 |
  |
|
|
|
|
#1 |
|
:: كاتبة نشيطة :: |
رواية اذا تتحداني والله بتعب
[SIZE="6"]هاي كيفكم؟؟؟؟؟؟..
انا بصراحه شفت هالرواية واعجبتني وان شاء الله تعجبكم انتم بعد... [ انا اليوم راح انزل لكم روايه من كتباتي واتمنى انها تعجبكم والقى تشجيع قوي [بسم الله الرحمن الرحيم... /هأنا اضع بين ايديكم روايتي الثانيه أمله من الله ان تنال اعجابكم... حين ينولد الحب..ويمتلك القلوب...ويسيطر على المشاعر... Color] ثم ينولد..ما يسمى ..بالكره والحقد..ويمتلك القلوب..ويسيطر على المشاعر...وقتها يتمنى...الانسان لويصاب..بفقدان...لذاكره..لينسى كل..لحظه صدق..فيها الحب..ويندم على.. انه بادل الانسان الاخر..شعور الحب وبكل صدق...لكن.. هل الندم على حب حقيقي ام مزيف؟؟؟؟ ولكن..من المستحيل..ان يندم على حب حقيقي..الا..مكابره لا اكثر..ولا اقل.. في هذه الروايه ستصادفنا الكثير من قصص الحب ولكن ما هو الحب؟؟ قراءه ممتعه البارت الاول ~~اذا بتتحداني والله بتعب~~ فتحت عيونها ولقت قدامها اجمل ما خلق ربي والي يسوى الدنيا وما فيها بالنسبه لها اسيل:هلا حبيبي صباح الخير مهند:هلا ماما ثباح النور اليوم تأخرتي في النوم اسيل:لا ياعمري انا كل يوم اقوم مثل هالوقت انت اليوم قايم بدري مهند:وين بابا؟؟ اسيل:بابا في الشغل<<وقفت>>يلله قل للخدامه تغير لك بجامتك وانا بغسل ونزل مع بعض مهند:طيب اسيل:الله يخليك لي ولا يحرمني منك وبعد ما نزلو اسيل:مهند ماما ترا بزعل منك تعال اشرب حليب مهند:لا ماما بروح العب في الحديقه اسيل:الحين تقول نزل مع بعض وفي الاخير ما تاكل مهند:خلاص ماما بشرب عشانك اسيل:يلله مر الوقت وصارت الساعه وحده الظهر وجا بدر زوج اسيل بدر:السلام عليكم اسيل:وعليكم السلام وينك تأخرت اليوم؟ بدر:وش اسوي اليوم كان عندنا ضغط شوي اسيل:زين ترا الغدا جاهز بدر:زين اغير ملابسي واجي رن جوال اسيل امها:السلام عليكم اسيل:وعليكم السلام امها:وش لونك وش اخبارك اسيل:تمام الحمد لله امها:مهند وابوه وش اخبارهم اسيل:ما عليهم الحمدلله وحنان وياسر وش لونهم امها:ما عليهم طيبين والله حنان فيها انفلونزا ما تقدر تتكلم منها اسيل:اجل تمشي بمناديلها امها:كنك شايفتها انتي عارفه اذا جتها انفلونزا ودعت اسيل:المسكينه امها:اقول اليوم خالت زوج اختك ريم متصله علي وتقول انهم بكره مسوين عزيمه وقالت لي قولي للبناات اسيل:وش المناسبه؟ امها:بنتهم توها طالعه من النفاس ومسوين لها عزيمه اسيل:اهآآآآآ اسيل:بس صعبه اروح امها:ليه؟؟ اسيل:مهند وين احطه امها:حطيه عند حنان حنان مو رايحه اسيل:لا الله يعافيك انا مو ناقصه يتسخن امها:جيبيه اهو والشغاله وحنان تنتبه له ريم بتحط بناتها عندنا اسيل:مرح تاخذهم؟؟ امها:لا تخاف انهم يزعجونها اسيل:اها ان شاء الله امها:اجل يلله مأطول عليك مع السلامه اسيل:مع السلامه بدر:من كنتي تكلمين؟؟ اسيل:امي بدر:اها وبعد ما جلسو على طاولة الطعام اسيل:اقول بدر بدر:سمي اسيل:سم الله عدوك بس بغيت اقولك ان اهل زوج اختي ريم مسوين عزيمه بكره ودي بعد اذنك اروح بدر:آآآآه وانا اقدر اقول لعمري لا اسيل:مشكور بدر:مهند حطيه عندي اسيل:لا عارفه بيزعجك بوديه بيت اهلي بدر:الي يريحك راح اعرفكم على عائلتهم اسيل طبعا مثل ما شفنا متزوجه من بدر وطبعا ما فيه اي صلة قرابه بينهم وبدر عنده اخت وحده بس اما اسيل فعندها اختين ريم وحنان طبعا ريم عندها بنتين تؤم اعمارهم4سنوات ونفس اسيل متزوجه من واحد ما فيه بينهم اي صلة قرابه اما حنان مو متزوجه وتدرس في مستوى2جامعه قسم انقلش وعندهم اخوين الاول اسمه محمد ومتزوج وعنده ولد عمره6شهور والاخ الثاني اسمه ياسر طبعا محمد يشتغل في شركه اما ياسر يدرس في مستوى 1جامعه قسم تجاره ابوهم متوفي لما كانت امهم حامل بولدها ياسر وابوهم اسمه راشد وامهم منيره اليوم الساعه7مساء بتوقيت الرياض اسيل وهي تكلم:ايوه ريم:يعني اقولك والله مالي خلق اروح للعزيمه بكره اسيل:انا اشد والله مالي خلق البس واصلح شعري واحط مكياج حتى لو ماروح عيب حتى حنان مو رايحه ريم:وه حنان الله يرحم حالها مهند:ماما تعالي فيني حمام اسيل:طيب يلله جايه يلله نشوفك بكره ان شاء الله مع السلامه ريم:مع السلامه لينا:ماما شوفي ليان خذت العروسه حقتي ريم:لينا عطي اختك عروستها لينا:ماما انا حقتي انكسرت ريم:عاد تاخذين حقتها اما انتم يالبزران خلاص لينا اذا جا بكره اروح للسوق واشتري لك لينا:صدق ماما ريم:ايه بس عطيها حقتها ومن جهه اخرى حنان:لا ياشيخ تاخذ جوالي وانا اتعطل ياسر:حنون تكفين الله يوفقك بس هالفتره حنان:حلم جت امهم:خير وش صاير حنان:يمه شوفي ولدك بياخذ جوالي ياسر:لا ياشيخه وانتي مو بنتها حنان:انا حنان مو شيخه امهم:بس عاد وانت ليه بتاخذ جوالها؟؟ ياسر:وش اسوي جوالي طاح في المسبح وخرب امه:الحين تطلع وتشتري لك جوال يلله الحين ياسر:طيب طلعت حنان لسانها تبي تقهره ياسر:حتى وهي تعبانه فيها العناد/وطلع امها:هاه خفت الحراره حنان:الحين صارت 38 امها:يوه عاد الحراره شينه حنان:بقوه يوه والله فاتني محاضرات كثيره عشاني ما داومت امس وقبله بس الحمد لله قالت لي ألين وشي المحاضرات كلها سهله امها:بتروحين بكره حنان:والله مأدري امها:يوم معد بقي الا بكره معد يسوى حنان:ايوالله انك صادقه انا بروح اكل لي بندول وانام واذا جت الساعه9قوميني الا تعالي امها:وشو حنان:انا اخبر الشتا طلع مدري ليه في الانفلونزا؟؟ امها:هههه هاذي الله يسلمك بقايا اثاره حنان:حلوه بقايا اثاره لا تنسين تقوميني امها:ان شاء الله حنان:الله يخليك لي ولا يحرمني منك امها:آآآمين في احد البيوت القديمه والتي على وشك السقوط من قدمها ألين:يمه لمتى لمتى وانتي معتمده على مكافأتي بعدين تراها يالله يالله تكفيني عشان اشتري بها ملابس للجآمعه وكتب وانتي تشترين بها ملابس لأخواني وملابس لك وناكل منها ونشرب منها بعدين قولي لي بكره اذا تخرجت من بيصرف علينا امها بحزن:وش اسوي وش اسوي ابوك راح وتركنا على بساط الفقر ألين:اجل لازم نلاقي حل ترا كذا والله ماينفع امها بتردد:اسمعي امس كلمني عادل اخوي وقالي نجي نعيش عندهم قلت برد عليك ألين:نعم نعم قلت نروح عنده معليش يمه قلت وبعدين انتي تعرفين زوجته تموت فينا تكرهنا واحنا مو عندها وبعيدين عنها وش لون لو عشنا عندها وبعدين انتي عارفه عياله كبار ومرح اخذ راحتي امها:هذا اسلم حل ألين:ياربي صبرني امها:الا تعالي اخوانك وينهم مالهم صوت؟ ألين:مدري وينهم جا عبد الرحمن اخر ألين وهو يصيح بقوه امه:عبدالرحمن وش فيك اخوك فيه شي عبدالرحمن بين دموع وشهاق:فيه فيه و ا حد بغى يا ا خذني انا وحمد امه بخوف:ايش واخوك وينه عبدالرحمن:تعا لي تت سكر الباب وانا مأعرف افتحه قوي امه:ياربي<<ورن الجرس امهم:ألين روحي افتحي الباب انا من الروعه رجولي مو شايلتني ألين:طيب>>وراحت تفتحه>>لكن انصدمة بلي شافته قدامها ((راح اعرفكم على عائلتهم طبعا ألين هاذي صديقة حنان وعندها اخوين عبدالرحمن وحمد عبدالرحمن عمره 10سنوات وحمد9سنوات وابوهم متوفي من ثلاث سنوات امهم اسمها هيا على فكره علاقتها بأخوها مو مره)) ألين انصدمت يوم شافت الي قدامها.. ...:وش لونك يا ألين ما ودك تدخليني؟؟ ألين:انا بخير >>وبدون نفس<<تفضل>>ودخل طبعا ممكن تستغربون مين الي جا الي جا خال ألين عادل هيا:عادل!! عادل:ايه عادل اسمعي ياهيا انا راح اقول كل شي بدون مقدمات الحين تجمعين اغراضكم ويلله على بيتي هيا:عادل الله يهديك انت وش قاعد تقول عادل:انتي عارفه ان ولدك حمد بغى يروح من يدينك لكن لولا الله ثم انا ولا كان راح وعقب الي شفتها حلفت انك ماتجلسين هنا هيا:بس انت عارف زوجتك ماتواطنا بعيشة الله عادل:البيت بيتي وانا حر فيه واهي مالها دخل سامعه هيا:بس عادل:ولا بس ولا شي هيا بأستسلام:طيب ألين بصرخه:نعم امها:ألين ولي يرحم لي والديك لا تزيديني اكثر امها:بروح اجهز اغراض اخوانك<<وطلعت جلست ألين تجمع اغراضها وهي في قمت الكآآآبه وضيقت الصدر طبعا هي ماتحب لا خالها ولازوجته ولا بنته وبعد ماخلصت مجهزه اغراضها جت لها امها:ألين اليوم بنام هنا وبكره بنروح لبيت خالك ألين:اجل خلاص مرح اروح بكره للجامعه واخواني لايروحون للمدرسه امها:ايه اكيد ألين:اقول يمه امها:هلا ألين:بتنقلين اخواني من مدرستهم ولا لا؟ امها:والله اني مأدري ألين:يمه ترى بيتهم بعيد عن هنا امها:خلاص نقلهم انا رايحه انام ألين:تصبحين على خير امها:وانتي من اهله<<وطلعت خذت ألين جوالها واتصلت برفيقت عمرها حنان ألين:الو حنان:نعم ألين:هلا شخبارك حنان:بخير الحمدلله انتي وش لونك؟؟ ألين:وش اقولك بس حنان بخوف:ليه فيكم شي؟؟ ألين والعبره خانقتها:تخيلي يا حنان بكره بنروح نعيش عند خالي حنان:اي خال بعد ما خبرت عندك اخوال ألين:ايه انا ماقد كلمتك عنه انا عندي خال واحد بس حنان:طيب وين المشكله انكم تروحون وتعيشون عنده ألين:اولا زوجته ما تواطنا طيب ثانيا عياله كلهم في الجامعه يعني بختصار مرح اخذ راحتي حنان:ماعليه ياعمري اهم شي خليك كافه خيرك شرك وكوني هاديه وحاولي انك تبعدين عن المشاكل معهم ألين:ياليت اقدر انا عارفه من اجي والعقرب باديه تستفزني حنان:هههههه اي عقرب بعد ألين:من غيرها نوال زوجة خالي<<وقالت خالي بدون نفس>> حنان:اهي ماعندها بنات؟ ألين:بس وحده اسمها امل ولدين واحد الظاهر اسمه فيصل والثاني مشعل وكلهم تحت بعض يعني فيصل على ما اعتقد اهو الكبير وفي ثالث جامعه ومشعل في ثاني جامعه وامل في اول جامعه حنان:بس هذلا عياله؟؟ ألين:ايه ليه مستغربه حنان:يعني قليلين ألين:ايه ياحبيبتي كذا اهل العز ما يحبون الاولاد كثيرين هنا انفجرت حنان ضحك:ههههههههههههههههههههههههه حلوه ليه احنا الحمدلله عندنا خير وشوفي كم عددنا ألين:خمسه وخمسه شويه حنان:عندك شويه عندنا لا ألين:على العموم مرح اطول مع السلامه حنان:مع السلامه في احدالبيوت الفخمه والتي تعالت فيه الاصوات .......:مو بكيفكم سمعتو البيت بيتي وانا حر فيه ادخل الي ادخل واطلع الي اطلع سامعين امل:بس خلاص يبه هد الزم ماعلينا صحتك ابوها:لو صحتي الوم ماعليكم كان احتومتو قراراتي امل:يوه انتم ماعندكم غير الهواش انا رايحه غرفتي<<ورقت نوال:معليش اسمح لي ياعادل اختك مالها مكان بينا هنا عادل خلاص اعصابه فلت منه وقال بصرخه:انتي الي مالك مكان بينا سمعتي اختي تحطينها على عيتك وراسك سامعه اسمعي يانوال والله العظيم اقسم بلله ان شفتك مسيتي اختي ولا احد من عيالها بشي والله ماتلومين الا نفسك لأنسيك عيشة العز الي عشتيها عندي وارجعك لبيت اهلك لعيشة الفقر سامعه نوال بخوف:ايه سامعه وراح عادل قالت نوال في نفسها:لا لا تكفى ياعادل عيشة الفقر ما ابغاها طبعا نوال هاذي في الاساس وحده فقيره واهلها على قد حالهم يعني كانت حالتهم اشد من حالت هيا وعيالها وبعد ماتزوجها عادل عاشت في نعيم لان عادل لما تزوجها كان توه بادي يصيح اسمه بين الناس او بلأصح ينتشر بين الناس دخل مشعل وهو مروق لأبعد الحدود:هاي مامي امه:هلا مشعل:وش فيك وين الناس وش فيني قل وش مافيني ابوك حضرته بيجيب عمتك عمت عين العدو تعيش عندنا هنا مشعل بعدم اهتمام:عادي اذا جتنا باب بيتنا مفتوح بعدين يمه ولا تزعلين مني صفي قلبك عشان الناس يحبونك امه:والله الشرهه مو عليك الشرهه على الي قاعده تكلمك <وقامت> مشعل:والله هذولي ماينعرف لهم حتى كلمت الحق يزعلون منها اليوم الساعه9بتوقيت العاصمه الحبيبه هيا:ألين اكيد مانسيتي شي ألين:ايه يمه حمد:يمه ليه نترك بيتنا ونعيش عند خالي؟؟ امه:اقول حمد خل عنك الاسئله الي مالها داعي عبدالرحمن:يمه جا خالي امه:يلله<<وطلعو وبعد ماوصلو ودخلو البيت او بلأصح القصر هيا:السلام عليكم نوال:وعليكم السلام عادل:هاه ان شاء الله البيت عجبكم؟ هيا:ايه ماشاء الله حلو نوال في نفسها:وبعد يشاورها في البيت عادل:انا راجع للشغل نوال وريهم جناحهم وين يلله سلام<<وطلع>> نوال:تو مانور البيت هيا:منور بأهله نوال:اذا يبون جناحكم ارقو ولفو على اليمين وتلاقون<<وبستهزاء>>جناحكم نهاية البارت الاول اتمنى انه يكون عجبكم ولاتحرموني من ردودكم لان فيه اشياء كثيره بنتظاركم تحياتي كاتبتكم""نسيت الالم بشوفتك@"" هيا:مشكوره ألين:اجل انا برقى بريح شوي>>ورقت على نفس وصف نوال ودخلت الجناح كان جناح عادي كأي جناح فيه4غرف وكل غرفه بدورة المياه حقتها ومطبخ صغير ألين وهي تناظر في الجناح:وش الفايده بيت فخم وكبير لكن بدون راحه عبدالرحمن:ألين حلو البيت صح؟ ألين ابتسمت له:اكيد بتقول حلو ماعمرك شفت بيوت مثل كذا عبدالرحمن:بس هاذي الي اسمها نوال شكلها عصبيه مره ألين:ماعليك منها ولاتكلمها ولاشي سامع عبدالرحمن بخوف:ايه ايه سامع راحت ألين ورتبت ملابسها واغراضها واعراض اخوانها وطبعا اغراض امها امها اهي الي رتبتها وبعد ماخلصت راحت لأمها الي جالسه على سجادتها وتوها مخلصه من صلاة الظهر امها:هاه وش رايك في البيت؟ ألين:ماعليه امها:وش فيك كن الوضع ما اعجبك؟؟ ألين:لابس احس اني مو مرتاحه امها:كلها فتره وتعودين ألين:عسى امها:ايه ترا نوال قايله لي انهم يتغدون وحده تماما ألين:نعم فيه احد يتغدى هالوقت حتى الجامعات مبعد طلعت امها:والله عاد الكل وطريقته>>وقالت وهي تلف السجاده>>يلله انزلي نتغدى ألين:والله يمه مالي نفس امها:مو بكيفك يلله بس ألين:طيب>>ونزلوا ودخلو الغرفه الي فيها الطاوله حقت الطعام وكان موجود نوال وعادل بس هيا:السلام عليكم.. عادل+نوال:وعليكم السلام وجلست هيا وجلست بنتها جمبها عادل:ماشاء الله ياألين انتي في اي سنه الحين؟ ألين:بثاني جامعه عادل:اي قسم؟ ألين:انقلش. عادل:ماشاء الله والله كبرتي وصرتي عروس ألين:تسلم.. هيا:اجل وين العيال من جيت ماشفتهم؟ عادل:الله يعظم اجري متى يطلعون وزحمة الطريق ومن يوصلون كل واحد على غرفته ومايتغدون الا العصر هيا:اها الله يصلحهم ويهديهم عادل:مشكوره<<وكانه تذكر شي>>ايه صح انا مسافر بعد يومين نوال والي اخيرا تكلمت:على وين؟؟ عادل:المانيا نوال:ليه؟؟ عادل:فرع شركتنا الي هناك صاير فيه حوسه والكل يمشي كل شي على كيفه لازم اروح وانظم كل شي نوال:وكم بتقعد؟؟ عادل:والله مأدري يعني3او4شهور هيا:تروح وترجع بالسلامه عادل:الله يسلمك نوال:ايه صح ترى اليوم صديقتي عازمتني يعني بعد اذنك بروح هنا عادل عصب من جد:تروحين وتخلين اختي نوال:احول عندها بنتها والخدم هيا تبي تخلص هالنقاش الشين:وش دعوى ياعادل خلها تروح عادل:والله كله لعيون اختي روحي ولاتطولين<<وقام>> ومن جهه اخرى اسيل:بدر الله يعافيك مر المشغل وجب بلوزتي بدر:في اي مشغل؟؟ اسيل:هذا الي في شارعنا.. بدر:زين<<وطلع>> رفعت اسيل الجوال واتصلت على اختها ريم اسيل:الو ريم:هلا اسيل اسيل:كيفك؟ ريم:تمام اسيل:اقول بسألك اليوم اذا بغينا نروح للعزيمه نطلع مع بعض اوكل وحده لحالها؟؟ ريم: نروح كلنا لبيت اهلي ونطلع مع بعض اسيل:اها زين يلله مع السلامه ريم:مع السلامه بدر:اسيل جبت البلوزه وطلع اسيل:بسم الله الرحمن الرحيم وراه مستعجل مر الوقت واذن العشا والي بيروحون للعزيمه لبسو وراحو للعزيمه **في اخر العزيمه كانت منيره واقفه مع بناتها اسيل وريم** امهم:اقول ليه ماتجون اليوم عندنا وتنامون عندنا كل وحده عيالها عندنا وبكره خميس اسيل:والله يمه مأدري بكلم بدر واشوف ريم:وانا بكلم خالد واشوف امهم:يلله كل وحده تتصل الحين البنات بصوت واحد:طيب وكل وحده راحت تكلم وبعد ماخلصت كل وحده مكالمتها طبعا كل وحده زوجها وافق امهم:هاه وش قالو ريم:انا وافق اسيل:وانا بعد ريم:يمه مين بيمرنا؟؟؟؟ امها:ياسر ريم:اها اسيل:يلله شكله جا **ودعو صاحبة العزيمه وطلعو وبعد ماركبو السياره** ياسر:اوه اخواتي الغاليات معنا ريم:ايه ليه فيها شي بعد ياسر:لابس يعني غريبه... اسيل:مالغريب الا الشيطان ياسر:تصدقون ودي اشوفكم يوم مروقين امه:احول ياسر:والله يمه دائما كل وحده نفسيتها واصله هنا>>وحط اصبعه على اخر خشمه>> ريم:اقول تكفى اسكت ياسر:ابشري معليش اسف ريم تهمس لاسيل:وش فيك اليوم كن فيه شي شاغل بالك اسيل:لا ولاشي وصلو البيت ونزلو ريم واسيل امهم:ياسر وين بتروح له؟؟ ياسر:وين بروح له بوقف سيارتي امهم:اشوى ياسر:احول يمه ترا انا مو صغير تخافين علي امهم:بضل يايمه اخاف عليكم لاخر يوم بحياتي حتى خواتك المتزوجات اخاف عليهم اكثر مما اني اخاف على نفسي<<ودمعت عينها>> ياسر:الله يخليك لنا ولا يحرمنا منك امه:ولا منكم يلله نتظرك داخل<<ودخلت>> ياسر:آآآآآآآآه يايمه ماتدرين وش كثر احبك امنيتي الوحيده لو ان ابوي كان عايش الله يرحمه وقف سيارته ودخل ريم:هاه حنون عسا ما ازعجوك بناتي حنان:لا وش دعوى اسيل:زين اشوى والله اني اقول في نفسي احس انها تدعي على الساعه الي قالت فيها جيبوهم عندي حنان:هههههههههههههههههههه لا احول دخل ياسر:السلام>>وجلس الجميع:وعليكم السلام حنان:غريبه ياسر داخل وهو هادي غريبه بالفعل اول مره ياسر يدخل البيت وهو بكل هالهدوء ياسر شخصيته مرحه وحنونه يعني البيت من دونه ودون هباله ماينفع لكن هالمره داخل وهو مبين عليه ضيقة الصدر ممكن كلام امه اثر فيه وخصوصا الدمعه الي طاحت من عيونها اتمنى اني القى ردود عشان اكملها /SIZE] |
|
|
#2 |
|
|
رد: رواية اذا تتحداني والله بتعب
روعه كملي يالغلا
|
|
|
#3 |
|
|
رد: رواية اذا تتحداني والله بتعب
بداية تجنن اله يوفقك ان شاء الله تسلمي معك للاخر
|
|
|
#4 |
|
|
رد: رواية اذا تتحداني والله بتعب
ان شاء الله وهاذي التكمله
|
|
|
#5 |
|
|
رد: رواية اذا تتحداني والله بتعب
البارت الثالث
ياسر:يمه انا رايح انام تصبحين على خير امه:وانت من اهله حنان:واحنا مالنا رب مايقول لنا اسيل:اصلا مدري وش فيه من دخل وهو مو طبيعي.... م’’ر اسبوع على كل هاذي الاحداث........***** البنات اليوم مجتمعين عند امهم الام:يابنيتي وش تبين بهالوظيفه ريم:يمه على الاقل اروح اوسع صدري مليت من الجلسه في البيت اسيل:الا احسن على الاقل تغيرين جو تشوفين وجيه جديده سوسن:وش قدمتي عليه...؟؟؟ ريم:على دار ايتام... حنان:بسم الله علينا مالقيتي الا دار ايتام ريم:ليه وش فيها؟؟؟ سوسن:اهم شي تكونين مرتاحه لها<<سوسن زوجة اخوهم محمد>> اسيل:صح صادقه سوسن ريم:على فكره ترا للحين مبعد قبلوني..... ورن جوالها ريم:هاذي المشرفه>>وطلعت عشان تكلمها بعيد عن الازعاج.. ريم وبكل هدوء:الو المشرفه:السلام عليكم ريم:وعليكم السلام المشرفه:كيف الحال؟؟ ريم:تمام الحمدلله المشرفه:الاخت ريم؟؟ ريم:ايه نعم المشرفه:طبعا اختي انتي مثل ماتعرفين مقدمه على وظيفه عندنا ريم:ايه المشرفه:ابشرك انقبلتي ريم بفرحه:الحمدلله المشرفه:الف الف مبروك ريم:الله يبارك فيك المشرفه:متى ودك تجين عشان تشوفين المبنى والبنات ريم:اجي بكره؟؟؟ المشرفه:ياليت والله احنا في امس الحاجه لموظفه ريم:خلاص اجي بكره بس بسأل اوقات الدوام من كم لكم؟؟ المشرفه:تجين الساعه7صباحا لأن انتي عارفه البنات يدرسون وتطلعين الساعه3العصر ريم:خلاص بكره الساعه 7راح اكون موجوده بأذن الله... المشرفه:خلاص انا بنتظارك يلله مع السلامه ريم:مع السلامه رجعت لأهلها طبعا ريم بنت عز وزوجها نفس الشي يعني اهم كل شخص ماخذ من نفس طبقته ودورت على هالوظيفه للتسليه وقضاء الوقت شخصيتها انسانه هاديه متفهمه لكن اذا عصبت خلاص تكون ريم ثانيه اهم شي عندها بالدنيا امها وزوجها وبناتها على قدر من الجمال طبعا على امها امها:هاه بشري يمه ريم:الحمدلله قبلوني حنان:الف مبروك اسيل:مبروك يعمري ريم:الله يبارك فيكم سوسن:مبروك ريوم ريم:الله يبارك فيك... امهم:الله يعطيك يايمه من خيرها ويكفيك شرها الجميع:آآآآآآآآمين ومن جهه اخ’’رى ........:والله متضايقه منهم مرره ......:يمه طولي بالك وش فيك عليهم اهم الحمدلله كافين خيرهم شرهم ليش انتي كذا؟؟ امها:امل عاجبك الوضع كذا؟؟؟ امل:.................. نوال:عاد الحين ابوك مسافر يعني كل شي في يدي امل:لا تخافين راح يوصله كل شي اول بأول هيا:يلله يالين الغداء الين:طيب وبعد مانزلو{{طبعا فيصل ومشعل اولاد نوال مايجلسون معاهم على نفس السفره عشان الين موجوده}} نوال:بدري كان تأخرتو شوي هيا:لا اله الا الله الين:سبحان الله ندخل على محاضرات نطلع على محاضرات ناكل ونشرب على محاضرات ساعات احس اني داخله الجامعه مو بيت<<وشدت على هالكلمه>> نوال:عشتو الين:الحمدلله>>وطلعت من الغرفه الي فيها طاولت الطعام ولما كانت بترقى الدرج طبعا الدرج بعيد عن الغرفه الي فيها طاولت الطعام سمعت كلام احد يتكلم من وراها .........:متضايقه من الجلسه هنا؟؟ لفت الين:كيف تتجرا انك تكلمني على فكره ترا انا بالجآآآآآآآمعه مو بزر عندك صدق ناس وقحه .......:وش اسوي ماقدر اشوفك منكسره كذا الين عصبت:ماطلبت منك رحمه<<ورقت>> .......:بنت اللذين حلوه رقت الين ودخلت الجناح ودخلت غرفتها وعلى طول على السرير وجلست ولكن مامنعت دموعها انها تنزل وقالت في نفسها:حتى هاذا الي مدري وش يصير جته الحنيه والشفقه علي دخل اخوها عبدالرحمن وجلس عندها وقال:الين وش فيك تصيحين؟؟؟ الين:مافيني شي تغديت؟؟ عبدالرحمن:ايه الين:طيب رح راجع دروسك عبدالرحمن:طيب<<وراح>> الين براحه:اوه اشوى مو متضايقين من الجلسه هنا انظرب باب الجناح استغربت الين مين الي بيجي امها ومستحيل تظرب الباب واخونها نفس الشي طلعت من غرفتها وراحت تفتح الباب مين كان الي عند الباب؟؟؟؟؟؟؟؟؟؟؟؟؟؟؟؟؟ .............:هلا الين الين:اهلين... .....:ممكن تستغربين اني جايه لك بس بصراحه حطيت نفسي مكانك وحسيت بحرقت القلب الي انتي تحسين بها الين انا ادري انك ماتحبيني ولا امي لكن صدقيني انا دائما ضد امي في كل شي تقوله او تسويه لاتحسبيني جايه اتريق عليك لكن صدقيني انتي مثل اختي واحبك ولا تحكمين على اني اكرهك عشاني ما اكلمك بالعكس الين تكفين سامحيني وسامحي امي عارفه بيجي يوم وتندم وتندم على الي سوته فيكم..... الين:اسمعي يا امل مرح انكر اني ماحب امك لكن انتي بالعكس ما شفت منك اي مضره امل:يعني افهم من كلامك انك مسامحتني؟؟؟ الين:ايه امل:خلاص اسمعي من اليوم ورايح انتي عندك اخت سامعه الين:وانتي بعد من اليوم ورايح عندك اخت امل:افكورس ضحكو الثنتين مع بعض امل:يلله انا رايحه اريح شوي اشوفك العصر مو ماتنزلين<<وهي مسويه نفسها معصبه>> الين:هههههههه ان شاء الله>>ودخلت<< قالت في نفسها:يا الله من زمان ماضحكت كذا من دخلت هالبيت الا مع حنان في الجامعه الله يديم هالضحكه يارب مر اليوم ناس مر عليهم بأخبار حلوه وناس مر عليهم بمفاجأت وناس عادي عندهم كأي يوم اليوم***الساعه5 فجرا***بتوقيت العاصمه*** ريم:يلله لينا قومي لينا:همم ماما ابي انام ريم:ليان قومي ليان:ماما مابي هنا ريم عصبت:لينا ليان يلله قومو بناتها كلهم قامو مع بعض <<قايله لكم ريم لا عصبت تكون وحده ثانيه>>لان هي طبعا تودي بناتها للروضه لبست ريم ولبست بناتها ودت بناتها للروضه واهي راحت لمقر عملها الجديد واول مادخلت كانت المشرفه في استقبالها المشرفه:اهلا وسهلا ريم:اهلين المشرفه:تفضلي شوفي المبنى والبنات ريم:يلله<<راحت مع المشرفه وشافت المبنى والبنات ولما خلصو>> المشرفه:الحين انتي تقدرين تطلعين ومن بكره تبدين الشغل ريم:ان شاء الله المشرفه:فرصه سعيده اننا تعرفنا عليك ريم:وانا اسعد المشرفه:يلله نشوفك بكره ان شاء الله ريم:ان شاء الله<<وطلعت>> وبعد ماركبت السياره مع زوجها طبعا خالد:هاه عجبك الشغل ريم:بسم الله توني مبعد بديت اشتغل خالد:لا يعني قصدي المكان وكذا ريم:ايه كل شي جديد ومرتب ومنظم في مكان ثاني في جامعة.....تحديدا قسم اللغه الانجليزية حنان:ياشيخه احمدي ربك يوم صارت عادي عليك الين:ايوالله ماتصورين كيف انبسطت وهي تختلف كثير عن امها حنان:من اي ناحيه؟؟ الين:امها فيها الغرور والتكبر وعلى بالها انها كشخه وما ادري ايش لكن امل بسيطه جدا وهي مقتدره حنان:ايه احمدي ربك الين:ايوالله الحمدلله حنان:يعني الحين عادي عندك تجلسون عندهم؟؟؟؟ الين:................ حنان:وش فيك؟؟؟ الين:امس صح الي صار لي حلو لكن صار لي موقف قبل لاتجيني امل.... حنان:ليه وش صار؟؟؟؟؟؟ قالت الين لحنان الي صار لها مع ولد خالها طبعا كان فيصل الي كلمها حنان:هذا وش يحس فيه بلاهي هذا وش يحس فيه الحمد لله رب العالمين الين:بصرآآآآآآحه ماعرفت افسر الي سواه حنان:منجد بس تدرين اسفهيه لا تعطينه وجه الين:وهاذا الي بيصير انتهى اليوم على خير** وطلع يوم جديد**يوم كله امل**مليئ بالامنيات**التي ليس لها حدود** الين:يمه احس اني مصختها كل يوم اروح مع فيصل او مشعل امها:وش غير؟؟من جلسنا في هالبيت وانتي كل يوم تروحين مع واحد الين:لابس امها:ولا بس ولاشي يلله بس انزل عشان ما تتاخرين الين:طيب<<ونزلت>> الين وهي مو مصدقه:امل غريبه نازله بدري؟؟؟؟؟ امل:لا قلت اليوم انا الي راح انزل بدري الين:ايه جعله دوم امل:لا والله لي ساعه جالسه هنا اف ملل الين:بالعكس انا اذا جلست هالوقت لحالي مستحيل اطفش امل:ايه اف متى بس نخلص هالترم اف مليت الين:مو اكثر مني يلله معد بقى شي امل:يلله متى نقول اليوم اخر يوم ونرتاح الخدامه:يلله فتور جاهز<<يلله فطور جاهز>> امل:يلله بس قومي الين:يلله طبعا الصباح في ايام الدراسه طبعا بعد ماجت هيا صارو الين وامل وهيا يفطرون مع بعض عشان عيالها طبعا اذا راحو عيالها للمدرسه ترجع وتنام هاذي هيا طبعا وفيصل ومشعل يفطرون لحالهم اما عاد نوال اذا قامت تفطر لحالها بحكم ان عادل مو موجود نهاية البارت الثالث اتمنى القى تفاعل تحياتي البارت الرابع طلعو الين وامل وركبو السياره طبعا يوم يروحون مع فيصل ويوم مع مشعل واليوم كان الدور على فيصل يوم شافت الين الي في السياره ماكان ودها تروح مع فيصل امل:الين وش فيك يلله اركبي..... الين:هاه يلله وركبو وتوجهو على جامعه الين الساعه9ونص في مبنى كبير جدآآآآآ تحديدا في ملجئ ايتام ريم جالسه تتصفح دفتر فيه اسماء كل البنات الموجودين طبعا الموجودين في الدار من16سنه وفوق فجئه طآآآآآآحت عينها على اسم وحده كانت بياناتها الاسم:هديل راشد محمد ال....... العمر:21سنه ~~~~~~~~~~~~~~~~~~~~~ ريم جلست تطآآآآآآآآآآآآلع الاسم وهي في قمة الدهشه ريم في نفسها:هاذي اسمها نفس اسمي انا ريم راشد محمد وهاذي هديل راشد محمد مو معقوله هاذي وش تصير؟؟؟؟ شافت اسم ثاني وكان الاسم:أصايل راشد محمد ال...... العمر:20سنه ~~~~~~~~~~~~~~~~ ريم في نفسها:وهاذي نفس الاسم مو معقوله ونفس العائلة نفس عائلتي جنان:ريم ريم:....... جنان:ريم ريم:.... جنان بصراخ:ريم ريم بخوف:هاه بسم الله روعتيني جنان:لي ساعه اناديك ريم:هههه وش اسوي كنت منسجمه مع الاسماء جنان:اقول ريم...... ريم:هلآ جنان:انتي ريم راشد محمد ال..... صح؟؟ ريم:ايه جنان:وهنا فيه بنتين نفس اسمك وحده اسمها هديل وحده اسمها أصايل وكلهم راشد محمد ال..... ريم:وهاذا الي جالسه اناظره ساعه جننان:يعني كأنهم اخواتك؟؟؟ ريم:لا انا بس اخواتي اسيل وحنان ماخبرت عندي اخوات بهالأسم بعدين خوات من وين؟؟ جنان:ابوك متزوج وحده غير امك؟؟ ريم:ابوي متوفي ومن زمان... جنان:اقصد ماكان متزوج وحده قبل امك او بعدها لان شوفي نفس الاسم ريم:لا ابوي متزوج امي بس جنان:اكيد؟ ريم:اكيد بس بسأل اهم وش جابهم هنا؟؟؟؟ جنان:انا بصراحه جايه هنا من6سنوات يعني يوم اجي واهم كانو موجودين ريم:طيب مين الي راح يقولي هذولا وش جابهم هنا؟؟؟ جنان:فيه حرمه كبيره في السن كان تشتغل هنا من كانو هالبنات صغار ولما جيت انا هنا اول سنه لي كانت اخر سنه لها وبعدين تقاعدة... ريم:اوه طيب وين القاها فيه؟؟؟؟ جنان:راح اعطيك وصف بيت انا قد رحت لها فيه وشوفي انتي تلاقينها ولا لا ريم:طيب يعني كبيره وما تتذكر شي؟؟ جنان:الا تتذكر اخاف ان ذاكرتها اقوى من ذاكرتي وذاكرتك ما شاء الله تبارك الله ريم مات ضحك:هههههههههههههه حلوه خلاص بدور اقرب فرصه واروح لها ^^^جنان هاذي صديقه لريم تعرفت عليها يوم صارت تشتغل^^^ توقعاتكم....... 1:راح تلاقي ريم الحرمه الي تكلمت عنها جنان؟ 2:بتعرف شي عن هديل وأصايل ^^^^^^^^^^^^^^^^^^^^^^^^^^^^^^ تكملة البارت الرابع........ وصلت الساعه3عصرا وطبعا الحين هو وقت انتهاء عمل ريم.. طلعت ريم وهي للحين شاغل بالها اسماء البنات الي شافتها اليوم كيف؟؟مو معقوله يكون ابوي متزوج على امي؟؟طيب ليش ماقال لامي؟؟وينهم كل هالفتره؟معقوله يكون عندنا اخوات؟طيب ليش جالسين في ملجئ ايتام؟واحنا معروفه عائلتنا اننا الحمدلله عندنا خير.طيب وين امهم؟؟معقوله تكون تبرت منهم بعد وفاة ابوي؟؟؟ هاذي كلها اسئلة تدور في راس ريم طول الطريق... خالد:ريم ريم:....... خالد:ريم ريم:..... خالد:ريم ماتسمعين ريم فزت:هلا معليش ماسمعتك. خالد:احول جمبي ولا سمعتي وش شاغل بالك؟؟ ريم:ماعليك انت عارف الشغل وكذا المهم وش تبي؟ خالد:لابس شفتك سرحانه وحبيت اقطع حبل افكارك ريم:الحين كل هالمنادى وفي الاخير عشان كذا...صدق نذاله وم ن جهه اخرى بدر:اقول اسيل اسيل:هلا بدر:دريتي اختي الجوهره انخطبت اسيل بفرحه:صدق.. بدر:ايه وافقت اسيل:ماشاء الله ومين الي خطبها؟؟ بدر:ولد عمتي.. اسيل:الله يوفقها ومتى الملكه؟ بدر:الاسبوع الجاي اسيل:مو كأنه بدري؟ بدر:نخلي الملكه بدري والزواج بدري لانه بعد الزواج بيسافر امريكا اسيل:وبتروح معه؟ بدر:وش رايك؟اكيد اسيل:هههههههه مدري بعد اخاف ماتروح معه بدر:لابتروح اسيل:الله يوفقها ويسعدها<<وكانت طالعه من قلبها>> ومن جهه اخرى مكان ثاني كانت توها واصله من الجامعه ونفسيتها زفت حر وحالتها حاله ماصدقت وصلت غرفتها ورمت الكتب الي بيدها على السرير الين:اف والله مو حاله كل يوم ارجع والغرفه حاره امها:الين بسم الله وش فيك؟؟ الين:يمه انا اقولك كل يوم قبل اجي بربع ساعه تشغلين المكيف في غرفتي انتي عارفه الحر امها:وش اسوي والله انسى الين:زين ما ابي احد يزعجني ابي انام طول الليل مانمت امها:وش الله حادك ماتنامين في الليل؟ الين:وش اسوي اذاكر انتي عارفه الانجليزي مرره سهل امها:والله ما احد غصبك تدخلينه دخلتيه برغبتك الين:وش ذنبي يوم صرت احب هالماده امها:لاتنامين معد بقي شي على اذان العصر الين:يمه والله ما اقدر اقاوم اكثر من كذا امها:طيب روحي بدلي ملابسك وغسلي وجهك وتوضي للصلاه ولا قد اذن الين:طيب طلعت امها من الغرفه وراحت الين وبدلت ملابسها وغسلت وجهها الي صاير مثل الطماط من شدة الحر وهي انسانه تكره اذا كان وجهها كذا وتوضت للصلاه ولاه يأذن صلت العصر وعلى طول طاحت على السرير وبدون شعور نامت بعد مارجعت ريم من الشغل حتى النوم ماقدرت تنام الموضوع شاغل بالها بشكل فضيع قالت مالي الا اسيل راح تقول لها وتشوف رايها في الموضوع اتصلت ريم على اسيل اسيل:الو ريم:هلا اسيل كيفك؟ اسيل:تمام الحمدلله غريبه ريم متصله هالوقت بالعاده تكونين نايمه ريم:ليه وانا قدرت اغمض عيوني...... هنا اسيل قلبها طاح من الخوف:ريم فيكم شي؟؟ ريم:لا لا تخافين بس حبيت اقولك موضوع اسيل:وشو؟ قالت ريم لاسيل كل شي بخصوص البنات هديل واصايل.. ريم:هاه وش رايك؟؟؟ اسيل:والله ياريم مدري وش اقولك لكن من وين طلعو؟؟ ريم:مدري والله انشل عقلي من التفكير اسيل:طيب انتي شفتيهم هالبنتين؟؟ ريم:لا اسيل:....... ريم:اسيل تكلمي قولي شي اسيل:ما ادري ريم:اسيل اسمائهم نفس اسمائنا نفس اسم ابوي ونفس اسم جدي ونفس اسم العائله اسيل:طيب انتي روحي للحرمه الي قالت عنها صديقتك ممكن تفيدنا بشي ريم:اخاف اسيل:تخافين من ايش؟؟ ريم:مدري اخاف اروح لهاذي الحرمه تعالي معي تكفين اسيل:متى بتروحين؟؟ ريم:لو الود ودي رحت الحين اسيل:ههههههههه الحين قويه نروح لها بعد العشا؟ ريم:اخاف انها تنام اسيل:حشى دجاجه ريم:يعني عجوز تبينها تسهر وتفلها مثلنا اسيل:طيب المغرب ريم:والله مادري اسيل:المغرب مناسب ريم:خلاص نروح المغرب لكن هاه انتبهي احد يدري خصوصا امي اسيل:وش دعوى ريم:يلله اجل خليك على الموعد اسيل:انا بمرك صعبه تبيني اروح معك انتي وخالد ريم:احول وش فيها اسيل:لا حياتي مستحيل ريم:اجل حتى انا مرح اروح معك انتي وبدر اسيل:لا ياعمري بيوديني ولد الفلوس الله يخليه لنا ريم:اها اسيل:لاني بصراحه لويدري بدر اني بروح كذا لوحده ما اعرفها عارفه مرح يوافق ريم:ليه مايوافق؟ اسيل:يعني بيقولي وحده ماتعرفينها وش الله حادك تروحين لها واكيد راح يسألني ليش بتروحين وما ابي يدري عن سالفة هالاخوات الي مدري من وين طلعو ريم:طيب اذا بغيتي تطلعين مع ولد الفلوس مرح يسأل وين بتروحين؟؟؟ اسيل:الا اكيد راح يسأل عادي اقول بمر على امي اسلم عليها وانا عند ربي صادقه بحط مهند عندها واذا خلصنا من هالمهمه برجع واجلس عندها شوي من زمان ماشفتها اهي وحنان وياسر ريم:تصدقين حتى انا راح يفتح خالد لي محضر لحد ما اقوله ليش بروح اسيل:خلاص امر عليك بعد المغرب على طول ريم:طيب اسيل:ايه صح ماقلت لك ريم:عن ايش؟؟؟ اسيل:الجوهره اخت بدر انخطبت والاسبوع الجاي ملكتها ريم:ماشاء الله من الي خطبها؟؟؟ اسيل:ولد عمتها ريم:ماشاء الله تستاهل الجوهره الا هي وش كبرها؟؟؟ اسيل:اكبر من حنان بسنه ريم:بثالث جامعه اسيل:ايه ريم:متى زواجها؟؟ اسيل:والله ما ادري بس اتوقع في الاجازه الصيفيه لان على ما اضن انها بتكمل رابع برى السعوديه ريم:في وين؟؟ اسيل:في امريكا لان زوجها بيسافر امريكا بعد زواجهم على طول ريم:اها الله يوفقها اسيل:امين ريم:يلله اجل ما اطول مع السلامه اسيل:مع السلامه ^^^^^^^^^^^^^^^^^^^^^^ نهاية البارت الرابع البارت الخامس قريبا تحياتي كاتبتكم..نسيت الالم بشوفتك&& ألبآرت ألخآآمس..@@ سكرت ريم من اختها وهي لازال بالها مشغول وخآآآآيفه من الروحه للحرمه الكبيره تخآآف تقولهم كلآم ويصعقهم وتبدى حيآآتهم مشآآكل ...... مر الوقت وجت ألسآآآعه7~~~المغرب~~~~~~~ طلعت اسيل من بيتها بعد ما اخذت الاذن من زوجها على اسآس انها بتروح تشوف امهآآ وريم نفس الشي مرت اسيل على ريم وخذتها ومرو على بيت اهلهم وحطو عيآلهم عند اختهم حنآن لانهم قآلو لاختهم انهم بيروحو لشغل وبيحطون عيآلهم عندهآ.... ولمآ رآحو على نفس وصف صديقة ريم وصلو... ريم:اسيل اسيل:هلآ ريم:والله خآيفه.. اسيل:أنآ أشد بس يلله سمي بلله ويلله... ريم:بس غريبه البيت شكله مو قديم اسيل:ليه احد قآيل لك ان البيت قديم؟؟ ريم:لابس يعني عآيشه فيه عجوز وش تبينه يكون؟؟ اسيل:اقول لايكثر بس ويلله بسم الله<<ونزلت وريم وراهآ>> ريم:رني الجرس اسيل:بسم الله<<ورنته>> ريم:أنتي وش فيك كل ماقلت سوي شي قلتي بسم الله.. اسيل:حرآم اسمي وجآهم صوت من ورى البآآب .......:مين؟؟؟ ريم بشجآآعه وبعد ما اخذت نفس:هآذآ بيت ام سآآلم ال.......؟؟؟؟ ........:ايه نعم لكن مين معي؟؟ تكملة ألبآرت ألخآآمس.... هنآ توهقو ألبنآآت قآلت اسيل:آآآ...احنآ كنا معهآ في الشغل لمآ كآنت أول تشتغل.. ........:أهآآآ<<وفتحت ألبآآب>>تفضلوا ريم:تسلمين<<وسلمو عليها اسيل:أم سآآلم موجوده؟؟ ......:إيه نعم أنآآ بنت بنتهآآ ريم:يعني حفيدتهآآ .....:إيه نعم وأسمي سآره اسيل:عآآشت ألاسمآء سآره:عآشت أيآآمك تفضلو دآآخل ودخلو معهآ سآآره:دقآآيق بروح أنآآدي جدتي وأجي.. ورآآحت ريم بهمس:أسيل والله اني خآآيفه اسيل:ريم أنآ خلقه مرتبكه ومتوتره فلآ تزيديني أكثر... ......:السلآم عليكم... وقفو أسيل وريم وبصوت وآآحد:وعليكم السلآم <<وسلمو>> أم سآآلم وهي تجلس:وش أخبآآركم وش علومكم؟؟ ريم:بخير الحمد لله أم سآآلم:قآآلت لي بنيتي أنكم كنتم تشتغلون معي بس والله أني مآآ أذكركم... ريم أبتسمت:من حقك يآ أم سآآلم أنآ ألحين أشتغل في ألدآآر إلي كنتي تشتغلين فيهآآ وبصرآآحه وحده قآلت لي عنك أنك من زمآآن وأنتي تشتغلين وأنك عآآرفه كل البنآآت الموجودين في الدآآر أم سآآلم:إيه نعم أنا كنت في ألدآآر من كآآنو البنآآت صغآآآر اسيل:طيب يا خآآله حبيت أسألك عن بنآآت أسمائهم هديل وأصآآيل رآآشد ال......؟؟ أم سآآلم وكأنها تتذكر:إيه عرفتهم هديل وأصآآآيل يآآحبي لهم كآآآنو بنآآآت قمه في ألاخلآق نآآظرو ريم واسيل في بعض وبصوت وآآحد:تعرفينهم؟؟ أم سآآلم:وش فيكم مستغربين؟؟ ريم:طيب أنتي عآآرفه وش سبب جلوسهم في الدآآر؟؟؟ أم سآآآلم:هآآذولا الله يسلمك كآآنو جيرآآني وأبوهم توفى سكته وبعد وفآآآت أبوهم بيومين توفت أمهم طبعآآ أمهم لمآآ عرفت جآآهآ أنهيآآر عصبي ودخلت المستشفى وتوفت في المستشفى والبنيآآآت يآآ قلبي قلبهم كآآآنو صغيرآآت وحده عمرهآآ سنه والثآآنيه سنتين..وأبوهم كآآآن متزوج وحده قبل أمهم واهي كآآآنت زوجته ألاولى مآآتدري بهآآآلزوآآآج ولمآآ توفت أم البنآآآت حآآآولت اني أدور على زوجت أبوهم لكن للأسف مآآ لقيتهآآ وأنآآ بصرآآآحه ذآآك الوقت كآآنت حآآلتي المآآديه ضعيفه ومآآقدرت أني أخذهم وأربيهم عندي لان في هذآآك الوقت بنتي كآآآنت مريضه وكآآآنت في المستشفى وانتم عآآرفين المستشفيآآت وغلاهآآ وزوجهآآ والله ولا دآآري عنهآآ وعندهآآ بنت صغيره وكآآنت هآلبنت أمآآنه عندي لحد مآ ربي أخذ روح بنيتي.. ريم:ليه يآخآله وش كآآن فيهآ بنتك؟ أم سآآلم:كآآن فيهآ الشين.. اسيل بشهقه:السرطآآن أم سآآلم بأسى:إيه نعم اسيل:الله يغفر لهآ ويرحمهآآ ام سآآآآلم وريم:آآآآمين.. وقفو البنآآآت وقآآلت ريم:مشكوره يآآخآآآله على كل الي قلتيه عن البنآآآت اسيل:مشكوره والله يطول بعمرك ويخليك لحفيدتك ويرحم بنتك ويسكنهآ فسيح جنآآته.. ام سآآآلم ودموعهآ على وشك النزول:آآآمين تكفون لاتنسونهآ من الدعآآء ريم:ابشري ولا يهمك بعدين مسكت ام سآآلم يدين اسيل وقآآلت لهآآ بترجي:تكفين إذآ تعرفين أهل البنيآآت ولا أحد من قرآآآيبهآآ طلبتك خذيهم وديهم عند هالأهل او الاقآآآرب ترى معزتهم من معزت سآآآره اسيل في نفسهآآ اذا تتطلبين أني لو عرفت احد من اقآآربهم أوديهم عندهم وشلون لو اقولك اننا اخواتهم:ان شآآآء الله يآآآخآآآله لاتشيلين هم ام سآآلم:جزآآآكم الله خير ريم:يلله مع السلآمه أم سآآلم:مع السلآمه وبعد ما طلعو البنآآت وركبو السيآآآره انفجرت أسيل صيآآح ريم:اسيل وش فيك هدي اسيل:........ ريم تهمس لهآآ:طيب بس اسكتي لحد مآآنوصل البيت عآآجبك كذآ تصيحين قدآم السوآآآآآآق؟؟ هدت اسيل ولمآ وصلو لبيت اهلهم طبعا فتحت البآآب ريم بمفتآآحهآآ الخآآص ولمآآ دخلو بخفه جلسو في الكرآآآسي الي في الحوش وكآآن من حظهم ان اهلها جآآلسين دآآخل ولمآآ جلسو ريم:اسيل تكفين قولي وش فيك؟؟ اسيل الي حست انها هدت شوي:انتي شفتيهآآ لمآآ مسكت أيديني وتوصيني على البنآآت وتقولي لو تعرفين احد من اقآآربهم وديهم عند هالاقآآآرب مادرت انآآ اخوآآآتهم<<ورجعت تصيح>> هنآآ أنقبض قلب ريم وحست أن دموع أختهآ دموع على شي يحرق وخصوصآ لمآ تذكرت كيف مسكت إيدين أختهآآ ريم:آآآآآآآآآآآه شوفي كيف الدنيآآ دوآآره يلله بس خلينآآ ندخل اسيل:يلله ^^^^^^^^^^^^^^^^^^^ نهآآآية البآآآرت الخآآآمس البآآرت السآآدس قريب ان شاء الله تحيآآآتي كآآآتبتكم "نسيت الالم بشوفتك**" |
