 |
  |
|
|
|
04-14-2011, 02:18 PM
|
#1 |
|
:: كاتبة نشيطة :: |
هلا بنات وش اخباركم.....
بصراحه انا عندي موضوع مأزمني شوي..... وهو المصروف.... اكيد كثير منكم بنات مضايقهم هالشي ان ما كان الاغلبيه.. الرجال طبعا ما يعرف احتياجات زوجته بالضبط.. انا طلبت من زوجي مصروف ورفض يعطيني يقول اذا احتجتي قولي لي.... صح هو مايقصر معي مرات كثيره... بس انا بعض المرات احتاج اشياء تافهه بالنسبه له.. مثلا ابروح لاهلي ابجلس عندهم اسبوع ما يمد يده ولا بريال يقهرني في هالشي وما يطيع يعطيني الا اذا قلت ابروح للسوق محتاجه شي.. مره قلت له عطني يمكن احتاج شي قال لا مو محتاجه ان شاء الله...في هالوقت ودي اذبحه... مره صار بينا موقف((انا ما اطلب منه الا لشي محتاجته..واذا طلبت اعرف قد ايش اطلب اللي محتاجته فعلا..وقلت له عطني فلوس ابروح للسوق.راح عطاني 600 ريال ..طلعت عيوني...قلت ما تكفي قال الا تكفي قلت الحين ما فيه فستان سهره اقل من 1000 ريال وانت تقولي البسي شي حلو لزواج اختي...وغير كذا ابغى ملابس للعيد. عصب وقال ما عمري مديت لك فلوس قلتي لي تكفي.. قلت لانك فعلا ما تعطيني اللي يكفي ولو ما معك ما طلبت.. قالي كلمه كرهت اطلب منه....قال: شوفي اخواتي كل ما مديت لهم فلوس قالوا لا والله يكفي اللي معنا.. قسما بالله رفع ضغطي...قلت اخواتك عندهم 7 رجال كلهم يعطونهم.. وبعدين انا ما اطلب الا للحاجه لا تقعد تقارن بيني وبين احد..)) المهم موضوعي .. انا ابي مصروف للاسباب التاليه.. *ودي اقتطع مبلغ من المصروف واجمعه.. *بعض المرات اكون عند اهلي ونطلب عشاء او اي شي من برا مثلا شكولاطات ولا يكون معي فلوس حزتها والله ان وجهي يصير قد السمسمه.. *مرات نفسي اشتري هديه لاحد امي اختي ولدي او حتى هو ومو ضروري تكون الهديه غاليه او مخطه لها بس شفت شي وحبيت اشتريه مثلا صحون تقديم بلوزه قلم ان شاء الله..وفي نفس الوقت ما احب اقوله عطني ابشتري لفلانه ولاغيرها..او اقوله عطني ابشتري لك هديه!!!<<<احس انها سخيفه.. *مرات احتاج اشياء من الصيدليه وانا عند اهلي اضطر اتسلف من اخواني عشره ولا عشرين ولا خمسين وهذا الشي يخليني استحي..خاصة ان زوجي حالته الماديه ممتازه.. *مرات ابي اشتري لاحد هديه مثلا ولاده ولا زواج واستحي كل مره اقوله عطني صديقتي تزوجت اختي ولدت .....الخ. *مرات احتاج فلوس فجأه ويقولي والله ما معي فكه الحين ومنيب رايح اصرف.. *مرات ودي اشتري اشياء للبيت وما اكون مخطه لها يعني شفت صحون اعجبتني او مناشف ودي يكون معي فلوس..علشان اخذها.. *في الاعياد ولا نجاح اخواني ودي اعيدهم او اعطيهم نجاحه... *مرات اكون عند اهلي وابي اروح لموعدي بالمستشفى واضطر اكنسل الموعد علشان ما معي فلوس.. اشياء زي كذا يعني تخيلو كل ما صار شي من هالاشياء اروح اقوله ابي فلوس..شينه طبعا.. زوجي موب بخيل بس مدري وشلون افهمه اني ابي مصروف .. مع العلم ان الله مغنيه وحالته ممتازه الحمد لله... هو اي شي يبغاه يشتريه...بعض المرات اشياء خرابيط.. واي شي نفسه فيه يشتريه... وانا ما يعطيني فلوس الين اقوله..واذا عطاني وما كفى تصير مشكله.. اتمنى مره يعطيني فلوس يقول خذي يمكن تحتاجين شي.. انا ودي اخذ منه مصروف 1000 ريال في الشهر..واعتقد انها مناسبه مع ان المفروض يعطيني اكثر نظرا لحالته.. لا تقولون بلا طمع.... بس الله يحب يشوف نعمته على عبده... شاركوني برايكم.....وايش الطرق اللي تخليني اقنعه؟؟!! وشكرا مقدما لكم................... :15_1_68v[1]: مواضيع ذات صلة |
|
05-11-2011, 04:01 PM
|
#2 |
|
|
رد: كيف اقنع زوجي
احسن حل انك تواجهيه و تصارحيه بالي فبالك الحوار هو الحل الوحيد برئي مافي طربقة ثانية شكرا |
|
05-11-2011, 04:13 PM
|
#3 |
|
|
رد: كيف اقنع زوجي
امم حالتك مصتعصيه ههه يعني مو بخيل وماديته الحمد الله غني
ليش مايعطيك الا اللي يكفيك طيب بجد اصلا مفروض ماتطلعين من بيتك الا معك فلوس لو مو محتاجته ماتدرين عن الظروف واللي استرغربته انك متزوجه يعني ميه بالميه اكيد بتحتاجين فلوس لو شي تافه يعني لونك بنت عندك امك خواتك عادي تاخذين منهم بس انتي مدري وشلون صعبه تسلفين ورجلك وين راح بصراحه بصراحه ماحب النوعيه اللي كذا من الرجال مدري وشلون يفكر طيب عطني وش بيضرك الفلوس تروح وتجي بس اتوقع توقعات يعني لاتزعلين رجلك اخذ فكره انه الفلوس ماتنعطى لحريم ويعني انك ماتعرفين تصرفين فيها فايعطيك على قد حاجتك بس ممكن المواجهه تنفع قوليليه ليش ماتعطيني كل ها البخل وهو اذا صدق كريم بيقول لامو بخل قولي اجل ليش ناقصه عن الحريم انا اصلا ليش يشتغل ويجمع افلوس مو لكم خلاص يصرف عليك مثل العالم والناس وانتم شريكين بكل شي وبس هذا اللي عندي يارب افتدك |
|
05-11-2011, 04:59 PM
|
#4 |
|
|
رد: كيف اقنع زوجي
كلمية بصراحة وفهمية الاسباب وحاولي تقنعية وانا عملت كده مع زوجي واقتنع وان شاء الله يهديه لك |
كيف اقنع زوجي