من المهم بهالفتره انك تهتمين بخياطتك عشان تطلع تمام ان شاء الله .. اولاً / تحركي بشويش مرره لاتسوين حركات مفاجأه زي تقومين بسرعه تنسدحين سرعه يعني على أقل من مهلك .. وكمان لا تجلسين بهالفتره ابد خليك منسدحه او منسدحه ورافعه ظهرك شوي او منسدحه على جنبك وامشي كمان بس بخطوات خفيفه ومتقاربه ثانياً/ انتبهي لا تستخدمين الرشاش عشان تتشطفين لأن دفعه قوي وممكن يضر بخياطتك استخدمي الابريق وتكون المويه دافيه ثالثاً / تشطفي بمويه وملح رابعاً / احرصي انك تنشفين المنطقه زين وادهني الفوطه بالمرهم (انا استخدمت مرهم ريالوكين) هذا اللي انا سويته والحمدلله احس اني تمام منقول |
|
02-01-2011, 04:01 AM
|
#4 |
|
|
رد: يابكريه لاتخافي من الولاده تعالي احكي لك
يعطيكي العافيه ياعسل على النقل والله احسب انك انتي اللي ولدتي كدا بغيت اقولك لا تقولي لأحد العين حق ... انا لو حكيت لأحد عن ولادتي راح تكره الزواج والولاده بس الحمد لله على كل حال أهي جات والحمد لله وقرب يسير عمرها سنتين ماشاء الله وبالغلط ماني مفكره احمل تاني الله يسامحني بس حتى زوجي مايبى من العذاب اللي شافو في وقت ولادتي والله والله والله انو صار هوا يبكي من كتر ماتألم حتى بعد ولادتي قيصري طبعا بعد معافره طويله عريضه لمدة ثلاثه ايام ولدت قيصري لحمة بطني كانت مرره توجعني كأنو احد قطعلي هيا بالسكين مشي حالك واللي تقول هذره والله عشنها ماحست ومو كل الناس زي بعض انا اول مره اقول عن اللي شفتو بس البكريات دايم كنت اواسيهم واقولهم ترى مره حلوه الولاده وسهله يقومو يقولولي ليه انتي ولدتي قيصري اقولهم ابد بس مارضي الرحم يفتح قالولي اتعورتي قلت لا كلما جات الدكتوره لقتي اسولف واضحك قالتلي مو طيب عشان موية الجنين راح تنشف ... وانا ابكي اصلا من كل قلبي من الألم بس ماحبيت اخوف الحوامل خخخخخخخخخخخ ماجو شافو سواليفي اصلا هههههههههه كلو بكى واوصي زوجي يتزوج اختي لمن اموت عشان تربي بنتي وصار المسكين يبكي يقول ماباى احد اباكي وحكايه وفلم هندي في المستشفى لمدة 3 ايام وشرفت في اليوم الرابع الحمد لله
|
|
02-03-2011, 03:37 AM
|
#5 |
|
|
رد: يابكريه لاتخافي من الولاده تعالي احكي لك
yah tamanti galbi ktir jazaki laho khayran li anna wiladti f had lyoumin ana bastana talg id3i li bwilada sahla zyik chokran 3la nasayh
|
