مرق ربيان
مرق ربيان
المقادير:
ربيان
بصلتين
فصين او 3 فصوص ثوم مدقوق
تقريبا 1/2 كيلو طماط
كزبر مفروم
معجون طماط
بهارات السمك
كركم
زيت
فلفل اسود
ملح
أول شي تغسلين الربيان وتخلطينه مع كركم + بهارات السمج((انا استخدم مجدي)) + ملح
وتحطينه بالثلاجه ربع ساعه
بعدين تغسلينه وتخلينه بمشخال لين ينشف تقريبا
ابهالوقت تيبين الجدر وتحطين فيه شوية زيت وتحمسين فيه البصل .. تحمسين لما يتغير لونه
تالي تحطين عليه الثوم وتقلبينه مع البصل
عقب تحطين عليهم الربيان وتحمسينه معاهم لما يتغير لونه
بعدين تحطين عليه البهارات ... اللي اهي ... قفشه وسط كركم + شوية فلفل اسود + قفشه كبيره بهارات السمك .... وتقلبين
بعدين تحطين الطماط ... وتقلبينه معاهم
وعقب ما يذبل الطماط ويذوب تحطين قفشتين معجون طماط وتقلبين
عقب تحطين الكزبر
وآخر شي تحطين قفشه كبيره ملح ... وذوقي الطعم اذا محتاج ملح زياده والا لأ
وبس هنى وعافيه على قلوبكم
|