 |
  |
|
|
|
|
|||||||
| العناية بالبشرة و الجسم شاور مدته ساعتين هيخليكي عروسة Forever يعني على طول يوجد هنا شاور مدته ساعتين هيخليكي عروسة Forever يعني على طول وصفات خلطات كريمات أقنعة البشرة العناية بالبشرة و خلطات الجسم أنواع البشرة , اسمرار البشرة العناية بالبشرة و الشعر و الجسم خلطات الجمال خلطات طبيعية |
|
|
05-12-2011, 08:37 AM
|
#1 |
|
:: كاتبة نشيطة :: |
:frasha12:
بصوا بئه طول عمري بحب البساطة علشان التعقيد بيجيب ملل واحباط وبنكسل نعمل اي حاجه خالص علشان كده انا اختصرت كل حاجه في ساعتين لو استمريتي على كده هتبقي فله شمعه منورة مش هيكون في حد انضف منك لانك هتعملي تنضيف بشرة وحمام زيت وازالة الشعر وسكرب للجسم لا وايه؟ كله في البخار المسام مفتوحه والجلد طري مفيش بعد كده والوقت محسوب مفيش ثانيه بتضيع في الانتظار وقضي الاسبوع كله في منتهى النضافه مش هتحتاجي اي كوافير ولا ماسك ولا اي تلزيق كل شوية الموضوع النهارده حاجه جامده جدا خاصة للموظفات واللي مش فاضين يهتموا بنفسهم لان مرة كل اسبوعين او اسبوع تغنيكي عن اي حاجه تانيه المده : ساعتين او ساعتين ونص التكرار: كل اسبوع او اتنين الغرض : تبقي احلى عروسة نيجي للمه الادوات اللي هتاخديها معاكي الحمام: 1- فوطه او بشكير وبرنص 2-اعشاب 3-خل تفاح 4-وساده بلاستيك منفوخه ( غير ضروريه) 5-شراب فيليه فيه رده وكاموميل 6-بنس للشعر 7-بونيه بلاستيك للشعر 8-عسل ابيض نوع جيد 9-زيت زيتون وملح 10-ليفه وصابونة 11-كريم مرطب او كارباميد كريم 12-ادوات المانيكير 13-ادوات ازاله الشعر :سيلكابيل سويت ماكينة حلاقه و فتله وملقاط اللي يريحك 14-نشا+ماءورد+نصف ليمونه كميه للجسم كله 15-فيوسيدين كريم او كيناكومب كريم 16-جونسون بيبي اويل 17-وطبعا هدوم نضيفه هتلبسيها في الاخر 18-مشط وكريم شعر وادوات التسريح 19-معجون اسنان وفرشاة اسنان 20-مش عارفه عايزة اقفلهم عشرين خدي اي حاجه تكوني محتاجاها وخلاص اه افتكرت ماسك سنفرة للوجه او سكر بس حتى طريقة الشاور الفارماسيستي الجامد جدا 1-سدي البانيو وحطي فيه مغلي الاعشاب : اي اعشاب؟؟ لا طبعا للبشرة الدهنيه: القصعين او الخزامى او اللافندر يقبض المسام للبشره الجافه : الكاموميل تنعيم وتفتيح المسام وازالة الرؤوس السودا لازالة رائحة العرق: اكليل الجبل يعني الغالب هيستعمل اكليل الجبل مع الكاموميل وممكن النعناع وممكن زيت عطري 2- قفلي الشبابيك وافتحي الميه السخنة بس وحطي تحت الحنفيه او الدش الاتي شراب فيليه حطي فيه كاموميل مع رده واقفليه كويس واقفلي باب الحمام وانتي جوه ومعاكي كل حاجتك وهو بيتملي حطي حمام زيت اي نوع تحبيه على شعرك مع التدليك ولفيه لفوق كحكه وحطي بونيه بلاستيك وحطي عل وشك ورقبتك وشفايفك وحول العين عسل من نوع جيد قبل البانيو ما يتملي للمقدار اللي انتي عايزاه ظبطي درجة حرارة الميه وحطي نص كوب خل تفاح او لو مفيش مش ضروري 3- اقعدي في البانيو ربع او نص ساعه بالكتير ويا سلام لو حاطه وساده منفوخه او اي حاجه بتنفخ ومريحه عوامه ضغيرة مثلا وانسي الدنيا تماما استرخاء تام 4- استحمي عادي من غير ما تغسلي شعرك وانتي بتفضي البانيو واعملي سنفرة بزيت الزيتون والملح من تحت لفوق بحركات دائريه يعني من القدم وانتي طالعه ولما تخلصي هاتي الشراب الفيليه وخدي منه الرده والكاموميل وادعكي بيهم جسمك بالراحه من تحت لفوق بردو واشطفي جسمك كويس اوي واستحمي تاني 5- اخرجي من البانيو ولو عايزة تعملي اي حمام زيت او كريم لشعرك اعملي و اعملي سنفرة لوشك باي حاجه تحبيها سكر او ماسك سنفره واعملي باديكير سريع للقدم وحطي كارباميد كريم عليها او اي كريم مرطب عندكم صدقوني لما هتعملوا كده مش هتحتاجوا كوافير ابدا وكله هيبقى تمام 6- نبدا في ازالة الشعر السيلكابيل ميزتها اتها سريعه جدا وبتشيل كل الشعر وكمان هتبقى بعد الشاور والسنفرة يعتي هتبقي فله ممكن تعملي بيها كل جسمك وطبعا اللي بتحب السويت بردو تمام 7- بعد ما تخلصي ازالة الشعر حطي ماسك نشا وماء ورد وليمون على كل جسمك 8- وانتي حاطه الماسك ده على جسمك اعملي وشك انا بعمله بالسيلكابيل وفوق الفم بالفتله وحطي كريم فيوسيدين او كيناكومب بس كيناكومب فيه كورتيزون ممنوع للحامل والمرضع 9- خلاص خدي شاور اخير واغسلي شعرك من حمام الكريم وحطي بيبي اويل جونسون باي ريحه تحبيها على كل جسمك وهتبقي احلى عروسة في ساعتين بس اوعوا تفتكروا هتاخدو وقت لا احناستغلينا الوقت وعملتي كل حاجه تتمنيها ولو فعلا عملتي كده كل اسبوع كل مشاكلك هتتحل باذن الله واخيرا وليس اخرا اغسلي اسنانك بالفرشاه والمعجون اوعو تنسوا هقولكم فوائد حمام الاعشاب تلين وتجميل أنسجة الجلد. تنشيط الدورة الدموية. زيادة حيوية الجسم. تلطيف الجسم، وإزالة توتر العضلات، وتسكين الآلام. تقوية عظام الجسم. تلين المفاصل وتخفيف الآلام الروماتيزمية. تخفيض حرارة الجسم المرتفعة. تهدئة الأعصاب. تعمل كمطهر للجسم. تنظيف الجلد وإزالة الرواسب عنه. مساعدة الشفاء من الأمراض. تقوية الجسم عامة :a5bdf2b232: مواضيع ذات صلة |
|
08-26-2011, 08:39 AM
|
#2 |
|
|
رد: شاور مدته ساعتين هيخليكي عروسة Forever يعني على طول
مشكوؤوؤوؤووؤرة..
وجزآكـ الله كل خيير.. |
|
08-26-2011, 11:52 AM
|
#3 |
|
|
رد: شاور مدته ساعتين هيخليكي عروسة Forever يعني على طول
شي حلو
تسلمي.. |
|
08-26-2011, 02:22 PM
|
#4 |
|
|
رد: شاور مدته ساعتين هيخليكي عروسة Forever يعني على طول
 شكرآ جزيلا على الموضوع الرائع و المميز واصلي تالقك بارك الله فيك اختي نتظر منك الكثير من خلال ابداعاتك المميزة منورة قسم العناية بالبشرة والشعر والجسم ||صفاء*|| |
|
08-26-2011, 05:45 PM
|
#5 |
|
|
رد: شاور مدته ساعتين هيخليكي عروسة Forever يعني على طول
الله يعطيك الللللللللللللف عاااااااااااافية قلبو
|
شاور مدته ساعتين هيخليكي عروسة Forever يعني على طول