 |
  |
|
|
|
|
|||||||
| قصص و روايات أجمل حكايه همس يوجد هنا أجمل حكايه همس روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية |
|
|
|
#1 |
|
:: كاتبة جديدة :: |
أجمل حكايه همس
مع بزوغ فجر جديد كان تغريد العصافير دلك اليوم مميز كان كل شئ بالنسبة لي مختلف
كان كل شئ أجمل من العادة لأنه كان أول يوم دراسي إنه الصف الأول ابتدائي كنت انتظر دلك اليوم بفارغ الصبر كنت في الأسابيع اللي ما قبل الدراسة كل يوم البس مريول المدرسة والشنطه واناظر نفسي في المرايه حتى جاء داك اليوم رحت مع أخواتي للمدرسة ودتني أختي عند طالبات الصف الأول وزعوا الفصول وبعد توزيع الفصول نادتني المعلمة المسؤوله عن فصلي وقالت لي بكل بساطه أنتي لسه صغيره لا عاد تجي والسنة الجايه تعالي تحطم كل شئ أمامي وطلبت مني الجلوس بعيد عن الطالبات أفقدتني فرحة دلك اليوم الذي لاينساه أي إنسان وزعت الحلوى على الطالبات و بدأو باللعب وانا أناظر من بعيد ... .رجعت للبيت وحكيت لأمي راحت أمي اليوم الثاني للمدرسة لتعرف الموضوع قالو همس باقي لها ثلاث شهور للسن القانوني قالت أمي بس انتم فبلتوها فالبداية وفي مقاعد لكنهم رفضوا بقيت في البيت تقريبا أسبوعين تعبت أمي كثير من هالموضوع والمشكله كنت متحمسة للدراسة وفرحانة كثير بعد مراجعات لإدارة التربية والتعليم ارسلو خطاب بقبولي وفعلا داومت لكن بعد ايش بعد مافقدت الفرحة وما استمتعت بالاحتفال اللي يعمل لأول ابتدائي الأسبوع الأ ول في المدرسة لكن مرت السنه واللي وراها كنت مجتهدة اداكر لوحدي كانت أمي ما تشيل همي من ناحية الدراسة والكل يعرف إني شطوره ما كنت من الأوائل ولكني شاطره مرت الأيام والسنين كنت أدا نجحت يشترون لي أهلي حلاوة ماكنتوش وأوزعها ع لجيران أيام لا تنسى أذكر مره انقهرت حطت المعلمة للطالبت الممتازات شرايط حمراء وكنت منهم لكن للأسف يومين وضاعت الشريطه أنهيت الابتدائية وفي المتوسطة أيضا ادكر لمن حيت استلم شاهدت أول متوسط قالو لي صاحباتي الوكيلة تقول تجين تأخذين شاهدتك من عندها خفت مره ما ادري توقعت إني راسبة ترددت كثير لكن في الأخر رحت لها ولقيت معاها موجهتين ودفاتر كبيره سألوني عن اسمي وعمري وصفي كنت متوترة ها لكلام كان مخيف لي وتفكيري الصغير ما قادني أن كل الموضوع تحقيق في موضوع معلمه كانت تضرب الطالبات بعدين قالت لي وحده منهم ما شاء الله أنتي شاطره ونجحتي بس بنسألك عن المعلمة الفلانيه وسألوني هل بالفعل ضربت فلانة وفلانة وعني لمن ضربتني مره وطلبوا مني أحكي لهم ليش قلت لهم إنها التفت وأنا أطلب القلم الرصاص حقي من اللي وراي وجت خبطتي على ظهري كانت هي معلمة اللغة الانجليزية وبعدين نقلوها من المدرسة طبعا موضوع نقلها بسبب مره كانت تختبرنا وبعدت الطاولات عن بعض كثير لدرجة خرجت كم بنت بطاولتهم ورتبتهم عند باب الفصل وكتبت الأسئلة على السبورة طبعا اللي برى وأنا منهم مايشوفوا الأسئلة تمام قالت عروب أبله اقرئي لنا الأسئلة جات الأبله ومسكت عروب بأذنها قالت لها أبله أدني تعورني قامت ضربت عروب كف على أدنها عروب جرت بسرعة تبكي للاداره من حسن حظها كان موجود موجهه وسألت عروب ايش فيها عشان كدا الموضوع صار فيه تحقيق لأن الموجهة شافت البنت لأن الضرب كان ممنوع بس ها الأبله طنشت هالقرارات وصلت لأول ثانوي حسيت مستواي بدأ ينخفض لصعوبة المواد وكثرتها احترت وش ادخل أدبي ولا علمي في النهاية دخلت علمي مرت ثاني بسلام وصلت ثالث طبعا قرار المعدل يكون من سنه ثاني كان للدفعة اللي بعدنا مر الفصل الأول ونسبتي مره كانت نازله على الرغم كنت اداكر لكن كان هناك أسباب كثيرة لها النزول أولها وضعي بفصل وصاحباتي بفصل كمان كنت أشوف بنات اشطر مني وما انقبلوا با لجامعه وخوفي من أسئلة الوزارة حرصي الزايد إني أحقق حلم أمي افقدني التركيز بعد الفصل الأول تحطمت زيادة اقترحوا بعض البنات اللي نسبهم واطيه أننا نعيد السنه بس أنا ما كنت متخيله أعيد سنه وبمزاجي ورفضت كانت أيام صعبه بس كمان كانت حلوه لمت شلتنا ومواقفنا حبنا لبعض ما أنسى يوم حفلة تخرجنا الله والحفلة عاد طبعا مديرتنا رفضت نلبس لبس للتخرج وقالت الحفلة بنفس المرايل بس باسمه يوم حفله فرحنا وانزفينا وبكينا نزلت جداول الثانوية حاولنا نستعد لها وتقريبا قبلها بأسبوعين 0000رحت أنا وصديقتي سارة عند مدرسه خصوصية للكيماء داك اليوم كان مضحك كانت حاطه الحصة حقتنا بالصباح تعذيب سارة عطشانة طلبت مويه راحت وجابت المويه صبت لها وراحت تبغى تسوي لنا نسكا فيه شافتنا مره دايخين نوم لمن جت سارة تشرب إلا تشوف شوائب في المويه ورتني إلا المويه مره مقرفه ياربي وش نسوي بتقول ليش ما شربتيها المهم قلت يالله بنرجعها كأنك شربتيها أشكالنا تضحك وإحنا بسرعة نرجعها لاتجي شوي ألا جت ياسلام بالنسكافيه قالت يالله اشربوها طبعا بعد اللي شفناه مستحيل وهي إلا نشرب تبغانا نصحصح وإحنا نقولها طيب المهم صرفناها انا حكيت من كل مرحله موقف بارز لكن قصدي من كتابة قصتي ألي أساسا بدت بعد الثانوي أن الأمل موجود مهما بعد بس لازم إحنا ما نستسلم في قصتي في البداية أنهيت الامتحانات طلعت النتايج النسبة كانت جدا واطيه لأن أسئلة الوزارة زادت الطين بله خاصة الكيمياء والرياضيات الجامعة مستحيل تقبلني وكان موجود الكليات التابعة لوزارة التربية والتعليم حتى هادي ما راح تقبلني إلا انتساب وأنا أساسا نظام هالكليات ما كان عاجبني حاولوا أهلي بالواسطة للجامعة قالوا نرد منكم مر الفصل الأول على أمل الفصل الثاني أنقبل لكن مماطلة عالفاضي ترددت في التسجيل في الكليات انتساب لكن سجلت انا وسارة و لمن جاء وقت تسليم الأوراق غيرنا رأينا وقرنا ماندرس المهم جت السنه اللي بعدها وأنا خلاص شلت فكرة الدراسة من رأسي لكن الناس مايرحمون ماقابلني أحد إلا وسأل كم نسبتك ومانقبلتي لمن أقول سجلت انتساب الكل يحطم محد ينجح أساسا انتساب ومن هالكلام وما يفهمون انه بالأخر بكالوريوس وكأنه شهادة محو أميه عندهم بصراحة كنت أتضايق من هالاسئله زي ماقلت شلت فكرة الدراسه اطفش لمن يبدأ التسجيل تطلع لك الإشاعات المهم في ديك السنه إشاعات انه راح يصير قبول بأعداد أكثر المهم سجلت وانا ما ني مقتنعه بس قلت لو جت الدراسه ومالي مزاج أروح اسحب الملف وها المره جبنا واسطة للكلية قلنا يمكن انقبل انتظام فيها صح أنظمتهم ماهي عاجبتني بس يالله وبعد مراجعات قالوا مالك إلا انتساب وبعد ما بدت السنه بكم شهر رحت وسحبنا ملفاتنا انا وسارة لمن سحبته حسيت براحه عجيبة وقلت خلاص لحد يكلمني بها لموضوع هدا قدري وانا راضيه فيه رفضت اسمع أي شئ عن التسجيل في السنه اللي بعدها وصرت اقطع على كل من يسألني إني خلاص ما ابغي الدراسه وبعيش حياتي واستفدت من وقتي واخدت دبلوم حاسب ودوره ثانيه وسارة مرافقتني ها لمشوار وعشت أيامي كانت صاحبتنا يارا دايم تقول وإذا انتساب انتم قدها وتشجعنا قلت انتهى هالموضوع عندي لمن انتهت السنه بديت اسمع با لصدفه بدون بحث مني انه الكليات أنظمت للجامعة وصار نظامها واحد وانه الانتساب فيها سنه لو صار المعدل 2ونص تقدر الوحدة تحول انتظام طبعا الانتظام في الدراسه أسهل بكثير من الانتساب بحكم حضور المحاضرات وانه عندك فرصه للنجاح بحكم توزيع الدرجات لان الانتساب 100درجه عالاختبار النهائي وبس بديت اتدكر أيام الدراسه وكيف أمي كانت تفرح لمن كنت انجح كيف كنت طموحه بصغري ومدح المعلمات لي تذكرت كلام يارا تذكرت إني دايم أشجع اللي حولي عدت لشخصيتي اللي زمان وتذكرت انه مو انا اللي استسلم مو انا اللي أيأس سألت نفسي أحلامي وين صارت وانا وين صرت يالله لقيت مسافة بيني وبينها طويله حسيت الوقت مشى وانا ماحسيت بنفسي لقيت انه باقي لي سنه لو ماسجلت فيها بعد كدا ماراح اقدر أسجل وقلت يارب دلني على اللي فيه خير لي ومع الأيام والتفكير استرجعت همس الطموحه كلمت سارة ورجعتها للماضي شوي وقلت لها وش رأيك نكمل ها لسنه قالت الحين قلت إيه أنتي داريه هادي أخر فرصه لنا خلينا نجرب قدرنا أهلا وسهلا ولو ما قدرنا باسم إنا حاولنا وعشان ما يجي اليوم اللي نقول فيه يا ليت تدرين فيه ناس يتمنون يكملون لو انتساب وإحنا الفرصة عندنا ونرفض وحكيت لها انه النظام صار اللي نبغاه لان أنظمة الجامعة غير الكليات اللي زمان فالكليات كانت تحطم مثلا لو تعثرت في عدد معين من المواد تعيد السنه كاملة بس الجامعة قد ما تعثرت تقدر تحملها وتمشي اقتنعت بكلامي لكن اكتشفنا حاجه انه من الشروط للقبول لازم نختبر قدرات تنكدنا شوي وش ها لتعقيد المهم سجلنا في القدرات اطلعنا على نماذج الاسئله تحطمنا شوي لان لنا فتره عن المداكره تعبنا خاصة في الاسئله التحصيلي لان المعلومات مع الوقت تسربت بس حاولنا يالله داك اليوم لاينسى رحنا الجامعه وسارة ما عندها جهاز جوال بدون كاميرا فقالت لي راح تنتظرني عند الباب بس ماكنا نتوقع الزحمه بتكون بها الشكل دخلت دورت لها ما لقيتها كان يوم عصيب غير ربكة الاختبار الزحمه كانت تخوف جيت أحط أغراضي قلت للبنت اللي جنبي لو سمحتي شوي وما طالعت بوجهها بعدت لمن رفعت رأسي طلعت البنت هي سارة يالله فرحنا من جد حوسة ما قبل الاختبار لابد منها مع الأعداد الكبيرة دخلنا القاعة وبدأ الجد حاطين لكل سؤال وقت معين زاد من ربكتنا وحست شوي بأسئلة التحصيلي لا يفوتكم الانجليزي يا إني لعبت بحسبته المهم عدى على خير خرجنا وإحنا جالسين قريب من الكافتريا نشرب عصير قربت مننا بنت ما عرفتها قلت سارة تعرفينها قالت لا المهم وصلت كانت لابسه نظاره شمسيه قالت السلام عليكم ردينا السلام قالت بسألك ممكن؟ قلت تفضلي قالت أنتي همس؟ وكنتي تدرسين بالابتدائية الفلانيه والمتوسطة الفلانيه قلت ايوه قالت ما عرفتيني قلت للأسف لا قالت حاولي انا انحرجت من البنت عارفتني وانا ما ني عارفتها بديت افر الداكره ماطلع معي شئ بديت أجيب لها أسماء بنات من المدرسه كل ماقلت أنتي فلانة قالت اعرفها بس مو انا سارة شا فتني انحرجت قالت طيب ارفعي النظارة يمكن تعرفك لأن النظارة تغير الشكل رفعتها البنت بس كمان ماعرفتها بالأخر قلت قولي بصراحة ما عرفتك قالت تذكرين أبله فلانة حقت الانجليزي قلت إيه قالت تذكرين البنت اللي ضربتها على ادنها قلت إيه لمن ركزت في البنت قلت يعني أنتي عروب قالت ايوه سلمت عليها وبدت تذكرني بكم موقف صار وطلعت حتى هي جايه للقدرات وحكت لي انها تركت الدراسه وبعد كدا كملت وبعد ماخلصت الثانوي جلست بالبيت والحين قررت تدرس يالله يالدنيا كيف تدور قلت لها بصراحة أنتي تغيرت ملامحك علي قالت أما أنتي زي ما أنتي بس صرتي همس كبيره المهم جلسنا فتره وطلعت النتايج رحنا سلمنا ورقنا للجامعة على انه انتساب طبعا قررت إني ما أسمح لأي احد يحطم ويقول الانتساب محد ينجح فيه ومن هالكلام حاولت اهتم بالدراسة وكل ما تسرب الملل لنفسي قلت يابنت هانت (حاولي عشان ما يجي اليوم اللي تندمين فيه) وهدا كان شعار لي طول ها لفترة لا ملت سارة شجعتها ولا مليت شجعتني وافقوا بعض الدكاترة نحظر لهم كم محاضره ناخد فكره عن المواد نزل لي بالجدول 8مواد وكمان سارة طبعا دخلنا نفس التخصص وجت الاختبارات جا تني حالة الطفش والنوم اللي كل ما امسك الكتاب بصراحة تعبت وخاصة انه جاتني أنفلونزا ولا متى بوقت اختبار الانجليزي والعربي أيام من جد كانت صعبه كان نفسي اثبت للكل إني قد الشئ اللي اخترته وكمان أحقق حلم أمي إني أخد الجامعه لأنها تعبت علي بأول ابتدائي أنهيت الاختبارات ونتائج المواد نتابعها عن طريق النت وكان النت مفصول عندي وعند سارة وطلبت من بنت جيراننا تشوف إدا نزلت نتائج المواد أعطيتها الرقم الجامعي والسري حقي وحق سارة تأخروا ما نزلوها بدري وفي يوم اتصلت علي قالت قولي لي توقعاتك قلت بنجح في ثلاث وبتعثر بخمسه قالت يالله ليش مستواك كدا لعبت بأعصابي شوي وبعدين قالت أنتي بخمس مواد ؟؟؟؟؟؟؟؟؟نجحتي والباقية لسه ماطلعت نتيجتها وسارة زيك يالله انصدمت معقول نجحت بالمواد اللي كنت خايفه منها أمي لمن عرفت فرحت وبكت ماكنت مصدقه اهلي فرحوا فيني زي زمان وقالوا أساسا كنا متوقعين تنجحين أنتي عمرك ما رسبتي دقيت على سارة وقلت لها ما صدقت المهم فرحنا سوى وقلنا يالله لو تعثرنا بالباقي مو مشكله المهم انا أنجزنا شئ اليوم الثاني طلعت نتيجة المواد الباقية ونجحنا فيها وبعدها لمن نزلت المعدلات اتصلت بنت جيراننا الله يجزاها خير وقالت لي بصراحة جبتوا معدلات الانتظام ما جابوها حمدت ربي وصليت شكر لله أهم شئ كان عندي أمي وقتها عرفت كم مره حاولنا بواسطات قويه ادخل وما تيسرت و وعرفت إن ابن آدم ما يا خد غير رزقه وانه لو اجتمعت الإنس والجن على أنهم ينفعونه أو يضرونه بشئ وربي ماكتب له ها لشئ ماراح ياخد غير رزقه بها الدنيا قلت سبحانك يارب وجاء الفصل الثاني وشديت حيلي أكثر عشان المعدل يرتفع فعلا الحمد لله نجحت وكان معدلي الفصلي ولله الحمد ممتاز والتراكمي جيد جدا وسارة معدلها كمان حلو بس ناقصها كم نقطه عن المعدل المطلوب للتحويل انتظام قلت خلاص بأجل التحويل الحين وأكمل معاك انتساب وبعدين نحول مع بعض رفضت طبعا وما خلتني اطلع من الجامعه لين ما أقدم أوراقي فعلا حولوني انتظام عانيت بداية السنه شوي لان سلطانه بحكم أنها انتساب ما كانت تداوم كثير وانا متعودة عليها المهم عديت السنه الثانية ومعدلي في ارتفاع وبدت السنه الثالثة فرحت لان سارة كمان جابت المعدل المطلوب قدمت طلب تحويل وانا سعيدة بها ليوم وقلت يابنت يصير نعدل جداولنا ونخليها نفس المجموعات ونحضر مع بعض لكن كعادتي فرحتي ماتم رفضوا طلبوها بعذر انه نظام التحويل للانتظام توقف وأنه خلاص ما بقي لها إلا سنه ع التخرج الله حسيبهم بها لجامعه حطمونا وقتلوا الفرحة فينا وهادي سارة مكمله انتساب ماشاء الله عليها بدون تعثر وصار باقي لنا سنه ونتخرج من الجامعه وبإذن الله طموحنا ماراح يوقف هنا ومبسوطات مره بالتخصص اللي فيه على الرغم انه كان اتجاهنا علمي بس كانت التخصصات اللي قدامنا محدودة واخترناه من بينها والحمد لله ما ندمنا ولا راح ندم ومثل ماقلت انا كتبت رحلتي هادي مع الدراسه عشان أقول لكل إنسان حس بيوم إن الأبواب تقفلت بوجهه وانه فقد الأمل في الشئ اللي كان يحلم في الوصول له إنه باب الدعاء مفتوح و الأمل موجود بس إحنا لازم ندور عليه ونتمسك فيه وانه ما ناخد غير اللي كتبه ربي علينا من قبل ما نولد وانه لولا الفشل ما حسينا بطعم النجاح وكل إنسان ناجح إلا ماتلاقيه تعب بحياته شوي بس الطموح يعمل المستحيل وأول الشئ هو الثقة بالله تعالى والتوكل عليه سبحانه ولازم الإنسان ما يعطي لكل من هب ودب فرصه أنه يدلي برأيه في الشئ اللي اختاره ويبين انه ما هو بحاجة رأي ها لإنسان وانه الشئ اللي اختاره يخصه هو وهو مسؤول عن نتيجة اختياره لان اللي يحطمون ما أكثرهم ها لأيام صار الواحد منهم يتكلم باللي ما يعنيه وبشئ كمان ما يفهمه وهدا الشئ مريت فيه بعد دخولي الجامعه لمن أنسأل ويعرف أني انتساب تحس انه أساسا ماهو معترف بحاجة اسمها انتساب كيف بيعترف بحاجه اسمها بالنهاية بكالوريوس لكن العبرة بالنهاية فعلى الإنسان أن يجعل حياته حلما ثم يجعل هدا الحلم حقيقة ..... صاحبة القصه /الفداء مواضيع ذات صلة |
|
|
#2 |
|
|
رد: أجمل حكايه همس
قصه روعه والله ماتخيلي كيف رفعت من معنوياتي لاني الحين اكمل دراستي بعد انقطاع 6 سنوات
مشكوره يالغلا |
