تدري وش اللي يتعب البنت ياخوي...؟!
رجلٍ يخون اشواقها و المودة
إللي إلا احتاج الغلا صار نمرود
وليا شبع مما عطاه إستردهـ
البنت ريحانة غلا ... ناعمة عود
تبي لها رجلٍ ورث طيب جدهـ
رجلٍ فعولة كلها جود في جود
ما يلتفت للي كفوفه تمدهـ ...!!
رجلٍ إلا جته الليالي بمنقود
يتكى لها ما بيح الوقت سدهـ
ٍ ماهوب ورع ما رعى للهوى عهود
وادناة ما عارض طريقه يردهـ
ولاهوب لاعلة ... ولاهوب ملهود
ولا شكوك ... و كلٍ طارئٍ يحدهـ
ما اشين من الرجال لا جاك ببرود
وإن قال له ترف القدم شي صده
تبي لها براق طيبٍ له رعود
إن اجدبت يمطر على ريف خدهـ
وإن نادته تكفى لقت عنده الفود
يشيل عزتها على قو زنده
كفه نفل ... وانفاس صدره لها عود
وظلاله الضافي بيدها تمدهـ
البنت خد ... وقد ... ونواظرٍ سود
وريحة غلاً ... ياسعد من شم ندهـ
البنت إلا ضحكت ثمرها لك ورود
يا خوي من يقطف نواوير وردة
واللي يهين البنت ناقص ... ومقرود
فرس غلا ... ماهي حمارة مكدة
واتمــنـىآ انــها تعجبــكــم ..!
تحــيــآتــي لكــم
,,,,,,,,,,,,,,,,,,,,,,,,,
تدري وش يتعب البنت ياخوي؟؟؟؟؟؟؟؟؟؟؟؟؟
