ازياء, فساتين سهرة
ازياء مول

العودة   ازياء - فساتين سهرة و مكياج و طبخ > الجمال والرشاقة > العناية بالبشرة و الجسم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
العناية بالبشرة و الجسم "ملف العنايه بالبشره فى فصل الشتاء" يوجد هنا "ملف العنايه بالبشره فى فصل الشتاء" وصفات خلطات كريمات أقنعة البشرة العناية بالبشرة و خلطات الجسم أنواع البشرة , اسمرار البشرة العناية بالبشرة و الشعر و الجسم خلطات الجمال خلطات طبيعية


مشاهدة نتائج الإستطلاع: ما هو تقييمك لهذا الموضوع؟
ممتاز 7 77.78%
جيد جدا 2 22.22%
جيد 0 0%
مقبول 0 0%
إستطلاع متعدد الإختيارات. المصوتون: 9. أنت لم تصوت في هذا الإستطلاع

 
قديم 11-13-2008, 02:29 PM   #1

نودا

:: كاتبة فضيّـة ::

الملف الشخصي
رقم العضوية: 13700
تاريخ التسجيـل: Apr 2008
مجموع المشاركات: 5,004 

11633831441487246193 "ملف العنايه بالبشره فى فصل الشتاء"


"ملف العنايه بالبشره فى فصل الشتاء"
























طبعا أنتى عارفة إن انخفاض نسبة الرطوبة في فصل الشتاء يؤدي إلى زيادة جفاف البشرة سواء بشرة الجسم أو الوجه وبالتالي حدوث مشاكل كتير زي مثلا ظهور قشور بيضاء في بعض أجزاء الجسم أو إنك تحسي إن بشرتك لونها باهت وغير حيوي بالإضافة إلى تعرض البشرة للجفاف وظهور التشقق في بعض أجزاء منها زي اليدين والوجه والرجلين..

علشان كده هقول لك دلوقت على شوية نصائح هتساعدك على العناية ببشرتك في فصل الشتاء...




يلا نشوف النصائح دي مع بعض..












النصيحة الأولى
بلاش صابون

































شوفي يا قمر النصيحة الأولى اللي لازم تاخدي بالك منها هي إنك تبعدي نهائيا عن استخدام الصابون ومش قصدي هنا إنك تبعدي عن كل أنواع الصابون لا قصدي إنك تبعدي عن الصابون اللي بيحتوي على روائح معطرة لأنه بيساعد على زيادة جفاف الجسم..

علشان كده عايزاكى طووول الشتاء تستخدمي صابون الأطفال لأن ده بيكون فيه مواد مغذية وملطفة للجسم وبتعوض الجسم عن الجفاف اللي ممكن يتعرض له نتيجة عوامل الجو.
















النصيحة التانية
لا للمياه الساخنة
































طبعا اللي هتشوف كلمة "لا للمياه الساخنة" دي هتقول إيه ده معقول حد يقدر يعيش من غير ما يستخدم الماء الساخن

شوفي يا قمر في حقيقة كتير مننا مش عارفها وهي إن الماء الساخن مضرة جدا للجسم وهي اللي بتساعد على جفاف الجلد وبالتالي بتساعد على تشققه علشان كده ياريت تستخدمي في الشتاء مياه فاترة.
















النصيحة الثالثة
نشفي بشرتك بفوطة ناعمة

































أكيد كلنا بنتعرض للميه كل شوية يعني علشان الوضوء أو غسل الأيدي مثلا، وعلشان كده عايزاك تبقي ذكية وكل ما تعرضي بشرتك للميه تنشفيها بالراحة بفوطة ناعمة وبأكد كلامي فوطة ناعمة، واوعي تسيبيها من غير ما تنشفيها لأن ده هيزود جفافها ويعرضها للتقشف.

وفيه حاجة كمان حلوة ممكن تعمليها وهي إنك تدلكي إيدك ووشك بأي كريم مرطب بعد ما تغسليهم، وكمان عايزاك تاخدي بالك من حاجة مهمة قوووي وهي إنك ماتغسليش وشك أو تستحمي مثلا وتخرجي في الهواء البارد على طول، لا اقعدي في البيت لمدة ساعتين وبعد كده اخرجي.















النصيحة الرابعة
ماتكتريش من الماكياج




























دي نصيحة مهمة قوي لازم تاخدي بالك منها في الشتاء وهي إنك ماتكتريش من وضع الماكياج خاصة "كريم الأساس والبودرة" علشان ما تظهرش حبوب أو بثور سوداء في بشرتك وده لأن مسام الجسم بتتنفس بصعوبة شديدة في الشتاء..

















النصحية الخامسة
اشربي سوائل على قد ما تقدري






























كتير مننا بيقلل من شرب السوائل في الشتاء بالرغم من إن السوائل دي مفيدة جدا للجسم وده لأنها بتساعد على ترطيب الجسم من الداخل إلى الخارج علشان كده ياريت تكتري من شرب السوائل زي الماء والعصائر الطازجة طبعا والفواكه اللي فيها فيتامينات زي "البرتقال واليوسفي"، لأن كل الحاجات دي هتغذي البشرة وهتبعد عنها الجفاف.












تابعونى

لعلاج الخطوط البيضاء بالجسم
خلطات لا تفوتك لشد وتنحيف كل مناطق الجسم
اكسسوارات جميله
ازياء راقيه
وداعاً لآثار الحبوب - على مسئوليتي
ماهو اسمك الحقيقى ؟؟؟؟؟؟؟؟؟؟
برنامج لتنظيف وتلطيف وترطيب البشره (بالصور )
خلطه للتفتيح مضمونه ومجربه بالصوررررر
نقوووووش حناء روووووووووعه
منطقه ورديه ومشدوده ............مهم يابنات لايفوتك
ملحووظه هاااامه لكل العضوات الموجودين بالقسم
خلطاتي الي رجعتني يوم كنت عروس
ازياء اخر دلع
فتــــاة عــزبـااااء تنــام في غــرفـــه شــــاب!!
قصه شاب وشغاله



التعديل الأخير تم بواسطة نودا ; 11-13-2008 الساعة 03:09 PM.
 
قديم 11-13-2008, 02:55 PM   #2

نودا


11633831441487246193 رد: ملف العنايه بالبشره فى فصل الشتاء


"ملف العنايه بالبشره فى فصل الشتاء"

نشوف مع بعض المشاكل التى ممكن ان تواجهك فى الشتاء وكيفيه حلها

















المشكله الاولى
هى جفاف جلد الجسم

































أكيد كلنا في الشتاء بعد ما بناخد دش بنحس إن جلدنا بقى جاف قوي ومش بيلمع..

والحل يا ستي إنك تدلكي جسمك قبل الاستحمام بربع ساعة بزيت زيتون وبعد كده خدي الدش بتاعك عادي بس ياريت بعد ما تخلصي الاستحمام بالماء الفاترة تاخدي دش تاني بماء باردة وبعد ما تخلصي الدش نشفي جسمك بفوطة ناعمة وبعد كده ابدأي في وضع كريمات مرطبة على جسمك وهتشوفي الفرق بنفسك.
















المشكلة التانية
جفاف جلد الوجه


















برضه أكيد ساعات بتلاقي بشرة وشك في الشتاء مشدودة وجافة وبتجربي كريمات كتير وبرضه مفيش فايدة..

والحل هو إنك تجربي أي ماسك يعجبك من الماسكات دي وتتخلصي من المشكلة دي نهائي..


ماسك الزبدة لعلاج جفاف البشرة


































المكونات :







• معلقة صغيرة زبدة
• معلقة كبيرة ماء

الطريقة:اخلطي ملعقة صغيرة من الزبدة مع ملعقة ماء وقلبيهم مع بعض كويس وبعد كده ادهني بيها وشك لمدة ربع ساعة وبعد كده اغسلي وشك بالماء الفاترة وكرري الماسك ده مرتين في الأسبوع وهتشوفي الفرق بنفسك.
















ماسك العسل بالليمون





























والماسك ده بالإضافة إلى إنه بيساعد على علاج مشكلة جفاف البشرة كمان بيساعد على ترطيب البشرة وزيادة نعومتها..












المكونات :

ملعقة كبيرة عسل نحل
• ملعقة كبيرة عصير ليمون
• ملعقة كبيرة خميرة بيرة
• ملعقة مياه دافئة

الطريقة:أذيبي الخميرة في مياه دافئة لغاية ما تبقى عجينة بعد كده ضيفي إليها ملعقة عسل واخلطي المقادير دي مع بعضها بعد كده ضعي الماسك على وشك وسيبيه لمدة خمس دقائق لغاية ما تلاقي إن الماسك ده بدأ يجف، وبعدين هاتِ ملعقة فيها ليمون وبللي بها قطعة قطن وبعد كده مرري قطعة القطن دي على وشك وبعد مرور خمس دقائق اغسلي وشك بالماء الفاترة وبعدين بماء باردة وكرري الماسك ده مرة كل أسبوع وهتشوفي الفرق بنفسك.












المشكلة الثالثة
شحوب البشرة














من ضمن المشاكل اللي ممكن تتعرضي لها في الشتاء إنك بتحسي إن بشرتك لونها شاحب شوية والحل إنك تجربي الماسك ده..











ماسك البرتقال




























المكونات:

• عصير نصف برتقالة
• 3 معالق عسل

الطريقة:سخني العسل مع عصير البرتقال على نار هادئة لغاية ما تلاقي العسل ذاب، بعد كده شيليه من على النار وسيبيه شوية لغاية ما تلاقيه برد، وبعد كده حطيه على وشك لمدة ربع ساعة وبعدين امسحي وشك بقطنة مبلولة بالماءالفاترة وكرري الماسك ده مرتين في الأسبوع وهتلاقي وشك بقى حاجة تانية خالص.










المشكلة الرابعة
خشونة جلد اليدين وتشققه












دي مشكلة بتعاني منها بنات كتير جداا طووول الشتاء كل ما تيجي تسلمي على واحدة تلاقي إيديها خشنة قوووي.

والحل هو الماسك ده..








ماسك عصير الليمون


























كل اللي عليك إنك تعصري نصف ليمونة على باطن إيدك وبعد كده تاخدي العصير ده وتدعكي بيه إيدك وبعد مرور 10 دقائق تشطفي إيديك بالماء الفاترة، وكرري العملية دي كل يوم وبعد مرور أسبوع هتلاقي بشرة إيدك رجعت لها النعومة وبقت أنعم من الحرير.















المشكلة الخامسة
خشونة كعب القدمين وتشققه










دي مشكلة كمان ممكن تقابلك وده لأن جلد كعب القدمين ضعيف جدا وبيتأثر بالبرودة قوووي.

والحل بسيط جدًا وهو..











حمام المياه والفازلين






























ضعي رجليكِ في مياه تكون فاترة لمدة عشر دقائق وبعد كده ادعكي رجليكِ بالحجر بعد ما تتأكدي من إزالة كل الجلد الميت نشفي رجلكِ كويس وضعي طبقة سميكة من الفازلين على كعوب رجلك وبعد كده البسي كيس بلاستيك في رجلكِ وعليه شراب وسيبيه لمدة نص ساعة أو نامي به وقومي الصبح وهتلاقي الفرق بنفسك.














المشكلة السادسة تشقق الشافايف































فيه كمان مشكلة ممكن تقابك في الشتاء وهي مشكلة تشقق الشفايف وده لأن زي ما أنت عارفة جلد الشفايف جلد رقيق جدا وبيتأثر بأي حاجة بسرعة علشان كده بتلاقيه هو أول حاجة بتتأثر بانخفاض درجات الحرارة.

والحل
شوفي يا قمر قدامك أكتر من حل وأنتى اختاري المناسب لكى:
1- أول حاجة احرصي طول الشتاء على استخدام زبدة كاكاو لأنها بتقي الشفايف من الجفاف وبترطب الشفايف.
2- تحطي طبقة من "الفازلين" على الشفايف بعد غسلها وتنشيفها.
3- ادعكِ شفايفك كل يوم بالليل بالطحينة وعلى فكرة الطحينة مش بس هتعالج التشققات دي هتعالج كمان أي التهابات موجودة.
4- ادعكِ شفايفك بعسل النحل كل يوم الصبح.


















المشكله السابعه تشقق جلد الكوعيين




























من ضمن المشاكل اللي ممكن تتعرضي ليها في الشتاء مشكلة تشقق جلد الكوعين


ودي حلها ماسك زيت القرفة











المكونات:
3 نقط زيت قرفة (من عند العطار)
8 معالق كبيرة زيت مشمش (من عند العطار)

الطريقة:
ضعي المكونات السابقة مع بعضها في زجاجة واقفليها كويس ورجي الزجاجة دي كويس علشان المقادير دي تتخلط مع بعضها، وبعد كده ادهني الأماكن المصابة بالجفاف والتشقق وبعد مرور نص ساعة اغسليها بالماء الفاتر وكرري الماسك ده مرة كل أسبوع.












اتمنى ان ينال اعجابكم


منقوووووووول

قصه شاب وشغاله
&7كل المعلومات و(0بالصور) عن السفيد اب &&
ازياء اخر دلع
اقوى خلطة تبيض للوجه والرقبة
وصفات لشد وتصغير وتكبير ورفع الصدر وصفات سهله اووى
خلطه للتفتيح مضمونه ومجربه بالصوررررر
طريقه الازاله اثر الجروح والعمليات الجراحيه والحبو
فستانى احلى من فستانك (ادخلى وشاركى بوضع فستان )
ثلاث شباب وجدوا فتاه ضائعه..تعالوا نشوف عاملوا ايه
طريقه سهله لعمل ماسك مغربى لتبيض الوجه
15 سؤال اذا قدرت تجاوب عليهم فانت عضو سوبر مميز
اصنعى بنفسك كريم النهار ..وكريم العين ..والتونك !!
جربتوااااااااا (معجون الاسنان ) على الوجه !!!!!!!!
اغتصبها داخل المسجد (قصه حقيقيه )
&اسئلي و نحن نجيب"&



التعديل الأخير تم بواسطة نودا ; 11-13-2008 الساعة 06:04 PM.
 

أدوات الموضوع



الساعة الآن توقيت السعودية الرياض و الدمام و القصيم و جدة 10:41 AM.

 

Powered by vBulletin® Copyright ©2000 - 2017,
vBulletin Optimisation provided by vB Optimise (Pro) - vBulletin Mods & Addons Copyright © 2017 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0