ازياء, فساتين سهرة

العودة   ازياء - فساتين سهرة و مكياج و طبخ > أقسام عامة > قصص و روايات > روايات مكتملة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
روايات مكتملة ضمني وخبني بين اضلعك,, بقلمي يوجد هنا ضمني وخبني بين اضلعك,, بقلمي هنا تنقل الروايات المكتملة فقط


 
قديم 05-22-2011, 02:33 PM   #1

فتـــو

:: كاتبة نشيطة ::

الملف الشخصي
رقم العضوية: 164525
تاريخ التسجيـل: May 2011
مجموع المشاركات: 126 
رصيد النقاط : 0

ضمني وخبني بين اضلعك,, بقلمي


ضمني وخبني بين اضلعك,, بقلمي













مرحبا صبايا..


اليوم ان شاء الله راح انزل اول البارتات للروايه
. روايه فيها من الواقع الكثير لكن ممزوج بخيال فتو..
فيها ..
شقاوة المراهقه
جنون الحب
وشوق العشق
وفيها من ضلم القريب

ومواضيع عديده ومناقشه لمشكلات نواجهها قد ينفي وجودها البعض ولكن رؤيتي لتأثيرها على اغلى انسانه دفعني للكتابه عنها ..


شخصيات روايتي واحداثها 70% من الواقع لشخصيات مختلفه,,الجريئه,الضعيفه,المتمر ده,وغيرها من الشخصيات


رائيكم يهمني مهما كانت قلة حروفه,ونقدكم سأتقبله برحابة صدر..
وللآن انا اكتب الاجزاء الاخيره لذلك يهمني رائيكم وافكاركم وتوقعاتكم لمساعدتي في كتابة اخر الاجزاء فلا تبخلوا علي بنقد ورائي وتوقعات حروفكم.




اتمنى ان تنال استحسانكم "ضمني وخبني بين اضلعك".
دمتم كما تحبون
اختكم

فتومه



التعديل الأخير تم بواسطة فخآإمهہ جيزآإنيهہ ; 05-27-2015 الساعة 02:28 PM. سبب آخر: وضع الشعار
 
قديم 05-22-2011, 05:58 PM   #2

فتـــو


رد: ضمني وخبني بين اضلعك,, بقلمي


ضمني وخبني بين اضلعك,, بقلمي

هذا البارت راح يكون تعريف للشخصيات بطريقة احداث متفرقه,وبالبارت الثاني راح نبدا الاحداث الحقيقيه وكل مادخلنا بالفصول الجايه اوعدكم ..بتطورات سريعه ومؤثره
اتمنى تستمتعون باول بارت لأن اغلب احداثه حقيقيه 100%




(البارت الأول)
الذكريات
اخر ايام إمتحانات الثانوي

سمر: فتون ...فتون..هي اكلمك
فاتن: قالوا لك صقهى اسمعك وش تبين؟
سمر: اعوذ بالله على هالأخلاق
فاتن: إسمعي ترى مانمت زين واصله معي وتوني طالعه من الإمتحان

وانا عافسه الدنيا ..وش تبين إختصري
سمر: ول ول ول ...طيب وش الجديد يالخايبه؟
(فاتن ساكته بس ناظرت سمر ,,يعني اسكتي وقومي عن وجهي)

سمر:والله شكلها مقفله معك ... (وفكرت تطلع فاتن من ذا النكد)
تذكرين يوم كنا بالمتوسطه ومافيه حصه نخليها الا ونطلع منها
فاتن وهي ترجع راسها على الجدار: ياكثرها من مرات

(ورجعت بهم الذاكره يوم...
المُدرسه: نعم وش عندكم يالثنائي واقفين على راسي ماقلت لكم جيبوا

الدفاتر اصحها ,بكره بأطلبها.
فاتن:استاذه لا مو الدفاتر ..ممكن لو سمحتي اودي سمور غرفة

المراقبه,مره تعبانه شوفيها... مسكينه.
المدرسه: اقول اتركي يدها هي تروح لحالها,انتي ارجعي مكانك
فاتن: لا يا است..
المدرسه: قلت إرجعي وهي تروح,وله ماحد يطلع منكم انتم الاثنين
فاتن: الله على ذاك الخبال..بس انتي ماكنتي تعرفين تمثلين على استاذه

فريال باللذات
سمر: لا.. انتي اللي ماعرفتي تقنعينها,اصلا انتي دائماً ماعندك اسلوب

داليا: سلام ياحلوين, وشفيكم شابين في بعض, وليه قاعدين هنا!!
سمر: تعالي الله جابك ,بذمتك البنت هذه عندها اسلوب
داليا ناضرت بفاتن ورفعت حاجبها وقالت: ام العربجه,لا اسلوب,ولا

رقه,ولا ذوق,دفشه وعربجيه
فاتن: الشرهه علي اللي اسمع سواليفكم وخروا بس خلني اروح
داليا: والله ماتروح قلب وعيون وروح دالي
فاتن: إي هذا الكلام , مو توقفين مع سيدة الرومانسيه ضدي
سمر: كنا نتذكر ايام المتوسطه
داليا: يوه تذكرين فاتن يوم ناخذ ارقام البنات من على الباب ايام الامتحانات
سمر: وش ذي السالفه ماقلتوا لي؟
داليا: افا..اجل إسمعي , ذاك اليوم من الطفش إقترحت فتون الحلوه إننا

ناخذ اسماء بنتين نعرف اشكالهم بس ما نعرفهم شخصيا...ونخبل فيهم
سمر: وش سويتوا؟
داليا: بعد ما اخذنا اسمائهم الكامله طلبنا الرقم من السنترال ودقينا عليهم

وخذلك هبال
سمر: هههه والله انكم مهابيل, وبعدين
داليا. ابد ما غير نقولهم احنا معجبات ونحبكم وكل وحده فينا داقه على

وحده,وتسمعها اغاني بعد هههه
فاتن: والله كنا مهابيل,اسكتي لا احد يسمعنا يقعد يضحك علينا
داليا: ما قلتوا لي كيف امتحانكم؟
سمر: انا والحلوه ذي زي الزفت
داليا: ما شاء الله علينا, متعاظدات في كل شي ههههه
سمر: اهم شي نجح وبس إن شاء الله نجيب ظعيف
فاتن: على قولك, ابي اقعد بالبيت انام على كيفي اسهر اسوي اللي ابيه من

غير ما اسمع موال(( فاتن ذاكري)), ((فاتن قومي نامي ماعندك مدرسه))
سمر: ههه يله الحارس ينادي اسمي اشوفكم بكره...باي
فاتن وداليا: بايات.


((خلونا نتكلم عن الثلاثي اللي راح يفرون معنا بالقصه فر
فاتن ..بطلتنا الأساسيه اللي يشوف طولها ولونها الحنطي وعيونها العسليه

وجمالها الفاتن ما يتخيل انها قويه وصريحه ماتحب اللف والدوران اما
اسلوبها انتم قريتوا شي منه ودائم صديقاتها ينادوها عربجيه...
داليا...رقيقه جذابه بيضاء وجريئه دلوعه بعفويه كل من شافها حبها...
سمر.. افكارها جريئه حبوبه حنطيه وجميله جدا تعكس صوتها الناعم
ورومانسيتها الهائله وعندها مثل دالي اسلوب في الكلام عكس فاتن... اما
بقية الشله نتعرف عليهم خلال الاحداث))

في بيت فاتن
فاتن:يمه يمه يا يمه ...وينك الغدا جاهز؟ ترا فارطه جوع يمه
الام: يابنت بس وطي صوتك ذا العله, انتظري شوي ابوك يمديه على

وصول
فاتن: يوه يعني انا وش يصبرني... صح وينه حبيب قلبي
الام: اخوك بدر توه جاي تلاقينه بفرفته

""وعلى طول راحت له"
فاتن: حبيب قلبي..كيفك
بدر: هلا والله بفتونه... صوتك ما شاء الله سابقك
فاتن: على فكره من زمان عن احم احم اسمع..(وا او وا)
عائشه:الحمد لله والشكر انتي متى بتكبرين!!وش قاعده تسوين؟
بدر:هلا بأم محمد حياك,الحبيبه قاعده تغني اوبرا
عائشه: ههههه والله انتي يا اختي كل يوم تنجنين زياده
فاتن: قولي ماشاء الله
عائشه: ههه, اقول قومي يله انا جايه من بيتي متعنيه ابيك تروحين معي

السوق زواج اخوزوجي قرب وللان ما شريت فستان
فاتن: تستاهلين خل يصير فيك مثل زواج بنت خالي قلنا لك خيطي معنا

مسويه فيها(وترفع فاتن خشمها تقلدها وتقول...لالا بيوم واحد انزل السوق
واشتري لي جاهز)
عائشه: لايكثر قومي اخلصي
فاتن: ماتغديت
عائشه: الله المستعان انتي وجوعك بشتري لك على طريقنا اللي تبين يله
بدر: اجل طفوا النور وقولو لأمي لاتقومني على الغدا
(( وهنا يكفيني اقول ان بدر عمره 25 ويحب فاتن اكثر من اخوانه عنيد

وغيور ولاعصب اليد تشتغل قبل العقل بس على الرجال اما خواته ما يمد
يده ابداً))
::::::::::::::

اخر يوم امتحان وداع للمدرسه
بع ماطلعوا البنات من الفتره الاولى

اماني: فتون وش رائيس تعيدين السنه معي
فاتن:وشي !!لاياشيخه,شايفتني مجنونه
اماني: اللحين اللي يجيب نسبه مجنون؟ إعقلي بس كل الشله راح يطلعون

وانا ابي اعيد ,يله تكفه اقعدي معي لا تخليني لحالي,,اليوم اخر فرصه
سوي مثلي اكتبي مكان الجواب السؤال نفسه وراح تعيدين
فاتن: شوفي انتي جد صديقتي واعزك واموت فيك..بس ما تعرفين تفكرين

صح ...ياحبيبتي في احسن من الراحه وله النوم...فكينا
اماني: والله راح تندمين وتشوفين بذكرس.
فاتن: بلا فلسفه اصلا امي واعدتني لو انجح بتسوي لي حفله وبإستراحه

بعد, ليه اتعب نفسي واضيع سنه ....بالله فكينا
وعند داليا وسمر:
سمر: يله عاد كم مره اقولك لا تتكلمين معنا الا بالحظرمي
داليا: اي والله حبيت كلامهم منك
اريج: ويه بغيتوني اقولكن؟
سمر: غني لنا شي
اريج: على شرط
سمر: انتي تامرين
اريج: ترقصن ؟؟؟
داليا: ماطلبتي يله
شيخه: لحظه بظبط العلبه عشان اطق,بس غني شي معروف عشان اطق

معك
اريج: لا ان شاء الله تعرفينها يله جاهزين؟؟؟
وكل الشله:إي جاهزين
اريج:وبشل حبك معي بلقيه زادي تيرا

(وما غير البنات يترزحن ويرقصن وهلا وسرا وعاشوا ...ولحسن حظهم
جتهم وحده من صديقاتهم تقول لهم ان فيه وحده رايحه تبلغ عليهم...وبس
سمعوا ذا الشي كلٍ راح يشغل نفسه بشي
داليا فتحت الكتاب اللي امتحنته وخلصت تصرف...وسمر من جد كانت

حرانه من الرقص وقاعده تهوي بكرتونه وتقول استغفر الله استغفر الله
حر استغفر الله...اما اريج ماتشوفين غير غبارها ولحقوها بقية
الشله....يعني حلو يكون لك صديقات منتشرات ينبهونك من بعض الملقف.)
وبعد الفتره الثانيه للاختبار
اريج: كنش يا اماني؟
اماني: وش فيك
اريج: من جد وش مسويه بمريولك
اماني: وش اسوي هذه اخر مره اشوفكم فيها ولازم كل وحده اعرفها توقع

وتكتب لي تذكار على المريول
داليا: يوه والله فله بقلدك ممكن؟
اماني: خذي راحتس, إلا وين فتون
اريج: خليها لاتجي وتقولنا نكتة الرجال والحمار , تراني مصدعه
داليا: شوفيها مع سموره, جبنا سيرة القط
سمر: وش ذا المريول من جد خريطه
فاتن: هاي بنات كأني أسمع النكته حقتي , عموما من غير ما تطلبونها والله

بقولها..كان في حمار وكان في رجال قام الرجال قال للحمار انت حمار ليه
ياحمار قاله ..انا حمار عشان انت حمار,,قاله انا حمار قاله ايوه قالوا طيب
انا اوريك وراح شكى للذيب وقالو ا كان في حمار وكان في رجال قام
الرجال قال للحمار ....( وتعيد وتزيد ويوم شافت ان كل البنات عبسوا
وطفشوا وحطوا يدهم على اذنهم كالعاده ضحكت وأشرت لهم بأيدها ان
خلاص ماراح تكمل وقالت لهم) : لأن اليوم اخر يوم انا جبت تذكار بسيط
لكل الغاليات على قلبي
اماني: يعني وش جايبه ورد من محل ابو ريالين
(البنات كلهم فطسوا ضحك)
فاتن: الشرهه علي معبرتكم فارقوا
سمر: قايله لك مو لايق عليك دور الرومانسيه ذا دوري انا ههه
فاتن: والله ماتستحون,خذوا جعل تنكسر عليكم
اريج: ماعليك منهم الله والله تسلمين اخيرا لقيت علبه تحفض عطري,بدل

ماكل شوي ينكسر
فاتن: هذه العالم اللي تفهم
داليا: ماقلتي لنا ..ناويه على الحفله بعد النجاح
فاتن: ابد بس خلهم يقولون فتون نجحتي وتشوفين, بس على الله الأخت

سمر مو مثل العاده ماتجي
سمر: لمليون مره اقولك بعرس بنت خالك والله كنت جايه بس دخلت قاعه

غير حقتكم واخوي راح وما كان معي جوال
فاتن: صرفي بس شوفي يارب اذ مابتجين خلها ترسب يارب
سمر: ام النذاله ياناس

:::::::::::::::::

نقلات كبيره ورحله مع الخُطاب
انتهت ايام الطيش ومرت ثلاث سنوات وصارت اعمار بطلاتنا 21 سنه
بس عقولهم وتصرفاتهم كانت مابين النضج والجنون كل وحده صارت
بدنيتها تغيرات وتطورات راح نشوفها
بدر: فتون وش فيك عمري ليه متغيره علينا؟
فاتن: مافيني شي
بدر: مو علي انا ,إسمعي اذ ما بتقولين بالذوق راح اخليك تتكلمين

بالدريل((هالحركه هذه دائم بدر يسويها لفاتن وهو بأصبعه يحفر باط فاتن
اللين ما تدمع من الضحك والالم)
فاتن: لا تراني كبرت على هالحركه
بدر: اجل قولي لي وش فيك؟
فاتن: يا اخي مليت من البيت والله طفشت دجيت وسهر وحتى دورة مكياج

اخذت بس مليت
بدر: بس كذا,,تسلي بالمطبخ
فاتن: مره خفيف دم
بدر: خلاص انتي قولي لي وش بأيدي اسوي لك؟ وبعدين تعالي.. مو بكره

بتروحين تسجلين بمعهد الحاسب ؟
فاتن: الا انشاء الله
الام: فتون تلفون
فاتن: عن اذنك ياخفيف......
_الو
سمر: ياهلا بالقاطعه وينك وين ايامك
فاتن: بالبيت وش عندي ياحسره؟
سمر: اعوذ بالله على الاخلاق,خلاص اجل بكره بنجتمع يالشله في سلام

مول تجين؟
فاتن: الله سوق ,بس بروح ا سجل بمعهد,,,اجلوها
سمر: ودي ياعمري بس الكل ظبط اموره صعب الكل يكنسل
فاتن:خلاص اجل معكم الرحمن ... على فكره بتروح معكم دالي؟
سمر: لا.. وترى البنت هذه عليها غبار, اكيد عندها شي غاطسه
فاتن: انا بالليل بدق عليها واشوف وينها..يله فارقي بروح ادور لي تنوره

من تحت الارض ابي اروح فيها بكره.
سمر: ههههه, ابد مافي انوثه انا عمري ما اذكر شفتك بتنوره بحياتي من

وين بتدورين اكيد من دولاب امك خخخخ
فاتن: هههه والله مادري من وين بجيب لي تنوره, يا اختي ما اعرف امشي

فيها والله
سمر: ههههههه ...طيب...روحي دوري وبأدعي لك تلاقين هه.
فاتن: يله يا خفه ..احطي
سمر: باي عمري

:::::::::::::

بالسياره
وبعد الشوفه الشرعيه

الكل عايش في عالمه مثل ناصر اللي من يوم شافها انهبل وانجن
...اه يمه تهبل
الاب: استح تو البنت ماتجوز لك
الام: حتى انا ياولدي دخلت قلبي وحبيتها
ناصر: اجل دقي عليهم اللحين وقوليلهم حنا موافقين وشوفي رائيهم
اخته ميثا: اثقل شوي تونا طالعين من عندهم وش تبيهم يقولون؟
الام: إي صادقه اختك بكره ان شاء الله نشوف رائيهم,حتى انا مستعجله

مثلك هههه
:::::::::::::::
تلفون مستعجل من...

داليا: سلام يا احلى فتون..
فاتن:اهلين اليوم جايبه سيرتك مع سمر كنت بدق عليك بعد شوي
داليا: اه فتون انا.... بحلم
فاتن: اف اف وانا اقول غاطسه مو لله
داليا: انا بموت من الفرح اليوم تدرين من كان عندنا
فاتن تقلد صوتها( مين كان عندكم)
داليا: خطيب اليوم الشوفه,شافني وشفته
فاتن: إحلفي
داليا: والله توه طالع هو واهله
فاتن:ولا تعلميني ولا شي ,بس يله مو مهم مبروك الف مبروك يله بسرعه

كيف شكله وطوله واسمه وراتبه وش سويتي عاد انتي جريئه اكيد قازه
امه قز
داليا: بسم الله تبيني اجاوب على ايش وله ايش؟ جد مطيوره عموما...اه

يابختي
فاتن:ههههه , يله عاد
داليا: فاتح يعني حنطي وجسمه حليو طويل وامم مقبول
فاتن: اجل يعجب
داليا: عقبالك يارب
فاتن: دالي لا تنرفزيني تدرين انا كارهه الزواج والرجال كلهم
داليا: يالعربجيه في بنت ماتحب تتزوج؟
فاتن: إي انا , قولي يارب تتوفقين وتكملين دراستك
داليا: اللي يجيب نسبه مثل نسبتنا لا تفكر بالدراسه احسن لهاهههه من

بيقبلك بجامعه او حتى كليه وانتي نسبتك 65 ههه انسي
فاتن: وجع خليني احلم
داليا: اه اقول انا اللي ابي احلم بناصر ,الله يسامحه باللي سواه فيني من

شفته
فاتن: هههه اجل اخليك ياسعاد حسني ...فارقي
داليا: يابنت قولي مع السلامه باي تشاو , متى بتغيرين اسلوبك
فاتن: ههه شكلنا اللحين ماقمنا نعجب, بعد ما امتلى القلب من نظره اجل

لاتزوجتي بتخلين عنا
داليا: هههه والله اموت فيك واذا غيرتي اسلوبك ما تصيرين فاتن اللي

نعرفها ونموت عليها...يله حياتي باي
فاتن: احرجتيني ...يا....لالا احطي
::::::::::::::::::::

في جده...
((يعيشون بنات عم فاتن خلوني اعرفكم عليهم.. هم ثنتين من بعد ماتوفى

ابوهم بفتره انقلبت فيهم السياره وهم راجعين من عند اختهم المتزوجه
لرياض وكانت معهم امهم واختهم الصغيره والله اراد ان ياخذ عنده الام
والصغيره وما بقى بالعائله غيرهم مع اخوهم الظالم اللي ماخلاهم يكملوا
دراستهم ومع القصه راح نشوف شخصيته واسمه ..خميس))

انين: وإيش قالك كمان؟
خلود: يقول خميس انو سئل عنوا وما سمع الا كل خير
انين: طيب لما استخرتي بإيش حسيتي؟
خلود: ما ادري خايفه بس لازم اوافق انتي شايفه كيف تعاملنا مرة اخوك

الله لا يسامحها كأنوا هوا مو مقصر من الاساس
انين: والله انك صادقه , لو انو متقدم لي انا كان وافقت على طول لو فيه

عيوب الدنيا اهم شي ارتاح من الزفت وزوجتوا, اسمعي صوتها تلع لع
تناديك
خلود: بروح اشوف ايش تبغى
سميره: يعني ماتسمعي انادي ليه سنه, حركي فزي غسلي الحمام توني

خلصت غسيلي
خلود: طيب
سميره:ونادي اختك تنضف الصاله ماتشوفي كيف العيال حايسينها.. ...(

قصدها عيالها الاثنين)
خلود: طيب
سميره: على فكره قبل ما انسى اخوك رد على الرجال وحددوا يوم يجي

ياخدك فيه
خلود: نعم!!! انا لسه ماقلت موافقه,وبعدين كيف يجي ياخدني ,ان شاء الله

مافي حفله للملكه وبعدها الزواج؟
سميره: انتي عارفه انه مطلق مرتين فمو حاب يعمل زواج وقال قدامك

شهر تجهزي نفسك فيه
خلود:انا ابغى على الاقل حفله صغيره حرام عليكم
سميره وبرود:والله ياحبيبتي لو عندك الجرئه قولي لأخوكي..خلصي بلا

هرج نضفي الحمام...بسرعه هههههه.
خلود: الله ياخدكم يارب
سميره: إيش قلتي
خلود: بقول الحمد لله ان اخويا بعد امي وابويا محافض علي
سميره: عقبال ماتفكني التانيه من وجهها,الله يقرفكم عالم هم.
::::::::::::


الرياض
في الصباح وفي المعهد تحديدا
فاتن: السلام عليكم
اداريه:وعليك السلا.!!!!!!!.ا..م, اتفظلي اقعدي
فاتن مستغربه من نظرات الإداريه: انا جايه اقدم على دوره الرخصه

الدوليه
الاداريه: سبحان الله
فاتن وهي متوتره من ذي التنحه قالت بتوتر: في شي بوجهي او تعرفيني

وله وش السالفه؟؟
الإداريه: لا هههه معليه اختي بس سبحان الله يخلق من الشبه اربعين
فاتن وهي تقعد بالكري بعربجه: ريحتيني وانا اقول وش فيها الحرمه
الإداريه: من جد نفس التفاصيل لكن لو لون شعرك اسود وعيونك اغمق

كان قلت انها انتي سبحان الله...تدرين في وحده هنا ظروري تشوفك
((فاتن زهقت منها بالذات انها جايه تسجل وبدر ماله خلق ينتظر بره: ما

عليه اختي بوقت ثاني بس ابي اسد المبلغ وتقولين لي متى ابدا الدوره
الإداريه: والله راح تسعد بشوفتك ماعليه اعتبريه جميل
((فاتن إنحرجت وقامت معها وتقرا غرفة المديره ... واول ما دخلت شافت

عكس ماقالت لها ...المديره اول ماشافتها تنحت فيها وعيونها امتلت دموع
وحزن ملى وجهها قربت من فاتن وقالت))
وش إسمك؟
فاتن: احم فاتن
المديره: عاشت الاسامي والله , الله يسامحك يا امل(الاداريه)
امل تسأل بفرح: كأنها هي صح؟
المديره: سبحان الله
فاتن: والله انا منحرجه منكم بس لازم اسجل بسرعه واطلع اخوي مايحب

احد يلطعه
المديره: اجل زين بشوفك كثير...امل سجليها وبعد راعيها ونزلي لها نص

السعر هديه مني
امل: والله شكلك بتدلعين كثير ههه يله تعالي مكتبي
((فاتن مو فاهمه ولا شي وبراسها مية سؤال بس تبي تخلص بسرعه قبل

مابدر يقتلها ...وفعلا خلصت وطلعت وهي متخوفه ومستغربه منهم))
وبالسياره
بدر: كان نمتي
فاتن تألف: وش اسوي زحممه موت لو تشوف كان قلت ماراح اقدر

اسجل اليوم البنات فوق بعضهم
بدر: بس ما اشوف سيارات تنتضرهم!!
فاتن: ها امم انا وش دراني
بدر: والله لو تلطعيني مره ثانيه بخليك واخلص مشاويري وافكر امرك

بعدها وله لأ.
((فاتن بنفسها تقول الله يعين اللي بتاخذك))
بدر: كأنك تتمتين بشي
فاتن: لا انا اقول الله يجزاك خير ماتقصر
:::::::::::::


بعد المغرب في بيت داليا..جت اخت الخطيب تقابل داليا
ميثا: والله كلفتوا على نفسكم
ام داليا: لا كلفتي علينا ولا شي ,امانه كملي صحنك انا راح اطلع اكيد

عندكم سواليف بنات وما تبوني اسمعها,عن اذنكم
داليا: اصب لك قهوه
ميثا: مشكوره حبيبتي..اكيد انتي مستغربه زيارتي اليوم بعد ماعطيتونا

ردكم
((داليا مسويه منحرجه وقلبها يقول جعله راسلك بسواليف كثيره))
ميثا: عموما الحبيب ماصدق رديتوا بالإ يجاب وقالي انط عندك وجايبه لك

صورته ,وحب يهديك هالجوال
داليا: مشكوره حبيبتي
ميثا: هو صراحه حاب يكلمك وتعرفون على بعض قبل الملكه فما ادري

وش رائيك وكيف بيكون رائي اهلك؟
داليا: إحنا بعد منفتحين ترى وما اتوقع راح يرفضوا
ميثا: هو عموما راح تكون السواليف بينكم عاديه جدا وبعد عشان تفهمون

بعض قبل الملكه, يعني لمصلحتكم انتم الإثنين
داليا: ok يصير خير
ميثا: يله تلاقيه ينتظرني بره على نار.. اذا وافقو اهلك انتظري اتصاله

الساعه 9 بالليل.
داليا: خلاص ok
ميثا: يله مع السلامه حبيبتي.
داليا: باي, وعيديها لاتقطعين

((داليا ماصدقت البنت طلعت قامت تنط و yes yes اه فديت اللي يبي
يكلمني...وطبعا يوم اخذت رائي اهلها مالقت أي رفض))
:::::::::::

فاتن بمكالمه من بنت عمتها
خلود: وحشتيني
فاتن:وانتي موت وشفيه صوتك
خلود: حددوا زواجي قصدي حددو رميتي
فاتن:وش تقصدين؟
خلود وهي مقهوره: الحيوان خميس وافق ان عريس الغفله ياخذني بحفله

يسويها وفي بيتنا تخيلي
فاتن:وليه ان شاء الله انتي ناقصه عين وله خشم!!
خلود: حسبي الله عليه و اللي قاهرني ان الرجال عطاني مهر اربعين الف

وخميس اخذهم وعطاني عشره بس وقالي دبري حالك, شفتي بالله
فاتن:ياعمري ياخلود والله ما تستاهلين اللي يصير لك بس يالله ان شاء الله

الله يعوظك بذا الرجال,وتلقين عنده كل اللي انحرمتي منه قولي امين
خلود: امين , ومع ذلك عندي خبر حلو
فاتن:قولي... فرحيني شوي
خلود: راح اسكن بالرياض
فاتن:امانه
خلود: وي مايبغالها حلفان
فاتن: حياتي يالولو والله فرحتيني, بس على فكره ابوي عرف انك ملكتي

اليوم؟؟
خلود: والله اخويا قليل أدب , ما اني عارفه اذا كلموا او حتى عزموا على

الحفله وله لأ.
فاتن: ههه عاد اخوك يموت على الريال, ما أتوقع يقول لأبوي إلا قبل

الحفله بيوم..عشان مايكلف على نفسه بستقبال ابوي هههه
خلود: الله لايبارك له في فلوسه,زي ما هو قاعد ياكل حقنا انا وانين من

تجارة بابا
فاتن: خلاص يابنت فرفشي ..من قدوا الحلوا اللحين تلاقيه ماخذ رقمك من

اخوك عشان يسولف معك
خلود: ههه يوه استحي,إيش أقلوا؟
فاتن: أقول شكلي بعطيك رقم دالي تعطيك شوية جرئه هع

((فزت خلود من مكانها من فتحت زوجة اخوها عليها الباب بقوه وهي
تصارخ وتقول))
إنتي ياهم ما تسمعيني أنادي بلا في شكلك ساعه بالجوال وبعدين تصيحي

فوق راس زوجي اهئ إشحن لي إشحن لي..ليه هوا ماخد ورث أبوكي!!
أنين: خير ياجماعه إيش بكم؟
خلود وكعادتها ماتحب المشاكل: ما في شي يا انين,الو فتون خلاص اكلمك

بعدين
فاتن: خلاص حياتي بس تكفه كفايه خوف منهم ولا تخليها تغلط عليك

اكثر,وقفيها عند حدها
خلود: خلاص باي
((هنا بوضح ان خلود خوافه موت من طبعها يعني لو صرختي عليها ممكن

تعترف من الخوف بشي هي ما سوته, لكن انين فيها من القوه الشي
البسيط.."بسيط"))
سميره: انا أكلمك
خلود: لا تعليق
أنين: بلاش الغلط يا سميره وإحترمي نفسك شويه
سميره: يعني إيش ماخدين ورث أبوكم جد ماتستحوا.. يا خميس خميس

تعال إسمع إيش بيقولوا اخواتك عننا تعال
خلود: الله يحرقها الكدابه
أنين: ايوه فعلا اللي على راسو بطحا يحسس عليها
((وسمعها خميس وهو عند الباب وأستلمهم ضرب اللين مانزل من خلود دم

من خشمها وأنين إنتفخ حول عيونها وإثنينهم قاعدات يونو))
:::::::::::::::::
من جده نروح لثاني يوم بمعهد فاتن:.
المديره: داومت فاتن؟
الاداريه: ماشاء الله حفظتي إسمها ههه, عموما توني شايفتها طالعه من

فصلها
المديره: طيب نادي لي اياها قبل لا تطلع

(وفاتن كانت تكلم سمر بالتلفون):
والله, بس انا ماقلت لأبوي ان المديره خصمت لي النص وناويه اروح

السوق وأدلع نفسي شوي بالنص الثاني
سمر: والله ما انتي هينه الف وميتين ريال بطنك يالحراميه
فاتن: عادي ههههاي
الإداريه: فاتن ممكن شوي لو سمحتي المديره تبيك
فاتن: ok سمور اكلمك بعدين..احطي اللحين
سمر:اوك باي
....

فاتن: هلا
المديره: حياك أدخلي, ههه وليه ملامح الريبه لا تخافين صراحه انتي فيك

شي يخليك مميزه عندي
فاتن: ودي اعرفه بليز
المديره: قبل لا تشربين شي؟
فاتن: أخوي يمديه بالطريق ,ما فيه وقت تكفه قوليلي وش لغزك ؟؟
المديره: لاهو لغز ولا شي بكل بساطه انتي فيك شبه من بنتي غريب جدا

,لو شفتي صورتها ماراح تصدقين
(فاتن تقول بنفسها: أحسب عندك سالفه): لا, اجل اشبهها!
المديره: خرعتك اول؟
فاتن: لا عادي...عموما انا لازم اطلع قاعد يدق علي أخوي شكله بره
المديره: خذي راحتك,بس ممكن طلب
فاتن: تفضلي
المديره: ليت كل يوم تمرين علي ولو خمس دقايق ,اعتبريني أمك او اختك

الكبيره
فاتن: ترى انا ما احب الرسميات يعني بعاملك فري مثل امي مو تزعلين
المديره: ههه قابله بس اهم شي أشوفك
فاتن بإستغراب: خلاص يصير خير, مع السلامه
المديره: ياهلا وغلا.
:::::::::::::::::::


بعد ما مرت 4 اسابيع على هالأحداث:.
داليا بمكالمه مع خطيبها:
داليا: يله إحكي لي عن علاقاتك أول مع البنات
ناصر: ههه إنتي إنسانه غريبه وطلباتك أغرب, يعني انا لو أطلب منك

هالشي بتقولين لي؟
داليا: لا وش شايفني انا ما عندي هالكلام الفاضي
ناصر: ولا انا عندي
داليا: لاتستهبل يله قول
ناصر: وش استهبل ,انا اخوك الصغير
داليا: لا اجل زعول..والله عادي ماقلت شي
ناصر: إي طيب..إسمعي انا بطلع اللحين أصلي المغرب,لازم اقفل
داليا: خلاص بيبي...لا رجعت كلمني,, باي
منصور: مع السلامه.
(ويوم شافت اخته ميثاء وجهه متضايق سألته)
ميثا: خير وش فيه ؟؟
ناصر: ياختي ما أدري أحس هالبنت هذه جريئه وغريبه كثير
ميثا: لا بس لأنكم توكم ما تعرفتم على بعض زين,ولا مداكم تفهمون بعض
منصور: والله ما ادري, يله انا طالع ..سلام
::::::::::::::::::::


مكالمه بين فاتن وخلود
فاتن: ها البطه للحين ما طلب يكلمك؟
خلود: والله اني ما انام الليل أفكر إيش بو , لاطلب يكلمني ولا حتى

يشوفني ولا حتى قال لي مبروك على الملكه!!!
فاتن:ههه شكله يستحي
خلود: إيش هوا دا , متزوج مرتين قبلي ويستحي ,بلا في شكلوا هوا التاني,

بكره زواجنا وانا عمري ما سمعت صوتوا حتى
فاتن: حسبي الله على أخوك , قال لأبوي ما في حفل ماله داعي تكلف على

نفسك يا خال وتقطع تذكره وتجي
خلود: هوا طول عمرو قليل حيا, لاتحطي في بالك.
فاتن:ما قلت لك, جاني واحد قبل امس ورفظته
خلود: إنتي وبعدين معاك, ليه ماتبغي تتزوجي؟
فاتن: لا ياحياتي لا أبغى واحد يقرفني ولا يتأمر علي ولا يخرب لي حياتي

انا كذا مبسوطه
خلود: ههه شكلوا بدر خربك بدلعوا الزايد
فاتن: حبيبي وعادي يدلعني لبى قلبه والله
((اه يافاتن ما تدرين بدر وش راح يسوي فيك))
خلود: والمديره غريبة الاطوار كيف حالها؟؟
فاتن: انا ماقلت لك؟
خلود :إيش تلاقيك قلتي لشلتك كلها وانا اخر من يعلم
فاتن: هههه, ما قلت غير لسمر وداليا..إسمعي
قالت لي إيش سر إهتمامها وتمسكها فيني وانا اللي كنت مستهتره فيها والله

كنت راح أصيح من كثر ما شفت تأثرها
خلود: يا ماما إيش الموضوع
فاتن: تقول لي إن قبل سنتين طلبت بنتها شروق اللي تشبهني انهم يسافروا

لبنان, وبعد إلحاح وافق ابوها واقنع امها وفعلا سافروا
وفي أخر يوم لهم أصرت انها تسبح قبل لا يرجعون, وكالعاده وافق ابوها

ودخلت البحر هي وإياه ومن بعدها لا شافت زوجها ولا بنتها ولا حتى لقوا
جثتهم
خلود: انا لله وانا اليه راجعون, سبحان الله مكتوب لهم الموت
فاتن: والله قطعت قلبي , واني رحمتها وحبيتها من قلبي
خلود: إسمعي النسره بتنادي عليه حروح اشوف إيش تبغى باي
فاتن: روحي لها الله ياخذها ويفك انتي وانين منها,,أحطي

:::::::::::::::
ثاني يوم وهو خميس
جمعه وفله

سمر: خلاص مالك دخل هي حره
فاتن: وش حره تكلم خطيبها على أي اساس؟
داليا: إفهمي حنا لازم نتعرف على بعض قبل مانملك ,خلك منفتحه شوي
فاتن:ياسلام الانفتاح هو تكلمين واحد توه حتى ماصار لك؟؟
داليا:أي عاتي لازم اتعرف عليه قبل لاورط بالزواج
أريج: هيا كنكن جايات بس تتكلمن بهالموضوع!!
فاتن: بطلي عناد ولا تتهوري
دال: اقول شغلوا المسجل,اماني عندك راشد
اريج: أكيد عندي لبى قلبس تقومين ترقصين؟؟
داليا:افا عليك بس شغليه وشوفي
( وبلا حب بلا وجع قلب وش جانا من ورا هالحب)
سمر: والله عاشت دالي هلا هلا سرا سرا
(( وكانت داليا ترقص هندي على الاغنيه وتستهبل, وفاتن دخلت بالجو

وقامت تهز الوسط وهي ماتعرف من الرقص شي وفلوها البنات مثل
العاده))
:::::::::::

جده
(( بعيد عن هالأجواء كان في عرس حقيقي وهو عرس خلود... سوت لها

الكوفيره المكياج والتسريحه وكانت مثل الملاك جمالها ساحر وخطير))
أنين: هيا حياتي قومي البسي الفستان
خلود: جا عريس الغفله؟
أنين: ليه ربع ساعه هيا, يقول لي خميس أنوا يبغى ياخدك
خلود: اه حاسه بمغص وقلبي قابض علي
أنين: طبيعي هالخوف هوا كل يوم بتزوج الوحده, هيا خلصي البسي
سميره: يوه هوا انتي للحين مالبستي, ترى مايليق عليك الدلع خلصينا قومي

عشان تنقلعي من بيتي ولا أبغى اشوفك تاني
أنين: ياشيخه عيب عليك إحترمي نفسك شويه, البنت عروسه مالو لزوم

تنكدي عليها
سميره:والله مافي شي يجيب النكد إلا جلوسك انتي وأختك عندي
أنين: الله لايقول اننا جالسين بيتك إحنا في بيت أخونا
خلود: خلاص ياناس انا خلقه على اعصابي..(وراحت تلبس فستانها)
سميره: شغلك عندي ياروحي بكره عاد صرتي وحده انا اوريك الفلسفه

الزايده حطلعها من عينك
انين: حسبي الله ونعم الوكيل
خميس: وطوا أصواتكم إيش بكم, وينها العروسه؟
سميره بدلع : خليتها ياقلبي تلبس الفستان تعرف اخواتك مايعرفوا يعملوا

حاجه من غيري
خميس: يسلم لي قلبك ياعمري
خلود: انا خلصت
خميس: يله البسي عبايتك قوام, زوجك يبغى ياخدك دحين

::::::::::::

البارت الثاني

زلة لسان تنهي كل شي


داليا تدق على ناصر
ناصر: هلا والله,كيف الحال؟
داليا: انا تمام ,بس انت يا قاطع لاتسأل ولا شي؟
ناصر وكأنه يتذكر:اف صح انا ماقلت لك؟؟
داليا:لا وش فيه؟
ناصر:انا بديت دوره بشغلي عشان احسن راتبي,وماخذه كل وقتي لأنها بعد

الدوام اجي مهلوك اتغدى وانام
داليا ومتضايقه انه ماقال:اها, الله يعينك
ناصر:ماقلتي لي فكرتي بموضوع شغلك؟
داليا:انا قايله لك من زمان انا ما اقدر اخلي شغلي .
ناصر: طيب ليه, يعني انا ما فهمت عقليتك ..انتي تبين تصرفين علي وله

شلون؟
داليا: لا مو كذا بس في اسباب انا ما اقدر اقول عنها
ناصر:انا احترت معك , انتي عنيده جدا
داليا: وانت دايم تحب تمشي كلمتك علي من غير سبب او مبرر
ناصر: انا يا داليا ,امشي كلمتي لاني ما الاقي منك مبرر على تصرفاتك,

وبعدين انا اقدر اصرف عليك والبي كل متطلباتك,ولابي زوجتي تشتغل او
ارجع من الشغل الاقيها مثل حالتي.
داليا:وانا عندي اسبابي اللي تخليني ماقدر اغير رائي
ناصر:داليا انا مابيك تشتغلين انا الرجال وانتي المراه ,وكل واحد فينا له

دوره
داليا: ناصر وش هالكلام !! انتي حرمه وانا الرجال بليز بأي عصر عائش؟
ناصر:داليا اتوقع انا طلبت اكلمك لأن مواضيع مثل كذا جوهريه فلا

تستخفين فيها انا مابي زوجتي تشتغل,انتهينا
داليا:وش اللي انتهينا هذا القرار مفروض انا اللي اخذه مو انت
ناصر:غلطانه
داليا:لا انا ماني غلطانه
ناصر:داليا ياحبك للمشاكل
دي: ياشيخ دامني راعية مشاكل مع السلامه عشان ماوجع لك راسك
ناصر: داليا..
داليا قفلت السماعه


:::::::::::::::::


جده
نروح لعروستنا


اللي كان زواجها عباره عن حفله صغيره لاتُذكر بيتها والحظور اختصر
على اختها واخوها وزوجته واهلها

الساعه كانت 11 بالليل
وخلود حالتها حاله دخلها الفندق قبل نص ساعه وطلع من غير ما يقول ولا

كلمه شوي وتسمع صوت الباب ينفتح راحت ركضت على الحمام ومع إنها
غيرت ملابسها بس من الخوف من كومة الغموض اللي بهل رجال دخلت
وقفت عند الباب.
وسمعت صوته ولأول مره يقول: ياخلود
خلود وينك فيه؟؟ جبت العشى
((خلود قلبها برجلها وتحس انها حاره وخدودها محمره مره من الخوف

والإحراج ومن شي راح نعرفه اللحين ))
وأخيرا قدرت تنطق: يله طالعه
جارح: يله يابنت الناس تراني ميت جوع... (ودخل يغير ملابسه وبهالأثناء

غرفت خلود الاكل)
خلود وبحيى:يله.. الاكل جاهز
جارح: بعد ماقعد يناظرها من تحت لفوق.. قام لطاولة الأكل وتعشوا

بالاصح تعشى وهي أكلت لها لقمتين
جارح بصوته الخشن: ها شبعتي؟
خلود وكلها حرج وبصوت مو مسموع: إيوا
جارح:وش تقولين
خلود: (في نفسها تقول ياماما وش هالأسلوب): اقول الحمد لله
جارح: طيب اجل يله
خلود: ها..!! إيش إلي يله
جارح:نروح ننام وش يعني؟؟
خلود: امم, ا
جارح:وشفيك بلاها سالفة الاحراج ذا,ويله تراك زوجتي
خلود: إيوا بس.. صراحه انا ...اليوم ماينفع..بكره ان شاء الله
جارح:نعم!! وليه وش عندك؟؟
خلودتفكر كيف ممكن تقول له
(( قام جارح وقرب عندها وخلود توترت وتجمعت الدموع بعينها


ناظرت الأرض وقالت))
ماعليه بس اليوم انا عندي قصدي ال....أهئ أهئ انا... انا عندي عذر

شرعي
جارح وبصوت عالي: نعم,وشلون يعني عليك عذر,مجنونه انتي
((خلود زاد خوفها وهي تناظره مستغربه من ردت فعله وكمل..))


الوحده تظبط امورها قبل العرس مو تجي عند رجلها و بقوة عين قدامه
تقول ماينفع
(طلع معصب وقفل الباب وراه بقوه خلت خلود تصيح بأعلى صوتها...
ودموعها ماوقفت ولا فارقتها إلا يوم غافلها النوم ونامت.
:::::::::::



داليا معها بالخط فاتن وسمر
فاتن: لا تعصبين ترى ماصار شي
سمر: حبيتي دالي ليه ما تقولين له انتي ليه تبين تشتغلين
داليا: لا والله ما ابي ارخص نفسي او ارخص اهلي
فاتن: ابد ترى مافيها شي هو اكيد راح يتفهم
داليا: وش اقوله اقوله والله انا اللي اصرف بالبيت وأخواني مثل عدمهم و

ابوي تزوج زوجته الثانيه ونسانا؟؟؟
سمر: حياتي دالي صدقيني راح يتفهم وبالعكس راح تكبري في عينه
داليا: هو ّ يبيني ..يسمع لشروطي مو بس يبي يمشي كلمته لأنه على قوله

هو الرجال يوه ياربي والله مره عصبني
فاتن: (وهي تقلدها..اوه ياربي) اقول يالمايعه خلي عنك حركاتك واكبري

تراك منتي صغيره على العناد والهبال
سمر: حبي دالي ماعليك منها هالعربج ,إسمعي كلامي هدي وقولي له

برواق عن ضروفك,لأن ياعمري الحياة الزوجيه بالذات, يبي لها الأخذ
والعطى
فاتن: ترى لو اشتد حبلك بينقطع يابنت اهجدي وقولي له
داليا: أقول يام الذرابه إسكتي ما ابي رائيك
فاتن:عساك , بروح أسولف مع بدر أصرف لي من وجيهكم وجع ,يله

فارقوا ..طع
سمر: من جدها قفلت!
داليا: يعني ماتعرفينها, ماعندها تفاهم
سمر: الله يعين اللي بتطيح في كبده , شكله ما بيسمع منها غير السب

وكلمة فارق وإذلف وعطني مقفك
داليا: ههههه والله معك حق, اوكي عمري سمور انا بأنتظر ناصر يدق

اللين السبت وإذا ما دق امري لله بشوف وش راح أسوي
سمر: فديتك لا يضيق صدرك صدقيني الأمور كلها راح تنحل اوكي؟
داليا: بعد عمري والله ,يله حبي باي
سمر: بايات ياقلبي.

:::::::::::::::


يوم السبت بالمعهد
المديره اصاله:ها القهوه مثل ماتحبينها كثرنا الهيل
فاتن:تسلمين يالغاليه, والله انا تعودت على دلعك, حتى البنات اللي معي

شوي ويصيحون من الغيره يبون يعرفون وش السر
أصاله:هههه, إلا ماقلتي لي فتون ليه ما كملتي دراستك حبيبتي
فاتن:اه على الدراسه لاتذكريني, انا حاولت انتساب بس لقيته صعب وقدمت

يمين وشمال بس مستحيل دام نسبتي 65
أصاله:كم!! 65% هههههه, وليه هالنسبه
فاتن:والله لك حق تضحكين
أصاله:ههههه
فاتن: صراحه ما كنت افكر بالثانوي غير باللعب والهبال, بس والله ندمت
انا اول سنه إستانست وسويت كل اللي كنت ابيه, بس ثاني سنه بدت

نفسيتي تتغير وبديت امل, عاد ثالث سنه ندمت وعرفت ان الله حق وإني
غلطت غلطه صغيره دفعت ثمنها غالي
اصاله: إلي افهمه إن ودك تكملين جامه او كليه اذا جتك فرصه؟
فاتن: اف ياليت
اصاله:وإلي يقول لك انه بيخليك تدخلين والكليه اللي تختارينها بعد
فاتن: تكفه لاتعشميني, ترى والله اللي دقوا صدرهم لي كثير بس ماشفت

احد سوا شي
اصاله: افا انا مثلي مثلهم ,عموماً جربيني..وبكره جيبي لي أوراقك الاصليه

مع الصور ومالك الا اللي يرضيك
فاتن: أما عاد... شوفي بدر داق علي ينتظرني,..من جدك أجيب لك

اوراقي؟
اصاله: هههه اكيد
فاتن بفرح: فديت قلبك والله, يله سلام
اصاله: بحفظ الله
.



.


.


.


فاتن: ترى نسبتي 65
أصاله: ههه للحين مارحتي هههه أدري انتي بس جيبي اوراقك وماعليك.
:::::::::::



ثاني يوم
مكالمه بين انين وخلود
انين: حمد الله على السلامه يالولو
خلود:الله يسلمك
انين:ها كيف بيتك
خلود:يجنن يا انين, الله لو جارح أخلاقوا حلوه معايا كان انا دحين اسعد

وحده
انين: صدقيني هو بس مقهور منك لأنك صدمتيه بأول ليله هههه
خلود:ههه تخيلي وصلنا للرياض وحطني بالبيت و ماشفت وجهو بعدها
انين:يله ان شاء الله كل شي حينحل اليوم ههههه
خلود:لا تضحكي والله اني على اعصابي
انين:هههه
خلود:هيا إنقلعي.
انين:هههههههههه يله مع السلامه, وانتبهي لنفسك حبيتي.


::::::::::::::::

في بيت فاتن
مجتمعات عندها سمر وداليا

سمر: ههههه انتي كل شي تصدقينه؟
فاتن: والله هي قالت لي جيبي ملفك
داليا: لحظه بنات أخيرا دق ناصر, انا بروح اكلمه برا في احد فتون؟
فاتن: لا إطلعي, بدر توه ما جا
سمر: لا أوصيك على الثقل
داليا: والله انا لاوريكم فيه..مو هوا لعب وياي خلوه يتحملني
سمر وفاتن: هههههه
داليا وبصوتها الناعم: الو
ناصر: السلام عليكم
داليا: وعليك السلام,,نعم ليه داق
ناصر:افا انتي للحين ماخذه بخاطرك, لايصير قلبك قاسي
داليا:انت اللي راسك قاسي وناشف بعد
ناصر:هههه, ترى داق بقولك خبر راح يفرحك لاتخليني أهون
داليا: من جد... قصدي والله كيفك تبي تقول وله راحتك


ناصر: لا مسويه فيها مايهمك؟
داليا:لاتعليق
ناصر:ههه خلاص بقول.. ميثا راح تروح بكره ان شاء الله وتملك بالمحكمه
داليا: من جد واو مبروك, والله فرحت لها
ناصر: أجل خلاص راح الزعل ترى حتى انتي مزعلتني

داليا: انا مثل النسمه اصلا ما اعرف ازعل احد
ناصر:ياعليك وثوق بنفسك... عجيب
داليا: المهم ترى جا اللحين بالي اطلب منك طلب
ناصر: اشوفك رضيتي , لا وتبين تطلبين
داليا: من جد ناصر والله انا من زمان ودي أكتشف شي وانت ممكن تنفذه

ناصر: طيب أمري, وش تبين
داليا:ودي أسمع الشيخ والبنت يوم تروح تملك
ناصر:وش تقصدين؟
داليا:ابيك لا رحت مع ميثا تسجل لي او حتى دق علي عشان اسمع وش

يدور بالمحكمه
ناصر: لا تعليق !!!!!
داليا: ناصر وش فيك؟

ناصر بإستغراب: اللحين انتي من جدك؟

((وداليا قامت تطالع بالمرايا اللي قدامها وهي تدلع وتقول: إي والله تكفه
ناصر... وتطالع مره ثانيه بالمرايا إلا وفي واحد ..قاعد يناظرها ومستغرب
من هذه اللي بيتهم... على طول داليا يوم تأكدت انه قاعد يقز فيها نطت
عند البنات, وهي ناسيه ان ناصر معها على الخط ودخلت لفاتن وهي تقول:
.... هي إنتي تقولين ما في أحد و أخوك ذا اللي بره بياكلني بعينه "
وابتسمت وهي تكمل" بس والله ياسمر فاتك نسخه من فاتن.. بس ذا رجال
وأسمر وعيونه اف تجنن
فاتن بعربجه: والله مو أخوي اللي قاز فيك إنتي اللي ماكله اخوي أكل حتى

عيونه شفتيها الله وأكبر عليك
(داليا تداركت وتذكرت إنها كانت تكلم ناصر ... بسرعه رفعت السماعه
لإذنها وقالت بخوف.... الو
محد رد.....الو ناصر... درت انه قفل السماعه)
سمر قامت من مكانها : ليه هو كان على الخط؟؟
داليا: يوه انا وش قلت؟
فاتن: ماشاء الله عليك وعلى جرائتك ما بقى شي ماقلتيه
داليا: يوه انا دايم كذا ما اقدر امسك لساني.. يا الله انا وش سويت اف
سمر: انتي بعد الله يهديك كأنك أول مره تشوفين بدر لا وتمدحين
داليا: من جد لي ثلاث سنوات او اكثر ماشفته والله تغير وحلو... بس

اللحين انا بورطه يابنات وش أسوي؟
فاتن: إن شاء الله يكون قفل قبل مايسمعك
داليا: يوه إن شاء الله
سمر: دقي عليه ورقعيها بأنه توه مراهق يعني ورع.. حاولي تقنعيه
فاتن: يمه منك ومن أفكارك,بعض الاحيان احسك مجرمه
سمر: طيب تسكت وتصير مشاكل بينهم, وله تكذب لها كذبه صغيرونه
داليا: لا أكذب أصرف ,,خلاص اش إن شاء الله يرد....


(ودقت كم مره عليه)

سمر: ها مارد
داليا: لأ, يوه يعني انا وش سويت وله وش قلت؟؟
فاتن: ابد ماسويتي ولاقلتي شي بريئه بسم الله عليك
سمر: وانا أشهد ههههههههه

فاتن: ههه بالله ولك وجه تتكلمين بعد اللي قلتيه دقي دقي وغطي غبائك

(داليا تقلد فاتن... غطي غبائك) مالت عليك صديقه.
سمر: خلاص دام مارد معناها ما يبي يكلمك اللحين, خليها لبكره
داليا: هذه اخر محاوله إذا مارد برسله رساله واقوله اللي قلتيه
فاتن وتبي تغيض داليا وتحرك حواجبها : جربي يمكن يفيد ياقليلة الحيا ..

ههع هع

"وفعلا مارد ارسلت له...(ناصر الله يهديك وش فيك ترى ذا ولد تو عمره
13 سنه وانا ما شفته من ثلاث سنين بليز لاتفهم غلط)

:::::::::::::::::::


اما بالليل
دخل جارح للبيت وهو يشم ريحة العود اللي يحبه ,وشاف خلود اللي كانت

قاعده بتوتر بإنتضاره

خلود يوم شافته ابتسمت :مرحبا
جارح بملامح ثابته:هلا
خلود: تعشيت؟
جارح:ايه الحمد لله,ها خلصتي
خلود بخجل وهي تناضر الارض:ايوا
جارح وهو بنفس الملامح:طيب قومي سوي لي شاي


خلود قامت من غير ماتنطق لكن استغربت ردة فعله باللذات انه كان
معصب عليها امس

جارح وهو داخل عندها بالمطبخ:اقول

خلود:نعم

جارح:انتي قالوا لك اني متزوج قبلك مرتين ؟

خلود:اهمم

جارح:وش اهمم قالوا لك وله لا اهلك؟

خلود وتحس بالخوف يزيد منه: ايوا قالي خميس

جارح:وماعندك مشكله بهالشي

خلود وهي تحس بان هالرجال لغز بحد ذاته: لا لأنو طلقتهم صح؟

جارح:ايه

خلود وهي تناوله كوب الشاي:تفضل

جارح اخذ الكوب وحطه فوق الرخام واخذ بيدها للغرفه

وهنا لازم نطلع حنا من الغرفه بأدبنا.


::::::::::::


بعد مامر على الأحداث إسبوع
بدر: هلا بالغاليه وين مانشوفك؟
عائشه: دائم اجي اللاقي الدافوره اختك تذاكر وانت دايم مو موجود
جد صايرين مالكم داعي يا اخواني
بدر: اما الدافوره ذي ماصدقت تدخل الكليه ,أعوذ بالله لي إسبوع ابي

اكلمها بموضوع ومزلبتني كل ما جيت قلت أأ..قالت لي اش مو
اللحين, يوه ماني فاظيه, تكفه بعد شوي اللحين مشغوله.. وجع وش ذا؟
عائشه: هههه خلها حلم وتحقق لها
بدر: انا اوريك فيها اللحين بروح اذي امها
عائشه: أتحدى تعطيك وجه رح
(ودخل لغرفتها)



بدر: حبي فتون
فاتن: هلا
بدر: ياأختي خلي عنك اللي بيدك ابي اكلمك تراك مصختيها
فاتن: بعد شوي بدر والله ما ابي اقطع تركيزي
بدر:ترى عائشه تحت ,وانا لي إسبوع ما سولفت معك وشفيك انتي بعقلك؟
فاتن وخلت الكتاب: هههه خلاص يله سولف , وش عندك؟
بدر: وش رائيك نطلع نتمشى, البيت ممل وماتنفع فيه سواليف
فاتن: دامك عازمني معناها عندك شي ,الذيب مايهرول عبث,قول وش

عندك
بدر: يعني وش ابي من وجهك يالعربج!! بترفعين لي راتبي على غفله!
فاتن: هع إنت وش دراك بهالقب؟
بدر: ها ..أي لقب!!
فاتن: لاتستهبل من وين جايبها هالكلمه؟
بدر وهو يحك ذقنه: صراحه سمعت وحده من صديقاتك تقولها
فاتن: اها يعني تعترف إنك تتنصت علينا يوم يجون عندنا, ياقليل الحيى
بدر: لا يابنت الناس انا مريت من المجلس واصواتكم كانت عاليه
فاتن: ههه إي صح والله أصواتنا عاليه ,بس برضوا ما توصل دام الباب

مقفول..إلا إذ انت حاط إذنك على الباب
بدر:الحمد لله والشكر من جدك؟؟ والله اني سامع وحده منهم كان صوتها

عالي وهي ترددها بعد
فاتن: اها, ها وش عندك؟
بدر وهو يفكر وشلون يسئلها: ا
فاتن: موضوعك ا؟
بدر: هع الله يرجك بس ما ادري انتي يوم ذاك اليوم
فاتن: هههه لأول مره أشوفك معفوس وحالتك حاله ..من جد وشفيك؟
بدر: صراحه ابي أسئلك ذيك صديقتك اللي شفتها ..داليا؟
فاتن: نعم نعم.. وليه تسئل
بدر: البنت دخلت مزاجي وانا قصدي يعني انا يعني اخطبها
فاتن: ههههههههع ههههههههع
بدروهو يرفه حاجب: قايل نكته انتي وجهك
فاتن: هع لا فديت قلبك, بس ابد ما أتخيل انك انت ودالي هههه,


خلاص لاتناظرني كذا اسفه بس للأسف البنت مخطوبه
بدر بخيبة امل: لا..
فاتن بعربجه: إذ تحب أشوف لك وحده ,فإعتمد من اللحين
بدر وما وده يبين : لا وش عشره اصلاً صدقتي كنت أمزح معك

فاتن: هع عاش مصرف عاش
بدر: أقول إقلبي وجهك بنام
فاتن: لا ياشيخ تراك انت اللي بغرفتي,وبعدين انت مو عازمني!!!

بدر: لاتعليق طلع وقفل الباب
فاتن: ههه ياحليلك والله ذكرني بدالي بدق عليها......
..........



داليا:هلا
فاتن:أهلين كيفك يابنت
داليا:تمام يالقاطعه ,بدري ليه داقه
فاتن:ههع أدري غيرانه,كملت دراستي

داليا:لاتعليق
فاتن:دالي وشفيك؟
داليا:مره متضايقه
فاتن:ليه وش صار, لاتقولين من بعد ذاك اليوم مارد عليك ناصر؟
داليا:اه, خلاص كل شي إنتهى
فاتن:وش تقصدين؟
داليا:قبل أمس دق علي, وقالي ان في مواضيع لازم نناقشها وفعلاً كان
صادق كانت اشياء كبيره لا هو ولا انا نقدر نتقبلها في بعض


فاتن:مثل إيش يعني؟
داليا:هو عنيد وانا أعند كل واحد له رائيه وكلنا مقتنعين بوجهة نضرنا , وما

راح نقدر نكمل وإحنا بهالحال
فاتن:حياتي..وليه ما دقيتي علي يالخايسه


داليا: وليه أضيق خلقك, خلك مستانسه بدراستك أحسن
فاتن:لا ياشيخه ,تبعديني عن مشاكلك وحياتك هذا هو اللي يظيق

صدري(وحاولت تطلعها من هالجو وقالت)

بس

تصدقين أحسن انا أخوي بدر طالعه عيونه عليك ويبيك وتوني كاسره
خاطره
داليا:لالالا الله يخليك إبعديني عنه انا انسانه أبي واحد متحرر مو مثل

أخوك حتى اللثمه يبيك تغطينها
فاتن:هههه والله أدري حتى يوم قالي قعدت أضحك,أبد ماتنفعون لبعض عز

الله بنحط النار عند البنزين
داليا: تصدقين مع ان قرار الأنفصال قرار سليم لنا احنا الإثنين ,إلا إني ما

أدري ليه أحس ضايق خلقي انه صار كذا
فاتن: فديتك شي طبيعي انتي خلاص تعودتي عليه وانك تكلمينه ويكون

جزء من يومك, كلها يومين وتنسينه
داليا: والله حلو يكون بحياة الوحده حب يافاتن
فاتن:ها رجعنا ,,دالي كل شي بوقته حلو ,بيجي ان شاء الله اليوم اللي

بتعيشين فيه هذه اللحظات, بس اهم شي بعد الزواج
داليا:هه إذا قصدك إني أكلم وقت الخطوبه خلاص توبه ما راح أعيدها

ليه اعلق نفسي بواحد وإحنا بالبر
فاتن:إيه تعجبيني دائم فكري بعقلك

((دخلت ام فاتن تقولها.. بسرعه اخلصي من قرقرتك جت أصاله تراها
تحت وعيوش من اول تنتضرك))

داليا: وش جابها عندكم اصاله؟؟!!
فاتن: ههه فديتها تطورت علاقتنا والله ان معزتها كل يوم تزيد
داليا: أجل تزوركم دائم
فاتن: انا الح عليها انها تجينا, والله القعده معها توسع الصدر
داليا: أجل أخليك لضيفتك
فاتن :بقفل اللحين بس اكيد بكلمك لاراحت..يله أحطي

داليا: باي.

.

.

.فاتن: اهلين وسهلين
أصاله: هلا بنتي
فاتن:كأن وجهك تعبان
أصاله:توني جايه من المستشفى كان عندي تحاليل
فاتن:سلامتك

ام فاتن: سلامات وش عندك؟
أصاله:لا ولا شي يُذكر, شوية تعب
فاتن: أجل اليوم عصيرنا فرش عشان تنعنش ياحلو
عائشه: لاتقولين انتي بتكرمين وتدخلي المطبخ عشان تحضريه


فاتن:إي طبعا هذه أصول
أصاله:هههه, الله يحفضك إن شاء الله
فاتن: عاد لاتحشون فيني راجعه
أصاله: والله عاد يا ام بدر ودي تخلون فاتن دائم تجي تزورني, انا والله

عندي القلب ومعبال اطلع من المعهد يكون راح حيلي.

ام فاتن:يصير خير,نجيك ان شاء الله
أصاله:ترى انا بيتي فاضي ولا في رجال يضايقها او شي


ام فاتن:إنتي ثقه يا اختي اصاله وش هالكلام

أصاله:الله يسلمك

(وراح الوقت وهم سوالف وضحك وكان مبين على اصاله التعب)

::::::::::::::::


في بيت خلود.. الساعه 12 ونص بالليل


جارح: هي وشفيك نايمه على الكنب؟
خلود:يا ماما خوفتني
جارح وهو يقلب وجهه: انتو يابنات جده مايعات, قومي نامي بغرفتك
خلود:طيب بس أجهز لك العشى؟


جارح:لا مابي , أنتي ادخلي نامي انا بشوف صدى الملاعب وأنام بعده
خلود: طيب (وراحت غرفتها دقت على اختها انين)

أنين: مرحبا
خلود:الله يخسك ,سمعت كلامك ولبست وتعطرت وعملت نفسي نايمه على

الكنبه
أنين:ها وإيش حصل؟
خلود:خوفني بزعيقوا وقال لي أدخل انام
أنين:وربي في شي مو طبيعي الرجال دا


خلود: يابنتي انا ماهمني انو ينام بغرفة تانيه من بعد ليلة زواجنا,او انو على
بالوا جاه النوم على الكنب برا,انا اللي مضايقني,ليه مايرضى حتى انو
يكون بيننا كلام , تخيلي للان ما بسمع منوا إلا فين القهوه ياليت كمان
بيقولها كده بيقول(وجهزت صوتها وخشنته..يامره وين القهوه والشاي
وشفيك انتي ماتفهمين ,انا ما اقدر اقعد من غير ما تكون قدامي الدله)

انين: ههه بلا في شكلوا

خلود: لاتقولي كده عليه

انين: اجل بلا في شكلك انتي كمان هههه

خلود: الله يستر من الايام الجايه, إسمعي شكلوا جاي يله باي

انين: باي
جارح: إنتي نمتي
خلود:لا تبغى شي؟
جارح: أي ابيك تسوين لي شاي
خلود: طيب



:::::::::::::


اصاله تكلم محمد

اصاله: يله عاد ياولدي وش قاعد تسوي؟
محمد: يمه قاعد أظبط أوراقي عشان لاجيت طولت عندك وما ارجع إلا قبل

الدراسه بيومين
أصاله:اللآن لك خمس شهور وانت على ذا الموال ياولدي ماصارت
محمد: هههه خلاص ولا تزعلين يام محمد أسبوع وأجيك وبخليك تعلقين

شهادتي جنب صورة شروق الله يرحمها عشان كل من شافها قال اب يام
محمد ولدك خلص جامعته بأمريكا ..
أصاله:أقول لايكثر هذرك وتراني مليت من الوعود الكاذبه,ابي الزبده متى

بترجع؟
محمد: ههههه خلاص وعد يالغاليه إسبوع وعندي لك مفاجئه بعد
أصاله:شف يامحمد والله إذا زاد تأخيرك عن اسبوع يوم ,لأزعل منك
محمد: ههههههه والله شكلك إشتقتي لي ..يالمره عيب

أصاله:إيه هذا اللي أخذه منك الإستخفاف وثقالة الدم
محمد: اف والله شايله على محمد أنا أوريه خلني بس أشوف رقعة وجهه

أصاله: لا هذه خلها علي انا لاشفته عرفت أتصرف معه
محمد: الله يعينك يامحمد,طيب اجل بقول لأمي تدعي لي اللين ما أوصل


( وقعد يستهبل مع امه اللين ملت وقفلت بوجهه...


"" محمد هو ولدها اللي بقالها بعد شروق خلص جامعته ويبي يكمل
الماجستير, وراح نعرف بعدين ليه مارجع من اول""


:::::::::::::


صباح

الكليه

في صديقه جديده لفتون وراح تخلي نكهه جديده للروايه,مفقت الحقيقيه
انها تكون جزء منها خذت مني محاولات كثيره..
وهي..



فوزيه: أهلين فتون كيفك
فاتن: أهلا بالجزيره
فوزيه: مالت عليك الشرهه علي جايتك ,فارقي


فاتن:ههههههههع بس والله الكليه ماتسوى بدونك

فوزيه: إنتي دائما كذه دفشه بكلامك اعوذ بالله

فاتن: ههههههههههه, إذ تبين علاقتنا تستمر تعودي علي ,انا كذه,وبعدين
الله يرحم والديك تراى فيك الخير انتي بعد

فوزيه وهي تغير الموضوع: طيب ماقلتي لي..كنتي تكلمين مين؟

فاتن:هه بدينا, كنت أكلم صديقتي سمور
فوزيه:وليش بعد ماكلمتيها ضاق صدرك؟
فاتن:اها لأننا كنا نتكلم عن اعز صديقاتنا وإنها فكت خطبتها
فوزيه:ومن هذه صديقتكم؟ تراني أعرف بنات الرياض كلها


فاتن:هههههه والله اني داريه ,إسمها دالي ال...
فوزيه:اها والله أعرفها,بس ليه فكت خطبتها؟
فاتن:يوه وبعدين معك فوز بلا لقافه
فوزيه:مو لقافه بس انا احب أعرف كل شي
فاتن: لا عاد شي شخصي مره زي كذا انا ماراح أقدر أقولك إياه, ويله

مشينا تراني مت حر

فوزيه:خلاص إنتي إسبقيني,انا بروح أشوف وشفيها أمل كانت غايبه أمس
فاتن:ههه الله يعينها على أسئلتك..سلام
فوزيه: الله يعينها على أسئلتك..إذلفي بس
:::::::::::::::



بدر بجو ثاني بمكالمه
مها: هههههاي وليه يعني؟؟ لاتقول انك تغار علي
بدر:هع وليه تسمين سؤالي غيره!!
مها: أجل ليه تسئلني إذا اكشف على عيال أعمامي ها يله قول؟
بدر: بس أحب اعرف طريقة تفكيرك وإنفتاحك لأي درجه ممكنه؟
مها: لا من ناحية إنفتاح انا كل شي عندي فري
بدر:لا حلو, اجل راح توافقين نتقابل
مها:ههههها وليه لأ, عادي بس اهم شي بمكان عام
بدر: وان شافك أحد من اهلك
مها: هههها لا ماراح يعرفوني انا اعرف ادبر هيئتي وأغيرها مليون مره
بدر:تصدقون يالبنات صايرات قويات
مها:إي وش تحسب؟
بدر: أجل أشوفك بكره وبالمكان اللي تحددينه
مها: ...اوك
(وبعد ماخلص مكالمته..مسك بدر الورقه والقلم ولقى المقال اللي راح ينزله

بكره بالمجله

وكتب العنوان.. أصبح الرجل هو اللذي يخاف

لقد أصبحت الجرأه تتعدى حدودها وأصبح للخوف معالم أخرى ...
بدأت اغير مفهومي ونظرتي لبعض الفتيات
وأصبحت أتسائل من اللذي يجب عليه أن يخاف مِن من..
هل يجب عليها الخوف عندما يراها أحد من أقاربها, ام هو اللذي سيخجل

عندما يراه من يعرفه
قالت, سأغير من هندامي وسأصبح مختلفه ,سأخرج معك ولكن..في مكان

عام
أضحكتني ...وقبل ذلك أيقظت فيني الفضول لأراها..
بت لا أعرف هل هذا من قوة شخصيتها اللتي ات من سوء التربيه,أم هو

تمرد فاضح,ام هو تعود معهود في هذا الزمن.......................


( طبعاً بدر هوايه عنده الكتابه وهو ماراح لموعده مع الحلوه مثل ماوعدها
كان بس يبي المصداقيه بكلماته ويحب دائما يجرب اللي يكتب عنه او على
الاقل يحس فيه )

:::::::::


مكالمه من دالي ومعهم سمر
دالي: يعني ماراح تجين عندي؟
فاتن: طيب إسمعيني وأحكمي, طلعت من الكليه وأرتحت شوي و على

المعهد وخرجت منه مع أصوله على بيتها والله إني مواعدتها من قبل امس
سمر: عساها ماجت الشرهه على اللي يعزمها ,تدرين ان عندنا أريج
فاتن: إحلفي عطيني إياها
دالي: لأ لو تموتين, يله خلي اصول تنفعك باي ..طوط طوط طوط
فاتن: الله يقطع إبليسهم
اصاله: يله عاد إدخلي من الشارع
(دخلت فاتن لبيت اصاله وتفاجئت بصورة شروق اللي بالصاله وماخذه

نص الجدار..والشبه الكبير اللي بينهم)
اصاله: شفتي الشبه اللي بينكم
فاتن: سبحان الله جد تشبهني
اصاله: ههه تو نور البيت امريني وش تشربين وله أكيد جيعانه نتعشى وبعد

كذه نتقهوا وش رائيك
فاتن: ماراح يمديني خلنا نتقهوى لان الساعه 9 لازم اكون بالبيت وله

ياويلي من ابوي
اصاله: ههه السواق عند الباب لا تشيلين هم بخليه يوصلك
بدر: لا وش سواقه بدر بيمر علي اكيد

(وتقهوا وسواليف واصاله ماخلت مكان بالبيت إلا ورته فاتن,ولا خلت
غرض لشروق إلا وكلمتها عنه, و كانت طايره من الفرحه والوناسه ,اما
فاتن كانت تجاري اصاله وهي كاسره خاطرها واذا بكت بكت فاتن معها
واذا ضحكت ضحكت معها)

::::::::::::::::::::::


وفي بيت جارح وخلود

كالعاده طلع من الصبح ولا رجع الا الساعه 9 الليل
جارح: السلام عليكم
خلود: وعليك السلام,أحضر لك العشى؟
جارح:لا تعشيت, أبشوف لي شي أشربه
خلود: انا أجيب لك
جارح:لا انا بجيب لنفسي
وما مداه يدخل إلا وبأعلى صوته :خلود
" وهي كعادتها بس تسمع احد معلي صوته جسمها كله يرتجف)
خلود: ايوا ..نعم
جارح:وش ذا؟
خلود: إيش بها المغسله!!
جارح:ليه كذا وصخه ماتعرفين تنضفين مثل البشر ,شوفي هه ...كذا الناس

تفرك .. شفتي الفرق
خلود:وربي ماني شايفه فرق
جارح:وشي؟؟
خلود: ايوه صح صح في فرق
جارح:البيت هذا صاير وسخ , استغفر الله حتى نضافه ماتعرفين

تنضفين,وخري عن وجهي وخري هناك
(وراح تغطى ونام)


(وكعادتها خلود ماعندها احد تشكي له غير انين او فاتن اللي إنشغلت
بالكليه فدقت على اختها)
خلود: وربي يا انين أحسوا بيدور أي شي عشان يعمل لي مشكله
انين: مو معقوله إنو يتدخل بأمور تافهه زي كدا
خلود: وربي اقولك المغسله زي الفل بس يبغى عذر عشان يزعلني
انين: أخصريك منوا ولا تزعلي نفسك, صدقيني حتى لو كان قاسي معاك

ارحم من اللي أشوفوا كل يوم من أخوك والنسره حقتوا
خلود: إيش سو لك الله ياخدهم
انين:اه ياخلود حيوانه , هي نايمه واولادها عافسين لي البيت بعد مانضفتوا

ودخلت اتروش طلعت ولقيتوا محيوس فزعقت عليهم,وطلعت هي كلمه
وانا كلمه فقامت أخدت عيالها وراحت عند الجيران, انا قلت أحسن وفرصه
ارتاح لي كم ساعه, وجا الحيوان اخوك وسأل عنها وقلت لوا عند
الجيران..
راح يناديها ,إيش تتوقعي قالت لوا...
خلود: كل شي ممكن منها
انين: قالت لوا انها زعلانه مني لأني سبيتها وضربت عيالها وفوق دا كلوا

طردتها..تخيلي انا اسوي كدا!!!!
خلود:ياحياتي
انين: وربي ياخلود ماخلا ولا مكان بجسمي إلا وإنضربت فيه ,جسمي

صار كلوا مزرق من الضرب
خلود: الله يكسر إيدوا يارب, والله اذا كان بإيدي شي كان سويتوا عشانك
انين: اه لا تشيلي همي انا بس حبيت افظ فضلك شويه عشان ما انجلط
خلود: الله يعينك ياقلبي ويحن قلوبهم علينا
انين: امين, يله حقفل خلص الشحن
خلود: دحين احولك رصيد لاتشيلي هم
انين: طوط طوط
:::::::::::


البارت الثالث بنقلات مهمه ,,وتكوين لعلاقه غريبه ومجنونه
الجزء الثالث
عربج وزواج!!


مكالمه مع البنات
سمر: إي من لقى أحبابه نسى أصحابه
داليا: صادقه ياسمر ولا, شكلها شافت نفسها علينا لا ترد على إتصالاتنا

ولا تسئل.. الله لنا
فاتن بعربجه:وش تبوني اسوي انتم وجيهكم انا انسانه عندي كليه وعندي

اختبارات حاسب ,ماني فاضيه وله كل ذا غيره هع هع ؟؟
داليا: ههه حبيبتي فتونه ولا شي من اللي ذكرتيه ينغار منه
سمر: صادقه دالي إنا نغار إذ السالفه فيها حب زواج مو دراسه ولخابيط
فاتن: ها إشتغلت ام الرومانسيه,إسكتي بالله فكينا
سمر:هههه والله اني صادقه
(بهل لحظه دخلت ام فاتن وجهها متغير)
فاتن: وش فيك يمه؟!!!
الام: دقت علي الخدامه وتقول ان أصاله طالبتك بالمستشفى
فاتن: اصاله ..وش فيها؟
الام: أكيد القلب
فاتن: هي عندها القلب!!!
الام: ليه ماقالت لك
فاتن: ابداً ولاحتى جابت لي سيره
الام: تقول لي ان مفروض مسويه عملية القسطره من زمان
داليا: الو فتون
فاتن: هلا
سمر: خلاص روحي لها , بس طمنينا
فاتن:اوك سلام
داليا وسمر:باي
:::::::::::


بيت جارح وخلود
خلود: تبغى شي انا حدخل اتروش
جارح: خلصتي تنضيف البيت
خلود:ايوا نظفتوا مره تانيه زي ماطلبت مني
جارح:ليه هو كان نظيف المره الأوله؟.. روحي بس روحي
خلود: طيب عن إذنك
(ودخلت خلود تروشت ولبست بنطلون جنز وبلوزه سماويه وعملت

مكياجها الخفيف وراحت لجارح عشان تقهويه)
جارح:وش ذا يا. .. . إنتي
خلود وتناضر بنفسها وتأكد ان ما فيها شي غلط: إيش فيه, فيني حاجه غلط
جارح: إنتي أصلا كلك على بعضك غلط
(خلود نزلت راسها للأرض وقالت: الله يسامحك
جارح: وانا صادق معطيك مهرك اربعين الف وين راحت , شاريه

هالخلاقين وعلى بالك كاشخه.
(خلود هنا إنحرجت ونزلت من عينها دمعه وتذكرت انها بستة الاف إشترت

ذهب وبأربعه حاولت تختصر وتشتري لها كم قطعه لأن اخوها أخذ باقي
المهر ولا عطاها حتى حق الكوفيره..)
جارح: وش فيه , بلعتي لسانك؟
خلود: انا اسفه
جارح: الحمد لله والشكر, اسفه على وشو؟؟ انا بكره بخلي أختي تمر

عليك تروحين معها السوق وتجيب لك لبس مثل الخلق
خلود:.......
جارح: جعلك مارديتي قومي من وجهي انا بقهوي نفسي شكلك يسد النفس..

قومي
(قامت خلود وقلبها متكسر من جارح عمره ماناضرها عشر دقائق وكل يوم

يسوي مشكله من ولا شي وكل يوم تزيد قسوته اللي مالها مبرر.. قامت
وهي تصيح من القهر من اخوها اللي عمره مادق عليها ولا سأل عنها,
تصيح من شوقها لأختها اللي تحس فيها وهي تدري انها عايشه بنار مع
زوجته, مع ذلك دائما تدعي لأخوها وزجها بالخير)
هذه هي خلود بقلبها الطيب
:::::::::::::::
(دخلت فاتن مثل المجنونه تسأل عن الدكتور اللي معه حالت أصاله وشافته

واقف مع واحد بس ما أهتمت دخلت بالعرض كعادتها عليهم وقالت: هي
دكتور ارجوك طمني عن المريضه أصاله
الدكتور ومن شاف اهتمامها وخوفها: انتي أخت محمد
محمد: لأ يادكتور هذه مو أختي لو سمحت خلك معي انا وطمني عليها
(فهمت فاتن ان هذا محمد ولدها وسكت تسمع الدكتور)
الدكتور: هيا إتعرضت لصدمه او حاقه ديئِتها؟
محمد وهو يفكر ان ممكن السبب يوم مزح معها يوم وصل الرياض وكلمها

قال لها لا تنتظريني لأني بتأخر بعد إسبوع قفلت بوجهه وهي معصبه :
والله شكلي مزعلها يادكتور من غير قصد
فاتن وبأعلى صوتها داخله عرض: انت تدري ان عندها القلب وتمزح معها

!!انت صاحي وله تبي تأذيها وخلاص
(فتح عينه محمد وهو يناظرها ثم عطاها نظرة إستخفاف وكمل كلامه مع

الدكتور:طيب اللحين فهمني كيف حالتها اللحين؟
الدكتور: انا دائما أنصحها تعمل القسطره.. لاكن دلوئتي وبعد الجلطه

الخفيفه ضروري تعملها..وله انا حخلي مسؤليتي
فاتن: لأ خلاص تكفه سوي لها إياها, انا راح أقنعها
محمد ناظر فاتن بتعجب يعني.. "وش تبي ذي!!" وقال للدكتور:طيب في

حل ثاني غير العمليه؟
الدكتور: بص العمليه دي بسيطه جدا وفوق ما تتخيل , توكل على ربنا

وخلينا نعملها لها
ام فاتن وهي جايه صوبها: وش تسوين كل هالوقت
فاتن: يمه أصول لازم تسوي العمليه ,يله ندخل نقنعها
الدكتور: ماينفعش انتو التلاته , إتنين بس اللي حيدخلوا
محمد: ماعليه ياجماعه ودي اكلم امي بإنفراد( ودخل عندها على طول)
لفت فاتن لأمها وتقول:هذا مو يبي له كف على عينه؟؟
امها:لاحول ولاقوه الا بالله ,بالله فتون مو وقت هبالك
فاتن وهي منقهره: تدرين لو ماقنعها بعطيه بوكس بخشمه
امها وهي تبتسم على شكل فاتن:والله انا شاكه اني جايبه ولد مو بنت
"جلست فاتن بالكرسي جنب امها وحطت يدها على خدها مو عاجبها كلام

امها".
:::::::::::


محمد: يالله يا ام محمد قد إيش مشتاق لك
اصاله: .....
محمد:افا احد يزعل من فلذة كبده
اصاله:...
محمد: والله اسف يمه, مادريت انك بتزعلين وله والله مامزح معك,خلاص

تكفه والله إشتقت لإبتسامتك قبل صوتك
اصاله وهي تلتفت له :الله يصلحك بس
محمد:يا ويل قلبك يامحمد, كنت بتحرم نفسك من هالصوت
اصاله:لا تلف وتدور علي تعال
فتح عينه محمد بطريقه مضحكه وقال:وش بتسوين؟؟
اصاله: تعال خلني أضمك
محمد:هههه ,يابعد عمري والله, وهذه بوسه على الراس والخدود والارجل

بعد وهه هذه لعينك
اصاله:الله لايحرمني منك
محمد:ولايحرمني منك يالغاليه, بس والله انا زعلان منك يام محمد ليه

ماقلتي لي ان مفروض تسوين عمليه؟
اصاله: وليه اقولك وانا ماكنت بسويها
محمد:وليه إن شاء الله!! الدكتور يقول إنها سهله ومايبي لها شي
اصاله: انا أحس اني لادخلت غرفة العمليات ماراح أخرج منها, فحبيت

اخرها اللين ترجع
محمد: هههههه يالخوافه اقولك بسيطه العمليه وثانيا يالحبيبه لو إنك قايله لي

كان جيتك لو اني بنص الإختبارات, مافي اغلى منك يام محمد
اصاله:داريه ياعمري, وعشان كذه ماقلت لك إلين خلصت
محمد:خلاص بطلع اقول للدكتور يسويها لك
اصاله: لا ياعمري, انا ما إنتظرتك عشان أسويها,انا إنتظرتك عشان قبل لا

أسويها ازوجك
محمد:ههههههههههههههههههه, الله يقطع إبليسك يام محمد
اصاله:انت وبعدين معك قولي يمه لا تناديني كأني أختك ام محمد!
محمد:ههههه, اللحين من اللي يحب يلف ويدور
اصاله:انا من جدي اتكلم ما أمزح معك
محمد:يمه ترى الموضوع مو صغير لازم تدخلين تسوين العمليه وش

زواجه وش لخابيطه بهل وقت
اصاله:وانا اقول أخيرا برتاح وأسوي العمليه دامه جا ولدي ,وانت تقول لي

بكل بساطه لأ
محمد:يمه انا ما قلت لك لأ,بالعكس انا ابي أعرس وكنت بقولك ,بس مو هذا

وقته لاقمتي إن شاء الله من العمليه
اصاله:الله يفرح قلبك ياولدي خلاص أجل عروستك جاهزه ,عطني الجوال

أدق عليها
محمد:يمه.. وش عروسته اللحين , لاتظيقين صدري خلصي عمليتك

ويصير خير
اصاله:داريه انك تبي تلعب علي , والله يامحمد والله واللي خلقني ما أسوي

العمليه قبل لاتعرس ومن اللي إخترتها لك بعد.
محمد بضيق:........ يمه بعد العمليه يصير خير
اصاله ولفت وجهها للناحيه الثانيه:.....
وبعد مازفر قال بإذعان : الله يصلحك يمه, انا بروح أكلم الدكتور ويصير

خير)
اصاله:إي هذا ولدي, رح ياجعل الله يسعدك دنيا وأخره
محمد: لا حول ولا قوة إلا بالله
(وبعد ماطلع محمد ... دخلت فاتن وامها عند اصاله)
فاتن: سلامتك يالغاليه ماتشوفين شر
اصاله:الشر مايجيك ياعمري
ام فاتن: خطاك السو يا أختي أصاله
اصاله: الله يسلمك,ماتقصرين يام بدر, زين ان جيتي مع فاتن
فاتن: خير .. تبين شي اجيب لك شي؟
اصاله: لافديت قلبك بس عندي موضوع لك, لازم امك تكون بالصوره

تساعدني.
ام فاتن: امريني
اصاله: مايأمر عليك عدو..بس انتي تعرفين عن العمليه,وانا ماراح اسويها

قبل لا افرح لولدي وأزوجه
فاتن: ياصول بالله ذا وقته! سوي العمليه وبدل الفرحه تصير فرحتين
اصاله: لا يابعد عمري ,انا لاسويت العمليه ماني قايمه بعدها ,إحساسي

وعمره ماخاب..بعدين وش يظمني انكم لبعض؟
ام فاتن:أعوذ الله يا ام محمد لاتقولين هالشي, إن شاء الله عمليه بسيطه

وتقومين بعدها مثل الحصان,وفتون ان شاء الله موافقه
(فاتن متنحه وماتدري هي سمعت زين وله لأ)
اصاله: ها فاتن وش رائيك؟
فاتن: ها..رائي برائي امي لازم تسوينها حالاً
اصاله: أقصد إني ابيك لولدي محمد,طلبتك يابنيتي لاترديني
فاتن بعربجه :أصول لاتخليني اقلب الوجه الثاني
اصاله:حبيتي انا اتكلم من جد
فاتن وهي تقعد بالكرسي: انتي داريه اني معقده من الزواج , روقينا وخلك

بعمليتك أحسن
اصاله: انا معطيه امك وابوك خبر من زمان ,وتراهم موافقين ,يعني اللي

مأخر علي العمليه هو انتي,ترى والله ما اسويها إلا إذا تزوجتوا ولا رحتو
شهر العسل بعد..انا وش يظمني انكم بتكملون الزواج
(فاتن عصبت وبنفس الوقت فعلا خايفه على اصاله قالت:
اللحين وبعدين معك قاعده تصدميني من الصبح وساكته لك شوي عندك

القلب,شوي ماتبين تسوين العمليه,شوي تبين تزوجيني ولدك,وشوي الكل
داري الا انا... إسمعي بلا دلع ولاتخليني أزعل منك يا اصول تراك
ماشفتيني وانا بالوجه الأخر..عمليتك وراح تسوينها غصب والزواج إنسي
الموضوع...(وطلعت دقت على بدر وجا اخذها)
ام فاتن: ماعليه انا قايله لك هالبنت جابت لي الشيب ,كل من جا وتقدم لها

رفظته وأخوها قواها يوقف معها, بس لاتقلقين وإن شاء الله يصير خير بعد
العمليه
اصاله: صدقيني يام بدر انا ماراح أسوي العمليه قبل لايتزوجون
ام فاتن: بس انتي داريه ان حالتك اللحين خطيره,هالمره الله ستر وجت

الجلطه خفيفه, خافي على نفسك شوي
اصاله: العمر واحد يا ام بدر,خليها على ربك,انا اليوم راح أطلع من

المستشفى ويصير خير إن شاء الله.
::::::
(بالليل بعد ماجهزت خلود العشى دخلت ولبست من اللي اشترته اليوم من

السوق وكان فستان ناعم ماسك على جسمها الممتلئ الملفوف وكان يميز
خلود ان عندها خدود ربانيه معطيه لملامحها جمال وأنوثه عملت مكياج
ناعم وتعطرت وقعدة تنتظر السيد جارح)
جارح: السلام عليكم
خلود:وعليك السلام..اهلا


(جارح ناظرها من فوق لتحت وقال: أخيرا لابسه شي زين
خلود:....
جارح: ياشينك لاسكتي وما رديتي, جيبي لي كاس ماء
راحت خلود جابت له: تفضل
جارح بعد ماشرب: خير وش فيك تناضريني كذا؟؟
خلود وهي تقعد مقابله: ممكن أسئلك سؤال؟
جارح وهو يطلع جواله من جيبه:ها وش عندك؟
خلود:انا للحين مابعرف عنك حاجه,حتى مابعرف انت إيش بتشتغل
جارح:وش تفرق يعني؟
خلود: انت زوجي ياجارح وأبسط الأشياء مابعرفها عنك
جارح:مو مهم..,انا مقصر عنك بشي؟
خلود:لا أبداً
جارح:خلاص أجل هذا اهم شي , ترى انا ما احب كثر الحكي
خلود: ...
جارح:بكره بتمر عليك اختي ,بتروحون المشغل عرس ولد عمي أبيك

ترفعين الراس سامعه
خلود:إن شاء الله , (وقالت بفرح) حتى إشتريت الفستان اليوم ,تحب

تشوفوا؟
جارح: (تحب تشوفوا).. الحمد لله والشكر, قومي حضري لي الأكل بس
قامت خلود وتحس الضيق ماليها.
::::::::


ثاني يوم بالكليه
فوزيه:وش فيك حالتك حاله وزعلانه؟........... هي أكلمك!
فاتن:بسم الله وش فيك تزعقين؟
فوزيه:وش فيك اللي ماخذ عقلك ياروحي!!
فاتن:ههه والله أصول اللي ماخذته
فوزيه: ليه وش فيها ,وليه شاغله بالك, وش قصتك أصلا معها وبعدين ليه

تهتم..
فاتن: فوز خلاص اسكتي, انا ان بجاوبك على كل هالأسئله يبي لي يوم

كامل..
لحظه بسم الله عليها داقه ,أرد عليها واجيك
.. هلا وغلا ومية مرحبا بأصول
.....: السلام عليكم
فاتن بإستغراب:يمه! ذا مو جوال أصاله
محمد:إلا ,انا ماخذه عشان أكلمك
فاتن:وإنت من؟
محمد:انا ولدها محمد
فاتن:خير اصول فيها شي,تكفه طمني
محمد:صراحه انا طلعتها أمس بس اليوم الصبح حالتها ماتطمن رجعتها

لمستشفى, وعلى طول حطوها بالملاحظه.
فاتن بخوف:ليه وش صار عليها؟؟
محمد:اه والله ما ادري, إسمعي اخت فاتن انا حاب أكلمك بموضوع ليتك

تفهميه إذا فعلا أمي غاليه عندك..
فاتن: اسمعك!!
محمد:انا اللي عرفته من الوالده انك رافظه الزواج,لكن حالة امي تخوف

والدكتور زاد هالخوف, وانه فعلا ممكن نفقدها لو عاندنا أكثر
فاتن:يعني انت بعد ماتبي هالزواج؟
محمد:صراحه انا كنت ناوي اول ما اشوف امي افاتحها بزواجي من

كاترين,لكن هي فاجئتني ومرضها خلاني أسكت واقبل طلباتها
فاتن:طيب والمطلوب مني, انا مافهمت؟؟
محمد:يمكن هو طلب أناني وممكن طلب مو محسوبه نتايجه, بس والله ان

السبب فيه هو خوفي على الوالده..
انا أشوف دامك ماتبين هالزواج وانا كذلك ,اننا نملك ونسافر وأوعدك

ماراح امسك او حتى اذيك اللين مانشوف لنا حل بعدين
فاتن:انت من جدك؟
محمد:انا فعلا منحرج منك وانا اطلبك هالشي بس لازرتي امي اليوم وشفتي

حالتها راح تعذريني,عموما انا ما ابي أظغط عليك ولا حتى اساومك,بس
اللي خلاني أتجرأ اطلبك هالطلب كلام امي عنك وانك فعلا تحبينها مثل
حبها لك.. انتي فكري واللي تامرين عليه انا حاضر.......مع السلامه
(قفلت فاتن وعلامات الإستفهام والغبى على وجهها)
فوزيه: سنه تقرقرين
فاتن:....
فوزيه: هي وش فيك
فاتن وهي متظايقه: انا رايحه البيت ,سلام
فوزيه: هي لسه المحاظره الثانيه , يالحبيه هي فتون .......وش فيها ذي

إنجنت!!
::::::::::::::


سمر وداليا
سمر:الله يادالي أحلى غدوه,تسلم إيدك
داليا:صحه وعافيه حياتي وليت فتون معنا
سمر:لا فاتن تلاقيها بهل وقت فاتحه إذنها وعيونها 180 درجه بالمحاضره
داليا:ههه بدق عليها أشوفها وأقهرها اننا متجمعات من غيرها ""ترن ترن

ترن""
سمر:ها ماترد؟
داليا:لا,من جد شكلها بالمحاظره ماترد,خلينا منها قولي لي.. وش صار معك

مع ولد عمك؟
سمر:اه يادالي بيجنني, لاهو اللي عايش حياته مرتاح ولاهو اللي مخليني

بحالي
داليا:شوفي دامه تزوج خلاص إسفهيه ولا تردين عليه ولاتعبين نفسيتك

معه
سمر: لاشفت رقمه يادالي قلبي يفز من مكانه , وما اقدر مارد عليه
داليا:اه ياحلو الحب,بس ولو مفروض ماتردين عليه
سمر:الله يسامحك ياخالتي ,ما ادري ليه كانت مصره تزوج ولدها لغيري

لاهي اللي أسعدته ولاهي اللي ريحتني
داليا:تدرين لو فاتن تدري انك للحين تكلمينه يمكن تذبحك
سمر:يع فتون ماعندها تفاهم مع الرومانسيه ابد ,أصلا يوم سألتني قلت لها

اني قطعت علاقتي فيه من زمان
داليا:هههه
"إلا وتدخل عليهم"
فاتن: سلام
سمر: بسم الله الرحمن الرحيم, ليتنا ذاكرين مليون خخخخ
داليا:ههه وجع يعني المليون أهم من فتونتي,حياك عمري تفضلي
سمر:وش فيك عمري فتون,عسى ماشر؟
فاتن: اه يابنات شي غريب ويضيق الصدر بعد
داليا:خير طمنينا,وش صار
(حكت لهم فاتن عن اللي صار, وإثنينهم نصحوها ماتوافق لأن هذا مو زواج

مجرد صفقه هو وأمه اللي كسبانين فيها
وهذا الشي زاد من حيرة فاتن وطلعت من عندهم تفكر بأن كلامهم عين

العقل ,وطول الطريق لبيتها وهي ماقررت ولا عرفت وشلون راح تتعامل
مع اصاله اللي تعني لها الكثير فيها من الطيبه والحنان مثل امها, وهي اللي
ساعدتها تحقق لها حلم الدراسه اللي كان مجرد حلم صعب, وبنفس الوقت
مو هاينه عليها نفسها تكون مثل اللعبه بيد محمد
بعد ما مرت وأخذت امها عشان يزوروا اصاله دق جوال فاتن... هلا وغلا
أريج: هيا كنش وينش يالخامه لا تسئلين ولا رفعتي تلفون عليه؟
فاتن: ههه والله لك وحشه بس اه من جد الايام هذه حوسه
اريج: قالوا لي البنات سمعي يابتي, لا توافقين ذا إلا لطع واناني
فاتن:ههه , وش يعني لطع؟؟
اريج: اباي لي كم اعلمش حضرمي وما تفطنين,لطع يعني ثقيل دم, من

جد فتون لاتظيعين نفسك بإيدك ارفضي ترى الرجال لاطلق عادي بس
الحرمه لاتطلقت طلعوا بها عيوب الدنيا وبعدين ليش اصلا تحطين نفسك
بهل موقف , صدقيني انتي بغنى عنه
فاتن: اصلا خلاص انا قررت اني ارفض, خير وش راح يصير يعني,

بالنهايه هذه حياتي وما اقدر أفرط بها حتى لو كانت اصول غاليه علي مره
اريج: حلو اجل اقلب لش حضرمي.. مبين انش مشغوله..حيابش
فاتن: هلا والله
اريج: باي.
:::::::::::::
ويوم وصلو للمستشفى
ام فاتن:اسمعي قبل لاندخل:. لا تتعبين الحرمه من كلامك الدفش بالرأفه

عليها
فاتن: خلاص يمه تكفى فيني اللي يكفيني
....
وبغرفة اصاله
محمد: انا بروح أتطمن من الدكتور عليك, تبين شي يالغاليه؟
اصاله:.......
"وبطلعته شاف فاتن وامها وقال: تفضلوا إذا بتزورون الوالده
ام فاتن: الله يجزاك خير ياولدي
(فاتن اول مادخلت لقت اصاله ع السرير وجهاز قياس نبضات القلب

متصل بكل أجزائها وشافت البخار اللي على أنفها ,اما وجهها كان كاتم
وباين عليها التعب والالم اكثر من أي يوم, ويوم سمعت وناتها وأهاتها
ماقدرت تمسك نفسها وقعدت تصيح قربت عند أصاله وقالت لها
فديتك يا ام محمد والله اللي طلبتيه صعب, بس ماراح ارفض لك إياه
(ناظرتها أصاله بتعب .. وكملت فاتن تقول)
بنسوي التحاليل بكره ويجيب المملك محمد وبعد ماتسوين العمليه ونتطمن

عليك نسافر مثل ماتبين خلاص
(هزت راسها اصاله.. وفعلا هذا اللي صار ..بسرعه غريبه وبإستعجال مو

محسوب..
ملك محمد على فاتن بخلال تواجد اصاله بالمستشفى لان الاطباء ماسمحوا

لها تطلع من الملاحضه ويوم جت تدخل أصاله على غرفة العمليات مسكت
فاتن يدها الثانيه بعد ماسمعت محمد يقول لها:
يمه انتي قويه وراح تقومين لنا بالسلامه لاتخافين ولا تشيلين هم انتي بإذن

الله تحت يد أحسن الدكاتره..(نزلت دمعة أصاله ومسحتها فاتن بيدها..
وهذا اخر شي تذكره أصاله..
::::::::::::::
في بيت جارح
( عارفه خلود ان زوجها بيتأخر لل 12او 1 بالليل وشافت ان الساعه 9

ونص.. قامت فلت شعرها ولبست لبس يشبه للرقاصت وقامت تسوي
هوايتها اللي تبرع فيها واللي جسم خلود يناسبه.. علت صوت المسجل على
"رئصني ياهو بوجدوك يابو سمرا يحلى السهر بالليل.."
وأخذت تهز وتمايل اللين ما طاحت عينها على اللي واقف وراها ويشوفها

من فتره
جارح: كملي وشفيك وقفتي؟
(نزلت راسها خلود من الحيى وقرب لها جارح رفع راسها وقرب عند اذنها

وقال: لو كل هذا حيى انا ما أصدق...
( بلعت ريقها خلود.. قرب لها اكثر ورفع بأصبعينه راسها ناحيته وقال: يوم

أكلمك ناظريني وجاوبيني انا ما أكلم جدار..
(رفعت عينها خلود لتحت عينه لانها تخاف تناضره مباشره.. وقالت بصوت

مرتجف من الخوف:مره تانيه,اللحين ما اقدر
(دفها جارح عنه وبصوت عالي قال: انا يوم أقولك سوي شي تنفذينه على

طول لأني ما اخذ رائيك لأ انا ..أأمرك .
خلود:...
جارح:فاهمه ولا لأ؟
قالت وصوتها يرتجف: إيوا
جارح: بسرعه ولاتخليني أغلط عليك كملي رقصك
(خلود خافت من لهجته وقوة نظرته خافت انه يبدا يضربها مثل ماكان

يسوي أخوها , قامت بسرعه ترقص وهي مو قادره تتمالك دموعها ولا
شهقاتها اللي مو قادره تتمالكه.
قرب منها جارح وعطاها كف وقال:
انا ماطلبت منك المستحيل,فارقي طسي على غرفتك
(ركضت خلود وأخذت معها غصتها والمها اللي بقلبها كل يوم يكبر ويزيد)
::::::::::::::
بالمستشفى
راحت ساعه وبعدها ساعه محمد رايح جاي بالممر وفاتن ودها تكسر أي

شي قدامها من زود التوتر ...
ام فاتن: رح يامحمد إسئل وش السالفه ياولدي لهم اللحين ساعتين ونص
محمد: ياخاله قال لي الدكتور العمليه تاخذ من ساعتين لأربع
فاتن: وش فيها هذه طالعه تركض هي ستر يا ستر, ليه ماترد علينا وش

صار
محمد: فاتن لو سمحتي لاتوتريني زياده
فاتن: شف ذا الكتور, صح
محمد: الله يستر, شكله ما يطمن
الدكتو: انا اسف مبين علي مرهق.. بس تطمنوا الوالده بخير والعمليه

نجحت ميه بالميه
ام فاتن: الحمد لله , يالله لك الحمد والشكر
فاتن شافت اقرب كرسي وقعدت عليه تحس انها كانت حمل للخوف اكبر

من طاقتها
اما محمد حس بإرتياح وان الله انعم عليه بشفاء امه.
:::::::::::
ثاني يوم
العصر
في جده
(انين تحس طاقتها بالصبر انتهت ما تدري تشكي لمين .. تدري ان خلود

عايشه في هم,واختها المتزوجه دائما تنصحها تصبر وتطلب منها انها تجي
لبيتها وتسكن عندها بس هي ماتبي تثقل على زوج اختها
بعد تفكير وضيقة بال مالقت غيرطريقه بنظرها تقدر تتزوج بسببها وتنفك

من ظلم جراح وزوجته.. وراح اوضحها بهالمكالمه اللي ردت عليها
انين: الو
فواز: اخيرا رديتي يابنت انا زي المجنون من يوم ما شفتك بالمجمع

ماقدرت أنساك..الو الو
انين وكلها حيى: ايوا معاك
فواز:كيفك ؟
انين:انا كويسه, بس
فواز:بس ايش ياحبي
انين:انا أبغى اعلمك انو انا مو حقت التلفونات والغزل والكلام دا انت اول

واحد انا اكلموا
فواز:ايوا انا مصدقِك, تصدقي حتى انا , مني حق الغزل والكلام الفاضي انا

واحد حاب استقر بس قاعد ادور على بنت الحلال
انين: اهمم, يعني كلمت قبل كده
فواز: لا تفهميني غلط , هي وحده قبلك وحسيت انها تبع كلام فاضي مو

زواج قاطعتها وانتي تاني وحده ارسلها رقمي بالبلوتوث عشان اتعرف
عليك
انين: طيب ايش معنى انا
فواز:انا لما قريت انك كاتبه اسم للبلوتث الله يرزقني الزوج, قلت بس هي

دي اللي اتمناها وأبغاها, عرفت انك طيبه وعلى نياتك,مو زي البنات دول
الايام دي, بس انتي ايش اسمك مو حلوه اقولك يابنت
انين:انا انين عبد الله
فواز:الله اسم زي صاحبتوا
انين:هههههه
فواز:تسلم لي أحلى ضحكه يا ناس, فواز وانين والله لايقين على بعض
"ودخلت عليها"
سميره: سنه تكلمي, والله لو اسمعك تقولي لخميس إشحن لي لأقطع لسانك,

وبعدين إشبك كده متوتره وحالتك حاله ها؟؟
انين: خلاص يا خلود دقي علي بوقت تاني باي.
سميره: إعملي لي فيها انها هي اللي تدق عليك قومي اتحركي إعملي

القهوه, حيجوا صاحباتي
انين: وليه انتي ماتعمليها؟
سميره: وانتي إيش ضربتك ماتعمليها وله ليكي زمان ما إنضربتي؟
انين: وليه انضرب اذا في احد يبغالوا ضرب هوا انتي
سميره: يعني ماتحعملي القهوه؟
انين: لأ روحي انتي إعمليها
سميره طيب يا انين الحسابه بتحسب , حوريكي.


:::::::::::::::::
بيت فاتن
بدر: يايبه الموضوع كله مادخل مخي وشلون تملك بهل طريقه, ليه

مطاوعهم؟
الاب: ياولدي الحرمه طالبه يد أختك من زمان وانا معطيها كلمتي وكنت

بس منتظر رائي اختك,ودامها وافقت ليه لأ الولد ماينعاب.
بدر: وانتي اخت فاتن تدرين ومخبيه علي!!
فاتن: فديتك انا ما دريت الا من يومين, تكفه لاتزعل
ام فاتن: انت ليه معصب وحالتك حاله , انا وابوك موافقين, انت وش

مزعلك
بدر: انا ذا الادمي مو داخل مخي
ام فاتن: انت شفته؟ اذا كان رفضت تجي كشاهد وراح لهم ابوك وعمانك!!
بدر: طريقته مهي طريقة رجال , محد يخطب بهل شكل
ابوها: اللحين انت ليه تتكلم بموضوع صار ماض, أختك وملكت على

الرجال الله يجزاه خير ابو منصور جا لعندنا وملكنا وخلصنا بارك لأختك
ولا تلجنا
بدر ويحاول يهدي: فاتن البسي عباتك وتعالي معي
فاتن: طيب,بس على وين
بدر: يعني وين بنروح نتغدى لنا بمكان
فاتن: !!!!!
بدر: إيه ناظريني كذه انا منتظرك بالسياره,’ وتعرفين ما احب الانتظار
(جرت فاتن لبست عبايتها وإتفقت مع امها انها تروح عنها تزور اصاله لأن

مستحيل بدر يوديها,وركبت السياره.. وبعد سكوت عشر دقايق وتأف بدر
وقفوا عند الإشاره, وقبل لاتفتح الإشاره بدقيقه إنتبه ان بالسياره اللي من
جهة فاتن السايق يناظر فاتن أخذ قارورة الكولا القزاز وبأعلى صوته..
ياولد ال.. إفتحي الشباك إخلصي بسرعه
فاتن: بدر وش فيه ..ليه؟
بدر: بسرعه افتحي يلعن .. ياو..
(الرجال من حظه الاشاره خضرت وينحاش, وطبعا فاتن استوعبت اللي

صار)
فاتن: الله يصلحك يا اخوي إهدى شوي يعني من معطيه وجه اصلاً
بدر: وليه انا بخليك اصلا تعطينه وجه, ناس قليلة ادب ليتك بس منتي معي

والله كنت بألحقه وبيطيح بإيدي واوري ابن ال.. شغله
فاتن:....
بدر: وبعدين انتي وش قصتك؟
فاتن: انا, وشو!!
بدر: انتي احد يتزوج كذا؟
فاتن وماتبي تبين لبدر أي شي: ها
بدر: ليه متصربع ذا , وملكتي بطريقه غريبه وكأنه سر!!
ليه ناقصه رجل وله عين؟
فاتن: اصاله غاليه عندي يابدر , وما قدرت ارفض لها طلب
بدر: يعني انتي موافقه
فاتن: ها إي ا, يعني وش رائيك
بدر: صراحه اللي يشوف رفضك اول يقول ان ذي ماراح تتزوج إلا بعد

10 سنوات وبيوم وليله ملكتي!!
إسمعي تراني ماخذك بعيد عن البيت عشان لو فيه أحد مجبرك على شي

مستحيل أخليهم.قولي لي
فاتن: فديت قلبك يابدر عمرك ماقصرت معي
بدر: انا ما ابي الا سعادتك , واذا انتي مقتنعه تماما انا راح ارتاح
فاتن: لاتخاف علي فديتك (وفي قلبها تقول والله لو تعرف السالفه لاتروح

تقتل أصاله ولدها...بس
انا وش سويت بنفسي اصاله وسوت العمليه بس اذا طلبت الطلاق اخاف

ابوي يرفض وتصير مشاكل بينه وبين بدر,ياربي طيب وش اسوي معقول
اسكت ويصير الزواج والناس كلها تعرف وبعدين اتطلق؟؟؟ لالا)
بدر: وين رحتي بفكرك سنه اقولك انزلي وصلنا
فاتن: ها ايه يله نازله.
::::::::::
اصاله بعد يومين طلعت من المستشفى وكانت دائم على اتصال بأم فاتن وام

فاتن ما صدقت تحقق حلمها وبنتها تملكت بعد ماطلعت عيونها من كثر
ماترفض, فعشان كذه سمعت نصيحة أصاله ونشرت الخبر للعالم وخلال
ثلاث ايام جوال فاتن ماوقف مباركه وتمنيات بالتوفيق, وإلي زاد إستغرابها
وتعجبها عن معرفة الناس للخبر هذا الإتصال...
فاتن: هلا والله
فوزيه: مبروك الف مبروك
فاتن: ههههههه من وين دريتي انتي بعد؟؟
فوزيه: على بالك غايبه من الكليه اني ما بعرف اخبارك, ياحياتي انا

توصلني اخبار بنات الرياض كلها , كيف صديقتي, بس والله زعلانه منك
فاتن: ههاي ودامك عرفتي وش زعلك؟
فوزيه: اللحين تملكين ولا ندري قولنا عادي, بس تحددون الزواج ولا

تقولين لي ,هذه بحق
فاتن: ههه لأول مره عندك خبر غلط
فوزيه: وش اللي غلط امي معزومه على زواجك بعد شهر ومنتظره بس

الكرت
فاتن: يابنت وش هالسالفه بلا جنان وش شهر!!
فوزيه: قولي ماتبين تعزميني بس لا تسوي انك متفاجئه
فاتن: لا بس.. إسمعي اكلمك شوي خلاص
فوزيه:اوكي باي
(وراحت فاتن لأمها معصبه)
فاتن: يمه وبعدين يعني وبعدين!!!
امها:بسم الله الرحمن الرحيم وش فيك
فاتن: يمه لاتسوين لي هالحركات انا متأكده انك انتي اللي نشرتي للعالم

ملكتي عشان ما أتراجع
أمها:هههه الله يهديك, احسب انا عندك سالفه, طيب اسمعي امس محمد كلم

ابوك وحددوا يوم للعرس
فاتن: نعم! وليه ان شاء الله ما أخذتوا رائي
أمها:انا عطيتهم راي فديتك قلت لهم انا وبنتي واحد
فاتن: يمه انتي الوحيده اللي قلت لها عن طلب محمد الغريب مع ذلك انتي

اللي خربتي علي انفصالي
أمها:يابنتي انتي مصدقته.. اكيد كان يمزح او طريقه ذكيه عشان توافقين

وتسوي امه العمليه,ههههههها يله ابدي جهزي نفسك ترى نص الرياض
عارفه بيوم زواجك واصاله تكلفت تجيب فستانك من مصمم ياربي وش
اسمه..امم محمد او مراد والله ما ادري المهم هي طالبه لك
الفستان يكون قدك من تقريبا شهر عشان يسوي عليه المقاس من غير
ماتدرين ههههه
(وامها قاعده تصدمها وتعطيها وحده وحده وعن تخطيطها مع اصاله من

شهور وهي مستانسه وتحكي عن التفاصيل وماتدري عن القهر والنار
والخوف اللي بقلب فاتن اللي تلخبطت موازينها كلها)

من بعد هالاحداث مرت الأيام بطريقه سريعه ومر الشهر حامل تغيرات
ومفاجئات راح يحملها لنا البارت الرابع
..

البارت الرابع
مر شهر_
فيه من أبطالنا اللي كان بقمة السعاده
وفيه اللي الحزن ما فارقه بيوم
وفيه اللي انظلم وفيه اللي إنحرم
راح نشوف بالأحداث الجايه وش صار مع أبطالنا
::::::::::::::::::::::
كانت فاتن متنحه مكانها وهي بالمشغل مو مستوعبه ولا مصدقه وداليا جت

معها كمرافقه وكدعم صديقه عمرها ماتخلت عن فاتن.
الكوفيره:شو هي الالوان اللي بدك ياها حبيبتي؟
(فاتن مثل ماهي متنحه)
داليا: ههه إعذري صديقتي المفهيه, اعمليلها الزهر والبنفسج وخفي

الاسود بليز بحيث ما يكون اوفر
الكوفيره وتبي تتأكد من فاتن: هيك بدك ؟
داليا وتبتسم على شكل فاتن: قلت لك لا تسئلينها إسمعي كلامي.
(وطول فترة التجهيز فاتن مانطقت بكلمه كانت جالسه وساكته ومسلمه

لأمر بذهنها اللي يفكر بشي واحد بعد مانتهت الكوفيره من شغلها وبأثناء
ماهم ينتظروا سواق اصاله لان بدر مشغول بالضيوف , فاتن قالت: انا لازم
اكنسل الموضوع كله
داليا: وش تقصدين قلبو؟؟
فاتن:محمد يحب وحده وراح يطلقني بعدين عشان يتزوجها, شايفه قد ايش

انا ذليت نفسي؟
داليا:أقول كان من اول مو ليلة العرس
فاتن بعربجه:ماتفرق,ان لازم ادق على محمد
داليا: انتي فكرتي بأمك اللي يمديها تستقبل المعازيم..
فاتن:ماني قادره افكر باي شي غير اني بهين نفسي
داليا: لا يافتون انتي لازم تفكرين بغيرك فكري بأبوك وموقفه مع

الرجال,وش راح يقول وش راح يسوي؟؟
فاتن:بس
داليا:لا بس ولا شي,دامنا فيها وماراح تفرق خلاص خلينا نعدي هاليله

وبعدين قري معه وش بتسون
فاتن:انا كارهه الوضع
داليا:ماعليه حبيبتي عدي هالليله ,وان شاء الله يكون محمد عند وعده لك

وماتدرين وش راح يصير
فاتن وبحالة ذعر: انا اخاف انه يستغلني ,او انه يلعب فيني ويرميني بعدها
داليا وتحاول تهديها: فتون حبي لاتفكرين بهالشكل ,ليه خايفه هو وعدك بانه

ماراح يضرك,وانا متأكده انك راح تصيطرين على أي موقف ,فتون انتي
قدها
"حاولت فاتن ماتفكر ومسكت بقوه يد داليا"
:::::::::::::::::::
في جده
انين:وبعدين فوازي لا تحرجني
فواز:ياحبي لازم اشوفك ماتعرفي ليً كم يوم ماقدرت انام ,شوقي لك خلاني

ما اذوق الراحه,ريحيني شوي
انين: قلت لك تعال اخطبني,حتى انا حبيبي ميته عليك
فواز:يعني يرضيك اخطبك واختي في العده
انين:حبيبي والله مو قصدي انا عاذرتك بس انا ما اقدر اقابلك قبل الزواج,

وكمان ورا اهلي
فواز:يعني مابتثقي فيني يانونه؟
انين:فوازي لاتقول كده والله حزعل منك, بس انت ترضاها لأختك؟
فواز:دامو حيخطبها ويتزوجها عادي,ايش المشكله؟
انين:لأ ياحبي مو كل الناس زيك طيبه.
فواز:خلاص راحتك
انين:زعلان صح, بس حبيبي والله ما اقدر
فواز: قلت لك خلاص انين راحتك
انين:طيب انا حقفل ولما تروق كلمني اوكي
فواز:خلاص سلام
انين:باي .
(لفت انين وراها ولقت..
سميره وحاطه يدها على خصرها: ماشاء الله مين دا ياست؟
انين ودب الخوف بقلبها: ها, انتي من متى هنا؟
سميره: سمعت كل شي, مين دا اللي بتكلميه؟
انين وبترجي: والله ياسميره كان جاي يخطبني بس اختو مات زوجها , الله

يخليك لاتقولي لخميس
سميره وبان الخبث بوجهها: اها اجل حيتزوجك وانفك ,وربي يوم المنى
انين: عشان كده لاتخربي الموضوع لاتقولي لخميس
سميره: ايش كان يبغى منك تقابليه؟
انين: ايوا زعل بس برضوا ماراح اقابلوا لاتخافي
سميره وتقرب جنبها:ايش انتي تبغي تضيعي الرجال ولا ايه؟؟ اسمعي

يبغي يقابلك لاتزعليه قابليه انا حغطي عليك ,بس اهم شي لا يزعل
ماصدقنا.
انين وبتشكيك: يعني عادي اقابلوا؟
سميره: ايوا ياغبيه عادي, بس اهم شي بمكان عام فاهمه
انين: خلاص حدق افرحوا وحقولك متى حقابلوا
سميره وهي تلف بتطلع من الغرفه: اف مابغيت افتك من وجهك.
::::::::::::::::
خلود وجارح
خلود: جارح الله يخليك غير رائيك
جارح: قلت لك عقاب لك مافي روحه
خلود: جارح الله يخليك دي بنت خالي كيف ما احضر عرسها وانا جنبها
جارح:لأ وحده مثل هالفاتن مفروض تقطعين علاقتك فيها, مو هي اللي تملا

راسك بالكلام الفاضي
خلود: حرام تظلمها انت داك اليوم يوم دخلت وانا اكلمها كنت قاعده
افض فضلها انا متعوده على دا الشي من يوم كنا صغار
جارح: انا سامعها بإذني تقولك إشتكي لأخوك
خلود: ماقالت كده عليك تقصد اشتكي لوا عن زوجتوا باللي قاعده تسويه

بأختي انين, هذه مليون مره اقول لك اياها
جارح: شوفي.. لا إنتي رايحه ولا جايه وادخلي سوي لي قهوه بسرعه
خلود: والله ياجارح مستعده اعمل اللي تبغاه بس خليني احضر العرس

والله انك فاهم فاتن غلط
جارح: اللحين بتسكتين وتسوين اللي قلت عليه وله لأ؟
خلود: ...
جارح: ما سمعت؟
(خلود من الخوف من صوته العالي وعيونه اللي حمرت رضخت و قالت:

طيب.
:::::::::::::::
الزفه
لا إله الا الله .. لا إله الا الله..
وش هالنهار اللي طلع والليل توه يالحظور
وش هالصباح اللي بدا والشمس والدنيا ظلام
لا لا ابد ماهو نهار ولا صباح انشق نور
هذه عروستنا البهيه مقبله والليل شمس
. . . .

الأضواء كلها موجهه لفاتن..الكل يناظر لجمالها ,الكل اشاد برقة ملامحها
وسحر هدوئها بغض النظر عن مشيتها المرتبكه بسبب الكعب العالي..
اللي حاسدها واللي يتمنى يكون مكانها واللي فرحان لها من كل قلبه... بس

محد يدري ان بداخل فاتن خوف من ايام غامضه وزوج ماكلمها الا مرتين
ويعتذر فيها عن طريقة زواجهم وكأنه يبي يوصل لها انه ما يبي منها غير
الاسم اللي يسعد امه..
كل خطوه تخطيها فاتن كانت اثقل من اللي قبلها وماصدقت انها وصلت

لكرسيها,, إلا تولعت الانوار وأشارت الموسيقى انها زفة العريس...
انفك الباب ودخلت اصاله ماسكه يد محمد ورافعه راسها
إبتسامتها تحولت لضحك من الفرح دموعها أختلطت بصوتها وهي تزغرط

لأنها حققت حلم كان ودها به من زمان
ناظرت فاتن لأصاله وحست انها سعيده لها بس مو لنفسها
كل خطوه يقرب فيها محمد فاتن ترتجف أكثر .. وكل ماقرب محمد من فاتن

زاد إرتباكه وندمه إنه طاوع امه وكثر عدد الضحايا وهو السبب.
(على اول طاوله ..بعض صديقات فاتن)
سمر: ياحلو فتون ماكنت اتوقع هالعربج بتصير كذا
داليا: اهئ اهئ عطيني منديل امسح دموعي لاتشوفني فتون وتزعل
سمر: ههههههها
داليا: يوه سمور وش يضحك؟
سمر: كيف تشوف وجهك او تعرفك وانتي بهل لثمه وبين كل هالصبايا؟
داليا: إي صح طيب برضوا انا فتون تعرفني على طول..اهئ تعرفين انا

مختاره لها الوان المكياج وش رائيك؟
سمر: ههههههاي والله ماعرفت انتي تصيحين وله تمدحيها وله تمدحين

ذوقك ههههاي
اماني صديقتهم: اقول بنات, وش فيه ذا شايف نفسه وجع
داليا: عاتي وش تبونه يسوي
سمر: ممكن يكون متوتر
فوزيه: بنات والله مو هينه هالفاتن عريسها يجنن
سمر:إي والله يخق خقاق مخقوق بالقشطه
(فطسوا ضحك البنات مع ان اول مره يقابلون فوزيه بس هي تدخل مع

الواحد على طول)
::::::::::::::::
على المنصه اصاله مسكت المكرفون وقالت:
لكل من حظر كل الشكر انه شرفني وجا يفرح معي بأول فرح لي وان شاء

الله الافراح بعدها كثير.
بس ابيكم تعذرون العرسان فاجئتهم بحجز الطياره الساعه وحده فبعد

هالرقصه اللي بيرقصونها وبرضو مفاجئه راح يطلعون على طول على
الماطار فعذرا لصاحبات فتون اللي مابيمديهم يسلمون عليها
(هذه هي اصاله حبوبه متواضعه تحب تاخذ القرارات بمزاجها وكونها

ماهي كبيره بالعمر تحب حركات الشباب والفله وهذا اللي خلى فتون تحبها
وتعاملها مثل اختها من غير كلافه
نرجع للخبر اللي قالته اصاله.. فاتن فتحت عينها ودخلت الاكسجين لخشمها

من القهر والموقف اللي حطتها فيه اصاله
اما محمد يعرف حركات امه فإبتسم على الموقف وعلى ارتباك فاتن اللي

بان عليها
إشتغلت اغنية "على بالي حيبي..اغمرك ماتركك"
وإنطفت الأنوار مسك محمد يد فاتن وقربها له وحط يده اليسار على

خصرها وقرب من إذنها وقال:
أسف على فعايل امي بس أرجوك لا نحرجها قدام الناس, بلعت ريقها فاتن

وتصلب جسمها ,وحست ان محمد يوديها يمين وشمال بجسمها المخدر
اما البنات يوم شافو محمد يساسرها .. فهموا الموضوع بتحريفهم و..
اريج وبأعلى صوت: ياهو اموت انا حركتات
داليا: وص (تصفر خخخ)
سمر وبصوتها الدافي: ام الرومنتيك ماأقدر انا ما قدر
أماني:فتون فتون.. هوهو
والكل قام يصفر ويصفق وخربوا الأغنيه والهدوء اللي كان
وصار كأنهم بملعب من صديقاتها الباقيات واللي جاين متأخر.
"وهالموقف حقيقي"
(واللي كان يحسب ان محمد شايف نفسه تغيرت النظره عليه انه رزين

ويوم ابتسم بان انه حبوب وفيه من اصاله الكثير
اما محمد يوم شاف ان ملامح فاتن زادت ضيق, قرب من امه حب راسها

واخذ فاتن وطلع على الماطار
:::::::::::::
ثاني يوم
الساعه اربعه العصر
الام: يابدر قوم الله يهديك الساعه اربع,, مو تقول عندك شغل
بدر: يمه خليني انا الى الساعه ثمان وانا اودي واجيب,ما ني رايح خليني

اقوم براحتي
الام: كيفك,مو تقول انا ماصحيتك
بدر وهو مغمض عينه: يمه لحظه,دقيتي على فتون
الام: دقيت وماردت ,بس لقيت اتصال منها ورساله تقول انها وصلت

بالسلامه.
بدر: الحمد لله يله قفلي تكفه الباب.
::::::::::::::

ماليزيا
(فتحت عينها فاتن وما شافت شي من الظلام ظلت على ماهي اللين تذكرت

ان امس كانت ..حفله وجزمه بكعب بغت تطيح بسببه مرتين,وفستان ابيض
وصديقات يصفرون .. قامت فزت من مكانها يوم تذكرت امس عرسها
مشت تتخبط اللين وصلت الجدار ولقت النور ولعته
حاولت تركز اكثر وتهدي تفكيرها وان امس كان حقيقه مو حلم ..
وقفت مكانها للحضات ثم شافت السرير فحاولت تغمض وتفتح وتمسح

بيدنها عيونها وركزت وشافت محمد كان نايم بنفس السرير وناظرت نفسها
بسرعه وحاولت تتذكر وش صار امس وانها من يوم ركبت الطياراه هي
تناظر محمد ومحمد يناظرها وكأنه في كلام كثير ولكن ماحد تجرأ بنطقه
,وعلى طول المسافه الا انه ولا احد فيهم قدر ينام وماصدقوا وصلوا الفندق
رمت نفسها فاتن على السرير ولا حست بشي .. وهدت اكثر يوم شافته
بثوبه وحتى جزمته مافصخها..
شافت الساعه لقتها "اربع" ومع ذلك ظلمه ثم تذكرت ان الفرق بين

السعوديه وماليزيا خمس ساعات يعني الساعه عندهم 8الليل دخلت خذت
لها دش سريع ولبست بنطلونها المفضل وبلوزه وصلت
وترددت بس قربت عند محمد عشان تصحيه يصلي اللي فاته)
فاتن: احم..محمد
محمد: ...
فاتن:محمد
محمد وهو نايم:همم
فاتن:محمد قوم صلي
محمد:اش
(حطت يدها على خصرها بملل ,وعرفت انه مابيقوم الا بطريقتها الفعاله مع

بدر..
تخيلوا ..هدوء ونور طفيف ونوم عميق وفاتن بأعلى صوتها :

صلاة صلاة صلاة
قام محمد مفجوع يقول : ها..وش..إيش..ا كم الساعه
فاتن: قوم صل الساعه تسع الليل
محمد ضبط قعدته ويحاول يستوعب المكان اللي هو فيه وفاتن اللي قدامه

,,وليلة امس الطويله.
:::::::::::::::::::::

داليا عند سمر
سمر: شفتي كل مادقيت عليها تقفل بوجهي قليلة الحيى
داليا: هههاي والله شكلها عملتها وله ليه ماترد ..اخ ان كيدهن عظيم
سمر:هههاي , مهيب هينه هالفتون
داليا:الله يهنيها
سمر:امين
داليا:أي صح تعالي هنا وش عندك تدقين من الصبح تعالي وتعالي ها عساه

خير
سمر:اه يادالي كنت بروح فيها
داليا:يوه ليه وش فيه؟
سمر:امس تدرين رجعنا من العرس على ثلاث الفجر , امي راحت تنام وانا

من البثاره قلت خلني اروح المجلس واتفرج على اعادة المسلسل
داليا:طيب وبعدين!!
سمر:مو هنا الداهيه , ما قالنا اخوي ان ولد خالتي بيجي من الباحه
وينام عندنا
داليا:هههههها لاتقولين كان بالمجلس
سمر:اسكتي بس دخلت وقلت ماراح اولع النور عشان ابوي مايدري اني

صاحيه ويسوي لي سالفه
داليا:هههها وبعدين!!
سمر:والله قاعده اتفرج ومندمجه ولا انتبهت ابد ويوم خلص المسلسل ما

سمعت غير صوت اشتقت له
داليا وهي فاتحه فمها:ها
سمر وهي سرحانه بالحروف اللي تنطقها: صوت دافي من زمان عنه,وقال

بهمس وهو عند إذني ... إشتقت لك
داليا:تؤتؤ
سمر:وانط لك ذيك النطه اشوه محد سمعني وانا ازعق..
داليا بحماس:اف وبعدين
سمر:مسك فمي وقال: انا جابر .. "الله دخيلك جسمي كله رجف"
داليا: وبعدين؟
سمر: يا اختي مجنون..
داليا: ليه وش سوه؟
سمر: كان مستغل صدمتي وقربني له و
داليا فتحت عينها:يوه وإيش؟؟
سمر وتحط يدها بجيبها:باسني
داليا:يوه وش فيك انهبلتي انتي وياه؟؟
سمر:مو انا صحيت بعدها من التناحه اللي انا فيها دفيته ومسكني ولولا

خوفه من اني ازعق واهلي يقومون علي كان يمكن اللحين علوم
داليا:يالله, قلت لك يا مجنونه لاتردين عليه , شفتي كيف تمادى
سمر: احبه يادالي احبه ,والله مو بإيدي
داليا: يامجنونه تخيلي انه متهور امس وش كان راح يصير؟؟
سمر: والله يادالي قاعده افكر لو فعلا كان اعتدى علي
داليا:انتي لازم توقفينه عند حده
سمر:اه ..بحاول
داليا:سمور حبيبتي انتي لازم تنهين الموضوع مو تحاولين,هو لو يستاهل

بقول اوكي,,لكنه انسان ماقدر يتمسك فيك
سمر:امه السبب مو هو
داليا:يعني هو ماكان يقدر يقول لأمه لأ,او حتى يقنعها بأسلوبه؟؟
سمر بضيق:حاول
داليا:صدقيني كان بإمكانه يحاول اكثر
سمر: خلاص دالي لاتقهريني زياده
داليا:طيب ,وشلون راح تتصرفين؟
سم:ابد بغير شريحتي ولو حاول مره ثانيه يزعجني بعلم امي وهي

تصرف
داليا:الله ستر هالمره,عاد انتبهي ..كلنا نبي حب بحياتنا وكلنا نبي نسمع

كلمه حلوه واحساس بالأهميه بس عاد مو لهذا اللي تزوج ولا قدر يتمسك
فيك ويقنع امه بدل ماهي تجبره يتزوج غيرك
سمر:الله يسامحك ياخالتي ,تكفه خلاص يادالي
داليا:اه ياربي كلنا انجرحنا وتألمنا والسبب الحب.

:::::::::::::
ماليزيا
الصمت كان حوار طويل بين محمد وفاتن ,,ماصدقت انه عرض عليها

يتعشون بره كانت قبله وتسبقه عند الباب ,,واصل الصمت الموقف الا بعد
العشاء
قال محمد:فاتن
فاتن لأول مره تناظره من اول ما قعدو: همم
محمد وكأنه ماصدق يفتح فمه: هذه اول مره بحياتي اقعد كل هالفتره وانا

ساكت ,تدرين انا حتى يوم اكون قاعد لحالي اسولف مع نفسي
(إبتسمت فاتن والتوتر ماليها)
محمد:شوفي بصراحه, انا ادري ان الموقف اللي حطينا نفسنا فيه صعب

لكن بإيدنا نخليه يمر علينا بسلام
انتي عارفه قصتي , وادري بعد انك ماتبين تعرسين فودي دام السالفه كذا

تعتبريني مثل بدر ونبسط لنا كم يوم قبل لا نرجع, وش رائيك؟
(إرتاحت فاتن هزت راسها بالموافقه)
محمد:طيب, دامك موافقه وش رائيك نروح كزنوا نشرب لنا كاسين ونظبط

الدماغ ونرقص لنا شوي
فاتن وبعربجه وقفت وحطت يدها على خصرها:وشي, تستهبل انت

وله تستعبط؟ وش قالوا لك عني ان شاء الله؟؟؟
محمد وهو يناظر حوله الناس اللي عيونها عليهم: ول ول ول أعوذ بالله كل

هاللسان ورا هالوجه البريئ ههههههههههههه
(إنحرجت فاتن مره واستوعبت انها كانت مزحه بس هي طول

عمرها لسانها سابقها,حمرت خدودها وصرفت قعدت تشرب مويه)
محمد وهو ميت ضحك عليها:تراني امزح والله امزح
فاتن:...
محمد ويبي يطلعها من الاحراج اللي هي فيه: تدرين سبحان الله فيك شبه

من شروق الله يرحمها غريب
فاتن:اهم
محمد:اهم..قبل شوي اللسان ياطوله, عموماً يله خلينا نقوم نتمشى شوي
فاتن قامت على طول وكأنها ماتبي تكون بوظعيه يكون هو قدامها :اوكي
وهم يمشون محمد:ايه ماقلتي لي للحين تدرسين؟
(وهات ياسواليف ومحمد يحب يسولف ومن كثر ماهو ودود فاتن إندمجت

معه وحطت في بالها انها قاعده مع بدر فعلا اللي اشتاقت له بس بجسم ثاني
,وبدت ترتاح وبدت معه بالسوالف وهم رجليه ,ماحسوا لا بالوقت ولا
التعب والإحراج.. بدا يخف عنهم)
::::::::
اما بالرياض
جارح وخلود
جارح:يله يامره ,حطي الغدا
خلود بخوف:ماسويت,دحين داخله المطبخ
جارح: وليه خير وش عندك يدك مكسوره ماتسوينه من بدري؟؟
خلود:راحت علي نومه, ومعبال نضفت البيت والحوش وكمان الطيور

والحمام حقتك حطيت لها اكل ونضفت مكانهم., ما مداني
جارح:هذا انتي فاشله من يوم خذيتك عمرك ماسويتي شي صح, وبعدين كم

مره اقولك نومي بدري وقومي ثمان الصبح ها !!
خلود:...
جارح:ساكته مثل الجدار لا إله الا الله , طسي عن وجهي إذلفي سوي

الغدا.
(راحت خلود على المطبخ وهي ودها تفهم سبب نذالته واسلوبه معها

وقعدت تحظر الغدا مغلوب على امرها ودمعتها تعود عليها خدها المورد)
::::::::::::
بدر ورجع البيت الساعه 12 الليل
بدر: سلام
الام: اهلين
بدر:تعشيتوا
الاب:لا نتظرك تشرف
بدر: افا وشفيك يالغالي ,قالب علينا
الام: توه ابوك يقول لازم تعرس انت عمرك اللحين25 وداخل على 26

مانت صغير
بدر: طيب يبه للحين مالقيت اللي تدخل مزاجي
الام: والله انا ماقصرت معك مابقى بنت حلوه واخلاقها زينه الا وخطبتها

ولاشفتها قلت يمه ما ارتحت,فشلتني قدام العالم
الاب: اقول بدر تراك مصختها عمرك قاعد يجري وانت لاكونت لك عايله

ولا جبت لك ولد يشيل اسمك
بدر: يبه ليه مستعجل تو الناس الله يهداك , يوم الله يكتب لي العرس

بيصير
الام: ايه يصير من غير عروس ممكن يصير..انت تستهبل
بدر: ههه , اللحين زوجتوا فتون وفظيتوا لي, تصبحون على خير يالغوالي
(وإنحاش وابوه وده يصفقه ,كان بيدخل على غرفته بس شدته رجله على

غرفة فاتن دخلها وقعد على سريرها وإبتسم يوم شاف صورتها على
الجدار,حب يشوف صورها أكثر وقام يفتح الأدراج وكلها فاضيه ويوم
وصل للأخير لقى فيه البوم تحت كتبها خذاه وكان كله صور لفاتن وهي
معاهم,بس في صوره مبين ان تحتها صور جا في باله انها مخبيتها لأنها مو
حلوه , طلعها وحس نبضات قلبه تزيد يوم شاف اللي جنب فاتن" داليا وهي
تضحك" فز قلبه وحس بإنكسار يوم تذكر انها مخطوبه , قفل الألبوم ورجعه
مكانه وتمنى انه مافتحه ولاشافها)
:::::::::::::::::::
ماليزيا
قامت فاتن ولقت انها على نفس الوضع نايمه على نفس سرير محمد فزت

وقالت وهي معصبه : هي محمد هي انت قوم
محمد:همم
فاتن: محمد محمد
محمد مفجوع :وش فيه ها وش صار؟؟؟
فاتن:وش اللي جابني هنا انا مو كنت نايمه امس على الكنب ؟
محمد:الله يهديك ,هالإزعاج كله وهذه هي السالفه
فاتن:ليه نايم معي؟
(فتح محمد عينه لها)
فاتن: قصدي ليه مخليني بنفس سريرك
محمد:يابنت الناس انا جيت جنبك,لمستك, ظريتك بشي
فاتن:لا
محمد:خلاص, كسرتي خاطري وانتي على الكنب فقلت اشيلك ,وانتي وين

وانا وين اصلا
فاتن:لالالا مره ثانيه لاتشيلني وانا نايمه
محمد:خلاص توبه دامك بتصحيني بهل طريقه لونايمه بالارض بخليك
(مسكت ضحكتها فاتن وقامت تاخذلها دش طويل..
ويوم طلعت لقت محمد داخل الجناح ومعه الغدا
محمد:يوه توك تطلعين اشوه رايح الحمام تحت وله كان انفجرت مثانتي
فاتن مشغوله بتظبيط كدشها: ...
محمد وهو يفك الاكياس:يله تراني طايح جوع
فاتن وبطنها يقرقع من الجوع :يله
محمد ويحسب انها تبع الاكل الخفيف: صراحه اعذريني ماجبت معجنات

جبت رز ولحم ,نسيت اسئلك وش تفضلين
فاتن وهي مستانسه : امم
مسك محمد ملعقته وبدا ياكل ,فأخذت فاتن الملعقه وهي تشوف الرز مغريها

ودها تاكل بالخمس بس استحت من محمد واكلت بالملعقه وقالت: انت
بامريكا اكيد ماتاكل بايدينك بس بالرياض كيف؟
محمد: فيه سعودي مايحب ياكل بايدينه؟
فاتن:امم
وناظرها محمد وهي مستاءه من الملعقه فرفع كمه وبدا ياكل بالخمس

وقال:ماودك تقلديني
فاتن وكأنها خذت الضوء الاخضر وبدت تاكل كعادتها متناسيه وجود محمد
(وبعد ماكبسوها ناظر محمد فاتن وقال:
محمد:تدرين, وله لالا ماله داعي
فاتن:لا قول لاتحمسني على سالفه وتسكت
محمد:راح تزعلين
فاتن:لا لاتخاف انا روحي رياضيه
محمد:اكيد
فاتن: جربني
محمد:كيفك بس ماتزعلين..
فاتن: مم ماتوقع في شي عندك بيزعلني
محمد: أحسك كثير على طبيعتك ,او امم ا
فاتن :هههههههه فهمت وش تبي تقول ,انت تحس اني واحد من الشباب

صح
محمد فتح عينه:ههههههه ماكنت بقولها كذا
فاتن:هههاي,عادي كلهم يقولون لي كذا أصلا
محمد:بس احسك مرتاحه بشخصيتك ولا ودك تغيرينها
فاتن: هو شي انا تعودت عليه, اختي تزوجت وانا مره صغيره ..كبرت و

ماكان عندي إلا اخوي بدر, فخلاص تعودت منه العربجه على أصولها
محمد: أجل التعامل معك مافي أسهل منه
فاتن:اهمم , يله
محمد:وين يله؟
فاتن: نطلع نتمشى
محمد:والله أحس بتخمه ما اني قادر اغسل يدي وانتي تبين نتمشى؟؟
فاتن وماودها تقعد معه لحالهم : يله تكفه
محمد:طيب شوي بس
فاتن:لالالا اللحين بتقوم
محمد:لاحول ولا قوه الا بالله , يله بس برد على الجوال
اصاله: عمري وشلونك,وشلون فتونتي؟
محمد:بخير عساك بخير يام محمد
اصاله: انت وبعدين معك قول يمه
محمد: يمه
اصاله: هههه الله يرجك مهبول وين بنتي بس عطني إياها
محمد بمزح ويحاول يوطي صوته : تغسل إيدينها, يمه تدرين انك مزوجتني

واحد من الشباب
اصاله: ولد بلا قلة ادب والله لو تزعلها ان ازعل عليك
وتجي فاتن تاخذ منه السماعه : فديت قلبك ماعليك منه اصلا هو مايقدر

يزعلني وله ياويله
اصاله: هههه لا فعلا مزوجته واحد من الشباب
فاتن: ههههاي
(وبعد ماسولفت معهم اصاله قفلت وهي مستغربه وشلون تعودوا على

بعض بسرعه ماتوقعتها و تأكدت بداخلها ان اللي سوته صح وانهم مكتوبين
لبعض وارتاحت والفرحه ماليه قلبها ودعت لهم بالتوفيق)
قال محمد: ماعليه فاتن عندي مكالمه مهمه شوي,وبجيك نطلع
فاتن وبدت تمل : أوكي

وكأنها تذكرت فقالت:لحظه لحظه محمد
محمد:هلا
فاتن:امم ا في شي صغير بقول لك اياه
محمد وقف يسمعها:تفضلي
فاتن:إسمع انا صراحه ماحب يكون في شي يضايقني وماقوله ما اقدر
محمد:طيب وشهو؟
فاتن:هو مو امر ولا فرض رائي لكن انا بطريقة زواجي منك فقدت جزء

من كرامتي وما ابيك تفقدني منها اكثر
(ناظر محمد الأرض ثم رفع عينه بعينها وبضيق قال: وش تقصدين؟
فاتن:أقصد انت تحب وحده وتبيها شاغله فكرك اوكي انت عارف انا

مايهمني لكن انك تكلمها وتواصل معها ابد ماله داعي وهالشي فعلا
يضايقني, كلها كم يوم بنقضيها مع بعض يمكن لا وصلنا الشهرين زين عاد
يوم نفصل مو بس كلمها تزوجها, بس مو وانا على ذمتك.
(محمد بظيق قال: احم..امم لك اللي تبينه بس بعطيها خبر مابيها تفهمني

غلط
فاتن: اوكي.
(وفعلا محمد كلم كاترين اللي تضايقت موت بس تحب محمد وماتقدر تقوله

لأ حتى لو ماكانت راح تسمع له وتنفذ اللي قالها.. بعدها لف محمد شوي
على رجله يشم هوا ماوده يرجع وهو متضايق من كل شي قاعد يصير
والعلاقه اللي مو قادر يستوعبها للان.. رجع وحط راسه ونام , اما فاتن
كلمت اهلها وصديقاتها وهي تحس بظيقه وكسر خاطر وإذا زاد طفشك..كبر
المخده ونام)
::::::::::
مكالمه من عائشه اخت فاتن ل
دالي: هلا والله بريحة الغوالي
عائشه:ههه فديتها والله لها وحشه مع ان اليوم هو الثالث
دالي:ماتخلينيش اعيط وقولي لي اكيد عندك مصلحه
عائشه:هههه صادقه والله انا تخيلي للان ماقدرت اعرف وش تحب فتون

وايش اجيب لها هدديه
دالي:لا داقه على الخدمه الصح افا عليك انتي بس كم معك
عائشه: ههه انا ودي بكره امر عليك تنزلين معي السوق بيوديني بدر
دالي:ههه لا ياحياتي بدر لا, انسي ما راح اجي معك
عائشه:افا توك وش حلوك
دالي: لا ياعمري بدر انا ياما سمعت عن غيرته وتهوره من فتون لالالا
عائشه:ههه والله مالي غيره انا عمر زوجي مانزلني السوق يكرهه موت
وماعندي غير بدور فديته,بس لاتخافين تراه بيستحي لاجيتي معنا
دالي:لا انا اذكره يوم جابنا من المدرسه بالثانوي تمشكل مع واحد كنت

شوي واعملها على نفسي لا لالا
عائشه:هههاي شوفي وعد راح اكلمه بس يله مالي غيرك يعرف ذوق فاتن
دالي:امم مع انه ما ودي لكن يله عشان عيون فتونتي
عائشه:ههه خلاص اجل اللحين بكلم بدر ,,يله حبيبتي سلام
دالي:باي
"وتدق عليه"
عائشه:سلام
بدر: همم
عائشه:يوه نايم
بدر:ياكرهي لهل سؤال, وش عندك عايشوه
عائشه:حبيبي بدر ابيك بطلب
بدر:اخلصي عيوش ابي انام
عائشه:اجل بختصر ابيك بكره لو تكرمت تمر علي نمر على دالي صديقة

فتون بنجيب شي من السوق ونرجع على طول
(من سمع اسمها قام من الفراش وقال: عيدي وش قلتي؟؟
عائشه: والله وعد مانتأخر
بدر:إي انتي ومين ؟
عائشه:دالي صديقة فاتن
بدر: ......
عائشه:بدر تكفه لا تقولي لأ
بدر:بأي ساعه تبيني اكون عندك
عائشه:ها؟؟؟
بدر:وشفيك متى تبين تروحين
عائشه:على خمس المغرب
بدر: خلاص اجل ماطلبتي
عائشه: جد؟
بدر:ههها طبعا إبشري كم عيوش عندنا؟
عائشه: والله ماتقصر فديتك مع انها اول مره توافق من غير ترجي

ساعتين لكن هذا العشم باي قبل لا تغير رائيك.
بدر:هههه مع السلامه.
::::::::
في بيت جارح وخلود
من كثر ما ملت من القعده لحالها خذت لها حمام سونا معتبر وتكشخت

بفستان أسود وحطت مكياج الستينات من الآيلاينر الاسود والروج الاحمر
الناري كانت ساحره مثل عادتها ..
سمعت صوت باب الشارع وبعدها صوت جارح ينادي ..
خلود:نعم نعم,يله جايه
جارح:وين العشى؟
خلود:ها ..انت مو قلت حتعشى برا؟
جارح:إي بس غيرت رائي سوي لي كبسه
خلود:دحين!!
جارح:لأ بكره
خلود: جارح بليز خلينا نطلب م....
جارح:انتي ماتفهمين قايل لك ابي كبسه
خلود: طيب "وجت تروح"
جارح: لحظه لحظه
ابتسمت خلود وظنت بيطلب من برا وقالت :نعم
جارح وبعد ما تملقها قال : انتي وش مسويه بنفسك؟
ناظرت خلود الارض بخجل وقالت: حلو؟
جارح:ههههههههها الحمد لله والشكر مسويه فيها نجمة إغراء..هههههههه
إخلصي علي بس تراني جيعان
(كالعاده مشت من عنده مكسور قلبها ,وراحت تطبخ بعد مادقت على انين

وهي حاطه السماعات بإذنها
انين: اهلا حبيتي كيفك
خلود: اه يا انين انا عندي واحد عديم إحساس ولا عندو ذرة مشاعر
انين:ههههه لاتقولي لي انوا على حالوا
خلود:تخيلي بيعاملني وكأني حشره
انين:ياربي اشبو دا!!
خلود:ما اني عارفه , تخيلي زواج فتون ما خلاني اروح ,طلعه من البيت

عمرو ماقترح علي حتى نروح مطعم, والرياض دي انا عايشه فيها ولا
شفت حتى شوارعها
انين: الله يعينك على الهم دا
خلود:اه ياربي
"دخل جارح يقول: تكلمين من؟
خلود:انونه اكلمك بعدين
انين:خلاص استناكي
خلود:بأي "والتفت عليه وقالت وهي تحاول تبتسم"
اكلم انين اختي ,اجيب لك حاجه؟
جارح:إي
خلود:إيش تبغى؟
جارح وهو يحاول يألف شي: انتي دائما كذا؟
خلود:ايش تقصد؟
جارح وهو يعفس بوجهه :يعني هدوءك وطاعتك هذه ,وتركيبتك العجيبه
خلود:ماني فاهمه, انا مزعلتك يعني
جارح:اقصد ان انتي ماعندك احساس تدرين؟
خلت خلود اللي بيدها وناضرت للأرض: انا!!
جارح: لا وغبيه بعد
خلود:...
جارح:وسلبيه اكثر من أي شي ثاني
نزلت دمعة خلود وقالت:انا ايش سويت
جارح: ليه لا هزئتك تبتسمين لي ها تنافقيني
خلود:وربي لا ,بس انا مابغى ازعل منك
جارح:ليه عديمة احساس ماتزعلين؟
خلود: طيب انا ايش سويت, ليه تبغى تزعلني
ابتسم جارح بخبث وعطاها ظهره وهو طالع وقال:اظبطي الكبسه واخلصي

علي
:::::::::::::::::
قامت فاتن الفجر وكالعاده لقت انها على السرير بس المره هذه كان محمد

مو عليه بعد ماتمطت تحس ان فيها نشاط الدنيا لأنها نايمه بدري, وبعد ما
اخذت لها شور لقت محمد يشرب شاي وشكله توه صاحي
فاتن: صباح الخير
محمد:اهلين ..صباح النور, اصب لك
فاتن:بليز
محمد:.....
فاتن:......
محمد:غريبه
فاتن:إيش؟
محمد:ماسمعتيني موال كل يوم
فاتن:ههه إي صح ليه شلتني على السرير؟؟
محمد:ههه لأن ماله داعي تنامين على الكنب , وبعدين خلك من هالجنون

وقول لي لي ماودك تشوفين الشلالات اللي بكوالا لنبور قبل لانمشي على
بينانق
فاتن: ليه متى بنروح
محمد: العصر,بس يالله يمدينا نوصلها لأنها بعد 22 كيلو تقريبا
فاتن :خلاص اجل خلنا نطلع اللحين
محمد: يله بس بغير وأجيك
(وفعلا طلعوا وفي بداية الطريق كان الصمت بيقتل محمد اللين مابدى يجر

منها السواليف اللين دخلت الجو معه , وبدو ينسون الحساسيه اللي صارت
لهم باليوم اللي قبله ومع السوالف مالقوا الا انهم واصلين
إستمتعت فاتن بمنظر الشلال اللي رذاذ مويته وصلت لوجهها واندمجت

بالطبيعه اللي حولها وطيبة محمد اللي يذكرها بدر اللي اشتاقت له موت)
:::::::::::::
مكالمه
انين: هههها كل دا مو مصدق!!!
فواز:اكيد, انتي خليتيني افقد الأمل اني اشوفك
انين: ههه حتى انا نفسي اشوفك
فواز:يوه كيف حقدر استحمل خمس ساعات قبل ماشوفك؟؟
انين: ههههه حبيبي
فواز:اه يا حبي انتي نعم..
انين: ترى هي ساعه اللي بقابلك فيها ترى مرة اخويا ماراح تقدر تطلع لي

عذر اكثر
فواز:مع ان الساعه ماتسوي شي وحتمر زي الحلم لكن ماعليه الجايات

راح تكون احسن
انين:هههه مره واثق,,أي مره تانيه دي؟؟
فواز:انتي عمرك ماخدلتيني ولا راح ترفضي لي طلب
انين:ربي مايحرمني منك
فواز:اموت عليكِ , وعلى نار اللين اشوفك
انين:خلاص اجل الساعه سته تماماً استناك عند اللفه اللي بالحاره لاتأخر

بليز
فواز:يوه إشبي مجنون انا ,حياتي انا قبل الموعد بساعه حكون واقف

استناكِ
انين:ههه خلاص حبيبي اشوفك,باي
فواز: اه الله يصبرني مع السلامه ياحبي.
:::::::::::::

داليا واللي حيصير بالسوق.... جارح والعذر الجديد.... عربجة فاتن وجنون
محمد... انين واللي منتظرها
وتطورات اكثر بارت الخامس











البارت الخامس

بدر: يله عيوش ساعه منتظرك
عائشه: يله طلعت... السلام عليكم
بدر: هلا والله ..هلا ومرحبا
عائشه:هههه ماشاء الله المزاج فل اليوم, وش هالكشخه ها مدلع نفسك
بدر بإستهبال: ههه اذكري الله
عائشه:هههاي, جد وش هالكشخه,انت ماتلبس الثوب الا بالشغل غريبه

وشماغ بعد
بدر: وش فيك عيوش ماعندك سواليف اليوم؟.. هه مو ذا بيتها
عائشه:إلا هو..بدق عليها,,
الو ها دالي جاهزه..هههههههاي اوك حياتي.
بدر: وش يضحك؟
عائشه:تقول انا عند الباب,تراها تخاف منك
بدر: مني!!!
عائشه:اص اسكت جت
دالي: سلام
عائشه: اهلين,وعليك السلام, وشلونك يابنت
(دالي بجرائتها..تمام انتي كيفك!! وينك يالقاطعه مو كفايه اختك اللي

عطتني اشكل
عائشه:ههههه ياحبيبتي اختي اللحين بالعسل جعلك تجربينه
دالي: ههههه,إن شاء الله
عائشه: إلا متى زواجك
دالي: أي زواج
عائشه:زواجك بلا استهبال
داليا: ليه ماقالت لك فتون اني فكيت الخطبه؟؟
(بدر بعد هالجمله قعد يسب فاتن بنفسه لأنها تدري انه حاط عينه عليها ولا

قالت له انها فاكه خطبتها...
وقعد بعد كذه ساكت بس يبي يسمع صوتها وضحكتها اللي ذاب فيها)
:::::::::::::::::
في جده
انين وقلبها يدق بالثانيه مية دقه بس طمنتها سميره انها راح تشغل خميس

بحيث ماراح يحس انها مو موجوده وطمنتها انها بتدخل معه الغرفه
وبينامون وعطتها مفتاح للبا عشان تطلع وتدخل لا رجعت وماحد يحس
بها.
وبس جت الساعه خمس لبست انين عباتها وطلعت تمشي على اطراف

رجلها وتناظر حولها يمين وشمال
البيت هدوء حتى عيال سميره قالت لها بتنومهم طلعت المفتاح وحاولت تفتح

الباب ماقدرت من الخوف ..
حاولت مره ثانيه وطاح المفتاح على السيراميك وطلع صوت هنا انين بدا

جسمها كله يرجف..
خذت المفتاح وحاولت تهدي من روعتها وفتح معها فطلعت وقفلت وراها

بكل هدوء..
وبس طلعت قامت تمشي بخطوات كبيره لين وصلت عند سيارة فواز, فتح

لها الباب ومن كثر الخوف مو قادره تاخذ نفس عشان تسلم..
فواز: يا هلا وغلا بالحب كلوا
انين: كيفك
فواز: مشتاق لك ومشتاق شوفتك وصوتك اه يالله ماني قادر أصدق, الحب

معايا؟؟
انين وتحي بخجل: تسلم
فواز: اه خلاص ماقدر ابغى اشوفك,إيش رائيك نبدل المكان اللي

متفقين فيه ونروح لمكان هادي
انين: حبيبي لأإحنا اتفقنا نروح مطعم ال..
فواز: خلاص زي مانتي حابه, والله ولاتزعلي.
انين:تسلم لي يارب
فواز: وانا اقدر ازعل انونه, عطيني إيدك ابغى اصدق انك جنبي
انين: نو أستحي
فواز: حبيبتي طيب تكلمي اغى اسمع صوتك
انين وربكه: ايش اقول؟
فواز:امم قولي لي قد ايش تحبيني مثلا
انين: تؤ تؤ وبعدين فوازي
فواز: كل دا حيى ..انا حبيبك وبكرة النهار حصير زوجك
انين وهي تلتفت له: متى؟
فواز: صدقيني ياقلبي نفسي اخدك من بيتكم اليوم قبل بكرا س انتي عارفه

وضع بيتنا
انين : صدقني ماعيه ضروفك,,لكن حابه اتاكد انك صادق وماتلعب علي
فواز: ياحبي لو تعرفي مقدر حبي ليك ,وتشوفي قد ايش شاغله بالي ,وكيف

مخليه كياني كلوا مقلوب لأنوا بيتمناك ,,ماكان قولتي الكلام دا
انين:حبيبي لاتزعل,لكن انا مابغى شي من الدنيا دي غير زوج يستر علي

ويحبني ويعوضني الجفى اللي عشت فيه حياتي
فواز: حيصير.. صدقيني ياحبي حعوضك على كل شي ,وحتقولي فواز قال
ابتسمت انين وقالت: ماني عارفه بس احس انوا اللي بسويه غلط,وحاسه

انوا في شي سيئ حيصير
فواز:حبي وانا معاك لاتفكري بالسيئ ,فكري بالحياة الحلوه والحب والزواج

::::::::::::::::
السوق
بدر: يله وصلنا
دالي مقربه من عيوش وتقولها بصوت واطي: عيوش قولي له ينتظرنا

بالسياره ماله داعي يمشي معنا
"بدر سمعها وقال: انا ماكنت بنزل معكم بس مادري ليه حاب اشوف
وش الاشياء اللي تشدكم يالحريم بالسوق ,يله بسم الله
عيوش وغير تصديق:هههه من جدك بتنزل!! خلاص انتظرنا ربع ساعه

ماراح نتأخر مانبي نتعبك معنا
بدر بإبتسامه: لا تعبكم راحه يله
"قامت دالي شالت الرميه اللي حاطتها على لثمتها عشان تشوف زين,وطبعا

بدر شايفها فقرب جنب عيوش وقال :وشفيها ذي انجنت خلها تغطي وجهها
وله قسم ترجعون اللحين
عيوش: يوه يابدر حنا وش دخلنا اهلها وراضين
بدر: دامكم نازلين معي تحترمون انفسكم وله خلي اهلها ينزلونك
عيوش: اف بدور دائم تحطني بمواقف محرجه
"ومعبال قربت عيوش عند دالي إلا تلف وتدخل المحل وتقول بصوتها

العالي وبجرائتها المعتاده"
دالي: واو يجنن يامحمد في أكبر من هالصندوق؟؟ هذا صغير مره

كأنه بيت سنجوب
البائع: ههه لا هزا مافي كبير بس اجي هزا حجم في شكل ساني ابغى

شوف
دالي بحماس : ايه ورني
عيوش: انتي يالمجنونه وش تبين بالصندوق
دالي: مو تبين شي يعجب فتون؟؟ خلاص خليها علي بظبطك اصبري
البائع: شوف هزا صندوق افتح في يطلع ميوزك
بدر: لا ادخل بخشمها عشان تفهمها احسن ,لأنها هنديه مثلك ماتفهم
"قامت دالي مستغربه تناظر بدر وتناظر لردت فعل البائع وهي متوتره من

بداية الجنون اللي سمعت عنه من فاتن"
عائشه: بدر الله يهديك وش صار
بدر: خلاص لايكثر انتي وياها صندوق وما صندوق وتشرح له ويشرح لها

شوفيه عجبك خذيه ماعجبك مو لازم هالسوالف خليه وامشي
دالي: لو سمحت لاتكلم معي بهالإسلوب
بدر: وشلون تبيني اتكلم معك وانتي كاشفه ذا الوجه ومغطيه خشمك كأنه
فيه عيب جد ماباقي الا هو اكشفيه احسن
دالي: وانت و"بس خافت تكمل ردها وبعدين تورط بالرجعه فقالت"
لو سمحت رجعني بيتنا
عايشه:يله مشينا يلعن ابوها هديه صرنا فرجه قدام العالم
"وطول الطريق دالي ماهي قادره تتمالك دموعها وعيوش من الاحراج

ساكته اما بدر يوم يسمع شهقاتها يندم انه تهور وما قدر يمسك اعصابه..
وماصدقت عيوش انههم وصلوا لبيت دالي ونزلت وانتظروا اللين دخلت
بيتهم وقالت: انت وشفيك انجنيت؟؟
بدر: ليه انجنيت مو قلت لك خليها تغطي وجهها ,وش تحسب حنا بلاد بره
عائشه:انت شفت انه مامداني اكلمها, وبعدين انت وش عليك فيها ؟؟
بدر:انا كذا انسان الله خالقني اغار وهي مثل فتون وشلون تبيني اسكت
عائشه:ياخي بالذوق تكلم او انا عطني مجال كنت بكلمها لكن انت ابد مالك

حق لا انك توجهها ولا تتكلم معها بهالطريقه ولا قدام الناس بعد وليت
بصوت واطي الا مثل المهبول
بدر:اقول احترمي نفسك عيوش مو لانك الكبيره تغلطين
عائشه:لا حول ولا قوة الا بالله كأني قاعده اتكلم مع بزر
بدر: عيوش اتعوذي من ابليس واسكتي
عائشه: مابسكت قسم اللي سويته بالبنت مو بس محرج لا تصرف وقح وفيه

تعدي على كرامتها بعد
بدر: اف استغفر الله العظيم
عائشه: أي تأف خل بس فتون تدري انك مهزء صديقتها وتشوف كيف
بدر:عيوش الحمد لله هذا بيتك تفضلي
عائشه: الله يسامحك بس اللحين بأي وجه بكلم البنت الله يسامحك,سلام

::::::::::::::::
جارح وخلود
جارح:يا خلود خلود
خلود بروقان:نعم حبيبي
جارح وتلعثم:ا وين شماغي؟
خلود:جاهز حبيبي اهوه
جارح:إيه ماشفتَه..
خلود وجت قبال جارح:حبيبي ممكن طلب
جارح: ا ها ,وش تبين؟
خلود:عمري ودي اتمشى معاك الله يخليك
جارح وهو يظبط شماغه:مو فاضي بعدين
خلود حبيبي الله يخليك انا للدحينا ماشفت الرياض,حتى بيت عمي مارحت

لهم ولا مره
جارح: هم مايبونك ولازاروك , ليه تبين هم؟
خلود: انت دائما تقول انا ما احب العزايم ولا الناس,كيف تبغاني اعزمهم

غير كده كانوا مشغولين بزواج فاتن
جارح: لايكثر مافيه
خلود وبضيق: تؤ..خلاص..راحتك
جارح: يله سلام
خلود: لحظه لحظه..(وقربت منه )وبدلال قالت :جارح
تلخبط جارح وهو مستغرب قربها منه و قال: ها
خلود: انا فيني شي مو حلو,انا ما اعجبك؟تضايق مني بشي قول لي
بس حبيبي الله يخليك لاتعاملني كده
(جارح مثل العاده يصرف فقال: وخري اللحين وبالليل يصير خير
خلود: لحضه ماخلصت
جارح: لأمو وقت تفاهتك عندي شغل وخري.
:::::::::::

جده
فواز وانين
(وصلوا للمطع.
واول مادخلت انين حاولت ترتاح,,وابتسمت لانها اخيرا بتقعد وتشبع عينها

من زوج المستقبل)
فواز:ياحبي يله وريني وجهك
انين:ههه استحي
فواز:يله انتي بالزاويه محد حيشوفك غيري
انين بعفويه:استحي
فواز:يله انونتي مو معقوله ,والله حتزعليني
انين:لا حبي إلا زعلك ..
فواز: حرام عليكِ,كل الجمال دا وما تبغيني أشوفوا
انين:هه لاتحرجني فوازي
فواز:اه حبي انا لازم اقول لأختي ما حقدر استنى اللين تخلص العده كامله
انين:لا حبي , إيش حيقولوا عليَ اهلك,لا حبيبي خلينا نستنى كمان شويه
(قرب فواز جنبها وقال: بس انا ما اقدر أقاوم لا صوتك ولا حبي لك ولا

حتى اشوفك وانتي مو من نصيبي ولا أقدر أتنفسك ولا..
ما مداه يكمل إلا وجا عليهم واحد عيونه كلها شرار والغضب راح يفجره,

وبس شافته انين دموعها قامت تنزل من غير تحكم وحاولت تتخبى ورا
فواز بس خميس كان اسرع منها ومسكها من شعرها وقال:
مين دا يافاجره هاه والله لأقتلك يابنت ال..
انين:خميس دا حيخطبني أي الله يخليك خلاص عورتني
خميس: ياصايعه هوا فين انا بس مسكتك جرا زي الأطفال ياضايعه ,قدامي

البيت والله لأقتلك
::::::::::::::::::::
ماليزيا
طلع محمد من فتره وقال انه بيروح يزور زميل له سنين ماشافه..فقررت

فاتن تتابع لها فلم ,الا وشافت فلم هندي مع انها ماتحبهم لكن تحمست معه
ويوم جت الاغنيه قامت تقلدهم بعربجه وهي تضحك..
بهالوقت بالظبط دخل محمد وهو يكتم ضحكته على حركاتها اللي مافيها

وجه شبه بينها وبين اللي بالتلفزيون,,ويوم قامت تصفق ماقدر يمسك
ضحكه محمد وضحك بصوت عالي وانتبهت له فاتن
وحست بالإحراج وقامت تحك شعرها
محمد:هههههههههههههه قسم بالله انك عجيبه
فاتن وتصرف:أي صح كلهم يقولون
محمد وزاد ضحكه:تد هههههههههههههه تدرين
فاتن وهي تظبط لبسها:ها
محمد:ماتوقعت انك رهيبه لهالدرجه
فاتن:والله مادري انت تمدح وله تذم المهم,,انا جعت
محمد:والله طبيعي ماشاء الله بذلتي مجهود
فاتن وتحسه يزيد بإحراجها:ياخي انا ماكنت ارقص,كنت اسوي رياضه
محمد:هههههههههههههه ايه صح
فاتن: يله
محمد:وين
فاتن:قلت لك جيعانه
محمد:ههههههه اوكي يله,بس انتي بتطلعين من غير عبايه
فاتن وتناظر بنفسها:ايه صح "وراحت المرجوجه تلبس عباتها"
محمد ويرفع صوته:بسرعه لأننا بنرجع بدري ننام بكره بنروح بيانق
::::::::::::::
جده
بيت خميس
"بعد ماظرب خميس انين وخلى خشمها ينزف,ومو قادره تقوم على حيلها

أخذها للمخزن وقفل الباب عليها وقال: والله ياسميره لو تفتحي لها الباب
لأدخلك معها فاهمه
سميره: طيب ياقلبي بس اهدا لا يجرا لك شي والله ماتستاهل انك تعصب
يله خلينا نطلع اسوي لك كاسة نعناع تروق دمك
خميس: انا بس ابغى افهم كيف جتها الجراءه تطلع ومن متى بنت الك..
بتقابل الرجال,الله ياخدها وارتاح
سميره: والله ياحبيبي انا ماتوقعتها تعمل كدا!!! وانصدمت مره
خميس: ياليت اني ماسك الحيوان اللي كان معاها والله كنت حدبحوا
سميره: حسبي الله عليه ,لكن ياقلبي الله يستر
خميس: من إيش؟؟
سميره: لا ا امم
خميس: ايش تكلمي انتي التانيه لا ترفعي ظغطي
سميره: يعني ان شاء الله الموضوع بس انها تقابل مو امم يعني
خميس: معقوله تكون عملتها بنت ال...
والله لأدخل اقتلها
""انين سمعت القفل ينفتح وشافت خميس قامت تستجمع صوتها اللي خانها

وهي تقول: خلاص الله يخليك لاتظربني تاني
خميس: قولي لي انتي ايش بتعملي مع الرجال ها؟؟
انين: والله دي اول مره اطلع مع شاب اصل
خميس: ياحيوانه لا تكدبي والله لأربيك من اول وجديد
"وبدا يضرب فيها مثل المجنون وكل مازادت صراخ والم كل مازاد ضرب

وعنف اللين ماطاحت انين بالأرض من غير ماتتحرك, رفسها وطلع
وخلاها."
::::::::::::::::::::::

صباح جديد صباح غير
صباح ماليزيا ..
الجو الحلو..والأمطار ..وخفة الدم ..والمواقف العوجيبه..
صباح بيانق..
فاتن: واو ليت ربع هالطبيعه بالرياض
محمد:هههه,احلمي احلمي احلمي
فاتن:طيب اللحين وين بنروح؟
محمد:شوفي يقول السواق ان فيه حديقه للطيور وحديقه للفواكه,بعد فيه

حديقه للقرود ,وفيه للفراشت وش بعد نسيت ا
فاتن:امم لا فراشه تجيني يمين وحده شمال لالا مابي
محمد:تخافين من ايش من فراشه؟؟
فاتن:ههه وليه تناظرني كذا مو خوف بس انا خليني اتسلق جبال وانط من

ارتفاع لكن لا تقلي حيوانات وباللذات الصغيره,ليه مادري لكن ماحبها
محمد:من جد انتي غريبه,قولي لي وين طيب حابه نروح؟
فاتن:نروح حديقه الفواكه وليه لا
محمد:خلاص اجل نزل اغراضنا الفندق ونروح نتغدا بها سمعت انها تقفل

الساعه ست المساء
"وترد فاتن على الجوال"
فاتن:ok, وه وه فديت اللي داق علي
بدر: وشلونك فتونتي؟؟
فاتن:مشتاقه لكم موت
بدر:ههه والله ان البيت ممل من غيرك انتي وجهك,حتى البليستيشن من

يوم سافرتي ماني خلقه
فاتن:ههههه وه فديتك لا تخليني اصيح
بدر:ههه ماقلتي لي وشلون حجابك انتي بعد
فاتن:هههه انا بعد!! ليه من غيري تسئله تغطيتي وعسى حطيتي ذا الاحمر

والازرق هههههاي
بدر:اقول بلا ثقالة دم
فاتن:شوف أي ماغطيت وجهي بس والله حتى كحل ماحط
بدر:..
فاتن مزح ولاتبي تسمه تهزيئ: ياخي مالك دخل تراني تزوجت
بدر:...
فاتن:بدور وش فيك؟؟
بدر: اسمعي..انتي تثقين فيني صح
فاتن:اها
بدر:وتعرفين انا مو راعي بنات وهالكلام الفاضي صح؟
فاتن:اها وين تبي توصل بالظبط؟؟
بدر:صراحه انا
فاتن:اها؟؟
بدر:انا ابيك بخدمه
فاتن:يوه وبعدين بدور قول وش تبي يلعن ام اللي يردك ياشيخ امر

وشفيك محتاس!!! بدور ترى انا فتونه اعين واعاون ههههههههههاي
بدر:هذا العشم انا مالي غير الله ثم اخوي فواز
فاتن:ههه انا فواز طيب شف من يخدمك يله احط
بدر:ههه وش احط من جد ابيك تعطيني رقم صديقتك
فاتن: نعم نعم نعم !!! إنت انهبلت وله انجنيت؟؟؟
بدر:توك تمدحين نفسك اعين ومادري ايش
فاتن:لا ياحبي مو لهل الدرجه عاد,تستهبل انت
بدر:فتون اسمعيني انا امس وديتها مع عيوش السوق وغلطت عليها وابي

اعتذر هذا كل شي , وبعدين تعالي هنا انتي ليه ماقلتي لي انها فكت
خطوبتها ها؟؟
فاتن:انا ا ,شف تبيها على بلاطه
بدر:اها
فاتن: انتوا ماتنفعون لبعض والله انتوا عقولكم تختلف موت,وماكان

ودي اعطيك امل منتهي من الاساس
بدر: انتي ماعليك مو تثقين فيني ,عطيني الرقم اعتبريها جميله
فاتن:يوه ماينفع بدوري
بدر:لا تخافين ماراح ادق عليها بس بأرسلها رساله.
فاتن:والله مادري طيب انا اعتذر منها بدالك
بدر:يوه فتون بتذليني اللحين خلاص ماعاد ابي منك شي
فاتن:تؤتؤ خلاص انت وجهك خذ لكن والله بحق لو ظايقتها
بدر:اف عليك يعني ماتعرفيني..
فاتن:امري لله خذ ***********
بدر:ههه اوك يافواز مشكور
فاتن: ياثقل دمك قليل ادب يله طس
"وناظرت فاتن محمد لقته مبلم"
فاتن:هههه وشفيك؟
محمد:وش هالعلاقه اللي بينك وبين اخوك,احس قربكم من بعض قوي
فاتن: ههه فديته بدوري والله
محمد يتمتم: عشان كذه قويه
فاتن: علي صوتك وش تقول؟؟
محمد: اقول وصلنا تفضلي
فاتن: يله.
::::::::::::::::::::

جارح وخلود
"جارح قاعد يتفرج المباراة ومنسجم وقول الله عليكم

ياسلام عليكم هههههه يالله ,,
"اما خلود تروح وتجي وتدري ان اختها انين ماترد عليها الا اذا كان فيها

شي قلقانه ولكن كل مادقت على اخوها او حرمته مايردون فدقت على اختها
لي متزوجه وفعلا راحت تزورهم عشان تطمن على انين وللحين تنتظر
اتصالها"
::::::::::
وصلت تهاني اللي هي اخت خلود وانين بيت خميس
تهاني: طمنيني وينها انين ,ليه ماترد علينا, إشبها!!!
سميره:انتي ماقالك خميس وله ايه؟
تهاني:لا ماقالي ايش فيه
سميره بشماته:اختك ياحبيبتي طلعت كل يوم بعد ماننام تطلع مع الشباب

واستغفر الله ربي يستر على بناتنا بس
تهاني:سميره بلا قلة حيا وفين انين؟
سميره:عمرك ماصدقتي ,بس اخوك حبسها تحت انزلي وشوفيها
"تهاني مو مستوعبه مع ذلك نزلت وتدق على الباب وماتسمع رد قامت تدق

بقوه وتحاول تناديها متأمله تسمع لها صوت بس نفس الشي مالها أي حس,
وبهذا الوقت جا خميس من دوامه ونزل يشوف وش هالدق المزعج
خميس: انتي ايش تسوي هنا؟
تهاني: حابس اختك ياندل؟؟ليه اذا زوجتك ماتبغاها انا ابغاها ,كنت تجيبها

عندي انا مستعده اشيلها واتحمل مسؤليتها مو تعمل فيها كدا, خلص افتح
الباب البنت اكيد جرى لها شي ماترد؟؟
خميس: ههه ليه هما بنات الليل يعجزوا!!
تهاني:الله يقطع لسانك يارب ,لهل درجه وصلت فيك الدناءه
"قرب لها خميس وعطاها كف وقال: اذا ماحتكلمي بأدبك معايا.. اتفضلي

برا بيتي
تهاني:افتح الباب حاخذ اختي ويلعن اللي يسئل عليك حتى
خميس:اذا اخديتها انا ماحسئل عليها بيوم وحريقه تحرقك وتحرقها
تهاني:انا موافقه بس افتح الباب
"فتح الباب ولقوها طايحه ولا تتحرك حاولت تقومها وتفوقها تهاني بس من

غير فايده وشالها خميس ويادوب وداها المستشفى وحطوها على سرير
وطلع من عندهم وهو يقول لتهاني : من هالحظه انا ماني اخوكم ولا اعرفكم
ولا تعرفوني
"كانت حالة انين خطره وعلى طول دخلوها غرفة العمليات لأن في كسر

بيدها اليمين كان خطير "
::::::::::::::::
ودقت خلود وعرفت من تهاني اللي صار
خلود: يعني ايش ماحتبلغي عليه؟؟
تهاني:انتي عارفه اخوك شرّاني ,أخاف يخرب بيتي والله مو بعيده عليه
خلود:طيب ايش حتقولي للشرطه
تاني:حقولم انها راحت السوق معايا واختفت ولما رجعت البيت لقيتها

قدام الشقه,حقول أي شي حتى لو مو مقنع بس ماحجيب سيرة خميس ابدا
خلود:حسبي الله عليه والله انوا ظلمنا ظلم
تهاني:الله يعين اللحين ادعي ان التانيه تطلع بخير انا فعلا مو قادره اتمالك

نفسي
خلود:انا عموما حاول بجارح يجيبني عندكم ,انا لازم اشوف انين لازم
تهاني:خلاص حاولي واي جديد حكلمك ,سلام
خلود:مع السلامه
:::::::::::::::::::::::::::
تقابلت داليا وسمر
سمر: هههههههههههههههههة ويههههههههههههههههههههههه
اوما عاد ام الفشيله
داليا:أي والله تخيلي صوته عالي والكل سمع كلامه اقول لك كأني زوجته

مو وحده ماتقرب له حتى
سمر:يوه يُما الحمد لله اني مو معكم هههههه
داليا:ههه من جد ربي رحمك ,انا مادري فتون تحبه على ايش والله مره

شراني ,ومتسلط ,وشايف نفسه,وثقيل دم بعد وع وع وع
سمر:ههههههههههههههههه بس جد جد , ماله حق ابد
داليا:شين مره ,لحظه بشوف هالرساله اكيد من فتون
سمر:لبى قلبها اشتقت لها موت, وش كاتبه؟؟
داليا:لأ مو منها من رقم غريب..,,,تؤتؤ إسمعي ايش مكتوب...
مرحبا انا ترددت من اني ارسل لك .. لكن ظميري ماخلاني ارتاح, فعلا

اعتذر عن تهوري وكلامي معك بهل طريقه لكن انتي مثل فاتن ولو هي
مكانك كان سويت معها مثل ماسويت معك..
عموما انا اعتذر, واسف ان ازعجتك بإرسالي لك
سمر:هههههههههههه يوه هو هذا اخو فاتن
داليا:اتوقع الرقم غريب ومافي غيره اصلا
سمر:هههه لالا ظلمناه
داليا:روحي بس وين ظلمناه , وبعدين من وين جاب رقمي!!!
سمر:خلك من الرقم وقولي لي وش بتردين عليه
داليا:ههه ومن قالك برد ,راح اسفهه
سمر:لا حرام عليك,سامحيه ردي عليه
داليا:لالالا,وبعدين انتي معه وله معي؟؟
سمر:تعرفيني اقدر قصص الحب ومثل قصة الحب هذه لاتقطعينها من

بدايتها خخخ
داليا:قصة حب في عينك قليلة ادب
سمر:يوه طيب هاتي انا ارد عليه
داليا:سمور وش فيك انجنيتي ,خليه ماراح ارد عليه ,خليه يتعلم يحترم بنات

الناس ويثمن كلامه قبل لا يقوله
سمر:هههههه
داليا: خليك منه وقولي لي قدمتي مثل ماقلتلك
سمر:يوم قلتي لي انك سجلتي رحت بعدك وقدمت
داليا:ان شاء الله يقبلونا مع بعض انا والله ابي اغير هالوظيفه اللي انا فيها

كرف على ولا شي
سمر:الله يسمع منك.
:::::::::::::::::::::
"انتظر بدر ردها وانتظر وانتظر,ومل طلع مع الشباب على باله بينساها

اللين ترد بس ماقدر, معهم وهو قلبه وعقله وتفكيره معها
""ليه ماردت معقول زعلانه,او مشغوله,او يمكن شافت ان ارسالي لها

غلط, ممكن يكون الرقم غلط , ممكن انها ماشافت الرساله"
..ومابقى احتمال ماقعد يفكر فيه ههههه التمس 100 عذر كفو هههههه"
:::::::::::::::::::::

بالمستشفى
"الظابط ماقتنع بالقصه اللي الفتها تهاني وكان ينتظر تفوق انين عشان

يسئلها بس قاله الدكتور احتمال انها ماتفوق من الغيبوبه ..
تهاني ماهمها شي غير ان اختها تفوق بعد العمليه ,وكل تفكيرها اذا كان

كلام سميره وخميس صح او غلط!!!
اما عند خلود
خلود: مبروك فوز الهلال
جارح:ههه الله يبارك فيك ,شفتي كيف دخ .. ,إي صح انتي ماشفتي

المباراة
خلود:اهمم , امم جارح ممكن اطلبك طلب صغير
جارح:اطلبي الف الفين ثلاث والله ماقولك لا دام الهلال فاز
خلود:لا انا مابغى فلوس,انا ابغى اسافر اشوف انين لانها تعبانه
جارح:وخير ياطير واذا تعبانه ,وش يسفرك!!! اخوها واختك عندها
خلود:ايوه صح بس هي مره تعبانه الله يخليك بس اسبوع وله 3 ايام الله

يخليك
جارح:لالا وانا من يقوم لي بالبيت واحتياجاتي,انا تزوجتك عشان اجيب لي

خدامه؟؟
"حز بخاطر خلود كلامه ,بس هي اللحين تفكيرها بأختها فقالت وهي تحس

بغصه: حبيبي كل اغراضك نضيفه والبيت يلمع ,واذا على الاكل هوا
اسبوع اطلب من المطعم او تغدا عند اخواتك الله يخليك
جارح:انتي ليه تقرقرين كثير قلت لك لأ يعني لأ, انتي هنديه وله صعب

عليك الإستوعاب!!!
"قامت خلود مثل العاده مكسورة الخاطر دخلت المطبخ تسوي عشاه قبل

لا يسمعها كلمتين اقوى"
::::::::::::::::::::
فاتن ومحمد بحديقة الفواكه
بهذا اليوم على الأخص..ضحكت فاتن ومحمد ضحك هستيري مايدرون هو

من التعب وله يغطوا على الاحراج اللي بداخلهم او لأنهم فعلا مستمتعين
بهالوقت..عاد مامداهم يروحون الكفتيريا يرتاحوا,إلا يجيهم واحد سوداني
اسمه محمود
محمود:سلاموا عليكوم
محمد:اهلا وعليك السلام
محمود:بالله ماتواخزني ولكن الساعه خمسه وزوجتي عاملها مفاجئه

واللحين على وصول وماخلصت الزينه ممكن تساعدوني
فاتن: هههه أي اكيد ..بس وين تحط الزينه!!
محمود: كلها ورود من النرجس لانها بتحبو ولكن ماعرفت اعملموا بشكل

مرتب
محمد: لكن حنا مانعرف
فاتن: تؤتؤ انا اللي اعرف قوم قوم وين الورد
"وانهمكت فتون وهي مثل المجنونه تروح يمين وشمال وتلزق هذه وترفع

هذه وكأنه مو مجرد كرسي تزينه وكله كوم بعد ماخلصت من الوناسه
راحت طلعت على حجره مرتفعه على بالها طرزان وبأعلى صوت قالت:
عليك الله يازول تصور هالتحفه عايزه زكرى"ومامداها تكمل جملتها الا
وطاحت من الهبال,محمد كان فاطس ضحك بنفس الوقت رايح يشوفها ,بس
يوم لقاها تتألم من رجلها سكت وحاول يقومها بعد ماربت على رجلها وعلى
طول اخذها اقرب عياده لقاها
و طلعت رضه بسيطه وماتحتاج شي,ورجعوا الفندق ومحمد يحاول يخفي

الضحك اللي وده يضحكه"
:::::::::::::::::::::
الرياض..الساعه وحده بالليل
دق بدر على فاتن ويوم شافت رقمه حاولت ماتين له الم رجلها....
فاتن: اهلين بالي ماعنده دوام وسهران؟؟
بدر:هههه الا والله عندي دوام لكن مو راضي يجيني نوم
فاتن:وه فديتك ياخوي من اللي ماخذ عقلك؟؟
بدر: انتي
فاتن:يانصبك نصباه,تؤتؤ لاتكون بس ماغيرها ماخذه تفكيرك يؤيؤ
بدر: صراحه انا ماني قادر اطلعها من راسي
فاتن:ههههههههههههه,,بس والله ياحبي ماتنفعون لبعض صدقني دالي مو

من النوع اللي ممكن تتعايش معها وانت كذلك,دالي مجنونه جريئه تحب
تسوي أي شي على بالها من غير حساب,انت عكسها صدقني..
بدر:فتون فتون فتون,انا مو داق عليك تحطميني انا ابيك تساعديني
فاتن:عنيد وماراح تسمع مني كيفك انا نصحتك وخلاص
بدر:طيب ابيك تبطلين فلسفه وتدقين عليها تشوفين ردت فعلها من رسالتي
فاتن:ههههههههههه, والله انا ماخبرتك مغزلجي
بدر:اف فتون بلا هبال وخلصيني دقي عليها
فاتن:ههههه طيب خلاص اعصابك اللحين ادق عليها , واشوف وش اخرتها

معك
بدر:انتظرك ردي علي
فاتن:طيب خلاص,احط
بدر:سلام
:: وفعلا دقت عليها::
داليا: هلا بالقلب هلا بالحب هلابعصفورة قلبي
فاتن:هههه كم مره اقولك لاتحرجيني استحي
داليا:هههه اوخص يالعربج اجل تستحين
فاتن:هههه
داليا:قولي لي كيف وش صار بينكم؟؟ قولي لي كل شي..بالتفصيل
فاتن:هههه مو وقته واصلا ماصار شي
داليا:اقول بلا استهبال لأجيك اللحين
فاتن:هههه,صدقيني مثل ماقلت لك
داليا:اها اكيد هو جنبك
فاتن:هههه لا مو عندي ياخذ دش
داليا:اها ,طيب بعديها
فاتن:هههه وبعدين معك بتسمعيني وله لأ
داليا:لو ماسمعتك من اسمع اخوك الخبل
فاتن:ههههههههههههههههههههههههه ههههههههههههه
داليا:من جد فتون انتي كيف كنتي عائشه معه ,احس ودي اخنقه دريتي وش

سوى معي
فاتن:ههه ايه,بس انتي تعرفيه ليه تثيرين جنونه
داليا:اقول انتي واخوك احمد الله مليون مره انه مايقرب لي وع وع وع
فاتن:وعوع وع خكريه ,طيب ماعتذر لك
داليا:ارسل رساله مثل وجهه
فاتن:ههههه طيب
داليا:وش طيب ,ماراح ارد على واحد سفيه
فاتن:اقول احترمي نفسك يالخكريه لا تخليني اغلط عليك الا بدور والله ان

افقع لك وجهك واقطع لك اياه مثلثاث مثل البيتزا واحطك بكراتين واقرب
زبال ياكلك حه حبه
داليا:سوفاج سوفاج وع وع وع,انا مادري يكيف مصاحبتك وكيف طايقتك

,وليه احبك وع وع وع
"بهل وقت طلع محمد وهو مستغرب وش هالعربجه اللي بفاتن اذا صديقة

عمرها تكلمها كذا اجل لو احد مضايقها وش تسوي لكن لانها معطيته
ظهرها ماحست فيه وكملت "
فاتن:المهم لا تطفشيني وردي على هالمولع
داليا:ههههه اقول ترى الا اخوك انا ماحبيته صراحه
فاتن:ههه لاتحبيه بس عطيه فرصه على قوله.
داليا:وشي وش تقصدين يالمهبوله
فاتن:لا يروح فكرك بعيد بس خله وامي يجونكم ويخطبوك خطبه رسميه

وبعدها تعرفوا على بعض
داليا:لا ومن اللي كانت شوي وتصفقني يوم كنت اكلم خطيبي الاول؟؟؟
فاتن:يالحبيبه ذا اخوي اعرفه زين وانه يبيك اليوم قبل بكره
داليا:اسمعي انسي انسي انسي اخوك ذا مابلعته ولا بلعت غيرته وعصبيته

ابد انسي,من جد فتون انا مو حقل تجارب اخوك ماينفع لي بليز حبي
لاتزعلين
فاتن:ماراح اجبرك بس بأنصحك تاخذين واحد يحبك ويموت عليك ولا انك

تاخذين واحد يطلع مثل الاخ اللي اخذته قلبه مولع بغيري
داليا:حبي فتون والله انك تستاهلين سيد سيده , وهو اللي خسران
فاتن: المهم خلك مني,انا ماراح اقول لبدر فكري وردي لي اوكي
داليا:مع ان مافيه امل لكن..اوكي
فاتن:يله طسي
داليا:ههه بايو حبي.
"محمد بعد ماسمع جملتها عنه تسحب ودخل الحمام مره ثانيه, وفاتن دقت

على بدر وقالت له انها مشغوله وانها تعتبره مثل الاخ وبتفكربالموضوع."
قالت فاتن بصوت عالي: محمد كل ذا دش يله نبي نروح السوق
محمد:ههه يالواثقه هو على كيفك؟؟
فاتن:ايه واثقه
محمد: :قال وهو يمزح ..لا لا انا جيعان نروح نتعشى وارجع انام
فاتن:لا والله تو بدري على النوم ابي السوق
محمد:لا
فاتن:إلا
محمد:ههه طيب وشفيك كأنك زعلتي,وبعدين وشلون بتمشين مو رجلك

تالمك؟؟
فاتن:لا بالتسوق تخف انت ماعليك بس خلنا نروح السوق
محمد: طيب خلنا نروح نتعشى اول ثم نروح مكان ماتبي
فاتن:هذا هو الكلام اوكي يله
محمد:بس اخاف تفشليني بالمطعم وتاكلين بيدك
فاتن:لا ياشيخ ,عناد فيك إي باكل بيدي واذ مو عاجبك رح اقعد بطاوله بعيد

عني
محمد:ول ول هذه مدافع مو حروف اللي تقولينهها,امزح امزح
فاتن:طيب يالله انا جاهزه
محمد:يله مشينا
"راحو السوق وكان كل ماشاف فاتن تضحك يحس انه اذنب بحقها,وكل

ماتكلمت كان يحس انها تجامله اوانها تكرهه او حتى حاقده عليه وعقدة
الذنب تكبر بقلبه اكثر واكثر"

سميره على ايش ناويه..جارح وعذره الجديد..حالة انين وين ممكن
توصل..وفاتن المجنونه وحياتها اللي على الله
واكثر بالبارت الجاي


انين واللي بيصير معها؟؟
توقعاتكم سبب تصرفات جارح؟؟
وين راح توصل علاقة محمد وفاتن؟؟
بدر كيف ممكن يتصرف مع داليا؟؟




البارت السادس
بيت جارح وخلود الساعه 10 الصباح
"سمعت خلود صوت جارح يتألم قامت من النوم تركض عليه ,لقته توه

داخل المجلس"
خلود ومتفاجئه من شكله وهو يتألم:سلامات ايش بك؟؟
جارح:اه ظهري ظهري
خلود:إيش بك ايش صار
جارح:طحت بالشارع اه
خلود:متى؟
جارح:يوم اني رايح للدوام ,افرشي لي هنا بنام ,توني ماخذ مسكن عطوني

اياه بالمستشفى وشكله ينوم
خلود:طيب اللحين اجيب لك فرش
"ومن كثر ماخافت عليه مشت وهي مدوشه وصقعت راسها بالباب وكملت

راحت تجيب له الفرش ويوم رجعت "
قال جارح: وشي حوله ماتشوفين قدامك,وله ذا لأن الساعه 10 وانتي نايمه

,وش اقول بس حريم اخر زمن
"فرشت له بسرعه وطلعت من عنده بسرعه قبل لايكمل تجريح"
:::::::::::::::::


ماليزيا
وتحديدا بيانق وبالظبط بشاطئ اسمه batu ferrnghi

فاتن:يله عاد كل ماقول لك نركب البارشوت تقولي شوي
محمد:يافاتن الله يصلحك انتي ماتبين عمرك؟
فاتن:ههههههههههههههههه هههههههههههه اجل تخاف
محمد:لأ مو اخاف,بس وش الله حادني اركب اشياء مثل كذا؟؟
فاتن بمكر :اها كان قلت لي من اول انك تخاف خلاص انت مو مجبور

تركب انا بركب مع هالشابين هذول معهم وحده
محمد:لا ياشيخه بالله عليك!!
فاتن:وشو
محمد:الله يصبرك يامحمد على هالمجنونه,تفضلي خلنا نركب لنا واحد
فاتن:ههههه طيب كان من اول
محمد:حسبي الله ونعم الوكيل
فاتن:ها تكلمني
محمد:لا اغني اقول انا ربي بلاني فيك بلوه
فاتن:اها إي حلوه هالاغنيه
محمد:امم
"وما اوصف لكم فرح فتون وهي بالبارشوت تصفير وغنى بصوتها

الشين وشوي وتطيح من كثر ماتناظر على تحت ,وماقول لكم عن شعور
محمد ونبظات قلبه اللي شوي وتوقف من الرعب وكل مارتفعوا اكثر تِشهَد
,وكل ماناظرت فيه فتون ابتسم وهو وده يقطعها تقطيع, وقاعد يسب بنفسه
لأنه طاوعها"
:::::::::::::


اما بالمستشفى
جده
زوج تهاني: مرحبا دكتور دقيتوا علينا خير ,فعلا انين فاقت؟؟
الدكتور: ايوا وحالتها دحين افضل,ماقدر اقول لكم انها مستقره,لكن هي

ممكن تسمعكم
تهاني:طيب ممكن ادخلها
الدكتور: تفضلي بس ياليت ماتخليها تنفعل
تهاني: طيب شكرا
"وفعلا دخلت تهاني عند اختها وزوجها انتظرها بره"
تهاني: سلام ياوحشه
انين:...
تهاني:خوفتيني عليك,انين حبيبتي طالعيني
طيب,قولي لي كيفك احسن؟
انين :....
_ انا ماكنت ادري باللي يصير لك عند الكلب اللي اسموا خميس,وربي لو

كنت عارفه كان جيت اخذتك غصب عنوا مش برضاه..
_ عموما تبغيني اقول لك خبر حلو؟؟؟
_ اسمعي ياستي..لما تطلعي من هنا راح تجي عندي تعيشي معايا معززه

مكرمه ,واللي تبغيه حيجيك ,ها ايش رائيك؟
"ناظرتها انين والدموع تطيح من عينها وقالت بصوت يادوب ينسمع"


ضربني..
وكل جسمي يوجعني
انا كنت طالعه معاه عشان يشوفني,ويجي يتزوجني..وربي ياتهاني انا

ماسويت شي.
"مسكت يدها تهاني وكملت انين"
يارب خدني عندك انا خلاص مابغى اعيش.
"قربت لها تهاني اكثر ومسحت دموعها وقالت لها"
اوعدك ان حياتك حتصير احسن بس انتي قومي,وكل شي راح نقدر نحلوا
اهم شي لو سئلوكِ الشرطه قولي لهم نفس ماراح اقول لك اوكي..

::::::::::::::::::::

جده
سميره وخميس
سميره:حبيبي
خميس:نعم؟؟
سميره:ايش بك كدا اخلاقك مقفله!! اكيد خايف اختك تشتكي عليك؟؟
خميس:لا ياشيخه ليه انا غلطت اصلا عشان اخاف هأ,انا اللي خايف منوا

انها لما تروح عند اختها ,تعمل بلاوي وماتكون عليها رقابه
سميره وتظهر ملامح الاهتمام :ايوا صح,من جد انا ملاحظه اختك بعد

ماتزوجت اختها خلود وهي مو طبيعيه ,اللين ربي كشفها
خميس:اه.. طيب انتي ايش رائيك؟؟
سميره:والله ماني عارفه ..اقولك ,انت عطيني وقت افكر واكيد حيجي في

بالي دبره
خميس:طيب ايش رائيك اخليها تجي هنا وبلاها روحتها عند اختها
سميره وتبلع ريقها :لالالالا
خميس:ايش بك!!
سميره:لا حبيبي ولاشي بس انا خايفه انها تنتقم على اللي عملتوا فيها

بأولادي,انت ماتدري اختك دي قد ايش تفتري على العيال وتضربهم
ومبهدلتهم اخر بهدله,بس انا ماقولك عشان ماتزعل
خميس:لاحول ولا قوه الا بالله
سميره:خلاص انت لاتشيل هم معبال تطلع من المستشفى نكون لقينا لنا

دبره بأختك
خميس:يصير خير ,انا طالع مع ماجد عندنا شغل, تبغي حاجه
سميره:لأياقلبي بس حابه تعطيني خمسميه ريال حروح ابارك لجارتنا على

مولودها الجديد
خميس:وخمس ميه حتعطيها ليه هي اختك!!
سميره وهي تكذب:لأياحياتي بس هي عطتني 500 بولاده بنتنا
خميس:امري لله تفضلي,يله سلام
سميره: سلام ياقلبي.
:::::::::::::::::::


نرجع لماليزيا
فاتن: صح ماقلت لي؟؟
محمد:اشش
فاتن:هههههههههههههه,لا تقولي انك للان دايخ
محمد:لا ماني دايخ لكن ,ماراح اطاوعك مره ثانيه ابداً...هاو ش كنتي

بتقولين؟
فاتن:نسيتني هع هههه.. لالا تذكرت ,وش فيك اليوم قايم وانت تزاعق!!وش

عندك
محمد وهو يتذكر: ليه كان صوتي عالي
فاتن:انا خفت احسب ان صاير شي
محمد:اعوذ بالله ياني حالم حلم مزعج فوق ماتخيلين
فاتن:الله يستر وشهو حالم فينا؟؟
محمد:لا حلمت بصديقي واحد اسمه سالم
فاتن:اها,خلاص دامه شين اجل لاتقوله
محمد:هذا مو صوت جوالك المزعج انتي والنغمه ذي يالله لك الحمد

والشكر
فاتن:اقول احترم نفسك هذه اهداء من بدوري حبيب قلبي
"كانت نغمه لميريام اغنيه عراقيه "ارتاح اما شوفه حيل وياي,,ماقدر

اعوفه تظيع دنياي"
محمد: طيب ردي
فاتن: هذول البنات ومابي ارد عليهم
محمد: طيب ردي عليهم عي
فاتن:لا لا..ما عنهم الا القروشه
محمد: على الاقل طمنيهم عليك
فاتن وترفع حاجب:لالالا
محمد ويبي ينرفزها :وليه ماتكلمينهم؟؟
فاتن:لأن اسئلتهم هي هي وراح يستلموني استهبال اللين يقفلون
محمد:طيب اتحداك تردين عليهم
فاتن:لا تتحداني
محمد:طيب انا اتحداك
فاتن:اقول لك لا تتحداني
محمد:ههه طيب والله اتحداك
فاتن:واذا رديت؟؟
محمد:اذا رديتي وقلتي لي وش سئلوك وقالوا لك.. لك طقم
فاتن:وليه تبي تعرف اسئلتهم
محمد:مزاج ,قايلك مانتي قد التحدي
فاتن وهي ماودها:لا اوكي برد احمم

"وردت و
(وجنت على نفسها براقش البنات كانوا حاطين سبيكر وكان مجتمعات)"

فاتن: اهلين
سمر:تؤتؤ ردت
داليا:ياهو يلي غارق بالعسل
اريج:وخروا شوي فتون فتون ويه لقيتوا ها يعني وش سويتوا
فاتن وتحك اذنها وتناظر بمحمد: ههههههههههه ,مجتمعات على الخير ان

شاء الله ,وش عندكم مجتمعات
سمر: وابشرك حتى فوز اللي تعرفنا عليها بعرسك معنا, فتون باركيلنا

قبلونا بالوظيفه انا وداليا مع بعض
فوزيه تقطع كلام سمر: اقول اسكتي بس, يالعروس ها قولي لنا طمنينا

كيف العرس وكي..
"وقبل ماتكمل الملسونه فوزيه السؤال بدت فاتن تحمر وبس شاف هالشي

محمد فطس ضحك عليها,فقامت فاتن من الطاوله وراحت تتكلم بعيد عنه"
وقالت: هي هي انتوا وش عندكم يالمفاجيع اول مره تشوفون وحده معرسه

وجع وجع
داليا: يوه بس نبي نتطمن عشان نتحفز لهذه الخطوه
سمر: اقول مناك ياللغه العربيه,اقول فتون طمنينا قولي لنا بردي قلوبنا كيف

العرس؟؟
فوزيه: إي إي كيف, واوعدك ماحد بيعرف غيرنا يالخمس
فاتن:هههههههههههههه تدرين عاد يافوز لو قلت لك عز الله مارجعت

الرياض الا الحريم كلها داريه
فوزيه: افا يافتون انا كذا !!
فاتن: لا جدتي
سمر: يوه ليه تتهربين من الجواب؟؟نتظر جوابك..
فاتن: لأنكم قليلات ادب ويبيلكم تربيه يله طسوا
داليا:اقول ماصدقنا رديتي علينا وتبينا نقفل؟؟ الا ماقلتي لي يوم ماتردين

علينا بإيش تكونين مشغوله هههههههههههههههاي
فاتن: ههه والله انكم ماتستحون يله طسوا
"وقفلت السماعه, وهي تحس بام الاحراج وحمدت الله مليون مره انها قامت

من عند محمد لا يسمع اللي قالوه "
محمد: ههههه شفتي انك مو قد التحدي
فاتن: يوه وليه امم انا رديت عليهم صح ولا لا
محمد: ههه بس ماراح تقولين لي وش قالوا لك ؟؟
فاتن: ها الا عادي راح اقول لك
محمد وهو يظبط قعدته:اها طيب قولي
فاتن وهي تحك راسها:ا قالوا نهم مشتاقين لي وانهم مجتمعات يعني

وحكوا لي قصه صارت لهم بالسوق فشله اقول لك عليها
محمد:ههههههههههههههههه ويهههههههههه
فاتن: خير وش يضحك!!!
محمد: هه ايه عشان كذا للان وجهك تقول انه طماط
"تفشلت فاتن وقامت وهي تبرطم اللين ماتشبع"
::::::::::::::::::::

بيت جارح
جارح :يا خلود اخلصي جيبي الغدا
خلود: يله وربي جايه بس ثواني
جارح:لك ساعه تقولين ثواني إخلصي علي ,عندي دوام
خلود وهي شفقانه على شكله:اهو جايه,انا أبغى افهم جارح كيف ضهرك

يوجعك ومو قادر تمشي وتبغى تروح تداوم !!
جارح ورفع حاجبه:وش رائيك اخذ اجازه واجيب ورقه وقلم وارسمك
خلود: لا انا ماقلت كدا ,انا قصدي ترتاح كم يوم عشان يخف ضهرك
جارح: انتي ليه كثيرة كلام ,ماعلموك اهلك ان مفروض تسكتين وقت الأكل
خلود: لا تعليق حطت الملعقه من يدها وقامت من على الأكل..مامداها

توصل الصاله الا وتسمع صوت التلفزيون وجارح يقول شف الوجيه
السنعه
راحت خلود وقفت قدام المرايا تناظر ملامحها وابتسمت وهي تفكر قد
ايش لها مابتسمت او ضحكت او حتى تكلمت جملتين مع احد!!! ومسرع
ماتحولت نظراتها للحزن والدموع اجتمعت بعينها و تساؤلات مالها حد ودها
تسئلها لجارح..ولكن الخوف يخليها ماتقدر تناظر بعينه اكثر من ثواني,وكل
ماقالت بتعود عليه ,تلاقي خوفها يقتل الجرءاه بداخلها.
:::::::::::

وثاني يوم
البنات بهوايتهم المفظله
بالسوق

داليا: ههههههههههه لا وكله كوم ام الثقه تعطينه خمسميه وماشيه الله يرجك
,زين انه يخاف الله وناداك يرجع لك الباقي
مها بنت عمت داليا: هههه, مصروعه سبحان الله
سمر: يله عاد بلا قلة ادب لاتريقون علي
سمر: صبايا انا تعبت يله نقعد بالكفتيريا
داليا: ايه من جد حتى انا تعبت
ولد: ايه حتى انا تعبت ياماجد
ماجد: بسم الله عليك ياسلطان ماتشوف شر
سلطان: اه ياماجد عيونك تقتل
ماجد:هو عيونك وبس ياسلطان انت حتى صوتك خقه
مها: اللحين وش قصتهم هذول يقصدونا
سمر: ها اجل اكيد يقصدون هالغبيه اللي صوتها عالي
داليا: مو عالي انا صوتي مسرسع وش اسوي طيب
سمر: وينك يافتون كان اللحين مهزئتهم ذيك العربج وقفتهم عند حدهم
سلطان:اقول ماجد وش فيك راخي صوتك والله اللي له صوتك مفروض

يغني مو بس يتكلم
ماجد:اقول سلطان وش رائيك باللي يهديك جوال بشريحته
داليا: يله بنات مشينا هذول شكلهم مو مخلينا بحالنا
مها:يله السواق برا

سلطان:وين وين مجود تو مارديت علينا حتى
ماجد:ترى العرض للثلاه مو لوحده وبس
ومشى مسرع سلطان وقال لدالي:وين يابنت الناس بتركين المولع
قبل لا تعطينا رقم او حتى كلمه تبرد الخاطر
"ماكمل جملته الا ولقى اللي ماسكه من رقبته وطاح فيه ظرب"
سلطان مسوي فيه "قدع" يتكلم من بعيد : هي انت وش دخلك ها وخر

اشوف لا
"ومامداه يكمل يوم شافه جاي عليه انحاش وكانت فرصه ينحاش فيها ماجد

اللي تكفخ اللين قال بس"
مها: من جد مشكور الله يعطيك العافيه,حنا ثلاثتنا مانعرف نتصرف
بهالمواقف الله يجزاك خير
"اما دالي ساكته وحاولت تأشر للبنات ب يله عشان مايعرفها لكن قال"
بدر: هالمره ياخت داليا انا كنت موجود المره الجايه الله واعلم وش بيصير
لكن انا مالومهم بلثمتك ذي مافيه احد بيمر حولك من غير مايناظرك او حتى

يتحرش بك"وراح من عندهم للمحل اللي تنتظره فيه عيوش"
سمر وهي تناظر لداليا: يمه من هذا؟
داليا: يعني ماعرفتيه ذا المعقد اخو فتون
مها: يوه احس رجلي ترتجف اركبوا السيار ه اركبوا
سمر: هههههه ام الاحراج وش هالصدفه اللي مالها داعي وش بيقول عنا

اللحين
داليا: أي صدفه الله يخليك ,هذا اكيد ملاحقني هو وجهه
مها: وش يعني هو معجب فيك؟
داليا: وع وع مجنونه انتي لا ابيه يعجب فيني ولا اعجب فيه ,ماسمعتي

وش قاعد يقول ذا المعقد
سمر: بس والله يانه كفخ ذاك
مها:هههههههههههههه إي والله وله الثاني مسوي فيها بيدافع عن خويه

هههه من الخوف نعاله طاح من رجله خلاه وركض
داليا بملل: اف
مها: وش فيك وسعي صدرك كانه اول مره يصير بنا كذا
داليا: انا مو على هالمخفات انا على بدر اخو فتون وش يبي وليه مايبعد عن

طريقي
سمر: شكله يحبك يادالي هههه
مها: اوخص يامذوبهم هههههاي
داليا: اقول يالسامجه انتي واياها بلاها خفة الدم
سمر: لا خفة دم ولا شي من جد الرجال شكله طايح بشوشته خخخخ
داليا: هههه حبي انا مابي مثل هالمعقد ابد,انا ابي واحد منفتح خفيف دم

حبوب مبتسم وياخذ الامو بساطه,مو ذا اللي تقول كانه جني
سمر ومها:ههههههههههههههههههههههههه هههههههههه
هههههههههههههههههههههه
:::::::::::


خلود وجارح
خلود:جارح قبل لا تطلع حقولك شي
جارح:ها وش تبين؟
خلود: ولا شي بس جارتي ارسلت ولدها يعزمني عندها ا في
جارح:ياكثر كلامك وكله ا مم ,روحي روحي وفكينا
خلود نطت من الفرحه: طيب شكرا
جارح: يله انا بروح اللحين لكن لا اجي والاقيك مارجعتي
خلود: لا اكيد , كلها ساعه ساعتين
جارح: يله سلام
خلود: مع السلامه
:::::::::::

جده
سميره :حبيبي
خميس:نعم
سميره:انا طول الليل قاعده افكر بموضوع اختك انين
خميس:ايوا ,وايش طلع معاكِ
سميره :انا قبل فتره كلمني اخويا احمد اشوف لوا عروسه ,وافكر انو

اقولوا على اختك
خميس:احمد!!
سميره :ايوا احمد ايش بوا رجال ومايعيبوا شي
خميس:بس أحمد متزوج اتنين
سميره: ياحبيبي وايش يعني ,وبالعكس انا اشوف انو مناسب مره انت

عارف اختك وسواد وجهها واخويا بيستر عليها ولا من شاف ولا من دري
"تضايق خميس من كلامها وهي كملت"
حبيبي مو احسن من انو يجي بكرة النهار شاب ويتزوجها وتفضحنا عندوا

وعند الناس
خميس: اه والله ماني عارف خليها هي تطلع بس من المستشفى ويصير

خير
سميره: راحتك حبيبي, ها تحب احط لك الغدا
خميس: والله ياسميره مالي نفس حقوم انام شويا
سميره:براحتك ياقلبي
::::::::::::::::::


بيت عائشه
بدر بعد مارجّع عائشه من السوق حلفت عليه يتعشى عندها .. وسواليف
معها ومع رجلها الى ان ...
بدر: صراحه يام محمد تسلم ايدك للآن احس ان ما فيني اقوم
عائشه:ههههه صحه والف عافيه حبيبي ,والحين لا تغير الموضوع
فهد دخل ينام وترك لنا الجو يله قول وش الكلام اللي متردد تقوله من

العصر؟؟
بدر:ها ,انا لا ولا شي يعني وش عندي الله يسامحك
عائشه:اقول بدر مو علي هالحركات اعرفك زين قول قول
بدر:ههه صراحه انا بعد ماراحت فتون ضعت
عائشه:ههههه
بدر:شوفي عيوش انا تعرفيني مالي بسوالف اللف ولا الدوران وصراحه

اخوك تعبان
عائشه:ههههههه دوران وتعبان وش شغل الاشعار ذا!!
بدر:اه بصراحه انا ابي اتزوج
عائشه بفرحه:يوه تتزوج !!! ياشيخ اليوم انا اخاطب لك وأحدد الملكه بعد
بدر:ههههههههههه, اقول اعقلي
عائشه:وش اعقل امي لو درت بتنجن وتستانس اكثر مني
بدر:لا لا لاتقولين لأمي قبل ماتقولين لي وش رائيك
عائشه: رائي بإيش.. فيه وحده محدده؟؟
بدر:ايه
عائشه:والله مانت هين يالبدور من هي؟؟
بدر:داليا صديقة فتون
عائشه:ههههههههههههههههههه
وهههههههههههههههههههه
هههههههههههههههههههههههههههههه هه
بدر:سلامات وش قايل يضك!!!
عائشه:تمزح صح,الا اكيد انك تمزح
بدر:لا والله مامزح انا ودي تخطبونها لي
عائشه:...
بدر:وش فيك؟
عائشه:طيب وش رائي فتون؟؟
بدر:زهقت اهلي من كثر ماتحبطني
عائشه:طيب اسمع وش رائيك قبل لا يكبر الموضوع ويقابلون اهلي اهلها

اني اسئلها واجس نبضها بالتلفون ,مو احسن
بدر:ليه يعني انتي بعد تشوفين انها ماراح توافق؟؟
عائشه:شف انت ماحد يرفضك بس صديقه فتون احسها مثلها مهبل

وماتعرف لهم رائي
بدر: خلاص اجل دقي عليها
عائشه: اوكي ثواني
"ودقت عائشه على داليا لكن ماردت عليها وحاولت بعدها مرتين ولا ردت"
عائشه: شكلها مشغوله
بدر:خلاص اجل كلميها بكره وردي علي
عائشه: وين رايح اقعد سولف معي
بدر: ماتشبعين سواليف الله يعين رجلك
عائشه: ههههه الله يسامحك,يله الله معك وعيدها ها
بدر: يصير خير مع السلامه
:::::::::::::::::::::::

خلود وبعد ماخلصت حفلة جارتها ورايحه على بيتها
نسرين: حياتي مابعرف كيف اشكرك ع وئفتك معي
خلود:عاتي كان لازم اعاونك الله يعينك على الباقي ضيوفك كركبوا لك

البيت ومشوا
نسرين:هههه شفتي كيف,ماإلتي لي لهلا..راح تجي عندي بكره ولا لأ بدي

اتعرف عليكي اكتر
خلود:لا ماقدر انتي تعالي بعد مايروح زوجي
نسرين:خلاص متل مابدك
خلود:يله مع السلامه
نسرين:مع السلامه
"واول مادخلت خلود شقتها قال جارح: ليه ماتردين على جوالك ياهانم
خلود: بسم الله حرام عليك ياجارح خوفتني
جارح: من الرقه الزايده انتي وجهك ,انا ماقلت لك ترجعين بدري
خلود: انت اللي راجع بدري دحين الساعه 11 و انت ماترجع الا على

وحده اتنين الصبح ,وبعدين الجوال كان بالشن
جارح:قرقرقرقر وانتي وش دخلك متى ارجع ,ولا تغيرين الموضوع ,,

تدرين والله لو سويتيها مره ثانيه لأمنعك الطلعه فاهمه
خلود: طيب خلاص اسفه
جارح: ليه مافرشتي لي بالمجلس ها؟؟
خلود: اتوقعت انوا ضهرك احسن وتقدر تنام على الفراش احسن لك
جارح: دكتوره انتي..ها دكتوره؟؟ انتي اصلا مايهمك مصلحتي, الدكتور

قال لازم انام على الارض
خلود: طيب تحب افرش لك بالارض جوا بالغرفه؟؟
جارح: انتي ماتفهمين؟؟هنديه انتي؟؟ اقول لك افرشي لي بالمجلس افهمي
خلود: طيب خلاص حفرش لك دحين
جارح: كان من اول لازم ترفعين ظغط الواحد,لا اله الا الله


::::::::::::::::::::

بيت داليا
قبل لاتنام داليا شافت جوالها ولقت اتصالات من عائشه فدقت عليها
عائشه: اهلين وين الناس
داليا: عيوني انتي ناسيه جوالي على السايلنت ,خير ان شاء الله قولي لي

فتون فيها شي؟؟
عائشه: فتون ماعليها تسقح ,انا كنت ابيك بموضوع ثاني واهم
داليا:امري حبيبتي ,انتي اخت الغلى كله تدلي
عائشه:ههه تسلمين يارب ,بس ليتك ماتراجعين عن كلامك لاعرفتي

الموضوع
داليا:لا افا عليك لكن اهم شي لاتقولين لي اروح معك مكان واخوك اللي

يودينا ,اسمحي لي
عائشه:ههههههههههههههههه,لا ليت الموضوع يجي على كذا وبس
داليا:لا اجل دام السالفه فيها اخوك اعذريني مابي ماعرفها
عائشه:لا ماشاء الله عليك شجعتيني اقول السالفه
داليا:خخخخ
عائشه:اللحين بتخليني اتكلم وله اشلون
داليا:طيب اسفين قولي
عائشه:شوفي الموضوع جدي كثير ولا فيه استهبال ولايحتاج لف

ودوران,لكن ابسئلك اول..اذا جاك واحد اخلاقه عاليه ويعرف ربه
وحبوب طيب وحتى كريم و..
داليا:ههههههه اجل تشتغلين خطابه هالأيام
عائشه:هههه وبعدين معك انا اسئلك من جد وش رائيك
داليا:بالمواصفات اللي قلتيها والله ينفع ذا وينه وينه
عائشه:هههه ينفع ليه نتكلم عن خاتم هههه
داليا: هه اللحين من جد تتكلمين؟
عائشه:إ والله لكن هو فيه عيب واحد بس
داليا:اها وش هو؟
عائشه:هو عيبه انه عصبي وغيور
داليا:وشي لا يكون تقصدين اخوك؟؟
عائشه:هههههه
داليا:لا والله لو انه يطبخ لي وينظف لي وبعد يأكلني مابيه
عائشه: ياربي يادالي قبل شوي وش حلوك وينه وجيبيه ومادري ايش
داليا:أي قبل ماعرف انه اخوك ,لألألأ انتي اخوك يخوف وشلون تبيني

اعيش معه
عائشه:تراه والله حبوب وانتي ماخذه فكره غلط عنه,اكيد من القرقاره فتون
داليا:وه فديت فتونتي والله انها تحبه وتذكره بالخير بس انا دائما تجمعني

مع اخوك مواقف وع وع وع إسمحي لي عيوش اخوك ماينفع اعيش معه
عائشه:طيب عطي لهالعلاقه فرصه انخطبوا وكلموا بعض واذا تقدرون

تكملوا كملوا وان شفتي ان وجهة نظرك ماتغيرت خلاص نفك الخطبه وكل
يشوف نصيه
داليا:عيوش حبيبتي انا قبل كذه فكيت خطبتي ,وش راح يقولون عني الناس

..ابد مو حلوه
عائشه:عموما انا بعطيك فرصه تفكرين وممكن تغيرين رائيك
داليا:خلاص اشوف
عائشه:تكفه فكري بالموضوع بكل جديه
داليا:خلاص ان شاء الله
عائشه:اجل يصير خير يله حبيبتي مع السلامه
داليا:اهلين باي
"وبعد ماقفلت عيوش دقت على اخوها وكذبت عليه قالت له ان دالي قالت

بتستخير وترد عليها""

::::::::::::::::
بصباح ماليزيا
فاتن:يله محمد محمد قوم قوم
محمد:وش فيه وش صار
فاتن:قوم بسرعه الساعه ثمان
محمد:طيب ويعني
فاتن:مو بنروح الجزيره ,القارب بيفوتنا قوم
محمد:استغفر الله فاتن خليني لو سمحتي
فاتن:يوه لا ماراح اخليك يله قوم والله هذه من العشوه اللي طلبتها على

حسابي أمس مابقى شي الا وطلبته,قمنا والطاوله مليانه اكل
محمد:ههههه فاتن لو سمحتي ابي اكمل نومي
فاتن:لا مانت نايم قوم"وقعدت على الكنبه اللي نايم عليها"
محمد:قومي ابي امد رجلي
فاتن:لا قوم قوم قوم
محمد
محمد
محمد
محمد: خلاص ,اصلا أي نوم ذا اللي بيجي بهالإزعاج
فاتن: طيب كان م
"وكمل معها محمد جملتها المعهوده(طيب كان من اول) وضحكوا الإثنين"
::::::::::::


هذا البارت هو نهايه للركود وبدايه لفصول التشويق والأكشنات بس
لاتكرهوني بالفصول الجايه اوكي..اوكي


البارت السابع

جمعة بنات
اماني: شوفي لو تبين رائي ,خذي لس لبناني او سوري.
سمر:ههههه الله يلعن ابليسك يامون
اماني وترجع شعرها على ورا: ايه والله اني صادقه
سمر:داريه انك تستهبلين ,لكن تدرين وحده من البنات تقول لو يجيني

اجنبي وافقت عليه,عادي عندها
داليا: اما.. واهلها يعني بيوافقون؟؟
سمر: مادري صراحه ,بس بيني وبينك السعودين قاسين مع

زوجاتهم,وحنا نبي نتدلع ياختي مثل الحريم
اريج:ههههه خلاص علي اجيب لش حظرمي يدلش ويدلعش
داليا وبصوتها المسرسع: ههههه لا عاد انتي بعد في أزواج سعودين

ينحطون على الجرح يبرا
فوزيه: صادقه انا شوفي أخوي يساعد حرمته حتى اولاده دائم شايل همهم

عنها وماخذهم معه لا طلع
اماني: يعني اللحين بتقنعوني ان الزوج السعودي مثله مثل الاجنبي !!انا

شايفه بعيوني يقولون نبي نعرس ونبي نعرس وبعد مايتزوجون ينجنوا
ماغير يبون يسافرون و يسهرون ودائم مع اصحابهم ويبون يعيشون حياتهم
العزوبيه مره ثانيه وماغير الحريم لهم الله , ياعمتي روحي بس.
فوزيه: لأ عاد لا تجمعين وبعدين بكل الجنسيات في اللي يحترم قُدسية

الزواج وفيه العكس
داليا: ممكن كلامك صح بس يله وش يضمن لك يجيك واحد من النوع الأول
سمر: انتي يابنت شكلك تعقدتي بعد خُطبتك الاولى
داليا:هههههه لا ابد بس امس وحده من صديقاتي تشكي لي من زوجها عاد

ضيقة صدري
اريج: بنات ماكلمتوا "الطعه"أي "ثقيلة الدم" فتونه
داليا: ترا ما اسمح لك ها احترمي نفسك
اريج: من جد لا عاد كلمت ولا بانت
فوزيه: خلها بس تجي اذا ما وقفت بحلقها وعرفت بالتفصيل الممل هي وش

سوت ماكون فوز
سمر:هههههههههههه ملقوفه من يوم ماعرفتك
فوزيه: هذه مو لقافه هذا حب استطلاع وبعدين خلنا نتعلم يوه,وبعدين تعالي

هنا انتي ودالي ..هي اكيد قالت لكم وش صار معها ليه ماتقولون لي؟؟؟
ناظرت داليا بسمر وقالت: ياختي خصوصيات وش تبين تعرفين
سمر:فوز بلا لقافه ها
فوزيه:عادي مصيري اعرف
اريج:ههههههه الله يعينش يافاتن ههههههه
::::::::::::::::

بيت سميره
سميره: حبيبي ماقلت لي فكرت بالموضوع؟
خميس:أي موضوع؟
سميره: بسم الله عليك حبيبي ايش بك نسيت؟ موضوع زواج اخويا من

اختك
خميس:المشكله انا مالي خلق اكلمها ولا حتى اشوفها
سميره: ليه حبيبي انت ناوي تاخد رائيها؟؟هي اصلا لو كانت تعرف

مصلحتها ماكان عملت عمايلها السودا,وغير كدا إحنا كنا مستنينها تطلع
من المستشفى وخلاص لها كم يوم طالعه.
خميس:على قولك ,خلاص اجل خلي احمد يجي ونتكلم بالموضوع
سميره: حبيبي انت ,ايوا كدا خلينا نستر عليها والله يجزانا خير ان شاء الله
خميس:ياقلبك الطيب ياسموره
سميره: ههه عشان تعرف بس وماتزعلني
خميس:هههه
::::::::::::::::::::::


بماليزيا
من بعد ماتغدوا وهي تحاول تكلم محمد ولكن شكله المتظايق خلاها تسكت
عنه ,, لكن ملت فاتن وهي مو من عادتها هالهدوء اللي قاعده فيه فدخلت
عليه الغرفه وفتحت الباب بقوه وبصوتها العالي: محمد انت نايم؟
محمد انفجع من فتحت الباب :....
فاتن: اقول يابو الشباب وش السالفه وش فيك؟؟
محمد بهدوء:ابد مافيني شي
فاتن: اها طيب بتنام وله وش الموضوع
محمد: لا تونا الساعه عشره
فاتن:طيب وش فيك ماراح نطلع؟
محمد:..لاتعليق.
فاتن بملل:محمد وش فيك؟
محمد:مافيني شي
فاتن:وش مافيني شي اليوم كله وانت ساكت واللحين مقفله معك
محمد:يافاتن قلت لك مافيني شي ,انا بطلع شوي وبرجع اقفلي الباب زين
فاتن وهي تناظره يطلع من قدامها:اوكي
محمد:سلام
:::::::::::::::


بيت جارح
"الفتره اللي راحت كانت خلود تسمع نصايح كثيره من جارتها نسرين
بسبب زيارتها الدائمه لها وحاولت اليوم انها تطبق مبدأ الحورا بمواضيع
بعيده عن علاقتهم السيئه كزوجين وقالت وهي معها الدله:"
أصب لك تاني
جارح:لأ خلاص مابي
خلود:انت تحب الافلام المصريه صح
جارح:اها
خلود:دحين في فلم حيجي مره خطير على ميلودي
جارح: امم
خلود:حط عليها.
"جارح حط يده على خده وكأنه منمدج مع التلفزيون مع انها دعايه,لكن

خلود كملت وقالت:
ليه ماتجرب تعمل عدسات بدل النضاره شوف كيف طبع مكانها على

خشمك
"رد بملل: بشوف بعدين
"حطت رجل على رجل خلود وقعدت تعصر براسها عشان تطلع موضوع

ممكن يناقشها فيه لأنه للاّن ماناظر حتى بوجهها وقالت:إيش رائيك تعزم
اخواتك بكره يجوا يتغدوا عندنا؟
جارح: اها
خلود:تكلمهم؟؟
جارح: كلميهم انتي
خلود:طيب انا حكلمهم, ايش تحب اني اطبخ لكم؟
"ناظرها جارح وهو طفشان منها وقال:انتي وش سالفتك اليوم كلامك سامج

وساذج اسكتي شوي ادوختينا
خلود:طيب ممكن اسئلك سؤال وبعدها حسكت
جارح:لا حول ولا قوه الا بالله , خير وش عندك؟
ناظرته خلود وعيونها تلمع حاولت تبتسم وهي تتكلم بصوتها المخنوق

وقالت :جارح
انت ليه ماتحبني؟
جارح:سبحان الله ياذا الحريم من جد ناقصات عقل ودين ,خلني اروح عند

الشباب ابرك لي
خلود:جارح استنى ,خلينا نكمل كلامنا
جارح وهو يطلع من الغرفه: كلامك ماله لون ولاطعم
خلود: بس ان
جارح طلع قبل لاتكمل كلامها,وتأفت خلود اللي منقهره منه.
::::::::::::::

ماليزيا
فاتن كانت تكلم صديقاتها سمر و داليا
داليا:والله فاتك توهم البنات طلعوا من عندي ومابقى الا سموره
سمر:فديتك ليتك كنتي معنا
فاتن:ههههه فقدتوني اجل؟
داليا:لا ياشيخه قسم مكانك فاضي يالدبا
سمر: من جد تراك وحشتينا موت يلعن ابليسك ارجعي
داليا: خلاص ياتجين او حنا نجيك
فاتن: ههههههههههههههه فديتكم والله وانا مشتاقه لكم اكثر
داليا: ماقلتي لنا وش سويتي مع محمد
فاتن: ولا شي وناسه وتمشيات وسعة صدر
سمر: يعني خلاص حط بلوك على اللي يحبها
فاتن: وين راح مخك يالرومانسيه ,انا عايشه مع محمد وكأني مع بدر
داليا: اقول بلا جنون حاولي تكسبين رجلك بلا هبال وش كأنه اخوي

تستهبلين
فاتن: دالي عيوني واحد من قبل ماياخذني يقول انا احب وحده...
كفايه هنت نفسي وعشان خاطر اصوله تزوجته, لكن اني اسمح لنفسي اني

احبه او اني افكر فيه كزوج هذه مستحيله
سمر: يعني هو ماينحب ,ماتقدرين تعيشين معه وتعطون علاقتكم فرصه؟؟
فاتن:دالي جد محمد انسان طيب ورجل لكن مايستاهلني دامه عافني من

البدايه
سمر: ياقلبك يعني معقول مادق قلبك له
فاتن: اقول لك انا حاطه براسي انه بدر حتى مرات كثير اناديه بدوري
داليا: من جد قصتك قصه انتي واياه
فاتن: خلك مني وقولي لي وش صار معك انتي وبدر؟
سمر: تراها دائم تحش على اخوك وتسبه
داليا: سمور انكتمي يالسوسه,ماعليك منها فتون
فاتن:ههههه طيب وش صار؟
داليا: فتونتي انا ماقدرت اتخيل حياتي معه ابد
فاتن: صراحه ولا انا
داليا: جد فتون؟؟
فاتن: دالي انتي وافقتي او لا هالشي ماله دخل بعلاقتنا ابد وش فيك

يالمجنونه
داليا: اشوه صراحه اخوك وانا وع وع وع
فاتن وسمر: هههههههههههه
سمر:ماباركتي لنا على وضيفتنا الجديده
فاتن: اوما يالدبات اشتغلتن ومع بعض,اسمعوا اسمعوا جا محمد صوت

الباب بعد شوي ادق عليكم اوكي
سمر: اوكي روحي لحبيب القلب
فاتن: يابايخه
داليا:ههههه خلاص يله حبيتي انتبهي لنفسك باي
فاتن: احطوا

محمد وبروقان:سلام
فاتن:اهلين
محمد: ماعليه تأخرت ومخليك لحالك
فاتن: لا عادي
محمد:ليه مانمتي للحين ,وش مسهرك
فاتن: انا اصلا ماحب النوم كثير باللذات بالسفر
محمد:ههه طيب يله نطلع
فاتن:الحين!!!
محمد: ايه اللحين
فاتن:امم دامك رقت اوكي نطلع بس بلبس عباتي
محمد:وحضري لنا كم غيار
فاتن:ليه ؟؟
محمد:بعدين اقولك
فاتن:لا اللحين قولي عشان اعرف وش اخذ بالظبط
محمد:فتون خلاص يله حضري الملابس انا بعطيهم خبر تحت
فاتن وبوناسه:اوكي
محمد:ههه لا تتأخرين انتظرك تحت
"وبعد ماطلع قامت فاتن تحظر الاغراض بسرعه وهي تتكلم مع نفسها

وتقول: الله يستر هالأدمي غريب طلع متضايق ورجع يقول حضري لنا
اغراض ياخوفي يقتلني وله يضيعني وله .... يوه والله لأعظه لو اذاني
وانتف له شعره وش يحسب "
:::::::::::::::
في بيت داليا
سمر: خلاص شوفي الساعه كم تبيني اتهزء من ابوي؟
داليا:يوه تونا تعشينا
سمر: بنلتقي بالدوام بكره ترا ورانا نومه
داليا:تفكرين بالنوم اص , لحظه خليني اشوف وش هالرساله
سمر: اذا نكته قوليها بصوت عالي خليني اضحك قبل ماتهزء من ابوي

على هالتأخير
داليا:هههههه يله بسم الله تؤتؤ وش ذا
سمر: وشو؟؟
داليا:اسمعي
((سلام ..داليا انا اعتذر اذا ازعجتك لكن انا ابيك لي زوجه, ممكن يكون

فيني اشياء انتي ماتحبينها وممكن العكس,عطينا فرصه لبعد الخطوبه نحاول
نفهم بعض اكثر ونشوف اذا ممكن نغير طباعنا او لا واذا ممكن نعيش مع
بعض كزوجين او لا ,انا مابي اجبرك بنفس الوقت مابيك تضيعين من بين
ايديني,وبالنهايه انا مابي شي منك الا بالحلال
سمر: اهئ تهئ
داليا:ههه يلعن شكله ذا وش يبي فيني؟؟
سمر: من ذا اخو فاتن
داليا:ايه ومن غيره ؟
سمر:لا شكله خوطير لا يضيع من ايديك
داليا:عاجبك خذيه
سمر: لا مو عاجبني اصلا مافيه شي من اللي اتمناه
داليا:ولا انا وع غيور وعصبي ويخنق وش ابي فيه
سمر: ههههههه,لكن يحبك ويبيك يابنت
داليا:بس ماحبه ولا تعجبني تصرفاته
سمر: طيب جربي وش بتخسرين
داليا:لو كانت هذه اول مره انخطب بقول لك ايه بجرب لكن راح تكون ثاني

مره, افرضي ماقدرنا نتفق وش راح يقولون الناس؟؟ والله راح ياكلوني
بكلامهم
سمر: ومن متى يهمك كلام الناس انتي طول عمرك جريئه يادالي وممكن

تواجهين أي احد اذا ماكنتي غلطانه
داليا:ايه اذا كان الموضوع يمسني انا بس ,لكن المسئله بتمس امي وابوي

الموضوع مو سهل
سمر: تبين رائي
داليا:ياليت
سمر: لا تستعجلين,, فيه كلمه قالتها فتونه قبل وكانت بمكانها قالت"خذي

واحد يحبك ولا تاخذين واحد تحبينه"
داليا:مادري ماني مرتاحه
سمر: احسن شي لا تتسرعين,له اشوفك بكره ان شاء الله,,تصبحين على

خير
داليا:وانتي من اهله,سلمي على امك
سمر:يوصل باي
:::::::::::::::::::

ماليزيا
فاتن بإستهبال:ما لك داعي يامحمد
محمد:ليه
فاتن:ليه ماقلت لي اننا بنروح يخت على البحر ؟؟؟؟
محمد:وليه يعني وش تفرق اذا قلت لك؟
فاتن:يعني اسوي مكياج يليق على لون البحر هع
محمد:الحمد لله والشكر
فاتن:خخخخ,لا صراحه طلعه خوطيره بس تكفه لا ندخل بداخل البحر مره

خلنا قريبين من البشر شوي
محمد:اوما انتي تخافين؟؟
فاتن:لا مو خوف بس الافلام لاعبه دور بحياتي صراحه
محمد:ههههه
فاتن:اقول محمد
محمد:هلا
فاتن:وش فيك اليوم كنت متضايق
محمد:امم مو مهم
فاتن:لا مهم ,وانا ادري وش كنت تفكر فيه وضيّق صدرك
محمد:اوخص اجل تعرفين
فاتن:ايه اعرف
محمد:اها وايش يا فيلسوفتنا الصغيره اللي كان مضيق صدري
فاتن:بس اذا كان صح علي تقول صح
محمد:اها اوكي
فاتن:كنت تفكر بحبيبتك واشتقت لها صح
محمد وهو يناظر لها فتره:لا ماشاء الله عليك ذكيه
فاتن:يعني صح؟
محمد:لأ مو صحيح, مو هذا اللي مضايقني ابد,ولا اقدر اقول لك السبب

اصلا
فاتن:ليه يعني ماتوقع ان فيه شي ممكن تخبيه اصعب من اللي قلت لي اياه
محمد:فاتن خلك مني انا اللحين كل اللي افكر فيه هذا الجو الزين وهالهدوء

بعيد عن الناس
فاتن وتحك راسها:طيب ماقلت لي متى بنرجع الرياض؟
محمد:ليه مليتي؟
فاتن:لا مو مليت لكن اشتقت لأهلي لصديقاتي للرياض وكل شي فيها
محمد:يعني تبينا نرجع
فاتن:ياليت
محمد:خلاص راحتك ,نأكد حجزنا هالايام
فاتن:شف شف
محمد:اها الشمس بتشرق
فاتن وهي تدور:وينها وينها
محمد:وشهي
فاتن:الكاميرا يامحمد وينها
محمد:ههههه ,مادري عنك كانت معك تقول كأنك صحفيه
فاتن: جب جوالك
محمد: هههه خذي ,وين جوالك؟
فاتن: جوه لكن انا ابي اصور هالمنظر واقهر دالي وسمر هع
محمد: مجنونه
فاتن: اشش بصور اسكت
"فعلا سكت محمد وتأمل طفولة فاتن وبساطتها,ذكيه بروح طفله,متفائله

وحذره,عربجيه بس تسحر,مجنونه بجنون مقبول للروح ,هذا اللي كان يفكر
فيه محمد ,و يوم شافها مندمجه خلاها تكمل تصويرها ودخل ينام,,
- ذبح فتون الفضول انها تدور بجواله صور او اتصال او أي شي يخص
حبيبته تبي تأكد كلامها واعتقادها بأنه كان متضايق بسببها
دخلت الرسايل ولقتها قليله وكلها عاديه وبعد مخلي القديمه تبع تهنئه بالعيد
وراحت للمكالت وفعلا شافت 3 اتصالات مستلمه منها بالفتره اللي كان

بره فيها, ودخلت بعدها تبي تعطي محمد جواله ويوم شافته نايم فكرت
تعمق باللقافه وتحوس بجواله يمين وشمال اللين دخلت للملاحظت وفتحتها
ولقت ملاحظات كثيره وفتحت اخر وحده كتبها وكان مكتوب بها
(علمني من حلو كلامك..علمني من دفى صوتك
وش اللي يرضي غرورك..وش اللي يسعد طباعك)
عجب فتون هالكلام ودخلت للي تحها,وكن مكتوب
(غجريه وتسحر من غير استئذان..غبيه ماتفهم بالقلب لا حب او لان)
ضحكت فتون وحست بخوف انها تكمل ماتدري ليه لكن قفلت الجوال

وحطته جنب محمد ودخلت تنام.
:::::::::::::::::::::


جده
بيت تهاني

تهاني:صباح الخير
انين: صباح النور
تهاني:خير ايش قاعده تسوي
انين:شفت فيني نشاط قلت حرفع شويه
تهاني:اقول لك اجلسي بس , انا ماصدقت انك صايره احسن
انين: الحمد لله
تهاني:الا ماقلتي لي انونه ..اللي قلتي عليه داك مادق عليك تاني
انين:لأ شكلوا ولأول مره خميس يكون صىادق
تهاني:قصدك انوا لعاب
انين:ايوه ,أختك ساذجه ولا تعرف شي في الحياه
تهاني:ياقلبي اللي صار مو علمك حاجات كتيره
انين:اكيد
تهاني:خلاص هوا دا المهم مايهم شي تاني,اهم شي لازم قبل ماتعملي شي

تأكدي انو صح
انين:انتي عارفه,احس انو لا أنا ولا خلود عندنا حظ في الدنيا
- لا عندنا سند ولا ذقنا للسعاده طعم من بعد موت ماما ,الحياة بتلطش فينا

يمين وشمال
تهاني:لا تقولي كدا ياهبله حياة الانسان مراحل وان شاء الله يجي اليوم اللي

تذكري هالمرحله وتقولي انها مرحله صعبه بس عدت,ان شاء الله بكره
احسن
انين:ان شاء الله
تهاني:اليوم وبمناسبة انك احسن حعمل لك كيكه بالشوكلا تاكلي اصابعك

وراها
انين:الله يخليك ليه يارب
تهاني:ماقلتي لي كلمتي خلود
انين:هي دقت قبل شويه اتقول انها صاحيه من الساعه 8 زي الجنيه لحالها

هههه
تهاني:والله العيشه مع زوجها كأنها العيشه بالعسكريه بلا في شكلوا
انين:هو الطيب مالوا نصيب بالدنيا
تهاني:وبعدين على التشائم اللي انتي فيه ,اقولك انا ماحعمل الكيكه بالشوكلا

حعملها بالتفائل والكراميل
انين:هههههه, احسن برضوا.
::::::::::::::::


بيت اهل فاتن
"قام بدر من النوم واخذ جواله كان عنده امل ان داليا ترد عليه ولقى

رسالتين الاولى من زميله اما الثانيه منها فتح عيونه يبي يتأكد انها منها
وفتحها وهو مو مصدق كان مكتوب فيها...
(اسفه لكن ماقدرت انام قبل مانهي الموضوع ,انت رجل ناجح ومن عائله

محترمه واي بنت بتكون سعيده بارتباطها فيك لكن انا مانفع لك ولا انت
تنفع لي ,,
ليت ماعاد ترسل لي مره ثانيه اذ تغلي فتون اعتبر الموضوع منتهي ولا

عاد تفتحه مره ثانيه )
حس بضيقه تتملكه وقرى الرساله مره ثانيه وبعدها رمى الجوال على
الجدار ومع انه تسكر لكنه اخذه مره ثانيه ورماه,اخذ له دش وطلع من
البيت يدور بالسياره مقهور متضايق وده يصرخ من الضيقه"
::::::::::::::::


ماليزيا
والجو الجنان

فاتن:تراني جعت
محمد:وش تحبين ناكل ترى الثلاجه مليانه
فاتن:لا نبي سمك
محمد:اوكي خلنا نصيد عز الطلب
فاتن: اجل دامك تعرف تصيد,بليزعلمني
محمد:ماطلبتي ثواني بس
فاتن:يله تراني متحمسه يعني ممكن بحماسي اصيد حوت ,,قرش,, بسرعه

قبل لا ينطفي الحماس
محمد:ههه طيب يله جبنا السناره
فاتن:هات هات اعلمك كيف يصيدون ترى عندي ماجستير ,الا كيف

يحطون الطعم
محمد:ههه اجل ماجستير
فاتن:اي بس نسيت لأني مامارست من زمان
"وقعد محمد يعلم فاتن كيف ترميها وتوازن وضحكوا كثير من المحاولات

الفاشله لفاتن اللين مامن الله عليهم هع بسمك وقعدوا يشون"
فاتن:الا قول لي محمد وش هواياتك
محمد:ليه حابه تتعرفين يالأخت
فاتن:هههه حلوه
محمد: انا ماعندي كثير يعني تقريبا كوره واعشق الصيد
فاتن:بس
محمد:ايه بس
فاتن:طيب ادبيا يعني مالك في القراءه او الكتابه يعني أي شي
محمد:ها..امم لا انا ماحب هالأشياء,لكن اكيد اقرا
فاتن:اها,,
محمد:وشفيك كذا كأنك مو مصدقتني؟
فاتن:امم ايه مني مصدقتك
محمد:وليه يعني
فاتن:لأني امس قريت بجوالك مقتطفات فلا تكذب
محمد:ومن اذن لك تمسكين جوالي
فاتن:انت عطيتني اياه
محمد:ايه عشان تصورين مو تدورين
فاتن:هه شفت
محمد:وشي
فاتن:قافياتك دائم موزونه
محمد:انا وين وانتي وين,الله يصبر قلبك يامحمد"وراح من عندها فقالت

فاتن بعد ماراح(الحمد لله والشكر دائم يقولها لي بس والله هو المجنون ,
يامحمد محمد ..يامحمد, ويوم لقته قالت)"
سلامات انا لو دفيتك دفه خفيفه طحت بالبحر وشفيك قاعد هنا
محمد:مزاج
فاتن:لاتزعل يابو الشباب اسفين بس والله انا متعوده دائم احوس جوال

بدوري وه فديت عيونه
محمد: بس ترى انا ماحب احد يتعبث بأغراضي
فاتن:اها خلاص ماراح اعيدها لاتصير نكدي عاد,ويله قوم ساعدني
محمد:بإيش ان شاء الله
فاتن:نرتب الطاوله ونحظر اكلنا
محمد:وش رائيك بعد اسوي لك الشاي واقدمه لك انتي بس ارتاحي هنا

اقعدي
فاتن :والله.. الله يجزاك خير ,بس بالله حط فيه نعناع
محمد:الحمد لله والشكر
فاتن:هي انت وبعدين معك كل شوي تتحمد الله وش شايفني مجنونه
محمد:صراحه إي
فاتن:تبي تشوف جنون صح
محمد:ههه انا شايفه اصلا مو محتاج اشوف زياده
"دخلت فاتن وجابت دفتر تمويه بس عشان تقدر توصل لمحمد ويوم قربت

عنده قالت له اقرا وهو مسكين صدق ويوم لهى بالدفتر دفته فاتن بالبحر
وقعدت تضحك اللين دمعت من الضحك, وشوي تركز مكان مادفت محمد
وتقرب تبي تشوفه, لأنها ماسمعت له صوت ونادت عليه بس مايرد عليها
وقعدت تنادي عليه والخوف دب بقلبها وراحت تدور عوامه اللين لقتها
وراحت لنفس المكان رمتها وتنادي وهي تصيح لكن مافي فايده محمد
اختفى اثره

::::::::::::::
جده
بيت تهاني

تهاني: اهلا تفضل
خميس:وايش بِك كدا تقوليها من غير نفس
انين:من جا؟
تهاني:جا خميس تعالي
خميس:ها انسه انين اشوفك زي الحصان صايره احسن
انين:الحمد لله
تهاني:ثواني اجيب القهوه واجي
خميس:لا لامابغى قهوه ولا يحزنون,انا جاي بس اقول لأنين انو جاها

عريس
انين:عريس!!
تهاني بفرحه:ماشا ء الله ومن هوا
خميس:واحد اخلاق ولد ناس واعرفوا يعني رجال والنعم فيه
تهاني:اها طيب ولد مين وايش مؤهلاتو ,كلمنا عنوا شويه
خميس:احمد اخو سميره اخلاقوا حلوه وراتبوا ممتاز وحيعيشها بيت

لحالها وبس تبغوا كمان تعرفوا شي؟
انين وتحاول تتذكر:هو مو متزوج ؟؟
تهاني:الا هوا احمد متزوج حرمتين وعندوا 5 عيال, انت كيف وافقت
خميس:وافقت لأن اختك المصون سُمعتها زي الزفت وماحد حيدق الباب

يطلبها غيروا
تهاني:خميس اختي انسانه محترمه وغلطت غلطه صغيره وربي ستر عليها

لا تكبر الموضوع وتقولي سيرتها ماسمعتها,الزواجه دي ماحتصير,اصلا
الرجال مايناسب اختي ابدا
خميس:ليه انا قاعد اخذ رائيك اصلا,انا جاي بس اديكم خبر
انين:بس انا ما ابغى اتزوج
تهاني:خميس البنت عمرها 16 سنه كيف تبغى تعطيها لواحد عمره 43

ومتزوج كمان!!
خميس:الرجال مايعيبوا شي,جهزي اغراضك وقومي معايا عشان بكره

حيجي يشوفك
انين:خميس الله يخليك لا تضلمني
خميس:انا اضلمك؟؟انتي اللي ضلمتي نفسك وانا اللي حستر عليك قومي

خلصي
تهاني:لا حتروح معاك ولا شي البنت ماتبغى يعني حتغصبها؟؟
خميس:شوفي اذا مانتي ناويه تقومي بالطيب حقوم اعلمك شغلك انتي

واختك
انين وتذكرت جسمها اللي يوجعها:لا لا حقوم
تهاني:انا ماني عارفه انت ماعندك قلب,ماتخاف من ربي
خميس: انا للحين ساكت وصابر لأني بيتك ولا ابغى اهينك فخليني

محترمك وخُشي ساعدي اختك خلصينا عندي شغل
تهاني:حسبي الله ونعم الوكيل,كفايه رميت خلود رميه سودا لواحد مو

مقدرها ولا معيشها زي الخلق ,ترى اخواتك يتامى خاف ربي ياخميس
خميس:اقولك بطلي شغل الافلام ,وقولي لأختك انا مستنيها بالسياره

"انين كانت تبكي وكارهه الروحه معه لكن ماتبي تنضرب منه مثل المره
الأولى اخذت لها كم غيار وراحت لخميس قلبها مكسور "
:::::::::::::


خلود وجارح
"كملت خلود سماعها لنصايح جارتها وحاولت هالمره تهيئ البيت بشكل
دافي وتحن قلب جارح..
قامت رصت الشموع بطريقه انيقه وبخرت البيت بالعود اللي يفظله جارح

وشغلت اناره خفيفه مع الشموع وحضرت طاوله فيها كل اللي يحبه جارح
وبعدها خذت لها دش سريع ..
ولبست فستان نعوم لونه احمر وماتكلفت بمكياجها ,ناظرت بنفسها بالمرايا

وابتسمت إبتسامة رضا..
انتظرت
وانتظرت...
وانتظرت... لين سمعت باب الشقه ينفتح وشغلت موسيقى خفيفه وانتظرت

دخوله بالصاله ,لكن سمعته يقول : طريق يابنت طريق
_ ودخل جارح وانصدم بالشموع اللي من عند الباب وانحرج من الوضع

قدام زميله ,فضيفه للمقلط وراح لخلود
جارح وهو معصب :وش فيك يامره انهبلتي؟
خلود وتبلع ريقها:طيب انت ماقلت لي انك حتجيب احد
جارح ويتكلم وهو ضاغط على ضروسه:ليه يعني مفروض اني اسئذنك,الله

يفشلك ياشيخه فشلتيني,اخلصي سوي القهوه والشاي بسرعه
خلود:طيب طيب
جارح:وحسابي معك توه مانتهى بس خلي الرجال يروح

خلود:استغفر الله ياربي انا مادري هوا حضي النحس وله دا الرجال هوا
اللي منحوس اف
::::::::


بيت اهل فاتن
الأم:غريبه من بيموت بدر قاعد يتقهوى معنا
بدر:لا تعليق
الأب:شكله عقل وفكر يتزوج ويريح قلوبنا ,وبينتهي من هالدجه اللي مالها

داعي
الأم:ياليت ,مع ان وجهه ذا المقلوب مايقوله
بدر:لا صادق ابوي
الأم:وشو ادور لك عروس جد!!
بدر:ايه دوري لي عروس وليه لأ
الأب:ماشاء الله ,الله يديم العقل
الأم:هههه والله لأدور لك من افضل البنات الأحسن والأحلى والأطول

والأبيض
الاب: ههه يامره صايره مصطفى الأغا على غفله
الام وهي طايره من الفرح: ايه اصير الاغا لو ولدي بيفرح قلبي
بدر ويتظاهر بالابتسامه:يله انا بدخل انام
الأب:تونا وين الناس توه ماذن العشاء
بدر: تعبان شوي ابي انام
الام:راحتك


"قام بدر وهو يحس بثقل كبير على قلبه يبي ينساها ويشيل حبها من قلبه
قعد يفكر بصوت داخلي...
""وش اللي خلاني احبها ,ليه يعني خفيفة دم حلوه ياكثرهم البنات وفيهم

اكثر من كذا,ليه تعلقت فيها ودوم تشغل تفكيري ,ليه أغليها وليه أتمناها
تكون لي وهي مافكرت فيني ""
:::::::::::::


بيت جارح
"انحرج الرجال وفهم انه جا بوقت غير مناسب
فقال وهو مسوي انه تذكر:تصدق ياجارح ناسي حرمتي بالمشغل
جارح:يارجال خلها لين تتقهوى
صدي:لا والله ماقدر من الصبح رايحه ,خلاص امر عليك بكره ان شاء

الله
جارح:يارجال اشرب القهوه ورح
صديقه:صدقني ماقدر تزعل علينا الوزاره هههه
جارح:خلاص مثل ماتحب انتظرك بكره
صديقه:يصير خير ,يله فمان الله
جارح:مع السلامه

"ودخل وهو مطرطع من خلود"
خلود:اهيه القهوه جاهزه
جارح:القهوه ها ... الرجال راح من الفشله والهبال الزايد اللي مسويته
خلود:من جد اسفه ماكنت اعرف
جارح:اصلا انتي وش تعرفين بالحياه ,مافيه شي تسوينه صح
خلود:لا تعليق
جارح:وبعدين وش هالسماجه اللي مسويتها بزر انتي ؟؟بزر
خلود:لا تعليق
جارح:هذا هو لا جا الجد تنخرسين,حسبي الله عليك بس مفشلتني قدام

الخلق, والقعده معك تجيب الهم "وعطاها ظهره بيطلع"
لحقته خلود ومسكت ظهره: حبيبي وربي ماقصد لاتزعل
جارح التفت لها و قرب منها وناظر بعيونها فتره ثم قال: لا تتظاهرين

بالمسكنه ,ترى مو علي هالحركات فاهمه
نزلت خلود راسها:...
جارح بصوت اعلى :فاهمه
خلود وماقدرت ترفع نظرها: وربي ماتظاهر بشي ,جارح انا مابغى شي

من الدنيا ,الا اني اعيش معاك مرتاحه
جارح: انتي وشلون تبين ترتاحين وانتي مو مريحتني ها؟؟
خلود وهي ترفع راسها وتناظر عيونه: طيب قولي كيف ممكن ترتاح ,ايش

تبغى وانا اسوي لك ,انا مستعده اطيع كل اوامرك بس قولي؟؟
بلع جارح ريقه وخلاها وطلع من البيت من غير لايلتفت لها
::::::::::


"فاتن مثل المجنونه تصيح وتدور وخايفه تنزل البحر وتغرق لأنها ماتعرف
تسبح زين ولا هي عارفه تدق على احد او حتى كيف تتصرف ومحمد للان
ماظهر ولا بان ... ترددت ولكن الوقت يجري ومحمد ماظهر فراحت
وجابت عوامه ثانيه لبستها وقررت تنزل وتحاول تلاقيه..
كل ما نزلت درجه من السلم قلبها يدق اكثر ,, وكل ماخافت جمعت قوتها

وتذكرت ابتسامة اصاله اللي بعرسهم ونزلت لين طبت بالبحر ,حاولت تعدل
من تنفسها السريع وتبلع ريقها اللي نشف من الخوف ونادت عليه
جمعت قوتها اكثر ونادت اعلى واعلى واعلى ..
مرت نص ساعه .. ومافقدت الامل..
مرت ساعه وحست بالخوف يزيد ويزيد بقلبها..
ومرت الساعه الثانيه وحست فاتن ان كل شي فيها جمد ,,,
الجو بارد واليل بدا يطغى والخوف ماقدرت تتحمله ...
حاولت قد ماتقدر انها تحرك رجلها وايدينها لين وصلت للسلام وطلعت

وتحس انها كلها ترتعش ,,,
ماصدقت وصلت لأخر سلم قعدت ولاطاوعتها رجلها توقف.. شوي وتسمع

لصوت تعرفه,,حاولت تركز اكثر واكثر سمعت صوت جوالها حاولت تقوم
وتجيبه لين وصلت له ولقت ان اصاله هي اللي تدق قعدت تفكر فاتن وش
راح تقول لها,,هل معقول تقو لها انا دفيت ولدك ,,او انا قتلت ولدك ؟؟؟
حاولت فاتن تتماسك وترد ممكن انها تفيدها ..

اصاله:السلام عليكم
فاتن:هلا
اصاله:سلامات وش فيه صوتك؟؟
فاتن وتحاول تجمع صوتها اللي راح من النداء: تعبانه
اصاله:اكيد نزلتي البحر وانصفقتي
فاتن وبخوف:ايه ايه
اصاله:يله زين ان محمد مايعرف يسبح عشان مايمرض هو الثاني ومايقدر

احد فيكم يداوي الثاني
فاتن وتحس قلبها بيوقف والدموع تنزل لاراديا :ايش
ما... ما ...مايعرف يسبح؟؟
اصاله:على قد مايحب منظر البحر على قد مايكره السباحه وماتعلمها
"هنا فاتن انفجرت بكى وطاح من يدها الجوال وهي منهاره لأنها تأكدت انها

قتلت محمد
اصاله:الو الو فتون الو

::::::::::::::

محمد هل مات؟؟
انين وش راح يصير معها وممكن انها تستسلم؟؟
جارح قولكم بيجيبها لبر؟؟


البارت الثامن

ماليزيا
فاتن بعد ماكلمتها اصاله بنص ساعه حاولت تهدا من الهستيريا اللي هي
فيها..
وقررت تدق على اصاله تسئلها وش تسوي؟ وكيف تتصرف؟
لأن عقلها جامد ومو مساعدها تفكر..

دقت ودقت ماردت عليها يوم شافت الساعه لقتها سته الصباح
يعني 11 الليل واكيد ان اصاله نامت وحطته صامت ,مالقت غير انها تنزل

لغرفة التحكم تشوف طريقه تتصل فيها على الطوارئ,مشت تسحب برجلها
تحس انها ترتجف ومو قادره تمشي,حاولت تقوي نفسها شوي لأنها لو ما
ساعدت نفسها ماحد بيساعدها ومع ان فاتن قويه لكن الموقف وهوله عليها
صيطر على جسمها وطاحت مغمى عليها...
:::::::::::::::::::


الساعه ثنتين
بيت اهل فاتن

بدر:السلام عليكم,ها جاهز الغدا تراني ماكلت من امس
الأم:اللحين تحط لك كانتي
بدر: وش فيك يمه تعبانه
الام: إي والله شكله الظغط مرتفع
بدر:طيب يله قومي بسرعه بوديك المستشفى
الام: لا توني ماخذه حبوبي ان شاء الله بصير احسن
بدر: يمه مو بكيفك ياكانتي جيبي عباة ماما

"وفعلا اخذ امه ودخل المستشفى واللي بالإستقبال وقطعت لبدر هي سمر
وبعد ماراح من عند الاستقبال"
سمر: مو هذا اخو فاتن
داليا: الا,ام فتونه شكلها تعبانه
سمر: الله يستر, بس غريبه
داليا: وش الغريب؟؟
سمر: اكيد عرفك وانتي حضرتك حتى اللثمه شايلتها
داليا: ياختي ماحد له دخل فيني
سمر وتبي تستفزها : اشوه لهى مع امه وله كان انهبل عليك
داليا: سلامات لا يقرب لي ولا له دخل فيني,يله بس نروح نتطمن على ام

فتون
سمر: ماينفع نروح حنا الثنتين انتي روحي ولا رجعتي رحت انا
داليا: اوكي
"وفعلا راحت داليا واول مادخلت شافت ان ام فاتن دايخه فسئلت بدر
سلامتها الوالده وش فيها؟"
"مارد بدر ,وهي تحسب انه ماسمعها فعادت السؤال.. وش فيها الوالده؟؟
بدر ومن غير مايناظر لها : الظغط ,ها دكتور كيفها
الدكتور: .....ماتخافش
بدر: خلاص يمه اخليك شوي برد على هالمكالمه واجيك

"وطلع بدر وداليا واقفه بمكانها ,فسلمت على راس ام فاتن وقالت ماتشوفين
شر وراحت مكتبها"
سمر: وش فيك كأن احد معطيك كف,لا يكون ام فتون جرى لها شي
داليا:لا الحمد لله الظغط بدى يرجع واللحين احسن
سمر: طيب وشفيك؟؟
داليا وتحط يدها بخصرها : تخيلي بدر يوم اكلمه ماناظر حتى وجهي رد

علي وهو لاهي بجواله
وطلع سفهني وتوني ماخلصت كلامي
سمر: ههههه احسن
داليا: بايخه
سمر: جد والله زين سوى فيك ,مصختيها معه
داليا: من جد احس اني مقهوره منه
سمر وتبي تستفزها : ههههه,طيب اذا لهذه الدرجه مقهوره روحي اسئليه

ليه سافهك
داليا: يخسى الا هو,من زينه بعد شايف نفسه ثقيل الدم وع
سمر: هههه طيب دامه وع على قولتك ليه مقهوره ومعصبه
داليا: انا مو معصبه و لا شي
سمر: ايه مره واضح
داليا: انتي بتسكتين وله اشلون
سمر:هههههههههههههههه اشلون
داليا: بايخه
::::::::::::::::::::::


اما هنا..
حاول يتحرك ..مو قادر
يبي يتنفس..مو قادر ..
يبي يستنجد ..مو قادر
يبي يقوم .. يصرخ .. يتألم ..بيموت..مخنوق ..مو قادر

حاول وحاول وحاول اللين فتح عيونه واخذ نفس عميق
وهو يحس بأنه ماكان بينه وبين الموت الا ثواني..
عرفتوه؟؟





لا لا مو هو
هذا جارح ,, قام من النوم من بعد كابوس سيطر على جسمه كله ,كان

مرتاح من هالكوابيس له فتره ,,ولكن رجعت له من اول ماتزوج خلود..
يحس بإن الكون كله يضيق عليه ولايقدر يقوم من النوم ويحلم بأحلام

مزعجه جدا,,ومايقدر يقوم الا بعد مايعاني نفسيا منها..
قام وهو متظايق من رجوع هالحاله له ,,وطلع من البيت.
::::::::::::::::


جده
بيت خميس

سميره:انتي هي اش بك تستهبلي,ليه ماجهزتي نفسك
انين:اف
سميره:جهزي نفسك اخويا حيجي بعد المغرب يبغى لك سنه تجهزي
"وراحت توقف قدامها ومسكت وجه انين وقالت "
بيني وبينك عيوبك لو تجلسي سنه تغطيها بالميك اب والملابس ماتغطى

يالخربانه
انين وتوخر يدها بقوه :ابغى افهم انا إيش سويت لك ؟؟؟؟ شايله ليه كل

هالكره ليه ؟؟ ليه تتعاملي معايا بخبث؟؟
سميره وهي تبتسم :لأنك عله على قلبي وابغى انفك منك
انين بقهر :ذكيه ذكيه ياسميره ,عرفتي تطيحيني بالفخ وتحطيني بموقف

ماقدر ارفض فيه,وتزوجيني اخوك كمان ,وتظمني اني اعيش بتعاسه اللي
باقي من عمري, لأ ...ذكيه ياسميره
سميره:هههه,احمدي ربك اني حزوجك اخويا انا لو اضمن ان نصيبك يطلع

رجال ملعون ويوريك ايام سودا ماكان زوجتك اخويا وانتظرت
نصيبك,ههههههههههههههههه
لكن اخاف مايجي من الاساس احد يطل بوجهك ويخطبك
انين:حسبي الله عليك ياسميره ,الله ياخذ حقي وحق خلود منك
سميره:ههههههه,انا طالعه احضر الحلى جهزي نفسك ياعروسه ههههه

"اول ماطلعت سميره قفلت انين عليها الباب وراحت فتحت الدرج وطلعت
السكين اللي حطتها بالليل عشان تنتحر وكانت تفكر تطعن نفسها او تسوي
مثل المسلسلات وتقطع بس شرايينها قربت السكين عند قلبها وغمضت
عينها وتذكرت كل ايامها التعيسه اللي عاشتها بيت سميره ...
مع ذلك ماقدرت ولاهانت عليها نفسها وطلعت اجبن من انها تغرس السكين

واكتفت بالحبوب اللي خذتها قبل دخول سميره عليها واللي بان تأثيرها وبدا
:::::::::::::::::


بالسياره
بدر يغني""هذا حالك ياعنيد ..دائم بهجرك تزيد ..وانا داري ياحبيبي راح
ترجع من جديد..وهذا حالك ياعنيد""

الام:ماشاء الله وش هالروقان جعله دوم

بدر:اه يمه احس اني مستانس مادري ليه
الام:هههه لأنك فكرت بالزواج , اجل وشلون نفسيتك لاتزوجت
بدر:ها !!
الام:ايه وش ها,ان شاء الله بكره وله بعده نشوف لك وحده مافي مثلها لا

بالاخلاق ولا بالجمال
بدر: احم يصير خير
الام:ان شاء الله
بدر:اقول يمه فتون للحين بالبحر ؟؟مو راضيه الشبكه تمسك معي من

امس ابي اكلمها
الام: حتى انا كل مادقيت مامسك معي الخط ,واخرها اليوم الظهر "
بدر: ان شاء الله يرجعون اليوم من البحر
الام: ان شاء الله ,, بس ياحليلهم
بدر: من هم؟
الام: صديقات فاتن يشتغلن بالمستشفى
"بدر يستهبل كأنه مايدري يقول بلا مبالاة : لا
الام:ايه ماشاء الله عليهن
بدر بتعالي : لاتكون ذيك الكاشفه اللي ماتستحي على وجهها اللي دخلت

عندك
الام: وانت وش عليك بنات خلق الله ,ماعليك الا من زوجتك ان شاء الله
بدر: اه
الام: سلامة قلبك من الاه
"وكمل بدر بصوته اللي مثل صوت فاتن سيئ جدا... وهذا

حالك ياعنيد دائم بهجرك تزيد"

:::::::::::::::::

ماليزيا
"حاولت تفتح فاتن عيونها وهي تحس بثقل براسها وتحس بجسمها كله
يألمها , حست انها ماكتفت نوم وغمضت تبي تكمل إلا تذكرت محمد فتحت
عينها بسرعه ولقت محمد ماسك يدها وقاعد جنب راسها على
السرير,حاولت تحرك راسها يمين وشمال وتفتح وتقفل مو مصدقه قامت
صرخت "
محمد مامت صح ما ا مت
محمد اللي كان بغفوه فتح وقال :فتون اهدي اهدي انا هنا معك
فاتن قامت نطت من السرير وهي تتكلم بشكل متقطع :محمد ...انت ..

وشلون تعرف ا...محمد سباحه تعرف انت تعرف تسبح؟؟
" طول محمد يتأمل ردة فعلها المسكينه كانت تترنح دايخه وبنفس الوقت مو
مصدقه انه قدامها , كانت بحاله هستيريه ومو مصدقه.. ضمها محمد وقعد
يقرا عليها ونامت وهي ضامته ومو حاسه بشي غير التعب"
::::::::::::::::


بيت جارح
"حاولت خلود تدق على فاتن لكن مهي مساعدتها الشبكه , كانت طفشانه
ولا تدري وش تسوي حتى انين ماترد عليها واصلا انين ماصارت تقلها أي
شي يضيق صدرها فما اصرت تطمن عليها ومن الطفش دخلت غرفتها
وقعدت تلعب بالمكياج على وجهها ماخلت لون الا وحطته وبشفتها لحالها
حطت ثلاث الوان مثل المهرج وقامت تضحك على نفسها وعجبها الحال
فتحت شعرها ونكشت فيه اللين بكى شعرها وصار شكلها مثل الجنيه
راحت للمسجل وشغلت
(اه اه ياخليله .. اه اه ياخليله.. ياناسيه الميعاد ,,ميعاد هاك الليله,واللي جفاه

الحب اه ياحليله,,يسير ويتعذب ويطول عندوا ليليه ..اه ياخليله)
وقامت تنط وتنجن وتهبل من زود مللها وكل ماشافت نفسها بالمرايا تفطس
ضحك وتسوي حركات بوجهها ,ويوم تسمع لكلمات الاغنيه تدمع وترجع
تضحك على حالتها ...
الا ان دخل عليها جارح واول ماشافها قال"
بسم الله الرحمن الرحيم,وش ذا؟؟
"طاح وجهها وحست بالاحراج وجري على الحمام وتقفله عليها وهي تسمع

تهزيئ جارح واستهزاءه بهبلها".
:::::::::::::::::


بيت خميس
"دقت سميره الباب على انين اللين ماعجزت وجا خميس كسر الباب ولقوا

انين طايحه بالأرض ويوم حاولوا يفوقوها وماقدروا شالوها بسرعه على
المستشفى وبعد ماكشفوا عليها كتبوا لها غسيل معده ولحقوها على اخر
لحظه..
:::::::::::::

دقت فوزيه على داليا

فوزيه:وينك ليه ماتردين
داليا بكسل :رجعت من الدوام ونمت
فوزيه:اقول.. اذن العشاء قومي صلي
داليا:يله بقوم
فوزيه:ماقلتي لي
داليا:بصلي ثم ادق عليك فوز بلا قرقره
فوزيه:لا لا لازم تقولين لي اول
داليا:ها وش تبين؟؟
فوزيه:متى بنلتقي
داليا:يوم افوق ادق عليك ونتفاهم
فوزيه:لا قولي لي اللحين عشان بظبط جدولي
داليا:فيوز لا تطفشيني
فوزيه: افا تكلميني كذا اكيد فيك شي
داليا:اصيح يعني اصيح
فوزيه:ههه طيب قولي لي وش مضيق صدرك وانا اقفل
داليا:ومن قال لك اني ضايقه؟؟
فوزيه:الا انتي حتى وانتي متضايقه اخلاق, لكن اليوم في شي مو طبيعي
داليا:يمه منك انتي فضيعه
فوزيه:طيب يله تعرفيني ملقوفه مابيجيني نوم اليوم لين تقولين لي وش

فيك؟؟
داليا:اف فوز انا بقفل يله سلام
فوزيه:لحظه لحظه
داليا:نعم؟
فوزيه:لا فقتي كلميني وله انا بدق ترى
داليا:طيب يله باي
::::::::::::::::


ماليزيا
"قامت فاتن من النوم لقت نفسها بحضن محمد وهو بسابع نومه ,قامت
تناظر فيه تقريبا خمس دقائق وقربت وجهها لوجهه وبعدها ....
عطته كف سفري...
قام محمد كأنه مصروع
وقف على رجله ويوم استوعب الكف تذكر وش سوى وقعد يضحك ...
ويضحك ...
ويضحك,وللان فاتن بمكانها على السرير تناظر محمد بحقد وقالت وهي

بقمة جديتها :ليه سويت كذا؟؟
محمد:هههههههه اجل ترميني بالبحر!!! هذه مزحه؟؟
فاتن:انا وش درى امي انك ماتعرف تسب؟؟؟وش ذا وشلون طلعت اذا

ماكنت تعرف تسبح؟؟
محمد:هههه ليه في احد مايعرف يسبح؟؟
فاتن:ايه انت اصوله قالت لي
محمد:ههههههههههههههههههههه,امي فهمتها الموضوع بشكل ثاني

واتفقت معها تدق عليك وتقولك ماعرف اسبح , وكنت قاعد اتفرج عليك
من اول هههههههههههههههههههههه
فاتن: ...
محمد: وله صدفه مثلا ان امي تدق وتقول لك اني ماعرف اسبح؟؟؟
فاتن: اصوله تعرف ؟؟
محمد:هي ماتدري اني بخليك تنجنين وان المقلب بهالشكل وله ماكنت

رضت تمزح معك
فاتن:قسم بالله انك سخيف ابي ارجع واللحين
محمد:ههههههه
فاتن:محمد لاتضحك تراني طفشانه منك ابي ارجع
محمد:هههههه
"تناظره فاتن بحقد "
محمد:طيب خلاص اعتذر على المقلب الثقيل
فاتن:مابي اعتذارك ولا ابي اقعد معك اصلا ابي ارجع الرياض
محمد:خلاص انا اكدت الحجز بعد يومين
فاتن:لأ ابي ارجع اللحين
محمد:تعوذي من ابليس فتونه والله ماقصدت اجننك
فاتن وبعد ماناظرت له فتره :انت تدري وش حسيت يوم طحت؟؟
"لانت ملامح محمد من يوم شاف وجهها وهي تسأله ,وقعد على حافة

السرير مسك يدها ,قامت فاتن سحبت يدها وهي مقهوره وقالت بصوت
عالي :انا انهرت احسب اني قتلتك ...
كنت افكر اني برجع الرياض عشان يقصوني,شفت ان حياتي انتهت,مثل

مانهيت حياتك
محمد:والله ماكنت ادري ان كل هذا بيصير وماتوقعت اني بزيد حجم

المقلب حتى,ماعليه متعود على مقالب الشباب ,اول مره اسوي بنت مقلب
وطلع بالعيار الثقيل عليك
"سكت فاتن شوي وهي تناظر فيه ثم قامت تضرب بمحمد بكل قوتها ,,

وحاول محمد انه مايمسكها وانه بس يتجنب اللي ممكن تفقع له عينه من
اللكمات .. ورحمها من اللي سواه فيها.
::::::::::::::::::::


داليا تدق على سمر
داليا:اه سمور مقهوره مقهوره
سمر:ليه حبيبة قلبي وش فيك؟؟
داليا:كل ماتذكر وشلون سفهني النار تشتعل فيني ودي اهزءه ودي ادق

عليه اسبه
سمر:هههههههههههههههه
داليا:انتي الثانيه وش يضحك,اه ليتك عندي يافتون
سمر:وش راح تسوي لك بعد ماذليتي اخوها!!!
داليا:على الاقل تقول له يحترم الصبايا.. وا...مايسفهم
سمر:ههههههههههههه انت مانتي صاحيه اقول نامي ترى بكره عندنا

دوام
داليا:مابي,راح ادق عليه اللحين.
سمر:وتدقين عليه ليه؟
داليا:عشان اعلمه وشلون
سمر:ههههه احسك مو طبيعيه.. حبي دالي نامي والصباح رباح
داليا:يعني غلط ادق عليه مثلا ؟
سمر:أي طبعا وش راح تقولين له؟؟والله الظاهر انك حبيتيه
داليا:وشي لا ياروحي الموضوع واللي فيه اني ماحب احد يعاملني بتعالي
سمر:دالي الرجال ماسوى شي يستاهل كل هذا,عيدي حساباتك وراح تلقين

اني صح
داليا وتحك خشمها:انا ماقلت لك وش سويت؟
سمر: الله يستر وش مسويه؟
داليا:ارسلت له قبل كذا يوم رسل لي
سمر:عسى يوم طلب يخطبك؟
داليا:ايه وقلت له لأ بس بلباقه
سمر وتفتح عينها :وطيب وش تنظرين منه؟؟؟ اكيد بيعاملك كذا
داليا:ليه انا رفضته بلباقه مفروض هو بعد يتقبل بطريقه سمحه
سمر:ههههه دالي انتي رفضتيه كم مره وجرحتيه كثير ,لا تنتظرين منه أي

شي خلاص شيليه من راسك
داليا:ياسلام ليه من متى هو براسي اصلا مابقى الا هو وع عليه
سمر:ههه خلاص اجل اركدي ونامي
داليا:ايه بنام اصلا انا كنت محتاجه بس افضفض شوي,ولا ماراح انام راح

اتفرج فلم
سمر:ههه ايه خلاص اجل تفرجي فلم
داليا:باي
سمر:هلا وغلا
:::::::::::::::::::


ثاني يوم
المستشفى

"اول مافتحت انين عينها حست بثقل بجسمها وشافت الدكتور احمد اللي
بيتابع حالتها داخل عليها وهو مبتسم يقول:ها اخت انين كيف الحال؟
انين وهي تمسك راسها :اه...يا الله ليه مامت
الدكتور:استغفر الله ,اختي انتي مؤمنه وحرام اللي تتمنيه,الح حتى لو

كانت صعبه بيجي يوم وتُفرج,لاتخلي ظغط ايام تخسرك اخرتك
انين:يادكتور انت ما انت فاهم,,انا مابغى اعيش مابغى
الدكتور:لا حول ولاقوة الا بالله ,راح تعيشي ان شاء الله وراح تساعدينا

عشان تتحسني
انين:وين اختي؟؟ماجت
الدكتور:والله مادري بس عموما عندك التلفون ممكن تِدُقي عليهم .(الدكتور

وهو يكتب بالملف ورايح ) يله ماتشوفي شر ان شاء الله
انين:....
"دقت انين على تهاني وطبعا ماكانت تدري بشي عنها فقامت وراحت لها

لأن سميره وزوجها خلوها وراحوا يوم دروا انها بتنوم ...
اما الدكتوراحمد قر يستشير الدكاتره الباقين واختها عن حالة انين
النفسيه..
واكتشفوا ان بردة فعلها يوم فاقت انها راح تكرر الإنتحار مره ثانيه..
وقروا ان انين لازم تاخذ جلسات نفسيه ..
ولازم يجيبون لها الدكتوره لين عندها من غير ماتعرف انين انها دكتوره

نفسيه لا ن تهاني قالت لهم مستحيل ترضى تروح لعياده نفسيه لو طلعت "
:::::::::::::::::::::::
ماليزيا
محمد:ترى جهزت الغدا ممكن تجين تاكلين معي؟
فاتن لفت على الجهه الثانيه وتلعب بجوالها:...
محمد:ترى ماحب اكل لحالي
فاتن ومن غير نفس :ماني جيعانه"وهي بطنها تصيح"
محمد:يله عاد فتون قومي
فاتن:قلت لك مابي
محمد:طيب لاتاكلين بس اقعدي معي على الطاوله
فاتن بعربجه: انت ماتستوعب مابي
محمد: هههههه طيب انا اسف
فاتن:....
محمد: والله اسف
فاتن: وش يفيد اسفك ها,اخترعت وخفت وكنت بموت من الرعب
محمد يحاول يمسك ضحكته: طيب انا شفتك قويه ,قلت بطولها معك,لو

داري ان كل هذا بيصير كان قطعت المقلب من بدري
فاتن: اللحين انت وش تبي؟
محمد: ابيك تشرفين الطاوله ترى والله ماقدر اقعد اكل لحالي "وناظرها

نظرة ترجي..
فقامت فاتن تفكر تروح معه وله لا.. وبالنهايه قررت تقوم معه مو له لنفسها

اللي ودها تاكل"

محمد:يله بسم الله ,كلي تراني طباخ علمتني الغربه الطبخ والغسيل
والكوي خخخخ
فاتن:...
محمد:بالله ذوقي هالقطعه وقولي لي رائيك
فاتن:قلت لك مابي
محمد:يله عاد ابي رائيك تراني باذل مجهود

"قامت فاتن ومن غير نفس تذوق قدامه وهي ماكودت من الله يحلف عليها
وبعد ماذاقت اول لقمه حست انها خارت ولا تقدر تمثل الزعل اكثر
وقالت:هي انت حط لي قطعه اكبر وش شايفني فار!!
محمد:ههههه إي هذه فاتن اللي اعرفها والله مايليق عليك الزعل سمي خذي

تدلي ابشري اللي تبينه
فاتن:طيب يله صب لعمتك عصير
فتح عينه محمد:كأنك باديه تعمينها لكن يله... تستاهلين
فاتن:عساك مسوي حلى بس
محمد:ههههههههههه,عاد اللحين عميتيها وش قالوا لك يابو فاتن..
جوه مطعم وانا الشيف
فاتن:لأ انت الشِيفه
محمد ومقدر تماديها عليه:الله يسامحك
فاتن:اللحين ليه ماتاكل ليه قاعد تقرقر..ها
محمد:أتأملك وانتي جيعانه وتاكلين ياسلام كأنك بمجاعه
فاتن:خف دمك ايوه خفه زياده والله مابخف من اكلي
محمد:ههها صحه وعافيه
فاتن:خلاص لاتطالعني
محمد:قولي لي فاتن وش احساسك يوم تظنين اني ميت؟
فاتن بعرجه :يعني انت ناوي تسد نفسي صح؟؟
محمد:ههه لا خلاص كلي صحه والف عافيه
::::::::::::::::


بيت جارح
"دخل جارح البيت العصر وشم ريحة اكل لذيذ لأن خلود قررت تغير
خطها مصدقه قول ان"" الرجال بمعدته"" ,ويوم دخل عرفت خلود من
غير ماتناظره لانها سمعت صوت العكازه اللي من بعد طيحته صار ماسكها
بالدخله والطلعه ابتسمت ...
وقالت: اهلين اليوم طابخة اكل لزيز
جارح: ايه مبين الريحه تشهي يله حطيه معبال ابدل
خلود:طيب
جارح:كأنك مغيره بالصاله
خلود:ايوا شلت الاشياء الكبيره اللي مالها داعي وحطيت الاشياء دي

البسيطه
جارح:اها

وبعد 10 دقائق..
خلود:يله الأكل جاهز..

جارح:يله بسم الله
"وقعد ياكل اللين امتلت بطنه "
خلود:ها ايش رائيك ان شاء الله عجبك؟
جارح:وشو ذا الغدا؟؟انتي اصلا مادري وين عايشه احد يتغدى محاشي ,

الناس تاكل كبسه مقلوبه مطازيز
خلود:يعني ماعجبك؟
جارح:طبعا لأ ,الحمد لله على النعمه بس
خلود:...
جارح:بسرعه سوي لي شاي اخضر
خلود وهي تناظره مقهوره منه: طيب

::::::::::::::::

بالمستشفى دخل بدر وشاف داليا قرب لها وسئل اللي جنبها سمر
- لو سمحتي امي امس مسويه تحليل وين الاقي النتيجه
سمر: عند أي دكتور دخلت؟؟
بدر: دكتور يحيى
سمر بعد ما دخلت المعلومات : تفضل روح المختبر ويعطونك اياه
بدر:شكرا
سمر: العفو

داليا: وع ياثقل دمه
سمر:ههههه
داليا:وش يضحك يالدبه
سمر:ههه ابي افهم انتي مو ماتحبينه ولا تطيقينه ,ليه معصبه مفروض

تكونين مستانسه لأنه ماكلمك
داليا:ليه شايفتني ميته ابيه يكلمني من زينه بعد
سمر:هههه,اي صح
داليا:طيب ابي افهم مو ذوقيا مفروض انه يسلم؟؟
سمر:ذوقيا لكن مو شرط
داليا:لا مفروض انه سلم علي مو انا صديقة اخته
سمر:اقول دالي بلا هبال حنا مو بامريكا,باقي بعد تقولين مفروض انه

سولف معي شوي,وطلب نقعد بالكفتيريا شوي
داليا:اف
سمر:دالي ياعمري انسي سالفة بدر تراني سامعه ان اهله لقوا له عروس

وبيروح يشوفها قريب
داليا خلت الي بيدها :جد تتكلمين؟
سر:اه,و بعد اللي طلب من امه تدور له عروس
داليا:شفتي الكذاب يبي يعرس ويقول انه يحبني
سمر وتناظرها بتمعن :دالي اسئلك سؤال تجاوبيني بصراحه
داليا وهي متظايقه :وشي
سمر:انتي تحبينه؟
داليا بعد تفكير :مادري...
- هو انا احبه او تعودت عليه وهو يترجاني..
- او ان قوله لي انه يحبني يخليني احس اني انثى,مادري مادري
سمر:عموما خلاص ماينفع اللحين يلين قلبك له,تلقيه انجرح منك والدليل

خلى اهله يدورن له عروس ,, يعني شالك من باله ولازم تشيلينه انتي بعد
من بالك
داليا:ودي ادق عليه
سمر:لأطبعا,الا اذا كنتي تبين تسمعين كلام انتي في غنى عنه
داليا: بس مامداه يكرهني ياسمر
سمر:لكن مداه يتناساك,, وقريب زوجته بتنسيه اياك
داليا:ياربي
سمر بعطف :ندمانه؟
داليا:لا.. لكن ..
- مادري ممكن ندمانه على عنادي
سمر:من جد ياشين عنادك ,لكن يله الله يرزقك بواحد افضل منه بمليون

مره قولي امين
داليا: اف متى ينتهي الدوام؟
سمر:هههه شوفي الساعه وتعرفين انه انتهى اصلا
داليا: اي والله يله انا بروح انام مابي افكر بشي
سمر: طيب انتظري شوي ونطلع سوى
داليا: لأ مالي خلق انتظر باقي البنات انا بطلع يله باي
سمر: وشلون بتروحين؟؟
مشت داليا ولا ردت عليها وهي متظايقه

:::::::::::::::

ماليزيا
فاتن:بو
محمد:اعوذ بالله من الشيطان ,,
فاتن:هع
محمد:ماقول غير الله يصبر قلبك يامحمد
فاتن:طيب انت وين سرحان ؟؟تفكر بمن؟
محمد:قبل شوي قفل سالم صديقي وقعدت اتذكر احواله
فاتن:كيف يعني؟
محمد:يعني ياطويلة العمر سالم ذا شخص غير عن الباقين في كل شي
فاتن:كيف يعني
محمد: انا اقول لك ..طبعا سالم اعرفه من الرياض وكان معي في

الابتدائيه,وبعدها انا كملت دراستي وهو طلع ماكمل سادس ,وكبرنا وكل
يوم تكبر معه دجته وهباله..
- لا مبالي انواع المنكرات كان يسويها ,حتى اذكر الوالد الله يرحمه يوم

يشوفني معه يفرشني
فاتن:هههههه
محمد:الموهم من كثر المعاصي صار يحس انه جبل على قلبه حتى مايقدر

يتنفس او يبتسم مثل البشر دائم مهموم,وبيوم صحى من النوم وقال ابغير
كل شي,وبترك كل اللي يغضب الله
فاتن:طيب حلو في عزيمه وبعدين؟؟
محمد ويظبط قعدته من الانسجام :وبعدين مع الايام ماصار يترك فرض
فاتن:ماشاء الله
محمد:لكن ماوقفت مغامراته الى هنا,كان علمه بالدين قليل وطلعت براسه

فكرة الجهاد واتفق هو و3 من اللي معه يسافرون للعراق يجاهدون
فاتن:يمه يمه وبعدين
محمد:ولا قبلين قطعوا تذاكر لسوريا وكانوا بيطلعون من سوريا للعراق
وبنفس الليله اللي بيسافرون بها بلغ عليهم واحد من الشباب اللي يعرفهم

ومسكوهم الشرطه
فاتن:يوه يوه
محمد:وطبعا ولا واحد منهم اعترف ويوم اسئلوهم ليه محولين فلوسكم كلهم

اتفقوا يقولون "" شباب ونبي نسافر سوريا نتمشى"" عاد بعد كذا افرجوا
عنهم لكن اجبروهم ان يوميا لازم يروحون يوقعون حظورهم ولو فوتوا يوم
ياويل اهلهم
فاتن:هههه اللحين من جد تتكلم
حد:إي والله,وبعدها تفقه اكثر بالدين والتزم من جد وعلى بينه وصار

اللحين بالوقت الحالي امام مسجد ال.... " والى هنا هذه قصه حقيقيه
ياجماعه"
فاتن:ماشاء الله جد قصته قصه هالشخص
محمد:والله اني اعزه معزه كبيره على قلبي وان معرفته تضيف للشخص
فاتن: انت تدري الأشخاص اللي مثل شخصيته ينفع يكون مرشد لهالشباب

اللي طاحوا بالحبوب والأدمان,ممكن يكون اكثر شخص يفهم عقليه هالشاب
ويقدر يأثر فيهم بعد
محمد:ممكن
فاتن:طيب انت قلت لي عن سالم لكن ماقلت لي عن بلاوي محمد وهو بسن

المراهقه؟؟؟
محمد:ههههههه وش تبين تعرفين انا مراهقتي عاديه مع ان اللي كنت

اماشيهم ضايعين
فاتن:يالنصاب لا تكذب مستحيل ماتأثرت منهم
محمد:شوفي انا امي ربتني على مبدا خطير
فاتن:اوخص يامبدأ هع وشهوا هالمبدأ خلنا نستفيد
محمد:كانت دايم تعلمني مو كل ماشوف شي اسوي مثله ولا كل شي حلو

اشوفه ويعجبني معناه لازم اسويه او احصل عليه او حتى اجربه دامه
غلط,والعكس ان كان في شي صح وما احبه مايضر اني اجربه
فاتن:اقول يابو الشباب لاتستهبل علي
محمد:ههههه,ابي افهم انتي متأكده انك بنت
فاتن:هع مادري الكل شاك وش رائيك توديني اتأكد
محمد: الحمد لله والشكر
"قامت تقلده (الحمد لله والشكر)"
وقعدوا يضحكون من تقليدها
:::::::::::::::::::


جده
(المستشفى)
"دخل الدكتور احمد يتطمن على انين"

الدكتور:ها كيف الحال اليوم
انين:عايشه وبتنفس لسوء حضي
الدكتور:وليه هالتشاؤم دا ,عموما تحاليلك طلعت قبل شويا وكلوا الحمد لله

سليم
انين:يعني حقدر اطلع اليوم
الدكتور:لأاكيد لسه باقي ,شوية فحوصات واجراءات
انين:والشرطه؟؟
الدكتور:شكلوا في واسطه قويه عندك خلت الملف ينقفل من غير مايحققوا

معاكِ
انين وبإستغراب:انا !!!عندي واسطه قويه!!! ههههه
الدكتور:مع انها ضحكه من غير نفس لكن برضوا تنفع القلب,يله حتطمن

عليك بالليل,عن اذنك
انين:لحضه دكتور
الدكتور:نعم
انين:قبل شويه في دكتوره بتجي وتسئلني اسئله شخصيه واسئله مالها دخل

بصحتي هي ايش قصتها؟؟
الدكتور: شكلوا دي كمان دكتوره جايتك بالواسطه,حابه انك تفضفضي لها
انين:اي واسطه واي لخابيط
الدكتور: مادري اكيد انتي ادرى ,مين ممكن يكون مهتم فيك لهالدرجه؟؟
انين:لاتعليق وقالت بنفسها..
(لي فيه شخص واحد بس يحبني وانا اولويته الحياة كان عمري مافكرت

انتحر,وراح افكر اعيدها كمان وكمان)
:::::::::::::::::::::


بدر يكلم فتون
بدر:كيف الشقاوه
فاتن:هه تمام مشتاقه لك موت
بدر:من جد مصختيها يله ارجعي وانا اخوك
فاتن:كلها يوم وتلاقيني على راسك
بدر:هههه,إي يله لأني ابيك اول وحده تروح تخطب لي وتشوفين البنت اذا

تناسبني او لأ
فاتن:ايش ايش ايش
بدر: هههه
فاتن: من جد تتكلم؟
بدر: ايه طبعا الحياة ماراح توقف اذا انرفضت مره
فاتن: انت من جد تتكلم وله تستهبل
بدر:افا عليك يابو فاتن انا استهبل عليك,اخلصي علينا بس اهم شي ابيك

تشوفين لي البنت
فاتن بفرحه :هههههه افا عليك باخذ معي لوز وبندق
بدر:وشي!!!انتي بتروحين تشوفين لي سنجوبه!!
فاتن:هع لأ لكن انا اشوفهم كذا يسون بالافلام ,الامهات يخلون البنت تكسر

بأسنانها هالاشياء عشان يختبرون صلاحية اسنانها
بدر:اقول بلا هبال
فاتن:والله هم يسون كذا
بدر:هه للحين ماعقلتي
فاتن:ياخي انا والعقل مانتفق,شف عندي محمد يبي يسلم عليك
بدر:لا ماله داعي,رجلك ذا انا للان مابلعته
"ضحكت فاتن تصرف وهي تقول:ههههه الله يرجك للحين مانسيت لكن

وش اقول ,بس صدقني طيوبه وتنحرج فلا تحرجها الله يخليك
بدر:ههههه خلاص ماراح احرجك عطيني اياه
فاتن:ايه اشوا خلاص انا بكلم لك امي ,طيب خذ محمد معك
بدر:هلا
محمد:هلا والله وشلونك
بدر:انا بخير ,اقول محمد لا اوصيك فتون تراها عيوني
محمد:افا عليك لاتوصي حريص
بدر:يله اجل لاطول عليكم سلام
محمد:مع السلامه
"وبعد ماقفل محمد قعد يضحك"
فاتن:سلامات
محمد:سبحان الله ماعنده وقت مثلك,طاير بكل شي
فاتن:ههه احترم نفسك ها إلا بدوري
محمد:إلا ماقلتي لي للان
فاتن:ايش؟؟
محمد:وش تحسين فيه يوم نمتي امس بحضني
"ناضرته فاتن بحقد وتذكرت وقفت من الحماس ":اصلا انت قليل ادب

تستغل البنات وهم مغمى عليهم
محمد:هههه استغل البنات!!
فاتن:ايه وبعدين تعال صح انت بأي حق تضمني ها ؟
"حط محمد يده على خده وقعد يناظرها نظرات مافهمتها فاتن لكن حست

بخوف منها ورجعت على ورى لين قالت :انا رايحه انام تصبح على جني
محمد:ههههههها ا
::::::::::::::::




*وش تشوفون ممكن داليا تسكت وماتسوي شي؟؟وله؟؟
*وش سر واسطه انين وهل ممكن في احد مهتم فعلا ؟؟؟
*وتوقعون اني بخلي فاتن ومحمد يعيشون بسعاده!!!انا ماتوقع انتوا وش

توقعون؟؟؟

البارت التاسع


جمعت بنات
قعدت داليا بعد ماتعبت من الرقص وقالت :وه تدرون يابنات وش ودي؟؟
اماني: وش ودس ياقلبي؟
داليا وتشبك يدينها:ودي احب
سمر:وليه ماتحبين ياختي الحب حق مشروع
داليا:هو حلو الحب بس لاعاداتنا ولا تقاليدنا تسمح لنا نعترف فيه قهر
سمر:دالي عيوني تغير الزمن وماصارت هالعادات والتقاليد على قولك مثل

اول
اريج ومو عاجبها كلام سمر :سمر يعني انتي لو تتعرفين على واحد عادي

لو اهلك يدرون؟؟
سمر:طبعا لأ,لأنهم من ذاك الجيل لكن عادي لو اقول لصديقاتي مثلا
اماني وتوجه كلامها لسمر :انا معس ان الحب حلو ,بس صدقيني ماله طعم

اذا كان بالظلام
سمر:صح مو انا ماراح احب إلا الشخص اللي راح يتقدم لي
داليا: وش دراك من بعد ماتكلمينه وتعيشين قصة الحب اللي تقولين عنها

بهل طريقه انه بيجي ويتقدم لك؟؟
سمر: صدقيني انا اكثر وعي من اني اخلي واحد يلعب علي
"على دخول فوزيه: مرحبا صبايا
داليا: هلا والله وغلا حياك
فوزيه: ها وش كنتوا تتكلمون فيه ابي اعرف التفاصيل انا سامعه يتقدم لك

مايتقدم لك وش السالفه,انخطبت وحده فيكم؟
داليا:ههه ياريت من بؤك لباب السماء
اماني:هههههههه ملقوفه تموتين على السواليف,سلمي اول
فوزيه:ههه طبع فيني وش اسوي,اقول لكم بنات تدرون وش صار مع

استاذه الجوهره ال..
اماني:يع ذيك عجوز قريح؟
فوزيه: إي هي مو زوجها مات من زمان
سمر:ايه
فوزيه وتقعد من الحماس مافصخت عباتها: ابد كنت بالمشغل قبل يومين الا

واشوفها تتزين,عاد تدرون لازم اروح واسلم ..و سواليف انا وهي ويوم
سئلتها وش المناسبه عندكم اليوم؟...تدرون وش قالت لي؟؟
اريج:وايه قالت لش؟؟
فوزيه: اول شي حمرت ثاني شي رمشت لي رمشتين بعيونها ثم قالت وهي

متشققه (زواجي الليله )هههههههاي
سمر: اقول بلا استهبال فوز لا تأرنبين علينا
فوزيه: والله العظيم انها تزوجت
داليا برقه: ياختي عادي ,جد انها كبيره بس الله معطيها قوه تقدر تحط

وتجيب وتقوم بزوجها
فوزيه: وشي؟؟
والله اللي بعمرها تفكر تزوج عيالها اولى ,خير ياطير عجوز قريح.. ولو

تسمعون تشرطها بالتسريحه تقولون بنت العشرين,وله المكياج الله واكبر
كأنها الصبوحه
داليا:ههههههههههههههه الله يرجك يافوز
فوزيه: ياختي إنا يالبنوتات ماتزوجنا وهالعجوز تتزوج مره ثانيه
اريج: عز الله من عينش الحرمه بكره طلاقها
اماني: ههههه وانتي الصادقه يمديه جاها شل رباعي وبالمستشفى تودع
سمر:ههه هههههههههههههههاي
فوزيه وتقوم تظبط برقعها:وجع يعني انا عيني قويه الشرهه علي جايه

لجمعتكم مالت عليكم
داليا: على وين؟
فوزيه:خلاص مابي اقعد معكم سديتوا نفسي بروح
داليا: يله عاد بلا سخافه والله انتي حلا القعده, ماعليك منهم بس
فوزيه:لا لا بروح ,لو انك من غير هالشله البايخه كان قعدت,,اصلا انتي

مافي منك اثنين ,,"وطلعت"
"وماتوا عليها ضحك لأن مشيتها وهي معصبه عوجيبه تشبه مشية فاتن"
:::::::::::::::::::::::::


بيت جارح
جارح:ياخلود وين القهوه؟؟
خلود:يله اهيه
جارح:اخلصي صبي
خلود: تفضل
جارح وهو ياخذ الفنجان: وشو,,وش عندك ؟؟ كإن عندك كلام
خلود:لا ولا حاجه,بس بغيت اعرف ايش قلك الدكتور على ضهرك؟
جارح وهو ياكل التمر:وش فيه ظهري؟
خلود وهي تجلس :مو يوجعك؟
جارح:اه إلا إلا ,قال انه بيسون لي جلسات وبيحددون لي موعد
خلود:اها
جارح:على فكره انا مسافر بكره
خلود:وحتخليني لحالي
جارح:ايه وش فيها لاقعدتي لحالك انتي قاعده بالشارع؟؟
خلود:لأ بس انا اخاف,طيب اسمع ايش رائيك توديني بيت خالي اجلس

عندهم اللين ماتجي
جارح:لا وليه تثقلين على العالم ماعندك بيت
خلود:هما دائما بيعزموني وبيتمنوا ازورهم
جارح:قلت لك لأ
خلود:طيب كم حتجلس هناك؟
جارح:تقريبا اسبوع
خلود:طيب خليني اروح معاك انت وعدتني بشهر عسل ولا وديتني حتى

الشرقيه!!
جارح:انتي وبعدين معك بزر انتي بزر,خلاص لاقلت لك شي افهميه من

اول مره ولا تخليني اغلط عليك
خلود: لاتعليق
جارح:قومي حركي جهزي شنطتي,إخلصي
خلود: طيب
:::::::::::::::

بدر
توه رجع من الجريده بعد ماسلمهم مقال سماه
" الحب اللذي يجلب الشقاء "
دخل غرفته ورمى نفسه على سريره ,, وناظر بسرحان وكانه يشوف

السماء وهو يتذكر الكلمات اللي كتبها على مكتبه وهو راجع من شغله
سلمها لمدير التحرير..وتمتم ب
الحب اللذي يجلب الشقاء
من المؤلم ان نكتب لمن لن يقرأ ,وان نُحس بمن لن يحس
وان نغرق بطرح الاسئله على انفسنا ..
هل نصارحهم.. ام نجعله السر الكبير بيننا وبينهم..
هل يجب حقا ان نخاف الرفض..ام نتجرأ ونخوض الطريق الأصعب

لراحه!!
مؤلمٌ ان نبني احلاما لشخصين وتبدا بعيشها كشخص واحد ..
والأكثر ايلاماً.. ان تحب شخصا للجنو ولاتستطيع اخباره..
والأشد من ذلك.. ان تحب شخصا بجنون ولن يهتم بإخباره بذلك.
ان تحب شخصا من طرف واحد هذا هو بنظري الحب الذي يجلب الشقاء.
قد يخلق الحب اليتيم .. قد يحرم الراحه سقيم..
فتكتفي بأن تنظر له من بعيد ,وتعطي الاحلام حقا لتعيش معه كما تريد.


::::::::::::::::::::::::

جده
بيت خميس

سميره وهي تلعب بشعر خميس:حبيبي ماحتروح تزور اختك؟
خميس وبعد ماكشر:خَوت يخوتها انا نفسي اقطعها مو ازورها.
سميره:ما عليه حبيبي اختك لسه صغيره واكيد الشيطان لعب براسها
خميس:إلا هي شيطان بنفسها
سميره:الله يهديها هي بس لو ماتسمع كلام احد
خميس ويعدل قعدته ويناظر لسميره :ايش قصدك؟
سميره:قصدي ياحبيبي انوا مافي غيروا اكيد هوا اللي لعب عليها وقالها

تنتحر,عشان ماتزوج غيروا
خميس:من هوا؟
سميره:اللي تحبوا وتكلموا,اصلا اختك هبله من وين حتجيها الافكار دي؟
خميس:معقوله للحين على علاقه بداك الخسيس؟؟
سميره بحزن: وربي ماعرف,بس اكيد ياحبيبي
خميس:والله بس خليها تطلع من المستشفى لو اخوك متمسك فيها لأزوجها

من غير حتى ماتجهز الدبش
سميره وتبي الفكه :طبعا حبيبي اخويا متمسك فيها
خميس:خلاص خليهم بس يعطوها اذن تطلع
سميره وتمسك بيد خميس وتناظر له بعطف :ياقلبي الله يعينك على بلاوي

اخواتك ,قلبي معاك ياعمري
خميس:الله يسامح ابويا اللي خلالي علل على قلبي
سميره:معليش حبيبي كلوا بأجروا
خميس:مابغى اجر يجي من وراهم, ابغى كل وحده تنقلع عند زوجها وانفك

منهم
سميره بتصنع:استفغر الله لاتقول كدا حبيبي ترى ازعل منك دول اخواتك

مهما يكون
خميس:الله ياخدهم وارتاح
سميره:حبيبي لا تزعل نفسك خلاص لاتفكر فيهم ايش رائيك بكاسة ليمون

تروق اعصابك
خميس:لاحول ولاقوه الا بالله
سميره: ها اجيب لك ليمون ؟؟
خميس:أي حاجه بس اهم شي بارد ,سيرتهم تفور لي دمي
سميره:يسلم لي دمك وقلبك حالا

:::::::::::::::::::::

بالمستشفى
غرفة انين


انين:وينك ليه تأخرت
هو:اعذريني,المهم هذه اللحظه
انين:اوعدني ماتخذلني وتضل جنبي..
هو:تبين اقول لك ليه انا تأخ...
انين: اشش اسكت وخلك معي..اسمع لصوت البحر ودقات قلبي

وانا معاك
هو: اشش اسكتي..واسمعي لتنفسي تعرفي وتفهمي مقدار تأثيرك

علي
انين: اقولك شي..
هو: تقولي وله تسكتي مو مهم دامك معي
انين: الا انا بقول شي..لكن ابي كلك معي
هو: وش رائيك اقول الجواب من غير ماسمع أي شي
انين: خلاص عرفت اللي ابي عيونك قالت لي الحكي
"انين..انين..انين..انين

قامت انين من النوم ولقت ان الستر تنادي عليها لها فتره وهي متمسكه
بحلمها لأنها لحظات ماتشوف انها ممكن تعيشها غير بس... بحلمها
الستر: دكتور في ايجي
انين: طيب خليه يدخل
الستر: ادخل توكتور
د/احمد وهو يناظر وجهها الأصفر:انتي بخير
انين وللحين تحس بأن الحلم حقيقي وقريب منها :ايوا ايوا
د/احمد:ماشاء الله اشوف اليوم الغرفه مليانه ورود
انين وتوها تنتبه وتشوف حولها الباقات:ورود
د/احمد:لاتقولي توك تشوفي هالمزرعه
انين بإستغراب: توني اشوفها يمكن جتني وانا نايمه
د/احمد وهو يقرا ملفها :طيب حبيت بس اعرف اليوم حسيتي بدوخه او الم
انين:لا الحمد لله انا كويسه ومني عارفه انتوا ليش ماطلعتوني للحين
د/ام: ابشرك خلاص دام الحاله صارت ممتازه بكرا ان شاء الله بالكتير

وانتي طالعه
على دخلة اختها:السلام عليكم,اش اش اش ايش دا كلوا انتي لك صاحبات
من ورايا,مرحبا دكتور
د/احمد:اهلا ,يله عن اذنكم
انين:حبيبتي متعبه نفسك الناس يجيبوا هديه مره وحده وانتي كل مازرتيني

جبتي شي
تهاني:كم انونه عندي,وبيني وبينك حاسه بتأنيب الضمير اني ماقدرت

ارافقك بس انتي عارفه زوجي وعيالي مالهم غيري
انين:حبيبتي ابدا لا تشيلي هم
تهاني وتبتسم : من مين كل دا الورد
انين:مادري ,شوفي بالباقات اكيد في كرت وله حاجه!!
تهاني:الا دا واحد,حابه تقريه وله انا اقراه؟
انين:عادي اقريه انتي
تهاني:(حمد لله على سلامتك يالورده)
انين:مو مكتوب من مين؟
تهاني:لا,طيب من جابها؟؟
انين:مادري انا كنت نايمه
تهاني:اها, المهم كيفك اليوم؟
انين:الحمد لله مره كويسه ,والدكتور قال حيكتب لي خروج
تهاني:طيب الحمد لله
انين وتغمض عيونها:يله ان شاء الله اطلع تراني طفشت من المستشفى,إلا

ماقالك خميس على ايش ناوي؟
تهاني:لأ بس ان شاء الله اللي صار لك صحاه وخلاه يفكر بقلبوا ومايزوجك

بالقوه.
انين:حسبي الله ونعم الوكيل كيف يبغاني اتزوج واحد عندوا حرمتين

وعيال كمان!!!
تهاني:دحين لاتفكري بهالموضوع ,ان شاء الله حكلموا تاني ومايصير الا

كل خير
انين:اتمنى تكلميه ياتهاني,كفايه خلود رماها لواحد مايخاف ربوا
تهاني:ان شاء الله حكلموا,لاتشيلي هم.
::::::::::::::::


ماليزيا
محمد:فتون ممكن اسئلك واتدخل بخصوصياتك شوي
فاتن:إسئل اذا قدرت اجاوبك اوكي اما لو سؤالك بايخ ماراح اجاوبه .
محمد:هههههههه بايخ ها؟؟ طيب انا ابي اعرف بس بصراحه
فاتن: وشو؟
محمد وهو يناظر بعيونها:حبيتي قبل؟؟
فاتن رافعه حاجب وحاجب:..
محمد وهو يظبط قعدته:وش فيك تناظريني كذا سؤال عادي؟ايه ايه ,لا لا
فاتن:يعني ماراح تفتن علي؟
محمد:افا عليك,ماسويها انا
فاتن:لا اخاف تمسك علي هالشي
محمد:وعد ماراح يطلع الكلام لأحد , وتراك زدتي فضولي تكلمي
فاتن:طيب انت ليه تبي تعرف؟
محمد:اعتبريني ملقوف يادميه تكلمي
فاتن:بقول بس مو اللحين
محمد:الله يصبر قلبك يامحمد,اجل متى؟؟
فاتن بعربجه :لاقمت وصلحت لي كوب كافي ابي اروق للجواب
محد:يفتن يله بلا استهبال
فاتن:ههههه,شف انا انسانه تقليديه عندي الحب له شكل واحد وهوبعد

الزواج و ماكنت حابه اتزوج لا اللحين ولا السنه اللي بعدها ولا اللي بعدها
,صراحه كنت مأجله الزواج والحب الى اجل غير معروف
محمد بدون تصديق :بنت وماتبي تتزوج! هذه جديده علي
فاتن:ليه بالعكس ماراح اقول لك كثيرات اللي تفكيرهم مثل تفكيري لكن ,فيه

اللي مثلي واكثر مني بعد
محمد:وليه يعني ماتبين الزواج والارتباط والحب,فيه احد مايبي هالمعاني
فاتن:ايه انا على الاقل مو بالوقت هذا
محمد:ليه
فاتن:بكل بساطه..اخاف
محمد:ومن ايش تخافين
فاتن: صدقني ماله داعي تعرف
محمد: يله فاتن تكلمي
فاتن وجهها تحول للجديه: صدقني ماراح تحب تسمع جوابي
محمد وبكل تركيز: يهمني اسمع جوابك
فاتن وبعد ماسكت شوي قالت :كنت خايفه ماينجح زواجي,وخايفه ارتبط

وبعدها افقد السعاده اللي احسها وانا بنت,كنت خايفه اطيح بيد واحد
مايقدرني مايحبني مايعاملني مثل ابوي او اخوي او احسن
محمد تمنى انه ماسئل:...
فاتن:ادري انك تلوم نفسك ,وتحس انك جزء من مخاوفي,لكن انا اللحين

ماني ندمانه اني ارتبطت فيك واننا بنفصل قريب
محمد ومن غير مايحس سأل :تحبيني؟
فاتن:ههههههههههههههههههههههههه هههههههههههههههههه
ههههههههههههههههههههههههههههه
ههههههههههههههههههههههههه
الله يرجك الي يشوفك وانت تقولها يقول انك فعلا مصدق الدور وعايشه

هههههههههههههههههههههههههههههه هههه,ياحليلك يامحمد
محمد جلس يضحك على نفسه هههه
فاتن: ....
محمد:جد فتون مانتي ندمانه؟
فاتن:زواجي منك جد مالقيت فيه الارتباط والحياه الزوجيه الحقيقيه,لكن

على الأقل خلى عندي استعداد اني اتزوج فعلا ,خلى عندي امل ان ممكن
يجيني واحد يحبني ويعتبرني الاولى بحياته,عطاني صوره مختلفه عن اللي
براسي للإرتباط
محد:فن انا فعلا احترمك اكثر مماتوقعين.
فاتن وتبي تنهي الموضوع :تحترمني ومو هاينه عليك نفسك تسوي لي

كاسة كافي
محمد:هع ,ولا عندي استعداد اسويه قومي الله لايهينك وسوي لي معك
فاتن وهي رايحه المطبخ :بقوم وبسوي لي واحلم اني حتى اخليك تشمه

وعلى فكره صوت جوالك جوا يدق بس والله ماجيب لك اياه
محمد وهو يقوم :ههههه,انا بجيبه الله وكبر بتمنين علي يعني...

الو,,يامرحبا
ماجد:هلا والله وشلونك
محمد:الحمد لله,وشفيك,وشفيه صوتك
ماجد:اكيد انك دريت ليه ماجيت العزى؟
محمد:عزى من؟
ماجد:معقول مادريت بوفاة سالم؟
محمد:كيف
ماجد:الله يرحمه توفى امس
محمد:انت من جدك تتكلم وله تستهبل
ماجد:لاحول ولا قوه الا بالله احد يمزح بمسألة موت يامحمد!!
"قفل محمد الخط ودق على سالم الصديق اللي مافارقه من هم صغار حتى

يوم سافر محمد وسالم بالرياض كانوا يوميا يشوفون بعضهم بالنت ,,كل
مادق ماحد يرد اللين رد عليه اخو سالم الكبير واكد له خبر وفاته بعدها
محمد حس الدنيا ضايقة به وانه يبي يروح المطار الان ويبي يكون
بالرياض على امل يشوف جثته اللي بالاساس هي اللحين تحت التراب
::::::::::::

بيت داليا
"حاولت انها تمنع نفسها وانها ماتسوي هالشي لكن تذكرت كلام سمر..
(الزمن تغيروقمنا نشوف حنا ياهالجيل الأمور بشكل ابسط ,صار الحب

على المكشوف واذا ماعترفنا به يضيع وصعب يجي غيره)
ماقدرت تنسى كلامها وتغلب عليها عنادها وجرئتها ودقت على بدر..اول

دقه مارد عليها,ثاني دقه..مارد ولا الرابعه ولا الخامسه ورد بالأخيره
بدر:نعم
داليا:مرحبا
بدر:اهلا من معي؟
داليا:الظاهر حتى رقمي مسحته
بدر:من انتي ؟
"داليا سكت تفكر مفروض تقفل او تكمل"
بدر:الو
داليا:حبيت اسئلك بس سؤال؟
بدر:من انتي اصلا ,اذا ماقلتي ترى بقفل انا ماني فاضي.
"ماهانت عليها نفسها انها تكمل وبكت من القهر وقفلت السماعه,ولاعاد دق

بعدها او هي دقت وبعد ماهدت ارسلت له"
(انت كذاب لأنك اذا كنت تحبني مثل ماتقول مو معقول ان مداك تشيلني من

قلبك وتروح تدور لك وحده تخطبها)
وانتظرت بعدها رد منه ولا جاها أي شي,حلفت انها ماراح تذل نفسها اكثر

وانها بتنساه مثل مانساها.
::::::::::::::::


ثاني يوم
نعلن اعزائنا المسافين وصول رحلتنا الى مدينه الرياض..
"من امس محمد على اعصابه ماكلم فاتن او حتى يرد عليها يوم تسئله..
احتارت فاتن ليه عيونه مليانه دموع لكن ماشافت دمعه نازله ..
تأكدت ان بقلبه كلام وموجوع وبداخل قلبه كاتمه.. مع ذلك ماكان يرد عليها

,, ركبوا بالسياره اللي كانت تنظرهم وطول الطريق السكوت
هو الكلام والحزن سيد الموقف ,وتفاجئت فاتن ان يوم وصلوا بيتهم نزلها

ونزل السواق وكمل طريقه ماكانت تدري انه بيروح العزى,ولاحتى تدري
بموت سالم.
دخلت فاتن بشوق تسلم على اصاله..
اصاله:ياهلا وغلا بأحلى عروس والله
فاتن:هلا بك كيفك ياعسل وش اخبارك
اصاله:مشتاقه لكم موت,الا وين محمد كل ذا يدخل الشنط
فاتن:والله ياصوله شكل محمد تحول لكائن صامت
اصاله:هههه بسم الله على ولدي اكيد منك
فاتن بعربجه :هع وش اللي مني يحمد ربه تزوجته
اصاله:ههه عسى انبسطتوا؟
فاتن:كثير مابقى مكان مارحناه,دجيت بولدك دج
اصاله:والله اني قلت بترجعين هاديه عاقله مستحيه,الا والله شكلك خليتي

ولدي مثلك
فاتن:انا حرام عليك انا كلي هداوه وانوثه
اصاله:ايه مره,خلني بس بدق على ولدي اخاف سويتي فيه شي وجايه

تصرفي
فاتن:ههههه طيب وانا بخلي السواق يوديني بالسياره الثانيه ازور اهلي
اصاله:معك الرحمن بس لاتأخرين تراني مشتاقه للقعده معك

"وهنا حابه اذكر لكم بأن اصاله من عائله معروفه جدا ولها مكانتها
الاجتماعيه والماديه الممتازه ,واكثر شي يحافظون عليه بعائلتهم ,,السمعه"
فاتن:اوكي سلام
اصاله:مع السلامه.
:::::::::::::


المستشفى
انين:مشكوره دكتوره انك عطيتيني من وقتك وسمعتي للشي اللي ماحد كان
عندوا استعداد يسمعوا
الدكتوره:المهم انك ارتحتي ولازم تعرفي ان هذه وضيفتي وانك لازم تجي

وتكملي عندي الجلسات ,زي ماقلت لك الدكتوره النفسيه زيها زي أي
دكتوره تانيه
انين:اكيد ,وعلى فكره انا من الناس اللي كان تفكيري ان الدكتوره النفسيه

لمريضين والمجانين,ولكن يوم جربت الموضوع بنفسي عرفت اني غلط
وان مثل يوم جسمنا يألمنا نجري على الدكتور ,مفروض نفسيتنا يوم تتعب

نروح لدكتور
الدكتوره:طيب الحمد لله قدرت اوصل فكره جيده عن الطب النفسي ,يله

اشوفك بالعياده ان شاء الله
انين:اذا رضى خميس راح اكمل جلساتي
الدكتوره:راح يرضى ان شاء الله,يله حبيبتي مع السلامه

"جهزت انين نفسها عشان تخرج وبيجيها خميس ياخذها لقت الستر داخله
ومعها لها صحن شوكلت ,استغربت لكن اخذته وقرت على الكرت..
(كنت سعيد لأني قدرت اشوفك .. وراح اكون اسعد لو توافقين اشوفك باقي

العمر زوجه وحبيبه لي)
زادت تعجب من هذا المجهول اللي مهتم فيها جاب لها الدكتوره

النفسيه,وقفل محضر الشرطه من غير مايستجوبوها,وكل يوم كان يرسل
باقة او اكثر من الورود وعليها جمل ماقد سمعت بمثلها لها,حست ان
جسمها رجف ويوم سمعت صوت خميس قطعت الكرت ورمته بسرعه..
خميس: ايش بك كأنك شايفه عفريت؟؟
انين:ها لا ولا شي يله انا جاهزه
خميس:امشي يله,على فكره احنا دحين حنروح السوق تاخدي لك ملابس

عدله عشان الرجال حاب يشوفك بعد الملكه
انين:أي ملكه؟؟
خميس:بكرا حنعقد لك قرانك,وبعد كم يوم حنسوي لك حفله وتروحي على

بيت زوجك على طول
انين فتحت عينها ثم بلعت ريقها وقالت :بكرا؟؟
خميس: ايش بك دخلتي سمعك سليم وحتخرجي صقهاء؟؟
انين:الله يخليك ياخميس لاتزوجني الرجال دا
خميس:وليه ان شاء الله انا ماشوف فيه عيب ابدا والرجال مايعيبوا انو

متزوج قبلك ,وبعدين مفروض تحمدي ربك انوا جاك واحد زي اخو سميره
"سكت انين لأنها داريه ان الكلام معه ماراح يجيب نتيجه غير

ضربها..مافتحت فمها ولا بكلمه كل اللي سوته انها تتحسب عليه بداخلها
لين وصلوا بيته"
::::::::::::::::


بيت اهل فاتن
"رجعت الحياه للبيت ..كانت عندهم عائشه وبدر اللي طاير فرحه
والسواليف مانقطعت والضحك زاد والقلوب ارتاحت بعد الشوق والغياب
عائشه:بس فتون كأنك سمنانه
فاتن:ياختي وش عندنا غير الأكل ,واف اكل ياعيوش يمي يمي
بدر:المهم يله شدي حيلك ابي اروح اخطب
فاتن:ياسبحان مغير الأحوال حاضرين "فاتن وهي تعدد بيدينها تكمل" بكره

ابي ازور خلود وه فديت عيونها,ولسه بقابل صديقاتي,ويوه ابحضر
لكليه ولس..
بدر:اعوذ بالله منك انتي للحين مابطلتي هالقرقره وبعدين يالحبيبه انا مو

اهم من كل اللي قلتيه؟؟
فاتن:افا عليك بدور قلبي امزوح هع
ام فاتن:تخيلي يافاتن خلود مازارتنا ولا مره زوجها ذا مو صاحي
فاتن: قالت لي انه اقشر وبروح لها لأنه مسافر ومو بالبيت وله كان

ماراحت
"نست فاتن انها تزوجت وان عندها شي اسمه زوج وانه لازم تسئل عليه

او على الاقل تدق عليه,احلوت القعده وماحست الا يوم دقت اصاله عليها
اصاله:السلام عليكم
فاتن: اهلين اصوله والله اشتقت لك.
اصاله:لا ياشيخه ,اللحين انتي وينك كل هذا؟؟
"وكأن رجعت الذاكره لفاتن وانها مفروض رجعت لأن الساعه 12 الليل"
اصاله:شكلك للان ماتعودتي على الارتباط
فاتن:لا والله هع لكن يله اللحين جايه
اصاله:يله حبيبتي ومره وحده تشوفين محمد
فاتن:ليه وش فيه؟
اصاله:ليه ماقال لك ان صديقه سالم توفى الله يرحمه
فاتن:يوه سالم اللي يأذن بالمسجد
اصاله:ايه هو صديق محمد الصدوق
فاتن:يالله.. الله يرحمه بس محمد ماقال لي وماتوقعت اللي فيه هذا سببه,

يله اللحين جايه
اصاله:يله حبيبتي لا تتأخرين,اسل لك السواق؟؟
فاتن:لا لا بخلي بدر يجيبني
::::::::::::::::::::::

جده
بيت خميس

"انين بعد ماقفلت عليها الباب راحت فضت كل شنطتها اللين ماوصلت
لأخر شي محفضتها اللي خبتها, طلعتها وطلعت من داخلها كرت مكتوب فيه
(ورد لأرق ورده للان مالقت من يقدرها ,لكن وعد اني..
اخبيك من الزمن,,واسقيك من الفرح ,,واعرضك لحرارة قلبي واغذيك حب

وفى,,اوعدك...اقدرك)
بكت وهي تدري انه مجرد كلام من انسان مجهول كان يرسلها الورد
وماتجرء انه يكتب اسمه وشلون قاعد يوعد بأشياء تحتاج للقوه مسحت
دموعها وهي تتمت.
بعد ساعات بأنتهي قبل البدايه..وردتك تنسقي طول عمرها قسوه ومر

وزياده عليها ذل وإهانه..وحرام لاقالت كفايه وربي كفايه...
::::::::::::::::

بيت اصاله
فاتن:سلام
اصاله:اهلين حبيبتي,ها كيف اهلك
فاتن:تمام ويسلمون عليك,وينه محمد؟
أصاله:من اول ماجا وهو بغرفته ,ولا رضى يتكلم معي ..عورني قلبي عليه

ونزلت
فاتن:طيب انا بطلع عنده تامريني بشي
اصاله:لا حبيبتي تصبحين على خير
فاتن:وانتي من اهله
"دخلت فاتن لغرفة محمد ولقته موطي الإضاءه ومنسدح قربت تشوفه اذا

صاحي لقته فاتح عيونه وسارح وعيونه تلمع مجمعه دموع"
فاتن:محمد
محمد:...
فاتن:اعتذر اني طولت ماكنت ادري بسبب ضيقتك
محمد:....
فاتن:مابكذب عليك ولا بواسيك لأن صراحه شخص مثل اللي حكيت لي

عنه يستحق ان الشخص يحزن على غيابه...
لكن بالنهايه هو اللحين عند اللي خالقه,وان شاء الله ايمانه اللي مات عليه

وطاعته ..بتكون سبب لسعادته اللحين
محمد:...
فاتن:ادري ماودك تتكلم,ن ابيك تدري اني حتى انا حزينه معك
وان شاء الله بكره بروح انا واصوله نعزي اهله
محمد:....
فاتن يوم شافت مافي امل يرد عليها قالت: يله تصبح على خير

"وقعدت فاتن تفكر وين ممكن تنام لأن بغرفتها مافيه حتى كنبه ممكن تنام
عليها ..ويوم ناظرت محمد عرفت ان مافي قدامها غير حلين ,,,ياتنام جنبه
او انها تفرش وتنام بالارض..ولقت الثاني اسهل عليها ..
وفرشت لها المسكينه على الأرض ودقتها نومه ومن التعب قامت تشخر

بعدهههاي"
:::::::::::::::::::

من اللي مهتم بانين ؟؟ وشلون بتمر الساعات ويجي الصبح عليها؟؟وهل
ممكن هالمره تسكت وتملك على شخص اكبر منها بكثير ومتزوج ولا عنده
عيال بعد؟؟؟؟
هل ممكن تأثر الظروف اللي يمر بها محمد على فاتن؟؟؟
وش راح تسوي داليا بموضوع قلبها اللي دق متأخر؟؟؟
:::::::::::::::::::



البارت العاشر


صباح "الأخ يا(اخ)"..


حب خميس ان تملك انين بالمحكمه,واستكثر يجيب لها مملك بالبيت..
اما انين تحس انها مثل الناقه يمشيها خميس على كيفه حتى انها ماقدرت
تشوف عريس الغفله او تلمحه مع ان صوته مألوف وضحكته مألوفه لكن
كرهها للموقف خلاها ترفض حتى تشوفه خفيه,,قالت للشيخ نعم اوافق
وكلها وقلبها يقول لا ماوافق,,
وبعد ماطلعوا من المحكمه ركضت انين على السياره وكأنها ماتبي تسمع
مباركته لها ..دخلت السياره وتحس انها صارت تحت رحمة سميره واخوها
الى ان جات لها فكره وايقنت انها راح تسويها حتى لو كانت نهايتها..
ابتسم العريس وهو يشوف انين تركض وقال : ايش رائيك ياخميس اخد
انين نتمشى شويا
خميس: لا الله يخليك تطلعوا لحالكم قبل حفلتكم انسوا, وانت مو قلت بتجي
تجلس معاها المغرب
العريس: اكيد جاي,وبعدين كأنوا مافي ثقه يالنسيب
خميس: ايش الكلام دا الله يسامحك بس ماتدخل مخي التمشيات وهالحركات
قبل الزواج
العريس: خلاص ماهي مشكله اشوفكم ان شاء الله المغرب
خميس:يصير خير"وركب السياره إلا ويسمع لشهقات انين وبكاها...طالعها
بنظرة استحقار وقال:ابغى افهم ايش يبكيك,اللي زيك تحمد ربها انها لقت
من يتزوجها
انين:اللي زي!!ليه انا ايش سويت ,انا ماغلطت الا يوم طلعت مره مع
واحد, بس الله يشهد علي انو عمري ماتعديت حدود اكتر من كدا
خميس وبضحكة استهزاء:انتي بتلعبي علي وله على نفسك
انين:انت ليش حاط في بالك اني مسويه بلاوي الدنيا!!
خميس بإستهزاء: لا ابدا انتي بريئه مره..
انتي عارفه يانين .. والله العضيم اني نفسي امسك واضربك وابرد قلبي
فيك من عمايلك وسواد وجهك وقوة عينك اللي بتكلمي فيها دحين

"خافت انين لأن نبرة صوته ارعبتها وسكت اللين ماوصلوا البيت.
:::::::::::::::::


"قامت فاتن من النوم وتحس جسمها كله يوجعها وقامت تمط بيدينها وتناضر
محمد اللي نايم بحقد,وراحت عنده تبي تصحيه بإزعاجها المعتاد لكن زين
انها تذكرت حزنه على صديقه واكيد مانام الا متأخر,فنزلت وشافت اصاله
قاعده بحديقة البيت وسرحانه وجت من وراها ...
وبو
اصاله: الله يلعن الشيطان
فاتن:هههههههع هع
اصاله:متى بتعقلين بس؟؟متى
فاتن:هههههههههههع ههع
اصاله:يابنت اعقلي
فاتن:يوه اصوله لاتسوين زحمه على كلمة بو ,وقولي لي فطرتي؟
اصاله:ايه الحمد لله ,اقعدي بقول لسنتيا تجيب لك فطور وقولي لي وشلون
محمد اللحين؟
فاتن:يوه والله امس كسر خاطري تدرين وش اصعب شي يوم يكون
الشخص متضايق؟
اصاله:وشهو بوجة نظرك يافلسوفة زمانك؟
فاتن:انه مايقدر يصيح,تجمع بعيونه الدموع لكن مايقدر ينزلها
اصاله:لاحول ولا قوه الابالله.
فاتن:تراني بروح معك العزى و بعدها بروح ازور بنت عمتي
اصاله وهي تناظر لفاتن اللي اشتاقت لها:يصير خير,ماقلتي لي وشلون
شهر العسل
فاتن:هههع
اصاله:ما شاء الله شكله عسل ها
فاتن وتحك راسها :هههه ايه صراحه واو
اصاله:هههه الله يسعدكم يارب
فاتن وتبي تتهرب من أي اسئله ثانيه :امم ياسنتيا وين الفطور ,وله اقول لك
ابي نسكافيه بس ..اصلا مابقى شي ونتغدى,ومره وحده اصحي محمد
اصاله: افطري قبل
فاتن: لا ماودي يله عن اذنك
اصاله:وين توني ماخلصت كلامي معك
فاتن:اخاف محمد يعصب اننا ماصحيناه برجع لك اوكي
::::::::::::::::


بالمستشفى"دوام داليا وسمر"

سمر:هلو وين سرحانه اللي ماخذ عقلك
داليا:اه سمور تدرين وش افكر
سمر:ها وش تفكرين الله يستر
داليا:افكر اكلم فتونه اكيد راح تتصرف وتكلم اخوها بطريقتها
سمر:انتي يابنت انجنيتي؟؟
داليا:ليه مافي خجل بيننا وبين فتون عاتي اقول لها.
سمر:ادري عادي تقولين لفتون لكن انا اتكلم عن بدر نفسه,شفتي شلون
عاملك وحتى يوم ارسلتي له ماعطاك وجه ورد عليك ,خلاص وش تبين
فيه
داليا:كذا عناد ابيه
سمر:يالمجنونه هذا ارتباط مو عناد ,وله هو اللعبه اللي تبينها يوم انمنعتي
منها
داليا:طيب خليني اشوف وجهة نظر فاتن على الاقل؟
سمر:يوم نتقابل معها اذا هي ماقالت شي عن بدر معناها فعلا شالك من باله
فلا تسألينها,وإنسي سالفته من جد
داليا:طيب متى نقابلها الدبه ؟تقول اليوم بتروح عند بنت عمتها
سمر:مادري ,اصلا احس ارتبطنا بهالشغل وماصرنا نعرعر بالرياض مثل
اول
داليا:إي والله انك صادقه
"وجا مريض وقطع كلامهم ولهوا بالشغل"
:::::::::::::::

بأجواء ثانيه...

كانت قاعده فاتن بالعزى وتحسها اجواء جديده عليها ,,اللي تصيح واللي
تكلم عنه ,واللي تقول الاذكار وبين كل هذا يطلع صوت عالي مزعج جدا
يقول"ارتاح اماشوفه حيل وياي ..ماقدر اعوفه تضيع دنياي.. يدلعني
ياورده وادلعه الماي" إلا وتنتبه فاتن انه صوت جوالها وتاخذ شنطتها
وتطلع من الفشله تركب مع سواقهم وتروح على ...

بيت جارح وخلود..

خلود سعاده الدنيا صارت بها يوم شافت فاتن: وحشتيني
فاتن:وانتي اكثر اشتقت لك موت
خلود:وربي اتمنى جارح يسافر كل يوم عشان تجي لبيتي
فاتن:ههه,اللي يسمعك يقول ان كل يوم زايره بيت اهلي
خلود:والله مايرضى اني ازورهم الرجال دا مجنون رسمي
فاتن:وليه يعني وش فيها لازرتي اهلك
خلود:هوا حاط بالوا انكم راح تخربوا تفكيري وتقلبوني عليه
فاتن:وليه نسوي كذا مثلا؟؟!!
خلود:مو يقولك اللي على راسو بطحى يحسس عليها
فاتن:هههههههههههع ,ليه هو وشفيه؟
خلود:ياختي مادري لو تشوفي كيف يعاملني يافتون تنجني,عاد انتي ممكن
تطُخيه
فاتن:ليه وش يسوي لك ذا الجارح قولي لي وانا اوريك فيه
خلود:ههه لا الله يخليك لاتوريه عشان مايوريني
فاتن: يعني هو يعاملك شين؟
خلود:مادري يافتون,من اول مايدخل البيت اللين مايطلع وهوا يدور أي
شي عشان نختلف وطبعا دائما يطلعني انا الغلطانه,حاولت معاه
بالطيب,بالكلمه الحلوه,حتى صايره ملكة إغراء على بالي.. لكن مافاد شي,,
انتي عارفه ساعات اشوف نفسي بالمرايا واقول اكيد اني مو حلوه ولافيني
قبول ,واكيد اني ثقيلة دم ومايبغى يعيش معايا.
فاتن:دودي من جدك تتكلمين!ه إصحي والله انك تجننين,وعمري ماقابلت
بحياتي انسانه بطيبتك ولا بقلبك النظيف
خلود:اجل ليه بيعاملني كدا؟؟
فاتن:توك قلتيها اللي على راسه بطحا
خلود:ايش تقصدي؟؟
فاتن:انتي قولي لي هو طبيعي او فيه عيب او شي؟؟؟
خلود:ههه اه ياقلبي ممكن مادري
فاتن:كيف ماتدري
خلود:يعني انا ماني متأكده ,لكن في شي مو طبيعي لأن تخيلي من يوم
تزوجت ليومك دا ماجاني غير مرتين !!
فاتن:كيف؟؟
خلود:هوا دا
فاتن:غريبه
خلود:قبل فتره جا من برا ويقول انوا صار لوا حادث وبعدها صار يتعذر
بوجع ضهروا وقبل مايفتح الباب اعرف انوا جا من صوت العكاز تك تك
تك تك العماره كلها تعرف ان اخ جارح شرف
فاتن:ههههههههههههههههههههههههه ههههههع الله يرجك
خلود:وربي احس انوا يستهبل وبيسوي الشي دا بس كدا يستهبل
فاتن:ممكن ,شوفي زوجك ذا شكله فيه إنّا,وله صراحه ماقد سمعت عن
وحده تتزوج وباللذات بداية زواجها ويصير معها كذا!!!انتي لو تقعدين
بجمعتنا ويجون صديقاتنا المتزوجات تنجنين من سواليفهم
خلود:يعني تقصدي انوا فيه بلا؟؟
فاتن:مافي غير كذا
خلود:طيب وايش اسوي
فاتن:شوفي هو ممكن فيه شي يعني تعب نفسي مو جسدي ,لأني اللي
اعرفه ان الواحد يبي يتزوج عشان يرتاح ويستقر مو كل يوم يسوي له
مشكله ويرفع ظغطه!!!
خلود:يالله خليها على ربك
فاتن: انتي مو قلتي انه مسافر؟؟
خلود:ايوا

فاتن: ممكن طيب انه مسافر للعلاجP
خلود:توقعي؟؟
فاتن:ايه اتوقع
خلود بحزن:والله ماني عارفه
فاتن وتبي تطلعها من هالحاله:اقول زوجك جربتي معه كل شي على قول
لك ,ومابقى الا العين الحمرا زلبيه ولا كلمك عطيه على راسه
خلود:ههههههههههههههههههههههههه ,وربي انك عربجيه
فاتن:هههههههههع,وانا ادري عنه مانفع معه الذوق, ممكن ينفع معه كذا
خلود:لا ياقلبو انا ماقدر حتى ارفع صوتي بحضورو
فاتن:مشكلتك انك خوافه وله والله لو تزلبيه بيعرف اشلون يتصرف
ويتعامل معك
خلود:خليك مني وقولي لي انتي كيف اخبارك ,وايش عامله
"وقالت لها فاتن عن المغامرات والجنون والأيام اللي عاشتها لكن ماحبت
تضيق صدرها بسالفة حب محمد,وحبت انها تضحكها وتطلعها من جو
الكأبه اللي معيشها اياها جارح"
::::::::::::::::::::::::



بيت خميس

سميره:خلصتي ياست انين وله لسه, يله اخويا يبغى يشوفك
انين :اف
قربت منها سميره وقالت:عارفه وربي لو كان لقيت لك عريس غيروا كان
زوجتك اياه لأن حرام اخويا ياخد وحده ماتسوى زيك
ابتسمت لها انين وجات تطلع
سميره: على فين؟
انين: مو اخوكِ يستناني
سميره: ايوا
انين: وانا رايحه اشوفوا
سميره: تشوفيه وانتي لابسه كدا!!!
انين ابتسمت اكثر عشان تقهرها وقالت: انا حرا
" انين كانت لابسه شرط احمر وبلوزه علاقي ليموني ,وحاطه مكياج يحدد
ملامحها الحلوه بجراءه واضحه وفاكه شعرها المقصوص على طوله...
رفعت راسها وهي تصلح شعرها وظغطت على الورقه اللي معها بيدها
ونوت انها تسوي اللي بالها ومشت خطوات ثقيله للمجلس ,استنشقت هوا
وتمنت ان جارح يتاخر بالنوم ولا يخرب عليها اللي نوت به ودخلت"

"اما سميره راحت طبعا تقوم خميس عشان يهزء اخته"

وبالمجلس..
العريس كان جالس بالكنبه المعاكسه يعني معطيها ظهره فدخلت وعطته
الكرت اللي كان معها من غير ماتناظر فيه وجلست بالكنبه المقابله له
وحطت رجل على رجل وناظرت الجدار يعني ماحطت عينها عليه ابدا
وقالت :دا الكرت من حبيبي واذا تبغى تاخد وحده زي ربي يعينك ,مو انا
تنقاية اختك,ههه يعني تنقايه ضايعه ومنتهيه كمانا
"ناضرها بإستغراب بعد ماقرى الكرت وينتظرها تناظره وقال:تُحبيه
انين بدت تهز برجلها من التوتر:...
العريس:وليه وافقتي علي,ليه مارفضتيني!!
"ناضرت فيه انين وحست ان الكلام جمد بمكانه ,,صُعقت,انصدمت ومهي
قادره تطلع حرف واحد وقالت وهي متفاجئه:د/احمد
"قام ضحك من قلبه وقرب جلس جنبها وقال:ايوا د/احمد اخو سميره
وحبيبك على قولك
انين وعيونها على الارض: لا ا مو قصدي ماقصد
احمد: هههه اجل حبيبتي تحب ها؟؟
انين تحس ان كل شي فيها رجف:....
قال:وين صوتك؟؟وين القوه اللي قبل شويه ؟؟
انين:..
"قام احمد واخذ الباقه اللي جايبها وبعض الهدايا اللي من ضمنها جوال
وعطاها اياها..اخذتها منه بإحراج ولقت ان الباقه مثل الباقات اللي كانت
دائم تجيها ولقت نفس الكرت اللي محتفظه فيه يعني هو,,فقلبها زادت دقاته
ورجفتها بانت عليها وخانتها الجراءه والحروف,,فقال:
انا عارف ماحتقري وانا معاك بس ابغاك تكوني اكيده لما تقريه ان حروفي
كلها من القلب .
"وقرب لها اكثر وقال لها بإذنها "ليه لابسه كدا؟؟انا مجنون خلقه يعني
تبغيني اتهور دحين"
حست انين انها ماتقدر تقعد ولا ثانيه بعد هالاحراج وطلعت تركض على
غرفتها..
ابتسم وناظر لها لين اختفت من قدام عينها .. على دخلة خميس
احمد:ايش كل دا نوم؟؟
خميس:ههه والله جيت تعبان وماصدقت احط راسي على المخده ,ايش
ماجات انين؟؟
احمد:الا دحينا خرجت وانا كنت طالع
خميس:اهمم طيب اقعد اشرب معايا الشاي
احمد:بوقت تاني سلم لي على سميره
:::::::::::::::::



"دخلت فاتن البيت وكالعاده السكون القاتل ,وشافت اصاله بالصاله راحت
جلست جنبها ضمتها وحطت راسها على صدرها وقالت:مساء الخير ياحلى
اصوله
اصاله:يامساء النور حبيبتي,كيف كانت زيارتك
فاتن:حليوه سولفنا وضحكنا واسترجعنا طفولتنا وهبالنا يعني انبسطت وانتي
كيف كان يومك؟
اصاله:اللحين حلو
فاتن وتسخف صوتها:ماتحرقنيش
اصاله:هههه,الا انتي يابنت ماعندك زوج تسئلين عن احواله تسامرينه
تخفين عنه؟
فاتن:هعهعهعهع,وش اسوي ماتعودت
فتحت عينها اصاله....
فاتن:ههههههههههه,وينه اللحين؟
اصاله:جا قبل شوي قعد معي ساكت ماغير يقول ..ايه صح, امم...
ولايدري انا وش اسولف معه فيه
فاتن بعربجه:ههههه,طيب انا بقوم اطفشه ان عطاني وجه وان ماعطاني
وجه نزلت اسولف معك وازلبه
اصاله:ههههه مجنونه رسمي
فاتن:هع
"دخلت فاتن وتوها بتناديه بصوت مزعج الاتسمع للهدوء ولقت محمد
نايم على السرير,قربت عنده وقعدت تناظر فيه فتره ثم خذت البطانيه
عشان تغطيه,فتح عينه ومسك يدها وظبط قعدته سحبها تقعد جنبه وقال:
خلك معي شوي ,مو راضي يجيني النوم
فاتن:طيب خلنا نزل نقعد مع امك
محمد:لا ماودي,امي تتضايق لاشافتني بهل حاله,وانا ماقدر اجاملها وابين
اني مرتاح
فاتن:اهمم
محمد:تحمليني هاليومين
فاتن ناظرته بعطف:طيب تكلم فضفض قول كل شي ممكن يريحك
محمد:مابي اتكلم ولاودي اتذكر ابي انام لكن مو راضي يجيني النوم
"ناظر بفاتن لحظات وحط راسه على رجلها وضم بيده خصرها وغمض
عيونه,فاتن حست ان جسمها كله اقشعر وان الوناسه اللي كانت حاستها
انقلبت عليها وان ودها تشد شعر محمد وتقومه لكن ماقدرت يوم شافت
وجهه البريئ وانه يحاول يغمض عيونه بقوه وكأنه يترجى النوم خلته
ومامرت النص ساعه الا ونام,قامت بشويش وغطته زين وراحت على
الجهه الثانيه ونامت.
::::::::::::::::::::::::::::


انين
صباح الابتسامه

قامت من النوم تحس براحه غريبه,من غير ماتقصد تبسمت شفاتها ومن
غير ماتحس خذت الكرت من تحت مخدتها وقرت للمره الألف
(انونتي.. كنت دائما اشوفك واتمنى اتكلم معاك ولكن ماكنت عارف ايش
لازم اقول..لكن بس اشوفك ارتاح ,وكل ماتذكرك احس بان الدنيا حلوه ..
انا مسجل رقمي بالجوال,كلميني )
ضمت الكرت وتمنت الدنيا توقف على هاللحضه على هالإحساس على
هالسعاده وعلى هالمشاعر.
خذت جوالها ولقت صعبه تكلمه باللذات بعد اللي سوته امس فكتبت له
(انا اعتذر عن تصرفي امس ,بس ماكانت عارفه انو انت)
::::::::::::::::::::



"بعد المغرب محمد رجّع امه وفاتن من العزى وامه اصرت عليه يدخل
ويقعد معها شوي..

أصاله:سنتيا وين القهوه
فاتن:انا بجيبها<<تمصلح لأن عندها طلب
محمد:وشفيك يمه وجهك تعبان
فاتن من بعيد:تراها تحب
أصاله :ول اذنك مخليتها هنا وانتي هناك سبحان الله
محمد:يمه هذه كل شي فيها غير, لسانها طويل قرقرتها ماتنتهي اذنها خارقه
..
اصاله:لا حمود انا مارضى على فتون "وبصوت واطي قالت صادق وهي
تغمز له"
ابتسم محمد "وحس انه مشتاق لامه"
جت فاتن وهي تقول :عادي قول اللي تقوله انا احب شخصيتي واحب اضل
مثل مانا ,حتى بعض الاحيان "وقامت تحرك حواجها وكملت" احس اني
معجبه بنفسي هعهعههههههههههههع
محمد:الحمد لله يارب والشكر
اصاله:خلصتوا وله لسه باقي
فاتن:مع انه هو اللي بدا,لكن علشان عيونك بسكت
اصاله:ماقلت لي متى بيبدا دوامك؟
محمد:السبت ان شاء الله
فاتن:اها يالواسطات..هب هليك توك جاي ولقيت وظيفه
اصاله:هههه طبعا لولدي واسطات الدنيا كلها

فاتن: الله واكبر ياولدها ,ترى يبيلي اشتري لي ملابس للكليهP
اصاله:طيب انزلي السوق
فاتن :ايه بنزل بس ودي اصلا اروح بيت اهلي انام عندهم يومين منها
اشوفهم لاني اشتقت لهم ومنها انزل معهم السوق
محمد:ليه يعني ماينفع تنزلين من غير ماتروحين عندهم
فاتن:انا ابي اروح لهم لأني مشتاقه لهم وبروح مره وحده السوق,مامداني
اقعد معهم زين
اصاله:خلاص يامحمد كلها يومين تمر مثل الهوى
"قام محمد وهو متضايق وطلع بره البيت,اما فاتن نقزت حبت راس اصاله
وظبت اغراضها وركبت السياره واول شي سوته مرت على داليا وسمر
عشان ينزلون السوق,عاد وهم بالسياره..

سمر:وينك من العصر نتظرك
فاتن:ههههههههع كنت بالعزا
داليا: لاتكذبين اوما انتي تروحين عزا!!
سمر:إي والله ياخوفي تقول لهم (عزاكم فله ههههاي)
فاتن:اقول بلا خفة دم انا مجبره اروح لأنه صديق محمد واكثر شخص
عزيز على قلبه,ومن كثر غلاته لو قالوا له نام عندنا ماقصر
داليا:هههه غيرانه تراه يقوم بواجب ,مالها داعي الغيره البايخه
فاتن:هههعههع ,بالعكس اتمنى ينام عندهم وانا ارجع بيت اهلي للأبد
بيصير عندي وقت ادج وازور باقي البنات واجتمع معكم واعزم بدور قلبي
واخليه يدفع واستعد للكليه برواق و..
داليا:خلاص بس كفايه عرفنا خلاص
فاتن:هع وش فيك ماشتقتي لهذرتي
داليا:الا والله مشتاقين لك كلك على بعضك
سمر:جد يابنت نبي نعرف وش سويتوا وكيف كانت حياتكم متى نقعد معك
فاتن:ههه بتعرفون ايش !! انا قلت لكم عن كل شي
داليا:اقول لاتسوين لي فيها خجوله
فاتن: والله ماستهبل عليكم اصلا واحد يقولي لي وبطريقه ثانيه انا مابيك
وش تبون ردي؟؟
داليا:انا اشوف دامك صرتي فيها اركبي راسك واعقلي وتعوذي من
الشيطان واكسبي زوجك
فاتن:ياعالم انتم ماتسمعون اقول لكم يحب وحده
سمر:بالله ماحبيتيه؟
فاتن:ادري انكم ماراح تصدقوني لكن بقولكم ,,اني طول عمري ودي يكون
لي صديق بس مو عن طريق الحرام او اسوي شي من ورى ضهر
اهلي,,ومع محمد حسيت ان هالشي صار
سمر:انتي فعلا مجنونه لو تخلين وحده ثانيه تاخذ مكانك
فاتن:هو يحبها قبل مانا اعرفه اصلا, يعني انا اللي اخذت مكانها,وبعدين
لاتنسون اننا اثنينا انجبرنا على هالزواج
سمر: داليا عطيني عطيني
داليا:سلامات وش اعطيك؟
سمر:عطيني سكين منشار عصا ,ابصقع هالمهبوله ذي على راسها
فاتن:هههههههههههههع ههههههههع هع
سمر:ههه اصلا في بنت تضحك كذا؟؟؟اكيد مابيحبها ولا تحبه !!والأكيد
انه ندمان انه تعرف على هالعربجه اصلا
فاتن:هع وانتي الصادقه تدرون دائم وش يناديني؟
سمر:اكيد فتون
داليا:لألأ,فتونة قلبي
فاتن:هع اوما فتونة قلبي كثري منها دائم يناديني ابو فاتن
داليا وسمرناضروا بعض وماسكتوا ضحك.
:::::::::::::::::



مكالمه من خلود ل
جارح:نعم
خلود:مرحبا
جارح:ايه هلا,وش تبين؟
خلود:كيف الحال؟
جارح:اللحين داقه تسئلين وش احوالي!!وله تبين شي؟
خلود:ايوا بس حبيت اسلم عليك قبل لا اقول لك.
جارح:اخلصي خلود تراني مشغول
خلود:طيب انا كنت بقول لك ان زواج اختي بعد كم يوم وحابه اروح
اساعدها هالأيام
جارح:لا لا مافيه روحه
خلود:جارح الله يخليك هي فرحه وحده لا تحرمني منها.
جارح:يعني تبيني اقطع سفرتي عشان اجي اسفرك
خلود:لأ مو لازم تقطع سفرتك,انت احجز لي بالنت وحخلي جارتنا وزوجها
يودوني المطار
جارح:...
خلود:الله يخليك ياجارح الله يخليك
جارح:خلاص انا بحجز لك اللحين وبحول برصيد زوجها مبلغ خذيه زياده
على اللي عندك
خلود:الله يخليك يارب,ويسعد قلبك
جارح:يله سلام
خلود:مع السلامه.
"ودقت على انين تبشرها انها بتحضر زواجها"
::::::::::::::::::::



اما بالسوق وهم طالعين

فاتن وهي مندمجه وتشرح من القلب وهي تقول : وبعدين وقفت على
صخره من زود البثاره اللي فيني واطيح لكم هالطيحه قسم بالله ان
معاكس:بسم الله على قلبك,ليت انا اللي طحت بدالك
داليا وسمر ضحكوا لأنهم دارين وش بيصير
فاتن رمت عليه كيس من اللي بيدها وقالت:الله ياخذك فجعتني وقطعت
موضوعي وش تبي ها؟؟
تعال
تعال وشفيك انحشت تعال
سمر:خلاص راح وطي صوتك الله يلعن شيطانك فضحتينا
فاتن:خله قليل الحيى , يتهزء قدام العالم كفّوه
داليا: ههههههه
فاتن:يوه
سمر:وشفيك؟
فاتن:نسيت اجيب شي لخطوبة بدر
داليا وفتحت عينها:ها خلاص ا بتخطبون له
فاتن:ايه ان شاء الله الإثنين الجاي
داليا:ومن هي هذه اعرفها؟
فاتن:لا ماتوقع ,لأنها صديقة عيوش اختي
سمر:يالله على البركه الف مبروك
فاتن:هي انتي وش فيك ماتباركين
داليا:ها ..ايه مبروك "وهي تحس بكبريائها يوجعها"
فاتن:الله يبارك فيكم حبيبات قلبي,وش رائيكم نروح الكفي اللي فتح جديد

سمر:يمه وش دراك انه فتح كفي للحريمP
فاتن:هذه فوز ياحليلها اصلا ماتجيني اخبار جديده الا منها
داليا:لأ انا ماودي مانمت من الدوام على السوق ودي اروح البيت اريح
سمر وفاهمه مشاعر داليا : ايه خليها بيوم ثاني افضل.
فاتن:خلاص اجل نأجلها لعيونكم
:::::::::::::::::::::::::



جده


حلف خميس على احمد انه يجي بالليل يتعشى عندهم..
وهذا اللي صار ,كانت الجلسه على السفره هاديه..وكان احمد ينتظر الوقت
يمر ويقعد مع انين لحالهم...
لكن سميره كعادتها ماتبي هالشي يصير تبي تخرب الموضوع وخلاص ..
قبل لاينتهون من العشى حظرت الشاي ,,واصرت تقعد معهم تصب لهم
وتكلم بأشياء تافهه ماتهم احمد ابدا ..
خميس: طيب حخليكم لحالكم
سميره بتناحه:طيب حبيبي راحتك
قام احمد يناظر لسميره يعني افهمي وقومي

سميره بإستهبال وتغابي: انين حبيبتي ماقلتي لي اشتريتي كُتب للطبخ؟P
انين:وليه اشتري كتب للطبخ!P
سميره:حبيبتي انتي عارفه دائما لما تسوي حاجه تطلع يامالحه ياناقصه شي
احمد وهو مستغرب من سميره: ياسمسمه,مع الوقت حتعلم ايش بك
انين ومقهوره من كذب سميره: خلي بكرا احمد يجي ويجرب ياكل من
طبخي وهوا يُحم
احمد وهو يبتسم لانين: انا مو بس باكل اكلك
سميره وتبي تقطع كلامهم ونظراتهم: اقول لك احمد
احمد بملل:نعم
سميره:كيف دوامك ان شاء الله مرتاح
احمد:الحمد لله
وبعد السكوت المفاجئ اللي صار بالغرفه سمعت سميره صوت خميس
ينادي عليها فاستأذنت وراحت له وهي مقهوره انها طلعت وخلت لهم الجو..

احمد وهو يتأمل انين :طيب ومتى حترفعي راسك ابغى اشوف عيونك
انين:...
احمد:انين
انين:نعم
احمد:حبي في سؤال محيرني ولا لقيت لو جواب
رفعت راسها انين بإهتمام:ايش هوا
احمد:انتي ليه حاولتي تنتحري ,ايش السبب؟؟
ارتبكت انين:...
احمد بطيبه : حبي قولي لي
انين و بخجل:كانت عندي ضغوط وماكنت لاقيه احد على الاقل احكي لو او
ممكن يخف عني او يساعدني , و اخواتي كل وحده تزوجت وعندها اللي
يكفيها ,وبساعة غضب قررت هالشي وسويتوا
احمد:وين سميره عنك ليه ماتكلمي وتحكي لها
ناضرت انين بعيونه تبي تشوف هو صادق مايدري ان اخته سبب لكل
مشكله او انه فعلا يسأل بحب"
احمد:ايش بك ليه ماتجاوبيني؟
انين:ممكن نغير الموضوع
احمد:طبعا اكيد,قولي لي وين حابه نقضي شهر العسل"وقرب جلس جنبها
ومسك ايدينها"
انين:انت عارف لو دخل خميس وشافنا كدا حيسوي لي مشكله
احمد:يعني انتي حابه قربي منك بس خايفه من اخوك ها"وناضرها بخبث"
انين:لأطبعا ابعد شويا
احمد:هههه طيب جاوبيني
انين:ماعرف أي مكان
مد احمد يده وقرب جسم انين له وقال بإذنها:ودي نروح لمكان مافيه غير انا
وانتي
حاولت توخره عنها وقالت:احمد من جد وخر شويه انا مابغى مشاكل مع
خميس
احمد:انتي زوجتي وحلالي وهوا مالو دخل ابدا بالي اسويه
انين:بس انا اخاف
احمد:لا تخافي وانا معاك
ناظرت انين بعينه وقالت بتردد:احمد ...ليه ,,ا,, قصدي اش معنى
انا,يعني ليه حبيت ترتبط فيني؟
احمد:وليه مارتبط فيك؟انتي بنوته حليوه كل شي فيك مختلف وتدخلي
القلب من غير استئذان واول ماشفتك قبل تلاث سنوات وانتي في بالي ولا
قدرت انساك,, وللأسف صارت الشوفه بالمستشفى
"وفعلا انين كانت احلى وحده من خواتها شعرها فاتح وملامحها طفوليه
عينها وسيعه وصوتها بريئ"

انين:طيب ايش اللي يخليك تتزوج للمره التالته ؟؟
احمد:اها يعني انتي ناويه تطلعينا من هالجو الحلو بموضوع زوجاتي
انين:ههه نفسي اعرف لأنوا شي غريب؟؟
احمد:شوفي تقدري تقولي اني سيئ الحظ,,وانا على فكره مطلق زوجتي
الأولى واللي على ذمتي التانيه بس
انين:وليه طلقتها
احمد:كانت صغيره مره ودلوعة اهلها ,ماقدرنا نتفق بأي شكل من الأشكال
وكانوا اهلها بكل صغيره وكبيره بيتدخلوا, تعبت وقلت خليني اتزوج وحده
قريب عمري من عمرها ,وبعد زواجي التاني طلبت الأولى الطلاق وهذا
اللي سويتوا
انين:يعني ماكنت بحاجه لزواجك مني
احمد:من قال؟؟ انا احترم زوجتي التانيه ولا ناوي اطلقها لكن مو معناه
اني سعيد او لا قي اللي ارتجيه من زواجي منها
انين:ايش قصدك؟
احمد:اقصد انها تشتغل ولو خيرتها بين الزواج والشغل راح تختار الشغل
من كثر ماهي عمليه.
انين:ماكنت عارف قد ايش كنت شايله هم انك متزوج غيري
احمد:هههه لا تخافي انتي غير وابغى اكون بحياتك كمان غير ابغى اكون
الأهم
انين:طيب يله وخر شويا
رجع احمد على ورا بجلسته واخذها بحضنه وغنى بصوته الحلو لأصاله"

ما دفنك الحزن ياقلبي .. انفض غباره وقم
باقي للفرح باقي وباقي لك امل بين البشر شخص بك يهتم
لم لم اشتات المشاعر وخل نروح .. نمشي في كل الطرق الين اجيك
كم رسمه الشوق في بالي وكم اه وكم بين البشر شخص بك يهتم"

وهذا هو اللي يجمع انين واحمد شخصين مالقوا اهتمام لاقين بعض اللي
ينقصهم ,متناغمين فوق الخيال,وشعورهم بين المحبه والوئام.

::::::::::::::::::::::::




بيت اهل فاتن

فاتن بصوتها العالي:يله يابرشلونه يله يله يله يله هدف
و ههه هع "وقامت تصفق وتنط من
الفرحه" دخل الهدف دخل الهدف
بدر:هههههه الله يرجك امي وابوي نايمين بيقومون يدخّلون هدف بخشمك
فاتن:ههههههه,شف انت مهزوم مهزوم يعني الله يعينك على الرهان
بدر:ياحبي تونا بالبدايه وتراني انا اللي معطيك فرصه تدخلين علي الهدف
وله انتي فاشله بالبليستيشن من يومك
فاتن: ايه طيب طيب العب بس وشف اللحين إن ما مردغتك مردغه عهعه
وما مداهم يهجدون إلا تدَخل فاتن الهدف الثاني وهنا قامت تصفر وتضحك
على بدر وشكله المقهور..
قام بدر يحك راسه ويقول:ترى انا فيني النوم وله عمرك مادخلتي علي
هدف اصلا
فاتن:ايه صح ومن اللي مدفعتك حق الرهان اللي راح 500 ريال
بدر:لا ذاك اليوم كنت ابي اتصدق وقلت ان..
وتقطعهم ام فاتن: وش فيه وش هالصراخ
قامت فاتن تناظر بدر:يمه قلت له الله يهديه يابدر شف الساعه كم نام
وبكره العب معك رفض ويوم قلت له وطي صوتك علاه اكثر
بدر: اه يالكذوب ,اتقي ربك انا اللي احايلك نأجل هالتحدي ورفضتي
ام فاتن: اقول يالبزر انت وياها استحوا على وجيهكم ابوكم نايم وقوموا
ناموا يالمهبل
بدر:ههه لايكون خاطرك الا طيب يالغاليه اللحين باخذ بنتك هالمصرقعه
وندخل ننام

فاتن تمثل البراءه :يله انا بروح انام تصبحون على خير "وقامت تتثاوب"P
::::::::::::::



اما بيت اصاله
دخل محمد للبيت لأنه بعد ماجاب لثالث يوم للعزى العشى, راح يغير جو
بشوراع الرياض..

اصاله:هلا ياحبيبي وينك الله يصلحك مقفل جوالك اقلقتني عليك
محمد:لاتشغلين بالك يالغاليه ليه مانمتي للان!!
اصاله:وشلون انام وانت ماجيت,وشفيك ياولدي وش اللي مضايقك ,ليه
احس انك مو سعيد ولا تقولي السبب موت صديقك
محمد وهو يرمي نفسه على الكنب:ايه يمه وش بيكون غير كذا
اصاله:لاتكذب علي يامحمد انت فيك شي مو طبيعي,انا امك واعرفك زين
عدل محمد جلسته وهو يقول من قلبه :اه
اصاله:سلامتك من الاه وشفيك يابعدي؟
محمد:مادري وش اقول لك يمه,مادري من وين ابتدي,مادري اصلا اذا
مفروض اقول لك او لأ
اصاله قامت وجلست جنبه وربت على ظهره بحنان وقالت:ماحد بهالدنيا
هذه كلها يتمنى اللي فيك فيه ,غيري يانظر عيني
محمد: ...
اصاله: اذا ماراح تشكي لي وتقول لي ,بتقول لمن؟؟؟
محمد وكأنه ارتاح شوي :من وين ابتدي يمه ,من وين؟
اصاله: من أي مكان تحب,اهم شي قول ,,,ارتاح ..فضفض

"محمد ماصدق يسمع من امه هالكلمتين ,وكأنها عطته الضوء الاخضر
يطلّع كل اللي بقلبه ,حكى لها كل شي من يوم طلب من فاتن تتزوجه عشان
خاطرها اللين النهايه,,,
حاولت اصاله ماتنفعل عشان مايوقف ولكن يوم خلص,,, مسكت راسها
وهي تقول"
ياكبرها يامحمد وهذه سوات تسويها بنت الناس!!
محمد:يمه وش اسوي هذا اللي طلع معي ,تكفه لاتزعلين علي ,تراني تعبان
خلقه
اصاله:وشلون ماتبيني ازعل!!! ومن هذه اللي تحبها اصلا
محمد: ممرضه اتعرفت عليها بالمستشفى
اصاله:وفاتن!!
محمد:مادري يمه مادري محتار وماني قادر افكر
اصاله:طيب انا بسئلك وانت فكر
محمد:اسئلي لكن ساعديني اهم شي
اصاله:قلي اشتقت لحياتك بامريكا وبالأخص مع ذيك؟؟
محمد:كنت افكر فيها كثير باللذات بالبدايه
اصاله:اللحين وبهالوقت تحس انك تبيها وتبي تتزوج منها وتنتهي فاتن من
حياتك؟؟
محمد:.....
اصاله:بتقدر يامحمد تحط عينك بعين فاتن وتقول لها انتي طالق؟؟
"ناضر محمد امه وهو يفكر"
اصاله: راح تخلي رضاي وسعادة فاتن وقلبها الكبير ورا ظهرك وراح
تروح تعيش بسعاده مع هذيك؟؟ راح تقدر؟؟
"قام محمد وحب راس امه ابتسم لها بتعب وطلع ينام ممكن انه ارتاح يوم
تكلم وممكن انه لقى اجابات امه وممكن يكون ضميره مرتاح وقدر يغمض
عينه وينام ...







- وش راح يصير بين محمد وفاتن!! وهل ممكن الامور تنحط بالمسار
الصحيح!!!
- سميره وحبها لصنع المشاكل وش ممكن تخترع!!

- بدر وخطوبته القريبه وهل ممكن تتم!P
- شعور داليا وايش ممكن تسوي والامور طلعت من بين يدينها !!!


البارت الحادي عشر




ماطار جده
انين: مو دي خلود؟
خلود: انونه حياتي
تهاني:نورت جده ياعسل
خلود:ياعمري ياخواتي , وربي مشتاقة لكم موت
انين: مو مصدقه انك جيتي
خلود:ههه والله كأننا مهابيل,يله نمشي
تهاني:يله حمزه يستنانا بره
خلود:ها كيف إستعدادات العروس
انين:هههه والله الوقت ضيق بس عادي اهم شي انفك من شر سميره

واخوك النذل
وبالسياره
زوج تهاني حمزه: اهلين حمد لله على السلامه
خلود: الله يسلمك يارب,كيف حالك وكيف البزوره؟
حمزه:الحمد لله الكل بصحه وعافيه
تهاني: دائما بيسئلوا عنك ,وماقلنا لهم انك جايه
انين:حتى هما معفنين دائما يفضلوها علي
خلود: ياسلام على الغيره خلاص اخيرا حتلاقي اللي يفضلك على كل البشر
تهاني:هههههه ايوا صح
حمزه: ها ياخلود بشرينا مافي شي بالطريق؟؟
حست خلود بغصه وقالت وهي تتذكر جارح: ربك كريم
انين وتحاول تغير الموضوع:خلود حبيبتي ماحتجي معايا بيت خميس؟
خلود:ايش!!! احد يروح للنار برجلوا !! لسه انا مانجنيت حروح يادوب

اسلم عليه وبس لكن ماحنام عندوا
تهاني:ياعمري بيتي مفتوح لك العمر كلوا
خلود:ربي يسلمك يارب,هما كلها كم يوم احضر بها زواج انونه وراجعه

للهم
حمزه: البيت بيتك ياخلود خدي راحتك
خلود: ربي يخليكم ليا يارب
انين:احم احم الله لنا
خلود: يالطيف ,مو قلنا لك خلاص لقيتي واحد
انين انحرجت ودقت بكتف خلود ,مع ذلك هم متعودين على زوج تهاني

ويسولفون معه وقريبين له اكثر من اخوهم,وهو يعتبرهم خواته الصغار,
"ويالسواليف اللي مانقطعت طول الطريق للبيت "
::::::::::::::


دق محمد على فاتن
فاتن: اهلين
محمد:كيف الحال وش هالقطاعه؟؟
فاتن:ههههه ,أي قاطعه كلها يومين
محمد:اها ومتى الجيه ان شاء الله؟
فاتن:توني ماقعدت مع اهلي واصلا اللحين انت تكلمني وانا اسوي مكياج
محمد:ليه وين رايحه؟
فاتن:بنروح كلنا نخطب لبدر
محمد:اها على البركه,اجل يوم تخلصون تعالي على البيت او دقي علي انا

امرك
فاتن:لا لا ابي انام عندهم وبكره يوديني بدر على طريقه الكليه
محمد:وليه بدر يعني ,,وبعدين خلاص طولتيها وانتي عند اهلك
فاتن:يوه محمد لاتسوي زحمه والشارع فاضي
محمد:فاتن تطلعين من دون اذني ومشيناها ,واللحين ماتبين ترجعين البيت!!
فاتن بعربجه :يوه يامحمد ..ياخي خلك كول وشفيك
محمد بضيق:فاتن خلاص اتعوذي من ابليس وارجعي
فاتن:خلاص خلها بضروفها ,ولازم اقفل ابي البس لا نتأخر على الناس
محمد:راح اقفل لكن راح انتضرك بالليل, بكره دوام فلا تتأخرين
فات:ؤ خلاص بشوف
محمد:فاتن لأمو تشوفين ,,تجين
فاتن:اف جد منت طبيعي خلاص طيب يلا احط
محمد:احط!!
فاتن:يوه يعني مع السلامه
محمد ويهز راسه: مع السلامه

قفلت وهي تسمع لبدر يقلد طريقه تركي الجازع وقالبها طق ..
(اربع حروف بقلبي مالها خامس اكيد فاتن هي اللي تطيب الخاطر )
وتجي فاتن طايره له ترقص باستهبال ويكمل
( ياسلام ياسلام وياسلام ..كل يذوق النوم الا انا جالس )
وطبعا فاتن حافضه هالكست كله لأن بدر يحبه ويعيد ويزيد بالسياره

هالأغاني فقلبوا على اغنية ..
(دق البخت بابي من بعد طول غياب والزين وافاني..حملتها عتابي ..ومهما

افترقنا احباب..اهواه ويهواني وهلا روح روح هلا)
وتدخل امهم وهي تزعق:وقسم بالله ان البيت كان هادي واخوك هالمهبول
ماسمعنى هباله الا يوم جيتي ,اعقلوا فشلتونا اصواتكم عند الجيران
فاتن:ههههههههههههههههههههههههه هههههههههههههع هع
بدر:يمه الله يسلمك مستانس ماتبيني افرح
امهم:ياخي مو كذا وانا امك استانس افرح بالعكس انا مستانسه اكثر منكم

بس بالعقل وانا امك
فاتن:هع طيب بدور ابسئلك يعني انت وخشتك..اللحين حنا بنروح نخطب

انت ليه كاشخ وكأنك بتدخل يعني؟؟
امه:هههه ايه جد,انت بس بتوصلنا ومعك الرحمن
بدر: الله يسامحكم انا انسان كشخه من يومي
فاتن:ايه صح مره واضح
بدر:يمه شوفي بنتك تتحرش وبعدين تشكي لك
امهم: ههه اقول يله خلونا نطلع ترانا بنمر على عيوش خلصونا لا نتأخرنا
فاتن:يله بجيب عباتي
بدر:يوه فتون لاتأخرينا امي قالت يله يعني يله
فاتن:ايه يله من غير عباة بطلع مشينا
بدر:اقول روحي البسي عباتك لأكسر راسك
فاتن:اه
بدر:وشفيك
فاتن:بطني احسها توجعني
"عرف انها تستهبل عليه فقام شالها وداها غرفتها وقال:بسرعه

البسي"
::::::::::::::::::::


داليا وسمر
بعد ماخلص دوامهم وبالسياره


سمر: تدرين ان اليوم بيخطبون لبدر
داليا:ايه قالت لي فيوز
سمر:وش شعورك؟
داليا:من بعد مارسلت له ولا رد ,عرفت اني حرام حتى اني افكر فيه
سمر:ايه تعجبيني ..خلك قويه
داليا:اقول ماودي نرجع البيت وش رائيك نروح نتمشى
سمر:لا الله يخليك راسي توجعني ماصدقت خلص ذا الدوام البايخ
داليا:اف
سمر:وشفيك؟؟
داليا:صراحه..احس اني متضايقه
سمر:طيب وش رائيك تدقين على امك وتسئلينها وش عشاكم اذا عجبني

بقعد عندك نسولف ونوسع صدورنا اللين تعشوني
داليا:جد؟؟
سمر:ههه لا امزح,اقول لك تعبانه وابي انام
داليا:طيب يله ذا بيتك انزلي يالدبه
سمر:ههه ماعليه الجايات ان شاء الله
داليا:اوكي باي حبيبتي
سمر:بايات قلبي.
::::::::::


بيت العروس
ام العروس "ام ناصر":والله يام بدر البنت بنتكم وانتم ناس ينشرون
ام بدر:الله يسلمك,عاد حنا قلنا نشوف رائيكم وتشاورون ابوكم والبنت,والي

تامرون عليه حاضرين
عائشه:اقول خالتي وين عروستنا نبي نشوفها
ام ناصر:هههه يله بروح اشوفها
"ودخلت ام ناصر للعروس وتقول: وينك كل هذا؟؟
العروس: الطريق زحمه ياقلبي وش اسوي ..الا من اللي عندنا؟
ام ناصر:اقول بلا استهبال اخلصي البسي واطلعي لهم
العروس اللي هي داليا: يمه أي استهبال اطلع لمن؟؟
ام ناصر وتناضر لبنتها ان كانت تستهبل او لا : يعني ماقالت لك فاتن

امس!!
داليا:وش تقول لي؟؟
ام ناصر:هي قالت لي لا تقولين لدالي انا اللي بقولها
داليا:يمه وضحي وش تقولين؟؟مافهمت
الا وتدخل فاتن لغرفتها :هههههههههههههههههههههههههع هههههههههههه
داليا:يوه الدبا عندي وانا مادري!!!
فاتن:ايه جينا نخطب لأخوي من عندكم
"فتحت داليا عيونها وتحرك راسها وهي تقول:ها!!
فاتن:خاله ممكن تخليني مع العروس شوي
ام ناصر:ههه طيب يله اخليكم
داليا:انتم جاين تخطبوني؟؟
فاتن:ههههه ايه يالخكريه تنازلنا وجينا نطلب خشتك
داليا:....
فاتن:هههه انا يوم كنت بماليزيا على اخر يومين تقريبا دقت علي سمر

وقالت لي ان قلبك مال لأخوي,عاد انا اخذتها فرصه لأنه المجنون وبعد
مارفضتيه قال لأمي تشوف له عروس, وكان ناوي فعلا يتزوج من أي
وحده ,عاد انا دقيت على امي وقلت لها
داليا:يالكذابه وتقولين لي العروس من طرف عيوش
فاتن:هههههههههههه,,انا قلت خلني ادبك شوي
داليا باستهبال: ومن قال لك اني ابي اخوك اصلا
فاتن:اقول لا تسوين لي فيها ترى قسم اشدك من شعرك على المملك ,ترى

ماينفع مع شكلك التفاهم
داليا:يمه منك يالعربج
فاتن:وش اسوي مليت منكم ,هو من اول ماعرف ان اللي بنخطبها انتي وهو

اربع وعشرين ساعه ها متى بتخطبونها؟؟ها متى بتروحون عندهم,ها اف
داليا:هههههههههههههه ,,والمعفنه سمر تلعب علي ولا وضحت لي ,جد

ممثله
فاتن:هع يله ماتبين تقعدين مع امي وعيوش تراهم ينتظرونك
داليا:يالله كيف بطلع لهم وانا كذا ماحضرت نفسي
فاتن:ياحلوك مايحتاج قمر,بس اخلصي علينا غيري لبس دوامك ويله
داليا:يوه استحي
فاتن: ايه مره صدقتك,اخلصي بس
داليا:طيب وين بدر راح وله ينتظركم بره؟
فاتن:ام الحيى مره واضح ,,خير وش تبين باخوي؟
داليا:يوه فاتن بطلي دفاشه عاتي اسئل


وفعلا دخلت داليا تسلم على ام بدر وعيوش ومن داخلها كانت ميته فرح
وتحس اللي تبيه صار ..
وكعادتها ودها ترقص وتنط وتنجن بس تنتظر هالشعب يطلع وماكودت ام

بدر وعيوش يستأذنون الا وتمسك بفاتن وتصر عليها تكمل معها
السهره..وطبعا ماصدقت الداجه فاتن احد يمسك بها ..
داليا وهي رافعه خشمها: شكلي محلوه هالايام صح فتون
فاتن:هههه هذا اللي مادح نفسه يبي له مية رفسه
داليا:الله يسامحك
فاتن: هع الا ماقلتي لي متى تبين الملكه ترى بدر وده يعرس اليوم قبل بكره
داليا:إي ياحياتي دامها انا العروس طبيعي عاتي عاتي يتصربع
فاتن وهي تقلد مياعة دالي:عادي عادي,اقول الله واعلم كيف بتعيشون مع

بعض والله انكم مو لايقين,خلني بس اشوف جوالي حاطته بالشنطه من
ازعاج بدر ,وطي هالمسجل
داليا:تؤتؤتؤ فيني رقصه اصبري
فاتن وهي تشوف جوالها :يوه يوه
داليا:وش فيه؟
فاتن: 5 مكالمات من بدر, لكن 22 مكالمه من محمد
داليا:هههاي وتقولين مابينكم شي
فاتن:اش ياختي وطي صوت المسجل خلني بكلمه
داليا وتروح للمسجل : طيب
فاتن:الو
محمد:انتي وينك !!!
فاتن:عند دالي
محمد:وين بيتها؟
فاتن:ها ليه
محمد وهي موصله معه والاخلاق منتهيه قال:وين بيتها
فاتن:ابكلم السواق يجيني اللحين
محمد:فاتن...وين..بيتها
"ووصفت له فاتن وقالها تجهز عشر دقائق وراح يكون عندها ..
::::::::::::::::


جده
وهم على البحر حبت تدق خلود على زوجها وتطمن عليه..

خلود:مرحبا
جارح:هلا
خلود:كيف الحال
جارح:انا بخير
خلود: ايش مسوي؟؟
جارح:تمام ها قولي لي, ناقصك فلوس ناقصك شي؟
خلود:لا ولا شي بس حبيت اتطمن عليك
جارح:انا بخير
خلود:كيف ضهرك
جارح:زين
خلود:طيب متى حترجع الرياض
جارح: انا بالرياض اصلا
خلود:والله ,,متى رجعت
جارح:بالليل
خلود:اهمم
جارح:خلاص تبين شي؟
خلود:لأسلامتك
جارح:يله سلام
خلود:مع السلامه

تهاني:ايش بك وجهك معفوس
خلود: وربي ان زوجي مجنون
تهاني وانين :ههههههه
خلود:من جد مو طبيعي كإني انا جيت عندوا وترجيتوا يتزوجني
تهاني:الله يعينك عليه
خلود:اه خليها على ربك , اللي بتمناه ان ربي يوفقك يانونه ويكون زوجك

زي زوج تهاني قولي امين
تهاني وانين :ان شاء الله يارب
انين: اسمعوا من بكرا تبدوا تنزلوا معايا السواق تراني حايسه
خلود: انا عن نفسي ماعندي شي غيرك ,خلي النهار يجي وحلُف بك اسواق

جده,وربي مشتاقه للشوارع
تهني:ح احسك بسجن
خلود: اسكتي بس
انين: يله تهاني خلي زوجك يجي ويرجعني اخاف خميس يسوي لي

محاضره على التأخير
خلود: ههه لا تخافي سميره مرتاحه ,وهذا هوا اللي يهموا
انين: اه على قولك.

::::::::::::::::

اما فاتن نزلت اول مادق عليها محمد وركبت السياره
فاتن:سلام
محمد بصوت مو واضح :هلا
عرفت فاتن من شكله انه معصب فما تكلمت وهو كان ساكت ولا تكلم نص

كلمه اللين رجعوا البيت..
دخلت فاتن تاخذ دش وبعدها توضب اغراض الكليه,وقالت بكل مرح

وحماس : محمد تعشيت "وكملت قرقره",انا والله اكلت لك اكله
اف عاد ام دالي طب..
وقاطعها محمد وقال:ليه هو يهمك اصلا !!
فاتن وتناظر بالتنوره اللي ماتحب تلبسها : ها وش اللي يهمني؟؟
محمد وكأنه ماصدق : تعشيت اكلت نمت قمت,ماغير منشغله بالاسواق

ورايحه جايه من بيت لبيت من غير استئذان او احترام لشخص اسمه
زوجك
فاتن وتخلي التنوره وتناظره باستغراب: انا قلت لك بنروح نخطب لبدر
محمد: وانا قلت لك بعدها ارجعي
فاتن وهي تلم شعرها: طيب عجبتني القعده وقعدت
محمد ويحس بانه مقهور:ومن عطاك الاذن تقعدين اذا انا قايلك لاتتاخرين

عندي دوام ولا ودي اسهر
فاتن وبرود اكبر :وانا قايله لك بنام عند اهلي او بجي مع السواق
محمد:انا ماسمحت لك
فاتن وهي تقرب لمحمد :محمد وش فيك صاير ثقيل دم ,وشفيها يعني

لاسهرت عند صديقتي ,اصلا حنا متع..
محمد:فاتن بإختصار ماتروحين او تجين الا بإذني مفهوم
ناضرته فاتن بإستغراب وجت تروح الا ومسك يدها وناظر لها :مفهوم؟؟
فاتن: خلاص نشوف وخر
محمد ويشدها له: انتي مو معقوله
فاتن ومستغربه منه: محمد وخر
كان يناظر محمد بعينها وكأن في شي يشده لها وقال: فاتن وش تحسين

تجاهي؟؟
فاتن بعربجه: اني طفشانه منك, وانك تعورني واني مليت من هالحوار

البايخ
"شدت يدها منه وقامت تكمل تجهيزاتها,اما محمد يحس انه يغلي من برودها

وراح على السرير ونام ,ويوم شافته نام قامت تناظر فيه وهي تقول بنفسها"
(قليل حيى بدل ماينام برا ويخلي لي السرير ,او حتى ينام على جنب او

حتى بسيارته ,لكن الشرهه مو عليه علي انا معطيته وجه "وتظبط فرشها"
لا وبعد يرفع صوته علي بس هين بكره جاي واوريه اشلون )وماكملت

قرقرتها الا وهي بسابع نومه...
:::::::::::::::::::

ياصباح الخير
جده



احمد:ياصباح الخير
انين:اهلين احمد
احمد:شكل الحلو نايم
انين:كنت ,,واللحين طار النوم
احمد:وحشتيني
انين:وانت كمان
احمد:يعني امر عليك
انين:هههه ماصدقت,,لا ماينفع تجي من غير مايعرف خميس
احمد:عادي حجي اسلم على سميره ومنها اشوفك
انين:لا افضل لما يجي خميس العصر,ايش رائيك تجي تتغدى عندنا
احمد:اكيد حجي,كيف ارفض لأنونه طلب
انين:تسلم
احمد:حبي..
انين:نعم
احمد:ابغى اطلع معاك ,ونقعد لحالنا انا مارتاح بالبيت اتضايق من دخول

خميس المتكرر
انين:ماراح ينفع الزواج بعد كم يوم وانا وقتي كلوا بالأسواق والحمد لله انو

اخواتي حيساعدوني وله كنت ماحقدر اجهز شي.
احمد:طيب معذوره ..بس في شي انتي مو معذوره منو
انين:ايش هوا
احمد:ماقلتي لي تحبيني وله نص نص وله ايه
انين:ههه امم استحي
احمد:في احد يستحي من نصوا التاني

"إلا تدخل سميره وهي معصبه لغرفة انين وترمي باقه ورد على وجه انين
وتقفل الباب بقوه,انقهرت منها انين لكن تحمست تشوف الكرت ولقت
مكتوب فيه
(حبيت اصبح عليك بورد,,ياهبة ربي ,,ياكل الحب)

احمد:ياهو نحن هنا وين رحتي!!
انين:ليه كلفت على نفسك
احمد:بإيش
انين:باقة الورد
احمد:هههه ياحضها الباقه ياقلبي
انين وبعد ماسكت شوي :احمد
احمد:عيونوا
انين: انت شخص تجنن من جد
احمد:انونه انتي قلبي واتمنى اقدر اسعدك,انا مابغى شي غير زوجه اكون

انا الأهم بحياتها ,ارجع البيت الاقي الراحه فيه ,الاقي السعاده الاقي انثى
تستناني
انين:صدقني حبيبي مافي شي ممكن اقدر اسويه عشان اسعدك وابخل عليك

فيه
احمد:جد حبيبك وله طاحت الكلمه بالغلط
انين:هههه وبعدين معاك لا تحرجني
احمد:طيب يعني تحبيني اكيد وله؟؟
انين: انت عارف اني حلمت فيك قبل ماتجي تخطبني
احمد: جد؟
انين: حلمت انك معايا بس ملامحك ماكانت واضحه والغريب انوا انت

السبب بانقطاع الحلم
احمد: انا!!
انين: ايوا انت كنت جاي تشوف حالتي بالمستشفى
احمد: ان شاء الله ماعاد ترجعي لها بيوم ياقلبي
انين: انا اصلا حتى لو تعبت ,انت دوايا ياحمد
احمد: يسلم لي قلبك ,حبي عندي حاله حتدخل علي اكلمك لما انتهي
انين:طيب,انتبه لنفسك
احمد:مع السلامه حبي
انين:باي.
:::::::::::::::::::::::


قامت فاتن من النوم مفجوعه لأن الوقت متأخر وهي تتوضا ومربوشه
وبصوتها المزعج تقول : محمد يامحمد محمد يله بسرعه قوم ,"وراحت
فتحت الستاره بعد ماصلت ,يوه يامحمد بسرعه قوم اصوله يمديها بشغلها
وانت عندك دوام ترى ماحد بيصحيك انا طالعه سلام"قام محمد
بكسل جهز نفسه ويوم نزل لقى السواق ودى فاتن,راح دوامه وهو
متضايق..
اما فاتن كانت شاقه الحلق من الوناسه بشوفة الصديقات والجو كان ممتاز

وطبعا المرافقه الدائمه..
فوزيه: يابنت شكلي خلاص بعرس
فاتن:وش هالقرار العبقري المفاجئ
فوزيه:لأنك محلوه وانا ابي احلو
فاتن:هع يانصبك يافوز ,الا ما اشتقتي للكفي
وزه:ال والله ,رحته مره قبل ماتبدا الدراسه ماحسيت له طعم ,حلاوتها

بعد المحاضرات وانتي معي.
فاتن:هههع فديت قلبك ,لعيونك بنطلع اليوم بعد المحاظره عليه
فوزيه:اهم شي الحساب على من؟
فاتن:هعهعهعهع علي لاتخافين
فوزيه:ايه دامه عليك ماشي نروح وليه لأ, صحيح ,خطبتوا دالي خلاص؟
فاتن:ايه الحمد لله
فوزيه:مبروك الف مبروك عقبالي يارب
فاتن:ههههع امين ,شوفي بسم الله عليه عمره طويل دق..الو
بدر:ابي افهم تذليني يعني؟؟
فاتن:ماعاش من يذلك بدوري,ليه انا وش سويت
بدر:ليه ماتردين علي ,ماقلتي لي وش صار معكم
فاتن:ولا شي,يبي لك تشوف لك يوم تروح انت وابوي تخطبونها رسمي
بدر بتشكيك:طيب وهي موافقه اكيد
فاتن:ههع لاتخاف امس من وناستنا نسيت نفسي وتأخرت عندها واتهزءت

من محمد,يعني موافقه ونص
بدر:هههه الحمد لله خلاص اكلم ابوي وعلى الخميس نخطب رسمي
فاتن:ماعندك وقت
بدر:ايه طبعا انا ابي املك بسرعه عشان اقدر اكلمها واشوفها ونتفاهم شوي
فاتن:ايه يصير خير
بدر: طيب ابي امرك نشتري هديه اخذها معي يوم الشوفه
فاتن : هع اوكي مر علي قبل المغرب بيتي
بدر:خلاص اجل امرك
فاتن:اوكي احط
بدر:وعليكم السلام.
فاتن:هع

فوزيه:وش كان يبي منك
فاتن:ياختي بلا لقافه
فوزيه:مو لقافه فتون بس حب استطلاع
فاتن:بلا لقافه ويله بروح محاظرتي
فوزيه:طيب متى بتخلصين
فاتن:على الساعه وحده
فوزيه:اجل موعدنا الكفي
فاتن:اوك,اشوفك
فوزيه:باي
::::::::::::::


بيت خميس
"بعد ماتغدوا ثارت اعصاب سميره يوم تشوف احمد يبتسم لأنين وانين
مبسوطه ...
تحس انها قدمت لأنين اكثر من حقها فبعد ماسوت الشاي قالت:
حبيبي خميس,تصدق انا مره ماخده بخاطري من خلود
انين وحست ان سميره ناويه تنكد الجو :وليه؟
خميس:من جد ليه؟
سميره:اخس عليها تجي جده وتقعد عند تهاني وبيت اخوها مفتوح والله

ماكان العشم
خميس:...
انين وهي ترتجل : هي قالت لي حتجي امس بس انا قلت لها لا عشان ا

عشان هناك بيت تهاني السوق قريب ولما احتاج شي تنزل تشتري لي اياه
سميره:لالا دا مو عذر يانونه,على الاقل تجي تسلم ,هوا اللي يتزوج ينسى

العالم ياساتر
احمد:ياسميره تلاقيها جايه اليوم تسلم عليكم ,انتي حطي لها عذر كمان
خميس: لا هي اصلا قليله حيى وطول عمرها ماتوجب
سميره بنفاق:لا لا ياحبيبي لاتقول كدا على خلود حبيبتي مافي زيها
خميس باستهزاء:مافي زيها
سميره: الا احمد حبيبي ممكن اكلمك شويا
احمد :اكيد
سميره:لأ خلينا ندخل جوا موضوع بيني وينك
"حست انين بضيق ودعت ربها ان مايكون الموضوع يخصها"

وبعد مادخلوا للمجلس
احمد:امري ياسماسم
سميره: مايأمر عليك عدو ياحبيبي,,بس انا حبيت اسئلك ,,انت مرتاح من

قرار زواجك بانين
احمد:اكيد ,انتي ليش تقولي كدا؟
سميره:امم ولا شي بس حبيتك تفكر كويس عشان ماتندم بعدين,انت عارف

دا زواج مو لعبه,وانا انين احبها مابغى لها الضر
احمد:ههه لا تخافي انين انسانه طيبه وعلى نياتها, وانا راح احطها بعيوني
سميره وهي مقهوره :ا طيب انت استخير كمان مره
احمد:سميره ايش قصتك في شي تبغي تقولي لي اياه؟
سميره:ها... لا بس امم انوا حبيت اتطمن انك سعيد
احمد:لا تخافي واتطمني ,كل شي بأحسن حال
تنكدت سميره وهي مقهوره ان انين مبسوطه وبنفس الوقت ماتبي تخرب

طلعت انين من بيتها تبي تنفك منها بس بنفس الوقت ماتبيها تعيش مرتاحه
ابتسمت لأخوها وطلعوا يكملوا القعده.
::::::::::::::::


اما فاتن اللي بالكفي
فوزيه:بس تصدقين فتون ياحظك بزوجك
فاتن:وليه ياحسره!!
فوزيه:كثير من البنات لا تزوجوا يمنعهم زوجهم عن حياتهم اللي قبل

ويلتزمون بالبيت وينحرمون من الطلعات والوناسه
تذكرت فاتن انها حاطه جوالها سايلنت وتطلعه بسرعه الا محمد يدق
فاتن:هلا
محمد:انتي وبعدين معك ,ليه ماتردين
فاتن:كنت حاطته سايلنت لأني بالقاعه
محمد:وينك اللحين
فاتن وهي تحك راسها" لزوم الكذبه": انا ا بالسياره راجعه البيت
محمد:بالسياره
فاتن:إي
محمد:طيب يله لأننا نبي نتغدا
فاتن:طيب تغدوا اللين اجي
محمد:ليه انتي مو بالطريق
فاتن:ها إلا بس لو انكم جايعين تغدوا
محمد:راح نتضرك لاتأخرين سلام

"فطست فيوز ضحك على شكل فاتن وقامت فاتن تضحك معها
فوزيه:هههه شكلي حسدتك
فاتن:هههع ايه الظاهر, يلعن ابليسك
فوزيه:بالله انتي فيك تاكلين بعد هالكرواسوه اللي طحنتيه ثلاث مادري

اربع
فاتن:الله واكبر عليك كله كرواسوه,مع ذلك والله اني شبعانه مادري

وشلون راح اتغدى معهم
فوزيه:ههههه يله طيب خلينا نقوم
فاتن:يله اشوه السواق ينتظرنا
فوزيه:لا انا بروح مع ياسمين
فاتن:تعالي معي اوصلك انتي بطريقي
فوزيه:لا مابي اخرك يله سلام
فاتن:سلام
::::::::::::::::


"بعد ماراح احمد اللي ماخذ راحته مع انين لأن سميره ماتبي تقوم تخليهم
لحالهم..دخلت انين غرفتها ودقت على
خلود:اهلين عروستنا
انين:هلا بك قلبو ,ايش بقول لك انتي مانتي ناويه تزوري خميس
خلود: الا بكره ان شاء الله
انين:لا ياحبي سميره حرشتوا عليك ,اللين ماقال انوا مافيك خير ومش

عارفه ايه ,يله فزي وتعالي بلاها المشاكل
خلود:يوه مالي نفس اشوف الحيه الله ياخدها
انين:امين يارب ,لو تشوفيها كيف قاعده بيني وبين احمد تقولي دي مرتوا

وغيرانه مني عليه
خلود:ههههههه,اصلا سميره دي انسانه تعبانه مهي سويه
انين:والله انك صادقه,ماقلتي لي حتجي
خلود:بعد اللي قلتيه اكيد حجي ,بلاها المشاكل كلها يومين وراجعه للحبس

الإنفرادي
انين:ههه يله حبيتي استناكِ
خلود:طيب مع السلامه
انين:اهلين.
::::::::::::::


على الغدا
اصاله:ماقلتي لي حبيبتي كيف خطوبة بدر
فاتن: هي مجرد كلام للحين ماصارت الخطبه الكبيره
اصاله الله يوفقهم
فاتن:امين
اصاله:ليه ماتاكلين
فاتن:ها اكل بس
اصاله:وشي لايكون تتوحمين وحامل
فاتن:هههههههههههههههههههههع هع هع
اصاله: وش يضحك قولي امين,الله يرزقكم بالذريه الصالحه
محمد وهو يناظر لفاتن: امين
ناضرته فاتن وفتحت عينها وقالت: الحمد لله شبعت
اصاله:وين ماكلتي
محمد ويبي يستفزها :شكلها يمه مثل ماقلتي
فاتن وهي توقف :ماشاء الله خفيف دم
اصاله:على وين؟
فاتن:بطلع اريح احس راسي بينفجر تبين شي
اصاله:سلامتك
محمد: الحمد لله
اصاله:وشي انت بعد شبعت
محمد:ايه الحمد لله
اصاله:ههه يله يله الحق زوجتك بس
محمد:هههههه
"وطلع محمد لفاتن لقاها مشغله لفنانتها المفظله "ماريا كاري "
محمد:هذه اللي راسها يوجعها وبتريح
فاتن:....
محمد:ههه ادري زعلانه ,بس ماراح اتأسف
فاتن: ومن قال لك اني زعلانه وايش اللي يزعلني او يخرب مزاجي اصلا
محمد:يعني مانتي زعلانه اني امس عصبت وعليت صوتي عليك!!
فاتن:وليه ازعل اصلا مايهمني كلامك اللي قلته ولا بنفذ منه شي
محمد:وش تقصدين
فاتن:اقصد اني كنت عايشه حياتي ومبسوطه ,عندي عالمي اللي مرتاحه

فيه بين اهلي صديقاتي وكليتي وهالشي ماراح يتغير
محمد:شوفي انا مابي ادخل معاك نقاش وانتي معصبه
فاتن:لا تقول معصبه انا مافيني شي
محمد:طيب انا بطلع اللحين ,ويوم تهدي ابي اكلمك بموضوع مهم
فاتن:لأ ماينفع اللحين بيمر علي بدر
محمد:وليه يمر عليك وش عنده هذا بعد؟؟
فاتن وتحط يدها على خصرها :انت ليه تتكلم على بدر بهالطريقه؟
محمد:وكيف تبيني اتكلم عليه وهو ماخذك مني
فاتن:ماخذني منك؟؟!! لا انت فعلا مو طبيعي
حاول يهدى محمد شوي وقال بهدوء: انتي ليه تتهربين من القعده معي؟
فاتن:انا ماتهرب واهرب من القعده معك ليه!! كل مافي الأمر ان خطوبة

بدر والكليه بوقت واحد وانشغلت بهم
محمد:وانا مالي حق عليك وله وش السالفه
فاتن:شف موضوع الحكره ذا انا ماتعودت عليه
محمد: فاتن ليه ماتكلمين معي بصراحه,ليه ماتبين تقعدين بالبيت,ليه دائم

برا؟!!
فاتن بعد تفكير: دام تبينا نتكلم بصراحه فإسمع..
جلس محمد وهو تركيزه معها: قولي
فاتن:محمد انا مو سهل علي اني اتأقلم بوجودك بحياتي وانا عارفه ان

علاقتنا ممكن تنتهي بكره او بعده واذا طولت راح تكون شهر او اثنين ,ماله
داعي تعتبرني جزء من حياتك,وماله داعي اعتبرك من مسؤلياتي
محمد وهو ضايق:والمطلوب!!
فاتن:اليوم تمنت امك طفل منا وبكره بينتظرون اهلي هالشي ,واليوم كذبت

كذبه وبكره لازم اكذب اكثر,وحياتنا كلها راح تكون كذبه كبيره
محمد:انا كنت ابي اكلمك بهالموضوع
فاتن وهي تلبس عباتها:ماينفع اللحين بدر هو اللي قاعد يرن علي
محمد: الموضوع مهم وماله داعي يتأجل
فاتن وهي طالعه من الغرفه :واو لهل درجه تبي تكلمني على الإنفصال,

ابشر بالليل راح نتفق على كل شي
محمد:فاتن لحظه
جرت فاتن على تحت وركبت السياره وهي فاهمه الموضوع على كيفها.
:::::::::::::

وهذا الوقت وصلت خلود لبيت خميس
خلود وهي تبوس راس اخوها: كيفك ان شاء الله تمام
الا وتجي سميره تمثل قدام خميس:اهلا بحبيبة قلبي "وتاخذها بالاحضان"
خلود:اهلا بك
خميس:لسه كان قعدتي لك يومين كمان وبعدين تجي تسلمي
خلود:ماعليه اسفه بس انشغلت بالسوق ,حبيت اساعد انين
سميره:لالالا مو عذر ياخلوده ,اذا كنتي ماشتقتي لنا احنا اشتقنى لك

ياوحشه
خلود وهي مستغربه: حبيبتي ماتقصري
انين وهي كارهه كذب سميره : خلود حبيبتي ايش رائيك تجي تساعديني

بترتيب الشنطه
خلود:ايوا يله
سمير:يوه يانين استني شويه ,ماقلتي لي ياخلود ماحملتي!!
خلود:ها ..لا لسه
انين:لسه بدري خليها تستمتع بزواجها وتنبسط لها يومين
سميره:ايوا يعني هوا دا السبب,مو شي تاني!!
خلود:لا تطمني مافي شي تاني
خميس: وكيف زوجك ليه ماجا معاك
خلود:كان مسافر عندوا شغل
خميس:ربي يعين
انين:يله خلود تعالي
خلود:يله

ويوم دخلوا الغرفه قالت خلود:هي سميره عارفه عن جارح؟؟
انين:لا تطمني ماحد قالها بس هي طبيعي تحب تتفلس وتطلّع اشاعات
خلود:طيب الحمد لله وله كان اتشمت فيني اللين شبعت,ماقلتي لي عطاك

خميس مهرك كامل؟
انين:طبعا مو العريس اخو زوجتوا اكيد مايبغى ينحرج معاه
خلود:ايوا وربي انا تحسبت عليه لما قال لي جارح انوا لبسي أي كلام ولا

جايبه دبش ولا حاجه
انين:الله حسيبي عليهم بس
خلود:يله خليها على ربك


:::::::::::
يوم طلعت فاتن من البيت ضل محمد يفكر بالطريقه اللي ممكن يتكلم بها مع
فاتن ..
شعوره كان واضح ودقاته تلخبطت من يوم دخلت فاتن بحياته..
عرف انها حبه,وعرف انه خسر احترامه بقلبها..
خانته القوه والجرءاه انه يعتذر فأخذ الورقه والقلم وكتب اللي كان يتمنى

يقوله لها ,ولكن خوفه من ردت فعلها هي اللي خلته مايقدر يواجهها,حط
الورقه على طاولة الغرفه وطلع من البيت.
::::::::::::::::::::::

وصل مسج لأنين
خلود: اقريه بصوت عالي ابغى اعرف سبب الإبتسامه
انين:هههه اسمعي..
(اه ياني اغير من نبض قلبك عليك
وشلون قلبك لاناداه اسرع مني يلبيك)
خلود: هههه عيني ياعيني
انين:عارفه ياخلود احس اني مو مصدقه ,احس انها لحضات حلوه راح

تنتهي قريب
خلود:ليش تقولي كدا
انين:دائما اللحظات الحلوه تنتهي بسرعه,واحنا هوا كدا حضنا من

الحياه,عمرنا ما فرحنا الا وينتهى هالفرح وينقلب ضدنا
خلود:لا تفكري بتشائوم,ولا تخلي تفكيرك السلبي يحرمك تعيشي فرحة

اللحضه ,ويخرب عليك سعادة قلبك,مو شرط ان حضك زي حضي ,ممكن
يكون احسن من حضنا كلنا
انين:توقعي ممكن تنتهي فرحتي على خير
قربت منها خلود وضمتها ودمعت وهي تقول: افرحي وفكري بكرا ان

حياتك كلها راح تكون سعاده ,الله رزقك بواحد يحبك ولازم تفكري كيف
ممكن تسعديه وتحافضي عليه
انين:انا ماني مصدقه ,ياخلود احمد انسان طيب مره,مايشبه سميره بشي
خلود:ياحياتي صدقيني انتي تستاهلي كل خير
انين:ربي يخليك لي يارب
خلود:ويخليك ليه.
:::::::::::::
- بالبارت الجاي
بتدخل شخصيه راح تكون مصدر لمفارقات مهمه ..
- انين وهل ممكن يصيب احساسها,وتنتهي فرحتها..
- محمد والطريقه اللي اختارها للتعبير عن حبه..وكيف ممكن تكون

المواجهه بينهم..
- سميره راح يطاوعها قلبها تخلي خلود وانين دون المشاكل


البارت الثاني عشر




جده
سميره تحس كل دقيقه انها سوت جميله بأنين والنار تشتعل بقلبها من
سعادتها باللذات شافتها تقيس فستان العرس بعد التضييق وكانت طايره من
الفرح هي وخلود اللي كانت تسمي عليها وطايره بها ..
واول ماسمعت ان خميس فتح باب الشارع وداخل قامت صرخت: حرام

عليكِ ياخلود ليه تخربي فرحتي بأخويا انا اخترت لو انين لأني احُبها ليه
تقولي كدا!!!
"فتحوا انين وخلود عيونهم ومو فاهمين وش السالفه "
ودخل لهم خميس:ايش بك ليه صوتك عالي ياسميره ايش صار!!
سميره وهي تتظاهر البكى: خلود تُسبني وتدعي علي تحسب اني مزوجه

انين لأخويا عشان يُضرها ,حرام عليك ياخلود حرام
خلود كالعاده الخوف على طول يلبسها وترتبك ولا تقدر تدافع عن نفسها
انين:بالعكس خلود ماقالت ولا حاجه
سميره وهي طالعه للصاله: يسمحك يامرة اخويا لكن من يشهد للعروسه
خمي وهو يناظر لخلود بحقد :يعني ياوجه الغراب لازم تعملي مشاكل

ماتقدري تعيشي زي الاوادم لازم تقرفي العالم
انين وترد بدل اختها :وربي خلود ماسوت ولا حاجه
خميس:انتوا ليه تكرهوها ,ليش قلوبكم سودا,تراها تحُبكم وما تجيب سيرتكم

باطل
خلود ودموعها بعينها :وربي ماسويت حاجه ولاقلت شي
خميس بعصبيه: يعني حتبلى عليك مثلا!!!
خلود نزلت راسها :....
خميس وبصوت عالي: اسمعي دحين روحي على بيت اختك واقعدي عندها

وبعد الزواج على الماطار وانقلعي على بيتك فاهمه
خلود: حاضر
"حست انين بالقهر ودعت كالعاده بسرها على سميره ودرت انها سوت

هالمشكله لأنها شايفتها سعيده,وقدرت تمحي هالسعاده بلحظه.
:::::::::::::::
بعد ماساعدت فاتن بدر على اختيار الهديه المناسبه لداليا طلبت منه يوديها

على بيتها ,, لكن اصر يعشيها وبعد ماتعشوا وصلها للبيت
كانت فاتن ساكته طول الطريق ,تفكر بكلام محمد ومقهوره منه لانه يبي

الانفصال السريع وبطريقه فظه,وكانت تفكر وش ممكن تسوي ,وايش راح
ترد عليه بطريقه ماتجرح كرامتها ,وتجرحه هو.
وقبل لاتنزل فاتن بيتها مسك يدها بدر وقال::فتونه ماراح تقولين لي وش

فيك ؟؟
فاتن:قلت لك بدور مافيه شي,يله ان شاء الله هديتنا تعجب دالي
بدر:لا اكيد بتعجبها دامك انتي اللي مختارتها
فاتن:خلاص اكيد بكره رايحين تخطبون رسمي؟
بدر:ايه ان شاء الله وبعد بشوفها
فاتن:بالتوفيق ان شاء الله
بدر:الله يسمع منك
فاتن: يله سلام
بدر وهو مو عاجبه حالة فاتن: مع السلامه
::::::::::::::::
اما بيت اصاله وصل محمد قبل جيت فاتن بعشر دقائق طلع يجري على

الغرفه وارتاح يوم شاف الورقه مكانها وان فاتن ماشافتها اخذ الورقه اللي
كتبها وعفطها بيده على دخلت فاتن
ويوم شافته رفعت راسها وقالت بثقه:سلام
محمد:وعليك السلام
فاتن:تكفه لاتفتح لي موال اني متأخره ومادري ايش ترى بدر اصر

وحلفني يعشيني
ابتسم محمد:لا عادي
فاتن وهي تفسخ عباتها :اوخص عادي اجل طيب حلو لأن راسي يوجعني

ولا ودي بمشكله
محمد:هههههه ماراح تصير مشكله ,لأني ابي اكلمك بموضوع مهم ويخص

حياتنا
فاتن بلا مبالاة:ودي نأجله لبكره
محمد:لا ماينفع
بعد ما علقت فاتن عباتها وهي تحس بقهر منه :تكلم اجل
محمد:اول شي ابيك تسمعيني ولا تقاطعيني ممكن
فاتن وهي تجمع قوتها ربعت يدينها وقفت تسمعه :اها اوكي قول
محمد:طيب اقعدي
قعدت فاتن : قول
محمد:شوفي انا مادري من وين ابدا والمشكله اني ماقدرت ارتب كلامي

قبل لا اقوله
فاتن:ههه لاتنحرج,اذا على موضوع انفصالنا مايحتاج ترتب كلامك ولا شي

,انا مهيئه نفسي من قبل زواجنا انه كلها شهوروينتهي كل شي
محمد بعد ماناظر لوجهها وشاف جديتها : انتي وش قاعده تقولين!!
معقول ماحسيتي بااللي احس به!! ماتعلقتي بعلاقتنا ولو شوي !!
وجت فاتن تقاطعه قال: اسمعيني للنهاي, ادري اني غلطت من البدايه

وكنت اناني لدرجه كبيره ,لكن مادريت اني تسرعت وقلت اللي مفروض
ماينقال الا يوم عشت معك,,
فاتن انا ماقدر اتخيل حياتي من دونك,ولا اقدر اتخيل ان ممكن أي انسانه

تاخذ مكانك سواء كان بقلبي او بحياتي
فاتن تسمع ومذهوله من اللي يقوله وقالت :كفايه محمد وش قاعد تقول!!
محمد:ارجوك خليني اخلص كلامي,انا ادري انك ماراح تسامحيني

بسهوله,وادري اني غلطت لكن اوعدك اني بصلح اخطائي وبعتذر عنه
طول العمر..
""قرب لها ومسك يدها وقال بهدوء"
فتون..
والله اني احبك
"وانتظر محمد ردة فعلها لأنها كانت تناضر عيونه وكأنها تبي تصدق اللي

يقوله او حتى تشوف ان كان صادق بكلامه وقالت:انا متعجبه من قوتك
محمد:صدقي..
فاتن:خلني اكمل كلامي ولاتقاطعني مثل ماخليتك تتكلم.
ان مادري كيف جا في بالك اني اللعبه السهله بيدينك!!!
محمد: فاتن خلني اوضح لك
فاتن وهي تسحب يدها من يده وتحاول تهدى عشان تقدر تتكلم :
محمد انت ممكن تكون زوج ناجح,وممكن تكون فعلا تحبني مثل ماتقول ,,

لكن كل هذا مايهم,حنا اتفقنا من البدايه وانا رضيت اكون السلعه اللي مو
لك,واللحين انا ماراح اكون لك,صدقني انا ما اكن لك مشاعر سيئه بالعكس
انا اتمنى لك زوجه تسعدك وتوفق معها
محمد وهو يقاطعها:انا ابيك انتي وبس
فاتن وهي تبتسم سخريه منه: انت تبيني!! لكن انا ما ابيك....
انا ابي لنفسي الزوج اللي يقدرني ويحترمني يخاف علي يحميني واهم

شي.. اهم شي يامحمد انه يستحقني,تكفه لا تصر على انانيتك وخلنا نهي
موضوعنا بأقرب وقت
محمد:صدقيني انتي تطلبين المستحيل
فاتن:المستحيل اني اقبل فيك كزوج اللحين
رفع صوته وهو يقول: مافي شي مستحيل هو قرار لو اخذتيه ينحل كل شي
فاتن:وانا مابيك تكون بحياتي خلينا نفصل وخلنا نهي هالمهزله
بعد ماناضر لها فتره طلع ودف الطاوله اللي كانت بطريقه وانكسرت
اما فاتن وقتها حاولت تستوعب كل اللي كان يقوله وكيف ممكن بلحضه

يغير رائيه ويلعب بمشاعرها واحساسها,مامداها تقعد الا وتشوف الورقه
اللي رماها محمد وهو يزعق خذتها وضنت انها رساله عن تخلي حبيبته
عنه وعشان كذا طلبها كبديله لكن ماحبت تفتحها وتنصدم منه اكثر ,حطتها
على التسريحه,على دخلت ..
اصاله:وش فيه وش الصوت اللي قبل...يوه وش هالقزاز
فاتن وتحاول تتمالك اعصابها :ا محمد طيح الطاوله
اصاله:وينه هو
فاتن:مادري شكله راح
اصاله:فاتن وش السالفه
فاتن:...
اصاله:اكيد كلمك محمد
فاتن بإستغراب:على ايش
اصاله:عن علاقتكم
فاتن:انتي تدرين!!!
اصاله:كلمني قبل كم يوم,وصدقيني انا للحين زعلانه منه ولا سامحته على

اللي سواه فيك
فاتن: مو مهم اصلا انا طلبته يطلقني
اصاله:ايش!!
اسمعي يابنتي انا ادري ان اللي سواه محمد عيب ولا احد يرضى به ولكن

لكل مشكله مهما كانت كبيره حل
فاتن:اصول انا موافقتي على تفاهة ولدك كانت لأني احبك واحترمك وكان

ودي تسوين العمليه باي شكل,لكن اللحين انتهى كل شي ولا راح ارضى
على نفسي الإهانه اكثر من كذا
"وخلتها وراحت تحضر شنطتها,درت اصاله ان هالوقت مو مناسب تناقشها

اكثر طلعت من الغرفه وهي تدعي لهم بالخفى.
:::::::::::::::::::


صباح جده
مكالمه من جارة خلود

نسرين:صباح الخير
خلود:اهلين حبيبتي وربي مشتاقة لشوفتك,ودوبني كنت بسيرتك
نسرين:تأبريني حياتي ..كيف جده معك؟
خلود:تجنن جده اصلا مافي زيها
نسرين:شوئتيني اجي زورا
خلود:ههه يله تعالي والله حمشيك اللين تشبعي
نسرين:ههه لا مو هلا,شو بدي الك مبروك جوزك خلص ماصار بيزعجنا

بمشيتوا بالعكازي
خلود:ههههه من جد؟؟
نسرين:والله خلص امبين ماصار يستخدما
خلود:اجل اكيد خف ضهروا
نسرين:اي ممكن ومتى راح ترجعي,خلاص تعي
خلود: بس احضر زواج اختي بكرا راجعه للهنى,على ايش مستعجله

يانسرين؟؟
نسرين:هههههههه ,الله يعينك تأبريني
خلود:قولي لي ايش تبغي هديتك؟
نسرين:مابدي غير سلامتك حياتي
خلود:ربي يسلمك خلاص اجل انا اختار لك على ذوقي
نسرين:ماتقصري حياتي يله حبيت بس اتطمن عليكي
خلود:تسلمي حبيبتي
نسرين:باي
خلود:باي
::::::::::::::::::::::


قامت فاتن من النوم على رنة جوالها ,شافت ان الساعه 10 الصبح ,خذت
جوالها تبي تشوف من يدق ولقتها فوزيه عرفت انها بتسئلها ليه ماحضرت
لكليه ؟وليه صوتها متغير؟؟وليه مادقت عليها؟؟؟؟
كثرة اسئله هي في غنى عنها رجّعت الجوال مكانه وقامت تشوف حولها

مالقت محمد ومبين انه مارجع الغرفه بالليل ,نزلت تحت ولا لقته سوت لها
نسكافي وقعدت تفكر بكل احداث امس..احتارت اكثر فطلعت غرفتها وقفلت
الباب بالمفتاح وشافت الورقه اللي على التسريحه,حبت تقراها عشان تقدر
تاخذ قرارها من غير ماتندم ,ولقت اللي مكتوب..
(اه مادري يوم انهي هالورقه بقطعها وله بخليها تقرينها ,قاعد اكتب واحس
اني محرج وانا اطلبك تنسين الماض وتبدين معي حياه جديده...
يوم كنا بماليزيا كان يقول لي قلبي اشياء انا ماكنت فاهمها ويوم تكونين

جنبي كنت احس بشعور واحسب انه مجرد ارتياح لك او اعجاب بك ..
ويوم كنت اسمع لقلبي يدق كنت اقول عادي بنت حلوه وجنبي اكيد بيدق
كنت انكر حقيقة اني احبك..
كنت اضن اول اني احب,لكن صدقيني ماذقت بذيك العلاقه ولا ذرة احساس

من اللي احسه وانا معك..وعرفت اني متوهم الحب.
فتون انتي ماستئذنتي يوم سكنتي قلبي لكن انا بستأذنك تعطيني فرصه

المس قلبك, ادري اني جرحتك وادري اني غلطت غلطه كبيره وقايل لك انا
منحرج وانا اطلبك تنسين وتسامحين..
لكن اطلبك بحق الصداقه والايام الحلوه اللي قضيناها ان تعطيني فرصه
وتعطي لحياتنا الزوجيه مجال,انا ماقدر اجبرك تعيشين معي..لكن انا

اطلبك انك ماتخيبين ضني وتكونين كريمه معي وتعطيني هالفرصه..)
دمعت فاتن وحست انها بدوامه ولا تدري كيف تتصرف,قت الورقه مره
ثانيه ,وثالثه .. وناضرت للشنطه اللي جهزتها امس..
حست ان هالحروف اضعفتها..
حست انه في حب بكلامه..حست بصدق في مشاعره,,
تلخبطت ولا عرفت ان كان تبقى او ترجع لبيت اهلها ,,
فكرت هي ليه ماطلعت بالليل لبيت اهلها !!!
ممكن لانها ماتبي تفجعهم بالليل
وممكن انها تبي تعطيه فرصه
وممكن انها ماتبي تستعجل بقرارها ..
راحت مسكت جوالها وكالعاده دقت على صديقاتها المقربات تستشيرهم

وتاخذ برائيهم اللي تثق فيه.
فدقت على داليا اللي كانت جنبها سمر ,حكت لهم وكانوا يسمعون لأنفاسها

السريعه لحروفها المتلخبطه لضعفها اللي ماتعودوا عليه
داليا بحنان:فتون انا لو مكانك ماحتار..
سمر:يامجنونه من هالايام تلاقي الحب وتقوله لأ
فاتن:صعب يابنات افهموني, ماراح اقدر انسى
داليا:هو اكيد بيتفهم هالشي ابدوا من البدايه وصدقيني كل الامور ممكن

تنحل
سمر:فتون على قولته عطيه فرصه
داليا:صادقه سمور انتي لازم تعطين فرصه بطلي التسرع

بتصرفاتك,بالنهايه هذه حياة زوجيه تحتاج الاخذ والعطى
سمربإستغراب:فتون معقول انك ماتعلقتي فيه وتعودتي عليه او بالاصح

معقول قلبك مادق وحبيته!!!!
فاتن:مادري انا تعودت عليه مثل ماتقولين لكن ماتوقع اني حبيته
داليا:خلاص عطي نفسك فرصه اذا حسيتي ان ممكن تعيشين معه وتحبينه

وعطاك احترامك واخلاصه عيشي حياتك فتون لاتنهينها
سمر:واذا مافكرتي بنفسك فكري بأهلك ترى مو سهل عليهم انفصالك

وباللذات بهذا الوقت المبكر من زواجك
فاتن:يعني قولكم اتمهل
داليا:اكيد فتون ,بطلي قساوة قلب
سمروتبي تخف الجو:هه لالا ماتخيل فاتن تحب وتصرف كانثى خخخ
فاتن:...
داليا:هههههههههههه
فاتن:تدرون عاد والله مو سهل علي
داليا:مافيه شي صعب عليك ياصقيقتي العربجيه ,صدقيني بتقدرين تعلميه

الادب وتبردين قلبك فيه
فاتن وهي تستمد قوتها من كلامهم :ياويل اهله اجل
سمر وداليا: هههههههههههههههههههههههههههههه هه
فاتن:اجل اللي سواه قليل والله لأطلعه من عينه
سمر:في وحده عاقل زوجها يكتب لها اللي قريتيه لنا وتقول اوريه نجوم

الليل
فاتن:ايه انا ,اجل شايفتني رومانسيه وهبله مثلك !!
داليا: اهم شي لاتفترين فيه فتون ارحميه بشوي شوي ههههههاي
فاتن:....
سمر: أي شوي شوي ممكن يستسلم من الجوله الاولى
فاتن: هههه
"وماغير تسمع فاتن من وراها صوت محمد وهو يقول:ياجعلي فدوة

لهالضحكه"
طيب بنات اكلمكم بعدين سلام.

اما عند سمر وداليا
سمر:تؤتؤ شفتي !! وش يضرها لو خلت السماعه ونسمع وش يصير بينهم
داليا:ههههههههه اوما عاد كثري منها...بس بيني وبينك..اتوقع راح يكون

الجو بينهم واو
سمر:ياختي اموت واعرف وش قاعد يصير بينهم
داليا:ههههههه حتى انا هههههههه
سمر:خلنا بس عن اللقافه وقولي لي وش بتلبسين للشوفه؟
داليا:امم وش رائيك بذا؟؟
سمر: مره كيوت ونعوم
داليل: ياقلبي ياسمور ,اليوم مارحتي دوامك عشاني
سمر:ههه صح بس بعد لو تبين الصراحه بديت امل من الشغل
داليا:ههه اما تملين!!
سمر: أي والله,المهم خلك مني ,وقومي استشور لك شعرك
داليا :يعني بتدلعيني
سمر:انا عندي غيرك
:::::::::::::


اما بعد المغرب
جا وقت الشوفه

ضيّف ابو ناصر بدر وابوه وهو يرحب فيهم ولده ناصر يقهويهم
ابو ناصر: والله يابو بدر يشرفنا نسبكم
ابو بدر : والله الشرف لنا يابو ناصر
ابو ناصر: انت رجال ولدك بدر والنعم فيه والله
ابو بدر :الله يسلمك
ابو ناصر:الا ماقلت لي وش صار على البظاعه اللي طالبها من الهند
ابو بدر :لا الحمد لله ابشرك ,جابها زهير من يومين, بس تعرف الى ان

نوزعها على المحلات والتجار تاخذ وقت
ابو ناصر:وعسى شملك التثمين اللي صاير هالايام
ابو بدر :تقصد بيتنا الاول اللي بالعود؟
ابو ناصر:ايه مو عندك بيت هناك؟؟
ابو بدر :ايه انا مأجره من سنين,واللحين دخل التثمين ,وعساه يجيب
ابو ناصر:لا يجيب ان شاء الله يجيب يارجال
ابو بدر :نقول ان شاء الله,شفت وش اللي صاير بالاخبار هذه الايام؟؟
ابو ناصر:اسكت وانا اخوك اللي صاير لايرضي الله ولا رسوله
ابو بدر :أي والله ,شفت وش صاربال..

"وسواليف ماتنتهي بين ابو بدر وابو ناصر ,اما ناصر ابو 15 سنه ماسك
ذا البلاك ويلعب ..ومخلين اللي قاعد على نار وكاره سواليفهم كلها وده
يقفل فم ابو ناصر ويقوله اخلص جب بنتك ,ويناظر بأبوه على باله بينتبه له
او يعطيه وجه لكن مافيه امل من سالفه لسالفه ومن موضوع لموضوع لين
مل وانتهى صبر بدر فقال وهو طفشان منهم : اقول ياعم
ابو ناصر:سم
بدر:الله يجزاك خير يعني ا
ابو بدر:ههه اكيد يبي يشوف العروس,شباب هالايام ماعندهم صبر
ابو ناصر:هههه أي والله صدقت يابو بدر,انا عندي هالولدين واحد 15

والثاني 16 سنه ,وتعال شف لابغوا شي
ابو بدر: والله ياخوي هالايام كلها استغفر الله ,صايرين بعصر السرعه
"اما بدر حس انه فتح لهم موضوع جديد وكأنهم مقصرين ,, وده يقوم

ويدخل لعندها يشوفها ويخليهم يكملون هالسوالف ,ويوم بانت الضيقه بوجهه
"
ابو ناصر:هههه يله يابدر تعال يابوي ادخل المجلس وانا بدخل اجيب البنت
فز بدر وشقت الإبتسامه وجهه:يله تفضل
ابو ناصر:ههههه الله يكتب اللي فيه الخير
::::::::::::::


فوزيهقابلت اريج واماني
اريج:اماني سلامات وين الواحد ماصار يشوفك
اماني تحاول تتذكر :ليه ماقلت لكم؟
فوزيه: انا ادري ياقلبي
اريج:جد وايش صار؟؟
فوزيه:انخطبتي امون صح؟؟
اماني:بسم الله الرحمن الرحيم,يلعن ابليس وشلون عرفتي دام اني ماقلت

لأحد؟؟
اريج:هيا كنش نسيتي انها الجزيره
اماني:هههههههههههههههههه
اريج:على البركه قلبي
فوزيه: ومتى بتملكون ان شاء الله؟
اريج:تؤتؤ معقوله ماتعرفي؟؟
فوزيه: انتي يالحضرميه بتسكتين وله لأ
اريج: ليه ياقلبي وش فيهم الحضارم!!!
اماني: والله والنعم فيهم والسبعة انعم بعد
اريج:مالت
فوزيه: هههههههههههههههه يمه وشفيكم اكلتوني
اريج: انتي اللي تتريق كيف تبغينا نرد عليك؟؟
فوزيه: عشان قلت لك ياحضرميه معناها تريقة عليك,يعني انتي لو قلتي لي

يالسعوديه معناها انتي تتريقن علي؟؟
اريج:انتي ماقلتيها بنيه عاديه ,قلتيها وكانك تحسبين انو تتقلين بقيمتي
اماني: اقول يالتافهه انتي وياها استحوا على وجيهكم ,قلبتوها غم
وهواش ,وينس يافتون ودالي وسمر اصرف من وجيهكم قسم
اريج: يعني ماتسمعين هالخامه
فوزيه: ايه يله اغلطي
اماني: وبعدين
فوزيه وتسفه اريج:اماني ماقلت لك فاتك امس جات صحافيه للكليه عندنا
اماني: صحافيه بالكليه وش تسوي؟؟
فوزيه: عندها بحث عن بنات الكليه وجايه تسئل وتاخذ معلومات
اريج: اكيد ماراح تجي مره ثانيه لانها بدل ماتسئل انتي اللي هريتها اسئله

لين طقت
فوزيه: شوفي انا ساكته ومابي ارد من اول فلا تخليني اغلط عليك
""فطست اماني ضحك على اشكالهم"
فوزيه: وجع وش يضحك
اماني: بصراحه فوز انتي ملقوفه جد واسئلتك واجده
فوزيه: الشرهه علي اني اخاويك
اماني: لا والله ماتقومين افا عليك ياختي خذي واعطي وش فيس زعوله
::::::::::::::::


يهز برجله من طول الانتظار ..انتظر وانتظر ..قام يتخيل ويتذكر شكلها
اول ماشافها وسلبت تفكيره , قام يفكر ان في شي اسمه حب من اول نظره
,كان يحس قلبه ينبض حاب الحياه ,وماقطع تفكيره غير صوت كعبها اللي
يقرب ويقرب وكل ماقرب دقات قلبه تزيد ... لين شاف زولها
بسيطه
ساحره
حلوه
مفعمه بالانوثه
ابتسامتها خلته يحس انه بحلم ..

ظبط قعدته وزادت بسمته وقال بهيام متجاهل ابوها :هلا والله وغلا ومرحبا
ابتسمت داليا وقالت :السلام عليكم
بدر :وعليك السلام والرحمه والسعاده
داليا قامت تناظر بالارض :...
بدر:كيف الحال عساك بخير يا "وتدارك وجود ابوها وسكت "
داليا: تمام
ابوها:ها ياداليا شفتي الرجال مو بعدين تقولين يبه ماشفته
ابتسم بدر على لون الإحمرار اللي بدا يكسو وجهها
داليا وتبي تسكت ابوها قبل لايزيد باحراجها :ايه
اما بدر اللي كان عارف عنها كل شي كان يبي يتكلم معها ويسمع صوتها

باي طريقه فقال يستهبل : كيفك مع الدراسه خلصتيها ان شاء الله
داليا وهي تدري انه يستهبل:الى الثانوي وقفت
بدر وهو حاب الوضع:وليه ماكملتي جامعه؟
هنا رد ابوها على باله يفزع لبنته: الله يهديهم صديقاتها سحبوها معهم للعب

ولا جابوا نسبه
بدر :اها مثل اختي,يله صار خير
داليا وتبي بدر ينجن ابتسمت له وقالت:يله عن اذنكم
وطلعت وبدر مقهور منها وعيونه مافارقت مكان خروجها لين اختفت من

عينه
ابو داليا: ان شاء الله ارتحت لها
بدراه ياقلبي:ياعم حنا شارينكم ان شاء الله,ومانبي غير رضاكم ,انا لو علي

اعرست عليها بكره
ابو داليا:ههههه جد ماعندكم وقت ياهالشباب, يله الله يكتب اللي فيه الخير
بدر:ان شاء الله,بس ياعم متى تحب نملك ؟
ابو داليا:وش فيك مستعجل الله يصلحك توني بشير البنت واذا وافقت حددنا

الملكه دامك جاهز
بدر:إي والله انا جاهز اذ تبون المهر بكره جبته والشقه امرها بسيط ان

شاء الله
ابو داليا: ان شاء الله خير
بدر:بإذن الله
:::::::::::::


طبعا على طول طلعت داليا على جوالها ودقت على فاتن,وتدق وتدق لين
سمعت لنغمتها عند الباب
فاتن وتحاول تخفي حزنها:مرحبا
داليا نطت من الفرحه وراحت ضمت فاتن
سمر:ام المفاجئات
داليا وتظم سمر بعد :فديت وجودكم جنبي
فاتن:الله يتمم لك على خير ,ماقدرت ماكون هنا
داليا:فديت قلبك
سمر:يله احكي لنا وش صار
"وحكت لهم داليا ولكن ازعاج رنة فاتن ,ماخلتها تركز مع داليا وكانت فاتن

متشته ماتدري ترد على محمد او لا ,بالنهايه قررت ماترد ,وارسلت له
(بليز لاتدق انا بيت داليا ومشغوله معها ,وترى اليوم بتعشى عند اهلي)
ثواني وارسل لها (براحتك اهم شي لافظيتي كلميني)
داليا:فتون انتي معنا
فاتن وتحاول ماتخرب فرحة داليا:ايه اكيد ها قولي لي وش رائيك

بأخوي؟؟
داليا بجرائتها: وه يجنن يلعن شكله ,والله خقيت على سماره
سمر:ههههههههه الله يرجك لا يكون بينتي هالشي
داليا: لا وش دعوه مسويه اني خجوله عنده,بس عاد فتون لاتسوين فيني

حركة نذاله وتقولين له
فاتن: افا عليك انا احرجك انا؟؟
داليا: وه يابنات والله اني مستانسه
فاتن: جعله دوم يارب
سمر: طيب وش تحسين اللحين
" كانت داليا تتكلم لكن فاتن ماكانت معها سرحت بوضعها مع محمد وتمنت

انها عاشت هاللحظات اللي تحكي لها عنها داليا ,تنهدت واستأذنت منهم
بحجه ان بدر ينتظرها لين تسلم وتطلع لانها بترجع معهم
:::::::::::::::::::::::

بيت اصاله
بعد مارجع محمد من مشواره,شاف امه بالصاله حب راسها وجلس جنبها

سرحان
اصاله: اللي ماخذ عقلك
محمد:يمه
اصاله: سم
محمد:معقول فاتن ماتبيني
اصاله:تبي الصراحه انت الله يهديك مسوي شي مايتسوى,وله فيه احد

عاقل يقول لوحده تزوجيني بس تراني احب غيرك!!!
محمد:يمه الموضوع ماصار بهالشكل
اصاله: المهم هذا المقصود ,وانت اللحين لازم تصبر ولاتعجل
محمد:الى متى يمه زوجتي وقدامي ,لكن ماتبيني اجيها ,انتي ماشفتي وش

سوت اليوم الصبح
اصاله : وش سوت؟؟
محمد وهو مكشر : كنت ابي اتفاهم معها لكن مابقى شي الا وكسرته

بالغرفه
اصاله:ههههههه فاتن؟
محمد:ايه مجنونه هذه ,هذا بس وانا مقرب جنبها وشلون لاسويت

شي,لاخلتنا نتفاهم او نتكلم او حتى نناقش الموضوع
اصاله: ههههههههههههههههههههه,الله يصلحك يامحمد
محمد:يمه بالله كلميها ترى مايصير اللي تسويه
اصاله:لا والله انا مالي وجه اتكلم اللحين خلها على الاقل اللين تهدى

الامور شوي
محمد:وش هالرقم اللي غاثني من امس
اصاله: طيب رد وشف من,اكيد احد يبيك وله ماراح يدق من امس لليوم
حد:اnoSymbl%E15 اكلم احد,لكن ابي انفك منه ..الو
....: حبيبي اشتقت لك
ارتبك محمد لأنه عرف هالصوت وطلع من عند امه: الو
....: إشتقت لك فوق ماتصور
محمد:كاترين!!

"طبعا كاترين كانت تتكل بالانجليزيه ولكن لتسهيل الطرح كتبت كلامها
عادي"
كاترين:ايه كاترين اللي قطعتها وخليتها تنجن عليك
محمد:انا قايل لك إن اللي بيننا انتهى
كاترين:بس ماقدر اقطع علاقتي بك
محمد:شوفي انتي لازم تعيشين حياتك انا خلاص عشت مع انسانه حبيتها

وعايش سعيد
كاترين:...
محمد:اعتذر لكن لازم تنسيني
كاترين:اوكي راح احترم اخلاصك وحبك لها بس ,على الاقل اعتبرني

صديقه,لاتقاطعني
محمد:صعب ياكاترين صعب
كاترين:لا محمد مافي شي صعب عليك ,انا الاصعب عشته وكان علي كله,

ارجوك لاتقاطعني..انا اوعدك اني ماجيب لك طاري حب او أي شي
بيضايقك بس اهم شي خليني اسمع صوتك اسئل عليك وتسئل عني
محمد:مادري وش اقول لك صراحه
كاترين:قول انك تقبل صداقتي ارجوك
محمد:هالشي صدقيني بيسبب لي مشاكل
كاترين:صدقني ماراح اكون عائق بحياتك,وحتى ماراح ادق عليك ,لكن

لاتقطعني ودق علي وخلني اعرف اخبارك وانك بخير وبس,هالشي راح
يكفيني
محمد:مثل ماتحبين بس ارجوك انتي لاتدقين
كاترين:ابد ما راح ادق
محمد:طيب كاترين انا لازم اقفل احس بصداع وابي اشرب دواء
كاترين:ماتشوف شر حبي,اسمح لي راح اخذ وقت اللين استبدل هالكلمه
محمد:اسف على اللي سويته فيك
كاترين: صدقني ذكرى الايام اللي قضيناها مع بعض ماتخليني اتأسف على

أي شي كان بيننا
محمد:اوكي اكلمك بوقت ثاني سلام
كاترين:بإنتظارك باي.

""وكأن كاترين بهل اتصال اشعلت حاجة محمد للحب الحقيقي المتبادل ,
لاحتياجه بسماع كلمه حلوه,نضره حب,حضن مايحمل معه الا الدفى ,اخذ
تلفونه ودق على فاتن وكالعاده ماردت عليه ,حس بالضيق اكثر وطلع
الشارع مره ثانيه يحط حرته بسواقته المجنونه .
::::::::::::::


بيت اهل فاتن
امها:ها فتون ماقلتي لي متى ناويه تفرحينا ونشوف اولادك
فاتن اختبصت وحاولت ماتبين : احم ... ا يوه يمه بدري
امها:يابنتي العمر يجري ومافي احلى من ان الوحده تجيب لها اولاد يكبرون

معها
فاتن:لا يمه وين توني حتى ماخلصت الكليه
إلا بدخلت بدر وكأنه منقذها من هالموضوع مع امها: فتون ياختي وبعدين

معك
فاتن:سلامات خير ان شاء الله؟؟
بدر:متى بتقولين لي وش رائي الحلوه فيني
فاتن وهي تقلد دلع داليا : قالت وع وع وع وش ذا الاسمر الشين

ياربي
بدر ويناظرها بحقد: لاتستهبلين ها
فاتن:هع انت ياخوي مافي مثلك بالدنيا كلها وخلاص يابدوري كلها فتره

وتنسانا
بدر:هههه لا افا عليك انتي الأخت والام والحبيبه الاولى والصديقه

والصديق بعد
فاتن:اهئ تهئ
بدر:اوما تصيحين كثري منها
فاتن:ههع يعني مانفع امثل
بدر:والله من جنبها هههههههههههه
الام: خلني بس اقوم اسوي العشاء لابوكم اصرف من القعده معكم
بدر: وانا بقوم اخذ لي دش على السريع واجيك عندي لك سواليف طايره
فاتن:هههه يله انتضرك لاتتاخر
ورن جوال فاتن وردت:اهلين
داليا: كيف العسل
فاتن: مشتاقه لك لو انك داقه قبل ثواني كان انجن اللي جنبي
داليا:ههههههه ليه انتي للحين بيت اهلك
فاتن:ايه
داليا :ياقلبي انتي نسينا نسئلك وش صار معك انتي ورجلك ولهيت بفرحتي
سمر اللي معهم على الخط: شكلكم اجل ماتصالحتوا
فاتن:لا
داليا:ياربي يافتون ليه؟؟ توقعتكم تصالحتوا.
فاتن وهي تفكر باللي سوته: أي تصالح اصلا مابقيت تحفه ولا شي قدامي

الا كسرته بس للأسف ماعرف اصوب ولا كانت راح تصير اصابات
سمر:هههه اقول بلا استهبال يله جد وش صار
فاتن:من جد هذا اللي صار
داليا: ياختي انا اشك انك مجنونه
سمر: ههه اقول سلفيني زوجك شوي ممكن
فاتن:ههه خذيه الله يهنيكم بعض
داليا:ههه مجنونه وتسوينها ,طيب قولي لنا وش صار
فاتن:اول شي قام يقول لي عن مشاعره ومادري ايش ,وانه يحبني وراح

يقدم لي اللي ابيه ,وشوي شوي قام يقرب جنبي
سمر:ايوه؟؟
فاتن: وش ايوه شوي مسك يدي وشوي قرب ويبي يبوسني ,خير ان شاء

الله
داليا:هههه وطبعا انتي ماقصرتي
فاتن:ههه افا عليكم مابقى شي الا ورميته عليه
سمر:الله يلعن ابليسك ,عيشي شوية رومانسيه مالت عليك
فاتن :ياسلام ليه يبي الموضوع ينتهي بيوم وليله؟؟
داليا:لا ياقلبو لكن اهدي شوي وخلي الامور تمشي بسجيتها
فاتن:لا ماعرف
سمر:والله انك ترفعين الظغط
فاتن:اه والله اني طفشانه من هالوضع
داليا:طيب الافضل انك تنامين عند اهلك تهدين وتفكرين بتعقل
فاتن:يصير خير
سمر:يله اجل ,ولا تنسين فكري زين
فاتن :اوك
سمر وداليا:باي

"وبعد ماقفلت منهم جا بدر:عسى ماتأخرت عليك
فاتن: كان نمت احسن
بدر:ههه ياختي انتي دايم كذا عفشه
فاتن:ايه وش شايفني الخكريه دالي
بدر:ههه لو سمحتي الا دالي ترى ازعل
فاتن: ياهو مامدانا
ويدخل ابوهم :بدر انا ماقلت لك تقول لأمك تجهز شنطتي
فاتن:اوما على وين؟؟
بدر: مسافر يحضر زواج انين, يبه نسيت مادري وشلون راح عن بالي
فاتن:هه يبه ولدك فيه اللحين اللي شاغل باله لا تواخذه
ابوها: والله شغله
فاتن: هههههههههههه الله لايبلانا
فتح بدرعينه يبيها تسكت قدام ابوه :فتون روحي جهزي شنطة ابوي
فاتن: يبه ابي اروح معك عرسها
ابوها: هم ماعزموا احد انا لو ماترجتني انين اني احظر ماكان رحت,بس

المرحومه امها قدرها عالي عندي
بدر:خلاص يالنشبه يعني لازم تروحين معه؟؟
فاتن:ايه ابي اروح
قال ابوها وهو يطلع: ياربي البنت اجن من اخوها والله اثنينهم مهابيل

بدر:كف والله ,قال اروح معه قال, قومي جهزي الشنطه وبعطيك 15 ريال
لأتعابك
فاتن:يوه ياثقل دمك
قال بدربتكبر: ادري ان هالكلمه من ورا قلبك, وادري انك تموتين علي ولا

تقدرين يمر يوم من غير ماتسمعين صوتي
قامت فاتن نطت عليه وتعطيه بوكس على قد قوتها
بدر:لا لا لا شكلك بتنقلبين ولد قريب مره,الله يعينك يامحمد
فاتن:ههههههههههههههههههههههههه هههع ,يوه نسيت
بدر:وشي
فاتن:لحضه بكلم ابوي

"وراحت لأبوها وطلبت منه يكلم محمد يخليها تنام عندهم عشان تودعه
وطبعا محمد انحرج وافق,وهو وده يخنق فاتن ...

:::::::::::::::::

_ انين وهل ممكن يتم زواجها؟
_ جارح اشتقتوا له وله لا ؟؟ وهل ممكن يكون تغير ؟؟
_ فاتن وهل ممكن تكسر الحواجز ,او ممكن يصير شي ثاني؟؟
_ لو انتم بدل فاتن وقريتوا الرساله وش ممكن يكون ردكم؟؟؟


بارت 13


صباح الازعاج
قام على ازعاج لكن هالمره غير لأنه ماكان ازعاج فاتن لا..
هذه المره ازعاج جواله اللي يدق ويدق ويدق..
وبعدها لقى هالرساله ومن رقم غريب..

(سلام فهودي ان شاء الله وصلتوا بالسلامه,انا فعلا اشتقت لك طمني عليكم
ليه ماترد علي)
محمد بكسل: يالله صباح خير ازعاج ولا بعد رساله بالغلط,خلني ادق على
هالفاتن بس...
وطبعا ترد فاتن من غير نفس : الو
محمد: صباح الخير
فاتن: هلا
محمد بملل من تصرفها:ها عسى ودعتي ابوك ؟؟
فاتن وتخفي الضحكه:ايه طبعا لازم اودع ابوي
محمد:والله حاله ..طيب,امرك اوديك الكليه؟
فاتن:هع صح النوم انا بالكليه اصلا
محمد:ليه الساعه كم ؟؟
فاتن:شكلك ماحطيت المنبه اللحين الساعه 8 وربع
محمد:الشرهه على زوجتي اللي مفروض تصحيني ,رايحه بيت اهلها

ومخليه مسئولياتها ورا ظهرها
فاتن وماتبي توجع راسها:محمد انا داخله المحاضره اوكي
محمد:هذا هو تهربي,عموما بمرك لا ترجعين مع السواق
فاتن:لا اليوم بتغدى عند صديقتي
محمد وبحزم:تراك عميتيها,لا فيه روحه ولا جيه لا تتحركين من الكليه الا

يوم اجيك"وقفل الخط"
فاتن:وجع قفل بوجهي قليل الحياء ,يعني انا وش سويت مثلا لو اني سارقه

فلوس ابوه وله رايحه كل يوم مرقص ....
"كالعاده تبربر اللين قابلت فوزيه وحطت الحره فيها
وقالت: وجع فوز ليه جوالك مشغول لي سنه ادق عليك
فوزيه: بسم الله الرحمن الرحيم وش فيك بتاكليني, هذه الصحافيه اللي اقول

لك عليها دقت وقعدت اسولف انا وهي
فاتن: عندك انتظار وتبدينها علي
فوزيه: فتون وش فيك معصبه !!
فاتن وهي تروح عنها : انا مو معصبه وخري خلاص مابي منك شي بروح

لابتسام
فوزيه: فتون يافتون هههههه,,شف بس وشلون تمشي!! والله ماهي

صاحيه
::::::::::::::::

اما بجده
في قلب يرجف..مايدري هو من السعاده,او من الحظ اللي بدا يبتسم ,او من
الحلم اللي تحلم به لها سنين..
قلب يحبها ,حظن يظمها,روح تودها ,وزوج يعشقها

بالمشغل
انين: ياربي احس بقلبي يرتجف يادودي
خلود: هههههههه تونا ياعروس بداية اليوم قوي قلبك,ايش بك؟؟
انين:مره خايفه
خلود:عشان كدا جبتك بدري ,خليهم يعملون لك مساج ونخلص بدري

وبهدوء
انين: طيب خلود طمنيني شويه ايش ممكن يصير
مسكت خلود يد انين وجلست جنبها: لا تشيلي هم ولا تفكري بالموضوع

كتير عشان ماتخافي
انين: طيب يعني عطيني فكره إيش حيصير
خلود: ههههههه كان سئلتي السؤال دا بيوم تاني مو اليوم يافالحه
انين: لاتخوفيني
خلود: انا ماخوفك انا اقول لك لاتفكري بالموضوع وخلي كل شي على

ربك,فكري بالحفله وصديقاتك اللي حيجوا ,وعريسك اللي بيموت فيك
انين:انا اللي مفرحني اني حفتك من هالخميس
خلود: هههه جاك الفرج
انين:يوه
خلود:ايش بك؟
انين: باقة الورد ماحد جابها
خلود: انتي وبعدين معاكِ بس تبغي تتوتري وبس ,خلاص اسكتي كل شي

جهزتوا انتي لاتشيلي هم
انين:طيب المصوره اكدتي عليها
خلود:يابنت كل شي تمام لاتقلقي
انين:طيب وال....
قاطعتها خلود:اش اسكتي


::::::::::::::

بدوام سمر وداليا
سمر:خذي حطيها بالملف رقم 302
داليا:اوكي
سمر:وش فيك اليوم كأن فيك شي!!
داليا:ولا شي بس كنت افكر
سمر: وش عندك قولي الله يستر,وش تفكرين فيه
داليا:ابد بس كنت اتمنى ان بدر منفتح شوي وطلب انه يكلمني قبل لانملك
سمر:بس انتي عارفه ان بدر باللذات مايحب هالحركات ولا يرضاها
داليا:ليه حنا بنسوي شي حرام؟!!
سمر:دالي انتي تدرين انه ماينفع يكلمك دام مابينكم شي رسمي
داليا:عادي يعني وش فيها ,الوحده مفروض تعرف شخصية وفكر الشخص

اللي بترتبط فيه قبل ماتملك وتورط بعدها
سمر:ههه انا داريه ان كل هذا خوف انه يصير مثل خطوبتك الأولى
داليا:اه انا جد معجبه بدر بس خايفه من تفكيره وشخصيته اللي تختلف

تماما معي
سمر: اصلا فاتن واخوها غير عن العالم كله
داليا: لا حرام عليك فاتن تجنن
سمر:ادري بس اللي تسويه برجلها طبيعي؟؟
داليا:هههه لا بس بعد فتونه عربجيه من يومها ,فمو سهل عليها تحب وتخلي

قلبها يتحكم بها
سمر:الى متى الرجال اكيد بيمل
داليا:دامه يحبها يتحملها عادي
سمر:اصلا ماتوقعها تحبه
داليا:ليه تقولين كذا؟؟
سمر:اتوقع لو تحبه كان على الاقل تحب تقضي معه وقتها تهتم فيه شوي
داليا:والله مادري ,انا اللحين اللي شاغلني كيف ممكن اكلم بدر ودي هو

يطلب هالشي مو انا
سمر: اقول انا بقوم اشوف شغلي ابرك لي منك ومن بدرك
::::::::::::::::::::::::


انتضر وانتضر وبعد انتضر...
اكثر الصبايا يطلعون ويركبون بسيارة اهلهم ويروحون إلا هي ماطلعت ,,

الشمس حاره ,وزود الانتظار يسب الملل ...
شوي يلبس نظارته وشوي يشيلها,شوي يعلي التكيف,شوي يشرب

ماء,وشوي يطلع من السياره على اساس تشوفه ومن الحر يدخل يتهوى
بالسياره ...
وكل هذا هي كانت تشوفه من بعيد ومستانسه من الملل اللي باين على

وجهه ,خرّب عليها الغدوه عند صديقتها فوز وحبت تنتقم منه,وبعد ماحست
ان راسها بدا يوجعها من الشمس راحت ركبت السياره
فاتن وبمرح ولا كأنها سوت شي : سلام
محمد:ابي افهم دامك بتأخرين تقولين لي "تعال الآن" ليه ؟؟ لي ساعه الا

ربع انتظرك
فاتن وبرود :انت اللي قلت تبي تجي,كان خليتني ارجع مع السواق وبس
محمد:وليه تقولين لي اجي وانتي ماخلصتي
قالت بمرح :صراحه
محمد:ايه بصراحه
فاتن وهي تضحك:انا خلصت بس حبيت الطعك هنا هع ههع

""ناضرها محمد بحقد وده يخنقها مارد عليها لكن حط حرته بالسواقه
السريعه ومايدري ان فاتن تعشق السرعه والمخاطره وانها متشققه من اللي
سوته وفرحانه بالوضع""
وبعد فتره قال محمد:تدرين وين رايحين
فاتن:مادري عنك الطريق ذا غريب!!
محمد:بنروح على فندق لأن حتى انا صريح وابي اوريك اشلون تعامليني

بهالطريقه وكيف تطلعين من غير اذني,وكيف تحرجيني مع ابوك,وكيف
ماتردين على اتصالاتي وبعلمك شلون مفروض تتعاملين مع رجلك.
فتحت عينها فاتن وخافت وقالت وهي تبلع ريقها:انت بعد الله يهديك صدقت
كنت امزح معك اصلا كنت بطلع بس تذكرت اني ماصورت ورق لإختباري
بكره
محمد:اشش,لا تبررين
فاتن وبإرتباك:محمد مابرر شف بقول لك شي,ترى مالها داعي هالحركات

اوكي..
محمد:.....
اسمع صراحه انت ماراح تمس مني شعره دام اني مو موافقه
محمد وبرود مثل اللي كانت فيه فاتن:اصلا مايهم موافقتك
ناضرته فاتن تبي تتأكد من جديته وقالت:لا تتعب نفسك مستحيل اني انزل

من السياره اصلا "وحطت رجل على رجل"
محمد:.....
"وزاد سكوته توترها "
فاتن:ا سمعت وش قلت حتى لو نزلت بصرخ واقول انك خاطفني
محمد:.....
فاتن:رد علي انا اكلمك ترى اللي انت تسويه هذا عيب,و لا تحسب اني

خايفه منك ترى انا اعرف ادافع عن نفسي ها
محمد:...
هنا حست ان بطنها مغصها من الخوف وقالت:شف انا جد كنت قاصده اني

اخليك تنتظرني بهالحر لكن انت بعد رفعت ضغطي بتحكمك الزايد
محمد:.....
فاتن:انت وبعدين معك ليه ماترد,اسمع كل شي ينحل بالتفاهم مو بهالطريقه
محمد:اها ,يعني في طريقه عندك للتفاهم!
قل وهي صوتها يرتجف:ايه اكيد
محمد:اوكي انزلي وخلينا نتفاهم
فاتن بصوتها العالي: قلت لك ماراح انزل
وقّف محمد السياره ونزل قفل بابه ,وهنا انتبهت فاتن انه وصلهم بيتهم وانها

مع القرقره والخوف مانتبهت نزلت بسرعه تلحقه وقالت: ترى حركتك
بايخه مره مالها داعي ها
محمد اللي كان داخل التفت لها وهو يقرب لها : حركتي انا وله تصرفاتك

المستفزه,عموما هالمره وعديتها بمزاجي لكن صدقيني يافاتن لو ماحطيتي
عقلك براسك ,بتصرف معك تصرف مايعجبك
فاتن بعربجه: لاتهدد ها
ناضرها محمد بقوه وتراجعت على ورا وقالت : ا بروح اغير ملابسي
محمد:بسرعه لأن بعد الغدا لازم نوصل لحل
فاتن: مابي غدا اصلا,بنام ولا ابي احد يصحيني بعد ,ابي انام ابي انام ابي

انام
مشت فاتن بسرعه وهي تحس انها للان ترتجف وقعدت تبربر "وجع

مسوي فيها عضلات على بنت قلة حياء ,اصلا انا ماخفت بس استغربت
منه هالحركه ,وينك يابدور تشوف وشلون يعاملني, مسوي فيها يفتح عينه
يعني يخوف ياماما ياماما و و و و و ,,,,,,,,ولار اح تخلص بربرت فتون
::::::::::::::::::::


ابتسامه املت الوجه اليتيم,ضوئها نور طغى على جمالها ..
فستانها منثور عليه لولو ومبين جمال خصرها ..
شعرها مزين بالورود ولونها لون خدودها ..

مع ان الحظور كان قليل بالقصر مع ذلك حست بزفتها انها اميره رفعت
راسها تناظر للسماء شكرت ربها انه فرجها ,واخيرا بيتهنى قلبها ..
اما سميره اللي اضطرت تمسك بيد احمد يوم دخل ,تحس بالنار تسري

بجسمها ,وكل ماشافت كيف نظرات احمد لانين ,وكيف انين تنتظر وصوله
بجنبها تموت غيظ اكثر واكثر..
وصل لعندها احمد واهداها باقة الورد اللي جابها معه,,واخذ ايدينها

الصغيره برقه وباسها
انين بخجل وسعاده: حتى هنا جايب ورد
احمد:اصلا الورد ماينهدى الا لك
ناظرت انين بعينه:تسلم لي بيبي
قرب منها احمد ضمها ولا اهتم بالوجود:تعرفي ايش الفرق بين الورد وبينك
انين:ههه لا
احمد:هوا ممكن يذبل لكن انتي بقلبي كل يوم حبك يكبر اكتر
انين:عارف ايش نفسي
احمد:اللي تبغيه حيجيك انتي بس قولي
انين:نفسي تضل تُحبني طول العمر ومايقل ..لا حبك ولا اهتمامك فيني
احمد: ياقلب احمد من غيرك اصلا ممكن يشغلني ها مين؟؟
دخلت بحضنه اكثر..
فقال:استعدي
انين:على ايش؟؟
احمد:عندنا سفر
انين:بكرا؟؟
احمد:لأ دحين
"" شالها وطلعوا من القصر على صوت امتعاظ الحريم الكبار,وصوت

تصفير صديقاتها ودموع خلود اللي ماقدرت تتمالكه وغيظ سميره اللي
افقدها وعيها " وعلى الماطار
:::::::::::::::::::::::

دخل محمد على فاتن وهي مندمجه تلكلم بالتلفون قعد على الكرسي وحط
رجل على رجل وبهدوء كان يسمع سواليفها وهي معطيته ظهرها ومو
منتبهه لوجوده
فاتن:هههههههههه اوما بدر يكلمك انتي انهبلتي!!! عموما في حل وهو اللي

كلمني امس عليه
داليا:وشهو حله
فاتن:قال وده انكم تملكون وخذي راحتك بتجهيز نفسك ,ماراح يظغط عليك
داليا:لا يافتون وش نملك وحنا ماندري نفع لبعض وله لأ
فاتن:وش تنفعون لبعض وله لأ تستهبيلن انتي وخشتك ,يعني كل اللي

اعرسوا وناجحه زواجاتهم كلموا بعض وتعرفوا على بعض قبل الزواج!!!
ياختي لاتصيرين غبيه
داليا:يوه فتون بطلي دفاشه وتكلمي معي زين
فاتن:لا زين ولا سوا خذي وقتك وردي علي يالمايعه لا خذتي قرارك

احطي
داليا: طيب اصبري بسولف معك,وخلنا نتفاهم
فاتن:لا ماني فاضيه لك راحت علي نومه ماحد صحاني ولا ذاكرت ولا

جهزت شي وبكره عندي اختبار احططي
داليا:ههه طيب باي
فاتن:هلا


"ويوم تلتفت انفجعت من شوفة محمد من غير ماتحس به"
محمد:ههههه وشفيك شايفه جني
فاتن:انت وشلون دخلت انا قافله الباب بالمفتاح
محمد وهو يبتسم لها ويناظر لها بنظرات غريبه:ياحبي انا معي كل مفاتيح

البيت الا مفتاح واحد
"قلبت فاتن وجهها للمراي وتوها تنتبه انها خذت دش بس قطعها اتصال

دالي عن لبس ملابسها كامله قامت صرخت وجري على الحمام ومحمد
فطس ضحك على شكلها وبهالوقت فتح جواله يشوف الرساله اللي وصلته
وكان من رقم غريب مايعرفه ينتهي ب 000
(يالحبيب انتبه ولا تنسى ان لكل شي سبب)
استغرب محمد من هالرسايل اللي تجيه وان هالرقم يختلف عن الرقم الاول

ماهتم وقفل جواله وانتضر فتونته تطلع من الحمام واخيرا بانت.
محمد:طيب الى متى؟؟
فاتن وهي معصبه:وشهو اللي الى متى!!
محمد:الى متى هذا الوضع
فاتن:أي وضع ماني فاهمه
محمد:فتون لا تتغابين مايليق عليك
فاتن: اف
محمد:اسمعي يابنت الناس انا رجل ولي متطلباتي وانتي زوجتي ولي حق

عليك
فاتن:هذا لو كان زواجنا اصلا طبيعي مو بهالشكل
محمد:يعني؟
فاتن:يعني اني محتاجه وقت اهيء نفسي واسامحك قبل أي شي,عطيني

وقتي
محمد:فتون انا معطيك وقتك بس انتي اللي ماتبين تعطين لحياتنا فرصه,وله

مافي مبرر لتهربك مني بهالشكل
فاتن:انا ماتهرب منك
محمد وبصوت عالي:لا انتي تتهربين ,كل يومك تبين تقضينه بره البيت ولو

كان بإختيارك كان نمتي يوميا عند اهلك
فاتن:....
محمد وهو يحاول يهدي نفسه:شوفي انا بأتغاظى لكن انتي بعد لازم تقنعين

نفسك ان لازم وضعنا يكون طبيعي..
فاتن انا ممكن اصبر عليك مده بسيطه لكن ماوعدك اعطيك فتره اطول من

اللي بيعطيني اياها صبري
فاتن وهي حاطه يدها بخصرها:انت من جدك تحبني؟؟
ابتسم محمد :والله اني احبك يابنت الناس والله,انتي ليه مانتي راظيه

تصدقين!!
فاتن وبعد تفكير وهي تناظره :وش صار مع اللي تحبها؟
محمد وشك ان تكون عرفت عن اتصال كاترين له : ا انا ا قلت لك

قطعت علاقتي فيها
فاتن:يعني ماكلمتها الفتره اللي راحت؟
محمد :لا
ناضرته فاتن للحضات وقالت وعينها بعينه:راح تخلص لي يامحمد؟
محمد وهو يشوف فاتن ولاول مره من غير عدوانيتها:اوعدك
فاتن: ماراح تخليني اندم؟
لانت ملامح محمد وراح لها ومسك كتوفها وقرب وجهه لوجهها وقال

بحب:فتون والله العظيم احبك , ولو بإيدي ارجّع الزمن ماكان سويت اللي
سويته ,ولا قلت اللي قلته .
فاتن:....
محمد:صدقيني انتي الوحيده اللي تهمني ,وانتي الوحيده اللي ابيها
تكون زوجتي وام عيالي وحبيبتي
فكت نفسها من بين ايدينه ورجعت خطوات وقالت: اجل عطني وقت

اتناسى الماضِ واحاول ابدا معك من البدايه
ابتسم محمد وقال:هذا اللي ابيه وهذا اللي اتمناه
"وكانت نضراتهم طويله لبعض اللين قال محمد :خلني اطلع قبل لايوسوس

بي شيطاني واخرب اتفاقنا,انا ماراح اقدر انام هنا من اليوم.
"طلع محمد وجلست فاتن تفكر ولأول مره انها لازم تسامح محمد من جد
ولازم تسمح لقلبها يحب وتعيش مثل باقي الزوجات, وتخلي صفات محمد
الحلوه تنسيها كلماته اللي كسرت فيها انوثتها"
واول ماطلع محمد من الغرفه جا له مسج ,ولقاه من كاترين ماهتم وحط
الجوال بجيبه,ورجعت بسمته اللي رافقته ليله.
:::::::::::::::::::::


بعيد وابعد وابعد من هنا
وبالتحديد بفندق ريجينا باليوني

صباح إيطاليا
الليله الثانيه من وصولهم للفندق
كاو بنفس الجموح بنفس الفرحه مثل عصافير منطلقه من قفص..
مثل الغريب اللي لقى له وطن.. مثل اللي فاقد للبصيره من سنين ,,ورجع له

نظر عينه....
كان احمد طاير من فرحته مقرب انين له ماسكها من خصرها ويشمها.. كان
الهواء يجيب شعرها على وجهه ويحسسه بسعاده فوق سعادته
انين وبصوتها الناعم:بيبي
احمد:عيونه
انين براءه :مابغاك في يوم تنشغل عني
احمد:ههه اوكي ,حتى شُغلي حبطلوا ايش رائيك
انين:تؤ تؤ ذكرتني
احمد بهيام:بإيش؟؟
انين: غير شغلك
احمد:هههههه
انين بطفوله:من جد حبيبي وربي مامزح
احمد وهو يقربها له اكثر ويجاريها:طيب ليه؟؟
انين: ماراح اتحمل انك كل يوم تشوف حرمه وتكشف عليها وتاخد وتعطي

معاها
احمد وهو يبوس عيونها :انا مادام معاي القمر مالي ومال النجوم
انين:ايوا كل الرجال بتغني الأغنيه دي,عشان ننسى عينكم الطويله
احمد:ههههههه ياقلبي لازم تكون فيه ثقه بيني وبينك تكبر مع الايام وتعمق

مع العشره
انين:وربي اثق فيك بس اغير عليك
احمد:طيب وليش تغيري علي؟؟
انين:لانك زوجي
احمد:وايش كمان
انين:امم لاني غيوره
احمد:وايش كمان
انين وهي تلتفت وجهها لوجهها وبصدق:لاني احبك
لقى احمد الجواب اللي يبيه , ضمها لصدره اكثر وكانت تسمع لدقات قلبه

وتحس بأمان ماحست به من قبل,,باست مكان دقات قلبه قام شالها ودار بها
من البلكونه للغرفه ..
وبعدها لازم نطلع ونخلي لهم الجو..

:::::::::::::::

لازم الوقت يجري وتمر الايام الحلوه باللذات ..
على خلود

الرياض
وصلت خلود لماطار الرياض وشافت جارح يجي صوبها وماشي بالعكاز
استغربت انه رجع يتكأ عليه
جارح وهو يشوفها تتباطئ بقربها صوبه:امشي اخلصي وش فيك واقفهه!!
خلود:ها ..ولا حاجه ,جايه اهو
جارح:يله هذه اغراضك كلها
خلود:ايوا
جارح:يله طيب
"مشى ومشت وراه وهي تشم ريحة عطره اشتاقت له مع كثر جرحه لها

واشتاقت لملامحه القاسيه وتمنت بيوم تلين.
جارح:اخلصي اركبي السياره يعني تبيني افتح لك الباب!!
خلود وهي تناظر للناس حولها: ياربي ياجارح وطي صوتك ايش بك
جارح:اقول اخلصي بس
"وطول الطريق كان حوارهم السكوت ... اللين قربوا من البيت قالت خلود:

ايش رائيك جارح نروح مطعم نفطر انا وانت؟
جارح:مطعم!!
خلود: ايوا مطعم
جارح:لا ياقلبي لا مطعم ولا يحزنون ,انا برميك البيت وبروح عندي شغل

مهم
خلود:ترميني!!
جارح:...
خلود:طيب مارح تجلس معايا شويا؟
جارح:ليه فاضي انا عشان اقعد معك؟
خلود:....
جارح:يله انزلي ,واسمعي ارجع الاقي البيت يبرق سمعتي
خلود بقهر:طيب
جارح:ولا تنتظرين رجعتي ممكن اتاخر تراني مشغول.
خلود وهي تودع عينها منه: طيب

"صراحه معه حق ان يبي يشوف البيت نظيف لانه مخليه قذر, المطبخ كله
انتقل بالمجلس وهدومه من اول مادخلت خلود وهي تشوفها بكل مكان ,
ناهيكم عن ريحة الطيور اللي مربيها واللي يبيلها عنايه اكيد"
:::::::::::::::

اما بالكليه

فوزيه:شوفوا بنات شوفوا
فاتن:وشو؟؟
فوزيه:شفتوا هذيك افصخت عباتها اللي على الراس وتحتها هالعبايه

الضيقه,دائم تسوي هالحركه
فاتن: هع الحمد لله والشكر
وحده من الصبايا "ابتسام": من جد ؟؟ليه يعني
فوزيه:شكلها قدام اهلها تبين انها لابسه على الراس وهنا تبين للبنات انها

عاتي تلبس الي تبيه
فاتن:وش هالفضاوه؟؟
ابتسام: عقول فاضيه
فوزيه:المشكله مادري وش تستفيد من هالحركه وش تبي تبين وش تفرق

اصلا!!!
فاتن: ابي اروح اسئلها وش مستفيده يعني
فايزه:اهجدي فتون بلا مشاكل
فاتن وهي رايحه لها :عادي اسئل
ابتسام: ياربي على فتون وهبالها

"ويوم قربت للبنت جت رساله لفاتن من محمد فتحتها ولقت بها
(اشتقت للطريقه اللي تقوميني فيها مع انها مزعجه لكن كل شي منك ماله
مثيل)
ابتسمت ونست سالفة البنت وراحت جلست على طاوله تفكر ايش ممكن

ترسل له,ماتبي تستعجل لانها تعرف نفسها ماعندها اسلوب,وهي قررت
انها تعطيه فرصه, فأرسلت له بعد تفكير..
(اوعدك بكره راح تسمع سنفونيه جديده وتراني عطيتك خبر,عشان

ماتنصرع علي)
دق عليها وردت..
محمد:سلام
فاتن: وعليك السلام
محمد: متى بتطلعين؟
فاتن:امم يعني على بعد العصر
محمد:خلاص انا بجي اخذك,لا تروحين مع السواق
فاتن: امم اوكي
محمد: وش قاعده تسوين؟
فاتن:ابد نحش على فلانه وعلانه
محمد: يعني ماعندك محاضره اللحين
فاتن:لاتفكر تجي بعد 10 دقائق عندي محاضره
محمد:هههه خلاص اجل خلنا على الموعد الأول
فاتن:اوكي
محمد:سلام
فاتن: سلام.
محمد: ليه ماقلتي لي احط؟؟!!
فاتن:هههههههع هعه هع
محمد:يله سلام
فاتن:احط

واول ماقفل محمد دقت عليه كاترين,تردد انه يرد ..ولكن حب يقولها
لاتدق,وانه هو اللي يدق عليها.
كاترين:محمد كيفك
محمد:كاترين مو قلت لك لا تدقين انا اللي راح ادق عليك
كاترين:صحيح بس يوم ماكلمتني لك فتره قلت ممكن تكون تعبان او فيك

شي
محمد:لا انا بخير
كاترين:محمد ماتدري قد ايش طفشانه وانا هنا
محمد:انتي وين؟
كاترين:انا ماقلت لك؟؟
محمد:قلتي لي ايش
كاترين:انا هنا بالرياض,جايه مع وفد لأن عندنا مريضه خاصه
محمد:اها
كاترين:ومادري وش اسوي بوقت فراغي
محمد وهو فاهم المغزى:امم اقضيه مع زملائك الدكاتره او تمشي وشوفي

الرياض
كاترين:ودي اشوفك,ماينفع؟؟
محمد:ماراح ينفع لا أشوفك ولا تشوفيني,ياكاترين حنا وش اتفقنا؟؟
كاترين:متفهمه وضعك ولا راح اجبرك
محمد:زين اجل
قالت بضيق يوم شافت ان محمد مايبي يتكلم معها :اوكي ..باي
محمد:باي.

"قفل محمد وهو متضايق من اتصالها لكن بنفس الوقت قدّر انها يومين
وراجعه بلدها وبيكون افضل يقول لها يوم ترجع ان لا عاد تدق عليه,قطع
تفكيره الرساله اللي جته من الرقم الأول
(فهودي ادري ماكلمتني لان ابوي محلفك,بس على الاقل ارسل لي وش
اخباركم )
ضحك محمد وقال :وش هالمظّيعه أي فهودي واي اخبار اللي تبيها لا حول

ولاقوه الا بالله كل اللي مضيع يرسل علي والله شغلانه.
::::::::::::::::


جده
سميره على قد ماهي مبسوطه ان البيت صفى لها على قد ماهي متضايقه
من يوم درت ان احمد سفّر انين ايطاليا والغيره بتقتلها والتفكير
ذابحها...وعلى دخلة خميس من الشغل
خميس: السلام عليكم
سميره:اهلين حبيبي كنت استناك
خميس:اللهم اجعلوا خير نعم
سميره: حبيبي انا صراحه نفسي اسافر
خميس:نسافر!!!
سميره:ايوا نسافر وليه مانسافر اخواتك احسن مننا
خميس:اها خواتي
سميره:حبيبي الله يخليك حتى لو اسبوع انا راضيه
خميس:سميره انتي انهبلتي العيال عندهم مدارس,وانا ماقدر اخذ اجازه
سميره:يوه ياخميس انت دائما كدا تحب تزعلني
خميس:ياسموره اطلبي حاجه معقوله وانفذها لكن سفر ابدا ماينفع
سميره:ليه الصُغار بمدارس اهليه يعني ماحد عندوا حاجه عندنا,وبالنسبه

لشغلك يتأجل
خميس:ياسموره ياحياتي ,ايش لزوم السفره دي !!! بالإجازه ان شاء الله

نسافر ومكان ماتبغي
سميره: شوف عشان ماتقول اني متطلبه وعشان تعرف انا قد ايش احترم

رائيك انا حغير رائي ,بس راح تعوضني
خميس:ههه وايش تبغي التعويض
سميره:انت وكرمك,أي حاجه اتفاخر عند صاحباتي فيها
خميس:ههه انتي مفروض تدخلي بمجال التجاره ياسموره مافي صفقه

تدخليها إلا تطلعي مستفيده منها
سميره بدلع :دام زوجي حبيبي عندوا عاتي خليه يدلعني وله ماستاهل
خميس:انتي اللي تستاهلي ياست الكل
سميره: ههه دام كدا حقوم احضر لك غداك
خميس:ايوه تراني جيعان
سميره: ثواني ياعيوني.
:::::::::::::::::::


الكليه
مر محمد على فاتن وعلى طول طلعت له
فاتن:سلام
محمد:وعليك السلام والرحمه.
فاتن وماتبي تدخل جو قالت بعربجه:: اقول يابو الشباب انت وش تحب

تسمع؟؟
محمد:عن
قطعت اللي بيقوله:وله اقول انا بدور وش تسمع... امم فيه بوب مارلي!!

سيلين!! كريستينا !!! ماريا واو هي هذه ,الا انت ماعندك عربي
محمد:ههههههه انتي ماخليتيني حتى اتكلم افتحي ذا الدرج فيه العربي
فاتن:اها ,,خلني اشوف ذوقك..فيروز,ام كلثوم ههههههههههههههع اف

مادريت انك راعي طرب اصيل , وفيه بعد الجسمي,,اوكي لقينا شي
مشترك بالاجنبي والعربي "وعلى طول شغلت ماريا كاري"
محمد:فتون ابي اكلمك وطي الصوت شوي,وبعدين ازعجنا العالم ترى
فاتن:ماحد له دخل
محمد:فتون وطي الصوت
فاتن وماتبي الجو يهدى :همم طيب ,ها قول وش عندك
توه بيتكلم الا جاه مسج وفتحه على طول :

(فهودي اليوم كلمت امي وكأن راسها لان شوي ,عاد لاوصيك عليك بابوي
,,وترى لكم وحشه)
فاتن:اقول انتبه للطريق مو وقت الرسائل
محمد:انا مادري وش سالفة هالرسائل "وقال على باله بيثير غيرتها" وحده

لزقه ماغير ترسل غزل وكلام عذب
فاتن:ههههههههههههههههع هعهع الله يهنيكم بعض,لأني ترى ماعرف

اقول هالكلام العذب
محمد: وليه يعني لو بتقولين الكلمه الحلوه يبي لها تعلم!!!
فاتن:ايه انا ماعرف لاتكلم بصوت واطي ولا اتغزل ولا اعرف امدح ولا

اعرف للكلام الحلو
محمد: لاحول ولا قوه الا بالله, ليه وانتي شلون تتعاملين مع صديقاتك

مثلا؟؟؟ بهالطريقه اللي تكلميني فيها !!!
فاتن:ليه وش فيها يعني طريقتي
محمد ويبي يستفزها :تحتاج شوية تغيير
فاتن:شف انا كذا واحب نفسي كذا ولا ابي اغير شي فيني اوكي
محمد:انتي غريبه ,عموما.. وش رائيك نروح مطعم لأني للان ماتغديت,
فاتن: ها
محمد: مطعم وش فيك!
فاتن:امم صراحه
محمد:الله يستر من صراحتك
فاتن: انا تغديت
محمد:وين تغديتي؟
فاتن:ها
محمد: وين تغديتي!!
فاتن:شف انا مابي اكذب عليك,,بس ما ابيك تسوي لي سالفه,اوكي؟
محمد:وين تغديتي؟
فاتن: امم البنات الحْوا اروح معهم للمطع اللي جنبنا ا وتغدينا ورجعنا

الكليه على طول
محمد وهو يحاول مايعصب: وليه ماخذتي اذني قبل لاتروحين؟
فاتن: ا نسيت
محمد: وش تنسين ,ناسيه انك متزوجه وله ناسيتني انا وله وش السالفه

يافاتن!
فاتن: محمد تكفه لاتنكد علي وخلاص لاجيت اطلع مكان بكلمك ,قفل

الموضوع
محمد:...
فاتن: ترى المطعم مره قريب ومتعودين دائم نروحه
محمد:تدرين فاتن لو دريت بيوم انك رايحه مكان من غير اذني لاتلومين الا

نفسك
"قامت فاتن تقلد طريقة كلامه بتريقه من تحت نقابها"
محمد:ماسمعت ردك
فاتن: خلاص قلت لك ابكلمك
محمد وهو يسرع :الله يصبر قلبك يامحمد
فاتن وحاسه بتأنيب الضمير:من جد للان ماتغديت؟
محمد: على بالي انك بتغدين معي,احسب اني متزوج.
فاتن: طيب شف هذا مطعم اطلب لك وجبه
محمد: لا ماودي خلاص

::::::::::::::

اما عصافير الحب عايشين اللحضه بالحضه..والثانيه بالثانيه..
اصرت انين على احمد اللي ماكان يبي يطلع من الفندق,عشان يتمشون
وبعد الحاحها اخذها وقاموا يتمشون واستوقفتهم فرقه تغني وجزء منهم

يرقصون
قام احمد مسك يدها وقال: ها .. يله
انين:ايش
سحبها اكثر بجنب المغنين وقام يرقصها ,حست بالخجل بالبدايه لكن

ابتسامة احمد لها حسستها بالسعاده ونست نفسها بين ايدينه وتمايلت معه
وهريبا,والإبتسامه تحولت لضحك ولسعاده غمرت قلوبهم
انين:هههههههههههههه اسفه دعست رجلك
قرب منها احمد وقال:ليه ماعتذرتي يوم حبك تعدى الدعس واستولى على

قلبي
انين: انت من وين تجيب هالكلام
احمد: من رئاسة الحب
انين:اها وراح تعلمني
احمد: هالشي ماحد يتعلموا إلا اللعاب,انا باقول الشي قبل حتى لافكر فيه
انين:امم طيب اقول لك شي قبل لا افكر فيه
ابتسم احمد على برائة انين وربت على شعرها وقال :ابغى اسمع
انين: عمري بحياتي ماتوقعت اعيش سعيده
احمد:وايش كمان
انين:مابغى ارجع ابدا
احمد:وايش كمان
انين:احبك قد الدنيا
احمد:هوا دا
انين:ههههههههههههه
احمد:يله الفندق
انين:خلينا شويه
احمد:يله الفندق
انين:الله يخليك خلينا شويه
شالها محمد وقف تاكسي وركبها اياه وقعدوا اثنينهم يضحكون


::::::::::::::

الليل ومايحمل
محمد ماكان ينام بغرفة فاتن ,لأنه وعدها يعطيها وقت , ولا راح يقدر يوفي
بوعده اذا نام بنفس الغرفه..
حاول ينام لكن ضيقه يحس بها ولا يدري وش الحل وقطع تفكيره هالمسج

من الرقم الثاني 000
(الثقه العمياء شينه..انصحك تنتبه شوي ,بالنهايه حنا رجال وسمعة حريمنا
هي شرفنا ولو ماحافضنا عليهم بوجيهنا هالشي..)
قعد يفكر وش ذا المعقد اول مره يقول انتبه , واللحين شَرَف وماشرف وش
قصة هالأرقام الغريبه!!
واخذ يتقلب يمين وشمال الى ان نام.

اما عن فاتن فحاولت للنوم بس تحس انها مقصره مع محمد وانه يستاهل
تغير عشانه لكن مو سهل ان عربجيه تتحول لأنثى بسهوله
الاسلوب الفض.. التعامل السريع,والصوت العالي والمشيه السريعه واللبس

العشوائي ,,وحتى بالشكل مخليتها على الله...
مو بسهوله التغير لكن قررت انها راح تبدا فيه,وتحاول بكل صدق انها

تغير.



- وش تتوقعن اخرتها مع كاترين؟؟
- قولكم وش قصة الرسائل اللي تجي لمحمد؟؟
- مفاجئه بس ممكن البعض مايحبها !!
- وراح تبدا الروايه تاخذ خط جديد...




قراءه ممتعه




بارت 14





صباح السنفونيه


فاتن: محمد... يامحمد..."وبصوت اعلى "محمد يامحمد
محمد:اشش
فاتن: يامحمد قوم يامحمد دوام
محمد:خلاص خلاص
سكت فاتن فتره لين غفى بالكامل فقربت من عند اذنه وقالت :حريقه
بسرعه قوم محمد بسرعه
قام محمد من على السرير: وين وين
فطست فاتن ضحك على شكله وبرود قالت: انا طالعه مع السواق الكليه
وانت دور على الحريقه .. باي
وقف محمد يناضرها بحقد وهي تروح عن عينه واتحلف لها بنفسه انه
يوريها شلون تمزح معه مزح بايخ.
وبعد ماجهز نفسه لقى رسالتين وكلها من الرقم الاول ,الأولى..
(وبعدين فهود ابيك بموضوع مهم رد علي)
وفعلا لقى اتصالين منها يوم كان يتروش..وفتح الثانيه
(اف انا مادري انت ليه ماترد علي ,عموما امي كأنها رضت خلاص وانت
من عندك عليك بابوي لين يرجعون لبعض ترى مهي حاله هذه)

قال محمد وهو يكلم نفسه: ياحليلها هالمضيعه ,تحسب ان هالرسايل واصله
له,,والله مسكينه ,,طيب ادق عليها لا لا وش ادق عليها ,مع ان ودي اعرف
من هالفهد.
:::::::::::::::::::::



بيت جارح

نسرين:عن جد اشتئت لإلك كتير
خلود:ياعيوني ومن سمعك ,إتفضلي"الشاي"
نسرين:كيف جوا لجده
خلود:كالمعتاد حر ,بس والله مافي زيها
نسرين:ماإلتي لي لشو جوزك رجع يستخدم العكازي!!
خلود:مادري من اول ماشفتوا بالماطار وهو متكي عليه
نسرين:عن جد جوزك منو طبيعي الفتره اللي مسافري فيا ماكان بيستخدم
هالعكاز ولا بنعرف انوا اجا,هلا من اول مايجي العمارا كلا بتعرف انو
مسيو جارح وصل
خلود:اصلا هوا في شي مو طبيعي حتى الفرش محيوس بالغرفه يعني كان
نايم على السرير مو بالارض ,بس يوم جيت انا قال لي افرش لوا بالمجلس
على الارض عشان ضهروا
نسرين:طيب ازا كان تعبان لشو مايتعالج ,جوزك غني وممكن يسافر برا
يتعالج
خلود:انا ماعندي الجرءه اتكلم معاه بهالموضوع ابدا
نسرين:ولشو مافيا شي هيدا من حئك
خلود:لالا ماقدر ,انا اصلا لو يعاملني بطيبه واخلاق ,مابغى شي اكتر من
كدا
نسرين:يامجنوني يعني مابدك تعيشي متل كل النسوان ,تجيبي لك ولد اما
بنت يسلوكِ, بدل ماهوي منشغل عنك النهار كلوا
خلود:نفسي يانسرين ,لكن ماحقدر اتكلم معاه
نسرين:طيب شو رائيك بخلي جوزي يحكي معو؟
خلود:لا اخاف يحسب اني شاكيه لكم عليه ويبهدلني ,فُكيني من لسانوا
الطويل
نسرين:يابنتي انتي لشو خوافي لهالدرجي!!! مافي شي بيستاهل
خلود:بعرف بس انا مابغى مشاكل ,مكتفيه من المشاكل اللي عند اهلي
نسرين:صدئيني ماراح ترتاحي من المشاكل الا ازا اتخدتي موقف ونائشتي
الموضوع مع جوزك
خلود:ههههههههههه,مستحيل انا لما يزعق جسمي كلوا بيرتجف ولما يفتح
لي عينوا نفسي اتخبى بطن امي هههه,خليها على ربك
نسرين:اي الله يعينك على هالحياه,ويعينك على جوزك تحديدا
خلود:خليك مني وافتحي الكيس وشوفي هديتك,ان شاء الله تعجبك
نسرين:ياحياتي يكفي انك اتزكرتيني
خلود:وانا اقدر انساكِ !!!
:::::::::::::::::::::::::



اما بالمستشفى

كانت داليا بتودي الملف للدكتور وناداها شخص صوته مألوف ,ويوم التفت
عليه لقته

داليا:بدر!!!!
بدر:مرحبا
داليا:اهلين

بدر وهو مستاء :داليا ليه كاشفه للحين؟P
داليا:صراحه يابدر انا ما تعودت احط شي على وجهي ... انخنق
بدر:بس انتي تدرين اني ماحب احد يشوفك,داليا انتي بتصيرين زوجتي
وانا مابي كل من هب ودب يشوفك .
داليا:يوه يابدر!!
بدر:داليا في امور كثيره لازم نتناقش بها ,وماراح اقدر على هالشي الا لا
ملكت عليك,ليه مارديتي للان على فاتن
داليا:قاعده افكر
بدر:تفكرين بإيش,داليا وانا واقف معك الان مستحقر نفسي لاني مارضى
هالشي لفتون,مارضى ان غريب يقعد يسولف معك من غير مايربطه شي
رسمي بك.. انا ودي اتكلم معك وقدام الناس وانتي زوجتي.
داليا وتبي تتهرب:حين مو وقت هالكلام انا لازم اودي الملف عند الدكتور
بدر:اوكي,لكن ابيك تردين على فاتن ,اذا انتي ناويه نكمل ونملك او اذا
عندك رائي ثاني,قدامك فتره تفكرين بها على رواق لأني اليوم مسافر لشغل
حوالي اسبوع
داليا:جد
بدر: ايه,, يله مع السلامه
داليا:باي
"هو راح لكن هي شافته اللين اختفى من قدامها تحب طريقته وكلامه وجزء
من غيرته ,,بس تخاف من تحكمه وقوة شخصيته وعصبيته ,ابتسمت
ودخلت تودي الملف.
:::::::::::::::::::::


جا السواق لفاتن وركبت معه ومن اول مادخلت ,وهالدافوره تحل واجباتها
وتراجع بعض المعلومات لأنها ودها تفرفر باقي اليوم وماتنحبس عشان
المذاكره..ثم دقت على دالي تقرقر معها بالجوال

فاتن:سلام يالدلوعه
داليا: هلا بقلبي
فاتن بعربجه:وبعدين معك نترجاك يعني عشان تملكين انتي وجهك
داليا:ههه فتون عطيني فرصه افكر
فاتن:ههه طيب نشوف وش اخرتها معك
داليا:شفتي وش سوت فيني سمر
فاتن:ها وش سوت ذيك القاطعه
داليا:انسحبت من الشغل ,وتقول انها تبي شغل اكثر راحه
فاتن:هههههههههه وين بتلقى الله يخليها !! من زين شهادتها تدلع
داليا: هههه يلعن ابليسك
فاتن وهي تنتبه للطريق :لحظه لحظه,بشوف هالمجنون وين جابني وبدق
عليك باي
داليا:باي
راجو ليه موقف هنا !!!

" نزل راجو بملامح شرانيه وفتح الباب وقال:انزل بسرعه
خافت فاتن ويوم تشوف حولها لقت انها بمكان خلى مافيه غير قصر مهجور
يبعد شوي عن مكان سكنهم,,"
راجو:انتي لو مافي انزل انا اسحب انتي وعور يله بسرعه
فاتن وهي تستجمع قواها :اسمع انت والله اذا مارجعتني البيت ابنزل
واضربك اللين تدوخ مفهوم
ضحك راجو وقال: انتي اعرف في 9 نفر جوا هزا بيت ,انا لو في نادي في
اضرب انتي اللين موت,مافي هدد
حاولت تتذكر فاتن اذا انها حاطه شي بشنطتها ممكن تأذي فيه
هالراجو,واللي طلع معها علبة بيبسي اصقعته فيها وفتحت الباب وراحت
تركض على جهة الشارع ,ومالقت غير اللي مسك ذراعها وبيسحبها لجهته
بكل قوه , هنا فاتن حست بنهايتها وقامت تصرخ بكل صوتها وبكل قوتها ,
ويوم تلتفت له تلاقيه محمد وهو فاطس ضحك عليها
فاتن وبخوف:محمد شف شف راجو
محمد:هههه
ضمت فاتن محمد وهي ترتجف : راجو راجو
محمد وهو يربت عليها :لاتخافين مقلب يافتون .. مقلب
هنا ركزت فاتن باللي يقوله محمد ومسكت بشعره تشد فيه وهو من الضحك
على خوفها مو قادر يتمالك نفسه ويبعدها عنه ..
فاتن:تخف دمك انت وجهك ليه يعني هالحركات اللي مالها داعي ليه
محمد:عشان تعرفين وشلون اقوم من النوم وادور الحريق
فاتن:محمد كانت مزحه تافهه تسوي فيني كذا!!!
محمد:هذا مزحنا يالشباب وش تبيني اسوي
قالت فاتن وهي موصله معها :تدري اشلون...انت اسخف انسان شفته
بحياتي"وراحت على السياره, راح محمد وراها وركب وراجو المسكين هو
وصعرورته يسوق"

محمد:يله عاد فتون والله كانت مزحه
فاتن:....
محمد:طيب ايهم اضبط هالمقلب او اللي بمالزيا يوم تحسبيني غرقت
ههههههههههههههههه
فاتن:اف على ثقالة الدم
محمد:هههههههههههه,بالله وش شعورك يوم قالك 9 نفر جوه ههههههههه
"قام ضحك راجو ,وصقعته فاتن بالشنطه وهي تقول: انا بكلم اصوله
واخليها تفْصلك اضحك ,انا بوريك"
محمد:هه ليه تحطين حرتك فيه انا السبب
فاتن عطته ظهرها وهي للان مو قادره توقف الرجفه اللي برجلها
محمد:مو انتي اللي بديتي خلاص لاتزعلين اللحين
فاتن:...
محمد:طيب اسمعي من يسوي كذا "قام يقلدها وهي خايفه وتقول: محمد
شف شف راجو" هههههههههههههههههههههههههههههه ه
كانت تسب فاتن غبائها كيف قدر يلعب عليها ويرعبها ..مع ذلك مو من طبع
فاتن الزعل ولاتقدر تسمح للضيق يلازمها ..
فقالت بتعالي:تراني ماخفت وراجو قال لي على اتفاقك معه وانا مثلت
الخوف صح راجو
قال راجو وهو خايف من مسئلة الفصل لاتكون جديه: مزبوط اصلا ماما
فاتن انت مره زكي
محمد:علينا يابو فاتن,"وبهالحضه جت له رساله من الرقم الاول

(قل لأبوي ان امي تسئل عنه,ولا اوصيك زيد بالبهارات وطمني الله يخليك
وش يصير معك)

محمد:ههههههههههههه
فاتن:علي صوتك خلني اضحك معك
محمد:تدرين من من؟
فاتن:من من يعني !!!
محمد:الي قلت لك عليها غاثتني تتغزل ,مادري شلون بعدها عني
فاتن:مره مصدق نفسك يابو الشباب , على اساس ياسرالقحطاني وله ديفد
بيكام على غفله
محمد:ماشاء الله حتى الكوره تحبينها
فاتن:طبعا ,انت تحسب ان البنات مايحبون الكوره!!!!والله لو انه مسموح لنا
نروح الملعب كان تلاقي الصبايا ثلاث ارباع الحظور,و من الفجر نروح
هناك
محمد بصوت واطي:حاله مستعصيه
فاتن: وش تقول؟؟
محمد: لا اقول ماشاء الله عليكم

::::::::::::::::::::::::



ايطاليا


لو بوصف لكم وضعهم ..
اقدر اقول حوار داير بين العيون..يقول وهي تقول اسمعوا .. وش اللي
داير بالعقول.

حاول تنام وغمض عيونك كمان ..وخلني اتأملك
ترمش عيونك يبان .. تحاول ماتقدر تنام
و محاولاتك كلها بائت حبيبي بالفشل

انين:بيبي
احمد:عيونه
انين بهدوئها: اح ب ك
احمد:هههه قد ايش هالمره
انين:امم تقدر تقول انت منه علي من الله
احمد:وانتي الشي الوحيد اللي قلبتي نبض قلبي لنبض سعيد
انين:بعض الأحيان اخاف تكون حلم , او انك واقع راح ينتهي من حياتي
قريب
احمد:ياعيوني ياروحي ياقلبي خلي التشائوم بعيد,اعتبريني التفائل اللي
مايقبل شريك
انين:ههه ممكن يكون تشائمي بحبك شريك؟؟
احمد:ممكن تشائمك يفسد فرحتك حتى لو كان من بعيد
انين:الله لايحرمني منك
احمد:فتومه اطلعي بره انتي واللي يقرا بسرعه ههههههههههاي
:::::::::::::::::::::::



صباح المنبه

قام محمد على ازعاج المنبه الجديد اللي شرته فاتن ,لأنها حلفت ماراح
تصحيه مره ثانيه,تذكر انه كان منسدح على سريرها يسولف معها, وشكله
نام من غير مايحس ,,اجل وين فاتن!! دور عليها ومالقاها ,اخذ جواله
عشان يدق عليها لقى رساله من الرقم 000

(ياستاذ محمد زوجتك طالعه داخله من البيت بدون حسيب او رقيب,كل ذا
وانت وجهك ماتدري وين الله حاطك,,الله يخلف علينا)

قرا الرساله مره ثانيه وثالثه تعجب ان الرساله مكتوب فيها اسمه دق على
الرقم مره ومرتين ومحد رد عليه شك بالموضوع وحس انه هالرسايل مهي
جايه بالغلط وانه هو المقصود بها,,لكن وش يبي راعي هالرسايل وقبل
مايكمل شكوكه دق على فاتن اللي مفروض انها بالكليه وطبعا ماردت
ورجع دق قرابة الخمس مرات ولا ردت,قام وهومتنكد ومعصب واصله
معه صلى وراح على دوامه .

:::::::::::::::::::::::::


خلود وجارح

انتظرت خلود اللين خلص جارح فطوره.. وناظرته بحب وقالت بإبتسامه:
ماقلت لي ايش رائيك بنيو لوكي اللي سويتوا بجده؟

ناضرها جارح من غير أي اهتمام وقال:ليه انتي وش سويتي اصلا؟؟
خلود قالت بزعل: قصيت شعري وصبغتوا كل دا مو مبين!!
جارح:ايه صح ,ليه تقصينه ان شاء الله ,من عطاك الاذن؟؟
خلود:كدا مره لايق على وجهي,وماتوقعت انك حتزعل

جارح وهو يشرب الشاي: لو قصيتي شعرك مره ثانيه بقص رقبتك سامعه
خلود بضيق:طيب
جارح وهو يرد على جواله: ياهلا وغلا بالغالي
- ابشر
- ههه لا يارجل مو لهالدرجه
- خلاص ابشر ازهلها
- هههههه لا افا عليك انت تامر امر

قامت خلود من عنده وهي تحس بغيره وقهر من تعامله السيئ معها ,
والعكس يكون مع غيرها ..
ماتشوفه يبتسم الا مع غيرها ,ولا تسمع كلمة تم ,الا لاكانت لغيرها
ولا تحس انه سعيد الا ان كان بعيد عنها,حست انها هي السبب وانها
ماقدرت تملى عينه او تكون الافضل بالنسبه له.

::::::::::::::::::::::



اما بالرياض
وبالكليه تحديدا..


طلعت فاتن من المحاضره وشافت فوزيه
فاتن:فوز,وينك ماشفتك من الصبح!!
فوزيه:تعرفين مامشي شوي الا واللاقي وحده توقفني وتسئلني عن شي
فاتن:هع اكيد , اصلا هم لو مالقوا عندك الخبر بيلاقونه عند من
فوزيه:كإني احس ان فيه سخريه
فاتن:ههه لا افا عليك انا اتريق عليك!!
فوزيه:ها خلصتي مُحاضراتك
فاتن:ايه خلصتها خلاص ماعندي شي
فوزيه:طيب زين ,خلينا نسولف شوي
فاتن: انا معك
فوزيه: ماقلتي لي وشلون رجلك؟؟
فاتن: اسكتي امس يانه مسوي فيني موقف الله لايوريك
فوزيه: اجل يله
فاتن: على وين
فوزيه:نروح لنا مول وله نتمشى بالسياره وتحكي لي بالتفصيل
فاتن:هههه لا يا الفالحه هذا اول, الان محمد واقف لي على الطلعه والدخله
فوزيه:امري لله اقعدي هنا وقولي لي
"وجلست فاتن تبربر مع فوزيه الى اذان الضهر,وبعدها راحت مع السواق
وطلّعت جوالها الا تشوف مكالمات محمد ودقت عليه بسرعه

محمد:انتي وينك من الصبح؟
فاتن:طلعت من البيت بدري لأن عندي محاضره
محمد وهو معصب:وليه ماتردين ماتسمعين انتي؟
فاتن:طبيعي محمد ان احط جوالي صامت,وشفيك
محمد:وليه مادقيتي اول ماطلعتي من المحاضره ها
فاتن:محمد انت وش فيك تتكلم معي كذا!!
محمد:انتي اللحين وينك؟؟
فاتن:اف انا بالسياره ياخي قريبه من البيت
محمد:اسمعي تروحين البيت وتقعدين بلاها الفرفره,سمعتي؟
فاتن شوي وتشد شعرها منه قالت وهي طفشانه:مادري على حسب
محمد:وش اللي على حسب لا تطلعين انا شوي وراجع البيت
فاتن:طيب انا مواعده داليا تمر علي بنروح مشوار مهم
محمد:فاتن قلت لك مافيه روحه
فاتن:محمد انت وبعدين معك
محمد:قلت لك اللي عندي"وقفل السماعه"
فاتن:وجع قليل ادب دائم يسويها فيني من جد مايستحي,اصلا الشرهه علي
انا ليه اعطيه وجه واخليه يهزئني انا عمري ماسويتها,ولا احد تجرء
يهزئني اصلا و و و و
راجو وشك :ماما انت في كلام انا
فاتن:لا ماكلمك اكلم نفسي انا في نفر مجنون عندك مانع؟؟
"مسكين هالراجو خخخخ"

" اما محمد قفل من فاتن ولا يدري ليه كلمها كذا ولا يدري ليه الرسائل من
الرقم 000 تثير اعصابه ..
هو يثق بفاتن لكن هالرسائل مستفزه بالنسبه له , قطع تفكيره إتصال من
الي ترسل له بالغلط اللي هو الرقم الاول,ورد عليها وهي موصله معه
محمد بزعيق :نعم
البنت وبصوت كله نعومه وانوثه:فهودي عيوني وشلونك
محمد:ياختي انا ماني بفهد ازعجتيني لا عاد ترسلين لي فاهمه
"وقفل بوجهها الخط"

:::::::::::::::::::::


وهي على سريرها ,فتحت عينها شوي شوي,,وحست براحه كبيره ,
ابتسمت وشمة هوا حبسته برئتها لفتره كبيره ,تذكرت ان مالها شريك
بالبيت وانها صارت لوحدها من غير مايكون معها اللي ينغص عليها حياتها
,, قامت بنشاط وفرح شافت نفسها بالمرايا وابتسمت , غسلت وجهها وهي
تذكر اشياء كثيره ,قفلت المويه وراحت لغرفة اكثر انسانه تكرهها ,دخلت
وشافت الغرفه فاضيه ولافيها أي شي يخص انين ابتسمت اكثر وبدت
ذاكرتها تاخذها لوقوف انين ضدها ولعصيانها بأغلب الوقت لأوامرها ..
راحت على المطبخ وغلت المويه ,وسمعت صوت انين وهي تقولها
"لا ياسميره ,ماراح اسوي,لا ياسميره انا مو خلود اللي تخاف منك وتعمل
لك حساب " حست بحقد كبير بداخلها لأنين ,,
سوت لها كوب شاي وبدت تفكر بعمق كيف ممكن تإذيها ؟؟
قعدت على كرسيها الهزاز ,وتذكرت انين وفرحتها بزواجها ,,تذكرت احمد
كيف كان متعلق بها ومعيشها سعيده ,,
قامت من الكرسي وراحت قدام مرايتها وهي ترسم سناريو بدايته يوم تقول
لأحمد عن علاقة انين بالولد اللي طلعت معه وانها راح تدخّل بالسيناريو
تظخيم وتكبير للموظع وإشاعات تنهي بسمعة انين وثقة احمد فيها ,
وابتسمت يوم شافت ان نهاية السيناريو ..شك وكره وقلة اهتمام احمد بأنين
,ابتسمت إبتسامة رضا وخلت كوب الشاي ودخلت تاخذ لها شور.

::::::::::::::::::::::



مكالمه من داليا

داليا:فتون حبيبتي كيفك
فاتن:تمام,انتي وش لونك
داليا:ها على اتفاقنا
فاتن بزعل :أي اتفاق خلاص كنسليه
داليا:ليه وش صار؟
فاتن:يا ختي مادري احس ان محمد فيه جني
داليا:هههههههههههه,الله يقطع شرك يافتون
فاتن:من جد مو طبيعي مادري وش فيه صايل ويبي يتمشكل, وحتى منعني
اليوم اطلع معك
داليا:غريبه وش فيه ,مو قلتي ان الامو بينكم صايره احسن؟؟
فاتن:ايه,بس هو فجئه يعصب ويكبر الامور
داليا:طيب يوم يهدى تكلمي معه وشوفي وش السالفه

فاتن:اف
داليا:صدقيني لو بيدري ان اول مشوار بنروحه هو المشغل وبتستشورين
هالكدش يمكن يطير من الفرح
فاتن:ههع تراني ماقتنعت بأني اغير وانعِم على قولتك بشكلي,لكن اللي
مخليني اسمع كلامك اني وعدته اني اتغير.
داليا:هههههه صدقيني الموضوع يبي له وقت طويل انا معبال ادربك
وشلون تمشين بس ..يبي لنا اسبوع
فاتن:هههع هع هع يعني لهالدرجه مشيتي غلط
داليا:تبين الصراحه ,تستاهلين انه يقول لك ابو فاتن من بعد مشيتك,وفيه
شي ثاني ترى اهم.
فاتن:اف دالي لايكثر ..ها
داليا:اش مو انتي قلتي بتغيرين من بره عشان من جوا بعد تقدرين
تغيرين؟؟اسمعي وانتي ساكته...
فاتن بملل: وشو؟؟
داليا: ضحكتك هذه يبي لها تغيير
فاتن:حتى الضحك وشلون تبيني اضحك يعني!!
داليا:في بنت بالدنيا عسوله وكتكوته تضحك كذا هع هع هع
فاتن:ههههههههع ههههع هع
داليا:بالله هذه ضحكة بنت
فاتن:شوفي انا قلت تغير بسيط مو تغيرين شخصيتي بعد, خلاص اجل
نسحب الطلب ولا ابيك تساعديني بالتغيير
داليا:لا الله يخليك راضيه نغير شوي شوي بس اهم شي خلك على كلمتك
فاتن:هههع ههع
"وعلى دخلت محمد لكن هالمره قفل الباب بقوه عشان تعرف انه جا,نقزت
فاتن من الصوت واستئذنت من داليا وقفلت السماعه"

محمد:انا ماشوفك إلا ماسكه هالجوال وتكلمين فيه
فاتن:صراحه مابقى الا هو امنعني منه بعد
محمد:والله اتمنى
فاتن:ترى اسمع تصرفاتك هذه مالها داعي اوكي ,اذا مضايقك شي او
مزعجتك بشي قول , لكن لا تقعد تتعامل معي بهالطريقه
محمد:انا مافي شي مزعجني قد طلعاتك الكثيره
حطت فاتن يدها على خصرها وقالت:طيب انا اقول لك وين اكون ,وبعدين
اليوم كنت بروح للمشغل عشان اصير فاتن مو ابو فاتن ,لكن احسن لأنك
ماتستاهل اصلا
"وطلعت وهي تقول الغدا ,بتنزل وله سوي رجيم احسن لك...

حس محمد انه تمادى معها ولا فيه مبرر غير الغيره اللي ملت قلبه ,وبنفس
الوقت كونها تبي تتغير معناها فعلا حابه تعيش معه ومالها لزوم هالعصبيه
اللي هو فيها حس بصداع عجيب مايدري هو بسبب الجوع او بسبب كثر
تفكيره,دخل اخذ له دش بارد سريع ونزل للغدا..

اصاله:يله حبيبي الأكل برد وينك
محمد: يله يمه بسم الله

اصاله:فتون وش فيك عمري ليه ماتاكلين
محمد ويحاول يرضيها :لأن الأكل بارد وهي مثل الهنود تحب الفلفل
فاتن:....
محمد:هههههههههههه
اصاله:لاحول ولا قوه الا بالله ,ياعيالي والله ماصارت اكبروا وخلوا عنكم
حركات الاطفال
محمد:قولي لأبو فاتن ذا
اصاله:محمد استح
فاتن: خليه اصوله ,اصلا هو يحسب انه خفيف
محمد:انا كنت بخليك تروحين لكن دام ذا ردك مافيه روحه
قامت فاتن تعيد التفكير لأنها كانت ناويه بعد المشغل تقابل البنات بيت
اريج فحبت تفوت لمحمد وتعديها وقالت : تصدقين اصوله صادق محمد
الاكل بارد ماله طعم من غير الفلفل
محمد:لاياشيخه
فاتن: ايه وش فيك؟؟
اصاله:هههههههههههههه
محمد وهو رافع حاجبه :ياسبحان مغير الاحوال
فاتن وتبي تظبط الاوظاع: محمد تبيني اصب لك عصير
محمد وهو يناضر تصرفاتها الغبيه:لا مابي ذا العصير ابيك تعصرين لي
عصير ابيه فرش
فاتن: افا عليك ماطلبت شي,بس عصير
اصاله:حبيبي مو اللحين,, تبي البنت يعني تقوم من غداها تسوي لك
عصير!! خله بعد الغدا
فاتن: لا اصوله انا شبعت اصلا محمد يستاهل
محمد وهو فاتح عينه: اقعدي بس اقعدي مابي شي ,واذا تبين تروحين
روحي ,انا راسي يوجعني ماراح اقدر اكمل ,بطلع انام

"اما فاتن طايره فرح ان مابتفوتها جمعت البنات اللي مايدري عنها
محمد,ومن فرحتها نست تقوله

::::::::::::::::::::::::::::::



اما عند عصافير الحب
بايطاليا


الشارع فضى تدريجيا بسبب المطر اللي نزل إلا من انين واحمد,كان
ماسك المظله بيد وبالثانيه ضام انين له
احمد:خلاص حبيبتي خلينا نرجع الفندق المطر قاعد يزيد
انين:لا بيبي الله يخليك,احنا بجده محرومين من روعة هالجو ,واذا نزل
مطر تصير كارثه
احمد:هههههه,طيب يله ادعي تراه وقت استجابه لكن بصوت عالي ابغى

اسمع بإيش تفكري وايش تتمنيP
انين وبعد تفكير قالت بصوتها الرقيق :امم
يارب ..
اذا كنت راح تغير علي حب زوجي وراح انحرم من حنانوا ,,يارب خد
عمري بدل هالشي
قفل بيده فمها وقال:لاتدعي على نفسك يامجنونه..
انين:امم تحبني
احمد:قلت لك انتي الحب
بعدت منه انين وقامت تجري وبأعلى صوتها المرح:الحقني
وقف احمد مكانه وضحك على شكلها وطفولتها وبرائة عيونها وحركاتها
البسيطه اللي تسويها ..
كان يتأملها وجسمها مبلول وشعرها الحرير تتخ حبات المطر..
كانت تطلّع البخار من فمها وتسوي حركات بوجهها البريئ كأنه تنين
وتضحك وضحكتها تهز فيه قلبه ,وتزيد تعلقها بشرايينه ..
لكن..
ومن بين الضباب اللي راحت جهته تطلع سياره مسرعه تصدم بأنين
صدمه قويه طارت معها قطعة الحب اللي عشقها احمد وماتمنى غيرها.

::::::::::::::::::::



اما بالمشغل


اول مادخلت فتون الكل بدا يسمع سواليفها وضحكتها العاليه,وكأنها صاحبة
محل مو زبونه ولأول مره تروح لهم,,عكس داليا اللي تعشق الاهتمام
بنفسها.
خلت داليا فاتن وراحت للكوفيره ورده: اهلا داليا كيف هالك
داليا: تمام حبيبتي ورده ,شوفي هذه صديقتي فاتن اللي هناك,ابيك تسوي لها
شي يبين نعومتها
قامت الكوفيره تناظر لفاتن اللي تضحك وهي جالسه مع الزباين بالجهه
الثانيه وهي تقول بنفسها "أي نعومه اذا كان برجلها زبيريه لكن فيها
فصوص يعني زبيريه نسائيه"
داليا:ادري صعب صح
ورده الفلبينيه:ههههه صراحه بنت تحدي كبير
داليا:هههه ,طيب وش حابه تسوي لها؟؟
ورده: في غير لون شعرها الأسود لكستنائي,واما حواجبها راح نرسمها
بشكل حلو كتير ,مع تنظيف بشره وبدكير ومانكير يعني اشياء كتير
داليا:يالطيف على كذا كم تحتاج من وقت؟
ورده: امم اكتر من خمس ساعات
داليا:كيف !!!تبين فاتن تقعد على هالكرسي 5 ساعات لا وبعد تقعد عشان
تزين
ورده:اذا تحب كل يومين تجي ونسوي حاجه؟
داليا: والله مادري, لحضه راح اكلمها ..واقول لك.
...
فاتن:ها اخلصي متى بيمسكوني
داليا:فتون تكلمي برقه شوي,وبعدين وش يمسكونك حنا بمعتقل!!
فاتن:اف ,طيب.."قامت تسخف صوتها وتقلد صوت داليا"متى راح ابدا
داليا:ههههههههههه والله مايليق عليك
فاتن:انا ادري عنك انتي وجهك
داليا:يارب يصبرني عليك,المهم صراحه قالت لي الحرمه ان يبي لك تغير
فظيع
فاتن:طبيعي يالهبله تقول لك كذا عشان تاخذ فلوس
داليا:لا ياقلبي من جد فتون نبي نغير كثير
فاتن:الزبده؟
داليا:شوفي انتي لازم تصبرين اوكي,ترى كل شي يبي له وقت
فاتن:لا ياماما نبي نخلص بسرعه عشان يمدينا على جمعة البنات ياإنه
عندي لهم سواليف
داليا:لا فتون ماراح ينفع,لازم نكنسل روحتنا ,صراحه راح نحتاج 5
ساعات
حطت يدها على خصرها:نعم لا واللي خلقني ماقعد اكثر
من ساعه,انا عندي جمعت البنات اهم بمليون مره من هالهبال
داليا: فتون بطلي عناد خلينا نخلص اليوم وبكره نقابل البنات
فاتن: لا ياماما كل وحده عندها اللي يشغلها وانا ماصدقت ان الكل مجتمع
اليوم
داليا: اف بالله وش بيمدينا نسوي مثلا
فاتن: تنظيف,مكياج أي شي
داليا:وشعرك؟؟
فاتن: اصلا انا ماكنت مقتنعه بسالفة اليس لشعري انا احبه كذا ولا بغيره
داليا: فتون لاتعانديني
فاتن: شوفي اوعدك نجي مره ثانيه نسوي اللي تقولين عليه لكن اللحين
لاتأخرينا عن البنات
داليا: تراك وعدتيني
فاتن: إي افا عليك لايهمك,بس يله خلينا نخلص

:::::::::::::::


قام محمد بعد المغرب
وحس بنشاط وبراحه لأنه مالقى من الرسائل المزعجه باللذات من الرقم
000,,تذكر البنت يوم كلمها وانه غلط عليها من غير مبرر..اخذ الجوال
وتردد اذا يتصل عليها او لا ,,لكن فضوله بفهد خلاه يدق

ردت البنت بصوتها الناعم:الو
محمد:السلام عليكم
البنت:وعليك السلام ,نعم!!
محمد:ماعليه اختي انا رديت عليك بطريقه شينه
البنت:انا اللي اسفه ازعجتك,بس انا ماكنت ادري ان الرقم غلط
محمد:لا بالعكس انتي ماغلطتي انا اللي غلطت,بس ممكن اذا تسمحين لي
اسئلك سؤال
البنت:أي تفضل
محمد:هو فهد ذا يقرب لك؟؟
البنت:إي طبعا هذا اخوي,بالحقيقه انا ماتوقعت ان الرقم غلط,وكنت اكتب
الرسائل وحتى قصتنا يمكن فهمتها
محمد:تقريبا..انا اللي فهمته إنك تحاولين تصلحين العلاقه بين امك وابوك
البنت:يوه والله انا مره منحرجه منك
محمد:لا عادي بالعكس انتي انسانه رائعه مو مثل باقي البنات هاليومين كل
اللي همهم وش يلبسون وين يطلعون
البنت:شكرا على رائيك,بس انا لازم اقفل اللحين امي تناديني
محمد:ايه طبعا,وانا اسف اذا كان ازعجتك
البنت:لا بالعكس,,يله باي
محمد:مع السلامه
"قفل الخط وصوتها للان بإذنه,تعوذ من ابليس ودق على فاتن يشوف وينها
ولا ردت عليه
تدرون ليه ..
لأنها ماسمعت الجوال من صوت المسجل

في جمعة الصبايا


اريج:اللحين لنا كم ماجتمعنا هالجمعه
فوزيه:والله انك صادقه,يالحظرميه
اماني:انتي وبعدين معس؟؟؟
اريج: خليها مع نفسها
فاتن:هههه وش يعني مهبوله ههههههههههههههههههههههع ههع
اماني:ههههههه,فتون ماقلتي لنا وينس ,اللي يعرس ماينشاف؟؟
سمر:خلاص شافت نفسها علينا ياكافي
فاتن:لا افا عليكم ,ماياخذني منكم الا الموت ,بس عندي واحد ماعنده شغله
بالحياة الا وينك,ولا تطلعين ,ولا تروحين
داليا:هههههههههه
فوزيه: احد قال لك تعرسين؟؟
داليا: الله واكبر اللي يسمعك يقول انك مابتموتين على الزواج
فوزيه: من انا؟؟
سمر:لا امي
فاتن: والله يابنات مانصحكم بالزواج
سمر:حرام عليك في احسن من الاستقرار والحب والرومانسيه
فاتن: هي انتي برا برا بسرعه
اماني:هههههههههههههههه
فوزيه: كأنه في صوت جوال يابنات
داليا: بوطي المسجل
قامت ناظرت فاتن لشنطتها وعرفت ان الصوت منه ,طلعت الجوال
وتشوف انه محمد قاعد يدق,قامت من عندهم وردت



محمد:انتي وينك؟
فاتن وتذكر انها ماقالت له :ها ا
محمد:انا من المغرب ادق ولا تردين
فاتن وتحاول تجمع الجمل:ايه لأن ا الأستشورات شغاله ماسمعته,اقول
محمد
قال بطولة بال:نعم
فاتن وهي تحاول تألف :امم البنات دقوا علي وقالو لي ان وحده من اللي
نعرفها مات ابوها ...اي و و قلت لازم امر عليها اعزيها تعرف واجب
محمد بملل:فاتن طالعه من المشغل بتروحين عزا؟؟
فاتن وتوها تستوعب غبائها: ا لا.. لو رحنا امم
محمد:فاتن..ارجعي البيت
فاتن:لا محمد ماينفع
محمد:وليه ان شاء الله ماينفع
فاتن:لأني صراحه انا عند البنت
محمد:نعم!!
فاتن:امم توني مطلعه جوالي ادق اقول لك الا انت داق
محمد:تدرين انك كذابه فاشله
فاتن:تؤ صراحه أي انا فاشله بالكذب لأن عمري ماظطريت اكذب الا يوم
تزوجتك
محمد وهو معصب:انتي وبعدين معك ,ماتحسين ..ماتملين من هالمشاكل
..متى بيكون عندك حس المسؤليه متى!!!"وقفل السماعه بوجهها كالعاده"
فاتن:وجع وجع وجع
داليا:هههههههه وش فيه وجهك محيوس
فاتن:قليل الحيى كل شوي يقفل بوجهي
داليا:هههههههههههههه فتون عنوني اكيد غاثته ههههه
فاتن:اف ياختي مادري اشيل هم ان اقوله بروح او بجي
ناضرتها داليا شوي ثم قالت:تبين الصراحه
حكت فاتن شعرها وقالت وهي لاويه بوزها:قولي..لكن لايكثر
داليا:احسك يافتون تسوين الاشياء اللي تنرفزه عن عمد
فاتن:انا!!!!
داليا:لا انا,فتون بلا استهبال ماحد بالدنيا يفهمك قدي..انا ادري انك للان
ماقدرتي تسامحينه ,وادري ان ودك تعاقبيه اكثر ,,وادري بعد ان كل هذا
لأنك تحبينه ولا ودك تبينين او تضعفين
ناضرتها فاتن بنص عين: احم اقول بلا تحليل نفسي سخيف
داليا:هذا الواقع مو فلسفه ولا تأليف,فتون عشان تقدرين تعيشين مع محمد
لازم تنسين وتسامحين ..وتبدون من البدايه
حست فاتن انها متوتره:خلينا نمشي ونكمل كلامنا بالسياره
داليا:ههه يله
اريج:خير على وين ان شاء الله
فاتن:نسينا ان عندنا مشوار مهم
اريج: لا حبيبات قلبي توكم داخلات مافيه روحه ..ماتطلعون من عندي الا
بعد العشاء
داليا:لا من جد اريج الموضوع مهم لازم نروح عندنا شغله مهمه
"وبعد طلوع الروح اعتذروا من البنات وركبوا السيارة"


فاتن:يله راجو على بيت داليا نزلها
راجو:حاضر ماما.
داليا:فتون
قالت بعد تنهيده:نعم
داليا:تحبينه صح؟
فاتن:....
داليا:ليه مانتي راضيه تعترفين بالموضوع
فاتن:ماني قادره مادري ليه احس كل ماقول اني بسامحه من قلبي احس
اني اهين نفسي لو حبيته
داليا:وليه يافتون,فيه احلى من الحب!!
فاتن:ايه فيه كرامتي اهم من هالشعور
داليا:لأ يافتون غلط,, هو ماقالك خلك شريكه لحبيبتي الاولى ولا قالك خلك
احتياط,,هو خلى كل شي عشانك,اعتذر لك ,اختارك انتي ..
فتون الحب والزواج لازم له تضحيه ,,صدقيني اللي مخليني اتردد بملكتي
على بدر خوفي من اني ماقدر اقدم هالتضحيه لأن من غيرها ماراح نقدر
نعيش..
فاتن: ....
داليا:تدرين .. انا معجبه بدر بشكل كبير ,ويوم حسيته بيكون لغيري
انجنيت لكن يوم فكرت وسئلت نفسي ,, يكفي الحب من غير مانضحي
؟؟؟ لقيت انه ماينفع وانها بتكون علاقتنا مسافه قصيره وبتنتهي ..
فاتن:...
داليا: فتون حبيتي انتي تحبين محمد وهو كذلك مابقى الا شوية تنازل عن
هالكرامه اللي مو بمكانها وراح تعيشين سعيده,صدقيني راح تعيشين سعيده
دمعت فاتن ومسكت بيدها داليا وقالت :خلي قلبك يدق يافتون لا تمنعينه
فاتن:ابيك تدعميني دالي ,ابيك دايم واقفه جنبي لأني مابقدر اخطي هالخطوه
الا بدعمك
داليا:انا معك دائم مثل العاده تلاقيني من غير ماتقولين,توكلي على الله ولا
تقلبين حياتك لتعاسه,,وانتي تقدرين تعيشين سعيده
فاتن:...
داليا:يله انا نازله,,وابيك تفكرين بكلامي وتنفذينه سامعه؟؟
فاتن:نشوف
داليا:باي عنوني وانتبهي لنفسك
فاتن:سلام.


:::::::::::::::::::::

وبهل الوقت فتح محمد المسج اللي وصله وكان من الرقم 000

(يالحبيب اسمع النصح مني.. انا اللي اعرف مثل حرمتك وامثالها,,الحرمه
لو ماحكمناها من البدايه وحطينا حد لتصرفاتها تنجن وتخلي سمعت الرجال
مثل التراب وتدوس عليه)

حس محمد انه مخنوق من كل شي فاتن والبيت وهالمسجات وكل اللي حوله
طلع من البيت وهو مو شايف شي قدامه...





وش راح يصير بين محمد وفاتن؟؟
انين وش اللي ممكن يصير فيها بعد الحادث ؟؟
الارقام الغريبه وهل ممكن تكون نهايتها خير..

بارت 15


زيت زيتون وملح ورشة ليمون..
كذا جهزت طاوله كامله تحمل من كل مالذ وطاب.. طاوله مرسومه بأكلات

مزينه بشكل راقي من انسانه ذوق وطباخه ماهره...
اخذت لها شور سريع وراحت تصحي جارح..
خلود بنعومتها : جارح حبيبي..اذن العشاء مابتقوم تاكل حاجه ,انت حتى

غدا ماتغديت..
جارح:...
خلود:حبيبي ..جارح
جارح كان بدنيا ثانيه بعيد عن اللي يدور حوله ,بعيد عن العالم الحقيقي,في

عالم خاص بالاحلام ..
كائن يشبه الديناصور باللون الاسود كل ماحاول جارح يهرب منه لقاه قدامه

..
وكل ماحاول يتكلم ويصرخ ,نفخ عليه من ناره ..
وده يصحى وده يقوم لكن مو قادر , بدا يعرق وبدا يتعب ,الا ويشوف دخان

ابيض ريحته تشبه المسك طلعت خلود منه وتنادي عليه عشان تحميه ...بدا
يفوق وبدا يهرب من عالم احلامه
خلود:جارح
فتح جارح عيونه بطريقه مخيفه,وناظر لخلود اللي قدامه من غير أي

شعور..بنظرات خلت خلود ترتجف وترجع على ورا لين طلعت من الغرفه
قام جارح على الحمام ,اخذ له دش بارد ,وكل ماغمض عيونه شاف احداث
حِلمه ,قام يحاول يفتح عيونه قد مايقدر مايتمنى حتى انه يرمش ,يحس الدنيا
ضايقه به وان اللي يحس به مفروض مايحس به انسان بكبر جارح ...
اما خلود كانت ترتجف خوف من جارح اللي جا بالها انها مزعجته
ومصحيته بازعاجها ,,اول ماشافته قامت تقول بارتباك: اسفه وربي
ماتوقعت اني كنت ازعجك
ناظرها جارح بإستغراب وقعد على الطاوله بهدوء وبدا ياكل
جلست خلود وبدت ترتاح: اصب لك عصير
جارح:....
سكت بعدها خلود,وخلت الملعقه اللي بيدها وقامت تناظر لجارح اللي ياكل

وهو سرحان , تحس انه بس يبي يملى معدته من غير ما يحس بالاكل او
لذته او حتى نوعه ,تحسه ولأول مره شارد وذهنه مشغول
جارح: خير وش فيك تناظريني كذا
خلود:ولاحاجه سئلتك تبغاني اصب لك عصير؟
جارح:ايه صبي
صبت له خلود ويوم جت تعطيه الكاس حست برجفه خفيفه بيده ,عرفت

بعدها ن جارح فيه شي مو طبيعي

:::::::::::::::::::::::::

وصلت فاتن البيت وهي متفائله ان الحياة راح تكون افضل.. رجعت
وبداخلها كلام كثير وتصفية لحساب بينها وبين محمد..
رجعت وهي ناويه تنهي كل الخلافات ..

أصاله:اهلين حبيبتي
فاتن:كيفك اصوله,,وكيف شغلك
أصاله:ماعليه مثل العاده بنات نتعود عليهم يطلعون ,وغيرهم يسجلون

وعلى هالموال
فاتن:الله يعطيك العافيه يارب
أصاله وهي متفاجئه:فتون
فاتن:هلا
اصاله:انتي حاطه مكياج!!! ومستشوره بعد !!!!!
فاتن:هههههع ايه وش رائيك!!
اصاله: تاخذين العقل ياقلبي ,بس جد غير
فاتن:احم احم
أصاله:هههههههه
فاتن:الا وين محمد؟؟؟ فوق؟
أصاله:مادري وش اللي جرى له طلع من البيت متضايق؟انتي ماقلتي له

انك طالعه؟
فاتن:ها..إلا قلت له,,,امم يعني كان معصب؟
أصاله:لدرجة انه مارد علي يوم سئلته وين بيروح
فاتن:اها
أصاله:ماقلتي لي كيف اموركم؟؟
فاتن:امم ان شاء الله الفتره الجايه راح تكون احسن
أصاله:ان شاء الله ,والله مافي شي يسعدني اكثر من اني اشوفكم سعيدين
فاتن:انتي بس ادعي لنا
أصاله:والله اني ادعي لكم ليل نهار
فاتن:اوخص ليل نهار !! يعني ماتعبين؟؟
أصاله:ههه لا ماتعب اللين اشوفكم مثل الخلق
فاتن:افا ياصول يعني اللحين حنا مثل وشو
أصاله:اللحين وبصراحه كأنكم توم وجيري
فاتن:ههههههههههع هههههههع هع "وتذكرت داليا وهي تقولها اضحكي

بنعومه"
وقالت: اصوله اسمعي هالضحكه وش رائيك فيها هههههههع
أصاله:ههههههههه بسم الله عليك يابنتي انجنيتي؟؟
فاتن:لا بس البنات يقولن لي اغير ضحكتي طيب اسمعي هذه ..
ههه ههه ههه
اصاله: خلني اقوم انام اصرف لي من جنونك على اخر الليل
فاتن: تونا الساعه 11
اصاله:حبيبتي بكره عندي دوام
فاتن: إي صح وانا محاضرتي الساعه 7 بقوم انا بعد انام,وله لأ خلني

انتضر استاذ محمد
"وطلعت تشوف نفسها بالمرايا وتستهبل وتلعب وكل الجنون طلعته

بالمرايا"

:::::::::::::::

اما بمستشفى إيطاليا
احمد يحس كل شي فيه توقف.. تفكيره ودقات قلبه واحساسه..
مافيه شي يفكر فيه او يخطر باله غير منظر واحد ..
وهو الجو الممطر وانين تضحك وتجري, وتطير خصل شعرها المبلوله

بخفه وكيف تجرءت سياره مسرعه بخطف عمره ..وكل ماخلص هالمنظر
من مخيلته تخيله مره ثانيه وثالثه..
يمشي يمين ويسار مثل الشخص الفاقد عقله مو قادر يفكر بشي ولا راضيه

الصوره تروح عن باله كل شي فيه متشت ..
بهالوقت ..طّلعوا انين من غرفة العمليات,,ودخلوها مباشره على العنايه

المركزه ..

ينتضر وينتضر وينتضر ...
تطمنه الدكاتره عليها لين شاف الدكتور المسؤول, مشى احمد تجاهه ورجله

ترتجف "وطبعا الحوار كان باللغه الانجليزيه"
قال: دكتور كيف حالتها
ابتسم له الدكتور وقال: تطمن احنا بذلنا كل مجهودنا بالعمليه ,ولكن ماقدر

اقول لك عن مدى نجاحها الا بعد مرور 24 ساعه
وبهاللحظه باللذات كان فيه حركه مو طبيعيه ..وجت ستر تركض للدكتور

المشرف وتقول له : الحاله توقف نبضها
حاول يتمالك نفسه الدكتور, وراح معها وخلى احمد بحالة شل في مكانه,مو

عارف اذا المقصود انين او غيرها؟؟
وبعد ربع ساعه بالتمام..طلبوا من احمد يدخل لمكتب الدكتور ولكن احمد
الين اللحين على وقفته ولا هو راضي يسمع لأحد فأضطروا انهم يرسلون
له دكتوره كرستين تتفاهم معه..
وجت جنبه تأكد له احساس ملك قلبه ..
""بيفقدها وفعلا هو فاقدها اجل وشلون لو انه بيعيش بعالم غير عالمها""

وقالت الدكتوره: انا اعتذر سوينا كل اللي نقدر عليه ولكن كل هذا ماجاب
نتيجه , احنا سوينا اللي علينا ولكن فيه تفاصيل اذا تحب تسمعها ليت تجي
معي للمكتب ..
"ربت على كتفه تبي تهدي ملامحه ,ومد يدينه لرقبتها وصلها

لجدار..صرخ فيها وقرب منها, ودموعه اللي متجمعه بعينه لقت على خده
سبيل,,,
وبأعلى صوته يقول لها :لاتكذبين
"الي كانوا متواجدين بغرفة الإنتظار حاولوا يفكون الدكتوره من يده ,

ولاقدروا ولا هو فكها إلا يوم شاف السرير المتحرك وحامل جثة حبيبته ..
راح لها يركض ودموعه مو قادر يتملكها ..
مسك يدينها البارده وحضنها وبدا يصرخ عليها,, هو مو فاهم وش يقول ولا

هي حاسه باللي يدور ولكن اللي صار وقاله من غير مايقول...
عطيني فرصه استوعب .. خبر موتك اذ يجيني..
خذي قلبي.. وخذي عمري .. وخلك بين إيديني
تخليني احب حالي وتروح روحك تخليني..
تكفه لاتخليني واذا انتي ناويه فيني؟؟
خذي روحي..ياروحي ابي عالمك يكفيني..

:::::::::::::::::::::::::::::


صباح الرياض
قامت فاتن من النوم على صوت المنبه .. تذكرت انها كانت تبي محمد يجي
وتفاهم معه ولكن النوم غلبها .. قامت من الفراش بتكاسل وشافت وجهها
بالمرايا وضحكت وفتحت عينها زين وضحكت بشكل اكبر..
الكحل وساح والروج اخذ راحته برا الشفاة شكلها فعلا يضحك..
راحت على الحمام بسرعه خافت ان احد يدخل ويشوفها بهالمنظر,,وبعد

ماجهزت اغراضها راحت على غرفة محمد ولا لقته ,,استغربت لكن ضنت
انه قام قبلها وراح شغله..وطلعت على الكليه,وهي بالسياره دقت على داليا
فاتن:والله فاتك يادالي
داليا:ها بشري,اكيد محمد ماصدق
فاتن:ههههههههههه والله انك مسكينه انا لو اقول لك وش صار تضحكين
داليا:ايه قولي ,خليني اروّق قبل الدوام
"وحكت لها طبعا كل شي"
::::::::


جده
قامت سميره من ازعاج جوالها ويوم شافت ان الرقم من اخوها على طول

ردت:اهلين بالعريس
قال احمد وهو مو قادر يتكلم:سميره......
سميره:ايش بك ياحمد خوفتني ايش صار!!!
قال احمد وبشق الانفس: حبيبتي مات
ضبطت سميره جلستها وطار النوم اللي كان فيها وقالت بصوت عالي:احمد

انت ايش قاعد تقول؟؟
احمد وللآن مو مصدق طلّع من قلبه كلمة :اه
سميره:الو احمد الو
ودقت عليه كثير ولا رد عليها ..وسميره لأول مره تحس انها متأثره بشي

يخص انين,,
كانت ناويه تدمر سعادتها باي طريقه,مع ذلك ماكانت تتمنى لها الموت ,

ماكانت تتمنى تسمع اخوها بهالضعف,وماكان ودها تسمع هالخبر
بهالطريقه وماكانت تضن بيوم ان بخبر وفاة انين راح تكون حزينه.
اما خميس يوم عرف وفاتها تأثر,ويوم تذكر صورتها ماقدر يشوف غير

صورة ضربه لها واهانته بشكل متكرر,,تمنى لو انها سامحته او على الأقل
انه اعتذر منها ,,لكن وش ينفع اللحين كل شي انتهى ,,دق خميس على
اخواته ... وصلهم الخبر
::::::::::::::


الرياض ..بيت جارح

قامت خلود تضرب بنفسها تبي تصدق وتبي تستوعب ان الأخت اللي
عاشت معها بكل لحضاتها واللي شالت عنها واللي قاست معها بكل مراحل
حياتها توفت..وحست بهاللحظه ان مالها سند وان الشي الحلو اللي بحياتها
انتهى,,
وانتضرت اللين جا جارح واول ماشافته راحت ضمته وزاد بكاها
جارح :وش فيك وش صاير؟؟
خلود:انين ياجارح انين مات
جارح:...
خلود:الله يخليك وديني عندها
جارح:انا لله وانا اليه لراجعون
خلود:الله يخليك ياجارح ابغى اشوفها
جارح:وشلون تشوفينها ,هي مو بايطاليا!!
تذكرت خلود هالشي:طيب ابغى اروح عند اهلي
جارح:ياخلود توك راجعه من جده
خلود وبصراخ :ابغى احضر عزاها هذه اختي
وخرها جارح عنه وقال: يابنت الناس كلنا بنموت اهدي وتعوذي من ابليس

وادعي لها بالرحمه
خلود:ابغى اسافر
جارح:مو اللحين اميمتي راح تجي بكره من الشرقيه ولازم تكونين

بإستقبالها
ناضرته خلود بعدم تصديق:اقول لك اختي مات وابغى احضر عزاها انت

قاعد تسمعني
جارح:وانا ماراح اعيد اللي قلته ,لاقمتي بالواجب مع امي ورجعَت للشرقيه

,ساعتها حجزت لك وسفرتك
"زادت خلود من بكاها قهر على اختها اللي توفت بهالعمر,,ومن الحض اللي

جمعها بانسان قاسي مثل جارح, تركها بعز حاجتها ودخل مجلسه وقام
يدخن بجنون"
:::::::::::::::::::

بعد العصر راح محمد لبيتهم بعد ماقضى ليله بالسياره ماصدق يجي
الصباح عشان ينسى ويتناسى بداومه..
وقبل لا يدخل البيت جت له هالرساله ..من الرقم 000

(يالحبيب لا تقول ان زوجتك المصون فتون جوالها اربع وعشرين ساعه
مشغول لله في لله,,ههه وانا اخوك الحريم هالايام هم اللي مالهم امان)
انجن جنونه محمد ودخل البيت وهو مو شايف شي قدامه دخل على فاتن
الغرفه من غير ماتحس بوجوده وقف يوم سمعها تقول
- والله واحشني
- هههههعههههههههع لا ياشيخ ومن متى!!
- يله عاد متى بتجي
- هع هع مايليق عليك الدلع يله قول
- يوه وش تقول انت؟؟ من هاللي ياخذ مكانك والله مانخلق

"محمد بس سمع لهالجمله مسك بتيشيرت فاتن وهو يقول: من هذا ها؟؟
واخذ التلفون من يدها وقال وهو يصرخ: من متى تعرفها انت!!
ورد عليه:سلامات يالنسيب وش تحس فيه
ترك محمد فاتن وهي مذهوله ولا تكلمت ولا كلمه مصدومه من موقفه او

ممكن للان ماستوعبت اللي يصير,,
محمد:ا هلا ابب..بدر
بدر:اللحين تمزح قبل شوي ولا من جدك؟
محمد:هه لا وش دعوه ,,ا علمتني فاتن الشقاوه
بدر:اها وايش اخباركم,تقول لي فتون انك مجننها..ترى ها ..كله كوم وفتون

بكوم لحالها
محمد:لا افا عليك بس انت تعرف دلع البنات
بدر:هههههههههههه دلع البنات والله انت محظوظ لأن عمري ماشفت فتون

إلا تتضارب او تشوف كوره ,عمري ماشفتها تتدلع هههههه
محمد ومو قادر يكمل المكالمه :هه,ا يله بدر نشوفك قريب
بدر:بإذن الله, بالله عطني فتون
محمد:فتون!!امم طلعت من هنا شكلها راحت تجيب شي
بدر:يله مو مشكله ادق عليها بعد شوي
محمد:يصير خير
بدر:يله فمان الله
محمد:مع السلامه


قفل محمد وهو يحس بإن الشيطان لعب عليه وان الرساله اللي جت له خلته
فاقد لعقله..
قام يدور على فاتن بالغرفه ولا لقاها ويوم مر من غرفته شافها مقفله

وعرف انها بداخلها ,وقعد يدق عليها ولاترد عليه
وقف فتره وهو يفكر وش ممكن يقول لها ,وكيف راح يبرر فعلته لها ..دق

عليها مره ثانيه وهو مقهور ويقول :فتون ..فتون افتحي الباب اسمعيني ..
فتون ادري اني غلطان بس والله كان في سبب
فتون تكفه افتحي الباب خل نتفاهم
"ودق الباب الى ان فقد الامل انها تفتح له او حتى تكلمه,وطلع من البيت


اما فاتن الى الآن وهي بذهولها ..وكانت تقول بنفسها ..
ليه سوى كذا..ليه يشك فيني..
انا عمري ماتصرفت بشكل مريب وعمري ماتماديت مع أي غريب ..ليه

يشك فيني!!!
كيف قدر يمد ايده وليه سكت له!!!
ليه ياقلبي ضعفت وضعْفت شخصيتي معك!!
ليه!! حبيته ..
لأ انا ماحبيته انا تعودت عليه,,
لأ انا كذابه لأني حبيته وحبيته كثير مو شوي ,فرضيت الاهانه منه
ليه اللحين يوم قلبي حبك وروحي تعودت عليك ... ليه تشك فيني وتخرب

كل شي يامحمد ..ليه!
::::::::::::::::


شك بدر ان فيه شي مو طبيعي وحاول يدق على فاتن لكن ماردت لأن
الجوال اصلاً خلاه محمد بغرفتهم ..
وهالشي خلاه يشك اكثر ولكن ماحب يِقلق اهله فدق على..
داليا اللي اول ماشافت رقمه طارت من الفرحه وقالت بهدوء:هلا
بدر اول ماسمع صوتها حس بالراحه :سلام
داليا:وعليك السلام
بدر:اجل مامسحتي رقمي؟
داليا:وليه لازم اني امسحه
بدر:انا قلت اول كنتي تكرهيني واكيد مسحتيه,لكن دامه للان عندك فهذا

مؤشر لخير
داليا:على فكره انت مره مغرور
تدارك نفسه بدر وتذكر انه ماينفع يكلمها بهالشكل دامهم على البر وينطق

بالكلام اللي وده يقوله وقال:اعتذر اني دقيت لكن انا تخوفت على فتون
وكان ودي تطمنيني عنها
قالت داليا بخوف:ليه وش صار!!
بدر:ابد بس ماترد علي وفيه شي مو مضبوط ممكن تزورينها وتطمنيني
داليا:ايه اكيد انا انتهى دوامي وراح ازورها اللحين
بدر:جزاك الله خير
داليا:وياك..يله باي
بدر:هلا.
::::::::::::::::::::


محمد من وقتها وهو يدور بالسياره ويحس الدنيا ضايقه به,اللين دق عليه
زميله خالد اللي منتظر مكاملته على نار..
خالد:ها محمد وش لونك
محمد:ابد الوضع واقف على ردك؟
خالد:والله كان ودي اخدمك لكن الرقم اللي عطيتني اياه ,من الارقام اللي

من غير اسم
محمد بخيبة امل :لا تقول
خالد:ايه والله للأسف مو مسجل بإسم,هذا من ارقام الحج تعرف انت.
قال محمد بضيق:ماقصرت يا ابو خلود ,الله يجزاك خير
خالد:وياك حبيبي يله خلنا نشوفك بالاستراحه,وله مانفع من غير سالم الله

يرحمه
وكأن محمد ناقصه ضيق:لا افا عليك ,ان شاء الله قريب بجي لكم
خالد:يصير خير يله مع السلامه
محمد:مع السلامه
كان وده محمد يعرف من صاحب الرقم 000 لكن محاولته فشلت,وكل

ماحاول يتعوذ من ابليس ومايشك بفاتن,يتذكر ان هالرجال يعرف اسمها
ويعرف عن حركاتها اللي مستحيل يعرفه شخص بعيد عنها,,
زادت سرعة محمد وكأنه يحط حرته بالسياره,وكأن هالشي ماراح يخليه

يفكر.
::::::::::::::::::::

اما داليا اللي راحت لبيت فاتن اول مادخلت لها ..ضمتها فاتن ..
داليا بإستغراب:وش فيك قلبي ؟؟وليه لابسه عباتك؟؟
فاتن وماتبي دموعها ترضخ: ابي اروح بيت اهلي
داليا:اوكي تعالي اوصلك معي السواق تبع شغلي برا
فاتن :...
وفعلا راحت معها ..وحكت لها فاتن عن كل شي..

داليا:طيب وش اللي خلاه يشك بهالطريقه؟
فاتن بعصبيه :مادري يادالي صار عصبي بشكل لايطاق وبعد يشك فيني لا

كذا وكفايه
داليا:انا من اللي قلتي لي اياه متأكده ان محمد يحبك مره ومستحيل انه يشك

فيك,صدقيني الموضوع ومافيه شويه غيره زياده عن اللزوم
فاتن:داليا هالشي مايعطيه الحق يمد يده
كانت فاتن متوتره لأقصى درجه وحست بهالشي داليا ,فخلتها شوي ثم قالت

وتبي تخف عنها :فتونه محمد شد تيشيرتك وانتي سكتي!!!
فاتن بعربجه:اسكتي يادالي ,والله اني مقهوره هو يغلط علي وانا اتنح.
داليا:هههههههههههههههههههههه,ص راحه انا حاسه قد ايش هالقهر انتي

عمرك ههههههههههه عمرك ماخليتي حقك هههههههه
ابتسمت فاتن وقالت بهدوء:احبه يادالي
داليا:ها ايش .. وش قلتي؟؟
فاتن:احبه يادالي,لكن جرحني من البدايه ويوم سامحت ,جرحني مره ثانيه
داليا:حبيبتي فتون صدقيني هي ثواني وبيدق عليك ويعتذر اللين ترضين ,

انتي حبيبته وتشوفين
فاتن:بديت اخاف من طبع محمد ,كل ماقربت منه خفت منه اكثر,انا خايفه

انه يجرحني الجرح اللي مايُغتفر,محمد غريب ولا احد يدري وش يدور
باله ابدا
داليا:حاولي تعرفين شخصيته اكثر عشان تقدرين تتعاملين معه ,حبيبتي

فتون ..طبيعي اللي يصير لأنكم بأول زواجكم, للان ماتعرفون بعض زين
فاتن:.....
داليا:لا تفكرين كثير ,وخليها على الله ..ودقي على بدر تراه قلقان عليك
فاتن:بدر
داليا:ايه هو اللي خلاني امر عليك
فاتن:لا اجل دق عليك
داليا:ايه دق عشان يتطمن عليك,وانا المسكينه فرحت واحسب انه بيدق

يتطمن ويسلم علي
فاتن: لا ريحي بطنك بدر مو راعي هالحركات
داليا:ايه داريه معقد مثل اخته
فاتن: هع
داليا:وش قلنا على هالضحكه
فاتن:اقول حِلي عن سما اهلي ,تراني طفشانه منه وانتي تقولين ضبطي

ضحكتك له
داليا:ههه لا ياعمري غيري ضحكتك عشان نفسك وعشان انوثتك,مو بس

عشان محمد
فاتن:اقول اقلبي وجهك بس
داليا:اه منك ياذا البنت بطلي عربجه ذبحتيني ,الحمد لله وصلنا يله روحي

بيتكم روحي
ابتسمت لها فاتن: يله احطي
داليا:بأحط بس اهم شي اشوف هالإبتسامه دوم
فاتن:ههه "وقالت بصوت عالي بالشارع"يارب احفض صديقة

قلبي
داليا:هههههههه الله يرجك فضحتينا ,يله باي

دخلت فاتن بيت اهلها والإبتسامه اللي خلتها داليا على شفاتها تبخرت ,
دخلت وهي متضايقه من تصرف محمد وعصبيته وشكه ,لكن كل هذا ماكان
له اهميه من يوم درت من اهلها بوفاة انين,كل هذا صار ولا شي بجنب اللي
فقدته ,,
راحت على طول لبيت خلود هي وامها واختهم عائشه, كانوا يبون يصبرون

خلود ويوقفون معها بمحنتها ..
اول يوم لمعرفتهم للخبر كان صعب على الجميع,ولا وقفت دموع وحده

منهم ..
ولا الكلمات قدرت تصبر الوجع والانين..
وثاني وثالث يوم مامروا الا بعد ماستنزفوا دموع واهات وصرخات وشوق

وحنين.
:::::::::

بهدوء الليل والشوق للحبي,وعلى صوت فيروز والنوم اللي يجفى العيون
..هناك محمد ..
على سريره لا راضي يجيه النوم ولا راضيه الأفكار الشيطانيه تروح عن

باله,,,
مل ويبي يسوي شي يضيع الوقت اللين وقت دوامه مالقى شي ينسيه إلي

شاغله باله ,ولا لقى شي يبرد ناره يوم يضن ان فاتن تخونه غير اتصال
تردد انه يسويه ولكن ..اخذ الجوال ودق عليها..

البنت:هلا
محمد:هلابك اختي ,كيف الحال
البنت:تمام
محمد:انا اعتذر اني داق عليك وبعد بهالوقت المتأخر
البنت:لا عاتي ,بس ان شاء الله خير
محمد:صراحه قتلني الملل وحسيت انه فيني الفضول اعرف وش صار

على موضوعك انتي وابوك
البنت:ههه لا فيك الخير صراحه ,بس لا تشغل بالك الحمد لله مجهودنا انا

وفهد جاب نتيجه
محمد:اشوه اجل يله مبروك على رجعتهم
البنت:الله يبارك فيك
محمد:...
البنت:يا..الا انت وش اسمك
محمد:انا محمد ,وانتي
البنت:انا وهج
محمد:ههه اجل وهج هم
وهج: امم احب الناس تدلعني وهج
محمد:ممكن سؤال ولو انه مالي حق فيه
وهج:عاتي اسئل
محمد:انتي وش اللي مسهرك لهالوقت
وهج وتشوف ساعتها انها 3 الفجر:ابدا قاعده افكر بحياتي
محمد:اها
وهج:يعني اليوم مثلا كنت مع صديقاتي وناقشنا موضوع الخطوط الحمرا
محمد:وشلون يعني
وهج:يعني سماحي لمكالمتك هذه غيري يعتبرها خط احمر وممنوعه ,لكن

انا اشوف انه شي عاتي دام مواضيعنا عاديه ولا فيها تعدي للاخلاق, انت
وش رائيك؟
محمد:انا.."وبعد مافكر شوي " انا خطي الأحمر هو الحب,الغلط اللي

ارتكبته وماراح اعيده .
وهج:الحب خط احمر تؤتؤ ,انت غريب او انك متزوج صح
محمد:ههه وكيف عرفتي
وهج:امم ممكن تقول انها المعادله الطبيعيه لاي حياه بين زوجين ومن غير

تفاهم...وتقدر تقول انه عندي معرفه لعلم النفس لابأس بها,وتقدر تقول اني
انسانه مو هينه
محمد:اها اجل دام كل هذا عندك وش تتوقعين مشكلتي الاساسيه
وهج:بصراحه مشكلتك الفراغ..لكن الفراغ العاطفي هو اللي تحسه,,وهذا

عندي خط احمر
محمد:انتي فعلا مو هينه,بس وشلون مشكلتي خط احمر عندك!!!
وهج:لأن يامحمد اتصالك علي معناها تبي تعويض وانا بصراحه ممكن

اتكلم معك عن الحياة او الثقافه او حتى السياسه ,,لكن الكلام عن الحب
ماراح يكون الا لشخص واحد
محمد:على فكره انتي فاهمتني غلط ,انا مادقيت عليك الا لاني ابي انسى

وابيه يوقف تفكيري عن اللي شاغلني
وهج:احتمال
محمد:لكن اعذري لقافتي ادري ان مالي حق اسئلك لكن انتي فعلا شخصيه

مثيره جدا
وهج:اقدر اعتبر هالشي اطراء شكرا
محمد:يعني اسئل
وهج:ههه اسئل وبالنهايه انا لي الحق اجاوبك او لا
محمد:من هو سعيد الحظ اللي مخليه له الكلام عن الحب
وهج:هههههههه,,اكيد زوج المستقبل
محمد:اها انا احترم فيك هالشي
وهج:طيب تسمح لي انا اسئلك
محمد:طبعا اكيد
وهج:انت تحبها
محمد:اه..انا ماحب غيرها
وهج:واو ودامك تحملها كل هالمحبه ليه ماتحاول تصلح اموركم بالحب
محمد:ماينفع
وهج:انا صراحه ماعرف اللي يدور بينكم وماقدر انصحك على اساس

مبهم ,لكن اذا تحب تقولي ممكن تلاقي عندي رائي سديد
محمد:عندك استعداد تسمعيني
وهج:اكيد اذا حاب تقول انا راح اسمعك
"سمح محمد لنفسه يقول اموره الشخصيه ,,, ويقول لها عن اللي صار

وبالتفصيل..
وبعد ماقفل منها فكر بتناقضه وشلون الغضب بيعميه لان فاتن تخونه وكيف

هو الان يسمح لنفسه يكلم هالبنت ,,
ولقى المبرر بعد لنفسه, بانها مكن تكون تخونه وممكن انها تستاهل انه يكلم

غيرها , واقنع نفسه انه رجل ويقدر يتحكم بعواطفه وان حب فاتن ماراح
يخليه يقدر يحط وحده مكانها..
بيني وبينكم محمد حس بنشاط فظيع وطول الطريق لعمله وهو يفكر بأن
هالبنت بشخصيه قويه تأثر اكثر مما تتأثر ,ذكيه تعرف وش تقول وتعرف
كيف تحتفظ باللي يمسها ,,كلها مبررات او ممكن عشان مايحس بتانيب
الظمير .
:::::::::::::::::::::::::

اتصال من اصاله
بالعصر


اصاله:ها حبيبتي كيفكم اليوم
فاتن:لا الحمد لله ,وتوني متطمنه على خلود اليوم افضل
اصاله:يله الله يصبر قلوبكم
فاتن:امين
اصاله:اقول فتون ,متى ناويه ترجعين وانا امك؟
فاتن:اصوله قلت لك انا ماراح ارجع لمحمد خلاص
اصاله:ياحبيبتي صدقيني هو اللي خلاني ادق واعتذر لك...
وتراه عرف غلطه وندمان,وبعدين يالمجنونه محمد يموت عليك
فاتن:لا ياصوله اللي يحب مايجرح ويشك
اصاله:هو عرف غلطه ولو تشوفين حالته يكسر خاطرك,والله حتى النوم

مايقدر ينام مثل الخلق
فاتن: ايه مره واضح لدرجة انه حتى سماعه مارفعها علي يعتذر عن اللي

سواه
اصاله:يافتونه ياقلبي لاتكبرين الموضوع انتي لازم ترجعين قبل لا اخوك

يرجع وانتي تعرفين ساعتها الموضوع بيكبر ويصير اللي مانتمناه
فاتن:لأ.. رجوع ماراح ارجع
اصاله:ادري ان مفروض محمد يكلمك لكن قال لي انه منحرج منك وراح

يتصل عليك بعد مانا امهد له الموضوع
فاتن:....
اصاله:ههه طيب لاتردين علي بس اهم شي حبيبتي فكري بالموضوع,
بدر وانتي تعرفين قد ايش يحبك وهو عصبيته اكثر من محمد وتدرين وش

راح يصير لو طاحوا بعض
فاتن:مادري بشوف
اصاله:طيب حبيبتي انا بروح الحين واضرب لك محمد اللين يبرد قلبك
فاتن:...
اصاله:يله مع السلامه
فاتن:هلا.
قفلت السماعه فاتن وهي تحس بقلبها مجروح مارفع عليها سماعه ,,كيف

يحبها ويخلي الشك يكرهه فيها ,كيف يحبها وهان عليه فراقها,,كيف يحبها
ومافكر يعتذر لو بكلمه لها...
وبعدها بدت تلوم نفسها ..كيف لو انها طاعته,كيف لو انها خلت قلبها على

هواه حبته وضحت له وحافضت على بيتها..
:::::::::::::::::::


اما محمد رجع من الدوام وعلى غرفته منسدح بفراشه وعيونه على صورة
فاتن,كل ماشافها حس ان قلبه عايش بحبها يعشقها ولكن مصدق انها خاينته
ومكالماته لوهج مخليته يشوف الموضوع بشكل اسوء.."راح اقول لكم
كيف"
اصاله:ايه هذا هو اقعد بغرفتك واتأمل هالصوره والبنت مظلومه بيت اهلها
محمد:كلمتيها..قلتي لها ترجع
اصاله:انا قلت لها انك ندمان وتبي تعتذر لها وانك غلطان بعد .
محمد:لكن انا ماقلت لك هالشي ,ليه تقولين لها اني غلطان يمه؟
اصاله:محمد انت صاحي ؟؟
اللحين على هالرسائل التافهه اللي حتى ماتدري من هو اللي مرسلها

بتخرب حياتك وتضلم بنت الناس!!!
محمد:....
اصاله:لا يامحمد الا فاتن انا ماراح اسمح لك بالتمادي عليها,انا هالبنت

اعرفها زين واعرف اخلاقها عمري ماشفت عليها شي ,بالعكس فاتن
انسانه محترمه والكل يشهد انها بنت ناس وعفيفه.
محمد"بأفكار وهج":اجل ليه خايفه!! ليه للان ماتبيني حتى اجي جنبها
اصاله مسكت راسها وقالت:حسبي الله على ابليسك انت قاعد تشك

بشرف البنت اتقي الله يامحمد
محمد:ايه يمه اكيد في إنّ بالموضوع وان فيها بلا وهالرسايل تأكد لي

هالشي
اصاله:حسبي الله انت وش فيك مقلوب كذا من وين لك هالافكار الشيطانيه

وش اللي قسى قلبك يامحمد وش اللي قساه؟ ؟
ياولد انت ان كانك قافل فمك وماقلت للبنت عن سواد وجهك كان اللحين

البنت عايشه معك وحاطتك فوق راسها ,لا وبعد كان يمديها حامل منك
قال بإستهزاء:ايه صح,يمه انتي حبك لفاتن مو مخليك تشوفين حولك,خذي

اقري ولد الك.,.. وش راسل لي امس خذي اقري
خذت اصاله جواله ومكتوب

(الا بسئلك يالمعرس,, كيف ليلتك الأولى؟؟ ان شاء الله كان كل شي
تمام!!!)
محمد:ها وش رائيك, وشلون وصل الخبر للملعون هذا ؟؟قولي لي!!!
اصاله:الله واكبر على كل ضالم مفتري,انت حتى ماتدري من هالتافه اللي

يرسل لك ,عشان تضلم البنت بعرضها وشرفها ,يامحمد انت ترمي
المحصنات ياويلك من اللي خلقك وكره الضلم, لاتضلم ولا ترمي وانت
ماعندك دليل واحد ,انا لو كنت شايفه على هالبنت شي واحد ماكان فكرت
اني ازوجها لك ,ولاكان اجبرت البنت على انها ترتبط بشخص مريض
مثلك
"وطلعت امه وهي معصبه,ثم رجعت وقالت له ..والله والله لو ماتعوذ من

ابليس وتعتذر لفاتن وتجيبها وتوضح لها كل اللي صار والله مارضى عليك
يامحمد لاخر يوم بعمري,وطلعت ورزعة الباب"
:::::::::::::::::


بيت جارح
ام جارح:اقول يابنيتي وش رائيك نروح ناخذ عمره وتحتسبين اجرها
لاختك
خلود:ياليت ياخاله
ام جارح:انت وش رائيك ياجارح
جارح:ها انا لا لا يمه انا عندي اشغال ماقدر اسافر,لكن اذا تحبين حجزت

لك انتي وخلود روحوا
ام جارح بحزم :جارح انت من جدك!!! والمحرم
جارح:إي صح خلي اخوي سلطان يروح معكم
ام جارح:سبحان الله ,يعني اللحين حليتها,طيب سلطان مو محرم لزوجتك
جارح:يمه الله يجزاك خير مالها لزوم هالسفره
امه:وشلون يعني !!!هذا اقل شي تقدمه لزوجتك هالمسكينه بهالوقت
درى جارح انه مجبر لرضا امه:خلاص بشوف الوقت المناسب ونسافر
ام جارح:انا راجعه الشرقيه بعد 3 ايام متى بيمديني اذا انت راح تفكر
جارح:يمه بحتاج وقت اضبط اموري
ام جارح وهي تبتسم لخلود:خلاص اجل رح انت وبنتي خلود ,وانا بروح

مع سلطان الاسبوع الجاي
تدري خلود ان جارح قدام امه طيب وحبوب وانه ماراح يوديها اذا سافرت

امه وقالت بترجي:لا الله يخليك ياخاله محتاجه لك جنبي ,الله يخليك تعالي
معانا
ناضرها جارح بحقد:ا ايه صادقه لازم تجين معنا يمه
ام جارح: خلاص اجل كلمهم وشف متى تقدر تاخذ اجازه اليوم او بكره
جارح:استغفر الله العظيم "وجا بيقوم"
ام جارح:وين بتروح من غير ماتحب راسي وتضم زوجتك
"قالت خلود بداخلها عمره ماشافني باحترام تبغيه يودعني!!!"
قرب جارح وحب راس امه وراح لخلود ضمها وقال بصوت واطي

بإذنها"باوريك شغلك لارجعت"

طلع وقامت خلود من غير ماتكلم دخلت غرفتها ,, راحت لألبوم صورها
ودورت على صورة انين ..
شافت الصور ودموعها ماوقفت ,اللي كانت تشكي لها راحت,,اللي ممكن

تاخذها بحظنها راحت..السند واللي تفهمها وتقدم لها وتحبها من غير شروط
راحت ,, زادت شهقات خلود وصل صوت بكاها الهستيري لأم جارح اللي
جت تركض عليها وتضمها وتقول: اهدي ياقلبي وترحمي عليها
"زادت شهقات خلود اكثر وهالشي خلى ام جارح تبكي معها وتظمها اكثر"

:::::::::::::::::::::

اما فتون رايحه جايه ومعها جوالها قالت لها اصاله انه بيدق لكن مادق,,
ودخلت اختها عائشه وشافتها..
عائشه:ههههههه وش فيك سلامات؟؟
فاتن:اشش تراها موصله معي
عائشه:طيب يله العشا جاهز
فاتن:لا مالي نفس,تعشوا انتوا
عائشه:اقول ابوي من جا من السفر ماقعدتي معه 10 دقائق على بعضها,يله

اقعدي معنا حتى لو ماتاكلين
فاتن: اف عيوش اسكتي
"وما امداها طلعت عائشه الا دخلت امها وهي مسرعه"
امها:اقول فتون انتي لالك نفس تاكلين ولا تقعدين معنا يمه اكيد انك حامل
ناضرتها فاتن بغباء:لا
امها:وش اللي لا.. اكيد يمه ,قولي لي ماتحسين بلوعه كبد
فاتن: يمه قلت لك لا ,وبعدين انا اكيده اني مو حامل
امها: وش اللي يأكد لك هالشي ان شاء الله؟
فاتن:ا ايه امم سويت تحليل قريب وماكان فيه شي ,يمه انا بنام تصبحين

على خير
امها: تنامين اللحين!!!
فاتن: ايه اللحين
"طلعت امها مستغربه منها وقفلت عليها الباب اما فاتن ضمت مخدتها

ونزلت دموعها اللي ماتنزل بسهوله حاسه انه فيه شي مو طبيعي ,,حاسه
بظيق..
تبي تدق على محمد ..فيه شي يخليها تبي تدق عليه لكن ماتدري وش

هو؟؟؟
::::::::::::::::

جده
دخل خميس بيته وهو متوتر وضايق وكان يكلم جوال..
خميس:انا مادري من وين طلع لنا هالادمي!!!
- لا طبعا عمري ماشفتوا بالسوق,واصلا هوا معروف لكن بغير سوقنا
- انت لازم تتصرف ياوليد ,لو ضاعت هالمناقصه عارف كم راح نخسر؟؟
- خلاص شوف الوضع عندك كيف ,وشوف ايش حتقدر تسوي,وعطيني

خبر
- مع السلامه.
سميره: خير حبيبي ايش فيه؟
خميس:الله يستر على اللي جاي,ايام العزى ماسئلت عن الشغل,,ويوم

رحت اليوم .. شفت ان مصايب الدنيا منتظرتني
سميره:ليه يعني ايش اللي صار
خميس:يعني انا يوم اكلمك عن الشغل حتفهمي!!
سميره:يوه حبيبي ايش بك معصب عليَّ
خميس: سميره انا على اعصابي خليني ,ولا تزيدي همي
سميره:ياحبيبي مابغى اضايقك ,بس مارتاح وانا اشوفك متضايق..اهدى

شويه
خميس:لاحول ولا قوه لا الله
سميره:يوه خليها على ربك,,,حروح اجيب لك عصير يبرد على قلبك
خميس:....

::::::::::::::::

اما محمد..كان كعادته بسيارته ويدور بالشوارع بسرعته المعتاده..
واللي خلاه على اعصابه اكثر هالأغنيه لنبيل شعيل,اللي كانت بالراديو

ومعلي عليها الصوت ..
قول احبك مثلاً..عمري حياتي مثلا
قول اي كلمه حلوه..اهديني ورده مثلا..
غنوه قصيده مثلا..حقق لي هالمنوه..واحيني بالكلمه الحلوه
فاجئني وكلمني يلا..بين لي انك ملهوف
لون لي هالدنيا بحبك ..عديني حدود الشوق
وان غبت باي لحظه عنك..ناديني قربني منك
قول انك مشتاق لشوفي..ريحني ونسيني خوفي

واحيني بالكلمه الحلوه
طفا الراديو لانه ضاق اكثر..وزاد بسرعته المجنونه, إلا يجيه إتصال مهم
من ..

::::::::::::::::




- من اللي دق على محمد؟؟ وش هالمكالمه اللي راح تقلب موازين كثيره
بالأحداث؟؟
- وين تتوقعن ممكن توصل علاقة محمد بوهج؟؟
- وجود ام جارح هل ممكن يكون السبب لتغيير قسوة جارح؟؟؟
- تتوقعن في ماضِ لفاتن قام يلاحقها ويبان اللحين؟؟

بارت 16


محمد..كان كعادته بسيارته ويدور بالشوارع بسرعته المعتاده..
واللي خلاه على اعصابه اكثر هالأغنيه لنبيل شعيل,اللي كانت بالراديو

ومعلي عليها الصوت ..
قول احبك مثلاً..عمري حياتي مثلا
طفا الراديو وزاد بسرعته المجنونه, إلا يجيه إتصال مهم من .. كاترين
رد من غير أي تردد وسمعها بخوف تقول..

- محمد ساعدني
محمد:وش فيك وش اللي صار؟؟
كاترين:انا خايفه يامحمد بليز ساعدني
محمد:طيب وشلون اساعدك,,يعني وش تبيني اسوي ؟؟
كاترين:تعال الحقني بليز
محمد:انتي وين نازله؟
كاترين:انا بفندق ال....
محمد:خلاص 10 دقائق وانا عندك لاني قريب مره


وفعلا هي 20 دقيقه وكان عندها وطلع على طول برقم الغرفه اللي قالت له
عليها وسمع صوت بكاها..واول ماشافته قامت تركض عليه وضمته وهي
تقول بخوف:محمد كان راح يعتدي علي
محمد:من هو؟؟
كاترين:واحد من اللي معنا بالمستشفى,يحسب اني ابيع نفسي تخيل!!
محمد:وليه فتحتي له الباب؟
كاترين:مادريت ان عندكم لازم اكون حذره "ضمته اكثر وقالت "
محمد اشتقت لك,انا خايفه لاتخليني وتروح
توتر محمد وحس انه ضعيف وربت على شعرها
كاترين:محمد اشتقت لك ,اشتقت لك فوق ماتخيل حبيبي
محمد:...
كاترين:بليز لاتخليني انا جد خايف,ومستوحشه لوحدي
محمد: امم خلاص طيب لاتصيحين
كاترين وتظمه اكثر : حبيبي
محمد بضعف: نعم
كاترين: لاتروح وتخليني لوحدي
محمد:اهدي .. اهدي وكل شي بينحل
كاترين بهمس له :ماوحشتك
محمد وهو مسحور باللحظه: إلا
كاترين بإبتسامة نصر: ماشتقت لحظني وحبي
محمد وهو يناظر للتفاصيل بوجهها :الا
كاترين:حبيبي اشتقت لك
محمد: جد
كاترين وهي تحب خده:اشتقت لك وابيك تطفي شوقي لك
محمد وهو مستسلم لضعفه :انا عندك واليوم راح اكون لك لا تخافين كاترين
كاترين وهي تشد بلوزته وتناظر لعينه :احبك

"عمت عين محمد اللحضه غلطه الاول انه رد عليها اما الثاني انه ماقدر
يمنع شوقها ولا قدر يسيطر على تصرفاته معها ..
يعني كذا حنا نطلع بره لان مابيدنا شي نسويه"
:::::::::::::::


بيت جارح
قامت خلود تخف من حزنها بأحب شي تسويه بحياتها ,, اكثر شي ممكن
يريحها وينسيها ويقويها ..
دخلت المطبخ وحزنها خلاها تبدع بأكلات كثيره وجهزت سفره كامله من

مالذ وطاب ..ولكن
مادخل بفمها إلا رشفتين ماء من كل اللي حظرته بالساعات..
وعلى الطاوله..
ام جارح وتبي تخف من حزن خلود: ياحضك ياولدي خلوده طباخه واكلها

صراحه لا يُعلى عليه ,تسلم يدينك يابنتي
خلود بحزن :الله يسلمك ياخاله,صحه والف عافيه
ام جارح: فديتها بنت الاجواد ,مع اني قلت لها لاتدخلين المطبخ ولاتكلفين

على نفسك ,دخلت وعنت نفسها شفت ياجارح؟
"جارح هز راسه,وابتسمت لها خلود بانكسار"
ام جارح: وش فيك ساكت قل للبنت تسلم يدينك,بيضتي الوجه ولاقصرتي

مع اميمتي
"ام جارح حبت تعلم ولدها ان التغيير مايبي له معجزه"
جارح وهو ضاغط على نفسه: ايه اكيد تسلم يدينك
خلود: الله يسلمك حبيبي
ناضرها بحقد: ممكن الشاي
خلود:طيب
ام جارح:ماقلتوا لي مافي شي بالطريق ياجارح ؟؟
جارح: وش نبي بوجع الراس اللحين يايمه توه بدري
"ناضرته خلود بإنكساروهي ساكته,ثم قامت تحظر له الشاي"
ام جارح:وش اللي بدري؟؟ياولدي العمر يجري وانت مو صغير ياقلبي
جارح:اقول يمه تراني حجزت بكره للسفر, وش رائيكم ننام بدري؟
ام جارح:اه من يومك تعرف تهرب من المواضيع, يله خلني اقوم بس انام

وكفايه اليومين اللي راحوا نايمه على سريركم
جارح:لا افا عليك ياميمتي انا عادي انام بالمجلس
ام جارح: لا واللي خلقني ايام العزى وكانت خلود متضايقه وماحبت تشوفها

بهالحاله اما اللحين,احسن ادخل انت وياها وانا بنام بالمجلس او بالغرفه
الثانيه
جارح:لا يمه مايصير ,ادخلي ارتاحي على السرير
ام جارح ترفع حاجبها وتقول: يله جيبوا لي اللحاف
جارح:يمه انا ضهري يوجعني وكذا وله كذا بنام بالارض
قامت ام جارح وصقعت بيدينها القويه ضهر جارح بقوه وقالت : شف مافيك

الا العافيه,إحمد الله على الصحه وقم نم على سريرك
خلود :تفضل الشاي , هيا خاله فرشت لك اللحاف زي ماقلتي لي ,تبغي

حاجه تانيه
امه: لا ياقلبي سلامتك
خلود: تصبحي على خير
امه: وانتي من اهله
"وانتظرت خلود تروح ثم قالت"
اقول جارح لايكون ناوي تزعْل هالخلود مثل زيجاتك اللي قبل
جارح:ها لالا طبعا
ام جارح: ايه احسب,ترى هالبنت ماشفت اطيب منها بحياتي كفايه انها

سمحه ومافيه على لسانها غير طيب وحاضر
هز راسه جارح :يله تصبحين على خير
ام جارح: وانت من اهله
" ودخل جارح على خلود وبصوت واطي لاتسمعه امه: تستضرفين دمك

انتي وجهك قدام امي؟
خلود:انا!! ليه ايش سويت!!
جارح وهو يقلد خلود:( ياليت ياخاله ناخذ عمره) وانتي تدرين انه ماعندي

اجازه ولا انا فاضي لك اصلا
خلود:طيب كان قلت لأمك ماتبغى ,انا ايش دخلني
جارح:يعني ماتعرفين تقولين لا مابي
خلود:احد يقول على روحة بيت ربوا لا
جارح:افرشي لي بالارض قبل لا اخنقك اللحين وريك شلون استهبالك

الزايد
قامت خلود وهي مهي طايقه تسمع لقلة ذوقه فرشت له,وطلعت على

سريرها تسترجي النوم يجيها.
:::::::::::::::::::

اذان الفجر
فتح محمد عينه وناضر حوله ..ورجع غمضها ...
وهي ثواني لين استوعب انه شاف كاترين جنبه..ورجع فتح عينه ويناضر

بشكل اسرع يبي يتأكد انْ كان حلم او واقع..
قام من على الفراش وساعتها تأكد انه بواقع وان لحظة ضعف خلته يغلط

ويطيح بشر نزواته..
مسك راسه وهو مصدوم من ضعفه ,ثم لبس ملابسه بشكل سريع وطلع من

الفندق وهو يتلفت حوله يمين وشمال ,,
خوف وافكار وندم ..
كان يتمنى انه قام ولقى حبيبة قلبه فاتن هي اللي جنبه ..
كان يتمنى هالشي يصير ولكن بالحلال مع زوجته مع حبه مع البسمه اللي

بشفاتها وتفاؤلها الي يسعد اوقاته بصحبتها,,
حس انه خذل نفسه..وان تأنيب الضمير صحّى فيه السبات اللي كان بعقله..
اخذ نفس عميق وطلعه بكلمة ..فاتن..
وينها اشتاق لها ..تمنى انها دقت عليه ومانتضرته هو يدق.
تمنى انها ماتركت البيت وخلت الوحده تغذيه,وتمنى انه ماشاف كاترين ولا

رد على اتصالها .,,,لكن وش تفيد الأمنيات دامها من قلب مات.
::::::::::::::::::::



الكليه

الصبايا كان على طاولة البوفيه
ابتسام:يا الحلوه انتي وين الحلى اللي وعدتيني فيه!!
فوزيه:اسكتي والله اني مقهوره ’ من الرجه الصبح نسيته على طاولة البيت

وانا طالعه
ابتسام: والله الكذب قولي ماتبين تجيبينه وخلاص
فوزيه:هههههههه افا يعني انا نذله لهالدرجه تراه حلى مو ذهب
ابتسام: ياهو,اللي ماخذ عقلك
فاتن:ها ..ا انا معكم
فوزيه:طيب عن ايش كنا نتكلم يلي معنا؟
فاتن والحزن على وجهها سرحت مره ثانيه: ...
فوزيه:فتون وش فيك!!
ابتسام:وش اللي مضايقك احكي لنا
فاتن: ولا شي ,بس شوية مشاكل وبتنحل ان شاء الله
"ودق جوال فاتن واول ماشافت المتصل فز قلبها وجسمها معه,بغت ترد

بس كبريائها ماخلاها وكانت تناظر لإسم محمد الين انقطعت رنته وطفى
الجوال نوره,,, قامت بعدت عن البنات متئمله يدق ثاني..
انتضرت.. وانتضرت ..ودق مره ثانيه إبتسمت وفرح قلبها ولكن كبريائها

منعها للمره الثانيه انها ترد ,وحست انه كل مارن الجوال برنه
قلبها يوجعها اكثر ,,لين وقفت رناته وبانت على ملامح فاتن الضيق..
"جت جنبها فوز ومسكتها من كتفها وقالت: وش فيك فتون انا لأول مره

اشوفك كذا؟؟
ابتسمت لها فاتن وتمنت انها داليا عشان تبوح لها باللي بقلبها وقالت: مافيني

شي بس فيه موضوع زاعجني شوي
فوزيه:عموما اذا تبين تتكلمين راح اسمعك باي وقت ,وابي اقول لك شي

قبل لاروح محاظرتي..
فاتن:....
فوزيه: فتون انتي اللي يعرفك مستحيل مايحبك ويتعلق بحياته معك,كل شي

راح ينحل حبيبتي لاتظايقين "ابتسمت لها وراحت"
وقامت فاتن بعدها وراحت على بيت ابوها وتحس بقهر لأنها ماردت عليه

وعرفت وش يبي منها .
:::::::::::::::::::::

بهذا الوقت اهل جارح بالحرم

مع ان خلود كانت ساكنه طول عمرها بجده إلا انها ماراحت للحرم من بعد
وفاة امها وهي صغيره ..
الكل فرحته بهالزياره ماتساوي جنب فرحه خلود اي شي..
دعت ولا وقفت دعاء ..بكت ولا وقفت بكاء
دعت لأختها وتمنت تشوفها بالجنه ,,دعت ان الله يلين قلب جارح عليها

ويحبها مثل ماهي تحبه,,دعت تعيش بسعاده او تحس السعاده لأنها اشتاقت
لها كثير ,,,
دعت تنتهي كل مشاكلها ,دعت انها ماتحتاج لأخوها مره ثانيه بحياتها ولا

تعيش مع ضلم سميره مره ثانيه,مع ذلك دعت ان الله يغفر لهم على اللي
سوه فيها وبأنين .
::::::::::::

دقت فاتن على داليا ولكن لقته مشغول لأنها كانت تكلم ..
سمر: مرحبا
داليا:اهلين وسهلين بالقاطعه
سمر:هههه فديت قلبك يعلم الله اني مشتاقه لك موت
داليا:انتي وينك وين ارضك
سمر:اه اسكتي بس
داليا:وش فيه سلامات
سمر:ابد بنت عمة ابوي توفت ورحنا للديره نعزيهم
داليا:الله يرحمها ياقلبي وليه ماقلتي لنا
سمر:اه ماتفكرنيش
داليا:ههه ليه وش صار بعد؟؟
سمر:ابد مسويه ام الفزعات ماغير اتميلح اصب لفلانه وعلانه ونسيت

الايفون بالارض ويوم جيت ادور عليه اهئ تهئ
داليا:هههههههههههههه لا تقولين
سمر: الا اقول ونص راح جوالي اهئ
داليا:ههههههههههاي ياقلبي ,وانا اقول لالك حس ولا خبر !!
سمر:اهم شي احفضي رقمي الجديد ,هذاك الرقم راح علي بعد
داليا:هههها طيب رجعتوا ؟؟
سمر:ايه اليوم رجعت ويوم قلت لابوي اشترلي جوال قال شكلي بجيب لك

كشاف ويخب عليك
داليا:ههههههههههههههههه فديت قلبك ياعمري هههه
سمر: ايه اضحكي اضحكي انتي مو حاسه بالقهر اللي احسه
داليا: ههه اهم شي قولي لي لايكون قابلتي ولد خالتك هناك
سمر:اه ياقلبي
داليا:سلامت قلبك ياقلبي وش السالفه
سمر:ياليتني ماشفته
داليا:تؤ تؤ لاتقولين وش صار؟؟
سمر:لا يروح فكرك بعيد ..كل الحكايه اني يوم شفته حسيت ان قلبي فاضي

,حسيت اني احتاج لشخص احبه ويحبني تعبت ياداليا تعبت داليا:ياقلبي
انتي
سمر: من جد دالي انا احس بقلبي فاضي,وابوي مو راضي يحس فينا
داليا:لحين على افكاره؟
سمر:ايه للحين كل ماجى واحد افضل من اللي قبله رفض بحجة انه مو

قبيلي يعني ماينفع لنا
داليا: الله يهديه بس ,وش الواحد يقول ماغير نطلب الاجر من الله وممكن

يجيك بيوم اللي يعوضك ويعوض صبرك
سمر: اه ياليت يادالي
داليا وتبي تخف عنها :ههه خلاص وسعي صدرك وله على قولة فتون

بدت سيدة الرومانسيه وش يسكتها
سمر:هههه الا هي وش اخبارها فديتها
داليا:مابين جزر ومد
سمر:تؤتؤ وش صار لها
داليا:اخبار واشياء كثيره
سمر:يوه من جد فاتني اشياء عن علومكم
داليا:هذا جزاء اللي يضيع جواله
سمر:اهئ لاتذكريني,واشبكي الخط معها تراها واحشتني
داليا:لا مو اللحين لأني ابي ارتب هالملفات ولاطلعت من شغلي كلمتكم
سمر: اوكي اجل لاتنسين
داليا: اوكي قلبي
سمر:باي
::::::::::::::



دخلت فاتن بيتهم والضيقه ملازمتها دخلت على غرفتها على طول وقفلت
الباب ..
وقعدت تناظر للجدار وتفكر بسرحان ,لين سمعت لجوالها يدق فزت تدور

عليه وتبع صوته تبي تطلعه وتحاول تركز بصوته اللين طلعته من الشنطه
وردت من غير تفكير او تردد
محمد وبكل شوق:اشتقت لك
فاتن:....
محمد:فتون حبي صدقيني انا متضايق من اللي سويته ماتدرين قد ايش
فاتن:....
محمد:فتون معك حق تزعلين ,لكن انا والله تعبان من فرقاك وابيك ترجعين

لي
فاتن وبزعل: انا مابيك
محمد:فتون ياحبي اللي صار له مبرراته ,وفي اشياء خلتني اتصرف

بغضب بوقتها
فاتن:مافي شي يبرر اللي تسويه فيني يامحمد ,انا احترت وماصرت ادري

انت تبي نكمل او نفترق
محمد:لا تقولين هالكلمه لأن ماراح تصير ,انا مستعد اوريك واعلمك بكل

شي صار وخلاني ا
فاتن:قولها خلاك تشك فيني,محمد وشلون تبينا نعيش مع بعض وانت تشك

فيني,وش هالحياة اللي تنبني على الشك,,,اول كنت اقول انك غيور لكن
اللحين مافيه بتصرفاتك من الغيره شي..
محمد:ادري ,واعرف بعد ان تصرفي كان احمق ومعك حق تزعلين,لكن

قلت لك في اشياء خلتني اتصرف بهالشكل
فاتن:طيب وش هالاشياء؟يله انا اسمعك؟؟
محمد:لا زم تشوفينها بعينك
فاتن:...
محمد:فتون بمر عليك انتي وين
فاتن:انا بالبيت ولا ابي ارجع معك اصلا
محمد:ياقلب وعمر محمد انا اسف ..صدقيني اسف على كل شي وابي

اوضح لك الامور كلها
فاتن:لا لاتجي
محمد:وشلون تبيني اوضح لك وماتبيني اجي؟
فاتن:لا مابيك تجي,اصلا بدر بيوصل اليوم وابي اكون بإنتضاره وبمزاج

رايق
محمد:ياليتك تحبيني وتهتمين فيني مثل ربع اهتمامك فيه
فاتن: بدر غيور وينجن بسبب غيرته لكن مع ذلك عمره ماشك فيني او حتى

عاملني بقل الإحترام اللي عاملتني فيه
محمد: ادري اني عجول ومتهور
فاتن: وغبي
محمد:ههههههههههههههه وغبي بعد ولاتزعلين
فاتن:...
محمد: بس احبك مايكفي هالشي انك تسامحيني
حكت راسها فاتن :....
محمد:فتون تحبيني؟
فاتن:محمد لاتستظرف,تراني متظايقه من تصرفاتك من جد
محمد: هههه الله يصبر قلبك يامحمد ,عاد انتي وشلون ترضين؟
فاتن: يصبرك على ايش ؟ انا اللي الله يصبرني عليك وعلى تصرفاتك
محمد:اه يافتون اه
فاتن بقلبها تقول سلامتك منه :...
محمد وهو يفكر باللي سواه:تدرين يافتون, انا ندمان على كل شي
فاتن:محمد انت غلطت علي كثير
محمد: ادري ,وانا صدقيني كانت عندي اسبابي
فاتن: اسبابك واسبابك؟؟ وش هالاسباب يامحمد اللي تخليك تعاملني كذا!!
محمد : لو ينفع اقول لك كان قلت لكن انا ودي تشوفين بعينك
فاتن: اشوف
محمد:ايه تشوفين
فاتن: انت غريب امرك
محمد:فتون
فاتن بملل: ها
محمد:ههه الناس تقول نعم
فاتن:وانا اقول ها عندك مانع؟؟
محمد: ههههه والله اشتقت لك
فاتن: ....
محمد:ماقلتي لي تحبيني؟
فاتن:بايخ
محمد:تهبلين
فاتن:سخيف
محمد:تهبلين
فاتن:كريه
محمد:تهبلين
فاتن:مابيك
محمد:ادري انها من ورا قلبك .. صح
فاتن: لا
محمد: فتون خلني امرك وارجعي معي ,ماله داعي التاخير
فاتن:كيف ارجع وانت تشك فيني؟؟
محمد:ياحبي قلت لك ماكان بيدي.. صدقيني اللي صار سبب لي ضغط

مايعلم به الا الله
فاتن:ماراح ارجع إلا اذا وريتني واقتنعت,وله ماراح ارجع معك لو ايش
محمد:وانا راضي ,لكن وش رائيك امر عليك اللحين واوعدك بكره ارجعك

تسلمين على بدر
فاتن:لا ولا لا
محمد:الله يصبر قلبك يامحمد,اجل امرك الليل
فاتن:اصلا هو بيجي على 11 الليل
محمد:فتون ترى والله مشتاق لك ولا بقدر انتضرك لبكره
فاتن:لا يعني قدرت الاربع ايام اللي راحت تصبر وحتى مسج ماترسل لي

واللحين نزل عليك الاشتياق كذا!!!!
محمد: تدرين وش كان احساسي بغيابك ,او حتى صعوبة اني ماكلمك

فاتن:...
محمد: والله اني كنت اكلم نفسي من القهر
فاتن: إي صح ,,يله راسي يوجعني وابي انام
محمد:يعيني ماتبيني امر عليك
فاتن:محمد خلاص ابي اقفل
محمد: طيب يابو فاتن قفل
فاتن وخافيه الضحكه:سلام.
محمد:وعليك السلام

قفلت وهي تحس ان الروح تدب فيها ان الابتسامه تشق شفاتها ان قلبها بدا
يدق وترقص نبضاته..
تحبه وحبته اكثر من اول ..مشتاقه له ومشتاقه لصوته اكثر.
"دقت بسرعه على داليا"
داليا:اهلا عنوني
فاتن وبفرحه:دالي دق علي دق
دليا:ههههههههههه كلوش مبروك
فاتن:دالي انا طايره من الفرح ,
داليا: هههه جعله دوم .. لحظه بشبك مع سمر
فاتن: اوكي بسرعه


سمر: اهلا حبيبات قلبي
فاتن:بنات انا فرحانه طايره طايره
داليا:جعله دوم يارب
سمر:ههههه وش السالفه وش الموضوع
داليا: ههه طويل مو اللحين ينشرح
فاتن: هذا جزاء اللي يغيب
سمر:ههه اسكتي بس ماتدرين حتى هذه سالفه طويله
فاتن: دالي
داليا:يالبيه
فاتن: نبي بكره او بعده نروح على المشغل
داليا: هههههههههههههههههههههههههههه ياليت والله فتون يوم المنى
سمر:اوما مشغل يالعربج؟؟
فاتن:اقول سموره احترمي نفسك ههههع
داليا:هههه الله على الحب اهئ تهئ انا غرت
سمر:ههههههعهه,اللي يحبك ومجنون عليك موجود ومنتضر بس كلمة

اوكي
داليا:ودي يوم اقولها اكون مرتاحه ومتأكده منها
فاتن:انا مادري انتي ليه للحين ماخذتي قرارك, ولمتى بقول لك ان عشرة

بدر تساوي حياه كامله
داليا:ادري واصلا يكفي انه اخوك ياقلبي
فاتن:يعني خلاص نقول مبروك
داليا:انا اخذت قراري لكن اللحين مابي اخذ منك الاضواء,ولا اخرب عليك

اللحضه ولا ابي موضوعي ياخذ فرحتنا برجعتك لزوجك ,المهم يله اليوم
بمر عليك سمور ونروح لفتون ,فيه شوية تدريبات
سمر:ههههه لا ياقلبي خلي لكم التدريبات انا شاحته جوال امي بروح

اشتري لي جوال وإن مداني مريتكم
داليا:ههه اوكي
فاتن:يله بنات احطوا بروح اخذ شور
داليا:هه اوك قلبو
سمر: باي حياتو

:::::::::::::::

ملت من كثر ماتدق عليه ولا يرد,كل خمس دقائق تدق الى ان قر يرد
عليها وينهي كل شي..واول جمله قالتها
- حبيبي ليه ماترد علي
محمد:لأني مابي ارد عليك
كاترين:محمد ليه تقول كذا!!!
محمد برود :لأن هذا الي مفروض ينقال لأمثالك.
كاترين بإستنكار:لا.. يعني امس كنت بين احضاني واليوم تكلمني كذا!!
محمد:اللي صار غلطه وانا بغبائي طحت فيها ,وانتي لازم تنسين اللي صار

وتنسيني معاه
كاترين:مستحيل محمد انت حبي انت كل شي بالنسبه لي
محمد: انسيني
كاترين: محمد انا امس رجعت لي روحي,كيف تبيني اليوم افقدها
محمد:كاترين انتي تدرين اني متزوج وقايل لك انا انسان احب زوجتي ولا

ابي غيرها
كاترين:لو تحبها ولو انك سعيد معها ماكن خنتها معي,لكن انت مالقيت

سعادتك معها اعترف بهالشي
محمد:انتي غلطانه ,وانا غبي اني رديت عليك من الاساس ,اسمعي كات

كل اللي بيننا انتهى انا مابي أي شي يربطني فيك سامعه
كاترين وبإنفعال وقهر:مستحيل لأني ساعتها راح اقول لزوجتك وبفضحك

عندها
محمد وبعصبيه:يعني تهدديني يا...
كاترين:محمد انا احبك ولا ودي ان الموضوع يتطور ولا اتمنى ائذيك
محمد:خلاص اجل دامك تحبيني خليني اعيش حياتي ولا تنغصين سعادتي
كاترين:اطلب أي شي الا اني اخليك
محمد:وانا مابي شي غير انك تخليني , ارجعي امريكا عيشي حياتك

ودوري على انسان يحبك وتحبينه
كاترين وبأمر:اسمع انت لو مانفذت اللي بقول لك عليه راح اخرب حياتك

واضح
محمد: اللي تطلبينه مستحيل,انا ماراح اخون فاتن
كاترين:تخونها وهي معاك ولا تخلص لها وانت منفصل عنها
محمد:كاترين لا تخليني اكرهك ,ولا تخليني ائذيك
كاترين:ههههههه انت خليتني اكره نفسي من يوم طلعت من حياتي,,ماتفرق

عندي لاكرهتني اهم شي تكون معي
محمد بعد تفكير: وش تبين مني بالضبط
كاترين:عيش مع زوجتك لكن عطني ايام لي,تقضيها معي وتكون لي وبس
محمد:...
كاترين:فكر مابي جوابك اللحين ,لكن لاتنسى اللي قلت لك اياه..
انت إما تنفذ اللي ابيه او انك راح تخسر هالفاتن اللي ماتسوى شي
محمد:كل شي ممكن اسمح لك فيه الا انك تجيبين فاتن على لسانك
كاترين:انا مادري انت وش شايف بها!!
محمد:كأنك تتكلمين عن معرفه بها!!
كاترين:ههه انا شفتها واعرف كل شي عنها وتجيني اخبارها بالتفصيل

الممل
محمد بدهشه:تعرفين فاتن
كاترين:هههههههه لا تخاف ماراح يوصل لها أي شي اذا نفذت مطالبي

ياحبي, فكر ورد علي باي
محمد:...

:::::::::::::


الساعه 9 الليل
وبيت فاتن

داليا:هههههههههههههه والله تعبتيني فتون مو كذا
فاتن:يوه دالي يعني وشلون تبيني امشي
قامت داليا تمشي: للمره المليون ياقلبي الرجل اليمين هنا الثانيه تكون هنا

فهمتي
فاتن:طيب شوفي مو كذا اللي تقولين عنه
داليا:ا لأ طبعا مشيتك كذا كأنك تبين الحمام
فاتن:هههههههه عههههههههههههههع
داليا بيأس:اه وش قلنا على الضحكه
فاتن:اوه صح سوري سوري همم همم
داليا:هههههههههههه انتي يبي لك شهر تدريب
فاتن:تؤتؤ لهالدرجه انا سيئه
داليا:ههههههه مره
"وهم بعز الضحك دخل بدر اللي يبي يفاجئ فاتن بجيته قبل الموعد اللي

عطاهم اياه ,ونسوا اهله يقولون له ان داليا عندها..
فتح الباب وبدت عينه حايره بين شوقه لشوفة اخته وشوفت داليا,واللي

خلاه يطلع نطت فاتن عليه وسحبته على بره وهي وتقول:بدوري
هلا اشتقت لك
بدر:وانا اكثر فتونة قلبي
فاتن:اقول لا تناضر جوا عيب يابو قزه
بدر:هههههه حلوه ابو قزه,وشلونك اخبارك

داليا وبعد مالبست عباتها: مرحبا
بدر:هلا والله
داليا:حمد لله على السلامه
بدر:الله يسلمك
داليا:يله فتون اشوفك على خير
فاتن:تعالي بوصلك للبا
دلي: اوكي

داليا وبصوت واطي على طريقهم:ليه ماقلتي لي ان اخوك راجع اليوم
فاتن:ليه كنتي بتكشخين
داليا:ههههههه بايخه,,يله باي حياتي
فاتن:هلا وغلا
داليا:خلاص على اتفاقنا الوعد بالمشغل
فاتن:اكيد ان شاء الله.

" وراحت تركض لبدر..
فاتن: ها ابو قزه وش الاخبار
بدر:ابد الاخبار تسرك,بس ليت انتي بعد عندك خبر يسر
فاتن: ياخوفي بس تاخذك مني هالدالي
بدر:لا تخافين انتي عين وهي عين
فاتن:ياهو على العموم ,اللي فهمته انها اخذت قرار وشكله يسر

اللي اختارته
بدر:يعني كل هذا ولا ردت لك
فاتن:يوه خل البنت تدلع شوي"وقالت بعربجه"اذا هي ماتدلعت انا اللي

بتدلع!!
بدر:ههههههههههههههههه والله شكل امي جايبه فهد مو فاتن
فاتن:هههههههع لالالا (ههه ههه ههه)
بدر:ههههههههه يالمجنونه,اقول فيه مباراة اليوم غريبه مفوتها
فاتن: لاتقول
بدر:يمديها بدت وين عايشه انتي
فاتن:يوه صادق اليوم الهلال والشباب ,,يله يله خلنا نروح نشوفها
"وما اقولكم على الإندماج والإزعاج العجيب اللي كان ذاك اليوم لأن بدر

كان يشجع الهلال وفاتن تشجع الشباب,,يعني صراحه حسيت بالصداع من
اللي بتسويه فاتن ولكم حرية التخيل لأني ماراح اوصفه ".

:::::::::::::::::::::::::::::

اما ثاني يوم بمكه
الفندق

خلود:جارح
جارح:همم
خلود:ايش رائيك اذا سمحت يعني .. توديني على جده اسلم على اختي

واقعد عندها كم يوم
ام جارح:إي والله تصدقين عيب ارجع الشرقيه ولا اروح اسلم على اختك

واعزيها وهي قريبه مني
جارح:يمه ترى انا وراي اشغال
ام جارح:ومن متى يخلص الشغل!! خلنا نسلم على العالم ثم لاحق على

الشغل وهمه
خلود ناضرت خالتها بخوف من ردة فعل جارح بعدين وقالت:لالا خلاص

دام عندوا شغل مو لازم يتأخر
ام جارح:الله واكبر كلها يومين مو اكثر
جارح:يمه اسمحي لي انا بوديكم وبرجع شغلي ,ماراح اقعد معكم
ام جارح: خلاص براحتك اهم شي اكد لي تذكرتي بعد بكره اما خلود خلها

تقعد لها كم يوم تواسي اختها
جارح:مثل ماتبين ,يله بنزل اجيب فطور
ام جارح:خذ معك خلود خلها تغير جو
جارح:يمه بجيب فطور انا ماراح اروح اتمشى
ام جارح: اعوذ بالله على اخلاقك ياجارح وش بيضرك لو راحت معك
خلود بخوف: لا لا ياخاله انا مابغى اروح اصلا عندي صداع ولا ابغى

اروح مكان
جارح:سمعتي يمه,هي اللي ماتبي تروح ..يله سلام

"وبعد ماطلع"
ام جارح: ابي افهم ليه تخافين منه كل هالخوف!!!
خلود:انا ا لا عاتي مم ما اخاف ولا حاجه
ام جارح:لا مو عادي ,ياحبيتي ذا زوجك يعني عادي تقولين رائيك وعادي

لاقلتي لأ دامها بمكانها ,وعادي لو تطلبين حتى اللي تبينه
خلود:ا اصلا جارح مو مقصر معايا ابدا
ام جارح بدون اقتناع: الله يوفقكم ان شاء الله,انا كل اللي ابيه انكم تكونون

مرتاحين مع بعض وسعيدين
خلود: ماتقصري ياخاله ,ماتعرفي جيتك قد ايش هونت علي كتير
ام جارح:ياحبيبتي انتي بنتي ويعلم الله انا احبك ودائم اوصي هالجارح

عليك
"قامت خلود بإبتسامه حبت راس خالتها ودخلت غرفتها تخفي دموعها "
:::::::::::::::::


قدام الكليه
فاتن:الو راجو انت وينك؟
راجو:كلم انا بابا موهمد قال هو جيب انتي
فاتن:اف على كيفك انت وياه!!!
وقامت تدور بعينها اللين لقت سيارته,ركبت وهي معصبه وطبعا اليد

بالخصر: خير ليه جاي..انا مو قلت لك مابرجع لين اقتنع من اللي بتوريني
اياه؟ وبعدين على كيفك تقول لراجو لا يجي,وافرض اصلا اني برجع مع
ب
محمد ويبي يقطع بربرتها: فتون
وفاتن مكمله:افرض اني قلت لبدر يجيني ومالقيتني ها ,بتقول اني ماكنت

بالكليه وتسوي لي سالفه وبعدين اصلا انا مابي ارجع معك بهالطريقه كيف
تس
محمد وبصوت عالي: فاتن اسكتي
سكت فاتن ومحمد بسرعته يسوق وهو يقول:ضيعتي حتى الكلام اللي كان

براسي وكنت بقول لك اياه ..مجنونه متهوره قرقاره تنرفيزيني وتعصبيني
وتخليني على اعصابي وتسهريني وتعبيني ولكن
تناظره فاتن وهي مبقه عينها وكمل..
- لكن والله العضيم ماتخيل حياتي بدونك حلو كذا عديتيني
ابتسمت فاتن بداخلها وقالت: قل سرعتك رضوتي كبيره موت واذا

الساهر بياخذ حقه منك ماراح يبقى لرضوتي شي من راتبك
ضحك محمد وقال: عادي اصلا كذا ولا كذا ربع راتبي دائما للساهر ,

وبعدين عادي لو ضاق بي الحال ابيع ذهب الوالده او اسرقها
فتحت عينها فاتن تناضر له مصدومه,,ضحك على عينها وقال: امزح وش

فيك صدقتي
فاتن:لا تحسب اني سامحتك ابي اشوف اللي قلت لي عليه,وانا عند كلمتي

اذا ماقنعتني ,برجع بيت ابوي اشرف لي يامحمد
محمد:حسبي الله على اللي يبي يفرق بيننا
فاتن:هههههع اقول بلا افلام هنديه
محمد: طبيعي ماتصدقين لين تشوفين بعينك
فاتن: طيب وريني
ويقطع كلامهم جوال فاتن يوم شافت انه رقم غريب ردت:الو
سمر:مرحبا ياحلو
فاتن:سموره اهلين
سمر:هلا قلبي , انتي وينك ابي اشوفك خلصتي كليه؟
فاتن:انا مع الاستاذ زوجي رايحه البيت
سمر:هههههههه اها يعني مو فاضيه لي اللحين
فاتن:يعني.بس عندي لك اخبار فضيعه لكن خلها بوقت ثاني ابدق عليك هذا

رقمك؟
سمر:ايه هذا رقمي الجديد
فاتن: اوكي سموه اشوفك
سمر:اوكي باي حبيتي.

فاتن:يله وريني
محمد:اول شي اوعديني انك تتفاهمين معي بالعقل مو تعصبين وتخليني

اعصب وتصير اكبر من المشكله اللي راحت
فاتن:امم اوكي وريني عندك هنا؟
محمد: طبعا بجوالي ابيك تشوفين الرسايل وتواريخها بعد عشان تتأكدين

انها السبب باللي صار
فاتن: رسائل..اوكي بشوفها
محمد: هه لا مو هنا لاوصلنا البيت عشان تكسرين اللي باقي من التحف
فاتن:تراك خوفتني
محمد:انا ابي امهد لك اللي بتقرينه,واتمنى بعدها تعذرين تصرفي

::::::::::::::::


- كيف راح تكون ردة فعل فاتن وهل ممكن تنحل الامور؟
- بدر وهل ممكن تكون الخطوبه قريبه
- قولكم محمد راح يرضخ لطلبات كاترين؟؟ وهل هي فعلا تعرف فاتن!!
- خميس ولغز بيظهر بحياته


بارت 17



صباح الرياض

انتظر لين جاه الصباح ,وهو مو قادر يجيه النوم..
اشتاق لها واشتاق يكلمها,والأهم من هذا كله اشتاق لشوفها..
ابتسم واخذ له دش وكشخ وتطيب وراح لها المستشفى, ومع انه كان

بإمكانه يدق عليها ويعرف قرارها ولكن شوقه لها خلاه يبي يشوفها ...
لقاها بالرسبشن ..مثل ماهي عنيده مستفزه واثقه من اللي تسويه
حس بأن الغيره بدت تصيطر عليه وعلى قد ماوده كان يشوفها على قد

ماتمنى انه ماجا لها وشافها بكل نعومتها كاشفه وجهها وفوق كل مفاتنها
مهتمه حتى بلون اضافرها وساعتها اللي تلمع وبصوتها الناعم الجريئ تتكلم
مع دكتور كان يستفسر منها ..
اثارت غيرته لأقصى حد وخلته مايحس برجله وهي تاخذه عندها
وهو يقول: داليا وش اتفقنا؟
التفت له دالي وقالت بصوتها الناعم :بدر!! وش فيه
بدر: ليه كاشفه وجهك ؟؟ ها ..امشي خليني اوصلك البيت يله
داليا:لا ماراح اروح مكان معك,وبعدين وطي صوتك
بدر:قلت لك امشي معي اوديك البيت

داليا ذكيه وتعرف تتصرف في اغلب الاحيان ودرت ان بدر مستحيل
يتحرك ولايهدى لين تتطفي غيرته شوي,لفت لثمتها وقالت له بهدوء ممكن
نروح الكفتيريا..
تحرك بدر قدامها وهو بقمة العصبيه لين وصلوا الكفتيريا وراحت لطاوله

فيها وجلست وهي تقول:بدر ليه كل هذا؟؟
بدر: لأني ابي زوجتي تتغطى ولأني رجال واغير على عرضي
داليا وهي تناظر لتفاصيله وهو معصب:بدر
بدر ويحاول يهدا :نعم
داليا: افرض ارتبطنا .. بتسمح لي اشتغل؟
بدر بسرعه رد :طبعا لأ
داليا:واذا تزوجتك بتجبرني اغير لبسي واغير طبعي وبتمنعني من اللي

اسويه بحياتي صح؟
بدر وبصوت عالي:اكيد يعني اللي انتي فيه هذا صح
داليا:بدر لاتنسى انا مايربطني شي فيك اذا ماوطيت صوتك وكلمتني

باحترام راح اقوم من قدامك ولاراح اسمح لك تكلمني بعدها.
بدر ويحاول يهدا:داليا انا مستعد ادفع لك راتبك اللي تاخذينه بس ماتشتغلين

بهالمكان المختلط
داليا:المسئله مو بس شغل او صفه ممكن اغيرها بنفسي او انت تغيرها

فيك,حنا يابدر لو ارتبطنا راح نحتاج نغير كل مافينا من عادات وتمسكات
وكل شي بشخصيتنا بينلغي كل شي بمعنى كل شي عشان نقدر نتفاهم
ونعيش..
بدر: انا مس
داليا تقاطعه: صدقني يابدر فكرت بالموضوع اكثر من مره كان ودي اوافق

عليك بقدر اقتناعي فيك ولكن ماقدرت
بدر:...
داليا: بدر انت صعب تتغير وانا ماني حابه اتغير ,ماراح نقدر

نتفاهم,وحياتنا كلها بتكون فرض رائي ومشاكل
بدر:صدقيني انا احاول اتغير واتصرف معك باخذ وعطى لكن انتي عنيده
داليا:وهذه المشكله انت عندك قابليه بسيطه تعطي,لكن انا مادري اذا كنت

اقدر على هالشي او لأ ؟
بدر: انا ما اشوف انه سبب ممكن يخليك ترفضين
داليا: انا واقعيه يابدر ولازم انت بعد تصير واقعي
بدر: وانا لأني واقعي اقول لك انك قاعده تستعجلين بإنهاء حياة ممكن تنجح
داليا:صدقني ماراح تنجح حياتنا,انا انسانه احترم ذاتي ولا اسمح لعصبيتك

وفرضها علي ,انت محافض وانا انسانه اقل محافضه بأمور انت تشوفها
من الضروريات وانا اشوفها ماتهم ,بدر.. لا انا ولا انت نقدر نتفق لاقبل
ولابعد الزواج
بدر بضيق:ماراح تغيرين رائيك؟
داليا:انا فكرت كثير واللي صار اليوم اكد لي صحة خياري
بدر:انا ماراح افرض نفسي عليك..ولا بأجبرك ,,لكن قبل ماروح ودي

اقول لك شي ممكن ما يحق لي اقوله ,لكن انا فعلا احبك واتمنى لك التوفيق
داليا انحرجت وقالت:وانا اتمنى لك المثل
قام بدر ويسحب رجله وتفكيره بالخساره تثقله طلع وركب سيارته ومايدري

وين يروح
:::::::::::::::::::::

بيت اصاله
فاتن: ما راح تروح الدوام قبل لاتوريني اللي قلت لي عليه
محمد: صراحه ماودي
فاتن: محمد انت من امس وانت تلعب علي وتلعب بأعصابي ,وانا حلفت ان

كنت كذاب , ولا فيه سبب لفعايلك برجع اللحين بيت اهلي
محمد: صدقيني ماوريتك الرسائل لأني ادري بأنها بتجرحك
فاتن:عادي اهم شي اشوف,اصلا انا اشك انه عندك شي مهم
مسكها محمد وقعدّها جنبه وقال : ههه طيب اول شي اوعديني انك تفكرين

بهدوء وماتسرعين بحكمك او تصرفك
فاتن: تؤ اف وبعدين
محمد: اوعديني ماراح تعصبين وتفكرين معي بعقل
فاتن: خلاص يامحمد طيب اوعدك , من امس وانت تمهد لي والله لو اني

بشوف ايش
محمد: تراك وعدتيني
فاتن بملل: وبعدين؟؟
محمد وهو ماوده فتح الرسائل وقال:تفضلي هذه اول وحده وبعدها تلاقين

الباقي
قرت فاتن اول رساله وهي ماهي فاهمه شي ,قرت الثانيه والثالثه وبدت

الصوره توضح اللين وصلت للأخيره.P
(الا بسئلك يالمعرس,, كيف ليلتك الأولى؟؟ ان شاء الله كان كل شي
تمام!!!)
كانت صدمة فاتن كبيره باللي تقراه وناضرت محمد بإنكسار وضعف
وقالت: انت صدقت!!!
محمد:انا احترت بين النكران والدليل,ماصدقت لكن الوضع غريب,ماكنت

ادري انا لازم اكلمك او اتجاهل ماكنت ادري كيف اتصرف
فاتن وصوتها يخونها:ماتدري وشلون تتصرف قمت شكيت فيني !
محمد: حبي انا كنت محتاج افكر
فاتن وبصوت عالي: ليه ماواجهتني ليه ماحطيتني بالصوره,شكيت فيني

وللحين اكيد فيه شك بقلبك
محمد وهو متضايق:حبيبتي صدق
فاتن:محمد مابي اسمع تبرير ماله داعي ..
محمد: فاتن وعدتيني تفكرين بهدوء
فاتن بعصبيه وهي توقف : تفضل خذ حقك اللي يهمك, تأكد من شرفي تاكد

من كلام هالحقير اللي الله يشهد اني ماعرف من يكون ,تفضل
محمد:لكن انا مابي الموضوع يصير بهالشكل,فتون ابيك تفكرين لو انتي

مكاني ماكنتي راح تشكين؟
فاتن:انا ماكنت بهدى لين اعرف من صاحب هالرسائل ,كنت بسئلك

واحطك بالصوره
محمد وهو يوقف ويمسك بيدينها :حاولت اعرفه ماقدرت فتون انا لو للحين

اشك ماكان كلمتك وترجيتك ترجعين.
فاتن:وش اللي خلى شك يروح؟؟
محمد:...
فاتن: فهمني ,وش اللي خلاك تمحي شكوك؟؟!!
محمد وهو يناظر بعينها : حبي لك ,وشوقي لحياتي معك ,,فاتن انا احبك

والله العظيم احبك
سحبت فاتن يدها منه وماتدري ليه حست بأنها ماتقدر تصب غضبها عليه:

ممكن تطلع
محمد:ماودي اطلع من الغرفه الا وحنا حالين الموضوع
فاتن:انا مابي اتكلم فيه,ابي اقعد لحالي
محمد:مانبي نهرب من المواضيع اكثر , خلينا نحل هالمسئله هذه.. انا تعبت

من هالوضع انا لا اني زوجك ولا اني قريب منك وكل شي بيننا ماله مسمى
اصلا
فاتن وماتبي تناظر لوجهه :محمد قلت لك خلني لوحدي
محمد وهو يشوف اصرارها :راح اخليك يافاتن , لكن لا رجعت لازم نهي

هالموضوع,لازم

"طلع محمد وهو يحس بضياع وده يرتاح وده يستقر بنفس الوقت تذكر
كاترين وتذكر تهديدها وحس انه بدوامه ومو قادر يطلع منها .
اما فاتن دقت على داليا وهي متشته,ولا ردت عليها تحسب انها بتكلمها

بموضوع اخوها بدر ..
وكل ماتذكرت الكلام الي بالرسائل تحس النار تغلي بجوفها, وتحس ان فيه

من يكرهها ويبي يخرب بيتها وياخذ سعادتها"..
دقت مره ثانيه على داليا وردت عليها واول ماردت عليها قالت
داليا:فتون اول شي بليز لاتكلميني بهالموضوع
فاتن:يعني انتي داريه
داليا:اكيد هو جاني لهنا وكلمني
فاتن بإستغراب:بإيش كلمك,وش قال لك
داليا:صدقيني فتون انا مابي اللي بينا يخرب عشان كذا رفضته,بليز

لاتزعلين مني
فاتن:انتي عن ايش قاعده تتكلمين
دا:ع بدر يعني عن من؟
فاتن وهي متضايقه وتطلع حروفها بغصه:داليا انا بكلمك عن محمد
داليا:ها !! انتي ومحمد,, وش فيه؟؟ صار بينكم شي؟
فاتن:داليا فيه من يكرهني ويبي ينهي سعادتي ,تخيلي مرسلين لمحمد

رسائل تشكه فيني
داليا:انتي من جدك تتكلمين!
فاتن بحيره:دالي من اللي يكرهني لهالدرجه,ليه يبون يأذوني انا عمري

ماذيت احد عمري
داليا:الموضوع غريب فعلا ,يعني هو رجال اللي راسل لزوجك؟
فاتن:ايه رجال
داليا:غريبه
فاتن: قول لك يكون ا
داليا: لا يافاتن مستحيل
فاتن: اذا ماكان سعيد من غيره؟؟
داليا: مادري فعلا الموضوع غريب
فاتن:صراحه بعد اللي قريته ما الوم محمد اذا شك فيني,لأنه يعرف عني كل

شي,يوم اطلع واروح اقابلكم او حتى اني اكلم بالجوال وكأنه يراقبني!!
داليا:في شي مو طبيعي
فاتن:لحضه دالي جوال محمد نساه هنا وقاعد يدق من اول
داليا:طيب شوفيه
فاتن:اوكي
داليا:لحظه اسمعي..
فاتن:نعم
داليا: بمرك اللحين منها نتكلم ومنها نروح للمشغل اللي حجزت لك فيه
فاتن:اوكي احسن شي لأنه ودي اطلع من البيت
داليا:اوكي حياتي بمر عليك ,,باي
فاتن:انتضرك,,سلام
ويوم وصلت للجوال لقته قفل خذت جواله لقت ان هالإتصال ضمن 16

مكالمه مارد عليها والاسم كان kat استغربت فاتن وخلاها الفضول تفتح
الرساله اللي جت من هالرقم بعد اخر اتصال مكتوب فيهاوبالإنقلش..

(اذا ماراح ترد على مكالماتي صدقني انت الخسران,وهذا مو مجرد تهديد
انا راح اقول لفاتن عن علاقتنا وراح اخليها تشوف بعينها ,وراح ادمر
علاقتكم)
فتحت عينها فاتن مو مستوعبه معقول ان محمد هو اللي يخونها وكل هذا
مسويه عشان مايكشف نفسه او انها رسائل تابعه للرسائل اللي من الرقم
000,بس لا هذاك رجال وهذه مبين انها حرمه حتى اسمها !!وش الموضوع
ليه كل ماحاولت تضبط علاقتها بمحمد في شي يخرب كل شي ومن غير
ماتحس فتحت رساله جديده وكتبت لها
(صدقيني ماتهميني لا انتي ولا تهديدك والهبله فاتن ماراح تصدق شي لان
ماعندك أي دليل كل هذا مجرد ازعاج منك وبس, واذا انك صادقه ارسلي
لي شي من اللي ممكن على قولك ينهي زواجي ....)
حبت تستفز صاحبة الرساله ونفس الوقت تتأكد ان كانت صادقه او كاذبه
ماتبي تتسرع مثل ماتسرع محمد وضلمها ,كان ودها ان يكون محمد
ضالمها ولا ودها تتصرف معه بالمثل وتكون هي ضالمته حبت تتأكد
وانتضرت كثير ان كاترين ترسل على جواله شي ,,ولكن ماجا
شي,,ساعتها قدرت ترتاح شوي وضنت ان كل هذا ..لتنغيص حياتهم وبس
:::::::::::::::::::::::


جده
مكتب خميس

وليد: دا الرجال مو معقول ,انا مادري هو ليه حاطك براسوا؟
خميس: المشكله انا ماعرفوا ولا فيه شي بيني وبينوا ابدا
وليد: انا يوم عرفت انوا بيسئل على مناقصاتك انت باللذات وعلى شغلك

تحديدا ,حبيت اقول لك تاخذ حذرك منوا
خميس وبعد تفكير:وليد تعرف رقموا
وليد: اتوقع ممكن اجيب لك اياه ثواني بدور بهالورق ... امم هدا هوا
خميس:عطيني راح ادق عليه واحاول افهم اللي براسوا
وليد:دق ان شاء الله تلقى الجواب المفيد
"دق عليه كم مره ولا رد"
خميس:وليد قول لك من راح ياخذ الماقصه دي,انا ولا هوا
وليد:بكل صراحه ,اذا استمر باللي يسويه فهو اللي راح ياخذها,والمشكله

انو لو اخذها هذه المره معناها راح ياخذ كل المناقصات المهمه.
خميس:في شي مو طبيعي,ولا منطقي انا لازم اعرف من هذا الشخص

وايش يبغى باللضبط
وليد:المشكله انوا اللي نازل معانا هوا شخص يشتغل عند شخصيه مايبغى

يقول لنا عليها او يوضح لنا من هو المستفيد من دا كلوا
خميس:طيب ,خلينا منوا ابغاك توزع البضائع اللي جبناها بالسوق وبعدها

راح نفضى لهالآدمي الغريب
وليد:يصير خير ان شاء الله,يله عن اذنك

::::::::::::::::::::

بيت اصاله

لبست فاتن عبايتها وخذت شنطتها إلا وتسمع جوال محمد يدق,خلت الشنطه
وراحت مسرعه تبي تشوف من اللي دق وبهاللحظه يدخل محمد وهو متوتر
للغرفه
محمد: هذا جوالي اللي يدق
فاتن: ايه
محمد ويحمد الله انه لحق الجوال خاف انها تكون كاترين: عطيني اياه
عطته فاتن ومامداها تشوف من المتصل
محمد: هلا ..
-ايه بالبيت ,لا والله كنت رايح بس تذكرت جوالي
- اها
-لا لا مانبي شي
- مع السلامه.


فاتن:من هذه؟
محمد:هههههه فتون تسئلني من يدق عليك,لالا مو معقول
فاتن:بلا استهبال من هذه
محمد:هذه ياحبي امي تبلغني انها ماراحت الشغل وانها عند جارتنا ام

سلمان لأنها تعبانه شوي
فاتن:...
محمد:رايحه الكليه؟؟
فاتن:ها ا لا
محمد: اجل وين رايحه؟؟
فاتن وهي تحاول ماتناظره: بروح مشوار مع دالي
محمد قرب من جنبها ورفع بيده وجهها وابتسم وقال: طيب ليه ماتبين

تناظريني
فاتن: ..
محمد: تعبت من الجفى اللي بيننا ,حبي ابيك تكونين راحتي
فاتن وهي تحس بقلبها يخفق خفق:محمد
محمد:عيونه
فاتن:اكيد انك ماتشك فيني؟؟
محمد وهو سرحان بعيونها: لو قلبي شك فيك مره ثانيه طعنته فاتن وتذكر

kat: طيب فيه احد بحياتك غيري؟؟
سكت محمد فتره وقال :ليه هالسؤال
فاتن:ابي اعرف
محمد: فتون انا ماحب احد غيرك ولا ينافسك احد بقلبي
فاتن:يعني ماتعرف احد غيري؟
محمد ارتبك وقال:ليه ماتثقين فيني؟
فاتن:لأنك ماتثق فيني
محمد:فتون حنا لازم نطوي هالصفحه ونبدا من جديد انا وانتي كزوجين

ومانخلي احد يخرب هالشي"وقرب منها اكثر"
فاتن ارتبكت وقالت :انا طالعه
محمد:اللحين؟؟
فاتن:داليا تنتضرني تحت
محمد:طيب اجلي هالروحه وخلينا نتفقاهم دام بدينا النقاش
فاتن:لأبروح اللحين
محمد:فتون اللحين نبي نتفاهم
فاتن وهي تاخذ شنطتها:وانا مابي اتكلم بالموضوع مو انت تثق فيني؟
محمد:ايه
فاتن:وانا اثق فيك خلاص مابي اتكلم بالموضوع
محمد:هه يعني "وقعد بالارض ومسك يدينها وقال" تتزوجين
ضحكت فاتن على شكله وتبي تنحاش بس لحقها وقال لاتأخرين راح

انتضرك وقرب منها وباسها ,ابتسمت فاتن وحست بخجل وراحت.
اما محمد حس بسعادة الدنيا,وحس انه فاق من شكه وان الدنيا بدت تضحك
له وراح تهديه السعاده ..
قعد يفكر بعدها انه مابيروح يداوم وايش ممكن يسوي لفاتن ..
يجيب اكل من برا ,او يفاجئها او انه يحضر مثل الافلام الشموع والورود

بس هو مايعرف وفكر انه يستعين بأمه لتحضير الاجواء للعروسين ودق
عليها
امه:هلا حبيبي
محمد:يمه ابيك بخدمه
اصاله:امرني
محمد:متى بتجين؟
اصاله:وش عندك الله يستر؟
محمد: هههه كل الخير, بس ابيك تجين شوي ثم ارجعي براحتك
اصاله:وش عندك محمد
محمد:ههه يام محمد ولدك اخيرا بيعرس تكفه تعالي اللحين
اصاله:خلاص ابجي بس شوي,اشرب الشاي.
محمد:تمام بس لاتأخرين,انا بروح اجيب اغراض وراجع
اصاله:يصير خير, مع السلامه
محمد:هلا.

وكملت اصاله كلامها مع ام سلمان: عاد قلت باسئلك وش رائيك
ام سلمان:اقولس يام محمد نصيحه وتسمعينها؟
اصاله:ايه اكيد
ام سلمان:دام ان كل شوي صايرين يتهاوشون ومشاكلهم ماتنتهي ,اكيد ان

فيهم عين
اصاله:قولك؟؟
ام سلمان:افا عليس اسئليني انا ,والله اني اعرف لس وحده تفك العين

والسحر بعد
اصاله:اقول يام سلمان لاتكون مشعوذه لا قدر الله
ام سلمان:لا افا عليس ,هذه ياحبيبتي ابوها كان ملتزم ويوم توفى ,هي

التزمت وصارت من زود ايمانها تقدر سبحان الله تفك السحر وتنهي العين
اصاله:والله مادري عنك يام سلمان ,اخاف قمتي تخورين مع كبر

السن؟؟
ام سلمان: ههههه ..انتي وش بتخسرين جربيها
اصاله:لا ياحبيبتي جربيها انتي انا بقوم بيتي وشوف وش عنده ولدي ابرك

لي منك
ام سلمان:اقول اقعدي ماتروحين قبل مانتغدى
اصاله:بروح اشوف وش عنده وبرجع لك لاتخافين
ام سلمان:انتضرس لا تتاخرين,ام سعود بتجي بعد المغرب
اصاله:خلاص يصير خير سلام
ام سلمان:بحفض الله.

::::::::::::::::

محمد وهو بالسوق جاله اتصال من..

وهج:مرحبا
محمد:هلا
وهج:وين الناس ,وينك يقولون من طول الغيبات
محمد:ا وهج صراحه انا ابي اقولك شي بس ماودي تزعلين
وهج:ايه اكيد,خير ان شاء الله
محمد:انتي صديقه واكثر من رائعه ,لكن انا رجّعت زوجتي وتدرين لو

درت عن مكالماتنا ماراح تقبل بها
وهج:اها فهمتك ,اكيد ماراح ارضى اكون سبب بمشكله بينكم عموما على

البركه وان شاء الله تكون نهاية احزانكم
محمد:ان شاء الله
وهج:اوكي يله الى الوداع ,وانتبه لزوجتك وبالتوفيق
محمد:فمان الله
وهج:باي.
:::::::::::::::::


بالسياره
داليا:وين راح تفكيرك؟
فاتن:داليا مافيه غير سعيد هو الوحيد اللي كرهني وهددني
داليا:فتون مو معقول الموضوع قديم مره ولا اتوقع انه بيتجرء ويسوي شي

مثل كذا
غمضت عينها فاتن وخذتها الذاكره الى يوم استلام شهادة ثالث متوسط
نزلها بدر بالظهر للبيت وعدها يوم يرجع من دوامه يجيب لها الكيك ..

ودخلت البيت كعادتها تغني الاوبرا بصوتها المزعج ودخلت على غرفة
امها لقتها نايمه فما حبت تزعجها عشان ماتخرب هديتها منها ,فراحت على
غرفتها تكمل غناها وفرحتها ,وبعد مادخلت الغرفه سمعت صوت الباب
ينقفل بالمفتاح ويوم تشوفه تفاجئت واستنكرت
فاتن: خير وش عندك داخل هنا؟؟
سعيد اللي عمره32 سنه :صراحه يابنت عمي اجبرتني لهفتي على طفولتك

اني اتبعك
فاتن بعربجه:انت تدري ان شافك بدر هنا بيذبحك؟؟
سعيد وهو يمشي نحوها:هههه وقولك انا اخاف من بدر؟
فاتن وهي ترجع على ورا :انت وش تبي؟؟ وليه داخل غرفتي؟؟
سعيد:يوم انك صغيره كنتي تهربين من بين يديني ولاقدر انفرد بك بسبب

اخوك الغبي,اللحين جا وقتي
فاتن : يوم اني صغيره كنت ادري انك خبيث وماتبي تقرب مني الا لنواياك

اللي مثلك خبيثه واطيه
سعيد:ههه يعني ذكيه من صغرك
فاتن وصلت عند مكتبها وتدور فيه أي شي بهاللحظه مسكها سعيد وقعدها

على الكرسي بقوه
سعيد: ههه شفتي انه جا دوري
فاتن وتحاول تبعد وجهها عن وجهه: دورك بايش ياغبي
سعيد: فاتن لا تخليني ائذيك انا ماراح اضرك ولكن بس ابي اروي عطشي

منك ,لاتقاوميني
فاتن وتغزه بالقلم اللي بيدها بكل قوتها بذراعه وتصرخ : يايما
حس بالام سعيد وحاول يمسكها ولكن فاتن دفته وراحت فتحت الباب ونادت

بأعلى صوتها "يما"
سعيد وهو يطلع من الغرفه مسرع:صدقيني يافاتن ماراح اخليك بحالك

ومصيرك يوم ماتلاقين احد يضفك غيري
طلع بسرعه من بيتهم اللي مظيفينه اياه ومخلينه ينام بالمجلس الخارجي

لأنه كان يسكن الخبر وجاء زياره للرياض.
طلعت فاتن لغرفة امها وشافتها مثل ماهي نايمه ولاهي سامعتها دخلت

باللحاف وضمت امها وحاولت تنسى اللي صار ولا تجيب طاريه لأي احد
غير صديقات عمرها .
داليا:فتون وبعدين انتي وهالسرحان يله وصلنا
فاتن: ها..ا يله
داليا: اسمعي قبل لانزل بقول لك شي ..
فاتن: وش هو؟؟
داليا وهي تبتسم لها : هالموقف راح يكون ذكرى بسيطه ممكن لاتذكرتوها

بالمستقبل ضحكتوا,,صدقيني كل شي بيصير تمام بينك وبين محمد ..اوكي
"ابتسمت فاتن وضمت داليا ونزلوا للمشغل".
P
::::::::::::::::



اما بدر
"يوم ضاقت به الدنيا طلع الشرقيه ..
جلس عند البحر ويفكر لوحده من غير مايشكي للبشر هم قلبه وكبر حبه

اللي خسر..
كان يقول بنفسه:

انا احبها ولكن هي ماتنفع لي ,انا لازم اشيل فكرة الارتباط عن بالي,ولازم
انساها ولاعاد افكر بها,راح اعتبرها ماض حلو...
"ورمى الحصى اللي بيدينه للبحر ورجع لتفكيره"
فيه اشخاص حبوا وحتى ضحوا وانتهت قصتهم بانهم ارتبطوا باشخاص

ثانين وعاشوا بسعاده انا لازم افكر مثلهم,لا زم انساها..
هأ..سهل الكلام ياقلبي لكن الحقيقه اني صعب انساها ,كيف انسى صوتها

او حتى ملامحها.. جرئتها.. قوتها.. حدة نضرتها ..كيف انساها!!!
مسك الورقه والقلم وكتب مقالته الجديده..

رحله بالسفينه

هل الحب يكفي !!وهل هو المقياس الوافي للزواج الناجح؟؟
قد يقول البعض نعم ..ولكن عنما اريد الإجابه على هذا السؤال اجد اني بين

مفترق للطرق.
اجد بأن الحب عنصرا اساسيا قد يتوفر بعد او قبل الإتباط ,ولكن عندما

افكر بما يجب ان يتوفر معه ليصبح زواجا ناجحا ..من الحكمه
والصبر,الرفق,والتضحيه..فأجد ان الحب ليس هو مقياس النجاح.
ان لم تكن هناك تنازلات من الطرفين لإبحار سفينة الزواج فلن تجد لها

مرسى..
وان لم نضحي بعض من الأفكار والعادات والأولويات لن نستطيع المرح

على تلك السفينه ,,ستكون رحله ممله قصيره ,ستنتهي مع ذكريات محزنه
قد يكون عدم الموافقه على هذه الرحله من الأساس هو الرأي السديد حتى

لو لم تكن هذه رغبة قلوبنا..
هنيئا لمن يجد الرفيق المناسب لهذه الرحله ,وهنيئا له بلذيذ متعتها.
:::::::::::::::


اتصال مهم من
نسرين

خلود: اهلين ياقلبي
نسرين:تأبريني ..شو إمتى إجيتي؟؟
خلود: رجعت !!من فين
نسرين:شو انتي ماجيتي من جدا؟؟
خلود: لأ ليه
نسرين:ا لأ ولا شي تأبريني
خلود بشك: ايش فيه يانسرين ايش الموضوع؟؟
نسرين:لا ولا شي حياتي بس عم امزح معك
خلود: نسرين لا تكدبي علي الله يخليك وقولي لي ايش الموضوع
نسرين:صراحه
خلود: ايوا
نسرين:مابدي خبي عليك انتي رفيقتي ومافي اخدعك.
خلود: ايش صار يانسرين حرام عليك خوفتيني
نسرين:مابعرف شو بدي إلك لكن ,ليكي انا ماني متأكدي من شي اوكي
لكن راح خبرك باللي بعرفوا
خلود: طيب قولي
نسرين:امبارح بالليل عم بسمع صوت المكنسي و وشفتوا لجارح عم يرمي

الزبالي وهيك
خلود:جارح ينظف!! عمروا ماشال كاسه من تحتوا!!!
نسرين:مانا الت اكيد انك اجيتي
خلود: بس كدا؟؟
نسرين:ها ..ا
خلود: ايش يانسرين تكلمي
نسرين:الت الك انا ماني متاكدي لكن جوزك اليوم كلوا هون بالعماري

وريحة البخور لهون واصلي ,وغير هيك مافي أي سياري غريبي مشان
الك انو عندو ضيوف,في شي منو طبيعي ابدا
خلود وتحس قلبها يوجعها..
نسرين: زعلتي مني ؟
خلود بغصه: لا ياقلبي ,لكن طيب خلاص
نسرين: طيب شو!! شو بدك تعملي؟؟
خلود: لاتخافي ماراح اسوي مشكله
نسرين:شو راح تسكتي؟
خلود ودمعتها بخدها: راح اتصل عليه واتاكد
نسرين:اوكي متل مابدك ,البي بليز ماتزعلي مني
خلود:لا يانسرين انتي اختي
نسرين:اوكي حياتي ابئي طمنيني
خلود: اوكي

::::::::::::::::::::::::

اما بالمشغل
فاتن و مغامراتها


اخصائية الشعر:صدئيني لون الخصل هيدي راح يجنن عليكي
فاتن: لا يالحبيبه وش شايفتني باربي
الإخصائيه:هيدا لون الموضه ولا يق عليكي
فاتن: له لالالا .. ابي لون غامق
داليا: وبعدين فتون خلها تحط اللون اللي يليق عليك,كفايه الارضيه حطيتها

غامقه خلي الخصل فاتحه شوي
فاتن:لا وستين لا ماحط هالعسلي لو ايش ابي موكا
داليا:الموكا يافتون ماراح يبان
فاتن: انا مابي تغيير شاسع ,ولا بحط شي ماقتنع فيه
اللي تسوي لها البدكير: لاتتحركي مدام فاتن هدا في اخرب
فاتن:اهئ وش هاللون مره فاقع,امسحيه امسحيه
داليا وبعصبيه: والله فتون ان ماسكتي لأشد شعرك واخرب هالمناكير

واوديك بيتكم واسفهك,ولاعاد اجي معك مشغل, اللحين لنا ساعتين وانتي
مابي امسحي وبعدين؟؟؟؟
ضحكت فاتن على شكل دالي وهي معصبه
"ويوم شافت ان داليا بدت تزعل ,قررت انها تثق بإختاياراتها وتسكت ,

وبالنهايه دالي صاحبة ذوق عالي وخبره من كثر ماتروح مشاغل,وتهتم
بنفسها"
وبعد هدوء مادام اكثر من 10 دقائق قالت فاتن:إلا ماقلتي لي وش صار
معك وبدر
داليا:ها امم هو ماقال لك
فاتن:لأ مادق علي ولا قال لي أي شي
داليا:اها
فاتن:وش صار؟
داليا:قلت لك لا تشغلين نفسك فيني اللحين خلينا فيك انتي "وقربت عند

شعرها وقالت" شكل اللون بيطلع حلو ,وعلى فكره اخترت لك لون عدسات
جنان
"حست فاتن ان اللي صار بينهم كبير وان دالي تصرف ولا تبي تتكلم

بالموضوع وحبت انها ماتلح عليها لين تتكلم هي بكيفها"
داليا:ايه صح اللحين بخليك واروح اشتري لك فستان بيج او بنك وش

رائيك خلنا نستغل الوقت
فاتن:اسمعي امم ابيه بسيط مره
داليا:اوكي راح اجيب شي نعوم ,, ورايق لا تقلقين يله باي

:::::::::::::

"استنشقت هوا وحاولت تهدا ودقت على جارح ولأنه مارد من بعد
ماتصلت به خمس مرات ارسلت له
(رد علي ضروري في حاجه مهمه)

ودقت بعدها ويرد عليها..
جارح: خير وش فيه؟
خلود:...
جارح:وشو!! وش فيك؟؟
خلود: جارح انت فين؟
جارح:انا بالشغل يعني وين بكون ,انتي واسئلتك الغبيه!
خلود:يعني انت بشغلك دحين؟؟
جارح:اف خلود وش تبين وش الضروري؟؟
خلود: طيب مين عندك؟؟
جارح:انتي تستهبلين وله وش موضوعك,اخلصي وش عندك تراني مشغول
خلود وهي تصيح : يعني انت مارحت البيت
جارح:لا ياشيخه مارحت البيت تونا بدري,اقول لك انا بالشغل
خلود: جارح
جارح:خير
خلود برائتها :لاتخوني
جارح استغرب وسكت:...
خلود: جارح
جارح:انتي وش فيك انهبلتي ؟؟انجنيتي اصلا الشرهه علي اني ارد عليك

يالهبله
"قفل بوجهها الخط وفتح لخلود باب الشك والقهر , عرفت وايقنت وقتها انه
يخونها وان سبب فعايله من اول معها انه يحب غيرها,, قامت تصيح
بصوت اعلى وكل ماتذكرت انه هزئها وسبها قدام حبيبته تزيد شفقتها على
نفسها وتصيح اكثر.."
:::::::::::::::::::::

بمكان ثاني بعيد عن جده ..
بالرياض وبيت اصاله تحديداً...
جا اليوم والوقت المنتظر...


ريحة بخور فايحه والأضواء الخافته..
والورد بتنسيقه على الأرض يستقبل عروستنا الفاتنه..
دخلت فاتن البيت و دقات قلبها تدق بخجل..والهدوء زاد خوفها اكثر انبهرت

بجمال الورود,وبالجو العام للبيت
وم خطت خطوتين لقت يد دافيه من وراها تضمها

محمد:ياهلا وغلا ومرحبا بقلب وروح محمد
انحرجت فاتن ولاقدرة ترد,جا محمد قدامها يبي يشوف وجهها,,مالقى غير..
عين يخاف الجمال من شوفها يصيبها بعين..خد فيه من الحلى اللي يهد..
ونعومه ماشافها بغيرها من كان يومه ..وخجل يكسب القلب دون الجدل
كانت فاتن فاتنه بكل تفاصيلها حاولت تهرب من نضرات محمد وتطلع

الدرج مسرعه,فاق من سرحانه بطلتها راح شالها وقام يركض بها من
فرحته
فاتن بخجل:تؤتؤ محمد نزلني
محمد:انا ماصدقت تجيني الفرصه وانتي تبيني انزلك!!
شالها محمد اللين وصلها السرير قعدها وقام يدوّر بجيبه وعلى الطاولات

والتسريحه مالقاه,وتذكر انه ممكن يكون على المكتب استأذن من فاتن وراح
يجيبه اما فاتن قامت هي بعد تدور على جوال محمد اللين لقته فتحته تدور
على رد لرسالتها او تهديد ثاني لقت انه مامسح رسالتها بمعنى انه مارسل
ولا جت له رسائل من بعد العصر ارتاحت وجلست تنتضره
اما محمد دور عليه ولقاه خاتم بحجر الزمرد هذا ذوق فتون وحب يفاجئها

فيه وقبل مايطلع شاف نفسه بالمرايا ابتسم وطلع بفرحه يقول:شفتي اللي
مايعرف بالرومانسيه شي ضيعت الإيقاع الروم ..
مامداه يكمل وهو يشوف فاتن اللي جالسه تدمع والصدمه بوجهها مالها
تفسير قرب لها وناداها..
::::::::::::::



بحر الشرقيه
راح بدر واشترى له كفي ورجع لمكانه ولسرحانه واللي قطع تفكيره ..
سمع من وراه بنتين يقولون: ليه زعلان
الثانيه: ممكن نجلس
الاولى: لو سمحت يا اخ
ناضرلهم بدر اللي مايحب هالحركات ابد: تكلموني؟!
الثانيه وبدلع :أي نكلمك ممكن نقعد
بدر: انتوا وين اهلكم عنكم؟!
الاولى: بهالسرعه اعجبناك وتبي تخطبنا ههههههاي
الثانيه: طيب من فينا اللي تبي تعرف اهلها انا او هي ههههههههههههههه
سفههم بدر وناضر البحر
الاولى: اقول ياعسل انت مو من الشرقيه صح؟
الثانيه: لا مبين عليه انه مو من هنا ,بس تدرين يالمى
لمى: ايش؟؟
امل: تراه احلى من شباب الشرقيه هههه
لمى: اذا ماسمحت لنا نقعد ترى بنروح
بدر بملل: ياليت تطسون من هنا
امل: اف اف ليه معصب قولنا طيب اللي مضايقك وراح نساعدك
لمى: انا ماعندي شي وممكن اقعد للفجر اسمعك
امل: حتى انا ياقلبي
بدر بضيق: تراني طفشان فلا تظيقون صدري زود وخلوني بحالي
لمى: ياحياتي لا صراحه انا مايجيني قلب اروح واخليك بهالشكل
امل: صادقه لمى


"بدر ناضرهم بإستحقار وعرف انهم مستحيل يروحون عنه ,فقام ركب
سيارته , وهو سافههم و تمشى شوي بشوارع الشرقيه,ثم مسك طريق
الرياض
:::::::::::::::::::





- وش اللي صار مع فاتن ؟؟ تتوقعن ان سعيد له يد بدموعها؟؟
- هل ممكن كذا تنتهي علاقة بدر بداليا؟؟
- ابي رائيكم هل يستاهل محمد فاتن بعد خيانته لها؟؟"وهالسؤال راح

يساعدني على حدث جاي "
بارت 18



طلع محمد من البيت وهو مو شايف شي قدامه.. ودق على
كاترين اللي ردت عليه برود :هههههههه اهلين حبيبي
محمد:توقعين اني بخليك ها ..تحسبين اني بسكت
كاترين:ههههه حبيبي تسكت او لأ, خلاص انا سويت اللي ابغاه ..خليتني

عشان هالفاتن هأ وخلتك عشاني فاتن , كذا حنا اصطفينا.
محمد:انا قريب منك اللحين ..ابجي واقتلك و بخليك عبره لكل حيوانه مثلك

ياكاترين
كاترين:هههههههههههههههه

"قفل محمد والموقف بكل تفاصيله ينعاد بذاكرته...
كان يدوْر على الخاتم اللي بحجر الزمرد هذا ذوق فتون وحب يفاجئها فيه

وقبل مايطلع كيف كان سعيد ويشوف نفسه بالمرايا ويبتسم..
وطلع بفرحه يقول:شفتي اللي مايعرف بالرومانسيه شي, ضيعت الإيقاع

الروم ..
تذكر فاتن وهي ماسكه جوالها ..والصدمه بوجهها مالها تفسير قرب لها

وناداها..مره ومرتين وثلاث
مسح بيده الحنونه راسها وشاف الدموع اللي تجمعت بعينها ..
ناظرت فيه وتغيرت ملامحها لترجي وهي تقول.. هذا مو انت صح؟؟
مافهم وش تقصد وقرب منها اكثر وسألته مره ثانيه هذا انت؟؟
اخذ جوالها وشاف ان المقطع منتهي اعاد تشغيله بإستغراب وش اللي ممكن

يوصل لفاتن عنه بجوالها!!!
إلا ويشوف مقطع مخل كان فيه مع كاترين .. وتأكد ان كاترين على معرفه

بفاتن وانها نفذت تهديها وصدَقت بانها تقدر توصل لفاتن وتعرف اخبارها
وكل شي عنها...
بانت الصدمه بوجهه وعرفت فاتن لحظتها انه هذا هو ,قامت من غير

ماتكلم وراحت من قدام عينه ..
ماتجرأ إنه يوقفها او حتى انه يقول مو هو, او حتى يبرر لها الموقف ..

خلاها تروح من قدام عينه وهو منحرج يحط عينه بعينها,منحرج يقول انه
ضعف,وخلى ضعفه يهزمه..كل اللي كان يفكر فيه ..
انه خسر اخر فرصه له مع فاتن وانه مابيقدر يواجهها باللي سواه.
انتهت ذاكرته بوصوله للفندق ..نزل من السياره ولقى كاترين واقفه عند

البوابه وتشرب سيجاره وتناظر له بمكر ...
ناظر لها بحقد وكره كبير وقرب لها وهو يصرخ ..
"والله لأقتلك... والله لأقتلك ياكاترين "
ويوم قرب لها مسكوه حراس الامن وصلوه للشرطه لأنها عطتهم خبر

بالتهديد اللي جالها منه ولأنها تبي شهود على تهديده لها , ولأنها تبي تدمره
مثل مادمر قلبها.
::::::::::::::::::::


بيت اهل فاتن
دخلت فاتن وهي منهاره على امها اللي كانت بالصاله


فاتن:يمه خلاص انا مابيه
امها:بسم الله الرحمن الرحيم وش فيك يابنتي وش اللي صار؟؟!
فاتن:يمه محمد فضايحه صايره بالعلن انا خلاص مابيه يمه مابيه
امها:يابنت اهدي وفهميني وش السالفه ترى مافهمت منك شي
فاتن وبحروف متقطعه من البكى:يمه محمد خاني يايمه
امها:قولي لا اله الا الله ,اكيد في سوء تفاهم او غلط
فاتن:لأ يمه انا شفته بعيني ,انا خلاص ابي الطلاق مابي اعيش معه
امها:استغفر الله العلي العضيم وش هالكلام يايمه ,تعوذي من ابليس وتعالي

خلنا نطلع فوق اللين تهدين
فاتن بصراخ : مابي اهدى ولا ابي محمد ولا ابي بالدنيا هذه أي شي.. ابي

اموت مابي شي خلاص " وطلعت لغرفتها تبكي بقهر..
تبكي بجنون ..وانكسار.. والم "

"وبهالحظه دخل ابوها يسأل وش اللي صار وحكت له امها.."
ابو فاتن:لا حول ولاقوه الا بالله,وش فيه محمد صاحي؟؟
الام:عاد هذا اللي صار وبنتي ما ابيها تعيش مع واحد مايخاف ربه.
الاب:قولي لا اله الا الله انتي بعد ,وشيلي فكرة الطلاق من راسك بلا كلام

فاضي
الام:اجل بنتي تعيش مع واحد قليل حيى ضعيف ايمان!!
الاب:يابنت الحلال خليني اشوف محمد و اتفاهم معه وافهم منه اللي

صار,وبعدها نقر
امها: لا والله ماترجع له بنتي
وبهالوقت وصل بدر من الشرقيه وسمع صوت امه العالي
بدر:السلام عليكم,وش فيكم صوتكم عالي عسى ماشر يمه؟؟
الام:تعال شف زوج اختك اللي مايستحي
الاب:لاحول ولاقوة الا بالله,ياحرمه اسكتي وبلاها هالمشاكل
بدر:يمه فتون فيها شي؟؟
الام: اطلع لها بغرفتها وهي تقول لك
الاب: اسمع يابدر,اذا ماراح تهديها وتحل الامور لا اشوفك تتدخل

بالموضوع فاهم
"طلع بدر مسرع عند فاتن اللي اول ماشافته ركضت عليه وضمته ومن

غير ماتحس..حكت له عن حياتها مع محمد بالكامل, من البدايه الى ماصار
اليوم من احداث,هداها وعدها انه بياخذ حقها ,وراح يعرف يتصرف معه"
:::::::::::::::::::::::


جده
على الفطور


سميره:حبيبي ..
خميس:نعم
سميره:انت عارف انو اختك خلود هنا
خميس:فين هنا!
سميره بمكر:هنا بجده,جت هي وزوجها وامه, واتنينهم رجعوا إلا خلود..

اللي الله يهديها ماجت بالكدب تعزيك باختك.
خميس:هيَّ قليلة حيى من يومها ماتعرف للواجب
سميره:ل حبيبي لاتقول كدا عليها بس اكيد عندها ضروفها,وانا ان شاء الله

ناويه ازور اختك تهاني اليوم واشوفها بالمره.
خميس:خليكِ كدا طيبه زياده عن اللزوم ودايما تدافعي عنهم وتحُبيهم ,مع

انهم دايما بيأذوكِ
سميره بتمثيل ودلع:ايش اسوي ياحبيبي انا كدا ربي خلقني قلبي طيب ,ولا

اقدر اضلم او ازعل احد مني
خميس:ياحبيبتي القلب الطيب ماينفع الايام دي
سميره:كلوا بأجروا ياقلبي,ماقلت لي كيف شغلك
خميس:اللحين حروح وإدعي لي اني اكسب المناقصه دي,واللي حاطني

براسو يكون نساني او راح في داهيه.
سميره:لا حبيبي انت طيب والله بيعطيك على قد نيتك,لاتخاف
خميس:ان شاء الله,يله حياتي مع السلامه
سميره:سلام ياقلبي,وانتبه على نفسك ها
خميس:يصير خير سلام.

:::::::::::::

الرياض
بيت اصاله


دقت اصاله على..
ام سعد: عسى ماشر يام محمد؟
اصاله:تكفه يام سعد ابيك بخدمه
ام سعد:افا عليك اللي تامرين فيه
اصاله:توه ولدي دق ويقول لي انه موقف
ام سعد:لا حول ولاقوه الابالله,عموما لاتقلقين اللحين بدق على سعد واكيد

هو بمعرفته بيطمنا
اصاله:تكفه وانا اختك لاتطولين علي
ام سعد:لاتقلقين يام محمد ان شاء الله مايصير الا الخير
اصاله: اجل انا انتضر مكالمتك
ام سعد:يصير خير اللحين بدق على سعد,واطمنك.

::::::::::::::::::


اما بيت اهل فاتن

بدر اللي ماعرف ينام او يرتاح وزادت ضيقته ضيقه يوم عرف من فاتن
عن حالها انتضر هالصباح يطلع عشان يقابله وياخذ بحق فاتن منه..
ولكن قبل كل شي..
اخذ فاتن تسوي فحوصات وتحصل على تقارير تثبت صحة كلامها وكسب

ورقه بيده, يقدر بسببها يفصل فاتن منه من غير لايرجع لرائيه او ياخذ
رضاه "هذا بدر ذكي ويعرف يتصرف بسرعه "
وبعد هالشي مر على بيت اصاله وقالت له ان محمد موقف,,حس برضى
قليل... ولكن مايطفي غضبه من اللي سواه بفاتن , اللي مايحب احد بالدنيا
قد مايحبها,راح على الدوام ومافيه شي شاغله غير موضوع اخته وبس..
::::::::::::::::::::::


بعد المغرب
جمعة بنات


فوزيه:داليا من جدك ماكلمتي فتون تجي؟؟
داليا: لا ياقلبو فتون بعالم ثاني يعني تقدرون تقولون شهر عسل

جديد,ماهي فاضيه لأحد فينا
اريج:الله يهنيها يارب وعقبالنا
فوزيه ضحكت بشكل غبي:هههههههغ ههههههع
داليا:هه الحمد لله والشكر خير ان شاء الله!!
فوزيه:انا انخبطت خخخ
اماني: من جد !!!
فوزيه: يب
سمر:ياهو مبروك الف مبروك عقبال مانخبط كلنا
داليا:اوخص والله حركات
اريج:الف مبروك.. اجل دام جا دورك معناها ابشروا يابنات قربت
فوزيه:يله عقبالكم يارب,اول شي اماني وبعدها انا والعقبى لكم
اريج:ههه يارب اجب دعائها يارب يارب
اماني:ههههههههههههههههههههههه
فوزيه: ,الا بنات مادريتوا
سمر:دام الخبر منك معناها جديد ولاحد داري به الا انتي
فوزيه:ها بدينا يعني وش تقصدين
اريج:واضحه ,البنت تقصد انك افضل من الجزيره
فوزيه: الكل يتكلم الا انتي يالحظرميه
اريج: الحظرميه تاج راسك ياقلبي
فوزيه بإستهبال: فكوني عليها هذه اوريها من تاج راسي هالخايسه ..فكوني
داليا: ههههههه اقول من دق الباب ,اقعدي مكانك بس
اماني:سمر الا ماقلتي لنا اشتغلتي بعد ماطلعتي من المستشفى؟؟
سمر:لا اصلاً شلت فكرة الشغل من بالي بالمره.
اريج:من جدك!! على الاقل ارحم من قعدة البيت
سمر:صح ان قعدة البيت ممله ,لكن اللي متعود على الدلع ماتوقع يحب

الشغل وجع الراس
اماني: انا معك والله.
فوزيه:ماقلت لكم الخبر
اريج:ههههههه قوليه اطربينا
فوزيه:تعرفون ابو نوره وتهاني
سمر:ايه اللي ابوها كل شوي متزوج ومطلق
فوزيه:تخيلوا تزوج قبل امس وحده عمرها 17 سنه
داليا:اوما عاد
فوزيه:أي وربي ,انا رايحه الزواج وشايفه البنت بعيني
اماني:لاتقولين!!
فوزيه: ياهي جميله جمال تاخذ العقل,والله حرام عليهم يزوجونها هالشايب.
سمر:ياختي ذا العجوز عمره يجي 63 سنه
اريج:يالله بالستين وياخذ ب17 سنه!!
فوزيه:اقولكم وش صدمني
اماني:وش فيه اكثر من كذا الله ياخذس
فوزيه: هههه ياخذني انا ليه ,ياخذ اريج
اريج:ههههههههههههههه حلوه بس لاعاد تعيدينها يالخامه
فوزيه:هههه
اماني: اخلصي علينا انتي وجهس كملي ..
فوزيه:تدرون البنت ياهي طايره من الفرح ,شوي وترقص من الوناسه
اماني:يعني تزوجت هالشايب بموافقتها!!
اريج:اكيد اغرتها الفلوس ولعبوا على عقلها بالذهب والبيت والخدم والحشم
فوزيه:يقولك شرا لها فله 3 ادوار وكتبها بإسمها
داليا:والله الشرهه على اهلها مو البنت
سمر:ليه يادالي كل وحده وتعرف مصلحتها
داليا:لا ياقلبي وحده قبلت بالهشي معناها انسانه ماتفكر صح ولا تقدر تاخذ

قرار سليم ,والشرهه على اهلها هم اللي مفروض شاروا عليها ومنعوا
هالزواج
اريج: صادقه يادالي ..والله مسكينه هالبنت ,الرجال ومعروف عنه انه

مزواج يتزوج فتره ويطلق كيف يرمونها اهلها هالرميه
فوزيه:الله لايبلانا بس
داليا:الله ياخذ ابيلسك يافوز انتي واخبارس اللي ترفع الضغط
فوزيه:ههههههههههه يعني ماتبون تعرفون الجديد!!
اريج:ههههههه شفتي انك الجزيره دوت كوم

وكانت جمعة البنات ماتختلف عن كل جمعه تحمل الوناسه والاخبار
والفرفشه وماكان ينقصهم غير فاتن اللي كانت بحاله مزريه مادقت على
صديقاتها كالعاده ولا كان لها خاطر تتكلم او تناقش هالموضوع ..
كان اكبر من الحروف واغص من أي موضوع وثقله على قلبها خلاها

بحالة حزن وكآبه.
::::::::::::::::::::


اما اصاله اللي ماجا لها نفس تاكل او تشرب ,قتلها الإنتظار ,و كانت تنتظر
مكالمة ام سعد على احر من الجمر..الى ان دقت عليها وردت اصاله بفقدان
اعصاب..

اصاله:هلا يام سعد بشريني
ام سعد:والله كان ودي ابشرك ياوخيتي..بس الموضوع كبير لأنه هدد بالقتل

وبعد فيه شهود على الموضوع
اصاله:اه ياقلبي يعني محمد بينسجن؟ ماهو طالع؟
ام سعد:لا ان شاء الله اهدي يام محمد ,سعد يعرف ناس ارفع رتبه منه

وان شاء الله تنحل المشكله بواسطه
اصاله وقلبها بيوقف:اكيد يام سعد وله اكلم خواله يتصرفون ؟؟
ام سعد:لا افا عليك يام محمد ,خلي الموضوع علي وان شاء الله ان ولدك

طالع طالع,بس انا حبيت احطك بالصوره لأن المسئله ممكن تاخذ ايام
اصاله:طيب والمحامي
ام سعد:مابيك تشيلين هم, ياكثر ماوقفتي معنا يام محمد وجا الوقت اللي

نرد لك وقفتك,كل شي يقدر يسويه سعد ماراح يقصر به ..بس انتي ادعي
له
اصاله:الله يفرج همه يارب ,والله يجزاك الجنه يام سعد
ام سعد:ابد ياوخيتي ذا واجب وان شاء الله نقوم به كامل
اصاله:الله يخليك يام سعد أي جديد بلغيني به الله يجزاك خير
ام سعد:يصير خير ان شاء الله ..يله فمان الله
اصاله:مع السلامه.

"وحاولت اصاله انها تدق على فاتن تبي تفهم وش صار او على الاقل
تعرف سبب جلستها بيت ابوها ولكن جوالها مقفل ويوم دقت على بيتهم
ردت عليها امها وشرحت لها اللي صار ,انحرجت اصاله وماحاوت بعدها
تكلم فاتن اللين يطلع محمد وتفهم منه كل اللي صار..
:::::::::::::::::::


جده
بيت تهاني


سميره:انا قلت دام خلود ماتعرف الأصول انا راح ازورها واسلم عليها
تهاني: ههه الاصول!! ليه ومو من الاصول انك تقولي لها عضم الله اجرك

قبل ماتعلميها الأصول
خلود:تهاني بس الله يخليك بلا مشاكل
سميره:لا عاتي خليها اصلا انتوا كلكم على بعضكم ماتربيتوا
تهاني: انتي في بيتي ومابغى اضطر اطردك ,فلو سمحتي احترمي البيت

اللي انتي فيه.
خلود بترجي :سميره الله يخليك بلاها المشاكل
سميره:انا اسوي مشاكل!!!تؤتؤ انا انحط على الجرح يبرى هههه
تهاني بإستهزاء: ايوا مره واضح
خلود:اف خلاص يا تهاني الله يخليكِ انت كمان لاتكبري الموضوع.
سميره:الا ماقلتي لي ماحملتي ياخلود؟!!
خلود: ا لأ لسه بدري
سميره:ايش هوا اللي بدري!! فاكره انك صغيره ياقلبي!!
تهاني: لا حول ولا قوة الا بالله
ناضرت خلود لأختها بترجي انها تفوت لها وقالت لسميره: ان شاء الله

قريب
سميره:اها طيب وين زوجك ليه خلاكِ وراح؟؟
خلود:عندوا شغل وله كان حيجلس ينتضرني
سميره:ايوا.. ليه انتي ناويه تطولي هنا؟
تهاني: انا حقوم اسوي القهوه ياخلود ..وحابه اقولك شي ياسميره هانم
سميره برود: ايش هوا؟؟
تهاني: اختي وقاعده بيتي مهي على راس احد اوكي
سميره:ههه ليه انا قلت حاجه !!؟
خلود:لا ماقلتي شي ياسميره,انتي اصلا مايطلع منك العيب.
سميره بإستهبال : قولي لاختك انا مادري اشبها معصبه!!
خلود: ماعليه اعذريها واعذرينا كلنا بعد موت انين ..صرنا على اعصابنا
سميره بوقاحه : ليه ياقلبي على اعصابكم؟؟ مات انين وارتاحت
خلود: ايش الكلام دا ياسميره؟؟ الله يهديكِ؟!!
سميره: دي الحقيقه , تلاقيها مرتاحه ومريحه كمانا
سكت خلود لانها مهي حابه تسوي أي مشكله لكن سمعتها تهاني اللي

وصلت معها من وقاحة سميره وقالت: الله ياخدك انتي عشان فعلا تريحي
العالم من شرك وخبثك
سميره: احترمي نفسك ولا تغلطي
تهاني: احترم نفسي يوم اتكلم مع انسانه محترمه,مو مع وحده زيك مريضه

وحقوده
خلود:تهاني هدي الله يخليك
تهاني: وليه احترمها؟ وربي ماتستاهل لا احترام ولا تقدير
سميره:ههههه
تهاني: شفتي وقاحتها
خلود: بس الله يخليك ياسميره
سميره:انا رايحه بيتي لكن اللي قلتيه حتدفعي ثمنوا غالي وحتشوفي ياتهاني
تهاني:ياشيخه انقلعي ولا عاد تجيني مره تانيه ,ولا ابغى اشوفك حتى

بالصدفه
"طلعت سميره وهي تتوعدهم"
خل:اnoSymbl%E15 يك يا تهاني اللحين حتسوي لنا مشكله مع خميس
تهاني: بحريقه عليها هي وخميس ..انتي من ايش تخافي وليه تعملي لهم

حساب اتنينهم مايستاهلوا احترام
خلود:والله عارفه بس انا جايه جده اريح وابعد عن مشاكل جارح ومابغى

سميره تحطني براسها وابدا مشاكل جديده
تهاني :اُخصريكِ منهم انتي عندي وخلي احد منهم يغلط وشوفي ايش

حسوي فيه
خلود:...
تهاني: وربي هي ماهي جايه الا بس عشان تتمشكل معانا ,هي دي سميره

من يومها خبيثه وما لها صاحب
خلود :اه ياربي الاقيها من وين وله من وين
تهاني: خليها على ربك
خلود: هي على ربي "وبعدها تذكرت جارح وكلام نسرين وزادت غصتها

بقلبها"
::::::::::::::::

نروح الرياض
بغرفه كانت مطفيه انوارها وماليتها الظلمه .وصوت نانسي الهادي هو اللي

طاغي على الجو فيها ..

ياكثر ماشلت في قلبي عليك.. .. ياكثر ماقلت ماسامح خطاك
من اشوفك ترجف ضلوعي تبيك واثري هذا كله من حرة هواك
اخلق الاعذار من لمسة ايديك.. والمس جروحي واثاريها دواك
هو ذا ضعفي وضعفي اني ابيك وانت عارف اني ماعشق سواك
ابتليت بحب جعله يبتلي.. .. وي عساك تذوق حراتي معاك ..
اذكر انك ماتنام الا اجيك ..صرت انا اللحين ما اغفى بلاك
مابيك اليوم وباتشر احتريك ..واللي بعده واللي بعده ياملاك
حسبي الله على الهوى وحسبي عليك الله ياخذني وإلا الله خذاك


هنا فاتن مرعليها اليوم..
واللي بعده ..
واللي بعده أثقل من الجبال..
مانبرى جرحها ولا خف وجع قلبها ,,كل ماتذكرت المقطع ندمت انها

ارتبطت بمحمد وندمت اكثر انها تعرفت على اصاله ,وندمت اكثر انها
سمحت لقلبها يحبه..
وبهذا الوقت..
دخلت سمر وداليا غرفة فاتن لمحاولة التخفيف عنها بعد ماعلمتهم اختها

عائشه باللي صار ..

سمر:مرحبا
داليا: يالطيف على الاقل افتحي الستاره
سمر: عربجيه وتبي تعيش جو هادي طبيعي ماتعرف ههه
داليا: ههه .. كيف الحلو اليوم
سمر: إلا قولي كيف القاطعه اليوم؟
فاتن بضيق تناظرهم وتظبط قعدتها من على الفراش :..
سمر:وش هالسواد اللي تحت عينك؟؟ وش فيك فتون؟؟
داليا بمرح:شكل البنت تستخدم ممنوعات اقول يله سمر نطلع من بيتهم لا

نروح فيها
"ابتسمت لهم فاتن من غير نفس"
داليا:وشفيك ياعمري للحين الموضوع على ماهو؟
فاتن:اليوم راح يطلع من التوقيف
سمر: طيب حلو
فاتن: انا مابي شي غير انه يطلقني وبس,خلاص ماعاد يهمني.
سمر:يعني تبين تطلقين من جدك !!؟؟
داليا:وش تطلق انتي الثانيه, فتون اللحين انتي مجروحه ويوم تهدين قري

ساعتها
فاتن وبنفس مكسوره :لأ ياداليا انا بعد اللي شفته ماراح ارجع لمحمد ابداً
سمر:مو انتي تحبينه ياقلبي؟؟
فاتن: وش يعني الحب من غير اخلاص ياسمر؟
داليا:حبي فتون اللي سواه غلط ولا احد فينا يرضاه لكن بنفس الوقت انتي

ماسمعتي تبريره ولا موقفه
فاتن وبحزن:وش راح يكون تبريره غير كلام تافه مايرضيني,كل شي له

حل وكل شي له مبرر إلا الخيانه يادالي.
داليا: ياحبيبتي اسمعي منه بالاول
فاتن: يادالي حسي فيني ,حاولي تحطين نفسك مكاني
داليا: ....
سمر:صراحه ياداليا وانتي تعرفين انا ماقول غير الحق ,فتون معها

حق,وشلون تسامح للخاين
دل:تؤ ياسمر انتي بعد
فاتن: ماقالت شي غلط
سمر بإنفعال وعصبيه :شوفي انا صراحه مقهوره منه , لو كان يحبها جد

ماكان خانها ,ولاكان شاف احد بالدنيا غيرها,فاتن تستاهل سيد سيده مو هذا
الخاين الكذاب
حاولت تمسك دموعها فاتن وهزت راسها تأيد لكلام سمر
سمر:هذا وهم بداية زواجهم وشلون اجل بعد سنه او سنتين.
داليا وبإنفعال: سمر كفايه حنا جايات نخف عنها او نزعجها بمثل هالكلام
سمر: حنا واجبنا نساعدها بالقرار ياداليا,مو نزيد حيرتها ونتعبها ,او اننا

نكذب عليها.
فاتن:خليها يادالي تراها ماقالت شي غلط,هي قالت اللي كنت افكر فيه
داليا: فتون انا مابيك تستعجلين بأخذ القرار ,ولا ابيك تاخذين هالقرار الا

بعد مايخف الوجع عشان تقدرين تفكرين وتختارين الصح لحياتك
فاتن بصراخ: عمره ماراح يخف الوجع .. والله عمره ماراح يخف
"سكت داليا وناظرتها بحزن"
كملت فاتن والدموع اللي تحاول تخفيها لقت لها سبيل: عمري ماراح انسى

اللي سواه فيني..وش الفايده من الوقت وش الفايده للتفكير,خلاص محمد
طاح من عيني ولاعاد ابيه بحياتي
"ناضرت دالي لسمر وهزت راسها .. حاسات بفاتن تتألم ولأول مره

بحياتها تصيح وقدامهم ,عمرها ماكانت ضعيفه وعمرها ماكانت حساسه
لهالدرجه وهذا ان دل على شي فهو يدل على الحب الكبير اللي تحمله بقلبها
لمحمد"
:::::::::::::::::::::::

جده

خلود على ماهي ماتفكر غير باللي شاغل فكرها ليل نهار..
فدقت عليه..


خلود: جارح كيفك؟؟
جارح:الحمد لله
خلود:كيف اكلك ,تاكل كويس
جارح:ايه الحمد لله
خلود:طيب ماتبغاني ارجع
جارح:ها..تبين تجين؟؟
خلود:ايوا كفايه الايام اللي راحت ,انا حاسه بالذنب لأنو مافي احد يطبخ لك

او ينظف لك
جارح:لا ان كان على كذا مايهم انا اعرف ادبر نفسي زين.
خلود:...
جارح:خلك قاعده مع اختك الفتره اللي تبينها اسبوع اسبوعين شهر,ماعندي

مانع
خلود:شهر!!
جارح:اي ماعندي مانع واذا على الفلوس اليوم بروح ارسل على حساب

زوج اختك ,لين تجين وافتح لك حساب خاص فيك
خلود:....
جارح:وش فيك؟؟
خلود وتحس بنار بقلبها: ولاحاجه ,ماقلت لي كيف ضهرك؟؟
جارح:ظهري يوجعني مثل ماهو
خلود: طيب انت فينك دحين؟؟
جارح بملل: انا بالشغل .. بهذا الوقت دائم وين اكون يعني!!
خلود:يعني ماتروح البيت الا في الليل ؟؟
جارح:ياخلود تبين شي,ترى وراي شغل مو فاضي
خلود:ا
جارح:ها وش عندك؟؟
خلود ودمعتها واقفه بعينها: جارح انا مره احبك ,ومابغاك تجرحني بأي

حاجه تسويها بغيابي طيب
جارح:هههههههههههههههه استغفر الله,جد انتم يالحريم ناقصات عقل ودين

,سلام
قفلت خلود ونزلت الدموع اللي بعينها والالم يكبر بقلبها ودقت على
نسرين تبي ترتاح..

نسرين:لك يا اهلا وسهلا ,كيفك حياتي؟
خلود وتحاول تتمالك شهقاتها: نسرين
نسرين:البي شو بيكي؟؟
خلود:جارح فين؟؟
نسرين:مابعرف لحزه راح شوف ازا سيارتوا تحت العماري
خلود: اوكي
نسرين وهي عند الشباك :تؤ تؤ غريبي اليوم ماطلع من البيت!!
خلود:يعني من امس وهوا بالبيت؟؟
نسرين:اي
خلود:نسرين ممكن اطلبك طلب
نسرين:شو يا البي اطلبي اللي بدك ياه
خلود:ابغاك ترسلي احد من عيالك يروح لوا ويطلب أي حاجه ويحاول

يشوف ممكن ماعندوا احد واحنا بنظلموا
نسرين: امم اوكي ,راح ارسل لؤي لأنو كبير شوي وممكن يعرف اكتر
خلود: وربي ماعرف كيف ارد لك جميلك
نسرين: انتي اختي ياخلود ماتئولي هيك ,,هلا راح ارسلوا وبطمنك
خلود: وانا حستناك
نسرين: اوكي
::::::::::::::


بيت اصاله
اصاله بفرح:تو مانور البيت ياقلبي
محمد بتعب:الله يحفضك لي يالغاليه
اصاله:وشلونك ياقلبي ,كنت تاكل زين كانوا مهتمين فيك وله سعد بس كان

يبي يطمني؟
محمد:لا تخافين يالغاليه,انا مثل الحصان بس اللي ابيه دش ونومه مريحه
اصاله:اجل إدخل وانا امك خذ لك دش اكون حضرت لك الاكل
محمد:لا يمه مالي نفس ,ماودي اكل شي انا تعبان وابي انام هذا اللي ابيه
اصاله:خلاص راحتك رح يمه
"دخل محمد غرفة فاتن بضيق شم ريحة عطرها وقرب لصورتها وحس

ان قلبه يوجعه عليها ,وان شوقه لها يعذبه,,
دق على جوالها كثير ولا ردت عليه ,ويوم عجز .. ارسل لها اول رساله


(حبي تكفه خليني بس اوضح لك ..ردي علي)
وطبعا ماردت فاتن ودخل ياخذ له دش,وبعد ماطلع كان متأمل يشوف ردها
عليه او اتصالها ,لكن مالقى شي..فارسل لها
2(فتون اللي صار من لحضة شيطان ,والله اني ندمان فوق ماتخيلين لكن
ردي علي بوضح لك)
ولا ردت وارسلها

3(ادري اللي سويته مو قليل ولا اطلبك تسامحيني لكن على الاقل عطيني
فرصه اوضح لك اللي صار)
و
4(حبي والله مشتاق لك ردي)
و
5(فتون بس اسمعيني لاتكلمين,بس ارفعي السماعه)
و
6(حرام عليك والله اني تعبان ,لاتعبيني اكثر)

و
7(على الاقل خليني اوضح لك)
8(يافاتن ردي)

لقى محمد ان مافيه امل ترد عليه غمض عيونه بينام الا يسمع جواله يدق
فتح عينه وطار النوم والتعب , ويوم شاف ان المتصل بدر ضاع حماسه
ورد بتردد وكسل:هلا
بدر:سلام
محمد:وعليكم السلام هلا والله
بدر ومن غير نفس او مقدمات: ابي اقابلك
محمد:ايه اكيد انا كنت ناوي ازورك والوالد بكره,لكن اذا تحب تجيني حياك

الله
بدر:لأ نبي نتقابل بمكان عام
محمد:مافيه مشكله,وين تحب؟
بدر:اشوفك بالمقهى الساعه 8 واليوم
محمد بتعب:خلاص مثل ماتحب
بدر:سلام
محمد:وعليك السلام

::::::::::::


بيت اهل فاتن
ابو فاتن:وين فاتن هي للحين ماتطلع من غرفتها!!؟
امها:تعبت معها ولافيه فايده
ابو فاتن: طيب تِحمْدت لرجلها بالسلامه او لأ
امها:اكيد مادقت عليه
ابو فاتن:وليه ان شاء الله مادقت
امها:يابو بدر انت من جدك ,بعد كل اللي سواه تبيها تدق عليه!!!
ابو فاتن: استغفر الله على عقولكم
امها: انا مادري ليه انت رافض تشوف المقطع لو انك شايفه ماكان لمت

بنتي
ابو فاتن:اسمعي .. محمد غلط وغلطته كبيره ادري,لكن انا للحين ماقعدت

مع الرجال ولا تفاهمت معه , هي كم يوم يرتاح فيها وبعد كذا بقابله..
قلبت وجهها ام فاتن وقالت: ياقوة قلبك على بنتك
ابو فاتن: انا بنتي غاليه على قلبي وتهمني سعادتها اكثر من أي شي ,لكن

بنفس الوقت مابي لا اضلم الرجال ولا اتسرع واخلي بنتي تحمل اسم
المطلقه
امها:شف تتفاهم او ماتفاهم ,انا مابي بنتي ترجع لواحد الله واعلم ان به

مرض وله لأ
ابو فاتن:ولا انا راح ارضى بهذا الشي,,لكن بعد ماقعد مع الرجال واسمع

منه اللي صار اقر هالشي
امها بعصبيه:ياقلوبكم يالرجال ماتحسون باللي نحسه ,بالله هذا كلام !!!
واحد مثل محمد مفروض ماتخلي البنت على ذمته يوم واحد , مو تنتضر

يقابلك ويشرح لك وتشرح له
ابو فاتن:حنا يالرجال لو نفكر مثلكم ماكان خليناكم على ذمتنا اكثر من

شهر"ورفع صوت التلفزيون واندمج بالأخبار ,وقامت وهي معصبه تحضر
القهوه وتحط حرتها بالمواعين"
اما فاتن...
كانت كل رساله تجي لها تكسر قلبها اكثر...
اشتاقت له واشتاقت لصوته واشتاقت لحياتها معه, وكل ماخذت جوالها تبي

ترد عليه تتذكر ..
خيانته لها ,صراع بين قلبها وعقلها صراع بين الحب والخيانه..هذه هي

حال فاتن
::::::::::::::

دقت نسرين على خلود

خلود وهي على اعصابها:ها نسرين طمنيني
نسرين:ليكي انا ماراح ادّخل بهيدا الموضوع ,صراحه مافي شي متأكدي

منوا وياخوفي كون السبب بمشاكل بينك وبين جوزك.
خلود وتحس بقلبها يضرب: حرام عليكِ يانسرين إن انتي ماوقفتي جنبي

مين حيوقف؟؟
نسرين: ليكي مافي أي شي اكيدي منوا ,ومابنئدر نعتمد ع حكي الصغار
خلود:انتي قولي لي ايش شاف وخلي الحكم علي انا
نسرين: متل مابدك,اول شي راح لؤي يخبط كتير ولا رد عليه ,وبعد شي

ساعي طلع من البيت ولما شاف لؤي عم يلعب بالسيب دخل مري تاني
خلود:وبعدين
نسرين:راح لؤي يخبط عليه مره تاني,وفتح لإلو جارح
خلود:اها
نسرين:طلب لؤي منوا سكر ,فدخل جارح يعطيه ودخل لؤي للمجلس وكان

مئفول وكأنوا في حدا جوا
خلود:يعني كان عندوا احد
نسرين:ممكن ,لأنوا معبال ايجا لؤي عندي كان هو طلع وراح مالقيت

السياري تبعوا
مسكت راسها خلود:..
نسرين:ليكي ,مافي أي شي يدل انوا عم يخونك وانا غلطاني من البداي

اني خبرتك بهيديك الاشياء
خلود:...
نسرين:بليز ماتزعلي خلودي
خلود وبضيق: طيب اذا مايبغاني ويحب غيري ليه تزوجني !!!
نسرين:...
خلود:داموا ماحيِخلص لي... ليه اتزوجني!!
نسرين:لهلا مانئدر نئول انوا خانك
خلود:اجل ايش تسمي كل دا,جارح انا ماشفت اكسل منوا عمروا ماهتم

ينضف من وراه ,عمروا ماولع الفحم وبخر نفسوا, عمروا ماخلى المجلس
مقفول,وكل دا بيكدب علي ويقول انوا في شغلوا ,اذا كان مايخفي حاجه ليه

يكدب!!!
نسرين: عن جد مابعرف شو بدي الك؟؟
خلود:لاتقولي حاجه انا كدا من يومي حضي اسود,وعمر السعاده مامرت

علي
نسرين: يالبي مابدي تؤلي هيك
خلود بغصه:اوكي نسرين اكلمك بعدين
نسرين: اوكي حياتي متل مابدك,باي

:::::::::::::

بيت خميس

دخلت سميره تشوف خميس اللي كان متضايق له ايام
سميره: حبيبي ليه ماتطلع تجلس معانا انا والبزوره,وربي اشتقنى لك
خميس:اه ياسميره خليني الله يخليك تراني طفشان
سميره:ليه ياحبيبي ايش مضايقك ,قول لي
خميس: مو كفايه خسرت المناقصه قبل امس ,كمان مشاكل في الشغل على

غير العاده كل شي متلخبط بسبب واحد مادري ايش اللي يبغاه مني حسبي
الله عليه.
سميره:لحين ماعرفت مين هوا ؟؟
خميس:عرفت رقموا واسموا لكن ماقدرت اقابلوا ولا حتى اكلموا
سميره:طيب ليه ماتروح مكان شغلوا
خميس:هوا مو هنا انا كلمت اللي بيدخل للمناقصت معانا ولقيتوا مالوا دخل

باي شي هوا مجرد انه بيتلقى اوامر وينفذها
سميره:طيب ممكن انوا فيه شي قديم بينك وبين احد اتذكر
خميس:انتي مانتي فاهمه ,هذا التاجر معروف ومجال شغلوا يختلف تماما

عني ,ومع ذلك يحاول انوا يضيق علي ويدمرني
سميره:حسبي الله عليه,من جد عالم ماتخاف ربها
خميس:استغفر الله
سميره:طيب كلم احد من الكبار اللي تعرفهم اكيد حيساعدوك
خميس:ماحد منهم حب يتدخل يوم عرفوا اسموا
سميره:طيب هوا على ايش ناوي
خميس:انا لو عرفت على ايش ناوي حرتاح شويا
سميره:اف..طيب اهدى حبيبي وان شاء الله حتلاقي مخرج لهالمشكله
خميس:ان شاء الله
سميره:بإذن الله ,يله حبيبي ماتبغى تجلس معانا
خميس:لا انا مالي مزاج لحاجه.
سميره:طيب براحتك حبيبي.


::::::::::::::


المقهى
بالمقهى الخارجي كان محمد ينتضر لبدر اللي تأخر نص ساعه,واول
ماشافه قام مد يده يسلم عليه ولكن بدر جلس ولا مد يده لمحمد
محمد:ترى السلام لله
بدر بحزم:وانا ماجيت اسلم او ابي السلام منك
محمد وعرف ان بدر مو ناوي على خير :لاحول ولا قوه الا بالله
بدر:شف يامحمد انا بعد اللي قالت عليه فاتن وشفته وتأكدت منه ,جاي وابي

اعرف شي واحد
محمد ويظبط قعدته: اللي هو؟؟
بدر: ليه خنتها وليه ماخذت اللي تبيه بالحلال من زوجتك؟
محمد:اول شي يابدر,, ابيك تفهم مقدار حبي لفاتن وتقديري لها وانها اكثر

شي ممكن يسعدني بالكون
بدر:انت قلتها .."يسعدك" انت .. لكن وش اللي يسعد فاتن؟!!
محمد:صدقني حبي لفاتن ماخلاني اضغط عليها او اطالبها غصب عنها

بحقوقي
بدر من غير تصديق:ههههههههههههههههههه يعني هذا جوابك !!!فاتن

مارضت,يارجل قول شي مقنع
محمد بعصبيه:اجل انت وش تتوقع ان فيه شي غير كذا
بدر:اتوقع لأ ,انا من جوابك الآن صرت متأكد انك انسان مريض وساقط
محمد وهو يتمالك اعصابه:بدر احترم نفسك والزم حدودك ماودي اغلط

بحقك عشان فاتن
بدر: شف يامحمد انت قدامك فرصه انك تنسحب وتطلق فاتن بهدوء ومن

غير أي مشاكل
محمد:وانا ماراح اطلقها يابدر انسى.
بدر:الموضوع ماصار بايدك ,الاوراق والتحاليل اللي سوتها فاتن

بالمستشفى , والفديو اللي وصلها لجوالها ..مستعد اقدمه بعد كدليل اقوى
لمحكمه ان ماطلقتها بسهوله ,وان كان ماتهتم لا بنفسك ولابسمعتك,خل
حساب لأمك هالمسكينه وفضيحتها لو قدمت هالفديو او حتى درى به الناس
محمد وهو متضايق:يامحمد انت مانت فاهم الموضوع ,صدقني انا مافيني

من هالصفات اللي بالك المسأله ومافيها ان..
قام بدرقبل لايكمل محمد وقال قبل لايروح:يومين اذا ماطلقتها انت..
المحكمه راح تطلقها منك ولكن بفضيحه لك ولعائلتك ماراح تقدر تغطيها.
ولا تنسى انا لي علاقاتي الممتازه مع الصحف وممكن ادمرك دام الادله

بيدي.
:::::::::::::::::::::


الساعه 2 الليل

احساس فاتن يتمثل بأغنية نوال ..
نامت عيون الناس الا عيوني ..الناس حبوا وله انا بس حبيت
مرات اقول وشلون عايش بدوني ..ومرات اقول اني بشوقي تماديت

فاتن جفاها النوم مثل ماجفى محمد ,كانت ناويه تمسح الرسائل الجديده اللي
جت منه ولا تفتحها ,لكن قلبها منعها وشوقها وفضولها خلوها تفتحها و
تقراها..

1(ياحبي ردي علي الموضوع مهم وكبير ارجوك ردي)
2(يافاتن قابلني اخوك ويبيني اطلقك فتون ردي انتي الوحيده اللي تقدرين
تمنعينه)
3(تراك انت السبب بكل شي صار انتي اللي منعتيني اخذ حقي انتي اللي
خليتيني اضعف قدام غيرك,تحملي شوي من المسئوليه وردي علي )
ماقدرت تتمالك نفسها وبكت بصوت عالي ..
خايفه ..متردده ... ولا هي قادره تفكر بعقل

::::::::::::


اما باليوم الثاني
ابو فاتن:اقول بدر وش رائيك تكلم محمد وتشوف لنا يوم نتفاهم معه
بدر:وشو!! وعلى ايش بنتفاهم؟
ابو فاتن:على موضوع اختك طبعا,ولا انت عاجبك وضعها
بدر:لأطبعا مو عاجبني وعشان كذا ,انا بحل الموضوع بطريقتي
ابو فاتن: لا الله يجزاك خير انت لاتدخل بالموضوع,ولا تخرب الدنيا
بدر:انا تفاهمت مع محمد امس
ابو فاتن:وليه ماقلت لي
بدر:ماشفت ان له داعي ان توجع راسك بهالموضوع
ابو فاتن:وش سويت ان شاء الله؟
بدر:ابد رحت وقلت له يطلقها
ابو فاتن:انت انجنيت وله انهبلت ؟؟تبي لأختك الطلاق!!
بدر: اكيد بعد اللي سواه مستحيل أختي ترجع له
ابو فاتن: بدر اعقل وصر رجال ,لاتاخذك العواطف وتفكر مثل الحريم
بدر:يايبه لو سمحت لاتكلم معي بهالطريقه
ابو فاتن:وشلون تبيني اتكلم معك وانت مثل عادتك احمق ومتسرع ها
بدر:يبه انت ماقالو لك عنه
ابو فاتن:وش يقولون لي
بدر: الفضيحه اللي سواها انا شفتها بعيني وهو مانكرها امس ,وازيدك من

الشعر بيت شفت الشهور اللي فاتن كانت معه؟؟؟ ومع ذلك مامسها ولا جا
جنبها
ابو فاتن:وشو؟؟
بدر:ايه اصلا مو رجال هاللي تبينا نرجع له اياها,عايش برا وجا بفسقه

لديرتنا
ابو فاتن:استغفر الله العلي العضيم ,لكن فاتن ماقالت لي شي
بدر:ولا كانت بتقول لي ,إلا لانها كانت منهاره ذاك اليوم وله لو انها بهدوئها

ماكان دريت بشي,ولا كانت بتقول لي انه مو برجال.
ابو فاتن:لاحول ولا قوة الا بالله انت متأكد يابدر
بدر:اكيد متاكد ,فتون تستاهل رجال يصونها ,واكيد انها مثل أي حرمه تبي

عيال وعائله كامله ,وش تبي بهالتعبان
ابو فاتن:يعني مافي مجال للصلح
بدر:اكي لا ولازم يطلقها غصب عنه ومو برضاه
ابو فاتن:لاحول ولا قوه الا بالله
بدر: قلت لك لاتوجع راسك ,انا بتصرف بهالموضوع "وقام وهو متضايق

لشغله"
::::::::::::

بيت اصاله
دخلت اصاله تصحي محمد ,اللي كان يقول وهو نايم "ماراح اطلق لا ماراح
اطلق"
اصاله:محمد ياولدي بسم الله عليك,محمد
قام محمد مفجوع:اعوذ بالله من الشيطان الرجيم
اصاله:قل لا اله الا الله تراه حلم ,قم ياقلب امك توض وصل
محمد:كم الساعه اللحين
اصاله:الساعه 12 ونص,ماقومتك لدوامك قلت اكيد انك تعبان
محمد:يمه كلمتي فاتن
اصاله:ياعمري من غير ماتقول دقيت عليها امس, ولكن عنادها معروف
محمد:يمه لازم تقنعينها لازم
اصاله:مو اللي سويته انت مو قليل وكل شوي تسوي غلط اكبر من اللي

قبله الله يصلحك.
محمد:يمه الله يخليك مابي اسمع هالكلام,انا ابيك تغيرين رائي فاتن وبعدين

كل شي بينحل
اصاله:يصير خير بكلمها مره ثانيه ,قم اللحين صل وتعوذ من ابليس
قام محمد بكسل وبثقل صلى ودعى انها ترجع له ويقدر يصيطر على

الأمور اللي ضاعت من بين يدينه.
::::::::::::::


_ وش راح يصير بين فاتن ومحمد
_ وش رائيكم بتصرف بدر؟؟
_ قولكم هذا اخر شي ممكن تسويه كاترين؟؟
_ شخصيه انا عن نفسي اشتقت لها ..وراح تتنورا بالبارت الجاي..


دمتم كما تحبون
فتومه

 
قديم 05-24-2011, 11:09 PM   #5

فتـــو


رد: ضمني وخبني بين اضلعك,, بقلمي


ضمني وخبني بين اضلعك,, بقلمي

ثلوج دافئه..ياقلبي انتي النور كله ..يسلم قلبك
اخت اخويه..منوره قلبي وبإنتظار توقعاتك
ان شاء الله بكره بارت من اقوى البارتات..
كونوا بالقرب
فتو

 

أدوات الموضوع



الساعة الآن توقيت السعودية الرياض و الدمام و القصيم و جدة 08:16 AM.

 

Powered by vBulletin® Copyright ©2000 - 2017,
vBulletin Optimisation provided by vB Optimise (Pro) - vBulletin Mods & Addons Copyright © 2017 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0